منتديات غرام روايات غرام أرشيف الروايات المغلقة - لعدم إكتمالها رواية أبيك تكذب كل من يقول أحبك لاني أعشق ثراك / الكاتبة : حلاتي معاك
<<MAFEA>> ©؛°¨غرامي جديد¨°؛©

السلام عليكم والرحمه
علووووووووووووومكم عساكم بخير
اليوم حبيت احط روايه باسم الكاتبه ( حلااتي معاك )

عنوان الروايه .."" ابيك تكذب كل من يقول احبك لاني اعشق ثراك..


||البارت الاول||

""في ليالي الشتاء هنالك من يجلس امام المدفاه و هو يشعر بين اهله وعائلته بالامان لكن لست انا منهم لطالما مر هذا الوحش الذي كنت و لا ازال اكرهه و انا في احدى تلك الشوارع البارده في بون في المانيا , لماذا انا من بين كل الناس يحدث لي ذلك , انا لم انقص في عبادة لربي و لم اترك صلاتي يوما ولم اتذمم من شئ ما في حياتي ... ولكن اظن اني محظوظه لا بل محبووبه لان الله لن يبتليني من فراغ لابد ان يفرجها علي يوما ما وانه لا يبتلي الا العبد المؤمن ...(( ربي ساعدني في محنتي ))..""
سكرت دفتري اللي احسه اخووي ابووي امي و كل دنيتي ما عندي احد اشيكله همي غيره ..
رحت حطيت دفتري فشنطتي اللي كلاها الزمن اكل بس اهي صابره معاي .. و متحمله اغراضي اللي دايما اشيلها معاي .. مثل ما انا بعد دايما متنقله و كل يوم فمكان و شاله داخلي هموم الزمن كلها ..
رحت ركبت الباص اللي ما ادري وين راح يشلني اليوم انا ويا هالباص وراعيه احلى اصحاب لو اني ما اعرف ارمس مثل الريال اللي يسووقه بس اقل شي و يبتسم لي اذ شافني زعلانه..
سمعت صوت فرامل الباص و نزلت وقفت قدام مبنى كبير طلعت ورقه من جاكيتي اللي شكله بدا يطفر مني.. طلعت الورقه و قعدت اطالعها واطالع وين انا اتاكدت اني انا فالمكان الصح ..
في هذي البنايه في شركه اتمنى انهم يقبلوني فيها لان شفت فالجريده امس انهم يبون ..
....:: cleaner عاملة نظافه..
Yes الحارس :
....:: اوكي وير اي كان تيك ماي وورك
رد الحارس بطيب:: اوكي بيوتي لييدي يو كان تيك ايت فروم ذا دايروكتر
ابتسمت له :: ثانكيو .. وخطيت خطوه بس وقفني
الحارس :: امم واتس يور نيم
التفت له وابتسمت:: ميثا
رد عليي :: اند ماي نيم ايز جورج اف يو نيد اني هيلب جاست سيي فور مي
رديت:: نايس تو ميت يو اند ثانكيو..
دشيت داخل و رحت عند غرفة المدير دقيت الباب
رد عليي من وراه:: يااس
دشيت الغرفه :: السلام عليكم
اطالعت المدير بعد ما سمعت صوته :: و عليكم السلام " و طالعني" ياس . ار يو ذا كلينير..
انا فترة ما كان يرمس كنت ابتسم حسيت بالامان لان المدير كان شكله خليجي فقررت ارمس بعد ما خلص :: نعم سيدي..
المدير قعد يطالعني :: انتي من وين ؟؟
ارتبكت ما بغيت اقوله خليجيه :: اانا من المغرب ..
المدير :: اهاا وو انتي ترمسين عربي فصحه بس
ميثا :: لا انا اجيد الانجليزيه ايضاً..
المدير :: و اسمج؟؟
قعدت اتحسف داخلي عالكذبه اللي كذبتها.:: امم ميثاء
المدير شكله بدا ايشك فالسالفه:: ااهاا اوك انتي انحين مسؤوله عن تنظيف غرفتي بس مفهوم ..
ابتسمت :: انشا الله
عقب المدير سالني :: شو تعرفين تسوين غير التنظيف
حسيت المدير ماكان يبي يحرجني بس عفويا طلعت الكلمه
لكن انا متعوده و بعدين الكلام انا ما ياثر فيني ابد:: اا انا اعرف اطهو لاني في مره عملت في مطعم و كنت اطبخ للموظفين بعد العمل وو اعرف ان اعطي ادويه و اراقب مرضى السكري و القلب ..
قاطعني المدير:: ليش مشتغله فالمستشفى بعد
هزيت راسي بكل ثقه
ابتسم المدير :: عييني عالثقه..
ابتسمت باحراج
المدير:: خلاص انحين لا تروحي الغرفه الخاصه بالخدم ..
استغربت و عقدة حياتي
المدير يكمل و هو يبتسم :: لان انتي بنت عربيه و مستحيل اقصر فبنت بلادنا
ابتسمت عرفت انه الناس بعدهم فيهم خير
كمل:: في غرفه موجوده قرب مكتبي كانت حق السكرتيره بس فتحنا غرفه ينب فغرفتي " واشر للباب اللي فالغرفه" و انحين تقدرين اتروحين نظفي الغرفه و خذيها لج..
ابتسمت و طلعت لاني احس لو قعدت اكثر راح اروح المه ما يدري هالانسان انه انقذني لاني جد محتاجه مكان يحتضني..
رحت الغرفه لقيتها فااااااااااااضيه رحت حطيت اغراضي و بديت انظف نظفت لمدة ساعه تقريبا و لما خلصت سمعت جرس فالغرفه و بعدين صوت المدير::
امم ميثا تعالي الغرفه اباج دقايق.. و سكر
رحت من الغرفه و دقيت باب غرفة المدير:: تفضلي
دخلت اتفاجات بوجود ريال كبير بالسن مع المدير
المدير يطالعني مبتسم:: اامم ميثا الوالد "يطالع الريال" الوالد هاذي ميثا اللي خبرتك عنها ..
استغربت من الموضوع
كمل المدير و هو يطالعني :: ميثا ابوي كان يايني اليوم عشان انخلص اجراءات سفرنا للامارات ..
وين انا من ها كله
المدير:: اا قلت بما انج انتي تعرفين اداوين وتطبخين و جذي يعني قلت انشلج معانا الامارات .. و اذ على اهلج ترا عادي بيبج لهم كل شهر ..
ابتسمت ياريت عندي اهل والله كنت ما بتشوفني اصلا..
المدير يطالعني :: هااه شو قلتي
قعدت اطالع الريال العود :: انا في خدمتك يا سيدي .. ولكن عندي استفسار
المدير ياشر بايده:: تفضلي..
ارتبكت :: امم هل ستعود الا هنا مره اخرى بعد رحيلك للامارات
المدير:: لا انا هني نائب مدير و بعدين ياي اجوف الشركه التابعه لشركتي مدة يومين مع ابوي و بعدها مددت القعده عشان ربيعي عنده هاي الشركه و هوه فالمارات فقالي امر اجوف احوالها .. ومنا نتحوط انا و الاهل فالمانيا
ابتسمت لان حسيت المدير صج ماخذ راحته ومعتبرنها من اهله
الوالد :: اا بنيتي انتي تعرفين تضربين ابر سكري
ابتسمت :: هي ابويه لا تحاتي.. و سكت
المدير يطالع ابوه
و رد طالعني :: انتي ترمسين مثلنا
ابتسمت بثقه و كملت اوني ما عرف ارمس اماراتي و ارمسه امارات مكسر بمغربي:: اييه انا اتحشا مثلكم تعلمت اتكلم زيكم من صديقتي فالمدرسه من زمان
شويه وسمعت صوت ضحكت المدير و ابوه
انحرجت شووويه بس طالعتهم و ثقتي تغمرني
المدير:: انزين الله يقطع سوالفج .. بتروحين معانا ولا لاء
ابصراحه حسيت اني بصيح و بصرخ عليه و بقوله اكييييد بيي خاطري اروح بلادي بس:: امم اظن انه لا خيار اخر لدي و لكن اخاف ان اكون عبأً ثقيلا عليكم..
قاطعني :: لا شو عبأه تعالي و مايصير خاطرج الا الطيب.. " عقد حياته" بس تعالي انتي ما كلمتيني عن اهلج ..
ابو المدير:: هي ابويه انا اخاف نقطعها عن اهلها
سكت شوي ونزلت راسي بس فجاه كاني اعاتب نفسي و رفعت راسي ما عاش من يوطيك يا راسي :: اا حضرة المدير اا امي و ابي متوفيان منذ سنوات منذ عمري في الثالثه ..
انسعق المدير و ابوه .. ما كانوا يتوقعون ان تكون حالي جي
المدير:: وو مع منوه تعيشين انحين
رديت بكل ثقه :: ااحيانا احصل على شقه ليس باهظة الثمن و احيانا افتح خيمتي بين اماكن يصعب الوصول اليها و هكذا..
"احسست بان المدير و والده سوف يموتان من الصعقات التي تاتيهم مني .. لهذا انا اليوم سوف انتقل من بون الا عاصمة المانيا تاركتا ورائي المنطقة التي احببتها لحلوها و مرها .. انا ذاهبة لبيت اتمنى من كل قلبي ان يكون دافأً اخيرا يا ميثا سوف تنامين في راحه و امان"
نزلت من السياره اللي دووم اجوف مثلها فالشوارع ولا كد ركبتها لكن اليوم حسيت رووحي شيخه لاء حسيت اني ملكه و الكل يخدمني ...
تميت امشي ورا المدير اوه اقصد حمدان ها اسمه اللي عرفته من ابوه لما كان يناديه فالسياره..
فتح حمدان الباب و دخلت داخل البيت ما اكذب عليكم اني انهرت بس قلت في خاطري اكيد غرفتي راح اتكون برا بس اتفاجات انه حمدان يقول:: اا ميثا غرفتج راح اتكون قرب غرفت الوالد و الوالده ..
استغربت من الحركه المفاجئه انزين ليش يله بعد اكون جريبه منهم وو اعرف كيف راح اتكون حياتي...؟
دخلت الغرفه كانت مررررررررررره حلوه بيضا و كل شي فيها ابيض بس اللهم العشب المعلق كان اخضر بس كاان خيااال
عقب ضهرت ويا حمدان و رحت الغرفه اللي يمبنا و كانت غرفت الوالد و دخلنا لقيت ام حمدان يالسه و تستغفر رحت لا ارادي و حبيتها عراسها ابتسمت بدورها و قالت:: هلا بنيتي اشحالج اكيد انتي ميثا اللي قالولي عنها
ابتسمت بفخر لاني حسيت اني ممعروفه هع هع
:: نعم انا ميثاء ..
ام حمدان :: ما شالله يا بنيتي عليج غاويه لو الشور شوري جان زوجتج حمدان ولدي
ابتسمت باحرااااج:: خالتي انا اتشرف ايضا ان اكون من اهلكم و لكن كما تعرفين انني مغربيه ولا يمكن ان ارتبط فيكم وانا اعمل كخادمه فقط
التفت لحمدان لقته يطالعها بعصبيه:: "بس قال ببرود" لا امايه ميثا من اليوم ورايح بنتج الثالثه و ما اباكم اتقصرون فيها بشي ابداً
ام حمدان شكلها مستانسه:: والله الشاهد ما راح اقصر في حقها ابدا
ارتحت من معاملة ام حمدان بستها مره ثانيه عراسها :: ربي يخليج لهم يارب
سمعت صوت حمدان يناديني عشان انجوف باجي الغرف .. طلعت معاه .. البيت كان طابق ارضي وو فيه سبع اغرف و كل وحده بحمامه اكرمكم الله داخلها..
حمدان:: ميثا الكلا اللي قلتيه لامي ما اريده يطب على السانج مره ثاني مفهوم انتي خلاص منا وفينا انحين ..
ابتسمت حسيت حمدان يطالع عيووني فطالعت سيده
وصلنا غرفة اخت حمدان دقينا الباب حمدان دخل و بطل الدرايش
حمدان يوعي اخته:: ايه البوبره قوومي قووومي عندنا ضييووف
اخت حمدان:: يووه حمداان قوووم والله تعبانه يعني اروح عن ريلي تييني انته رحمووني رحموا اللي فبطني ياخي
ضحكت عليهم
حمدان طالعني و اشر عليي اني اوعي اخته رحت بتردد و يلست عالسرير :: ااا
و طاالعت حمدان قالي بصوت خفيف :: ساميه اسمها ساميه
رديت اطالع اللحاف:: اا ساميه استيقضي يكفيكي نوماً ..
اتروعت يوم ساميه بطلت اللحاف اتروعني فانا نقزت وطحت فالدعنه عورني ظهري والتفت شفت ساميه تضحك و ماده ايدها تساعدني وتقول :: سووووري ميثاان والله العظيم سوري
ظحكت معاها حسيت ان حمدان يراقبني لان اتفاجا لما سالته ساميه
:: ههه حمدااانووه من وين يايبنها هاي ترمس عربي جي
رديت بكل ثقه :: انا مغربيه و اعيش هنا في المانيا لمن ليس في العاصمه بل في بون..
ابتسمت لي ساميه :: اهاا اقول انا هالجمال من وين ايي عثاريج مغربيه يالله والله ميثا ييتي بوقتج عشان اشوفج و اعجب بجمالج و تطلع بنتي جمميييله مثلج
ابتسمت على حركاتها :: ههه انتي مضحكه للغايه " سكت ثواني" متزوجه اليس كذلك؟؟
ردت ساميه بحزن :: هيه نعم وو ريلي طفس مب ياي معاي عنده دوره فسويحاان
استغربت : هاذي ليست في المانيا
ردت ساميه: هيه فالامارات فانا ييت مع اهلي
حمدان شكله مل:: يلا ميثا انروح نجوف باجي الغرف
ابتسمت لساميه ورديت:: يلا
و طلعنا من غرفة ساميه
رحنا غرفة اخت حمدان الثانيه و دقينا الباب
اخت حمدان ::تفضل..
دشينا الغرفه جفتها قاعده تلعب بالفون
قلت:: السلام عليكم
ردت السلام : و عليكم السلام
حمدان :: اا نوف هاذي ميثا
نوف بملل :: اولا كم عمرج ؟؟
استغربت من طريقة كلامها معااي :: 23
فجاه بدون سابق انذار عفدت عليي نووف و حضنتي وتصارخ
حمدان :: اييه هدي عالبنت تراها ما تحمل
نوف تعلق اكثر فييني :: مممممابااا انتوا ما تحسون وايد جريبه من عمري يعني محد بييلس وياها غيري
حمدان:: هههه لا حيااتي البنت ختنا مثل ما هي اختج
فجاه نوف وقفت عني و رحت صوب حمدان اختبي منها التفت لي حمدان و ابتسم
نوف : طاالع والله ما باكلج من االحين تخووونيين هااه ماا عليج زيين ماعليج
و راحت تمطني انا كنت منخشه لاني خفت انها تعذبني
نوف :: يااخي شوو ها والله ما باكلج
حمدان :: روحي ميثووه نوف طيبه بس حشره
ابتسمت ورحت صوب نوف و قعدت معاها على الكرفايه
نوف:: اام ميثا والله ما تخيلين قد شووه فرحانه فييج حتا قلت لهم يخلوونج ينبي فالامارات
ابتسمت حسيت ان هاذي هي العيله اللي راح اكون سعيده معاهم..
بعدين دشيت غرفت حمدان و اتخبلت اخباااااال لما شفت صورته عالحيط
حمدان :: شياج
ابتسمت وانا اطالع الصوره:: انته
ابتسم لي حمدان :: هييه .. حلو؟؟
طالعت الصووره:: خُباال
اصلا الكلمه اطلعت لا ارادي و بدون ما اتعمد اييبها مضموومه
ابتسم لي حمدان :: اخذيها زين جان عايبتنج
استحييييييييييييييييييييييييييت مرررره
عقب طلعنا وراواني البيت

...
و بعد ما خلصنا رحت غرفتي و دخلتها و اتسبحت و نشفت شعري و لبست كندوره مخوره طلبتها من عند نوف لانهن نفس المقاس تقريبا و لفيت شعري بطريقه غجرريه و حطييت باصه و لفيت شيلتي ورحت صوب البلكونه و جفت الجبال اللي كان البيت يطل عليها و الشير و كل شي حلو كان...
اتمنيت انه يكون عندي عايله مثل عايلة حمدان و ام وابو عالاقل
قلت وانا اصيح :: والله احس اني بموت بلا ام وابو احس اني غريبه بينهم خاطري اسمع صوت امي وابوي لو مره وحده ... كنت اصيح لما انفتحت البلكونه اللي كنت مسكرتنا عن يدخل البرد فالحجره التفت لورا جفت حمدان واقف وراي و يطالعني و كان فعيونه كلام عتب ولووم بس ما دري عشوه
سالته :: هل هناك شيئ سيد حم..
بس اتروعت لما سمعت صوت باب البكونه ينخبط كانه بيتكسر لما سكره حمدان و هوه داخل:: ما الامر يا حمدان
حمدان بصوت هادي بس كانه مغصوب يرمس جي:: ميثا انتي من ويين
كنت ببطل اثمي و انا مرتعبه بس حمدان قال:: ابصرااحه
سكت عرفت اني خلاص ما اقدر اضم شي عن الناس لازم بيعرفون فيوم من الايام اني بنت الامارات قاعده فالمانيا 20 و ماحد داري عني و ما ادري من وين اطلعو هالعايله و سكنووني و اكلوني و شربوني
سكت لوهله عقب:: انا ميثا خليفه حمد من الامارات عايشه فالمانيا 20 سنه بلا معييل بس مدة قعدة معا مصاروه فبيتهم و عشت معاهم لحد 15 سنه و كانوا يودروني فالبيت احيانا بس مره ودروني وراحوا مصر و تميت انا فاالمانيا وو كملت دراسه و اعلت يومي بنفسي و اشتغلت و هكوني قدامك قاعده اعترف لاول انسان اني كذبت كذبه فحياتي اتمنى ربي يغفرها لي..
سكت شوي اطالعت حمدان شفته يطالعني و دمووعه فعيون وشوي و بتنزل رحت بعيد عنه و عطيته ظهري :: اسفه يا حمدان انا خنتكم و كذبت عليكم ما استحقكم ...
انصعقت فكل جسمي و انشليييت يوم حمدان يا قدامي و حظني و قال:: ميثا ترا نحن موجودين اهني عشان نخدمج بس انتي اشري ونحن اتننيب لج
ابتعدت عن حمدان و مشاعري متظاربه:: حمدان حرام اللي تسويه
حمدان ياني و انا ابتعدت ابتسم وقال :: حرام حرام بس باجر راح يكون حلال
ما عرفت شو الشعور اللي صابني ذيج اللحظه بس وعاني منه حمدان لما قال:: يلا قومي غدا.
.........
" انا لست مجرد ضائعه في هذه البلاد بل انا ضائعه فيك يا حمدان "

نهاية البارت الاول..
توقعاتكم

عاصفة حب ©؛°¨غرامي فعال ¨°؛©

يسعدني اني اول من رد عجبتني البدايه ومتابعه لك إنشاءالله
موفقه

أنين حلم ©؛°¨غرامي متألق ¨°؛©

البـآرت الـآول جميل
أشكرك على النقـل ...ويعطيك العافية

ششههد ©؛°¨غرامي ذهبي¨°؛©

البارت الاول


روعة

يعطيك العافية

<<MAFEA>> ©؛°¨غرامي جديد¨°؛©

شكريااااتيييشن حبايبي على الردود ...
وان شاء الله احط البارت الثاني بااجر او مييبي اليوم

حنايا روحك ©؛°¨غرامي مشارك¨°؛©

وااااو ميثووه ونووف
وحمدان مو صج
مره ونااااااااسهه
ليتني بدال ميثوهه ههههههههههههههههههه
ساميه شكلها رجه

rosemary baghdad ©؛°¨غرامي متألق ¨°؛©

بداااية حلوة اعتبريني من المتابعاات

بانتظاار التكملة

<<MAFEA>> ©؛°¨غرامي جديد¨°؛©

البارت الثاني

" هل تعلم يا دفتري انني أشعر انه ليس مجرد انسان سااعدني و انقضني من هذه الدنيا .. اشعر انه سوف ياخذ جزءا كبيرا من حياتي .. و انه سيكون اهم شيء انا اعيش لاجله .. ربما لانه يعرف سري وربما لانه طيب و ليس من اولئك الذين تشكي لهم و يلقون كلامك وراء ظهوورهم "
طلعنا من الغرفه و رحنا صوب الصاله لقينا ام حمدان و بو حمدان قاعدين عالسفره و يتريوونا فانا رحت و قعدت ينب خالتي ام حمدان و انا ميييته حيا من حمدان اللي ابد ما خوز عيونه عني فقمت و قلت لا ارادي :: برووح انادي ساميه و نوف ..
و مشيييت وو لا عليه من اللي بيفكرون فيه ولا راح يقولون بس وقفت لما قال حمدان :: جذي اباج متمسكه بجذورج ..
انا ياني شعور غريب يقولي لا تردين لورا و تطالعينهم بس انا لفيت و جفت حمدان يطالعني بكل فخر يا الله شو يبا هذا يذبحني ياليتني ما قلتلك يا حمدان ..
التفت عامه وابوه حسيتهم ما اهتموا ابداَ ... رحت عنهم وصلت عند باب حجرة ساميه دقيت الباب سمعت صوتها:: مييين ؟؟
جاوبت:: زوجج يدق الباب؟؟هع هع
سامي تبطل الباب و هيه تضحك :: ههه غربلج الله شكلي بولد وانتي السبه
ضحكت علييها:: ههههه "وسالتها" جي انتي فاي شهر ؟؟
ساميه تمت تطالعني بصدمه :: ك ك ك كيف جي ترمسين؟؟
طالعتها ببرود :: تعالي تغدي و بعد الغدا وراي قصه اقوله لكم
و روحت عنها بدون ما التفت عليها
وصلت غرفة نوف :: نوف" دقيت الباب" نوف يلا ترا حدي يوعانه ملييت من كثر ما انتظرج
فتحت نوف الباب بدهشه و قعدة اتحك اذونه و اتطالعني بدهشه ::ا ا انتي كيف جي؟
سكرت عاثمها :: تعالي اتغدي و بعدين تعرفين..
ورحت عنها الصاله ودشيت و قلت :: يايين..
بغيت اقعد ينب خالتي بس كان حمدان ينبها ومن الصوب الثاني ابوه
فقررت اقعد مجابلتنهم معني ادري انها فكرره مرره غلط
حمدان :: يهوديين نحن ..
انحرجت :: لا عشان نوف و ساميه يقعدون ينبك
ام حمدان و ابوه كانوا مشغولين يسولفون عن موضوع مهم
حمدان :: وانتي؟؟
و يطالعني بنظرات غير
طالعته بنظره انه عيب
ابتسملي و سوالي بايده باجر يصير عادي و طالع سمووي ونووف
يوو صوبي ووحده قعدت عيميني و وحده عاليسار و تغدينا و انا كنت مستحيه مووووت لاني ما كنت عارفه اكل و حمدان يطالعني وياشر كل حين وساع على شي و يقولي اسمه
فتميت انا اكل اللي يقربلي
بعد الغدا ساميه و نوف خلاص ميتات من فضوول يبن يعرفن شسالفتي ..
"" لا تتحمسوون واايد ترا سالفتي مش عاديه و مب مثل سوالفك اليوميه سالفتي سالفة حياه او مووت .. ذل واهانه .. وكراامه يحاولون الناس يطييحوونها بس ينذهلون من راسي المرفوع""
جفت حمدان يسكتهم عقب اشر لي اني ابدا بديت :: اممم اولا انا مش مغربيه
سمعت شهقت نوف
ابتسمت لها:: ثانيا انا من الامارات و عايشه 20 سنه فالمانيا
وو الكلام اللي قلته حق ابو حمدان و حمدان فالشركه تراه كله صح فصح ووو انا ما عندي اهل الجالهم لان خوالي متبرين مني وانا ادري انهم موجودين هم وعيالهم بس ما يبوني ووو بنسبه لعموومتي انا ما عندي اعمام ابوي كان وحيد امه و ابوه .. ووو انا عرفت كل شي عني من الوصيه اللي خلوها اهلي لي.. وو بس
هااذي انا ..
طالعت الكل كان منذهل و يطالعني باهتمام الا حمدان كانه واحد متملل من القصه اللي احكيها بس فاجاني يوم قال:: عرفت ابويه ليش ابا اخطبها..وطالعني
انا فجيت اثمي من الصدمه و حسيت ايد على فكي اتردها انتبهت لنوف اترده :: ههه ذاااب ردييه
بس انا تكلمت بجديه لحمدان:: اسفه ما اقدر
الكل سكت بعد ما كانوا يضحكون انا ما اتحملت فقمت من مكاني و رحت صوب حجرتي سمعت ام حمدان اتقول لولدها قوم قوم اقنعها
دخلت غرفتي و قعدت عالسرير و انا كنت مخنوووقه من اللي قاعد يصير لي ليش يا ربي لييش لييش من بين كل البنات يختارني انا لييييش سمعت صوت ورااي :: لاني اناسرت فييج لاني بديت انجذبلج
صديت جفت حمدان داخل الغرفه و واقف صوب الباب طالعته عقب صديت عنه :: اسفه يا حمدان بس انا مب مؤهله اني اكون لك انا مش من مستواك ابدا..و بعدين نحن ما صار لنا يومين وو يا يني تبا تاخذني و..
قاطعني:: لاااا اتحححااوللين انا باخذج يعني باخذج..
صرخت لا ارادي :: حمدااااااان انا مااااااااااا اصلح لك خلاااص
ياني حمدان بهدوء و قعد ينبي :: انزين ممكن اعرف السبب
صخيت مب عارفه شقووله
وقف وقال:: كييفج بس صدقيني انا وراج لين ما اتوافقيين
سكت مب عارفه شرد
طلع من الغرفه و حسيت ان قلبي يتقطع من الحزن و الهم اللي فيه
رحت صوب البلكونه و قعدت عالكرسي اللي مقابلنها و سرحت و افكار تروح وافكار تيي و بعد دقايق تفكير رقدت ما انتبهت الا عصوت نوف تغني و اهي حاضنتني استغربت من الوضع عقب بطلت عيوني لقيت عمري راقده عالفراش و نوف منسدحه يمبي و تحرك عشعري و هيه اتغني .. ضحكت عليها فداخلي و ابتسمت لها بسهيه من شافتني ابتسم صرخت صرخه اظن اهلها اللي فالامارات سمعوها .. وحظنتني .. عقب دشوا اهلها كلهم ما عدا حمدان .. ما ادري ليش حسيت بحزن لانه ما يا يمكن .. المهم يو صوبي وكلهم يتحمدون عليه بالسلامه انا مب عارفه شو قاعد يصير..
سالتهم:: شو السالفه شفيييكم..
ام حمدان :: بنيتي انتي بخير
استغربت :: هي خالتي بخير
بو حمدان يريح عالكرسي:: خوفتينا بسم الله عليج..
نوف :: والله اتحسبناج متي
ساميه تضربها:: لا حياتي انتي بخيير بس غما عليج من 3 ساعات
شهقت :: ث ثلاااث
ساميه التهز راسها:: هييه... يلا قوومي قومي لبسي و بنطلع
طالعتها :: ويين
ساميه :: مدري حمدان قال يبا يطلعنا الغابه بالسياره انحين راح يفش توايرها عشان نقدر نمشي بها فالتراب..
قمت و بست ام حمدان على راسها و نزلت من عالسرير و رحت غرفت الملابس ادور لي بدله بس ما واحيت افتح الكبت الا نوف داخله الغرفه
ابتسمت لها :: هلا نوف بغيتي شي ؟؟
نوف اطلع بدله من وراها :: لبسي هاي
اطالعتها :: ليش يعني
نوف :: ولا شي بس عشان انكون نفس الشي
ما دري ياني شعور انه نوف مرررررره فرحاانه عشاني
طالعت البدله :: انزين ما عليه بس ما قلتولي متى بنظهر
نوف اتصارخ :: انحييين
حطيت ايدي عاذوني من قوة الصرخه ..
طلعت من الغرفه و انا قعدت ابدل لما لبست البدله مررره حلوه ..فانيله لون اخضر كت و سكيني ابيض و جاكيت قصير ابيض و وشاح ابيض و مخطط باخضر .. بـــــــــس المشكله الوحيده انها كبيره عليه فقلت بقصرها لما نرد من الرحله ... فطلعت بنطلون من الكبت هاذا اللي ايي واسع و من تحت ضيق لونه بني و دورت فانيله طوويله اتكون ساتره عشان اللي معاي مش محارم وو لقيت وحده ورديه مكتوب عليها ايتش اند ام بخط كبير شكلها هاي ماركه لانها محطايه فكل ملابسي.. و طلعتلي جاكيت طوويل و لفيت شيلتي و طلعت من الغرفه ما سمعت حس طلعت برا لقيتهم يركبون قفلت الباب وراي و طلعت ..
ركبت ورا نوف و ساميه ورا حمدان لما ركبت لا ارادي طاحت عيوني بعيون حمدان اللي كان لاف يطالع الترتيبات ورا .. ركبت و بعدها صدييت راسي عنه وسكرت الباب و عدلت قعدتي بعد ما صد سيده و طالعني كانه يشيك عوجودي..
جذبني كلامه :: اقول نوف .. تذكرين لما كنت اقولج اكره ماركه عندي ايتش اند ايم .. مادري ليش صرت احبها .. مدري مدري جي فجاه حبيتها ..
بالاول الكل ما فهم شسالفه بس عقب طلعنا انطالع بعض بس شهقت لما تذكرت اني انا لابستنها..غطيتها بالجاكيت .. انتبهت لنوف تشهق..
نوف :: ميييثوووه يا حماره قلتلج لبسي ذيج البدله ليش غيرتي
استحيت منها :: اااااا ووايد كبيره عليي مش مقاسي
نوف اونها تزعل :: من البدايه جيه يعني سبه اه سبه شتقصدين
كنت بقول لا لا مب قصدي شي بس سبقني حمدان وقال..:: وانتي شلج يالدبه اصغر عنها اونج و مقاسج كبير .. و بعديين كييفها هي حبت هالبدله .. يكفيي انها عيبتني..
انا غصت فالسيت لما سمعت كلامه بس رديت اعتدلت لما تذكرت شي خلاني لا ارادي تطيح دمعتي و لفيت صوب الجامه ... يالله ليش حمدان جي يقووول خلااص انا قلتلك يا انسان ما اقدر ارتبط فييك انا ما اشررفك و لا اشرف اهلك ..
اااااخ ااخخخ ... دقيت على ارضية السياره و الكل انتبه ما بغيت اطالعهم خفت يشوفون دمعتي و خاصه حمدان بس حسيتهم طنشو الموضوع و كملوا سوالفهم..
اما انا قعدت اطاالع بررا وو كلي هم و كل حين اشوف شي و اقول ياليتني مثله ..

عقب ما وصلنا الغابه نزلن و كانت الارضيه تزلق نزلت ورحت صوبصخره اتمسك و نوف يات صوبي و حمدان راح يساعد ساميه تنزل لانها بطيح ..
لفيت صوب ام حمدان و ابو حمدان شفتهم ينزلون ياين صوبنا وصلوا كلهم و فرشنا الفراش و قعدنا ...
كنت ميته عطش فتميت ادور عماي و سالتهم :: اا ووين الماي..
نوف فالدبه ساميه رايحه اتيب تلفونها روحيلها ..
رحت صوب ساميه لقيتها حاطه الكاميرا عكتفها و فون فايده و متمسكه فالسياره رحت خذت الماي و ساعدت ساميه عقب ما اتخطينا الشارع بغت اطيح بس انا مسكتها كنت خايفه عليها موووت .. لدرجة صرخت كاني انا اللي طحت مب هيه و الكل التفت صوبي انا و ساميه اللي وقفت من سمعت صرختي برعب..
شفت حمدان ياي صوبنا .. و بدون تفكير :: حمدان الله يخليك شلها تراني اخااف
الكل قعد يضحك عليه بس انا كنت اطالع حمدان بترجي .. ثواني قعد حمدان يطالعني من ورا النظاره الشمسيه و راح صوب ساميه و شلها..
انا ابتسمت لان جد ارتعبت من اللي صااار.. سار حمدان وصلها عالفرشه و يلسها و سكتت بعد ما كانت تتحرطم عليه انا وحده مني ما فهمت اشقالت ابد .. بس جفت حمدان بنظرات شكر و طالعني و عيونه مليانه شك ان ارررررررتبكت فصديت عنه ورحت قعدت معاهم..

" احياناً يصبيك احساس الندم الذي يجعلك تقول يا ليتني لم افعل ذلك... فانا كلما رايتك يا حمدان اقول.. يا ليتني لم اخرج تلك الليله .. رحمتك و سترك يااربي"

نهاية البارت الثاني..
توقعااتكم ... شو اتظنون بيصيير
ووو مشكوورين عالمتابعه..

rosemary baghdad ©؛°¨غرامي متألق ¨°؛©

باااااارت حلووو
ما توقعت انه الكل يتقبلون ميثة بعد ما كذبت لكن عاملوهة زين حلو هالشي و اتوقع تصير اشياء بهالرحلة تخلي ميثة تقبل الزوااج من حمدااان

بانتظار التكملة

<<MAFEA>> ©؛°¨غرامي جديد¨°؛©

مشكوووره rosemary baghdad .. بس جد زعلت يعني ما اعجبتكم لييييييييييييييييييييش مااا تردون ليييش..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1