غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 441
قديم(ـة) 07-12-2012, 12:07 AM
صورة هذيان الروح** الرمزية
هذيان الروح** هذيان الروح** غير متصل
©؛°¨غرامي متألق ¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


رغوووده يالدبه نبي بااارت بليييز

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 442
قديم(ـة) 07-12-2012, 09:02 AM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها نبضها نادر... مشاهدة المشاركة
رغوووده يالدبه نبي بااارت بليييز
ابششري اول ما اخلص كتابه انزل لك ^^

♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 443
قديم(ـة) 07-12-2012, 09:28 AM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



السـلآلآم عليكم
اول شيء انا اسسفه لانه بيكون جزئيه اليوم .. بس ان شاء الله الجزئيه بتنزل بعد كم ساعه كذا
بسس اتمنى يقووم بالواجب .. اعذروني لان ممكن اتأخر
~~~~~~~~~~~~~~~~~~~~~~~~~~~~~~~~~~~~
البارت 13 الجزئيه الاولى
~~~~~~~~~~~~~~~~~~~~~~~~~~~~~~~~~~
ثواني انتظر ردها لحد ما وصل لها صوتها من بين ضحكاتهم قالت / الو
هشام / الو هلا والله
ريماس / اهلن من معي ؟؟
هشام / وشو ما شفتي الرقم
ريماس بعدت الجوال عن اذنها وشهقت يوم شافت الاسم قامت من عندهم وطلعت للحديقه / سوري هشام بس تأخرنا شوي وما دققت على الوقت
هشام / لا عادي .. آآآ ريماس
ريماس / هلا
هشام / ابي اشوفك
ريماس عقدت حواجبها /أيشش !!
هشام / قلت لك ابي اشوفك
ريماس / داريه سمعتك .. بس امس ملكتنا واليوم نطلع وش يقولون عني البنات .. وبعدين هم مجتمعين علشاني .. لالا هشام خلها بكره شوفني لمين تمل
هشام / ريماس الموضوع ما يستحمل
ريماس / أي موضوع !!!!!
هشام / ريماس والى يررحم لك والدينك ابي اشوفك ضروري
ريماس / يعني الموضوع ما يستحمل لبكره
هشام / لا ابي اشوفك الحين
ريماس / طيب هشام انا ما عندي سيارة الحين
هشام / هـــآآ !!!!
ريماس / هشام تكفى طلبتك خلها بكره والله البنات كلهم هنا حرام اطلع واخليهم خلها بكره بلييز
هشام زفر بيأس منها / طيب بكره بكره يلا سلآم {{وقفل ولف على شذى }} سوري شذوي خليها بكره
شذى / طيب بس اهم شيء تقول لها
هشام / من عيوني .. بس انتي لا تاخذين الوضع بهالطريقه والله العظيم الموضوع ما يستاهل كل هالدموع والحوسه
شذى / ان شاء الله
هشام / طيب يلا روحي لبيت خالي ابراهيم ترا كل البنات هناك
شذى بأندفاع / لالا ما ابي
هشام استغرب من اندفاعها وهي الى عمرها ما خلت جمعه للبنات قال / وليش !!!
شذى / ما ابي وبس اشوفهم بعدين
هشام / طيب بكيفك انا بروح انام يلا باي
{{راح لجناحه يريح وترك شذى بين افكارها .. مر اليوم في بيت الملياردير ابراهيم بكل ما تملكه الدقايق من ضحكات وتعليقات على بعض..وبعد ما اكتفوا من جلستهم كل وحده شالت نفسها وطلعت على بيتها .. وفي الليل الساعه 9 }}
كانت منسدحه على سريرها ومغمضه عيونها وافكارها برا حدود هالغرفه .. تذكر قد ايش كانت تحبه وقد ايش اوهمها انه يحبها .. تذكرت وسامته .. عيونه الزرقاء .. ابتسامته الصافيه .. طوله .. طيبة قلبه .. حنانه .. كله على بعضه كانت ذكراه في راسها .. قد ايش كرهت الرجال من بعده .. كان فييه سؤااال مسيطر على عقلها ((لييش تخلى عني)) كانت تبي هالجواب وبسس .. تنهدت ونزلت منها دمعه تخترق خدها الناعم .. وقف قلبها اول ما سمعت صوت جمبها / لييش البكاء الحين
ألين لفت عليها بسرعه / ريماس !!!!! كيف دخلتي ؟؟
ريماس الى كانت منسدحه جمبها / من الباب يعني من ويين
ألين/ أيــشش !!
ريماس / طقيت الباب لحد ما انشلت يدي من الطق .. وجربت افتح الباب .. لقيته مفتوح .. لقيتك ما انتبهتي لي وفي عاااالم ثاني .. فضلت اخليك واريح نفسي ممكن تحسين على دمك وتشوفيني
ألين / اها طيب
رجعت غمضت عيونها .. قالت ريماس وعيونها بسقف الغرفه / ألين بسألك سؤال ...
ألين / هممم
ريماس / انتي تحببينه ؟؟
ألين لفت عليها بسرعه /هـــآآ !!!
ريماس /سألتك تحبين وائل ؟؟
ألين رفعت عينها وبدت تناظر لفوق وتتخيله قدامه وبدت تتكلم من كل قلبها / مو بس احبه إلا اعشقه يا ريماس {تنهدت } آآآه لو تعرفين قد ايش انجرحت يوم راح مني .. حاولت انساه او اقصد اتناساه بس ما اقدر .. قلبي كل نبضه منه تسأل ليشش تركني .. تعبت افكر .. انا وش سويت له علشان يتركني .. اخر لقى بينا كان كله ضحك ومزح وحتى انه راح والابتسامه على خده .. انا ما سويت شيء يخليه يتركني
ريماس / بس انتي كنتي ما تعرفينه .. كيف حبيتيه بالسرعه هذي
ألين / لو اقول لك وائل هذا يدخل القلب على طول .. اول شيء كان زواجنا تقليدي .. كنت رافضه فكرت الزواج من اساسها.. وحتى في ملكتي كنت اتحسر على حظي الى بيجمعني في واحد انا لا اعرفه وهو ما يعرفني .. بس من عاشرته المده بعد ملكتنا .. اقسم لك بالى خلقني انه صار لي النص الثاني وهو بس كم لقى بينا ينعدون بالاصابع .. بس كان ما يمر يوم إلا وداق علي ويطمن ونقعد بالساعات مع بعض .. شوية اقول عنه انه صار نصي .. ما اتوقع بقدر اكمل حياتي بنص واحد بس
ريماس فضلت السكوت وتفتح المجال لألين انها تفضفض .. كملت ألين كلامها / لو اني رفضته كان افضل من حالتي الحين مو .. لو اني ما استقبله برحاب صدر ممكن ما تكون هذي حالتي الحين .. كل الغلط مني انا .. انا الى حبيته وعشقته وعطيته اكبر مكان في قلبي .. وخليته يسيطر على كل نبضه من قلبي .. انا الى وافقت عليه .. انا السبب {{دمعت عيونها }} بس ترا هو ماله شغل .. هو كان يبي بنت هو يحبها .. مو بس هي الى تحبه .. باين انه كان يمثل علي .. ايه كان يمثل .. انا عارفه .. يا رب انا وش سويت بعمري .. لييييش كذا
حطت راسها بين ايدينها وبدت تبكي ريماس جلست وهي تشوفها بهالحاله .. حضنتها وهي مقصدها تخفف عنها / ألين خلاص عاد تكفين لا تقولين كذا هذا قدر ربك وهو ادرا فيه
ألين حطت راسها على كتف ريماس / ريماس راااح مني واائل رااح .. ليـــششششش يا ربي لييش انا وش سويييت له وش سويت
ريماس / الغلطه مو منك لا تحطين الغلط عليك وهو مو منك.. هو الى طلقك مو انتي
ألين تعلقت كلمة ]] طلقك [[ في راسها بدت تفكر فيها .. بعدت ريماس عنها وقالت ببحه / ريماس الحين اذا انا كنت متملكه معه وهو فصخ الخطبه يعني اصير مطلقه
ريماس ناظرتها بصدمه عمرهم ما فكروا من هالناحيه ابدا .. الى صار وقت ما طلقها وائل كانت حالت تشتت يوم طاحت ألين عليهم والمستشفى والحوسه هذي والكل في دوامت حيره من الى سواه وائل ولا فكروا بهـالمسأله .. بللت شفايفها / طبعا اذا كنتي تملكتي عليه يعني صرتي شبه زوجته واذا فصخ الخطبه معناها طلقك
ألين ابتسمت بسخريه / يعني الحين انا اسمي مطلقه
ريماس بتبرير / بس انتي لسه صغيره وقدامك المشوار طويل
ألين سندت ظهرها على السرير ولفت لها / تبغين اقول لك نصيحه ممكن بتستفيدين منها
ريماس رفعت حاجبها بأستغراب / قولي ...
ألين / لا تهدين قلبك للي مالهم قلب لأنهم راح يغرسونه فيهم وراح ينسونك وبيعتبرونك ذكرى خير لهم {{وقفت }} يلا بروح اخذ لي شور وانتي الله لا يهينك انثبري هنا لحد ما اطلع عندي لك سوالف بتملين منها اوكي
وطلعت اما ريماس الى ضلت ساكته من سمعت كلامها وبدا يرن في اذنها ]] لا تهدين قلبك للي مالهم قلب لأنهم راح يغرسونه فيهم وراح ينسونك ويعتبرونك ذكرى خير لهم [[ قالت بهمس / معقوله قصدها بهالكلام هشام
{{وقامت تبغى تطلع بس تذكرت كلام ألين وفضلت انها تجلس لا تسوي مصيبه لها .. في مكان بعــــــــــــــــــــيييييد جدا عن امريكا .. ارض الوطن ]]الرياض [[ ..وتحديدا بيت الجده فاطمة }}
الجده "فاطمه " قالت بصوت عالي / وائلوه خالدوه طروق وجع ما تسمعون
وائل لف عليها / امري يمه هذا احنى هنا ليش الصراخ نسمعك امرينا عيونا لك سمي وش تبين
الجده طقت بعصاها بالارض / الحيين انا مو قايله لكم من اول ان الساعه الحين مسلسلي التركي حطوه لي
طارق فتح عيونه لأخر شيء ولف عليها بسرعه / يمه فاطمه انتي تشوفين مسلسلات تركيه
الجده / ايه اناظر
خالد بمزح / وش تناظرين ان شاء الله لميس و يحيى ولا مهند ونور
الجده / لا ذولا قديمات انا اناظر الحين مسلسل سميتي
خالد / سميتك من !!!!
طارق ووائل انفجروا ضحك قال وائل / اجل تناظرين مسلسل فاطمه ها
الجده / ايه حطوه لي الحين لا اوريكم الى ما قد شفتوه
خالد / لالا ولا زعلك الحين احطه لكك
وائل بمزح/ إلا يمه فاطمه وصلتي أي حلقه ؟؟
الجده / اليوم بتتزوج فاطمه يا حياتي عليها تركت الى تحبه انا ودي اذبحه ذا الى ما يتسمى الى فرقها عنه حسبي الله عليه سبع تحاسيب
وائل لف على طارق / طروق تعال بس خل نطلع نتمشى بالسياره انا حاس اننا الحين بنقبل على نوبه من الدعاوي
طارق وقف / طيب يلا امش
وائل قام ومشى ورا طارق لسياره .. وطول الطريق كانوا ساكتين قطع الصمت صوت طارق / وائل
وائل لف عليه / هلا
طارق / ابغاك بموضوع بس ما تتهرب منه
وائل / وش هالموضوع الى بتهرب منه
طارق فضل السكوت ووقف السياره على جمب ولف عليه وقال / اسمع يا وائل انا اقطع يدي من عرقها لو ما فيك شيء.. انا اعرف ومستحيل تغفى حركاتك عني
وائل / ليش انا وش سويت علشان تقول فيني شيء ؟؟
طارق تنهد / قول وش ما فيك ؟؟ .. الحين انت اربعه وعشرين ساعه تفكر .. وطول الوقت يا معك جوالك يا مع امي فاطمه وش صار لك ؟؟
وائل / طيب وش الغريب في الموضوع
طارق / انت تغيرت عنا 180 درجه تذكر اول وشلون كنت تذكر .. كنت تفرفش وتضحك وتمزح وطول الوقت تسولف لنا والابتسامه ما تغفى عن ثغرك والحين العكس ابد حتى الابتسامه بالحسره نشوفها على وجهك وش فيك وائل تكلم فضفض لي ترا انا صديق عمرك ومهما سوت لك الدنيا بكون معك
وائل ابتسم بسخريه / وش بقى لدنيا علشان تسويه لي
طارق / وش قصدك؟؟
وائل / انت تدري وش صار
طارق الى فهم قصده / خلاص وائل بنت الناس راحت من ايدك وبعدين انت ليش طلقتها وائل جاوبني عن هذا السبب بس ترا الكل كانوا بيموتون على انهم يعرفون .. انت فجأه جيت وفي راسك ألف سيف إلا تطلقها لييش ..؟؟ طيب هي وش سوت لك ..؟؟ مو هذي هي البنت الى كنت دايم سوالفك عنها وتحبها حب الدنيا كلها .. تغليها اكثر من أي مخلوق بهالوجود .. تحبها اكثر من نفسسك .. وين كلامك ..؟؟ كله راح .. تبخر مع الهواء
وائل سند راسه تنهد بعدين قال/ ألين ما سوت شيء بالعكس ورتني اروع ايام عشتها الى في حياتي ما عشتها مع غيرها.. ورتني وش معنى كلمة ((الحب )) .. خلتني اعد الدقايق علشان اشوفها من جديد .. خلتني اكون ملاك يمشي بالارض .. خلتني احـب شيء اسمه دنيا .. خلتني لما اشوفها انسى الدنيا وما فيها واعاتب الدقايق الى خذتني منها .. خلتني انولد من اول وجديد .. خلتني انسى كل لحظه عشتها قبلها .. خلت كل ذكرياتي تنحصر فيها هي بس
طارق / اجل ليش طلقتها ..؟؟ وش السبب ..؟؟ ليش تركتها واااائل ليييش ..؟؟
وائل انحصرت الدموع بعينه واكتفى انه اشر على قلبه .. طارق ما فهم شيء .. قال بأستغراب / وش قصدك !!!!
وائل دمعت عينه/ هو السبب والله العظييم هو السبب .. خلني اتركها .. هو السبب .. هو السبب .. هو مو انا .. ليش يسوي فيني كذا .. وهو مني وفيني .. خلني احس بتأنيب الضمير.. خلني افكر بمستقبلها .. بس وشش بعده .. بعد ما كرهتني .. بعد ما كرهت سيرتي.. هي لو كانت تدري وش السبب .. والله العظييم كان عذرتني .. بس ما طاوعني قلبي اقول لها وشش فيني .. وانا الى ما كان قلبي يخفي عليها شيء .. الحين يخبي عنها اكــــــببر همومه .. انا كان بمقدوري اخليها معي واتجاهل الموضوع .. بس خفت .. خفت ان اشوف دمعتها .. قررت اتركها لدنيتها .. ولا اشغلها بي ولا بهمومي
طارق / ما فهمت منك شيء .. وش هموم .. ووش عنا .. انت وش قااعد تقول انا مو فااهم شيء
وائل تنهد / لأنك ما تعرف شيء
طارق / وششش الى ما اعرفه وائل تكلم والى يرحم والدينك لا تحرق اعصابي اكثر ماهي محروقه
وائل / السالفه الى تبي تسمها كل ما فيها ان {................}
طارق بصدمه / انت .. انت ..لحظه خل استوعب .. وشلون صار كذا .. متى وكيف ولييش ؟؟
وائل بصراخ / طارق خلاص كافي الى فيني تكفى اسكت ورجعني الحين للبيت ولسانك ان طال وقلت لم احد السالفه اقسم لك بالى خلقني لا انا اعرفك ولا انت تعرفني
طارق / وائل انت وش فيك صاحي انت فاهم يعني ايش الى قاعد تقوله
وائل بنفس صراخه / ايه فاهم وانا عارف وش قاعد اسوي ما ابي ابلش بنت الناس معي خلها بحالها افهم يا اخي البنت انا احبها وما ابي اعذبها معي
طارق بهدوء عكس وائل / اوكي انت الخسران
ظوائل / لا خسران ولا شيء ورجعني بسرعه للبيت لا هنت
طارق / طيب يا وائل طيب .. وهذي حياتك وانت حر.. واتوقع انك كبير وعارف هالمواضيع وشلون يتعاملون معها.. وهذا انت .. وهذا انا .. والزمن بينا
وائل بهمس / هذا اذا كان فيه زمن من الاساس
طارق الى سمعه قرر يسكت ويسكر على السالفه ويرتاح هو ويريحه
******************تعريف بالعايله *************
الجده فاطمه : تحب احفادها خالد وطارق و وائل وتعزهم معزت عيالها الى كل واحد راح لمكان بعيد عنها .. نايف واهله راحوا امريكا .. وابو طارق راح لنمسا وسكن هناك .. وابو خالد راح لايطاليا وبيقعد هناك على طول .. وكل واحد ما يزور امه إلا بالشهر مره واذا جا فيهم الخير يومين بالشهر .. وهي الى تدق عليهم علشان يجيبون عيالهم اما هم بكيفهم ما هموها .. وهي على نياتها حرمه مصليه مسميه ذاكره ربها .. بس انها تحب تتعلم زياده عكس بعض عجايز هاليومين
خالد : اغلى واحد عند الجده واصغر واحد فيهم .. شعره لونه بني مخصل وكثيف عيونه مايله للعسلي بشرته فاتحه ومعطيه له وسامه .. عمره 22 محترم وماخذ طارق كأنه اخوه بس هو لا اخوه ولا شيء بس ولد عمه .. بس انه ماخذه كقدوه .. كل الوقت يمزح ويضحك ومفرفش ويحب يهبل في جدته بس انه على نياته
طارق : نسخه ثانيه من وائل .. قوي شخصيه وحاد الطبع ويعرف الى قدامه من عيونه .. كله على بعضضه شوييه فيه كلمة وسييييم .. شعره اسود وبشرته حنطيه عيونه بنيه جسمه رياضي .. مهتم بنفسه بكثيييير .. الى يشوفه يقول شايف نفسه بس هو العكس متواضع ويحب الكل عمره في حياته ما كره احد .. هو ووائل متربين مع بعض ويعرفوون بعض من هم صغار هم مو عيال عم بالعكس أصدقاء او اخوان
وائل / تـــمم التعرييف ســآآبقــآآ
****************************************
رجع طارق للبيت .. دخلوا للبيت وعلى طول وائل رقى على فوق دخل غرفته وحتى سلام ما سلم .. اول ما دخل فتح الدرج وطلع جواله ضغط على رقم اخوه .. انتظره يرد لحد ما وصله صوته الرجولي / هلا والله
وائل بدون مقدمات / نايف لو سمحت احجز لي على اول طياره لامريكا
نايف / ايشش !!!.. وش صار ..؟؟ فيكم شيء ..؟؟ صاير شيء ..؟؟
وائل/ ما فينا شيء ولا صار شيء بس انا ابغا ارجع .. اتصل على احد من الى تعرفهم واحجز لي
نايف / وليش مو انت تبي تقعد شهر وزياده ..؟؟
وائل / نايف لو سمحت بتحجز لي ولا انا أتصرف
نايف / خلاص خلاص انا بحجز لك بس ترا بتقول لي بعدين
وائل / طيب طيب يلا سلام
قفل في وجهه وجلسس يحصر افكارهه .. نزل تحت وحاول بنسجم مع الوضع
الجده / وائلوووه تعال هنا وسكت هالبزران الى عندي
وائل وهو قاعد ينزل / واحنى عندنا بزران اساسا !!!!
الجده / ايــهه عندنا بزران .. بس بزران كبار
طارق / خالدوووه يا زفت هاات الريموت
خالد / لا يا شيخ ابي اناظر كوره بكيفي
طارق / روح اذلف فوق ناظرها ابي اشوف الفلم الحين بيبدأ
خالد / مالي شغغل اذلف انت فوق انا بنثبر هنا وعلى جثتي تاخذه
طارق / يعني السالفه عناد
خالد / افهمها زيي ما تبي عناد حقاره نذاله نحاسه الى تبي
طارق / اوكي يا خلود انت ما ينفع معك لا الطيب ولا هم يحزنون
وائئل / بــــــــــــــــــــــــسس انت وياه وشو ما عمركم اجتمعتوا لخير دايم هواش هواش خلاص اهجدوا شوي
الجده / ايييه زيين احد جاء يسنعكم اعوذ بالله هذول عيال عم إلا عيال قطوه تعلموا من هالرجال {{قصدها وائل }} تعلموا منه وشلون تتخطون مرحلة البزاره
وائل كتم ضحكته وجلس بين بركاين قاعدين يفورون في اي لحظه بينفجر في الى قاعد بينهم
~~~~~~~~~~~~~~~~~~~~~~~~~~~~~~
اعــرف الجزئييه قصيره وكذا .. بس ان شاء الله بعد شوي انزل الزئيه الثانييه .. تحياتي


♥♡♥




تعديل sad_hope; بتاريخ 07-12-2012 الساعة 09:46 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 444
قديم(ـة) 07-12-2012, 10:23 AM
صورة تماراx الرمزية
تماراx تماراx غير متصل
©؛°¨غرامي فعال ¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


تسلمين على البارت الرائع
بنتضارك بالبارت االجاي
ودي :

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 445
قديم(ـة) 07-12-2012, 12:42 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها ورد وتفاصيله مشاهدة المشاركة
تسلمين على البارت الرائع
بنتضارك بالبارت االجاي
ودي :
الله يسلممك يــآآ الغـــلآلآلآ

♥♡♥




تعديل sad_hope; بتاريخ 07-12-2012 الساعة 01:55 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 446
قديم(ـة) 07-12-2012, 01:12 PM
صورة $ غروري سر أنوثتي $ الرمزية
$ غروري سر أنوثتي $ $ غروري سر أنوثتي $ غير متصل
فَـ { يَآ ربْ } فّرج هُمَوماً آنتَ تَعلمُهَآ ♥:) !
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


تسلم إيدك على البارت الرائع
وفي إنتظار تكملة البارت بفارغ الصبر لا تطولي علينا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 447
قديم(ـة) 07-12-2012, 02:35 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها $ غروري سر أنوثتي $ مشاهدة المشاركة
تسلم إيدك على البارت الرائع
وفي إنتظار تكملة البارت بفارغ الصبر لا تطولي علينا
ســلآلآم
الله يسلممك حيـــآآتي
ان شــآآء الله ما اتأخــرر


♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 448
قديم(ـة) 07-12-2012, 03:26 PM
صورة ابو سلتوح الرمزية
ابو سلتوح ابو سلتوح غير متصل
©؛°¨غرامي فعال ¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


حللللووو البارت كثير~
عرفت معلومات عن وائل وعائلة~
والين يا بعد قلبي صغيره وطلقه~
ريماس الى انحين ما عرفنا متى بتنتقم من فرايد~
وانا استنى الجزء الباقي بفاارغ الصبر~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 449
قديم(ـة) 07-12-2012, 03:31 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها ابو سلتوح مشاهدة المشاركة
حللللووو البارت كثير~
عرفت معلومات عن وائل وعائلة~
والين يا بعد قلبي صغيره وطلقه~
ريماس الى انحين ما عرفنا متى بتنتقم من فرايد~
وانا استنى الجزء الباقي بفاارغ الصبر~

هــذآآ من ذوقكك حبيبتي
اسسعدتني اطلالتكك
انتي صح عرفتي عن وائل وعايلته بس لسه ما عرفتي سبب الطلاق .. ولا عرفتي بعد معلومات عن فرايد
بسس بأذن الله مع الوقت بتعرفييين
انــ شاء الله ما راح اتأخخر علييكم
مووفقه


♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 450
قديم(ـة) 07-12-2012, 03:47 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



البارت 13 الجزئيه الثانيه
اتمنى تعججبكم الجززئيه
~~~~~~~~~~~~~~~~~~~~~~~~~~~~~~~~~~~~~~~~~~~~~~
{{في اليوم الثاني }}
نزل وشاف جدته وجده جالسين ويتكلمون جلس بدون محد يحس فيه او حتى يلقيه وجه .. وبدا يسمع وش قاعدين يقولون .. الجده / وش صار عليهم ؟؟
الجد وهو يقرا الجريده / كلهم بيجون
الجده / زيين .. طيب والبنات ..؟؟
الجد / كلهم بيجون
الجده / ايه زين .. طيب وش صار على الحديقه زينوها ..؟؟
الجد / جهزوها و سوو الى امرتي فيه
الجده / طيب والـعشاء وش صار عليه ..؟؟
الجد / البنات اتفقوا انهم يشوون
الجده / طيب والـ....
ريان قاطعها / وشو بعد وشو .. الناس وبيجون والمكان وزينوه والعشاء وصرفناه وشش بقى بعد زفه
الجده الى توها تلاحظه لفت عليه / وانت وش دخلك يا المليقيف يلا اذلف روح قوم خواتك
ريان / طرده ذي ولا وشو ..؟؟
الجده / افهمها زيي ما تبي يلا روح قومهم بيتأخرون
ريان وقف / طيب بقوم هذا انا رايح بذلف خلاص لا تنفخين
الجده / يلا رووح
ريان / طيب طيب
ورقى الدرج وهو يتأفف .. دخل غرفة ليان وراح طوالي لغرفة نومها وبدون ولا كلمة شال الغطاء عنها وقال بصراخ / لياانوووه قووومي
ليان حطت الوساده فوق راسها / ريان .. جربت احد يفلقك
ريان / لا والله ما جربت ..و ترا امي منيره هي الى قالت لي اجي اقومك
ليان / طيب الله لا يهينك اطلع بكرامتك لا والله اقوم عليك
ريان حط يده على خصره / يا الله خفت انا ورينا وش بتسويين
ليان بصراخ / أطلـــــــــــــــــعع بــــــــــرآآآآ
ريان / احــسسن تشوفين الى بيقومك بعدين
ليان عدلت جلستها / وش عقبه عقب ما قومتني اووف مالت عليك المره الثانيه بحط جيوش على غرفتي علشان ابن امك وابوك تدخل
ريان / طيب طيب لا يكثر
وطلع وراح لغرفة ألين .. دخل بجفاسته كالعاده وقال بصراخ / الــيـ{{سكت وقال بصوته الهادي }} وشش قومك انتي ..؟؟
ألين / اول شيء اذا تبي تدخل لغرفتي تطق الباب ثاني شيء لسانك قصصه من عرقه لا والله انا الى اقصه لك جعلك الصمخ فقعت طبلت اذني
ريان وهو يحك مأخرت راسه / ما كنك قمتي مبكر اليوم
ألين / انت اعمى ولا أعمى ما شفت الساعه ..؟؟ والله حاله .. ابعد بس ابعد خل اطلع
طلعت وهو يناظرها بنص عين بدا يلاحقها / بس لحظه ألوون بكلمك
ألين / تكلم اسمعك
ريان / الحين بجد من بيجي اليوم
ألين / كلهم ,, لييش تسأل ..؟؟
ريان / لا بسس اشوفكم متحمسيين بزياده .. قلت ممكن في احد جديد بيجي
ألين / ايه
ريان / لا عاد .. من هو ..؟؟ يلا ألين ميين ..؟؟
ألين / ريتال
ريان / ومن ريتال ذيي ؟؟
ألين / اخت داليا
ريان / يعني ما قد شفتيها ولا وشش السالفه
ألين / لا قد شفناها بس يعني اول مره بنشوفها هي وبنتها وبنسولف معهم
ريان / اها طيب وبيجي زوجها
ألين / زوجها !! لا طبعا اساسا هو ميت من كم سنه كذا
ريان / اهــهها فههمت
ألين / طيب ما لاحظت انك سويته تحقيق
ريان / طيب خلاص بنطم
نزلوا لغرفة الاكل الى الكان كلهم فيه ومو ناقصهم غير ريان وألين الى توهم واصلين .. قعدوا ياكلون والمكان هادي ما فيه اصوات إلا يوسف وابراهيم الى قاعدين يتكلمون بخصوص الشركه .. قالت دانيه لريماس بصوت واطي / اقول رموس
ريماس بنفس مستوى الصوت/ هلا
دانيه / الحين عرفتي ان سامي خاطبني
ريماس شهقت / كذابه
دانيه / والله
ريماس / لالا انتي لازم تقولين لي كل شيء طيب
دانيه / بس لحظه مو خطبه رسمي
ريماس / اجل !!!
دانيه / بس قال لم داليا تقول لي ويسألني اذا موافقه ولا لا علشان يتقدم لي رسمي
ريماس / اها علشان كذا داليا امس هنا
دانيه / ايه بس يا ويلك اذا احد درا ترا ما فيه احد يدري غيري انا وانتي وداليا وسامي .. البنات ما ابي ولا وحده تعرف طيب
ريماس / اوكي بس ترا بتكلمينيي بالتفاصيل بعدين
دانيه / اوكي
ريماس / لحظه لحظه انتي وش ردك موافقه ولا لا
دانيه / ما ادري
ريماس / ايه يعني ايش موافقه ولا لا ؟؟؟
دانيه / شوفي هو ولد والنعم فيه بـ..
ريماس قاطعتها / وتحبينه
دانيه / اووه ريماس خلاص عاد
ريماس ابتسمت / ايوه ايوه الى تستحي
دانيه /ترا اذا ما سكتي والله ما اقول لك
ريماس / خلاص بسكت
دانيه / طيب شوفي هو زيي ما قلت لك ما ينعاف {{ناظرتها ريماس بنص عين وهي فهمت قصدها }} واحبه زيين احبه
ريماس ضحكت .. انتبه لها نواف وقال / ضحكينا معك
ريماس لفت عليه / مالك شغل كلام بنات
نواف رفع حاجبه / من متى !!!!
ريماس / من اليوم {{لفت على دانيه وقالت بهمس }} طيب كملي ليش ما تدرين بما انك تحبينه
دانيه / بيني وبينك صراحه حركته اخر مره مو مطمنه لها
ريماس / شوفي على كلام داليا انه صراحه سامي هذا مو لم البنات ولا هم يحزنون بس انتي انسي بس .. ويلا قولي موافقه وريحينا
دانيه / لا بعدي ما وافقت
ريماس / يوووه صدق سامجه متوقع ان الولد بينتظرك
دانيه / اذا يبيني ينتظر {{شالت شنطتها }} يلا انا طالعه
ريماس / ويين لسه باقي نص ساعه على الدوام
دانيه بهمس / حبيبتي النص ساعه طريق {{غمزت لها ووقفت }} يلا باي
{{وطلعت .. في الجامعه }}
يتسابقون بالاسياب رايحين راجعين قالت داليا الى كانت واقفه هي و ريماس وقاعده تضحك عليهم / انتي وياها خلاص اهجدوا
ألين / ونــآآآسه لالا تعالى مها من جديد
سعود من وراهم / بسسس بسس انتي وياها فشلتونا
مها وألين لفوا وراهم .. قالت مها / وانت وشش دخلك حاشر خشمك في كل شيء
سعود / حاششر خشمي !!!!! لالا مها خربتي .. ألين ابعدي عنها لا تخربينها زيــآآدهه
تركي / يا شييخ انت ما عليك منهم الله لا يلومهم اليوم اخر اختبار لنا وخلاص راحه نفسيه
ريماس / على اساس انت مثلا مقطعتك المذاكره
الكل ضحك .. قال تركي / طيب انت وياها صدق ما تنعطون وجه
وليد / لا تكفى عطني وجه طلبتك
تركي رفع حاجب / تتمصخر حضرتك
وليد / ما عاذ الله
تركي / تشوف انت وياه مالت عليكم {{تذكر نوف ولف على ريماس }} إلا ريماس ابغاك شوي
داليا / يعني ســرر
تركي / مالكم شغل ريماس بتجين ولا وشلون
ريماس الى حست بجديته بالكلام / طيب بجي
تركي وريماس انسحبوا عندهم .. تركي الى طول الوقت كان ساكت يبي يلقى مقدمات لموضوعه وريماس فضلت السكوت وتنتظره يتكلم بس ما تكلم قالت ريماس / فييه شيء تركي
تركي بلل شفايفه / اتوقع انك تعرفين وحده اسمها نوف
ريماس / نوف !!! ايه اعرفها ،، ليش تسأل ..؟؟ وانت وش عرفك فيها ..؟؟
تركي / اسمعي ريماس {{وقال لها السالفه من يوم تعرف عليها لحد ما كذب عليها وقال لها عندي صورك وصوتك }}
ريماس / قصدك ان نوف تبي تنتقم
تركي / ايه وترا يا ريماس نوف هذي مو هينه .. لو تحط احد في بالها تنهيه
ريماس / مو بنت فهد الى تنهي تحت يد وحده زيي هذي
تركي / ريماس لا تتساهلين فيها تراها غير
ريماس / محد غير عن الثاني .. على العموم يعطيك العافيه انك علمتني.. انا بروح الحين لهم .. ولو سمحت تركي انسى هالسالفه الحين .. هي تحولت عندي وما ابي احد يعرف عن هالسالفه .. أوكـــيي
تركي / اوكــيي
ريماس / طيب يلا خل نرجع لهم احس اننا تأخرنا ولا
تركي / إلا باين تأخرنا الله يعينا على التحقيقات
{{بعــد الدوامات والتعب .. الكل رجع لبيته يرتاح .. في بيت نايف }}
دخل جاسم ومشاري وهم خلاص يبون السرير .. كانوا قاعدين يرقون بس وقفهم صوت افنان / جسوم مشاري
جاسم / هــــآآ
افنان / خـيير لا ترفع صوتك
مشاري / وش تبين ..؟؟
افنان / تقول لكم امي الساعه 4 تروحون المطار
جاسم / ليش تبون تسفرونا ..؟؟
افنان / لا يا الكمخه بتروح تجيب وائل
مشاري / وليش مو هو الى يجي
افنان / على اساس السياره بتنتظره من ينزل من الطياره
جـآسم / لا تحششين على راسي سالفة اني بجيبه انسووها
افنان / وانت مشاري ..؟؟
مشاري / انا بروح انام والى يقومني يا ويله
افنان / بلا سماجه انت وياه
سفههوا وكملوا رقيه لفوك بس الى صللب عضامهم صوت نايف / تعال انت وياه
لفوا عليه وهم يرتجفون .. كل واحد فيهم يعد ذنوبه .. قال جاسم بأندفاع / والله والله والله ما سويت شيء هي الى عطتني رقمها انا مالي شغل وترا للحين ما دقيت عليها انا مستعد ما ادق لو تبي اساسا مو داق خلاص ما راح ادق بروح اشق الرقم مشاري / والله لقافه ادري شفت اللاب حقك وقعدت خمس دقايق والله العظيم بس خمس دقايق وبعدين قفلت كل شيء وقمت ترا ما قريت شيء من اوراقك بس تلقفت شوي بس توبه والله توبه
افنان كتمت ضحكتها على اشكالهم الى كل واحد فيهم فضح نفسه .. ما قدرت واطلقت ضحكتها الى خلت كل من جاسم ومشاري يستوعب الى قاله .. قال نايف وهو يخفي ابتسامته ويحاول يتكلم بجديه/ طيب وش بقى بعد من الفضايح ..؟؟
جاسم / انا خلصت
مشاري / وانا بعد
نايف / طيب افنان تو وش قالت لكم
جاسم / الحين بروح انتظره في المطار افا عليك
نايف / بتنتظره إلا بكره
مشاري / ليش هو بيجي اليوم ولا بكره
نايف / لا بتقلع طيارته اليوم العصر ..ومو واصل إلا بكره الساعه 4 الفجر
جــآسم / نعم نعم تبوني اقوم الفجر لحظرت جنابه واجيبه من المطار .. خل ينطق هناك .. وسالفة اني اجيبه انسووها
مشـآري / والله عاد انا انسان ابي انوم لبكره المغرب فحصلوا غيري
نايف كتف يدينه ورفع حاجب /بتجيبونه ولا اسحب سيارتك انت وياه
جاسم / اووف خل افنان تروح تجيبه
نايف بصوت عالي / افنان مو رايحه تجيبه بتجلس معي هنا .. وانت وياه الى بتروحون تجيبونه سمعتوا
جاسم ومشاري / اوووف طيب
نايف / ايوه كذا
وراح لجناحه .. قال مشاري بصرااخ / حسبي الله على بلـــيييس
جاسم / كله منك {{قصده افنان }} انتي ساس البلا
افنان / وانا وشش دخلني ..؟؟
مشاري / انا الحين اعلمك وشش دخلك
جاسم ومشاري بدوا يلاحقون فيها من بين صرخاتها .. دخلت المطبخ وتوزت ورا امها / يمه يمه شوفي عياالك
ام نايف / بسم الله الرحمن الرحيم وشش فيكم اانتم انهبلتم
مشاري / يمه ابعدي عن الموضوع .. شغلنا مع افنانوووه
ام نايف / وش مسويه لكم ..؟؟
جاسم / يووه يمه ابعدي ابعدي خل اوريها رااس الحيه ذي
افنان / طيب يا جسوم تشوف الي يشبكك مع اماني
جاسم / اماني آآآآ مشاري وشش رايك نمشي ترا المطبخ حار
مشاري / حار ها ويين الى تو يقول بذبحها وما ادري ايش ولا ذاا كله مهايط
جاسم / ايه مهايط السالفه فيها اماني غصب تصير مهايط يلا امش قدامي
مشاري / مالت عليك حششى خكري مو رجال
جاسم / بتمشي ولا شلوون
مشاري / لالا بمشي بمشي
{{في مكانا المجهول }}
دخلت بهيبتها المعتاده .. والكل كان يعرفها هناك لمكانتها العالييه.. بس لحد الحين محد يعرف سبب زيارتها المفاجأه .. دخلت مكتب بيبرس وحتى طق باب ما طقته .. انتبه لها وانتبه لطريقتها الغريبه في الدخول .. عقد حوجبه ووقف / هلا ريماس
ريماس / لا هلا ولا مسهلا .. بيبرس وش السالفه ..؟؟ وشش هالى وصلني ..؟؟
بيبرس / وش وصلك ..؟؟
ريماس / حقيقي ان فرايد له رئيس ...؟؟
~~~~~~~~~~~~~~~~~~~~~~~~~~~~~~~
خلصت الجزئيه .. اتمنى انها كانت طويله .. وتقوم بالواجب
توقعاتكم تسعدني :
1- من رئيس فرايد ..؟؟ ممكن يكون بطل من ابطالنا ولا شخصيه مجهوله ..؟؟
2- من وين وصلت هالمعلومات مع انه اخر مره قالوا انهم فقدوا اثره ..؟؟
3- وش سبب طلاق ألين ..؟؟
4- وشش حقيقة وائل الى انصدم فيها طارق ..؟؟
5- نوف ما انذكرت في هالبارت معقوله وراها مصيبه ..؟؟
6- كيف عرف تركي بمصايب نوف وانها تحط احد في عقلها وتنهيه ..؟؟
7- وشش سالفة جاسم واماني ..؟؟
8- وشش بيصير في يوم العزيمه ..؟؟
9- للحين موضوع شذى مكتووم .. وما انذكر عنه شيء في هالبارت .. يا ترى وشش ممكن يكون ..؟؟
10- وشش بيكون رد دانيه على سامي ..؟؟ هل بتوافق ولا لا ..؟؟
*************************
موفقاات عزيزاتتي .. ادعووا لي عندي اختبار يووم الاحد
لا تنسوون التقييم
تحيــآآتي : sad_hope =)



♥♡♥



رواية وحشني حضنك ودفاء أنفاسك وحبك لي وحشتني كلمة أحبك / بقلمي

الوسوم
/بقلمي , احبك , انفاسك , حضنك , رواية: , وحبك , وحشتني , وحشني , ودفاء , كلمة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 03:55 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1