قلب ملائكي ©؛°¨غرامي مشارك¨°؛©

نورة و هي بالمكتب قاعدة تفكر " يا ربي الحين شلون اخلص نفسي من الورطة ...اافففففف ...و مسوية لي فيها ...اللي تبيه ...غبية غبية و تظل طططول عمرها غبية .... و بعدها ناظرت الولد اللي دخل مع امه و باين بوجهه التعب ...تناست اللي كان يدور ببالها ... و بدات في شغلها .... في نص الشغل دق جوال فطووم ...
فاطمة بصوت واطي: الو هلا محسن .... لا باقي لي اممم و تناظر ساعتها باقي لي ساعتين حياتي .....ههههه طيب ..مع السلامة " هذا زوج فاطمة محسن ..مدرس تربية اسلامية ..و هي عندها الجوري وعبدالرحمن " ...طبعا المكتب ما كان فيه الا بنية و عند نورة و معها امها وو كانت هذي المريض الاخيرة قبل البريك ....

عقب ما طلعت البنية مع امها ..ناظرت نورة ساعتها لقتها الساعه 11 " افف الحين لازم اروح للتختر و اودي له الــ هنا " قامت نورة مع فطوم و راحوا للكوفي ...طلبت نورة 1 موكا باردة و 1 كوفي سادة ...مشت مع فطوم و استاذنت منها دقايق فطوم استغربت من نورة بس سحبت عليها ودقت ع زوجها اللي ما كان عنده حصة .... و قعدت تسولف و نست نورة و الللي جاب نورة ..
في مكان ثاني بالمستشفى ...تمشي ببطئ لعل و عسى تلقاه بطريقها و ترمي عليه كوب القهوة .."افف منه بس لازم ابين له اني قد كلمتي مهما صار ..." مشت بكل شموخ للدور الثاني و لا كانها من الداخل منقهرة و خايفة بنفس الوقت ..خايفه لانها اول مرة تتعامل مع رجال مو محارم لها .... مشت و قبل تدخل دقت باب المكتب اللي كان مسكر نصه ..و جت بتخطو خطوة لقدام الا دعست على مقدمة عباتها و صارت كانها بتطيح .و تساندت ع الباب اللي ع طول انفتح و انكب شوي من القهوة عليها قبل تدعم بالباب ... و يوم انفح الباب اللي ما شافها من برا يحسب انها داخلة معركة ....وقفت بكل هدووء يوم رفع سعود راسه و على طول اول ما شافها ارتسمت ع وجهه ابتسامة انتصار و هي من زوود القهر مشت بهدوء و مدت الكوب له ...و هو رفع راسه لها و هي واقفة ع ممكتبه ..... و نزل القلم اللي كان بيده و مد يده يبي ياخذ الكوب الا و تبعد هي يدها و تحط الكوب باخر المكتب بقوة و طلع صوت و انكب شوي ع المكتب وقف سعود معصب لان القهوة بغت تنكب ع الاوراق : خيييييير عمياء
نورة من تحت الغطا ابتسمت و حست بالفرح لانها رفعت ضغطه ما ردت عليه و عطته ظهرها ... و مشت بكل شموخ تبي تطلع بدون ما يطب لسانها لسانه سعود من القهر ضرب يده ع الطاولة .... و الضغط عنده مية ...بس ما اسرع ما ابتسم .. و هو يتذكر قوتها اللي انعجب فيها بقوةة ... ما حطت لسانها ع لساني ..ها ها ها .. صدق انها عن مية رجال ما تتنازل بسهولة ..اصلا انا توقعت انها نست كلامها او انها ما راح تنفذ اللي تقوله ..لكنها طلعت عند كلامها قالت و فعلت .... اقول بكرة انا اخليها تحسب لي الف حساب ... و ما اكون انا ان ما خليتها تحسسب لي الف حساب وبس انا كنت ظالمها هي من الاول و هي ما تعرف اني ولد عمها و انا اللي شايف نفسي و هي اساسا ما عرفتني ولا ناظرتني ... افففف يالقهر انا شلون ...بنت تخليني اعصب و انقهر و آكلها بنفسي .... بس ما عليه الايام بيننا .... قام من مكتبه .... و راح وقف عند الباب يشوف اعداد المرضى و يعطيهم الضوء الاخضر عشان يدخلون ....
××××××××××××××××××
Repeat after me >>>bedroom
الطلاب بصوت عالي وواحد :bedroom
خالد :again
الطلاب :ِbedroom
خالد : ok , we finished our lesson , your home work number 3 page 12
و طلع مع الباب . و هو يقول سلام عليكم
لحقه واحد من الطلاب .: استاذ استاذ خالد
خالد لف له و هو مستغرب : هلا
احمد : techer I want you in another place
ابتسم خالد : ok , as you want و بعدها قال تقدر تتكلم عادي احنا برا الحصة الحين
ابتسم احمد اللي يمشي بجنب خالد : ان شاء الله
خالد و هو يلف راسه لاحمد : من عليكم الحين ؟؟
احمد : علينا استاذ خلدون
خالد : اها طيب استاذن منه و تعال لي في غرفة الفنية
احمد بكل ادب : ابشر و راح لاستاذه خلدون
راح خالد يودي اغراضه لمكتبه و اخذ جواله يشوف الجديد و هو في غرفة الفنية ...ينتظر احمد... طبعا احمد ولد شاطر ...مؤدب و سمعته مررة كويسة ...و خالد ابد ما شغل باله احمد لان احمد دايم يحب يسال المدرس عقب الحصة (دافور) .... دخل احمد بكل هدووء الى غرفة الفنية ... و قعد خالد تعدل و هو ينزل جواله و يدخله بمخباه و حواجبه تعقدت يوم شاف ان احمد وجهه صاير اسود و الولد نحفان ...توه يلاحظه لانه ما كان مهتم بشكل احمد يعني ما شد انتباهه شكل احمد الا الحين ..
خالد و عليه علامات الاهتمام : خير يا احمد فيك شي .؟؟؟
احمد تنهد بهدووء و هو ما يدري وش يقول له ..خالد : احمد و حط كفه على كتف احمد ...في احد مضايقك ؟؟؟ قل لي ..عندددك مشكلة ...اعتبرني اخوك قبل لا اكون مدرسك ..
احمد بتردد : استااذ أا ~ امممم
خالد عقد حواجبه و قال و هو يتلمس تردد احمد : احمد تكلم وش فيك ؟
احمد : استاذ .. انا تعرفت على شلة .. و في يوم من الايام اخذ جوالي واحد منهم .. و بعده رجعه لي ...بعد اسبوع قال لي اللي اخذ الجوال ذاك اليوم ..ابيك تجيب لي جوال استاذ صالح و الا تراني
خالد ارتفع ضغطه : كمل و الا تراني ايش ؟؟
احمد ارتاع من صراخ خالد : قال و الا تراني بنشر صورة اختك
خالد فتح عيونه و انصدم ....
×××××××××××××××

قلب ملائكي ©؛°¨غرامي مشارك¨°؛©

مناير طلعت من قاعه المحاضرات و ما لقت اسيل ..دقت عليها ...ويينك؟؟
اسيل و ما تسمع من الزحمة : هاااه
مناير /:: اقول لك وينك ؟؟
اسيل : انا برا انتظر اسامة ...انتي اللي وينك ... المحاضرة مخلصة من ساعة ؟؟
مناير و هي تمشي متخطية الزحمة : انا كنت اسال الدكتور عن بعض الاشياء ... فجاة صرخت و هي تحس باحد يسحب يدها
اسيل خافت : مناير مناير وش فيك
مناير تناظره و مفهية ما تدري وش جابه و هو يقول انه راح يجي الاسبوع الجاي يستلم مكان اساامة : اسيل الحين بطلع لك
اسيل مستغربة منها : اوووك يللا انتظرك
مناير و هي تبتسم بوجهه : تو ما نورت بريطانيا
فيصل ابتسم و هو ماسك ايدينها : عاكس نورك
مناير :يعني تسويها مفاجاة
فيصل ابتسم لين بانت سنونه : تقدرين تقولين
مناير تناظره بخبث : اها اجل مفاجاة للخفوق كان قلت لي ع الاقل
فيصل ناظرها بنظرات حارقة على انهم قريبين لبعض الا ان فيصل ما عمره قال بصريح العبارة انه يحب المزيونة اسيل : اقول ورا ما تسكتين يكون احسن

مناير ناظرت بنص وجهه اللي باين و بنفسها : "عمرك ما تتغير ما تحب حد يعرف بمشاعرك ..مدري ليه تذبح نفسك ببطئ "
فيصل و مناير وقفوا بالساحه الخارجية ..مناير استغربت منه ليه وقف و صارت تناظر يمين يسار .... و فيصل ما يبي يسال هي وينها يبي مناير تتكلم من نفسها.....
" افففف شكلها ما تبي تتكلم ...مناير يا غبية بسرعه قولي وينها :"
مناير ناظرت بفيصل اللي يناظر بشكل مستقيم و باين ان باله كان مشغول بشي .....ابتسمت ع الخفيف و صارت تهز ذراعه اللي متمسكة فيها : فيصل فصفص
فيصل ناظرها و رفع حواجبه و بدون نفس : هاااا
مناير : هواااااا ....ياخي وش ذا الاسلوب ؟؟؟ صدز لا قالوا
بس سكتها فيصل و هو يقول : بس بس انتي ما تصدقين احد يعطيتس الضوء الاخضر ..ما اقول الا الله يعين حمد اللي بيقابلتس 24 ساعه
مناير و كانها انكمشت ع نفسها من كلامه ..:" يووه لازم يحرجني يعني ..احس اني امشي و كاني ما امشي ...مدري بس احس ودي اشوت فيصل ...احسن قلعته كنت بقوله من دون ما يسال وين هي لاني ادري انه يدورها بس احسن يستاهل خله يلفلف و انا بسوي نفسي ما ادري وينها ...نياهاهاها "
فيصل و هو يناظر مناير لما فزت من نغمة الجهاز ....
مناير تحاول تبين انها عادي : هلا
اسيل : وجعااه ...وينك جعلك اللي ماني بقايله ..هااااه ما تتكلمين ..بلااه من سواد الوجه ...مدري وين قاعده و مخليتني في البردى انتر اعرف حركات الـــ
مناير : بس بس وجع كل ذا كلام جعل صوتتس اللي ماني بقايلة ..
انا جايتتس الحين
اسيل سكرت بوجهها و هي حده مطنجرة ....
و مناير لفت لفيصل و صارت تسحبه لمكانهم المعهود .. و هو يمشي وراها ...و يوم قربوا للمكان لمحها بعبايتها الكحلية الغامقة ..... و بطرحه بنفس اللون ....ابتسم ,"اكيد الحين بلقى وجهها احمر من العصبي ..يا لبيه حتى و هي معصبة تفتني ....آآآآآه يا جعلني افدى هالخفوق .... يووه شكلها بردانه ..ليتك حلالي يا عيوني "...يا عيوني ..هذا اللي سمعته مناير بصوت اقرب للهمس من فيصل اللي ما حس بنفسه و هو يبتسم بهدووء ...
مناير قربت من اسيل و فيصل كان بعيد شوي
اسيل كانت بردانه .. خشمها صاير احمر من البرد ...و خدودها لونها صار مايل للوردي ...و هي تعض شفاتها تبي تتحمل هالبرد
مناير دفت كتف اسيل بهدوء ...تبي تشوف ردة فعلها يوم بتشوف فيصل ...
اسيل لفت باستغراب من مناير اللي دفتها بهدوء و صارت تناظر في عيون مناير و مناير اللي بعد تناظر في عيون اسيل
اسيل بضحكة هادية :هههههه وش فيك مضيعه المفتاح بوجههي
مناير ابتسمت بهدوء و قالت يللا مشينا و لفت ...اسيل رفعت راسها ... و شافت مناير وين رايحه ..
شافت شخص واقف ... حست العبرة في حلقها ... و قلبها يدق بقوة ...تحسه طبول ....و عيونها تحسها شوي و تدمع ...
هذا فيصل ...فيصل اللي ياما انكرت اني احبه ...آآه يا فيصل ليه جيت ...مشت و لا كان شي صار ...مرت من عند فيصل اللي ما نزل عيونه عنها
توقعها بتجي تتحمد له بالسلامة.. تسلم عليه ..توقف ...تناظره ..تبكي ..اي شي ..تسوي أي شي ... بس هي مرت و لا كان في احد قدامها ...ضرب رجله في الارض بقهر و مناير منصدمة من حركة اسيل ... و مسكت يد فيصل اللي صار يضغط عليها من العصبية .: هد اعصابك ... اكيد فيها شي
فيصل ترك يد مناير بعصبية و راح بخطوات واسعه ... و مناير انهبلت .."هذا وش يحس فيه لا يكون يسوي فيها شي ..
و لحقته تبي توقفه بس هو وصل لاسيل ... سحب يدها بقوة و في عيونه نظرة غامضة ..

قلب ملائكي ©؛°¨غرامي مشارك¨°؛©

و بكذا حبايب قلبي انتهيت من الفصل الرابع ....انتظروني قريبا باذن الله ...
املؤوقصتي عبقا بردودكم احبتي .....

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1