منتديات غرام روايات غرام أرشيف الروايات المغلقة - لعدم إكتمالها روايتي الاولى/ يا قرب طعم الفقد من نزع الارواح!
قرويه مزيونه ©؛°¨غرامي جديد¨°؛©

بسم لله الرحمن الرحيم

اللهم صلِ ع محمد وعلى اله وصحبه أجمعين ...

بعـد محـاولات فاشله فِ الكتـابه .. أخيراً كتبت روآيه أتمنى أن تنـال رضـاكمم ..}ْ

الـبدايه :.
قـريه كـانت تسمى قديمـاً قرية الرمـان .. لـكثرة الرمان فيهـا
كـانت قريه ذا هواء نقي ..وناس طيبون وكانوا يسمون اهل القريه (الخليفه)
لـكن اتوا بعض الناس من مدن السعوديه لـيتنفهوا من جو المدن وازعاجهـا لهـدوء طاغِ
وراحه نفسيه ..وكان منهم .. مـايسمون العساف و الفارس , الحربي وألخ من العوائل البارزه
كان عمدة اللقريه اسمه عبدالرحمن الخليفه .. تزوج من مرأتين .. نوره في سن 13 .. وفاطمه في سن 15 .. بعـد مرور السنيين الطوويله !
توفي عبدالرحمن والكل شهـد موته .. كأن حزناً ع االجميع كان عبدالرحمن شيخخ يأتون الناس من انحاء الريـاض ليـتلوا عليهم .. وكان يتلوا بدون مقـابل ! كان قلبه واسع طاهر .. مبتسم بأشد احزانه
شخص يستحقق القول بأنه رجــــــل ...
وبعـد وفاته أستلم ابنه الاكبر من فاطمه العمده أسمه : مجاهد بن عبدالرحمن الخليفه !
للأسف لـم يكن مثـل أبيه تمـاماً كان بخيلـاً متكأسلـاً فقـط يهتم لـ شهواته ومبغـاته فقط
سـأتحدث بـروايتي عن أحفاد الجده نوره ..أما الجده فاطمه توفت الله يرحمهـا وعيـالهـا تفرقوا وماصاروا يجتمعون الا بالعيـاد والمناسبـات الكبيره

قـرية الرمـان سـتكون مقر ابطـالنـا الذين سيعـانون فيهـا ويبتسمون فيهـا . . . ويتشكون فيهـا

انتظروني بالبـارت الاول

مجبوره اعيش من دونك ©؛°¨غرامي متألق ¨°؛©

غاليتي
مررررره روعه ومقدمتك اروع وجذبتني
المقدمه حيل وهذا راح يخليني اكون من متابعينك

جذابه وعيونها خلابه ©؛°¨غرامي فعال ¨°؛©

السلام عليكم يالغلا
بدايه موفقه بس اتمنا ماتذكرين العوائل
لتحاشي المشاااكل
تحيااتي لك..
وبتوفيق..

وردة الزيزفون
✿ إدارة الإقسام ✿

صباح الخير ......ياهلا فيك بغرام .....موفقة بطرحك .......بداية جميلة بس المفروض تنزلي بارت كامل علشان تلاقي تفاعل اكثر .....وياليت تتجنبي ذكر العوائل لانو ممكن يكون في تشابه بالاسماء وتتعرضي لمشاكل انتي في غنى عنها ...لاتتأخري بتنزيل البارت حتى لاتغلق الرواية


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

قرويه مزيونه ©؛°¨غرامي جديد¨°؛©





بسم لله الرحمن الرحيم







اللهم صلِ ع محمد وع اله وصحبه اجمعين ..






االبـارت الاول ..

__


ياقرب طعم الفقد من نزع الارواح
لا صرت اقلب في يدي ذكرياته

لو كل هم نهايته " هم وانزاح "
ما لفني همي غلا في عباته


لو كل جرح نهايته " كف جراح "
ما قر فالخفاق واعلن ثباته

ياعاذلي لا تلحق الجد بمزاح
تحمد النعمه وقل لا شماته
_
فـتحت عيونهـا ورجعت سكرتهـا فتحتها مره ثاني

قأمت من سريرهـا الخشبي : الله صبآحح الخيييرر..!

جاها صوت من تحت : صباح النوور ..!


..: بسم لله وش جابك هنـا ..!!؟

قالت بسخريه : سديمم . .مأتذكرين ..!

تأملة الهلات السوداء وعيونهـا المحمره : غـزل ..خلاص عاد لهم أكثر من شهرين متوفين الله يرحمهم

سقــطةة دموعهـا ومسحتهـا : ببس بس .. بكة بقوه .. :ليشش ليشش تركوني ليشش انا محتااجهه لهمم ..!

نزلت لمستوآهـا وضمتهـا : هذا قضاء الله وقدره..!


اشهقة : ونعم بـ الله .. بس أنـا من لي بعدهم ؟ ..

مسحت ع شعرهـا ودمعت عيونهـا : الله يرحمهم..!


غزل : خاله .. ببقى معكـ صح ..بعيش معك ومع جدتي..صح .. مَ راح يخذوني عماني قولي قوليي

مسحة ع شعرها وبهدوء :مايخذونك وأنا حيه .. أي رآح نرتب لك غرفه ..تعرفين امي ع قدهـا وتحبكـ.. وبعد الهنوف رآح تجي تعيش هنـا..!

سديم : طيب .. يالله تعـالي نشرب حليب توه مخضض ..يروقك

غزل ابتسمة تحاول تخفي حزنهـا: يمي والله ان مشتهيته .!

سديم وهي تقوم :بتروش .. اي صح اوراقكك قدمهـا عبدالرحمن للجامعه ..!

غزل : أنا ويآك بنفس الجامعه .!؟

سديم : يب ..قولي للخدامه تجهز لكـ الحليب انا وياك وبسكوت ..!

غزل : لآ مآ أحب من الخدامات بقوم انا ..

ســديم ابتسمة : ع رآحتكـ ..

طلعة غزل ..لم المطبخ ..

وبطريقهـا

:يآ هلآ بشيخةة البنات .. يآ هلآ بغزوله حبيبت جدتهـا

نآظرتهـا ورآحت نطةة بحظنهـا : ماما نورره ..!

: كحح كبرتي .. يآ دبهه ..!

بعدة شوي : أووه يووهه حرآم عليسس وزني 55 بس ..!

ابتسمة : وين بتروحين ..!؟

غزل : أروحح اسوي الحليب لي ولـ سدومه .. يوهه(جده) أصلن انا احب اعيش بالقريهه شعور حلو .. شوفي ماشالله سديمم بشرتها صحيه وانا ممنوعه من كل شي حلو >_<

ظحكة : هالله هالله نشوف سنعك ياغزيلل ترىى بخليكك انتي الي تحلبين الماعز وتهتمين فيهم ..!

تحمسة لأنها متعوده من هي صغيره امهـا تعلمهـا :يبب

سمعوا صراخ : غزززيل رووحي سويي حليبببب .. يآآتبننن ..!

غزل فزة : طيب !

رآحت تسوي الحليب ..
_

كانت تبكي عند امهـا .. وتترجاه


: يآ ربيي هل بنتت مآتفهمم.. مآتفهمين كلمت لآ .. يعني لآ. .!

قالت وهي تحط يدهـا ع خصره : قولي لي لييهه قوليي السبب ..!!

: تدرين ان بيت امي العيال طالعين داخلينن .. !!

: ياغالليهه ..عيال ماما نعيمه كلهم اخواني وخالد ومبتعث برا وعبدالرحمن .. سكتت

ام عبدالله ناظرتهـا بطرف عينهـا

ابتسمة الهنوف : لعيـونن الغزالل

دمعة عيونهـا : لـعيونههه وهمسة :االله يرحمه .. ومسحتهـا بسرعه
__

: يآ مرحبـا يآهلآ .. وغلآ بولدي

: هلافييكك يمهه ...أخبارك وشعلومك ..!

:الحمدلله انا طيبهه وشلونك انت..!؟

:أبيض وانت ؟ من زمان عنك لآ تكونين سمرتي ..!

عصبة : خويلدد لآ تتريق علي ..

ظحك : أسف يماا .. اي صح قبل مآ أنسى ..!

الجده : وشو ..!؟

قال بهدوء : بغير تخصصي ..!!

الجده : وليش .!؟

خالد : مأعجبني الطب ولآ يناسبني ..!

الجده : قلت لأبوك ..!

خالد زفر براحه : أي بس أمي هي الي مآرضت ..!

الجده : مآ عليك منهـا .. المهم تجي سآلم غآنم ..كم بتقعدد!. ؟

خآلد : 4 سنوآت .!

الجده : وش اخترة ؟

خالد :ادارة اعمال

الجده ابتسمة : زين يَ ولدي .. بس مَ في جيات بلأجازه ؟

خالد : الا ان شاء الله قبل عيد الاظحى بيومين انا جايكم

الجده : الله يوفقك

خالد : أميين أجمعينن يَ الله يوهه استودعك الله

الجده : مع السلامه . أي صح تسلم عليك الهنوف (وناظرة الباب الي كانت متراكيه عليه ورافعه حاجبها الايمن )

خالد بضيقه يحاول يخفيهـا : الله يسلمها

سكرة منه ..
ناظرة جدتهـا بحقد وعبره تخنقهـا : لهـل درجه تكرهيني يآنويره .!.؟

ابتسمة : لآ وش دعوىى يآرآس الشيــاطين

عضت ع شفايفهـا : بس ودي اعرف .. ليش غصبتيني اتزوجج ذآ الكريهه ؟!.

خزتها : خالد تاج رآسك يآبنتتت


الهنوف بقوه تحاول تمنع دموعهـا من السقوط :يبطيي ... وركضت لغرفة سديم
__

كآن قآعد قـدام البحيره ..
وضام رجوله لحضنه

: لليهـ.. ليههـ ضرب رآسهه

: هييه أنجنيت ..!؟

: أييه اييه بصيرر مجنووون ..للييه تغصبني ع بنت عمتي ليييه ..يَ خي ماتشوف كيف شكلهـا ؟

ناظره بشفقه .. وقال بحنان

: أخبرر أنكـ تحبهها .!؟

خآلد : لآ ولآ عمري بحبهـا .. كآنت أفكآر مرآهقه وصخه

رن رن .. نآظر جواله .. أستغرب جوآل غريب من السعوديه رساله ..!


_

لــا يطيرر بالكك بعييد .. ترايي مغصووبه عليكك وأكرهكك

وان شااء الله مانكون لبعضض لأني ما أتشرف أكون مع واحدد (مستخدم من قبل الكثير) !!
__

وسع عيونه وش تقصدد من قبل الكثير ؟

تعني أني راعي بنـات وزنا ؟ ... لآ أكيد مو كذا مَ أتوقع تربية عمتي ككذا

عقد حوااجبه .. طالت وشمخة يَ هنوف .. ذا كلام مَ ينقال لـ وللد خالك .. بس أوريك

فراس صديقه : عسى ماشر ؟

: الشر مايجيك .. بس البنت ذي يبي لهـأ تربيه

أخذ فرآسس الجوال من خآلد الي حطه ع الارض وقراء الرساله ..!

ووسع عيونه : وش السبب ! كلامهـا هذا

قال بهدوء :ومره صآرحتهـا وقلت لهـا أني مآ أحبك هو تفكيري الي يبيك ..!

فراس بهدوء : ماتوقع تتفكر بسرعه انك راعي الحركات حتى الان .. المفروض تفهم انها افكار مراهقه لـا غير.. وبعدين انت
غلطان وجرحة مشاعرهـأ يَ خالد وحقد من المراهقه مَ يروح !

ابتسم بسخريه : كل شيء منها معقول !

فرآس : أستهدي بآالله ..يآ خآلدد ..!!

___
دخلت عليهم الهنوف ودموعهـا مثل الششلال

فزة غزل : هنوووف !!

مسحة دموعهـا : هذي جدتكـ ماترحم ماتحس مااتحسس !!

سديم فهمت انه كالعاده لما تجي هنوف تبدى الجده بتجريح .!

سديم ضمتهـا : خلاص حياتي . . . بتعرف انها غلطانه يومم !

غزل : وش السالفه ؟

سديم : تدرين ان الهنوف مسميه لـ خالد

غزل : الا .. من أول ماسافر قبل 6 سنين.. ماتبينه ؟

الهنوف : أكرره يَ غزل اكرهه !

غزل اشرت بيدهـا تقرب لهـأ وقربت لمها: أفصخي عباتك وتعالي العب بشعرك


سوت الي قالته لهـا ووقربت لمها وغمضة عيونهـا
غزل مسكة شعرهـاوبدة تجدله جديله فرنسيه : يبي لك تنحفين زيآدهه..!

سديم تلعب بجوال :10 ..يمقن ..!

غزل : مره حلويتي عن قبل ..يتترىى لمى يشوفك خآلد يمكن ينهبل ويهون الا يبيك.!

عصبة من الطآري : غزلل تعاندين .

سديمم تحرك حوآجبهـا : اعصابك . .. بنزعجك حتى تقولين السبب الي خللاك تكرهينه ..!

الهنوف طنشتهـا : الا اذا جلسة معكم بس بشرب حليب واشتغل .. أكيد ابنقصص ..!

سديم : ههههه صآدقه ..

غزل تربط الجديله حقت الهنوف :شعرك طآل عن اول صآر لونه عنابي ..!

سديم : أكيد .. مآ تخلي الحنه بحآلهه :.هـل غزاال

ابتسموا البنات من طاري الغزال .. كان الجد عبدالرحمن ينادي الهنوف الغزال

كآنت تسمعهم وسرحآنه بعآلمهـأ : بنـات .!.

الكل نآظظرهـا :خير .؟

نآظرتهم بعيون جديه : أذا قلت لكم سآلفتي مع خآلد .. بتلومونن أنــي أكرهه قد الدنيـا .. عكــس حبكم له تمـامـاً..!!

سـديم تركة الجوال وقربة منهـا : قـولي .. بس ماتوقع خلودي يسوي شيء .. لأنه محترم وطيب وهادي وبارد كله ع بعضه يخقق

رفعت حاجبهـا بسخريه : محترم وطيب .. بَاين قولي ماله قلب !

غزل : أهرجِي

الهنوف غمضة عيونهـا ونسدحة ع السفنجه المحطوطه لغزل : كـنت أحبهه .. لآ أعشقهه . .تصرفآته معي تحسسني أنـهه يحبني ..!

كنت أكلمه ع الجوال .. بس رسآيل . . . مره ..( توقفة شوي وكملة ) قبل مآيسأفر بسنه حـ حـ حـ . ..

بكةة بقووه وغزل تضمهـا وتمسح ع شعرهـأ : كملي يآ حيـاتي ..!

سديم كآنت مبققه عيونهـا : لآ تقولينن كآن يحآول يتحرشش فيكــ...!!

هزت رآسها بـ لآ ودموعه ماتوقفة ..!

كملت : بنات أنتم ماتفهمون شعوري لمـا الي تحبينه يصآرحكك ويقول انه بس لشهوآتهه .. بسسس..ويسبك ويقول انتِ راعية عيال يعنيي قذفنيي يَ بناات وبكة

غزل بكةة معـاها .. اما سديم كانت الدمعه بطرف رمشهـا : كـذآ .. سنهه كآمله مآجيتي لمـنا .. ونحفتيي بلحيل وذبلتي ولآ شفتيه من ذآك اليوم ..!

الهنوف :قـتلني .. قتلنيي . . . !!!

غزل وسديم :مآتوقعنـاها منه ألا خالد !

فجائه سمعووا صوت سقووط عصآ الجده

نآظروا كلهم البـاب ..!

شافوا الجده تنآظرهم بصدمه
قالت الهنوف بكل سخريه : أرتحتي .. يآ نويره .!.

الجده بتكذيب :لآ تتبتلين ع ولدي يَ راس اللشياطين !

الهنوف قربت منهـا : قتلني وانتِ تبين يقتلني زيآده ..أيش ع بألك يوم تخطبيني ايآه .. موعنده أشخاص يحبونه ..
موأنـا الي كره الدنيآ أحمله له ..!

الجده : أول مايجي من سفرته تعقدين قرانك معاه

ناظرتها بصدمه والدموع تتجمع بعيونهـا : يَ برد قلبك .. وي حرة قلبي !

الجده بحتقار :هذا الي بيكسر رآسك يَ الهنوف

الهنوف بحسره ودموعهـا ع وشك السقوط : وش الي بتكسيرنه يَ نويره .. أنا اموت ببطء بسببه وانت تبين تكسرينن فراااغ ماله وجودد !!!!!!!

طلعت الجده وكلهـا عزم بأنهـا ماتتركها
___


: وشوووووووووو جدد .. احلفِ بالله ..!

قالت من دون نفس : أي وأول ماتجي تعقد قراننك ..

قال بغضب : بسس يَ ام سليماان !

الجده نوره : خــاالد .. كلمتِ ماتنرد وقالت بصرامه : سـااامع

قال بعصبيه : أي انتظروني أرجعع ..!

وسكر

زفر بعصبيه وصدره ينزل ويعلى ظرب طاولة شقته بعصبيه : وش ناويه عليه يَ أم سليمان يَ زوجة عبدالرحمنن الـ ***** !

بــس موأنـا أتزوج هل اشكـالل المقرفهه !

__

الصبح

:وآآههه الله شوو طعمم هآيي مرره بيهبل ..!

غزل تهمس لهنوف : أقول شكلل الخآلهه تحب ولآ شآربهه شيء..!

الهنوف بضيقه :أيي أظنه ..!

غزل بصوت عآلي : أقوول سدومهه..!

سديم تبتسم وتظحك : عيونهـا ..!

غزل : أنتِ أمسس شآربهه البنن الي جبته ..!؟

سديم ببراءه : أي .. لــيش ..!؟

غزل : ههههههههههههههههههه هههههههههههههههههههه ههههههههههههههه ..!

سديم : هيي غزوله ايشش فيهه .!.

غزل وهي تحآول تحبس ظحكتهـا : كح كح مآ خخضضتووه كح كح كح ك ح

الهنوف متفاجئه : هااااااااااااااااااااه ....

سديم : غزييلل أمااانههه يآحيوآآنههه .!

غزل تتصنع الخوف : ههههه بآي بآي بروح عند معزآتي الحلواتت ..
وركضضة لـلعلاقه واخذة عباتها وطلعت
سديم بغضبب : يآملآ القطع .. استغفرالله

الهنوف ابتسمة غصب عنها : هه خآلتي العزيزه أنـا ذآهبه الى المزرعهه تشآآوو ..!

: الله يقلع شيطانكم .

___

قآل بصوتت عالي وتعبان : السلآم عليكمم .!

أبتسمت :وعليكم السلآمم . .يآهلآ وغلآ بوليدي ..!

أبتسمم وحس بألم ظهره ينشد : كيف حآلك يآ خاله .. من زمآن عنكـ..!؟

الجده : الحمدلله أخبآرك أنت وش مسوي بشركآتكـ .. وأسهمكـ ..!

ابتسم بتعب : الحمدلله... رضت ترجع معي مريم

الجده : أقول ورآهه منورهه ..<القريه <

ابتسم : بوجودكم ..

الجدهه : بروح أجيب لك حليب أكيد مشتهيه من 4 سنوآت وأنت مآذقته ...

مجاهد ببتسامه صغيره : أي الله يجزآك خير

االجده : تأمر أمر كم عـندنـا من مجاهدد ...ورآحتت

طلعت سديمم من الحمآم (أكرمكم الله) ..

كآنت لـابسه الروب ورافعها شعرها بفوطه وخدودها محمره من الشور الي اخذته وبعض خصلاتها البني

:الله أنتعآش مو طبيعي ..

لـآحظت أنسآن جآلس ع الكنبه ويطآلعه وهو متفاجئ ويرمش بعيونه يحاول يستوعب الي قدامه ..

وصنمت مكــانهـا حتى حسة ع عمرهـا وانطلقة ع غرفتهـا

أمـا هو كآن ينآظرهـا .. مو هذه سديم . وظحك يَ حليلهـ كبرة
___

دخلة غرفتهـا الشبه صغيره ..
وتنفسة بسرعه : هذا اخويي مجاهدد يَ ويلي يالفشيله .. وش بيقول عني

غمضة عيونها ..

__
رفعت رآسهـا تنآظر النخله الطويله : وآآآوو . . . مرهه طويلهه ..

وشكلهـا مليـانه تمر .. خليني أروح .. تركت سلتهـا

وحركت السـلم ... ورقت فوق .. وبنص طريقهـا : أووه تعبتت ...يآلله بس بلآ دلعع

ورقت زيآده حتى وصلت : وآآآوو تمر نآضجج وكثيرر بتفرح الجده طيحتهن ووبغت تنزل

الا السلم يتحرك مكانه وهي تعلقة بجذع النخله بخوف وتشبكة فيه : لآلآلآلآلآلآلآلآ...

: مآبيي أموتتت تووي لآلآ.. لوسمحتووا لآلآلآ.. اهئئئ

كآنت لآ بسه جلآل أحمر وجزمآت شبيه بوت ..

وتصرخ فجآئه شآفت ان السلم بيرجع مكآنه ..

بلعت ريقهـأ وهي تبكي : مآقدر أوصصل لسلم حطهه بالجههه الثآنيهه ..!

حطآه بالجهه الثآنيه وحطتت رجلهـأ بسس زلقتت ..

وطآحةة .. غمضت عيونهـا ..

مت .. أنـأ مت أكيد .. بس ليش مآحس بالوجعع .. فتحت عيونهـأ

: م م ين أنتت ..!؟

أبتسم :بغيتي تروحين فيهـا

وخرت عنهه وقالت : بخجل انا ثقيلهه ..أسفهـ ..!

ناظرهـأ ببتطنز جمعت لك التمر .. (مد لها) خوذي ..!

ابتسمة بخجل : مشكور ..يآ .!؟

حرك شعره النآعم : مولآزمم ..!

نآظرتت الي ورآه بهتمآم وقألت بخوف : حصــاان

قال بسخريه : تخآفين منهم ..!

حطت رجلها ع ورآءء .. وانطلقة

وقفة فجائه : يَ الهي المزرعه كبيره .. ولآ أدري وين هوبه اناا !


___

خرج من غرفة المريض وهو ماسك قلمه ويفكر

نط عليه بخوف : هاه بشر .. به شيء ؟

الدكتور : والله حالته غريبه .. بس ان شاء الله نعرف وش فيه ...

قال بتوتر : هو جاه صداع من يوم ما طلع بيت اخوي .. وتهاوش مع مرته بخصوص بنتهـأ تتوقع يَ دكتور

د.زياد : مانستعجل ي أخ محمد .. اتوقع ظغط كذا سبب له الصداع والغماء

وجه نظراته لغرفة وولد اخوه : الله يعينك يَ سلطـان مما جاك !

طلعت الممرضه من الغرفه : د.زياد المريض صحى

د.زيـاد : طيب مشكوره

دخل زيـاد بهدوء : السلام عليكم

أبتسم سلطان بتعب : وعليكم السلام

زيـاد : والله يَ أخوي أنت ضاغط ع نفسك كثير مماسبب صداع واغماء .!

غمض عيونه : عمي موجود ..؟

د.زيآد : أي .. ثمن ناظره بحده : انت سلطان بن فارس الـ****

استغرب من نظراته الي تقلبة :أي عسى ماشر وقال بطنازه : لـا يصير عدو ثاني غمض عيونه بقوه : قل من الحين اذا كنت احد اعداء ابوي ادعي له برحمه ..

ظحك زيـاد ع كلامه : لآ .. كنت بقولك خلك قوي ولـا تطيح واحد بعمرك لازم يصير مثل الجبل مَ يهزه ريح

سلطان تنح : أن شاء الله ...

زيـاد :يالله عندي اشغال اشوف بعدين يَ الـ****

أبتسم : ناديني سلطـان ..

زياد : أستأذن

___

سديمم بخوف : مارجعة حتى الان ؟

غزل بتوتر : لآ .. وينهـا؟ .. لايكون صاير لها شيء

الجده الي كانت جالسه بالحوش بفرشتهـا وترتشف من القهوه بهدوء : لآ تخافون قطه بسبع ارواح ..

سديم : بس يمه بتظلم وهي مارجعت..

الجده بحده :قلت لاتخافون !

غزل بقهر :ماتوقعتك جدّيده كذا .. خلي قلبك يلين عليهـا مدري وش مسويه لك !

الجده سفهتهـا . وناظرة لسماء أييي بس ماتعرفون وش وراهـا .. الله يستر بس !

غزل تهز رجلهـا : يَ رب يَ رب رجعهـا سالمه غانمه

سـديم دمعة عيونهـا : خايفه عليهـا

الجده شفقة عليهم : مو جيراننا فيه ؟

سديم : أي صح ولدهم توه مخلص طب .. أكيد رجع ..!

غزل : اي هو ماعنده حصان بالمزرعه ؟

سديم :الا الا ومسميها الجود ع خطيبته المرحومه

غزل : بس تصدقين غريبه مايسكنون بقصر وهم ماشاءالله من طبقه راقيه ومعروفه

سديم بهدوء : التـواضع يَ حياتي

غزل : اسمائهم رعد وعبدالرحمن واسامه

سديم هزة راسهـا بسكوت


___

جلست تحت الشجره وبكة : يَ ربي لي ساعتين وانا امشيء يَ رب رحمتك

غمضة عيوونهـأ بألم

وسمعت صوت : أنتِ وش تسوين للحين هنـا ؟

فتحت عيونهـا وحست ان الجلال مو ع شعرهـا ولا وجههـا

غطته بسرعه وقالت بعصبيه : خير .. المفروض تصد يَ ولد الناس

ابتسم بسخريه : انتِ الي طحتي من النخله ..

رفعت عيونهـا لـ شخص الي يتكلم .. هذا نفس الي ساعدهـا

وقالت بهدوء : يَ اخوي من الاحترام لـما تشوف البنت مو متغطيه ماتناظرهـا

قال بهدوء نفسهـا : أسفين أختي .. بس ماقلتِ لي وش مقعدك ؟

الهنوف بخنقه : ضيعت .. وبكة

ققرب منهـا بهدوء .. وطاحت عينه ع رجلهأ الي حطتها ع جنب جسمهـا همس : يعورك ؟

الهنوف بهدوء وخجل من قربه: اي تعثرة قبل شويء ..

صفر .. وهي خافت .. فجائه جاهـم الحصان يركضض برشاقه

ارتعبت بخوف وصارت تشاهق : لآ مستحيل اركب ..

قال بهدوء خوفهـأ : مَ في لـا .. حملهـا وهي اترعشت من الخوف والربكه

الهنوف بصراخ : اهئئئ مين ن انت ع شان تشيلني نزلني نزلني .. خلااص خلني اموت بأرضيي بسس ماتلمسني

كـان سـاكت وركبهـا الحصان وصار وراهـا ماكان يشوف منهـا شيء الا رجولهـا وهي تررتجف ويحس برجفتهـا وتصارخ وتظربه والحصان يفقد اعصابه شويء ويرجع هادي

طلعوا من المزرعه كانت قدام بيت جدتهـا بس كبيرره بـالحيل .. نزلت بخوف ورجفه : حسبي الله عليكك ... وانخرطة بكاء ومشت بعرج لبيت الجده

أمـأ هو تفاجئ من تحسبهـا عليه بدال ماتشكره .. لأنه عنده هذا التصرف عادي جداً وماحس انه حمل وحده مو محرم لهـا

لأنه عايش برا السعوديه 10 سنين فـكذا كان الامر عنده عااادي !

__

أول ماوصلت البيت دخلت غرفة خالتها سديم وهي تعرج وصكة الباب ع نفسهـا ودخلت دوامة بكاء

أما عند سديم وغزل والجده منصدمين .. من شكلهـا ومن تصرفهـا

غزل بخوف : أتصلي ع عبدالرحمن يجي يشوف وش فيهـأ .. !

سديم برتبآك : عبدالرحمن اليوم المناوبه عليه مايقدر ..(ولد اخووهـا , أخو خالد)

غزل بفرح كأنهـا لقت فكره : أي صح جيراننا مو ولدهم رعد دكتور خلينـا نجيبه لهـا ..

سديم :جبتيهـأ .. يالله ..بروح له !

غزل : طيب ..

لبسة عباتهـا وتننقبة

ورطلعت برا بيتهم القديمم المرمم

لـبيت جنب المزرعه يشبه الفلل الصغيره وفخمه

طقت الباب مرتين ورنت الجرس مرهه

مالقت رد .. خاب املهـأ وجت بترجع الا سمعت صوت رجولي : نعم أختي تبغين شيء ؟

استغربة من هذا الرجل كان واحد مملوح ملامحه حاده وبدويه جميله وعيونه العسليه الفاتحه حاده بالحيل وكان باين انه
كان يشتغل بالمزرعه

بلعت ريقهـا بخوف : اخوي ابغاء الدكتور رعد

اسستغرب : أخوي ؟ .. خير وش تبين فيه . ..

خافت وقالت بكلام متقطع : أ أ .. ب بـ بـن ت اختيي !

رفع حجابه : ططيب طيبب لاتقولين بناديه لك..

طلع رعد كان عكس اخوه تماماً بشكله بملابسه رعد ازين مافيه بياضه الغريب وجسمه : هلاوغلا سديم

سديم برتياح لهذا الشخص : اهلين فيك رعدد أخبارك .. ؟

رعد ببتسامه : تمام .. شنو بغيتي ؟

سديم ابتسمة من وراء نقابهـا ولا انتبهت لأخو رعد الي ساند ع الباب بطريقه استهزاء : بنت اختي الهنوف تخبرهـأ

رعد ظحك : أي ذيك المشاغبه .. وش فيهـا ؟

ابتسمة : جت من مزرعتنـا .. وهي تعررج مدري وش سالفتهـا !

رعد : طيب ثواني وجايكم بس اجيب شنطتي واجي

سديم بمتنان : مشكور رعـد نردهـا لك يوم !!

ابتسم : لآ والله الهنوف مثل اختي

قال بسخريه :خلصتوا .. قال بحده لرعد :وين أسامه اخذ جودك ومدري وينهم

رعـد : أعصابك عبدالرحمن .. أي كلمني تو قال يبي يشم هواء شوي

عصب : بتظلم ويشم هواء ؟ .. قله يجي الحيين ..

اما سديم هجت من يوم قال خلصتوا مدري ليش تخاف منه طريقة كلامه تحسه انسان مرعب بس ملامحه تجنن بدويه جميله وحاده

___

س1 / هل طول البـارت مناسب ؟

ملاحظه (الذي لـديه أنتقأـاد ع روايتي ارجاء ارسال رساله خاصه)


تَوكلت ع الله ©؛°¨غرامي مشارك¨°؛©

اهليييييييين يَ غلاا

البـارت مرهه جمييل وطوويل حيل

بس يَ ليتت تححدين مواعيد الباراتات .. ^^

قرويه مزيونه ©؛°¨غرامي جديد¨°؛©

مـرحبـا فيكك زود

هو مره بلأسبوع

منوره

السعادة الدائمة ©؛°¨غرامي مشارك¨°؛©

آههلنن ..
بدآيـةة موفقـهه عزيزتـي
وآن شاااء الله تنااال اعجاااب الجمييعع ..

الهنوفف ©؛°¨غرامي جديد¨°؛©

مراحب حبووبهه

البـارتت الاول رووعه وطويلل مايحتااجج نقولل

واصليي يَ عسوولهه

قرويه مزيونه ©؛°¨غرامي جديد¨°؛©

منــورينن يَ جميلـات

أنتــظر البقيه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1