منتديات غرام أعضاء غرام سكون الضجيج - مملكة العضو هنا مملكتى الخاصه اعيش بها وحدى
غريب وسط غابه ©؛°¨غرامي ماسي ¨°؛©

انا لو حبيت فى يوما ما او صادفنى الحب الحقيقى هعمل الاتى:


هزرع فى طريق من احبها ورده حمرا
وهزرع فى خيالها حكايه جميله
وهزرع فى قلبها نبضات صادقه
ومش هنتظر منها المقابل


هرمى لها طوق النجاه فى لحظات الخطر والغضب
وهبنى لها جسر الامان فى لحظات الخوف
وهبيع دموعى عشان اشترى لها الفرح
ومش هنتظر منها المقابل


هغنى لها طربا متألما عشان امنحها السعاده
وهبكى بعيدا عنها عشان لا افسد فرحتها
هخترع لها الهواء اذا اختنقت
ومش هنتظر منها مقابل


وهذرف لها دموعى اذا كانت عطشانه
وهقطع لها من جسدى اذا كانت جوعانه
هشعل لها اناملى عشان انير لها الطريق
ومش هنتظر منها مقابل


هحرق لها كل ايامى عشان ادفيها من البرد
همنح لها عيون لكى ترى بهم فى الظلام
هساعدها على الوقوف اذا تعثرت
ومش هنتظر منها مقابل


همنح لها الفرح عند الحزن
وهساعدها على الامل عند اليأس
وهبتسم فى وجهها بكل رضى وشوق
ومش هنتظر منها مقابل

بعد كدا بقى وبعيدا عن حبها
هحفظ بداخلى مساحه جميله من الاحلام
ومساحه كبيره من الرحمه والموده
ومساحه كبيره من التسامح والغفران

واخيرا وليس اخرا اين انتى حبيبتى
متى يدق قلبى وينبض نبضات بوجودك
ايتها الحبيبه المجهوله الاسم والعنوان
قلبى فى انتظار دقات اناملك
قلبى فى انتظارك بكل شوقه وكيانه ووجدانه
من انتى ياترى؟
واين انتى الان؟الله اعلم

غريب وسط غابه ©؛°¨غرامي ماسي ¨°؛©

سعات تكون في عز ما انت مخنوق من علاقتك بحد
عايز تاخد نفسك وتبعدها عن كل اللى حواليك
تبعدها عن السنتهم
عن تطفلهم
عن عيونهم
عن لومهم

عن كل حاجة ممكن تزيد عليك الموضوع

المواقف ورا بعض بدون توقف من كتر
الدخلاء في حياتنا

والاكتر من كدا لما تحس ان اقرب حد ليك
هو الي بيخنقك ويزيد عليك

سعتها متعرفش تروح فين ولا لمين

احيانا تستخدم السكوت حل
واحيانا السكوت بيخليك تنفجر
وتتكلم بدون وعي

واحيانا تبعد خالص

قرار هتخدو في وقت خنقتك بس هو
اكتر الطرق راحة

وفي وقت التعب

هتختار
البعد المفاجأ عن ناس بتضغط عليك
بكل قوتها اسلم الطرق للحفاظ ع عقلك
ونفسيتك

مش بيقولو كتر الضغط يولد انفجار

هل لو حد في حياتك مارس عليك الضغط دا
هتستحمل ولا هتاخد نفسك وتبعد خالص
وترتاح؟

هل لو بعدنا عنهم نهائيا نرتاح فعلا ؟
ولا نبعد مؤقتا ونعيد تقيم العلاقة؟
ونكون كدا مخسرناش العشرة؟

مش عارف عايز اقول ايه
غير ان لو مخنوق وعايز تاخد قرار في حد خانقك تعمل ايه؟
اسأله كتير بتدور جوايا
بس اطمنو بروق بعد كدا

غريب وسط غابه ©؛°¨غرامي ماسي ¨°؛©



يا بحر ليه موجك عالى
عايز اشتكيلك ايه جرالى
طال الفراق بينى وبينك
واشتقت اشكيلك احزانى
وابوح باللى يدور بين احشائى
ويحوم بفكرى وعقلى ووجدانى



أين أنت يا بحر ؟؟ ,,
كيف اختفيت وابتعدت عنى
وتركتنى بين غربتى وظنى
أين أمواجك الرقراقة
وأصدافك البراقة ؟؟
أين إحتضانك لاحساسى ؟؟
أين هديرك العاتى ؟؟
أشتاق أن ألقى بنفسى بين تقلباتك
وأنظر بعينى الى سمائك
وادع النفس والروح تغادر العالم الفانى



,, يا بحر ,,
أتذكرنى ؟؟
أم أصابك النسيان ؟؟
وانمحيت أنا من دفاتر الايام ؟؟




,, مهما اخذتنى الحياة ,,
وظننت انى قد آلفت الوحدة والسراب
اعود اليك باثقالى وهموم اتعبت اكتافى
واغوص بعمقك ابحث عن مهدى بين اغوارك
اتذكر اسرار كانت بيننا ؟؟
وهمسات دارت بيننا ؟؟
واجلش على شاطئك
التقط انفاسى
استجمع قوتى واحساسى



,, يا بحر ,,
اين الموانى ؟؟


اين المسير الى عالمك المترامى ؟؟
اهدنى شراع يأخذنى الى احلامى
تعبت ... وأرهقت من فرط ارتحالى
اريد الهدوء والقرار بحياتى


,, يا بحر ,,
يا صديقى الوفى
يا اوفى من الانسان
يا من تفيض بحنانك على حرمانى
وتحتوى حيرتى والمى حين انكسارى
سأبقى بجانبك كى تستقر احوالى
فهنا اشعر بانك طبيبى وعنوانى

غريب وسط غابه ©؛°¨غرامي ماسي ¨°؛©

يلا يا واد يا عادل ابعد عن الاحزان شويه وتذكر جزء من طفولتك
مممممممممممممممممممممممممممم
وانا صغير اتذكر تقريبا كان عندى سنتين
كنت ما شاء الله فى الجمال وكنت شقى جدا وبعاكس البنات اللى متقاربين من عمرى
يعنى كانوا من سن سنه_ سنه ونص كدا كانوا بنات فى منتهى الجمال العيون الزرقا والشعر الاصفر
فكرت بينى وبين نفسى وقولت عيب عليك يا واد يا عادل تعاكس بنات حلوه وجميله كدا وانت لسه لابس البامبرز
وعيب عليك كمان تعاكس امال لما تكبر هتعمل ايه؟
المهم قررت بينى وبين نفسى انى ولا اعاكس ولا البس بامبرز بعد كدا لبست شورت
بصيت لقيت البنات هى اللى بتيجى تعاكسنى ويخانقوا بعض عشانى
وكأنى فالنتينو عصرى وانا بصراحه مخبيش عليكم كنت فرحان اوى اوى والبنات متجمعه حواليه
ويتخانقوا عليه انا وكانت الصدمه الكبرى لما عرفت انهم بيتعاركوا عليه
اتريهم بيتعاركوا مين اللى ياخد الببرونه بتاعتى اللى فيها الرضعه بتاعتى
يعنى كانوا داخلين عليه على طمع وانا معرفش
يلا بقى هعمل ايه كانت اياااااااااااااااااااااااااااااااااااااام
اكيد طبعا انتم مش مصدقين القصه بتاعتى دى
بصراحه ولا انا اصلا مصدق
دى كانت تخاريف طفل
وانا مالى مش انتم اللى دخلتم مملكتى وقرأتم الكلام الفارغ ده

غريب وسط غابه ©؛°¨غرامي ماسي ¨°؛©

وانا قاعد دلوقتى وبرتشف فنجان قهوتى مع سيجارتى
وسرحان مع نفسى بصراحه خطر على بالى حاجه
تفتكر يا واد يا عادل ممكن اى حد فينا يكون ميت وهو عايش؟
لالالا استنى بقى وبلاش لغبطه وركز يا واد انت بتخرف ولا ايه؟
دا انت بتشرب قهوه وسيجاره يعنى مش مسطول ولا بتحشش
ولا بتشرب ويسكى والعياذ بالله
لالالالالا الحمد لله انا فايق جدا وهفسر ازاى ممكن اى حد فينا يكون ميت وهو عايش

ميت عشان حاجات كتير
اهمها

انك مش بتعمل اي شيء يدل انك حي

مش منتج

مش مفيد للبشرية

مش بني ادم مشارك

عايش ع الهامش

بدون هدف
وبدون اي احلام
بدون عطاء
بدون اي حاجة

مجرد صورة انسان
وممكن
وهو انك
تموت في عيون الاخرين
في قلوبهم في حياتهم
في ثقتهم

انك تموت وانت عايش وسطيهم
انت بتتنفس وتمشي وتتكلم
بس في نظرهم ميت
كتير حوالينا كدا
ويمكن مننا عاش لحظة فيها ميت
او لسة هو ميت بس
ياترى هتقدر تنور لمبة الحياة وتقول لكل الي حواليك انك عايش؟
وهتنورها بـ ايه؟
هو ده السؤال اللى محتاج بحث واجابه
طيب كفايه بقى كتابه كدا اليوم يا عادل ريح بقى شويه

غريب وسط غابه ©؛°¨غرامي ماسي ¨°؛©



حكمه اليوم وامس وغدا










من الجميل ان تبتسم في وجه من يكرهك !!

فإنك ان لم تكن قد كسبت قلبه ♥

تكون قد فقعت مرارته

غريب وسط غابه ©؛°¨غرامي ماسي ¨°؛©

اه صح نسيت اعرفكم على نفسى

انا
مجرد ][ إنسان ][أحب التحلــيق و الطــيران بعيــداً .. عن أرض الواقع


احب الفرح وجمعة الأحباب

دائماً ما أتقلب بين طيات الضحك

يغلفنى الامل

نصفى الآخــر..الطموح.. !

أعشـــق{ ..الطبيعة.. و البساطه.. والصداقه والأجواءالمرحه واكره الغدر)

أعطى الثقة لمن يستحق واكون له كتابا مفتوح..

وهذا ما يميزنى بكل صراحه
انا طفل كبير
أفرح بكل شئ ولو
كان كلمه
ويحزنني آى شىء ولو
كلمة .!




مرحبا بكم في عالمي

غريب وسط غابه ©؛°¨غرامي ماسي ¨°؛©

الضحكه لما تكون من القلب
اكيد الدنيا ساعتها هتنحب
ومش اى حب لا ده حب صافى
وقلب خالى من اى كره
الكره بيكون فينا والخير كمان فينا
والدنيا دى ياما فيها وفيها
الدنيا دى الكل ليه فيها غيه
وانا غيتى انى اعيش واحب
يا ضحكه هلى ويا فرحه طلى
كفايه بقى احزان
كفايه بقى اللام
يا ضحكه هلى ويا فرحه طولى

غريب وسط غابه ©؛°¨غرامي ماسي ¨°؛©

انا حاسس انك قريبه منى بس فين معرفش
حاسس انك بتراقبينى بتعاتبينى بتتركينى لحلمى
وبتتركينى انا وقلبى نعانى من قسوه قلبك
انا مش هعاود طلبى والحاحى عليكى
لأنى اصبحت كتاب مفتوح امامك
تغلقيه كما تشائىء وتسطرى فيه وقت ما تشائىء
ولكن احذرى من غفله قلبى ويأسى من بحثى عن حضن يأوينى
وقتها لن تجدينى وسأدعك تبحثين عنى
لعلمى ويقينى انك دائما قريبه منى

غريب وسط غابه ©؛°¨غرامي ماسي ¨°؛©

























أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1