اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 28-10-2012, 11:57 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


.
.
وفي يوم كان عبد العزيز يشاهد برنامجه المفضل ((أوبرا وينفري ))فنادى على منيرة التي أتت تركض لترى ؟
.
.
عبد العزيز : شوفي هالحالة متأخرة جداً من المرض الي قال عنه الدكتور ..
.
.
منيرة : أي مرض ..اها بسم الله على بنتي ..لا إن شاء الله
.
.
عبد العزيز : شوفي الترجمة يقول لك امراه تعرضت فى سن صغيره لاعتداءات واغتصاب من زوج والدتها فاصيبت بمرض متلازمه الشخصيه الانفصاميه!!
فاصبحت عشرين شخصيه مركبه تخيل وانت تعيش لك 20 شخصيه والاغرب انها لم تعد تميز من هى الشخصيه الحقيقيه والاصليه فيها ولا من حولها وهى تعلم بحالتها وتعلم انها 20 شخصيه...!
.
.
منيرة : لا لا موب مثل لين ..لين ماتدري عن نفسها تقول متعب وسواليف بس ماتدري!!

عبد العزيز : شوفي هذا الي قاعد تراه زوجها وهالبنت بنتها (إيمي ) والدكتور قال لبنتها عن حقيقة مرض الأم من يوم كان عمرها ثمان سنين
.
.
منيرة : ياقو قلوبهم هالامريكان يعلم بزر ؟وهالحين كم عمر البنية ؟
.
.
عبد العزيز : أربعطعش ..ويقول الدكتور البنت صارت تعرف متى تتحول إمها وتعرف كيف تتعامل مع كل الشخصيات العشرين وعندها طريقة في التعامل لكل واحد!!
.
منيرة : لا حول ولا قوة إلا بالله مسكينه هالبنت ..

عبد العزيز : شوفي شوفي هالجلسة الدكتور قدام الكاميرا يخرج كل شخصيات الام ويستعرضها ويتحدث معها وبنتها إيمي بجنبها مره تضحك ومره تبكى تتعاطف مع أمها
.
.
تصدقين أمها ماتعرف من هى فى الشخصيات بالضبط؟؟
.
.
منيرة : أقرا الي الترجمة ترى ما أشوف
.
.
عبد العزيز : تقول من بين هالشخصيات شخصية رجل إسمه كيم !!!.
.
منيرة : يعني تقصد ..متعب ..!!
.
.
عبد العزيز : فال الله ولا فالك ..! شوفي شلون رفعت شعرها على فوق وخشنت صوتها تقول بغتصب كل الحريم لازالت متأثرة من إغتصابها وهي صغيرة..!

هالحين الدكتور رجعها لشخصية الأم شخصيتها الحقيقية تقول للبنتها : أفتقدك كثيراً كنها ماشافتها من زمان ..
والدكتور يقول شخصية الأم الحقيقية لا تظهر كثيراً من يوم صار عمر إيمي عشر سنوات
ناظري منيرة وش تقول لبنتها تقول إنها بتروح هالحين تقول لها: برغم انى سارحل ولكننا(تقصد الشخصيات العشرين) لم نؤذيك ابدا وصممت على هذا المعنى وقالت للبنت كلنا بنحبك وبكت لان الشخصيه سترحل وانها لن ترى ابنتها مره اخرى لفتره طويله..

منيرة تبكي بحرقة : ياقليبي على إيمي وميمتها ...شف قلب الأم .. ..!
.
.
فقالت أوبر وعيناها تدمع والمقاطع على الحضور يبكون: هذا الاداء الحقيقي اشعرنى ان غريزه الامومه اقوى من اى مرض نفسى او عقلى وانه شىء فطرى يجبر العقل على التصرف بشكل معين

منيرة : وهالي تتكلم الحين من هي ؟
.
.
عبد العزيز : هذي دكتورة نفسية تقول : انك حين تفعل شىء وانت تفكر فى اخر وينتهى الشىء الاول ولا تعرف كيف انهيته او فى ماذا كنت تفكر هذا هو الحد الادنى من انفصام الشخصيه وما يحدث لهذه الام المسكينه هو الحد الاقصى
.
.
منيرة : مسيكينة ..الله يشفيها ..

عبد العزيز : شوفي وش تقول أوبرا نهايه الحلقه تحكي عن حاله ثانية لنفس المعرض وحده عاشت وماتت وكانت تنقسم الى 92 شخصيه!!

منيرة :سبحان الله كيف يعيشون هالناس وش يحبون وش يكرهون وتعيش في نفس البيت وهي عشرين شخصية وعندها زوج وبنت شكلهم جن عايشين فيها تصدق ؟
.
.
عبد العزيز : أحمدي ربك ..هذا مرض ..الله يكفينا شره
.
.
منيرة : الله يستر على لين ياعبد العزيز ..
.
.

شغل هذا المرض تفكير منيرة ..حتى زارتهم _حصة _ شقيقتها ..
.
.
وبعد السؤال عن أحوالهم ..
.
.
حصة : وش أخبار مواعيدك ..
.
.
منيرة : عندي موعد بعد ستة أشهر إن شاء الله ..
.
.
حصة : لا تخافين ولا شي إن شاء الله ربي يسمعنا خير ..
.
.
منيرة : خايفه ياحصة ..
.
.
حصة : قلت لك توكلي على الله مافيك إلا العافية
.
.
منيرة : خايفه مو علي يختي ..على لين
.
.
حصة : لين ؟؟ ليش وش فيها لين ؟
.
.
منيرة : لين ياحصة ..ماهيب لين إلي تعرفونها يقولون فيها مرض نفسي
.
.
حصة : لا تسمعين كلام الدكاتره كله كذب في كذب وخراط فاضي ..
.
.
منيرة : وعطيناها دواء وكانت بتموت
.
.
حصة : ليش تعطونها الله يهديكم بس؟
.
.
منيرة : نبيها تطيب ..
.
.
حصة : البنت مافيها إلا العافية خلكم من خرابيط الدكاترة وتهاويلهم مالقوا لهم شغلة قالوا خل نلعب على الناس ونسرق فلوسهم ..طيب دام إنه قال تحتاج جلسات أول ليش ما حدد لها مواعيد للجلسات وبعدين آخر علاج الكي ولا يعطيها الكي والحبوب من أول مره كلب هذا موب دكتور ..!
.
.
منيرة وهي تبكي : والله إني خايفه على لين ياحصة حتى مرضي نسيته ليتني أموت أنا بس لين لأ يارب تعافيها ..
.
.
وهن يتحدثن نزلت لين للأسفل وهي تنظر في خالتها حصة بإستغراب ..
.
.
منيرة : تعالي لين ..حبيبتي سلمي على خالتك حصة ..
.
.
لم تأتي لين بل دخلت المطبخ وشربت ماء ومن ثم صعدت وهي تنظر إليهم من بعيد ..!
.
.
حصة : بسم الله عليها ..لا يكون فيها عين ولا حسد ..ليش ماتقرون عليها يختي القرآن فيه شفاء للناس وهذا كلام الله وحتى إنتِ بعد أقري على نفسك ليش مهملين أنفسكم وبعيدين عن ذكر الله ..
.
.
منيرة : أنا دايم أشغل إذاعة القرآن الكريم ..
.
.
حصة : طيب زين بس مو كافي إنتِ تقرين سورة البقرة ؟
.
.
منيرة : والله ياحصة مثل ماتعودنا أيام أبوي الله يرحمه نقراها في رمضان مع الختمة ..
.
.
حصة : الله من رمضان لرمضان تقرين سورة البقرة ؟ ومن قال لك في أيام أبوي نقراها من رمضان لرمضان ماتذكرين أمي الله يرحمها حافظة سورة البقرة وآل عمران وهي ماتقرا ولا تكتب؟
.
.
وبعد حوار طويـل عن الذكريات ..أشارت وألحت حصة على منيرة أن يطرقوا باب القرآن فكثير من تداوو وتعافوا وتشافوا بالقرآن ..
.
.
لماذا لم تخطر هذه الفكرة على منيرة ...؟
.
.
قدرات الله لن تنتهى ولن نحصيها ما حيينا وقدرات النفس البشريه غامضه ومهوله وترين كم من الاشياء ممكنه الحدوث فى الداخلنا وان هذه النفس البشريه لن نكتشفها ولن نسخرها قدر ما تستطيع ان تفعله من يقدر ويستطيع هو خالقها الله فقط..
((فَضْلُ القرآن على سائر الكلام كفضل الله على خلقه))
.
.
صلى الله على محمد صلى الله عليه وسلم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 28-10-2012, 11:58 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


.
.
.
بعد حديث منيرة مع حصة شعرت منيرة بإنها كانت تنام في غفلة من عمرها فكيف لم تفكر في العلاج بالقرآن ؟؟
.
.
أخبرت عبد العزيز ..فرحب بالفكرة وأثنى على حصة وفكرها ووقفتها معهم ..
.
.
وأخذ يسأل عن أفضل المشايخ وجمع أرقامهم ..
.
.
وبعد عناء وسؤال ..
.
.
لم توافق لين على الذهاب حتى أضطرت والدها أن ينادي أخوانه كي يأخذونها إلى الشيخ ..
.
.
وهم في السيارة عندما يقتربون من مكان الشيخ يزيد بكائها ..ولا تدخل المسجد بالرغم من إن هناك ثلاثة رجال والدها وأعمامها يدفعونها ..
.
.
خرج الشيخ المعالج وقال لهم بإن لا فائدة من دفعها فهذا سيؤذيها ..وقد يقتلونها وهم لا يعلمون ..!!
.
.
رجع والدها وهو يحملها بين يديه ووضعها على سريرها ..
.
.
منيرة : هاه قريتوا عليها ...
.
.
عبد العزيز: لنا شهر نحاول ندخلها مانقدر ..نروح ونلاقي ناس كثير الي يبكي والي يزاعق تقوم تخاف ولا تدخل ..!
.

.
.
منيرة : والحل والسـواة ..؟
.
.
عبد العزيز : السواة سوات الله
.
.
منيرة : والنعم بالله بس الله قال خذو بالاسباب ..
.
.
عبد العزيز : وش أسوي ..يالله علميني ..يدي على يدك ..
.
.
منيرة : يعني خلاص نخلي البنت تضيع ..!
.
.
ذهبت منيرة تبكي ..فأتصلت عليها حصة وسألتها ..
.
.
منيرة : والله مآقدرنا أبوها وعمامها شالوها ماقدرو ..
.
.
حصة : طيب أسمعي سعد يعرف شيخ ماشاء الله عليه الكل يمدحه ويقول سعد هالشيخ بيجي لين بيتكم ..
.
.
منيرة : الله يجزاه خير ..الله يعافيه ..
.
.
حصة : طيب شاوري أبو صالح وعلميني ...
.
.
منيرة : من غير ما أعلمه ..الله يعافيك ياحصة قولي له يجي يمكن العافية ربي يحطها على يده ..
.
.
حصة : أجل اليوم بعد صلاة العصر بيجون ..لإن الشيخ هذا بيسافر المدينة ..
.
.
منيرة : طيب خلاص ..
.
.
وبالفعل ...وصل الشيخ بعد صلاة العصـر وصعد لغرفة لين مع والدها وعمها ..أما سعد فجلس مع خالته وأخذ يسأل عنهم ..
.
.
منيرة : ماشاء الله عليك ياسعد تبارك الله تغيرت كثير ..
.
.
سعد : من زمان عنكم ياخاله ..لو أقول لك لي سنوات ماشفتكم..!
.
.
منيرة : هذا أنت مطوع وبلحية... هالشي يرضي الله ؟
.
.
سعد : لأ طبعاً هذي قطيعة رحم ..بس ياخالة المشاكل ..,الأمور الي صارت ..
.
.
منيرة : سعد لا تكون زعلان مني ..ولا مآخذ على خاطرك ..هذاك زمان الغشامه ..وراح الله لا يعيده ..
.
.
سعد: لا ياخالة ..شدعوه أزعل؟ ..إنتِ خالتي وهالحين ندعي لك الله يعافيك ..ويعافي ..
.
.
سكت سعد ..لإنه لا يريد أن يذكر إسم لين ..
.
.
منيرة : آمين يارب الله يعافينا جميع ..
.
.
سعد : إذا نزل الشيخ بقول له يقرأ عليك ياخالة ..
.
.
منيرة : خليه يقرأ على لين أول ..
.
.
وهم يتحدثون نزل الشيخ ..
.
.
وتجمعوا في مجلس الرجال ..
.
.
فقال الشيخ : أبو صالح لا أخفيك أن أبنتك بها مس ..وأعتقد بإنك سمعته عند القراءة يقول أن هذا البيت هو لهم وأنتم سكنتم فيه وضايقتموهم ..
.
.
عبد العزيز : شلون ؟؟
.
.
الشيخ : بيتكم يابو صالح مسكون من زمان ..ويوم سكنتم فيه أجبرتوا أهل الأرض الي فيه إنهم ينتقلون في الفيلا الي ورآكم ويبدو لي من خلال حديثي معه أنها بيت أخته..
.
.
عبد العزيز : المهجورة ...؟
.
.
الشيخ : البيت المهجور هو بيت أختهم ..وهم تحاشروا في البيت وضاق عليهم ..طبعاً الجن ماعندهم مقدرة إنهم يطردونكم بس هم أرسلوا لكم إشارات كثيرة ..مافهمتوها ..وآخر شي المس الي في بنتكم والي فيها قال لي بصريح العبارة إذا طلعوا من البيت بنطلع من حياتهم وهم لن يؤذوا البنت ..
.
.
عبد العزيز : بسم الله الرحمن الرحيم ..
.
.
الشيخ : فيه أحد في هالبيت يشتكي من شي ..
.
.
عبد العزيز : أمها مريضة ..
.
.
الشيخ :الله يشفيها عفواً ممكن أعرف وش هو مرضها ..
.
.
عبد العزيز : السرطان ..
.
.
الشيخ : هذا والله أعلم لهم يد فيه ..لكن ليس من كلمني الآن .. العتاة منهم ..يمكن الأب أو الأم ..
.
.
عبد العزيز : والحــل..؟
.
.
الشيخ : أفضل تنقلون من البيت ..وإذا ماعندكم مقدرة أقروا يومياً سورة البقرة ..وترى الجن الي في البيت مسلمين يعني أحياناً يستعذبون القراءة ..شف البيت المهجور الي هو مكان تجمعهم قدام مسجد ..!
بالنسبة للبنتكم أكتب معي التعليمات التالية ضروري تسوونها ..


1- الاغتسال بالماء وورق السدرالمقروء فيه ايات الرقيه من 3-5ايام لك وللأم وللين ولجميع الأطفال في البيت مره واحده


2- الشرب من ماء زمزم المقروء فيه ماتيسر من ايات الرقيه بنية الشفاء ويكون الفم قريبا من الماء مع النفث ، وان لم تجد ماء زمزم فالماء المتوفر والتوفيق من الله سبحانه وتعالى0



3- قراءة ما تيسر من آيات الرقيه على زيت الزيتون فأنه من شجرة مباركه ويدلك به جميع اعضاء الجسم وذلك عند النوم مع التركيز جيدا على منطقة البطن مع الضغط على مكان الالم مجرب0(اسبوع فاكثر)0 ...لاباس ان تمسحي جسم البنت بالزيت المقروء فيه0



4- قراءة سورة البقرة وأنا أقول لو قيام الليل بسورة البقره على ثلاثة ايام بنية الشفاء..


5- تطبيق البسملة مع الشهيق والزفير وكتم النفس ما استطعت يومياً صباحاً ومساءاً ثلاث دقائق فأكثر ( قل بسم الله ثم خذ شهيق عميق من الفم واكتمه اكبر وقت ممكن ثم اخرجه من الفم وتكرر ذلك لمدة ثلاث دقائق فاكثر وتزيد في اليوم التالي وهكذا)0

6- رش زوايا البيت من الداخل بالماء والملح والخل المقروء فيه وشطف مدخل البيت (ثلاث ايام) مع قراءة اية الكرسي عند كل زاويه بصوت مسموع0


7- انصح بتناول ملعقه صباحا ومثلها مساء من العسل مع الحبه السوداء ( بتحميص اوقية من الحبه السوداء تحميص خيف كي لاتذهب الفائده وخلطها مع كيلو عسل طبيعي مقروء فيه)

.
.
الشيخ : يالله أستأذن أنا الآن ,,
.
.
عبد العزيز : شكراً ياشيخ جزاك الله خيراً ..الله يعافيك ويسلمك ..ويزيدك علم وينور دربك
.
.
نظر عبد العزيز في سعد فربت على كتفه وشكره ودعا له ..
.
.
وأنطلق إلى منيرة ..
.
.
منيرة : هاه وش قال الشيخ ..؟
.
.
عبد العزيز : قومي بسرعة جهزي شناطك وأغراض العيال بسرعة ..
.
.
منيرة : ليش وش صار بنسافر ؟ أقول لك وش قال الشيخ ..
.
.
عبد العزيز : مالنا قعده في هالبيت ولا ليلة وحده ..بسرعة خذو أغرضكم بس وخلو كل شي مثل ماهو عليه ..أبدااااا ماعلي عيالي ..وزوجتي ..
.
:
وبالفعل ..رتبت منيرة الأغراض وخرجوا مسرعين خلال أسبوع ..
.
.
ذهب بهم عبد العزيز للبيت الذي بناه لزوجته الثانية ..مع أن منيرة كانت كارهه ورافضة له إلا أنها وافقت بعد ماسمعت ماقاله الشيخ ..!
.
.
ورتبوا أغراضهم في البيت ..وسكنوا فيه ..
.
.
وبالفعــل تغيرت الحياة كثيراً للأفضل ..
.
.
منيرة ذهبت للمستشفى للكشف الدوري ..فطمئنها الطبيب وقال لها أن لا وجود للخلايا المتغيرة الجسم مفلتر تماماً يبدو أن الكيماوي له علاج فوري شامل أدى مفعوله هذا المرة ..!
.
.
أما عبد العزيز فعاد لعمله ..وحياته أصبحت أكثر إستقراراً مع منيرة التي واجهت المرض ..وذاقت مرارة زواج زوجها ..وما أصابهم بعد حادثة القتل ..فأصبحت تراعي زوجها وتوزن كلامها وتصرفاتها تعلمت من هذا الدرس القاسي جيداً ..
.
.
الأولاد كبروا وأصبحوا أكثر تحملاً للمسئولية ..وفارس سجلوه في الروضة ..
.
.
أما لين ..فتخرجت من الجامعة وأصبحت معيدة فيها وهجرت النت إلا في أوقات نادرة..
.
.
تشعر بداخلها أن هناك سعادة خلف الأفق وضوء قوي ينتظرها ..
.
.
آلحلمٍ ’ مآهُوٍ مسْتحيلٍ دَآمْ تحقيقَه (مُبآح)
و آلليلٍ لَو صآرْ طويلٍ/ آكيد منْ بَعدَه صَبآحٍ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 28-10-2012, 12:03 PM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


وفي عيد الفطر تجمع الجميع ..في البيت الكبير وتلاقت حصة مع منيرة ولولوة ونورة ولين وبشاير والجميع ..وجلسوا يتحدثون كثيراً عن الماضي والأيام الجميلة ..
.
.
فقالت منيرة : ماشاء الله بشاير عندها أربع أطفال ..وسعد وهو أكبر منها ماتزوج للحين ..
.
.
حصة : والله يامنيرة ..مدري وش أقول لك ؟ خاتم الزواج حقه في شنطتي للحين كل مارحنا عند أحد بنخطب له تجيه حاله وضيقة صدر ...سعد شكله يحب وحده ومايبي إلا هي ..
.
.
منيرة : من هي هالغبية الي ترفض إعلامي وملتزم وعاقل مثل سعد ..
.
.
حصة : والله ...
.
.
لولوة بخبث: لا تكون لين بس ..
.
.
منيرة وهي متفاجأة : حصة والله تقصدين لين ؟؟
.
.
حصة لازالت صامتة ..
.
.
منيرة وهي تقف: أنا الي بخطب سعد منكم هالحين ممكن تزوجون سعد ولدكم لين بنتي ؟
.
.
ولين وبشاير يضحكون ..
.
.
لولوة بسخرية : سبحان الله يامنيرة سبحان الذي يغير ولا يتغير رفضتيها قدامنا كلنا وهالحين تخطبينه قدامنا كلنا ..
.
.
منيرة : لولوة يازينك ساكته ياحبك للفتن أصلأً لولا الله ثم سعد وأمه كان مدري وش صار لي أنا وبنتي ..سعد أنقذ حياتها ..والمثل يقول أخطب لبنتك ..هالحين هالحين تصير الشوفة الشرعية والخاتم في شنطة حصة..
.
.
نوره : والله فله حركة أول مرة تصير في بيتنا ..خطبة ديلفري
.
.
حصة وهي تأخذ الجوال : طيب بكلمه دقيقة
.
.
لولوة : هههههههههههههه صدق عصر السرعة شكلكم تمزحون ..من جد كأني فيلم نورة وش رآيك بنسمي الفيلم سمننا في دقيقنا ..
.
.
حصة : والله أنا من يوم ولدت منيرة أختي لين وأنا نفسي فيها لسعد ويوم كبروا سعد تعلق فيها وحبها ويوم خطبناها أول مره وصار الرفض سعد زعل وأنحرق وطور نفسه يعني الرفض الأول صار لصالحنا حنا وهالحين الحمد لله صارت لين من نصيبنا ..
.
.
نورة : لا يكون الي في لين عين وحسد منك ياحصة إنتِ وولدك سعد أعوذ بالله نفسكم قووووية البنت قعدتوها ومرضتوها ..
.
.
منيرة : نورة ولولوة مابنعزمكم في الزواج ولا أقول لو أنتقصنا من قهوجيات ولا طقاقات جبناكم ..
.
.

بشاير : طيب خلونا نسأل العروس ورآكم تقطعون وتخططون أسألو لين أول..
.
.
حصة : لين موافقة على سعد ولدي ؟
.
.
ولين محمرة الوجه ....تنظر للأسفل ولا تجيب ..
.
.
منيرة :الغريب لو جاوبت لين الجدار الي جنبها ممكن يتكلم بس هي لأ .. لين موافقة ..بس تستحي ماتعرفونها ؟ هذي لين
.
.
حصة : وهذا أكثر شي عاجبني فيها ..أخلاقها وادبها وحياها ..
.
.
لولوة : تكفين لين وافقي ودي أجيب قدر من المطبخ أطق عليه ..لين هاه نقول العيد اليوم صار عيدين ..
.
.
.
منيرة : قلت لكم طقاقة ..
.
.

وفجأة دخل سعد في موقف مهيب سعيد ..وخالاته حوالينه يزفونه ..ولبس لين خاتم الزواج ..
.
.
ودخل صالح وقال تغطوا ياحريم أبوي بيدخل ..
فدخل عبد العزيزوسلم على سعد الذي قام فقبل رأس خاله الذي أصبح عمه أيضاً
ولين قامت وهي ترتعش وأحتضنت والدها وهي تبكي فبكت والدتها وخالاتها وبكى الجميع تأثراً بمشهد فرحة هذه العائلة التي عاشت الدموع والأحزان سنوات
.
.
لكن شتان بين دموع الحزن ودموع الفرح ..
.
.


{.. كِلْ دَقْة قَلْبْ
فٍينِي لَكْ قَصيدٍهـ
تَكْفٍي الدِنْياَ مَعَ الأحبْآب غِنْوـهْ ..}
وكِلْ هَاجِسْ مَايجِيبْ إلآ خَيَالكَ سَلْوَتِي بِآلعُمْرٍ
../
فيٍ صَحْوَـه وغَفْوَـه

قَدْ يَتَغَير كُلُّ شَيْءٍ فِي ثَانِيَة
لَيْسَ لِـ شَيء . . فَقَطْ لِأَنَّ الله يُرِيد
قَدْ تَتَبَدَّلْ أُمُور كُنَّا مِنْ أَشَّدِ المُتَمَسِكِينَ بِهَا
ثُمَّ نَكْتَشِفْ أَنَّ مَا تَبَدَّلَتْ الَيهِ . . هُوَ خَيرٌ لَنَا
كُلُّ مَا عِندَ الله خَيْر . . لِذَا (نَرْضَى بِمَا كَتَبَ الله لَنَا)

.
.
.
.
تمت
.
.
.
وصلى الله على سيدنـا محمد وعلى آله وصحبه وسلم ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 14-02-2018, 08:30 AM
صورة المها النجديه الرمزية
المها النجديه المها النجديه غير متصل
©؛°¨غرامي متألق ¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه , كامله


السلام عليكم
حلووووووووه مررره استمتعت فيها
الله يعافيك

الرد باقتباس
إضافة رد
الإشارات المرجعية

ياصاحبي بسألك هو شان الزمن ولا البشر طبعهم شان؟ / بقلم المصممه , كامله

الوسوم
البشر , الزمن , بسألك , ياصاحبي , شان؟) , طبعهم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
السفر عبر الزمن إمبراطورة الشتاء مواضيع عامة - غرام 10 08-01-2016 05:52 PM
خادم الحرمين يصل إلى جدة قادماً من الرياض ح ــاكم أخبار عامة - جرائم - اثارة 9 18-05-2012 01:15 AM
من الذي يتغير الزمن ام قلوب البشر ؟ غَروُرأنثـٍـٍى ارشيف غرام 4 10-01-2010 06:58 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
رواية زوجتي من الجن Ramadi73 قصص - قصيرة 59 09-09-2006 01:50 PM

الساعة الآن +3: 06:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1