منتديات غرام روايات غرام أرشيف الروايات المغلقة - لعدم إكتمالها قسى على قلبي و لا درى شو كانت نيتي / بقلم بنت ابوها
اشطورهـ ©؛°¨غرامي مجتهد¨°؛©

السلام عليكم ،

حبيت اطرح رواية عيبتني احداثها وكل شي و ان شاء الله تعيبكم

مثل ما انا بالحيل عيبتني

اللي هي رواية

قسى على قلبي و لا درى شو كانت نيتي


بقلم : بنت ابوها

برب > محد يرد ..^^

اشطورهـ ©؛°¨غرامي مجتهد¨°؛©

البـآرت الاوول ..

طالعة و هي لابسة الروب و الفوطة على راسها و تتنهد : آآآه ،، السسكول جريبة ..
و قعدت بخفة متعبة على الكنبة الصغيرة و هي تفكر و تتذكر : آمبيه أنا نسيت أنه مــآمـآ رآححت لباباتي الهوسبيتل ..(تنهدت) الله يشفيكك باباتي ..
و قامت و بطلت الفوطة و جففت شعرها بالفوطة و لبست الجينس و طلعت و نزلت للصالة و مستغربة وين الكل .. جافت مريم (الشغالة مسلمة و زوجة دريولهم محمد)
سارة : مريــم ،، وين خواتي ؟
مريم : كلهم راحوا المستشفى
سارة : من صجج ؟
مريم : ايه والله
سارة : انزين انتي ليش لابسة عباتج
مريم : عشان في اغراض مال المطبخ ماكو !
سارة : اونه فديتج الساعة اللي يات فيها الفرصة ،، المهم اتريني بسير البس عباتي عشان اروح المستشفى اووكي .. ستيل هير آند آي ويل كم سويتي ..!
و رآححت ع السسريع الروم مالها و لبست العباة و لبست الشيلة و مسكت البي بي مالها و طالعت ويهها ع المراية ع السريع و قالت : ششت ، شحقه تكشخت اليوم .. يا ليتني ما حطيت الجحل ..
( سار ة متعودة انها تحط جحل بس في البيت و المدرسة و غير جيه ما تحط الا اذا مناسبة بس اماكن عامة ما تحب ابدد.!)
المهم و نزلت و قالت : سوري اذا اخرتج حبيبتي ..
مريم : لا حبيبي عادي ..
ضحكت سارة من كلمة حبيبي لانها تقولها ع الهاء موب الحاء ..و ركبوا عند محمد ..
محمد : هلا مدام سارة .
سارة : اهلين محمد
محمد : انا ما يشوف انتي واجد؟!
سارة : ههه ما عليه السكول جريبة و راح تجوفني 24 ساعة في السيارة
محمد : هههه زين
مريم رمسته كالعادة بالهندي و اسلوبهم كله رقة و حنية و سارة تقول : عسى الحب دوووم
مريم : نعم سارة حبيبي .. وين بعد تبين تسيرين؟
سارة : بس وصليني المستشفىّ!
مريم : ان شاء الله
و لما وصلوا ع المستشفى استوعبت انها بتنزل روحها .!
مريم : يلا حبيبي سارة وصلنا
سارة : مريم فديتج ما ابي انزل بروحي
مريم : يريد انزل معج ؟
سارة : يب يب
مريم : يلا
و نزلت سارة و معها مريم ..
مريم تراجعت : حبيبي سارة انا شغالة و انتي واجد حلو كيف انا يمشي مع انتي ..
قاطعتها و قالت : شو بلاج مريم .. خلاص انا انتي واحد ما في فرق
تبلل الدمع من المحجر و قالت سارة : حياتي مريم خلاص
و مسحت لها دمعها و قالت : مابي هالدموع مرة ثانية
مريم : مدام سارة انتي ليش واجد زين و اخوات انتي واجد مو جين ؟
سارة : ممم ما علينا انتي وصليني و كملي شغلج عقب .!

اشطورهـ ©؛°¨غرامي مجتهد¨°؛©

البـآرت الثـاني .

و دخلوا المستشفى و ع الاصنصير ..
سارة : تراني ماعرف ..سوي انتي ..
مريم : و انا ما يعرف هذا بلاد مال انتي حبيبي
سارة : هههههههههه يعني شو الحل ؟
و قبل لا يركبون ركبو بعد حرمتين فقالت سارة : خلاص حبيبتي مريم سيري و انا بكمل ..
مريم : لا عادي انتي ما يخاف ؟
سارة : لالا خلاص
و راحت مريم و من راحت و سكر الاصنصير خافت سارة لانها موب متعودة تروح مكان عام بروحها ،،
و فتح الاصنصير و هي تمشي و وقفت و قعدت تفكر وين تسير و جافت واحد هندي فما خافت منه ((عكس البنات تخاف من الخليجين و ما تخاف من الغرب))
قالت : كومار وين قسم القلب مال المينز ؟
قال : هناك مدام سيدا و بعدين ليفت
قالت : مشكور ..
و مشت و هي بخاطري تدعي و تستعين من الله انه يحفظها من كل شر ..
و عقب جافت 3 ممرات واحد بالنص و يمين و يسار و مشت اللي ع اليفت و مششت و و جافت لستة الاسامي و حصلت اسم ابوها و دخلت و متعودة تلقائيا قالت : السلام عليكم و رحمة الله و بركاته
عقب ردو عليها السلام و قالت : أأ..
كان بالغرفة جمهور يعني وايد ناس .. فسكرت الباب شوي شوي لانها ما جافت حد تعرفه و جان الاغلب يعني شباب و اصلا في بيتهم ما عندها اخوان ..
فسمعت حد يناديها من داخل الغرفة ففتحت الباب و جافتهم يطالعونها فأشرت على نفسها .. ضحكوا عليها و قالت أمها : تعالي تعالي ..
عدلت شيلتها و دخلت و قالت : هلا
عاشة : ساروه ؟..!
سارة : نعم ؟
عاشة : كيف ياية روحج ؟
سارة : أأأ..( تطالع الكل و عيونها حايرة)
قال ريل عاشة : شبلاج انتي جنج بتاكلينها ؟
عاشة : جيه هية بنت و بعدين تصير اختي و انا اخاف عليها !
سارة : سوري بس حبيت اشوف بـآبـآ ..!
و راحت صوب ابوها و باست راسه و قالت : شحالك ؟
أبوها مبتسم : انتي شحالج ؟
سارة شوي و بتصيح : الحمد لله ..
و جافت عمها و قالت : هلا عمي
العم عبدالله : هلا بنتي ..
و سلمت على نورة زوجة عبدالله و قعدت حذال خواتها ..
خالد (ريل عاشة ) : سارة هذولا اخواني ..
سارة اول ما رفعت ويهها جذبها هيبة واحد منهم و جافتهم و قبل لا تنزل عينها يات عينها
عليه مرة ثانية و استاذنوا اخوان خالد اللي هم عيال عم سارة و راح وياهم عمهم و مرته و الكل يعني ..
سارة : شو بلاكم .. مشتقين من الوناسسة
رقية : تعالي تعالي كيف ييتي روحج ما خفتي
سارة : احم موب خوافة ..
ام سارة : ليش ياية روحج ما تخافين من هالناس ؟!
سارة : ييت مع مريم و وصلتني
عاشة : ع بالي
سارة : ههههه زين .. بخبركم شي ..
ام سارة : شوو ؟
سارة : انا بسير ثانوية عامة
عواش : ككك ما يضححك
سارة : ههههه ،، انزين انا مابي اكمل دراستي !

اشطورهـ ©؛°¨غرامي مجتهد¨°؛©

البارت الثالث

في فلة عبدالله ..
عبدالله : ما شاء الله عليها
نورة : ما شاء الله عليها حلوة اكثر عن خواتها
مهرة : وآآي آبي آجوفها ما يخصني
آمل : يب يب آنآ بعد ..
نورة : ان شاء الله اخطبها لواحد من اخوانكم ..
مهرة : يمـآ كل عيالهم خذيتهم ..
عبدالله : هههههههه احنا الاولى لبناتهم ..
نورة : اليوم العصر بسير بيتهم و انتو الثنتين وياي .. و بنعرف عن بنتهم ..
عبدالله : زين و انا بسير الدوام ..
نورة : اوكي

خلونآ نعرفكم على الشخصيـآت .

بو سارة : مريض عنده القلب ..و جريب بيطلعوه من المشفى .. واايد طيوووب بس ما ينقص عليه و هيبة
ام سارة : وحده طيووووبة و ما تعصب واايد و ماشية ع سنة الكون في هالدنيا ..!
عندهم بس 3 بنات
عواش : متزوجة ولد عمها البجر خالد و وايد حازمة و عندها بنت اسمها شيخة عمرها 3 و نص ..و ما تبي تشتغل
رقية : تشتغل هندسة آخر سنة في هندسة التصميم الداخلي ..طيوبه شرات امها
سارة : أحلى البنات جماليا و خلقيا ما شاء الله عليها آخر العنقود و رايحة آخر سنة ثانوية و طيبة و متواضعة لكن كل شي له حد ،،
عايلة عبدالله ..: اخو بو سارة و واايد طيوب و له هيبة شرات اخوه .
نورة : خطابة لعيالها و تدور مصلحتهم قبل لا يضيع الوقت و ما شاء الله عليها فزعات !
عندهم 2 بنتين و 3 اولاد ..
مهرة : رآيحة آخر سنة ثانوية عامة ، راعية فزعة و حبوبه
آمل : رآيحة حادي عشر يعني آصغر من مهرة بسنة ، و عسسل
خالد : ريل عاشة . وايد يتمصخر و مرح و هو ضابط
عزوز : يشتغل في الدفاع المدني و هيبة و جيه
عمر : واحد هيبة و حبوب و عسسسل بين آخوانه الاولاد و رايح آول سنة في تخصص لغة .



( اذا لقيت ردود بكمل و اذا مالقيت سامحوني ما لاقت اعجابكم )

بانتظار ردودكم الغاوية ^^

اشطورهـ ©؛°¨غرامي مجتهد¨°؛©

ها شو رايكم

انزل ولا ؟؟

بانتظاركم ..^^

اشطورهـ ©؛°¨غرامي مجتهد¨°؛©

البارت الرابع

و في فلة بو سارة ..ع الساعة 4 .
كانت أم سارة في الصالة و سارة ع الاب و عاشة في بيت ريلها و رقوي منسدحة تجوف تلفزيون في غرفتها ..
فتحت مريم الباب و قالت لها تتفضل على الميلس و قالت لام سارة و ام سارة ع طول نادت سارة و رقوي و رقوي تركض المطبخ و سارة تتكشخ ....عقب في الميلس
أم سارة : يا هلا والله بنورة ..
نور ة : يا هلا فييج
و سلموا امول و مهور على ام سارة ..،.،
عقب دخلت رقوي و سلمت عليهم و حطت مريم الصينية لهم ..
رقوي : تعالوا وياي ..
و خذتهم صوب غرفة سارة المرتبة بدل غرفتها اللي ضاربنها كيبل كهربا ..
عقب سلموا ع سارة ..
سارة : هلا والله ..
مهرة :هلا ..
آمل : موب غريبة علي .!
مهرة : و انا بعد
سارة : ههههههه عرفتكم مهرة و آمل !
مهرة و آمل يطالعون بعضهم ..
سارة : انتو في سكولنا .. و انا توني خبر خير انكم بنات عمي
و عقب قعدوا وياها و قالت مهرة : تذكرتج انتي سارة حبيبة كلاسنا!
سارة استغربت من اللقب و ضحكت : ههه شو يعني؟
قالت مهرة : اقصصد آنه معظم كلاسنا معجبين فيج ..اونه هيبة و كشخه
سارة : اونه ههههههه
و دقوا سوالف ..
و في الميلس ..
أم سارة : هذا شرف لي انه ولدكم ياخذ بنتي بس شور البنية ..
نورة : وييه احنا اهل و ما بينا شي متى ما وافجت تخبرينا !
أم سارة : ان شاء الله ..
نورة : الحينه استاذن منج ..
و روحوا ..
و في الصالة ..
سارة : شوووووّ!

اشطورهـ ©؛°¨غرامي مجتهد¨°؛©

البارت الخامس

آمل : مو جنج البارحة رمستي عن سارة و خطبتي رقوي ؟
نورة : يالمخبل ، ترا رقية اكبر عنها و عقب اخطبها لولدي عمور
مهرة : عمور موب غيره !
نورة : شفيه اسم الله عليه بيتزوج له احلى بنت ..
مهرة : ما قلنا شي عن احلى بنت بس ذا الشيفة .. المهم متى بيخلص الخياط ملابسنا ..
نورة : باجر ان شاء الله ..
و في فلة بو سارة .
سـآرة : آونه عـآد بتزوج
رقوي : ما تخيلت .!
أم سارة : مبرووك لج ..
رقوي :...
سارة : عاد نتريا موافجتج .!
رقوي ضربتها ع جتفها : تستهبلي !
أم سارة :ترآ متى ما حددتي رايج نحن بنقولهم .
رقوي: راي من رايج أمييه ..
أم سارة : لا حبيبتي أنتي اللي بتزوجين ّ
رقوي : انزين .
سارة كانها تتذكر : أميــه !
أم سارة : شو بلاج ؟
سارة : ما يخصني لا تقولي اليوم مريضة والله آبي آسير اشتري حق المدرسة
أم سارة : لا والله
سارة : ههههههه آسفة ما اقصصد والله ( باستها ع راسها)
رقوي : أميه ترا أمول و مهرة قدها و اليوم بيطلعون خليها تسير وياهم و تتعرف عليهم أكثر .. يمكن ولدهم ياخذها هههه
سارة : لا عيوني انا آخذ لي من بعيد مب آهلي
أم سارة : شو من بعيد .. الدنيا ما منها أمان
سارة : انزين ما علينا .. وين اسير الحينه ؟
أم سارة : سيري مع بنات عمج .
سارة : كيف اقولهم
رقوي : لا تنكرين ضفتيهم بالبن كود و المسن !
سارة : ما تسكت بعد .. آووف خلاصص أمري لله ..( ضحكت ) تعالو ما خبرتكم .!
انتبهوا لها و قالت : اليوم مريم قالت أنه أنا وايد زينة و خواتي موب زينات
رقوي : حشى لييش؟
سارة : تستهبلي .يعني اسلوبكم هذا شو يخليها تفهم ؟
رقوي : والله ما منهم امان
سارة : حرام عليج من 5 سنين مادري جم بعدج ما تامنتي منها !
رقوي : لا
سارة قامت و قالت : بسير انا الحينه فوق تبون شي ؟
أم سارة : سلامتج .

اشطورهـ ©؛°¨غرامي مجتهد¨°؛©

البارت السادس

و ركضت فوق و دخلت غرفتها و جافت الطاولة معفوسة من رقوي و رتبتها و دق في خاطرها معشوقها الجحل و زادت الجحل في عيونها و عقب فتحت البي بي جافت حد يرمسها في المسن ..
سارة : هلا مهور .
مهرة : هلا شحالج ؟
سارة : تمام الحمد لله و انتي شحالج ؟
مهرة : الحمد لله
سارة : أٌقولج .، أونه اليوم بتظهرون بتسيرون تشترون من السكول؟
مهرة : يب يب بعد ساعة تقريبا .
سارة : ممم عادي تقدمون لساروه دعوة و ايي وياكم ؟
مهرة : افا عليج حياج ،، شكلي اليوم عازمة الكلاس بكبره خخ
سارة :هع .. انزين بجهز حالي و مروونيعقب اووكي !
مهرة : و لا يهمج حبيبتي .
سارة : فديتج انتي .. و انزين شحال الاهل ؟
مهرة : تماام هههه
سارة : شبلاج تضحكين ؟
مهرة : تصدقين أنه أميه تفكر فيج
سارة : لا تقووولي
مهرة : ههههههه ما دري ،،
و دقـوآ سوآلف و ع الساعة 4 و نص ..
مهرة : يلا حبوبه تجهزي لا ني لج و تصيرين عيوز ما تخلصين
سارة :هههههآي مااشي ..
و حطت بيزي و راحت خذت لها شـور سريع و سرحت شعرها و خذت و لبست الجينز مالها و لبست العبا و الشيلة و تبخرت بس ما تعطرت اونه يعني .. و تحسفت ع الجحل الاسوود اللي مسواي في عيونهآ و صـآير حلو ..( ع فكرة عيون سارة عسلية و الجحل عليها جاذبية نيوتن)
و لبست نعالها المسطحة .. و عقب دخلت مريم عليها .
مريم : تعالي
سارة بصدمة : وصلوا؟
مريم : ههه لالا بس ماما يبي ..
سارة : اوكي ..
و تنهدت و هي تطالع ويها ع المراية و نزلت و باست راس امها ( بوسات الراس عادة فأي وقت خخ) ، و قالت : شبغيتي؟

اشطورهـ ©؛°¨غرامي مجتهد¨°؛©

البارت السابع

أم سارة : ديري بالج ها ..
سارة : افا عليج .. الاهم انتي ديري بالج على روحج .
و عطت بنتها ألف و شهقت سارة : بأجر شقة شو .. بشتري شوي الا
أم سارة : لا خاطرج بشي لا تذلين روحج اشتريه بنفسج
سارة قالت بقناعة : اوكي ..
و بعد فترة قطع صمتهم مريم و هي تقول : ناس ايجو ؟!
و باست راس امها و ودعتها و راحت و جافت أمول و مهرة واقفين برا يتريونها ..
ضحكت عليهم سارة و قالت : هلا والله
و باسوا بعض و قالت مهرة : نتريا الملاك عشان تحضر،، خلاص ذبنا .
سارة : ههههههههه ..( تطالع يمين يسار ) .. مهور انتي بتسوقين ؟
مهرة : ههههههه لالالا
و لفت مهور و أمول ورا و صارو مثل وضعية سارة في الوقفة و ظهر من ورا السيارة و هو يسكر فونه و قال : ها يلا ما بتركبون ؟
سارة نزلت عينها و قالت مهرة : اوكي يلا ..
و ركبت مهرة جدام و أمول و سارة ورا ..
مهرة : عمور الكارفور نبي
عمر : ما ينلامون أهل راك والله .
مهرة : جب يلا ترا احنا منها و فيهـآ ..!
عمر ضحك و عقب سكت ..
سارة تطالعه من المراية و عقب تطالع الدريشة اللي حذالها و تقول : شو هالهيبة اللي فيه من صج يجذب بس مستحيل أكون الحينه احبه لالا بس اعجاب ..مالت علي ..

اشطورهـ ©؛°¨غرامي مجتهد¨°؛©

البارت الثامن

و عقب وصلوا الكارفور و راحوا ع قسم المشتريات للبنات و هالسوالف ..
عمر : مهور أمول عقب اجوفكم ..
و راح عنهم ..و عقب قعدوا ينقون لهم اشياء و اشترو لهم للسكول و غيره و استفادو من سارة لانها الصراحة البنت اللي معظم البنات يحبون استايلاتها مع انها موب أم قنابل و لا قصات ..!
و عقب ما خلصوا ، تمشوا في المول بدون عمر ..و في شباب اللي من فئة الصياعة ..،،
و وراهم وراهم بس بسكات ..
أمل لفت عينها على ورا و واحد منهم أشر لها بعلامة باي ..و قالت لخواتها : اييه
مهرة : خليهم يزولون ترا احنا سايرين لعمور .
و عقب وصلوا صوب المطاعم و قعدوا لهم في طاولة فيها 4 كراسي و قعدوا الشباب الخمس واحد ع الكرسي الفاضي و 4 يابوا لهم كراسي و قالوا : هلا بالقمر .!
سارة :أيييه ..
مهرة قامت و قاموا وياها البنات و راحوا عنهم و اتصلت على عمور
عمور : خلصتو ؟
مهرة : انته وين ؟
عمور : شو بلاج ؟
مهرة : بييك
عمور : ههه المفروض انا ايي .. ع العموم انا حاليا صوب النظارات !
مهرة : باي
و سكرت و قالت : اامشو بسسرعة .. شو هالبلوى ..
و عقب وصلوا صوب النظارات و بعد مشوار و الشباب بعدهم ، و عقب وصلوا عند النظارات و ركضو البنات ركضة خفيفة و عقب واحد منهم مسك ايد سارة و نبض قلب سارة بخوف ..!
مهرة و أمل قالوا : شو تبون ؟

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1