غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 17-11-2012, 11:15 AM
Miriam ~ Miriam ~ غير متصل
©؛°¨غرامي مشارك¨°؛©
 
الافتراضي علموني الكبرياء ونسوا يتعلمون الوفا /كامله


السلام عليكم ورحمة االه وبركاته ..
قررت اكتب رواية اخرى من بعد ما وقفت كتابة روايتي القديمة ..


هذي المرة راح احاول واحاول ..
واتمنى تنال اعجابكم وتكسب متابعتكم ❤



*كل شي كتب في هذي الرواية كتب بواسطة قلمي ❤❤
/
/

نبدأ :



حين نكتشف حقارة من نُحب يثور بداخلنا بركان من الغضب والانتقام لكن سرعاناً مايخمده حنين الحب ‬
حين تصدمنا الحقيقة المرة ، نحاول ان نرسم الغضب ولكن سرعان ما نشتاق لحلاوة الكذب 
حين يلبس من هم حولنا اقنعة مزيفة ويتظاهرون بالكمال ، ينفجر القلب قهرا وندما ، ولكن سرعان ما تجذبنا المظاهر فننسى !

ولكن هناك قلبا لا ينسى ، قلبا لن يسامح ، وقلبا لن يغفر عن اخطاء الماضي ...
تلك هي حقيقة قلب مراهقة مجروحة .. 💔

علموني الكبرياء ونسوا يتعلمون الوفا .. ً💔
رواية اجتماعية / دراما / رومنسية .. 
اخترت احداث من واقع بعض الشخصيات .. 
حيث معظم هذي الشخصيات حقيقية ، لم اغير الا الاسماء .. 


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 17-11-2012, 11:17 AM
Miriam ~ Miriam ~ غير متصل
©؛°¨غرامي مشارك¨°؛©
 
الافتراضي رد: علموني الكبرياء ونسوا يتعلمون الوفا


الجزء الاول .. ❤
صباح هادئ وجو دافئ ، ابدا سردي لهذه الرواية عند غرفتها . غرفة هادئة متناسقة ذات الوان باردة . اخضر تفاحي ووردي فاتح وتداخل الديكور باللون الابيض . جثة نائمة على السرير منبهها يشير الى الساعة السادسة  وتسع وعشرين . مرت ثواني قليلة ورن المنبه مشيرا الى السادسة والنصف . طلعت يدها من فراشها واوقفت رنين المنبه . رمت الفراش وتضايقت لما عرفت انه الاحد .. قامت من سريرها بملل .. 
خلصت امورها بسرعة ، الاستحمام ، الملابس ، تسريح الشعر والكتب .. لما وصلت لباب غرفتها بدا تمثيلها للبرود ومشت وهي تظهر ملامح اللااهتمام . وصلت لغرفة الاكل وبهدوء : السلام عليكم .
محد رد عليها الا امها : وعليكم السلام ، قعدي حبيبتي .
جلست على كرسيها وبدت تاكل من الفطور .. وصل لها صوت اخوها ( ماجد )  : ايه انتي ..
ما ردت عليه .. رد يناديها : ما تسمعيين ؟ ... ما ردت عليه  رجع يناديها : سوييييرة ؟
رفعت راسها له بنظرة غير مهتمة : نعم ؟
كمل كلامه بقهر : من سنين صاير لي اناديج ، صمخا ما تسمعين ؟
سارة وتشرب عصير : لا توي بس سمعت اسمي .. شاللي كنت تبيه ؟
من سمع نبره صوتها عصب : ولا شي سلاااامتج..
وقفت : الله يسلمك ..
اخذت كتبها ومشت لبرا الفلة وقفت ترتب شعرها ىوتحط الغطا على شعرها وراحت للسيارة .. سارة بنت متربية ف عايلة متدينة ومتفاهمة .. والدها يشتغل ف الجيش برتبة عقيد وامها تشتغل محاسبة ف البلدية .. لها اربع اخوان واخت وحدة .. اخوها الكبير ( سليمان ) متزوج ويشتغل ف الجيش برتبة ضابط .. واخوها الثاني ( خالد ) يدرس ب الجامعة ثالث سنة تخصص هندسة بتروكيماوية .. اخوها الثالث ( احمد ) مسافر امريكا دراسة مع ولد عمه .. اما اخوها الرابع ( ماجد ) فهو اكبر منها ب سنة  ويدرس بالثانوية الامريكية وهو باخر سنة بالثانوي .. اختها الكبيرة ( نوف ) تدرس بالجامعة هندسة نووية .. سارة لها خلفية مؤلمة خصوصا بالسنتين اللي مروا عليها .. سارة لوحدها قصة طويلة غير عن بقية الاسرة .. 

بلحظة خروج سارة 
الوالدة ( شوق ) ساكتة تنتظر خروج ولدها حتى تفضى وتكلم زوجها بموضوع مهم .. وقف واخذ تلفون : يله امي تآمريني ب شي ؟ 
ردت عليه : سلامتك فديتك .. دقايق ويطلع من بوابة الفلة والتفتت لزوجها : ي محمد شوف لنا حل ، البنت مب عاجبتني .. ما تلاحظ تصرفاتها ؟
جاوبها وهو يقلب الجريدة : البنت عاقلة وكبيرة وما ينخاف عليها ..
قالت بهمس : يخوفي صاير لها شي ونحن ما ندري بها ..
قال لها يطمنها : هذي بنتج الثانية ي شوق . والحين عمرها 18 صدقيني سارة بنت غير عن البنات وما ينخاف عليها ..
قالت له بتوتر : انت ما تعرف المراهقة شتسوي ؟ سارة متغيرة بشكل فضيع ..
ابتسم وقال : بس ما تغيرت علي ابدا ، انتي قاعدة تخوفين نفسج .. 
زفرت الوالدة بتفكير وقامت للخدامة اخذت عباتها وقاتل قبل ما تطلع : ان شاء الله اليوم ارجع بدري ..
الوالد : انا اليوم برجع المغرب ، لاتحسبون لي حساب ع الغدا ..
الوالده تحجبت : ان شاء الله ..

بالسيارة عند سارة ، كانت تكتب ف موبايلها وهي ملانه .. حطته على الكرسي اللي ورا الا ويرن الموبايل ورجعت اخذته وردت بملل : صباح النور .. 
صديقتها ( جميلة ) : سارة انتي وين ؟
ردت : ب طريقي للمدرسة ..
جميلة بسؤال : درستي لامتحان الكمستري (كيميا) ؟
جاوبتها ببرود : شاللي يخليني ادرس ؟ خلي المس تعفن ماني بدارسة لمادتها السخيفة ..
جميلة : اففف انا ليش سالتج ، المهم ترا انا اليوم ما بداوم .. قولي للمس ان صار لي حادث ب البيت ..
سارة تبعد الفون : حركاتج مالها داعي جميلوه ، تعالي المدرسة احسن لج اوكي ؟ 
صكت سارة الفون وحطته على الكرسي اللي ورا ولما وقفت السايقة السيارة تحجبت سارة ونزلت للمدرسة .. مدرستهم قسمين قسم للشباب وقسم للبنات اول ما يدخلون البوابة الكبيرة في مدخل للاولاد ومدخل للبنات .. وصلت سارة لمدخل البنات ودخلت ولما وصلت لقسم الثانوي شافت الاستاذة تنتظرها .. سارة زفرت بملل وحاولت تسوي نفسها ما شافت الاستاذة .. الاستاذة انتبهت على دخول سارة للقسم مشت لها بسرعة ومسكت ييدها : سارة ؟
سارة بعدت ييدها بقو : قررف يقرفج ، شتبين ؟
الاستاذة اسماء : سارة ي بنتي امس اتصلت ف اخوج اقول له عن علاماتج .. سارة انا اعرف انج انتي مب بهذا المستوى ..
سارة وقفت تناظر الاستاذة بنظرة : والمطلووب ؟ استاذة انا قلت لج انتي ما يخصج بحياتي .. بدرس متى ما ابي وبطنش متى ما ابي . 
الاستاذة : بس ي سارة بتندمين .. انتي بنت ما بيفيدج الا مستقبلج ..
لفت سارة لها وبنظرة : يهمج مستقبلي ؟ 
الاستاذة بترجي : اييه اكيد ..
سارة بابتسامة سخرية : اجل خليج بعيدة عني .. ولا تحرجيني كل يوم لازقة فيني وتترجيني ادرس مادتج .. انا حرة .
ومشت سارة لقاعة التجمع .. 


بسيارتها تفكر وتحاتي بنتها اهي شو لازم تسوي ؟ بنتها مب عاجبتنها تغيرت عليها صارت لوحة بدون ملامح ، ما تتكلم مثل قبل ما تضحك ولا تبتسم مثل قبل .. قالت ف نفسها : انا ما اشوف فيج ي سارة الا نظرات كره وانتقام ، بس ليش ؟ شاللي صار لج أنا ما اعرفه ؟ انا امج ولازم اكون اقرب الناس لج .. بس ليش ما تجاوبيني لما افتح هذي السوالف ؟ 
وقفت عند مبنى شغلها وكانت الساعة تشير للثامنة .. سكتت تفكر ولما نزلت متجهه لشغلها حست بضوء ممكن يوجهها لشخصية سارة واسرارها .. 


بمكتب الوالد ، كان مشغول بامور شغل الطواري وشغل صيانه الرادارات وهذي الامور ، رن جواله ووقف شغله اخذ الجوال ورد : الو السلام عليكم ..
جاه صوت : وعليكم السلااااام اخوي ..
ابتسم محمد : يا هلا بهذا الصوووت بشر وين وصلتوا ؟
جاوبه : الحين ب دبي ، ساعة ونص ونكون ب بوظبي .. 
قال محمد : بس والله اني ما اقدر استقبلكم اليوم الشغل زحمممة وما برجع الا المغرب .. 
رد عليه : لا عادي ، انته اخوي ماله داعي ها الكلام .. يوم بترجع ان شاء الله بنتعشى وياك ..
ابتسم برضا : بتنورون بيتنا .. خلص ناصر دراسته ولا ؟ 
جاوبه اخوه : بقى له كورس ويخلص .. ويقول انه بيبدا  الكورس الشهر الياي ..
محمد : زيين زيين .. وامل ؟
قال بحزن : الدراسة صارت صعبة عليها وقالت بتبقى مع امها هناك .. 
محمد : ما عليه ماعليه المهم انكم ييتو صوبنا .. اسمحلي الحين وراي شغل وابا اخلصه .. نشوفكم المسا ..
رد عليه : ان شاء الله .. 

محمد انسان مخلص وله شخصية الكل يعرفها صارم وجدي .. درس ف امريكا مع الجيش ورجع للامارات يشتغل مع القوات الجوية .. اخوه درس واشتغل ف امريكا وعياله كلهم هناك .. اخوه اصغر منه ب ثلاث سنين واسمه عبدالله .. 

بصف الرياضيات .. 
الاستاذة تشرح درسها والبنات يكتبون الملاحظات ، سارة كانت بعالم ثاني كانت تفكر بعممممق كانت تتذكر شي غيرها خلاها انسانه ثانية ، تتذكر اعز الناس شاللي سووه فيها ، تتذكر ناس ثانية كانت تعشقهم زرعوا الشك وخلوها ما تثق فاي انسان .. التفتت للاستاذة اللي قطعت تفكيرها ..
سارة ممكن تفهميني هذي النقطة رجاء ؟
ردت سارة : انتي المعلمة وهذا شغلج ..
البنات يكرهون سارة والسبب انها ما تهتم وما تحب احد يكلمها .. الاستاذة : لو سمحتي سارة انا سالتج علشان اعرف اذا كنتي منتبهه وياي ولا لا .. 
سارة اخذت نفس تحاول تريح اعصابها .. كانت على وشك تقول شي الا صوت وحده تكرهها ( مشاعل ) : مس ما عليك منها كملي .. والله نحن اللي نبي نفهم مب هذي اللوح .. 
سارة طالعتها بنظرة وقالت : ماني رادة عليج لانج منتي قدي ..
بنت من المقاعد الخلفية ضحكت .. سارة بهمس : بدت السخافة .. 
الاستاذة : المهم نرجع للدرس ، هذا درس مهم والاسبوع الجاي راح اضمه للامتحان .. فانتبهوا ..
قاطعتها مشاعل : استاذه صلحتي الامتحان اللي اخذناه يوم الخميس ؟ 
الاستاذة : خليه لبعدين ، بشرح هذا الدرس اولا لانه مهم ثانيا لانه بيدخل بامتحان التقويم وثالثا لانه يخص الهندسة بشكل كبيير .. 
سارة كانت تكتب على دفترها وما تعطي اي اهتمام للاستاذة اللي قاعدة تشرح ، كتبت على زاوية الدفتر ( كبرياء ) بخط مزخرف ورسمت على الزاوية الثانية بنت واقفة وملامحها مقهورة .. تقربت الاستاذة وسحبت الدفتر بقوه من سارة : سارة ايش مشكلتك ؟ نحنا ندرس ونسال وانتي ترسممممي ؟ 
رن الجرس والبنات قاموا واخذوا اغراضهم وطلعوا .. الاستاذة : تحركي معي للاخصائية ..
سارة ما قالت ولا كلمة ومشت مع الاستاذة للادارة ، دخلوا مكتب الاخصائية ولقوا الاستاذة اسما تدور بالملفات والاخصائية قاعدة ع الكرسي ..
الاخصائية بملل : كالعادة ! سارة .. 
سارة قعدت ع الكرسي منقهرة ، والاستاذة اسما مشت بتروح لكن صوت الاخصائية وقفها : ابقي هني استاذة اسما .. السالفة تعدت شغب وعدم اهتمام .. 
الاستاذة اسما قعدت ع الكرسي المقابل لسارة والاستاذة منى قعدت عل الكرسي الثاني .. 
الاخصائية : لي متى ي سارة ؟ 
سارة تلعب باظافرها : راح تتعبون ..
صرخت الاخصائية : لا تردين علي لو سمحتي .. 
سارة نظرها كله للاخصائية وببرود : انتي سالتي انا اجاوب ، هذي هي العلاقة ..
الاخصائية : هذي وقااحة مهي علاقة ، سارة انتي بمدرسة وانتي طالبة المفروض تحطين حدود احترام وحدود وقااححة .. 
سارة بعدم اهتمام : كثري منها استاذة .. 
الاخصائية وقفت : ما عندي حل الا اني اعطيج مهلة وحدة بس ، وبعدها بتنفصلين من المدرسة كلها واقعدي ف بيتكم تعلمي الوقاحة من الاحترام .. 
الاستاذة اسماء : لا لو سمحتي لا ، خليها بالمدرسة .. اذا انفصلت ما راح تستفيد..
الاخصائية بسخرية : متاكدة انتي قاعدة تتكلمين عن سارة ؟ .. التفتت الاخصائية لسارة ..
الاستاذة اسماء: حبيبتي سارة نحن نعدج ك بنت لنا ، نحن مثل امج .. انا سألت المعلمات اللي كانوا يدرسون بالمتوسط قالوا لي انج متميزة وذكية .. 
قاطعتها سارة ببرود : شعرفج بالمدرسة اللي كنت فيها ؟ 
الاستاذة اسماء : كنت ادور بملفاتج ورحت سالتهم .. سارة شاللي غيرج ؟ تقدرين تقولين لي .. 
سارة ما ردت ، الاستاذة امل توريهم الدفتر : بالحصص ترسم وتكتب الكلمة دي .. عجزت معها ي جماعة .. 
الاستاذة اسما اخذت الدفتر تلف اوراقه كانت الرمسات تتشابه .. الاستاذة اسماء : خلاص مس خولة خلي سارة تطلع وانا افهمج السالفة .. 
الاخصائية بهدوء : سارة لو سمحت ي؟ 
سارة وقفت وطالعت ف الاستاذة اسماء بنظرة حيرة وبعدها طلعت .. 

بحصة الكيميا كانوا يمتحنون ، الاستاذة عصبت : وينها جمييلة ؟
سارة : جميلة تقول لج انها بتغيب اليوم لانه ما درست ولان امتحاناتج صعبة ولان مادتج تافهة ولانج تستعجلين بامتحاناتج .. 
الاستاذة ضربت ع الطاولة : انا سالتج علشان تردين ؟ وقاحتج مابيها عندي ف الكلاس ..
سارة : شكرا ابلة ، عجبتيني .. 
الاستاذة : سارة لو سمحتي حلي امتحانج وانتي ساكتة 
سارة وهي تشوف الاسئلة كانت تعرف اجوبتهن كلهن لكنها مع ذلك اصرت تطنش وتشخبط .. 


مر اليوم الدراسي بسرعة على سارة كالعادة .. لكنها كانت هادية بكل الصفوف اختارت الصمت على انها تتكلم وهي ب حيرة مشاعر وخوف .. طلعت من البوابة وقامت تدور على سيارة السايقة ، شوي ويفتح اخوها الدريشة ولوح لها ومشت له .. فتحت الباب وقعدت قدام وبهدوء : شاللي خلاك تجيني ؟ 
رد عليها : انتي ..
سارة بالم : تكفى خالد لا تزيد علي ، خلك ساكت ..
خالد : اليوم طلعت من محاضرتي علشانج ، سارة انتي كنتي غيير عن جذي .. شاللي خلاج بهيمة جذي ؟ 
سارة : لا تحاول معي ، صدقني بتتعب .. الحين خلك ساكت ابا ارد البيت اتغدا واناااام .. 
خالد : انا اتكلم عن مستقبلج .. 
سارة : ما يهمني المستقبل ، خلاص ؟ تككككفى خلنا ساكتين احسن .. سالفتي انتهت من زمان وما صرت حتى افتحها قدام احد .. بس انتوا لزززقة .. 
خالد : بتندمين ي سارة بتندميييين .. 
سارة : تكفى خفففت .. 
خالد يغير الموضوع : اليوم عمي وصل بيتنا ..
سارة : من هذا ؟
خالد : عمي عبد الله وولده ناصر وملاك ... 
سارة : ي كرههههههي .. 
خالد : سارة لو سمحتي خليج مؤدبة قدامهم ، بيقعدون شهر وبيروحون ..
سارة : من متى وهم يهموني ؟ 
خالد زفر بتعب وقال : عندج صديقات ف المدرسة ؟
سارة : لا ..
خالد مستغرب : ليش ؟ 
سارة : مب شرط اي احد يعجبني .. مابي احد اصلا .. مشكورين .. 
 وصلوا لفلتهم ونزلت سارة ومشت لداخل .. بفلتهم اول ما تدخل يكون في صالة كبيرة وعلى جنب درج يوصل للطايق العلوي .. سارة ما اهتمت للموجودين ومشت لفوق .. 
بدلت ملابسها وربطت شعرها ذيل حصان (كالعادة) ولما طلعت من غرفتها مشت شوي الا وتجيها بنت وتحضنها ... 
سارة بعدتها بقو وقالت : الله يقرفج .. 
ملاك بحزن : سارووناا اشتقت لج مررره .. 
سارة : ايه باين .. 
ملاك : شسالفتج ؟ ليش ما تحبيني ؟ 
سارة صرخت : تذكري اياااام زمااان شاللي سوييييتي .. صج مرييضة .. 
مشت سارة وراحت عنها .. دمعت عيون ملاك وتقرب منها اخوها : ملوكة حبيبتي خلاص .. ما تستاهل هذيج علشان تبجين ..
ملاك بحزن وااضضح : شاسوي لها ؟ سارة للحين ما نست .. 




امن المعقول انها الى الان تتذكر ... 
سيكون الجواب موجودا في جعبة الاجزاء القادممة .. 
اشكر دخولكم الى هنا ❤ .. 


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 17-11-2012, 02:32 PM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: علموني الكبرياء ونسوا يتعلمون الوفا


صباحكم ومسائكم جوري
واوبارت رهيب يالغلا واعتبريني من متابعينك بس عندى طلب صغنون اذا كان عندك بارت جهاز نزليه واذا ما كان عندك عادى يالغلا وساره اعجبتنى شخصيتها حيل ونفسي اعرف السالفه الي بين ملاك وساره والله يعطيك العافيه بنتظارك






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-11-2012, 02:41 PM
Miriam ~ Miriam ~ غير متصل
©؛°¨غرامي مشارك¨°؛©
 
الافتراضي رد: علموني الكبرياء ونسوا يتعلمون الوفا


اقتباس:
المشاركة الأساسية كتبها االجوري مشاهدة المشاركة
واوبارت رهيب يالغلا واعتبريني من متابعينك بس عندى طلب صغنون اذا كان عندك بارت جهاز نزليه واذا ما كان عندك عادى يالغلا وساره اعجبتنى شخصيتها حيل ونفسي اعرف السالفه الي بين ملاك وساره والله يعطيك العافيه بنتظارك
اهلا حبيبتي ❤❤
عندي تكملة لهذا الجزء
بتفرغ لواجباتي وبرجع احطه
اشكر مرووورك ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-11-2012, 02:46 PM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: علموني الكبرياء ونسوا يتعلمون الوفا


صباحكم ومسائكم جوري
اوكيه يالغلا يعنى اي وقت شوي العصر ولا المغرب






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-11-2012, 04:07 PM
Miriam ~ Miriam ~ غير متصل
©؛°¨غرامي مشارك¨°؛©
 
الافتراضي رد: علموني الكبرياء ونسوا يتعلمون الوفا




تكممملة

على طاولة الاكل .. سارة هادية على عكس الجميع .. الكل يسولف ويضحك .. شوي وتنزل ملاك اللي ويها صاير احمر ووراها اخوها .. قعدوا على كراسيهم وشوي الخدامة حطت الاكل سارة ما كانت تشتهي تاكل لكن علشان امها ما تشك فيها كلت شوي وبعدها قامت : الحمد لله .. 
امها بحنان : ما اكلتي لج شي حبيبتي .. 
سارة تمشي متوجهه للقسم الخلفي من البيت : شبعت .. 
ملاك بعفوية : خالتي ..
شوق للحين نظرها للمكان اللي راحتةله سارة : هلا حبيبتي ؟ 
ملاك : سارة .. ليش صايرة ثقيلة دم ؟ 
شوق ما ردت .. ماجد يطالع ملاك بقهر : لا كلش انتي خفيفة دم .. 
ملاك زعلت : انا بس اسال .. 
ماجد : مايخصج ف سارة .. 

سارة عند الحديقة الخلفية للبيت قاعدة ع الكرسي تفكر ف حالها وحياتها اللي تغيرت والسبب اقرب ناسها .. شوي وتتقرب منها الخدامة ومعها صندوق متوسط يجنن .. الخدامة : مس سارة هذا صندوق ثاني يجيب نفس رجال ..
اخذته بملل وشافت مربطو على الشريطة ورقة مكتوب عليها ( آسف ) .. ابتسمت بسخرية وقالت : هه، ما مل ؟ اقول نجلا الرجال نفسه صح ؟
الخدامة : ايوه .. انا قلت له ما بيعطي صندوق علشان ما يسوي مشاكل مع  ماما وبابا بس هو يعطي 100 ..
ضحكت سارة بصوت عالي يقال انها تتمصخر على عقل هذا الانسان وشوي وتروح الخدامة عنها .. سارة بحزن : آسف ؟ هه آسف ما تكفي علشان انسى الشك اللي انت زرعته .. 
اخذت الصندوق ومشت لغرفتها وهي تتذكر الانسان اللي كان سبب ف تحطيم ذاتها حيث انها كانت تعتمد عليه ف كل شي .. تذكرت آخر كلمه قالها لها " ما توقعت تكونين وحدة حقيييرة بهذا المستوى .. انسيييني واختصري علي احسن " تذكرت سارة ردة فعلها بذاك اليوم شكثر ذرفت دموع " بس كل شي خططططا اصصبر تكفى اصبر " زفرت بقهر وتذكرت اخر كلمة قالتها له بعد ما لحقته وتعبت عمرها " بتندم لما بيجي اليوم اللي بتعرف فيه الحقيقة وبتجي تترجاااني اسامحك .. ساعتها تححلم ارجع واسامححك "
وصلت لغرفتها وفتحت الخزانة الكبيرة وحطت الصندوق هذا فوق العشرين صندوق الباقيات .. فتحت البلاك بيري ولفت هنا وهناك بملل بعدها رمته بقو ع السرير وقعدت على الغنفة اللي بغرفتها تسمع اغنية تعشقها .. حطت السماعات على اذنها وطارت لعالمها الخاص .. اللي عجزوا البقية يوصلون له ! مرت نص ساعة وهي تفكر وعايشة تأنيب ضمير وعايشة تخطيط انتقام الا امها تفتح الباب ومشت لعندها وحطت ييدها على كتفها .. 
فزت سارة وبعدت السماعات عن اذنها وبخوف : يمممة خوفتيني .. 
شوق : سامحيني حبيبتي ، خوفتيني عليج ما تغديتي ..
سارة تحاول ترسم ملامح عادية وتبتسم : مالي خلق آكل وايد ..
شوق تلعب شعر بنتها : ما قلتي لي المدرسة كيف اليوم ؟
سارة تاففت : لا تفتحين سالفة المدرسة .. 
شوق : حبيبتي سارة ، ابيج بعدين تروحين وياي للمول ؟ حلو ؟
سارة بنظرة حيرة : ليش ؟
شوق : كذا ملل قلت آخذج وياي ونشتري .. الاسبوع الحاي خطوبة بنت خالتج ..
سارة بملل : من هذي ؟
شوق : هاجر ..
سارة شهقت بخوف : هاجر مخطوووبة !! وبتتزوج؟ يمة هذي بعمري ..
شوق ما كبرت الموضوع : عادي ..
سارة سكتت وبعدها رفعت راسها لامها : يمة ما بتزوجيني بها العمر صح ؟ 
شوق تطالع ف بنتها : من قال ؟ آنا ما اقدر اعيش من دونج .. ابي لنفسي الموت ليش ؟
سارة : بسم الله علييج .. اموت انا ولا انتي .. 
شوق بحزن : ي بنتي تغيرتي واايد .. قبل كنتي احسن بنت ف العالم بنظري ليش صرتي جذي ؟ الناس يذمونج وتشتكي قربج وما تبيج حولها ؟ 
سارة ببرود : ما يهموني .. انا اصلا. ما بي شي منهم .. 
شوق : بس جذي ما بتعيشين ..
سارة انسدحت : عايشة الحمد لله ..
شوق : علاماتج سته من عشرين سبعة من عشرين عشرين من خمسين .. لين متى ؟
سارة : على الاقل احسن لي ..
شوق : عاجبنج حالج جذي ؟
سارة : ما انتظر احد يشفق علي .. انا جذي مرتاحة ومابي احد يساعدني .. 
شوق زفرت بهم وقامت  : روحي سولفي مع بنت عمج ..
سارة بكره : شأبي فيها الكريهه ؟ 
شوق : علشاني يمة روحي سولفي وياها لا تحسسينها بشي .. 
سارة قامت : علشانج يمة .. ولا ماني ب رايحة لهذيج المريضة .. 
شوق : اهي مريضة بس ما سوت لج شي .. 
سارة بهمس : لو تدريين بس عن سواياها .. 
طلعت سارة ومشت لتحت ولما سمعت صوت اخو ملاك (ناصر) تحجبت ونزلت للصالة قعدت ع الغنفة بقهر .. ما كان احد موجود الا ملاك واخوها .. 
ملاك بحزن : سارة انا اسفة .. 
سارة : لا تكلميني .. 
ملاك : بس انا ضميري يأنبني .. 
سارة بسخرية : ضمريج يأنبج ؟ هه بس بهذاك اليوم كنتي تضحكين .. على عكسي آنا .. 
ملاك دمعت عيونها : بس انا آسسفة والله اسفة ..
سارة : افف خلاص اسكتي عني مالي خلق لازعاجج .. 
ناصر : ليش تحاجينها كانها خدامتج ؟ 
سارة ببرود : انت منو ؟ 
ناصر كان بيتكلم بس ملاك قالت بحب : هذا اخوي ناصر .. 
سارة بقرف : اييه ، الظاهر اهي لاعبة فيك وقاعد تمثل قدام هذي المريضة مجاملة .. هه تسليك 
ملاك حزنت من سمعت كلمة المريضة وصرخت : ليش دوم تقولين لي المريضة لييش ؟ انا شنو سويت لج ؟ انا ابي منج تسامحيني بس .. بس انتي مغروورة .. 
سارة علت صوتها اعلى عن صوت ملاك : احترمي نفسح وتذكري شاللي سويتيه لي ، كل اللي يصير الحين سببه انتي يالملقووفة .. وتحلمييين اسامحج ، كنت اظن انج بنت عم مثل باقي الناس وكنت اظن انج بتكونين لي اخت .. بس خاب ظني فيج والسبب ...... الكل ! 
وقفت سارة ومشت بقهر وراحت لعند غرفة اخوها ماجد تلعب وياه احسن .. ملاك من سمعت كلام سارة صاررت تذرف دموع سييييل وتشاهق بندم .. ناصر مب فاهم اي شي من اللي يصير بينهن .. ف اكتفى ب الصمت .. وحاول يراضي اخته ويسكتها .. ناصر رغم ان ام ملاك مهي بامه لكنه يهتموفيها وهي دايا تكون عنده وهم قريبين من بعض بس اهو ما يعرف شسالفة سارة هذي لانه اول مرة يشوفها ف حياته ، كان يعرف ان ملاك ترجع الامارات مع ابوه علشان تلعب هناك بس كان يسمع يسمع اسم سارة لكنه عمره ما شافها .. الا الحين !

بمكان ثاني - بعد وقت طويل من التدريس وصلت بيتها ودخلت لجناحها تروشت وبطلت ملابسها ونزلت للمطبخ ترتب المايدة .. وصل زوجها تعبان ومرهق وقعد على الطاولة وحطت الاكل وبدوا ياكلون ..
اسما : كيف كان الشغل حبيبي ؟
زوجها ( سيف ) : ااه الحمد لله احسن عن قبل .. الا انتي قولي لي شو سويتي ؟ 
اسما ابتسمت : الحمد لله اموري زينة ، بس صايرتلي مشكلة مع وحدة من الطالبات ..
سيف بصدمة : يعني للحين في بنات وقحات ؟ شاللي مسوية هذي ؟
اسما : بالعكس مهي وقحة ، اليوم اتصلت ف امها وعرفت وين تشتغل وسالتها عن كل شي .. البنت ذوق وامها ذوق واخوها ذوق .. بس مادري ليش ف المدرسة تسوي جذي .. 
سيف بحيرة : كيف يعني ؟
اسماء تفكر : مدري ، امها تقول انها كانت تحب تدرس وكانت تحب المدرسة بس الحين لا .. وتتظاهر بالغباء وما تهتم لدروسها .. 
سيف : صدقيني هذي سالفتها الظاهر طويلة ، الله يكون بعونج دامج بتتعاملين مع ناس مثلها .. بس صدقيييني انا متاكد ان سالفة وراها .. 
اسماء تصب لزوجها كوب لبن : فنص الدروس ترسم وتكتب على دفترها ، وما تكتب الا كلمة وحدة  (كبرياء )
سيف ضحك : البت يمكن فاهمة الكبرياء غلط .. هههه انزين وشو بتسوين وياها ؟ 
اسماء : قصة الحل طوييييييلة .. بس صدقني برجعها مثل ما كانت .. 


سارة فتحت غرفة ماجد بقو لقته يلعب بلاي ستيشن .. فز من دخلت وعصب : وججع يالرقيقة شوي شوي ع الباب ..
سكرته وقعدت يمه : عطني العب وياك .. 
ماجد يطالعها بتفحص : افف البنت شابه ضو . شصار لج ؟
بقهر : اسكت عني مالي خلق ، يكفينا هذي المريييضة ..
ضحك ماجد : الله يعينج ع اللزقة .. 
سارة : جب جب .. بلعب شوي وياك بعدين برجع غرفتي .


اما ام سارة فكانت للحين تفكر ف بنتها شوي وتسمع صوت البلاك بيري تررن تررن ، حست بفضول تبي تعرف عن حياة بنتها ومن معها ب المدرسة وكذا .. مسكت موبايل سارة وفتحت عند الارقام تشوف .. لقت رقم مكتوب عليه ( اغلى ناسي ❤ ) ورقم ثاني ( توام روحي  ❤ ) 
والارقام الباقية كلها بدون اسم الا ( ماجد ) ( ابوي ) ( امي ) ( خالد ) ( جميلة ) ( سليمان ) ( احمد ) (نوف) .. 
استغربت اول اسمين ورسلت رقمين لها .. وحذفت الرسالة علشان ما تعرف بنتها .. راحت للرسايل لقت اول رسالة من رقم مجهول .. المحتوى ( سارة تكفين انا اسف ❤❤❤❤❤ ) .. كانت تبي تفتح الرسالة الثانية الا والباب ينفتح وكانت سارة ..
سارة منصدمة : يمممة !!! 

ألهذه الدرجة من الممكن ان يقودها الفضول ؟ وكيف ستتعامل تلك المجروحة مع هذه الصدمة ؟
اجوبة عديييدة في جعبة الاجزاء القادممة 😘😉❤❤
شكرا لمتابعتكم قراءة الرواية ، اتمنى ان تبقوا حتى النهاية :) ❤ احبكم جمييعا .. 


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-11-2012, 04:38 PM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: علموني الكبرياء ونسوا يتعلمون الوفا


صباحكم ومسائكم جوري
الله بارت خطير طيب يالغلا متي مواعيد البارت






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-11-2012, 04:55 PM
Miriam ~ Miriam ~ غير متصل
©؛°¨غرامي مشارك¨°؛©
 
الافتراضي رد: علموني الكبرياء ونسوا يتعلمون الوفا


بخصوص موضوع التنزيل
فانا كل يوم اكتب قبل ما انام .. انتوا قولوا متى زين ؟
انا بتابع اكمل كل يوم انزل واحد .. واذا تاخرت فهذا يعتمد على احداث الرواية وعلى ظروفي وظروف اللي حواليني .. وششكرا ❤❤ جمميعا "


شكرا لك ( الجوري ) نورتي الموضوع بطلالتك ..
وشكرا لمن قرأ بصمت ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-11-2012, 05:45 PM
صورة ~الفارسه المجنونه~ الرمزية
~الفارسه المجنونه~ ~الفارسه المجنونه~ غير متصل
©؛°¨غرامي مجتهد¨°؛©
 
الافتراضي رد: علموني الكبرياء ونسوا يتعلمون الوفا


صباحكم ومسائكم جوري
مشكوره يالغلا اهم شي تنزلين بارت ههههه






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-11-2012, 06:33 PM
صورة رَحيِلْ , الرمزية
رَحيِلْ , رَحيِلْ , غير متصل
©؛°¨غرامي جديد¨°؛©
 
الافتراضي رد: علموني الكبرياء ونسوا يتعلمون الوفا





روايتتتك جميلة للغاية
أعجبتني وإن شاء لله تكتبينها كاملة
متشووقة للبارتت ..



الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1