غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-11-2012, 07:36 PM
صورة برستيج نمله الرمزية
برستيج نمله برستيج نمله غير متصل
©؛°¨غرامي جديد¨°؛©
 
01302798240 روايه احتويني


سلامم عليكم بنات
كيفكمم ان شاء الله بخير ؟
انا راح انقل لكم روايه صديقتي الجميلهه ترتر وان شاء الله تعجبكم واذا شفت ردود راح انزل بارتات باسرع وقت وشكرا ..


روآآيةة إحتويني ...



روايه دراميه ورومانسيه جريئه بنفس الوقت فيها لحضات من الفرح والحزن أحلام وطموحات بعضها تحقق والبعض لأ ..
كتبت الروايه وأنا بالصف الأول المتوسط وكانت سابع روايه لي أضفت عليها الكثير من التعديلات وأضفت عليها بعض الجرأه , أتمنى تعجبكم روؤايتي ,..(الروايه من نسيج خيالي وما فيها أي شيء وآقعي )
إحتويني ..
الشخصيات :

عائلة أبو خالد :
أبو خالد : طيب وحنون ومره يحب بناته ويدلعهم أهم شيء عنده بالكون عياله وتهمه سعادتهم وتحقيق أحلامهم موجه في مدرسه ثانويه ومتقاعد ولكنه فاتح له مطعمين وبقاله ومغسله ويتكسب منها وكمان عنده عماره في جده ومأجرها وأحواله الماديه تمآآم ..
أم خالد : طيبه مرررره بس واجهت مشاكل مع أقرب الناس لها وصارت تخفي طيبتها لكنها م تدري أن طيبتها محد يقدر يخفيها لأنها طبعها داييييييم طيبه وتحزن وتتأثر على أي شيء..كانت مدرسة علوم وتقاعدت لما تقاعد زوجها عشان تتفرغ لزوجها وعيالها ..
وليد : شاب في 30 من عمره متزوج وعنده 3 أطفال بنت وولدين متشدد مره وبار بأمه وأبوه وم يعصيهم بكلمه يحب زوجته مثقف مره ويدخل دورات كثير , مشكلته أنه إذا عصب ينسى كل الناس ويتفرغ لعصبيته ويطلعها في أي شخص ..
خالد : شاب عمره 26 سنه مهندس يحب شغله و يحاول كثير أنه يتميز بين كل المهندسين يحب الدقه والنظام بشغله , خارج الشغل مهبول ومرجوج وفله ويحب ينرفز كل اللي بالبيت يسمونه في البيت دلوعة أمه لأن أم خالد تحبه وطلبات خالد دايم أوآآآآآآآآآمممر وهو دايم إذا أمه قالت له شيء مَ يقول غير لبيه وسم وحاضرر ...

سمر : طيبه وحساسه ومررره عاطفيه تتملكها العاطفه قبل كل شيء في نفس الوقت رجه وحقت هبال جمالها وسط تميزها دايم غمازاتها وجسمها الحلو وشعرها الخقه وملامحها الحلوه وباقي جسمها ووجهها شكله عادي بالمره ذكيه مره نسبتها في الدراسه 98% وأقل شيء 95% نسبتهآآ في القدرآآت عاليه هي مو من النوع اللي كل حياته دراسه لكنها تستمتع لما تدخل مواقع تتضمن معلومات لأنها تستفيد , تحب وتعشق الأحياء حلمها تصير دكتوؤرة اعصاب ودماغ ..عمرها 20 سنه داخله كلية طب وإحتمال تسافر بعثه لكندا ..

عائلة أبو غرام :

أبو غرام : حنون وشوي عصبي من النوع العنيد مَ يحب يشوف بنته الوحيده غرام حزينه دايم يفرفش عنها بأبسط الأشياء ..يحاول هو وأخوه أبوعبدالله بناء شركه وصاروا يشتغلون على الشركه من سنتين ..وبدأو في بنائها شغله الحالي مهندس طيران ..

أم غرام : ربة منزل أخلاقها عاليه مره ودايم تحب تنصح غرام وتعلمها الأصول و كيف تحافظ على نفسها من كل شر وكيف تحافظ على إسلامها وأهم شيء صلاتها أهم شيء عندها في حياتها زوجها وبنتها وتهتم بهم كأنها تهتم بنفسها مَ تخلت عن أبو غرام بعد مَ أكتشفوا أنه عقيم بسبب حادث بالسياره كان غرام وقتها عمرها 9 أشهر ضلت معاه ووقفت جنبه ..

غرام جذابه و رومانسسيه بدرجه فضيعه !! حياتها كلها حب في حب صحيح أنها فله ورجه ولكن أحياناً تصير مزاجيه وبس تفكر وتسرح لعالم بعيييييييييييد .. ذكيه ونسبتها مَ تزيد عن نسبة سمر ..عمرها 20 اول سنه بالجامعه ..مقدمه على بعثه مع سمر قسمها بالجامعه إدارة أعمال ..

عائلة أبو عبدالله :

أبو عبدالله : نكوتي مرح يحب الحياه كان في أيام الشباب يسافر ويطلع مع زوجته وعياله ويستانسون لكن لما لما كبر صار يهتم فيهم وفي تربيتهم .. يموووؤووت في بنته عنود ويدلعها دلع مو طبيعي لأن عنود كانت وهي صصغيره قريبه من أبوها وصار مً يحب إلا هي بين العيال كلهم يحاول أحياناً يبطل يدلعها لأنه يعرف أنه مو زين لهآآ الدلع الزايد ..مدرس فيزياء ..

أم عبدالله : مديرة مدرسه شديده وجديه بمعنى الكلمه مَ تسكت عن الحق أبداً ودآآيم مهتمه بتربية عيالها تربيه صحيحه مثل مَ تربي طالباتها بالمتوسط والثانوي ..

عبدالله : مهبول ورجه مَ يهتم بدراسته أخر همه الدراسه مخلص جامعه بعد خمس سنوات من الشقى لأنه دخل تأهيلي عمره 25 سنه يحب أخته عنود وهي بالنسبه لي صديقة عمره وكل شيء يحتار فيه يروح عندها ويكلمها عنه ,..

ملاك : غيوره وشوي معقده جميله جمال تحسد عليه تغار من عنود غيره شديده لأنها فاقده الحنان من أبوها وأمها مَ تدلع أحد أبد صعب لما تشوف كل فرد بعائلتك له معامله خاصه إلا هي معاملتها عاديه جداً فله ورجه لكنها يبان في وجهها الحزن ..عمرها 24 سنه

عنود :رججججججه ومهبوله و مسترجله عايشه حياتها بمعنى الكلمه دخلت جامعه بالغش طول عمرها تغش عندها أكثر من محاوله تكتب الغش على يدها وإذا خاصموها وودوها الإداره وكتبوها تعهد يختبرونها لحالها في غرفة العزل ومعها مراقبه بس حلها الثاني هو البراشيم تطلعها وتغش بسهوله والمراقبه مَ تطالعها حتى تحسب أنها مَ عندها أي وسيله للغش ..عمرها 20 سنه وهي بعد مقدمه على بعثه ..

غرام : آآآآآآآآآآ ... ألوؤ ..
خالد : هلآ ..
غرام : آآآآآآ .. ألوؤ .. ألوؤ ..
خالد ( وش بلاها ذي مَ تسمع ) : قلنا هلآآ ..
غرآم : ممكن سمر ,..
خالد : ومينن أقوؤل لهآآ ..
غرآم : آآآآآآآآآ .. قوؤل لهآآ صاحبتهآآ ..
خالد : أدري أنكـ وحده من خوياتها بس أبي أسمك ولا مَ عندكـ أسسم ؟؟
غرآآم : أنآآ غرآآم ..
خالد : غرآآم , هلا والله ببنت العم وأختي كيفك وش أخبارك ..
غرام : تمام يالغلا فجعتني حسبتك وليد الحين يله عطني سمر ..
خالد : الله لا يقوله صوتي زي وليد وبعدين وليد أخوك عادي لو كلمتيه .. ليش تخافين ..
غرام : ياخي مدري أخاف منه ..وأستحي منه بعد .. يله عطني سمر ..
خالد : أصير سمر لعيونك ..
غرام أنرفع ضغطها منه : يوووووووؤؤؤؤه يَ خالد أعطيني سمر أبيها ضروري ضرووووووووري ..
خالد : مو توها كانت عندك بالجامعه ؟؟
غرام : خالد والله لأوريك ..عطني بسرعه جوالها مقفل وأتصلت ع البيت مَ دريت أن ملقوف مثلك بيرد ع التلفون ..
خالد : والله عشان ملقوف مَ رراح أعطيك سمر ..
سمر : وش ؟؟ من تكلم ..
غرام تصيح بالسماعه تحسب أن سمر بتسمعها : سمممممر سمممر
أنآآ غرآآآآآآآآآآآآآآم ..
خالد : هههههههههههههه مهبولات الله لا يبلانآ ..
سمر : عطني السماعه ..
خالد : لأ ..
سمر : قلت لك عطني ..
غرام من التلفون : عاشت سمر عاشت الله يقويك وتكسرين راسه هالملقوف ..
خالد : ماراح أعطيكـ طيب ..
سمر : يمآآآآآآآآآآآآآآآآآآآآآآآه ,,
خالد يقلد صوتها : يمآآآآآآآآآآآآآآآآه ..
سمر بقهر : والله لو مَ تعطيني لأنقز عليك ..
أم سمر : تنقزين عليه ليه وين نحنا في حلبة مصارعه ..
سمر : راح تصير حلبة مصارعه لو مَ عطاني السمآعه ..
خالد بدلع يبي يقهرها زياده : مامي خليها تبعد عني هالمتوحشه ..
سمر : يووووووووووووووووووووووه يمه شوفيه البنت ع الخط صار لهآآ سآآعهه ..
أم سمر : خليها تتصل ع جوؤالك ..
سمر : مقفل و مَ أدري وين الشاحن , أكيد سرقته أنت يَ الدب ..
خالد : خليها يمه تقوم تتحرك شوي وتدور لشاحنها ..
أبو سمر : السلام عليكم ..
سمر : بابا ي هلا والله ..
خالد : يبه روح غرفتك ريح لا توجع راسك بزنتها ..
ابو خالد : ليه وش فيه ؟؟
سمر : يبه صديقتي ع الخط وهو مو راضي يعطني السماعه ..
أبو خالد بجديه : أنت ي البزر عطها السماعه وأذلف لشغلك ..
خالد : أوووووف قويهههه الوالد معصب ..
ابو خالد : قلت لك عطها وأذلف لشغلك ..
خالد عطاها السماعه وأنسدح ع الكنبه : أنا عندي أجازه ..
أبو خالد : ومن متى ..
خالد : من اليوم لمدة ستة أشهر ..
ألكل : أوووووووووووووووووووف ..
خالد : هههههههههه كنت دايم أأجل إجازاتي ولم جمعتها مع بعض صارت ستة أشهر ,
سمر ضربته في راسه : ي الدب شوفها قفلت الخط ..
خالد يحك راسه : أحححححححح طيب أنتي دقي عليها ي النحيفه ..
غرام : وأنآآ وش دراني من تكون البنت ..
خالد : هذي غرومه حبيبة قلب أخوهآآ ..
( غرام لما كان عمرها تسع أشهر أبوها صار عليه حادث خطير وأمها مَ قدرت ترضعها لأنها تعبت وأقترحت أم سمر أنهآآ ترضعها مع بنتها سمر اللي كانت أصغر منها بشهرين ووافقت أم غرام وصارت أخت سمر وخالد ووليد )
سمر سحبت التلفون معها لغرفتها وقفلت الباب وأتصلت على بيت غرام ..
غرام : ألوو وينك ي مصيبه سآآعه أستناك ع الخط خلصتي رصيدي الله لا يبارك فيك ..
سمر : يؤ يؤ يؤ لحضه شوي شوي علي ..كليتيني ..
غرام : المهم دريتي بالخبر ..
سمر : أيه دريت ..
غرام : طيب والسواه ..
سمر : والله مدري وأنا بنت عمك ..
غرام : تصدقين أني مَ فرحت بالبعثه ..
سمر : أي والله حتى أنآآ مَ فرحت عشان عنود مو جايه معنا ..
غرام : يَ حرام اتوقع بتزعل ..
سمر : وأنا بعد ..
غرام : اقول لك شيء ..!
سمر : يب قولي ..
غرام : أنآآ مَ راح أسافر إذا عنود مو معنا ..
سمر : أيه صح مو معقوله خمس سنين بعيده عننا ..
غرام : أنا خمس سنين لكن أنتي ست سنين ..
سمر :تصدقين على قد مَ حلمت فيها هالبعثه بس أحس أني مو فرحانه يعني بمجرد مَ أفككر أني بفارق أهلي وصديقاتي وجدي حبيبي هذا الشيء لحاله منكد علي ..
غرام : أيه وتفارقين فيصل ..
سمر : ايه هذا الشيء بالذات مزعلني ..
غرام : الحين أشبكي الخط مع عنود وخلينا نقول لها ..
سمر : أوك يله خليك ع الخط ..
غرام : لحضه ترى أنا مَ بتكلم أنتي تفاهمي معها ..
سمر : يوووووه طيب طيب ..
غرام : يله كلميها ..
طننننننننننننن طننننننننننن << ههههههههه صوت الجوال ..
عنود : أرحبوووووووووا ..
غرام شوي وتبكي ..
سمر : حبيبتي عنود ..
عنود : لحضه لحضه ي عبدالله .. وش فيك ي سمر ..
عبدالله : وعووووووه سمر تكلمك ..
سمر :يووووووه أخوك ذا سامج .. مَ ينبلع ..
عنود : أدري من زمان المهم وش فيك ..
سمر ( مو أنا يَ عنود أنتي ) : لا مافيني شيء أنتي وش تسويين ؟؟
عنود : قاعده مع عبود نلعب أون لاين مع أصحابه ..
سمر : أخسسسس أيه وش تلعبون ..
عنود مسكت القير : نلعب بلاك أوبس ..
سمر : أهآآآآآآآ
عنود : عبدالله قال إذا هزمنا فريق خوياه فهد وماجد يعطيني ميتين ريال ..
سمر : ههههههههههههه عشان كذا بتلعبين في تحدي هاه ..^_-
عنود : يب وأكيد بفوز ..
عبدالله : يله قفلي من الخبله سمر وخلينا نكمل..
سمر تقلد صوته : يله قفلي من الخبله سمر وخلينا نكمل قولي له وجع ي الخبل لأفقع وجهك زي لما كنا صغار ..
عنود : ههههههههههههه لسى تذكرين ..
( عبدالله وسمر يكرهون بعض من لما كانوا صغار وهم بس يتهاوشون وإلى الآن وهم على هذا الحال )
عنود : يله يَ سمر أنآآ بقفل وراي ميتين أبي أخذها ..
سمر : لحضه لحضه ..
عنود : وش ؟؟
سمر : بنجيك الحين أنآآ وغرام ..
عنود : أوك البيت بيتكم ..
سمر : يله مسافة الطريق ..
( قفلت عنود )
غرام : يالخبله ليه مَ قلتي لها ..
سمر : مَ قدرت لازم نشوفها ونقول لها ..
غرام : أجل يله ألبسي عبايتك وخلينا نروح ..
سمر : يله .....

وفي بيت عنود :
عنود : أيه قولوا وش عندكم ..
سمر : آآآآآآآآآآ ..... عنود أنتي تدرين أننا قدمنا ع العث هسوا صح ؟؟
عنود : يب أدري م في شيء جديد ..
سمر : أيه بس الجديد هو أنه أنا وغرام أنقبلنا وأنتي لأ ..
عنود : .................................................. .....
غرام : عنود حبيبتي لا تزعلين أنا مستعده أجلس معك ..
سمر : وأنآآ بعد ..
عنود وقفت : لأ لأ لأ محد بيجلس معي ..
سمر : ؟؟؟
عنود : أنتم تستحقون البعثه طول عمركم مهتمين بالدراسه لكن أنا اللي مَ استحقها طول عمري وأنآآ ع الغش ..
غرام : بس ........
عنود : لا بس ولا بساس ..
سمر : بس نحنا بنقعد فوق الخمس سنين بعيدات عنك ..
عنود : طيب مين قال لكم أني بقعد !؟
سمر : عنود وش اللي ناويه عليه ..
عنود : مو لازم يكون معاك مرافق في البعثه ..
سمر : أيه ..
عنود : خلاص أنآآ معك .. أو مع غرام ..
سمر : طيب لحضه وحده ..
عنود : وش بعد ..
سمر : أهالينا مَ قلنا لهم الخبر ..
غرام ضربت راسها : يوووووووووووه أمي وأبوي ..
سمر : الزواره بكره فين ..؟
عنود : أظنها في بيت جدي ..
سمر : خلاص بعد العشاء والكل مجتمع نخبرهم ..
غرام : والله يمدحونها كندا ..
عنود : أيه خصوصاً جبال روكي ..
سمر : بنات لا تحلمون كثير إحتمال مَ نسافر ..
غرام : أيه خصوصاً أمي و أبوي مَ أتوقع يوافقون أنتم تدرون قد أيش هم متعلقين فيني ..
سمر : ولا عنود أبوها مَ راح يخليها .. مالت علي أنا محد معطيني وجه بالبيت لو أقول لهم بسافر بيقولون الباب يوسع جمل .. لا وأتوقع خالد هو اللي بيرميني في الطياره ..
عنود وغرام : هههههههههههههههههههههههههههههههه ..
عنود : هههههههههه لا حرام عليك خلود مَ يسويها ..
سمر وغرام طالعوا في عنود بنص عين : خلووووود هاه >o_ ..
عنود استحت : لآ لآ لآ مو قصدي اللي في بالكم أصلاً أنسسوا أني قلتهآآ ..
سمر :تحبين خالد ي الخاينه هاه ..
غرام : تحبين أخونا هاه ..
عنود : أيه أحبه وش عليكم ..
سمر : والله لأعلم ..
عنود : لا عاد أسكتوا أصلاً أنا مَ أحبه بس معجبه فيه ..
سمر : أيه وسالم ..
عنود : خلي سالم يولي .. أحب واحد مَ درى عني من حلاته عاد ..
غرام : أيه شفتي سالم مَ عطاك وجهه حولتي على خالد المسكين ..


______________________________________


أم سمر : طيب وش نسوي الحين ..؟
أبو سمر : مَ عليك خلاص أنتي بس لا تجيبين سيره لأختك لا تنسين الولد مرضه مو هين ..
أم سمر بكت : مسكينه أختي الله يعينها لو تدري ..
أبو سمر مسك كتف زوجته : وش نسوي قضاء وقدر ..
..............................................

اليوم الثاني في بيت جدهم ..:
غرام : سمر تكلمي ..
سمر : ليه دايم أنآآ اللي أتكلم ..!
غرام : أقول لك تكلمي ..
سمر : أنتي تكلمي ..
غرام : مابي أستحي قدام عبدالله ..
الجده : وش فيكم تتساسرون ..
خالد : قولوا لنا ترى قال عليه الصلاة والسلام لا يتناجر إثنان دون ثالثهم .. ترى مَ أحلل ..
عبدالله : أيه صح ترى مَ نحلل ..
سمر بصوت واطي : ملاقيف وجع ..
غرام : بقوه ..
أبو سمر : قولوا وش عندكم يله ..
عنود تكلم البنات :أنا بتكلم ..
سمر: تكلمي ....
عنود : راح أقول لكم أنا بلسان أخواتي وصديقاتي غرام وسمر ..
سمر : هههههههههه أقول تكلمي بس ..
عنود : نحنا قدمنا على بعثه وجتنا موافقه ..
أبو سمر : ومن متى ؟؟
أبو غرام : ونحنا مالنا علم ؟؟
سمر : من قبل خمس أشهر .. ونحنا مَ قلنا لكم لأننا مَ كنا نتوقع إننا بنسافر بس حصل العكس ..
أبو عنود : لآلآلآ شيلوا الفكره من راسكم ..
وليد : لحضه كم سنه بتروحون هناك ..؟
غرام : أنا خمس سنين وسمر ست سنين ..
أبو عنود : وعنود ؟؟
عنود : أنا مَ جتني موافقه بس بروح مرافق مع غرام ..
أبو عنود : لا بالله مخططه بعد أنك تروحين مرافق ..
الجد : أنآآ أقول مالها داعي هالسفره وش يصبرنا عليكم خمس سنين ؟؟

أتمنى أشوف ردودكم وإن شاء الله البارتات الجايه راح تكون مشوقه أكثر ..


روايه احتويني

الوسوم
احتويني , روايه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
كلي عذاب / كاملة عذآب الروح روايات كامله - يتم نقل الرواية هنا بعد اكتمالها 179 07-01-2016 07:23 AM
كل وحده تقول اول روايه قرتها عناد انثى ارشيف غرام 1 21-04-2012 03:27 PM
روايه عمانيه/أحرف مطمورة بين طيات الورق عمانيه وأفتخر ارشيف غرام 4 15-09-2011 09:22 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
روايه اباحيه لتحميل فتوووا نقاش و حوار - غرام 2 18-05-2011 11:44 PM

الساعة الآن +3: 02:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1