ابكيه ياعيوني ©؛°¨غرامي جديد¨°؛©


رواية " أكرهه لاقال احبك"

مدخل,,,
في الناس ناس ماتودي ولاتجيب
وفي الناس ناس للشيم قلبها حي
ياخوك بعض الناس يخجلك بالطيب
وياخوك بعض الناس ماينفع بشي



في غرفة ضيقة جدرانها من خشب نايمة عالارض بفراش مهتري ضامة نفسها من جو البرد وعليها فروة مصنوعه من الغنم صنعتها امها لها قبل وفاتها بسنتين وبجنبها اختها سهرانه تحرك الجمر لايصير رماد ماسكة كتابها بيدها وتذاكر تناظر باختها تتقلب يمين ويسار

عفراء :ادري انك صاحية وش تفكرين فيه؟
غزيل "رمت الفروة من عليها وقامت تشد بشعرها من القهر ": مو قادرة انام مو قاااادرة
عفراء"رجعت لكتابها بدون اهتمام ": ولية انشالله قلتلك لاترفعين راسك كثير ينكسر
غزيل :اوف طيب ابغى الحمام
عفراء:روحي واحد ماسكك
غزيل"قامت من مكانها وفتحت الباب بخفيف تناظر وتتاكد ان المكان مافيه احد اخذت الفانوس حتى ينور طريقها ":اسمعي لاتسكرين الباب خليه مفتوح لي صار شي جيتك ركض
عفراء"مطنشة اختها وتكمل مذاكرة"
غزيل "متوجهه للحمام اللي يبعد كثير عن غرفتهم تمشي بخطوات بطيئة لين ماوصلت فتحت الباب تعوذت من الشيطان ودخلت دقيقتين وهي طالعة بسرعة التفتت وراها لاصوات جاية من الشارع حب الفضول واللقافة اشتغل ": اكيد السيد ضاري شرف حضرته بنشوف مين الخمة اللي جايبهم معه "قربت صندوق لجدار البيت اللي عايشين فيه جدار من كومة حديد وخشب محوطة على ارض رملية فيها غرفتين ودورة مياة كل غرفة بعيدة عن بعض والمطبخ عبارة عن حفرة بالارض مبنية على اساس يشبون فيها الحطب وكم قدر ينعدون عالاصابع "ركبت فوق الصندوق وتطل براسها سيارة عراوي واقفة وعليهم 4 شباب
عزام"يدخن حشيش وينفخ بوجه ضاري": اقووووووول سدد ديونك اللي عليك بعدين اطلب
ضاري"بعيونة الحمرا ووجه الشاحب وعظام وجهه البارزة ": هالمرة بس واوعدك فلوسك بكرة تجيك لين عندك عطني تكفى ماعدت اتحمل "يحك بجسمه مثل الجربان فاتح ازرار ثوبة ويدخل يده لصدرة ويحك بشكل بشع "طلبتك وربي لصير خدامك بس هالمرة
راشد"واقف فوق كبوت السيارة ويسمع لضاري ": عزام اعطة هالمرة علشان خاطري
عزام"لفت انتباهه الضوء اللي طالع من فوق سور حوش ضاري ": اوكي بعطيك بس اخر مرة ترا مو قاعد على كنز انا قلنالك هرب معنا بس مارضيت
راشد"تضايق من تصرفات عزام": لاحوووول اخلص علينا ورانا جامعه "نزل معصب وركب مكان السواق"
عزام"طلع من جيبة كيس صغير رماهم بوجه ضاري دخل السيارة بجنب راشد معصب مسك ثوب راشد من قلابه بقوة ":اسمع ياولد ابوك اخر مرة ترفع صوتك بوجهي فاهم
ناصر"يبعد يد عزام ويهدي بينهم ": استهدو بالله وش صاير بينكم هذا وانتو ربع هواش كل يوم
عزام"بعد يده عنه ورجع لمكانه كاتم الغضب اللي بداخل ": حرررررررررررك
ناصر"جالس ورا راشد يتكلم بخفيف": امسحها بوجهي وانتهت السهرة اليووم وصلنا لبيوتنا وعزام بالاول
"تعوذ من الشيطان وشغل السيارة ووصل كل واحد لبيتة "

غزيل "قلبها يرجف ":وااااااااااااااااااي ياحلاته "سرحانه بعالم ثاني وحاطة يدها على خدها وتفكر":ال***وكة احلى مافيه واي وربي يخقق
ضاري"دخل وضرب الباب بقوة كعادته " سمعت صوته نزلت بسرعة ورمت بالصندوق بعيد انتبه لها قرب من مكانها ": ياويلي بيموتني "حاولت تخبي نفسها بين الاغراض وبدا الخوف راكبها من فوق لتحت ":وش قاعدة تسوين هنا هاااااا وش مطلعك بنص الليل "مد يده لشعرها ويشدها وعيونه كلها حقد بصوت بركان ثاير ":وش اللي جابك هنا اااااااااااا؟؟؟؟
غزيل"تبعد يده من شعرها ودموعها على خدها وبصوت عالي": عفرااااااااااااااااااااء الحقيني ماسويت شي والله ماسويت كنت بالحمام بعد عني بعد
ضاري"يطالع بالارض اللي حوالينه يدور على شي مسك قطعة خشب وبدأ الضرب بوحشية على جسم بنت ماتعدا عمرها 18 سنه ماكفاها حالتها الصحية السيئة كل يوم والثاني يتلذذ بضربها بسبب او من غير سبب صراخها صار كالعادة بين الجيران اذا سمعوة عرفو ان ضاري وغزيل متهاوشين يدخلو قطن بأذانهم وينامون براحه "
عفراء"طلعت بسرعة تبعد هالوحش من اختها ": ضااااااري خلاااص البنت بتموت "مسكت يده بقوتها كلها طولها تقريبا مثل طولة بس اقصر بشوي "
ضاري"يتنفس بصعوبة ": اسمعي انتي وياها وربي لو اشوف وحدة فيكم طالعة من هالزريبة لادفنها هنا فاهمييييين
"رمى الخشبه وتوجه لغرفته وبصوته العالي ": ويييييييييييين الفانووس ياحمير؟
عفراء"تطالع باختها اللي ضامه نفسها وتبكي بحرقه والم ": وين الفانوس وين حطيتيه "تتلفت تدور عليه لقته بالزاوية ركضت اعطت اخوها ":هذا هو خذ
ضاري"يخبي المخدرات عنها لاتشوفه":حطيه عندك وضفي وجهك ولااسمعلكم حس ولااحد يصحيني انقلعي
عفراء"تطالع بشكله وهي عارفة وش فيه اخوها من مشى مع اصدقاء السوء وهو حالته حاله "



انتظر تفاعلكم لاكمال الروايه ..

الـــجــازي ©؛°¨غرامي مجتهد¨°؛©

السـلام عـليكم ورحـمهـ الله وبــركاتهـ ..~
اــهلا بـكـ فـي القـسم .. نـورتـي يالـغـلأا ..~

روايـتكـ اــبداع .. الســرد طاغـي على الحــوار ومخـليني اعــيش جو معـاهم
بـس حـبيبتي البــارت قــصير .. لما تبغـين تجذبين القـراء حطي بارت طـويل حتى نتعـمق بالقـصه

كنـت بالبــدايه اتوقع انـه ضاري راح تحبه غـزل مدري غزيل
بـــس كــثير حلــو انكـ خلـيتيه اخــوهم . فـكره جــديده

ولا علـيكـ امر بس كل مـا نـزلتي بـارت خـبريني على بـروفــايلي
ومـثل ماقـلت لكـ نـزلي البـارت بــاسرع وقت .. لان هذا البارت يعـبر نـصف بارت

انــتظركـ حبـيبتي
دــمتي

غريم الروح ۆ جوډڳڳ :بَ / دااخليُ - سبہُ '$ (غرورييَ !

بداااااااايه جدااااااا

حلوووووووووه موفقه

وردة الزيزفون
✿ إدارة الإقسام ✿

صباح الخير ......ياهلا فيك بغرام .....موفقة بطرحك .......بداية جميلة جدا ومشوقة ابدعتي بالسرد والوصف بس العيب بقصر البارت مالحقنا نندمج الا وانتهى البارت اتمنى تنزلي بارت يكون دسم حتى يقدر القارئ يحط توقعاته ....

انا اشوف الي سوته غزيل غلط وتستحق الضرب عليه قاعدة تناظر بالرجال وتتغزل بعد لا والمصيبة الشلة خربانة وهي عارفة هالشي ماخافت على عمرها الخوف بيوم تدفع ثمن طيشها تكون هي ثمن السم الي ياخذه اخوها ...ان شاء الله هالضرب يكون درس لها ورادع عن تهورها

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

موفقة

ابكيه ياعيوني ©؛°¨غرامي جديد¨°؛©

المشاركة الأساسية كتبها الـــجــازي اقتباس :
السـلام عـليكم ورحـمهـ الله وبــركاتهـ ..~
اــهلا بـكـ فـي القـسم .. نـورتـي يالـغـلأا ..~

روايـتكـ اــبداع .. الســرد طاغـي على الحــوار ومخـليني اعــيش جو معـاهم
بـس حـبيبتي البــارت قــصير .. لما تبغـين تجذبين القـراء حطي بارت طـويل حتى نتعـمق بالقـصه

كنـت بالبــدايه اتوقع انـه ضاري راح تحبه غـزل مدري غزيل
بـــس كــثير حلــو انكـ خلـيتيه اخــوهم . فـكره جــديده

ولا علـيكـ امر بس كل مـا نـزلتي بـارت خـبريني على بـروفــايلي
ومـثل ماقـلت لكـ نـزلي البـارت بــاسرع وقت .. لان هذا البارت يعـبر نـصف بارت

انــتظركـ حبـيبتي
دــمتي


تشكرين حبيبتي ع المتابعه

واشكر ملاحظتك

ابكيه ياعيوني ©؛°¨غرامي جديد¨°؛©


غزيل"تمشي ويدها على كتوفها وتبكي واختها تراقبها من بعيد وبداخلها حسرة على حالهم اللي تدهور من وفاة ابوها وامها والا عمها اللي ناشبلهم بكل حلالهم وخذاه كله وناوي عالارض اللي ضامتهم عن الشوارع لحقت اختها وقفلو الباب زين ":وش اللي سويتيه خليتي ضاري يثور عليك انتي هبلة دايم تورطين نفسك بالمصايب؟
غزيل"تمهد يدينها من الالم ":اااااااه اسكتي ماني رايقتلك الله ياخذه انشالله اليوم قبل بكرة يالله لية اخذت اللي نحبهم وماخذيت اللي نكرهم "ورجعت نوبة البكاء ": شوهني صرت اقرف العالم لاشافني احد صد عني وتقرف في ذمتك احد بيطالعني وانا كذا"تأشر على وجهها اربع غرز على خدها بالسكين رماها عليها ضاري وهو معصب منها لانها تاخرت بسرف الاكل ": كنت احلى وحدة بالحارة والحين صرت ابشعهم الله لايسامحة جعله بالمووت يارب
عفراء"ماتحملت شكل اختها ضمتها لصدرها بقووة ولاقرب حظن لها كل وحدة تواسي الثانية ضمتهم هالغرفة سنين عاشو فيها كل طفولتهم بحظن ام واب دافي واخ يحملها على ظهرة ويدور فيها يلعب معاهم غميضة ويتخبون وهو يدور عليهم والضحك العالي معبي المكان لين اختفى هالصوت فجأة وانقلب لصراخ "يممممممممممممممى مابقى الاانتي لاتروحين تكفين يممممممممممممى بضيع من بعدك ابوي راح وانتي لحقتيه وين سندي وظهري يمممممى خذيني معك ماابغى اعيش
ضاري"يغطي وجه امه ويبوس راسها ويحضن خواته لصدرة ":انا سندكم انا ظهركم بعيش لكم لاخر يوم بحياتي

"صحت من حلمها ":ااااااي يدي عورتيني
عفراء"تبعد نفسها عن غزيل وتمسح دمعتها وتبتسم غصب عنها": بتخلوني ارسب بكرة تدرين الساعة كم صايرة الديك صحى يعني شوي وتصبح
غزيل"ماسكة فروتها وانسدحت على فراشها ": ماراح اروح المدرسة بكرة
عفراء:هالاسبوع كلة ماداومتي الا يوم بس انتي بثالث تكفين انحجي فكينا ادخلي الكلية خلي نستفيد من مكافأتك على الاقل
غزيل"تعدل نومتها ":ماراح اروح يكفي متفشله بالمدرسة تبغين اتفشل بالكلية بين بنات العز روحي عني بس
عفراء"عارفة عناد اختها واللي تفكر فيه بتسويه": بنشوف اخرتها معك "رجعت لكتابها تحفظ لها كم كلمة قبل مالباص بيجي فتحت صندوق ملابسهم وطلعت تنورتها اللي اكلها الدهر صارت قصيرة عليها ولحسن حظها انها صارت موضة بالكلية وبلوزة بيضاء عادية حطت لها روج احمر الوحيد اللي باقي عندهم واخذته من بنت جارتهم رفعت شعرها الناعم الاسود ربطته بخيط من طولة واصل لنهاية ظهرها بيضاء بياض الثلج بعيونها الواسعه المكحلة شديدة السواد وخشمها الحاد وشفايفها الممتلئة واسنانها الؤلؤ مصفوفة صف وجسمها الرشيق مرسوم رسم باست اختها على خدها وغطتها زين اخذت عبايتها وطلعت تنتظر الباص يجي توها الساعة 5 ونص الصبح ساعتين حتى يوصلو لكليتهم البعيدة جالسة على حافة البيت ورافعة غطى وجهها حتى تشوف وتقرأ كتابها "

حصة"طالعة من بيتهم ومعاها ابوها ":يبى ارتاح والله ماراح يصيرلي شي شوف هذي عفراء جالسة بروح عندها "
ابو حصة:اية مدام ان عفراء روحيلها فمان الله يابنتي انتبهي مع السواق ترا الطريق خطرة خلوكم صاحين الله يوفقكم ويسهل عليكم اختباراتكم يااارب
حصة"تبوس راس ابوها": الله يحفظك لي "ركضت لعند عفراء ":هاااااااااي صباح الخير
عفراء"حاسدة صديقتها على ابوها تسمع حديثهم وهي ساكتة كل كلمة يقولها يعتصر قلبها ": صباح النور
حصة"تعدل جلستها ": ذاكرتي زين ؟؟؟
عفراء:من وين اذاكر وضاري موجود خليها على الله بس
حصة"ضاري وشفيه والله انه حبيب معي ": طيب ماعلينا عندي سؤال شوفي هالمسألة مو فاهمتها اشرحيها لي
عفراء "تطالعها بنص عين ":لا مو من جدك تمزحين صح اقولك ماذاكرت تقوليلي اشرحي لي
"صوت بوري الباص وصل ":يالله يابنات
"طلعو البنات من كل بيت متجمعين بهالباص من قرية عفراء 7 بنات ومن القرية القريبة منهم 9 بنات ": اقول الباص وصل اركبي
"ركبو وجلسو بجنب صديقاتهم وطول الطريق يذاكرون "


عند راشد
الشغاله :راسد بابا يقول قوم انتا روح الجامعه

راشد"يغطي راسة بقوة بالمخدة ":كم الساعة؟
الشغاله:الساعة 7
راشد:طيب انقلعي انا صاحي الحين
"صحى بكسل تمغط من على السرير ":اأأأأأأأأأأأأأأه والله اني مكسل بقوة يارب فكني من هالسنه واتخرج
دخل اخذله دش ساخن طلع ورابط المنشفة على خصرة يمشط شعرة ويغني بصوته العذب عاشق من عشاق خالد عبدالرحمن
خذ ما تبي بـس اتـرك القلـب يرتــــــاح=لا بالمودة عطيتــه لا بالصراحــة خذيتــــــه
فـي غايتـــك تهوى على ملك الأرواح=صدق الخيانـة جزيتـه يا كم بغيري نويتــه
كافـي علي أصبحت بالســد فضّــــــاح=غصبٍ عليّ حكيتـه بكاني حظـي وبكيتـــه
فتح باب دولابة وطلع ثوبة وشماغة لبسهم تعطر وطلع باستقبال ابوة جالس عالارض يتقهوى ": السلام عليكم
ابو راشد: وعليكم السلام هلا بولدي تعال اقعد
راشد"باس راس ابوة وجلس ":الا وين الوالدة ماشوفها
ابو راشد:اخذت دواها وراحت ترتاح
راشد:طيب خليني امر عليها انا تاخرت واجد وامكن اليوم ماارجع الا متاخر لاتنتظروني عالغداء
ابو راشد:تعال محتاج فلوس ناقصك شي "فتح بوكه وطلع ميتين ريال":خذ


راشد"ابتسم على ابوه ":شوف اذا السالفه فيها فلوس ماراح اقول لا "اخذها منه وطلع لغرفة الوالدة ":صباح الخير كيف العروس اليوم"دخل وباس يدينها
ام راشد"منسدحة وبجنبها ادويتها تبتسم لولدها الوحيد اللي تشوف الدنيا فيه ": الله يرضى عليك دنيا واخرة ويبعد عنك عيال الحرام
راشد"حب يغير الموضوع ": يمى كيفك اليوم اهم شي صحتك بالدنيا كلها وين الشغاله مااشوفها
ام راشد:كانت هنا بس اكيد راحت عندها اشغال
راشد"وقف معصب ": ميري ميررررري تعالي
ميري"جاية مركضة":نعم بابا
راشد"بصوت عصبي ": اسمعي هالغرفة ماتتركينها ابد انا جبتك هنا خدامه لامي خداااامه لامي فاهمة بس اتركي شغل البيت كله خليكي تحت رجولها وكل شي تبية نفذية
ميري"شغاله اندونيسية ماعجبها اسلوب راشد لها هزت راسها بخضوع ": يس بابا
ام راشد:الله يهديك وشفيك عالشغالة
راشد:ماعلينا انا تاخرت واجد يالله لااحد ينتظرني اوكي
ام راشد"زعلانه على وضع ولدها سهر ومايرجع الا متاخر بالليل سكتت وماردت عليه"
راشد"اخذ كتبة ومر على خوية ناصر واتصل بضاري اكثر من مرة ومارد عليهم ":وشفيه هالولد ناوي على اخر سنه يعيد ويرسب مو مكفي ياخذ السنه سنتين
ناصر"شارد وسرحان ":............
راشد:ياهو وين رحت ؟
ناصر"انتبه لنفسة":هلا لا ولاشي
راشد"ماعجبه شرود ناصر اللي ماقد شافه الا دايم مبسوط": خير وش فيه محتاج شي؟
ناصر:لامشكور ممشي اموري بس..........
راشد"وقف عند باب الجامعة ": بس ايش؟
ناصر"فتح باب السيارة بسرعة يهرب من نظرات راشد له": تاخرنا عالمحاضرة
راشد"سكت ولاحب يضغط على ناصر امكن يكون عندة مشاكل مع اهله مو حاب يتكلم فيها ": مشينا
"طلعو للمحاضرة ودخلو على ازعاج الطلاب الموجودين كالعادة متجمعين على عزام انصب ولد بالجامعه مغرور لابعد حد الكل ضاربلة الف حساب من قدامه احلى ابتسامة ومن وراه سكاكين تلعب فيه طويل وجسم عريض عضلات وجهه حاد عيونه شريرة وخشمة الطويل نحيف حنطي شعرة قصير اسود كثيف ***وكة لابقة على ملامح وجهه ":السلام عليكم
الكل:وعليكم السلام
"بعد عن الجمعه وطلع لهم معصب قرب منهم ": وينك ياولد ابوك مامريتني اليوم
راشد"قعد على الكرسي معطية قفى وجهه":نسيت
عزام:لاتفكرني محتاجك انت والعراوي الزباله ترا اقدر اجيب بدل السيارة عشرة "وبخاطرة كله منك يبى هذي اخرتها انزل لنفسي لناس ماتسوى طيب مااكون عزام اذا ماخليتك تندم "
راشد: ومين جابرك تركب بالزباله
عزام"من النوع اللي مايتمالك نفسة من أي سبب يقوم حرب ويحقد وماينسى مسك الكرسي اللي قاعد علية راشد ورماه باقوى ماعنده ":طراااااااااااااخ "بين نظرات الشباب اللي واقفين ناصر ماستغرب تصرف عزام ركض لعند راشد ويرفعة"
راشد"يناظر في عزام بحقد ماتحمل اهانته قدام الشباب وقف بسرعة ويضرب عزام بقس على وجهه وقامت مابين هوشة والوحيد اللي يفرقهم ناصر والباقي يشجعون ": ااااااااااااااايه عااااشو قدها يابو الرجال شوف شغلك
"كل واحد اقوى من الثاني وكل منهم اخذ نصيبة من الضرب ": وين قاااااااااااااااااعدين انتوووو؟
الكل التفت علية واقف بكل شموخ لحيته طويله وجسمه المليان ضرب بالكتب والاغراض اللي حاملها على الطاولة بقوة ارعب الموجدين : اقول راحو فيها هذا اذا ماخلاهم عنده حرمان بالمادة
عزام وراشد وفقو عن الهوشة وكل واحد يعدل شكلة يطالعون بالدكتور اللي معصب": اطلعو برا وبعد المحاضرة اشوفكم عندي بالمكتب
"طلعو من غير نقاش عارفين هالدكتور ماحد يجادلة"
عزام "يمسح الدم اللي على فمه ويهدد ويتوعد براشد ":طيب اذا ماخليتك تندم
راشد"يمشي بكل هدوء مطنش وجوده نزل بالساحة الداخلية وقعد على الكراسي طلع جوالة يتصل بضاري": الوووووووو وينك فيه ؟
ضاري"يكلم وهو تحت المخدة مكسر جسمه ومو قادر يتحرك بصوت تعبان ومهموم": في الزريبة نايم وش تبي انت الثاني
راشد"مو عاجبة حالة ضاري دايم يحاول يبعدة عن هالطريق بس كلهم تورطو فيه ": خلاص بمرك بعد شوي ابيك بموضوع
ضاري"بلا مبالاه ": اوكي اوكي "قفل منه ورجع يكمل نومتة



تتسحب بخفيف خايفة من اخوها لايطلعلها وتكون الجنية لسا راكبة فيه رابطة تنورتها الطويله على خصرها ومجدله شعرها على جنب ورامية الخصله الطويلة على وجهها غزيل بنت هبلة ومربوشة تبغى تعيش حياتها مثل بنات جيلها لبس وكشخة ومريول كل ترم جديد احلى القصات وافخم الجكيتات تلبسها زي صديقاتها في هالاجواء الباردة تبعد الفشيلة عنها وتقول ان الجو حار عذر حتى ماتتفشل من سؤال صديقاتها لية ماتلبس جاكيت تتمنى يجي فارس احلامها اللي تبغاه بكل مواصفاته وعيوبة راضية فيه اهم شي يكون غني غني لدرجة الترف كانت الاجمل بالقرية اسم على مسمى غزال اقصر من اختها عفرا بيضاء نحييييفه كثير شعرها لنص الظهر لونه بني نااااااعم مثل الحرير عيونها صغار شوي بعكس عفرا وشفايفها صغار مليانه وعندها الاسنان اللي قدام بارزة شوي واطول من الباقي بس معطيها حلى اكثر " اخذت سطل مليان طحين تفكر وش تطبخ لاخوانها بدت وظيفتها بالعجن ولعت الحطب بالحفرة وبدت تخبز فيه يدها صارت محرقة من كثر ماتسوي فيه صارت متعودة عليها وماتقول اح سوت الشاي وحطت الغداء البسيط بوسط الحوش تنتظر اختها ترجع من الكلية جلست عالبسطة متربعة


دق باب البيت ": اكيد هذي عفورتي "ركضت تناقز وفتحت الباب كله وبصوت عالي":هااااااااااااااااااي اكيد جبتي العيد
"واقف مذهول صد عنها وعطاها ظهرها بسرعة ":احمممم ضاري موجود
غزيل"سكرت الباب بقوة من الخوف وتناظر بغرفة اخوها اللي تنفتح هربت بسرعة لغرفتها وقبل ماتوصل انتبه لها ضاري ":تعالي تعالي ايش اللي موقفك عند الباب هااا لا طالعة والسيقان كاشفة "غزيل واقفة بارتباك تنزل تنورتها تعض باصابعها ": لا كنت انظف الحوش واسوي الغداء وربي حتى شوف"وتاشر على السفرة "
ضاري"بصوتة العالي والعصبي": ادخلللللللللللللي داخل

"راشد يسمع كلام ضاري حس بخوف منه وخايف على البنت لاتنذبح بسببه بعد عن الباب وركب سيارته وانتظرة بداخلها ":الله يعينهم عليه مساكين ايتام

"طلع ضاري بعد مالبس ثوبة الوحيد ورمى شماغة البالي على كتفة شغل السيجارة وركب بجنب راشد ": السلام عليكم
راشد"منزل راسة ويشغل نفسة بتشغيل المسجل": هلا وعليكم السلام
"حرك السيارة ومشى لين البحر ملجأهم الوحيد ومكان سهرتهم المفضل بما انهم عايشين في قرى هادية بعيدة عن ضوضاء المدينه اذا بيروحون جامعاتهم لازم مشوار ساعتين عالاقل للوصول "

ابكيه ياعيوني ©؛°¨غرامي جديد¨°؛©

تكملة البارت الاول

حوالينها البنات متجمعين يهدونها وهي مقطعة نفسها بالصياح
حصة:خلاص عفراء تكفين بسك صياح الحين تلاقينك تصيحين على خطأ واحد ايه اكيد كل الدوافير كذا واحنا مالت علينا

عفراء"تمسح دموعها بكم بلوزتها تتكمل بقهر ": انا ماحليت شي كل اللي ببالي تبخر لاتنسين اني حاملة مادتين من السنه الماضية لو مانجحت بهاذي المادة راح اعيد سنه من جديد

وحدة من البنات: اوووة وخير ياطير يعني انتي مو اول ولااخر وحدة ترسب هذا احنا كل سنه بسنتين وعادي ماسوينا قضية
عفراء"في داخلها نار ولااحد فاهمها ولااحد عارف سبب صياحها مو على اساس الدرجات اللي بتاخذها في سبب اكبر من كذا يخليها تصيح مسحت وجهها بيدينها ورجعت تبتسم ": اوكي بنات انا هبله اصيح لى اتفه شي خلونا نطلع احس بضيق من هالمكان
حصة:اممممم وش رايكم الحين الساعة 11 والباص ماراح يتحرك الا الساعة 1 خلونا نطلع من الجامعه ونروح المطعم اللي مقابل الكلية
عفراء"اول ماسمعت كلمة مطعم ركبها الخوف ": لا لا وين احنا ووين المطاعم منتي صاحية شيلي هالفكرة من بالك
حصة"تمسك يدين عفرا وتترجاها ": تكفييييييييين علشان خاطري عمري وحياتي مادخلت مطعم واكلت زي الناس ماناكل غير السمك والخبز بتطلعلي حراشف من كثر مااكله ودي "تفكر " ودي بهذا اللي يقدمونه بالتلفزيون بالدعايات وربي اذوب كل ماتفرجت له وانقهر على حظي وحظك الزفت
عفراء"شايله هالفكرة من بالها نهائي": لا يعني لا
حصة"طلعت بطاقة الصراف وتغري عفرا فيها": على حسابي ترا المكافأة نزلت اليوم خلينا على الاقل نفكر بنفسنا شوي شوفي بنات العز كيف مليانه اجسامهم مو احنا جلد على عظم
عفراء"تفكر بشي ثاني اذا اليوم المكافأة نزلت بكرة بيقطعوها مني لارسبت وش اسوي ياربي ":................
حصة"تنتظر رد منها": هاااااااا وش قلتي ؟
عفرا"اخذت كتبها وطنشت كلامها ومشت وحصة وراها تترجاها مرت من شؤون الطلاب وقفت عند الباب بتردد":.......
حصة:وش اللي تبغينه من هنا؟
عفراء"الارتباك واضح فيها ": ها لا بس كنت ابغى اكلم دكتور المادة
حصة:ماخلصنا منه
عفرا:لاماخلصنا حصيص لازم اكلم الدكتور ضروري ينجحني
حصة"نزلت راسها وضايق صدرها على صديقتها ":لاتخافين انشالله بتنجحين والمكافاة تستمر
عفرا"حست باحراج فضيع ماعمرها مدت يدها لاحد ولاحسست احد انها محتاجة شي وبصوت مرتبك": لا انا بس .....
حصة"بدفاشتها المعتادة ":شوفي شوفي من جااااااا مو هذي رشا بنت عمك جايه عندك
عفراء"تعدل نفسها وتبتسم من بعيد ":.............
رشا"بنت عم عفراء مملوحة بس مو بجمال عفرا اقصر منها وشوي مليانه شعرها قصير صابغته اشقر عيونها وساع ملامحهم ثنتينهم تتشابه واغلبية الجامعه يفكروهم خوات قمة في الشياكة عايشين هي وابوها وامها واخوانها راح تتعرفون عليهم بعدين بالمدينه هاجرو قريتهم بعد ماتوزعو الورث وهم من عايلة ميسورة الحاله بادلتها بالابتسامه ": هاااااااااااااااااي وينك مختفيه من زمان ماشفناكي
عفرا:هههههههه في هالدنيا وين بنروح اخبارك واخبار الاهل
رشا"تطالع بحصة بنص عين": الحمد لله تمام بشوفتك صحيح عتبانه عليكي كم مرة اعزمك عندنا عالبيت وترفضين ترا ابوي ملزم تجين وزعلان منك
عفرا"وبخاطرها أي زعلان والله وماتعرفين نيات عمي ": مرة ثانية انشالله
حصة"تكره شي اسمه رشا مو بالعتها نهائي حبت تلعب عليها شوي": رشاااااا مو كأنك سمنانه
عفرا"تطالع بحصة وبداخلها ضحكة كاتمتها" رشا "تطالع بجسمها مستغربة وبنفس الوقت تضايقت": انااااااا سمنانه مستحيل ماعندك نظر "تبغى تهرب منها ":اقول انا تاخرت على ابوي ينتظرني يعني مو جاية معنا اليوم
عفراء"ماسكة ضحكتها وبابتسامتها الباهته": لا يوم ثاني لازم اخبر ضاري بالاول سلمي على عمي
رشا"ابتسمت لما سمعت اسمه": الااا اخبار ضاري من زمان ماشفناه
عفرا:الحمدلله هي اخر سنه له بالجامعه وانشالله ينجح ويتخرج
رشا"انبسطت حييييل لما تطمنت علية": اوكي انا استاذن"باست خد عفرا وتناظر بحصة بفرق": بااااااي
حصة"تقلدها بالحركات": باااااااااااي
ههههههههههههههههههههااااااااي :بنت عمك هذي تووووحفه
عفرا:لية؟؟؟
حصة:احسها مخفه ماشفتيها كيف تسال عن اخوك؟
عفرا:وش فيها عادي؟
حصة:انتي على نياتك اقول ماعلينا ترا بموت جوع بتدخلين تكلمين الدكتور والا لا؟؟؟
عفراء"تشجعت بعد ماشافت رشا وتحدت الموقف اخذت نفس عميق ": بكلمه بس انشالله مايهزأني واتفشل
حصة"جلست على الكراسي "اوكي انا هنا انتظرك بالتوفيق
"دخلت لمكتب الشؤون يتردد وخوف وقفت عند المسؤله "السلام عليكم
المسؤله"مشغولة بالاوراق اللي حوالينها وماردت السلام":............
عفرا"بخاطرها حتى السلام صعب تقولينه": لو سمحتي ابغى اكلم الدكتور عادل
المسؤله:ماعليش الحين مو فاضين والدكتور كمان مو فاضي كل ماوحدة طلعت من امتحان كلمة دكتورها ترا عندنا اشغال اكثر منكم
عفرا"تتكلم بجدية ":لو سمحتي ابي اكلمه ضروري بعيد عن سالفه الامتحان
المسؤله"تبتسم باحتقار لها": قوليلي وانا اوصلها له
عفرا"عصبت منها وبصوت عالي شوي": لاتخليني اروح عند العميدة وارفع شكوى اهمال
المسؤله"ارتبكت ورفعت السماعه بدون ماتناظر بعفرا وبدون نفس": اخر مره تجين احنا مو فاضيلك
عفرا"تكتفت وانتظرت واقفة":...............
"الو السلام عليكم ممكن تعطيني الدكتور عادل نعم اوكي ... لاعادي راح انتظرة قوله طالبه تبغاك ضروري "
المسؤله"تناظر بعفراء": اقعدي عالكرسي وانتظري الدكتور "مدت لها السماعة " لاتطولين معاه تراه مشغول
عفرا"تطالع بالمسؤله مو عارفه كيف تكلمه قدامها ": بس مااعرف اكلمه وانتي موجودة
المسؤله"تقرفت منها":والمطلوب اطلع يعني على شان حضرة جنابك تكلمي
عفرا:قلتلك مااعرف اتكلم وهذي امور خاصة ماني حابة تسمعيها
المسؤله"اخذت نفسها وطلعت من الغرفه معصبه ".........
"جلست عالكرسي وحطت السماعة باذنها صوت حاد وباين عليه العصبية قلبها يرقع من الخوف وبصوتها يرجف":الس...لام عليكم دكتور

عادل"بنفس الجدية": وعليكم السلام مين معايا
عفرا:انا طالبه معاك في مادة الثقافة الاسلامية لسنه ثالث
عادل:ايه عارف بس اسمك ايش؟؟
عفرا:انا عفراء محمد الxxx
عادل"سكت شوي يفكر بالاسم مو غريب عليه ومار من قبل".............. طيب ايش مشكلتك الامتحان وراح مااقدر اسوي ولااعدل أي شي فيه وللحين ماصححت الاجوبة
عفراء"تخربطت افكارها ماعندها الشجاعة تصارح أي احد تذكرت اخوانها وش بيصير فيهم لاقطعو مكافأتها وخاصة ضاري اللي فلوسه راحت بالمخدرات وراتب ابوهم مايكفي أي شي تنفست بعمق وبخاطرها هو لايشوفني ولاشي ليه كل هالحياء بكرة بينساني وجمعت الكلام اللي بتقوله ": دكتور عمري وحياتي ماتكلمت مع احد بظروفنا واللي نمر فيه انا واخواني ولولا الحاجة ماكلمتك الحين
عادل"استغرب من كلام الطالبه وعقد حواجبه وحس من كلامها انها بحاجته هدأ شوي وحب يسمعها للاخر": تفضلي يابنتي قولي اللي عندك
عفراء:انا يادكتوربصراحة ماحليت بمادتك واحتمال كبير ارسب فيه واذا رسبت راح اعييد السنه
عادل"يفكر وبخاطرة وش دخل هذي بهذي": طيب
عفرا:لي رسبت انقطعت المكافأة عني وانا محتاجتها كثييير
عادل"متعجب من صراحتها ومن كلامها وبخاطره معقولة في ناس عايشة على هالالف اللي تجيها انربط لسانه ومو عارف يرد عليها":..............
عفرا"وشفيه ساكت شكله حاقرني ماراح انزل له اكثر من كذا خليه يولي": اسفه دكتور ع الازعاج انا استاذن
عادل"انتبه لنفسه وماحب يكسر بخاطرها": انشالله خير يابنتي لاتشيلين هم واللي اقدر عليه بسوية
عفرا"ابتسمت من قلب ": يعطيك الف عافية دكتور ماتقصر مع السلامة
"قفلت الخط وركضت بسرعة عند حصة تخبرها باللي صار معاها "
الدكتور عادل"سند ظهرة عالكرسي وقعد يفكر بالبنت وحالها دور بين الاوراق على اسمها لين حصله وبدأ باول ورقه يصححها"

هههههههههههههههههه والله ماني مصدقة يعني بينجحني تتوقعين
حصة"في بالها خطة جهنمية هي كارهه المسؤله خلقة وبعد الي قالته عفرا حبت تنتقم منها": اية بينجحك ماعلينا تعالي معاي": على وين؟
"مسكت يد عفرا وتسحبها معاها وتراقب المكان وتلتفت يمين يسار":وش قاعدة تسوين؟
حصة:ااااااااااااااش بسرق
عفراء:مابطلتي من عادتك السيئة "دخلو ثنتينهم للمكتب عفرا تطالع بحصة وهي تدور بين الادراج ":ههههههه لقيته لا وبعد ايفون خليتها تتربى الحين
:لا الا الجوال الحين بتفكرها انا اللي سرقته
"اخذت الجوال وخبته بصدرها وطلعو ثنتينهم بدون مااحد يحس عليهم ": عاددي احلفي بالمصحف انك مو انتي لانك صادقة ولاتنسين اجازة الترم الاسبوع الجاي واصلا ماتعرف اسمك
عفرا:فكينا طيب وش بتسوين فيه
حصة "راحو لزاوية بعيدة عن انظار البنات ":امممممممممممممممممم ببيعة خخخخخخخخخخخ
"وظلو سوالف طول الوقت "

من جهه اخرى جالسين عالشاطئ وبيدهم البيبسي :اسمعني ياضاري لازم نبعد عن عزام باي طريقة احنا ماشين بطريق غلط بنضيع شبابنا عالفاضي
ضاري"حتى هو مو عاجبة حالته بس مابيده حل كابر وبدون نفس": الحين جايبني علشان هالكلمة تراك غاثني فيها هذي حياتي وانا حر "وقف وينظف ثوبة من الرمل ":لاعاد تناديني اذا عندك سالفه تغثني عالصبح
راشد"يعرف ان ورا ه قلب طيب وحنون ": ماابغاك تندم وتقول لية مانصحتني انا من اليوم ورايح بمشي بالطريق الصح وانت لاتنسى ان عندك خوات يحتاجونك معاهم
"قارف العيشة وضايقة فيه الدنيا اخذ نفسة وركب السيارة بهدوء طلع جوالة واتصل باقرب الناس له "

نغمة جوالها اربكتها نغمة مخصصة له بس :اااااااااااااا هذا اخوي الهم يتصل عن اذنك شوي
"بعدت عنها قد ماتقدر وعدلت صوتها ":احم هلا وغلا
ضاري"يرتب شعره الطويل منحرج منها": هلا حبيبتي كيفك واخبارك وحشتيني
حصة"من كثر الخقة مو قادرة تمسك نفسها تسندت عالجدار": حيواااااااااان لية ماتتصل فيني لك اسبوع قاطعني
ضاري:افا افا ليه الغلط احترميني عالاقل صدق عطيتك وجه
حصة:مو حيوان وبس الا *** اجرب تدري ان لي فترة وانا ارمي على غرفتك حجر حتى تنتبه لي وانت حضرتك مطنش
ضاري:اوووووووف حصيص تراني حدي متضايق اتصلت فيكي علشان ارتاح
حصة:مدامك متضايق اكيد انك مطفر كالعادة
ضاري:والله ماعندي ولاقرش والزفت عزام طالب فلوسة اليوم حتى الجامعه مارحتلها
حصة:لاتخاف حبيبي اعجبك اليوم صدت صيدة قوووووووووية
ضاري:تعجبيني وش اليوم جايبة؟
حصة:جوااااااااال ايفون يعني تقريبا بتبيعة ب2000 وشوي لاتخاف جديد
ضاري"بيتشقق من الفرحة ": فدييييييييييتك من لي غيرك بهالدنيا ماحاد فاهمني كثرك
حصة:بشرط
ضاري:لك عيوني

ابكيه ياعيوني ©؛°¨غرامي جديد¨°؛©

حصة:خل عيونك لك "انقلبت لهجتها للجدية": اسمع ياضاري اترك عنك الخرابيط كل ماتوعدني تخلف بديت اطفش منك
ضاري"عصب عليها وبصوت عالي ":طفشتي مني اكيد شايفتلك شوفه جديدة قولي مين هالمرة جاي يخطبك ولد الوزير

حصة:اووووووف منك تقرف العيشة وعناد فيك الجوال ماراح اعطيك اياه يالله باي
"قفلت الخط بوجهه ومسحت رقمه ورجعت لصديقاتها تتحلطم وتتوعد فيه اليوم "


عند مكتب الدكتور عادل
:دكتور هذا كشف الطلاب الحضور والغياب
عادل:اتركه على جنب مشكور
"بعد مانتهى من تصحيح الاوراق للطالبات يتصفح كشف الطلاب الغايبين عن المحاضرات ومن بين 200 طالب لفت انتباهه اسم ضاري محمد الxxxمسك ورقة عفرا ويقارن بين الاسماء":نفس الاسم اكيد اخوان امممم نفسي اعرف وش قصت هالبنت "رجع الكرسي لورا وطلب سجل الطلاب وبدأ يبحث عن تفاصيل ضاري وسجله الاكاديمي وشؤون الطلاب عن ضاري محمد "
ايش قصت هالدكتور وايش دورة بالرواية كل هذا بينكشف بالقادم


الساعة 3 العصر
"دخلت للبيت بعد ماودعت حصة ":السلام
غزيل"جالسة عالفرشة بالحوش " :وعليكم السلام اخيرا شرفتي
عفرا:اوف اسكتي اليوم اكره يوم بحياتي تصدقين مين شفت
غزيل"تلعب بالحصا ": مين روميو ؟؟
عفرا:لا شفت رشا بنت عمي
غزيل"لفت وجهها لاختها بعصبية ومن بين اسنانها": وش تبي فينا الحيوانه ماكفاهم اللي خذوه منا واكيد انتي قابلتيها بالاحضان كان تفلتي بوجهها اااااااااااه يالقهر ليتني اشوفها يوم والله لقطعها
عفرا:بسم الله وش دخلها هي بالموضوع مالها ذنب باللي يصير
غزيل"وقفت ": لا لها ذنب انها بنته بنت السراق الحرامي جعله مايتهنى بريال واحد "دخلت لغرفتهم وبدت تبكي بقهر وحقد عامي قلبها وتدعي علية بكل حرارة ":ياااااااارب انك تحرق قلبه مثل ماحرق قلبي يارب

"مر اليوم على ابطال قصتي ككل يوم ولا يعلمون ماتخبأة لهم الايام الساعه 11 بالليل يوم الاربعاء الهدوء عام بالقرية جالس بغرفته ونور الفانوس طالع من غرفته سمع صوت رمي حجر "ميووووو بسسسس بس ميو": الحمدلله والشكر انقلبت هالبنت قطوه "طلع من الغرفة وتاكد ان خواته داخل مشى ووقف عند سور بيتهم كان حوشهم يطل على حوش بيت حصة وغرفته مقابل غرفه حصة طل براسة وشافها :هلا توم
حصة"تلتفت حوالينها تتاكد ان مافي احد صاحي": توم بعينك تعال قرب مافي احد صاحي
ضاري"لف يمين ويسار ورفع نفسة وطب بحوش ابو حصة قرب من حصة وراحو ورا البيت واقفة مقابله وجهه لابسة تنوره طويله سودا وجاكيت بني من البرد فاتحه شعرها لنص الظهر كيرلي ملامحها هادية وناعسة":وش عندك حلوة اليوم
حصة:طول عمري حلوة يعني مو اول مرة وبعدين لاتضيع الموضوع ناديتك حتى اقولك رشا اليوم جت وسلمت على اختك
ضاري"انقلب وجهه الوان مسك يده على خصرة ويده الثانية يرجع شعره لورا ":اسمعيني الحين جا وقت الجد اللي خططنا له بنفذه الحين
حصة:اوكي صار وانا جاهزة بس اسمعني ياضاري والله العظيم لو لعبت بذيلك من وراي ليكون نهايتك بيدي
ضاري"ابتسم وقرب وجهه من وجهها ويضغط على انفها الصغير": احلفي ياشقردية بتذبحيني اصلا عيونك تسوا الدنيا ومافيها يعني لارشا ولاغيرها بيغيروني عنك ارتاحي
حصة"رفعت خشمها لفوق ": اية حسبالي بعد المهم جبت لك الجوال "طلعته من جيبها "مد يده مبسوط ":والله راهي بالقليل بيجيب 2500 بتشتريلك احلى هدية تستاهلين
حصة:بالاول سدد ديونك واترك عنك هالعزام ترا مااواطنه ومايبيلك الخير وانت عارف
ضاري"يغير الموضوع ":اقول تبين ابوكي يطلع ويشوفنا يالله "ياشر على خده "بسررعه
حصة"وبخاطرها يعرف يجيبني مضبوط باسته على خده ابتسم لها وطلع مثل مادخل وعيونها مافارقته ": ياربي اشلون سمحت اوصله لها بنفسي بنشوف اخرتها معاك ياضاري


في غرفة البنات جالسين طفشانين وكل وحدة ماده البوز شبر
غزيل:اقول عفرا لية ابوي سماك هالاسم ؟
عفرا:نسيت مااسئله تصدقين
غزيل:لا من جد يعني مالقى الا هالاسم
عفرا:اكرمينا بسكوتك
غزيل:تصدقين اليوم كنت باكل ضرب ثاني من ضاري
عفرا:ولية؟
غزيل: لاني فتحت باب الشارع وشفت خوية يجنننننن ليه ضاري مو طالع على ربعه بس مو احلى من راعي ال***وكة هذاك باين عليه ولد خير
عفرا:يابنت اعقلي لايسمعك اخوك
غزيل:لاحول حتى باحلامي بيطلعلي "ابتسمت ابتسامة خبث "
عفرا:وش ناوية عليه ترا فاهمتك زين
غزيل:لا ولاشي خليها بعدين بتعرفين
عفرا:طيب طفي النور جاني النوم من امس مانمت
غزيل:نامي انا بقعد سهرانه اناجي النجوم ههههههههههه
عفرا"تغطي نفسها بالفرشه وتعطيها ظهرها":الله يثبتنا بعقولنا
"نامت بهدوء وتركت اختها تفكر ولاهي عارفه ايش تفكيرها بيوديها "




انتهى البارت الاول
عزام هل بيرضى ان شلته يفترقون عنه وكيف بينتقم من ابوه وراشد؟
ضاري وحصة ايش المخطط اللي راسمينه سوا ؟
رشا وش موقعها من الاعراب؟
غزيل ايش اللي تفكر فيه ؟
الدكتور عادل وش اللي حاب يوصله؟
عفرا الهدوء ماقبل العاصفة؟
كل هذا بالبارت القادم تحياتي لكم

فرحة لقى ©؛°¨غرامي نشيط¨°؛©

يااااااا صباااااااااااح الجوووري والنوير


يسلمو


نننتظر الاحداااااااااث القاااادمه


تحيااااااااااتي

وردة الزيزفون
✿ إدارة الإقسام ✿

صباح الخير ......يسلمو على البارت مع اني في هالبارت كرهت اغلب الشخصيات وماعجبوني بسبب التجاوزات الي قاعدين يسووها

حصة وضاري ورشا

حصة ماحبيتها ابد واتمنى انو نهايتها سوداء وحدة بكل وقاحة عايشة علاقة محرمة مع ولد جيرانهم ومتوقعة بيوم بيوثق فيها وبيتزوجها الي تخون ربها وتخون ثقة اهلها ...
وفوق كذا تسرق استغفر الله ربي ماخافت على كبر الذنوب انو يومها يكون كبير وهي ماكسبت بدنيتها الا الذنوب ومو اي ذنوب الا كل ذنب اعظم من الثاني اتمنى من قلبي نهايتها تزويجها بالغصب لرجل يعذبها يمكن تصحى وتتوب لربها

اما رشا الي ميته على ضاري ماادري على ايش اذا رمت حالها عليه تستاهل الي بيجيها بس اعتقد انها بتطلع بنت محترمة وتخاف ربها وعلى سمعتها بالرغم من اعجابها بضاري الا اني مااعتقد انها بتكون رخيصة مثل حصة

اما ضاري الدنيا سلف ودين ومثل ماهو قاعد يلعب بعرض غيره بيجي يوم الي بيلعبون بعرضه


عفراء

الوحيدة الي حبيتها في الرواية للان بنت عاقلة ورزينة ومحترمة رغم الظروف الي تعيشها الا انها ماراحت للطرق المنحرفة وعندها عزة نفس بس تمنيتها وقفت حصة عند حدها حتى لو ماسرقت بس شاركت في السرقة وسكتت على المنكر وحطت على نفسها ذنب كبير .......الدكتور عادل اعتقد بيكون له دور بحياتها الجاية ويمكن يكون له يد بخلاصها من الزريبة الي عايشة فيها

غزيل

ماحبيتها ابد من الجزء الي راح وحدة همها المظاهر والفلوس .......واعتقد ربي بيبلاها بعزام الي ميتة عليه وبتكره الفلوس وطاريها من الي راح يجيها .......مفكرة الفلوس بتسعدها


بس مستغربة من شي ذكرتي انو العم سرق حلالهم وهم على حياة ابوهم عندهم خير بينما عفرا رجعت تذكر انو الغرفة الي تنام فيها عاشت فيها من الصغر وكبرت فيها .......كيف هم بخير على حياة ابوهم وهي تقول عايشة بالزريبة من صغرهم لو ابوها مات وهم صغار اجل ماتذكر الخير ولا عرفته ....... اما العم سرقته لمال اليتيم

ربي بيرجعها له بحرق قلب ماتعوضها كنوز الدنيا


في انتظارك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1