منتديات غرام أعضاء غرام سكون الضجيج - مملكة العضو هنا مملكتى الخاصه اعيش بها وحدى
غريب وسط غابه ©؛°¨غرامي ماسي ¨°؛©

كنت قولت انى راح اترك المصيف يوم الجمعه لكن تركته امس الاربعاء وانا حاليا فى البيت وتركته نظرا لظروف مش مهم اقول عليها ومن ضمن الاسباب ايضا بنت صاحب الفندق اللى حكيت عنها لانها مجنونه ومراهقه ومتهوره وممكن بسببها اروح فى داهيه ومافيش داعى افسر على قد ما المصيف واحشنى بس بصراحه كدا افصل كفايه بقى الذنوب اللى عملتها هناك كنت عايش هناك ولا هار ون الرشيد بس بجد اتمتعت بالبحر هناك وعلى فكره انا سباح ماهر المهم ان شاء الله لو كان فى العمر بقيه هسافر تركيا زى ما قولت وهقضى رمضان كله هناك ان شاء الله وهرجع على عيد الفطر ان شاء الله انا دلوقتى بكتب وانا داخل من الجوال على سريرى فى حجرتى كنت من شويه داخل من اللاب بس بحب فى اخر السهره ادخل من الجوال انا ساند ظهرى على سريرى يمكن يجيلى نوم وانام حتى لو الجوال مفتوح على النت هحاول انام بقى كفايه قله النوم فى المصيف ومش معنى انى عايز انام انى لو نمت هنام كتير لا طبعا الله يرحمك يا خالتى كانت تقولى انت يا واد دماغك ما شاء الله عليك مصفحه عشان نومك قليل ونومك خفيف من اقل شىء تصحى ولما كان يجيلى كابوس وانا نايم كانت تجرى على تصحينى لو تهزنى براحه خالص ياترى لو نمت وجانى كابوس مين هيصحينى او يهزنى وانا عايش لوحدى الان؟الله يرحمك يا خالتى انتى وابويا وامى وكل اموات المسلمين هكتفى بكدا عشان حقيقى بكتب ودموعى على خدى

غريب وسط غابه ©؛°¨غرامي ماسي ¨°؛©

اهلا بكم
الاول كل سنه والجميع بخير بمناسبه حلول شهر رمضان المعظم وهو اكيد ان شاء الله بعد غدا الموافق الخميس وان شاء الله قاعد معاكم اليوم وسهران حتى موعد سفرى الى تركيا لقضاء شهر رمضان هناك وغدا ان شاء الله مسافر وشوفكم على خير جميعا وربنا يجعله شهر مبارك على جميع المسلمين فى جميع انحاء العالم وليس المتأسلمين والمقصود بالمتأسلمين هم المسلمين بالاسم بمعنى مسلمين لكن اشرار بيأذوا شعوبهم وبياكلوا اموال شعوبهم ومش عايز اتكلم فى الموضوع ده كتير غير انى هقول منهم لله وربنا ينتقم منهم وينتقم من كل ظالم ان شاء الله
المهم اتمنى ان مافيش حد يكون زعلان منى لاى سبب من الاسباب وخصوصا بسبب صراحتى او غيرها
ولسه مش عارف ظروفى هناك هتكون ايه عشان اذا كنت هدخل النت ام لا وبالتحديد المنتدى الموقر
وبصراحه اتمنى لما ارجع ان كان فى العمر بقيه الاقى تطور فى المنتدى وخصوصا الاستايل بتاعه والاقى تطور فى بعض الاقسام وكمان بنصح الجميع وبنصح نفسى اولا اننا نحاول نخف من النت فى رمضان ومش بقول لا ندخله لأ لكن نحاول على الاقل نعطى شهر رمضان حقه من ناحيه العباده وقراءه القراءن على الاقل نخلص ال30 جزء للقراءن طبعا مش حفظ لكن قرائته بتمعن فى اياته الكريمه
وربنا يتقبل منا جميعا ويجعله شهر البركه والخير للجميع
واشوفكم على خير

غريب وسط غابه ©؛°¨غرامي ماسي ¨°؛©

اهلا بكم
انا الحقيقه دخلت هنا الان عشان اسلم عليكم قبل ما اسافر عشان خلاص هقوم اجهز نفسى للسفر
عشان مسافر تركيا وبصراحه قضيت معاكم كأخوان واخوات احلى واجمل الاوقات
واتمنى ان مافيش حد يكون زعلان منى او شايل منى وان كان فى العمر بقيه ان شاء الله هرجع من هناك بعد شهر رمضان عشان هاجى اقضى العيد هنا مش هناك ومش عارف ظروفى ايه هناك هل هدخل نت مش هدخل لسه مش عارف وبقولكم جميعا فى الاخر وبقول لكل اللى يعرفنى وكل من لا يعرفنى
كل سنه وانتم طيبين جميعا بمناسبه شهر رمضان اعاده الله عليكم وعلى الامه الاسلاميه بالخير والبركات
واوصيكم واوصى نفسى قبلكم بالعباده وقراءه القراءن حتى ننظف انفسنا من الذنوب
ومع الف سلامه ليكم جميعا

غريب وسط غابه ©؛°¨غرامي ماسي ¨°؛©

اهلا بكم
اول شىء هقولكم جميعا كل سنه وانتم طيبين بمناسبه حلول عيد الفطرالمبارك اعاده الله عليكم وعلى امه المسلمين بالخير والبركات وثانى حاجه بشكر كل اللى سأل عنى فى غيابى سواء على الرسائل الخاصه او فى التقيمات ومعلش اعزورونى مش هقدر ارد الحين على كل الرسائل عشان كلها ساعتين وشويه وهروح اصلى صلاه العيد اكيد طبعا عايزين تعرفوا بأختصار جيت امتى من تركيا وعملت ايه هناك فى شهر رمضان فى الحقيقه شهر رمضان السنه دى كان عندى مختلف المره دى لأنى قضيته كله فى تركيا لاول مره مع انى مازلت مفتقد خالتى الله يرحمها ومفتقد كل شهور رمضان اللى قضيتها معها برغم انى كنت حزين هناك وكنت دايما بفتكر خالتى لكن قضيت شهر جميل فى تركيا شهر كله صوم وعباده حسيت بجد بأحساس جميل مش عارف اوصفه لأنى هناك دخلت فى حاله التقوى عشان كنت خارج من حاله عدم التقوى جو رمضان فى تركيا بيختلف عن اى اجواء فى اى بلد تانيه حتى فى مصر تحسوا كدا ان الناس كلها هناك متقربين اوى من ربنا وبالمناسبه انا الحمدلله ختمت هناك القرأن مرتين كنت بختمه مره واحده كل سنه الجو العام هناك بيشجع على التقوى والعباده
نسيت اقولكم انى كنت مقيم فى اسطنبول
نزلت هناك فى فندق اسمه Swissotel The Bosphorus
بصراحه فندق خرافى فى كل شىء
وكنا بنصلى هناك فى مسجد السلطان احمد
طبعا العمله هناك هى الليره
بصراحه فى الشهر ده مش لفيت كتير فى اسطنبول لأن كل وقتى كان ما بين الصلاه وقراءه القرأن
وقولت ان شاء الله بعد كدا لو كان فى العمر بقيه هبقى اعمل رحله لاسطنبول مخصوص
حسيت هناك انى غسلت كل ذنبوبى اللى عملتها فى المصيف قبل ما اسافر وجيت من هناك انسان جديد
فعلا احسن حاجه عملتها انى سافرت اسطنبول وقضيت كل شهر رمضان هناك من بدايته حتى نهايته
وبالمناسبه انا وصلت حوالى الساعه اتنين بالليل امس الرحله من اسطنبول للقاهره استغرقت حوالى ساعتين الا وهناك الفرق بينا وبينهم ساعه فى التوقيت يعنى هما اكتر مننا بساعه يعنى انا عندى الساعه الان 4:36 اربعه وسته وثلاثون دقيقه تلاقيها هناك الان 5:36 دقيقه
انا مش هقدر اوصف ليكم اسطنبول وجمالها لأنى زى ما قولت مش لفيت فيها لكن موقع الفندق والمنطقه اللى كنت مقيم فيها خرافى بصراحه والمره الجايه ان شاء الله لما اطلع رحله تانى لاسطنبول
هوصفلكم كل جزء فيها وهصوره كمان ان شاء الله لو كان فى العمر بقيه
مضطر انهى كلامى عشان ارد على بعض الرسائل قبل ما انزل اصلى صلاه العيد وانا بصراحه حبيت اجى من هناك عشان احضر العيد هنا يارب اجعله عيد مبارك على الجميع

غريب وسط غابه ©؛°¨غرامي ماسي ¨°؛©

من وقت ما وصلت من السفر وانا مش عارف انام لأن كل اللى عرف انى وصلت طبعا ضيوف واصدقاء طول اليوم دا غير التلفونات وبعض اقاربى كانوا معى طول اليوم هنا فى البيت عشان يخدموا على الضيوف والاصدقاء اللى زارونا هنا وانا من بعد صلاه العيد مخرجتش من البيت وبستغل اى فرصه مافيش فيها حد جالى او تلفونات وبدخل هنا ورغم ذلك حزين عشان دخلت ولم اجد اصدقائى واحبابى هنا لعل عدم دخولهم يكون خير ان شاء الله او يكونوا بيعيدوا ويكونوا جميعا بخير
فى الحقيقه مش قادر انسى وجودى هناك فى اسطنبول شعور جميل كل ما اتذكر الحاله اللى كنت فيها هناك
بلد جميله جميله فعلا وان شاء الله هزورها تانى سياحه بأذن الله

غريب وسط غابه ©؛°¨غرامي ماسي ¨°؛©

نفسى انام مش عارف من وقت وصولى من اسطنبول والضيوف والاصدقاء والجيران على طول عندى واصحابى لسه ماشين من عندى من شويه دا كمان غير التلفونات وعلى فكره يمكن قولت الكلام ده قبل كدا بخصوص التلفونات انى اكتر حاجه بخاف منها التلفونات سواء التلفون الداخلى او الجوال بسبب صدمات كتيره اتبلغت بيها من الجوال او التلفون الداخلى
وفى موضوع مش فاكر اذا كنت قولته هنا فى مدوناتى او لأ لأن احدى قريباتى فكرتنى به اليوم وهو اننا لنا ورث كبير جدا فى السعوديه عشان اصل جدودى من ناحيه الاب من السعوديه اصلا والله مش فاكر كانت خالتى الله يرحمها قالتلى فين فى السعوديه بالظبط لكنى نسيت حتى قريباتى مش فاكرين المكان
انا اى نعم مولود فى مصر ووالدى الله يرحمه مولود فى مصر بس جدى الله يرحمه من السعوديه وكان موضوع الورث انفتح ايام خالتى الله يرحمها بس انا مش اهتميت وقتها بالموضوع بتاع الورث ولا فى راسى اصلا بس هبقى احاول على الاقل اعرف فى اى مكان فى السعوديه بعدين بقى مش دلوقتى

غريب وسط غابه ©؛°¨غرامي ماسي ¨°؛©

اليوم وكل يوم

اعيش فى غرفتى بصمت

لا يوجد في البيت إلا أنا

اجلس وسط مذكراتى

وسط مدوناتي

أوراقي مجلداتي

يتراكم من حولي الكتير

وأنا قد مللت

مضيت بين شوارع المدينه

أنظر الي هذا وذاك

أري اشخاصا يتسامرون يضحكون

وبعضهم يتغامزون يعلقون

الحافلات تتزاحم

والناس تتلاحم

أقف وسط قلعه الأمل

أتذكر اشخاصا مضيت معهم

ولكن الفراق يصاحبني

وعقارب الساعه تلاحقني


تأخرت !!

فقررت !

بأن اعود الي همومي

جلست في غرفتي


فتحت التلفاز

ثوره قتل إختطاف

قتل وحتي استهداف


أتعجب قائلاً !

لماذا أيامنا تمضي هباء ؟

لماذا العناء والشقاء ؟

الناس تقتل بستهزاء !

الجثث تتفاقم

والأشلاء تتراكم

كيف سأنساكم ؟ بالقلب سكناكم !


جسلت علي جهازي

لعلي اعثر علي شخص يسمعني !

فتحت بريدي أري قيراط وهلال ولأخرين !

أحدهم سميت نفسها بالمجروجه

سألتها هل من أتراح ؟

قالت بل أفراح !

النور من حولنا قد لاح

وعطر السرور قد فاح ..

وجبل همومي قد ساح ..

ونهر عذابي قد راح !


نصحتني ... نصحتها
تعلمت ... وعلمتها
حزنا تقاسمنا الدمعه .
.
فرحنا تقاسمنا البسمه .
.

بـــ لحظه

شمس الأمل قد غابت ..

وأحزاني سادت ..

كأن الغيوم أمطرت وغارت ..

وقوافل أفراحي قد سارت ..

جبال همومي قد إنهارت

همومي أحزاني تلاقت

جروحي تمادت

لم يبقي سوي رماد الروح

ذلك هو أنا

غريب وسط غابه ©؛°¨غرامي ماسي ¨°؛©

وحدتى صنعت منى الصمت
لا استطيع ان اتكلم
فليتكلم عنى عقلى وقلبى ووجدانى بكل ما اوتيت من جروح ودموع
فليتكلم عنى الصمت القامع فى اعماقى بكل ما يدور فى مخيلتى
فليتكلم عنى موج البحر الذى لا يمسكه الموت على حبات الرمل
فلتتكلم عنى الامطار والعواصف والرياح التى لا يتحكم فيها الا القدر
فلتتكلم عنى الاشجار التى لا تحنوا هامتها الا لجلب الثمار
فلتتكلم عنى احلامى وامالى التى ضاعت وسط الزحام

غريب وسط غابه ©؛°¨غرامي ماسي ¨°؛©

احيانا بشعر انى روحى تنسال من بين اضلعى
على غير عادتى مشاعر هادئه تحتوينى من داخلى
لأننى اذا ما اذيت او انجرحت من البشر اثور وانطوى
اما الان فأنا لا اعرف من انا هل اطمئن على حالى ام اقلق
لما انا هادىء هكذا ولما لست حزين على حالى
هل فقدت شعورى واحساسى ووجدانى ام هى لحظات وتمر سريعا
هل انا افكر ام لا افكر
هل انا احلم ام لا احلم
وكأننى موجود وغير موجود
ما هذه التناقضات وما هذا الحزن الذى اشعر به
كلما واتتنى الفرصه لكى افكر بمن رحلوا عنى
ينتابنى شعور بالقهر والحزن الدفين بداخلى
ايها العقل تبا لك لأنك زينت لى كثيرا من الاوهام
وجعلت هذه الاوهام مثل عروس الكل يتصارع للارتباط بها
وهل اسأل نفسى كم ضاعت منى الساعات والايام فى السراب؟
لا لا لا لم اسأل هذا السؤال
ولكن من المفروض ان اسأل كم تبقى لى من عمرى؟
لذلك لن ابكى على اللبن المسكوب
ولن ابكى على من سكبه
مر ما مر وفات ما فات ويكفى ما اخذ منى ويكفى اذاءا لنفسى ولتكن نفسى هيا اغلى ما املك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1