LORA emo ©؛°¨غرامي فضي¨°؛©


وكالعادة مواضيع ونقاش حاد وقوي،،
متأكده رايكم مثلي

لمتى نعيش معاهم من!
الاب والاخ..
ليش الاب ماله عقوبه اذا ضر احد من بناته..
ماقلت اولاده لانه مايضرهم ليه فوق روسهم ريشه..

خلوني اقولكم قصه صديقتي وبعدها أكمل نقاش..

يوم من الايام ودها تروح لصديتها جارتها قدام بيتهم..
واستأذنت من امها ووافقت لما رجعت للبيت واقفين خوانها وابوها
قدام باب البيت قالت وش فيه مسكوها وماضربوها الى كف..
وقال اخوها الصغير اللي اصغر منها !!

شرايكم نحطها بغرفتها لمده عام ونص محجوزه..
وافق الاب اضاهر ع بالهم في مسلسل هع

وراحت بدون علمهم لعندي في الاستراحه واشتكت لي..
قلت لها روحي للبيت وانا اتصرف لما رجعت لبيتها شافت يشيلون اغراضها
وسريرها علشان تنام بالارض ..
ماتحملت وراحت بتكسي لشرطه وقالو لها ماتدخلين الى بمحرم ضحكت
تعجبت قالت انا اللي ابي اشتكي عليه هو المحرم ورفض يدخلها وصارت تبكي بصوت عالي وصراخ ودخلوها وقال الشرطي مين اللي ضرك قالت ابوي واخواني قالها ابوك؟
قالت ايه.
قال ابوك مانقدر نسوي شي!
قالت طيب ولو يذبحي قال عادي ابوك؟
رجعت للبيت والحين في غرفتها مسجونه.
وانا مااقدر اسوي شي لها
.............................
قضف المحصنات..
الحين اكثر العوائل الاخ يقضف اخته والحمد الله في عقوبه له.
بس البنت تقدر تروح تشتكي عليه؟
اكيد لا فضايح فا ليه انتم ياالاخوان ماتتعدلون.
ولا زي سالفه البنتين اللي محجوزات في غرفه 9 سنوات!
ليه الاب والاخ علشان فضايح ومشاكل الدنيا مايجيبون لنا العار؟

بالله مسوي لي فيها عار بعض هاه بعض الشباب يقول الكلام ذا
واصلن هو اصيع واحد في الدنيا .
الرجال:يكلم بنات ويغازل ويروح شقق مشبوهه ويفحط ويدخل السجن ولسانه وصخ مع امه وابوه وكل ذا ويقول طيب عادي ليه!
انا رجال ومايعيبني الى جيبي.
البنت: من المدرس للبيت ع طول واذا كملت جامعه نفس الشي
ماتقدر تطلع لحالها ابدآ.
تكرف طبخ غسيل كنس وا وا وا
وبعدها تضحك وتقول الدنيا حلوه.
واذا تعذبت من اهلها تتزوج ونفس الشي وعذاب اكثر غير الحمل والولادة
وجزاتها ولا شي.


الحل كلو بأيد الحكومة طلعو عقوبه العنف النفسي الاسري
يعني لازم الاب يضرب ويقطع بنته يالله تتدخل الحكومة
طيب والنفسي في بنات مفصولات من الدراسه ليه!
علشان ماادري وين تروح تجيب لي العار..
من ايد الاب لأيد الاخ واذا ماتو لأيد العم لأيد الزوج للموت مانكون مامعانا محرم
لمتى تعيش معاهم..
وربي محروق قلبي على صديقتي..
وش اسوي.
يارب الفرج لها
اتمنى تناقشون الموضوع
ويعجبكم

..Da7oOoMy.. ©؛°¨غرامي مشارك¨°؛©

حالات فرديه

البنات ماشالله عليهم

مالين المجمعات والجامعات والمطاعم والملاهي والمنتزهات
والحالات اللي صايره ماهي الاغلبيه العظمى

ولكن لايخلو الامر من وجود بعض العقول المريضه


امس اتصلت بصديق لي توه طالع من دورة الضباط 45 يوم

واسأله عن وضعهم ويسألني كيف العمل

قلت تمام ماعدا عندي واحد متخلف ورجعي
مسوي فيها سعودي قديم انا راعي الابل وانا البدوي راعي البر
انا الشايب مسوي جدنا .. مايشرب بيبسي وماياكل برقر
وكل شي عيب

قال انا نفس الشي عندي واحد جاي معه شهادة طب
يعني الطب تقول هذا رجل متعلم وواعي

قال تناقشت معه قلت ماتخصص يوم لاهلك بالاسبوع
توديهم تخلص مشاويرهم تمشيهم تتونسون

قال وشو !!!

عيب .. المره مالها غير بيتها وماتطلع وهذي حرمة ومن الكلام الغبي ذا

يقول النقاش معه عقيم.. واخرتها

احس انه ينظر لي وكأني ديوث او ماعندي غيره وماني رجال

لمجرد اني مقتنع باهمية المساواة وانو البنت مثل الولد لازم تطلع وتتمشى
وتوسع صدرها شوي


عموما وش تترجون من ناس .. حريمهم وبناتهم يتغطون ببراقعهم عنهم !!

محرمها ومايشوف وجهها قطع ياهالوجه


اذا ناس متخلفين لدرجة انو زوجته مايشوفها
كيف تبونه يسمح بترفيه المرأه وحفظ حقوقها مثل ما امرنا فيها الاسلام

LORA emo ©؛°¨غرامي فضي¨°؛©

الله يعطيك العافيه

يسلمو
ردك مرره روعه وكلامك صح
وكثرو الاشكال بالرياض ماادري ليه؟

يمكن موجودين من زمان وانا موب شايفتهم!

شكرآ..

عنب احمر ©؛°¨غرامي مشارك¨°؛©

اختي / اخي صاحبة / صاحب الموضوع الاقارب تدخلوا في الموضوع ؟ اذا مافيه فائدة اتصلي ب 1919 هاتف العنف الاسري واعطيهم عنوان البيت هذولا ناس مايخافون الله وعلى بالهم مافيه احد بيوقفهم عند حدهم حسبنا الله ونعم الوكيل ......... ولاتزال النظرة السوداويه للمراة والمعتقدات الخاطئه باقيه في الراس الى قيام الساعة .......

ريحانة حزن ©؛°¨غرامي مشارك¨°؛©

هممم .. للاسف احيانا البعد عن الدين بل الاكيد البعد عن الدين يجعل افعال بعض الاسر هكذا .
لان بالقران و السنه كلها راعت مشاعر المرأه "" يكفي قول الرسول صلى الله عليه وسلم .. فيما معناه .. لا يكرم المرأه الا كريم و لا يهينها الا لئيم .. و خيركم خيركم لأهله و انا خيركم لاهلي .. ايضا وصف النساء بالقوارير لسرعة كسرهن و ضعفهن ..
...........
وبصراحه موقف صديقتك جدا سئ .. يعني اخوها و ابوها يضربها كف تقوم تشتكي بالشرطه .. حتى لو قالو نسجنها لمدة سنه ونصف كله مجرد كلام من غضب و الدليل انهم خلوها تطلع من الغرفه وراحت للاستراحه عند صديقتها .. رجعت ولقتهم شايلين السرير وزعلت انها بتنام عالارض وخلتها قضيه .. اعذريني ولكن تصرفها خاطئ ..
قدرت تفسر وقوف اخوانها وابوها خوف .. امكن ماعرفو فين راحت ؟؟ وامكن اخوان صديقتها سمعتهم مو كويسه واهلها عصبو عليها ؟؟.. و احيانا الدلال الزائد يفسد او ان صديقتك ماتقيم الامووور صح او تفكر ايش السبب ..
و المفروض تحمد ربها انهم ماذبحوها جزاة خوفهم عليها تروح للشرطه علشان كف و سرير << الحمدلله انا اشن حرب مع اخواني و اطلع بخساير فاادحه هم يضربوني وانا اضرب و امكن السبب برادي شاي مو طلعه من البيت .. والحمدلله الحياه حلوه و ماشيه معدوووله معي ..
المعنى مااافيه بيت مايخلو من مشاكل و لكن اللي يفرق مشكله عن مشكله و كيفية التصرف معها .. بعض التصرفات تزيد الطين بله و المشكله مشكله .. صديقتك لو سكتت و لما يهدي ابوها تكلمه و تخليه يفهمها و تعتذر صدقيني بيسمع لها هي ساعة غضب لانها طلعت وولا اعطته الشور ..
.................................................. .....................
..............................................
اما اللي يسجن بنته لسنوات لمجرد خووفه فهذي اللي لها الحق تشتكي لان الاب وقتها مريض نفسي و مو غريبه يعطي افكاره لولده لان الابن بيكسب من ابوه
و للاسف للمره المليون تنعاااد :: فقد الدين مصيبه ::

جرحتني عيونه ©؛°¨غرامي مشارك¨°؛©

اول شي مستحيل استوعب ان فيه اب او اخ يضرو اخواتهم
يمكن الاخ يزعل و يهاوش اختو بس الاب دائم بصف البنت حتى لو غلطة
و يمكن يضرب الولد عشانها
بس فيه بزوره يسو نفسهم رجال كول شي اتسويه البنت عيب و يضربوها و قلت حيا ما ينفع لهم غير تشتكي عليهم
و ربي ما يخلوه يقعد ببيتو دقيقه

الله يصلحهم و يعينها و لا يبلانا

LORA emo ©؛°¨غرامي فضي¨°؛©

شكرا لتواجدكم..

جرحتني الى في،،


وماكان ودي اخبركم وش صار بالبنت،،
عشان ماتتحسسون..

اسفةةة مقدر اقول،،

احترت بدنيتي ≾`أنثـے » بڕائحـہـ الـﯠژد`≿

-



أهلا بكِ ..


عقوبه العنف النفسي الاسري

أسمع الجمعيات و وسائل الإعلام تتحدث عنها وخاصه إن توفت الفتاه أو الإبن ..

لكن فعليا لم أراها ..!

فهم يهدئون الجمهور الثائر / ثم يسدلون الستار و كأن شيئا لم يكن ..

لذا فـ إلى الله المشتكى ..

و أرجو أن يُعيد إلى هؤلاء بصيرتهم ..

فهم يعاملون فلاذ أكبادهم و كأنهم جرثومه تضرهم ..

أسأل الله ألا يبتلينا بمثل عقلياتهم >

سلمتِ ياحُلوتي على طرحك القيم .



-

جيجي لمارا ©؛°¨غرامي متألق ¨°؛©

دنيا كفاالله شرها ...

وانا اللي اقوول النااس تطوروا وعرفوا الحق ومدري ايشش من جد والله حراام اللي يسونه للمرأهـ لييه هي مو انساان تحس والا معتبرينها حيوان (أكرمكم الله) ...

عالعموم مانقدر نقوول الا الله يهديهم ويشفي العقوول المرييضه...

دمتي غلااااتي عالطرح لاخلا ولاعدم...

روح قلبي.. ©؛°¨غرامي متألق ¨°؛©

مافي ابو يضر بنته الاهل شي حلو و وايد حلو بعد فلا تخربون صورتهم الله يخليكم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1