منتديات غرام روايات غرام أرشيف الروايات المغلقة - لعدم إكتمالها أبحكي عن هوى قلبي وسر الشوق لعيونك وبحفر في سماء هـالليل حكاية عشق وبرويها
سمو الأميرة 07 ©؛°¨غرامي جديد¨°؛©

يارب الرواية تنال اعجابكم




أبحكي عن هوى قلبي وسر الشوق لعيونك وبحفر في سماء هـالليل حكاية عشق وبرويها








العنود: اااااااااي لا تصرخ وش ترا علبة ببسي بكره نطلبلك وحده
سلطان: انتي أي شي تشوفينه بثلاجه تاخذينه خلاص خلي الشفاحه عنك
العنود توقف بنص الدرج : انا المشفوحه نسيت يومك انت تاخذ....
سلطان يتطنز عليها : نسيت يومك.. وكشر : خلاص انقلعي فوق
العنود باعلى صوت "بصراخ" : انا بطلع فوق لاني ابي اطلع مو لانك قلتلي انقلعي
ابو سلطان يدخل على الصراخ : العنوووووووووووووووووووود
العنود بتنحاش لغرفتها
ابو سلطان يطلع على الدرج: والله ماخليك ماتفهميييييييييييييييين انتي ماتفهمييييييييييييين
العنود في نهاية الدرج جتها ام الركب من الروعه وتقاوم تبي توصل غرفتها بس للاسف
ابو سلطان اول ماوصل عندها صار يخبط فيها يضربها باي مكان راسها كتفها يدها ظهرها
العنود : اااااااااااااااي يممممممااااااااااااا اييييييييييييييي
ام سلطان تحاول تبعده : اترك بنتي
ابوسلطان: وخري عني يامنيره بنتك هذي مااااااااااااااااااااااااااااتربت يبيلي اربيها
ام سلطان تبعده عن بنتها لين حاولت العنود تهرب لغرفتها ...
العنود راحت لغرفتها وجسمها يالمها من الضرب وجلست تبكي لحد مانامت
..

..تفضل طال عمر هذي اوراق الشركه فيها اهم المعاملات
تركي: مشكور يابدر خلصت اللي طلبته منك
بدر: ايه طال عمرك جهزتلك المزرعه والخيول موجوده والاشخاص اللي اتصلت عليهم اكدو انهم بيجون
تركي: الله يعطيك العافيه يابدر.. ماتقصر ودايم احب اعتمد عليك لاي حفله او مناسبه
بدر: وانت ماكنت تقصر ولا الوالد الله يرحمه
تركي: الله يرحمه .. بدر اجل الاجتماع اصحاب المشروع لبعد بكره وقلهم يحددون المكان
بدر: سم طال عمرك
..
منيره: عنود يمه اذن المغرب قومي اكلك شي قبل لانروح
العنود: مابي اروح
منيره: وانشاء الله بتقعدين لحالك بالبيت؟
العنود:..........
منيره: يلا لاتزعليني وقومي
العنود:...........
منيره:ليت ابوك الله يرحمه ماسماك عنود طلعتي عنيييده ولا تسمعين كلامي وتزعليني دايم
العنود تقوم : يمه انا مازعلك بس طفشت دايم نروح لهل زوجك ذا ولا نشوف خوالي ولا احد
منيره: وش اسوي تبيني اتهاوش معه هذا نصيبي معه يلا البسي لاتتاخيرين ..وطلعت
العنود: اااافففففف الله ياخذه واهله ..وقمت وصليت العصر وتسبحت ولبست لي تنوره وبلوزه وسويتلي كعكع وروج وطلعت
" العنود بنت ملفته للانتباه وملامحها جميله وخذابه عيونها وساع ورموشها كثيفه وحواجبها تبدا عريضه وسخيفه من الاخر وانفها متوسط ورسمت شفايفها جنااااان وخاصه اذا صارت تتكلم ولها غمازه بحنكهاخفيفه وتمييل للبياض والاحمرار يوضع عليها"
العنود: يمه يلا انا خلصت
سلطان يرفع راسه من البي بي: بخخخخخخخ وش هذا اللبس كنك خدامه
العنود تكشر بوجهه :.........
منيره:استحى ذي اختك واصلا بنتي لوو تلبس خيشه قمرر
العنود معلقه عيونها فوق :..........
سلطان : النظره المنهديه المسكينيه الكاسره خاطريه
مطنشينه
..

تركي رجع للبيت على الساعه 6 هلكان دخل وسلم على امه
تركي : هلا بالغاليه ولد الغالي
نايف من بعيد : هلا بحبيب امه
ام نايف: كلكم حبايبي
نايف: لا هذا ماخذن قلبتس من اليوم مزعجتنا عليك تركي وين تركي وحطو لتركي وسو لتركي هههههه والله حاله
تركي يحضن امه : الله يخليلي امي"عطى نايف نظره" ويبعد عنا العذال
نايف: وش قصدك
تركي : قصدي العذال
نايف: مين العذال
تركي: اللي على راسه ..
نايف يقاطعه : يمه تراني اغار من ولدتس
ام نايف تضحك عليهم
تركي : رح لحرمتك
ام نايف: أي رح لمرتك
نايف: أي يمه الحين تكرشيني يوم جا نسيتيني هذا الغالي هذاالقعده اللي جا بعد 10 سنوات نساك نايف
ام نايف تاشر بالعصا تبي تضرب نايف : اذا هو القعده انت البكر وخر ياتركي
تركي : شف يانايف انك غالي وخرتني من حضنها عشانك
ام نايف : اقول وخرو ماغلى منكم الا ذا " ام نايف تاشر "
يشفون سلطان ولد نايف عممره 6 سنوات توه قايم ويالله يشوف ويتحكحك وجاي لمهم وجلس بحضن امهم تركي ونايف ضحكو على شكله: ههههههههههههههههههههههههه ماغلى من الولد الا ولد الولد
(( نايف عمره 42 عنده سلطان عمره 6 ولميا عمرها 4 سنوات موظف بشركته ابوه يداوم على كيفه مايحب الاداره والمسؤليه وخلاها لتركي يتولاها ..تركي عمره 32 وسسيم جدا وفي شبه بسيط من باتريك ديمبسي عريضضض وطوييل وله عوارض خفيييفه ملامحه رجوووليه ))
..ببيت ابو((خالد)) زوج ((منيره)) ..
العنود وامها دخلو يسلمون واول مره يجون بعزيمه كبيره دايم يجون ويحصلون اخوانه وحريمه اخوانه وبزرانهم الصغار بس هالمره جايين خوات خالد كلهم وبناتهم الكبار
منيره تهمس لبنتها : جاييين بنات هالمره قلت لك بتنبسطين
العنود :متى قلتيلي بنبسط ماقلتيلي
منيره: طيب روحي انبسطي
العنود: شكل هالبنات مايعات ماحب كذا
منيره: انتي يحصلك بنات تجلسين معاهم عشان تتشرطين روحي يمه اجلسي وسولفي
العنود: ايه عندي صديقاتي بالمدرسه ومانيب رايحه بجلس وياك
منيره " كله من سبب زوجي عقدها بالضرب وحرمني وحرمها لا نطلع ولا تشوف الناس ولا تلبس وحتى عمانها مافكرو ينادونها ولا احد يجيها ولا يسالون عنها حظ هالبنت اقشر يارب تطيب حظها وترزقها باللي يسعدها"
حنان: تشوفون البنت اللي هناك تجنننننن
وجد بتأمل وغيره : عاديه
دانه: بالعكس حلوووه
وجد: كنكم ماشفتو خيير هههههههه
حنان: يالله هذا وحنا بنات قزيناها قز هههههههههه
وجد انقهرت : بلا قلت حيا
عبير بعبايتها توها خالصه تسليم الحريم: بنات مين هالبنت وانا اسلم على خالتي اسمعها تمدح فيها عاد هي تدور عروس لمعاذ شكلها ناويه عليها هههههههه
دانه: ووووجع مامدا البنت جايه مالحقو يقررون هههه
وجد بقهررلانها تحب معاذ: لاااااااااااوين خالتي مارح تخطب لمعاذ وبعدين شايفين شكلها شلون مبهذل وكنها مو بنت هذا اذا صارت مو متزوجه
حنان : بالعكس شكلها مررره طفولي
وجد قامت ماقدرت تتحمل وراحت فوق لغرفه من الغرفت وجلست منقهره وحاقده على العنووود
عبير: وشفي وجد مو على بعضها لايكون للحين تحب معاذ
دانه :والله مدري عن اختي اشك انها باقي تحبه
عبير: هي مو تقول حب طفووله وخلاص؟
دانه: ايه بس ماشفتيها يوم درت ان عمتي تدورله عروس انهبلت
عبير: اجل لاتجلسون خلونا نروح نشوف وش فيها
..

بدر :طال عمرك الجماعه حددو الاجتماع يوم الخميس على الساعه تسع الصباح
تركي : الله يعطيك العافيه
..
البنات
عبير: وجود ممكن ندخل
وجد: ........
دانه تفتح الباب : وجد وش فيك
وجد:.......
عبير: وجد وش فيك مو انا بنت خالتكم الوحيده وحنا اتفقنا مانخبي شي على بعض ولا تحبيون علي شي
وجد: انا اخطط لشي
دانه:عبير هالكلمه تعني تنفيذ شي كبيير يخوف هههههه انا بطلع باي ..وطلعت
عبير:وجد قولي وحنا معاك
وجد:محد فاهمني
عبير:جربي
وجد:........
عبير: انتي باقي تحبين معاذ صح
وجد بنفعال وقهر وحقد وغيره واشياء كثير بداخلها: اييي احبه احببب معاذ انتو ماتحسون ولا ابي يتزوج غيري بمووووووت وهالبنت الحماره عارفه بسالفتها وناويه عليها عمتي من زمااان
عبير: وش دراك ؟ ووشلون يعني عمتي كانت تزورهم او يزرونها
وجد :نسيتي خالي خالد دايم يجي عند جدتي كل اسبوع اذا صرنا موموجودين يجي هو وزجته وبنتها وجدتي مدحتها عند خالتي وهالعزيمه عشان يشفونها من متى خالاتي ينادون خالي خالد للعزايم نادوه عشان هالبنت الله يخذهاااااااااااااااااااااااااااااا
عبير تحاول تهديها : طيب حبيبتي ان شاء الله مو صاير هالشي
وجد :عبيرانا موعمري 19 ولا 24 شوفي اعمارنا صارت كم انتي 26 وانا 28 بندخل الثلاثين ولا تزوجنا
عبير تقاطعها : هذا نصيبنا وان شاء الله بتتزوجين معاذ
وجد : انا بتزوج معاااااااذ ولا راح اقول ان شاء الله وانا مااسوي شي
عبير: طيب وش بتسويين وش تبين انتي
وجد : ابببببببي يطلووون هالبنت من راسهم مو عشاني وعشانك بعد عشان مرت عمي لاتنوي تاخذها لعبد الله
عبير: لا انشاء الله وجع
وجد : شفتي شلون حسيتي فيني انا احب معاذ وانتي تحبين عبد الله وراح تنزوجها
عبير: ان شاء الله
وجد : لا تقولين ان شاء الله وبس راح نسوي كل شي عشان نتزوجهم
عبير: كيف يعني
وجد : كيف هذي يبيلها تفكييير
عبير: طيب خلينا ننزل لهم تحت الحين ونقول لدانه.. ونزلو
دانه صادفتهم عند الدرج
دانه: بنات فاتكم حنان طاقه سولف مع البنت
وجد: اختي طول عمرها متخلفه ليتك اختنا انا ودانه بدال هالعله
عبير: ههههههه تعال دانه بنقولك وش نوينا عليه .. وقالولها
دانه: يعني انتم تبون يطلون هالبنت من راسهم
وجد: ايييييييييوه بس يبيلنا نفكر كيف
عبير: اممممم مالنا الا اننا نشوهه سمعتها
وجد: ايه حلووو بس كيف نتبلا عليها يعني
دانه: يمكن مايصدقونا بس انا جتني فكره وبتنجح ميه بالميه
حنان: العنود هذي اختي وجد اكبرنا اللي اقولك وهذي دانه الوسطه
العنود : ماشاء الله ياحظكم احلى شي الخوات تسلفون مع بعض وتاخذون راي بعض ليت عندي اخت وحده على الاقل
وجد مو طايقه العنود : هههههه ياحبيلك
عبير: انا ماعندي خوات بس بنات خالتي هم زي خواتي وانتي بتصيرين زي اختنا
العنود : تسلمين
دانه: اممممم العنود حنا بننام ببيت جدتي ليه ماتنامين معانا
حنان: الله وناااااسه ياليت تنامين ونسسهر
العنود:مدري عن امي
وجد: لا عادي حنا بنكلمها وبنكلم خالي خالد وبيوافقون عادي بيت جدتي مافي عيال ولا شي
العنود: بس امي يمكن..
حنان : انا بروح اكلمها
والعنود ماكانت مقتنعه بس احرجوها وقالت تبي تجرب كيف بيسهرون البنات لانها تسمع من صديقاتها انهم يسهرون مع بنات عمهم وخالهم ونامت عندهم سهرو على اذان الفجر ناااااامو وانبسطت عنود مع حنااان مرررررره
تركي ركب مع سواقه الخاص وكان معه بدر
تركي: بدر ماقلت لي اصحاب المشروع وين حددو مكان الاجتماع
بدر: بمطعم سبايزو ببرج المملكه
وصل لببرج المملكه وقابل اصاحب المشروع وعجبته افكارهم بالمشروع واخذ واعطا معاهم وتكلمو في امور كثثثيره

في الصباح الساعه 10
وجد : يلا بنات قوووومو بنروووووح للسوووق
دانه: يلاااااا حناااان عنوووود
العنود: وش فيه؟
عبير: بررروح للسوق
العنود : السوق ليه طيب
وجد: حنا كذا متعودين نتمشى ونطلع كل مره يلا تجهزي
العنود ونااسه اخير بغير جو: اوك .. وراحت للحمام
حنان: ليه وش تبون بسووق
وجد: انتي شببببب قومي وانتي ساكته واهرب لذبحك انتي واسالتك الكثيره
حنان: وجع وش فيك
دانه: قومي بسرعه بنروووح واذا ماتبين اجلسي
حنان والبنات تجهزو وراحو للسوق واهليهم نايمين وعادي عندهم اصلا
عبير: يلا غفران روح غرناطه
دانه: لالا رووووح للمملكه
حنان : ايه المملكه
عبير: اوكي يلا
وجد : غفران شغل ميوزك
غفران عارفهم ومتعد عليهم وشغل لهم اغاني والبنات بدو يفتشون وكل وحده ترفع شعرها واللي تحط كحل وروج وبرونزاج والعنود مستغربه وتتامل فيهم وهم حايسين ومنشغلين
عبير: عنود عادي افتشي السياره مضلله وحطيلك كحل او شي
العنود : لا مو لازم
وجد: ليه لا تكونين معقده عادي احنا فررري
دانه: يلا عشان تحطين شي بوجهك قبل ادخل الاغراض مو تفشلينا تروحين شهبه
العنود مو فاهمه ليش او وش الحكمه من كذا ولا تبي تبين انها معقده او تفشلهم او انها اول مره تطلع نزلت النقاب
وجد بغيره : يالله بنوصل ماله داعي حطي بس كحل بسرعه
دانه : تعطيها الكحل
العنود : فيه مرايه
دانه: مدري وينها
حنان كانت تختلف عن خواتها ببرائتها: ماشاء الله انت حلوه من غير شي
العنود: ههههههه عيونك الحلوه
عبير: يلا بنات انزلو
للمملكه اول ماوصلو دخلو الحمامات وكل وحده تضبط نفسها وشعرها وطرحتها قدام المرايه
العنود ..ماكان عجبني الوضع بس قلت اجاملهم واقلدهم
وجد : عنود طلعي شعرك شوي وحطي هالروج العنابي
عبيرتمسكها وتحط لها الروج
..
اصحاب المشروع : مشكور استاذ تركي على دعمك لنا
تركي يبتسم ويسلم عليهم : في امان الله
اصحاب المشروع : مع السلامه
تركي : بدر نادلي فهد ومحمد((واحد بدي قارد والثاني سواق)) ابي اخذلهم ساعه دامنها بسوق لانهم ماقصرو معي وابيهم يختارونها بنفسهم
بدر : حاضر طال عمرك

هذي البداييييية ويارب القى حماس عشان انزلها بدري

سمو الأميرة 07 ©؛°¨غرامي جديد¨°؛©

ياااارب احد يقررررررراء الرووووووواية ويعطططططططططططييني رااايه من ناحيه السرد وكذا واذا في اخطاء او اغلاط او نقاط مهمه عادي نبهوووووني

أنين حلم ©؛°¨غرامي متألق ¨°؛©

لي عوودة بقرأأأهـا يا سكر

أنين حلم ©؛°¨غرامي متألق ¨°؛©

جووناااااااااااااااان
روعـة يا حلوووة
بس ما قلتي لنا أنو هذي الرواية روايتك ولا أيش ..
وأظن البطلة عنووود
أوكـي متابعتك يا قلبي بأنتظار البارت الجآآآآآي
" سارونة"

روقان $ ©؛°¨غرامي مشارك¨°؛©

البدايةة روعةة ننتظر جديدس .. **

نببــــــرآآآآآآآآآآآآآآآآآس

دلوعه ودمعتها ممنوعه ©؛°¨غرامي مشارك¨°؛©

وااااااااااااو روعه الروايه تسلمين ياسكرة وحبيت العنود
عجبتني شخصيتها
ننتظر البارت الي بعدهـ

سمو الأميرة 07 ©؛°¨غرامي جديد¨°؛©

ولايف مشكوووووووووره ويارب البارت الجاي يعجببببك اكثر

سمو الأميرة 07 ©؛°¨غرامي جديد¨°؛©

ساروووووووونه يالبى قلبك والله اتمنى تعجبك الروايه كلها للاخر

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1