غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 491
قديم(ـة) 10-12-2012, 06:32 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها dayoo2013 مشاهدة المشاركة
يعني مافيه بارت اليوم بسرعه قدامي يلا يلا ذاكري بسسررعه واكتب بارت
يا حياتي إلا فييه بارت حبيبتي .. بسس الحين قاعده اكتبه .. اصبري علي دقاايق وان شاء الله ما اتأخر .. وتأكدي لو اني أجلته لبكره اني راح احط بارتين يوم الجمعه .. بس اذا نزلت اليوم راح يكون يوم الجمعه بارت واحد


♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 492
قديم(ـة) 10-12-2012, 07:34 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



الســـلآلآم عليكم
اول ششيء انا اسسسفه على التأخيير
ثاني ششيء البارت ممكن يكون فيه شوي من الغربه او الخيال .. لكن من قبل انا قايله لكم ان روايتي خياليه بسس فيها شوي من الخياال
×اللهم صل على سيدنا محمد ×
×استغفر الله ×
×سبحان الله ×
× لا إله إلا الله ×
~~~~~~~~~~~~~~~~~~~~~~~~~~~~
البارت 12
~~~~~~~~~~~~~~~~~~~~~~~~~~~~
{{في مكانا المجهول }}
دخلت بهيبتها المعتاده .. والكل كان يعرفها هناك لمكانتها العالييه.. بس لحد الحين محد يعرف سبب زيارتها المفاجأه .. دخلت مكتب بيبرس وحتى طق باب ما طقته .. انتبه لها وانتبه لطريقتها الغريبه في الدخول عقد حوجبه ووقف / هلا ريماس
ريماس / لا هلا ولا مسهلا .. بيبرس وش السالفه ..؟؟ وشش هالى وصلني ..؟؟
بيبرس / وش وصلك ..؟؟
ريماس / حقيقي ان فرايد له رئيس ...؟؟
بيبرس حط ايدينه بجيبه / مو رئيس
ريماس / اجــل !!!!
بيبرس / رئيسه
ريماس فتحت عينها بصدمه / أيـشش قاعد تقول انت
بيبرس / هذي الحقيقه .. تفضلي اجلسي
ريماس جلست .. وبيبرس جلس قدامها .. قالت بأستفهام من هالمعلومات / طيب كيف وصلتوا للمعلومات هذي ..؟؟ انتو قلتوا لي انكم فقدتوا فرايد .. وشش صار ..؟؟ لا يكون تسوون شيء من وراي !!!!
بيبرس / لا ريماس احنى ما سوينا شيء من وراك .. بس انتي تعرفين انا وانتي و روز وتوماس نشتغل على عصابه فرايد وما زلنا نشتغل عليها .. بس المجموعات الثانيه كانت تحتاج رجال ومن الطبيعي اننا نساعدهم .. ارسلت لهم توماس و روز مع كم شخص .. وهم قبل ما يهجمون عليهم شافوا فرايد يدخل على هالفله .. وهم من الاساس ما عندهم أي معلومات عن رئيسة فرايد
ريماس رفعت حاجب / طيب وش يثبت لي ان هالكلام صحيح !!!
بيبرس ابتسم / كنت عارف انك ما تقتنعين بسهوله
وقف وهو متجه لمكتبه وهو يكمل كلامه / وعلشان كذا يوم قالوا لي وهم هناك طلبت منهم انهم يصورون المكان لي وهذا ششيء طبيعي بالنسبه لطبيعة عملنا
جلس على المكتب .. فتح الجهاز قدامه وطلب ريماس انها تجي له .. مشت ريماس بخطوات واثقه لحد ما وصلت لعند شاشة اللاب .. قام بيبرس وجلست ريماس مكانه وبدت تمشي بالصور .. وكانت الصور كلها مركزه على فرايد وما بان كويس الى جمبه ما بانت إلا جزئيه منها .. بس كان كل الصور توضح قد ايش فرايد كان زيي انه خايف او ششيء من هالقبيل .. لانه طول المده كان منزل راسه وحاط ايدينه على ركبه وشاد على قبضت يده الى يبين فيها عصبيته الى يحاول يسيطر عليها .. رفعت حاجب وتسندت على الكرسي تنهدت وناظرت بيبرس بطرف عين / وكيف عرفتوا من هالكم صوره انها رئيسته وانها بنت ..؟؟
بيبرس / طبعا من روز وتوماس .. قالوا انه طول المده كانت تتكلم بخصوص شغلهم يعني اسلحه ومخدرات
ريماس ضربت على الطاوله ووقافت .. وقالت بصراخ عالي / وليش ما صورتوها بما انكم عارفين انها رئيسته
بيبرس بحده / ريماس
ريماس جلست وتسندت على الكرسي وسندت راسها عليه وكأنها تبي تسيطر على نفسها قالت بهدوء عكس الى فيها من البراكين الى بتنفجر منها بأي دقيقه / ضيعنا منا فرصة عمرنا
بيبرس سكت لأنه داري ان ريماس مهما بررت لها راح تكون على نفس وضعيتها .. وتقنع الكل بوجهت نظرها حتى ولو كانت هي الغلط وهم الصح .. ما استغربت من سكوته الى هي متعوده عليه لفت عليه وقالت / وجـآك !!!!
بيبرس بأستغراب / قصدك الى انتحر ...؟؟؟
ريماس / ايه هو .. وين الملفات الى كانت معه وينها ...؟؟
بيبرس ضحك /لا باين انهم قالوا لك كل شيء
ريماس حطت ايدها على خدها / بيبرس لا تنسى انا ريماس مو أي احد
بيبرس / طبعا بنت فهد ما يخفى عنها شيء
ريماس مدت يدها / الملفات
بيبرس فتح الدولاب وطلع منه ملف اسود وحطه بأيدها الناعمه .. وقال بنبرت كلها جديه / اسمعي ريماس .. هذا الملف تسلم لك يعني بالاصح انتي المسؤوله عن هالموضوع .. موت جاك .. فرايد .. ورئيسته .. تتوقعين بتقدرين ..!!
ريماس وقفت ومسكت الملف/ اسمع بيبرس.. مو ريماس الى يوقف بوجهها احد .. حتى ولو كان لرئيسة فرايد رئيسه بعد ما راح استسلم .. {{وهي تأشر على نفسها }}انا الى بسلم فرايد لحد هنا .. وانا الى بعرف سر جاك .. وانا الى بعرف من رئيسته .. واضح
بيبرس رفع راسه / واضح .. بس لا تنسين احنى ما فتحنا لا الملف ولا شيء
فتح الدولاب من جديد وطلع {{فلاش}} ومده لها وهو يكمل كلامه / وهذا فيه معلومات كثييره عن جاك .. بتفيدك
ريماس خذته ورفعت حاجب / مثل وشو ....؟؟؟
بيبرس / مثل صور الجثه .. صور لشقته بعد انتحاره .. تقرير عن حياته زيي كذا
ريماس دخلت الملف والفلاش في شنطتها .. وقفت وابتسمت / شكـرآآ راح تفيدني كثير
بيبرس ناظرها نظره ما فهمتها ريماس..قالت بأستغراب/ فيه شيء ...!!
بيبرس تنهد / متى بتاخذين اجازتك ..؟؟
ريماس عقدت حواجبها / اجازه ..!!! وليش ..؟؟
بيبرس / قصدي متى عرسك ..؟؟
ريماس / تقريبا بعد 7 شهور
بيبرس حط يدينه في جيبه / تدرين وش معنى هذا !! .. يعني بتنشغلين بزوجك وبيتك وعقبال بعدين عيالك .. كيف راح تكملين معنا ..؟؟
ريماس / ما ادري .. بس الاكيد اني بكون هنا لحد ما امسك قاتل ابوي.. وهذا الكل عارفه .. بعد الوعد الى قطعته معكم تأكد اني بكمل لنهايه .. احتمال تكثر اجازاتي بس الاكيد اني بكون متواصله معكم
بيبرس كتف يدينه / واذا عرف زوجك انك تشتغلين هنا .. تتوقعين انه بيوافق هذا شيء مستحييل ولا تحلمين فيه
ريماس دخلت يدينها في جيب جاكيتها / لو زوجي على قولتك راح يمنعني .. اعرف اني انا الى بمنعه وراح اتركه .. حتى لو اني جبت منه ملييون ولد .. مستحييل بترك فرايد اوعدك ما راح اترك فرايد .. الين ما ادخلك ورا ذييك الاعمده وهذا وعد مني .. بعدها اعرف اني بترك بترك هالمكان وبطلع لحياتي
بيبرس بلل شفايفه / ومنصبك ...؟؟
ريماس / سبق وتكلمنا فيه .. انا طالعه
طلعت تاركه وراها بيبرس الى ابدا ما استغرب منها او من اسلوبها الى متعود عليه .. ركبت سيارتها البنتلي .. سكرت الباب وتنهدت / ذا الهشام بيجيب لي المشاكل لحد هنا .. شكلي بتعب معه .. بس حقيقي لو عرف هشام بالموضوع وش بسوي
حطت ايدينها على {{Steering wheel}} حست بضيق وهي تفكر بالهالمستقبل المجهول .. تنهدت / معقوله بكون بيوم اتلقب بكلمة ((مطلعقه )) ممكن يكون كذا بيوم من الايام..!! بس انا وعدت بيبرس .. مستحييل بتخلى عن وعدي لهاللقب .. بس انا مستحييييل بكوون كذا .. ممكن هشام يتفهم الموضوع اييه ممكن .. بس انا بقول له اليوم كل شيء .. وبفهمه بالوضع .. وهو اكييد بيقتنع بكل شيء
شغلت سيارتها ومشت وهي مقتنعه بهالفكره .. صحيح انها كسبها شوي من الخوف بس حتى ولو كانت مصره على انها تقول كل شيء .. وصلت للقصر فتحت الباب .. بس وقفها صوت جوالها رفعته وناظرت الرقم "غريبه من هذا ؟؟ رقمه مو مسجل عندي !! " .. رفعت الجوال لأذنها وهي تنتظر الى متصل انه يتكلم .. وصلها صوتها الناعم / سلام
ريماس رفعت حاجب " عربيه !!!! " ردت وهي تحاول تضبط نفسها شوي / وعليكم السلام والرحمه .. من معي ؟؟
...../ كيفك ريماس ..؟؟
ريماس / تمام .. بس اتوقع اني سألتك انتي مين ..؟؟!!
....../ يااه بهالسرعه نسيتيني يا زوجة هشام {{وهي تشدد على اخر كلمتين }}
ريماس تسندت وابتسمت بسخريه / هلا نوف
نوف / يعني عرفتيني كوييس
ريماس / طبعا اعرفك مو انتي الى مييته بس علشان تتزوجين حبيبي هشام
نوف / من متى حبيبك هشام ؟؟
ريماس / اخلصي علي وش تبين ؟؟ وبعدين تعالى هنا من خبرك برقمي ..؟؟
نوف ضحكت / حبيبتي نوف ما يخفى عليها شيء .. شكلك ما تعرفين نوف الى اذا حطت في راسها احد تسوي فييه الى ما يتسوى
ريماس / والله انك مسكينه انتي الى شكلك ما تعرفين من انا
نوف / انا ما همي هالكلام كله .. انا همي الحين اني بقول لك كلمتين .. اليوم هو اخر يوم لك .. يا ترفضين هشام وتنهين السالفه.. يا لي تصرف ثاني معك
ريماس / نوف لا تحلمين بزياده انا ريماس محد يهددها .. بنت فهد عمر احد ما يهز لها شعره .. تجين انتي يا الى ما ادري من وين طالعه لي وتقولين لي اخلي هشام .. حبيبتي هشام انا احبه وهو يحبني وما اتوقع احد منا بيترك الثاني
نوف / العبي على غيري .. انا اعرف كل شيء .. اعرف من ريماس الى من الاساس ماخذه السالفه لعب وبس .. انا اعرف من ريماس الى اساسا ما كانت تعرف من هشام .. انا اعرف ريماس الـ..
ريماس قاطعتها / انتي تعرفين ريماس الى معطيتك وجه بزياده .. لو بحطك براسي .. والى خلقني ما تكونين بخير .. نوف ابعدي عن الشر وغنيله .. لان انتي بجد ما تعرفين من انا .. لا تحسبين ان الشباب الى انتي قاعده تحت جناحهم بيفيدونك .. هذولي حبيبتي ياكلونك لحم ويذبونك عضم .. مهما كنتي بنت ملياردير بنت وزير تضليين بنت وهم شباب
نوف / لا حياتي ما عرفتي من الى ياكل الثاني
ريماس / الحين وش المطلوب مني
نوف / ترفضين هشام
ريماس / واذا قلت لك نجوم السماء اقرب لك
نوف / طيب يا ريماس طيب تشووفين نوف بنت حسام وش بتسوي لك بتشوفين نوف الـ{..} وش بتسـ...
ما امداها كملت الكلمه إلا هو مقفل في وجهها .. ريماس سكرت جوالها من هنا ونزلت وهي تفور من جهه ثانيه ..دخلت البيت وفي راسها الف قرن وقرن .. وقفها صوت جدها/ ريماس على وين ؟؟؟
ريماس وهي تضغط على شنطتها السوده تبي تخفي كل عصبيتها من هالانسانه الى خلتها تكره شيء اسمه ((نوف)) حست انها كانت ما تسوى يوم ردت عليها قالت وعينها على الدرج / على غرفتي
الجد وقف / الحقيني للمكتب
ريماس ناظرته بطرف عين / بس انا تعبانه وابي ارتاح
الجد / انا قلت الحقيني المكتب
وراح وهو يبي يقطع الحوار بينهم .. ريماس ضربت بكعبها بالارض من العصبيه قالت بصوت شبه عاالي / يوووه
راحت للمكتب وهي تطلع عصبيتها في خطواتها .. طقت الباب سمعت صوت يأمرها انها تدخل .. دخلت وشافت الجد جالس ورا المكتب المركون في اخر الغرفه وبين يدينه قلم اسود قال بنبره غريبه / ادخلي وسكري الباب
ريماس الى استغربت منه بالعاده اذا يبيها يكون بحاله افضل من كذا .. سكرت الباب تنفيذ لأوامره .. رفعت حاجبها وقالت / هلا بابا ابراهيم بغيت شيء ..؟؟
الجد بنفس وضعه / بنتكلم وانتي هناك تعالى اجلسي
ريماس تقدمت بخطوات هاديه لعند الكرسي المركون قدام المكتب .. جلست وهي بنفس هدوئها .. وساكته ما قالت ولا كلمه كأحترام انها تنتظره يتكلم ..قال الجد / وين كنتي فيه ؟؟
ريماس بأستغراب من سؤاله / كنت طالعه
الجد / ادري طالعه .. اقصد وش المكان الى طلعتي له ..؟؟
ريماس انصدمت من سؤال عمر جدهم ما قال انتي وين كنتي ولا وش سويتي طول عمره معطيهم الحريه في الروحه والجيه وكل وحده فيهم عندها شخصيه وما تحب احد يتدخل في امورها .. قالت وهي بنفس صدمتها / من متى انت تسألني وين كنت ومن وين جيت ...؟؟
الجد تنهد / ريماس اسمعي .. انتي اليوم غير عن اول
ريماس عقدت حواجبها وقالت بنبره شبه حاده / ولييش ان شاء الله ..؟؟ وشش الى تغير ..؟؟ هذا انا هنا وهذا انت هنا ما صار شيء .. وبعدين وش معنى اليوم بالذات ..!!
الجد بهدوء تاام / انتي نسيتي انك متزوجه .. وتحت ذمت رجال
ريماس ابتسمت على هالعذر الى ماله اساس من الصحه وقالت والابتسامه على ثغرها / لا بابا ابراهيم انت غلطان .. انا ريماس بنت فهد .. وبضل ريماس لأخر يوم بحياتي .. حتى بعد ما اتزوج ما راح يتغير شيء .. وبعدين انا لسه ما تزوجت كل الى صار انها ملكه
الجد تنهد / ريمـ.....
ريماس قاطعته / معليش بابا ابراهيم ممكن سؤال !!
الجد استغرب منها وقال/ وش سؤالك ..؟؟
ريماس رفعت حاجب / قول وش سبب الى قاعد يصير
الجد / وش قاعد يصير ....؟؟
ريماس / سالفة وين كنتي فيه وانك على ذمت رجال هذي مو داخله مزاجي
الجد ابتسم / طول عمرك بتكونين كذا مو متغيره
ريماس / يعني صح علي مو !!
الجد / طبعا صح عليك
ريماس حطت يدها على خدها / طيب قول وش السبب ..؟؟
الجد حط القلم على المكتب وقام للمكتبه وطلع كتابه وهو يحاول يشغل نفسه وقال وهو يبي يختصر على نفسه / ألين
ريماس وقفت / قصدك ألين و وائل مو !!!
الجد تنهد / ايه
ريماس / يعني ما تبيني اطلع معه او حتى اتعلق فيه
الجد وعينه على الكتاب/ لا مو قصدي كذا اطلعي معه متى ما بغيتي .. بس قصدي من هالكلام {{سكر الكتاب وكمل كلامه وهو يرجع الكتاب }} انتبهي لنفسك
عقدت حواجبها وقالت / انتبه لنفسي !!!!! وش قصدك ؟؟ هشام فييه شيء ..؟؟
الجد لف عليها / ارجع اقول لك انتبهي لنفسك من هشام او من غيره
وطلع .. ظلت ريماس واقفه وواقفه حيرتها معها حطت عينها على مكتبه وكأن لقت هنا حل لكل استفساراتها .. مع ان المكتب ما كان فيه إلا اوراق بالنصف والقلم الى خطه جدها وكم غرض على جمب وهذا ابدا ما كان جواب .. لكن عند ريماس كان اجوبه .. ابتسمت .. وطلعت من المكتب .. وصعدت لجناحها و اول شيء سوته طلعت الملف .. جلست وحطت شنطتها جمبها .. طلعت الملف وكانت اول صفحه مكتوبه بخط اليد وبالانجليزيه .. كـآآن مكتوب
----------------------------------------------------
Weapons.H12.Room.126.W
----------------------------------------------------
استغربت من المكتوب .. ما فهمت منه إلا كلمتين بس إلا وهم {{Room .. ترجمتها : غرفه }} و كلمة {{Weapons .. ترجمتها : أسلحه }} اما الباقي فما كان مفهوم منه ولا شيء .. تسندت على الصوفا / معقوله يمكن كان قصده بكذا انه يدلنا على مكان الاسلحه !!! .. بس وش قصده بالباقي .. ليش كلها احر وارقام .. معقوله تكون رموز
تنهدت وفتحت الصفحه الثانيه وانصدمت من المكتوب فيها كان المكتوب فيها اوقات ما هربوا الاسلحه .. استغربت من المكتوب / الحين جاك بس يهرب اسلحه
قامت وجابت اللاب حقها وقعدت على الصوفا البيج المتركزه في منتصف الغرفه .. طلعت الفلاش من شنطتها وشبكته في الجهاز وفتحت الموجود فيه .. كان كله يتكلم عن جاك وعن حياته بس الى لفت نظرها .. هالكلام هو بالانجليزي وانا بترجمه لكم
------------------------------------------------------
اشتغل 10 سنين في تهريب الاسلحه .. كشف 7 مرات من قبل الشرطه .. يعتبر الرأس المدبر بالنسبه للعصابات الى اشترك فيها .. اشتغل في 4 عصابات .. تم القبض عليهم .. انتحر في شقته .. تاريخ : 27 من نوفمبر
-------------------------------------------------------
عقدت حواجبها / الحين اذا هو اشتغل في 4 عصابات وامسكوهم .. طيب وفرايد ..؟؟ والكلام الى كاتبه وشو ..؟؟ من رئيسة فرايد الى طلعت لي هذي ..؟؟ وشش الى صار الحين .. وتاريخ الانتحار .. هذا غلط هو ما انتحر في 27 من نوفمبر .. وش الى قاعد يصير .. احنى مستحيييل بنسوي غلطه زيي هذي
طقت الباب بس ما لقت جواب .. دخلت بهدوء وشافتها منسمجه بملف اسود بين يدينها واللاب قدامها على الطاوله وحتى ملابسها ما بدلتها قالت بصوت واضح / هييه رس رس .. وشش فيك لسه ما لبستي وشش تنتظريين ..؟؟
ريماس رفعت عينها / أليين !!!!!!
من شافتها واقفه قدامها وعينها متركزه على الملف الاسود واللاب وما نزلت منهم .. سكرت اللاب بطريقه اندفاعيه استغربت منها ألين .. بس هي ما اهتمت وقامت وشالت اللاب والملف وحطتهم في الدولاب وسكرت عليهم بالمفتاح ولفت عليها / آآآ نعم وش تبين ..؟؟ ووو بعدين من سمح لك تدخلين لغرفتي ..؟؟
راحت عندها وقامت تدفها برا الغرفه / يلا بس اطلعي وراي اشغال انا
ألين / ريماس خليني خل اقول وشش عندي
ريماس وقفت / اخلصي علي وش تبين ..؟؟
ألين / تقول لك امي منيره عندك ساعه ويجون
ريماس / من الى يجي ..؟؟
ألين / اهل عريسك واهل داليا وش فييك انتي نسيتي
ريماس طقت جبهتها بخفيف / يووه نسييت الشغل تعبني شوي .. طيب قولي لها دقايق وتكون جاهزه
ألين ناظرتها بتدقيق بعدين طلعت .. صحيح ان ريماس استغربت من نظراتها بس كانت تبي تسرق الوقت قبل ما يسرقها .. دخلت وخذت لها دوش سريع وطلعت نشفت شعرها .. لبست فستان بيج و اسود قصير ومخصر على جسمها واسفل الصدر حزام سخيف اسود ..حطت لمسات خفيفه من المكياج .. وحطت شعرها على كتفينها بطريقه مرتبه وناظرت ساعتها / يووه لا اتأخر
نزلت وكعبها الاسود اعلن عن حضورها .. انتبهت سمر لصوت لفت عليها وناظرتها بأعجاب واضح ابتسمت برضى وقالت بنبرة حنان / بسم الله عليك ما شاء الله تاخذين العقل
صارت قدام سمر .. استحت من كلامها وبدت تتنحش من نظراتها بس المصيبه انها طاحت في عين دانيه .. وقفت دانيه مكانها فجأه صرخت / يـــــــآآي رموووس يا النذله تبين تسوين ششيء بالرجال
ريماس / عمتو عن الاشاعات والله يصدقون الحين
سمعت صوت وراها / وليش ما نصدق في احد عنده القمر ويناظر النجوم
لفت بسرعه على الصوت / عمو نواف عن الكلام الى ماله داعي
ليان / بس حقيقي ريماس روعه لبسك
ريماس / قولي ما شاء الله لا تعطيني عين
ليان / لا تخااااافيين انتي قطوه بسبع ارواح ما ينفع فييك العين
الجده ضربت كتف ليان / يا الى ما تستحين هذي بنت عمك واختك قولي ما شاء الله
ليان وهي تلمس مكان الطقه / آآي ماما منيره عن الجفاسه ما صارت كلمة قلتها يا كلمه ردي مكانك وها ما شاء الله جعلي ما انظلك
ريماس ابتسمت / خلاص عاد إلا ليوونه ما ارضى عليها
ليان / يلا اخلصي وش تبين
من بين الضحكات والكلام كانت جالسه على الصوفا ولا همها بالى حولها قالت في نفسها / آآآه يا ريماس مو انا كنت في مكانك يوم من الايام مدحوني وعلقوا علي في الاخير بس اخرتي وشيء .. هو في مكان وانا في مكان ثاني .. حتى رقم جواله غيره علشان ما احاول ادق عليه .. بس من يحسب نفسه مو ليان بنت يوسف الى يتحكم فيها الحب .. صحيح اني اعششقه واحبه واحلم اني اشوفه لو بالغلط .. ما ادري كيف هنت عليه .. راح بدون لا عذر ولا سبب .. راح وتركني .. بس ما ادري كيف رضى على البنت الى يحبها انه يتركها .. امووووت واعرف ليييييش تركني ؟؟ .. كييف اهوون عليه ؟؟ .. ما ادري كيف طاوعه قلبه يقول ما ابيها ؟؟ .. خسرني صدق بس ما خسر حبه .. للحين هو مستقر بقلبي .. ومو راضي ان احد يدخل فيه غيره
استغربت من بنتها الى ما تكلمت ولا حتى علقت راحت لها من بين غفلتهم جلست جمبها بس ما انتبهت لها .. قالت بنبرة حنان / حبيبتي ألين فيك شيء ؟؟
ألين من سمعت صوت الانسانه الى ياما حنت عليها ايام وكانت تريحها بحنانها وطيبت قلبها .. قالت وعينها على ريماس / كنت مكانها بيوم من الايام
سمر الى حست ان بنتها بدت تتذكر الماضي قالت / حبيبتي ألين هذاك ماضي انسيه الى باعك بيعيه
ألين / سهل الكلام بس صعب التنفيذ .. مو الكلام ببلاش والفعل بتعب وجهد وصبر .. بس انا خلاص انتهى صبري .. ما عاد اقدر استحمل اكثر من كذا
سمر تنهدت / آآآه .. مو فاهمه ليش انتي متعلقه فيه
ألين بانت لمعت عينها / لاني حبيته وعطيته اكبر مكان بقلبي .. لاني عششت معه احلى ايام عمري
سمر خانتها الكلمات وقفتها واكتفت انها وقفت ومسكت ايد ألين وخذتها معها للحديقه .. جلستها على الكرسي الهزاز و جمبها ألين .. قالت بحنان / فضي الى فيك .. ما تقدرين تكتمين الدموع .. لان بعدين راح تنفجرين .. افضل شيء انك تطلعين دمعتك يوم تحتاجينها
طاحت في حضن امها الى هي بوقتها هذا محتاجته .. كانت تبكي بصوت عالي ودموعها زيي الشلال .. قالت بين شهقاتها / نفسي اشوفه
سمر عمرها ما توقعت ممكن ألين تقول كذا .. تحاول تكون على طبيعتها .. وما تخونها دموعها وتبدا تبكي معها .. قالت بنبرة حنان / وليش ..؟؟
ألين / ما ادري .. يمه اشتقت له ابيييه يرجع لي .. ابي الوقت يرجع شوي .. ما ابي اتركه .. يممه ابيه .. جيبوه لي ابغاه يمه ابغا وائل
وكملت بكاء .. سمر تنهدت بقوه / خلاص ألين قطعتي قلبي والله شوي وابكي انا .. وبعدين وائل راح .. مهما صار بالدنيا مصير كل واحد الموت
ألين رفعت راسها لأمها وقالت بسرعه / لا يمه .. لا تقولين كذا .. بعد الشر
سمر ابتسمت / تحبينه
ألين الى لأول مره تحس بمقدار الكلمه .. عمر احد ما حسسها هالاحساس .. كلهم كانوا يقولون انسيه ويحاولون يشغلونها .. نزلت راسها بعد ما توردت خدودها .. بللت شفايفها وقالت / آآآآ أيـ.. ايه
سمر ضحكت / وبعد ..
ألين رفعت راسها / وشو ..؟؟
سمر بانت ابتسامتها على ثغرها / تتوقعين لو وائل هنا بيرضى انك تبكين
ألين قالت بسخريه / وائل هه .. هو ما عاقت معه بكيت مت عشت نمت قمت .. هذا كله ما يهمه .. تتوقعين راح يفكر فيني .. مستحييل
سمر اختفت ابتسامتها وقالت بجديه / ألين اسمعيني ... لو اني ما اعرف وائل ولا اعرف اهله .. كان اقول كلامك صحيح وفوق راسي وعيني .. بس وائل كان يحبك .. ويمووت فيك بعد .. صح انه يوم تركك كانت صدمه بالنسبه لنا ولك انتي اكثر .. بس حتى ولو اكييد عنده ظروف
ألين بلا شعوريه صرخت / انا وش همي بظروفه .. وش ذنبي اتحمل ظروف غيري .. وشش ذنبي
سمر بهدوء / هذا مو كلامك
ألين / بس هذي الحقيقه .. سواءا كان كلامي ولا كلام غيري .. بس هوووو الحقيقه .. افهموا اني انا غيير وهو غيير .. انا حبيته بصدق ووفيت له .. بس هو خاني وما نفذ ولا وعد وعدني فييه .. قال راح يكون معي لأخر شيء .. بس هو تخلى عني من بداية الطريق
سمر زفرت / ألين انتي حيرتيني معك .. تحبينه بس ما تقدرين تغفرين له .. الى يحب يسامح يتجاوز .. مو يوقف ويحاسب على كل غلطه
ألين / غفرت له ولا ما غفرت هو ما همه .. اساسا هو نساني انا لييش اذكره
وقفت وراحت لغرفتها .. اما سمر ضلت على الكرسي لحد ما شافت سياره تدخل .. دخلت للبيت وقالت بصوت واضح الكل انتبه له / شكلهم وصلوا
...
دقايق ودخل عمر وعياله .. وشوي وصل راكان وعياله .. البنات قعدوا على جمب يضحكون ويسولفون .. شوي ونزلت ألين وانضمت لهم .. مها / لالا احنى يا البنات اذا عندنا عزيمه نحوس على وش ألبس وش اسوي بشعري والمكياج والحوسه هذي كلها اما شذى غير .. فاتتكم في البيت وش تدور عليه تدور على وش الاغنيه الى تبي تسمعها
شذى / مهاوي عن نشر الغسيل
ريماس / ههههه لالا شذوي عادي انتي مفضوحه مفضوحه جت على هذي يعني
الكل ضحك على شذى .. صحيح ان ريتال هذي اول مره تقعد معهم بس كانت كأنها لها سنين معهم
دانيه قطعت ضحكاتهم / اقول بنات تعالوا خل نجيب الحلا الى بتسوي خير وبتجي حياها الله والى ما تبي تنثبر مكانها
داليا / خير وش انثبر جايه معكم
ريتال وهي تكلم فرح / اوكي ماما حبيبتي اجلسي هنا شوي واجي
مها / لالا ريتال انتي جديده يعني بنصير بنات سنعات ونسوي يعني انا كذا فهمتي
شذى / داريه تبين تساعدينا .. بس حتى ولو ساعدينا في الاكل وما نوصيك على المدح .. صحيح اني ما سويت شيء بس يلا عن قولت .. وبعدين انتي عندك بزره جميله وجديده علينا يعني خل نعطيك خلفيه حلوه عنا
ريماس / أي خلفيه فضايحنا كلها عندها بس على العموم على قولت شذى انتي بتساعدينا في الاكل اوكي
ريتال ابتسمت / اوكي يلا ابي اذوق شغل يدكم
البنات كلهم دخلوا المطبخ .. ثواني وطلعوا معهم حلا بدوا يوزعون على الكل .. قال يوسف / الحين هذا كله شغلكم
دانيه / ايه بس ترا ريماس توك ما ذقت حقها
عمر / وريماس وش مسويه ..؟؟
ريماس الى انصبغت بالاحمر وكانت في داخلها تدعي على دانيه وكانت تتمنى الارض تنشق وتبلعها .. كان الوضع شوي ينقال عنه احرااااج .. مها كتمت ضحكتها بس حبت تسوي فزعه وترد عنها / مسويه تشيز كيك
عمر الى اول مره يشوف مها وشذى بس اكتفاء انه قال / ايه عاد هذي ريماس نبي نذوق اكلها
ريماس قالت بسرعه / ايه ان شاء الله قايمه اجيبه
وقفت وراحت للمطبخ ..كانت مجرد انها واقفه وتهز رجلها من التوتر/ لالا وش اجيبه فشيله لو ما عجبهم وش بسوي ؟؟ اول مره هم ياكلون شيء انا اسويه .. اذا اساسا انا هذي اول مره اسوي فيها شيء
سمعت صوت وحده جمبها / وش فيك واقفه هنا
ريماس لفت تناظر من هذي ولقتها فرح .. نزلت مستواها وابتسمت / ولا شيء بس بجيب التشيز كيك وارجع .. انتي الى وش تسوين هنا ..؟؟
فرح / لا بس شفتك دخلتي حبيت ادخل معك
ريماس / طيب يا حلوه انتي وش اسمك ؟؟
فرح / اسمي فروحه
ريماس / اها قصدك فرح
فرح / لا فروحه
ريماس / طيب فروحه فروحه
فرح / وانتي وش اسمك ؟؟
ريماس / اسمي رس رس
فرح / وشو رس رس ؟؟؟
ريماس / ليه مو حلو
فرح / لا بس غرييب اول مره اسمعه كلهم برا يقولون لك رموس
ريماس ابتسمت / فضحتيني يعني .. انا اسمي ريماس بس قولي لي رس رس او رموس
فرح ببرائه / اوكي
ريماس وقفت وجابت التشيز كيك وطلعت وهي تسولف مع فرح .. حطت التشيز كيك على الطاوله وقالت لم فرح والابتسامه على ثغرها / تساعديني !!
فرح هزت راسها بـ(نعم ) قالت ريماس / اوكي انا اقطع وانتي تعطينهم وش رايك ..؟؟
فرح / طيب
ريماس بدت تقطع وفرح تسوي الى قالت لها عليه ريماس .. رجعوا اماكنهم وريماس ماسكه قلبها لا يصير مو حلو وتكوون اكبر فشيله .. قالت ريتال / وش فيك ريماس ...؟؟
ريماس بصوت واطي / اخاف يصير مو حلو واتفشل
ريتال / لا تخافين ان شاء الله حلو
مسكت ريتال صحنها وقطعت بالشوكه قطعه منه وبدت تاكل .. اما ريماس كانت جالسه متوتره .. قال سامي وهو يوجه الكلام لريماس / الحين هذا من شغل ايدك !!
ريماس رفعت راسها / ايه
سامي / لا والله عندك مسقبل بالمطبخ
ريماس / يعني حلو !!!
محمد / حلو حراام عليك رووعه {{لف على هشام وهو قاصد بهالكلام يغير الجو }} ولا انت عندك كلام ثاني ؟؟
هشام ناظره بطرف عين وقال بهمس /هذا الى يبيني اسوي فيه شيء الحين
محمد وهو يبي يرفع ضغطه / ما سمعت وش تقول ..!!
هشام بصوت واضح / اقول يهبل مو شغل زوجتي
من قال هالكلمة ريماس بدت تسب محمد الى حطها في هالموقف وبصوت واطي ما سمعه إلا البنات .. ولا تشوفين كل وحده فيهم كاتمه ضحكتها ووجهها احمر .. ما عدا ليان الى ما قدرت تكتمها وطلقت ضحكتها بعدها فتحت المجال لباقي البنات انهم يضحكون .. اما الباقين ما كانوا يعرفون وش سبب هالضحكه .. ألين وهي تمسح دموعها الى طلعت من الضحك قالت وهي قاصده بكلامها ريماس / متأكده بتكونين بخير اليوم ومحمد هذا فيه
ريماس / صراحه ما اتوقع هذا هو الى بيخليني اطرده الحين
داليا ضربتها / هيه حدك عاد عن اخووي فلدت كبدي
ريماس / مقطعتك الاخوه
ريتال / طبعا حبيبتي هذا محمد مو أي احـ....
ما كملت كلمتها إلا بجيت سيلينا قالت بصوت واضح / انسه ريماس
الكل كانت عيونهم عليها .. قالت ريماس / نعم
سلينا / فيه احد يبيك برا
ريماس عقدت حواجبها / احد يبيني ؟؟؟ ومن !!
سلينا / ما ادري
الجده / كيف ما تدرين ما سألتيه عن اسمه !!!
سلينا/ إلا بس ما رد
الكل كانت عيونهم على ريماس .. ريماس / اوكي انتي ارجعي لشغلك الحين
سلينا / حاضر {{وراحت }}
دانيه لفت عليها / بتطلعين
ريماس / طبعا بطلع
يوسف وهو يتدخل / بس هو ما قال اسمه علشان تطلعين
ريماس / واذا يعني ممكن احد ما يبي يقول اسمه على العموم انا طالعه اشوف مين
وقفت وراحت لبرا القصر .. شافت سيارة بانوراما باللون العسلي .. نزلت من السياره وناظرتها من فوق لتحت وراحت لحد عندها بمشيه كلها دلع وقفت قدامها قالت ريماس وهي منقرفه من الى قدامها / نعم !!!
وقفت قدامها وهي تتكلم بدلع / وشو لهدرجه ما تبين تشوفيني
ريماس / اخلصي علي نوف وش تبين ؟؟
~~~~~~~~~~~~~~~~~~~~~~~~~~~
توقعاتكم تسعدني : وش ممكن نوف تبي ؟؟.. من بتكون رئيسة فرايد ..؟؟ وش المغزا من ان جاك حط مكان الاسلحه بالرمووز ؟؟ .. وشش تتوقعون معنى الرموز ..؟؟ وش التطورات الى بتصير بين وائل وألين ولا ممكن يضلون على هالحال ..؟؟ وش بيصير في العزيمة ..؟؟ ممكن نوف تخررب كل ششيء ولا لا ؟؟؟
اتمنى عجبكم الباارت .. وانتي قمت بالواجب
موفقيين


♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 493
قديم(ـة) 10-12-2012, 08:07 PM
صورة Dayoo2013 الرمزية
Dayoo2013 Dayoo2013 غير متصل
©؛°¨غرامي فعال ¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


نوف ممكن اممممم تبي تصرخ:اااااااا تتتحرش فيني<هاذا اللي طلع عاد هههههه
اتوقع شذى مدري ليش بس حسيت انها شذى<ابووك يالحساس بس لو يطلع صح بسوي حفله
ااااااااااا اتوقع عشان يفنكرو كويس وانا فهمت الالغاز معناتها الاسلحه بفندق اليفن او بشارع١٢ ووو وشقه ١٢٦ الدور السفلي او الدور العلوي<باخذ غسالكم لا تنظلوني<امحق هههه
وائل بيقول لالين ذاك السر<اصلن هو قالي لا تقولين لاحد<احلى تصريفه ايي صح والين بتسامحه وتسذا في العزيمه هيييشاااااااااااااام بيعرف السالفه وبيساعدها بس كيف مو اخته هي رئيسة فرايد مدري بس سلكي اكيد بتحاول بس ريماس قاريه الاذكار خخخخخخ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 494
قديم(ـة) 10-12-2012, 08:18 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها dayoo2013 مشاهدة المشاركة
نوف ممكن اممممم تبي تصرخ:اااااااا تتتحرش فيني<هاذا اللي طلع عاد هههههه
اتوقع شذى مدري ليش بس حسيت انها شذى<ابووك يالحساس بس لو يطلع صح بسوي حفله
ااااااااااا اتوقع عشان يفنكرو كويس وانا فهمت الالغاز معناتها الاسلحه بفندق اليفن او بشارع12 ووو وشقه 126 الدور السفلي او الدور العلوي<باخذ غسالكم لا تنظلوني<امحق هههه
وائل بيقول لالين ذاك السر<اصلن هو قالي لا تقولين لاحد<احلى تصريفه ايي صح والين بتسامحه وتسذا في العزيمه هيييشاااااااااااااام بيعرف السالفه وبيساعدها بس كيف مو اخته هي رئيسة فرايد مدري بس سلكي اكيد بتحاول بس ريماس قاريه الاذكار خخخخخخ
ههههههه يا زينكك والله ان ردودكك انتي غير عن الكل لييش ما ادريي
بس توقعاتك عسل واهم شيء انك حافظت اسرار ما شاء الله عليك ما علمتي احد بالى قاله وائل هذا اذا كان قال لكك شيء من الاساس
ما علينا .. اسعدتني توقعاتكك واطلالتكك الحلوهه
ومنورتني حبيبتيي
ودي واحتراميي

♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 495
قديم(ـة) 10-12-2012, 08:39 PM
صورة سر أنـــوثتـــي الرمزية
سر أنـــوثتـــي سر أنـــوثتـــي غير متصل
©؛°¨غرامي مجتهد¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


اهلين " sad_hope "
يسلموووو بارت روععععععععة
توقعاتي
وش ممكن نوف تبي ؟؟
اكيد تبي تسوي مشكلة
من بتكون رئيسة فرايد ..؟؟
اتوقع انها نوف
وش المغزا من ان جاك حط مكان الاسلحه بالرموز ..؟؟
يمكن عارف انه بينقتل وعشان كذا حطها بالرموز علشان ما احد يعرف وين الأسلحة
وش التطورات الى بتصير بين وائل وألين ولا ممكن يضلون على هالحال ..؟؟
اتوقع ان ألين بتكشف وائل ايش فيه وبتساعده
وش بيصير في العزيمة ..؟؟
والله ما ادري
ممكن نوف تخررب كل ششيء ولا لا ؟؟؟
ممكن ليش لأ
واكيد البارت عجبني ما في شك
انا بنتظارك يوم الجمعة ان شاء الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 496
قديم(ـة) 10-12-2012, 08:49 PM
صورة Miss Weam الرمزية
Miss Weam Miss Weam غير متصل
©؛°¨غرامي جديد¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


البارت روعة
تسلم اناملك
انا اتوقع ان نوف هي رئيسة فرايد
واتوقع انه وائل حيرجع لالين ويشرحلها ظروفه وهي حتسامحه
وشكرا كتير على البارت الحلو
وانشالله موفئة بكتابه باقي الرواية
بس متى البارت الجاي ؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 497
قديم(ـة) 10-12-2012, 09:19 PM
صورة $ غروري سر أنوثتي $ الرمزية
$ غروري سر أنوثتي $ $ غروري سر أنوثتي $ غير متصل
فَـ { يَآ ربْ } فّرج هُمَوماً آنتَ تَعلمُهَآ ♥:) !
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


أهلين " sad_hope "
تسلم إيدك على البارت الأكثر من رائع
توقعاتي :
وش ممكن نوف تبي ؟؟
شوفي أتوقع إنه بتطلع سكينه وبتطعنها <<< ههههههه
من بتكون رئيسة فرايد ..؟؟
أمم والله ما أدري بس إحتمال إنها نوف
وش المغزا من ان جاك حط مكان الاسلحه بالرمووز ؟؟
ما أدري
وشش تتوقعون معنى الرموز ..؟؟
أتوقع أنه يرموزون لمخباهم
وش التطورات الى بتصير بين وائل وألين ولا ممكن يضلون على هالحال ..؟؟
بعد ما أدري
وش بيصير في العزيمة ..؟؟
بتخربها نوف
ممكن نوف تخررب كل ششيء ولا لا ؟؟؟
ممكن ليش لاء
اتمنى عجبكم الباارت ؟
أكيد عجبنا مو من يدينك
واني قمت بالواجب ؟
أكيد قمتي بالواجب وأكثر بعد
واتمنى لك التوفيق
وفي إنتظار البارت الجاي بفارغ الصبر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 498
قديم(ـة) 10-12-2012, 09:39 PM
صورة هذيان الروح** الرمزية
هذيان الروح** هذيان الروح** غير متصل
©؛°¨غرامي متألق ¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي


رووووعة رووووعه بالموووت البااارت

اممم اتوقع نوف المجرمه ذي عندها سلاح او شي تبي تضر رموووس الله يستر


تسلم الايادي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 499
قديم(ـة) 11-12-2012, 01:36 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها سر أنـــوثتـــي مشاهدة المشاركة
اهلين " sad_hope "
يسلموووو بارت روععععععععة
توقعاتي
وش ممكن نوف تبي ؟؟
اكيد تبي تسوي مشكلة
من بتكون رئيسة فرايد ..؟؟
اتوقع انها نوف
وش المغزا من ان جاك حط مكان الاسلحه بالرموز ..؟؟
يمكن عارف انه بينقتل وعشان كذا حطها بالرموز علشان ما احد يعرف وين الأسلحة
وش التطورات الى بتصير بين وائل وألين ولا ممكن يضلون على هالحال ..؟؟
اتوقع ان ألين بتكشف وائل ايش فيه وبتساعده
وش بيصير في العزيمة ..؟؟
والله ما ادري
ممكن نوف تخررب كل ششيء ولا لا ؟؟؟
ممكن ليش لأ
واكيد البارت عجبني ما في شك
انا بنتظارك يوم الجمعة ان شاء الله
هــلآلآ والله عزيزتي {{سر أنـــوثتـــي}}
مشكوورهه على اطرائكك الجمييل وتوقعاتك الاجمل
~~~~~~~~
الحين اذا انتي برايك ان نوف بتسوي مشكله .. ممكن مشكله زيي ايش مثلا ؟؟؟ وحطي في بالك انها للحين طيبه وساكته وقالت لم ريماس يا تتركين هشام يا انا اتصرف يعني كلمتها بالطيب ممكن الحين تسوي كذا بعد ؟؟
~~~~~~~~
طيب اذا انتي تقول ان نوف رئيسة فرايد .. لييش تعتمد على الشباب وهي اكبر منهم ؟؟ وبعدين فرايد ما راح يكون تحت ايد بنت زيي هذي صح ولا لا ؟؟؟
~~~~~~~~
بس جاك ما انقتل علشان يحطها رموز .. كل ما في السالفه انه انتحر .. وبعدين انتي نسيتي ان تاريخ الانتحار غلط .. برايك لييش التاريخ انحط غلط ؟؟
~~~~~~~~
طيب انتي تقول ان ألين بتكشف وائل وبتساعده اوكي طيب وش فيه وائل ؟؟؟؟
~~~~~~~~
تسلميين لي هذا من ذووقكك .. بنتظرك يووم الجمعه حبيبتي

مووفقه


♥♡♥



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 500
قديم(ـة) 11-12-2012, 01:42 PM
صورة sad_hope الرمزية
sad_hope sad_hope غير متصل
©؛°¨غرامي فضي¨°؛©
 
الافتراضي رد: رواية وحشني حضنك ودفاء أنفاسك وحبك لي وحشتني كلمة أحبك / بقلمي



اقتباس:
المشاركة الأساسية كتبها miss weam مشاهدة المشاركة
البارت روعة
تسلم اناملك
انا اتوقع ان نوف هي رئيسة فرايد
واتوقع انه وائل حيرجع لالين ويشرحلها ظروفه وهي حتسامحه
وشكرا كتير على البارت الحلو
وانشالله موفئة بكتابه باقي الرواية
بس متى البارت الجاي ؟
ســلآلآم ~~
يــآآ حياتي والله اخجلتيني بكلامك ^^
&&&&&
طيب ممكن نوف تعتمد على الشباب وهي عندها فرايد ورجال ؟؟ وبعدين انتي برايك ان نوف هذي ممكن تهرب اسلحه ؟؟؟ واذا كانت حقيقي رئيسته اكيد انها بتعرف فهد.. وتعرف عايلته مثل ما عرفها فرايد.. وهي اساسا تعرف ان ريماس بنت فهد .. يعني اتوقع كذا ما فيه كلام زياده صح ولا لا ؟؟؟؟
&&&&&
طيب اذا برايك وائل بيرجع لألين .. تتوقعين ألين بتسامحه بالسهوله هذي ؟؟ وممكن يرجع لها بعد ما مر على كل الى صار ((سسنه )) يعني الوقت مو قصيير علشان يجي ويعتذر ؟؟ وطيب انتي برايك وشيء ظروف وائل الى تخليه يترك البنت الى يحبها وتحبه ؟؟؟؟؟
&&&&&
يا قلبي والله عفوا حبيبتي هذا واجبي .. تسلمييين قلبي .. مووعد البارتيات كل يوم اثنين وجمعه .. يعني ان شاء الله البارت الجاي يوم الجمعه .. موووقفه


♥♡♥



رواية وحشني حضنك ودفاء أنفاسك وحبك لي وحشتني كلمة أحبك / بقلمي

الوسوم
/بقلمي , احبك , انفاسك , حضنك , رواية: , وحبك , وحشتني , وحشني , ودفاء , كلمة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1