Miriam ~ ©؛°¨غرامي مشارك¨°؛©

محمد بجدية : ســارة . استغفري ربج وشُ قاعدة تقولين انتي ؟
سارة سكتت ومسحت دموعها : ابي اروح داخل .
محمد زفر بضيق : ناصر .. ودها داخل . كلمها خلها تهدى شوي.
وقف ناصر ووقف سارة وياه . لما دخلوا للغرفة .
سارة ظلت واقفة ولما طالعت ف ناصر دمعت عينها . تذكرته وهو يكلمها ويمزح وياها . بس ما تذكرت كل شي . تقربت منه وكانت بتحضنه لكن كلام ماريا اللي صداه ف بالها خلاها ترجع على ورا .
ناصر كان بيتكلم لكن سارة : أبي أنام . راسي يعورني.
مشت بتعب للسرير وحطت راسها على المخدة وناصر يطالعها وهو يحس ان سارة ما بترجع اللي كان يعرفها. زفر بحزن ومشى لها : ألحين أحسن ؟
سارة بهدوء : ايه.
ناصر : ادري صعب عليج ت..
سارة : ما تدري باللي ف قلبي . الصعب شلون بتحمل أشوفـك .
سكت ناصر ووقف : شتقصدين ؟
سارة غمضت عينها : أبي أنـام . راسي يعورني.
ظل واقف لبرهة ثم مشى لليت وصكه وكلامها للحين ف بالها . شتقصد هذي ؟

وبعد مرور ثلاث ساعات ونص تقريبـاً. قامت سارة وهي تحس بألم ف راسها عدلت قعدتها ومشت بتطلع . كان ناصر وأمل يتكلمون بالقرب من الغرفة.
أمل : ماريا اهي كانت سبب كل شي .
ناصر : ايه ادري.
أمل : ألحين اهي مصابة بشلل نصفي.
ناصر : شلل .. نصفي ؟
أمل : ايه .. من شهر يمكن صار لها حادث والحين اهي عميا ومشلولة.
ناصر سكت . أمل : تستاهل . خلها تعرف إن الله فوق." سكتت أمل لبرهة ثم كملت " رحت كلمـت ماريـا , سألتها عن كل شي . وقالت لي عن كل شي سوته ف سارة .
ناصر بنظرة : وشنو اللي سوته ان شاء الله ؟
أمل : مدري شلون اقول بس ماريا اهي...
شوي وتتقرب سارة منهم : انتوا قاعدين تتكلمون عن ماريا ؟
أمل وناصر لفوا لها. أمل : سارة ... وش اللي جايبج لهني ؟
سارة عصبت وبدت توضح عندها الصورة : كنتــوا تتكلمـون عن مــاريا ؟
أمل : انتي تعرفينها ؟
سارة صرخت : حسبــالج عميا ؟ حسبالج غبيــــة ؟
أمل سكتت وناصر مسك كتف سارة : سارة حب..
سارة قاطعته : ليش تزوجتني اذا اهي كانت تحبك ؟ وانت ادرى انها بتسوي بلاوي ؟
ناصر طالعها بنظرة باستنكار وهو مستغرب من كلامها. وحتى أمل نفس حالته.
سارة : ليش ؟
ناصر : سارة ... انتي بديتي ت..
سكت ناصر ما عرف شو يقول لها. أمل : اهي كانت تحبه ... مب هـــو . هــو بعيونـه شافهـا تخونـه . أي حـب هذا اللي فيه خيـانة ؟ وبعدين اهو تزوجج انتي لسـالفة . اذا انتي ما تتذكرين آنا وهـو نتذكـر.
سارة : ما تزوجني حباً فيني. ادري.
لفت بتمشي لكن ناصر مسك ييدها : وش فيج قلبتي جذي ؟ ومن قال اني ما تزوجتج حباً فيـج ؟
سارة لفت تطالعه : أجل اللي كان يصير قبل الحادث وش تفسيره ؟
بعدت عنهم وراحت لغرفتها . كانوا عيالها نايمين بالقرب من السرير. تأملتهم للحظة وابتسمت ودموعها بعيونها : غصبن عني يصير كل هذا .
شوي ويدخل ناصر اهي مسحت دموعها. ناصر : سارة .
وقفت ولفت له . ناصر : من قــال لج اني ما احبج ؟ وآنا اللي عشقتج من أول ما شفتج ؟
سارة تقربت منه وبهمس : بس .. ماريا خربت كل شي.
ناصر عقد حواجبه : قولي لي شاللي سوته ماريا . اهي شكـو بسالفتنا ؟
سارة : لها دخل ونص.
ناصر : قـولي. يله . اهي شكو بسالفتنا ؟
سارة بألم براسها حست انها بيغمى عليها . تمسكت بأكتافه وحطت راسها على صدره : راسي يعورني ... لا تذكرني بشي ما اريد اتذكره .
مسكها وقعدها على السرير. ناصر : آسف .
سارة : ابي اتذكرك انت ... ♡ مابي اتذكر شي ثاني.
مسك ييدها وهي طالعت ييده ثم طالعت ويهه . ابتسم لها : اللي كان يصير بينا كل يوم . عمره ما قلب مر. على كثر ما كنتي تعاندين إلا انه ولا مره صارت بينا مشاكل . وعلى كثر ما كنتي تقهريني إلا ولا مرة زعلت عليج أو زعلتي عليّ. وش اللي تبين اكثر ؟ ماريا كانت منقهرة من اللي بينـا . ما كانت تبيني . كانت بس تبي تبرد حرتها وتبرد قهرها وغيرتها. واذا عن الحمل آنا آسف ما كنت ادري ان ماريا بتسوي لج شي آنا ما ادري عنه.
سارة : أجل وش تفسير كلامها ؟
ناصر : وانتي تبين تقنعيني انج صدقتي كلام ماريا ؟ وش تبين فيها ؟ آنا مالي علاقة فيها . قبل ما اعرفـج ايه كان في شي بينـا . بس من عرفتج وآنا ناسيهـا .
سكتت سارة وهي مرتـاحة بداخلهـا .. تقرب ناصر منها إلا وواحد من اليهال يصيح . وقفت سارة بسرعة وظلت تطالعه بتوتر. شلته وظلت تهديه . سارة : ناصر تعال .
تقرب منها . سارة : شلّه عني ما اعرف شي عن اليهال.
شله عنها . سارة : بروح انادي امي وبرجع . ابيها بكلمة .
طلعت من الغرفة وراحت لعند امها : يمة ... تعالي شوي.
وقفت امها وراحت وياها ودخلن للغرفة . سارة : ما اعرف شلون اتعامل مع اليهال.
شوق اخذت الياهل : هذا وانتي امه ؟ المفروض ترضعينه .
سارة فتحت عيونها بخجل : ها ؟ بس آنا مابي.
شوق : وش اللي ما تبينه ؟ ياهل انتي ؟
ضحك ناصر بهدوء . سارة : ما يصير يرضع بالمرضعة ؟
شوق : رضعيه من صدرج علشان ما يمرض يوم يكبر.
سارة فتحت عيونها وبهمس : يممة بعدين تعالي.
شوق وهي تشوف الياهل ساكت : يالله ي عيارتج . انتي مرة متزوجة وش عليج من هذي المواضيع ؟
سارة : خلاص اذا برضعه مابي احد هني. برضعه وبطلع لكم .
شوق تطالع ناصر وهو فهمها. اخذت سارة الياهل وهم طلعوا. قعدت على الأرض براحة وظلت تلمس خدود البنوتة وبهمس : طلعتي شقرا وعيونج خضر على ناصر ؟ ما طلعتي عليّه ؟

وبعـــد العشــا . كانت سارة قاعدة مع أمل يطالعن التلفزيون .
أمل : وليش ما تبين تنامين عنده ؟
سارة : وش اللي يخليني انام عنده . مابي .
أمل : لا والله ! اعطيني سبب بالله.
سارة : للحين ما تعودت عليه.
أمل : وسنة كاملة وش وضعها ؟
سارة : آنا نسيت كل شي صار بيني وبينه .
امل : بس ناصر مشتاق لج حرام . من متى ما كلمج وقعد بقربج وحس بوجودج.
سارة سكتت . أمل عدلت قعدتها ولفت لسارة : اسمعي . روحي الحين وسوي اللي بقوله لج .
همست باذنها . وبعدت سارة وهي منصدمة : خييير ما سمعت ؟
أمل : لا والله ؟ اقنعيني ان ما صار شي بينكم مثل جذي من قبل.
سارة حطت يدينها على خدودها : وش اللي تحسين به انتي ؟
أمل سحبت سارة : اسمعي كلامي ولا تطولين السالفة .
همست باذنها وسارة فاتحة عيونها من الصدمة . أمل : فهمتي ؟
سارة : ايه يصير خير.
امل ضربت سارة : لـو ما صار اللي قلته لج يا ويلج . خلج سنعة .
سارة بنظرة : آنا انسانة نفسيتي تعبانة ومالي خلق ان..
امل : اسمعي الكلام احسن لج.

ولما صارت الساعة 9 . راحت سارة للغرفة لقت ناصر توه يلبس قميصه. مشت للخزانة بتاخذ بجـامة لها . شافت تحت بجاماتها العادية قمصان نوم ♡ اخذت نفس وكانت بتاخذ واحد منهم بس بتردد رجعت بتاخذ بجامة عادية. لفت لورا لقت ناصر على فونه . زفرت بضيق واخذت واحد بني واخذت معه روب. راحت للحمام وحطت كريم على جسمها ولبست قميص النوم . زفرت وهي تشوفه ساتر شوي . لبست الروب وفتحت شعرها , لمته على طرف وكان شكلها عفوي اكثر. شوي وحست بتعب خصوصاً من كثر وقفتها. طلعت من الحمام ومشت للسرير . لفت لناصر : من اللي سماهم جذي ؟ ديم و فارس ؟
ناصر : آنا.
سارة تنحت لبرهة وهي تشوف ناصر. ابتسم ولف لها : في شي ؟ ليش تطالعيني جذي ؟
الروب اللي لابستنه بيج وحرير. فلما قعدت شوي بين من عند كتفها . ابتسمت : بس جذي . ابي ا
اشوفـك . حرام ؟
حط فونه تحت المخده وقربها له . حضنها وهو يشم ريحتها : اشتقت لج حييل يالعنيده . صارت لي شهور كل يوم ازورج وما احس بوجودج . أمــــا اليـوم فانتي لي.
ابتسمت وقالت بهمس : أساساً آنا من زمان لك أنت .
بعد عنها وهي ابتسمت بخجل : لا تطالعني جذي.
ناصر : لابسة جذي وما تبيني اطالعج جذي ؟
سارة شبكت يدينها بخجل وهو فتح حبل الروب وتقرب منها . ناصر : سويرة ؟
سارة تطالع بعيونه مما خلاها تسرح : هاه ؟
ناصر : أحبج وأعشقـج ومدري شبسوي من دونج . ♡

Miriam ~ ©؛°¨غرامي مشارك¨°؛©

أيــوه بالضبـط هنـا تقريبـا نهـاية الروايـة . تقريييبـاً ♡
( وعـادي استمرت حيـاتنـا آنا ونـاصر كلهـا عسـل . وعن اليهـال آنا اشتريت كتـب عسى اني أفلح ف تربيتهـم وغصبـت نـاصر يقراهـا ويـاي . علشـان نكون Perfect parents ♡ . أمــا صديقـآتي الجميلآت فكمـا كنت اتمنـــى .. اخـوي خـالد تخطى اعجـابه بأمل وخطب شمـا . ومن بعــد الخطـوبـة وبينهم قصص حــب واتصـالات . وذيــاب حبيبـي خطب شجّــونـه بعـد ما شـافهـا ف خطوبـة خالد وشمــا بشهريـن . ومـــاي فــاذر وعمــي قرروا يجمعـون عرسهــم مع بعــض بعـــد سبــع شهـور . أمــــل صــارت مب بـس تحـب اخوي مـاجد , إلا بينهـــم أحلى قصــة حب . وكمـــا كنت أتخيـــل ملاك صـــار لهـا كذا موقــف مع عبد العزيز ♡ ايـــوه ووقعـــوا في الحب بعد كــذا مشكلـة صــارت بينهـــم بسبب سخـــافة عبد العـزيز الجميل ♡ وعصبيـة ملاك . بــس عــآدي يرجعـون لبعـض مرة ثــآنية ولا كأن شــي صـــار. وروزتـي الجميلـة ♡ وفـارس , صــرت أعشقهـم وأدمنت أصوآتهم وازعـآجهم . خصوصــاً لما يطلع نــآصر لشغلـه . وبحـــكم شغل نـــآصر انتقلنـــا لوآشنطــن السيـــاسيــة آنا والحلويــن الأثنين . وأمـــي تعــافــت من مرضهــا اللي كــان دايمــاً متعبهــا وسـوت عمليـة بألمــانيـا ونجحت الحمد لله . وصرنــآ آنا ونـآصر نروح للأمــارات بالإجازات الرسمية بأمريكـا مثل الكرسمس وراس السنة واجازات الصيـف .
ومــرت الشهـور وحضرنــا عرس خـالد وشمـآ ♡ وذيــآب وشجــون ♡ . وقعدنا اسبــوع عند أهلنـــآ ثــم رجعنـــآ لأمريكــآ . وآنا الحمد لله خلصـــت الثـآنوية ومن الكسل اللي فيني فضلــت ابقى ف البيــت وما أدخل الجـآمعـة . وش أبـــي بصدعــة الرآس والتعـــب . اقضّــي وقتي لِ روز وفـآرس ونآصــر أحسن .
والتــوأم صــآر عمرهـم سنـة ونـص ♡ )

سارة بالمطبخ والتوأم يلعبـون وازعاجهم وضحكهم مالي المكان . شوي وينفتح باب الشقة . سارة تطالع اليهــال وهم مستانسين لما شافـوا ابوهـم .
فارس بصوته الطفولي : دادي.
ضحكت سارة وظلت تشوفهم وهم عند ناصر. تقرب ناصر من سارة وبهمس : وش فيها حبيبتي سرحانة ؟
سارة ضحكت وبسخرية : كل ما اسرح تيي صوبي وتقول جذي ؟ مافي شي بس عندي شي حلو بقولـه.
ناصر : شنو ها الشي الحلو ؟
سارة : اقوله لك بعدين .
ناصر بفضول : لا تعالي قولي.
سارة مشت عنه : قلت لك بعدين .

وبعد الغدا اليهــال نــاموا . سارة قاعدة على الغنفة ويمها ناصر . سارة بهدوء : آنا ... حامل .
لف لها : حامل ؟
سارة ابتسمت : ايــوه . وهذي المرة بارادتي .
ابتسم ومسك ييدها . كملت سارة : واظن آخر وحدة اييبها مابي غيرهـا . يكفي اربعة ف حياتي ومابي غيرهم.
حط ييده على خصرها وهمس باذنها : ان شاء الله تكون بنوتة وتطلع حلوه مثلج انتي بالضبط .
سارة لفت له وبابتسامـة : وبسميهــا أمـل .
ناصر رفـع حاجب : وشمعنى امل ؟
سارة : لا تغـار . أمل حلـوه واسمها أحلـى .
ناصر : اللي يريحـج . اهـم شي انتـي عنـدي .
سارة بنظرة وبهمس : هه , زوجي الطّماع اللي ما يشبع .
ضحك بهدوء : نعععم نعم ؟
ضحكت اكثر ووقفت بتروح لكنها مسكهـآ ..
سارة : خلاص آسفة . شسوي والله احبك ولا ما قلت جذي.

( وعـــادي مرت الأيــام أحلى عن جذي. صح أحياناً تكون ف علاقتنـا برود ومن الممكن نختلف ونعانــد بس نرجــع ل بعض . ورغــم عيوب علاقتنــا إلا إن كـــل واحد فينــا متحمل عيوب الثـــاني . عسى علاقتنـــا تنجــح وتبقــى جذي دوم . ورغــم الخلافات البسيطة اللي تصير كــل يـوم إلا إنهــا ما تغطي على الحــب الكبيــر اللي بنى العلاقــة هذي ♡ *)
تمــــت ...

Miriam ~ ©؛°¨غرامي مشارك¨°؛©

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡





تعليقـــآتتيعلى أشياء كثيرة بالروآيــة والشخصيـآت *
أولاً يمكـن العنوآن ما ينآسب الرواية وآيد إلا أنه وصف مــآضي بسيط للروآيةوخصوصاً ف البدآيــة .
حبيت ادمـــج شخصيـآت واقعية كثيرة ف ( شخصيـة سـارة ) وهــن خمس من صديقـآتيالجميلآت
.

# العنيدة العفوية الطفولية

# الهادية الباردة الرومنسية

# المتكبرة قليلاً والواثقة

# الطيوبة الشفافة البريئة

# المزوحة الفرفوشـة المزعجـة

هذي هي ( شخصيـة سارة ) لكن بمزيج خمس من حبيبــآت قلبي
. أمـا وصفهـافهـو وصف متوآضع لبنت جميلـة . مَ حبيت أبآلغ بوصفهـا إلا أنها جميلة وهذا يكفي .وكل بنـت جميلة
و ( شخصيـة نآصر )
حقيقةً الشخصية مهي حقيقية إلا اني تخيلتالشخصية بمخـي واصحآب الخيآل الوآسع بِيتخيلـونه أكثر مني . وصآرت لي صدفـة بسيطـة شفـت وآحد اجنبـي يشتغل بأحـد المحلآتفيـه شبه من هذي الشخصيـة خآرجيـاً
وعآد خقيتعليه يومين وعقب نسيته هههـه ..
أدري بالروآية في أشيــآء سخيفة مـآ كآن له دآعي احطهـا بس وش اسوي بعشقي ؟والصديقآت الجميلات ما قصرن بتعليقـآتهـن وكذا

وأدري في اشياء غلطت فيهن وشوي تسرعت بوضعها . إلا اني أقسم لكـم إني استمتعـتوآنا أكتــب الروآية هذي . وأحـط موآقف تافهة سخيفة طلعت من مخـي وكبرت المواقفهذي وصارت روآية طويلة مثل هذي .
وشغفي وحبي وعشقي كلـة اشياء سينمائية . روايات وأفلام ومسلسلات. فادعولـي بمستقبلجميل وسط الأشياء الجميلة هذي

وكَ شكر خآص وbig shout out لِ صديقآتي الغبيآتالجميلآت اللي ظلّوا ويآي بهذا الشي وعطوني كذا شي علشآن أكمل
و
another big shou out ل الجميلة اختـي وبنت عميالجميلة
بدونكـم ترآ الرواية على ورق ..
و
special big thanks
ل كل بنوتـة جميلة تأثرتبروايتي هذي وعجبتها وتـآبعتهـآ وهذي آنا أقول لـج :

live your moment, enjoy yourself and be yourselfcause YOU ARE BAEUTIFUL

وأتممنى منبعد الكلام هذا كله . كل وحده تكمــل شغفهـآ وتسوي اللي تحبـه وثـآنكيوثآنكيـو ثآنكيـو حبيبآتــي


Hot kisses
Miriam

XXO

One Directioner ' ©؛°¨غرامي مشارك¨°؛©

واخيرا خلصيتها
وربي جنان
خصوصا النهاية
وحزنت لما دخلت سارة بغيبوبة
عشت مع الرواية جو جمييل
ثاننكس على مجهودج

غيداء الريم ©؛°¨غرامي فعال ¨°؛©

تسلمين على القصه الرااااااااااااااااااائعه..

الصراحه قصه مشوقه وما تركتها لين خلصت كل البارتات...

نترياج في قصه جميله مثل هذي واحلا..

لاطولين علينا(^_*)

صاحبة الحظ السعيد ღ عَأًشٌقُة أٌوُسِوُيُ ღ

الرواية جرييييييييييييئة جدا , حتى 18+ ما ينفع , تراك محاسبة على كل شخص قرا روايتك , الواحد يسوي اشياء تفيده مو تضره , والسؤال اللي من جد في بالي , كيف و لا وحدة من المتابعات قالت شي عن الجراءة و الاهم وين المشرفات عنك

لمسآت ~ ©؛°¨غرامي فعال ¨°؛©

استغفر الله .. واتوب إليه ..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1