غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 11-11-2012, 10:55 PM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


كيان
ايش رايك تنزليلني بارت


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 11-11-2012, 11:31 PM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


اقتباس:
المشاركة الأساسية كتبها najoudh مشاهدة المشاركة
كيان
ايش رايك تنزليلني بارت



بــإذن الله لو قـدرت أكمــل كتــابة البــارت
رآح أنـــزله ، وشكرًا لتفاعلكمْ أحبتّي . . .

أَنرتُم :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 12-11-2012, 12:42 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك



البارت الثــــــــــــــــــالــــث







شفتاك من حجرٍ.. وصوتك من حجر
ويداك آنيتان من عصر الحجر..
وأنا على طرف السرير.. كنخلةٍ
من ألف قرنٍ.. وهي تنتظر المطر
إنهض.. فإنك حالة ميئوسةٌ
إنهض.. فلا علمٌ لديك ولا خبر..
أنسيتني شكلي.. وشكل أنوثتي
وكسرت أغصاني.. وأتلفت الزهر
إني أعض على بياض شراشفي
وأعض من قهري شبابيك القمر
يا أيها الرجل النحاسي الذي أحببته
خطأً.. وهذا بعض سخرية القدر
الجنس عندك.. كيمياءٌ صرفةٌ
والعشق عندك من تقاليد السفر
يا فاقد الإحساس.. قل لي كلمةٌ
قل لي كلاماً حامضاً.. أو مالحا..
قل لي كلاماً غامضاً.. أو واضحا
قل قصةً.. قل طرفةً
فأنا أموت من الضجر...
يا أيها القروي.. عاملني معاملة الشجر
رش المياه على فمي
إزرع بذورك في دمي..
إزرع مساماتي عصافيراً.. وعبئني ثمر..
يا أيها البدوي.. إحسبني هلالاً أو قمر
إعزف على خصري..
أما شاهدت قبل الآن.. ناياً أو وتر؟
*
يا داخلاً سوق النساء بناقةٍ
ودجاجتين.
أليس هذا من أعاجيب القدر؟
إني بقمة فتنتي وتفجري
وأراك. لا علمٌ لديك ولا خبر
*
يا أيها المتخلف العقلي.. قد أخجلتني
فالناس قد دخلوا إلى عصر الفضاء
وأنت – واأسفي عليك-
بقيت في عصر الحجر..








دقائق معدودات وإذا به يقف أمام المجلس ..
ويدخل رافعا يده بالسلام\السلام عليكم ..
الكل\وعليكم السلام ..
جلس بمكانه المعتاد وقال\سموا ياشيوخ عساني ملبيكم ؟
الشيخ عبد الرحمن يحكم اعصابه\والله ان مايسمي عليك الا سم العدو ..
فاجعــني ببنتي 3 شهور وهي عندك .. والله ياضاري لولا الشيوخ اللي هنا وروسها
ولا كــان توطـــيت ببطنك وكفرت فيك ..
ضاري بجمود\وغيره ياشيخنا ؟
الشيخ بقهر\والله ان ماتطلع بنتي هالحين لأدخل بيوت واديكم بيت بيت واخذها ..
ضاري\وان قلت لا
الشيخ وقف\وانا رايح الحين بيوتكم ادور على بنتي ..
ضاري قام لعند الباب في ووجهه ومنعه\لا يابو حاتم مو من شيم العرب تفتح بيوت الناس
وتكشف حريمها
الشيخ عبد الرحمن بغضب\وتعتقـــد ان من شيم العرب ان تاخذ بنت النــاس !؟
ضاري بخبث\أخذتها لأجـــل المصلــحة العامة للوادي .. والخــاصة اللي تخصني لأبوي ..
عســـى القاتل من واديكم يحس على دمه ويتحرك ..
الشيخ عبد الرحمن ماقدر يتمالك اعصابه وصرخ\احتد النقاش والبنت بترجع يعني بترجع ..
ضاري بإصرار\البنت ماهي براجعة .. ومن الحين أبقول لك .. البنت بتزوجها وبتصير في عهدتي ولايمكن تعرفوها ..
الشيخ عبد الرحمن\تبطي ثم تعقب ثم تخسي .. على شحم وتراب ياضاري ..
ضاري\والله ان مصلحتي العامة تأمرني بالزواج ..

كل عيال وادي الـ ... اللي ينتمي له ضاري
أيدوا نقطة زواج ضاري من رنيم ..
حتى يكـــون من خطف الى زواج
وبكذا يكون مأمن ولو بنسبة قليلة لبنته

الشيخ عبد الرحمن\انا مو موافق ياضاري ماتطولها ..
ضاري\لا يابو حاتم .. ماعتقد ان الشيوخ والقبايل اعترضوا على زواجي من بنتك ..
ولا ترى بتظل في عهـــدتي بالحرام .. وانت عارف لو تجيب اكبر راس مابتاخذوها ..
الشيخ عبد الرحمن\بنتي ماتاخذها
ضاري\اجل بنتــك في عهدتي بالحرام !!
الكل واقف بصف ضاري لان كلامه أقنعهم
تصيــير بععهدته حلال ..
ولاتصير بعهدتـــه حرام ..

الشيخ عبد الرحمن بيتكلم بس في صوت قاطعه
\انت تاخذ اختنا .. وحنا ناخذ اختــك اللي كبر المستورة اختي ..


لف عليه ضاري بصدمة\لا والله ان ماتطولها ياولد ابوك ماتطولها .. وش جاب الثرى للثريا ..
حاتم بغضب\اقضب لسانك واحترم نفسك .. اختي الثريا وحنا اهلها وانت مالك الا الثرى والتراب ..
وغصبن عنك .. اذا بنتنا عندك .. بنتكم عندنا .. والمستورة اختي حقها مايضيع ..
مو انت تقول العين بالعين والسن بالسن والبادئ اظلم .. حنا بعد لنا من ثارك نصيب ..
ضاري يقاطعه بغضب\اختتــــي ماتوصلها .. ليه انت تطولها بس ؟
حاتم\لا انا ماطولها لان اهي ماتطولني وماتطول رفعة مقامي .. وانت تبي اختي
انا هم ابي المستورة اختــــك .. ان قلت أي او قلت لا ..
العدل ساس العقل ياضاري العدل ساسه ..
ضاري برفض تام\وتفكرون ان بايع اختي ؟
حاتم بسخرية رفع حاجب\تساومنا باختنا ومانساوم بأختك ..
حشــآ ياضاري حشآ .. مو هذا العلم اللي في بنو عنز ..
ضاري\أنا أرفض اختي ماتاخذك
\العنـــود تـــاخذ حاتم ياضــــاري يعني تاخذه
التفت لمصدر الصوت شاف خاله الشيخ صالح
ضاري بغضب\لا يالخال انت مو خلينا .. ولا انت واقفن علينا .. بنتنا ماتاخذه
الشيخ صالح يمشي تجاهه\والله ياضاري .. لو العنود اليوم تمسي في بيتكم اقسم بالله
لتلقى شيء مايعجبك ..
ضاري\لا ياخال ماهو ...
الشيخ صالح يقاطعه\ماهو بعدل تساوم ببنت الناس من دون مقابل .. كل شيء وله مقابل
والله ثم والله حاتم مايطلع من هنا الا وهو مملك على العنود
ضاري بعصبية\ياخال انت ماتـــــقدر تهددني لأن انا صاحب الشور والأمر

قاموا له رجال من قبيلته واقنعوه بأن العنود تصير ملك لبنو عنز تحت امرة حاتم ..
وان هو ياخذ المستورة بنتهم .. وبكذا بيكون العدل بين الطرفين ..

دقائــــق والشيخ يملك لكل ابناء وبنات الطرفـــين
اكراها لا بـ الرضا ..!!!

ومن شروط صلح النسب هو ان اذا ضاري
اخذ العنود غصب عن حاتم .. حاتم ياخذ رنيم غصب عن ضاري ..
ولما يطلق ضاري رنيم .. حاتم يطلق العنود ..
حاتم مايدخل الوادي الا بوجود العنود
وضاري مايدخل وادي العنزي الا بووجود رنيم..

هذي بنود الشرط لدا كل من القبيلتين ..
والشيخ اتم العهد والميثاق بينهم ..

وكلن تيسر على طريقــه
وحـــاتم بيمر المغرب ياخذ العنــــود ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل البيت ونادى بصراخ\العنـــــــــــــود .. العـــــنود ..
العنود بخوف\هلا ضاري .. نعم اخوي علامك ؟
ضاري جلس ع الكنب وأشر لها تجلس وجلست ..
ضاري تنهد وبدون أي مقدمات\لبسي عباتك وروحي لبيت زوجك
العنود انصدمت\أي زوج وانا اختك ؟ من متى وانا متزوجة ..
اذا انا الخطبة مانخطبتها عشان تزوجني وانا اختك ..
ضاري\اليوم انتي انخطبتي ..
العنود وقفت بصدمة\ضاري انت من جدك ؟
ضاري\وهو انا يوم قلت شيء وكنت امزح فيه ؟؟
العنود\لاياضاري ماني رايحة .. وكيف اروح وانا ماعرف زوجي ولا لي خبر
ضاري بسخرية\اصلا انتي انملك عليك وصرتي هالحين زوجته وفي عهدته
العنود بصراخ\على كـــــــــــيفك هووو
ضاري ناظرها نظرة قوية .. وطبعا نظرات ضاري أخافت العنود
جلست وقالت ودموعها بعيونها\ضاري كــــيف تزوجني لإنسان مااعرفه ولا يعرفني
هذا آخر شـــيء توقعته منك
ضاري\لأن زواجي يعتمد على زواجك زوجتـــك
العنود بصدمة\انت تزوجـــت
ضاري\ايوا .. تزوجت معك اليــــوم .. واليوم بتروحيـــن بيت أهل زوجك ..
العنود ببكي\لا ضاري مابي اروووح .. مابي ..
ضاري\بتروحين ولسانك قاضبـته بحلقك " وقف" المغرب تكونين جاهزة ..
راح وتركها في نوبة بكاء ..

" أنا ياضاري تزوجـــني من دون شوري أنا ..
ليه قلبك قاســـي ياخوي .. وش ذنبي انا بزواجك وش ذنبي ..
ليــــه تظلمني ليــــــــــــــه ..
حسبي الله ونعم الوكيل "

راحت لأمها وخبرتها
والأم دهشتها لاتقل عن دهشة بنتها ..
ملاك ودانة وام ضاري حاولوا فيه ..
لكنه مارضخ لأمرهم !!

واللي دهش ام ضاري ان حتى هو بيتزوج .. والقربة والنسابة
من بنو عنــــز .. !!!



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخــل مع أبنــاءه ..
مستبشر خير وبنفس الوقت متضايـــق
صحيح ان زوآج ضـــاري من رنيم كسر ظهره
إلآ أن موقف حاتم رفع راسـه وظمن رنيم ..

دخل وحكــى لهم كل شيء
الجازي بحزن\حتى بزواجها يـايوبه مالها فرحححـــه ؟؟
بوحاتم\لا يابوك قدر الله وماشاء فعل ..
الجازي\والنعم بالله ..
ام حاتم ابتسمت وهي تمسح دموعها\المهم ضمنا سلامة البنت ..
وان شــاء الله بنزاورها من لحظة لـ لحظة ..
" ناظرت حاتم" وانت يـايومه مهما صـار
بنت الناس اكرمها وحطها فوق رف الرمش من العين
حاتم\والله يايـومه ماهي من شيمنا ان نذل البنت لأجل افعال الرجال
مير والله ان بحطها ع الراس وبتكون معــززه مكرمه ..
الجده\والله انك شيخ الرجاجيل وانا امك .. أي بارك الله بالتربية السنعة
والبنون الصالح ..
بوحاتم ابتسم\دام ع هالخبرية جانا الخير.. اليوم انا مسوي عشى عندي
حاتم\خير ماتسويه يابوي ..
بوحاتم\يلا يابوي قوموا خل نصلي المغرب ونخبر العائلة ان العشاء وانت يابوي
مر عللى زوجتك " يقصد حاتم " والله يوفقك
قاموا عياله وبقى سلطان يطالعه\يوووبه
بوحاتم\سم وانا ابوك
سلطان يستهبل\السموحة يابوي انت تتزوج وحاتم يتزوج باقي انا وعز
عطنا من الطيب نصيب
بوحاتم ضحك\ههههه اعقل وانا ابوك خل نبلغ بعز الزواج ثم نبلغ بك ..
الجده\وانت يايومه توك بالجـــامعة .. عمرك مايتجاوز19 سنة ..
وتبي تعرس .. مالك الا ام 5 سنين
سلطان فتح عيونه\لا يايومـــه والله ان اهجد بس مايصير العمر 24
الآ وعيالي معي ..
ام حاتم تمسح دموعها\الله يبلغني فيكم كلكم يارب
الكل\ آمـــين ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخـــل البيت ..
توجـــه بسرعة لــغرفتها ..
المــكان التي لاطالما حبست فيه ..
صار لها 3 شهــور في هذا المكـــان
غرفة موحشة ..
اضاءة قليلة ..
وبعض الإضاءات فيها خرآب< يعني تولع وتطفي
الأرض لآيوجد فيها الا أريكة حمراء ..
وحمام ..
والتكييف فقط ..
رغم ان الغرفة مو وسخة ولا فيها شيء
من الجرذان والحشرات ..
بل نظيفة الا ان الوحشــة اللي فيــها مو طبيعية ..

انفتح البـــاب ..
أما هي كانت جالسة تحت التكيف
مستندة ع الجدار ..
وتناظر في فراغ الغرفة ..
الرجــــل الجـــدار يتقدم ..
لكنها لم تحرك ساكن !
أصغت لما يقوله\انا مو مضيع وقتي ..
فبقول لك كلمتين وبطلع ..
انت زوجــتي ..
مبروك

شهقـــــت
رفعت راسها بـصدمة
زوجـــــته !!
زوجـــــته !!
ناظرت فيه بنظرات تذبح\وش بقى مابتسويه ؟
ضاري بسخرية\قريب .. بالعدال يابنت مو كل شيء مرتن وحدة !
رنيم تبكي\ليـــه ليـــه ؟؟ وش ســويت لك ؟؟
"بهستريا قامت له" تدري وش احسن من زواجي بك ؟
ضاري\ ؟؟؟
رنيم\انت تقتلني ..خذ بثارك بس ماكون لك ..
ضاري\ثـــاري هو ان آخذك عــندي ..
لآن اعرف ان الموت ارحم من مقابلي
رنيم بسخرية\حلو ان في شيء تعرفه
ضاري بتطنيش\تقدرين تتجولين البيت ..
وتختــاري لك غرفة ..
رنيم بسخرية اكبر\هه !.. لا خل ابقى بهذا المكان عاجبني ..
ضاري مسكها وشد يدها وأخذها وصعد بها الدرج
ووقفها قدام الغرف بذل\انا قلت كلمة .. اختاري لك غرفة من هذول
رنيم بعناد\لا ياعزيزي .. الغرفـــة اللي تحت عــاجبتني ..
ضاري هزها\وتعــــاندين
رنيم بقوة باس\عندك مانع ؟
ضاري بخبث\لاتجني على نفسك !
رنيم بخوف\وشنو تقدر تسوي ؟
ضاري\وشنو اللي مااقدر اسويه !
رنيم\انسان مستحوذ وش تتوقع يجي منك !
عادي أي شيء ..
ضاري وهو ينزل\انا نازل تحت روحي الغرفة اللي باليمين ..
اصلا المفروض ماشاورك ع الغرف لان انتي ماتستاهلي ..
غرفـــتك ذي فيها كل ملابسك ..
والله يارنيم ثم والله لو تمر 15 دقيقة وانتي مو تحت
اقسم بالله مايحصل طيــب
رنيم ناظرتها باستحقار ويومه ينزل من الدرج قالت بتحلطم\انققققلع .. هذا
اللي ناقص بعــد .. حمـــااار
ضاري بصرخة لانه سمع كلامها\إيششششش ؟؟
رنيم بخوف\.... ولآ شيء ..
بسرعة ركضت للغرفة اللي قال لها عنها ..
وفتــحت الدولاب ..
شافت الملابس اغلبها عارية وقالت\حسبي الله عليك
ياضويري النسر .. تبي تفسخخني .. بس هين ياضاري
هين .. تطول الشمس تلمسني يادبير المغانيث ومجليها
على وجه النكب ياحقيــــر

أخذت لها فستان باللون البني وفوقه بالطو صوفي لونه سكري ..
تقريبا طول الفستان لـ تحت الركبة ..
ونسقت معه شوز بوت لونه بني غامق ..

دخلت وتسبحت ..
طلعت من الحمـام .. مـاحطت لها مكياج
وكيف تحط لها مكياج قدآم انسان مايســـحقه !!!

رفعت شعرها ذيل حصآن .. وحطت بشعرها طوق من الورد الأبيض الصغير ..


بهدوء .. نزلت من على الدرج تكتم العــواصف اللي داخلها
جلست ع الكــنب تناظره ..
كـــان لابس بدله رسميه بس الجاكيت الرسمي مو عليه
فقط القميص والكآرفيتآ .. ومندمج مع الملفات واللآبتوب ..
رنيم بطفش\خير سيــد ضاري ؟
ضاري طنشها ولا رد عليها ..
رنيم بقلة صبر\أقسم برب العزه ان ماتكلمت بأمشي لغرفتي ..
وطس بأوامرك كل ابوها ..
ضاري رمـى القلم على الطاولة
وقال بتسلية\شكلك مابــعد تعرفـين ضآري ولد رآشد منو بالضبط يكون
رنيم بغباء تستعبط\ضاري ولد راشد هو نفسه ضاري ولد راشـد
ضاري بسخرية\ههه تضحكين ..
رنيم\ماقلت شيء جديد .. وغيره ياسيد ضاري ؟
ضاري\حــاتم اخوك
رنيم بخوف\شفيه ؟
ضـاري\تزوج
رنيم وقفت\تزوججج ؟؟؟؟؟
ضاري بتسلية\أيوآ تزوج .. وتوقعــي من صاحبة الحظ الطيب والنصيـب
رنيم بدهشة\ميـــن ؟؟
ضاري كتف يدينه وطالعها وهو رافع حاجبه الأيسر\أختي العنـــود
رنـيم عرفت ان حاتم تزوج لمصلحتها
حسـت ان أهلها باقي وراها ومستحيل يخلوها عند " رجل الهزائم " !!
رنيم بسخرية أغضبت ضاري\هههه حلو .. باقي ياضـاري الكثير
لآتتوقع أن أخوانـــي يوقفون على نقطة الزواج .. " وبتحدي"
الـــزواج يليه الطلآق
ضاري بغضب راح لها وتقدم لها
كانت تــرجع لـورا وهو يتقدم أكــثر
ضاري بعصبية\حلو أن أخوك يتزوج أختــي كـ مساومة عليها بسببك !
رنيم تكابر خوفها\أكـــيد .. كلن له من الطــيب نصيــب .. وربك ماهو
بـظلام للعبيد ..
ضاري مسك يدها بقوة وشدها\الله مو ظلآم لـ العبـــيد يا مهايطية هاااا ؟؟
اذا ليه اخوك ياخذ اختـــي
رنيم لاشعوري ضحكت\هههه تحتج ليه ياخذ اختك وانت عندك اخته ؟؟
ضاري شد على يدها اكثر ولواها لورا وقال\أخوك أخذ أخـتي حتى يحرق قلبــي
أنا أخذتـــك لمصلحتي ..
رنيم تألمت وقالت\أتررررك يدي .. آآآآهـ ..
ضاري يشد أكثر وأكثر
رنيم نزلت دموعها وصرخت\أنت ماااااااتــــفهم .. أتــــرك يدي .. آآآآآآهـ

فجأة !!
فــــجأة !!
ضاري ترك يد رنيم ومسك راسه
هوآجـــس وصور متقــطعة ..
أصوات تقرع في رأسه !!
وأكــثر ما يميزه ؟
صوت أبـــيه وهو يهمس له
" كحلهــا ياضــاري لا تعميـــها " !!!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في مجلس المنزل
المصمم بكل فخامة عربية خليجية ..
تعــكس حضــارة البدو والعرب ..
رائحة دهن العود والبخــور
والعشـاء الفاخـــر

كــان عز مع سلطــان واقفين جنب ابوهم
ثم جلســوا مع عيال عمومتهم
ياسين يهمس لعز\والله ان حاتم بيض الوجه
عز بنفس الهمس\وانا اشهد .. والله ان يوم شفت ابوي
قلت وقسم بيطيح واقع على حيله يوم نرجع ..
بس حاتم بيضها وزود زوده كحلها بمسك ..
ياسين\اي والله
تركي\ووينه هو ؟
عز\راح يجيب زوجــته
تركي\يلا الله يوفقــه وماتوقع ان البنت يصير منها مثل مايصير من اخوها
عز\ايــه على الله نشكي الحال ..

جلس سلطان وتكلم بهمس حتى مايسمعه الشياب\والله ان حاتم فاله أبيض
كارش له كرشة وبيتزوج ..
ياسين يضحك\ههههه يهب عليك ياولد العمومه .. ناوي تتزوج وانت بـ العمر ذا ؟
سلطان كشر\والله ان ودي بس الكل واقفن ضدي
تركي\هههه زين مايسوون فيك .. وشو له تتزوج من هالحين ؟
سلطان مسوي فيها ذايب\يــاخي حيـاة زوجية مستقرة
وعيــال ودشــرة و....
عز يقاطعه\بس يرحم امك لآتحفل بنا .. مير والله ان سمعك الوالد
نجوم السمــاء اقرب لك
سلطان مسوي فيها منقهر\ياخـــي ليه أنت أكبر مني .. استغفر الله
ماهو باعتراض على قضاء الله وقدره قد ماهو شوق للحياة الزوجية
تركي\هههههه أبوك يالحيــاة الزوجية
ياسين\هههههه لا ياخوي فالك الزواج والبنون ان شـاء الله
بس كل شــيء بوقتــه حلو .. تصبر ياولد العم تصبر ..
ومالك الا الفرج
سلطان\هع .. الشكوة لغير ربي مذلة .. مالت


ضحكوا عليه .. لان مازال يعلق على الزواج
وعز وده يقوم ويكـفر فيه بس محترم الرجال ..




؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وصـل الوآدي
ودخل بين البنايات الى ان وصــل
إلى قصـــر أبناء رآشد الـ .....

رن الجرس وطلع له ضاري
حاتم\السلام عليكم
ضاري\وعليــكم
حاتم يناظر فيه\ويــنها ؟
ضاري\تفضل اخذها وشوفها ..
حاتم يناظر الساعة\لآ .. بـاخذها وبعدها اشوفها
ضاري بسخرية\ليه ماراح تاخذ راحتك يعني ؟
حاتم بسخرية اكبر\اكيـد دام في ناس منقصين علي العيشة
ضاري ضحك يتقصد فيه اغاضة حاتم
الذي كتم غيظه واستهدى بالله وركـب السيارة


ضاري نادى العـنود اللي تمسح دموعها وتنزل اكثر ..
وهمس بإذنها\الله يوفقك مير ان مابيه يكون لك بس بيت السعادة ان شاء الله
العنود ناظرته بنظرات حزينه .. مسك يدينها ووصلها لسيارة حاتم
اللي كان يطالع بالمراية ويطالع قدام ..

مع انغلاق الباب
انقبض قلبها .. وبكت بصمت
حاتم ماتكلم ولا هـي تكلمت ..
لكن ماغفــل حاتم عن صوت شهقاتها المتقطعة


وصل للبيت ونزلوا من السيارة
دخل البيت وهي تمشي وراه ..
سمعت صوته الممزوج ببحة رجالية رهيبة\غرفتنا فوق ..


غرفتنــــا !!
غرفتـــنا !!
عساك الموت يالليي تقولها ببساطة
والله لو تمــوت ماكنت معاك بغرفــة وحده
أنا أوريك ..

راحت معه في البداية
حاتم\باليمين دخلي
عاندته ودخلت باليسار ..
مافاتته هالحركة ..
عصــب صحيح بس ماهو مهتـم
لأن هو عــارف ان هالزواج مشروع غير ناجـح
والبـنت واضح عليها التـمرد مثل أخوهـا ..


دخل وفسخ شماغه وجزمته ..
وطلع له بيجــامه خفيفة ..وطلع للصالة
اما هي فتحت شنطة ملابسها
وأخذت لها بيجامه حريرية باللون العنابي المناسب لبياضها

طلعت للصالة وجلست ع الكنب ..
ماهتمت له ..
لكنها تدري ان هالانســـان اللي قدامــها
قمــــــة في الجمــــال الرجولــي الباذخ !!
الجـمال فيه حده وبروز ..
ملامح تميل للجديــة

وهو ايضا مــافاته جمال العنود الملكي
بما انه انسان مثقف كانت تذكرة
بالنساء الأغريقيات في وصـف ملامحهم


\خير تطالعني ؟
حاتم ابتسم ورفع حاجب\اطالع اللي اطالع محد له شور علي
العنود بتأفف\لآ ياعزيزي من اليوم ورآيـح لي شور عليك
حاتم بسخرية\لا يقوى باسك بس !
العنود بكره\باسي قاوي من قبل لاشوف خشتك ..
حاتم بتطنش\اها صدقت ..

احترق قلبها من اسلوبه البارد ..
اسلوبه جــدي وجــاف

رفعت غرتها بشكل حلو وقامت
وهي تقول\اتــمنى ان تحترم خصوصيتي لآن مابــي أنا معك بغرفة وحدة
حاتم\ بـراحتـــك

مــاهتمت له مثل مـاهو ايضا ماهو مهتم لها .. !!
دخلت الغرفة ونامت تندب الحظ العاثــر
ودموعها المنسابة على خدها مافاتت حاتم اللي دخل
وجلس بطرف السريــر يناظرها ..
حاتم بهمس\مالك ذنب بأخوك .. ماتستحقي اللي يصير فيك
وأعرف انك كــارهتني .. لكن ماسويت هالشيء الا لجل كرامة اختي
عسى ان تلقي عزتك معنا ..

كانت نائمــة في بــحر الأحلام العجــيبة ..
أما فهو راح للصــالة جلس ناظر تلفزيون بطفش
ثم نــــــــــــــــام !!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


بعــد ماخلصوا العشاء
الرجال كلن تيسر على بيته
حتى الشياب وابو حاتم راحوا يناموا

الا شباب العائلة جالسين ..



تقدمت وضربت الباب ..
وبيدها الشاي اللي طلبه سلطان اخوها ..


عز كان يسمع بجواله القرآن ..
وسلطان مو منتبه كان مشغول مع تركي ..

شاف الوضع كذآ وراح يشوف من اللي بالبـاب ..
ياسين فتح الباب\ميــ ....
سكت .. يوم شـاف بنت بـهيئة ملاك ..
شعرها قصير ومموج وبيضاء ..
وعيونها وسيعة ..
جسمها مرتب ..
وأكثر ماجذبه فيها
عيونــها ..




أمــا هي
فانصدمت وتلعثمت
تعرف ان هذا ياسيــن ولد عمها
لكن اول مرة تشوف بـ هالقرب
تعرف ان جماله جدا طاغي ..
وع قولتها صاحب الجمال الفرعوني ..

عطته الشاي وهي منزلة راسها وخدودها محمرة بعض الشيء
ياسين شافها وهي تمشي وقال\خذت القلبب ومشــت .. والله حالة !!


دخل بالشاي وجلس جنب الشباب
وباله سرحـــان مع البنت اللي قبل شوي
ياتـــرى هذي مين ؟؟
اذا البيت مو موجود فيه بنات عمامي
كلهم راحوا ..
ورنــيم مو موجودة !

ياترى هذي الجازي ؟؟
شـــهق لا إرادي

والشباب انظارهم تحولت عليه
سلطان قام له بسرعة\يارجــل علامك
ياسين قعد يكح ..
ثم تكلم\مابه شيء وانا اخــوك .. بس توهمت
والأوهاام من الشيـطان .. مابه شر
سلطان يطبطب على كتفه\انتبه لآبو لآبو بليس ..
ياسين\هههه .. ان شآء الله ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخـــل على أختـــه
شافها واقفـــة امام شــرفة كبــيرة وساندة راسها عليها < شرفة اللي هي نافذة او طاقة :$
تقدم لها وهو ناوي يكمل مشواره مع الجوهره
حضنها وقال\ســـــــديم
لفت عليه شافت فيه لهفة مو كأنه جاي من أمس
إياد ابتسم بحنية\مافي حضــن لأخوك اللي توه راجع من السفر
سديم انصدمت وقالت\بس .. بس امس انت جيت من السفر .. ولآ انا اتوهم
إياد تقدم لها وحضنها وهمس\يمكن أوهـــام ويمكـــن حقيـقة
سديم\كيـــف يعني ؟
إياد جلسها ع الكرسي\ماتذكرين شنو صار امس ؟
سديم\إلآ .. انت جيت لي امس وحضنتني وسولف معـك ..
والجوهره كانت معانا
إياد يبي يحيرها\طيب يمكن كل هذا كان مجرد وهـــم
سديم\معـــقول ؟
إياد كشف الحقيقة\لآ .. امس كنت معك
سديم باستغراب\وليه تستغل مرضي وتفكرني غبية ؟
إياد يفهمها\لآ .. انا احـاول معك حتى نتجاوز مرض الباروانيا ..
سديم بقهر\هذا استغلال للمرض مو علاج ..
اياد يهديها ويمسك يدينها\لو انه استغلال ليه تحيرتي ؟
ليه ماقلتي لي من البداية ان انتي شفتيني وانك متأكدة ..
سديم سكتت شوي\طيب وش الهدف منه
إياد ابتسم\صدقيني ياسديم ماسوي شيء الا وله بك علاج .. باذن الله هذا
الحل راح يخليك تتجاوزين مرحلة الأوهام .. وبعدها في خطة تتجاوزين مرحلة
الهلوســة المزمنة
سديم بحزن\الله يكون بــ العون
إياد باس راسها\لآتحزني ياختي ماللبسمة طعم وجفونك حزينة
سديم ابتسمت\وكذا زين
إياد ضحك\هههه أيوا ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

" حسبي الله عليك ياضويري يابو قرون يالمتخلف انا اوريك أوريــــك "

كانت جالسة بغرفتها ومنقهرة من موقف ضاري لها قبل ساعتــين ويدينها توجعهــا ..
سمعت الباب ينفتح وشافته ضاري
ضاري بأمر\رنيم قومي رتبي غرفتي
رنيم تخصرت\بالله احلف ياشيخ ؟ والخدم اللي عندك
ضاري بإصرار\الخدم ماينظفون عدل أبشوف تنظيفك
رنيم\تنظيفي اخس
ضاري\ولو كان ادهـى وامر .. أنا أبـــيك تنظفينها
رنيم\مـــابي
ضاري بقلة صبر\رنـــــيم قومي .. ترآها واصلة معاي
رنيم\م ا ب ق و م
ضاري بعصبية قرب منها ومسك يدها وطلعها برى الغرفة وهو يقول
\انا لما اقول لك شــيء تنصاعين له فاهممممممة
خافت منه .. وكـــيف ماتخاف وملامح وجهه استعبدها
الغلظ والقسوة ..

راحت للغرفة وهو دخل معاها ..

اما هو توجه للحمام يتحمم ..
بدت تنظف المكتبات والكومدينة ..
وهي تحلف ان آخر مرة تنظف له غرفته
وطول ماهي تنظف تسب في ضاري من القهر ..



طلع من الحمـام وشعره مبلل ومبعثر على وجهه .
ولآف المنشفة على خصره
ابتسم بخبث ووقف وهو يطالعها ..


لـــفت عليه وشـــــــهقت
حطت يدينها على وجهها
وكانت تتكلم كلام سب متواصل
كان ضاري يحاول يسكتها بس
كانت تتكلم تتكلم وماعطته فرصة
وآخر ماقالته\ياحمـــار ياقليل الأدب ي اللي ماتستحي
البسس يالوسخخ .. الله يلعنننننننننننك ..
ردة فعلها مضحك ..
ضاري لاشعوريا مايدري ليه جاته الضحكة ..
وضحك بنبرته الفحولية والرجولية الخاصة ..

ناظر وراها وبخبث اكبر استولى على وجهها
ضاري\رنيم نظفي الكومدينة هذي

من الاحراج بدون ماتطالع فيه لفت للكومدينة تنظف وشــافت
عدوها اللدود وصرخت\يووومــــــــــــــــــــــــــه

راحت بسرعة ونطت على سرير ضاري
اما ضاري ضحك عليها وهي مازالت تتحلطم وتسب وتلعن فيه ..

طلع من الغرفة وهي لحقته وصارت تسب فيه وهو ساكت لها
لــــــكن في غضون دقائق تبدل الخبث الضحوك في ضاري
الى الرجل الجليـــد مرة أخرى
وهو يرمي سم الافاعي اللادغ لقلب رنيم\ ....................................







قُربكم يَزيدُني جمالاً :)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 12-11-2012, 01:01 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


_




أتوقف إلى البــارت الثالث ..
والملتقى بإذن الله يوم الاربعاء ليلآ :)


توقعــــاتكم :)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 12-11-2012, 04:04 AM
صورة وردة الزيزفون الرمزية
وردة الزيزفون وردة الزيزفون غير متصل

✿ إدارة الإقسام ✿
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


صباح الورد ......بارتات رائعة جدا تسلم ايدك ياعسل .......فعلا احداث قلبت كل الموازين بس قلبو انتبهي للفظ اللعن ابتعدي عنه لانه يخرج من رحمة رب العالمين ....

ضويري ورنيم

صدق نذل ورخمة يخطف بنت ماتقرب له ويحبسها ببيته ويتنكشف عليه ولا حط بباله انو رب العباد قادر يسويها فيه بوحدة من خواته صدق مو رجال ولا شاف الرجولة ويخسي يكون شيخ وهو بعيد عن سلوم الرجاجيل ومستغربة انو مافي واحد من شيوخ القبايل دبها بوجهه بس عرف له حاتم وكسر غروره مالت عليه

الله يصبر رنيم عليه اتمنى من حاتم مثل مايتصرف ضويري مع رنيم يسوي مو قصدي الضرب لا يعني اذا ماسمح لها تزور اهلها او تكلمهم نفس الشي يمنع العنود والا رنيم بتضيع اذا ماسوو هالشي


حاتم والعنود

العنود تحمد ربها انها تزوجت واحد مثل حاتم رجال من ظهر رجال مو اخوها الي مايعرف الحلال من الحرام ابوه مات وراح لربه وبيومه مات مهما كانت طريقة موتته بيموت بنفس اليوم والوقت والي يسويه مبيريح ابوه بقبره

الحين هي متكبرة بس حاتم بيعرف يربيها ويكسر راسها الي رافعته على الاوادم .........وبيجي اليوم الي بتعشقة وتموت بهواه بس صبرها على حاتم ومو من حق تمنعه عن حقوقه لو طلبها والا الملائكة بتلعنها


ياسين والجازي

ماعجبتني حركة الجازي رايحة تودي القهوة لمجلس تدري انه للرجال المفروض تخلي وحدة من الخدم او تتصل لواحد من اخوانها عيب عليها ماحبيت هالموقف ابد لانو ان دل دل على عدم مبالاة الجازي بأنو اي رجال ممكن يشوفها لو كانت متحجبة ومتسترة اهون


في انتظارك وانتظار احداثك المفاجئة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 12-11-2012, 05:04 AM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


سلم قلبك ياكيان علي دا البارت
رنيم وضاري
من بدايت الرواية وانا ضاري دا ماهو عاجبني , لا وليه وجه كمان يرفض حاتم بزواجه من اختة .
شكلو نسي لمن قال العين بالعين والسن بالسن والباقي اظلم .
اولا المفروض شيوخ القبايل يلي اسمهم شيوخ يعترضو ويندوبو علي ضاري علي طريقة اخدة لرنيم لانو ماهي من شيم العرب انهم يتقوي علي الحريم او ياخدو حقهم من حريم لو هو رجال بالفعل كان اخد حقة من رجال زية من من حرمه يستقوي عليها .
العنود وحاتم
ماعتقد ينفع الطيبة او تداري خاطرها لاكان ضاري يهين في بنتكم .
لازم يشربو من نفس الكاس الي هما بيسوه حتي يعرفو بالحرق الي بيحرقو اهل رنيم .
لااساء الادب ضاري وقل ادبه اسير العنود تتعامل بي نفس المعاملة حتي يدوقو الي بيعملوة .
اياد وسديم
اتوقعت انها اتعافت بس يبدو انها في مراحل الاخيرة من العلاج.
الجازي وياسين
احداث زي كدا تحصل كتير حتي احيانن مع الحرص بس الاكيد انو راح يتقدملها ياسين خاصة انو اعجب فيها وتكون بنت عمه .
بانتظارك انشاء الله يوم الاربعاء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 12-11-2012, 05:28 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


اقتباس:
المشاركة الأساسية كتبها وردة الزيزفون مشاهدة المشاركة
صباح الورد ......بارتات رائعة جدا تسلم ايدك ياعسل .......فعلا احداث قلبت كل الموازين بس قلبو انتبهي للفظ اللعن ابتعدي عنه لانه يخرج من رحمة رب العالمين ....

ضويري ورنيم

صدق نذل ورخمة يخطف بنت ماتقرب له ويحبسها ببيته ويتنكشف عليه ولا حط بباله انو رب العباد قادر يسويها فيه بوحدة من خواته صدق مو رجال ولا شاف الرجولة ويخسي يكون شيخ وهو بعيد عن سلوم الرجاجيل ومستغربة انو مافي واحد من شيوخ القبايل دبها بوجهه بس عرف له حاتم وكسر غروره مالت عليه

الله يصبر رنيم عليه اتمنى من حاتم مثل مايتصرف ضويري مع رنيم يسوي مو قصدي الضرب لا يعني اذا ماسمح لها تزور اهلها او تكلمهم نفس الشي يمنع العنود والا رنيم بتضيع اذا ماسوو هالشي


حاتم والعنود

العنود تحمد ربها انها تزوجت واحد مثل حاتم رجال من ظهر رجال مو اخوها الي مايعرف الحلال من الحرام ابوه مات وراح لربه وبيومه مات مهما كانت طريقة موتته بيموت بنفس اليوم والوقت والي يسويه مبيريح ابوه بقبره

الحين هي متكبرة بس حاتم بيعرف يربيها ويكسر راسها الي رافعته على الاوادم .........وبيجي اليوم الي بتعشقة وتموت بهواه بس صبرها على حاتم ومو من حق تمنعه عن حقوقه لو طلبها والا الملائكة بتلعنها


ياسين والجازي

ماعجبتني حركة الجازي رايحة تودي القهوة لمجلس تدري انه للرجال المفروض تخلي وحدة من الخدم او تتصل لواحد من اخوانها عيب عليها ماحبيت هالموقف ابد لانو ان دل دل على عدم مبالاة الجازي بأنو اي رجال ممكن يشوفها لو كانت متحجبة ومتسترة اهون


في انتظارك وانتظار احداثك المفاجئة



أهلا زيـــزفونة
أرنتِي ياجميلة ..
وكنت ارواغ نفسي كيف هطل الورد ؟
واذا بك ها هنا :)

أمممْ شخصية ضاري ليست جيدة
فأنا قد قلت مسبقًا أن ضاري شخصية
معتوهة متعكرة المزاج ومع الايام
ستعلمون حٌـقا ماهو سر ضــاري !!


بالنــسبة لتصرف ياسيــن
لو أنك ركزت جيدا لوجدتني قد قلت " سلطان امر الجازي بعمل الشاي واحضاره "
لأن الوقت متأخر وليس من الأدب ازعاج الخدم من اجل المصالح !!
لم يكن بوسعها الا ان انها تنصــاع ..
لم تكن تعلم ان احــد من الرجــال غير اخوانها موجودين
لكن من بــاب حذرها انها طرقت البـاب
وقد فوجئت بإبن العمومـــة



أنرتِ فوجودك مهم بالنـسبة لي
وأعتبــره دافعْ هام حقًا ومنطلق لقلمي :)
والحمدلله اني قد تجاوزت مرحلة التمويه
وقد بدلت الأحداث بإٍسلوبي وهذا من فضلك :)



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 12-11-2012, 05:32 AM
صورة زَفرآت السنِين ! الرمزية
زَفرآت السنِين ! زَفرآت السنِين ! غير متصل
©؛°¨غرامي فعال ¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


اقتباس:
المشاركة الأساسية كتبها najoudh مشاهدة المشاركة
سلم قلبك ياكيان علي دا البارت
رنيم وضاري
من بدايت الرواية وانا ضاري دا ماهو عاجبني , لا وليه وجه كمان يرفض حاتم بزواجه من اختة .
شكلو نسي لمن قال العين بالعين والسن بالسن والباقي اظلم .
اولا المفروض شيوخ القبايل يلي اسمهم شيوخ يعترضو ويندوبو علي ضاري علي طريقة اخدة لرنيم لانو ماهي من شيم العرب انهم يتقوي علي الحريم او ياخدو حقهم من حريم لو هو رجال بالفعل كان اخد حقة من رجال زية من من حرمه يستقوي عليها .
العنود وحاتم
ماعتقد ينفع الطيبة او تداري خاطرها لاكان ضاري يهين في بنتكم .
لازم يشربو من نفس الكاس الي هما بيسوه حتي يعرفو بالحرق الي بيحرقو اهل رنيم .
لااساء الادب ضاري وقل ادبه اسير العنود تتعامل بي نفس المعاملة حتي يدوقو الي بيعملوة .
اياد وسديم
اتوقعت انها اتعافت بس يبدو انها في مراحل الاخيرة من العلاج.
الجازي وياسين
احداث زي كدا تحصل كتير حتي احيانن مع الحرص بس الاكيد انو راح يتقدملها ياسين خاصة انو اعجب فيها وتكون بنت عمه .
بانتظارك انشاء الله يوم الاربعاء



ضاري شخصية انحيازية ومتهكرة جدا
وليست ذات رجولة شاملة بل يعتقد ان بقسوته تلك
ينال فخـــامة الا انه ينال دناءة !!

العرب ليس لها شيئا سوى انها تعدل بين القبيلتين
وانسب حل هو التـزواج ، رغم ذلك هم غير متفقين ! :/

" اتفق العرب على ان لا يتفقوا " !!
هكذا العــرب وماكانت ردة فعلهم :)

بالنهاية الشيخ صالح عدل بين قبيلتين بالتزواج ..



أنــــرت وجودك يزيدني جمالاً
ومنطلق لبذخ قلمـــي :)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 12-11-2012, 04:19 PM
صورة رومنسية اولى الرمزية
رومنسية اولى رومنسية اولى غير متصل
©؛°¨غرامي جديد¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


روعة البارت تسلم يدينك الحلوة اللي تكتب
راح اصير من متابعاتك ان شاء الله
في انتظارك يالغلا لاتطولي علينا
في البارت الجاي وخليه طويل

روايتك مميزة ومختلفة عن اللي قرأتها
ابدعتي صراحة بس بأسألك متى البارت ؟؟؟
ولا تطولي علينا حدي متحمسة اعرف
ايش بيقول ضاري لرنيم
ونتى موعد البارتات ؟؟؟؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 12-11-2012, 04:19 PM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: روايتي الثانية : أنا رجل الهزائمِ ليلا أعلن انكساري أمامك


صباحكم ومسائكم جوري
رووووووووووووووووعه






روايتي الثانية : أنا رجل الهزائمِ ليلا أعلن انكساري أمامك

الوسوم
أمامكِ , ليلاً , أعلنُ , الثانية , الهزائمِ , انكساري , رجلٍ , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
روايتي الثانية : أسى الهجران / كاملة #أنفاس-قطر# روايات كامله - يتم نقل الرواية هنا بعد اكتمالها 5696 08-06-2020 02:45 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM

الساعة الآن +3: 11:04 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1