غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 991
قديم(ـة) 11-11-2013, 04:54 PM
صورة انا كلي فداء لك الرمزية
انا كلي فداء لك انا كلي فداء لك غير متصل
©؛°¨غرامي متألق ¨°؛©
 
الافتراضي رد: رواية ويأتي الصباح / بقلمي


راااااااااااائعه بكل ماتحمله الكلمه من معنى
اهنيكي عزيزتي واسفه لانقطاعي عارفه فترة الاختبارات تشغل الواحد
وانا متابعتكي للنهايه
تقبلي مروري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 992
قديم(ـة) 11-11-2013, 05:11 PM
صورة Ghost Reader الرمزية
Ghost Reader Ghost Reader غير متصل
©؛°¨غرامي جديد¨°؛©
 
الافتراضي رد: رواية ويأتي الصباح / بقلمي


خجل دانتيلا خجل دانتيلا
الاسمين بيدلو على الذوق الرفيع اللي لا شك فيه واللي أستمتعنا فيه من خلال روايتك
عزيزتي كل مرة أقول لنفسي يا بنت عبري عن مدى روعة شغل البنت اللي اسمها دانتيلا
القي نفسي محتارة أكتب عن ايش او ايش اتراجع ولكن اليوم لا تراجع
من حقك علينا نقوليك قد ايش انت مبدعه وأن كلمة مبدعة لا توفيك حقك
أنا مثلا ً كل مرة أقراء البارت اقول ياحظ من كان عندو شباب حلوين ونفسيتهم راقية ومهتمين في اخواتهم زي أخوان غيد يعني شوفي مثلا رقي مشاري مع رزان يختي عليه الله يخليلك اولادك تبعون الرواية ههه
من جد احساس العائلة الحلو اللي بتوصليه بحرفيه عالية تفوقتي فيه على نفسك
ولا وصفك للعلاقات بين الاشخاص جدا واقعية تحسيهم اولاد وبنات حارتك اقاربك كل واحد منهم بيحسسك انه حقيقه مش خيال من اصغرهم النونو الجديدة بنت دانية إلى أكبرهم فهد
وصفك للأماكن ولتصرفات الاشخاص جداً ذوق وراقي وحقيقي وهذا الأهم وهو يمكن اللي بيخلينا مندمجين لحد ما تجي العبارة اللي بنكرهه ( نهاية البارت__ ) هههههه عدوة الكل هذي العبارة
في النهاية بس حبيت اوصلك جزء بسيط من سعادتي فيك وفي كل ما يكتب قلمك وفي تميز حرفك لان اسلوبك ما بيشبه أحد الا انت دانتيلا بتشبه خجل وخجل بتشبه دانتيلا
لحظة لحظة في شئ نسيت أعلق عليه بحب جدا ًعباراتك وتصاميمك اللي ببداية كل بارت جدا روعة
وفي الأخر مالي إلا اقول ربنا يحفظك وأرجو أنك ما تحرمينا من جميل إبداعك

مع أمنياتي الدائم لك بالتوفيق والنجاح في كل أمور حياتك
أختك
Ghost Reader



تعديل Ghost Reader; بتاريخ 11-11-2013 الساعة 05:28 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 993
قديم(ـة) 11-11-2013, 09:07 PM
صورة دانِـتيلاَ الرمزية
دانِـتيلاَ دانِـتيلاَ غير متصل
©؛°¨غرامي فعال ¨°؛©
 
الافتراضي رد: رواية ويأتي الصباح / بقلمي


.




اقتباس:
المشاركة الأساسية كتبها دموع فراق مشاهدة المشاركة
روعة وحلو و يجنن
مراد راح يتقدم لرزان
سجى حامل
غيد ليه ماتبي محمد شكلو طيب وحبوب
سارة اتقبلة هديل
وبس شكراا

عيونك اللي قرأت الحلوة والأروع
واللي تجنن
ربي يعطييكي العآفيه عَ التوآجد يَ قمورة



#

اقتباس:
المشاركة الأساسية كتبها انِزَوَآءْ ! مشاهدة المشاركة
]آهلآلآلآلآلآلآلآلآ ..
وَحششتينآآ يَ قمرهَه .. كيفك إن شآء الله بخير
البَآت قصير << بتنفرش
أمزح أمزح يآبنت البآآرت طويل وحلو .. صَح أنو بَعض الشخصيآت مآظهَرت بسَ موب مُشكلةة .
ننتظر تكملـةة البآرت الجَميل هَذآ ..
رزآن :من جد الوآحد لمن يروح مدرسسته بسسَ بعد فترة غيآب عنهـآ بيكون التوتر يجري في دمك << لآبو الشعر اللي عرفتيه
وبَعدين يآنآسو عليهـآ ههه البنآت هذول كذآ بسسَ مَ عليك منهم مَقهورين منك يآبعد قلبي
وايلآف تجَـنن أحسسَهآ طفوليَةة بالحيل
مَررهه حَبيتهـآ بسسَ مَ أعتقِد بيكون لهـآ دور بالروآيـَةة
أمجآدوه وأمهـآ : جَعلكم المَغص يآرب أعوذ بالله من شر حآسد إذآ حسَد ..
ويش هَذآ مآيذكرون الله من جد الصَرآآحـَةة حـثـآله
مآأقول الآ الله يكفيكم شرهم يآرب
سجَجى يآحيآتي عليهـآ ويش فيهـآ معقولـَةة حآمل مآأعتقِد بسسَ إن شآء الله أعتقآدي يكون خطأ وتطلع حآمل
بسسَ بإذن الله مآيكون فيهـآ ولآشيء مَرض ولآ شيء أعوذ بالله الله يحفظهـآ << حبيتهـآ
يآنآسو على تميم خف علينآ والله وطلع شيء تميموهه بسسَ الصرآحـَةة عجَبني

أنتظظظرِككك بفآآآآآآآآآآآآآرغ الصَببببر

هههههه يَ هلآ فيييييييييكي $

ربي يسسسسعدك يَ قمورة .. مآ يوحشك غآلي يَ رب
الحمدالله أنا كوييسآ .. وإنتي يَ عسَسلة

البَآت قصير << بتنفرش
أمزح أمزح يآبنت البآآرت طويل وحلو


هههههه إيوة كويس عدلتيهآ ^^

أمجآدوه وأمهـآ : جَعلكم المَغص يآرب أعوذ بالله من شر حآسد إذآ حسَد ..
ويش هَذآ مآيذكرون الله من جد الصَرآآحـَةة حـثـآله

لآ إله إلّا الله ..
ههههههه الكلمة قويه .. بس يستآهلوا

بسسَ بإذن الله مآيكون فيهـآ ولآشيء مَرض ولآ شيء أعوذ بالله الله يحفظهـآ << حبيتهـآ
مآفيها إلّا العآفيه .. بكرة بتعرفوا إيش فيهآ ^^

يسسسسعدك ربي يَ سوكر ، وينوّر دربك ، نورتيني




#

اقتباس:
المشاركة الأساسية كتبها حبر المودة مشاهدة المشاركة
السلام عليكم
،
مبدعة دائما ، مو شي غريب عليك
دخلتيني بجو من أول ما قرأت الرواية
وترى بيت فهد أنا حاطة شكلو ببالي حتى والله التصميم والغرف حاطتهم في بالي
،
عجبني تميم صراحهه لما حَن على سجى ، صار رومنسي الاخ ، انا رحت ملح < وسكر كمان
، وضحكتني رزان مرهه لما قالت :
رزان " حبيبتي ! .. والله اتطوّر الشعب " : طـيب
،،
وششكلي بألّف كتاب اسمو : فن تصريف الناس الغلسه
على قولة غيد :)
..
دانتيلآ ، آنا مرهه مرهه مرهه احبكك
لا تقولي لا ما تحبني هيّا تحب روايتي وأسلوبي
انتي نفسك دانتيلآ احبك في الله
،
ودِّي لك

وعليكم السلآم ورحمة الله وبركآته

وترى بيت فهد أنا حاطة شكلو ببالي حتى والله التصميم والغرف حاطتهم في بالي

هههههههههههههه تعآلي نسوّي إقتران خيَـال
ممكن يطلع نفس البيت

وششكلي بألّف كتاب اسمو : فن تصريف الناس الغلسه
على قولة غيد :)


ههههههه تعآلي تعآلي صفّي معايا يَ بت أحسن

دانتيلآ ، آنا مرهه مرهه مرهه احبكك
لا تقولي لا ما تحبني هيّا تحب روايتي وأسلوبي
انتي نفسك دانتيلآ احبك في الله


ههههه حبييييييييييييييييبتي إنتي ..
أحبك الله الذي أحببتني فيه يَ أموورة $



وأنا والله أحبـكم .. أحبكــــم بجد ..
الروايه هاذي عرفتني على بنآت من جد لزوزآت وِ سوكّـر

ربي يسسسعدك مودة عَ التوآجد الجميييل



#

اقتباس:
المشاركة الأساسية كتبها حياةة مشاهدة المشاركة
ي الله باررررتت جد جد جممميل تسلممممين حبيبتيي ماقصرررتي

ولله اني اقول ان شاءالله مايخلص من جمماله

ممره ابدعتتيي ممره شي خياليي جممال فوق الووصصفف

ممااقصررتتي استمري حبيبتي

البارت الجاي االربعاء صحح !!


موفقهه $*^

يَ جمييييلة إنتي .. توآجدك الأجمل والله

البارت الجاي االربعاء صحح !!
مو قلت نخليه يوم السبت أحسن ^^
رآجعي الكلآم اللي كتبته بعد البارت يَ حلوة ..

يعطيييكي العآفيه عَ التوآجد .. ربي يرفَع قدرك يَ بطة



#

اقتباس:
المشاركة الأساسية كتبها دمعة الحزن مشاهدة المشاركة
قمة في الابداع موفقة باذن الله لك مني أجمل تحية .

يَ آهليييييين
تسسسلمي .. ربي يعطييكي العآفيه عَ التوآجد يَ سوكر



#

اقتباس:
المشاركة الأساسية كتبها #أرجوان# مشاهدة المشاركة
البعد عن امه واخته غنيمه

ههههههههه صآدقه
تسسلمي عَ التوآجد يَ بطة .. ربي يعطييكي العآفيه




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 994
قديم(ـة) 11-11-2013, 09:34 PM
صورة دانِـتيلاَ الرمزية
دانِـتيلاَ دانِـتيلاَ غير متصل
©؛°¨غرامي فعال ¨°؛©
 
الافتراضي رد: رواية ويأتي الصباح / بقلمي


.




اقتباس:
المشاركة الأساسية كتبها MOOGAH مشاهدة المشاركة
بارات جميل وانحصر تقريبا على رازاان وزال الغموض حول بعض حياتها السابقه ياترى مرااد حيتمسك فيها بعد مالقيها ويجى يخطبها او يسمع كلام امه ويبعد عنها

تميم ومرته اعتقد حامل بس عسا ماتسقط

لكن مازلنا في انتظار حل غموض قصه بتول ومشارى :

الله يعطيك العافيه والسبت حلو ومناسب اجازه


ياترى مرااد حيتمسك فيها بعد مالقيها ويجى يخطبها او يسمع كلام امه ويبعد عنها
الله أعلم

تميم ومرته اعتقد حامل بس عسا ماتسقط
فآل الله ولآ فالك .. اتفآولي خيـر يَ بت

لكن مازلنا في انتظار حل غموض قصه بتول ومشارى
ههههههههههه حآلتكم مرره صعبه والله
ترى الموضوع جداً جداً سهل وبسييييط .. إنتو ركّزوا بس ^^

الله يعطيك العافيه والسبت حلو ومناسب اجازه
كويس .. إن شاء الله مآ يتغيّـر الموعد هذا =)

وربي يعآفيييكي يَ سوكر .. ويسعدك قلبــك يارب



#

اقتباس:
المشاركة الأساسية كتبها star alahly مشاهدة المشاركة
السلام عليكم

ازيك ياخجل عامله ايه يارب تكونى بخير

عاوزه تعرفى اسمى الحقيقى تدفعى كام

اسمى الحقيقى شيماء

تسلمى ع البارت الجميل

انضمام شخصيه جديده واكيد هتبقى ليها دور الى هو مراد

اكيد هيرجع ليه الامل ويقف قدام مامته علشان يتقدم لرزان بس ياترى ايه موقف رزان مره تانيه وموقف اهلها كمان منه ؟؟؟

غيد بحس اوقات ان فيها حاجات منى يعنى لو امجاد دى اتصرفت معايا كنت اتصرفت معاها تصرف يليق بيها كويس اوى :D

منتظره تكملة البارت تسلم ايديكى

وعليكم السلآم ورحمة الله وبركآته

الحمدالله أنا تمآم .. وإنتي يَ شيمو < عرفت إسمك
ههههههههههههه تعآلي آمري بس وأنا أعطييك


غيد بحس اوقات ان فيها حاجات منى يعنى لو امجاد دى اتصرفت معايا كنت اتصرفت معاها تصرف يليق بيها كويس اوى :D
هههههههههههه تعآلي تخآويني نروح لهآ

ربي يعطيكي العآفيه يَ سوكر عَ التوآجد .. يسسعدك ربي



#

اقتباس:
المشاركة الأساسية كتبها zozokamanozo مشاهدة المشاركة
ياعمري ولا يهمك اصلن مايحتاج ترسلي تنبيهات والله كل يوم ادخل اشوف نزلتي بارت او لا .. بنتظار الباارت القادم بفارغ الصبر .. بالتوفيق^^
لكـ ودي^^

ههههههههههههه تسسسسلمي يَ قلبببي
ربي يسسسعدك يَ سوكر .. وينوّر قلبــــك يارب



#

اقتباس:
المشاركة الأساسية كتبها انا كلي فداء لك مشاهدة المشاركة
راااااااااااائعه بكل ماتحمله الكلمه من معنى
اهنيكي عزيزتي واسفه لانقطاعي عارفه فترة الاختبارات تشغل الواحد
وانا متابعتكي للنهايه
تقبلي مروري

معـذوره يَ بطـــة
يعطييكي العآفيه عَ التوآجد .. ربي يرفع قَدرك يَ سوكرة



#

اقتباس:
المشاركة الأساسية كتبها Ghost Reader مشاهدة المشاركة
خجل دانتيلا خجل دانتيلا
الاسمين بيدلو على الذوق الرفيع اللي لا شك فيه واللي أستمتعنا فيه من خلال روايتك
عزيزتي كل مرة أقول لنفسي يا بنت عبري عن مدى روعة شغل البنت اللي اسمها دانتيلا
القي نفسي محتارة أكتب عن ايش او ايش اتراجع ولكن اليوم لا تراجع
من حقك علينا نقوليك قد ايش انت مبدعه وأن كلمة مبدعة لا توفيك حقك
أنا مثلا ً كل مرة أقراء البارت اقول ياحظ من كان عندو شباب حلوين ونفسيتهم راقية ومهتمين في اخواتهم زي أخوان غيد يعني شوفي مثلا رقي مشاري مع رزان يختي عليه الله يخليلك اولادك تبعون الرواية ههه
من جد احساس العائلة الحلو اللي بتوصليه بحرفيه عالية تفوقتي فيه على نفسك
ولا وصفك للعلاقات بين الاشخاص جدا واقعية تحسيهم اولاد وبنات حارتك اقاربك كل واحد منهم بيحسسك انه حقيقه مش خيال من اصغرهم النونو الجديدة بنت دانية إلى أكبرهم فهد
وصفك للأماكن ولتصرفات الاشخاص جداً ذوق وراقي وحقيقي وهذا الأهم وهو يمكن اللي بيخلينا مندمجين لحد ما تجي العبارة اللي بنكرهه ( نهاية البارت__ ) هههههه عدوة الكل هذي العبارة
في النهاية بس حبيت اوصلك جزء بسيط من سعادتي فيك وفي كل ما يكتب قلمك وفي تميز حرفك لان اسلوبك ما بيشبه أحد الا انت دانتيلا بتشبه خجل وخجل بتشبه دانتيلا
لحظة لحظة في شئ نسيت أعلق عليه بحب جدا ًعباراتك وتصاميمك اللي ببداية كل بارت جدا روعة
وفي الأخر مالي إلا اقول ربنا يحفظك وأرجو أنك ما تحرمينا من جميل إبداعك

مع أمنياتي الدائم لك بالتوفيق والنجاح في كل أمور حياتك
أختك
Ghost Reader




.

.



يَ الله فين أرووح $
أنا اللي عجزت من جد .. إيش أرد على كلآمك

ربي يرفع قَــــدرك يَ عسسل .. ويسسعدك وين مآ كنتي
وشرف ليّ والله توآجد مُتآبِـعه ذوق ، زيّــك

ييعطيكي العآفيه عَ التوآجد .. والكلآم الـ سوكر يَ سوكرة









  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 995
قديم(ـة) 12-11-2013, 07:56 AM
صورة الملكه الجميله الرمزية
الملكه الجميله الملكه الجميله غير متصل
©؛°¨غرامي فعال ¨°؛©
 
الافتراضي رد: رواية ويأتي الصباح / بقلمي


هههههه ربي ستر علي والله كان ذبحتيني من العض

فديتك ياغيد بجد رزان لازم تاخذ دوره في فن التعامل مع الناس الغلسه
بجد يأختي تقهر هي وأمها كذا نفسي أحشرهم بزاويه

إيلاف هاذي الأنسانه حبيتـها تحسيها فعلا صديقه حقيقيه من كلامها مع رزان وتعليقها على أخونها تحسيها كذا محسدتها مثل أمجاد

بس هاه لاتقرب من ميشو لأنه محجوز لبتول

سجى ياقلبي عسى مافيها شئ خطير

سلمت أيدك ياعسل وما ننحرمش منها
متى موعد البارت اليوم اي ساعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 996
قديم(ـة) 12-11-2013, 06:58 PM
صورة بنت الشيوخ ماتحب الدلوخ الرمزية
بنت الشيوخ ماتحب الدلوخ بنت الشيوخ ماتحب الدلوخ غير متصل
©؛°¨غرامي مشارك¨°؛©
 
الافتراضي رد: رواية ويأتي الصباح / بقلمي


بـآآآآآآآآآآآآآآآآآآآرت راااائع
سلمت اناملك يـآآآآآعسل
عذرييني ماعندي توقعات لهذا البارت
مخي مشوش وعندي اختبار باكر
ان شاء الله في البارت الجاي
حتشوفي توقعاتي
عـذريني عـذرييني

أحــــــــــبــــــــكــ:


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 997
قديم(ـة) 12-11-2013, 06:59 PM
صورة ميشوو~~ الرمزية
ميشوو~~ ميشوو~~ غير متصل
©؛°¨غرامي مشارك¨°؛©
 
11302798240 رد: رواية ويأتي الصباح / بقلمي


أشوووووووووووووووهه إني وصلت قبل ما ينزل البارت
أول شي سجى حزنتني خلت قلب يسوي دق دق:msn2دق::msn2دق: اللهم اجعله خير
ثانيا : أنا كمان أنقهرت زي غيد لييييييييييش ورتها الصوور
بس أحسن خليها تحتتر إلييين تموووت على قول غيد لازم تاخد دورة في التعامل مع ذي الأنواع من الناس
ويارب مراااد يتمسك فيها ويتزوجها أميييييييييييين بس مو إنو يتزوجها
في المشاكل اللي راح تحصل بعدين لازم نوقف عند دي النقطة
ههههههه أكثر شي ضحكني حركة صحبة رزان هههههههه هذا الشي مشترك بيني وبينها
وإيش كمان ................. إيوة
أنسة غيد
عندي إحساس كدا إنها وافقت على محمد من كلمة (النسيب) لما قالتها لأمها
وااااااااااااااااو في تطور بين ريان وهديل
ياااارب في أكشن
وهذي أمجاد ماضحكني غير إنها قالت :أنا ما أدري كيف حيجيني اليوم ههههههه لازم تتخاصم
وهذي توقعاتي ومرة تانية مـشـــكـــورة ع البارت الرائع



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 998
قديم(ـة) 12-11-2013, 07:50 PM
صورة همس الليل@ الرمزية
همس الليل@ همس الليل@ غير متصل
©؛°¨غرامي فعال ¨°؛©
 
الافتراضي رد: رواية ويأتي الصباح / بقلمي


اهاااا
يعني الولد هو الي راح عند العم سعيد طلع مراد الي يحب رزان
بس اخته حقوده عشان رزان كانت فقيره تكبرت عليها
بس الحين خليها تموت قهرر وعساها شنطتها الي طلبتها
من النت تحترق يستوي فيها اي شي خخخ
سجى حااامل
رزان بيرجع يخطبها مراد من اهلها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 999
قديم(ـة) 12-11-2013, 09:27 PM
صورة الملكه الجميله الرمزية
الملكه الجميله الملكه الجميله غير متصل
©؛°¨غرامي فعال ¨°؛©
 
الافتراضي رد: رواية ويأتي الصباح / بقلمي


حابه أضيف حاجه

حاسه أن أم مُراد بتخطب رزان لِ مُراد
يعني بعد ماعرفت أن عندها أهل وزي كذا بتكون طمعانه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1000
قديم(ـة) 13-11-2013, 02:27 AM
صورة دانِـتيلاَ الرمزية
دانِـتيلاَ دانِـتيلاَ غير متصل
©؛°¨غرامي فعال ¨°؛©
 
11302798202 رد: رواية ويأتي الصباح / بقلمي



.

































هـــــــــــــــــــدوء

هــدوء شديــد مخيّـم على الجـو ..


مافي أي جُمل .. أو عبارات يتبادلوها ..

حتى الكلمات المُعتاده .. اللي تنقال أثناء وجبات الطعـام ..
كانت معدوومة .. مختفيه في هذا الوقـت ..







عندهآ هيّ

كانت ما تاكل بِ المعنى الحَرفي لِ الكلمة ..
كانت تحرّك الملعقه في الصحـن ..




كان عقلها هوّ اللي يعمل .. يفكـــــر

في الكلآم اللي انقال عليها ..
اللي قلَب موازينهآ ..

وما خلّى عندهآ شهيّـه لأي شيء ..

حتى روحتهم اليوم لِ الصآلون في الصباح علشآن يشوفوا موديلآت لِ فستآن الزواج ..
ما كان بِ رغبتهآ ولا بِ رضاها ..

ولمن كآنت هنآك .. ما كان لهآ خلق تشوف أي شيء ..
ولآ عجبهآ شيء ..

هيّ قــــــــــالـت
قالت لهم .. مآ تبغى زوآج

كيييييف تفرح وتنبسط وأمها مو معاها

أصلاً وهيّ تشوف الموديلآت ..كانت تتخيّل لو أمها معاها ..
تشاورهآ في هذا الموديل .. أو الموديل الثآني ..

تشوف إيش الأنسب لها .. إيش اللي بيخلّي طلتهآ أحلى ..



عـــــــــــــارفــة .. إن أم ريآن مهي مقصّرة ..
كفاية إنها تركت مهامها وأشغالهآ في البيت .. وخرجت من الصبآح معاها ..

والحـق يُقال ..
كــانت وااااقفه معاها في الصآلون ..

حتى الخيّاطة اللي هنآك فّكرتهآ في البداية أمهآ .. مو أم زوجهآ ..


أتنهــدت .. تنهيــده طويلة

متضاايقة من نفسهآ ..

مهي وجـه نِعمـه .. ولّا هيّ اللي تقدر أفعآل الغير .. علشانها


طــيب ، الإحساس هذا .. مهي قاادرة تبعده عنهآ ..
مهي قاااادرة ..
مهيّ قآدرة تخلّي شيء يرغّبهآ في الزواج هذا






: على إيش تتنهـدي من أول وتتأففي .. إيش عندك ؟ !




الصـوت الخِشن هذا ..
أنتشلهآ من الأفكآر هاذي ..

رفعت راسها لـه ..
شافتـه يطالع فيهـا بِ تدقـــــيق .. وكأنه يحاول يدخل جوآها .. ويعرف بِ إيش هيّ تفكر ..

نزلت راسهآ .. وهيّ مقطبه جبينهآ ، بدون مآ ترد عليه ..







كآن هوّ فعلاً
يحآول يعرف ولو شيء بسييط من اللي هيّ تفكّر فيه ..

من وقت مآ جلسوا عَ السفرة .. وهيّ مآ حطت لقمه في فمهآ حتى
بس تحرّك الملعقه في الصحن ..

ووآضح من عيونهآ إنو عقلهآ مو في الغرفة حتى ..
رايـــــــــــــح بعيـــــــــــد ..




سألها مرة ثانيه : إشبك ؟

قالت له الإجابه اللي خطرت على بالها بسررعة : مآ أحب أكل وأحد يراقبني ..

رفع حآجب : دحيـن إنتي شايفه نفسك تاكلي ؟ !
ولمن شافها ترفع راسها تطالع فيه ، قال : من أول تلعبي بِ الملعقه .. إشبـك ؟


اخذت نفس عميـق ، وقالت له : مآفيني شيء

وِ بمحآوله لِ إسكاته .. أكلت شوي من سلطة الفتوش اللي على يسارها ..



طـــــــــــــــــــــــــــــــــالــــــع ريان فيها
وناداها : هديـــل







دق قلب هديل لمن سمعت إسمهآ .. بِ صوته
أووول مره ينطق إسمها .. قدامها

رفعت راسها ، له : نعـم ؟

ضيّق ريان عيونه .. سألها بِ جديه : إنتي ، بِ الـــصدفة ..كنتي واقفه أمس في الصباح .. عند المطبخ ؟



زااادت دقاات قلبها .. لمن سمعت سؤاله
خاافت لمن اسشعرت الجديه لِ أول مرة بِ صوته ..

طــالعــت فيه .. مباشرة ، في عيونه ..
لِ أول مـره ..



أقل من ثاانيه ونزلت عيوونها بِ إرتبآك ..
ما قدرت تواصل ( التحديق ) فيه


بلعت ريقها لمن قال يستحثها تجآوب عَ السؤال : هممممممم ؟
قالت بصوت خاافت .. وهيّ تحسّ الحرآرة اللي في جسمها .. كلـها طلعت لِ رأسها : لاءَ





" تكــــذب .. والله تــــكذب "

أتنهــد وهوّ متضااايق
متضاايق من أمه اللي أصرّت إنهم يتغدوا على إنفراد ، لوحدهم ..

ومتضااايق من اللخبطه اللي حآسْس بيهآ جوّاه ، من أمس ..

قآم من الكرسي .. بِ قوة
خلّى الكرسي يصدر صوت ..

رفعت هديل راسها مستغربه ..

أول ما التقت عيونـه بِ عيونها المفتوحه على وسعها بِ إستغراب ..

أول ما شاف بؤبهآ الرمادي .. يطاالع فيها ..


بعّد عيونه ..

لف راسه وهوّ يقول : لو سمعتي أي شيء ..
بِ شكل غير مباشر حتى

وسكت شويه قبل لا يقول : أنـــــا اســف ..



وخرج بسرررعه من الجنآح . *














،*














تمشي بِ خطوات بطيئـة لِ غرفة نومهآ ..
وهيّ تحس نفسهآ .. لسّى .. مو مستوعبة الخبـر كويس

فسخت عبايتها وعلقتها عَ الشمّاعة ..



راحت عَ الدولآب ..
طلعت لهآ لبس بيت رآيق ..
عبارة عن فستآن قطني بِ اللون الوردي الفااتح ..
وموديله يجي وااسع شوي .. قصيـر لِ فوق الركبه تقريباً بِ شوي ..










بعد مآ أنهت إستحمامها .. ولبسَت
راحت لِ التسريحه


حطت إيدينها على وجهها وهيّ معقده حواجبهآ " وجهي من جد شااحب .. افففف "

حاولت بِ شوية مكيآج .. تخفي شحوب وجههآ ..





بعَد ما انتهت من التجهيز السريع هذا ..


خرجَت من الغرفة لِ الصآلة ..

وهيّ ماشية .. وقّفت عند المرايا الطويلـة ..
وعيونها لا إرادياً .. اتوقّفت عند بطنها ..

حطت إيدينها على خصرها .. وشدت الفستآن عليها


ابتسمت .. وهيّ تحس كلآم الدكتورة .. يرجع يرن في أذنها
( مبرووك يآ مدام .. حآمل )


الإبتسامة لا إرادياً أرتسمت على وجهها لمن سمعت هاذي الجمله ..

على قد ما كانت تعباانه .. وقررفانه من نفسها لأنها من الجامعه على طول عَ المستشفى ..
إلّا إنو هاذي الجمله .. كآن لها وقع خاص .. رنــة حلوة .. في أذنها ..


وما حسّت نفسها مبسووطة بجد
إلّا لمن التفتت على تميـم .. وشافت إبتسامة واااسعه مرسومه على وجهه ..
غير لمعة في عيوونه كآنت تبررق بِ السعآده




ابتسمت .. وهيّ مقطبه جبينهآ .. وقالت بصوت عالي تكلم نفسها : لسّى مآفي كرشة ولآ شيء






: مستعجلة على رزقك لييه يعني ؟ ؟




أنفجعت ..
التفتت بسررعه .. إلّا تشوف تميم واقف عند المطبخ

سألته بسررعة : من متـى إنتا وااقف هنا

تميم : من شويه
عقدت سجى حواجبها وهيّ تقول بِ بطئ : ما سمعت لك حِــس


أبتسـم تميم لها ..
هوّ في الحقيقه واقف من أول .. وكآن بيخرج
بس لمن شافها توقف عند المرايا ..

وتطآلع في نفسها وتبتسـم ..

ما يدري ليش .. بس .. شكلها كان عاجبه ..
لِ درجة إنه ما أصدر حتى همس .. يعلن فيه عن توآجده ..




قرّبت سجى من المطبخ وهيّ تقول : جبت الغدا
تميم : إيوة

أبتسمت سجى وقالت بِ فضول وهيّ تشوف مرجّع إيدينه لِ الخلف : طيب إيش معاك ؟

أشّـر على الكنبه اللي في الصاله ب راسه : أقعدي أرتآحي .. وأنا أورّيكي ..


مـدت شفّتها السفليه ، مستغربه
لكنها أطاعته .. مشيت لِ الصآلة .. وهوّ خلفهآ ..

أول مآ ارتاحت في جلستها على الكنبه .. التفتت تبغى تسألها ..


بس

اتفاجئت بِ بآقة ورد ، كبيــره .. ملـوّنـه أمامها



فتحـــت عيونهـــا على وسعهـا
مستغربـــــــة

وقبل لا تقول شيء ..
اتفاجئت بِ تميم اللي جلَس جنبهآ يقرب منهآ بِ خفّة ..
بآس خدهآ قبل لا يقول بصوت هآدئ : الف الف مبروك ، وابتسم : علينآ

وكمل : مآتدري يآ سجى قد إييش فرّحت والله لمن سمعت الدكتورة تقول نتيجة التحليل .. ما كنت مصدق في البدايه .. حسبت إني مآ سمعتها كويس
لكن .. الحمدالله
وباسها مرة ثانيه : مشـكوورة سجى .. والله إنها أحلى هديه جآتني في حياتي ..




عضت سجى شفتها السفليه بِ قـوة .. من الحيآ ، اللي اكتسحهآ فجأة ..
ونزلت عيونهآ عَ الباقة اللي في حضنها ..

تحاول تستووعب شويه .. الكلآم اللي قاله تميم .. بهآذي النبرة .. اللي أول مرة تسمعها منه ..



قبل لآ تستوعب الوضع أكــثر ..


فتحــــت عيونها على وسعها .. لمن شآفت كم ورقة نقديه ، من فئة الـ 500
ملفوفه بِ شكل رآيق داخل البااقة .. مآ أنتبهت لها من أول


رمشت بِ بطئ .. مـستغــربه

ولفّت وجهها على يمينهآ ..

طالعت فيه .. وهيّ تقول بِ دهشه ممزوجه بِ تأثّــــر : تمــــــــــــيم
ورجعت تطاالع في الباقة

وهيّ تحس هاذي الأشيياء كلها كثييييرة عليهآ ..




عقد تميم حواجبه بِ خوف ..
لمن شاف دمعة تنزل على خدهآ .. لف وجهها عليه وهوّ يقول : سجى فيك شيء .. حآسّه بِ شيء


هزت راسها بِ نفي
وقالت بِ صوت متأثّـر متقطع : مافيني .. شيء
ورفعت إيدهآ تمسح دموعها اللي نزلت أكثر : بس مدري .. ليه دموعي .. نزلت


أبتســـم تميم لهآ
وحضنهآ بِ خفّـة .. وهوّ حآسْس نفسه بيطيــر من الفرح ..
بيطيــــــر من السعَـادة ..
















،*














بعَـد المغرب :







" يــــارب ، رحمـتـك "


هاذي الكلمات اللي رددها بِ داخله وهوّ يفتح الباب الداخلي ..
ويدخل داخل البيت ..

مشي لِ الصآلة .. وهوّ يفتح عيونه على وسعها .. وكأنه بهاذي الطريقة .. راح يبعد النوم اللي كااابس على عيونه ..

هوّ الغلطاان لأنه طااوع حسام ..

من وقت ما خرج من الجامعه راح معآه ..
وما رجع إلّا قُرب المغرب ..


ولأنه ما نام إلّا ثلاث ساعات في الليل .. وقام لِ صلآة الفجر .. وما رجع ينآم ..
حاس دحين إن مااافيه طاقـه ..


بيستحمـل شويه إلين ما يصلي العشآ ..

ويسحبها بعدين نومــه إلين الفجر ..




وِ هوّ في ( غَمرة ) أفكاره ، وتخطيطاته ..




أنتبـه لِ شخص جآلس على الكنبه .. ومعطي ظهره لِ الدرج ..
يعني مآ ينتبه مين داخل .. ومين طالع ..


أبتسـم بِ خبث
وقرب منه أو / منهآ


مد إيده لِ شعرهآ البني النااعم ، القصير .. اللي أورثته لِ بعض بناتها وأحفادها
وِ بخفّــه و هـــــــــــــــــــدوء ، لِمسـه


أبتسم لمن ما صدرت منها أي حركة .. كآن متوقع ردة الفعل هاذي ..
رجع لمسه مرة ثانيه .. وهاذي المره لمس شوي من أذنها

حركته هاذي خلّتها تفــــــــــز .. وتلف بسرررعه

أول ما جات عينها اللي تطااالع بِ حده في عينه
زفرت بِ إرتيااح : مشااااااري ..


وعقدت حواجبها وقالت بِ حدة : إش حركاات البزوره هاذي

ضحك بصووت عالي : أمووووت لمن تعقدي حواجبـك كدا
ودنق عليها يبوس راسها ..

جلس بعدها على الكنبه جنبها وهوّ يقول : حيّ الله أم ســارة .. نوّر البيت والحي بِ كبـــره والله


أبتسمت جدته له : النـور نورك حبيبي .. كيف حآلك .. كيف أمورك ؟

مشاري : الحمدالله ماشي الحال ..
وسألها : جده مين جابك عندنآ ؟

أم سآرة : زياد ولد خالتك .. مرّ يسلم عليّـا في البيت وقال لي متواعد مع عمر أخوك .. قلت له ينزلني على طريقه عندكم
مشـاري : إيـــــــــــوة .. وفين أمي والبنات ..
وميّل فمه : سايبينك لوحدك هنآ .. ما يستحوا والله



طالعت فيه جدته من خلف نظارتها بِ حده : بلآ أذيّــه وِ وسواس .. أمك كانت هنآ بس طلعت فوق تصلي

وحاولت تبتسـم له ..
تبغى تستغل تواجده لوحـــده معاها هنا .. علشان تكلمه في الموضوع اللي شآغل فِـكر بنتها

: مشـاري حبيبي

رفع مشاري حاجبه الأيمن ..
(( مشاري حبيبي )) .. معناها مقدمة موضوع تبغى تكلمه فيه

قال بِ مـرح : أهلـــــــــــن ..


طــالعــت فيه جدتـه .. بِ تفكــــــــير
بعدها قالت له : تعرف رقيه بنت أختي .. اللي ولدها الكبير إسمو جابر

ضيـق مشاري عيونه يحاول يتذكر
بعدها أبتسم : إيـوة

أبتسمت جدته على إبتسامته وقالت : عارف إنو هاذي رقيه كبيره ما شاء الله .. أكبر من أمك بِ عشرة سنوات يمكن
عندها بنت اتخرجت العام من كليـة الطـب ..


هز مشاري راسه " اها .. أجل الهرجة كدا .. والله إني كنت حآس "

كملت جدته : بنتها يا مشاري إسمها جميلـه .. وهيّ فعلاً إسم على مُسمى .. آية في الجمال ما شاء الله ..
مو بس جمال الوجه .. حتى جمال الروح ..

طبيبـة نساء وولادة هيّـا ..

بِ وجه خالي من أي تعبير قال مشاري : إيـوة ؟

جدته : بس يا إبني .. والله نفسي تاخذها .. ما نفسي البنت تروح منكم ..

طالع مشاري في جدته : ليش طيب ما تخطبيها لِ زياد
رفعت جدته حواجبها مستنكرة اللي قاله : وي مشاري إشبك .. البنت أكبر من زياد .. يمكن أصغر منك بكم شهر بس

مشاري : مشكلـه والله .. أنا ما أبغى أتزوج دحيـن
وابتسم : شكلو البنت حتروح منك يا جدة

عصبت جدته : مشااااري يا البااارد .. أنا من جدي أتكلم

رفع مشاري حواجبه مستغرب : وأنا من جدي أتكلم يا جدة .. أجل تفكريني أمزح .. ما أبغى أتزوج دحين ..
لسّى ما نبسطت .. ما اتهنيت

زمّت جدته فمها .. وقالت بِ هدوء : أنا أبغى أعرف إيش الفكرة الغلط هاذي اللي رؤوسكم
مييين قال إنو الواحد لمن بيتزوج ما راح ينبسط

أهوّ أقرب مثال عندك تميم أخوك ما شاء الله .. ما بانت الراحه في وجهه إلّا لمن أتزوج وأستقـر ..

رفع مشاري سبابته : أهووووو شفتي .. قلتي بنفسك .. تميم أخوك أقرب مثال
صح هوّ أقرب مثال عندي .. ما اتزوج إلّا لمن صار عمره 30 سنه .. وأنا بكون زيّـه بالظبط

عقدت جدته حواجبه بِ يأس ..
هذا الولد .. محد يقدر يقنعه .. ولآ يغسل راسه ..


أبتسم على تعابير الإحبــــاط اللي ظهرت بِ شكل جَلي على وجه جدته
مد إيده ومسح على راسها .. كأنه يمسح على راس طفل صغير ..


أنتبهت جدته لِ القاعد يسوّيه
طالعت فيه بِ حده ، مخبيه شعورها الحقيقي : مشاري !
وجع يوجع إبليس .. شايفني ليان تمسح على راسي كدا ..

ضحك بِ خفة : هههههههه جدة .. إشبك كارهتني اليوم .. منتي متقبلّة شيء مني ..
لكن يالله .. كل شيء مقبول منك يآ حلووة
وبعدين يا جدة أتوقعتك بصراحه أذكى من كذا .. أستغربت بصراحه لمن قلتي لي دي الهرجه دحين .. في دا الوقت



استغربت جدته من كلامه
عقدت حواجبها : ليـــه ؟ !

أبتسم مشاري في داخله .. بس بدون ما تظهر الإبتسامة هاذي على تعابير وجهه الجــاده ..
: يعني دحين عارفه إنو زواج ريان قررريب مـره .. بيكون في أقل من شهر
ولسّى كمان ناويه تخطبي لي

تبغي تموّتي أمي إنتي .. اللي هيّــا بنتك

عقدت حواجبها زياده .. عصبت من الكلام اللي قاله : مشااااري يا قليييل الأدب .. إش الكلام الفااضي هذا
إش أموّت بنتي

رفع مشاري كتوفه : والله وانا صاادق .. بيقولوا الناس كل ما تخلّص من ولد تزوجي الثاني .. ما تتعب ولا شيء
أهوّ زوّجت ولدين قبل كم شهر .. ودحين بتزوج الثالث .. وبعده الرابع ..
والله أعلم لا تزوج الخامس بعده على طول ..


صرخَت جدته : مشااااااري إش البربره هاذي .. إش الكلااام الماااسخ اللي ماله طعم

رفع إيدينه يحاول يهديها .. ما اتوقعها تعصب كدا
: رووقي .. روقــــي يا جده ..
وبعدين هذا مـــــــــو كلامي .. هذا كلام النـاس اللي بيقولوه على أمي

صــــــح يا جده ولا لا
إذا ما تبغي كلا يقولوه الناس لِ أمي .. وما تبغي عين تجيها
لآ تفكري في أي خطبه دحيـن .. خلّي زواج ريان يمشي

وخلّي يعدي عليه أقل شيء سنـــه .. بعديــــــــــــن فكّري إنك تخطبي لي وحده .. طيب ؟


أبتسم مره ثانيه ، في داخله .. لمن شاف جدته تطالع في الأرض بِ تفكـير عمــــيق
واضح إنها تفكّر في كلامه بِ جديه ..

وما كانت داريه المسكينة إنها ( وقعَت ) ضحيه سهله جداً .. لِ كلآم مشاري .. المعرووف إنه يقنع اللي عقله حجــر ..











،*












واقفه في منتصـف الغرفة الكلاسيكيه ..
بالظبـــط .. واقفه عند المرايا الطويله .. تلقي نظرة أخيره على شكلها ..

بنطلون أخضـــر ، بِ لون العلَـم زي ما يقولوا ..
وتيشيرت قطني أبيض .. ومن الـ نص .. وردة كبيـره ملوّنه



شعرهآ الكيرلي الناعم ماكان فيها حييل تعمل فيه شيء
ولآ فيها حييل إنها تستشوره ..

أسهل حل طبعاً إنها تحط عليه من قدام بندانه ..

ربطت عليه بندانه بيضـاء .. فيهآ نقوش ملوّنه ..


قرّبت من التسريحه ..
فتحت الدرج الأول الكبيـر
ابتسمت " يآ حليييلك يا رزان .. مرتبه ما شاء الله "

: إش تسوّي ..


الصوت الحاد شويه خلّاها ترفع راسها
وأول ما جات عينها في عين أختها ضحكت : ههههههههه كفشتيني ..

ورجعت تطالع في الدرج : سرقت منّـك تيشيرت .. وناويه كمان استخدم مكيآج معاكي ..

قرّبت منها رزان وهيّ تقول بِ رووقان : يفداااااكي

طالعت فيها غَيد .. ورفعت حواجبها بِ إستغراب : غررريبه .. إش المزاج الرايق هذا ما شاء الله
وابتسمت : بس يالله ..
وحركت حواجبها : أنا المستفييده

ابتسمت رزان ابتسامة مايله على كلامها
وراحت جهة الكومدينا تفصل شاحن الجوال ..


رفعت راسها تطالع في غَيد اللي سألتها : بس ستو تحت صح ؟

هزت رزان راسها بِ النفي وهيّ تجلس عَ السرير : لاءَ ..فيه كمان جارتنا أم طارق

لفت عليها غَيد بِ فجعه : بالله .. يــــــــــــــــــــاربي .. إش جابها دا الوقت .. اففف ليه دحين جات

رفعت رزان حاجب : حلوة دي ليه جات
عييييييييب
الواحد عندك في الييت .. خلاص لا تتكلمي فيه


مطت غَيد شفايفها بِ طفش : ياااربي .. ترا والله مني رايقه لِ محاضرة في الأدب دحين

رجعت الروج وِ البلآشر اللي استخدمته
وطالعت في رزان : ثانكس عَ المكيآج يا أووختي ..

ابتسمت لها رزان : عفواً ..
ورجعت تطالع في الجوال ..

خرجت غَيد من غرفة رزان ..
وفتحت باب غرفتها المقاابله لها ..



عقدت حواجبها .. قبل لا تدخل الغرفه .. وهيّ مستغربه

دخلت ومشيت كم خطوة .. إلين ما وقفت عند السرير
وقالت : مو معقوووووووول .. تميم بِ جلآلة قدرره .. جاي غرفتي .. ولاااا ومعاه حرمه المصون

ابتسم تميم ابتسامة مايله : الناس تسلّم بعدين تهذر
ضحكت : هههههه سووري .. المفآجئه هاذي أخذتني .. نسييت ما أسلم

سلمت عليه .. وعلى سجى اللي حسّتها .. هآدئه ( بعض ) الشيء

قرّبت كرسي التسريحه من السرير .. وجلست عليه وهيّ تقول : إيووة .. إيش عندكم دخلتوا الغرفه بدون إذن صحبتها

طـالع تميم في غَيد بِ طرف عينه : يحتااج نستأذن ؟
ابتسمت غَيــد : أكيييييييييد .. علشآن أنظّف الغرفه .. ومدت لسانها له

وطالعت في غرفتها المرتبه : الله يســـعـــــد نــور اللي نظفت الغرفه ولمعّتها ..
وطالعت في تميم : كانت مغبّــرة

تميم بصراحه : لأنك وسخـه

عقدت غَيد حواجبها : افــا .. في وجهي كمان كذا تقول .. وفي غررفتي كمان .. يعني تسبني في عُقر داري

وطالعت في سجى اللي الظاهر تحاول تكتم ضحكتها
بس ما قدرت .. ضحكت ضحكه صغيرة .. بعدهآ قالت : والله إنك يا غَيد تووحفه

مطــت غَيد شفايفها وقالت بدون نفس : شُــكراً .. منتي أول وحده تقولي دا اللقب


رفع تميم حاجب وقال بِ تنبيه : غَيـــد

لفّت غَيد عليه : هــا .. شوووووف لو سمحت لآ تتدخل في كلامي أنا وزوجتك .. هيّ مبسووطه وعادي عندها دا الأسلوب ..
ولفّت فمها : مو زي بعض الناس لازم نكلمهم بِ أسلوب فااخر ..


رفع تميم حواجبه بِ دهشه : والله !

غَيد : إي والله .. ودحيين ما قلتووا لي
وبصراحه قالت : إشبكم جيتوا فجأة .. مو من عوايدكم .. خيـــر .. فيه شيء



طالعــوا الإثنين في بعض .. سجى وتميـم

عضت غَيد على شفّتها السفليه .. حسّت إنو فيه شيء .. اتحمست : إش فيــه ؟

آتنحنح تميم قبل لا يقول : الأسلوب الفاخر على قولتك لازم يكون بِ درجة أكبر
مآ أبغى ولدي يشوف إنه عمته ما تحترم أبوه .. وما تتكلم معاه كويس ..

حطت غَيد إيدها على خدها بِ ملل : هوّ خليه يجي .. بعدين نزوّد الأسلوب الفاخـر ..



هيّ نطقت هاذي الكلمات ..
بسْ

حسّت إنو فيه شيء من جد .. خصوصاً إنو تميم وسجى طالعوا في بعض .. وابتسموا ..



فتحـــــــــت عيونها على وسعها ..
وقالت وهيّ تعدل جلستها : لا تقــــــــــــــــــولـــوا

وطالعت في سجى : سجـــــــى .. حـــامل ؟ !


إبتسامة سجى الهادئة ..
خلّت فمها لا إارداياً .. يتوســــع .. وتبتســــــــــــم من قلــب

لمن استووعبت الخبر عدل قاامت من الكرسي .. وحضنت سجى بقووة : يا حيااااتي الف الف مبروووك .. ربي يتمم لك يآه على خير يآرب

وفلتت سجى
وحضنت تميم اللي جنبها .. وباست راسه وهيّ تبآرك له مره ثانيه

والظاهر من كثر فرحتهآ .. صارت تضحك بدوون سبب ..




فجــــــــأة .. وقفت في مكانها .. وهيّ تقول بصوت عاالي : صــــــــــــــح

عقد تميم حواجبه : إيش فييه ؟

أبتسمت غَيد : دقييقه

وراحت لِ دولآبها
ثواني وطلعّت الكاميرا حقتها

عقد تميم حواجبه : غَيد لآ تصوري ولا شيء

قطبت غَيد جبينها : ويييي ليييش .. أبغى أصوّر بطن سجى

تميم : إيش تصوّري فيه .. هوّ عندهآ بطن أصلاً !

ابتسمت غَيد .. وقالت تبغى تفهّمه : يآ حبيبي ، يا اخويا ، يا تميم .. دحين أصور بطنها
والشهر الجآي أصور بطنها . . وكييييييييذا الشهور كلها إلين ما تولد .. بعدين والله لمن تشوفها تنبسط ..

وطالعت في سجى : صح سجو ؟


أبتسمت سجى وهيّ تقول بِ حيرة : اممممم مدري ..

رفعت غَيد حواجبها منصدمه : ما قيد شفتي أحد يسوّي دي الحركه

هزت راسها بِ لأ

غَيد : أجل خلآص أنا حأعملها لك يَ ستي
بعدين أخلي الصور كدا ورى بعض .. الشهر الأول الثاني وللي بعده .. بتطلع لزوووزة الصورة ..


الفكرة لآقت إستحسان سجى اللي ابتسمت دليل موافقتها ..

أتنهد تميم لمن شاف إبتسامة سجى اللي أثبتت موافقتها لِ الكلآم الفاضي اللي تقوله غَيد
بسْ

لو سجى عاجبتها الفكره .. ما يقدر يقول لأ
قال لِ غَيد : وجهها ما رااح يبان

قالت غَيد بسررعه : لااااااا .. بس بطنها


طالعت سجى فيه تستأذنه : عادي تميم صح ..

قعد تميم عَ السرير وهوّ يقول : براحتك .. سوّي اللي تبغيه ..


طالعت سجى في غَيد اللي متشققه من الفرح وتتكلم وهيّ أقرب ما تكلم نفسها وهيّ تشغل الكاميرا
: كويس إنك لآبسه فستان إستريتش ..


أبتسمت سجى على حماسها ..
وهيّ في داخلها مبسووطه .. وفي نفس الوقت حاسّه بِ فرق ..

لمن راحوا بيت أهلها وبشروهم بِ حملهآ
صح أنبسطوا .. وبآركوا لهآ ..

بس أهل تمــيم ..فرحتهم كآنت غير .. صح كل إنسان وله طريقته في التعبير عن مشآعره .. وعن فَرحه ..

بس .. برضو
أهل تميم فعلاً حسّت إنهـم فرحآنييييييين بِ حملهآ ..
أكثر ، من فرحة أهلها ..









يُتبـع / الرجاء عدم الرد ..


















رواية ويأتي الصباح / بقلمي

الوسوم
الصَبآحْ , وَيأتـي , قلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1735 03-04-2019 02:16 PM
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM

الساعة الآن +3: 09:43 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1