غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 10-11-2012, 02:05 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


اقتباس:
المشاركة الأساسية كتبها وردة الزيزفون مشاهدة المشاركة
صباح الخير .......تسلم ايدك كيان على الرواية ومبروك على مولودتك الثانية .....ان شاء الله تتميها على خير ......اول شي اهنيك على اسلوبك وتمكنك من السرد ..... جدا ابدعتي فيه

بالنسبة لذكر اسماء القبايل انا مع خواتي بس لانو من الممكن تتعرضي لبعض المشاكل من المتابعين على حسب الاحداث او بسبب تشابه بعض الاسماء

الفكرة حلو ومثيرة بالرغم انها فيها من اما غرام مثل ماذكرتي بس الاختلاف واضح بالنسبة للفكرة وحتى العوايل فيها اختلاف وانتي قلتي انها بتكون مختلفة جدا لانك اخترتي احداثها من وقائع صارت بالحياة فعلا وانتي بتصيغيها بطريقتك ......

انا بعد خطر ببالي انو ضاري مابيتنازل عن دم العيال الا بمقابل وهو اختيار وحدة من بنات الشيخ .......بس الي مستغربة منه ليش يطالب بدم ثلاثة مقابل شخص واحد .......غير كذا هو ماكلف عمره وتأكد من هوية القاتل يمكن قبيلة ثانية وهي الي رمته في وادي هالقبيلة يعني بدون ادلة يرميها بهالاتهامات ويطالب القصاص

ودامه حافظ كلام ربه هل ذكرت الاية القصاص من ناس ابرياء وترك المجرم والقاتل يتمتع بحياته هل معنى القصاص يكون بثلاث ابرياء مقابل واحد ..........قبل مايفتي ويتفلسف يروح يفسر معنى الاية والقصاص يكون من الجاني مو بشكل عشوائي ومثل ماهو حافظ اية القصاص اكيد حافظ اية التأكد من النبأ الي يجيه قبل مايجني على غيره

اعتقد انو الشيخ عبد الرحمن مابيكون بهالسذاجة والبساطة الي الاخ قاعد يتفلسف فيها رجل بمكانته اكيد يملك من الحكمة الكثير

ننتظر كيف بتنحل الامور وعلى ايش بيتفقو لحقن الدم ........وبنشوف المقابل الي بيطلبه ضاري انا اعتقد بيكون النسب والتزاوج بين القبيلتين هو الحل ياخذو منهم ويعطوهم

في انتظارك وانتظار مفاجأتك


اهلا وردة الزيزفون
بإذن الله اذا قدرت بتكون مختلفة في كل شيء ..

ثانيا بالنسبة للقصاص
الأدلة كلها جت على بنو عنز
وحتى الوديان كلها أشارت بإن القتلة هم بنو عنز
لذلك هو يطالب بدمهم كـ تهديد وليس تطبيق
ولا لو يبي ليه ياخذ عيال الوادي ويحقق معهم ؟
ليه ماقتلهم دام بإيده الأمر ؟
لكنه مخطط جيد ..
وأبو حاتم موراضي باللي يصير
حتى وادي العنزي يعرفون ان القاتل يمكن يكون بينهم
لذلك ابو حاتم ماله يد بالموضوع

عند ضاري ان الضربة على راسه جت في ابوه
لكن الضربة لازم تجي في راس ابو حاتم ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 10-11-2012, 02:08 AM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


جذبتني الرواية
رجل الهزائم فية من شخصية غازي
ولاكن نقدر نحكم علي الرواية مقدمن بانها راح تكون رواية ناجحة ومميزة
انسجمت مع الرواية واتمنيت انك ماوقفتي في دي النقطة
وبنسبة لشخصية ضاري ظالم وماجري وسعي لكشف الحقيقه
اتمنيت انها تكون كاملة حتي اتسلي واعرف نهايتها بس مازال المشوار بعيد طويل
بس مقدمن اقدر اخمن انو رنيم راح تكون زوجت ضاري
رغم اني اتمني انو ضاري يعرض اخته العنود لحاتم
وتكون جزء من تخطيطة
بانتظارك نتمني يكون بارتين في الاسبوع ومايكون نفس النظام الاولاني
بارت في الاسبوع حتي لو كان مبداين بارتين
بانتظارك بفارغ الصبر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 10-11-2012, 02:38 AM
صورة وردة الزيزفون الرمزية
وردة الزيزفون وردة الزيزفون غير متصل

✿ إدارة الإقسام ✿
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك


تغلق الى ان يتم التعديل على البارت بطلب من الكاتبة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 10-11-2012, 03:18 AM
صورة وردة الزيزفون الرمزية
وردة الزيزفون وردة الزيزفون غير متصل

✿ إدارة الإقسام ✿
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


تفتح الرواية بطلب من الكاتبة .......باالتوفيق كيان

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 10-11-2012, 07:53 AM
صورة &دنيا ماترحم& الرمزية
&دنيا ماترحم& &دنيا ماترحم& غير متصل
©؛°¨غرامي فضي¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك



بصراحه راويه جدا رائعه ابدعتي فيه

قريته حرف حرف

استنى جديدك ياكيان

كلك ذوق ماشاء للله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 10-11-2012, 08:01 AM
صورة ريحانة الجنوب الرمزية
ريحانة الجنوب ريحانة الجنوب غير متصل
©؛°¨غرامي متألق ¨°؛©
 
الافتراضي رد: روايتي الثانية / أنا رجل الهزائمِ ليلا أعلن انكساري أمامك


بدايه موفقه
واصلي برتاتك وحنا متابعينك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 10-11-2012, 02:59 PM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


صباحكم ومسائكم جوري
واوبارت روعه






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 10-11-2012, 04:05 PM
صورة ! دلال ! الرمزية
! دلال ! ! دلال ! غير متصل
©؛°¨غرامي مشارك¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


روايه روووعه
ضاري
ليش يطالب بقصاص ثلاثه مقابل واحد وهو موب متأكد انهم ذبحو أبوه
وما اتوقع انه يتنازل بسهوله عن دم أبوه
ويمكن انهم يسون صلح ويتزوج رنيم وواحد من عيال عبد الرحمن
ياخذ أخته العنووود

في انتظارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 10-11-2012, 09:27 PM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


-



السلآم عليكم والرحمة ..
شكرًا لكنّ ولوجودكّن الباذِخ ..

بما أنّنِي في بداية الرواية
سأضَع " بارت آخر" لِكَي يزال المبهم
وتكتشفون أسلوبي الأصيل في الرواية ..


عمومًا انتظرننِي قليلا وأضع البارت :)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 10-11-2012, 09:30 PM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك




البــــــــــارت الثـــــــــــــــــاني ..









إغضب !!
إغضب كما تشاء..
واجرح أحاسيسي كما تشاء
حطم أواني الزهر والمرايا
هدد بحب امرأةٍ سوايا..
فكل ما تفعله سواء..
كل ما تقوله سواء..
فأنت كالأطفال يا حبيبي
نحبهم.. مهما لنا أساؤوا..
إغضب!
فأنت رائعٌ حقاً متى تثور
إغضب!
فلولا الموج ما تكونت بحور..
كن عاصفاً.. كن ممطراً..
فإن قلبي دائماً غفور
إغضب!
فلن أجيب بالتحدي
فأنت طفلٌ عابثٌ..
يملؤه الغرور..
وكيف من صغارها..
تنتقم الطيور؟
إذهب..
إذا يوماً مللت مني..
واتهم الأقدار واتهمني..
أما أنا فإني..
سأكتفي بدمعي وحزني..








ضاري \ أنا بما ان خلصنا اكلنا ابتكلم .. وبقول اني ماني ساكت ولاني خارس عن حق ابوي
بو حاتم \ والوادي صاير فاضي يسرح بيه الخيل .. وانت تاخذ وتسحب من عيالنا كل شوي .. تحقق معهم ثم ترميهم رمية للكلاب ومايرجعون الا معذببين
ضاري \ انا مقدر اوقف عن هالحال الا بشيء واحد
بو حاتم \ شنو ؟
ضاري \ القصاص
بو حاتم وعز وحاتم بدهشة \ القصاااااااااااص ؟؟؟
ضاري \ أيه القصاص .. ان لكم في القصاص عبرة يااولي الألباب ..
بو حاتم حس حاله ضعيف \ وعلى مين تجري حكم القصاص ..
ضاري بحدة \ اخذتوا دم ابوي .. وانا اخذ دم عيالك حاتم وعز .. وسلطان
بو حاتم وقف بصدمة غير متوقعة ثم نطق \ أخخخ منك يامضيع سلوب
العرب والمراجيل ناوي تذبحح عيالي .. لانقرب منك ولا تقرب منا ..
ولا لك لوى ياضاري العلم يوصل ويتعداك .. لو تمس شعره من عيالي
احرق اليابس والطري من واديكم .. واظن كلامي وصلك ..
أبسحب كرامتي وبطلع مع عيالي .. تبي تطبق القصاص ..
اخذ اللي قتل مو تاخذنا بجرم غيرنا .. ماعتقد ان حنا مخابيل .. يارجل
اصحـــــــى على دمــــك أصحــــــى ..

طلع مع عياله تاركين ضاري اللي حالته أشبه بنار جهنممية استوطنت معالم وجهه .. !!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛



دخل البيت استقبلته ام حاتم وواضح عليه معصب ..
حاتم يعطي ابوه موية\خلاص يايوبه الله يحلها ماعليك منه ..
بوحاتم\والله ثم والله لو يقرب منكم لأذبحه واشرب من دمه ..
حاتم\لايابوي مابه شر ان شاء الله ..
الجده\وانا امك شنو لنا بالقتل والمقاتيل .. يسرها ياعبد الرحمن ..
العيال بإذن الله مابيصير لهم شيء ..
بوحاتم تنهد\انا واثق انه مايقدر يقتل عيالي او يطبق عليهم القصاص
لأن عيالي مالهم ذنب .. وماهو بلعبة القصاص .. بيتحول من قصاص الى انتقام
بالقتل ..
عز\أكيـــد يايووبه حنا عندنا عــزوه وعمومه وعندنآ وادي والأهم من ذا ان عندنا انت ..
بوحاتم\الله ييسرها ..

رنيم ابتسمت له وقالت\يوبه عاد موب حلو وجهك وانت معصب ..
بوحاتم ضحك\هههه ها حلو وجهي كذا
رنيم\وه بس فديت الضحكة ..
حاتم ضحك\هههه تتغزلين في ابوك قدام ام حاتم .. لا عز الله ان طحنا ومحد سمى علينا
رنيم وجهها احمر\وجععع .. وبعدين ذا ابوي ..
سلطان يصفر\هههههه ولك بروح شوربة ع الوش < الوجه
ماحلآه < كان يتكلم سوري
عز بقرف\يرحم امك سلطـــان ماهو بلآيق وانا اخوك اهجد
سلطان بغرور\غصبن عن هالخشم اللي يلوي وجهك .. انا كلي على بعض مووزه
الجازي\وعععع مالت ع اللي بتاخذك ..
ام حاتم\ههههه تعال يايومه ماعليك منهم ..
سلطان\يايومه ادري انهم عذآل بس الشكوة لغير ربك مذلة ..
رنيم تخصرت\ي ربيييه اللي قهرنا .. احلف بس سلطون ..
سلطان يستهبل\والله ..
رنيم\جدد
سلطان بطفش\وبعددين
رنيم بهبال\ولا قبلين
سلطان قام\ابوك ياسلطان .. جاييك جااايكك
قامت رنيم تهرب منه وهو وراها لما قبضها وصار يقرص فيها وهي تصرخ عليه ..




السّــــعادة ..
شعــــلة بين أبويــنا
لن تنطفـــئ ياأبتي لن تنطــــفئ ..
فـــلا تحــــزن ..
ولآ تبـــغض دموعنا الشهية .. !!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

دخــل البيت
بدل ملابسه ونزل ع الغدى مع خواته ..

ضاري وهو يجلس\السلام عليكم
الكل\وعليكم السلام
ام ضاري\شخبارك ييايومه ؟
ضاري\الحمدلله بخير ..
ام ضاري بتردد\أأ ..ضاري
ضاري رفع راسه لأمه\نعم ؟
ام ضاري\يومــه ضاري واللي يرحم والديك ..
أبي أشوف خالك صالح ..
ضـاري تغيرت ملامح وجهه\لآ يــومه ..
أم ضاري\يومــه جد انت مسؤل عني بس انا بعد مسؤولة عن تصرفاتي ودخلاتي وجياتي ..
ضاري\يومـــه .. انسي الشيخ صالح وواديــه .. يكفـــي اللي لاقى ابوي منه
ام ضاري تنهدت\وأنا أمـــك هذا أخوي وحرام القطيــعة .. القطيعة تتعب المسلم يايـــومه
العنود\ضـــاري مالك حق تمنع امي لأ...
ضاري بإصرار\لآ .. والله ان رجلكم ماتوطي ذاك الوادي .. هالحين
انتم ماتروحون له مننذو مبطي جت ع الحين ؟
ملاك تراقب الموضوع بصمت ..
ثم تكلمت\صح ياام ضــاري .. ماتدرين شنو الدنيا مخبية لك .. ومـاتدرين بنوايا الغير
يمكن حتى اخوك في هـالزمن لآتثقين فيه ..
ام ضاري تنهدت\الله ييسر الحال و مير الله يصبر ..
ضاري قام وباس راس امه\رضـاك يايمـه بس انسي الموضوع .. انســيه لايتعبك وانتي راعية سكـر
ام ضاري ابتسمت\لاتحاتي يمه ..
قام من على الطاولة وهو يقول\دايـــــمه ..
وراح لـغرفته ينام ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

وصــلت الجامعة ..
واليوم تطلع العــصر منهـا يعني ع الساعة 4 تكون خلصت المـحاضرات..

الجازي\اووف والله اني راسبة راسبة ..
رنيم\ياخبلاء مابه شر وسمي بالله ودخلي امتحانك مير ادري ان عقلك
تنك وعليك تناكه لاتوصف بس ماتدري يمكن تنجحين ..
الجازي ضحكت\ههههه الله يغثك يارنيم .. الله يغثك
رنيم\وه بسم الله علي ..
رغد\وربي ان الدختور > الدكتور ..
مل من مقابل وجيهنا ولآعت كبدنا وهو كل شوي يرطن يرطن بالعنقليزي < انجليزي ..
ولاحنا بفاهمين ولاهم يحزنون ..
رنيم تضحك\هههههههه والله انك هبلاء .. اولا اسمه دكتور مو دختور ..
ثانيا اسمه انقليزي مو عنقليزي ..
رغد تكمل\المهم هههه .. عاد أي وانا اختك يالجازي .. بيضيها ترى الدكتور بالامتحان
موصـي مايبي لآ d ولا c .. ماعلينا الا بـ A والله ييسر
الجازي بهبل\ابك ابك .. تبيني اجيب A أنا بحياتي اليوميه ماني ناجحة عشان افلح يافالحة ..
رهام\هههههه الله يفك عقلك انتي وهي .. دايم تناكة .. بس الشرهة على اللي يخاويكم ..
رغد\جب يعني انتي مو مثلنا ومسوية فيها الفهيمة ..
رهام بدلع\طبعا ياماما
رغد\من عاشر قوما اربعين يوما او اكثر صار منهم
رهام تفشلت\يامال الصامع والخامع والضارب والزحير ..
رغد شهقت\يووومه ياحسرتي .. عليك يابنت العمومه عليك ..
مو هذا العشم فيك ..
رنيم\اوهووهـ علينا مع مسلسلاتكم .. خلصونا تأخرنا ربع ساعة ع المحاضرة ..
رغد بغباء\عادي العشر الدقائق الاخيرة من المحاضرة من حق الطالب ويحق له يطلع ..
رنيم\امشــي امشــي الله ييسر لك .. أنا في واد وهي في واد .. يابنت انا اقول بداية المحاضرة ..
مايصير هالحين المشرفة واقفتن لنا بالمرصاد ..
الجازي كشرت\وععع .. امشن امشن للكلاس يرحم امكن ..

دخلت كل وحدة الكلاس تبعها ..
ناس يختبرون ..
وناس يشاهدون البـروجكتر والمحـاضرات

< جد جبــت لكم اجواء الجامعة :$




؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

في أحد مستشفيــات الشرقية ..


دخلت وهي حاملة اوراق كثيرة معهــا ..
التقت بصاحبتها هبه ..

هبه بفرح\هلا والله جوجو .. اخبارك حياتي ؟؟
الجوهره ابتسمت\هلا فيك هبوي .. الحمدلله بخير وانتِي ؟
هبه\لا الحمدلله تمام .. ها في أي قسم راح تباشرين ..
الجوهره تناظر الساعة\انتظر الدكتور عبد الإله لأن هو راح يوجهني للقسم تبعي ..
هبه\اوووما .. طيب يلا حياتي انا وراي هالحين حرمـه شايبة خل اروح لها لاتكفخني
< تقصد مريضتها العجوز ..
الجوهره\هههه يلا روحي بسرعة وربي ان تضربك بين جنوبك بعكازها الأظلم ..
هبه وهي ماشية\وه بسم الله على جنوبي ..


توجهت لدورة المياه وبدت تعدل نقابها ..
طلعت منها وراحت لمريضتها بنت مراهقة في عمر الزهور
لم تبلغ الـ 15 ربيعا .. مصابة بمرض البارانويا
وهذا المرض هو الهذيان المزمن والهلوسة ..
دائما ماتتعرض الجوهره لإعتداءات من هذه الطففلة الا انها
متعلقة بها جدا وتبي تعرف سبب هذيانها ..


ضربت الباب ثم دخلت ..
انصــدمت يوم شـافت اخو (سديم < المريضة )
موجــود .. اللي تعــرفه انه رايح غربة برا البلد من
3 سنين ويجي لها بـالأعياد ..
أمهم وابوهم متوفين بحادث سيارة ..
واللي بـقى لسديم اخوها ( أياد )

سلمت بأدب\السلام عليكم
إياد\وعليكم السلام .. انتي دكتورة الجوهره ؟
الجوهره\ايوا ..
إياد\والله مدري شنو أقول بس أنا أبي أطلع أختي من المستشفى
الجوهره انصدمت\ليييه ؟
إياد بتوتر وهو ماسك كف اخته\دايم تشكي لي ان هالمكـــان يضايقها ..
مقدر على ضيــقتها ويوم جبتها للمستشفى زادت حالتها سوء ..
الجوهره سحبت الكرسي وجلست من الطرف الآخر في السرير
وقالت\تعبها الحالي لمصلحتها مستقبلا .. اختك صارت مدمنة للإبر المهدئة ..
فشيء طبيعي تلاقي آثار التعب عليها .. لكن الحمدلله أكيد لكل مرض علاج ..
والنبي عليه الصلاة والسلام قال" مامن داء الا وله دواء "
إياد بحزن\قلبي مو قاوي على تعبها .. والله مو قاوي
الجوهره بأسى\وهو انا اللي أقدر .. أنا دكتورتها وعارفتها اكثر منك ياخوي ..
والله ان اختك حالتها مستعصية وانا اشهد الا ان عندي امل بعلاجها
إياد لأنه يدرس طب\طيب ممكن أبي أعرف بعض أعراض مرضها ؟
الجوهره بتفهم\اكيد .. مرضها وانت تعرفه هو البارانويا
وفي له عدة اعراض .. ومنها اوهام مرجعية واوهام المؤثرات
القسرية الخارجية .. واوهام شبقية واهتلاسية ..
إياد بصدمة\كل هذا فيها ؟
الجوهره بحزن\ايوا .. واختك صغيرة ومحتاجة لدعم نفسي قبل مايكون دعم للعلاج ..
إياد توتر\طيب ايش الحل ؟
الجوهره\ممكن اعرف سبب مرض اختك وانقلابها ؟
اياد انصدم من سؤال الجوهره وتوتر\ءءء .. هو يعني
الجوهره\يعني ايشش ؟
اياد بنظرة بعيدة\ابوي !
الجوهره تستدرجه\وش فيه ابوك وش سوا لها ؟
اياد بقهر\ابوي الله يرحمه كان يكرهنا .. وزود زوده يكره البنات
ماكانت تلقى منه الا الضيم .. ويومه مات انقلبت حالتها للصفر
الجوهره سكتت ثم قالت\.....لآتخاف أنا عندي الحل بإذن الله .. لكن اطلب تعاونك معي
إياد استبشر\آبشري وانا اخوك .. وهذي ضربة الصدر انا معك باللي يشافيها ويرجعها سالمة ..
الجوهره\راح نبتدي العلاج من بكرة .. الحين انت روح وبكرة تعال لها وكأنك ماشفتها
اياد\بس هي ضمتني وعرفت ان انا جيت
الجوهره\لازم نقلب تفكيرها .. نمشي بالعكس حتى تعرف ان العكس الآخر مجرد اوهام
اياد\آبشري .. يلا فمان الله
الجوهره\فمان الله ..

وراحت باتجاه المغذي تغيره وتحط لها مغذي جديد وهي تتأملها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

تــأخر الوقت وطلعت الســـاعة 5
رنيم\ياحسرتي تأخرت ع البنات هالحين اكيد مشوآ ..
فتحت جوالها بتدق عليهم بس مع الاسف كان طافي
طاقم الجامعة بدى يطلع وبدت تفضى الجامعة ..
موعارفة كيف ترجع.. مع انها تدري ان الجامعة مو بعيدة عن واديهم حيل ..
الا انها لبست عبايتها ومشت ..

وصلت لمدخل الوديان ..
في واديين متشابهين المدخل ..
ماتدري وين واديهم ب الضبط ..
لكن سمت بالله ودخلت "يوومه ليكون مو وادينا !! وربي تجييني الجلطة ..
لا احسه وادينا بس وين بيتنا فيه ..(شهقت)يوومه ليكون هذا مو وادينا "

تراجعت خطوات الى الخلف تعلن الرجوع حيثما اتت ..






كان طالع بسيارته مع السواق
لمح طيف بنت .. ركز وحس انها مو من بنات الوادي ..
امر السائق ان يوقف .. ونزل للبنت

\من انتي ؟
شهقت بخوف \يووومه
ماهتم لردة فعلها لان سبق وان تعاود عليها وعاد بنفس النبرة\من انتي ؟؟؟؟
رنيم وتعتقد ان ممكن يجي ينقذها\انا رنيم بنت الشيخ عبد الرحمن العنزي
ضاري بصدمة\العنننننننننننزي
رنيم بخوف\هذا مو وادينا صحح ؟؟؟
ضاري بخبث مسك يدها
رنيم صرخت\اتركككككككككني .. ياحققيييير اتركككني ..
ضاريبسخرية\لا يادلوعة ابوك
وبقوة رماها بالسيارة وهو حاط يده على شفايفها وهي كانت تصرخ
همس بإذنها\لقفناكم يابنو عنز .. وماكون ضاري ان مانتقمت ..

خوفا من الاسم ورهبة من االحال والذعر والخوف
انتابها شعور غريب .. فأعلنت عينيها السواد ..




أغمـــــى عليها

السائق\اخذك لبيتك ياحاج ولا بيت اهلكك ؟
ضاري بخبث\لبيتي ..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بوحاتم بعصبية\وكككيف تمشوون عنها في عقلكم انتم ..
الجازي بخوف\والله يايوبــه ان انتظرناها ساعتين حنا نطلع من الساعة 3 وهي ماطلعت ..
ثم مشينا يايــوبه ..
بوحاتم بقهر\الله يصلحكم بس .. كيف هالحين نلقاها .. وش السوات هالحين وش السوات ..
الجازي\يايوبه صل ع النبي البنت ان شاء الله مــافيها الا العافيةة ..
بوحاتم\الله يقهر بليس االلي قهرني هالحين .. ماعليه يابنتي
الابو من يفقد وحده من بنات بليس عابس بوجهه ويرمي خيط وخيط
الجازي باست راسه\ولا لك لوى يالغالي .. الله يحفظك يابوي .. بس انت اضبط اعصابك
انت عندك امراض القلب .. ومايصير تعصب ..
بوحاتم تنهد\خلاص يابوك روحــي وانا بقوم مع عيال القبيلة ندور لها ..
الجازي\روح يآيــوبه الله ييسر طريقــك
بوحاتم بتوصية\لآتقــولين لأمك .. قولي لــجدتك وهي تتفاهم معاها ..
الجازي\آبشر يالغالي .. يلا الله يحفظك يابوي ..


طلع واتصل على عيال القبيلة ..
نبــــــأ .. البــنت المرحَة في ورطـــة


في حالة من الضـــياع والذعر ..!


ظلوا يبحثون عنها حوالي 5 ساعات بس مابينت
بوحاتم بضعف جلس ع الأرض\الكابوس ياعيال الكابوس ..
سلطان راح لأبوه يهديه\مابه شر يايوبــه .. الكـــابوس تعوذ منه يايــوبه تعوذ
بوحاتم بألم\آآآهـ وينها بنتي وينها ؟؟؟
عز\والله يايــوبه ان بلغنا الشـــرطة وهذه ماهي بمقصرة ..
سلطان\وبعدين يايوبه توكل على الله رنيم ماهي ضايعة ان شاء الله
بوحاتم\لاحول ولا قوة الا بالله ..
عز\اي يايوبه اذكر الله وادعيه وان شاء الله نلاقيها ..
بوحاتم\ماباليد حيلة مير الله يصبرني ..

رجــع لهم حاتم مع ياسين وتركي ودحام
حاتم بخوف\بشرروآ
سلطان\البشــارة مالنا بها نصيب هالحين .. اختنا ضايعـة ولا لها آثر
ياسين\والله ان قلبنا الجامعة ودورنا مع الشرطة ومالقيناها ..
وحوالي الجامعة والمباني اللي حوالينها بس ماكو أثر ..
سلطان بحزن\حال ابوي مايسر شوفوه ماليده حيله ..
ياسين يهز سلطان ثم يضربه على صدره\سلطـــان انت رجال .. لاتزيد الطين بالله
وخلك مع ابوك وقويه .. لاتقوي باس الحزن عليكم ياولد العمومه لاتقويه ..
سلطان تنهد\يالله ان يفرجها علينا ..
الكل\آآآآمــــــــين ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


قـــطرات من الماء تنساب على وجهـها ..
أفاقت بشهقات خائفة ترتعد بذعر ..

تكورت على نفسها يوم شافته يقرب\وخخخخر .. روووووووح عنننني وخخخخر " وصرخت تستنجد " يووووووومممممه
ضاري بسخرية\صرخي أكثر يمكن يسمعوك ...
رنيم بإصرار بدت تصرخ\يووووووومــــــــــــــــــــــه ..
ضاري مسك يدينها ولفها وقال\أكثـــــر ؟
رنيم وهي تصارخ وتعانده\يومـــــــــــــــــــــــــــــــــه ..
مسك خدودها بكفه القاسي وشد عليه بقوة وهي تألمت ..
رنيم بخوف\ياحققققققققققير بععععد ياوقحححححح ..
ويـــــن جايـــبني حسبي الله عليــــــك بعــــــــــــــــــــــــــد

ضاري\حلــفي ؟
رنيم ارتعدت من نبرته القاسية\الله يخليك ابوس رجولك اتركني ..
مــــابي اظـــل بــ هالمكان الموحشش ..
ضاري\وهو على كيفك تقررين وين تروحين ؟
رنيم بقهر ضربته\ايــــوآ على كيفي
ضاري شد على يدها ولفها بقوة لورا ..
وهي صرخخت من الألم ..
ظل 10 دقايق على هالوضعيه والألم يقوى مع كل دقـــيقة .. !!
الى ان قام بيطلع
بس هي بقهر راحت له وضربته على ظهره\ياغبببببـي ياغغبي طلععععني طلعننننني ..
" بصرخة" وش تبــــــي منــــي شنو ســــويت لك أنا ..
أفاقت على صفعة بالخد أعلنت صداها في المكان ..
وأوقعـــتها أأرضـــــــــــــًا ..
الدم بدأ يخرج من أنفها ..
لآنها مصابة بــالرعاف ..
ثم احتقن الفم وبدأ بالنزيف ..

الرجـــل الجدار يركل رنيم ركلات متعددة على بطنها وهو يقول\والله ثم والله
لو مديتي يدك علي مرة ثانية لأكسرك من الضرب يالبزر .. فاااااهمة
ردها هو شهقات وأنين متتــــابع ..

أنقهرت اكثر يومـــها تسمع صوت الباب يتقفل وينصفع بطريقة جهنمية لا تليق الا به ..
بدأت تزحف الى ان وصلت الا اريكة حمراء .. فتحت حقيـــبتها ..
جوالها مو موجــــود ؟
أصلا ليه يصير موجود وهي في حكم " الخطف "
وهو اساسا طافي يعني مابه فايدة !!
انقهرت اكثر سحبت الكلينكس ورمت حقيبتها بقهر وهي تدعي على ضاري
وجهت الكلينكس لأنفها وفمها تخفف من الوجــع اللي استوطنها

شـهقت وهمست\
لا يوبه الا كوآبيـــسك لاتوقع علي ..
يارب ياحبيبي كن معي يوم لايكون معي الا انت ..
آآآآه يايــوبه خوفي من كابوسك يمتد بي ..
هذي بدايتها ياولد الـ.....
هذي بدايتها !!!!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كـــان يقرأ المقال الذي كتبه في الجريدة !



" السلام عليكم اجمعين اخواني ..
فقدت إكراهًا صغيــرتي ..
بنت في عمر الزهور تبلغ الـ 18 ربيعا ..
تدرس دراسة جامعية .. " وصف لحقيبتها وعباتها "

أيقن حقًا أنها في عهدت أحدكم
ولا أستبيح أن يأخذ من إبنتي لا حقا ولا باطلاً
فليتركها حرة ترجع لأحضان والدتها
التي انتظرتها 3 أســــابيع ..
سوف ينقضي الشـــهر دون وجودهًا حقاً !

دعوها ترجــع لــ حضن جدتها الحنون
إبنتي رنـــيم .. كيــف لها أن تغيب
وهي الشمس التي يتسلل منها خيوط الأمل
والمشاكســة الطريفة التي تبعث البسمة ..

لله دركم الا يوجعكم الفررراق !
لله أن علم أحدكم او ترائى له طيف هذه الإبنه
فليوقن انها ابنتي وليـردها لي سالمة ..

حتمًا فلا أي أب يتحمل فراق عزيزته ..
وعلم قد وصــل في أذهانكم ..
أهل لي بأيد مصافحة مؤيدة مساعدة ؟؟

قد سلبت من أحضاننا بجرم"الخطف"
أعيدوها لنا يعيد الله لكم من تحبــون ..


شيخ وادي العنزي\عبد الرحمن العنزي ..


الشرقيه ..

"


تـنهد بلوعة والم\والله ان البيت مايسوى من دونك يابنتي .. مايسوى ..شهر على فقدتك يالغالية بينقضي ..
وينك ويـــن خبرك عني ؟؟؟ ويــــن أرضك من سماك وأنا أبوووك !!!

نزل حاتم وشاف الجريدة اللي ع الطاولة وقرأ المقال وتنهد بحزن على حال ابوه
وقال\وكل امرك يابوحاتم لله .. الله مابيخليها وحيده .. ورنيم ورعة وقدعة وقد نفسها وان شاء الله
بتعرف كيف تحمي حالها من يدين الظلام " كان يقول هالكلام عشان يطمن قلب ابوه ويخفف من حموله "
بوحاتم تنهد\هالحين الساعة كم وانا ابوك ؟
حاتم\يوبه الوقت متأخر .. هالحين الساعة 1 الليل .. يوبه روح نام وارتاح وبكرة لاتجي الشركة
لان انا وعز بنتولى المهمة ..
بوحاتم بحزن\تصبح على خـــير ..
حاتم\تلاقيه يايوبه ..


وكـــيف يلاقيــــه ورنيم قلبه مفقـــــودة !!



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛
في المســـــتشفى ..

بعض المرضى حالتهم تتدهور الى السوء وماورائه ..
وبعضهم ولله الحمد قد يتحسن ..
وهذا حال طفلتنـــا سديم..

إياد يضحك\ههههههههه والله والله ياسديم مانسيت
سديم تضحك معه\هههههه هو انا اقدر انسى .. يومها طحت على وجهك ياإياد ..
وبنات الحارة يضحكون عليك وانت مسوي فيها الرجل الخوورافي
إياد يستهبل ومسوي فيها زعل\يلا بس والله ان محد خورافي غيري
سديم بدلع\وهو في أحد خورافي غيرك ياخوي ..
إياد يبوس راسها\فديتك ..
سديم\وين جوجو ماجت < دكتورتها
إياد\عشانها مشغولة مع الدكتور عبد الإله
سديم\والله ان حاطتها ببالي لك
إياد ضحك عليها\ههههه .. يلا بس يالقزمة ع كيفك هو ..
سديم تغمز له\بنشوووف ان ماوقعتت بشباك الحب
إياد\هههههه ي ربيييه ..

الا والجوهره تدخل وتغير المغذي كالعادة وتقول\أخبارها الحلوة ؟
سديم بمحبة\الحمدلله بخير .. وكله من فضل الله ثم من فضلك ..
الجوهرة ابتسمت وجلست ع السرير ..
حركت شعرها بخفة وعفوية وقالت\يلا ياابطلـــة شدي حيلك عشان ترجعــين بصحتك وسلامتك
سديم\من الله اطلب الحل والشفاء ..
الجوهره ابتسمت\خليك واثقة بأن الله "اذا أحب عبدا إبتلاه" وهذا دليل بأن الله
يحبك ياسديم ..
سديم ضغطت على كف الجوهره بخفة وابتسمت بوجه اخوها اللي كان يناظر الجوهره ..

حست بخجل واحمرار خفيف في خدودها ..
واستأذنت وطلعت من جنبــــهم ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شــــهر .. شـــهرين .. ثلاثـــة أشهر

الحالة مستعصية في وادي العنزي ..
وبيت الشيخ عبد الرحمن بالخصوص ..
الحزن سائـــد على المكـــان ..
ورنيم لم تمت بصلة لهم بعد !!
إنتـــظار وحسرة وشوق وفقد ..
أب يبحث عن إبنته فلا يلقاها ..
وأخوة تنتظر ضحكاتها المشاكسة ..
واخت تنتظر مقالب عفوية من اختها الصغيرة ..
أم تنتظر احتضان صغيرتها ..
وجده تهمس اهلا اقبلتي علينا ياابنتي ؟؟



كان بالشركة مع عياله وابناء الوادي ..
تحت في فناء الشركة السفلي ..
توجد صالة كبيرة محاطة بالكنب الدائري الشكل ..
وطاولة تتوسط المكان ..

كان يتناقش معهم في امور الشركة ..
وهم يبادلونه الحديث والإقتراحات ..
مـــزيد من اللحظات وترقب ..


واتصال مبهم قد قال\السلام عليكم انت بوحاتم الشيخ عبد الرحمن العنزي ؟
بوحاتم\سم ياخوي أي نعم وصلت !
\سم الله عدوك .. ياخوي انت لك بنت مفقودة من 3 شهور
بوحاتم وقف\ايوا ؟
\البنت لمحت خبر انها في بيت ضاري الـ ......
بوحاتم بصدمة\البنت عندددددددده ؟؟؟؟
\اي نعم وهالشيء جاني من احد الحرس اللي ببيته كنت متعاون معهم لان
هو انسان مشـــتبه به ..
بوحاتم استبشر\الله يبشرك ياخوي وفالك الجنى يارب
\يلا ياخوي عساك ترد لك بنتك .. انا أقفل الحين فمان الله
بوحاتم\فمان الله

عـــز ، حــــاتم ، ياسيـــن ، تـــركي ، دحــــأم ..
منذ 3 أشهر لم يروا الشيخ مستبشر الوجه ..

عز\سم يايوبه قول باللي عندك
بوحاتم\ياعيال القبيلة انتخيكم تروحون للشيخ صالح والشيخ بدر وروس القبايل <روس القبايل يعني كباريتها
يجون الليلة لمجلسي وبنروح سوآ لوادي الـ ...............
العيال\آبششر ..
حاتم لسة مستغرب\يوبــــه ليه .
بوحاتم ابتسم\اختك وانا ابوك لقفتها وان شاء الله ترجع معنا
حاتم راح وباس راس ابوه وقال\عسى دوم الفرحة ياشيخنا الله يديمك ..


تفرقوا كلهم وراحوا باقي الوديان يجمعون كباريتها ليتوجهوا الى وادي الـ ...........


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛


تبكي قـــهر وشوق لأهلها ..
تبكــــي من الذل والضرب والكلام السم اللي ينزل لها ..
ضمت رجولها وحطت راسها بين ركبها\يااااااربي مالي غيرك ..
خلصـــــني من هالهم ياربي .. خلصــــني ياربي منه ..
يــــاربي فكني منه فكـــــني ..
يــارب كل يوم انضرب وانضام .. قـــاسي ياربي قاســـي
قلبـــه حقود .. حقــــود ... حقــــــود
يهددني بــفجيعة أهلي فيـــني
شنو بيسوي لي شنو ياربي ..




كالعادة انفتح البـــاب بشكل جهنمي وجلس ..
رنيم بضعف وعبره\وش اللي تبي مني ؟
ضاري\سبق وقلت لك .. أبفجع واديك فيك ..
رنيم بخوف\بتقتلنـــي ؟
ضاري مايدري ليه انتابه شعور مضحك على كلامها وضحك\ههههه وهل على النساء قتال ؟
رنيم ارتاحت شوي\طب ليه جايبني هنا .. بس تبي تضربني وتعذبني حرام .. والله حرام ..
انت ماتخاف ربي ولاتخاف عذابه .. مالك الا الضرب والمقاتل والسب والشتايم ..
ردني لأبوي مابيك
ضاري بسخرية\تصدقــي .. ودي بس استوعب ان انتم تعرفـــون الحرام ..
وش انتــــم ؟ رجالكم يقتلون .. وعيالكم يطيشون .. وبناتكم يهايتون بنص الليالي ..
أفاق بصفعة جهنمية من رنيم وهي تصرخ\لآتمس ثوب الطهارة بالدنس .. تبقى الكلاب كلاب وتبقى الشهايم اسودها ..
زفيـــر غاضـــب .. وشهـــيق جهنمي الغضب ..
الجو يعلن بأن الأسد سوف يزأر ويهجم على الضــحية !!

وكــالعادة .. ضرب مستعصي وهجمات قاسيـــة جدا ..
صرخـــات تطلب الرحمة والعون ..
لكـــن قلبا لايسمع النبض لايرحم ..
غابت عن الوعي .. كالعادة !!


قطع غضبه جنون الصدمة ..
حيث سمع سالم يقول\الحححق ياطويـــــل العـــــمر الحـــــق
ضاري\شنــــو ياسالم علآمــــك ؟
سالم وهو يتنفس بسرعة\رجــال القبــايل وروسها ومعاهم رجال الوديان وادي العنزي
مجتمعـــين بمجلس وادينـــا يطلبون لقآك ..
ضـاري بصدمة\ألحيـــن ؟؟ .. ومن متى جايـــن ؟
سالم\توه واصلني الخبر والعلم لله مابطى وجودهم كثير مير يمكن ربع ساعة ..
ضاري وهو يصعد الدرج\طيب ياسالم روح اسبقنــي وانا أبلبس ثوبي وأجي ..
سالم\آبشر ياطـــويل العــــمر ..

طلع سالم ..
ولحــظات واذا بضاري يخطوا الدرج بسرعة
ويأمر سائقه بالمشي الى مجلس الوادي\روح المجــلس بســــرعــــة ..

دقائق معدودات وإذا به يقف أمام المجلس ..
ويدخل رافعا يده بالسلام\السلام عليكم ..
الكل\وعليكم السلام ..
جلس بمكانه المعتاد وقال\سموا ياشيوخ عساني ملبيكم ؟
الشيخ عبد الرحمن يحكم اعصابه\والله ان مايسمي عليك الا سم العدو ..
فاجعــني ببنتي 3 شهور وهي عندك .. والله ياضاري لولا الشيوخ اللي هنا وروسها
ولا كــان توطـــيت ببطنك وكفرت فيك ..
ضاري بجمود\وغيره ياشيخنا ؟
الشيخ بقهر\والله ان ماتطلع بنتي هالحين لأدخل بيوت واديكم بيت بيت واخذها ..
ضاري\وان قلت لا
الشيخ وقف\وانا رايح الحين بيوتكم ادور على بنتي ..
ضاري قام لعند الباب في ووجهه ومنعه\لا يابو حاتم مو من شيم العرب تفتح بيوت الناس
وتكشف حريمها
الشيخ عبد الرحمن بغضب\وتعتقـــد ان من شيم العرب ان تاخذ بنت النــاس !؟
ضاري بخبث\أخذتها لأجـــل المصلــحة العامة للوادي .. والخــاصة اللي تخصني لأبوي ..
عســـى القاتل من واديكم يحس على دمه ويتحرك ..
الشيخ عبد الرحمن ماقدر يتمالك اعصابه وصرخ\احتد النقاش والبنت بترجع يعني بترجع ..
ضاري بإصرار\البنت ماهي براجعة .. ومن الحين أبقول لك .. البنت بتزوجها وبتصير في عهدتي ولايمكن تعرفوها ..
الشيخ عبد الرحمن\تبطي ثم تعقب ثم تخسي .. على شحم وتراب ياضاري ..
ضاري\والله ان مصلحتي العامة تأمرني بالزواج ..

كل عيال وادي الـ ... اللي ينتمي له ضاري
أيدوا نقطة زواج ضاري من رنيم ..
حتى يكـــون من خطف الى زواج
وبكذا يكون مأمن ولو بنسبة قليلة لبنته

الشيخ عبد الرحمن\انا مو موافق ياضاري ماتطولها ..
ضاري\لا يابو حاتم .. ماعتقد ان الشيوخ والقبايل اعترضوا على زواجي من بنتك ..
ولا ترى بتظل في عهـــدتي بالحرام .. وانت عارف لو تجيب اكبر راس مابتاخذوها ..
الشيخ عبد الرحمن\بنتي ماتاخذها
ضاري\اجل بنتــك في عهدتي بالحرام !!
الكل واقف بصف ضاري لان كلامه أقنعهم
تصيــير بععهدته حلال ..
ولاتصير بعهدتـــه حرام ..

الشيخ عبد الرحمن بيتكلم بس في صوت قاطعه
\انت تاخذ اختنا .. وحنا ناخذ اختــك اللي كبر المستورة اختي ..


لف عليه ضاري بصدمة \.......................................





قُربكمُ يزيدْنِي جمالًا :)


روايتي الثانية : أنا رجل الهزائمِ ليلا أعلن انكساري أمامك

الوسوم
أمامكِ , ليلاً , أعلنُ , الثانية , الهزائمِ , انكساري , رجلٍ , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
روايتي الثانية : أسى الهجران / كاملة #أنفاس-قطر# روايات كامله - يتم نقل الرواية هنا بعد اكتمالها 5696 08-06-2020 02:45 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM

الساعة الآن +3: 11:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1