انـــكـسـار الورد ©؛°¨غرامي مشارك¨°؛©

السلام عليكم

اشكر الاخت (همسات وردة) على تشجيعها لي ..
انا لست شئ .. لا انا لست شخص له بصمته هنا
اعتبروني .
كـ عابر سبيل تمنى شئ و ها هو هنا لـ يحققه ..
لا تملوا فـ أنا لم أسطر الا ما جال في باطن فكري ..
فـ انا لا أعلم ..
أذا كان من الخيال أو الواقع فـ كل الذي اعلمه
أن هذة الكلمات سطرت من قبل .. فكري
كتبت و كتبت و كتبت و لكني مسحت تعبت من كثر المسح ..
فجلست ذات يوم بعد ما .. عرفت بشئ
سطرته لكم على حسب افكاري ..
جلست و كلي امل ان تنال على اعجابكم ...
اتقبل كل انواع النقد و لكن ,, بأسلوب راقي
فـ الكلمات تعكس كاتبها ..
الرجاء لا تملوا .. فسوف يمر الزمن في هذة الكلمات
و يمر و يمر و يمر ليكون شئ حقيقي و حدث ..





همستي.. (1) .. !


البعض
استفحل العذاب اركان حياتهم ,, ألم خوف كره غضب حقد انتقام تكون هذه الكلمات ذات معنى كبير ,, خوف من المستقبل ~~ شعور بالشفقة اماني خافتة ’’ احلام صاعقة ,, حاصرهم الفقر من شتى النواحي ’’ شعور بعدم الامان , عدم انتماء , خوف , ضياع , الم , حزن

اين سوف تجدون القوه هنا ؟ من سوف يكوون منبنع القوة

البعض
استفحل الرخاء اركان حياتهم , فرح امان مرح لهو ما لهم مال العذاب لا يشعرون بالنقص يشعرون بالرخاء لديهم اسوء صفه و هي التملك لما لا يشعرون بالاخرين هذا هو سؤالي كره حقد ظلم تنبعث منهم بعض الاحيان



*&*&*&*&*&*&*&*&*&*&*&*&*&*&*&*&*&*
اصبحت اشعر بالوحدة .. فكل من حولي لا وجود لهم و كأن الايام تحكم علي بموت احاسيسي و كأن دموعي تأسرني الى أرض الاهات
لم اعد اعرف اين سأمكث ؟ هل بداخلي ام استفيق لحلم ضاع في صفحات السنين ....
اشعر ااني كلمات بلا احرف و ذكريات بلا ماضي اشعر ان وحدتي ستقتل احاسيسي بـ هذه الحياه
اصبحت اتمنى ان اهاجر الى عالم بعيد ... عالم لا اشعر بالبشر فيه .. بل اشعر بنسمات الصباح و اليل و تمايل اغصان الشجر و مداعبت قطرات الندى لـ أوراق الازهار ..
كل ما بداخلي تحطم و تبعثر .. اصبحت اشلاء تناثرت فوق صفحات البحر ..
ربما الخوف من المجهول يسكنني و تلك الدمعات تأسرني و لكني فقدت احساسي بالأمان و ثقتي بالأزمان ..



&*&*&*&*&*


حياة خالية فارغة و سوداء ووحدة قاتلة
ولغة الصمت تسود المكان
و الألم جاثم على انقاض الفؤاد
بل تلبس حتى الجسد
و احسس بالغربة و مرارة العيش
و الوحدة تقتلني ..
والوجع يسكنني..
و ذكريات الماضي تشغلني..
و اشعر ان همومي ستخنقني
و أحزاني ستغرقني



*&*&*&*&*


تمنيت ارحل لعالم عليه الفاتحة تقرا
ورفض موتي يواجهني بوجه القادم المخفي
فهل شفتوا جسد ميت رفض يستقبله قبره
انا هذي معاناتي و اظن الي مضى يكفي


*&*&*&*&*


الله اكبر (الفجر) ضجت بها اصوات المنابر **

صحيت على صوت الاذان من المسجل جلست اردد الاذان مع المؤذن و انا حاسة بشئ غريب ما ادري شنو اهو جلست على فراشي و ظهري متكسر من نومه الارض رفعت راسي للسرير الي فوقي شفت ماما مهي موجودة ارجع اتلفت على السرر 3 الباقي و لا احد موجود من البنات اقوم بسرعة اجري افتح باب الغرفة الي اول ما تفتح الباب تطل على الصالة اشوفهم كلهم موجودين عبارة عن 5 بنات و انا 6 جريت الى ماماتي و حظنتها
قالت ماما:: هيا راما روحي غسلي وجهك و فرشي اسنانك و تعالي
توليب بنظره :: اصلا ما يحتاج تخبريها بــ هذا الشئ خلاص كبيرة كديها عمرها 14 سنة ما يحتاج
راما بنبرة حقد:: اقول توليبو انطمي افضل
جلنار تجلس و بطنها منتفخ :: هههه خلاص عاد انتي و ياها هيا راما روحي الحين شوي و يجي السواق و كمان راجعي عليك انجليزي
راما:: طيب ذلحين رايحة
روز بطفش :: اف اليوم علي امتحان بالجامعة حظك جلنار اخذتي تأجيل ترم
راما:: اقول ماما جور وين امي ؟
جوري:: امي راحت قبل شوي المشفى لأن خالتي تعبانة
راما:: اها والله اظن انه مافي داعي امي تروح المهم ماما جور متى سفرتنا
جوري:: بعد 3 ايام بالضبط بنروح الكويت ..
روز:: الحمدلله جا الفرج
راما:: اقول اسكتي خلوني اروح اتجهز للمدرسة افض
ما كملت الا باب صغير موجود بالزاوية في الصالة ينفتح كلهم سكتوا خرج من هذي الغرفة الي اسكتتهم ..
شايب الي يشوفه يقول انه بعمر 70,,72 و كذا كان شعرة ابيض و عيونه اسود فيها بياض جلدة تشوفة كأنة ورقة انطوت و جعدتها لحيتة مو مرتبة بيضاء راح على طول في اتجاه الحمام ..
اول ما شافته راما راحت ورا امها الجوري و حظنتها و قالت :: ماما
الجوري:: خلاص راما نسى اكيد نسا وهو ما يقدر يسوي شئ و انا معك
وضعت الجوري نظرها ليد راما الصغيرة كانت ترتجف بخوف واضح و كأنها فاقدة شئ في الدنيا هذي

راما...
ما ادري بس كنت ابا اهرب منه ما ابا اشوفة اخاف منه شسوي مو قليل خوفي منه .. كنت احس ان قلبي بينتزع من مكانة صراحة شعوور مره لا كنت خايفة متل الطفل الي بيحرمة من اللعبة او الشخص الي فقد امة كنت اتمنى موت الشخص هذا و احيانا اقول لا ما يصح الشئ ذا يا راما خليك كبيرة اهو انا كبيره اصلا ايه نعم الكل يضنني بزر ليه بزر انا همري 14 سنه و من ذي الحياة عرفت كثير ليه لا ليش يدي رافضة توقف رجف الله يستر بس من الي بيصير ...

روز...
لا لا مو معقولة مو وقت طلعتة الحين اه يا راما ذا كلة خوف مو قليله الي صار لك امس ,, الله يعين بس ههه حتى انا خايفة مو اهي بس ,, ليه ما يحس فينا يا رب رحمتك ارحمنا يا الله ..

جلنار..
نظرت لاخواتها بنظره و تنهدت يعني ما تغير و لا شئ حتى الحين الله يعين بس بعد كل شئ ما نقدر نسوي شئ ..

توليب..
وي وي وي انا لا اليوم بروح مع الجوري المدرسة والله ما اجلس لوحدي عادي امي تدبر نفسها اصلا امي مع خالتي ...

الجوري...
يا ربي سبب لـ راما عقدة الله ينتقم منه استغفر الله العظيم مهما يكون ابوك هذا يا جوري بس أي اب هذا يا جوري أعوذ بالله و لا احد يقول عمره 77 سنه الله يستر يا رب سكتني ما تخليني ارد عليه يا رب اقبض لساني

جوري وقفت و مسكت يد راما و راححت بها الغسلة غسلت وجهها و راحت بها دورة المياه توضت راما و راحت بها الغرفة صلت .. و خرجت الجوري عند البنات تشوف وش بيصير

عند البنات بالصالة ...

دخل ابوهم جلس عند اقرب جلسة و قال بلئم متل المعتاد
الاب:: قومي اعطيني مويا
قامت روز اخذت القلاس و صبت مويا و اعطتة و راحت جلست
الاب:: قومي سوي لي شئ أكلة ..
توليب:: صقر ما جاب العشى شوي و يجي
الاب:: ربي لا يوفقة دنيا و أخرة حتى الحين ربي يفحقة و يفحق هذا البيت يفحقكم كلكم ..
جوري بهدوء:: أصبحنا و أصبح الملك لله
سكت الاب شوي و قال:: الحين ابغى اعرف شئ واحد ليش جالسين هنا ذا بيتي اطلعوا منه ما معكم جالسين هنا.؟
جوري:: قريب راح نطلع ..
الاب بكره :: اقول انتي بالذات اسكتي ما ابغى اسمع صوت وحده بلا تربية فيكم اسكتوا سكته قلبيه
و لا وحده نطقت
الاب و كأنة تذكر :: رااااااااااااااااااااااااماااااااااااااااااااااااا راما و تبن
جوي:: تصلي تعبد ربها خاشعة ..
سكت الاب و لا نطق و لا كلمة
قال بعد ما نقل نظرة بينهم:: انا ابووكم ابوووكم انا ..
جلنار ودمعتها بعينها :: ابوي على عيني وراسي

قامت بشويش قامت معها روز و توليب و دخلوها داخل جوري نفس الشئ راحت دورة المياة تتوضى بينما الاب يشتم فيهم و لا كأنه ابوهم ..


رامــا....
كملت صلاه جلست اسمع ابوي و ماما جوري و احس نفسي بموت من الخوف يوم نادى على اسمي حسيت بان الدم وقف بعروقي تدرون شئ يوم قال انا ابوكم ..كنت ابا اطلع و اقول أي اب و يوم دعى على صقر اخوي الغالي صرااحة بكيت بس يوم سمعت خطوات البنات سجدت و مسحت دموعي ...



تدري وش اسباب ضيقتي واغلب اوجاعي

وجيه ما تستحي وان استحي منها .... !!



*&*&*&*&*&*


رميت في وجـه اللئيـم المواثيـق
وطلبت من وجه الكريم السماحـي
ودوّنت في قسم المجانيـن تعليـق
من يشتم المجنون ما هوب صاحي !



تعريف ...
ابو عبد الله :: 77
شخص انتهى به العمر لكن لسانة صليت .. ما خلا احد الا و شتمة
شعرة ابيض لحيتة ابيض جلدة متل الورقة التي تغمس في الماء

ام عبد الله:: 54
أم حنونه و عصبيه كرهت الدنيا بسبب زوجها يضربها يشتمها لكن ع كل هذا صابرة و قره عينها اولادها و بناتها و تحب راما لانها اخر العنقود اصغر وحده ببناتها لكن مع تعب الدنيا ما قدرت تعتني براما كثير في بعض مشاكل مع اخواتها و اخوانها ...

عبد الله.. 35
رجال حنون و عصبي متزوج يحب اخواتة و اكثر وحدة روز يعتني فيهم مدير مدرسة جميل
زوجتة ..
خولة .. 33
بنت الي يشوفها يتطمن لها مدرسة في الثانوية تحب اخوات زوجها ابوها متوفي و امها تعبانه ..
اولادهم..
صقر.. 9 سنوات هذا الولد ما شاء الله عليه فصيح يحب راما اكتر وحدة يقول لانها بعمري ارتاح لها يدرس بـ 4 ابتدائي
اقحوان.. 7 سنوات بنت حلوة تشبه راما كثير

جوري.. 30 تحب اخواتها كثير و اكثر شئ راما الي ربتها من و اهي صغيره تحب راما و ما تحب احد يغلط عليها كانها قلبها بالدنيا هذي .. كل حياتها راما رافضه تتزوج ..مديرة مدرسة حلوة عرها قصير لونه بني عيونها وساع سمرا لسانها حاد و صليط .. اهي الي توقف دايم في وجه ابوها .. تكرة فكرة الرد على ابوها و مرادد ه كلامه

صقر.. 27 شاب طيب لكنه بعض الاحيان عصبي يهتم براما لانهم مثل بعض يحبون الدراما و الانمي الياباني حلمة انه يبني بيت و ينقل اهو و عايلته .. ابيض عيونه وساع لونها عسلي شعرة ناعم و في الدفاع المدني

توليب.. 24 ماخذة انتساب تجلس بالبيت مع امها حلوة سمرا شعرها الين الرقبة لونه برنزي .. تروح بعض الاحيان مع جوري المدرسة تحب الاغاني كثير تكره احد يصرخ عليها دمعتها على خدها

جلنار.. 22 متزوجة بأبن خالتها حامل بالشهر الثامن بيضاء شعرها قصير لونه ثلجي .. فله ووناسا تحب الاغاني كثير اجلت ترم من الكلية بسبب الحمل زوجها طبيب ...

روز.. 20 فله ووناسا احيانا ترد على ابوها و تحمي اخواتها صوها رقيق في الكلية تكره الاختبارات ف قسم الانجليزي تحب تتصفح بالنت تكره فكرة انها ترادد ابوها لكن الحاجة اهي الي تسوي شعرها فرالة لونه بني فاتح عيونها صغار لونها بني ..

راما.. 14 سنه قصيره الي يشوفها يقول عمرها 10 سنوات شعرها طويل يصل اسفل ظهرها بكثير لونه اسود عيونها وسااع لونها اسود فمها صغير سمرا و سمارها حالي بعض الاحيان حساسة و بعض الاحيان الله و اكبر تحب افلام الرعب تحب اليابان تسألها وش امنيتك تقول اول شئ الجنه بعدين اليابان تحب اخوها صقر كثير و اهي و اهو دايم مع بعض في ثالث متوسط تكرة ابوها لكن بعض احيان ترجع عن كرهها تقول مهما كان هذا ابوي مهما صار و استوى تخاف من ابوها كثير تنادي على جوري ماما لان الجوري ربتها و تنادي على امها الحقيقية امي .... تحب صقر الصغير كثير و هو قريب لها .. تبكي يوم تجي فكرة في بالها (الدنيا بلا اهلك وش بتكون) تنزل دموعها ..

البيت دور واحد عبارة عن 3 غرف غرفة مجلس و غرفة نوم فيها 4 سرر و غرفه صغيره ينام فيها الاب و الام تنام في الصالة حالتهم المادية لا هي ضعيفة و لا هي عالية متوسطة وو اهم يسافرون كل سنة يسافروا و هاذي السنه بيروحوا الكويت عند اقاربهم الي اهناكـ



مجرد .. احساس.. اذا واصلت عليه .. بموت .. صدقني .. لا جا ببالي هالشئ .. اصفعني و قول لي علامك.؟


&*&*&*&*&*&*

» المسألہِلو هي علـَے
ضيقـَہِ الخلق
هونتہِا واقول : » ضيقہِدقايق°•
» المسألـَہِ « ....
عبـَـَرهـَ سجينـَہِبهالحلق
ترقـَے دموع وترجع
لـ صدر ضايق°•



قامت من النوم شافت الساعة كانت 11 الليل التفتت لتوأمها كانت نايمة بعمق ابتسمت و باستها و خرجت بهدوء عرفت ان ابوها و اخواتها التنتين بيت عمها الوحيد تحركت الى ان وقفت عند الدرج سمعت شئ صدمها صعقها خلاها توقف و اهي مصدومة سمعت الكلام

الكلام الي دار ..
الام:: حبيبي من زمان عنك بس كيف جيت اهني ..؟
...::: كان معي صفقة اهني وجيت .. و خليتها صدفة و فاجئتك
الام:: وه يا حياتي تعبت روحك كتير يالغالي
...:: تعالي حبيبتي اهني من زمان عنك الا ريلك
الام...:: لا تخاف راح بيت اخوة جعلة ما يرد بيوم و بناتي التنتين نايمات يعني بناخذ راحتنا اليوم بس ساعه لا غير كيف حال ابوي ؟
...:: عمي الحمد لله بخير و كلهم مشتاقين لك بس متى راح تنورينا الامارات ؟ و متى بس راح تتطلقي من هذا الي ما يتسمى ؟
الام..:: يا حبيبي انت ما عليك انا مردي لك و لا لا .. عاجل ام اجل

دخلت بقوة و دموعها بعينها قالت بقهر و حقد دفين قالت بأزدراء من حال امها و لبسها الفاضح قدام ولد عم امها . .::
توصل فيك الحقارة و الدناءة لكذا ,, حسافة حسافة عليك كلمة ام انتي ما تستاهلين كلمة يمه مني او من اختي او من أي واحد نا و انت ما تخاف ربك ما تخاف تشوة سمعه بنت عمك انتي ليه وافقتي على ابوي العشيمة مو فيك بس

صرخت بقهر :: براااااا اطللللع من بيتتت ابوووووي يالللنججججس اططططلعععع براااااا

نزلت بهدوء اختها توأمها و شافت امها قدام الرجل كذا و هي مصدومة
الام:: حبيبتي افهميني انا بس
قالت بقهر::: شنو افهم انتي اصلا خليتي شئ حتى افهمه قولي خليتي
قالت الثانية بجهل :: منو ذا منو
قام الرجال بهدوء و قال:: حبيبتيي ما تفهمي و تفسري الشئ ذا بكيفك انا بس
قالت بقهر:: شنو انتا خليتوا شئ يتفسر امي قدام بنت عمها بلبس نوم لا والله على الدنيا السلام
قام الرجال بسرعة و مسك اختها و مشى فيها قال بهدوء:: انسي الي صار انسوا و لا والله ليصير شئ لتندمي عليه

سمعوا صوت اصعقهم و معصب يقول:: حاول بس تمس بنتي يا التبن

التفتوا للاب الي كان واقف و متكئ

بسرعه دف الرجال البنت من على الدرج و طاحت من على الدرج جرت الثانية الى اختها الي كلها دم و بالمثل الاب
حملها الاب و الثانية معه ركبوا السيارة و الاب كان مسرع و البنت تنزف و الثانية تبكي فجأة جت سيارة مسرعة و صدمتهم حضن الاب بناته الثنتين و همس للي تبكي

الاب .............




*&*&*&*&*&*&*&*&*&*&*&*

أزفر قليل / وأكثر الوقت أشهق ..!
ولـ كل قلب إنسان قُدره و طاقه
قلبي من أحزاني أشوفه توهق ..!
المشكله بـ إيدي(نهيت العلاقهـ)





في مكان ثاني ...
كان بيت كبير حنان الاسره تنبع منه ضحكاتهم تغريداتهم كل شئ من حنان و كأن الهم منعدم منهم ..

لينا بـ ططفش:: عمي وينه ابوي تكفى تأخر نبي نروح المزرعه
ابو انس بـ خوف على اخوة الي تأخر :: طيب حبيبتي انطري شي و بيجي
ليان الي توها صحت من النوم :: جد بنروح المزرعه طيب كيف ريما و ريماء و امي بيكونوا لوحدهم بالبيت ..
لينا بكره :: اصلا ابوي راح يجيب ريما و ريماء لكن العقرب هامك ما نباها ..
ام انس بحنان:: حيبتي انتي كبيرة المفروض ما تقولين شذي مو صرتي بـ 16 و ليان 15 و ريما و ريماء 14 يعني خلاص المفروض ما تقولوا شذي عن امكم مهما استوى تبقى امكم ..
لينا و دموعها بعنها :: تكفين عمتي ما ابا اسمع سيرتها يوم تكون ام عن حق و حقيقة ذاك الساع بأحترمها ..
ردين :: خلاص يا بنات عمي اضحكوا للدنيا تضحك لكم هذا اهو المثل الي صح ..
انس:: ردين تقدرين تنطمين ولو ساعة وحدة بس يا اختي اتركيك من التدخل في ما لا يعنيك
رائد:: ام اللغه العربية الفصحى بس خلوني ساكت ..
بيلسان:: ههههههه الا والله ريما و ريماء وحشووني

ابو انس ..
أخوي له ساعتين من طلع حتى الحين ان شاء الله خير بس اه يا أخوي ليه بس قلت لي من ساع ذيك الرمسة قطعت قلبي يا اخوي .. والله ان ذيك المره ما تستاهلك ..ظلمت نفسك معها و ظلمت بناتك ,, قطعت قلبي لينا على كلامها و ان الجازي ماهي مهتمه فيهم بس شنو السبب و ليه قلت لي يا اخوي ذيك الرمسة ..

ام انس..
آآه يا بنات والله انكم ما تستاهلون هذي الام بس ما اقول الا الله يعينها على نفسها ما ظنتي انها كانت بذي القسة عليكم ما اقول الا الله يسامحها

انس..
معقولة بنات عمي لذي الدرجة يكرهون امهم بس ليه اهي شنو سوت ؟ و انا شـ دخلني ’’ بس نفسي اعرف شنو قال عمي لـ ابوي ؟

رائد..
الله الحين تجي ريما و ريماء و مع الغبية الي هنا ردين نلعب سوا كوره بس الا تعال يا رائد ليش ما تقول لـ انس عن عمي و الي سمعته منه .. لا لا افضل ما اتدخل بشئ

لينا..
ههههههههههههااااي والله خليتيني اضحك يا عمتي و انا ما ابا اضحك هههههه ام بس خليني ساكتة افضل لي ام هذي ام انا لو يخلوني اكتب اكره شئ لي في موسوعه جنس انا بأول امي اصلا هذي ام أي ام الي ما تدري بعيالها وين ما تدري حتى اذا اكلوا او ناموا او حتى ماتوا او لساتهم حيين ما اقول الا حسبي الله و نعم الوكل الحمد لله على اني ولدت مقتدرة الحال ربي يخلي لنا ابويا و ما يحرمنا منه ,, اه بس لو يصر لك شئ يا ابوي انا اموت وراك ..

بيلسان..
والله اني اشوف الدمعه بعينك يا لينا هونيها و عيشي حياتك احمدي ربك على انك معك اب ربي عوضك بأبوك ..

ليان..
ام ,, متى بأحس معنى هذي الكلمة متى يا ترى اشك اني بأحس معنى هذي الكلمة ما اقدر اقول الا يا رب خلي لنا ابوي و حتى لو كان مشغول بأدارة المشفى لكن خليه لنا يا رب ...


التعريف ...

ابو لينا .. 43
اب طيب حنون يحب بناته كثير رب العالمين ما رزق له اولاد منظلم مع الجازي يخفي سر على بناته و قبل ايام قاله لـ اخوه مدير مشفى خصوصي ,,
ام لينا.. 39
ام ما تهتم ببناتها كل همها حياتها تحب ابن عمها تزوجت رغم عنها تكره بناتها و كأنهم اعدائها
لينا.. 16
بنت حلوة طيبة رقيقه كبرت بالحياه تحس انها مسؤله عن اخواتها يوم ابوهم يغيب تكره امها لاسباب كثير.. شعرها قصير اسود عيونها صغار لونها بني ..

ليان.. 15 سنه
هذي كل همها النوم تكره امها لدرجة كبيره شعرها الين رقبتها لونه اسود عيونها لونها عسلي

ريما ..14
طيوبة حساسة تحب ابوها و تكره امها اكثر من أي شئ بالاصل ما تحس بالامومه من امها تحس بالتنافر عصبيه تسمع امها كثير و هي تتكلم مع ولد عمها تحب اخواتها كثير .. تتمنى ابوها يطللق امها .. شعرها طويل لونه بني كثيف بدون ما تصب عيونها وساع لونها فضي

ريماء.. 14
الله و اكبر عليها لسانها الله و اكبر منه تكره امها شعهرا اطول من شعر ريما بكثير لونه بني كثيف عيونها لونها فضي كلامها كله صراخ حنونه تحب عمها و عيال عمها و زوجه عمها تحس بالمسؤليه يوم ابوها يغيب عن البيت توقف في وجه امها بالمرصاد و هي تدري ان الي تسويه ما يجوز .. تتمنى ابوها يطلق امها ..


بيتهم كبير 3 ادوار مفتوح على بعض الدور الاول استقبال الثاني معيشة في غرف النوم و صالتين و 3 حمامات و مطبخين ..

تعريف ..
ابو انس .. 40
حنون يحب اخوه و عيال اخوه معه شركات كثير اهو و اخو و يساعد اخوه بادارة المشفى

ام انس.. 39
الكلمات ما تكفي لوصفها فيها كل انواع الحنان و الامومه اهي اصل الحنان و معدن الحنان ..

انس.. 17
حساس يحب بنات عمه و يحب عمه ابيض طويل عيونه وساع يبي يصير دكتور و يساعد ابوه بادارة الشركات ..

بيلسان.. 16
حساسة و ما تحب احد يصرخ عليها و دلوعه اقرب وحده لها لينا و ليان بيضا جميله شعرها الين رقبتها عيونها لونها بني

رائد.. 15
عربجاني درجة اولا يحب الفلة يحب ريماء و ريما و ردين لانهم اقرب له يحب يسوي مقالب ابيض شعره ناعم عيونه وساع لونها اسود حلمة يتصور مع كرستيانو..
ردين.. 14
طيوبه دايم مناقر اهي ورائد شعرها طويل لونه اسود عيونها وساع لونه عسلي امنيتها تصير دكتورة حساسة تكره مرت عمها ...



*&*&*&*&*&*&
أيامي سوداء لا ترى الشمس ... ويسكنها الصمت و العذاب
و تغمرها ظلمة الليل ..
و لا تعرف معنى الالوان ..
ايام غاب فيها القمر ..
و لم تعد تتقن سوة لغه البكاء..
ايام تحتضر..
ايام كالاشباح..ِِ
ايام انقطعت فيها الانفاس ..
و تملكني فيها اليأس و الضياع




اتمنى انه نال على اعجابكم ..
و تطلع لـ رضاكم ..
اتمنى ان عابر السبيل هذا لم يقصر في ارضاء غروركم..
توقعاتكم هي اهم شئ بالنسبة لي ..

*
*
*
*
*
*
*
*

اكرر شكري لأختي همسات وردة لولاها لما انا تشجعت ووضعت هذة الرواية ..

مشاعل السعودية دانـ♥ــه •• مِنْ أَجْممَل تَفَاصِييلٓ عُمْرِيٓ|~

وعليكم السلام ..

هلا انكسار الورد ..

بما ان هموس هي اللي مشجعتك فمعناته انك بطله .. وروايتك بطله ..


بس هموس راح تكون معاك باول همسه والثانية وان زادت الثالثة وبعدها ما انتي شايفتها .. اسئلي مجرب .. << حاسه اني بانضرب ..




ما قريت الهمسه حبيت اشجعك .. وان شاء الله لي عودة ..


دمتي بخير ..

انـــكـسـار الورد ©؛°¨غرامي مشارك¨°؛©

المشاركة الأساسية كتبها مشاعل السعودية اقتباس :
وعليكم السلام ..

هلا انكسار الورد ..

بما ان هموس هي اللي مشجعتك فمعناته انك بطله .. وروايتك بطله ..


بس هموس راح تكون معاك باول همسه والثانية وان زادت الثالثة وبعدها ما انتي شايفتها .. اسئلي مجرب .. << حاسه اني بانضرب ..




ما قريت الهمسه حبيت اشجعك .. وان شاء الله لي عودة ..


دمتي بخير ..

هلا بك غاليتي ..

ما أتوقع اني متلما تقولي بطله

انا حاسه انك بتنظربي عنجد لا ما اتوقع تتركني ... الله يعينك..

شاكره لك مرورك ..

solin ©؛°¨غرامي فعال ¨°؛©

بسم الله

انكسار بصراحه انا قريت شوي

وحسيتها حلوه والله بدون مجامله

وانا احب هالنوع من الروايات

راح اكملها بس مواللحين

لان حاليا مواصله مع روايه وما ابي اتلخبط

بس بجد بداية كلامك حلو عجبني مره اهنيك ع اسلوبك
واصلي واكيد اكيد انا من قرائك


رش رش

انـــكـسـار الورد ©؛°¨غرامي مشارك¨°؛©

المشاركة الأساسية كتبها رشـة عطـر ََ اقتباس :
بسم الله

انكسار بصراحه انا قريت شوي

وحسيتها حلوه والله بدون مجامله

وانا احب هالنوع من الروايات

راح اكملها بس مواللحين

لان حاليا مواصله مع روايه وما ابي اتلخبط

بس بجد بداية كلامك حلو عجبني مره اهنيك ع اسلوبك
واصلي واكيد اكيد انا من قرائك


رش رش

يا هلا والله ..

يكفيني مروركو ردك..
ووقت ما تفضي نوريني ..
هذا من ذوقك ...

نورتيني

رش رش ..

دمعة حزن حبستها في محجري ©؛°¨غرامي متألق ¨°؛©

السلام عليكم
روايتك رهييييييييييييييييييييبه تجنن
واتوقع انها راح تكون اروع من كذا
وكمان اتوقع انه راح يكون فيها احداث كثيرة ورهيبه وحماسيه
اتمنى ما توقفين كتابها لانك مبدعه
وان شاء الله راح اكون من متابعينك

انـــكـسـار الورد ©؛°¨غرامي مشارك¨°؛©

المشاركة الأساسية كتبها دمعة حزن حبستها في محجري اقتباس :
السلام عليكم
روايتك رهييييييييييييييييييييبه تجنن
واتوقع انها راح تكون اروع من كذا
وكمان اتوقع انه راح يكون فيها احداث كثيرة ورهيبه وحماسيه
اتمنى ما توقفين كتابها لانك مبدعه
وان شاء الله راح اكون من متابعينك

تسلمي لي غاليتي على اطرائك الذي.
افرحني ،،،
شاكره لك مرورك العطر..

ودي

أنين حلم ©؛°¨غرامي متألق ¨°؛©

روعــــــة

انـــكـسـار الورد ©؛°¨غرامي مشارك¨°؛©

المشاركة الأساسية كتبها "سارونة " اقتباس :
روعــــــة
من ذوقك ...

ريـْْـاحيـٍٍـنِِالأمـٌٌـل ©؛°¨غرامي مشارك¨°؛©

واااااااو رووووعة
يسلمواا انكساار وردة

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1