منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   معك للابد كان الله أحياني / بقلمي (https://forums.graaam.com/531865.html)

قلب ملائكي 21-01-2013 01:36 PM

معك للابد كان الله أحياني / بقلمي
 
بسم الله الرحمن الرحيم
السلام عليكم ورحمة الله وبركاته
للكاتبة ^^قلب ملائكي
طبعا في البداية احب اقول لكم بان هذي اول رواية اكتبها و حقيقة هي عبارة عن قصة معظم الاحداث حدثت حقيقة و ربما قد اضفت بعض الاحداث و ربما جمعت بين عدة قصص شهدتها في شخصية واحدة و انا اود ان تحوز على اعجابكم و ان تتعلمو المغزى من هذه القصة طبعا انا ما كتبت القصة عبث لي عدة اهداف و يمكن اهمها ان هذا اقل شي يمكن اقدمه لانسانة عزيزة على قلبي و اتمنى ان اكون مفتاحا للخير مغلاقا للشر و بالبداية


قلب ملائكي ما احلل مسح اسمي من القصة
مناير:بابا بس انا ابي ادخل طب مثلك
ابوسلطان:مناير و بعدين معك اقول لك ما في يعني ما في كيف تبين تروحين لحالك هناك؟؟؟؟؟
مناير : بابا اسيل بنت عمي ابوها وافق تروح و خالي ناصر في بريطانيا يدرس بليييز بابا ...
ابو سلطان :لا اله الا الله يا حبيبتي خالك اكيد مو فاضي لا لك و لا لبنت عمك و بعدين يرضك يا ملاك انك ترو ح بعيد عن ابوك
مناير : يعني ما راح اروح ادرس برا !!؟؟؟
ابو سلطان: خلاص يا بنيتي ادرسي طب هنا بالرياض مو لازم تتخصصين مثل خالك اهم شي اني اشوفك بقربي و ارتاح عليك يا نظر عين ابوك
مناير : ان شاء الله يبا ..الله يخليك لي يالغالي
ابو سلطان بابتسامة: الله يكملك بعقلك يا بنتي .و يخليك لي
...........................................
قلب ملائكي
اسيل : اقــــــول مع نفسك منتي رايحة ماني رايحة
مناير : يا قلبي يا عمري يا اغبى رفيقة عندي هذي فرصتكي الحقي عليها لا تفوتك .
اسيل : يووووهو انتي شكلك غبية او تتغيبين انا كنت ابي اروح ابي اشوف بريطانيا اسم اني رحت و سكنت في بريطانيا يالدلخ والا ماني بوجه دراسة بدخل انجليزي ربي لك الحمد.
مناير : اقول فكينا من سالفة الدراسة و الهم تونا معطلين الله يجزاكي خير<العطلة صار لها شهر و عليها و هي للحين تونا معطلين خخخخ
اسيل :الا دريتي !!!
مناير : وشو قولي !!!<<< بدت اللقافة خخخخ
اسيل : يقولون ان عرس حمد بعد شهر
منايربعصبية : اييييييييييييييييييييييييييييييييييييييش؟؟؟؟انتي وش فيكي علي اليوم هاااه تبينني اموت و الا شنو ؟؟؟ تكلمي و غردي منهي ست الحسن و الجمال ؟؟؟؟؟
اسيل : بسم الله علي .. كلتيني مرة وحدة .. امممممممم
مناير :اممم في عينكي تكلمي بسرعة و قولي لي
اسيل : زيين زين بس انتي هدي بصراحة انا سمعت امي قبل شوي تكلم وحدة وقالت: يعني بتخلون عرس حمد في العيد؟؟؟
المراة"......
ام اسيل : بس ما كانكم استعجلتو ؟؟
المراة",,,,,,,,,,,,,,,,,
ام اسيل : اها يعني الولد مستعجل !!! اجل الله يوفقهم ..""
اسيل : فهمتي يالدلخ
مناير : بعد لك وجه تسبين
اسيل : اقول انتتي مو جايبتها على بر انا بسكر الحين عندي العنود انتظار يللا باي
مناير :باااي
...........................................

قلب ملائكي ما احلل نقلها بتغيير اسمي و المحتوى
بيت بو خالد ام خالد بالحوش مع ولدها : يا بنات <<بصوت عالي
خالد : يمة الله يهديك ذلحين هم ع مسلسل تتوقعين وحدة بتسمعك هم خلقة صقهان
ام خالد : وش اسوي يا وليدي ابي اقول لهن ان السحور عندنا اليوم
خالد : و الله ما قال لي ابوي !!!
ام خالد : دق علي قبل لا تجي و قال لي
خالد : خلاص انا بقول لهن بس انتي ارتاحي
راح خالد لغرفة البنات و هن كلهن متسدحات ع التلفزون و العنود تكلم
خالد : نورة
نورة : نعااااااااام
خالد : نعامة ترفسك وحدة تكلم اخوها الكبير كذا ؟؟
هند : خلصنا نبي نسمع و منت مخلينا من ازعاجك
خالد :ازعاج هاااه و شوي الا و يفصل السلك و ياخذه و طبو نورة و هند عليه

و مسكوه مع اكتافه طبعا هند دبا قدرت انها تطرحه و نورة ماسكة خط تدغدغه
و خالد مسيكين ضحك لين تقطع بطنه من الضحك و لسا ما استسلم و لا عطاهم السلك
:وججججججججججججججججججججججججججججججججججججع ان شاء الله بزران انتو بزران
ابو خالد قام يصفق : لا و كملت بخالد ما شاء اللله هذا و انا احطك الرجال العاقل
خالد : يبا
: لا تقول يبا و انتن قومن تحركن عندكم سحور و انتو جاسين لي هنا
البنات : كيييف؟؟
ابو خالد : ما شاء الله ما قلت لهم عن السحور ؟؟؟
خالد : يبا ما عطوني فرصة اقول لهم
ابو خالد يهدي نفسه : استغفر الله خلاص حصل خير يللا روح جيب الللي ناقص بسرعة العنوووود وش اللي مقعدكي قومي تحركي
العنود بخوف: هااه طيب ان شاء الله يللا باي اسيل اكلمك بعدين ..
قلب ملائكي
ابو ليلى : ها يا بنتي وش قلتي بالموضوع؟
ليلى مستحية من ابوها و الا هي تنتظر متى تشبك ايدها بايد منصور: و الله يبا الراي رايك و الشور شورك
ابو ليلى :اجل مبروك يا بنيتي و قبل جبين ابنته الغالية فرحا لارتباطها بهذا الرجل
ليلى : طيب يبا اقول لامي عادي << امها مطلقة و متزوجة واحد خارج العايلة و القبيلة كلها
ابوها ابتسم لها بحب و فرح لان ابنته ما تخرج عن شوره : اكيد يا حبيبتي هي بالاول و الاخير امك و ما ابيك تعقين امك خليك مثل ما ربيتك يا بنتيو عسى الله يهنيك و يسعدك وين ما تكونين

...........................................
قلب ملائكي


بدور بزعل:حمودي امي تقول لازم اروح وانا ما ودي....
خطيبها حمد : و ليه يا عمري ما تبين تروحين ؟؟؟ العزيمة عند خالي و بعدين العرس باقي عليه شهر يعني تونا ببداية رمضان ..
بدور : يعني اروح ؟؟
حمد : ايه ياقلبي روحي و ووسعي صدرك
بدور: طيب تهاني بتروح و الا ؟؟
حمد : و الله مدري عنها بس اتوقع ما راح تفوت الهياتة ههههه
بدور :ههههههه حرام عليك
حمد: حياتي ودي اشوفك وش رايك بعد العزيمة؟؟؟؟
بدور: اممممم مدري انا عادي عندي بس بسال ابوي
حمد : لا خلي عمي علي اوكـــ
بدور اوكـ يلاا باي عشان يمديني اجهز
حمد : بايات قلبي

...........................................

قلب ملائكي
سارة : ريموووووه وين بلوزتي الصفراء
ريما : مدري يمكن في الدرج الوردي
سارة : لا ما لقيته و بصوت عالي :تعاالي طلعيه لي بسرعة
ريما : سارووه ووجع انا قاعدة اكوي تنورتي
سارة : خلاص اصلا طابت نفسي منها بلبس لي شي ثاني اوووف
جاء حمد اخوهم من صلاة التراويح : يمة يمـــــة
ام حمد : وش فيك يا وليدي علامك تصارخ
حمد : لا بس ابي اشوفكم خلصتو عشان ابوي سبقنا لبيت خالي و انا اللي بوديكم
جت اخته غلا عمرها ثلاث سنوات حمد : تعالي تعالي هنا و ياشر على حضنه <<<مب اخوان هذا الزمن خخخخخخخخخخخ
غلا جت و جلست مبسوطة بالحلاوة اللي بيدها : تبي حلاوة و تمدها له
حمد : لا الله يخليك كليها انتي يا عسل
غلا مصرة الا ياكها و تقربها من فمه خووذحلاوة
حمد : لااااااااااااااااااااااااااااااااااااااااااااااااا ااااااااا بصوت عالي
سارة نزلت و هي مسرعة : وش فيكم ؟؟؟؟
حمد : تعالي خذيها عني دمرت الثوب
سارة بعصبية : غلا تعالي بسرعة اشوووف
........................................... قلب ملائكي
اسامة : ياخي نفسي اعرف يعني ليه دايما تحب تقلدني في كل شي
منصور"يحب اسامة بالحيل و يعزه بالقوة ":وش اسوي احبك و احب اقلدك
اسامة: ههههه احبك الله الذي احببتني فيه
منصور : ااااااااااه
اسامة /: سامتك من الاه ياخوي ؟
منصور : الله يسلمك
اسامة : علامك يا اخوي وش فيك ؟
منصور : لا و لا شي بس في موضوع شاغل بالي
اسامة : ؟؟؟؟
منصور : ياخي خلنا من هذا الموضوع انت ما بتريح نفسك من الدوام الثاني
اسامة :لا و الله انا بحاجة لهذي الفلوس اهلي ما لهم غيري بعد الله
منصور و هو معجب بتفكير هذا الشاب اللي اكبر من عمره : قواك الله و عساها في ميزان حسناتك
قلب ملائكي

ووصلت اول الجموع الوفيرة <<<ما شاء الله
:سلاااااااااااااااااام
هند: وعليكم السلاااااااااااااااام هلا والله تو ما نور البيت
سارة : هلا بك
هند :هلا خالتي شلونك وش مسوية ؟؟ عساك طيبة ؟؟
ام حمد : هلا هند شلونك انتي يا بنيتي ؟؟
هند : بخير زان حالك تفضلي حياك
**بعدها تجمع البقية ما بقى الا منــاير اللي توها جاية و حدها موصلة معاها و من دون نفس : سلام بنات
البنات :عليكم السلام
سارة : مناير وش فيكي يا عمري عسى ما شر ليه هالكدر يا موني
ريما : ترى الد\نيا ما تسوى نعاني عشانها و اذا فيك شي قولي لنا ترى نعجبك هههه
ابتسمت بالم و هي تشوف وجوه اقاربها البشوشة و حست انهم ما يستهالون تكدر خاطرهم عشان أي شي لكن هذا الشي خارج ارادتها و فوق طاقتها :لا ما فيني شي بس عشان ابوي تاخر علي و ما جابني بدري و بس هه
هند : تصدقين شكلك شكل وحدة تحب و متعذبة ههههه
موني بنفسها ط جيتي ع الجرح "لكنها ضحكت : هههههههه عليك تفكير مدري من وين بلا حب بلا خرابيط
نورة : دارين انك مستحيل تحبين و بدلع " كبريائك ما يسمح لك تحبين "ههههه
موني بنفسها " ليه ما عندي قلب عشان احب"
اسيل و هي جنبها : هااه اشوف سحبتي على مستر اتش
نغزتها مناير من جنبها بقوة : انطمي
و قامو البنات يسولفون و كل وحدة التهت بسالفتها
...........................................ΩᵯΩΩᵯΩΩ ᵯ̐ΩΩᵯΩΩᵯΩΩᵯΩΩᵯΩΩ ᵯ̐ΩΩᵯΩΩᵯΩΩᵯΩΩᵯΩΩ* 2
قلب ملائكي
...........................................

في مجلس الرجال
نايف: لا و عبود يبي يتمشكل معه
احمد : ابو الدلاخة يا شيخ عاد يقال انه بيسوي شي ان ما خلاه يسويها في محله ما يكون ناصر ولد محمد <<<هذا واحد بينه و بين عبد الله مشكلة
عبد الله "مسرح الله يجزاه خير و مركز في البيبي اكيد فهمتوني ^_*"
سليمان :هههههههههههههههههههههههههههههههههه الاخ شكله طايح في دحديرة و مو عارف وش تقولون
احمد : و الله حنا قلناها له في وجهه موفي ظهره
وليد : الله ياللي زينتها تراه ما يدري حنا وش قاعدين نقول من اليوم
حمد بتريقة: عــــــــــــــــادي عــــــــــــــــــــــــــــــادي اهم شي الاخلاق هههههههه
احمد : ههههههه مرة عاد عبود اخلاقه عال العال و الدليل ,و ياشر على جواله اللي كل شوي رنة و يغمز لهم
حمد : ياااهو شكلك ماخذ راحتك و انت تسب في اخوي ترى ما ارضى
خالد : هههههه حبيب اخوه زعنان يا فديت الزعنانين خخخخخ اقول تلايطو و خلونا نطلع برا نشم هوا و نلعب طايرة و هو يقوم و يعطي هذاك المخمس على كيف كيفكم براس عبود
عبود شهق بصوت عالي و قام و هو مصقوع : وشو وش اللي صار
ابو خالد : بسم الله عليك وش فيك صاير شي
عبود : هاااه لا ما في شي <<و الشباب ميتين من الضحك و طايحين تعليق على شكله
وطلعو الشباب برا يلعبون طايرة"
قلب ملائكي
...........................................

"عنــــــــــــــــــــــــــــــــــد البنات"
تهاني : لا والي يقهر لا جاء ابوي و قال ترا في رجاجيل بيفطرون معنا قبل الفطور بدقايق ام القهر ما نفطر الا تمر و ماء
ريما : ليه فقراء ما عندكم اكل
تهاني : هه مرة تضحك اقول لك قبل الفطور بدقايق تقول لي فقراء حنا ما نسوي فطور الا على قدنا امي و ابوي و حمد و و انا وسلوفة
بدور نقزت في السالفة :طيب انتو وش تفطرون ؟؟
سارة : هههههههه ليه تبين تسوين لحمودي نفس فطورهم "و تغمز لها "
منايربعصبية و صوت مخفض: اجل هي
هند : وش قلتي؟؟؟
مناير بغصة : لا و لا شي بس بسالك بدور زواجك بالعيد ؟؟
بدور بحيا : ايه
قلب ملائكي
...........................................


ندى :امي بدنا نرتاح هالليلة بس يعني بحس انو جسمي بيوجعني كتير كتير
ام اسامة : يا حبيبة ئلبي سلامتك انا بخلص الشغل كلو عنك و انتي ارتاحي
ندى : لا امي اذا انتي عم تتعبي انا بتعب كمان
ام اسامة : ربي يخلي لي اياكي يلللا في طلبية ورئ عنب كبيرة للساعة 12
ندى بابتسامة : اوكيه نبلش هلا بالحشوة
سعود داخل البيت "ولدها ":السلام عليكم
الكل : و عليكم السلام
سعود : يمة وش قاعدة تسوين مو قلت تبطلين هالشغلة
امه: بس يا ابني البيت لازمته مصاريف كتيرة
سعود بهدوء يخفي غضبه من عمل امه لهذا العمل : الله يخليك لي يا يمة طلبتك و ان كانني غالي لا تردينني
امه : و لك تقبر البي شو بدك حبيبي
سعود : ابيك تخلين هالشغلة و اللي يرحم والديك
امه : ان شاء الله يا ابني
قلب ملائكي
...........................................


بعــــــد السحور او العشا المتاخر
طلعو البنات بجلالاتهم و فرشو بالحوش في البراد و مناير هادية على غير عادتها و البنات صياح و ضحك و سوالف .....
فرح خالة مناير :منورتي حياتي في حد مضايقكي ؟ "هنا الكل التفت الى مناير لان وضعها غريب نوعاما ما تعودو مناير كذا !!!!
هنا منيرة ما تحملت و انفجرت بكي يقطع القلب و البنات انفجعوا من شكلها و بكاها اللي باين ان سبببه قوي " تدمع العين لتعلن بان القلب مجروح ،جرحي عميق و ووجعي سحيق ليت لي دواء من هذه العلة لأفيق حلمت و كنت اظن بان لي الحق بان احلم ,حلمت و حلمي الجميل تهشم ، لكن من الصعب ان يلامس الحلم ارض الواقع , فاصبحت امنياتي بالصبر تحفل ، اعتذر ان كنت احلم بما لا يحق ان احلم به ، اعتذر لاني تجاوزت حدود واقعي ، اعتذر يا قلبي لاني ظلمتك اعتذر يا رووحي لانك لمن لا يستحق وهبتك ، اعتذر لكلماتي لانك لن تصفي ما يلج بالفؤاد مهما بلغت من الفصاحة"<<بقلمي انا>>
بدور : خلاص يا روحي لا تتعبين قلبي ببكااك
مناير يوم تكلمت بدور بدت النار تمشي فيها و عطت بدور نظرة ما انتبهت لها بدور
و بعد دقيقتين خلاص انتهى بكاها
فرح : موني وش فيكي ليش بكيتي ؟؟
مناير : لا بس حسيت نفسي متضايقة و ابي ابكي و قامت و قومت معها اسيل و ماخذة معها الشاي
بدور : فيني الضيقة و لا فيك
مناير ابتسمت لها بخبث و مرت من جنبها : بسم الله عليك " و كبت عليها من الشاي "لا تعلقون غيرة مراة طبيعية على شي تعتقد انه من ممتلكاتها"
بدور : اااااااااااااااااااااااااااااااي
اسيل بخوف و شعور بالذنب :بسم اللله عليك صار لك شي
بدور : لا بس حرق بسيط \و رن جوالها و كان حمد :الو
بدور : هلا حمودي
هنا انتبهت مناير اللي كانت بعيدة نسبيا و لفت على بدور اللي تكلم و اسيل انتبهت و راحت لها تبي تبعدها عن هالمكان
حمد : حياتي يللا اطلعي لي بسرعة
بدور : يلللا قلبي كلها دقايق و جايتك
حمد : اوكيه و بالثانية لبست العباية و طلعت و مرت من جنب مناير اللي قالت : على وين "بنرفزة"
بدور على نياتها ":رايحة لحمودي
مناير سكتتت و حست بسخف موقفها و ان مشاعرها ما لها معنى " الحب عطاء و العطاء اجتماعي لكن هالوهم اللي انا عايشة فيه اناني ما فيه الا انا و قلبي ووجعي و المي و تناهيدي و بكاي و ذكرياتي و احلامي و كلها لي انا انا لحالي ما يتدخل فيها احد حتى اللي وهبته مشاعري ماله بهالحب شي غير اسمه و رسمه و ظله و لا هو باللي عطى و لا هو باللي حس اووووف انا مدري لين متى بضل افكر كذا "<< بقلمي>>
أبكي وقآلوآ [ لـآتخربين كحلكِ ] .. !!





يآسخُفهم " أبكي " ويحآتون كحلي

قلب ملائكي ما احلل مسح اسمي
...........................................

و راحت بدور لحمد عنـــــــــــــــــد مناير اللي دخلت البيت مع اسول و راحو للقسم الداخلي عند الغرف في صالة صغيرة بينهم
مناير بصوت خافت و دموعها تنزل بصمت مختلطة بلوعة و فراغ كبير : اسيل انا وش سويت في حياتي عشان يصير لي كذا يا ربي انا ليه احبه ليتني ما حبيته وليتني ما عرفته ليتني بس ليت تنفع ليت
اسيل ببكي مع رفيقة دربها و اختها القريبة منها و هي حاضنتها:خلاص يا بعد عمري لا تقولين كذا هذا قضاء الله و قدره حرام تقولين كذا
مناير : اسول ابيه تفهمين وش معنى ابيه انا بنيت احلامي بالمستقبل و انا بقربه انا ابي احقق حلمي الكبير اسيل انا انا و بصوت يعذب مع دموعها و تنهيدة تنم عم القهر : انا احبه و الله احبه
حمد كان بغرفة خالد معه يبي يوريه صورهم يوم طلعتهم بالشرقية مع ربعه و سمعو صوت بالصالة قبل لا يطلعون فتحنحنو قبل لا يطلعون فارتبكو البنات و تغطو بجلالاتهم
طلعو وطبعا ما عرفوهم بس قالو: السلام عليكم
اسيل : و عليكم السلام
خالد &حمد: مبروك عليكم الشهر
اسيل : علينا و عليكم
خالد بمزح : ليش كنتو تصيحون ؟؟
اسيل: قلة ادب و انت جالس تتسمع لنا و تعطيهم ظهرها بتمشي هي و مناير
خالد تفشل و رد عليها حمد و هم ماشين : مسوية لي فيها ترا سمعنا السالفة كلها ثاني مرة لا جيتو تسولفون لا تحسبون نفسكم باذاعة " بس ترى سركم في بير هههههههههههه و هم طالعين مناير ما قدرت تمسك نفسها و نادت حمد
حمد استغرب : هلا
مناير منحرجة و حست بجد بانها غبية و غلطت و ما عرفت وش تقول
حمد حس انه فيها شي : مناير صح ؟
مناير : ايه
حمد : طيب مناير امريني تبين شي ؟
مناير هنا بكت بصمت و هي تشوف اقباله في مساعدتهم لو كانو محتاجين " صدق من قال المرجلة لاهلها و انت لها يا حمد ": مشكور يا اخوي ما ابي اتعبك معي و راحت و هي تبلع غصة اخوي" الله يا زمن اخوي هذ اللي انكتب لي بالنهاية اخوي و بس "
قلب ملائكي
...........................................


عطني المحبة ..
كل المحبة .. عطني الحياة..
عطني وجودي..
أبغى وجودي .. أعرف مداه
أملا شعوري .. بالحب مره
أبغى هواكم.. حلوه ومره
و أعطيك أمل في الحب غالي ..
يصعب علي غدرالليالي ..
وأغلى الأماني .. عاشت في غربه
يا عمر ثاني .. عطني المحبة ))
قلب ملائكي

اتمنى ان يعجبكم الفصل الاول و اتمنى اشوف ردوكم و اراءكم ع هذه القصة
و ما احلل نقلها بدون اسمي ان ..قلب ملائكي....
انتظركم بالفصول الجاية .........

قلب ملائكي 23-01-2013 10:41 PM

رد: حبيت اشارككم بروايتي بقلمي انا قلب ملائكي و اتمنى اشوف ردودكم اللي تحمس
 
اتمنى انكم ما توااخذوني ع الاخطاء البسيطة و ان شاء الله اني راح انزل نسخة معدلة و الفصل الثاني ع الاسبوع الجاي ان شاء الله هذا اذا حبيتوها طبعا و اتمنى اشوف ردودكم اختكم قلب ملائكي

شتات الكون 23-01-2013 10:47 PM

رد: حبيت اشارككم بروايتي بقلمي انا قلب ملائكي و اتمنى اشوف ردودكم اللي تحمس
 
واااااااااصلة متااابعة لك....بالتوفيق..واتمنى تشرفيني بروايتي طفلة تبحث عن الامان^^

قلب ملائكي 24-01-2013 09:28 PM

رد: حبيت اشارككم بروايتي بقلمي انا قلب ملائكي و اتمنى اشوف ردودكم اللي تحمس
 
إنشاء الله يالغلا باتابعك ي روحي الى الامام ي بعدي

Cry,LIES 24-01-2013 09:33 PM

رد: حبيت اشارككم بروايتي بقلمي انا قلب ملائكي و اتمنى اشوف ردودكم اللي تحمس
 
حبي انا جيت اعطيج نصائح واطلع..
1-كثفي سرد والوصف لاني اشوف كله حوار..
2-اختاري عنــوان واذا مالقيتي عنوان قوليلي واعطيج عناوين حلووة..
3-البارت لازم يكوووون طووويل لان هاذا البات قصصير..اكتبي على وورد ويكون صفحاته 40 او 60 صفحــة..
ماانتي ملزومة ترى بس اذا خليتيه قصير بيطفش القارئ..
5-لازم تقفلين قفلة حماسية عشان القارئ يتحمس معج..
6-الخط صغير مايريح للعيون لازم البارت الجاي يكون كبير واختاري لون غامق..
اسسفة بس عشان تكون روايات احللى..

قلب ملائكي 28-01-2013 02:41 PM

رد: حبيت اشارككم بروايتي بقلمي انا قلب ملائكي و اتمنى اشوف ردودكم اللي تحمس
 
مشكورة يا قلبي ع هالنصايح و ان شاء الله اصحح الاخطاء و ان شاء الله ارتقي للمستوى المطلوب اللي اتمناه هذي خطوة للامام وان شاء الله الجاي افضل

قلب ملائكي 28-01-2013 03:50 PM

معك للابد كان الله أحياني<<الفصل الثاني ,قلب ملائكي
 
:graaam (264):
الفصل الثاني
بعدها الكل راح لبيته و عند مناير بالضبط اللي قررت قرار و كان لازم انها تنفذه
مناير : مامي ابي منك طلب و ابيك تسوين لي اللي ابيه
ام مناير : وش هذا الشي للي انتي مررة متعلقة فيه و تبينه؟
مناير : مامي انتي عارفة اني ابي اروح مع خالي ناصر لبريطانيا عشان ادرس الطب
امها : ايوا بس ابوك رافض
مناير : ايوا وصلنا خير ابيك تقنعين ابوي اني اروح هناك
امها :مدري مناير ما ودي اني اسوي شي وابوك مو راضي
مناير بكت : يمة تكفين اذا صدق لي معزة سوي لي هذا الشي
امها ضمتها لين هدت بعدين قالت : بنتي ما يصر خاطرها الا طيب و انا راسي يشم الهوا
" يمة طلبتك كذا على طول ضميني يمة رجيتك بوسط بطنك رجعيني يمة ابسالك ليه قلبي الصغير مشقيني و العنا بحياتي كاسيني و روحي تنوح و ترجع تعنيني الله يخليك طمنيني ليه احس بالضيق و ما ينسمع سوى ونيني يمة ادعي الله انه من بلاي يشفيني يمة رجيتك احضنيني و كل الحزن نسيني"<<بقلمي>>
بدور تكلم فرح : وش تتوقعين السبب اللي يخلي مناير تبكي بهذا الشكل
فرح و هي ودها تعرف : مدري بصراحة انفجعت من شكلها الله يستر
بدور : طيب ما قلتي لي جهزتي للزواج
فرح : قلة ادب ما عندنا بنات يتكلمون عن زواجهم كذا استحي شوي يا بنت عييييب
بدوور : يووووه ترى ماتوا اللي يستحون
فرح : وش ماتو هاااه ؟؟ اقول استحي و الا ترى حمد بيهون
بدور: ويييش لا لا ان شاء الله ما يهون اصلا مو على كيفه يهون انا بدور الفلان يحمد ربه بعد
فرح : اشك ان حمد هو اللي بيستحي لما تتزوجون عاد هو حياوي شكل جميع المهام بتكون عليك
بدور : وجع يا ....الشرهة مو عليك الشرهة على اللي قاعد يتكلم وياك براحته
فرح : ههههه لبى قلبك ترى بس ودي اني اغايظك و ما قصدي شي
بدور : اقول يللا طسي عندي حمودي انتظار
فرح : ما عندك ذوق من جد بس بكون احسن منك و ماني مقفلة
بدوور: فررريحة ا
فرح: هههه و الله رحمتك يللا باي
اسيل : احمد تبي موية ترى شوي و ياذن
احمد : اسوووول بسرعة جيبي الموية كنه بياذن الحين
اسيل : تعالو اللي يبي موية .... شوي وينسمع صوت هزات في البيت الى لن تجمعت العايلة كلها بالمطبخ عطيني انا و كلن يبي الموية حتى امها و ابوها اللي اخذو من البراد و الباقين عند الثلاجة
اسيل : كل واحد ياخذ لنفسه و ياخذ احمد الكوب منها و يشرب و هي بس تطقق فيه هااات هااات مويتي و تسحبه الى ان تغرقت هي و احمد بالكامل و صار يركض وراها الى ان صاروا باخر الحوش و لحقهم نايف خايف ان احمد يصفق اسيل لكن لقاهم متبطحين بالارض و ساكتين و فجاة :ههههه
نايف ابتسم على شكلهم و مشى لعندهم :وش فيكم تضحكون ؟
احمد : من زمــــــــان
اسيل : و الله انك صادق.و انبطح نايف مثلهم : وش هالالغاز؟
اسيل : لا الغاز و لا شي بس من يوم دخل احمد ثالث ثانوي ما ركضنا او لعبنا زي كذا
احمد وهو يشد شعر اسيل :من زمان ما كفختك
اسيل :اييييييي فك شعري اتركني هذا جزاتي اني امدحك
و شوي ويقوم احمد عليها و هي غمضت عيونها و تقول : لا حمود تكفى لا تسوي لي شي نايف قام يحسب ان احمد بيتوطى في بطنها و هي بس تبعده شوي الا و احمد :هههه قسم انك مخفة و هو يبوس راسها
نايف : وش اللي نازل عليك اليوم و جايتك محبة لاختك
احمد : هههه اصلا انا من زمان و انا احبها و اموت عليها و اعشقها و هي حبيبتي اسوول
اسيل استحت من نايف لانه كبير و ما تمون عليه بالمرة و قالت : اقول انا ما اسمح لاحد يتغزل فيني الا زوجي فلو سمحت وفر هالكلام لشباصاتك
نايف استغرب كلامها ما تعود عليها كذا لانه اكبر منهم بكثير لذلك ما يختلط فيهم واجداو ما توقع ان اخته تتكلم كذا : اعقبي و انا ولد بو نايف وش ذا الكلام استحي يا بنت
اسيل : يووووه يا نايف تراني بس امزح وش فيك و طقته مع كتفه
احمد شهق : نايف تكفى امسحها بوجهي تراها ما تقصد شي
نايف استغرب لهالدرج هو بعيد عن اخوانه و يخافون منه :لا ما عليك اصلا انا كنت امزح و قام
اسيل حست انه شال بخاطره منهم و ناظرت لاحمد وهو فهمها و قاموا
ام مناير : منايرر تعالي يا مناير
مناير : لبيه يمة جايتك الحين و راحت لامها : امريني يالغالية
ابو مناير : و انا ما آمر ؟
مناير : الا تطلب و تتدلل لو تبي عيوني
ابوها :تسلم عيونك الله يخليك لي يا رب ,امك كلمتني عن اللي تبينه و كانك مصرة و تبينه ما يغلى عليك يا بنتي بس ترى الجامعات بتقفل تسجيل الاسبوع الجاي
مناير : ادري يبا و تراني حجزت لي مقعد الى ان توافق
ابوها : آآآآآآآه و احنا آخر من يعلم و انتي تسوين كل شي من ورانا
مناير : حشا يا بابا بس اضمن مقعد في حال وافقت
ابوها : بنتي وش فيك اليوم في احد مزعلك
مناير بدت دموعها تتجمع :لا يا الغالي بس احس بشوية تعب
ابوها : سلامتك من التعب فيني و لا فيك
مناير :قل امين يا يبا
ابوها : اميين
مناير : جعل كل دعاويك تستجاب الا جعل يومي قبل يومك و فيني و لا فيك
ابوها ابتسم لبنته و فتح يدينه لها و هي ما عطلت وراحت على طول لاحضان ابوها << ما في احن من حضنك في وسط برد الشتا و ما في احسن من صدرك يمسح دموعي و الفرح بقلبي ينحته>>بقلمي
الله و اكبر الله و اكبر
اذن الفجر و اسيل و احمد يبون يكلمون نايف و مو عارفين شلون يبدون
هم جالسين و يناظرون بعض و يناظرون نايف اللي ما يبي يطالعهم جاء بيقوم يتجهز للصلاة اسيل طقت احمد على فخذه و نفصت >>يعني تكلم
احمد: اااا نايف
نايف ما لف عليه ورد: هلا
احمد : مممكن تجلس نبي نكلمك
نايف استغرب :؟؟....و جلس بدون كلام
احمد ناظر اسيل و تكلمت : نيوفي حبيب قلبي انت زعلان علينا ,قامت و جلست جنبه ومسكت يده :ترى و الله و الله و الله ما نقصد نزعلك ترى قسم بالله يهون علي حمود و لا اني اشوفك زعلان
احمد : اشوفك قلبتي
نايف يناظر فيهم و ساكت
اسيل :نيوفي ما عليك من هالدب بس تدري بكرة اسوي لك عصيدة
نايف و اخيرا استجاب لها و رفع حاجبه : ليش عصيدة بالضبط ؟
اسيل : ههههه لانك مع ذا الهدوء كنك شايب خلك كول يا مان
نايف ضحك من قلب : يا حلوكم كنكم بزران ههههه و ضحكوا كلهم ..>>>حتى انا خخخخخ
سارة : عبود , عبيدان ,تعال امي تبيك
ريما : وش فيك قصري صوتك ترى مصعب عنده
سارة : اف وش يبي صعصع الحين ؟ قسم مو وقته
ريما : ليه؟؟ وش تبي امي بعبود
سارة : تبي توصيه على اغراض من السوق لان موني و اسول بيجوننا بكرة و حنا متفقين نسوي انا و البنات حفلة
ريم: واااو نايس طيب نقول لحميد يجيب الاغراض
سارة : هو وينه؟؟
ريما : انا بكلمه ... و كلمته و قال لها انه بيجيب كل الاغراض على ذوقه على قولته مو فاضي ينتظرهم يرسلون الاغراض اللي يبونها
'طبعا ندى و اخوانها سعوديين لكن امها سورية و ابوهم ما يجيهم الا من شهر لشهر مع انه يحبهم لكن بالفصول الجاية راح نعرف وش هي اسبابه ..
ندى: مامي كل هيدي طلبية من شان باكر ؟
الام: أي يا حبيبتي تعي ساعديني من شان نخلص بكير
ندى :مامي بدي صلي و بجي بساعدك تكة
الا و يدق تلفون البيت و ترد ندىو هي رايحة تصلي: هلا و الله
ليلى فرحانة وطايرة من الفرح:ندوووش خطبني ووافقت ندووو خلاص بجتمع مع اللي احبه
ندى انهبلت : و الله الله يسعدك يا نظر عيني و عساه مبروك يا رب و عسى ربي يجمعكم على خير قولي اميين
ليلى و هي تذرف دموع الفرح و كانها قاعدة تحلم مو حقيقة : و الله العظيم مو مصدقة و سكتت و هي تفكر بالاحداث كيف صارت
ندى : حياتي دقيقة اصلي بعدها ارجع اكلمك
ليلى مو معها
ندى ابتسمت " الله يهنيك يا غلاتي "
ليلى سكرت منها ندى و هي فقط باطنها يتحدث يريد ان يعبر عن فرحه و لم يجد غير " اللهم لك الحمد كله و لك الشكر كله و اليك يرجع الامر كله و علانيته و سره فاهل انت ان تعبد و اهل انت ان تحمد و انت على كل شيء قدير
عند منأأأير: اللي مشغولة بتجهيز هدايا اهلها و عمانها
هدية امها/
يمة يانظر هالعين يا قبل روح سكنت هالجسد يا انقى قلب عرفته يا اطهر حب جمعني بك يا كل من لي في هالدنيا يالحنان اللي لو فقدته اضيع انتي اللي بحنانك بس تقدرين تغيرين كآبة قلب من الحزن للفرح يا فرح دنياي يالامل يالحلم القديم يا كل نبض ينبض بشوق و حنين لو قالو الحب ما يستاهله الا قلبك الرحيم لانك انتي اللي تتحملين كل السنين التعب و الشقى رواية عشق لو تنكتب ما وفت بحقك الكبير لاني ادري و لاني اعرف بانك انتي بعد الله سبب للوجود انتي يا زهرة في بستان الحياة يا شذى دنياي و العطور انتي نوري و كل النور من نور وجهك ينطفي خجول لانه في وجودك ماله دور نور نورك يكفي هالعالم سرور,يكفي ان اللي اوجدك حباك فضل عظيم يكفي ان اللي الكل يتمناه تحت قدمك يكفيكي فخر بان اللي فوق سماه قرن فضلك بالعبادة و يا اعظمه من فضل فسبحان من سواك فسبحان من بالحنان اعطاكي خير البشر في نظر عيني يا كل النظر , يفداك يا كل الغلا
روحي و دمي و عيني لو تبين , موتي و لا اشوف العذاب في عيونك انتي تدرين اني ليا مني شفت الاذى يقرب لك ودي اني بوسط عيني اخبيك و لاانه ياذيك برد االشتا , انتي يا برد الطايف وسط ااثمامة و يا بحر الدمام في الربع الخالي و يا ماء فطور الصايم ليا منه عطش يا بردي و دفاي يا صيفي و شتاي لي الفخر انك امي لي الفخر ان دمك هو دمي لي الفخر ليا قالوا يا بنت فلانة >><<بقلمي انا >>
هدية ابوها/
يا ابوي يا عز وفخر, يا تاج راسي و يا سند هالظهر ،انت اللي ليا منهم قالواسيد الرجاجيل في عيني هو انت ،انت اللي من الحزن يواسيني ،و من البكا يهديني ,انت اللي لو قلت من اليوم لبكرة ما وفيت حقك يالغالي,يا فخر كل بنت في هالوجود ،في حدة ملامحك ربي عطاك حنان الكون ،في جهورية صوتك احس بالامان، و في حضنك ارتمي و انثر احزاني و اصيح ،انت اللي ما في لك بديل انت اللي بلا وجودك لا حياة ،انت اللي بدفا يديك تمسح دموعي و انت انت انت انت كل اللي لي بالوجود مالي غنى عنك و لو قالو لي تبالغين اقول لهم اجل ما عرفتو حب البنت لابوها ،يكفي اني لا شفت الوجع فيه دعيت الله و ارتجيته يا رب يجيني المرض و لا يجيه يا ربي خذ روحي و طول لي بعمره ،يكفي انه لياغاب حسيت بوحشة مكان ووحشة زمان ووحشة قلب و يا شينها من وحشة ،شوفتك يبا مثل فرح عيني بشمس العيد ،و غيابك بيوم مثل موتي لا احساس و لا روح و لافرح يعني باختصار احتضار روحي في بعادك ،انت اللي يكفيني ليا سالوني الناس وش سر هالغرور قلت بكل فخر يكفي ان اللي يعقب اسمي اسم ابوي ،يكفي ان كل من شافني قال صدق انها من طبع فلان , يا كامل الطبايع لو اهديك عمري قليل في حقك يا اغلى من خلق ربي على هالارض جعل يومي قبل يومك يالغالي <<بقلمي>>
*اهديكم قلب تعلق بحنانكم لكن ما من الحقيقة هروب وداعا والى لقاء قريب**و حطتها مع هدايا اهلها
و نثرت الدمع الغالي على فراق اهلها ووطنها و ذكرياتها اهلها و اصحابها و كل ما هو عزيز على قلبها لكن راح تدوس ع قلبها عشان ترجع مناير القبلية اللي كانت معروفة بالشجاعة و انها القدوة ولبنات جماعتها مهما كانت الاسباب يضل البعد عن الاحباب امر صعب و كان الروح تنزع من جسدك >>يا رب تهون عليها ,عند الحفلــة
كانت موني جميلة و رائعة كلمة قليلة في حقها كانت اية في الجمال <<الله يحفظها ,,,و البنات كاشخين كذلك
و في نهاية الحفل بدو البنات وصلة البكي فاضطرت موني انها تطلع عشانها ما تبي تبكي قدامهم و راحت الحمام <و انتو بكرامة> و غسلت وجهها و هي طالعة كان حمد داخل على الصالة الداخلية و شافها اول الشدة انفجع و لف على طول <يا مؤدب> بس رجع ناظر مرة ثانية و كنه مفجوع و جاء مسرع باتجاه مناير اللي للحين مو مستوعبة هو وش يبي يوم هو يقرب منها و لاحظت انه كان يناظر تحت و شافت ليتها ما شافت شافت لها ضب <كان هو رابطه لانهم بيشوونه بالليل و تجيك ذيك الصيحة اللي خلت الضب يرتاع و قام يتحرك بعصبية و هي خافت و ركضت و تخبت وراء حمد و هي تقول : تكفى بعده عني خله يروح
و هو ارتبك من قربها و لا من صياحها و لا هي لاصقة بظهره يعني جته تناحة ما عاد يعرف وش يسوي ؟؟؟؟ يعني علامة استفهام كبيرة فوق راسه فهو اولا قال ابعد مناير و مناير رافضة تبعد و حدها خايفة ,
حمد : مناير خليني اشيل الضب تبيني اشيله و بلع ريقه و قال و انتي كذا ؟؟,
مناير من الاحراج ودها الارض تبلعها بعدت و جت بتطلع بس مكان ذا الضب قريب من الباب فغمضت عينها لين حست ان المكان هدى الا و ينفتح الباب و شافت ان اسيل هي اللي داخلة
اسيل : موني وش فيك يا قلبي ؟ ليه قاعدة لحالك هنا ترى امك تقول ان فصفص و فرح يبغونك عند جدانك
مناير :..
اسيل خافت انها فيها شي : موني حبيبي ترى اذا ما شفتيه بيكون احسن مناير : شفته و كنت حاضنته قبل شوي و جلست تبكي و اسيل تهدي فيها بعدين فهمت منها السالفة
اما عند حمد الي من اول ما شافها اعجب بها و يوم حضنته حس باحاسيس غريبة تجتاحه و تجاهلها

عبود : شوف شوف هالفيديو قسم بالله تحفة
احمد :وشو ورني اياه..هههه قسم انك شنب وين امداك تصور,,
عبود: وش اسوي طفشت من الدلخ اللي معي ما عنده سالفة و هروجه تجيب العلة قلت اشغل الفيديو كنت ابي اصور حذيان المراة كنها حذوة رجال
نايف: طيب وش صار بعدين ؟؟
عبود:بعدين قام هالغبي اللي معي و مشى من جنب المراة على اساس انه بيعاكس و صقعها بالغلط قامت المراة و صكت الشنطة في وجهه و تزحلق و طاح و بس
احمد ماسك بطنه و ياسر يضحك و يقول لنايف :قسم ان اخوك مخفة ما صارت ضحك
نايف : ما كنك مقطع عمرك هالكلمتين اللي قلتها متعوب عليها
...خالد: شباب ما تلاحظون ان العم نايف اول مرة يعطينا وجه
..حمد خطيب بدور :اكيد تبي العم نايف ينزل لاشكالكم يالحمضيات
ياسر : وش معنى حمضيات ؟؟
نايف : من كثر ما انتوا طايشين لقبناكم حمضيات
احمد: هه هه مرة تضحك تصدق مو قادر اجود نفسي
حمد: لا تكفى جود عمرك ترى بعدين انا اروح فيها
وليد: لا تحسب انه بدور تقول له هالكلام ههههههو ضحكو كل الشباب
و انتبهوا نايف ان حمد اخو غلا <خخ,مو معهم ,,نايف مرة قريب من حمد فجاه قام و جلس عند حمد: حميد وش فيك ؟؟ في شي مضايقك ؟
حميد ما انتبه لنايف:....... لا رد
نايف قام و طبطب عليه : وش فيك يا اخوي؟
حميد: هاه انا لا ابد مافيني شي بس افكر فيك ههههههه
نايف ضحك و بنفسه(اقططع ايدي اذا ما فيك شي بس بخليك على راحتك تقول
مناير رجعت عند البنات ووعدت نفسها ان تنسى حمد و كل شي يتعلق فيه حياتي مو مرهونة بشخص انا اقدر اعيش حياتي بلااه و قالت بكل مرح و عفوية : قاااايس كمون خلونا نلعب لعبة وش رايكم ؟؟
البنات استغربوا تغير النفسية لكن استانسوا لها و ردو بصووت وواححد: مناير : اوكي كذا نايس
نورة : بس وش هي اللعبة ؟
هند : لا لا تقولون انسان حيوان نبات
اسيل : ههههه و الله و صارت حصة احياء , البنات : ههه
مناير : وجع ضحكتو من بطونكم احترمو وجودي يللا و بلا صوت المهم خلوني اكمل بعدين تتريقوا على بعض بكيفكم
تهاني : الزبدة
مناير :انتي صخلة ما تفهمين اقول خلوني اكمل كلامي على قولة القايل شيوخكم قبل
سارة : أي شيوخ ؟؟ تقصديني انا ههههه
مناير : اكيد اذا سوسو اخت ح اقصد اخت ريوم مو الشيخة منو الشيخ احم المهم نرجع للاهم اللي هي لعبة الشعر
اسيل : اللي هي ؟
مناير : بمناسبة انه ممكن تكون هذه اخر جمعه لنا قبل لا نسافر فكل شخص يهدي لنا قصيدة
البنات حزنو من الطاري فقالت مناير عشان تتدارك الوضع : يللا قايس ممما نبي نزعل
ريما :كيف ما تبيننا نحزن وروح الشلة بيروحون ؟
مناير : ترى من جد الحين احزن تدرون عندي فكرة كل ما احتجتو لي اكتبو لي و انا بحط صندوق في بيت جدي خلاص <قالتها بعبرة >
اسيل : يللا بنات وين اشعاركم و الا ما تبون تهدوننا
هند: انا ما يحضرني شي خبرك الشاعر لازم يكتب في هدوء لذلك انا بعطيك اياها قبل لا تروحين المطار
و اتفقوا البنات كلهم انهم يعطونهم قبل لا يروحون المطار عشان يمديهم يفرونها في الطيارة
ام مناير : مناير يا مناير
مناير : لبيه يمة
امها : وين الجوال عنك فيصل حرق الجوال يبيك تروحين له
مناير : طيب بروح له الحين و جوالي اصلا في البيت
اسيل سمعتها : وين بتروحين ؟
مناير : بروح لخوالي ؟؟تخاويني ؟
اسيل : و الله ما ادري عن امي يمكن ما تسمح لي ؟
مناير : تعالي تعالي نكلم خالتي
: خالتي خالتي
ام خالد : هلا مناير من بغيتي
مناير : ابي خالتي ام نايف وينها ؟
ام خالد:ماهي موجوده بالملقط روحي شوفيها بالصاله
مناير : مشكورة خالتي
وراحوا الصالة و لقوا ام نايف توها مخلصة الصلاة
مناير : تقبل الله
ام نايف : منا و منك
مناير :خالتي معليش اسول تروح معاي لخوالي شوي
ام نايف : و الله احس انها فشلة تروح لناس ما تعرفهم
مناير : الله يهديك يا خالة وش ما تعرفهم ترى فروحة دايم تجي معنا و الا لا
ام نايف: و الله اممممم
مناير: يللا خالتي
ام نايف : خلاص اذا تبين تروحين روحي
اسيل باست راس امها : مشكورة يمة
مــكــتــوب ومــقــدر كــل شــي تــرا مــكــتــوب
بــس خــلــنـا نــصبر مــثــل النبي آيوب
نــصــبــر عــلــى الأحــزآن ومــفــارق الــخــلان
نــصــبــر عــلـى الــغــربــى والــشــوق لــلأوطــان
نــصــبــر عــلــى الــجــروح والــضــيــق والــحــرمــان
نــصــبــر وهــم نــصــبــر والله وحــده الــمــســتــعــان
و راحت مناير و اسيل مع فيصل وامها لخوالهم وانبسطوا و رجعوا متاخر وصلوا اسيل بعدين راحو لبيتهم و كل شخص رجع و هو حامل معه همومه و مشاعر اجتاحته و فرح و تفكير بالغربه و الفرقى وكل شي
*عند حمد:جالس يتذكر مناير لما كانت حاضنته و وشلون هو انجذب لبرائتها و دلعها العفوي وشكلها النعومي وبعدها صدع راسه و تعوذ من الشيطان وقام يقرا قران خبركم ما باقي شي ع العشر الاواخر الله يعين
*عند منااير :اللي من رجعت و دمعها ماوقفت تبكي على ان وقت سفرها قرب و بتفارق هي بحيرة يعني هل اللي تسويه صح و الا لا هل السفر هو الحل

امها و ابوها و فيصل خالها و اهم شخص بحياتها اللي هو (حبيبها و روحها و قلبها و كل دنيتها) مو بس بفارقه و بعد بياخذ وحده غيري و بيصير ملكها و المفروض ما افكر فيه لانه مو من حلالي افف يا ربي انا وش قاعدة الخبط يا الله الحين الناس اكيد تبي تقوم و تجهز السحور وتصلي و تقرا القران و انا قاعدة هنا بس اتحلطم صدق اني ما عندي سالفة خلني ادق اشوف اسول نامت و الا لا للحين:الو هلا اسولتي
اسيل: هلا عمري روحي و توامي
مناير : اقول اخلصي وش قاعدة تسوين ؟
اسيل : ارقص وش اسوي ؟ اكيد اساعد امي ع السحور
مناير : اها اجل يللا باي نتقابل بكرة ع الفطور
اسيل : اوكيه يللا فمان الله
و سكرت مناير الخط و حست بملل فظيع و رغبة عارمة في البكاء قامت و لبست لها جلالها و طلعت برا بالحوش و طفت الانوار عشان تستمتع بنور البدر و تفكر وش تسوي بحياتها "الحين انا اهرب من الحقيقة و الا ما ابي احضر زواج و قالت بعبرة "حمد " طيب و اذا مما حضرتيه يعني بيصير شي جديد بيتغير شي حمد لله يا رب نفسي اعرف وين كان عقلي يوم قررت اني اسافر يعني بالله هذا حل " " ايه يا مناير انتي بس بتهربين و ماراح تنسين حمد ,حمد حمد حمد حمد اللي يسمعني يقول امير زمانه و يوووه انا صدق قمت اهوجس استغفر الله الحين الولد وش سوا لي عشان اتكلم عنه كذا يعني عشانه ما حبني عادي عادي اهم شي الاخلاق بعدينن أي حب أي خرابيط انا للحين اعتبر مراهقة يعني اكيد انها نزوة شباب لا اقل و لا اكثر بس ليش انا احس ان قطعة من فؤادي قاعدة تموت ليش احس ان روحي قاعدة تطلع بالبطيء يا ربي رحمتك يا الله انت اعلم بحالي يا رب ان كان في بعادي عنه يا رب خير قدرها لي و ان كان في قربه لي خير فقربه لي و انت احكم الحاكمين صدق من قال (الخيرة فيما اختاره الله )يا رب وكلت امري اليك و انتبهت مناير ان وقت الفجر خلاص قرب فدخلت داخل البيت عشان تتسحر مع اهلها اخر سحور لها قبل لا تسافر
بيت ابــو نايف
نايف : ياخي وش فيك محتاس كن احد قابعك على راسك
حمد "بطلنا":لا بس ادور الجوال ابي ادق ع الوالدة تدري ما ابيها تزعل مني
نايف : يا حليلك و الله انك طلعت مطيع ههههههه صدقني امك ما راح تزعل و لا شي
حمد و هو يدق : انت ما تعرف عن شي لا تتكلم الحين تحسبني طالع مع ربعي و ساحب ع السحور
نايف :دق دق و فكني من قرقتك
حمد : هلا ..يمة وش فيتس ..طيب اسمعيني .. خلاص يالغالية هدي اعصابتس انا... ايه ..لاماني بجاي .. انا عند نايف ايه لبى قليبتس اجل فمان الله
نايف : الله يهديك دامك عارف كان من اول و انت داق و مريح عمرك
حمد:ايه ما توقعت ان الوقت يمر بسرعة كذا
نايف : من هو ذا اللي جاي
حمد قام : هذا سليمان خوينا
سليمان :السلام عليكم
حمد و نايف : و عليكم السلام و رحمة الله و بركاته
سليمان : هاكم ششوفوا وش جايب لكم احلى سلومي
نايف : اكيد جايب سحور لاحلى نيوفي
حمد : هههه و الله انكم فاصلين
و بدوا ياكلون , سليمان وفمه مليان من الكفتة : وش رايكم ؟
حمد : بصراحة ما يتفوت شي بس من وين ؟
سليمان :و الله و انا اخوك هذا الله يسلمك واحد من اخوياي امه سورية و عليها طبخ مو أي طبخ
نايف : طيب عرفنا عليه خل ناكل من ذا الططبخ
حمد ياكل و هو مو معهم مندمج مع الاكل ما عاد يسمع او يشوف >هههه
نايف و سليمان استغربوا هدووء حمد و جلسوا يتاملون شكله و هو ياكل لين : كح كح
نايف : بسم الله عليك "و راح يجيب ماء
سليمان قام يطبطب على ظهره : شرقت عمتك مرأة ابوك صحة صحة
نايف جاء بالماء :تفضل
و شرب حمد من الماء و هدت الكحة
سليمان : اقول لك لا تقعد تحاسب على عيشة الولد عينك حارة
نايف : اقول ما احد عطاه عين غيرك
حمد : اقول وش رايكم تخلصون سحوركم لان الماذن شوي و يأذن
و خلصو سحور <بالهنا و العافية
الساعة 8الصباح و البنات متجمعين عند تهاني
نورة : هندو وش فيك بطيئة انتي و العنود ترى خالد بيمرنا لا جاء بيروح الدوام يعني بالكثير 10 دقايق و هو هنا
العنود : ترى اليوم جمعة يعني اجازة و خالد ما راح يداوم
سارة : اقول خلصوني و حاولو تثبتون الفصوص زين
ريما تشخر و لا هي بحولهم
تهاني : يوووه بنات اجلسوا عندي اليوم و ناموا معي لين الظهر عشان نجهز للفطور
هند : أي اجل بدق لخالد اقول له
: هلا خالد .. يوووه انت نايم معليش ازعجتك .. طيب حبيبي ترانا بننام عند تهاني عشان نساعدها ع الفطور.. اوكي نوم العوافي
تهاني : يا حليله اخوكم و الله باين انه حبوب
العنود: أي و الله انه حبوب بس حنا نجننه لين ينتف شعره
تهاني : و الله مجرمات
هند: نياهاهاها نعجبك يا بنت عمتي
تهاني :حمد لله على العقل
بيت ام حـمد

جاء وقت الفطور و الكل تجمع ببيت ام حمد "عمتهم" و الكل ملتف على السفرة ما عدا البنات كلهم يرتبون الصحون و يوصلونها للضيوف و حالتهم حالة
سارة قاعدة تذوق الفيمتو تشوفه زين و الا لا
غلا : ثارة لا و الله اقول لحمد
سارة ارتبكت و بان عليها : ها حبيبتي لا لا تقولين له بس انا نسيت اني صايمة
غلا : كذابة و صوت عالي : الا تذكرين بس تحسبين محد يشوفك
ريما بصوت واطي للبنات : ههه و الله انفضحت
تهاني : اختكم فضيحة و راسها يابس
و راحو جلسو ع السفرة و شوي الا و ياذن و يحل الصمت على الكل و بداو بالفطور و الكل يدعي في داخله بصمت ان الله ما يفرق شملهم <امييين
بعد الفطور تجمع الكل اللي يسولف و اللي يفكر و اللي بس يستمع و الرجال كذلك شوي و تجي سولاف : موني موني , الكل انتبه له وش تبي تقول هالطفلة
مناير : يا لبيه هاه وش بغيتي ؟
سولاف: عمي يبيك انتي و اسول في المجلس
مناير : اوكي دئايئ و بنكون عندكن

بيت السورية
ندى : يوه مامي بحس اني هيك ممرتاحة جسديا و نفسيا بلا شغل و طبخ و نفخ و حر بجد هيك الحياة
ام ندى : الله يخلي لي اياكي و يخلي لي اسامة و سعود
ندى:آي مامي هني كيف قنعوكي انك تتركي هيدي الشغلة ؟
امها : يعني ما عم تعرفي اخوكي و اسلوبو الله يحفظو من كل عين حاسدة
شوي الا و سعود يدخل ووراه اسامة :السلام عليكم
ندى و امها : و عليكم السلام
ندى : آي شرفو فين كنتو وئت الفطور
اسامة :طنشها و كلم امه : يمة وين الفطور حدي ميت جوع
ام ندى : ولي على ءامتي انتو لهلا ما افطرتوا ؟ندى إمي يللا الحئينئ للمطبخ
ندى " اففف من جد ءرف"
سعود : شفيها ام لسانين ساكتة
اسامة رفع كتوفه و هو يتمدد: مدري ؟
و جابت امهم الفطور و فطرو
ندى : شو اللي اخركُ هيك ؟
اسامة : اولا تكلمي سعودي لان السوري مولايق بالمرة
ندى : ثانيا ما لك دخل
سعود صفق : ههه توني اقول وين لسانك الثاني اثاريك مخبيته لاسامة ههه
امهم : و ليه ما بدك اياها تحكي سوري
اسامة و هو يتكلم سوري سعودي : و لك تقبشي البي و لك يا حلو السوري من السوريين
ام ندى بالسعودي : ان شاء الله لا خلا و لاعدم
سعود : لبى منطوقتس يا يمة من جد معذور ابوي في غرامتس
امهم و عيونها تدمع : الله يخليكو ليا و لا يحرمني منكو
الكل : اميييييييييييين
سعود: يمة انا بنام و صحيني الساعة 12
اسامة : و انا يمة صحيني الساعة 11
امهم : ليه بدك تئوم 11
اسامة : يمة نسيتي انتي و ندى تبون تتقضون للعيد و البيت
امهم : الله يخلي لي اياك
اسامة : و يخليك لي الغالية لا ما دريتي منصور خطب بنت عمه
امه : ما شاء الله
ندى : منصور ايش؟؟
اسامة : منصور فايز
ندى شهقت : منصور فايز الفلاني
اسام استغرب انها عرفت : و انتي من وين تعرفينه ؟
ندى بس هذا خطيب صديقتي ليلى
اسامة : صدفة حلوة
نرجع لبيت ام حمـــد
هند : يلا يا بنات كلكم جبتو بجايمكم
نورة :ايه جبنا لنا
هند : ادري انك جبتي يالخبلة انا اقصد السلنتح الباقيات
تهاني :كلنا جبنا يالسلتوحة
هند : برافو
ريما : بنات طيب وين الهدايا حطيتوها بمكان واحد؟
سارة: بدور تعالي ساعديني
بدور : هلا وش بغيتيني اسويه ؟
سارة : تعالي خذي الحلى و الشيبس و اغراض السهرةوحطيها عند الباب عشان عبود ياخذها
بدور : اوكيه
و راحت و حطتها عند الباب و الباقين جهزوا كل شي لانهم بيروحون بيت مناير بعد العشاء
عند مناير و اسيل
مناير و اسيل رجعوا من عند عمانهم و ابائهم طبعا بعد شق الانفس قدروا يسيطرون على رغبتهم العارمة في البكاء و هم ماشين طبعا بجلالاتهم الا و يقابلون احمد و ياسر
ياسر : هاي قايس
اسيل : و عليكم الهاي
احمد : شلونك سيستر ؟
اسيل : بخير وذ اوت شوفتك
مناير : وش السالفة قمتوا ترطنون انجليزي؟
ياسر : خبرك يا ابنة خالي يعني انتو تروحون لندن عشان تتعلمون عنقليزي و حنا عمانك ياسر و احمد متعلمين بالفطرة
اسيل : شوي شوي بالراحة على عمرك يا جدي ياسر
ياسر : قلنا عمك
احمد : احترمي خوالك حنا تاج راسك
مناير مسكت يد اسيل و تسحبها : شوت يور ماوث
ياسر و هو ما يدري هي وش تقول : افكورز افكورز
و دخلوا داخل يبون يروحون للبنات الا و عمتهم ام وليد تناديهم : بنات شفتو وليد
مناير : لا و الله يا عمة بس شفنا ياسر
عمتهم : مشكورين يا قلب عمتكم من جد راح نشتاق لكم
و عم الهدوء بالمكان و تنفجر ام اسيل بالبكاء لتتبعها ام مناير اما الثنتين اللي واقفات على طول راحوا باحضان امهاتهم و صار الكل يبكي و تتىصاعد الشهقات من تلك الصدور الحانية التي لطالما حملت لنا مشاعر صادقة ربما نسمع دائما بعض الامثال التي تمس هؤلاء العزيزين على نفوسنا مثل (الاقارب عقارب ) لكن هناك من هم اشد نقاء و صفاء من اللبن فهنيئا لمن له مثل هؤلاء في حياته
البنـات
و البنات ما حسو باي شي من المناحة اللي صارت بالصالة الا لما دخلو مناير و اسيل ووجيههم منفخة ناظروا البنات في بعض مستغربين من شكلهم
هند قامت من مكانها متوجهة لمناير و مسكت كتفها: موني حبيبي وش فيك
مناير : ا ا انـ ــــ ـا احبـــ ــ ــكم و انفجرت بكي و هي تقول : راح افقدكم من جد راح اشتاق لكم و التموا كلهم حول بعض و يبكون. عزاء الشعور في تلك اللحظة
الحياة دمعتان..دمعة لقاء و دمعة فراق
فان لم تجمعنا الايام....فسوف تجمعنا الاحلام...
فان لم تجمعنا الاحلام...فسوف تجمعنا الذكريات و روعتها بالامل و اللقاء...فاذا رست سفينتكم على شاطئ الذكريات .....فأجعلوني
احد ركابها *يااخواتي ....!!!!
الساعة عشر بالليل كل البنات عند البوابة بالعبايات
نورة : يووووه خالد وش فيه تاخر كذا تو كان موجود
تهاني : بنات شوفو هذا ولد جيراننا المزيون
اسيل : وين وين
بدور : يا لبى قلبه يجنن ما شاء الله
مناير : هيييه انتي وش يجنن عيب انتي متزوجة هذا للبنات اللي زينا لسا عزابيات
هند : ايييه انتي وش عليك بتروحين بريطانيا و بتشوفين مزايينهم
اسيل : و لا يجون جنب ابو سروال و فنيلة من جد حتى القلب سعودي ما يحب الا سعودي
مناير بتريقة : هه هه ايه صناعة محلية مية بالمية...
سارة : و الله انك صادقة احس ما يهزني شي قد الثوب و الشماغ يا لبيه
ريما : خقو على كيفكم بس بعدين لان خالد جاء
و نزل خالد و جاء مكانه وليد
خالد : معليش بنات بيوديكم وليد لاني انا ابوي يبيني
اسيل بصوت منخفض محد يسمعه الا مناير : يا لبيه و يعتذر بعد من جد ادب
مناير عطتها نظرة و مشت و ما انتبهت للعيون اللي كانت تراقب تحركاتها الصغيرة و الكبيرة .,, و ركبو البنات و نزلو عند بيت مناير و كانت هي اخر من ينزل الا و يناديها
وليد : مناير
مناير لفت عليه : هلا , و شافته ماد بوكيه ورد جوري احمر
وليد: هاك خذو هذا نسيتوه
مناير : بس هذا مو لنا
وليد ابتسم ابتسامة و تدوخ مع غميزاته : افـــا تردين هدية وليد
مناير انحرجت منه لانها مو معه بالمرة : مشكور و مدت يدها بتاخذها الا انه شاد على البوكيه ما يبي يفكه فرفعت منايرعينها تبي تشوف وش فيه الاجت

قلب ملائكي 28-01-2013 03:51 PM

رد: معك للابد كان الله أحياني<<الفصل الثاني ,قلب ملائكي
 
عينها بعينه اللي كانت كالزجاج تلمع " يا ربي هذا وش فيه انهبل لا اكيد انه انهبل لا و يطالعني بهذي النظرة " شوي انتبه وليد على نفسه : احم احم ع العموم تروحين و ترجعين بالسلامة يا بنت خالي
مناير بصوت اقرب للهمس: الله يسلمك , و اول م طلعت من السيارة تنهد :ااااااه من جد عذاب
بيت ام مناير
نرجع للبنات اللي يجهزون و يرتبون ويلبسون بجايمهم و تربعو كلهم بغرفة مناير اللي ع السرير و اللي ع الطاولة و اللي ع الكومدينة واللي ع الارض و الدريسر اللي تبون ال دخلت مناير البيت : ما شاء الله ما شاء الله الله يزيد و يبارك شنو هذا من جد زحمة انا غيرت رايي ما ابيكم تنامون معي
سارة : و الله حبيبتي , وقامت و حطت يدها ع كتف مناير :الموضوع تجاوز مرحلة ابي و ما ابي
مناير ناظرتها بنص عين :سارونة
سارة بدلع ماصخ : لبببببيه
مناير : و تتمايعين بعد
سارة : شنو اسوي اذا انا جذي دلوعة
اسيل : هههههههه وش فيج قلبتي كويتي
العنود : مثلج انتي يوم تحجيتي جويتي
الكل :هههههههه,
ريما:عيبتني وايد جويتي
مناير : بنات وش رايكم نسوي مسلسل كويتي من بطولتنا
البنات عجبتهم الفكرة
هند : انا ببدا اسولف كويتي ع اساس ان احنا بالجامعة و انتن ارتجلن الحوار حقكم
هند: وييي , و تطق كتف بدور: شفتي ولد الييران حمدو شنو سوا
بدور : شنو سوا هاللوتي بعد , و حطت يد على يد فوق صدرها
سارة : ههههه و الله فاتج نص عمرج انا و هنود كنا هناك بالحارة
هند: انتي شنو فيج طويلة لسان طول عمرج خليني اقول لها عن اللي صار
بدور : يوه انتو حمستوني ع الفاضي خل اعرف ريلي شنو مسوي
مناير شهقت : الحين هذا اللوتي طلع ريلج
بدور بحزن : شفتي شلون
تهاني : هيييي انتي وياها لا تنسو اني انا بنت الييران اللي من اليوم قاعدين تحشون فيهم
بدور شهقت : انتي تطلعين اخت ريلي
تهاني : ليش انتي ما تعرفين حمواتج
بدور : بس اهو قال لي انج بنت ييرانهم يعني ما تصيرين لهم
تهاني : يعني حميدان يتبرى مني
هند : جبو زين خلوني اقول لكم شنو شفت
اسيل حاطة يدها على خدها : شنو شفتي ياحظي ؟
هند: شفت خالتي ام مناير قاعدة ع الارض و فاحطة من الضحك, و انفجرت من الضحك و الكل التفتو للصوت طلعت ام مناير ميته ضحك و الكل من جد ضحكو من قلب لين قالوا بس و بعدها راحت مناير للمطبخ تسوي القهوة للبنات
سمعت صوت : لفت ما لقت احد " يوووه شكلي قمت اهلوس ما في شي " و قامت تجهز االفناجيل و سمعت : و انا ما تبين تجهزين لي فنجال و كانت تلك الصرخة المدوية ردة فعل لفعل :ااااااااااااااااه
:graaam (288)::graaam (288):

قلب ملائكي 28-01-2013 03:52 PM

رد: معك للابد كان الله أحياني<<الفصل الثاني ,قلب ملائكي
 
اتمنى يعجبكم هالفصل و انتظر اراءكم <<قلب ملائــــــــــ^-^ــــــكي

قلب ملائكي 31-01-2013 06:10 PM

رد: معك للابد كان الله أحياني<<الفصل الثاني ,قلب ملائكي
 
:graaam (270):الفصل الثاني الجزء الثاني"
:آآآآآآآآآآآآآآآآآآآآآآآآآآآآآآآآه
:هههههه و ربي شكلك نكتة
مناير : وجع طيحت قلبي ببطني
فيصل اخذ القهوة و راح لاخته –ام مناير - ,فيصل هو الشخص اللي نقدر نقول بانه الاقرب لمناير بحكم انها ما لها اخوان او خوات ,اتكلم لكم عنه ... فيصل شخص طموح يكرس حياته لتحقيق هذا الطموح اللي هو تعلم اللغات و من جهة اخرى يضل هو الشخص المحب اللي يبي من الكل ان يكون سعيد
و يرن تلفون البيت :
ردت مناير ع التلفون بصوتها المخملي الناعم : الو
المتصل ارتجفت كل اوصاله : احم السلام عليكم
مناير : و عليكم السلام و الرحمة
:خالتي ام مناير موجودة
مناير : لا موموجودة عندي بغيت شي اخوي
:ايه قولي لها ان امي تبي تجيها الحين بخصوص ام عبد الرحمن
مناير : طيب بس اقولها ام من
وليد : افا يعني ما عرفتي صوتي ؟
مناير : احم معليش ما عرفتك بس يمكن مشبهة على شكلك "بتريقة"
وليد: انا راعي الجوري يا جوري
مناير تتذكر "جوري و ما جوري ":يا اخوي شكلك غلطان
وليد : مناير وش فيك انا وليد المهم قولي لللوالدة ان امي تبي تجيها
مناير : طيب بقول لها
وليد : اوكي
مناير :تامر على شي
وليد بهمس : ما ابي الا سلامتك
مناير : الله يسلمك , و سكرت
و سكر منها و هو يقول " فديتك" نتوقف هنا برهة , وليد يعشق مناير منذ ان كانت صغيرة في السن و يحبها لحد الجنون و ما يتخيل حياته بدونها لو لحظة طبعا وليد رزة ... شخصية .. رجل بمعنى الكلمة .. جذاب بقوة ... و سند امه الغالية عقب وفاة زوجها من بعد الله .....تتوقعون بياثر في مناير
,,,حان وقت الوداع و تتسارع النبضات معلنة رحيلها عن هذا المكان الجميل الذي يعج بالذكريات الجميلة, المؤلمة ,الحزينة, المفرحة , .... تدمع عيناهما لكن لكل منهما سبب فالاولى تفارق اهلها و احبابها ولتذهب لطلب العلم و الاخرى لنفس السبب مصحوبة روحها بوجع جسيم ينزف به قلبها ...... تتحرك خطواتهما نحو مستقبل مجهول لكنهما في قلبهما موقنتان بحقيقة هذه العبارة " الخيرة فيما اختار الله...
سارة ضامة مناير و تكلمها: مناير انا بعترف لك بشي
مناير بانصات : وشو ؟
سارةبلهجة كويتية : انا احبج وااااااااااااااااااااااااااااااااااااااااااايد
مناير ابتسمت بالم لانها بتفارقهم : هم انا احبج
سارة : ما اوصيك هالله هالله في اسيلوه تحملي فيها تراها ما تعتمد على نفسها في شي
ريما : هههههههههههه اخاف تقوم الليل تدور امها
اسيل : لا و انتي الصادقة ادور حبيبي
نورة : ايا قليلة الادب تحبين من وراي
بدور : على طاري الحب يا ويلكم لو ما تهنوني بزواجي نفس اليوم ابيكم و كانكم موجودين
و انقطعت السوالف بكلام ام مناير : مناير يمة تحملي في نفسك و في اختك وفي خالك و اهتمي لصلاتك و لا تنسين القران و التزمي بالحجاب ,يمة حنا بزمن كله فتن كيف عاد لا رحتي ببلد الكفر يا بنتي طمنيني عليك و خلك مناير اللي اعرفها كوني يا يمة مثل الذهب اللي ما يغيره شي .
تكلمت ام نايف : اسيلوه يمة خلي عنك حركات البزران و خليك مرة مثل ما ربيتتك و انتبهي لدراستك و لا تنسين تكلميننا يا يمة و لا تخلين قلبي يحاتيك و متى ما بغيتيني بجيك ويا ابوك و الااخوانك و مثل ما قالت خالتك خلك ذهب ما يغيره شي .
ام وليد تلطف الجو: و حنا لا تقاطعوننا و متى ما اجزنا جيناكم نصيف و الا نشتي عندكم اخبر عندهم السياحة شي
اسيل : يا حليلك يا عمة ....
..بالسيارة و هم في طريقهم الى المطار مناير تبكي بصمت و هي تتذكر شكل امها الباكية على فراق ابنتها الوحيدة " من جد يمة دقايق و احسها علي دهر الله المستعان " اسيل لم تكن بحال افضل , اسيل انسانة روحها شمالية لكنها حساسة بقوة في مثل هالمواقف ..
نزل الكل مع اخر لحظاتهم بالوطن قبل لا يسافرون بالسلامة
مناير " اااااااااااااه يا بلادي انا مدري شلون بعيش بلياك ااااااااااااه و "خذت نفس " اه من هواك الللي ينعش الصدر لا ضاق و اااااه من سماك الللي في حلاها ما شفت ااااه من ترابك الللي من المسك اطيب و ااااااه من نسيم عانق خيال اللللي بودي لو اضمه لكن ... ما لنا غير الصبر لو الصبر مل منا "
اسيل "يا ربي انا شلون بعيش بلياك يالسعوديه من جد يكفي اني احس بالامان فيك و يكفي اني بين اهلي اللي لحزني يدارون و اللي لفرحي يفرحون و اللي لا تضايقت خففو عني من لي هناك غيرك يا رب رحمتك يا رب عفوك "
و دخلوا الرجال كلهم يكملون الاوراق و كل الاجراءات و البنات جالسين بالقاعة الرئيسية مع باقي الشباب الللي ما لهم شغلة
وليد قام ووقف قدامهم : مناير
مناير لفت " يوووه ذا وش يبي ويا وجهه على كيفه يمون":هلا
وليد بنظرة غريبة و بصوت اقرب للهمس ما يسمعه الا مناير و اسيل : راح نشتاق لك
اسيل بنفسها و هي تطالع وليد من تحت الغطا " ادعس و الله و قمنا نتغزل الله يعوضك يا موني "
مناير انحرجت " ذا وش فيه صاير رومنسي ذا اليومين": تسلم
اسيل "كفو و الله خلك ثقيلة باين انه رايح بالعسل "
وليد و عيونه امتلت بالدموع و يداريها لا تنزل قدامهم :لا تنسينا و لا تقاطعينا ترانا ننتظر اتصالكم
اسيل "مسيكين و الله شوي و يصيح على مناير بس يا لبى عيونه و رموشه و حواجبه و خشمه و شفايفه اووووف و الله انه يجنن"
مناير " يووه يا حرام قده بيبكي ": ما راح ننساكم انا صح ما لي اخوان بس انتو بحسبة اخواني
اسيل " هههههههه صدمة ضعيف"
وليد انجرح " يعني انا اخوها ": ع العموم ننتظر اتصالك يالغالية و قدم لها علبة حمراء مرتبة و باين ان اللي داخلها شي غالي
مناير منحرجة منه : مشكور ما تقصر كان ما كلفت على عمرك
وليد : لو تبين عمري يفداك
و انتبه للشباب اللي عيونهم شوي و تطلع من محلها " هم شوي بعيد عنهم يعني ما يشوفون زين بس من جد وش يبي عند البنات " و قررر ينهي الحوار هذا بنظرة اخيرة الى حبيبة قلبه و تقدم لاسيل و اعطاها علبة حلوة لكن مو احلى من علبة مناير : تروحين و ترجعين بالسلامة يا بنت خالي
اسيل : الله يسلمك و راح عنهم
اسيل : و الله يحبك
مناير : بس انا ما احبه
اسيل : يعني تكرهينه
مناير : ما اكرهه و لا احبه يعني عادي بس و الله رحمته
اسيل : من متى تتوقعين انه يحبك
مناير مسرحة :.......
اسيل تتكلم و مناير مو معها
اسيل : مناير ووجع
لفت عليها مناير و عينها متجمعة فيها الدموع : ليتني بس احضنه قبل لا اروح و اطيب خاطر هالقلب اللي بيغترب ابي اضمه ضمة ارتوي منها عمر و نزلت دموعها : ليته بس يقول لي كلمة يطيب بها خاطري المكسور و ارتاح ..
اسيل بحكمة ما تظهر الا بمواقف مهمة : مناير بقول لك شغلة ربي الحين كتب له يتزوج بدور و كتب لك تسافرين و تغتربين لكن ما فكرتي ان هذي هي الخيرة يمكن ربي ما يوفقك لو بتاخذين حمد يمكن ربي كاتب لك شي احسن منه حبيبتي اعرفي و ثقي ثقة عمياء بان كل اللي يصير خير و شوفي حولك في كثير يحبوك و انتي و لا دارية و اكبر مثال اللي قدامنا
مناير بتفاؤل من كلمات اسيل اللي حركت الجزء الميت و قالت بفرح صادق : مشكورة اسووول


الساعة الآن +3: 01:02 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1