منتديات غرام روايات غرام أرشيف الروايات المغلقة - لعدم إكتمالها رواية نوى قلبي على حبك ولا ادري وش نوى قلبك / بقلمي
همسات وردة ©؛°¨غرامي فضي¨°؛©

السلام عليكم

تفتح الروايه بطلب من الكاتبه

وقت ممتع للجميع ..

خجل أنثوي ©؛°¨غرامي جديد¨°؛©

في بيت أبو نواف الساعة 9:30 صباحاً
صحت سارة على صوت طق الباب
قالت وهي منزعجة : اففف شنو أبي أنام
نواف بحماس : قومي عندي لك خبر يسوى 1000 ريال
نط عرق الفضول عند سارة وقامت بسرعة وفتحت الباب كانت لابسة بجامة وردية
زي هذي


سارة ولسى النوم في عيونها : شنووو عندك .. يالله قول
نواف: هههههه يلعن أبو الفضول الي زي كيذا .. روحي غسلي وجهك وبدلي ملابسك انا تحت أنتظرك
سارة انقهرت : أوووف نواف والله ماله داعي حركاتك هذي قول لي وخلصني
نواف: مو قايل زين
تركها ونزل في الصالة و سارة من القهر سكرت الباب بأقوى ما عندها
شوي ونزلت سارة وشافتهم كلهم في الصالة ماعدا أبوها
راحت وقفت في وجه نواف و تخصرت : تفضل أستاذ نواف قول شعندك !
نواف: ههههه بكرة ملكة أحمد وهدى
سارة خزته بنظرة : وإذا ماكو شي جديد
جات بتروح تجلس بس لفت عليه مرة ثانية :أحمممممممد رجع !
نواف: يب اليوم الفجر شفناه بالصلاة
لفت سارة على أمها: ماماتي جد رجع !
أم نواف: ايه يبه رجع
هزت سارة خصرها : يا ونااااااسة بكرة عندنا عرس
سهى : أهجدي أقول
سارة تقيس خصرها : أحس أني متنت بروح أجيك فستاني يمكن صار ضيق والله شي
وراحت تركض على غرفتها
///////////////////////////////////////////////////////////////////////////////////////
في بيت أبو فارس
منال تنطط : سأليها سأليها كلمته ؟
العنود : ما أتوقع
رغد صرخت : وجعععع خلوني أعرف أتكلم مع البنت
كانو جالسين ثلاثهم في غرفة العنود
منال على الكنب و العنود و رغد على السرير ويكلمون هدى سبيكر
رغد: ألو هدووي
هدى: هلا حبيبتي معاك
رغد: أيوا .. منول تسأل كلمتيه
هدى ضحكت بحيا : ههه يب البارح اتصل فيني
منال: ياااااااي يا رومانسية أنتي .. ابي أعرس ابي أحب ابي اعشق
ضحكت عليها العنود : هههه وجع ماما ما راح تعرسك لين نعرس انا وفارس و العنود
منال : لا والله واتم انا لحالي بالبيت مثل القطو المشرد
هدى: ههههه شدخل القطو المشرد .. بقول حق سلطان ولد عمي سعد يعجل بالعرس
العنود : ول ول ول سليطين ياخذ منال .. الله لا يقوله
رغد : شفيه سلطان شحلاته أدب وأخلاق وجمال
منال : صحييح بس ماكو أجمل من طليل و أحمد و فارس .. أحمد خلاص خذته هدى وفارس اخوي باقي طلال
العنود : شرايك تضبطه لك
منال: يب اكووووون ممنونة
هدى : هههههه طيب بس خل أخلص ملكتي واشوف موضوعك
شوي وسمعوا صرخة مها : هدووووووووي قوي شوفي الكوشة تهببببببل حيل ناعمة
هدى : وجع بشويش طبلة أذني أبيها .. طيب بنات أخليكم
رغد و العنود و منال : طيب
هدى : باي
منال : لحظظظظة هدوي مو تنسي موضوعي
هدى : ههههه طيب يالله باي
البنات : بايات
سكروا من هدى
رغد لفت على منال: طيب يا حلوة بكرة الملكة وانتي ما عندك فستان
منال الي كلش راح عن بالها : ولللل كيف نسيت انا يممممه شلون اروح بكرة الملكة ما ابي أجلس بعباتي
العنود : خل نستأذن من ماما الحين و نروح السوق
رغد: بس ماكو أحد يودينا بابا وفارس بالشركة مو فاضين لنا
العنود: خل ننزل و نشوف
رغد: طيب يالله
طلعوا ثلاثهم رايحين إلى أمهم
///////////////////////////////////////////////////////////////////////////////////////
في الشركة
دخل طلال الشركة الساعة 10:20
طلال : سلام عليكم
الموظف : عليكم السلام والرحمة .. تفضل أستاذ طلال بشنو أخدمك
طلال: مشكور بس الوالد في مكتبه ؟
الموظف : دقيقة أتأكد لك
رفع الموظف التلفون واتصل على مكتب ابو طلال ورد السكرتير
الموظف : ألو .. أستاذ ابو طلال بالمكتب ؟ طيب .. طيب شكراً
سكر الموظف ورفع راسه إلى طلال : الوالد بالمكتب مع الأستاذ عبد الله و الأستاذ عبد العزيز و الأستاذ سعد
طلال : شكراً
مشى طلال رايح لأبوه بس رجع إلى الموظف
طلال : اممم فيصل معاهم ؟
الموظف: ماعند خبر بس لو تبي أتصل اسأل
طلال: لا لا خلاص شكراً
الموظف استغرب : العفو
راح طلال الطابق الي فيه مكاتب أبوه وأعمامه
لما وصل شاف خالد
طلال: هلا خالد
خالد كان مشغول بالملف الي في يده : هلا هلا
طلال : هلووو خلود
رفع خالد راسه : اوه طلال هلا .. شتبي !
طلال : شفيك ! أكلمك وانت تطالع لي بالملف الي بيدك
خالد : لا أبد بس في معلومات ناقصة .. إلا أنت ليش ما رحت مع فارس وأحمد ؟
طلال: أنا توني واصل كنت مع الوالدة اشوف شنو يبون بكرة للملكة
خالد: اهاا . . روح شوف أبوي بالمكتب
ترك خالد طلال وراح مكتبه
طلال " شفيه هذا خبل والله خبل "
راح طلال مكتب أبوه وطق الباب ودخل
طلال بأبتسامه هبل : مرحبا .. عندكم اجتماع ؟
ابو خالد : لا يبه تفضل
سلم طلال على أعمامه و أبوه
أبو خالد : خلصت الشغل الي بالبيت ؟
طلال : ايه حتى امي قالت لي خلاص روح الشركة شوف ابوك
أبو خالد : طيب فارس و أحمد لسى يشرحون لهم دقيقة خل أشوف وينهم
ابو فارس: توني وانا جاي كانوا رايحين عند السكرتارية
ابو خالد : طيب خلاص اجل بتلاقيهم بالسكرتارية بالطابق الثاني
طلال: طيب .. بالأذن
الكل : أذنك معك
طلع طلال وراح الطابق الثاني يشوفهم
طبعاً فارس وأحمد و طلال أول يوم يداومون في الشركة ولسى يفهمونهم طبيعة العمل
///////////////////////////////////////////////////////////////////////////////////////
في الليل الساعة 9:30
في بيت الجد أبو سلمان
ام سلمان : إلا يمه فيصل متى راح تحدد موعد الملكة ؟
فيصل الي كان يتابع التلفزون وهو منسدح عدل جلسته : والله ما ادري يمه خل نخلص من ملكة أحمد و هدى وبتصل في عمها أشوف
ام سلمان : على خير أن شاء الله
أبو سلمان : الا اقول يا نوفة ليه ما تتصلين بالعيال يجون يتعشون عندنا .. من زمان عنهم
ام سلمان : انا ما عندي مانع منى عيني أشوفهم حواليني .. يمه فيصل قوم خبر أم محمود تتصل فيهم
فيصل: أن شاء الله يمه هذاني رايح
راح فيصل عند المطبخ : ام محمووووود .. ام حمووووووود .. ام موووووود
جات له أم محمود وهي تضحك عليه : يأطع بليسك .. أمر أستاز فيصل بشو بدي أخدمك ؟
فيصل : اقول يا ام محمود الغالية أمي مرسلتني أليك تقول اتصلي في عيالها سلمان وعبد العزيز و سعود و عبد الله .. يعني كلهم
ام محمود : طيب بس شو بدي ألهم ؟
فيصل : قولي ليهم فيصل عازمكم على عشا من أيد ام محمود في بيت ابو سلمان
ام محمود وهي تمشي: هههه شو انت بتضحك علي .. ماشي هلأ بألهم الأستاز فيصل عازمكون على أكبر مطعم بالرياض كلا
لحقها فيصل و وقف في وجهها : تعالييي صلي على النبي ما عندي فلوس انا .. يادوب أعطيهم العروس تجهز نفسها
ام محمود : طيب طيب خلاص ما راح ألهون هيك أبعد عن طريئي هلأ
فيصل : يالله سرعي ماكو وقت .. وخبريهم ابي ورق عنب عالعشا
ام محمود : طيب لعيون الأستاز فيصل أحلى ورأ عينب
فيصل: تسلمين يالله انا بروح أكمل البرنامج
///////////////////////////////////////////////////////////////////////////////////////
رن تلفون البيت وراح ترجي حتى ترد عليه
..... وهي تلقط أنفاسها : ألو
..... : السلام عليكم
...... : عليكم السلام
.......: منو معاي ؟
......: انت الي منو انت المتصل !!
......: طيب نواف موجود ؟
......: يب منو أقول له ؟
.......: قولي له طلال ولد عمك سلمان
.......: وللل سوري طلال والله ما عرفتك سوري
طلال: لا عادي سارة .. ممكن تنادين نواف
سارة أستحت وتوردت خدودها : يب دقايق
راحت لنواف بغرفته وقالت له
نواف: طيب ليه ما يتصل على جوالي ؟
سارة: وانا شيعرفني روح كلمه واسأله
وهم نازلين نادتهم أمهم
ام نواف: سارة .. نواف اجهزوا بعد شوي رايحين بيت جدكم
نواف استغرب: الحييين !!
ام نواف: ايه اجل متى
سارة طيب انا رايحة
راح نواف عند التلفون
ام نواف: انواف انا اقول روح جهز نفسك وانت رايح تجلس !
نواف: يمه طلال متصل على تلفون البيت بشوفه شيبي
ام نواف: اها طيب
كمل نواف طريقه واخذ التلفون : ألو
طلال بملل :وينك يا اخي لي ساعة انتظر حضرة جنابك
نواف:شسوي قالوا لي ونزلت وبعدين محد قالك ما تتصل على جوالي
طلال: منو قال لك ما اتصلت .. اتصلت لين احترق
نواف: ما شفته والله
طلال: المهم ما علينا .. تذكر مرة قلت واحد من خوياك عنده محل حلويات
نواف: موب خويي ابوه
طلال: المهم نبي شغل واسطات للملكة بكرة
نواف يفكر: اممم ما ادري .. انت بتروح بيت جدي الحين ؟
طلال :يب بروح بأذن الله
نواف: خلاص نلتقي هناك واتصل فيه ونشوف شنو يصير
طلال: اوكي .. ما تقصر
نواف: ولو حياك
طلال: يالله اخليك مع السلامة
نواف : الله يسلمك
سكر نواف التلفون وقام رايح غرفته
سمع صوت الباب راح يشوف منو جايهم
فتح نواف الباب : اووووه هلا هلا والله نور البيت .. حياك حياك الصهر
مصطفى :هههه هلا فيك .. أخبارك ؟
نواف:بخير الحمدلله .. اتفضل داخل البيت
تقدم نواف على مصطفى حتى يشوف له طريق
نواف يصرخ : يالله تحيهم يالله تحيهم .. ادخل ادخل ماكو احد حياك الله
مصطفى : الله يحيك ويبقيك
دخل مصطفى وجلس بالصالة
نواف: والله السموحة منك بروح اغير ملابسي
مصطفى: لاوالله عادي .. اساساً أنا جاي اخذ سهى حتى نروح بيت جدك
نواف: إذا على كيذا اروح اشوفها وبعدها اروح اغير ملابسي .. عن اذنك
مصطفى : اذنك معاك
راح نواف يشوف سهى وبقى مصطفى لحاله بالصالة
/////////////////////////////////////////////////////////////////////////////////////

أنفاسي عطر ©؛°¨غرامي متألق ¨°؛©

هلا وغلا خجل

البارت صغير ياليت تطولين البارت الجاي يالغلا


يسلمووووو

خجل أنثوي ©؛°¨غرامي جديد¨°؛©

بكرة إنشاء الله راح انزل البارت الجديد

خجل أنثوي ©؛°¨غرامي جديد¨°؛©

نزلت سارة وهي حاملة عباتها وشنطتها بأيدها اليسار وفونها تلعب فيه بإيدها اليمين
سارة بصوت عالي : يمممه أنا خلصت أنطركم بالصالة
وصلت عند الكنب و جلست بدون ما ترفع راسهامن الفون
مصطفى من شافها نزل راسه
شفتها وهي نازلة من الدرج غضيت بصري لانها كانت بدون عباية سمعتها وهي تنادي عمتي وصوت كعبها بالارض يقتر ب اكثر و اكثر ما اتوقعت انها بتجلس بنفس الصالة الي انا جالس فيها معقولة ما شافتني !! خل اطلع صوت يمكن تحس
مصطفى تنحنح بصوت عالي : احم احم
سارة سمعت الصوت رفعت راسها بشويش وطاح نظرها على الانسان الي جالس بنهاية الصالة
سارة :يمممممه .. انت متى هنا
تركت شنطتها مسكت عباتها وراحت ركض على غرفة سهى
سارة تصرخ : سهى يا حمارة يا كلبة .. ليه ما قلتي لي ان مصطفى هنا .. مخليتني انزل كيذا بدون عباية بدون شي
سهى الي كانت لابسة كامل بس باقي تنزل الى مصطفى حتى يروحون نظرت سارة: نزلتي كيذا عند مصطفى !!
سارة :اي مو انا ما ادري انه موجود ورايحة وانا العب بالجوال ومو منتبهة له جلست واخذت راحتي لين هو طلع صوت حتى انتبه له .. حماااارة
قطت سارة نفسها على الكنب الموجود بغرفة سهى
لفت على سهى لقتها تاخذ جوالها من الشاحن : بس جد صراحة طلع انسان محترم طول الوقت عيونه بالارض .. بالعافية عليك حبيبتي
سهى متضايقة عشان سارة نزلت عند مصطفى كذا سارة ما خفى عليها ضيقة اختها
قامت سارة ومسكت يد سهى :والله لو كنت عارفة ما نزلت سهى بليز ما تتضايقين شي صار وانتهى وان شاء الله ما يتكرر .. تعرفين سأليه شنو شاف مني والله اتوقع يقول مو شي لان طول الوقت منزل عينه بالارض .. وانا تعرفيني ما يحتاج اعلمك عني
ابتسمت سهى لسارة تطمنها : تطمني حبيبتي .. انا واثقة فيك و واثقة فيه .. الغلط مني ما خبرتك لما خبرني نواف
باستها سارة بخدها : احببك .. يالله لا تتأخرين على الرجال
غمزت سارة إلى سهى وشالت عباتها وطلعت من الغرفة
///////////////////////////////////////////////////////////////////////////////////////
في بيت الجد " ابو سلمان "
الشباب والرجال جالسين بصالة والحريم والبنات بصالة ثانية
وثنتينهم مفتوحين على بعض يعني يشوفون بعض بس ما يسمعون شنو يقولون
عند الرجال طبعاً ما يتكلمون الا عن الشغل والاسهم
ابو سلمان: هالحين الشباب معاكم .. علموهم على الشغل حتى بعدين هم يستلمون
ابو خالد : اي يبه بس ماكو الا خالد وفيصل .. والله طلال وفارس وأحمد توهم اليوم يداومون
ابو سلمان: خير ان شاء الله .. فترة ويتعلمون على الشغل وتسلمونه لهم
ابو نواف: ان شاء الله ما يطولون لأن احنا خلاص قرب ينتهي دورنا
خالد : الله يطول بأعماركم عمي
ابو نواف: انشاء الله وياكم انشوف عيالكم يارب
خالد: لا عمي انا بنتي لحد الآن كفاية مسوية أزعاج بالبيت
وليد: إي والله لما تصيح يصير أستنفار أمني بالبيت عشان تسكت بس والله ما تسكت بسرعة احنا نتعب وهي لا
فارس : ههههههه عمي بوخالد متأكد ذا الولد ولدك ؟
ابو خالد: ليه شاك فيه وانا عمك ؟
فارس : ما ادري عنه عمي .. غير خالد و طلال
ابو خالد: ولدي حبيبي هذاا أخر العنقود .. تعال يبه وليد اجلس جنبي
قام وليد رايح لأبوه مر على فارس و طلع له لسانه
فقعوها الشباب ضحك عل حركته
عند الحريم
ام فارس : الا يا ام خالد ما راح تحطين لهدى حنا بأياديها ؟
أم خالد : والله يا اختي انا عجزت منها بحط لك حنا ما رضت
ام سلمان : بكرة الصباح قبل تروح تجهز نفسها جيبي لها حناية تحط لها حنا
ام خالد : عمتي والله ما راح توافق
ام سلمان : وي شحقه ما توافق !!
ام خالد: ما ادري عنها والله .. هذي هي عندك سأليها
أم فارس: هدى .. يمى هدوي تعالي جدتك تبيك
قامت هدى من عند البنات وراحت عند جدتها باست راسها وجلست جنبها
هدى: أمريني يمه
ام سلمان: يمه هدى ليه ما تحطين لك حنا ؟
هدى عفست وجهها : يمه والله ريحته ماهي حلوة بعدين تصير ريحة غرفتي كلها خايسة
ام نواف: هو صح ريحته ماهي حلوة بس منظرة باليد حلو وإذا على غرفتك بخريها وتروح الريحة
ام سلمان : يمه العريس لا جا يشوف شريكة حياته يحب يشوفها حلوة ومتزينة له
هدى لا أرادياً لفت وجهها على ام أحمد ونزلت راسها مستحية
ام أحمد : هههههه فديتها مرت ولدي
ام سلمان :خلاص يا ام خالد اتصلي بالحناية بكرة الساعة 6 هي عندك
هدى رفعت راسها بسرعة : وللل من 6 .. شحقه يمه
ام سلمان :حتى يمديها تخلص لين الساعة 8
ام خالد: ايه يمه هدى انتي موعدك عند الكوافيرا الساعة 12
هدى اتضايقت وهي قايمة قالت: وييييي كيفكم سوو الي تبون
راحت عند الصالة الي فيها الرجال و الشباب
هدى بصوت عالي : فصووول أنا رايحة غرفتك
فيصل :حلالك حبيبتي
راحت هدى و خزر أحمد بفيصل : منو حبيبتك ؟
فيصل : بنت اخوي كيفي يبه
أحمد: أحلف بس
خالد يحارش أحمد: أصلا أنت أخر واحد تتكلم
أحمد: بالله ليش ؟
خالد مرفع حواجبه : لسى ما صارت حلالك
أحمد: حلالي .. دام عمي و ابوي موافقين فهي حلالي
خالد غمز لفيصل من غير ما يشوف أحمد
فيصل :بالله بأي شرع هذا ؟ لا ملكة ولا ملاك
أحمد: اي وقت أقدر اجيب الملاك يملك علينا حتى الحين
خالد: ما تقدر .. أبويي ما يوافق
فيصل: ولا أبوك يا حلو يوافق
أحمد نط فيه العرق : أقدر .. دامهم موافقين على بكرة يوافقون على اليوم
فيصل : و الناس الي عازمينهم على طرارة !!
أحمد رفع صوته شوي : عادي اليوم الملكة وبكرة الحفلة
الكل ألتفت لهم
فيصل : بكل بساطة ! الحين الساعة 10:15 وين تحصل ملاك هالحزة ؟
أحمد: اكو ملاك هالحزة .. دقة تلفون وهو جاي
خالد: طيب و الشهود ؟
أحمد: كل هذول الي هنا مو مالين عينك !
خالد: لف عليهم سألهم تبون نملك الحين ؟ صدقني محد يوافق من جدي كبير العيلة لي بنتي أصغر العيلة
أحمد خلاص فقد أعصابه :شنووو يعنيييي بكيفكم أهووو بكيييفكم .. دام اهي موافقة محد له حق يعترض .. ياخي انت شنو تبي ها قولي شنو تبيييي
التفتوا لهم الشياب
ابو خالد: شفيكم ؟ شحقه كل هالمزاعق !
خالد و فيصل ناقعين ضحك موب قادرين يوقفون
انقهر أحمد وطلع من البيت
ابو سلمان: بلاه أحمد طالع معصب
طلال: ابد جدي بس فيصل وخالد محاشرينه عشان ملكته بكرا
ابو نواف: لا حول الله حركات بزران
ريان كسر خاطره اخوه : نشوف فيك يوم فيصلوه وأردى من احمد
سكت فيصل وهو يسمع ريان : يا تلح انا عمك .. احترمني
ريان : أنت ما احترمت اخوي شحقه احترمك
نواف و طلال وفارس :ابوووووي الي يدافع عن اخوه
فيصل رفع حاجبه اليمين : هين هين انت وياه .. صبروا علي خل تخلص ملكته لغير ملامح وجيهكم واحد ورا الثاني
ابو سلمان بصوت عالي: أقول يا ريان
ريان: امر جدي
ابو سلمان :يابوي اطلع شوف اخوك وينه ولا دق عليه
ريان يوقف: ان شاء الله جدي .. باي شباب
ابو احمد: يبه ما يقولون باي
ريان حط يده على جبهته : يوووه سوري يبه .. مع السلامة
طلع ريان من بيت جده ولقى أحمد جالس على الاعتاب
جلس جنبه من دون ما يحس احمد وحط يده على كتف أحمد
ريان: بلاك اخوي متضايق .. هونها وتهون كانوا يمزحون وانا اخوك لا تحط بخاطرك
رفع راسه احمد وناظر ريان : تسلم لي يالغالي والله عارف انهم يمزحون واهم ما سوها الا عشان يضحكون يعرفوني بسرعة اعصب
ريان : خلك كذا على طول مبتسم تصير حلو والله .. وبعدين تراك عريس العيلة لمدة اسبوع فقط اسبوع الجاي فيصلوه المعرس و انت ولا شي
أحمد: ايه وانت الصادق خل افلها ، و زين ان ملكته مو بعد ملكتي بكثير حتى اردها له
ريان: ههههههه اخوي واعرفك ما بتسكت لين تخاذ حقك .. يالله جدي ينتظرنا داخل
أحمد قام بسرعة: يالله خل ندخل قبل يتعشون عنا
ريان :ههههههه

خجل أنثوي ©؛°¨غرامي جديد¨°؛©

اليوم الثاني ام خالد ما قرت من الساعة 5:00 واهي من مكان لمكان في البيت
الساعة 5:45 كانت رايحة تصحي هدى ومرت على جناح خالد سمعت ندى تبكي طقت الباب و طلع لها خالد حامل بنته
خالد قرب صوب امه وباس راسها: هلا يمه صباح الخير
ام خالد : صباح الخير حبيبتي ،، بلاها بنتك تزاعق من الصبح
خالد يطالع بنته: ما ادري والله يمه ،، تفظلي دخلي
دخلت و اخذت ام خالد ندى من ابوها
ام خالد : حياة الجدة انتي حبيبتي بلاك يمه ،، يمه خالد يمكن البنت عطشانة ولا شي
خالد وهو بتثاوب : يمه انا ما اعرف لليهال خذي شغلتكم انتم الحريم
حط خالد راسه على رجل امه و غمض عينه حتى يرجع ينام
فجأة صرخت ندى بصوت عالي و فتح عينه
خالد : بابا حياتي و الله حرام شنو ما تحبين باباتك انتي ،، خليني انام حياتي
ام خالد تهز ندى و تضرب ظهرها على خفيف حتى تسكت بس ندوش مافي امل
ام خالد: يمه وينهي حرمتك ترضعها
خالد: يمه رنا البارحة تعبانة بالحيل و ما نامت
شوي وطلعت رنا بعد ما غيرت بجامتها لان سمعت صوت عمتها تتكلم مع خالد
رنا منحرجة من عمتها : سامحيني عمة خبلت فيك ندوش
ام خالد : لا يمه عادي وبعدين ندى بنت الغالي و هي بنتي مثل ما اهي بنتك
اخذت رنا بنتها وجات بتقعد يمّ خالد بس لاعت كبدها و تركت ندى عند خالد بسرعة و راحت الحمام
استغربت ام خالد : يمه بلاها مرتك حالتها مهي بطبيعية ،، اخذها للدكتور يمه يمكن فيها تسمم و الله شي
خالد الي اتضايق لان حتى بالليل ما نامت معه : ان شاء الله يمه بس تطلع الشمس اخذها للدكتور
طلعت ام خالد وراحت تصحي هدى الي سهت عنها عشان تصحى بسرعة و تسبح قبل تجي الحناية
//////////////////////////////////////////////
الساعة 7:30 عند خالد و رنا الي اصر عليها ياخذها للدكتور
كانو ينتظرون النتايج
رنا: حبيبي انا رايحة التواليت شوي وراجعة
خالد: طيب حبيبي بس استعجلي حتى يمديني اروح الشركة
ابتسمت رنا من تحت الغطا و قامت
اول ما غابت عن نظره رنا جات له الممرضة
الممرضة : لو سمحت انت مع الاخت رنا سعد
خالد رفع راسه : اي نعم ،، انا معاها
الممرضة بأبتسامة : الدكتور طالبكم عنده
خالد: طيب بس تجي ندخل عنده
وصلت رنا وشافت الممرضة عند خالد و قريبة منه وهو مو حاس عليها سرعت خطاها و وصلت عنده
رنا : خالد ! فيه شي
وقف خالد اول ما سمع صوتها : هلا حبيبتي ،، جات الممرضة قالت الدكتور طالبنا
رنا وهي تخز الممرضة : طيب حبيبي يالله ندخل
شبكت اصابعها بأصابع خالد وراحوا عند غرفة الدكتور
طق خالد الباب و دخلوا
الدكتور : تفضل استاذ خالد
دخل خالد و رنا جلسوا قبال الدكتور
الدكتور ناظر الورقة الي عنده ابتسم و رفع راسه يناظر خالد و رنا
الدكتور : الف مبروك استاذ خالد المدام حامل ،، بالسلامة ان شاء الله ،، راح اكتب اك ادوية تثبت الجنين و تخفف عنك اللوعة و الترجيع
رنا مباشرة حطت يدها على بطنها و خالد ناظرها و ابتسم
ما كان خالد حاس في الي بقلب رنا
رنا بقلبها: يا ويل حالي ندوش توها 4 شهور وشلون الحق اربي 2 ياربي كون في عوني

اخذ خالد الوصفة من الدكتور و طلعوا و طول الطريق رنا ما تكلمت ولا بحرف واحد
مر خالد الصيدلية و رجعوا البيت ، قبل لا تنزل رنا مسك يدها وفتحها غطاها
شاف عيونها الي تاخذه لعالم ثاني
مسك اياديها ثنتينهم
خالد بحنية: حبيبتي بلاك ؟ كأنك مو فرحانة بالبيبي الي ببطنك
نزلت رنا راسها : خالد مو كيذا اكيد فرحانة و ماكو ام ما تحب عيالها بس فكر فيها ،، شلون بلحق اربي 2 اراعيهم و ندى لسى صغيرة بقى لها كم يوم و تخلص الـ 5 شهور حتى سنة ما صار لها من ولدت
خالد يطمنها: حبيبتي ماكو اي مشكلة من الحين لين تولدين بتكون ندوي كملت تقريباً سنة و نصف و انا معك نربيهم مع بعض
مسح خالد الدموع الي طاحت على خدودها
خالد : حياتي لا تطيح دموعك ما بيصير الا كل خير و الحين هدي حالك الليلة ملكة هدى و تبيكم معاها ،، تحملي في روحك حبيبي اول ما ارجع من الشركة انا ااح اخذك المشغل
ابتسمت رنا حتى تطمن خالد : ان شاء الله حبيبي انت بعد تحمل في روحك
باست رنا خده و نزلت
دخلت وشافت هدى جالسة تتحنى و عليها فستان اخضر ناعم و قصير حيل مثل هذا



و مها تاخذ لها صور وام خالد ماسكة بنتها ندى
ام خالد : يمه شلي عباتك و تعالي بعد شوي بيجون نسوان عمانك و بناتهم و جدتك
رنا : الله ونااااسة ( تقربت من هدى ) الله حلاة الحنا بايدنك هدووو ،، بالعافية حبيبتي
هدى ابتسمت : الله يعافيك ،، اخبارك انتي ايش قال لك الدكتور
غمزت رنا لهدى : عندي لك مفاجأة وقت الملكة بالليل راح اقول لك هي شنو
مها : رنووو اجلسي يمه حتى اصورك معاها
جلست رنا مع هدى و تصوروا
ام خالد: يمه رنا بعد شوي بيجون الحنايات الي بيحنون البنات اذا ودك تتحنين
رنا : انا عشقييي الحنا بس اسوي سويت و عصير و اروح غير ملابسي
ام خالد: يمه قبل تروحين اخذي ندى وديها الغرفة الي هنا حتى نسمعها لما تصحى
رنا: ان شاء الله يمه ،، يوه اقصد عمتي مشكورة ما تقصرين و الله مفتشلة منك متعبينك معانا
اخذت رنا بنتها وراحت توديها الغرفة
//////////////////////////////////////////////
في بيت ابو فارس
نزلت منال : يمممممه يالله نحنا جهزنا
العنود بحماس : متحمسسسة اشوف هدويي بالحنا
منال : انا ابي اتحنااا يا عشقي للنقش
نزلت ام فارس : يالله يا بنات ،، وين رغد
منال: يوووه وينها هذي نحنا متأخرين
العنود: يمه انتو طلعوا ركبوا مع السايق و انا رايحة اشوفها
راحت العنود تشوف رغد و منال و ام فارس راحوا السيارة
العنود : رررغد ،، رغدددد ،،، رغوووودة ،، ررغد وينك !
رغد: العنوووود انا تحت ،، شتبين !
نزلت العنود بسرعة : وينك انتي صار لنا ساعة ننتظرك ،، لا بالله رايحة بكل رواقة مسوية لك كوفي ،، يالله ماما و منال ينطرونا بالسيارة
رغد: يالله سرينا

وكيذا كانت كل العوايل الثانية متوجهة الى بيت ابو خالد

على الساعة 10:00
الحنايات: بعد لسى فيه احد يبي يتحنى ؟
سارة : انا
دانة: و انا اخت المعرس
مها تصرخ : انااا و مرت اخوي بعد
الحنايات : يالله
رنا : العروس خلصت ؟
هدى بتعب : لا لسى
رنا كسرت خاطرها هدى : حياتي ،، يالله ما بقى شي بس رجلينك
هدى حيل تعبت لان الحناية الي تحنيها حيل بطيئة
ام خالد : يمه هدى نخلي المزينة تجي لك هنا ؟
هدى : ما ادري يمه الي تبون سووه
رنا الي كانت بجنب هدى : عمة جيبوها هنا افضل لان للحين ما خلصت الحنا و يبي له وقت حتى يجف
ام خالد: بس يمه يبي له احد يجلس معاها
هدى بسرعة : رنا تجلس معاي و الي تزينني تزينها
ام خالد : راح اتصل فيهم اشوف اذا يوافقون
رنا : انا رايحة اغير ملابسي حتى ارتاح بالحنا
هدى : طيب
قامت رنا حتى تروح تغير ملابسها
هدى : رناااا
لفت لها رنا : امري حبيبتي
هدى : لبسي فستان قصير حتى تتحنين برجلك بعد
رنا : ههههه عادي البس طويل بس مو مشكلة غالي و الطلب رخيص ( قربت عند الحناية ) لو سمحتي
الحناية : امري اختي
رنا مسكت زند هدى بشويش : ارسمي لها هنا قلب و كتبي فيه ( أحمد )
الحناية ابتسمت : ان شاء الله
هدى برفض : لا لا ما ابي ما ابي
رنا : ما عليك سوي لها
وراحت رنا تغير ملابسها و لبست فستان قصير حلو
مثل هذا



//////////////////////////////////////////////

خجل أنثوي ©؛°¨غرامي جديد¨°؛©

في الشركة :
طلعوا طلال و فارس و أحمد من المكتب الساعة 12:17
فارس يمدد ايده : الحين وين نروح ؟
طلال: خلاص الساعة طافت الـ 12:00 المفروض نروح نتجهز للملكة الليلة
فارس : طيب خل نروح لعمي ابو خالد نخبره و نشوف شنو يصير
وهم يمشون متوجهين الى مكتب ابو خالد
طلال: يالله سرينا
التفت طلال لاحمد الي كان طول الوقت ساكت : بلاك احمد ساكت ؟
احمد بضيق : ما ادري قلبي مقبوض
طلال: عسى خير ان شاء الله
وصلوا المكتب و شافوا جدهم ( ابو سلمان ) طالع من مكتب ابو خالد
سلموا عليه و باسوا راسه
ابو سلمان: كيفكم يا عيال ؟
الشباب: الحمدلله بخير ، انت كيفك ؟
ابو سلمان : الحمدلله بخير ونعمة ، وانت يالمعرس ايش وضعك
ابتسم احمد بفرح : الحمدلله ماشي حالي
ابو سلمان: يالله انا اخليكم الحين
مشى عنهم ابو سلمان
ودق طلال الباب و دخل
طلال:السلام عليكم .. كيفيك يبا
ابو خالد: هلا طلال عليكم السلام .. الحمدلله .. اخباركم يا عيال
فارس و أحمد: الحمدلله عمي بخير
أبو خالد: امروا في شي ؟
طلال يطالع فارس وأحمد عشان يتكلمون
تكلم فارس: والله يا عمي أحنا جاين ناخذ أذن منك حتى نروح نرتب أشكالنا للملكة الليلة وكيذا
أبو خالد ابتسم : ايوااا مو مشكلة تقدرون تخرجون
الشباب: تسلم
ابو خالد يزعق : الا اقول يا طلال
رجع طلال لأبوه : أمر يا الغالي
ابو خالد: مر ياولدي على خالد وقول له يطلع معاكم .. انا وعمانك بعد شوي بنطلع بعد
طلال: تأمر أمر الحين رايح له
طلع طلال لفارس وأحمد الي ينتظرونه برا المكتب
قبل لا يتكلم طلال رن جوال أحمد
فارس:رد أحمد شفيك
أحمد: ما ادري منو رقم غريب
طلال: طيب رد بلاك كذا تناظر الجوال
أحمد الي كان خايف ومتوتر لاخر درجة رد في الاخير على التلفون
أحمد بهمس:ألو
......: السلام عليكم .. أحمد ؟
أحمد حس ان يعرف الصوت بس مو ذاكر منو : عليكم السلام والرحمة أيه أحمد أمر
......:أنا عبد الرحمن اخو نضال
أحمد:ايواا يا هلا ويا مرحبا .. أخباركم
عبد الرحمن بنبرة حزينة: عظم الله أجرك يا خوي
أحمد ما استوعب : ايش ؟
عبد الرحمن: نضال عطاك عمره يالغالي
أحمد انصدم :انت متأكد من الي توقله عبد الرحمن ؟
عبد الرحمن بهدوء: أيه يا اخوي انا غمضت له عينه بأيدي
صرخ أحمد:لااا لاااااا
فارس:أهدى احمد .. شلي صاير
أحمد :انت تكذب انت كذاااااب
سحب طلال الفون من يد أحمد : الو سلام عليكم
عبد الرحمن: عليكم السلام والرحمة
طلال: معك طلال ابن عم أحمد .. لو سمحت بس ممكن تخبرني شنو الي قلته لأحمد
عبد الرحمن: والنعم انا عبد الرحمن اخو نضال صديق أحمد وقبل كم يوم نضال سوا حادث وجا له أحمد الخبر وكانت حالته حرجة .. الحين اتصلت اخبر أحمد بوفاة نضال
طلال حزن على حال أحمد:الله يرحمه ويلهمكم الصبر والسلوان .. بس سامحنا يا خوي لو ما جيناكم اليوم او بكرة .. بس الليلة ملكة أحمد ولو أجلنها هالمرة راح تتأجل اكثر من شهر
عبد الرحمن: لا والله عادي انتوا الي سامحونا خبرناه بوقت مو مناسب لو كنا عارفين ما خبرناه
طلال:لا ياخوي .. ان شاء الله نقدر نجيكم مع أحمد ونأدي واجب العزا .. الله يصبركم يا خوي
عبد الرحمن: خير ان شاء الله بحفظ الرحمن
طلال: فمان الكريم
سكر طلال من عبد الرحمن والتفت اف أحمد وفارس طالعين من التواليت واضح على أحمد مغسل وجهه
طلال:أهدى ياخوي هذا يومه ومحد يقدر وقف في وجه القدر
فارس استغرب: طلال منو المتوفي ؟
ناظر طلال فارس: صديقه الي بالخبر
فارس انفجع بالخبر:الله يرحمه .. العوض براسك حمود
طلال بجدية:أحمد انت اخوي ولد عمي وغالي علي وانا فاهم وضعك .. بس هم هدى اختي والليلة ملكتكم لا تحرمها من الفرحة في ليلة عمرها
فارس للحين ماسك أحمد:صح انا اوافق طلال هالليلة ما راح تتكرر انسى الموضوع لوقت محدد وبكرا ان شاء الله نروح معاك الخبر للعزا
مر عليهم فيصل: قووووة شباب .. هلا هلا بالمعرس .. بلاك أحمدوه مكشر .. لا يكون غيرت رايك ما تبي تتزوج .. انا مو موافق انك تتراجع عن قرارك بنت اخوي موب لعبة
سكت فيصل والتفت لهم ليه ساكتين : بلاكم ؟ ليه كيذا مكشرين ؟
طلال: صديق أحمد عطاك عمره
فيصل فتح عيونه على وسعهم :كيييييف !! والملكة ؟
رفع أحمد راسه بأصرار : الملكة بتصير وهدى لازم ما تحس بهذا الشي .. بكرا الصبح ان شاء الله أطلع الخبر
تركهم أحمد وراح صوب الدرج
وظلوا واقفين بصدمة ما اتوقعوا كيذا تكون ردة فعله
شوي ورجع لهم أحمد : أيش تنتظرون ؟ ما راح تحلقون ؟ ما بتاخذون الاثواب الجدد ؟
فارس :بلى انا جاي معاك
طلال : انا رايح اخبر خالد ولاحقكم
أحمد يناظر فيصل : وانت شنو ؟ مو جاي؟
فيصل :بلى اكيد لحقوني ثواني وجاي
/////////////////////////////////////////////////////////////////////////////////////////////
بعد أذان الظهر
البنات في المشغل
رغد و العنود و مها و منال و سارة مع بعض بمشغل واحد
سهى و الهنوف و دانة و أم أحمد و أم خالد و فارس و أم نواف بمشغل واحد
و هدى ورنا طبعاً بالبيت
مها بس استشورت شعرها : بناااات شنو أسوي تسريحة ؟
العنود: أنتي شعرك مو حيل طويل رفعيه
سارة:لا بالعكس خليه يبين طول شعرك ( التفتت الى العنود ) طول شعرها حلو و طلع في التسريحة
المصففة : انا راي من رايها لو يبين طول شعرك أحلى
مها: طيب سارونة بليز نقي لي تسريحة
سارة: طيب خل تستشور شعر وحده ثانية حتى أنقي لك
قامت مها من الكرسي: طيب .. وحدة تجي منكم
منال رفعت ايدها : مو انا ابي في الاخير حتى ما يخترب شعري
العنود:انا بستشور
سارة تكلم منال : منول وينها رغد ؟
منال: راحت تعدل حواجبها
سارة التفت الى مها بسرعة : وييييي نست ما حفيتهم .. خل انقي لك تسريحة واروح يحفوني
مها : طيب يالله

أنفاسي عطر ©؛°¨غرامي متألق ¨°؛©

مسكين احمد ماراح تكتمل فرحته في ملكته

يسلمو على البارت

في انتظار التكمله

خجل أنثوي ©؛°¨غرامي جديد¨°؛©

بعد شوي راح أخلص البارت و أنزله

رجل غامض عضو موقوف من الإداره

رووووووووعه جدا
خصوصا الصور جعلت للرواية شكل مميززززززز

يسلمو كتيررررررر

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1