منتديات غرام منتديات إدارية - يُمنع طرح اقتراحات ارشيف غرام رحلتي الى المملكة العربية السعودية < المدينة المنورة >
فتاة شرقية ©؛°¨غرامي فعال ¨°؛©

السلام عليكم ورحمة الله وبركاته

شلونكم .؟؟!
ان شاء الله تمام

طبعا الموضوع واضح من عنوانه " رحلتي الى المملكة العربية السعودية < المدينة المنورة >"

بسم الله نبدأ :

الفندق : انوار موفنبيك المدينة

المدة : 6 ايام

مع : عائلتنا وعائلة خالتي

بواسطة : السيارة

المهم يوم الثلاثاء غبنا من المدراس ومشينا الساعة 9 تقريبا ساعتين على ماطلعنا من الكويت الحبيبة وصلنا للمملكة العربية السعودية المهم 12 ساعة كل شوي موقفين بالاستراحات وجذي الساعة 8 بالليل وصلنا المدينة المنورة

دخلنا الفندق وعلى طول قطيت راسي عالمخدة ونمت

< يوم الاربعا >

قمنا الصبح رحنا تريقنا وبعدين رحنا روضة الرسول صلى الله عليه وسلم , سلمنا على الرسول عليه الصلاة والسلام وعلى عمر بن الخطاب وابو بكر الصديق رضي الله عنهم , المهم صلينا ودعينا وقرينا قرآن وقعدنا لي صلاة الظهر صلينا , وردينا الفندق تغدينا ورحنا السوق الي تحتنا وجذي , بهاليوم شفت الهيئة اول مرة اشوفهم بحياتي المهم واحنا بالسوق الشباب يناحشون ويركضون والهيئة يقولون لهم وجذي يعني عاد واحنا رايحين رايحين سوق ثاني شفنا واحد يقول لنا" اكملي حجابك الله يهديك " عاد انا مافهمت وانا كنت لابسة عباية وحجاب وللامانة انا بالكويت حجاب وبدلات بس بدلات محترمة المهم رديت الفندق ولا اقول حق ابوي ولا يقولي ابوي يعني نقاب جان اقول اها بس النقاب مو فرض
ابوي قال ادري بس الهيئة شوي متشددين جان اقول اها الله يهدي الجميع

< يوم الخميس >

نفس الروتين بس هالمرة نبي عشا غير لان عشا الفندق مو حلو توصيل الغرف استغفر الله ماادري شلون المهم جان نقول يعني نبي عشا ذرب وجذي نزلنا تحت ولا زحمة والعالم بالسوق ومصكرين المطاعم الحين شنسوي جان نقول ماكو الا مركز طيبة في كنتاكي وجذي رحنا مركز طيبة انا وبنات خالتي وامي ومشينا مشي وصلنا المطعم فوق طبعا زحممممممممممممممة مووووووت واخوي توه راد وقالي لاتروحين زحمة واقفين لي الشارع وانا لالا لازم اروح يوعانة ابي اكل وجذي ابي عشا اوك رحت وزحمة والبيبسي طايح بالارض يعني وصخخخ المهم قلنا في كنتاكي ثاني قال في تحت نزلنا تحت وتونا بندخل ولا يطلع مال رياييل بعدين رحنا فوق وتبهذلنا عدل وطلبنا وخذينا اكلنا " طلبنا وجبة عائلة " المهم واحنا حسبالنا نفس الكويت يحط سلطة مايونيز مو حاط ولا شي والبيبسي حار استغفر الله ياريت ماكليت منه تحسفت المهم ماعلينا

< يوم اليمعة >

عاد اليوم العيد وجذي قمت الساعة اربع ونص صلينا الفير وقعدنا لي صلاة العيد وبعدين ريقنا وبصلاة المغرب وحدة تسأل بنت خالتي " بحطلكم الحوار والبنت السعودية بحاول اكتب باللهجة السعودية اوكك"

السعودية : انتوا من فين " شرايكم فيني اضبطها صحح "

بنت خالتي : من الكويت

السعودية : اها هلا والله نورتوا السعودية

بنت خالتي : منورة بأهلها

السعودية : المتحجبات كثير ولا قليل

بنت خالي : لا في نسبة متحجبات " صح كلامها الي تشوفونهم بالمسلسلات مايمثلونا "

السعودية : انتي متحجبة

بنت خالتي : يب

السعودية : الممثلين متكبرين ولا متواضعين

بنت خالتي : لا عادي متواضعين

السعودية : اها لما تشوفونهم بالسوق يصير زحمة عليهم

بنت خالتي : لا عادي يمشون نفس اي احد من الناس ولا احد يلتفت لهم " صج والله في مرة بالسوق شفت سوسن هارون وكانت واقفة يمي بالمحل قاعدة تطلع نفنوف ولا التفت عليها "

السعودية : اها

وردينا الفندق

< يوم السبت >

هاليوم تبهذلت عدل ردينا بالليل من الحرم ودخلنا الباب مال الفندق ولا نشوف قطوة قاعدة بنت خالتي الصغيرة طقت بالارض فالقطوة ركض ومرت بين ريول بنت خالتي وبنت خالتي نتقز ولحقتني وانا قاعدة اركض وادور يمههه والله العظيم خرعتني

< يوم الاحد >

تريقنا والساعة 10 الصبح مشينا وصلنا الكويت الحبيبة الساعة 10 بالليل

اتمنى نال موضوع على رضاكم

وشكرا

جوريه قلبي ©؛°¨غرامي جديد¨°؛©

الحمدلله انك استانستي حبيبتي اممم عندي تعليق على كلمتك(بس النقاب مو فرض
ابوي قال ادري بس الهيئة شوي متشددين) حبيبتي كل انسان حر بنفسة بس حبيت اصحح لك شئ حنا مو متشددين حنا نتبع قوله تعالى : " وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ "سورة النور آية31
قوله تعالى : " وليضربن بخمرهن على جيوبهن " والجيب هو فتحة الرأس والخمار ما تخمربه المرأة رأسها وتغطيه به ، فإذا كانت مأمورة بأن تضرب بالخمار على جيبها كانت مأمورة بستر وجهها إما لأنه من لازم ذلك أو بالقياس ، فإنه إذا وجب ستر النحر والصدر كان وجوب ستر الوجه من باب أولى لأنه موضع الجمال والفتنة
والله يهدي من يشاء
ويسلمووو على موضوعك

فتاة شرقية ©؛°¨غرامي فعال ¨°؛©

منورة حبيبتي

ادري ان النقاب ستر للمرة وترى انا امي متنقبة وكل الي يصيرون لي متنقبين

واذا انا غلطت عالهيئة فاعذروني واصلا انا اتمنى يكون عندنا هيئة بالكويت

منورة

زينه الخلايق ©؛°¨غرامي مشارك¨°؛©

يااريتني رحت الحرم عشاان اقابلك خيتي انا من المدينه

ونوريتها بوجودك انت واهلك

واذا زعلانه ع الهيئه

ترى هم ما يبوون الا مصلحتنا احنا يا البناات

ونورتينا ...

فتاة شرقية ©؛°¨غرامي فعال ¨°؛©

منورة حبيبتي

ادري انهم يبون مصلحة البنات واصلا انا اتمنى يكون عندنا هيئة بالكويت , شدعوهه مو زعلانة عالهيئة بس انا اقول الموقف يعني شلون ازعل على شعب عزيز على قلبي

جوريه قلبي ©؛°¨غرامي جديد¨°؛©

تسلمين حيآتي على الكلآم المعسول

فتاة شرقية ©؛°¨غرامي فعال ¨°؛©

الله يسلمج , ولو ..

زهرة القمر مستشــ¸.·* غرام *·.¸ـــاري

المعذرة منك
هذه يومياتك في المدنيه وهذا لا يناسب السياحه
ب امكانك طرحها في مدونه في السكون اذا كان عندك مدونه
\

ينقل للارشيف


أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1