منتديات غرام روايات غرام روايات كامله - يتم نقل الرواية هنا بعد اكتمالها رواية آذان مثقوبه لنيشان الخطوبة / بقلمي،كاملة
ترجيه شذر ©؛°¨غرامي جديد¨°؛©

روايه عراقيه ... تجربتي الاولى في الكاتبه التي اتمنى ان تنول اعجابكم



أذان مثقوبه ... لنيشان الخطوبه



لم اكن في يوم كاتبه ولن اكون .... انا هنا اكتب مذكرات قصاصات لقصص واقعيه بلمسات خياليه فواقعنا اقسى من نعيشه مرتين حقيقتا وكتابه فسامحوني على شطحاتي الخياليه ...واغفروا لي اغلاطي الادبيه ... فانا هنا للادردش .. احلم .. اضيف القليل من الفرح لواقعنا المتعب .... ومن يدردش مع احبائه لا يأبه بلادب كثيرا



********************


احببت السهر منذ صغر سني لم اذكر في يوم اني استلقيت على فراشي مبكرا الا بعد تهديد امي في طفولتي او اعياء وتعب شديد في المراحل الباقيه .... اليوم ككل يوم لم استطع النوم مبكرا قررت عمل سهره معتبره مع فنجان قهوتي ودفتر اشعاري فتحته على صفحه ذكرياتي معه ... كعادتي حين افتح دفتري

نعمه انته بحياتي طالبتها سنين
وتلبت الي يارب الك اشكر
وانته اول فرح يوصل يدك الباب
يا باب الكلب ما تفتح شتنطر

سكنتني الابتسامه وانا اتحسس ال (التراجي ) في اذني لم اكن احب وضعها بصراحه ولكن في قصتي ستعرفون ما الذي جبرني على احتمال ما لا اطيق ( وريته بس على الترجيه )
.... الساعه الثالثه فجرا دق هاتفي ... فتحت الخط بدون ان ارى اسم المتصل من يكون فمن سيكون سواها
--- اكيييد بعدج كاعده *** اصلا توها بدت السهر --- رحمي نفسج وعينج
*** رحميني انتي وخليني صافنه ومتونسه
--- هم صفنتي مو كافي؟؟ مو كلنه انتهى الموضوع لشوكت حتبقين هيج كافي رجعي مثل قبل تغيرتي هوااايه
*** زين يصير اخلص صفنتي واخابرج
--- لا ميصير صفني واني وياج علخط (((( طبعا اكييييييد عرفتوا المتصل منو ...صديقتي العزيزه الي متفاركني حتى بصفنتي)))
*** اذا ححجي راح تحجين عليه وفري صوتج وحباله الذهبيه للغزل انتي هسه عرررروسه .... ---مو جديده مال احجي عليج... اطربيني
*** مشتاقتله
---وين الجديد ... تنازلي ودكي عليه
*** مستحيل
--- خلي تفيدج كرامتج
*** ماما دتصيحني شويه واخابرج ( اي اي صح

ماما م كاعده بس اني اريد اصفن واسولفلكم )

في يوم ممل كمعضم ايامنا قررنا عمل اكاونت فيس بك تشارك فيه مجموعه من البنات صفحه مجنونه نضيف فيها من كانت تريد عمل كمين لحبيبها او تصفح اكاونت من هيه معجبه به او اضافه من لا نستطيع اضافتها من اسمائنا الحقيقه ... اكاونت مزيف اسم دلع لا يخلو من السخافه وصوره لجميله من جميلات الشاشه .... اجتمعت العوامل وتم النجاح في كل الغايات وللاكاونت الفضل

وكلعاده فنجان قهوتي و اللاب توب في احضاني اقلب في صفحتنا السحريه وصديقتي (طبعا) على الخط
--- شفتيها شلابسه
*** ااااي مستحيل رهيبه
--- ههههههههه شوفي هذا شمعلق
*** لحضه فات واحد خبصني
--- اي طلع يمي ... دحجي وياه
*** متسكتين خلينه نقشب
--- لا اني هم اروح فد ساعه واخابرج ...


لم اكن في مزاج للرد على اي شخص فلم تكن النيه من الصفحه التعارف فقط للضحك واظاهر المعادن لكنه اصر ... طريقته في الكلام مضحكه ... اثارني الفضول لمشاهده صورته ... وسيم ... طويل حسب الطول المطلوب ... حسنا بكل الحالات لا يهم فقراري واحد لا للرجال ... ازمه واحده في الحياه تكفي

اصر في الارسال
*** هسه لو صدك هاي صورتج جان كلنه حقها و اكيد هسه شعرج مكفوش الحكله سايحه وكاعده تفيكين
بلطبع لم تكن صورتي ... وساعترف فعلا (مكفوشه والكحله سايحه ) ههههههههه ...

*** زين لمن تعرف هاي موصفاتي ليش كاتل روحك
--- اكسب بيج اجر
*** روح ادفع صدقه
--- ويه موصفاتج هاي رفع ثقتج بيها اجر اكثر
واستمرت المحادثه على نفس المنوال ( من الرفع والكبس )

من هو هذا الشخص
وهل سيكون له تاثير على حياتي
او مجرد شخص عادي .. والبطوله لاخر
انتظروا الفنجان الثاني فهو الذي يحمل كل الاجوبه

لامــارا ©؛°¨غرامي نشيط¨°؛©

السلام عليكم بداية حلوة

والعنوان يشد بكل تأكيد

أحسها إن شاء الله مختلفة عن البقية أولا كونها عراقية

ثانيا دخول عالم الوسائل الاتصال الاجتماعي الفيس بوك

ننتظرك يا الغلا لا تطولي

تفضلي

اذان مثقوبه ... لنيشان الخطوبه



وهذا لك بمناسبة إصدار أولى روايتك آملة لك بمزيد من التقدم



* ملاحظة صغيرة كلمة قلب إن كتبتها كلب نحتاج مدة لنفهما أنها القلب فلو تكتبها بحرف القاف تكون أسهل وشكراً

دمتي بود يا قلبي

rosemary baghdad ©؛°¨غرامي متألق ¨°؛©

واااااو قصة عراقية لاول مرة
متحمسة اشوف التكملة

عاشت ايدج

ترجيه شذر ©؛°¨غرامي جديد¨°؛©

حبيبتي لامار شرفتيني بوجودج وتعليقج .... وكلللش اشكرج على الملاحظه المفيده .... نورتيني

ترجيه شذر ©؛°¨غرامي جديد¨°؛©

روز ماري .... شكرا حبيبي وان شاء الله الجاي يعجبج اكثر

همسات وردة ©؛°¨غرامي فضي¨°؛©

السلام عليكم ورحمة الله

حياك الله بغرام .. بداية جميله لك وان كانت قصيره فياليت تنزلي بارت اطول
بالنسبه للبنت اكيد الفضول بيدفعها تستمر معه والشيطان شاطر :(
اممم وش معنى نيشان ؟؟


http://forums.graaam.com/458176.html


ياليت تطلعي على هالموضوع اكيد بيفيدك


http://forums.graaam.com/420685.html


بالتوفيق ان شاء الله

ترجيه شذر ©؛°¨غرامي جديد¨°؛©

مرحبا حبيبتي همسات ... وشكرا على مساعدتج ورائيج احترمه ..... وبلنسبه لقصر الجزء فطريقه هذي الروايه قد تكون مختلفه عن طريقه باقي الرويات الموجوده .... والتغير مطلوب حتى القارئ ميحس بلملل

ترجيه شذر ©؛°¨غرامي جديد¨°؛©

النيشان هو الذهب الي يقدمه الرجال عند الخطوبه حبيبتي اسفه هسه انتبهت على استفسارج

ترجيه شذر ©؛°¨غرامي جديد¨°؛©

الفنجان الثاني

الحياه اجمل من ان تعلني الحرب عليها .... حاربي اعدائها

احلام مستغامي

وتحت مبداء محاربه اعداء الحياه بدأت يومي و وضعت سلسله باهم الاعداء وقررت قتل اشدهم ضراوه ... الملل
لقد مللت من لون شعري نعم لم يمر الشهر تحولي من الشقراء ذات العيون الخضراء (صحيح عدسات وصبغ ..هسه الا تحرجوني) الى صاحبه الاسود ولكن ما الضرر ... فلشكل اهم خطوات قتل العدو الاكبر

*** صباح الخير (فلساعه 12 تعبر صباحا ان لم تكن فجرا لي )

--- يا صباح النور انسه شذر كيفيك

*** منيحه تأبري ألبي ( كولوا مو لغات اننني )
بس اكيد حكون احسن اذا لكيتلي موعد خلال ربع ساعه
--- وشو يدك تعملي ؟
*** صبغه
--- نووو وي ما بيصير هيك شعرك بدو يهر كلو سوري ما برضى اساويه

(صراحه حقها )
***طيب خليه موعد بديكير منكير
--- تمام تعي بعد شي نص ساعه

بدأت في التحضير للاخذ حمام سريع

رساله ....
كما هو متوقع هو لا احد غيره
لقد مر على اول مره تحدثت بها معه شهر او اقل بقليل لم استطع مقاومه فضولي بلحديث معه مع احساسي بانه ( ملعب وابو بنات ) ....

--- هلو ... وين انتي شو ماكو البارحه كله مختفيه
*** خليك حاير بلنات مالك خص بيه اني بكيفي
--- هم رجعت وكالت بكيفي ما عدنه نسوان بكيفهم
*** انتو ماعدكم احنه عدنه
--- خل نشوف بكيف منو بلتالي حتصير ( واني اعترف وياه رهمت (( التالي ربه عالي ))....)
*** ما بيه حيل اجاوبك يله اريد اروح هسه بعدين نحجي
--- اكيد دتحضرين نفسج تشوفيني اليوم
*** هههههههههه خليك باحلامك الورديه
--- عموما هذا رقم تلفوني ودا انتظرج ... لتخافين حتى لو محلوه اقبل بيج
*** صدك ؟ طمنتني جان ظال بالي ... لا تعب نفسك ولا تنتظر
----ههههههههه باي انتظرج
*** باي

*******

كنت اضع اخر طبقه من الماسكارا حين وصل تؤامي الروحي .... لحضه لحضه لا تاخذكم الاحلام الى بعيد ف (نوره) هيه تؤامي

--- تره نوره جتي دتنتظرج
*** سما متكليلي ليش مدتجين ويانه
---مالي مزاج والله روحو انتو واذا عجبني الحكم
اعرفكم
سما اختي التي تكبرني بعام النقيض مني في كل شي لكل منا عالمها فهي الهادئه الرومانسيه وانا .... ستعرفون في باقي الاحداث

---يللللله تاخرنه وين صرررتي
*** جيت هياتني
باي ماما

في السياره
--- يله وين نروح
*** اي مكان .... سمعي سمعي الله عليج

قلبي انا من الهوى خالي
من يوم فاركني الغالي
قلبي انا بعرضه للبيع
للبيع قلبي ولا بالي

دق الهاتف معلن عن رساله فيسبوكيه

___ تره اني بدلت وخلصت وانتي
ابتسمت فقد اعجبني اصراره
**** متكلي منين جايبه هلثقه

وجه يلتسق في هاتفي ...
*** شدتسوييين حتموتينه
--- منو منو ويامن دتحجين
*** نفسه شكو غيره ... يريد يشوفني
--- شكو بيها خلي يجي
*** صايره بطله مدا اعرفج
--- مليت اريد اخلص منج
اعطيت اعلى ما بصوت المسجل فهذا المقطع على كثر حبي له كان جوابا وافيا لها

مرتاح بالي وتفكيري
مالي انا في وجع غيري
من يوم علدنيا صغيري
شوري براسي ويبالكلي
--- خللص سمعتي ؟؟؟ ارتاحيتي يله دلي الكافيه خلي يجي
*** بتي ما اريده فهميني
--- وهو انتي شوكت ردتي احد ... خلي يجي مخسرانه شي الولد مرتب ومبين ابن عائله
*** لو يظل اخر رجال بلدنيا .... واحد متخلف وابو نسوان
--- حتجاوبي لو شلووون

حسنا ساعترف قليلا لكم انا في فضول لرؤيته ولكني اصر ( ما اريده لو اخر رجال بلدنيا )

*******
بعد وصولي الى المقهى بنصف ساعه تقريبا رن هاتفي ... وضعت فنجان قهوتي بعد رشفه لذيذه

----اني وصلت انتي وين
**** موجوده وينك مدا اشوفك
--- غير تجيبين ورده حمره تأشريلي بيها
*** ظريف مو بيدك
يله شفتك تعال
--- وينج ؟؟ هااااي انتي الدتأشريين !!!!!!؟؟؟

(( طبعا اكيد اني الجنت دا ااشر ...))

ليش انصدم ؟
تتوقعون حيغير هذا اللقاء قرار شذر لو حيخليها تصر
صدمته لصالح شذر لو ضدها ؟؟

انتظروا الفنجان الجاي وشوفو الي حيصير

لامــارا ©؛°¨غرامي نشيط¨°؛©

السلام عليكم شلونك شذر



إن شاء الله بخير

بارت اليوم أعطى صورة واسم للبطلة فهي شذرة وإمرأة تهتم بشكلها ، شعرت أنها إمرأة ملونة
دخول الاخت سما ولو بشكل طفيف أوحى ان شذر من عائلة وليست وحيدة الأم و الأب
وكذلك توأم روحها نور ، هي من شجعتها على التواصل الاجتماعي مع هذا الشخص الغامض

أشعر أن شذر كانت مخطوبة إلا أن خطيبها شهيد ولا تريد الارتباط بغيره

سنرى هذا في الأيام القادمة

إلى ذلك اللقاء تفضلي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1