منتديات غرام روايات غرام أرشيف الروايات المغلقة - لعدم إكتمالها أبحكي عن هوى قلبي وسر الشوق لعيونك وبحفر في سماء هـالليل حكاية عشق وبرويها
سمو الأميرة 07 ©؛°¨غرامي جديد¨°؛©

مهبوله ويازيني... يازينك والله لانك حمستيني ههههههه

سمو الأميرة 07 ©؛°¨غرامي جديد¨°؛©

دلووووعه مشكووووره كلكم مشكوووووورين على الردود الحلوووووه ولو في نقد اتقبل النقدددددد ماعندي مشكله وياااااارب يعجبكم البارت الثاني وع فكره القصه كل مالها وتختلف لو تلاحظون بالبارتات الجايه ويارب هالشي يعجبكم

سمو الأميرة 07 ©؛°¨غرامي جديد¨°؛©

اهلين بنات حبيت ااكدلكم ان الروووايه لي وياليت اللي بتنقلها تنقلها باسمي ..سمو الاميره.. اتمنى ينال اعجابكم هذا البارت

الباااااااااااارت الثاني


..
اصحاب المشروع : مشكور استاذ تركي على دعمك لنا
تركي يبتسم ويسلم عليهم : في امان الله
اصحاب المشروع : مع السلامه
تركي : بدر نادلي متعب ومحمد((واحد بدي قارد والثاني سواق)) ابي اخذلهم ساعه دامنها بسوق لانهم ماقصرو معي وابيهم يختارونها بنفسهم
بدر : حاضر طال عمرك

صار تركي يمشي وبدر جمبه ويتكلمون في المشروع والبدي قارد والسواق معه وكاااااااااان له هيبببببببه بسسوق كل اللي يشووووفه يفكره اميييير وشكله رهيييب
دانه: بنااااات يالبيه شوووووفو الرزه
عبييير: دانه لاتطالعين فوق شوفي على قدك
وجد: شكل ذا اميير غضو البصر
دانه تتنهد : صااااادقه مابي اعور قلبي
دانه تشهق : بنات شوفو دخل محل بولو ياويل حاااااالي شكله خياااااال
وجد: مو كل من دخل هالمحل يعني خيال
دانه: تكفوووون بنات خلونا نروح نشوف بس شوي
عبيرووجد عارفين انه دانه اذا تبي شي بتصر قالولها: اوك بس شوي
وجد تنادي حنان والعنود اللي كانو يمشون وراهم ..
داخل المحل البنات تفرقو العنود مع حنان ودانه تمشي لحالها وووجد وعبير كانو يتكلمون بموضوع العنود اللي خططوله وتركي كان يسمع بحكم انهم وراه
وحنان كانت قدامه تتميلح *_*
عبير : يلااااا وجد تكفين نبي نخلص من المووضوع نبي نروح ونخليها ونعلم خالاتني انها طلعت للسوق تقابل وانتهينا
وجد: يعني وش الحييين نروح ونخليها اصبري شوي لين نشوف الهيئه
عبير: وش دخل الهيئه ؟؟؟؟
وجد: انافكرت اننا نقول للهيئه انها مواعد وتغازل ابي سمعتها تصير زباله
عبير: ههههه مجنونه
وجد: اجل ليه مكشخينها الا عشان الهيئه هههههههههه
تركي سمعت البنات اللي وراي بس مااهتميت مره ولادققت بكلامهم وطنشت
عبير راحت لحنان تصرفها عشان يخلون العنود : حنان وجد تبيك
حنان: هههههه طيب عنود بروح اشوف وجد وش تبي وبجيك
وجد وحنان ودانه طلعو برا الممحل وراحو الحمامات تغطو بعد ماكانو كاشفين
وجد علمت حنان السالفه: ياااااويلك ياحنان ان فضحتينا او انطقتي بكلمه
حنان: حراااااااام عليكم وش ذنبها
وجد تهدد: مايحصلك طيب ان تكلمتي وسكر فمك لين نطلع مابي اسمع صوتك فاهمه
حنان تخاف من وجد لان وجد عادي ممكن تذبح أي احد وتسوي اللي براسها حتى لو اختها حنان ماتقدر تقول او تسوي شي شخصيتها ضعيفه بين خواتها بحكم انها الاصغر مالها الاتسكت
دانه : يلا بنات انا بروح اكلم الهيئه وانتي وجد عطي عبير دقه تصرف نفسها
عبيرجاها اتصال من وجد: العنود دقيقه بروح انادي البنات شكلهم بالمحل الثاني
العنود: عادي بجي معك
عبير: لاانتي خلك تتفرجين دقايق وبجي
وفعلا عبير قدرت تصرف نفسها العنود لاحظت انهم طولو
وطلعت من المحل والبنات كانو منادين الهيئه ولمى طلعت العنود قالو للهيئه ان هذي البنت اللي تقابل ومع شباب
الهيئه: لو سمحتي تفضلي معانا
العنود : ليه وش تبي....؟
الهيئه : قلت لك ياختي تفضلي معانا لاتخلينا نضطر نسحبك
العنود خافت وصارت تبكي والناس تجمعت عليهم وهي مو فاهمه وخااااااااايفه وماعرفت وش تقول من الخوف وصار وضعها يشكك اكثر وصارت تخربط بالحكي وتقول انا معي بنات ومافي احد معاها والهيئه مو مصديقنها وعلت الاصوات
تركي طلع من المحل وشاف اللي حصل واتضحله الكلام اللي سمعه
تركي : الله يجزاكم خييييير خلاص خلوها
الهيئه كانو بيتكلمون على تركي وبيتناقشون معه بس لما شافو السواق والبدي قارد والرجال اللي يقوله طال عمرك .. سكتوووووو وسلمو على تركي وقالو انهم متاسفين وكذااااا
العنود مو فاهمه اللي وتشوف تركي يسلم عليهم فكرت انه معاهم او شرطي بس مو لابس لبس شرطه؟
تركي يقول للعنود: اذا تبين ارجعك للبيت تفضل معي او تروحين مع الهيئه
العنود: انا وش سويت ابي افهم ليه تودوني انا ليه والله انا ممعي بنات بس مدري ونهم وهم قالو بيروحون للمحل ولا ادري
تركي وهو يمشي ولا يناظر فيها: اتوقع البنات اللي معك هم اللي منادينلك الهيئه
العنود: !!!!!!!!!!!
العنود: لا مااصدق انا ..
تتركي مو فاضيها وقاطعها : ليه ماتصديقن اجل مين منادي الهيئه عليك اذا ماكنتي مسويه شي غلط
العنود "ايه صح ليه مااصدق من متى اعرفهم او يعرفوني طيب ليه يسوون كذا وش هالناس اللي كذااااااا"
صرت امشي معاهم وانا ابكي وزااااد بكاي لاني مو فاهمه شي ومو مصدقه اللي يصيرلي احسسسسس اني بحلم وشهذا ؟؟؟؟؟؟؟؟؟؟؟؟؟؟؟؟ معقوله اللي صارلي مافهمت وليه ينادون الهيئه ليييييه خلاااص مابي افكر ابي اطلللع من السووق ابي ارجع البيت مااقدر اركز اهم شي يوديني البيت لاياخذوني الهيئه ابي ارججججع
العنود فجائه وانا ابكي : ابي اروح للبيت بسرعه ابي اميييي
تركي تقدم وبدر صار مع العنود يمشي
بدر: ان شاء الله بنوصلك
ركبت معاهم بسياره المايباخ كان السواق والبدي قارد قدام وتركي والعنود ورا وبدر قال انه بيدبر نفسه
العنود : والله انا ماسوووويت شي يعني ليه انتم كذا
تركي: متعب الله يجزاك خيير وصل البنت
متعب : ياختي وين بيتك بالضبط
""العنود وش ذا الشرطي المغرور ولا لبس بدله ؟ طيب اذا مو شرطي وش يمكن مدير الهيئه ؟ الهيئئه لهم مدير افففف بطقاق اللي هو اهم شي اوصل للبيت ""
وصفتله البيت
العنود: ايه خلاص هذا بيتنا
قبل لاتنزل العنود
تركي: الله يستر عليك ياختي وانتبهي لنفسك
وهي نازله شافت كرت طايح عند رجلها وفيه ارقام؟؟ واخذته
البنات
وجد: اخييييييييييييييييييرا
دانه :ههههههههههه ياحليل خالتي بعد المدح صارت تسب بالبنت سب هههه
عبير: الله يعافيك ماقصرتي بفكرتك ووجد طورتها ههههههههههههههه
وشوي اتصلت ام العنود بعد ماقلتلها بنتها السالفه ...
ام العنود: هلا ام معاذ
ام معاذ بدووون نفس: مين منيره ماشاء الله عليك ماتدرين عن بنتك وينها نامت عندنا وجابتلنا فضيحه
ام العنود: والله الفضيحه بناتكم واسمحيلي اقولها لك قليلات حيا وماتربو بنات اختك مخلين بنتي بسوووق ورجعها واحد من الهيئه وقال انه عارف البنات اللي تسببولها بالبلوه وقال لاتخافون بنطلعهم من تحت الارض وبنحاكمهم << ام العنود تزززود من عندها ماقلت كذا خخخخ
ام معاذ : لاترقعين لبنتك وتتبلين على بناتنا
ام العنود: والله بنتي ماقالت انها تبي تنام عندكم ولا حنا نجي عزايمكم انتم اللي منادينا والبنات منيمينها عندهم ومتبلين على بنتي ومودينها للسوق اجل كيف راحت تطلع بالحالها ؟ وامكم دايم تقفل البيبان وش درا بنتي عن مفاتيحكم
ام معاذ معها حق امي تقفل البيبان وتحط المفاتيح بمكان ماحد يعرفه الا احنا والبنات : ......
ام العنود : ان تكلمو في بنتي ولا قالو شي والله ماخليهم
ام معاذ : يلا بس مع السلامه
راحت ام معاذ تهاوش البنات وقالتلهم ان عارفه انهم ماخذين المفاتيح وطالعين وقالت لهم ان العنود رجعوها الهيئه عند امها البنات خافو وانصدموووو
في المزرعه
تركي كان متعود كل مرتين بالسنه ينادي زملائه واصدقائه المقربين للمزرعه ويسوون سباقات بينهم بالخيل وبالرمايه واحيانا يلعبون بالوت وكان في واحد من شركائه يجيب بناتتته بنتين معه للخيل ؟ متفتح بزياده وهم الوحيدين اللي يجون لسباق الخيل معاهم وكانو شاطرات بالخييييييل
مشاعل تسلم على تركي: مرحبا استاذ تركي داييييم ماشاء الله متجدد وافكارك حلووه للمزرعه
تركي دايم مايمد يده لها ومع ذالك تفشل نفسها
تركي "والله النشبه في كل مره بينطون للسباقات": هلافيك منوره
مشاعل: تدري الجلسه مره عجبتني بس ناقصها شيشه ههههه
تركي"مااطيقها لاهي ولا اختها يارب ماتكون جايه":هههه الا اختك بشاير ماجت
مشاعل: الا جايه
تركي:اها طيب عن اذنك خذي راحتك
حمود هو ابو البنات اللي جايين : ياااااهلاااا بـ عوض يامرحبابك
تركي "مشاء الله يرحب بناس وجايب بناته المزرعه مزرعته"
عوض: هلابك ..ويسلم على حمود.. الا وين تركي ماله حس
تركي اقرب اصدقائه عوض وعبد المحسن ويحب عوض : يالله حيييه ارحب
عوض يروح يسلم عليه: الله يبقييييك
عند خالد ومنيره
خالد بصراخ :منيرررررهـ
منيره خافت: وش فيك
خالد يصرخ عليها : انتي ماخذه فلوسي ويييييين فلوسي اللي كنت حاطها هنا
منيره: والله مدري عنك دورها منا ولا منا
خالد: دورتها انا كنت حاط 1500 فوق الثلااااااجه مين اللي خذاها مافي الا انا وولدي وبنتك
منيييره: يعني انا باخذها انت عارفني كم مره اخذ فلوس منك واقولك خذيت وش ابيبها اسال سلطان
خالد بعصبيه : سالته مافي الا بنتك انتي زوجتي وهذا ولدي وبنتك سارقتيني بنت ال...
منيره تمسك يد خالد: لا ياخالد خل البنت بحالها
خالد ينفض يد منيره عنه ويروح للعنود: ويييييييييييييييينها وين فلووووسي تسرقيني يابنت ال.. وصار يتلفظ بالفاظ بذيئه
العنود: وخررررر عنييييييي انا ماخذيتها
خالد : اجل ميييين خذاها هاه مين
العنود: مدرررري وخر عني انا مو حراميه
خالد يضربها بعصبيه : مافي الاانتي اللي تسرقينها
العنود تتالم : اااااااااااااااااااااه يماااااااااااااااااا وتشاهق
منيره كانت تدور فوق الثلاجه وحصلت فلوسه 1200
منيره: خااااااااااااااالد وخر عن البنت شف فلوسك فوق الثلاجه رح شفها
خالد يروح ويشوف الفلوس 1200؟؟؟
خالد : منييييره هذااي انتي اللي حاطتها بس والله ان سرقت بنتك مره ثانيه لاذبحها
منيره: والله ماحطيتها لقيتها بس انت مادورت زين
خالد : تضحكين علي بزر عندك انا ؟؟افلوسي كانت كلها خمس ميات وهذي خمسيه والباقي ميات ؟؟ وناقصها ثلاث ميه؟
منير وهي ضامه بنتها اللي تشاهق : وخررر ياخالد عني مادري عنك وخر عني وعن بنتي
خالد ..طلع
وكان سلطان بغرفته وخايف وحمد ربه ان ابوه ماعرف انه ماخذ الفلوس وهو اللي راجعها فوق الثلاجه ((سلطان اصغر من العنود ب3 سنوات عمره 14 سنه اخوها من امها))
بعد ماتسابقو الشباب واللي فاز بسباق الخيل هو عبد المحسن
تركي: ماشاء الله عليك طالع على خويك
عوض: وش دخلك انت ههههههههه الا ابتدخل نفسك
تركي: يارجل خلني ارفع معنوياتي للمره الجايه ههههههههه
عبد المحسن :تركي تراك انت ماشاء الله عليك ماكان احد يغلبك حتى لو تجيب ابو جدايل(( ابو جدايل متسابق معروف في الفروسيه وغالبا هو يفوز)) اقول انك بتغلبه بس هالايام شكلك مشغول عشان كذا ولا انت ماشاء الله عليك
تركي كبر راسه: أي والله انك صادق منشغل انا
عبد المحسن كان يطنز عليه ويكمل تطنيز: أي انا عارفك خويي وعارفك طالع علي
عوض فهم السالفه وكاتم ضحكته
عبد المحسن : انت لو تسابقنا برجولك سبقتنا وش الخيل عندك
عوض ضحكه مكتومه: بخخخ .. ومسكها
تركي عطاه نظره : تستهبل انت وياه
عبد المحسن وعوض:بخخخخخخخخخخخخخخخخخخخخخخخخخخخخخخخخخخخخهههههههه هههههههههههههههه
عوض: ماندري عنك هههههه
تركي : بس تراني جد مشغول
عوض : لا تحطها بشغل ههههههههههههههههههههههههه
عبد المحسن : يلا شبب تراني جوعان بعد هالمنافسه والفوز الممتع
تركي: يخسي الجوع اقولهم يشوونلك الحين
تركي: شبااااب جهزو الشوووي
تركي والشباب جلسو يشوون ويلعبون بالوت والبنات يتمشون بالمزرعه وكانو يراقبون تركي والشباب
فهد واحد من الشباب في سن حمود اعمارهم حوالي ال55
فهد: لا ياشباب غش ابي قلم وورقه اسجل
تركي : ابشر دقايق بس
تركي دخل بالكوخ كان بالمزرعه كوخ فيه مطبخ وصاله وحمام وغرفة طعام وفوق فيه 4 غرف نووم .. تركي يوم دخل تفاجئه ببشاير تبكي
تركي: مين مشاعل
بشاير: لا انا بشاير
تركي : وش فيك
بشاير : انت كل منك انت
تركي:........
بشاير : انت ادري بتستغرب بسسسس ياتركي حرام عليك 3 سنوات اجي للمزرعه عشانك
تركي:..........
بشاير: اجي عشان اشوفك لو شوي واسلم عليك بس انت ماتهتهم فيني
تركي: اهتم فيك؟؟؟؟؟؟؟؟؟؟؟
بشاير: ايوووه لاني احبببببببك احبببببببببببببك ياتركي حرام عليك انا مو عاجبتك
تركي منصدم :انتي وش تقولين من جدك ولا تمزحين ؟؟
بشاير : الحب مافي مزح تشوف تصرفاتي مزح كل ماجيت اكلمك تصدني ليييه
تركي: .......
بشاير: قلي لييييييييييه

سمو الأميرة 07 ©؛°¨غرامي جديد¨°؛©

.................................................. .......

سمو الأميرة 07 ©؛°¨غرامي جديد¨°؛©

البارت الثالث


بشاير: الحبب مافي مزح تشوف تصرفاتي مزح كل ماجيت اكلمك تصدني ليييه
تركي: .......
بشاير: قلي لييييييييييه
تركي:.........
بشاير: انا ياتركي توقعت ان..وسكتت
تركي: قولي وش توقعتي؟؟
بشاير: توقعتك اذا شفتيني بتحبني وتفكر تتزوجني ابوي زميلك وانا الكل يقول اني حلوه ومو ناقصني شي ومن عايله غنيه
تركي يضحك بستهزاء: بس انتي ينقصك الحشمه والاخلاق والحيا
بشاير:.......
تركي : يابنت الناس انا لو بتزوج منيب متزوج مثل نوعيتك
بشاير تبكي : ايش فيني انا !! ليه
تركي رحمتها وحاولت اخفف عنها : بشاير انا رجال بدوي وتفكيري متخلف مهما كان معي فلوس وعندي شركات ومهما كنت متفتح مع العالم بس لو بتزوج ابي بنت محافظه من بيت محافظ
بشايرتببببببكي وتشاهق
تركي مابي اتعب البنت وابي انهي الموضوع لاني بديت اعصب : حنا مانصلح لبعض لاحب ولا زواج .. وكنت بطلع بس مسكتني
بشاير: لالالالا تركي انا احبببببك انا وش فيني ليه ماتحبني مو لازم تحبني تزوجني وشف
تركي عصب :هي لعبه تزوجني وشف ؟؟ماتفهمين انتي قلت لك مااخذ وحده تعرض جسمها لكل الناس والعالم وكل من هب ودب في كل المناسبات ماكنت اتمنى انكم تجون بس ابوك غالي علي وانا صحيح من عائله غنيه صح ومتفتحه صح بس مو برا الدين والاخلاق والخشمه بناتنا مايطلون كذا حنا محافظين خاصه انا محافظ ورجعي جدا لايغرك اني اتكلم
مع بنات في الشغل او اضطر البي حفله مختلطه عشان شغل او مصلحه
بشاير طلعت تركض وهي تبكي لاختها مشاعل وتقولها




وطلع للشباب وهو متضايق من اللي صار بس كان لازم يوضحلها عشان البنت ماتتامل فيه حتى لو الكلام يجرح اهم شي يكون صريح




تركي..رجعت الساعه 2 باليل ورحت لغرفت امي تطمنت انها نايمه ومرتاحه ورحت لجناحي وعلى طول نمت صحاني الجووال الساعه 12 الظهر
تركي وهو نايم: الو
..انت تركي الـ
تركي:ايه مين معي ؟؟؟؟
العنود: انا اللي كنت بسوق ووصلتني للبيت
تركي بعد ماكان نايم جلس: وكيف جبتي رقمي ووش دراك عن اسمي ؟؟
العنود:انا لقيت كرت طايح بسياره واخذته
تركي والله من القافه: طيب وش تبين ؟؟؟؟!!!!
العنود بجديه : لو سمحت انا اتصلت اشتكي
تركي!!: تشتكين
العنود : من زوج امي لانه يضربني اصلا من زمان مفكره اتصل على الشرطه
تركي !!!!!: شرطه
العنود: أي بس يومك ساعدتني وصدقتني قلت بتصل عليك احسك احسن واحد فيهم
تركي الحس: طيب وش دخلني انا
العنود شكت: انت مو شرطي او مدير هيئه او في شي زي كذا
تركي: انا؟؟؟
العنود : ايييه اجل وش دخلك تساعدني ؟؟
تركي:ياختي انتي غلطانه
العنود : ليه تقول انا تركي؟؟ مو انت اللي وصلتني
تركي: الا انا
العنود : كيف طيب غلطانه ؟؟
تركي: انا مو شرطي هههه ولا شي زي كذا
العنود : طيب ليه تساعدني
تركي: لاني سمعت البنات وعرفت ان مالك احد بسوق وان الهيئه بتمسكك سترت عليك لوجهه الله
تركي: اذا تبين الشرطه ليه ماتتصلين عليهم
العنود تفشلت لانها كانت تفكره شرطي وحست انها غبيه : كثر افكر اتصل واخاف طيب شكرا مع السلامه
تركي : مع السلامه




تسبحت وونزلت عند امي وسلمت عليها وكانت مرت اخوي موجوده ومتغطيه
ام نايف: متى بفرح فيك ياتركي
تركي: متى مابغيتي
ام نايف : شف ماشاء الله ولد عمك محمد اخو دلال بيتزوج وهو اصغر منك وانت بتشيب عندي
تركي : افا يمه هههههههه ..ويلف على دلال بنت عمه وبنفس الوقت مرت اخوه
..ماشاء الله على البركه
دلال: الله يبارك فيك وعقبال مانفصل فستان لعرسك
تركي وهو يحك دقنه : تونا خلي لمياء تكبرشوي عشان تشوف عمها معرس
ام نايف تكش عليه
تركي ودلال : ههههههههههههههههه
نايف دخل : السلام عليكم : وش عندك تضحك مع مرتي
تركي: انا اضحك مع بنت العم
نايف بغيره : لاااااا بنت العم هاه عندك بنات عم واجد رح نقلك
تركي : وشفي العايله كلها تبي الفكه مني
نايف وهو يجلس : الا اقول ليه ماتخطب جد يعني ياتركي ليه ماتخطب
تركي ينرفزه : اذا في وحده مثل زوجتك اخطبها لي
نايف يرمي المخده على تركي : ياللي ماتستحي حنا شكلنا بنعزل من عندكم
تركي يغني : يـامـعـزل ومدري وشو ..وسكت وشاف لمياء ترقص على الحن وتنطط ووقفت يوم وقف ورجع كمل
يامعزل ومدري وشو وجــافــي
فـي الــنـحــر رمـانــي يالالالالا يالالالا
والـعـيـون الــدعــج ومدري وش ياهلا هلا سرا روح هلا
ولمياء متحمسه وتنطط
تركي : بنتك قليلة ادب ماصدقت احد يدندن رقصة ههههههه
على الريحه ((ترركي مررررح مع اصدقاه واهله واللي يشوفه بشغله واجتماعاته مايصدق انه نفس اللي بالبيت ))



تركي جاني اتصال واستاذنت وطلعت برا كان بدر وكلعاده انشغلت بالشغل
العنوود تكلمم صديقتها ديما وقالت لها اللي صار معاها اليوم
ديما: اما كنتي تفكرييينه شرطي هههههههههههههههههههه اخوي الصغير وهو بزر يعرف يفرق هذا شرطي او لا
العنود: تفششلللللت انا فكره شرطي او بالمباحث او شي سري المهم ماطلع منهم
ديما : اجل شكله اميير
العنود: اسمممه تركي الـ
ديما: طيب كلميه مره ثانيه واشكيله يمكنه يقدر يساعدك
العنود: الله ياخذ زووووج امي الله ياخذه ياكل ويضرب وينام هذي حياته وانا اللي ماكلتها بننحد للناس والسبب هو
ديما: ياعمري ياعنود الله يفرجها بس المهم انتي اتصلي على ذا تركي وحاولي كل ماصار معاك شي تكلمينه أي شي ترا هالنوعيه من الناس يحبون يساعدون
العنود طيب بسكر الحين امي تناديني
ديما : اوكي
منيره : عنود وش فيك مانزلتي تتعشين
العنود: لا يمه ماشتهيت بذاكر وبنام
منيره:الله يوفقك
العنود تضم امها: ايه يمه ادعيلي لاني ماعاد اطيق شي
منيره تمسح شعر بنتها: الله يطيب حظك ويرزقك باللي يعوضك
العنود: مابي اتزووج ابي اجلس معاك ونعيش حياته طبيعيه بدون زوجك ماعاد ابي اعيش معه
منيره متالمه على عيشت بنتها :.........................




العنود الساعه 12 باليل اتقلب وانا افكر بحياتها ووش اسوي وكلام ديما لما قالتلها اهم شي تلكمينه وتعلمينه يمكن يساعدك!! وفكرت فيها وقلت انا محتاجه احد يسمعلي ويساعدني مو شرط فعل لو كلام .. واتصلت عليه
تركي توني حاط راسي بنااام: الو مين
العنود: السلام عليكم
تركي: وعليكم السلام ؟
العنود :.......
تركي:الووو
العنود: انا عارفه انك ماتقدر تساعدني يمكن حتى لو بلكلام بس ابيك تسمعلي
تركي قلت بشوف وش عندها :تفضلي اسمعك


العنود صااارت تشكيله وتقوله كل شي عن حياتها وعن البنات اللي كانو بسوق وكيف عاملوها بالبدايه وعن اخوها وزوج امها وصديقاتها بالمدرسه والمدرسات
تركي""عرفت ان البنت معانيه بحياتها وماتصورت ان فيه ناس عايشين كذا ونادر مااسمع قصص كذا (( بس فعلا في ناس كثيير مثل حالت العنود ومعانين لا اب ولا اخ ولا عم ولا خال ممكن يكونون فيه بس للاسف )) البنت بتضيع كذا بس واضح ان عندها اخلاق ومبادئها قويه من خلال كلامها اتكشفت هالشي وانها بريئه وباقي طفله !!


العنود تكلمت كثيييييييييييييييير وبعد ماسكرت منه على طول نمت بدون تفكير


مررر شهر والعنود كل ماصار معاها شي تتصل علي وتعودت على كذا
بس صارلها يومين ماتصلت مو بعادتها ؟ قلت بتصل عليها اشوف اتصلت مره اثنين ثلاث اربع
.....:الووو


سكرت لما سمعت صوت حرمه كبيره وشكلها كانت تصايح او تبكي ؟ لا يكون البنت صارلها شي ؟؟ وصارت الافكار توديني وتجيبني تعلقت بالبنت مو حب وخرابيط صرت احس انها اختييي الصغيره كنت دايم اتمنى يكونلي اخت او يمكن احسها بنتي .. كل ماكلمتني وشكتلي كل ماتعلقت فيها كيف انسانه قدرت تشيل بيني وبينها حواجز وتكلمني بدون اقنعه او تصنع كلها ببرائه وعفوويه احسها طفله وانا لازم احتويها واخاف عليها زززززادت الايام والخووف زاد مره اسبوع وانا اتردد على بيتهم ومافي حس ولا خبر وياثقل الوقت والايام بالاسبوع كان هم اعرف وش فيها ..
طالع عمرررك المشروع كل اسبوع ناجله ومابدينا بشي والاوراق ماي..
تركي يحط يده على راسه: خلاص يابدر عطني الاوراق اوقعها ونبداء بالمشروع
بدر: هذا المخطط وهذا المكان اللي بيكون فيه ..الخ
تركي بالي نصه مع المشروع ونصه مع البنت اللي خايف عليها من بعد ماعرفت حياتها وعلقتني فيها.. وعيني مره على المخطط ومره على الجوال .. متى بيخلص المشروع ومتى بتدقين يالعنود


في اليل كنت معزوم عند واحد من الشركاء بالشركه واصر اني اجي
توجهت للقصر وكانت مختطله رجال وحريمهم وبناتهم واللي معه عشيقته واللي واللي الخ عااادي الوضع بس انا يصيق صدري بعد كل مناسبه يصير فيها رجال وحريم واحاول اني اجامل عشان المصلحه وكانت كل بنت او حرمه تحاول تحتك فيني اقارنها بالعنود البنت الوحيده اللي عرفت تفاصيل حياتها وماالقا في شي يتقارن ويزيد تعلقي فيها وتفكيري فيها وخوفي عليها
الو
تركي كنت نايم وفززززيت وقلت بخووف: العنوووووود وش فيييييييييييييييييييييييك
العنود كنت مخنوقه : زووج امي
تركي: اول شي انتي بخييير
العنود وانا ابكي :اييه انا بخير
تركي: ووليه ماتتردين
العنود: كنت بالمستشفى
تركي: ليييييييييييه؟؟
العنود : من بعد ماضربني رحت وقالو عندي كسر بالورك
تركي : ضربك مره ثانيه مرييييض ذا شكله يستعمل مخدرات ولا شي مافي انسان عاقل كذااا
العنود بكيت: انا اخاف اني ماامشي زين اصير اعررج
تركي: لالا عادي بتمشين زييين ان شاء اهاف
العنود تبكي:..........
تركي اسمعها تبكي وكنت احس براحه لاني تطمنت عليها وعرفت وش فيها وسمعت صوتها تعودت عليها تشكيلي واذا شي ماوضحلها تسالني واعلمها اشتقت لطفلتي
تركي: عنود ارتاحي الحين ونامي وبكر خير ان شاء اهدي
سكرت منه واليوم الثاني صحيت وانا احس بامي تمسك حرارتي
العنود" يابعد عمري يايمه اه ب لايحرمني منك" : صباح الخير
منيره تضم بنتها : هلا بدلوعه امها
العنود : أي دلع يمه وش هالدلوعه المتكسره
منيره: يلا قومي ابي اقولك موضوع
العنود : وشو يمه قولي
منيره : قومي وبعدين اقولك
العنود : يمه قوولي لاتشغليني
منيره عارفه عناد بنتها وقالتلها: جايينك خطاب
العنود:........................................... ......................







سمو الأميرة 07 ©؛°¨غرامي جديد¨°؛©

شكرا للي قروووو وعجبتهم الروايه واللي ماعجبتهم اتقبل النقد ((المؤدب))اتمنى يكون فيه حماس للي حابين يكملون عشان انزل البارت بدري

أنين حلم ©؛°¨غرامي متألق ¨°؛©

يعطيك العآآآآآفيـة يالغلآآآآآآآآ
لي عوودة بعد القراءة

~الفارسه المجنونه~ ©؛°¨غرامي مجتهد¨°؛©

صباحكم ومسائكم جوري
روايه جنان يالغلا واعتبريننى من متابعينك وعندي طلب صغنون اذا كان عندك بارت جهاز نزليه يالغلا متحمسه حيل هههه




روح عشقت حرف واحد[M] ©؛°¨غرامي مشارك¨°؛©

كممممممممممممممممممممممممممممممممممممملي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1