منتديات غرام روايات غرام أرشيف الروايات المغلقة - لعدم إكتمالها سجناء الذكريات يبحثون عن مفاتيح النسيان
Emaneh ©؛°¨غرامي جديد¨°؛©

بسم الله الرحمن الرحيم

رواية.. (سجناء الذكريات يبحثون عن مفاتيح النسيان)


طبعا هالرواية شوي شوي راح تكون طويلة وهي مو كاملة عندي بس عندي تقريبا 10 اجزاء بارزة ومازلت مستمرة بالكتابة .. وراح التزم ان شاء الله بتنزيل الاجزاء .. وماراح يمنعني عنكم الا ربي والظروف الي راح تصيدني (دراسة...تعب..مرض..اشياء اخرى) وان شاء الله ماراح يصير أي شي ونختمها على خير .. طبعا انا هاوية ولا زلت هاوية واحب الانتقاد .. راح احاول قد ما اقدر اعطي بهالرواية .. ولا تنسون انها تجربتي الاولى وان شاء الله مب الاخيرة .. لاني اعشق الكتابة .. حاولت اكتب اكثر واكثر بس كنت اتعيجز وابدأ بغيرها وطبعا هذي اخر ما كتبته واجبرت نفسي ان انشرها عشان اكملها .. وان شاء الله اكون قد الظنون

#طبعا الرواية بحرينية .. في مملكة البحرين الحبيبة (حفظها الله من كل ششر)
#وراح تكون باللهجه العامية وراح احاول اني ابعد شوي عن الكلمات الصعبة عشان تفهمونها
#وجودكم جنبي ودعمكم راح يحمسني اكثر
#الرواية راح تكون شخصياتها كثيرة وعائلة كبيرة جدا
#للي حاب ينقلها لا ينسى (رواية سجناء الذكريات يبحثون عن مفاتيح النسيات-ايمان)




البارت شوي وينــزل


شموخالشمري ©؛°¨غرامي فعال ¨°؛©

موفقه حبيبتي.....

شموخالشمري ©؛°¨غرامي فعال ¨°؛©

ننتظر البآارت الأؤؤل...

~الفارسه المجنونه~ ©؛°¨غرامي مجتهد¨°؛©

صباحكم ومسائكم جوري
بنتظار البارت يالغلا






Emaneh ©؛°¨غرامي جديد¨°؛©


بسم الله الرحمن الرحيم

اللهم صلي على محمد وعلى ال محمد

اللهم انصر اهلنا المستعضعفين في سوريا وبورما وفلسطين .. اللهم احفظ مملكة البحرين من كل شر ومكروه وابعد عين الحاسدين والغادرين عنها واحفظ المملكة العربية السعودية ودول الخليج العربي من الحاسدين والحاقدين .. اللهم احفظ الامة العربية وارح قلب اهلهم..اللهم فرحنا بنصر سوريا على السفاح الاسد..اللهم هذا الدعاء ومنك الاجابة..وصلى الله على سيدنا وحبيبنا وقرة اعيننا محمد وعلى اهله واصحابه الطيبين وسلم تسليما كثيرا .

الجزء(1)

الجـد *راشد*

ابناء الزوجة الاولى *مهرة*

1 ابراهيم*بوراشد*
نورة*أم راشد*

راشد : متزوج بنت عمه نور (31س) وعنده (غادة 1س) ضابط بالداخلية
رغد (28) محامية
رهف(22) سنة ثالثة جامعه
محمد(20) سنة ثانية جامعه
سارة (15) ثالث متوسط

2 خالد *بوسلطان*
شهده *ام سلطان*

سلطان (28) متزوج بنت خالته فاطمة من سنتين وعنده (يسرى 5 شهور) استاذ اجتماعيات

نور (27) متزوجة ولد عمها راشد وعندها (غادة 1س)
صمود (24) اخر سنة جامعه
فرح (20) سنة ثانية جامعة
غلا (16) اول ثانوي


3 مريم *أم فهد*
زوجها عبدالله *بوفهد*

فهد (30)
صالح (29) سنه ثالثة جامعه
ريم (27)
هيفاء (17) ثاني ثانوي ادبي


الزوجة الثانية *زليخه*

بنتها الوحيده منى (36)




راشد (انحنى لها ليوصل لخدها ويبوسها) : صبـاحي اجممل نور بالدنيا
نور (احمروا خدودها ولفت له وحاوطته من خصره وقربت له اكثر) : صباحي احلى زوج
راشد (ضحك بقوة ) : فديت ام غدوو والله
نور ( شهقت وكأنها تذكرت شي ) : آمبييييييه
راشد ( توتر لما شهقت ) : شفييج نور ؟
نور ( بدون ما تسمعه راحت تركض للحمام بخوف وهلع .. شهقت من الي تراه)
راشد من ورائها ( اتسعت محاجره من الي قدامه )

راحت نور تركض للبانيو لتحمل البنت الصغيرة الغرقانه فيه .. وهي تبكي وتصرخ .. انتبه راشد لها وراح ركض اخذ غاده منها .. راحت تلبس عبايتها وطلعوا بسرعة متوجهين للمستششفى .. طول الطريق كانت نور تتلوا ايات الله الكريمة على غاده .. يالله لا تفجعني فيها يالله لا تبعدها عني .. هذي قطعه من روحي .. يالله رحمتك يالله رحمتك لا تفجعني فيها .. راشد المتوتر والي يسوق بسرعة 180 .. غير منتبه لاي شي .. في قلبه يدعي ان الله يصبره ويحفظ له بنته وحبيبته الثانية من بعد امها .. وصلوا للمستشفى .. نزلت نور بسرعة ووراها راشد الي نسى حتى يسكر السيارة من التوتر .. دخلوها على الطوارئ .. اخذوها من يد نور الي ما كانت ناوية تمسكها .. صرخت بقوة *غاااااااااااااااة* .. مسكها راشد من يدها ووحاول يديها .. لكن نور كانت منهارة لدرجة غير متوقعه .. حاول يحضنها ويهديها .. هو نفسه كان متوتر وخايف حيل على ضناه الوحيد .. غمضت عيونها بتعب .. فقدت وعيها .. راشد انتبه لها وصرخ باعلى صوته *ويييييييييييييينكم* .. انتبهوا له الممرضات .. جابوا الحمالة وشالوها .. راشد الحين بين نارين .. بين حبيباته الثنتين وعمره وحياته .. تنهد بتعب ورمى بنفسه على الكرسي البلاستكيني القريب منه .. التفت للانسان الي جنبه وانصدم

راشد ( بدهشة ) : صالح ؟
صالح ( ابعد تلفونه والتفت عليه وقال بعجب ) : راشد ؟؟ شفيك عسا ماشر ليش انت هني
راشد ( وكانه كان بحاجة لشخص يفضفض له الي فيه الحين .. دمعت عيونه واه من دمعة عيون الرجال)
صالح (وبخوف قرب صوبه وحط ايده على كتفه) : اسم الله عليك يا ولد خالي .. شفيك ؟
راشد ( نزل راسه وحط ايده على جبهته) : آآخ يا صالح
صالح : سلامتك من الاخ .. افا وانا اخوك انا مني .. تكلم شفيك شصاير ؟
راشد (رفع عيونه وهو يطلع كلينكس من جيبه .. بعد ما هدأ ) : بنتي غاده
صالح (بخوف) : شفيها غادة ؟ عسا ماشر ؟
راشد ( بألم ) : دخلنا عليها الحمام وشفناها غرقانة مثل الجثة ونور من شوي اغما عليها .. تعبان يا ولد العمة تعبان
صالح (تنهد) : افا عليك يا ولد خالي وانا وين رحت اصبر هذا بلا من ربك وان شاء الله مافيهم الا العافية
راشد ( وكأنه تذكر شي ) : ماقلت حق احد
صالح (بابتسامه) : لا تخبر احد لين ما نتأكد عشان ما نخرعهم
راشد (تنهد) : اي صح ماسألتك انت شعندك ؟
صالح (بتوتر) : شوية فحوصات
راشد (ابتسم رغم المه) : ان شاء الله مافيك الا العافية


طلعت من الجلسة وهي مبتسمة ابتسامة النصر .. طالعت للطرف الثاني .. هو الثاني طالعها بقهر وحقد .. للمرة الثانية تنتصر عليه .. قربت له بخبث وهي قاصدة اهانته

رغد (بضحكة) : للمرة الثانية اغلبك قلت لك لا تتحداني
حامد (بقهر واضح) : ايي اليوم واقهرج مثل ما تقهريني
رغد (بابتسامه خبيثة) : احلم دامك تحديتني
حامد(ابتسم ببرود) : للحين على الرهان صح ؟
رغد : اي .. اصلا ماراح تقدر تغلبني يعني احلم انك تكون زوجي بيوم من الايام
حامد : بيي اليوم واغلبج فيه وراح تكونين ملكي وقتها والله ثم والله راح ارد لج كل شي قلتيه لي واهنتيني فيه الصاع صاعين
رغد (بخبث) : مع وحده مثلي احلم ثم احلم

راحت وتركت وراها رجل يتوعدها ويوعد نفسه بقهرها .. دخلت سيارتها البورش .. سحبت تلفونها واتصلت على اختها رهف

(بعد ثواني ياها صوتها الناعم ببحته المميزة) : هلاا رهووف
رهف (بضحكتها المميزة) : هلا حبيبتي
رغد (طالعت ساعتها الالماس المزينه معصمها الايسر) : ها على موعدنا صح ؟
رهف(بدلع لايق) : اي حبيبتي اصلا الحين انا بطلع من الجامعه والاقيج بستار بكس اوكي ؟
رغد : اوكي حبيبتي انا توني مخلصة الجلسة وبلاقيج مناك مب تتأخرين ترا اروح عنج
رهف : يا سخفج بس
رغد : هههههههههههههه اي شرايج نقول حق وعميمه مناي وباقي البنات ترا اشتقت حق قعداتنا
رهف : اول مرة بحياتج تقولين شي عدل
رغد : هههههههههههههههههههه
رهف (بضحكة حلوةة) : اوووكككي اتفقنآآآ
رغد : يلا سككري
رهف (ضحكت) : بااي بايي

سكرت من اختها .. طالعته وهو طالع من المحكمة ومبين من خطوات ريله انها معصب وواصل حده .. تعترف بوسامته وقامته الطويلة الجذابة بس مب انا الي انجبر على شي ما ابيه .. وبنشوف يا حامد يا انا يا انت ولازم تعرف انت مع من تلعب !


في جهه ثانية من بعد سكرت التلفون من عند اختها .. طلعت من باب جامعة البحرين وشافت بنات عمها خالد فرح وصمود قاعدين .. بضحكة راحت لهم عشان تسلم عليهم ومرة وحده تاخذهم معاها

رهف ( من ورا صمود بعد ما أشرت لفرح انها تسكت ) بووووووووووووووو
صمود (فزززت بقوة والتفت بعصبية ) : يالحقيييييييرة
فرح (ماتت من الضحك .. شكل صمود وهي معصبة يضحك ) : هههههههههههههههههههههههه ماصدق
صمود ( بعصبية ) : انتي جـــب بعد
فرح ورهف : ههههههههههههههههههههههه
رهف (سحبت لها الكرسي وقعدت ) : سمعوا ما عندي وقت .. عندكم شي الحين ؟
فرح وصمود : لاء
رهف (بضحكة رقيقة مثلها) : عيل خلاص قوموا رغوود عازمتنا كلنا ولا كل البنات بيوون
فرح وصمود ( بفرحة ) : يلا قووموآآآ


واهما يمشون وضحكاتهم كل مالها وتنعلي اكثر واكثر .. شافوا محمد جدامهم .. راحوا له

رهف (باستهبال) : حموودي حموودي
محمد ( التفت وكل الي بعقله ان يكفخها وبصوت خافت) : ووييعه تويعج انتي وحموودي مالج هذي
رهف ( ماقدرت تمنع نفسها) : هههههههههههههههههههههههههههههههههههههههههههههه
محمد ( عقد حواجبه بطريقة تجنن والتفت لبنات عمه) : شخباركم يا بنات
صمود (بحياء) : بخير الحمدالله وانت شخبارك
محمد(بخير وطالع لفرح) : وانتي يالخبلة على راسج ريشة ماتردين
فرح ( بقهر ) : كيفي مابي ارد عليك معفن واحد
محمد ( بقهر ) : جب
رهف ( بضحكة عالية ) : بس بس فضحتونآآ شفييكم هذا انتوا من يوم ما كنتوا يهال ما تتغيرون
محمد : بنت عمج ذي تقهر
فرح : وانت بعد تقهر
صمود : اوووف يلا خل نممشي بيفضحونآآ
رهف ( سحبت يد فرح ) : يلا حمودي نشوفك على خير
محمد ( بعصبية واضحه ) : بعد قالت لي حمودي باذبحها ذي
رهف : هههههههههههههههههههههههههههههههههه


دخل البيت وهو حده تعبان من دوامه .. اليوم طرد طالبين من الصف لقلة ادبهم .. متى يتعدلون هاليهال .. شهالجيل الطايح حظه .. الي روق مزاجه هو شوفه حبيبته وزوجته وقلبه وهي تلاعب وحيدته بنته .. قرب صوبهم شوي وفاجئ فاطمة ببوسه على رقبتها

فاطمة ( بخجل ) : ييت ؟
سلطان ( بضحكة وهو يحمله يسرى ) : اي حبيبتي وحدي تعبان
فاطمة ( وقفت وحاولت تاخذ يسرى منه ) : ييبها لا تتعبك
سلطان ( باس عيون يسرى علخفيف ) : لا هالياهل بتعبني الله يهديج .. بس حدي يوعان
فاطمة ( بمزح ) : ترا اغار لا تبوس فيها
سلطان ( بضحكة عالية قرب صوبها وباس خدهاا ) : قلبي انا الي تغار
فاطمة ( بحرج وخدودها حمروا ) : يلا بروح اسويلك شي تاكله


استلم تحليلاته وهو حده خايف .. كان قاعد يمه راشد ويطالعه باستغراب .. فتح الظرف وطالع للنتايج .. بتوتر طاحت الورقة على الارض ..

راشد (بخوف) : شفييك ؟
صالح (بضعف قعد على الكرسي ) : سرطان !!



انتهى البارت الاول


جذابه وعيونها خلابه ©؛°¨غرامي فعال ¨°؛©

روووعه روايتك بصررحه حمستني
رحمت صاال مووت شكله مرره حبوب وطيوب
وراشد بعر حبيته
بس نور احس الخطأ منها كيف تخلي بنت بهذا العمر
في البانيو لحالها
تحياااتي يالغلا
وبتوفيق لك..
♥♡♥

Emaneh ©؛°¨غرامي جديد¨°؛©

المشاركة الأساسية كتبها جذابه وعيونها خلابه اقتباس :
روووعه روايتك بصررحه حمستني
رحمت صاال مووت شكله مرره حبوب وطيوب
وراشد بعر حبيته
بس نور احس الخطأ منها كيف تخلي بنت بهذا العمر
في البانيو لحالها
تحياااتي يالغلا
وبتوفيق لك..
♥♡♥
فديتج حبيبتي نورتي
نور ما كانت مخليتها بروحها بس نست .. وراح تدفع ثمن هالنسيان :(


الـــجــازي ©؛°¨غرامي مجتهد¨°؛©

الســلام علـيكم ورحـمه الله وبــركاته ..~

صـراحه وبـدون مجــاملات .. اتــعب وانا اقـول ابــداع

من كل النواحي .. السرد .. وصف مشاعر الابطـال .. يعني تــوب مشاءلله عليـكـ
بس ياليت تـزيدي شوي من وصف الاماكن واشـكال الابطال

اتــوقع ان غاده بتـموت .. وهذا يوضح من العـنوان الرهــيب صـراحه
صــالح رحـمته .. وراح يعــاني حتـى يــشفى

بـس هذا الي عــندي ..
تـسلمين علـى الدعـوه الي من جـد مانــدمت اني دخلـت هالروايه الـروعه بحـق

مــوفقه واعــتبريني مـن مــتابعينـكـ يالــغـلأا ..~


! دلال ! ©؛°¨غرامي مشارك¨°؛©

الروايه روعه واعتبريني من متابعين الروايه
نور الخطا منها وشلون تنسا بنتها في الحمام
راشد والله رحمته بنته وزوجته في نفس الوقت
غاده أكيد بتموت وراشد بيحط الخطا على زوجته وما اتوقع انه يسامحها
وننتضرك في البارت الجاي

Emaneh ©؛°¨غرامي جديد¨°؛©

المشاركة الأساسية كتبها الـــجــازي اقتباس :
الســلام علـيكم ورحـمه الله وبــركاته ..~

صـراحه وبـدون مجــاملات .. اتــعب وانا اقـول ابــداع

من كل النواحي .. السرد .. وصف مشاعر الابطـال .. يعني تــوب مشاءلله عليـكـ
بس ياليت تـزيدي شوي من وصف الاماكن واشـكال الابطال

اتــوقع ان غاده بتـموت .. وهذا يوضح من العـنوان الرهــيب صـراحه
صــالح رحـمته .. وراح يعــاني حتـى يــشفى

بـس هذا الي عــندي ..
تـسلمين علـى الدعـوه الي من جـد مانــدمت اني دخلـت هالروايه الـروعه بحـق

مــوفقه واعــتبريني مـن مــتابعينـكـ يالــغـلأا ..~

وعليكم السلام فدييتج

نورتي يا حلوة وشششرف لي ان تعجبج
غادة والرواية ومحورها راح يبدأ منها هي .. وراح نتعرف على سجناءنا واحد واحد
وكل الابطال من صغيرهم لكبيرهم لهم دور كبير وكل واحد وقصته
نورتي يا حلوووة


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1