غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 24-01-2013, 01:40 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7



( 5 )


+! الساعه 7 الصبح .. في بيت بو هزاع +!


هزاع يالس ويا ابوه فالصاله .. و يسولفون قبل لا يزهب الريوق ..
بوهزاع : هااه متى بتتخرج إن شاء الله عسب نفرح بك و انيوزك
هزاع ( بصوت متواني ) : توه الناس على العرس
بو هزاع : انا ادريبك انك حاط عينك على بنت عمك شميم بس ابوها ما بيوزك
هزاع ( بحسره ) : هيه ادري و هذا هوه اللي قاهرني فالسالفه بكبرها
بو هزاع : الله يخفف عنك يا ولدييه و ينولك اللي فبالك
هزاع ( و الكدر مبين في ويهه ) : آمين .. انزيين ابويــه .. انا من زمان فخاطريه اتخبرك عن شي .. بس متردد .. ادريبك بتردني
بو هزاع ( بابتسامه عسب يطمنه ) :افاا عليك بس .. مآ عآش من يردك .. يالله اتخبر عن اللي فخاطرك هزاع : شوه سالفة القطاعه اللي بينك و بين عمي بو عمر .. لاني حاولت جمن مره اتخبرك لكنك ما ترد عليه .. و بصراحه اكثر تتهرب مني
بو هزاع ( بتنهيده طويله ) : هيييييييه يا هزااع .. شوه بقولك ؟؟ انته فتحت عليه يرح جديم
هزاع ( بابتسامه ) : خلاص ابوويه لو هالسالفه بتضايجك طبها و اعتبرنيه ما تخبرتك و لا سألتك لا تشل هم يالغالي .. اهم شي عندي رااحتك
بو هزاع : لا أنا بخبرك لانه حقك تعرف .. جوف هذا الله يسلمك واحد ينقال له بو يمعه و هو تاجر معروف و له باع فالسوق .. عاد انا و عمك بو عمر فتحنا النا شركه .. بالشراكه امبيني و بينه .. و الحمدلله يتنا أرباح ما نتوقعها في فتره بسيطه .. و هالشي كله لانا كنا ملتزميين مع الكستمرز و ما نسوي الا اللي يريحه و نوفي برمستنا وياه .. و نافسنا هالريال و مب بس جذه الا طوفناه و صارت شركتنا متفوقه على شركته و زود .. تم بو يمعه ورانا انا و عمك يبا يشتريها عنا و بجيمه خياليه بعد على ما يقوولوون بس نحن كنا نرفض .. و كان يسوي هالشي عسب ايتم هوه روحه و بس ذيب السوق و محد اينافسه ..
هزاع : يالله بالستر شوه هالحسد .. الهدرجه الأنانيه مآكله قلبه !!
بو هزاع : و أكثر .. المهم اكملك .. بعدها بفتره عرض علينا انه ايدش شريك ويانا و تمينا انا و عمك ندرس السالفه .. بس انا ما كنت متحمس للفكره
هزاع : انزيين .. و عمي شوه كان رايه ؟؟
بو هزاع : عمك رحب بالفكره .. و يوم قلت له ليش .. اتعلث انه اسم بو يمعه كبير و له وزنه فالسوق .. قلت له انه نحن الحمدلله .. بنينا النا اسم فالسوق و مب محتايين حد .. رد اتعلث انه الارباح بتزيد بالخص انه ريال له خبره فالسوق و التجاره و اجدم مني و منه فهالمجال و له مكانه و هيبه بين التجار
.. و انا بعد رمسته هااي وافقت معني مب مقتنع بالسالفه لكني اعرف خويه ربي يهديه عنيد و راسه يابس و يحب انه رمسته بس هييه اللي تمشي ..
هزاع : انزيين و بعديين ..
بو هزاع : بعديين يا طوييل العمر .. دخل ويانا بو يمعه شريك .. دخل و ليته ما دخل .. من يوم دخلته و الشغل معتفس فوق حدر و ما عاد شرا اول .. و يوم كنت اتعمد اتخبره عن هالشي جدام بو عمر كان يتعلث بانه السوق حاله راكد .. و صرنا يوم نتناقش انا و عمك دووم يتدخل بينا و يصف ويا عمك .. و قام اينقل رمسه امبينا و يفسر رمستيه غلط و على هواه .. و آخر شي انا رحت لاخويه مكتبه و قلت له انه نظام الشغل كله اعتفس من دخل امبينا .. و قاللي و الله هذا هوه شغلنا عايبنك زيين .. مب عايبنك الله وياك .. و انا ما قلت له شي غير الله يسامحك يا خويه .. و فضيت شراكتي وياه و اشتريت كرامتي بهالطريجه .. لانه بو يمعه كان واايد مأثر في عمك .. و بو عمر كان واايد معجب بطريجتة فالشغل و يعتبرهاا الصح .. و صار بو يمعه اقرب له مني و قام ايدس الافكار السودا في راسه لين ما صار عمك ما يطييق طاري واحد اسمه سالم ..
هزاع : امم انزيين .. و بعديين ...
بو هزاع : بعديين اتدهورت حالة الشركه و كان بو يمعه و اهم بو عمر انه الشي اللي يصير طبيعي .. و آخر شي وصلت الشركه لدرجة الافلاس و فهالوقت رد بو يمعه و عرض انه يشتري الشركه .. و وافق بو عمر انه ايبيعه اياها .. و ضمها لمجموعة شركاته .. و نهضت من اول على ايده ..
هزاع : و انته شوه سوييت ؟؟
بو هزاع : انا الحمدلله رضيت بالارباح اللي ظهرت لي من الشركه لما كنا انا و بو عمر شركاء ارواحنا .. و من هالارباح صرت فالخير اللي انا فيه و غديت تاجر من يد و يديد و صارت لي تجارتي الخاصه و الحمدلله اتوفجت .. اما عن عمك فمن ذاك اليوم ما قام يرمسني .. و قاللي انته ظهرت عني عسب تتحداني و الدليل انك كونت لك شغلك الخاص فنفس المجال اللي انا فييه .. و حاولت الغي هالفكره .. لكني للاسف ما قدرت .. لانه بو يمعه مب مقصر تارس راسه عليه .. و بو عمر من النوع المتسرع و العصبي ..
هزاع ( بانفعال ) : حسبي الله عليه يزاه على الله .. جانه سعى امبينكم بالشــر ..
بو هزاع ( بإبتسامه ) : خله عنك .. وينه عن الله .. ربك ما ينسى عباده ..
هزاع : و النعم برب العالمين .. بس صدج قاهرني .. ما يستحي و لا يخيل عنبوه ما يخاف ربه
بو هزاع : ربنا يمهل و لا يهمل .. و صدجني بنرد انا و عمك شرات اول و اخير لانه الدم عمره ما يستوي ماي
هزاع : فهاي صدجت .. ربي اييمعكم من يد و يديد .. و انرد عايلتيين مترابطات شرا اول
بو هزآع : ابغي اقولك يا هزااع انه كل شي في هالدنيآ نصيب .. و محد يآخذ اكثر عن نصيبه .. عشآن جذه .. اتحمل تطمع .. لو لك رزقك ربك بيعطيك ايااه و لو بعد حيين
هزآع ( بإقتنآع ) : ان شآآء الله ..
ابتسم له بو هزاع لانه حس بلي في قلب ولده و انه روحه معلقه فـ شمامي .. و يمكن يستوي عليه شي لو ما خذها .. فهالوقت زقرهم بشكآرهم .. عسب يتريقون .. و نشو ..



+: عايلة سالم بن هزاع +:


سالم ( بو هزاع ) 44 سنه

عنده من العيال :
هزاع ( 22 سنه ) يدرس في جامعة الشارجه ( كلية القانون ) ( سنه رابعه ) .. و هو يعيش على املين فهالدنيا من عقب رضى ربه و ابوه .. و واحد من هالآمال اتحقق .. دراسته القانون .. اما الامل و الحلم الثاني .. انه يرتبط في بنت عمه شمامي .. و هو مخلي هالشي على رب العالمين .. لانه متأكد انه آخر الصبر الفرج ..

== نبذه عن العايله ==
بو هزاع ريال طيب و ينحط عاليرح يبرى .. متيوز من وحده اسمها ( ظبيه ) و هييه حرمه طيبه وااااااايد .. كانت ثمرة هالزواج .. هزاع .. و من عقب ما يابته امه اتوفت على طول .. لانها تعبت واايد فالولاده .. لكنها قبل ما تتوفى وصت سالم بولدها ... و قالت له ايحطه فعيونه .. و بو هزاع ما قصر نفذ الوصيه حتى انه ما اتيوز عسب ما اييب لولده حرمة ابوو يمكن ما تعامله عدل .. و لكن اللي حاز فخاطره هوه انه مب قادر ايحقق له امنيته في انه يتيوز شمامي .. اما عن شغله فهو صاحب شركتين .. لانه مثل ما قلت الكم قبل .. من انفصل عن اخوه بالشغل .. كون له شغله الخاص فيه .. و نجح وايد فهالمجال .. و اللحينه هوه من رجال الاعمال المهميين فالبلاد




+! الظهر في بيـت بو محمــد +!



{ كل يوم واقول في نفسي خلاص
.. هذا اخر يوم لي في دنيتك
واكتشف ان لا خلاص ولا مناص ..
كني مخلوقٍ بس .. لمحبتك }



بو محمد من عقب ما رد من الصلاه و تغدى ويا حرمته و بنته .. سار يرقد و يريح شوي .. و نفس الشي ام محمد .. تمت طرفه يالسه روحهاا فحجرتها و تذاكر اللي عليهاا و في نفس الوقت معزوفآت كلآسيك و كل شويه يمر طيف حارب على بالها وطت كتابها و نشت سارت صوب مكتبها .. ظهرت البوم الصور اللي يخص العايله .. فيه كل صورهم .. شآفت صور غايه .. ابتسمت و قآلت : فديتج كيف كنتي اتخبليين .. يوم كنتي بيبي .. مغزغزه و كيوووت .. ان شآآء الله بنتج تكون نسخه منج .. و شآفت صور بطي و حآرب .. و تمت تتفكر فيهم .. سبحآن الله نفس الويه نفس الشكل .. بس حارب من كآنو صغار امتن بـ شويه عن بطي .. و محد يفرق بينهم غير هلهم و معاارفهم .. اما فالاطبااع .. فـ فرق السمآ و الارض .. وآحد طيب و وآحد شرآني وآحد قآسي و وآحد حنون وآحد سيده و وآحد صايع .. كآنت كل هالافكآر ادور في بآل طرفه و هي تتطآلع صورهم .. فجأه تمت اتمرر اصآبعهآ ببطء على صورته مآلت التخرج .. و قآلت بهمس : لييش انته قآسي ؟ ليش انا حبيتك ؟ ليش قلبي اختآرك ؟ ليييش انته مآ تحس ؟ ليش انته انآني مآ ترآعي الا نفسك و شو تبآ ( و بدن ينزلن دموعهآ ) : عآيش حيآتك ويآ هآآي و هآآييج .. و انآ من متى اتريآ ابتسآمه منك .. اتمنى اني احس اني شي يسوى في حيآتك .. بس انته كله تتجآهلني .. ( و سكرت الالبوم بعصبيه ) و تمت اتصييح بإنفعآل و تقول : اكرررهك اكرررررهك
بعد دقآيق مسحت دموعهآ و استغفرت .. و على طوول دعت ربها انه ينسي حارب لميا و يهديييه لو مب عشآنهآ عالأقل عشآن امـه .. بتنصدم لو عرفت انه آخر تربيتهآ فيه جذه .. ! ..




+! عقب اذان العصر .. في بيت المرحوم سهيل بن بطي +!



حارب يالس فالصاله يطالع التيلفزيون روحه .. و بطي و حرمته فوق .. و ام بطي صلت العصر و ردت رقدت لانها تعبانه شويه من زود المراكض فالاسواق على آخر الايام ويا بنتها .. المهم .. دشت طرفه الصاله و سلمت ..
طرفه : السلام عليكم ..
حارب : و عليكم السلام و الرحمه .. شحالج ؟
طرفه : بخير الحمدلله .. انته شحالك ؟
حارب : يسرج الحال ..
طرفه : عيل وينها امايه ؟
حارب : فحجرتها .. تعبانه شويه ..
طرفه ( بخوف ): بسم الله عليها .. اشبلاها ؟؟ رب ما شر ؟؟
حارب : ما شر .. بس تعرفين توه مخلص العرس و كانت الوالده قبل دووم فالأسواق و تتشرى لـ غويه .. فـ تعبت اللحينه .. يعني ارهاق بس
طرفه : ايوااا .. سلامتهاا ما تشوف شر ..
حارب : الشر ما اييج ..
طرفه : انزيين انا بسير الهااا .. بسلم عليهاا و بروح عقب
حارب : اوكيي .. براحتج





{ صفقوله حبيبي صفقوله و بحراره ..

يطلع الاول حبيبي فالنذاله و الحقاره }




روحت طرفه صوب حجرة عمتها و دقت الباب بس محد رد عليها .. عرفت انه عمتها غاطه فالنوم .. سارت صوبها و وطت عليهاا .. حبتهاا على راسها و يبهتها .. و ظهرت عنها .. ردت صوب الصاله .. و سمعت حس حارب و هو يرمس فالموبايل .. و عرفت من اسلوبه انه يرمس بنت .. انحبست دمعتهآ في عينها .. و غصبن عنها مرت صوبه و اطالعته بنظره كلها تلويم .. و مشت .. فهالوقت سكر حارب بسرعه و زقرها ..
حارب ( و هو يسير صوبها ) : طرفـــه ...
طرفه ( و هييه عاطتنه ظهرها ) : نعم ..
حارب : نعم الله عليج .. شو فييج ؟
طرفه : ما فييه شي ..

و ظهرت عنه سارت صوب الحديقه .. سار حارب وراها و هو معزم يعرف شوه فخاطرها و فبالها ..
طرفه : نعم .. ليش لاحقني ؟!
حارب ( و هو عآقد حيآته ) : اول شي قلت لج مليون مره .. لا ترمسيني جذه .. و ثاني شي ممكن اعرف شوه فيج ؟؟ و شعنه اطالعتيني جذه قبل لا تظهرين ؟؟
طرفه ( و هييه تحاول تتهرب ) : انآ ؟ متى اطالعتك اصلاً ؟؟
حارب ( و هوه يطالعها بطرف عينه ) : انتي ادرى
طرفه ( بانفعال ) : انزيين خلاص .. السمووحه منك الشيخ .. لو غلطنا عليك يوم اطالعناك ..
بعد شوه تبآ ؟
حارب ( و هو يرص على ضروسه) : لا ترمسيني بهالاسلوب ..!!!!
طرفه : ...............................
حارب : اللحينه خبريني اشبلاج ؟؟ ليش متغييره من جمن يوم ؟؟
طرفه : لا متغيره و لا شي .. يالله انا بسير اللحينه اسمحلي ..
حارب : صبري انا ما خلصت كلامي لين اللحينه
طرفه : و انا مابآ اسمع شي ..
حارب ( بعصبيه ) : ابآ اعرف شي واحد بس .. ليش هالغرور كله ؟!
طرفه ( و هييه تبا تقهره ) : كوز مآ يخصك .. و بعديين انآ مآ فييه هالصفه
حارب : مبين ..
طرفه : صدق و الله ؟ .. ( و هي تحيس ثمهآ ) : ابا اروووح .. ( و مشت )
حارب ( و هو يوقف جدامها ) : انا ادري انج اطالعتيني بهالنظره لانج اتغارين عليه .. " كان حارب يبآ ينتقم منها عاللي سوته ذاك اليوووم "
طرفه اتغيرت تعابير ويهها 360 درجه .. فججت عيونهآ على وسعهن و ردت بصوت مبحوح : انـا ..
حارب ( قطع عليهآ ) : انتي غلطآنه و اكبر غلطآنه لو تتحسبيني جااهل بلي فخاطرج من صوبي ( و يآشر على صدره ) : انا متجآهل .. و فيه فرق ..
طرفه ( و هي تحآول تتمآسك ) : شو تقول انته ؟!!
حآرب : اونج مآ اتعرفيين ؟ طرفه انا ادري انج ..
طرفه ( و هييه تقطع عليه ) : بــــــس ( و مشت تبا اتروح عنه )
حارب ( و هو يوقف جدامها و يقبضهاا من جتوفها و يقربها منه ) : شوفي انا اعرف انج اتحبيني
( و يحط عينه فعينها ) : لو خفيتي هالشي .. لكنه يبين في نظرة عيونج و يكون في علمج .. انا اعرف من زمآن بس .. بكيفي متجاهل السالفه
طرفه ( و هييه تحس بعمرها بتموت بين ايدييه ) : ودرني .. انا ما احبك .. ما ادانيييك
حارب ( بابتسامه رجوليه بحته فيها صلابه و تحدي ) : انتي متأكده من رمستج ؟؟
طرفه ( بكلمات متقطعه ) مـ ـتـ ـأكـ ـده
حارب ( و هو يهمس الها ) : و حياتج حتى لو حلفتيلي بقوولج جذابه
طرفه ( و هييه حاسه بخوف و ضعف جدامه ) : ودرني بسك عااد .. قلت لك ما أحبك شوه
تبا مني بعد ؟؟
حارب : هااي الرمسه اللي قلتيهاا توج جذب .. و انا اباا الصدج و لا شي غيره ..
طرفه ( و دموعها بدن ينزلن على خدها ) : حارب ودرني حرام عليك ..
حآرب ( بغرور ) : قوولي انج اتحبيني .. ادريبج انج تحبيني ليش اتكآبرييين ؟
طرفخ ( و هي تحآول تتفجج منه ) : فج عني .. مابآ حد يمر و يشوفك قابضني .. بعديين شوه بيقولون عنـا ؟!!
حارب ( بثقه ) : يقولوون اللي يقولونه انا ما يهمني حد ..
طرفه : بس انا يهموني .. ( و حطت ايدهآ على ايده عشآن اتفجج عمرهآ ) و كملت : اقولك ودرني بلآك مآ تفهم .. و الا تتحسبني وحده من الزبآله اللي اترمسهن و بتذلني ..؟ يكون فعلمك ترا هاي مب رجوله منك .. و انا ....
حارب ( و هو يقطع عليها بإنفعال ) : جــــــــب .. اقوولج جب و لا كلمـه ..
حارب ما استحمل كلماتها الاخيره ابدن و حس انها اتطاولت عليه .. و رفع ايده يبا يصفعها .. اما طرفه فانكمشت على نفسهاا و حطت ايدهاا على ويهها .. حارب نزل ايده على طول يوم شاف شكلهاا
طرفه ( بصوت واطي و مبحوح من الصياح ) : حراام عليك انا ما استاهل انك تسوي فيني جذه .. انا ما احبك .. اكرهك .. ( و بصوت اعلى ) اكرهــــــــك اتعرف شو يعني اكرهك !!
حارب ( و هو توه بيحط ايده على جتفهآ ) : طرفه انآ ..
طرفه ( و هي ترد على ورآ ) : لآ تلمسني لا تحط ايدك علييه .. انته انذل من مآ توقعت ..
حآرب ( بعصبيه ) : انتي دآيمـاً تستفزيني ..
طرفه ( و هي تصييح ) : انا مآ استفزيتك .. غروورك هو اللي خلآك اتسوي جذه .. تبآ كل شي على كيفك .. تبآ اتذل كل حد .. لازم كل شي يمشي على هوآك و الا بتجلب الدنيا !
حآرب ( بلا مبالاه ) : انآ مآ غلطت ..
طرفه صدت علييه واطالعته بنظره كلها ندم .. و روحت عنه .. و تم هوه روحه يفكر في رمستها و لكن رد و قال فخاطره : لازم تتأدب على طولة اللسان اللي فيها ..
كآنت مجموعة افكآر يطرن على بآل حآرب مره ايحس انه كارهنها و انهآ هي السبب لانهآ استفزته .. و مره ايحس انه هو اللي بدى و غلط عليها و اللي قالته كان دفاع عن النفس .. و مره ايحس انه وده يتراجع و يستسمح منها .. و يرجع يكآبر .. و هذآ هو الطبع الغآلب عند حآرب " المكآبره " !





+! في بيت بو عمـر +!


{ لا .. ما تباعدنا الدروب البعد هو بعد القلوب
الدنيا ما اتغير وفي .. مهما فـ مشاكلها نتوه
آآه يالعمر ما عرفت في غيبتـــــك راحه ..
ويــــــن الفــــــرج و الصبر ضيعت مفتاحـه }




شمامي تتمشى فالحوي روحها و تفكر في نفسها و في هزاع .. يالله اشكثر اتحبه و تغليه و ما تتخيل انها تقول كلمة أحبك لحد غيره .. لكن حاز فخاطرها انه القدر معاندنهم و لين اللحينه ما جمعهم .. فهالوقت رن موبايلها و كان المتصل هزاع .. فـ ردت على طول
شمامي : مرحبا الساع
هزاع ( بصوت متواني ) : مرحبا بج زوود
شمامي ( بخوف ) : هزاع .. بلاااك ؟؟
هزاع ( و هو يحاول يخبي اللي فخاطره ) : ما فيني شي .. انتي شحالج ؟؟
شمامي : مب بخير
هزاع : افاا .. رب ما شر ؟؟
شمامي : ابآ اعرف .. بلاك ؟؟ ليش صوتك متواني ؟؟
هزاع ( بتنهيده ) : و الله متكدر .. احس انج بتضيعيين من ايدييه .. مب متخيل انج اتكونين لغيري
شمامي ( و هييه اتحاول انها اتواسيه ) : لا تشل هم .. ان شااء الله انآ بنكون لبعض .. لانه لو اهلنا الله يسامحهم ظلمونا .. فـ الله ويانـا
هزاع : و النعم بالله .. علومج بعد ؟؟
شمامي : اممم دامك متكدر .. علوومي ما تسر ..
هزاع : فديت ويهج انا .. لا اتضايجيين بعمرج و لا تكدرين نفسج .. لا خليت منج انآ
شمامي : ان شآء الله من عيوني ..
هزاع : فديتهن هالعيون .. يعلهن سآلمآت ان شآء الله
شمآمي : ربي يسلمك من الشر
هزآع : هآه بعدهآآ حبيبتي متضآيجه ؟
شمامي ( بإبتسآمه ) : لا خلاص راحت الضيجه .. شوه مسوي في درآستك ؟؟
هزاع : عشانج و لأني وعدتج اني ادرس .. كل شي اوكيه .. و تمام
شمامي ( بدلع ) : شطور ما شاء الله عليك
هزاع : يااا ويل حالي علييييج .. شمووه تدرين خاطريه في شوه اللحينه ؟؟
شمامي ( بإستغراب ) : في شوه ؟؟
هزاع : خاطريه اشوفج لو 5 دقايق .. لو ثانيه .. من زمان مب شايفنج
شمامي : يالله كل هذا شوق؟؟
هزاع : ثرج مآ اتعرفييين قدرج في قلبييه .. و الله انج عآيشه فيني .. في دمي في قلبي في روحي في نبضي و صوتي في همسي في كل شي .. شمآمي انآ رآحت عني اميييه و مآ شفتهآ .. مآبآآج انتي بعد اتروحيين عني .. عشت عمرييه محروم منهآ .. مآبآ انحرم منج انتي بعد .. شمـآ انتي اكثر شي تمنيته في هالدنياا ..
شمامي ( و هي متأثره ) : هزآع فديتك .. انآ و الله فآهمتنك .. و و الله مثل مآ تبآني انآ بعد ابآآك من زمآن من كنآ صغآر و لين كبرنآ شويه كنت اسمع من هلنآ انآ لبعض .. لآ تتحسب انه انآ يهون عليه اني اكون حرمة وآحد غيرك .. بس .. صدقني طوول مآ نحن ويآ ربنآ .. الله بيكتبلنآ اللي فييه خيير النآ و بيتصآلحون هلنآ عآجل او آجل ..
هزآع : و النعم بالله .. حبيبتي انتي .. محد يفهمني و يقدر يخفف عني كثرج ..
شمآ : قووول آميييين .. الله لآ يحرمني منك ..
هزاع : آمييييييييييين ( و يضحك ) : ههههه بس بعدني متوله علييج .. و خآطريه اشوفج
شمامي : تعال بعدك شايفني قبل جمن يوم في المول .. و بعد اتقول من زمان مب شايفني يالظالم
هزاع ( بهمس ) : مشكلتييه مآ اشبع من هالوييه ..
شمامي ( بمستحى ) : هزاع ..
هزاع : هههههه عيوونه ..
شمامي : فديت عيونه ..
هزاع ( و هو يزاعج ) : احبج .. قسم بالله احبـــــــــــــــــــــــــــج
شمامي : ههههههه
هزاع : هيه ضحكي ضحكي .. شو عليج
شمامي ( بهمس ) : انزيين و انا بعد ..
هزاع : و انتي بعد شو ؟ تحبيني ؟
شمامي : هييه
هزاع : يا ربيييه انزيين انطقيهاا .. قولي حبيبي احبك
شمامي : اللحينه .. مااشي ..
هزآع : افاا .. و ليييش ؟
شمآ : لاني جريبه على الصآله مآبآ حد يسمعني
هزااع : انزييين ما علييه كله بظهره من عينج .. اصبررري بس انتي
شمامي : هههههه يصير خييير .. انزيين فديتك .. اسمحلي بسكر عنك اللحينه .. لاني اسمعهم يزقروني .. يمكن مآمآتييه تبآ شي
هزاع : اوكيي .. الله وياج .. و تحملي بعمرج ..
شمامي : و انته بعد اتحمل بعمرك ..
هزاع : ان شااء الله ..
شمامي : فداعت الله
هزاع : فداعت الرحمن ..
يلس هزاع يفكر .. في ابوه و عمه .. و بنت عمه .. و حبه الها .. و علاقته فيهااا .. و شوه النهايه .. و خطرت على باله المرحومه ( امه ) .. اللي عمره ما شافها و لا حس بحنانها .. و كان يتمنى لو انه له ام تغمره بالحنان و اتحسسه بحبها له .. صح انه ابوه مب مقصر وياه .. لكن اتم الام غيـــررر .. و تنهد و هو يقول : اللهم لا اعتراض على امرك ...
و اطالع ساعته شاف انه مب باجي على اذان المغرب غير 10 دقايق .. نش عسب يتوضى و يلحق ايسير المسيد .. لانه .. لانه يحس براااااااااحه كبيـــره و هو يتمشي لين المسيـد


CUT

to be continued>>>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 24-01-2013, 01:55 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7





( 6 )


+! عقب أذان المغرب ... في بيت المرحوم سهيل بن بطي +!



حارب يالس في حجرته و يفكر في طرفه .. و في الشي اللي صار امبينه و بينها .. و من الحوار اللي صار بينهم .. و مب ثابته في ذاكرته غير كلمه وحده قالتها طرفه .. ( اكرهك ).. و كانت ادور في باله أسئله هييه صدج تكرهني ؟؟ و الا بس رمسه ؟؟ مستحيل اتكون هالكلمه ظاهره من قلبها .. ( و يتنهد) : بس حرام انا معاملتي الها كانت جاسيه و زفته .. و هييه اكييد ما استحملتها ( و يتأفف بملل ) : افففف انا ليش حآطنهآ على بالي هالكثر .. انا ما احبها شوه يعني .. اتحبني .. تكرهني .. كله واحد
مآ تفرق معآيه .. وآيد !

كان حارب يقنع نفسه بهالرمسه بس العكس كان يصير .. لانه كلمة اكرهك لمست فيه شي و مب مخلتنه مرتاح .. حارب كان متناقض حتى مع روحه .. يقنع نفسه بشي و في داخله شي ثاني ... مره يكون طيب .. و مره يكون جاسي .. مره يهتم فـي طرفه .. و مره يستنكر اهتمامه فيها .. قطع عليه حبل افكاره .. اخوه بطي و هو يفتح باب حجرتـه فجأه
حارب ( و هو متفاجأ بطريجة بطي ) : حوووه وين تبا ؟؟ شعنه تفتح الباب جذه ؟؟
بطي ( و هو يدخل و يسكر الباب وراه ) : انا ابا اعرف شي وااحد بس .. انته متى بتستحي على ويهك و بتحس على دمك !
حارب ( بلا مبالاه ) : اوهووو .. شوه له هالرمسه اللحينه ؟؟
بطي ( بعصبيه ) : لانك واحد ما همه في هالدنيا غير المغازل .. تتعرف على وحده و تودر وحده .. ما قلنا شي .. اماايه متشفقه اتشوفك معرس و انته مسووي عمرك شآل هالفكره من بآلك لله .. و من مناااك انته شبعآن من اللوث لي عندك و كآسر بخآطرهآ بعد انطمينا و سكتنآ و لآ قلنآ شي .. ( و يتقرب منه ) : لكن توصل فيك المواصيل انك اتعامل بنت خالك الوحيده .. شرا ما تعامل .. هاللي ترمسهن .. هذا هوه الشي المرفوض و إللي ما اقبل به .. البنيه تيي بيتنا لانها حاستبنا اهلها .. و لانه خالي و حرمته اغلب الوقت مخلينها روحها و مشغوليين عنها .. و انته بشغلتك اللي سويتها اليوم بتبعدها حتى عنا نحن يعني في ذمتك هيه حليلها منوه الها غيرنا !!!
حارب ( و هو مب مهتم ) : ليكون بس يت تشتكي عندك ؟ ( و يكمل بإستنكآر ) : و انته عاده مآ جذبت خبر .. سيده صدقيتهآآ
بطي ( و هو يطالع حارب بنظره ) : يالييت و الله .. ياليتهآ تشتكي .. البنيه دووم اتحط في قلبها و اتصخ .. لكني اليوم العصر شفتكم من فوق ..
حآرب ( بإسلوب استهزآء ) : صدق و الله ؟ و شو شفت ؟
بطي ( بإنفعآل ) : انته نذل .. تبآ اتظهر قوتك على بنيه ؟؟ و اتسمي عمرك رياال بعد !!
حآرب ( و هو يوقف و يزآعج ) : احترم نفسك و لآ تستفزني .. انآ مآ سوييت شي كنآ نرمس بس .. لآ اتقول لي بعد انك سمعت شو قلنآ ؟؟ و بعديين بنت خآلك هاااي لساانها طوييل
بطي ( و هو يحآول يتمآلك اعصآبه ) : الله اييبج يآ طولة البآل .. انزيين يالمحترم يوم كنت على قولتك بس ترمس .. شعنه أتجرأت و لمست البنيه وييين تتحرى عمرك عاايش ؟؟ لا خيال و لا مستحى !!! .. و بعديين انآ شفتك و انته ترفع ايدك و شفتهآ يوم صآحت .. هآآآه بعدك بتنكر انكم كنتو تتضآربون ؟؟
حارب تم ساكت و ما قدر يعلق على رمسة أخوه لأنه يدري انه غلطان و الغلط راكبنه من ساسه لين راسه .. فـ فضل انه مآ يعلق .. هو دآخلياً مب مقتنع باللي سواه بس يكآبر
بطي : و الله اقولك و الله .. لو طرفه نطقت بهالسالفه عند الوالده .. ليكووون هاليوم هو آخر يوم لك في هالبيت .. امايه مربتنها و تعزها .. و دووم كآنت اتقول لي انهآ تتمناها لك .. لكن ما اقول غير .. الحمدلله انها ما اتسرعت و خطبتها لك .. لانك ما تستاهلها و اصلن ملاك مثلها حرام في عديم احساس مثلك ( و ظهر عنه و هو يرضخ بالباب )
يلس حآرب على شبريته و هو يفكر .. في رمسة بطي .. ( و يقول في خآطره ) : معقوله انه امه كآنت تبآ تخطبله طرفه .! بس هي عمرها مآ فآتحته في هالموضوع .. هييه يمكن .. كآنت اتلمح له مرآت انهآ كبرت و احلوت .. و يوم كآن ايقولهآ انه ايشوفهآآ بعدهآ يآهل .. كآنت تسكت و مآ تعلق .. و رد وقف .. و هو يطرد هالافكآر كلهآ من باله و يقول : انا لييش شآغل بآلي وياهااا .. هااي الانسآنه مآ تهمني .. مآ تهمني ابــددن .. ابدن .. ( كآن يكرر عشآن يقنع نفسه انهآ مآ تهمه ) و اللي سوييته اناا كآن رد على استفزآزهآ و طولت لسآنهآ .. انآ ادري حآرب في عينهم دوووم غلطآن .. لكني مآ غلطت .. هي تستآهل اللي يآهآ و لو تمت تتحدآني بتشوف زوود ..
طلع بطي عنه و سار يتمشى لين حجرته .. كآن بطي يعد طرفه خته و غلاتها من غلاة غايه بالضبط .. و كان يحن عليها وااايد .. لانهاا وحيده و مآ عندهآ اخوآن و لآ خوآت .. و اول مآ وصل حجرته حاول انه يكون عـادي جدام مهاري و لا يبين الها شي .. دخل الحجره و يلس على الغنفه .. و لا ارادياً سرح شوي و تم ايفكر في اخووه و كيف انه وصل الهالدرجه .. ما يحشم حد !!
مهره ( و هييه تيلس حذاله ) : بلاك حيااتي ؟؟
بطي ( بابتسامه ) : ما شي فديتج .. انتي شوه كنتي اتسويين ..
مهره : كنت ارمس خوويه مروان .. يقوول انه الوالده ارتفع عندها الضغط و ودووها المستشفى ..
بطي : انزيين .. و شوه صحتها اللحينه ؟؟ عسااهاا بخيير ..
مهره : لا الحمدلله .. غدت اخير ..
بطي : انزيين .. هييه اللحينه فالبيت و الا المستشفى ؟
مهره : فالبيت ..
بطي : خلاص عيل اليوم ان شاء الله عقب صلاة العشا انا و انتي و الوالده بنسير الها عسب انسلم و نطمن عليها .. ولهت عليهآ عموه ..
مهره ( بابتسامه ) : لا خلييت منك ياا رب ..
بطي : و لا منج يا ربي ..
ابتسمت له مهره .. و حطت راسهاا على جتفه ..
بطي ( و هو يقبض ايدها و يحبهاا ) : شخباره ولدييه ؟؟
مهره ( و هي تحضن ايده ) : بخيير الحمدلله .. بس ليش ولد يعني مب يمكن اتكون بنت
بطي ( و هو يحط عينه في عينهآ ) : بنت و الا ولد انا ما همني يووم انج انتي امهم يسدني هالشي لاني احبج .. و احب اي شي من ريحتج ..
مهره : فديت رووحك اناا
بطي ( و هو يغمز الها ) : تفدااج هالروح و راعيهاا
مهره ( بإبتسآمه ) : بطآي حبيبي
بطي : عيوونه .. آمري ..
مهره : يعلهن سالمات يا ربي .. بسيير اخبر عموه انا بنسير عند امايه .. و انا بعد بنش اتجهز ..
بطي ( و هو يقبضهاا من ايدهاا ) : خبري الوالده و تعالي مب لازم تتجهزيين اللحينه
مهره : بطـــــاي .. لازم انقفض بسـرعه فديتك ..
بطي : ههههه العوزج بس .. برآيج سيري خبري الوالده و اتجهزي .. انا بتريااكم ( ابتسمت له مهره و روحت ) عقب ما أذن العشى صلن ام بطي و مهره و يلسن يتريين بطي .. رد من المسيد و على طول وداهن صوب بيت بو مـروان ( بيت اهل مهره )



+! في بيت بو محمد +!


وصل حارب صوب الصاله و هود .. محد رد عليه .. عرف انه خاله روحه فالبيت .. فـ سار صوب المكتب و دق الباب بو محمد : اتفضل ..
حارب : ايزييد فضلك ..
و نش بو محمد اتواايه ويا حارب و ردو يلسوو ..
حارب : شحالك خالي ؟؟
بو محمد : بخير يعلك الخير .. انته شحالك ؟؟
حارب : بخير الحمد لله .. يسرك الحال ..
بو محمد : دايم الدووم ان شااء الله
حارب : وياك يالغالي .. اقوول خالي انا خلصت من المناقصه اللي عنديه ..
بو محمد : هاااه بشر ..
حارب : رست علينااا
بو محمد : هذا احلى خبر سمعته اليوم هالمناقصه كانت واايد هامتنيه و ما كنت اريدها ترسي على اي حد غيرنا ..انزيين و خبرني المناقصه اللي خبريتني عنها امسات فالمكتب منوه داخل منافس وياانا فيها حارب : و الله هوامير اللي داشين .. يعني المهميين هم .. بو هزاع .. و بو يمعه .. و بو مروان
بو محمد : هييه .. بو يمعه لازم بيدخل .. امبونه ذييب السوق
حارب ( بثقه ) : ذييب السوق على كل التجار الا نحن ..
بو محمد ( بإبتسآمه ) : تعيبني يا حارب .. الطموح و الثقه و الاصرار .. اهم شي لنجاح شغلنا
حارب ( و هو يرد على خاله الابتسآمه ) : فالك طييب .. كل اللي تبغيه بنسوويه ..
بو محمد : فالك ما يخييب يا ولدييه ..
فهالوقت دقت الخدامه الباب و دشت و هييه يايبه القهوه و الكيك .. وطته و سارت .. و تمووو بو محمد و حارب ايسوولفوون فالشغل .. و المناقصات .. و العقآرآت ..
عقب فتره ... مره ثانيه حد دق الباب .. و بو محمد .. عرف انها طرفه لانه يدري انه حرمته هب فالبيت ..
بو محمد : اتفضلي يا طرفه
طرفه ( بابتسامه ) : يزييد فضلك فديتك ..
و تمت واجفه مكانهاا و ويهها كله ذهول و استغراب .. ما اتوقعت انه حارب ايكوون عند ابوها .. و بمعنى اصح .. ما توقعت انها اتلاقيه بهالسرعه من عقب الموقف اللي صار بينهم
طرفه ( و هييه تتدارك عمرها ) : السموحه منك بابا .. ما كنت ادري انك مشغوول .. خلاص اسمحلي انا بروح اللحينه و برد خلاف ..
بو محمد : لا فديتج تعالي ..
طرفه ( و هي ترص على اصآبعهآ من الاحرآج ) : باباه خلاص عقب ..
بو محمد : طرفه بابا .. ادخلي محد غريب هنه .. هذا حارب ولد امايتج شرينه .. يعني مب غريب
حارب : خلاص خالي اسمحلي انا بروح ~>> الريال يبا يثقل اونه ^_*
بو محمد : لا تروح و لا شي ..
حارب : يمكن هييه تبا اتقوولك شي .. و وجودي يضايجها ..
بو محمد : لا خل عنك هالرمسه .. و طرفه ما كنت تقصد كلامهاا .. و يصد على طرفه : مب صح طرفه ؟؟
طرفه ( بدلع و إبتسامه برزت غمآزآتهآ ) : صح يا روح طرفه انته ..
بو محمد : انزيين ادخلي تعالي صوب ابووج ..
طرفه : ان شااء الله ..
و سارت وقفت حذاله .. و حارب ما شل عينه عنهااا من اول ما يت .. و بالخص يوم خاله يرمسها و ما يلاحظه ايتم يطالعهااا بتفحص ..
بو محمد : بسم الله عليج بلاه ويهج محمر .. انتي صايحه ؟؟
طرفه ( و هييه مرتبكه من رمسة ابوهاا ): لااا يمكن لاني كنت راقده ..
حاارب تم يطآلعهآآ و يتذكر الموقف اللي صآر فالحديقه .. و انه هو اللي صيحهآ .. حس انه متلوووم ..
بو محمد ( و هو يحط ايده على يبهتها و يتحسس و يهها ) : صدج لانج كنتي راقده .. و الا فيه شي يعورج .. اييج شور تعالي بوديج المستشفى
طرفه : بابا و الله ما فييه شي .. لا اتعب عمرك ..
بو محمد : صدج ؟؟
طرفه : و الله اني مب تعباانه .. و ما يحتااي انسيير المستشفى .. من جرييب ماما مودتني
بو محمد : الحمدلله طمنتيني ..
طرفه : ربي يطمن قلبك دنيا و آخره
بو محمد : آآمين .. انزيين ما قلتيلي .. شي فخاطرج ؟؟
طرفه ( و هييه تحبه على راسه ) : هييه ..
بو محمد : عيوني لج آمري ..
طرفه : يعلهن سالمات .. بس بغيت اترخص منك لاني اريد اظهر عقب ربع ساعه ..
بو محمد : وين بتسيريين ؟؟
طرفه : بسير تويز آر اص .. بآخذ دبادييب و العآب .. و عقب بمر على باسكن روبنزو بآخذ حق سوسي اكل .. و عقب بآخذلي عشى من ماكدونالز و برد البيت .. مآ بطول ان شآء الله
بو محمد : يا طرفه يا حبيبتي .. بسج من هالدبادييب .. انمزرت حجرتج ..
طرفه : لآ فديتك هالمره مب حقييه حق حفيدنآ المنتظر .. حق البيبي ولد مهاري و بطي ان شآء الله ..
بو محمد : اخاافج تتحيريين .. ترآني يمكن اظهر خلآف ..
طرفه : لآ برآآيك جآن بتظهر .. بس انا برد بسرررررعه
بو محمد : خلاص دامج مصره ما اروم اقوولج شي .. بس رمسي امج طمنيهاا عليج ..
طرفه : ان شااء الله .. يالله بسيير شي فخاطرك ؟؟
بو محمد : سلامة روحج .. و هالله هالله بالدرب
طرفه : ربي يسلمك .. و فالك طيب .. ( و حبته على خده و روحت )

اما حارب فتم يطالعها و يفكر .. يحسبهاا مزيج من الصفات المتناقضه .. مغروره .. حبووبه .. متكبره .. طيووبه .. دلووعه .. يااهل .. عنيده .. يعني 100 صفه ممكن ايطلع الها اياها الواحد لو دقق في تصرفاتها .. لكن احلى صفه فيها .. انها جذابه بشكل فظيع .. و دلعها و طفولتها .. شيئين ما شي خلاف عليهن .. انهن ايجنن بأي حد ..
بو محمد : حارب ..
حارب ( بشرود ) : عونك ..
بو محمد : عانك الرحمن .. بعد شوه اخبار الشغل ؟؟
حارب : و الله كل شي اوكيي و تمام .. و دامني وراه لا تحاتي .. و لا تشل هم ..
بو محمد ( بابتسامة رضا ) : شي أكيد و معلوم
و تمو يسولفون حوالي عشر دقايق ..

و عقب ..
.

.

.


حارب : انزيين خالي انا بروح اللحينه .. شي فخاطرك ؟؟
محمد : سلامة راسك بو
حارب : ربي يسلمك .. مع السلامه
بو محمد : ربي يحفظك



{ بودع شوقك الزايف

بودع عالمك يا هم

بودع للابد انساان

رخص في ناظري قدره }





ظهر حارب من بيت خاله و صددفه .. شاف طرفه .. و شكلها توها ظاهره من الصاله .. بغى يكلمها .. اتردد اول شي .. و لكن عقب زقرها .. كان هالوقت احساسه بالذنب يحركه انه يرمسهاا ..
حارب : طرفه
طرفه : نعم ؟؟ خير ؟؟
حارب : السموحه منج عاللي صار اليوم ..
طرفه ( بإبتسامه كلها استهزاء ) : و شوه تتوقع مني .. و الا شوه المفروض عليه .. اني اقوولك مسموح يا حارب ..
حارب : .......................................
طرفه : لا اسمحلي يا ولد الغاليه .. انته يرحتني في كرامتييه .. و انا مستحيل اسامحك بهالسهوله .. و لا جنه فيه شي صار .. انته لازم تدفع ثمن اليرح العميج اللي سببته لي .. و لو كنت اتيوزت وحده غيري .. و الا حبيت غيري .. و الا اتجاهلت الشي اللي عرفته عن مشاعريه .. كان اهون عليه من انك اتواجهني بهالشي و تحاول اتذلني فيه .. ( (و صدت عنه عطته ظهرها ) : لكنك ظهرت انسان جاسي ما تحس و لا تحب الا نفسك و اشك انك عرفت الحب الحقيقي في يوم من الايام
حارب ذبحته كل كلمه قالتها له طرفه .. بس كان يدري في داخله انه الشي اللي سوااه فيهاا اكثر .. لانه حتى ما حس بدموعهاا يوم صاحت
حارب ( و هو يسير و يوقف جدامها ) : يعني اللحينه انتي تكرهيني ؟؟
طرفه ( بتهرب ) : ما اعرف .. ( و يت بتروح )
حارب : انزيين .. ممكن نتفاهم ؟؟
طرفه : حارب .. دخيلك .. خلني فحالي .. ما فيه شي بيني و بينك عسب ارمسك و الا اناقشك فيه ..
حارب : بس انا عنديه و اريد ارمسج
طرفه : و انا ما عنديه استعداد اني اسمع ..
حارب ( و هو يركز نظره على ويهها و بالتحديد عيونها ) : اتحبيــــــــني ؟؟
طرفه ( و هييه تتلفت و تتطالع كل مكان الا عيونه) : ما اعرف .. ما ادري .. لا تسألني ..
حارب ( و هو يمسك ويهها ) : حطي عيونج فـ عيوني و جاوبي ..
طرفه ( و هي تحس انهآ بدت تضعف من نظرآته ) : خلاص ودرني .. ما عندي جواب لاسئلتك .. اريد ارووح
حارب : انا استسمحت منج و انتي اتحبيني .. ليش ما ترضين .. اتحبيني و لج قلب ما تسامحيني ..
طرفه ( تبتسم باستهزاء ) : تعرف شوه مشكلتك يا حارب ؟؟!!
حارب : شو ؟
طرفه : انك تتحسب انك بالمحبه تقدر تذل اللي يحبك .. و هالشي غلط .. عمر المحبه ما كانت مذله .. و اذا انته فاهمنها جذه .. معناته انك للحينه ما حبييت ..
حارب : انزيين .. السموحه منج .. قوولي مسموح .. ما بتكلف علييج واايد ..
طرفه ( و هييه ترفع راسها و دموعها فعينها ) : ما اقدر يا حارب .. يرحك كبير و ذبحني مليوون مره .. لانك ما يرحتني انا بس .. انته يرحت قلبيه و كرامتيه .. و اللحينه خلاص مآ يخصنيه فيك و لآ انته بعد ايخصك فييه .. صرت هامش في حياتي .. و بلييز .. لا اتعرض لي من اليوم و ساير و بعديين .. نحن امبونا ما نرمس ويا بعض واايد .. خلنا مثل اول و الا اعتبر انه بنت خالك ماتت و فك عمرك ..

حارب تم واقف و هو منصدم من رمسة طرفه .. ما اتوقعهاا بهالدرجه من العنـــاد ..اما هييه فـ عقب ما تاحت اللي فخاطرها .. سارت تربع صوب سيارتها و دموعها على خدها .. و ركبت موترها و ظهرت من البيت و بالها ما وقف عن التفكير .. و في خاطرها مليوون سؤال و سؤال .. ليش هييه حبت واحد عديم احساس و اناني مثل حارب ؟؟ ليش حارب ظهر بهالقسوه ؟؟ ليش حارب يرحها اول مره بسالفة لميا ؟؟ وكمل عليهاا اليرح يوم عرفت انه مغازلجي و لعاب و آخر شي تصرفه ويااهاا اليوم حستبه مثل الطعنه في صدرها .. ليش قلبها اللي حب حارب بكل نبضه فيه .. و لآخر نبضه منه .. رافض انه يسامحه .. ( و تتنهدت ) : مليوون آه و آه .. ما تشفي الشي اللي فخاطريه يا حارب .. ( تمت تتمشى بموترها .. و ما قدرت تنزل مكان .. لانه مزاجها اتعكر و اتضايجت .. و ما كان الها خاطر على شي .. (
و على طول يودت موبآيلهآ و اتصلت لامهآ .. عشآن اتخبرهآ انهآ .. ظآهره .. دقت لامهآ و مآ ردت اول مره ..
رجعت دقتلهآ مره ثآنيه .. و ردت ..
طرفه : السلآم علييج ..
ام محمد : و عليكم السلآم و الرحمه ..
طرفه : مآ اسمع عندج حشره ..
ام محمد : هيه خبرتج ترآنيه سآيره عزيمة ام عبدالله ..
طرفه : لآ مآ قلتيلي .. مآ شفتج من الصبح انآ
ام محمد ( بصوت وآطي ) : انآ عند الحريم انتي متصله اتقولين جذه ؟
طرفه : لآ .. بغيت اخبرج اني بظهر اللحينه ..
ام محمد : وييين ؟؟
طرفه : مآمآ خبرت بابا و مآ قآل شي .. بس قآل عطي امج خبر ..
ام محمد : خلآص دآمنج مخبره ابووج .. بس .. لآ تتحيريين برآآ
طرفه : ان شآآء الله ..
ام محمد : اتحملي بعمرج .. فمآن الله
طرفه : فمآن الكرييم ..


+! الساعه 8 و نص .. في بيت بو مروان +!


ام مروان يالسه فالصاله ويا بنتها ميثاني .. و دخلوو عليهم .. ام بطي و بطي و مهره .. سلموو و يلسووو
ام بطي : ما تشوفين شر يا ام مروان ..
بطي : يعله في عدوينج عموه ..
ام مروان : الشر ما اييكم و تسلمون .. شعنه تعبتو عماركم .. انا ما فييه الا كل خير
ام بطي : افاا عليج انتي غاليه يا خويتييه .. و تعبج راحه ..
ام مروان : امبونج راعية واجب يا ام بطي ..
ام بطي : تسلمين .. هذا من طيب اصلج فديتج ..
مهره : عيل وين بويه .. و مروان ؟؟
ام مروان : ابوج فالميلس ويا الرياييل .. و اخوج ظاهر .. ما ادري به وين ساير ؟؟
مهره : هييه
بطي ( و هو ينش و يحب عمته على راسها ) : خلاص عيل اجر و عافيه يالغاليه .. و اسمحوولي بسير اسلم على عميه .. و ايلس وياه فالميلس ..
ام مروان : ربي يعافيك .. و مرخوص يالغالي ..
ام بطي ( و هييه تصد على ميثا ) : شحالج فديتج و شخبار الدراسه ؟؟
ميثا : و الله الحمدلله .. نشقح و ننطح و اندز عمارنا ..
ام بطي : ههههههه يالله شدي حيلج .. و ربي يوفقج ..
ميثا ( بابتسامه ) : ان شااء الله .. فالج طييب ..


عايلة ( بو مروان )

عبدالله 50 سنه .. متيوز من آمنه ( ام مروان ) 45 سنه

و عندهم من العيال :
مروان ( 28 سنه ) متخرج من جامعة الامارات .. و يشتغل ويا ابوه في شركتهم الخاصه .. للحينه عزآبي و مب متيوز ..
مهره (24 سنه ) متخرجه من تقنية الشارجه .. و متيوزه بطي .. و هييه مستانسه و مرتاحه وياه لانه يداريها و يهمه رضاها .. و يقدر منها و من اهلها
ميثا ( 18 سنه ) بعدها فالمـدرسه .. صف ثالث علمي .. و هييه ربيعة ساره خت شمامي الروح بالروح .. و دومهن ويا بعض ..
نبذه عن العايله :
بو مروان ريال طيب و يحب عايلته واايد .. و تهمه راحتهم بالدرجه الاولى لو على حساب نفسه ..و هوه تاجر كبير و معروف .. و حرمته هيه آمنه حرمه طيبه ما قط في عمرهاا اذت حد و لا غثت حد برمسه و الا حايه .. حرمه قلبهاا ابيض و طيب و تنحط عاليرح يبرى .. اما بجرهم فهو مروان جامعي .. يشتغل ويا ابوه فالتجاره .. للحينه ما اتيوز معنه وصل الـ 28 سنه .. لكنه على قولته يبآ يتنقى اللي بيتيوزهاا على عينه .. و عقبه مهره .. و طبعن متيوزه و مرتاحه في حياتهاا الزوجيــه و مستانسه .. و عقبهم ميثاني و هييه ثانويه عامه و هالبنت آخر العنقود و دلوعة البيت .. و بالخص ابوها و اخوها مروان اللي ما ايحبون ايردون الها طلب ..



+! في شوارع الشارجـــه +!



طرفه بعدها تتمشى بموترها .. و مالها خاطر تنزل مكان .. و مزاجها متعكر .. و هييه متضايجه .. و لين اللحينه صورة حارب تتراوالها كل شويه .. نظرآته .. حركآته .. وااايد اتحسه متهوور .. و مآ يفكر قبل مآ يسوي اي شي .. مآ يرآعي .. لو حد شآفهم .. قآلت في خآطرهآ : اممم شكله مآ بيخليني في حآلييه و بيتم يضغط عليه وآيد .. انآ كآرهتنه من تصرفآته .. بس جذه مآ بيسآعدني اني انسآآه .. كل يووم و رمسنييه .. لآزم اتجنبه كثر مآ اقدر .. و اتجنب اني ارووح لأمآيه شرينه و هو موجود !!
و من كثر ما كان باالها مشغول بالتفكير .. ما كانت مركزه على السواقه .. تمت على حالها تتحوط بموترها .. ما وحى الها دقايق و جان تسهى .. و ما وعت الا و موتر ياينها جدامها .. حاولت انها تضرب بريك .. بس للأسف دعمت الموتر .. و اغمى عليها على طول من قوة الرضوض اللي يتها في جسمهاا .. و مآ وعت على عمرهآ الا فالهسبيتل ..


+! و عقــــــب فتره .. +!

فالهسبيتل .. كآن الريآل اللي دعمتله طرفه سيآرته .. وآقف يتريآ الدكتوور .. عسب يطمن عليهآآ ..
و عشآن يعطيهآ تيلفونهآ و الـهآند بآق ..
ظهر الدكتور و هو يبتسم له ..
مروان : هااه بشر يا دكتور .. شخبارها ؟؟
الدكتور : الحمد لله .. عندها شوية رضوض .. بس
مروان: الحمدلله انها يت على جييه ..
الدكتور : هيي بتقرب لك ؟ اختك و الا مرتك ؟
مروان : لا هاي و لا هاييج .. هييه من الاهل يا دكتور ..
الدكتور : ايووا .. لكن دق لأهلها طمنهون عليهاا ..
مروان : ان شااء الله .. اللحينه ممكن اني اطمن عليها ..
الدكتور : اييه ممكن ..
مروان : اوكييي .. مشكور يا دكتور
الدكتور ( بإبتسامه ) : العفوو .. و روح ..
اما مروان فـ سار صوب حجرتها .. و قبل لا يدخل هوود ..
مروان : هوود .. هوود
طرفه(و هييه تعدل يلستها ) : هدا
مروان : شحالج اللحينه ختيه ؟؟
طرفه : بخير الحمدلله ..
مروان : الحمدلله ..
طرفه ( و هييه منزله راسها و عينها بدت ادمع ) : تسلم و الله على كل شي .. تعبتك معاايه .. اسمح لي مروان : افاا عليج مسموحه .. نحن اهل و نسايب و ما شي امبين الاهل شكر
.. طرفه : تسلم ..
مروان : الله يسلمج ..

طرفه تمت ساكته و دموعها ينزلن على خدها ..

مروان : ختيه ليش اتصيحيين ؟
طرفه : لو ماا عندك مانع بغيت تيلفون .. ابا اتصل حق الاهل .. عسب اييون ..
مروان : موبايلج تم عندي من عقب الحادث .. و الوالد و الوالده كانو يتصلون لج واايد ..
طرفه : اكييد بالهم مشغوول
مروان ( و هو يسير صوبها و يمد ايده ) : اتفضلي .. و خذت طرفه موبايلها و توها بتتصل ..
مروان : انزيين السموحه منج .. انا اللحينه بسير خاري بتريا هلج لين ما اييون عقب برد البيت ..
طرفه : مشكوور و ما قصرت ..


ظهر مروان من الحجره و تمت طرفه تتصل لامها و ابوهااا .. بس امها ما اترد و ابوها موبايله مغلق .. اتوهقت و ما عرفت شووه تسوي من صوب هييه مفتشله من مروان و ما تقدر اتقوله تم ويايه .. و هييه اتخاف اتم فالمستشفى روحها .. كآن مشتته .. بس تسكر عن امهآ .. و تتصل لابوهآ ..
قالت فخاطرها : الله يسامحكم يوم انكم حطيتوني فهالموقف .. شو اسوي اللحينه !!
عقب تمت اتفكر و قآلت في خآطرهآ : انا ما اييوز اخلي الريال يتريا براا بدون فايده .. خلني ارخصه حراام واايد ... تعبته معااي .. و ....... فآينلي قررت انهآ اترخص مروآن ..
طرفه : لو سمحت ..
مروان : لبيه ..
طرفه : تلبي في مكه .. خلاص .. رد لاهلك البيت اكييد يحاتونك .. مرخوص برايك
مروان : و هلج انتي متى بيوون ؟؟
طرفه : محد ايرد لا ماما .. و لا بابا .. مآ ادريبهم ..
مروان : بس ما اييوز انا اخليج روحج هنه .. بتصل حق ختيه مهره .. بخليها اتخبر بطي ..
طرفه : ( ارتاحت لاقتراحه ) : اوووه و الله رآحو عن بآلي .. اوكيي ما عليه ..
ظهر مروان عنها و سار وجف خاري و اتصل لاخته مهاري .. و كانت يالسه فالصاله ويا عمتها و بطي ..
مروان : السلام عليكم ..
مهره : و عليكم السلام و الرحمه .. شحالك ؟؟
مروان : بخير ربي يسلمج .. انتي شحالج ؟؟
مهره : بخير الحمدلله ..
مروان : مهره بغييت اخبرج عن سالفه ..
مهره : هلاا .. آآمر ..
مروان : بنت خال ريلج .. طرفه ..
مهره : بلاهاا ؟؟
مروان : سووت حادث .. و اللحينه هييه فالمستشفى
مهره ( بخوف ) : وااعليه عنهااا .. اي مستشفى ..
مروان : القاسمي
مهره : اللحينه بنسير الها .. مروان خلك وياها لا تروح لين ما نوصل ..
مروان : ان شااء الله ..
مهره : يالله عيل فداعت الله ..
مروان : فداعت الرحمن ..
من سكرت مهره عن اخوهاا خبرت ام بطي و بطي عن السالفه و على طول شغل بطي موتره و الحريم لبسن عبيهن و روووحوو صوب المستشفى ..

عقب 10 دقايق وصلووو المستشفى .. و سارو على طول صوب الحجره اللي طرفه فيهاا و شافوو مروان و سلمو علييه .. و اتوايهـو .. هوه وبطي ..
ام بطي ( بخوووف ) : بشر يا ولدييه شخبارها طرفه ؟؟
مروان : الحمدلله بخير .. بس يتها شوية رضوض ..
ام بطي : الحمدلله على كل حاال .. بسير الها الحجره بشوفها ..
مهره : و انا بي ويااج عموه ..
بطي : يالله انا و مروان لاحقينكم ..

و دخلوو باربعتهم عندهاا .. اما مروان كان واجف بعيد عنهم شووي صوب الباب .. طرفه من اول ما شافت عمتها شرينه صااحت .. و حضنتهااا
ام بطي : حبيبيتي لا تصيحيين انا هنه ..
طرفه ( و دموعها على خدها ) : دقييت حق ماما و بابا بس محد فيهم رد .. و ..
ام بطي ( و هييه تقطع عليها و تمسح دموعها ) : غناتي لا تصيحيين انا موجوده ويااج اكيد امج و ابوج ما انتبهوو لموبايلاتهم و هييه ترن ..
طرفه : فديتج و الله .. انا بدونج ما كنت اعرف شووه بسووي
ام بطي صخت و تمت اتمسح على ويهها .. و هييه خاطرها مكسوور على بنت اخوها الوحيده .. اللي بصدج مب محصله الاهتمام الكافي من اهلها
مهره : مروان الدكتور قال عاادي اترد البيت اليوم ؟؟
مروان : هييه عاادي .. قوولووله و بيرخصهاا ..
مهره : اوكيي
مروان : خلااص عيل انا اسمحوولي اللحينه .. لازم ارد البيت ..
الكل : مسموووح ..
ام بطي : و تسلم يا ولدييه ..
مروان ( بابتسامه كانت معنايه لطرفه اكثر من اي حد ثاني ) : الله يسلمج من الشر يالغاليه
بطي : انا بوصلك لين الباركنات .. و خلاف بسير عند الدكتور عسب آخذ منه ورقة الخروج ..
مروان : يالله حياك .. سارو هم الاثنينه صوب الباركنات و هم ايسولفوون ..
مروان : بطي .. تسمحلي اسألك سؤال .. و لو ضايجك لا اترد ..
بطي : افااا عليك ... عاادي اتفضل و أسأل عن اللي تباه ..
مروان : عنديه احساس انه بنت خالك مفتقده الحنان يعني ما اعرف كيف اقوولك بس بصراحه جنهاا يااهل اتخيل يوم اتصلت حق امها و ابوها و ما ردو تمت اتصيح .. و خافت انها اتم ابروحهاا .. شي غريب على وحده في عمرها ..
بطي : و الله شوه بقوولك .. خالي دوووم مشغوول .. و حرمته بعد مشغوله ويا دوامها و .. و اذا فضو اتفرغو حق علاقاتهم الاجتماعيه و معآرفهم.. و هم معودينهاا على انه اي شي تطلبه اييبونه الهااا .. و يعاملونهاا جنهاا ياهل يخافوون عليهاا من كل شي .. عسب جذه جييه ظهرت شخصيتهاا .. حتى يوم كبرت كل حد يحس انهاا بعدها يااهل
مروان : حليلهاا .. ربي يعينهااا .. خلاص عيل الغالي انا بسير اللحينه .. شي فخاطرك؟؟
بطي : سلامتك ..
مروان : ربي يسلمك من الشر ..
و روح مروان و هو يحس بخاطره مكسوور على طرفه .. يحسبهاا جنهااا يتيمه معنه اهلهاا عايشيين .. بس هووه حب فيهاا رووح الطفوله .. و اتذكر لما كان ايشوفها في بيت عمتهااا من بعيد .. بس اليوم شافها و عرفها عن قرب اكثر .. و استااانس من هالمعرفه .. اما بطي فـ رد سار صوب الدكتوور .. و خذ منه اذن الخروج .. و سار صوب طرفه و ردو البيت .. كلهم ..



CUT

to be continued>>>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 24-01-2013, 01:58 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7





( 7 )




+! الصبـــح الساعه 6 و نص .. في بيت المرحوم سهيل بن بطي +!


ام بطي يالسه في حجرتهآ تستغفر و تدعي من بعد مآ قرت .. امس مآ رقدت عدل اتحس بعمرهآ مب مرتآحه .. تفكيرهآ كله في طرفه .. تحآتيهآ .. اتخآف انهآ تفآتح خليفه و اليآزيه فـ السآلفه .. و مآ تستفيد شي .. قطع عليهآ تفكيرهآ حآرب اول مآ دق البآب و دخل على طوول ..
حآرب ( و هو يحبهآ على رآسها ) : السلآلآم علييكم و رحمة الله و بركـآته .. صباااح الطآآعه
ام بطي ( بإبتسآمه ) : و عليكم السلآم و الرحمه .. صبآح النور و السرور ..
حآرب ( و هو اييلس حذآلهآ ) : شحآلج امآيه ؟ شو اصبحتي ؟
ام بطي : الحمدلله طيبه .. انته شو مسوي و شو اصبحت ؟
حآرب ( و هو ايحط رآسه على حضنهآ ) : مآ رقدت .. احس الصدآع بيطر لي رآسييه ..
ام بطي ( و هي تتحسس ويهه بإيديهآ ) : خلآلآص عيل لآ ادآوم اليووم ارتآآح ..
حآرب ( و هو يغمض عينه بقوو ) : مآ اقدر بتملل من يلسة البييت ..
ام بطي : بس لآزم ترتآح ..
حآرب ( و هو اييلس ) : ان شآآء الله .. لآ تشليين هم فديتج ..
ام بطي ( بإبتسآمه ) : الله يرضى علييك دنيآ و آخره ..
حآرب ( و هو يحب ايدهآ ) : آمييين ..
" ذكر انه موبآيله .. كآن مغلق امس طوول الليل لانه كآن يبآ يتم برووحه ..
لقى 3 مسجآت من عنووود ..

" الصبآآح اللي ملآه الشووق .. مو اسمه صبآآح
يمكن اسمه عمري .. اللي ضآع فييك ..
و الا اسمه الـف ضحكه تحتريك ..
و الا اسمه .. قلب عـآشق .. دآيم يسمي علييييك

حبيبي اوول مآ تفتح موبآيلك طمني علييك
احبك "


" حبييت رووحه و حبيته .. الله منه لآ يحرمني "


" ينآم النوم بعيونك .. ينآم إحسآسك البـآرد
و لآ يسأل ..
يخلي مآ بقى من ليل
على فرآش الجفآ يذبل .. و تنسآني "


اتملل حآرب و هو يفتح مسجآت عنود .. و على طول قآل فخآطره : اففف منهآ هآي وقتهآ اللحينه ..
انا في شو و هي في شوو .. و على طول مسح مسجآتهآ .. و بعدها بثوآني اتفآجأ بمسج من .. اخووه بطي .. كآتبله فيييه ..
" البنت سووت حآدث بسببك اكييد ..
محد غيرك مضآيجنهآ ..
ان شآآء الله ايكون ضميرك مرتآح "


حآرب تم مفجج عينه .. و منصدم .. و على طووول قآل حق امه : امآيه ..
ام بطي : عوونك
حآرب : عآنج الرحمن .. اممم طرفه مسويه حآدث ؟
ام بطي : هيييه ..
حآرب : استوى عليها شي .؟
ام بطي : الحمدلله على كل حآل .. بس يتهآ شوية رضوض خفيفه ..
حآرب : انزيين متى استوى ؟؟
ام بطي : نحن اتصلو النآ على السآعه و نص او عشر يمكن ..




حآرب تم سآكت و يقول في خآطره .. عقب مآ رمسيتهآ .. كله مني انآ .. انا السبب .. اكييد اتضآيجت
مآ اقدر اخليهآ احس اني اقول في خآطرييه برآيهـآ بس من اشوفهآ الا ارمسهآ و ارآضيهآ ..
مآ اقدر اتحكم بـ عمريييه يوم اشوفهـآ .. آآه يـآ طرفه كيف اقدر اخلييج تسآمحييني .. و تنسيين كل اللي صآر !!

ام بطي : حآآرب .. حرووووب ..
حآرب ( و هو ينتبه لامه ) : لبيييج ..
ام بطي : تلبي في مكـه .. انته شكلك وآيد تعبآن .. لآ اداوم .. من متى و انا ارمسك و انته مب
حآآس ابددن ..
حآرب : لآ امـآيه .. امممم بس غمضتني طرفه حليلهـآ ~> قآلهـآ و هو متلوووم ..
ام بطي : يآلسه افكر .. انسييير يومييين اي مكـآن .. ابااهـآ اتغير جـو ..
حآرب ( و هو يفكر ) : زيين اتسوييين ..
ام بطي : ان شااء الله عاد بطي يكون فآضي ..
حآرب : ليييش .. اممم اقصد بطي شو يخصه ؟
ام بطي : بقوووله خله يودينآ هو و مهـآري .. مع منـو بسير عيل ؟
حآرب ( بردة فعل سريعه ) : انآ بوديكم ..
ام بطي ( و هي تضحك ) : هههههه انته !!
حارب : هيي انااا ليش تضحكين ؟
ام بطي : و شغلك منو بيجآبله ؟
حارب : لاحق علييه .. الا هن يومييين ..
ام بطي : ما اصدق حاااارب يقول هالرمسه ؟
حارب ( و هو يوقف ) : شوفوو ويين تبوون اتسيروون عشآن ارمس خآلي .. و اترخص منه ..
ام بطي ( و هي تتطآلع السآعه ) : استوت الساعه 7 و 10 .. بسير بيت خآلك .. ابآ الحق عليهم
قبل لآ يسيرووون دوآمآتهم .. فيه في خآطريه رمسه ابآ اقولهـآ
حآرب : خلآص برآيج و انآ بسييير .. اتسبح .. و اتريق و خلآف بسير الدوآم ..
ام بطي ( و هي تتطآلع ولدهآ بحنآن ) : خيير ان شآء الله ..

نشت ام بطي و ظهرت .. سارت صوب بيت اخوها و هي تفكر شو تقول لهم .. ثوآني و الا هي صوب الصاله و شافتهم يتريقون .. لمحتها ام محمد ..
ام محمد ( بإبتسامه ) : حياااج شرينه اقربي ..
ام بطي : الله يحييج ( و دخلت )
بو محمد ( بإبتسآمه ) شو مسويه ؟
ام بطي : الحمدلله طيبه
( و سكتت )
تمـو ام محمد و بو محمد يطآلعووون بعض .. لانهم مستغربيين ييتهآ و حآسيين انه شي بلآهآ
ام محمد : شرينه شي فخاطرج .. انا احس انج تبين اتقولين شي ..
ام بطي : وين طرفه ؟؟
ام محمد : طرفه راقده .. محاضراتهاا تبتدي الساعه 10 ..
ام بطي : زيين يوم انها راقده لاني مابآهآ تسمع الرمسه اللي بقولهاا الكم
بو محمد : رب ما شر ؟؟
ام بطي : عيزت و انا اتعذر لكم جدآم بنتكم ..
ام محمد : لييش شو مستوي ؟
ام بطي : خليفه ليش كنت مسكر موبايلك يا خويه امس ؟؟
بو محمد : كنت يالس عند ريال و فضى الموبآيل .. و انآ برع البيت ..
ام بطي : و انتي ياليازيه .. شعنه ما كنتي تردين يوم طرفه اتدقلج ؟؟
ام محمد : كنت حاطه الموبايل فـ الشنطه و ما سمعته و هو يرن ..
ام بطي : طبعاً محد فيكم يوم رد من خاري سار يرمس طرفه .. تمو بو محمد و ام محمد يطالعون بعض و يطالعون ام بطي و هم حاسين انه فيها شي مب طبيعي ..
بو محمد : شوه له هالاسئله .. مستوي شي ؟؟
ام بطي : امس يلي ما تدرون عن بنتكم سوت حادث .. و يوم دقت الكم واحد موبايله مغلق و وحده موبايلها سايلنت حرام عليكم .. روحتووو محمد باهمآلكم .. و اللحينه طرفه !!
البنيه مفتقده اشيآآ وآآيد .. بتقولولي هيه لو تطلب عيونا ما تغلى عليها لكنكم مب يالسيين تبينون الها انها اغلى من عيونكم بالعكس امجدميين اشغالكم و معآآرفكم عليها -------------- ( تمو بو محمد و ام محمد صاخين )
ام بطي : بفضل الله .. طرفه مآ استوآلهآ شي غير شوية رضوض خفيفه .. بس البنيه كانت محتايتنكم امس من الخاطر .. و يوم التفتت ما لقت حد حذالها .. لين ما دقت النا و سرنا لها .. انا مب اني مضايجه اني سرت بالعكس طرفه بنتييه لكن انا اشوفها تبا منكم انتوو الاثنينه الحنان .. و محد مغطي مكانكم .. احآول اسوي اللي ارووم علييه .. بس هي تبا منك و من اليازيه ..
ام محمد ( بتبرير ضعيف ) : شرينه محمد راح بقضاء الله وقدره .. وبالنسبه لـ طرفه انتي اتشوفيين نحن شو مسويلهـآ .. وآيد بنآت يحلمون بالاشيآ اللي نحن موفرينهآ الهـآ و الحريه اللي نحن عآطينهآ ايآهـآ ..
ام بطي : السآلفه مب جذه .. البنت تبآ اتحس بوجودكم .. تبآ اتحس انه حد ويآهآ
ام محمد : طرفه تبآلغ في ردآت فعلهآ .. تبآني اودر شغليه و اجآبلهآ ؟ و هي وصلت لـ عمر لازم روحهآ تهتم بعمرهآ .. و بعديين انا امل من يلسة البيت ..
ام بطي : ياليازيه فكري في رمستيييه .. البنت محتآيتنج ..
ام محمد : فديتج انا وياهـا .. بس انا مآ تعبت طوول هالفتره و كبرت اسمي و استوييت من اهم الصحفيآت في هالبلآد .. عشآن ايلس فالبييت .. لازم طرفه اتقدر هالشي .. و تفهم انه نجاحي من نجاحهـآ ..
بو محمد : شرينه خليهآ .. انا برمسهآ عقب ..
ام محمد : خليفه انته اتعرف انه من اوول مآ تيوزنآ كآن شرطييه .. اني اكمل درآستييه و اشتغل ..
و انته وآفقت ..
بو محمد : اشتغلي .. بس مب على حسآب بنتج .. انا ادري اني مقصر بس .. بعد اتشوفنيه فالبييت ..
بس انتي .. اترمسج عالتيلفون .. اكثر مآ اتشوفج ..
ام بطي : انآ مآ ييت عشآن تتضآربووون .. بس البنيه غآمضتني و لآ اعرف شو اسوي ..
عالعموم .. انآ ابآ اسير وياهاا يوميين اي مكآن فالبلآد نغير جووو .. اباهااا تنسى سآلفة الحآدث ..
شو قلتـو ؟
ام محمد : انآ مآ عنديه مآنع .. طرفه بنتج و سوي اللي يريحج فديتج ..
بو محمد ( و هو يطآلع حرمته ) : اكييد بتوآفقيين ..
ام محمد ( و هي تتطآلع سآعتهآ ) : اسمحولي اتأخرت على الدوآم .. شرينه غنآتي سآمحيني ..
البييت بيتج .. خذي رآحتج .. ( و روحت )
بو محمد : انتي تدريبهآ اليازيه كييف .. ترآج انتي مربيه طرفه من كآنت صغيرونه .. مآ تصدق حد يشل عنهآ المسؤوليه ..
ام بطي ( و هي اتحط ايدهآ على ايد اخوهآ و تبتسم ) : انته من خذيتهآ .. و تدريبهآ طموحه وااايد ..
بو محمد : بس هي وصلت لدرجة الانآنيه .. مآ تدري عني و سكتنآ .. بس بنتهآ .. !
ام بطي : ان شااء الله انه ربك بيهديهآ .. لآ تشل هم .. و انا و الله مب نآويه افتح هالسآلفه لانهآ بنتكم و انتوو حريين ويآهآ .. بس قطعت لي قلبيه امس ..
بو محمد ( بإبتسآمه ) : ادريبج ..
ام بطي : خلآص عيل .. بسيرلهآ عشآن اخبرهآ انآ بنظهر يومييين .. نستآنس فيهن ويآ بعض ..
بو محمد : انزيين انآ بعد بسيير ويآآج بسلم عليهآ قبل لا اظهر ..



ركبوو الدري .. و اول مآ وصلوو الحجره .. دقت عمتهآ البآب .. مآ ردت طرفه عرفت انهآ بعدهآ رآقده
فتحت البآب و دشت .. شآفتهآ رآقده و قطوتهآ حذآلهـآ ..
بو محمد : قرب منهآ و حبهآ على يبهتهآ .. " على طوول حست به طرفه و نشت .. شآفت عمتهآ و ابوهآ ابتسمت لهم ..
طرفه ( و هي تنش و تشل قطوتهآ و تحطهآ في حضنهآ ) : تفضلوو ..
بو محمد : لو كنت ادري انج بتسوين هالحآدث مآ كنت خليتج تظهرييين ..
طرفه ( بإبتسآمه ) : كله مكتوووب عند الله ..
ام بطي : طرفه .. حبيبتي ابا اظهر اغير جووو بتيين ويآيه ؟
طرفه : وييييين ؟؟
ام بطي : امممم شو رآيج نسييير رآس الخيمه .. ؟
طرفه( بابتسامه حلوه ) : موآفقه .. احب اسير هنآك ..
بو محمد : زيييين .. فديتج .. انآ بسير الدوآم بس قبل .. توعديني انج تتحمليين بعمرج ..
طرفه : من عيوووني ..
بو محمد : سالمـآت .. و بعد وين بوسة ابوج ؟
طرفه ( و هي تبوسه على خده ) : تستاااهل احلى بوسه ..
بو محمد : ههههههه يالله عيل انا برووح ..
ام بطي + طرفه : الله ويـآك
و بعد مآ ظهر .. بو محمد .. يلست ام بطي حذآلهآ ..

طرفه ( و هييه تحبها على راسها ) : تدرين وآيد متحمسه اظهر ويآآج .. و اغير جوو عن الشآرجه شويه ام بطي : ههههههه الحمدلله يعني اقترآحيه يا في وقته ..
طرفه : اكيييد
ام بطي : اللحينه طمنيني شوه اصبحتي اليوم فديتج ؟؟
طرفه : الحمدلله احسن من امس

ام بطي : انزيين انا برتب لج ثيابج لين ما تردين للغدى ..
طرفه : لا اتعبين عمرج غناتي .. انا برد و بسوويهن ..
ام بطي : تعبج راااحه..حبيبتي
طرفه ( و هيه تحضنها بقوو ) : و الله اني احبج .. محد يبرد قلبييه غيرج
طرفه ( و هي تتذكر ) : اووبس .. نسيت اقوولج ..
ام بطي : قولي فديتج ..
طرفه : انا بتغدى ويا اربيعآتيه فـ صحارى اليوم ..
ام بطي : انزيين انآ و الله مآ عنديه مآنع بس .. ريحي عمرج .. اممم خليهن هن ايين يتغدن عندج هالمره .. و المره اليآيه اظهرن .. انتي جسمج مترضض ارتآحي ليين نسيير خلآف ..
طرفه : خلاص ان شااء الله بخبرهن من عيووني ..
ام بطي ( بإبتسآمه ) : سآلمآت يآ رب .. انا بروح اللحينه بس لا تتحيريين هنآك .. لانآ بنظهر قبل المغرب يعني عالعصر او عقب العصر ..
طرفه : ان شآآء الله .. يحفظج الرحمن ..

و ظهرت ام بطي على طوول و هي مرتآحه انه طرفه تجآوبت مع اقترآحهآ على طوول ..
و فرحت اكثر انه نفسيتهآ مرتآحه مآ شآء الله ..
امآ طرفه في حجرتهآ .. فـ يآلسه و قطوتهآ حذآلهآ تمسح عليهآآ و تفكر .. كآنت طرفه متعلقه
بقطوتهآآ وآآآيد .. حتى انهآ اترمسهآ مرآت .. من كثر مآ اتحسهآ جريبه منهآ .. بس مع الوقت .. لمآ صآرت الهآ حسآسيه في صدرهآ .. مآ قآمت تقربهآ دوووم .. بأمر من امهآآ ..
" بعد تفكير عميق " تكلمت و كآنت توجه كلآمهآ لقطوتهآ : ونااسه بظهر ويآ امآيتيه شرينه بفتك من ويه حآرب جمن يوووم .. طفربي و الله .. عشااان مآ اخبر امايه شرينه .. يبآ يرآضيني .. يتحسبني مآ ادري شو في بآله .. يقهرني بخقته .. يتحسب عمره فارس احلآم كل البنآت .. مآلت عليييه ..
بس انا بستوووي وحده ثآنيه من اليوم و سآير .. خلآص بنسى كل شي و بعيش لـ عمريه .. و لا بهتم بشي بعد ..
و هنه رن تيلفونهآ .. و كآنت شمآمي المتصله ..
شمآمي : بصفـــــــــــــــعج
طرفه : ههههه ليييش ؟
شمآمي : عنبـو لآ تسأليين و لآ شي .. و لآ جني اربيعتج ..
طرفه : لآ و الله مب جذه ..
شمآمي : زيين يوم رديتي علييه .. تدريين انه البنآت معصبآت منج .. يقولون اندقلهآ و مآ اترد
طرفه : هههههه .. و الله اني مب متعمده
شمآمي : اتضحكي بس انتي .. تقهريين و الله ..
طرفه : صخي استوت تطورآت .. وآيد ..
شمآمي : يالله انزيين خبريني ..
طرفه : امممم شو اخبرج ..
شمآمي ( بلقآفه ) : توته فديتج .. اناا خبريني
طرفه : بعدييين .. بقوولج ..
شمآمي : و متى بتشرفين الجآمعه ؟
طرفه : عنديه اجازه مآ بيي اليوووم ..
شمآمي : تحسسيني انها جآمعة ابووج .. بسج من الغيآب ..
طرفه : ههههه انجبي .. لا تغلطين على باباتييه فديته .. و بعديين انآ مآ اغيب منه و الدرب ..
عنديه عذر ..
شمآمي : انزيين مآ قلت شي .. بس لييش مآ تييين ؟
طرفه : سويييت حااادث ..
شمآمي : قوليييييييي و الله ؟؟؟ متى استوى لج الحادث ؟؟؟ و كييييف استوى ؟؟؟
طروفوو صابج شي ؟؟؟ دخيلج خبرينييييييي .. بسرررعه ردي علييه طيحتي قلبييه !!
طرفه : هههههههههههههه ..
شمآمي : طآعو هذي انتوو .. انآ احآتيهآ و هي تضحك
طرفه : فدييييتها اللي تحآتيني و تخآف علييه .. لا الحمدلله لآ تحآتيني .. يتني شوية رضوض .. و اللحينه الحمدلله
شمآمي : سلآمتج مآ تشوفييين شر و الله .. و اتحملي بعمرج مره ثآنيه .. ترآآج غآليه
طرفه : ههههه انتي تآمريييين مآمآتيه
شمآمي : مآ يآمر علييج عدوو هييه اسمعي الكلآم و الا بيي بكفخج ..
طرفه : هههههههههه اهون علييج ..
شمآمي : لآ فديتج مآ تهونيين علييه .. بس لاني احبج و اشوفج شرآت ختيه .. مآبآ شي يصيبج
طرفه : الله لا يحرمنـــــــــــي منج
شمآمي : آميييين .. اممم خلآص عيل خلآص بخبرهن انه اتكنسلت ظهرة الغدى اليووم ..
طرفه : لالالا بنتغدى ويآ بعض .. تعآلو بيتنآ .. بنتغدى ربآعه ..
شمآ : لآ فديتج لآزم ترتآحيين طشونه ..
طرفه : لا انا اباا اشوفكن ولهت على البنيآآت .. مآ صدقنآ انهن بيظهرن ويآنآ
شمآمي : اوكييه عيل بخبرهن ..
طرفه : انزييين .. شوفيهن و ردي عليييه ..
شمآمي : اوكيه تمام .. يالله عيل بخلييج اللحينه عشآن ترتآحيين
طرفه : اوكييه فديتج .. مع السلآمه ..
شمآمي : ربي يحفظج ..





+! الساعه 7:45 و نص الصبح .. في بيت بو مروان +!





{ قالوا بأن الورد يشبه حلاها
والورد نفسه قال وش جاب لجاب

من حسنها جاء الورد يطلب رضاها
و يحق له من دون توضيح الاسباب }




مروان بعده فوق في حجرته ما نزل يالس يتلبس و يتذكر طرفه اللي كانت طول الوقت مسيطره على افكآره .. و كل شويه تطرآله ابتسآمتهآ .. يتذكر انه قبل كآن يشوفهآ لمحات بس و هالمره كانت اول مره يركز في شكلها و يشوفها من جرييب .. و عيبته وااايد وحس انه ارتااح الها بدرجه كبيره .. و فهالوقت قطع عليه حبل افكاره صوت الباب و هو يندق ..
مروان : ادخلي .. ادخلي
ميثاني : يالله مروان بتحير عالمدرسه ..
مروان : انا قلت بعد منوه بيحشرني و بييني لين حجرتيه غير ميثوه الوذيه
ميثاني : محد حشره غير حرمتك
مروان : عن الغلط .. حرمتيه مب حشره .. فديتهااا اناااا
ميثاني : هههههههه .. ها و بعدك ما ريتها تتفداهاا .. الله يعيينآ يوم بتتيوزها
مروان : و انتي شو درآج لو ريتها و الا مآ ريتهآآ .. ليش انتي في قلبيه ؟
ميثآني و هي تركض تحت صوب امهآ و ابوهآ و مروآن يلحقهآآ ..
ميثآني : امااااااايه ولدج عنده وحده يبااا يتيوزهاااا
ام مروآن : صدق مروآن ؟ منو هآي
مروآن : اميييه بنتج ميثوه الخبله رمست و انتي صدقتي
ميثآني : انته قلت ريتهااا .. ( و تغمزله ) : اونك مستحي جدام مآمي و دآدي
مروان : ميثوه و ويع .. عيب انا اخوج العود ما اييوز اترمسيني جذه ..
ميثاني : حاضر ارباب .. يالله اللحينه ممكن اتوديني المدرســـه و الا ؟
مروان : اتفضلي ... اسميج بلوه و ابتليت فيها .. كل يوم وصلني و صلني ..
بو مروآن ( و هو يجلب الجريده ويقرآهآ ) : مروآن خف على ختك .. مآ عندك غيرهااا وصلهاا حليلهآآ
مروآن : انزيين و الله مآ قلنآ شي .. ( و يلتفت على ميثآني ) : بس خليني عالاقل اشرب حليييب
ام مروآن ( و هي تتشجع انهآ تفتح الموضوع ) : امممم مروآن انآ نوييت اخطبلك ..
مروآن ( و هو يشرق ) : شووو ؟
ميثآني : ههههه يالله بالستر اللحينه طآري العرس يسوي جذه
مروآن : انتي بس .. صخـي .. و يكمل : منو هـآي ؟
ام مروان : وحده من معآرفنآ .. انته مآ اتعرف البنيه .. بس انآ و ابوك انعرف هلهـآ ..
مروان : هيييه .. انزيين انا ما اريد اتيوزهاا
بو مروان ( و هو يقطع علييه ) : شعنه ؟؟ و الا مب ناوي اتكمل نص دينك ؟؟
مروان : نااوي .. اممم بس الصراحه فيه وحده داشه خاطريه .. اول شي بشوف اذا مرتبطه و الا لأ
و اذا لا خلاص ابااهااا و لا ابااا غيرهاا
ام مروان : منوه هااي ؟
مروان ( بابتسامه ) : يوم بيي الوقت المناسب بتعرفون .. يالله ميثاني مدرستج تترياج
ميثاني : ادري .. لازم يذكرني بـ الهم و الدراسه
مروان : ههههه .. يالله نحن ظاهرين تآمرونا بشي ؟؟
ام مروان : سلامتكم ..
بو مروان : انا بعد ظاهر .. شي فخاطرج يا ام مروان ؟
ام مروان : سلامتك ..
بو مروان : ربي يسلمج ..
الكل : يالله عيل فداعت الله
ام مروان : فداعت الرحمن ..
و ظهرو بثلاثتهم .. بو مروان بيسير الشركه على طول .. اما مروان بيوصل اخته و عقب بيسير الشركه








+! الساعه 9 و نص .. في الجآمعه +!



البنآت يآلسآت و يسولفن .. قطع عليهم موبآيل شمآمي و هو يرن .. كآن المتصل ولد عمهآ هزآع .. اشرت لاربيعآتهآ بإيديهآ انه لحظه .. و ردت على طوول


شمامي : هلا وغلا
هزاع : شحآلج فديتج ؟
شمامي : الحمدلله زوينه .. و انته شخبآرك ؟
هزاع : الحمدلله طيب .. شو تسوي حبيبتي ؟
شمامي : و الله يآلسه ويآ البنيآت و نسووولف ..
هزاع : هييه زيين .. عقب شويه بيبتدي اول كلآس ..
شمامي : ههههه انته حآفظ جدولي اكثر مني ..
هزاع : ههههه لازم .. عشآن ارتبلج وقتج ..
شمامي : اتولهت علييك وآآيد .. اليوميين لي خطفن مآ حسيت انآ رمسنآ وآيد
هزاع : و انا اكثر .. و الله اني امووت فاليوم مليوون مره يوم افكر فيج .. احسبج قريبه و بعيده في نفس الوقت .. قريبه بصورتج اللي ما تفارقني .. و بعيده بسبب ظروفنا ..
شمامي : قلتلك قبل .. هزآآع .. كل شي عند الله .. لآ تذبح عمره بالتفكييير .. كله على الله .. و ان شااء الله انه هالظروف بتزول و ما بيعود الها وجود
هزاع : ان شااء الله ..
شمامي : خلاص عيل انا بسكر عنك لاني يآلسه ويآ اربيعآتيه ..
هزاع : اوكيي .. اتحملي بعمرج
شمامي : ان شااء الله .. و انته بعــد ..
هزاع : من عيوني .. احبج
شمامي : و انا بعد ..
هزآع : هههه حآكرينج هاااه .. فمآن الله
شمآمي : ههههه فمآن الرحمن ..
و اول مآ سكرت ..
جوآهر : هاااه و انآ بعد اونه .. قوليله احبك .. و الا تتحسبينآ مآ فهمنهآ ..
شمآمي : هههههه .. ان شآء الله المره اليآيه .. بقوله جدآمج احبك .. عشآن يبرد خآطرج ..
و كآنت في الصوب الثآني اربيعتهم فوآغي تكتب مسجآت ..
جوآهر : نزلي الفون من ايدج .. بسج .. تتحسبيين يوم بتلحقينه بيسويلج سآلفه ..
شمآمي : ههههه طآعو منو ينصح ..
جوآهر : و بلآني انآ ؟ طآيحه من عينج
شمآمي ( بطنآزه ): لالا العفووو ..
جوآهر : يالله فوفي خبرينآ شو المشكله من يتي و انتي سآكته .. بنحآول انحلهآ لج ..
فوآغي : احمدآني .. زعلآلآن عليييه .. اتصله ابا اراضيه و هو مب طآيع ايرد .. مطنش .. و اللحينه اكتبله مسجآت و بعد مب معبر ..
شمآمي : امممم فوفي فديتج خلييه عنج .. عقب بيركب على رآسج ..
فوآغي ( و هي تقطع عليهآ ) : مآ اقدر انآ احبه ..
شمآمي ( و اربيعتهآ غآمضتنهآ ) : و الله ما اعرف شو اقولج .. بس انتي اتعرفين طبعه كييف .. كل مآ اتضآربتو و عصب .. سكر الفوون و خلآج على اعصآبج .. و انتي عاده تقضينهآ مبآغم .. ارحمي عمرج
جوآهر : خليهآ عنج تعبت و انا اقولهـآ
فوآغي ( و هي بعدهآ تحآول تتصل ) : انا ادريبه انه يحبني بس باسلوبه ..
جواهر و شمآمي اطآلعن بعض و صخن .. و بعدهآ بدقآيق ..
شمآمي : انا عندي كلآلآس عقب شويه .. عشآن جذه بغييت اخبركن انآ كنسلنآ .. سآلفة الغدى ..
جوآهر : افااا .. انا متملله من الخاطر .. شعنه كنسلتوهآ .. ؟
فوآغي : انا اصلاً ما اقدر اروح بعده .. احمدآني مآ رخصني .. و لو شآفني في مكآن بيحتشر ..
جوآهر : انتي بعدج عندج امل فيييه ..
شمآمي ( و هي ادق ريولهآ ) : اصلاً طرفه ما تقدر تظهر عشآن جذه بنسييير بيتهم .. و بنتغدى هنآك رباااعه .. شو قلتن ؟
كلهن : ليششش شو فيهآ توتـه ما تقدر تظهر ؟؟؟
شمآمي : لانها سوت حادث أمس
جواهر ( و هي مبطله عيونهآ ) : قوووولي و الله ..
فوآغي ( و هي منصدمه ) : احلفـــي
جوآهر : كيييف و لييش ؟
فوآغي : من متى يآلسيين .. شعنه مآ خبرتينآ .. ؟
شمآمي : هههههه لانج مسوتلنآ منآحه على احمدآنج هذآ
فوآغي ( تتطآلعهآ بنص عينهآ ) : حتى و لو المفروض تخبرينآ
جوآهر ( و هي تضرب شمآمي على جتفهآ ) : انطقـي بلآلآج .. خبرينآ شو استوى عليهآآ
شمآمي : الحمدلله عدت على خييير .. يتهآ شوية رضوض .. و اللحينه هي بخيير
جوآهر و فوآغي و هن يقبضن موبايلآتهن في نفس الوقت .. و يتصلن ..
جوآهر : صبري انآ بتصل .. و بخلييج ترمسينهآ ..
فوآغي : اوكيييه ..
اتصلت جوآهر و على طووول ردت طرفه .. ( اشرت الها شمآمي انهآ بتروح المحآضره لانهآ اتأخرت )
طرفه : هلا هلا ..
جوآهر + فوآغي ( بصوت وآحد ) : الحمدلله على السلآلآمه ..
طرفه : ههههه الله يسلمكن ..
فوآغي : يبآلج ضرب .. شعنه مآ تتحمليين بعمرج ؟
جوآهر : طرفوووه .. شو صحتج اللحينه ؟ خبريني الصدق ؟
طرفه : الحمدلله انآ بخيير و الله .. خبروني شو مسوياات و شو علومكن ؟
جوآهر : الحمدلله انا زينه .. اربيعتج لا تتخبريين عنهآ .. مسوتلنآ عزآ عشآن احمدوه زعلآن منهآ ..
طرفه : هههههه حليلهآ .. خفي عليهآآ .. لآ تستلمينهآآ انتي عااد ..
جوآهر : و يآ ليييت فيه فايده ..
طرفه : هههههه .. انزييين .. فديتج .. بنرمس خلآف بس قولوولي .. بتوون و الا لا .. شميم بتيي و انآ بعد .. ( و تلتفت صوب فوآغي ) : هآه بتييين .. ؟
فوآغي : هييه دآم بيتهم بسيير عآدي ..
طرفه : شمآمي عيل وينهآ ؟
جوآهر : روحت لانه باقي على كلآسهآ 10 دقآيق ..
طرفه ( و هي تتطآلع السآعه ) : هييه و الله .. مآ انتبهت للوقت
جوآهر : ههههه شعليهم اللي يآلسيين فالبييت .. مآ يهتمون للوقت ..
طرفه : ههههههه ..
جوآهر : توته فديتج انا بسكر عنج اللحينه .. فوآغي يآلسه بروحهآ ..
طرفه : اوكييه .. اتريااكن ..
جوآهر : على خييير ان شآآء الله ..
طرفه ( بإبتسآمه ) : فمآن الله ..
جوآهر : فمآن الكريم ..
سكرن عن بعض و يلسن جوآهر و فوآغي يسولفن و يضيعن وقت .. لانه بعد سااعه عندهن كلآس ..
و فوآغي طول الوقت .. احمد في بآلهـآ .. اتفكر فييه و كيف ممكن ترآضيه ..


طرفه & شمآمي اربيعآت من كآنو يهآل .. بس اتعرفو على فوآغي & جوآهر من اياام الإبتدآئيه .. و علآقتهم يوووم عن يووم اتزيد و خصه .. شمآ و طرفه .. لانه اول مآ وصلو ثآني ثآنوي .. انفصلووو درآسيـاً .. طرفه و شمآ دشو ادبي و جوآهر & فوآغي دشو علمي و في الجآمعه .. نفس الشي .. ثنتين في كلية الفنون .. و ثنتين في كلية الهندسه ..


+! في بيت بو محمد +!

بعد مآ سكرت طرفه .. نشت اتغسلت .. و خذت قطوتهآ و نزلت تحت ..
شآفت شغآلآتهم الثنتيين .. فالمطبخ ..
طرفه : اليوم اربيعآتييه بيييون يتغدوون .. ابااكم تسوون لهم غدى ..
ننيتآ : شو بدك مدآم .. ؟
طرفه : اممم .. اول شي سلطآت .. ابآ سلطة الذره .. و فتوش ..
و ابا ورق عنب .. امممم .. ستيك ديآي بالفطر .. طبعاً وياه بطآطس مهروس ..
و لزآنيآ .. و السوييت .. جييز كييك و اي سوييت ثآني بالجآكليييت ..
ننيتآ : مدآم مآ بدك .. رز ؟
طرفه : اممم لا مآ يحبون الرز .. هآي هي الاكلآت اللي يحبونهـآ ..
ننيتآ : مآ فيينه عنآ لزآنيا ..
طرفه : خلآص انتي كتبيلي الاشيآ النآقصه .. و انآ بروح الجمعيه بآخذهن
ننيتآ : طييب رح سجلهون ..
طرفه ( و هي تلتفت صوب جندرآ ) : جندرآ ساعديهآآ .. و حآولوو تخلصون قبل لا يوصلون بليييز
جندرآ : اوكيه مدآم ..
ننيتآ : مآ تعتلي هم ..
طرفه : انزيين .. و جوسي وينهآ .. ؟
ننيتآ : جواا .. عم بترتب الأوض ..
طرفه : فااين .. بعد مآ تخلص خلهآ تأكل سوسي .. و تسبحهآ اوكي ؟
ننيتآ : انتي بتأمري ..
طرفه ( بإبتسآمه ) : ثآنكس .. ( حطت قطوتهآ في السله و روحت )


سآرت فوق عشآن .. تتسبح و اتجهز ثيآبهآآ ..





+! فالشـركه .. و بالتحديد في مكتب حارب .. +!




حارب يالس في مكتبه و يبا ايخلص اشغاله .. لكن كل شوويه تتراواله صورة طرفه جدامه .. ما يدري ليش .. يمكن احساسه بالذنب صوبها و إلا لانها تعيبه و الا شي ثااني .. بس هوه ما يبا يودرها لين ما تسامحه .. و ترضى .. لانه احساسه بالذنب ذابحنه .. معنه هو جرح بنات وااايداات قبلها لكنه ما فكر يستسمح منهن .. بس طرفه غيرررر .. ايحس انه ما بيرتاح اذا ما سامحته .. لانه يعرف عمره انه اتعامل وياها بنذاله .. و ما راعى مشاعرها معنه عرف انها اتحبه من خاطرهاا .. و سرح بفكره لين قبل شهريين و نص .. كان ساير لـ خاله بو محمد .. عسب يخلص وياه جمن شغيله
ظهر من بيتهم .. و تم يتمشى لين بيت خاله .. و يوم وصل صوب الصاله هوود .. و لكن ما رد عليه حد ..
دش الصاله مالقى فيها حد .. حرك عيونه ايدور حد من أهل البيت و بعد ما شآف حد
التفت على يمينه جان يحصل كراسة و ياه الفضول يبي يعرف شو في هالكراسه ..
اول مآ بطل الكراسه شاف فيها رسوماات و حذال كل رسمه خاطره تعبر عن الرسمه
فتح اول صفحه و لقى رسمة بنت صغيره و يا امها .. و الصفحه الثانيه منظر طبيعي .. و الصفحه الثالثه وقت الغروب .. جلب الكراسه على صوب اليساار .. و انصدم من اللي شافـه الرسومات كلها كانت عنــه ... تم يسأل نفسـه كيف قدرت تضبط أدق تفاصيل ويهه ... و على يمين الرسمه حصل خاطره كاتبه فيها ...

ابتعد عنك فأعود مهرولةً اليك
ظمأى لحبك .. متعطشه لقربك .. أحلم ان اضمك
اناظر عينيك فاسبح في بحرهما .. اتحدث عنك فلا اصمت

يا من سلبتني مني و اخذت احاسيسي دون ان اشعر ..
اصبحت مصدر فرحي و حزني ..
و غروري و عزتي .. و كبريائي و انكساري
جعلتني اعشق عالمك الوردي .. فصارت حياتي محدوه بعالمك
ارضها انت .. و سماؤها انت .. !!
عالم يتغنى بتناهيد الحب و الرومانسيه ..

فالفرح يتلألأ في عيني بمجرد الحديث عنك و القلب ينبض شوقاً بمجرد النظر اليك
و الجسم يشتعل حراره بمجرد ملامسة كفيك

فـــــانـــــا ...
احبك ...
اعشقك ...
اهواك ..
مولعه بك ...
شغوفه بك ...
متيمه بك
كلمات قد لا تترجم ما يجول في خاطري من بوح و همس
فحبك اصبح هاجس اغفو و اصحى عليــه
و قربك اضحى مراماً لا استطيع التنازل عنه
و انت غايه اتمنى الوصول لها

لو ابتعدت عني اعود لك مشتاقه .. لـ لمسة كفوفك ..
لأطفىء بها لهيب وحشتي و غربتي
فلا تذهب عني ارجوك لان قلبي يرجو
حنان دفئك
و حلو وصالك
و عذب مشاعرك


فإذا ابتعدت اظلُ متعطشه ..
لنظرة عينك .. و ابتسامة ثغرك ..
و لا اجد من يعزيني .. في غيابك انت .. سواك انت ..
فحياتي مرهونه بيديك .. أنت .. !


و آخر شي راسمه حرف الـ H بطريقه حلووه
تم حارب سرحان فالرسمه و الخاطره و يقول فخاطره معقوله .. طرفه اتحبني انا ؟!
متى ؟؟؟؟؟؟؟ و كيف !!!!!!!!!!!!؟! شقايل انا ما حسسيت ابهااا
في هالفتره دشت عليه طرفه و اول ما شافت الدفتر في إيده حست بخووف ..
و على طول ركضت و خذت الكراسه من أيده
طرفه : أبا أعرف شو تسوي كراستي عندك ؟؟؟
حارب ( باستهبال ) : ما شي توني كنت بفتحها ..
طرفه : ليش تفتح شي مب لك ؟؟؟؟
حارب ( بتهرب ) : وين خاليـه
طرفه : هب هنيــه .. طلع من البييت
حارب : اهـآآ .. انا بس بغيت أسلم عليـه و ايلس وياه طشونـه
طرفه : اهـاا .. الله يسلمك ...
حارب : خـلاص عيـل انا بترخص اللحينــه ..
طرفـه ( بابتسأمه ) : أوكـي اللـه ويـاااك

و سار عنهاا صوب بيتهم و هو يفكر و منصدم انه طرفه اتحبه هالكثــر .. و طرفه كانت مرتاحه انها لحقت على حارب قبل ما يشوف كراستها ... و تم في بالها انه هو ما يدري بشـي .. و من ذاك اليوم عرف حارب انه طرفه اتحبه و قام ايراقب تصرفاتها و كل حركاتهآآآآ عشـآن يتأكد زووود و فعلاً مع الوقت تأكد ...

قطع علييه سرحآنه .. صوت الموبآيل و هو يرن .. و كآنت عنوود المتصله .. انتبه حآرب ..
حطه سآيلنت و كمل شغله ..

CUT

to be continued>>>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-01-2013, 02:01 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


اسمحوووليهعلى التأخيير البآرت " فرررش " ~> تونييه مخلصتنه ..


( 8 )

+! فبيت بو محمد +!

بعد سآعه بالضبط جهزت طرفه .. سبحت و لبست .. و خذت شنطتهآ و نظآرتهآ و الورقهاللي حطتلهآ ايآهآ ننيتآ
و كآنت مسجله فيهآ كل الاغرآض اللي يحتآيونهآ .. نزلت تحت سآرت صوب المكتب و خذتسويج موتر ابوهآ الثآني .. لانه موترهآ فالكرآج .. و طلعت ..
و هي طآلعه لمحت مهآري و بطآي .. و سلمت عليهم ..
طرفه : هلآلآ هلآلآ ..
مهره + بطي : اهليييين
بطي : شحآآلج شو اصبحتي ؟
طرفه : الحمدلله طيبه ..
مهره : انتي وييين سآيره ؟
طرفه : اربيعآتييه بيين يتغدن و فيه جمن غرض نآقصآتنآ بسيير الجمعيه اييبهن ..
بطي : نعم ؟؟ امس مسويه حآدث و اليوم تبين اتسوقيين .. اقول ردي داخل يللا يللا
طرفه : ههههههه .. لآ ترمسنيه جذه .. ( و بزلة لسآن ) : و الا اخوك الوغد عاداك ..
اتبدلت ملآمح بطي من الابتسآمه و انعقدن حيآته شويه .. لانه عرف طرفه شو تقصد ..
بس هي اللي مآ عرفت انه هو فآهم .. و قطعت عليهم مهآري على طول ..
مهره : لآ تسوقيين و لآ تتعنييين .. انآ و بطي ظآهريين .. بنآخذج ويآنا ..
طرفه : لالا فديتكم اتهنو بظهرتكم .. مآ احب اكون عذول ..
بطي ( بمصخره ) : اقول اركبي السيآره عن ادزج ..
طرفه ( و هي تلتفت صوب مهره ) : ههههه الله يعينج على هالعنيف ..
مهره : ههههههه شسوي بعد .. اتعودت ..
بطي : نعم ؟ نعم ؟ نعم ؟ الحقي يآ شرينه دآرو على ولدج ..
مهره + طرفه : هههههههههه .. ( و تكمل مهره ) : انته اصلاً شيخ الرياييل ..
بطي ( و هو متشقق ) : فدييت روحج
طرفه : وابيييييييه شقآيل اتفجج ..
بطي : ههههههه .. طرفوه لا تعطلينآ يالله اركبي ..
طرفه : امممم بس اخآف طريجكم غيررر .. عادي و الله الا هذييه الجمعيه ..
مهره : فديتج لا تستويين رسميه .. نحن ظآهرييين صوب دبي بنتشرى .. بس عادي بتخلصينانتي و بنردج و بنسير دبي ..
طرفه : اممممم اوكييه ..
و ظهرو بثلآثتهم .. سآرو صوب الجمعيه ..
و فالطريييج ...

{ مدآمك ميت و بآرد و طبعكفـ / الهوى جآحد
ابمحي من الحشآ حبك .. و اسويله بدل فآقد
عطيتك حب مآ يعطى و لكن الوصآل ابطى
و جييت محمل (ن) بخطى تسوي الذنب و تعآند }


طرى حآرب على بآل طرفه .. و سألت نفسهآ لو عرف عن الحآدث بيتلوم ؟ بيحس بالذنب وبيخليهآ في حآلهـآ ..
و الا كالعآده .. مآ بيهتم .. و بيرجع يجرحهـآ بدون مآ يرآعي ..
حست طرفه انه حآرب اصعب شي في دنيتهآ بكبرهآ ..
معقوووله اول حب في حيآتهآ .. يكون هالكثر مر و جآرح !!
عمرهآ مآ اتخيلت هالشي .. دآيمـاً كآنت تتخيل انهآ بتقضي بآجي عمرهآ ويآه ..
حبته بـ صدق و من خآطرهآ .. للحينه مب مصدقه انه هذآ هو الانسآآن اللي قضت عمرهآتعشق ترآبه !
طردت هالافكآر .. و فكرت بس انهآ تتجآهله و تتجآهله و تتجآهله و تتجآهله .. قد مآتقدر " تتجآهله !!
رن تيلفون طرفه .. و كآنت ام محمد المتصله .. ردت على طوول
طرفه : السلآم عليييج ..
ام محمد : هلا و علييج السلآم و الرحمه .. شحالج ؟
طرفه : الحمدلله طيبه ..
ام محمد : انا بخير ونعمه .. انتي وين ؟
طرفه : اممم طآلعه
ام محمد : انتي امس مسويه حآدث .. كيف تظهريين اليوم ؟
طرفه : لا تشليين هم .. انآ ويآ مهآري و بطي .. وآصله الجمعيه و برجع ..
ام محمد : هييه زيين .. كيف اتحسيين اللحينه ؟
طرفه : الحمدلله .. لآ تحآتييين انآ زينه
ام محمد : خبرتج شرينه انج بتسيريين ويآهآآ .. ؟
طرفه : هيييه .. خبرتنيه ..
ام محمد : و انتي شو رآيج ؟
طرفه ( بإبتسآمه ) : مآ عنديه مآنع اكييد ..
ام محمد : زييين ..
enjoy your time
طرفه : ان شآء الله .. اممم صح بغييت اخبرج انه اربيعآتييه بييون يتغدون عندييه ..
ام محمد : اوكيييه .. مب مشكله ..
طرفه : خلآص فديتج وصلنآ الجمعيه .. اتمنى اني اشوفج قبل لا اظهر خلاف ويآ امآيهشرينه ..
ام محمد : انآ و ابوج بنتغدى في البيت اليوم ..
طرفه : اوكييه تمآم ..
ام محمد : اتحملي بعمرج ..
طرفه : ان شآء الله .. فمآن الله
ام محمد : فمآن الرحمن ..
سكرن عن بعض .. و على طول علقت طرفه بإبتسآمه : هآي مآمآ متصله تتطمن عليه ..
بطي : حليلها الله يخليهآ لج ..
طرفه : آميييين ..
مهآري : يالله طرفه بننزل ..
طرفه : اوكيه ..
بطي : لحظه بس خليني احصل بآركن و بننزل .. ( ثوآني و بركن .. و نزلو بثلآثتهم ..)
اتشرت طرفه .. و مهآري و بطي بعد يتشرون ويآهآ .. بالمره ..
اجدمتهم و مشت و هي ادز السله جدآمهآ و ادور قسم " الاجبآن " كآنتملتفته و ادور بعيونهآ فوق الرفوف .. و دعمت بسلتهآآ وآحد كآن وآقف و عآطنهآ ظهرهو ويآه حرمه ..
التفتت .. و شآفت مروآن .. افتشلت .. و على طول حآولت تكون عآديه جدآمه و لا تبينارتبآكهآ ..
طرفه ( و هي اترد السله على ورآ ) : اووبس .. اسمحلي مآ شفتك و الله
مروآن ( بإبتسآمه ) : مره ثآنيه .. Accident..
طرفه ( و ويههآ بدى يحمر من المستحى ) : اممم اللي هنآك .. الوآلده ؟
مروآن ( و هو يرآقبهآ بعيونه ) : هييه ..
و على طووول مشت طرفه صوبهآ " كآنت بعيده عنهم خطوتيين بس "
طرفه ( و هي اتسلم عليهآ و تحبهآ على رآسهآ ) : السلآم علييج
ام مروآن ( بإبتسآمه ) : مرحبااا مرحباا بنتيه .. مآ تشوفيين شر .. البآرحه خبرنيمروآن عن سآلفة الحآدث ..
طرفه : الشر مآ اييج يآ رب .. الحمدلله احسن عن امس ..
ام مروآن : الحمدلله
طرفه : شحآلهآ ميثآني ..؟
ام مروآن : الحمدلله طيبه ..
و في هالوقت يووو مهآري و بطآي .. و سلموو عليهم ..
مهآري ( و هي تلتفت صوب مروآن ) : هاااه بعض النآس طآلعين من الدوآم ..
مروآن : امج مظهرتني من الدوآم .. اتقول فيه اغرآض نآقصتنهآ فالبييت ..
مهآري : كم مره قلنآلج .. بنحطلج دريوليه تحت امرج
ام مروآن : ماباااها عندييه ولدييه .. بيودينييه وين ما اباا
مهآري : ههههههه انزين على راحتج الغاليه
ام مروآن : يالله عيل اسمحولنآ نحن خلصنآ اغرآضنا بنسير اللحينه .. ( و تلتفت صوبطرفه ) : اتحملي بعمرج فديتج .. ارتآحي كثر مآ تقدرين ..
طرفه : انتي تآمرييين أمر ..
ام مروآن ( بإبتسآمه ) : مآ يآمر عليج عدو .. يالله عيل فمآن الله
كلهم : فمآن الكريم ..


{ إذا ابتسمتي أطيــروتضحك سنينـي
وأحس بإحساس غيري ما يحسونه }


روووح مروآن ويآ امه .. من بعد مآ كآن .. سآكت طول الوقت و يطآلع طرفه .. مآ اتوقعانه يرجع يشوفهآ بهالسرعه ..
تم يمشي و يلتفت ... جذبته وآآيد .. لمحهآ و هي اترمس بطي و تبتسم مآ كآنت منتبههعلييه .. حس بعمره مآ يقدر يتريآ اكثر كل يوووم ايفكر فيهآ اكثر من اليوم لي قبله.. تطرى على بآله ابتسآمتهآ .. عيونهآ .. كل شي فيهآآ ..
قرر انه ...... ( و قطعت عليه امه تفكيره يوم زقرته )
ام مروآن : مرواان
مروآن : عونج
ام مروآن : عآنك الرحمن .. يالله فديتك خلصو اللي قبلك .. اتجدم المكآن فآضي ..
مروآن : ان شآآء الله ..

فالصوب الثآني من الجمعيه ..
بطي : هآه خلصتن ؟
طرفه : هييه انآ خلصت خلآص ..
بطي : و انتي مهآري ؟
مهآري : بس اللحينه بآخذ حليييب و بنخلص ..
بطي : اوكيييه ..


+! فالشركه و بالتحديد في مكتب بو محمد +!

حآرب : خالي بغييت اخبرك .. اني بطلع يوميين اجآزه ..
بو محمد : عسى مآ شر شي يعورك ؟
حآرب : لا و الله بس بغييير جووو .. و امآيه تبآ اتسيير رآس الخيمه ..
بو محمد : هييه .. قآلتلي الصبح بتسير طرفه ويآكم ..
حآرب فز قلبه من سمع طآري طرفـه ..
بو محمد : بس حآرب ابآك تسآفر يوميين او 3 اياام البحرين اتخلص الشغل اللي فالشركهاللي هنآك ..
حآرب : ان شآء الله ( و يأشر على عيونه ) : من عيوووني
بو محمد ( بإبتسآمه ) : يعلهن سآلمـآت
و نش حآرب وقف .. عشآن يظهر ..
حآرب : تآمرني بشي ؟
بو محمد : سلآمتك ..
حآرب : ربي يسلمك .. ظهر يتمشى ليين مكتبه .. و اول مآ يلس ..


{ خيانه و انتهت آخر سوالفعشقي المجنون ..

في ليله حلمي الوردي تحطم في نهايتها

في ذيك الليله كان اهون علي احيا بدون عيون

و لا اشوف اللي شفته من حبيبة قلبي ساعتها

بعيني شفتها وياه تضحك له و هو مفتون

سعادتها بقربه تشبه بقربي سعادتها

بعيني شفتها ما هو حكي واشي و خيال ظنون

بعيني .. ليت عيني عمرها ما يوم حبتها

وقفت .. لسان حالي يقول ليه و من متى و اشلون !!

عساي القى سبب واحد يبرر لي خيانتها

انا ما كان عندي شك و لو واحد من المليون

بصدق اللي تقوله عن غلاي و عن محبتها

خيانتها عطت حجه لكل اللي يبي يخونون

و من هالليله كل خاين يتعذر بقصتها

مدام اوفى البشر خانك حرام الباقي ينلامون

و كلمات الوفى لا عاد احد يطري لي سيرتها }




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-01-2013, 02:02 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


ظهرموبآيله الجديم اللي فييه مسجآت لميآآآ .. كل مسج كآن بينه و بينهآ .. كل كلمةاحبك كتبتله ايآهآآ .. بعد كل هالسنوآت .. مآ هآن علييه انه يتخلص من هالموبآيل ..كآن كل مآ يتوله عليهآ يفتحه و يقرى مسجآتهآآ .. يبتسم ..
يوم يتذكر ايآمه ويآهآ .. كيف كآن يخآف عليهآ و يغآر عليهآ .. كآن يحبهآ بجنون ..الدنيآ كلهآ بالنسبه له لميآ ..
حدوده لميـآ .. سمآه لميآآ .. ارضه لميآ .. سأل نفسه لييش سوت جذه .. انا في شوقصرت معآهـآ ؟!
و كمل ( و الغبنه في صوته ) : احس مآ عندييه ثقه في اي بنت .. كلهن اشوفهن لميآ ..مآ فييه وفآآ خلآلآص ..
دآآم لميـآ اللي عطيتهآ هالحب كله .. و مآ قصرت عليهآ بشي طلعت جذه .. !!
كل حد يقول لي انسى .. محد يحس كييف صدرييه يحترق .. يوم اتذكر هالسآلفه .. احسعمريه كنت غبي ..
كنت مغفل .. كآنت اتخوني و انا ما ادري .. يا الله كيف كنت غبي .. ( فر الموبآيلبعصبيه و انكسر )
بعد مآ شآفه انكسر .. ابتسم بألم و كمل : خلآص انتي انتهيتي من حيآتي .. من اليومو سآير مآ فييه شي بيذكرني فيييج .. انتي ميتـه ..
اتصلت له عنووود .. اتجآهلهآآ رجعت تتصل له مره ثآنيه ..
حآرب : يآآ ربييه يآ عنوود دووم تتصليين في اوقآآت مب منآسبه ! ( و كمل ) : لو مآرديت بتم حآشرتنيه .. و رد عليهـآ ..
عنود : هلا و غلا
حارب ( بضيج ) : اهليين ..
عنود : حارب .. شي بلاك ؟؟
حارب : لا ..
عنود : بلييز لا تجذب عليه .. انا اعرفك زيين و اعرف انك متضايج ..
حارب : مب متضايج .. بس تعبان من ضغط الشغل ..
عنود : سلامتك من التعب ..
حارب : الله يسلمج .. شخبارج و شوه مسويه ؟
عنود : الحمدلله .. دامني اسمع حسك بخير ونعمه ..
حارب : دوووم ان شااء الله ..
عنود : ويااك .. انته شحالك ؟
حارب : تمام ربي يسلمج .. الا ما خبرتيني .. متى رديتي من السفر ؟
عنود : امس فليل و طرشتلك مسجآت حتى ..
حارب : هييه كنت مصدع و مسكر التيلفون .. المهم الحمدلله على سلامة الوصول ..
عنود : ربي يسلمك ..
و بعد فترة سكـوت .. دامت دقاايق ..
عنود : حارب
حارب : هلا ..
عنود : و ربي ولهت علييك وااايد .. ما يمر عليه وقت ما اتذكرك فيه .. دووم كنتبالي كنت احسب الوقت عسب ارد البلاد و احس اني قريبـه منك ..
حارب ( ببروود ) : ولهت عليج العافيه ..
عنود : الله يعافيك .. و انته مآ ولهت علييه ؟
حارب ( بتنهيده ) : امبلا
عنود : عيل ليش ما تقولهاا !!
حآرب ( بدون اهتمآم ) : لاني مشغوول .. انآ مب فآضي يآ عنوود .. خليني اللحينهاشتغل ..
برمسج بعدييين
عنود : بس ..
حآرب ( و هو يقطع عليهآ ) : عنـــود !!
عنود ( من ورآ خآطرهآ ) : اوكيه .. اتحمل بعمرك حبيبي و لا تنسى اترمسني
حآرب : اوكيه .. مع السلآمه ..
عنود : ربي يحفظك ..


+! السآعه .. 2 في بيت بو محمد +!

لبست طرفه كندوره مخوره .. و حطيت ميك اب خفيف .. و خذت المدخن عشآن ادخن الميلس.. و هي خآطفه شآفت امهآ و ابوهآ يآلسييين يتغدون ..
طرفه : يوم اربيعآتيه يووو انتو فالبييت .. مآشي حظ ..
بو محمد : مآ عليييج .. ان شآآء الله مره ثآنيه .. بنسير انآ و امج و انتي بنآكلبرع .. اوعدج
طرفه ( و هي تحضنه ) : فدييت رووحك انآآ .. خلآص عيل بسير ادخن الميلس قبل لايوصلون البنآت ..
ابتسمو الهآ هم الاثنينه .. و روحت ..
بو محمد : اليآزيه .. اشبلآج ؟
ام محمد : انته اتعرف شو بلآني ..
بو محمد : مآ فيهآ شي لو خففتي من ظهرآتج .. و التفتي لـ بنتج .. و بيتج شويه ..مآ بينقص شي ..
ام محمد : خليفه .. انته اتعرف انك يوم خذيتني كنت توني مخلصه ثآنويه .. يعني طرفهاللحينه مب يآهل و تقدر تعتمد على نفسهآ .. لازم تتعلم انهآ تكون مسؤوله ..
بو محمد : كل وآحد و شخصيته .. هآي بنتج وحيدتج .. كيف اتهوون علييج ..
ام محمد : انته اتكبر الموآضيع يآ خلييفه ..
بو محمد : اتعرفين اني مآ اكثر رمسه .. بس لا تتحريين انه اهمآلج لبيتج و بنتجبينفعج ..
ام محمد ( و هي عآقده حيآتهآ ) : شو قصدك ؟
بو محمد : مآ اقصد شي " و كمل اكله و هو سآكت "


{ عسى الله مآ يجيب عتآب ولآ بعد و هجر و غيآب
عسآنآ مآ نتفآرق يوم .. عسى دآيم نكون أحبآب }



فالميلس .. وصلن البنيآت و يآلسآت يسولفن .. و فالحجره المجآبله الشغآلآت يالسآتيجهزن الاكل على الطآوله ..
طرفه : يآ حيالله من يآنآآ ..
فوآغي : طرفووه ضعفآنه الله يآخذ بليسج .. و محلوووه ..
طرفه : هههههه اي ضعفآنه .. اسكتي اسكتي الله يخلييج ..
جوآهر :
touch the wood .. لا تعطينهآ بـعين ..
فوآغي : ههههه انزيين .. مآ شآآء الله مآ قلنآ شي ..
شمآ : سلااامي على الريحه الطيبه .. شو مسوييلنآ
طرفه ( بإبتسآمه ) : كل اللي يحبه قلبكن ..
و فهالوقت خلصن الشغآلآت .. و خبرن سآرن صوب طآولة الاكل .. و يلسن .. و بدن يسولفنو هن يآكلن
جوآهر ( و هي تآكل الفتوش ) : يآ وييلي كالعآده رهيييب .. كم اقولج سلفينآبشكآرتكم .. بس مآ ترضييين ..
طرفه : هههههه لا هآي ولائهآ حقيه انآ بس ..
جوآهر : اتسوي الفتوش جنهآ لبنآنيه ..
طرفه : تمت 5 سنوآت هنآك و مآ تبينهآ تضبطه ..
شمآ : خبرينآ يالله شو مستوي .. الفضول بيذبحني
طرفه : امممم من ويين ابتدي ؟
جوآهر : خبرينآ منو دعمتي ؟ وآحد و الا وحده ؟
طرفه : اممم وآحد
جوآهر ( و هي شآقه الحلج ) : غرشووب ؟؟
شمآ : انآ ابآ اعرف شي وآحد هي اللي شآفته .. انتي لييش متحمسه هالكثر
فوآغي : ههههههه
جوآهر : شموه و ويييع .. ابآ ارتبلهآ امورهآ ..
شمآ : انتي لو فييج خييير رتبي امورج عقب رتبي امور غيرج
جوآهر : لالالا فديتج بسم الله علييه انا
singleمحد يستآهل اسلمه قلبييه
طرفه ( بإبتسآمه حزينه ) : صدقتي .. ماشي أحسن من أنج تكونيين
single
كلهن : لييييييييييييش اتقوليين جذه ؟
طرفه : اتضآربنآ انآ و حآآرب ..
جوآهر : عآدي بتتصآلحون ترآكم اهل و مردكم لبعض ..
طرفه : هالمره صعب .. وآآيد غلط علييه .. لدرجة انه كآن يبآ يصفعني
فوآغي ( مستغربه ) : وين يبا هذا ليكون يتحسبج حرمتـه !!! انزيين غلط علييج شوقالج ؟؟؟
طرفه : خبرنيه انه يعرف اني احبه بس متجاهل و و و و تم يخربط على رآسييه .. واتضآربنآآ .. اسلوبه كآن وآآيد خآيس ويآيه .. و لا جني بنت خآله ..
جوآهر : طبيييه مآ يستآهلج .. ( و تحط ايدهآ على ايد طرفه ) : بيآخذج اللي احسنمنه ..
طرفه ( بإبتسآمه ) : آميييين .. ( و تلتفت صوب فوآغي ) : و انتي خبرينآ شو الليمضآيقنج ؟
فوآغي : احمدآني ..
طرفه : اشبلآه ؟
فوآغي : زعلان عليييه .. قآل لي يبآ صورتيه .. و قلتله اني طرشتله قبل ..
جوآهر ( و هي تقطع عليهآ ) : هآي اللي بتجلطني ..
شمآ : جوآهر فديتج هدي اعصآبج ..
فوآغي : احبه مآ اتعرفييين شو يعني احبه ..
طرفه ( و هي تأشر لـ جوآهر بعينهآ ) : هدووو عمآآركم ..
جوآهر : انا اللي ويآهآآ .. طلبااته هالانسآن مب طبيعيه .. انا ارمس هالرمسهلمصلحتج .. سمعيني ..
امممم انتي مآ اتعرفين اذآ بيتيوزج و الا لا .. فـ لا تعطينه صورج .. كنت مب موآفقهمن البدآيه .. بس سكت عشآنج ..
و عطيتيه صوره .. ليش بعد غيررها و غيرهااا ..
فوآغي : ادري بس ..
شمآآ : هي ترمس لمصلحتج .. مآ تبآج تندميين فـ المستقبل على شي تسويينه اللحينه ..
طرفه ( و هي تحآول اتهون عليهآ ) : اممم سكتي عنه شويه يمكن هو يبآ ايتم بروحه ..و عقب بيرمسج اكيد ..
لآ اطرشيين له مسجآآت بعد .. لو يبآج ايعرف رقمج .. انتي هدي نفسج بس ..
فوآغي ( بإبتسآمه خفيفه ) : اوكيييه ..
شمآ : مآ خبرتينآ عن الحآدث ..
جوآهر : هيه و الله قلتي وآحد و عرفنآ انه غرشوب و سكتي ..
طرفه : هههههه .. انزيين اتعرفون مهآري حرمة بطآي صح ؟
كلهن بصوت وآحد : هييييه
طرفه : الريآآل اخوهـآ ..
فوآغي : يشبههآ ؟
شمـآ : اوصفيه ؟
طرفه : و شعنه تسألن ؟
جوآهر ( و هي تتنهد ) : نبآ نتخيل .. يمكن يعيبنيه و ادور علييه هههههه
طرفه : ههههه هيه انتي معقوله .. لكن الثنتيين اللي رمسن قبلج .. على اسآس عندهنحد و عينهن زآيغه
كلهن : هههههههههه
طرفه : امممم انآ مآ اعرف اوصف .. يعني ويهه سمح .. اتحسون برآحه لو تشوفوون ويههو كله مبتسم مآ شآء الله علييه .. مب مثل حآرب ..
فوآغي : عيل رووحي يا طرفووه الله يجعله من نصيبج ..
طرفه ( و هي اتحط ايدهآ على حلج فوآغي ) : اييييه لالالا ..
جوآهر : و لييش لا شو المآنع .. ؟
طرفه : بس مآ احس اني مب مستعده اتيوز اللحينه .. بعديين هو اكبر مني بوآيد
جوآهر : آآآه حلآلآته يالذكيه .. بيدلعج
فوآغي : اندوكم انتو هاي ههههه .. فقيرره ..
طرفه : فديتج .. الرياييل مب كلهم نفس الشي .. مب كل صغير يهزأ و لا كل عووود يحشم..
جوآهر : حتى و لووو .. الرياال احسه فرصه من كل النوآحي .. جلبي الفكره في بآلج
طرفه : ههههه اللي يسمعج بيقول اللحينه هو وآقف عند البآب ..
جوآهر : و لو وآقف .. شو الرآي .. ؟
طرفه : اممم انآ مآ افكر فيه ..
شمآ : اممم عشآن حآرب ؟؟
طرفه : لآ عشآن نفسي .. وآآيد تعبيتهآ و هي تترجى عطف حآرب
شمآ : الله يعوضج خيير ان شآآء الله
طرفه : آمييين .. هههه هيه صح على طآري اخو مهـآري .. اليوم الصبح بعد يوم سرتالجمعيه شفته ..
كلهن ( و هن منصدمآت ) : احلـــــــــــفي !
طرفه : ههههه هيه و الله .. عاده فاتكم دعمته بالسله .. جآن ايقول لي .. مره ثآنيه..
Accident ..
جوآهر : هههههه بلآج على الريآل .. كله ادعمينه ..
طرفه : هههه شو درآني .. هييه صح اليوم بسير ويآ امآيه شرينه .. رآك ..
فوآغي : زييين اتغيريين جووو ..
شمآ : فديتهآ عموتج دوومهآ اتحس فيييج ..
جوآهر : الله يخليهآ لج ان شآء الله ..
طرفه : آمييييين ..



+! الساعه 4 العصر .. فبيت بو هزاع +!


بو هزاع .. و ولده هزاع يالسين فالصاله .. و يسولفون .. مثل عادتهم كل يوم العصر..
بو هزاع : هااه شوه مسوي فالدراسه ؟
هزاع : لا ما عليك يا الغالي .. ان شااء الله اني مآ بوطي رآسك
بو هزاع : آآمين .. ان شااء الله اشوفك محامي ناجح و مهم فالبلاد
هزاع : من بؤك لابواب السما .. على قولت المصريين
بو هزاع : ههههه .. آآمين .. و نش وقف ..
هزاع : وييييين ؟؟
بو هزاع : بسير المسيد اصلي .. و عقب بسير ميلس بو ضاحي ..
هزاع ( و هو يحآول يسنده ) : انته تعبان .. مب لازم اتسير .. ارتاح اليوم ..
بو هزاع : الله يهداك يا هزاع .. انته تحيدني ما اصبر عن الميلس .. يالله انا ظاهرشي في خاطرك
هزاع : سلامة راسك يالغالي .. و لا تتحير ..
بو هزاع : ان شااء الله من العين اليمنى قبل اليسرى
هزاع : يعلهن سالمات ..
بو هزاع : الله يسلمك ( و مشى لين باب الصاله و وقف فجأه و حط ايده على صدره بحركهثجيله و طاح عالارض )
هزاع ( و هو يربع صوبه ) : ابويه .. ابويه .. بلاك ؟؟
بو هزاع ( بكلمات متقطعه ) : عمك يا هزاع .. عمك ..
هزاع ( و هو يفتح العقم ) : بويه .. اشبلاك ؟؟ رد علييه دخيلك ..
بو هزاع : .................................
هزاع حاول انه يشل ابوه و حط ايد ابوه ورا ظهره و سنده لين ما و وصله لين الموتر وعقب ساق به لين المستشفى .. و هو حابس دمعته فعينه .. ابوه كل من بقى له فهالدنياو اعز من له فحياته .. هوه ابوه و امه و اخوه و كل شي انحرم منه فهالحياه .. مايتخيل حياته بدونه .. و على طول طرد هالفكره من راسه .. و تم يدعي لابوه انه اللهيعطيه طولت العمر و الصحه و العافيه ..
بعد 7 دقاايق .. وصلو المستشفى و على طول نقلو بو هزاع غرفة الانعاش و هزاع ما يلسعلى حيله من دخل الدكتور عند ابوه .. و هو الا رايح راد .. راد رايح .. و آخر شييوم شاف الدكتور على طول لقفه و سار يرمسه ..
هزاع : هااه بشر يا دكتور .. شحاله ابويه ؟؟ شوه صحته اللحينه ..
الدكتور : حقولك اييه يا بني .. ابوك تعرض لبداية جلطه ..
هزاع ( بصدمه ) : لا حول و لا قوة الا بالله
الدكتور : و دلوئتي هوه مش فوعيوو .. حالتووو مستقره .. بس لازم يبأى تحت الملآحظه..
هزاع ( و دمعته حايره فعينه ) : يعني مآ علييه شر ؟
الدكتور : احتمال يصحى من الغيبوبه فاي وقت .. و احتمآل تحصل انتكآسه لا سمح الله.. خلينآ بس نأأوول يآآ رب ..
هزآع : يآآ رب انك تشفييه و تعآفيييه ..
الدكتور : هوه كان بيعاني من ضغوط معينه !!
هزاع : هييه الله يهدييه واايد يرهق نفسه مع الشغل و الدوام .. و ما يريح نفسه ..
الدكتور : كترة المجهود اللي كان بيعملوه هوه اللي اتسبب له بالذبحه .. و ايواا ..كمان .. الدخان لازم يسيبوه مايصحش كده .. ده الدخان عدوو الانسان الاول .. نحمدربنا انها جت على كده ..
هزاع : الحمدلله .. الحمدلله على كل حال .. خلاص عيل دكتور انا بتصل فالاهل بطمنهم
الدكتور : خلاص مش مشكله .. و خد بالك من ابوك كويس ..
هزاع : ان شااء الله و متى بترخصونه ؟؟
الدكتور : مقدرشي اقولك .. لحد ما يصحى و نطمن عليه
هزاع : اوكييي ..
و روح الدكتور عنه تم هزاع روحــه يدعي ربه انه يلطف في ابوه لانه مآله غيرره فيهالدنيآآ ..
و فهالوقت اتذكر كلمات ابوه و هو يقول له (عمك يا هزاع .. عمك .. ) .. و على طول وبدون تفكير بردة فعل عمه .. اتصل له .. و رن الموبايل ..





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 24-01-2013, 02:03 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! السآعه 5في بيت بو عمر +!

توهآآآ شمآآ رآده من بيت طرفه .. دخلت سلمت على امهآ و ابوهآ و حبتهم على روسهم ..
بو عمر و ام عمر يالسين فالصاله يطالعون التيلفزيون .. و فجأه رن موبايل بو عمر ..و كان الرقم غريب بالنسبه له ..
اتشآآور اذآ يرد و الا لآ .. و رد ..
بو عمر : السلام عليكم ..
هزاع : و عليكم السلام و الرحمه .. شحالك عميه ؟؟
بو عمر : بخير ونعمه .. منو الريآآل ؟
هزاع : اول شي اوعدني انك تسمعني للآخر .. و انا حاضر اذا ما يازت لك رمستيه انكتسكر في ويهي و الا تسوي اللي تباه .. بس اول شي اسمعني ..
بو عمر : ان شااء الله .. اتكلم يا ولديه ..
هزاع : انا هزاع ولد اخوك سالم ...
بو عمر ( باستغراب ) : خويه سالم !!
هزاع : هييه نعم اخوك سالم اللي نسيته و جفيته و لا دريت عنه .. اللي حرمته منمخوتك و من القرب منك .. اللي بديت عليه الغريب و خليته يدخل امبينكم .. انآ اتصلتاخبرك انه ابويه فالمستشفى و من اول ما طاح كانت على لسانه جمله وحده بس (عمك ياهزاع عمك)
بو عمر نزلت من عينه دمعة ندم غسلت كل اللي فخاطره من ظن شين ظنه في اخوه الاياماللي طافن فهاللحظه كان وده يروح لاخوه يحبه و يستسمح منه و يحضنه و يعييد ايامقبل ايام ما كانو ايد وحده محد يروم يفرقهم
هزاع : عميه .. وين سرت ؟؟
بو عمر : انا وياك يا ولدييه انته خبرني اي مستشفى و انا بييك ..
هزاع ( و هو طاير من الفرحه لانه يدري انه هالشي بيفرح ابوه ) : امممم يعني بتيي.؟
بو عمر : كيييف ما ايي هذآ خويه الوحيـد !
عمر ( و هو طآير من الفرحه ) : الله يخلييكم لبعض يآآ رب ..
بو عمر : آمييين .. خلاص قوول لي في اي مستشفى و مسآفة الطريج و انآ عندكم ..
خبره .. و على طول سكرو عن بعض ..
ام عمر : شوه مستوي ؟؟
بو عمر ( و هو يطلع مستعيل ) : خويه بو هزاع طايح فالمستشفى ..
شمامي ( بخوف ) : رب ما شر .. شوه مستوي ؟؟
بو عمر : ما اتخبرت هزاع .. انا من سمعت الخبر و انا خايف عليه و ابغي اسير اشوفه..
شمامي : بوويه دخيلك خلني اسير وياك .. بتطمن على عميه ..
بو عمر : ................................
شمامي : دخيلك ..
بو عمر : انزيين .. يالله تعآلي ..
ام عمر : طمنونا عليه أول بأول بالتيلفون .. و ربي يحفظه و يقومه بالسلامه
بو عمر + شمامي : آآآمين
ظهرو على طول من البيت روحو صوب المستشفى و اول ما شافهم هزاع سار صوب عمه و حضنهعلى طول .. و خبره عن سالفة طيحة ابوه كامله
بو عمر ( و هو يبا يهدي هزاع ) : ما فيه الا العافيه ان شااء الله .. و لا اتحاتي.. انا هنه وياك و ما بتخلى عن سالم و بتم وياه حتى لو احتآج علآجه انآ يسآفر برع..
هزاع ( بإبتسآمه ) : ما تقصر يا عميه خيرك سابج ..
بو عمر : افاا عليك يا هزاع انته ولديه .. و اللي طايح و ميهود خوويــه .. يعنيقطعه مني .. حسبي الله على اللي كآن السبب .. و الله اني متلوم في سآلم .. انه حتىو هو تعبآن ذكرني و انا شو سويييت ( و ينزل رآسه )
هزآع ( و هو يرفع رآس عمه و يبتسم له ) : اللي صآر صآر .. انآ متأكد لو ابوييهيشوفك بيستآنس وآآآآيد ..
هزآع : اوعدك ان كل شي بيرد شرات اول و اخير ..
هزاع : ان شااء الله ..
بو عمر : سير كل لك شي و يهك مصفر .. و عقب اخطف البيت بدل و ارتاح و انا بتم هنه..
هزاع : لا عميه انآ مب تعبان و لا شي .. و بعديين مآبآ اسيير اخآف اسير و يفج عينهفي اي وقت ابآ اكون ويآآه
بو عمر : الا تعبان و نص .. خلاص عيل سير الكافتيريا اللي هنه .. خذ لك شي و ردهنه مره ثانيه .. يالله اتحرك .. ما ظني سالم بيرضى عن اللي تسويه بعمرك .. ياللهابويه سير
هزاع ( بابتسامه ) : ان شااء الله
شمامي : انآ بعد بسير .. ما تآمر بشي من هناك .. ؟
بو عمر : لا سلامتج .. انتي سيري خذيلج شي جانج تشتهين .. و انا بسير عند الدكتوربرمسه عن سالفة سفر سالم
هزاع : خلاص عيل عميه نحن بنروح اللحينه و بنرد بسرعه ان شااء الله
بو عمر : ان شااء الله ..
( و يكمل بإبتسامه ) : .. و دير بالك على بنت عمك يا هزاع



{ قربك شفا للروح و النودنسناس .. و روياك سعدي عن ليالي نحوسي

طيفك يراودني مع غفلة الحاسَ .. و يسود جوي و المشاعر حبوسي }




هزاع : ان شااء الله .. ( و اول ما ابتعدو عن بو عمر شويه ) قال : شموه فـ عيونيلا خليت منهاا
شمامي : ...................
هزاع : لييش سآكته فديتج .. شعنه ما ترمسين ؟؟
شمامي : مآشي .. ما فييه شي .. ( كان الممر فاضي ما فيه حد و المستشفى هاادي )
هزاع ( و هو يوقف جدامها ) : بلاج شماني ؟
شمامي ( و دموعهآ بدت تنزل من عيونهآ ) : مب مصدقه اللي صار ما اصدق انا رديناعايله وحده شرا اول احس عمريه في حلم يا هزاع .. و لو كان حلم ما اريد اصحى منه ..بس اللي معور قلبي طيحة عميه كنت اتمنى انه الظروف اللي انرد فيهاا تكون أحسن منجذه .. بس شوه بنقول .. قدر الله و ما شاء فعل ..
هزاع ( و هو يمسح دموعهاا) : فديت روحج انآ .. ما عليج ما صار الا الخير ..ابويييه مآ علييه شر ان شآء الله
شمامي : ان شآآآء الله ..
هزاع : يالله ابتسمي .. ابآآ اشوف الابتسامه اللي انحرمت منهاا وايد .. ( و ابتسمتله شمامي .. )
هزاع : يعل البسمه ما تفارق شفاتج قولي آمين
شمامي : آآآآمين ..
تم هزاع واقف يطالعهااا و يناظرها كان يبا يشبع عينه ابهاا .. و وده لو انه الزمنما يتحرك بس ايتم لين هاللحظه ..
لحظة وجوده ويا شمامي .. يحس عمره يحلم .. عقب هالعمر كله وآقف ويآهآآ و ايرمسهآآ.. و في بآله رمسة عمه ( اوعدك ان كل شي بيرد شرات اول و اخير .. ) .. يتمنى انههالشي مآ يكون حلم و لو حلم فـ مآيبآ يصحى منـه ..
رد طرى على بآله ابووه .. بس اتعوذ من الشيطآن لانه مآ يبآ يضيج بـ عمره .. بس يبآيدعيله .. و ان شآآء الله انه الله بيطمن قلبه عليييه ..
شمامي ( و هييه تتمشى عنه ) : يالله اتحيرنا .. خلنا نخلص و انرد لابويه ..
هزاع : و الله لو اطالعج الدهر كله بعدني ما بشبع من شوفتج ..
شمآمي : عسآني مآ خلآ و لآ عدم منك ..
هزآع : آميييين و لآ منج




+! السآعه 6 فبيت المرحوم سهيل بن بطي +!

ام بطي يآلسه ويآ بطي و مهآري و حآرب و تتريآ طرفه ..
ام بطي : يوميين سآيريين و رآدييين ان شآآء الله .. عااد اتحملي بعمرج يا مهره وارتآآحي ..
بطي : طآعو بس انتو .. و انآ بجرج .. يعني برآينيه !!
ام بطي : هههههه انته غيـآر ..
مهره : حتى عموه عرفتك انك غيااار .. بسك فضحت عمرك ههههه
بطي : ههههههههه
في هالوقت دشت طرفه .. و سلمت .. و على طول رمست ام بطي
طرفه : يللا امـآيه .. انآ خلصت
ام بطي ( و هي توقف ) : بطي ابوييه اتحمل بعمرك و ما اوصييك على مهره ..
طرفه ( و هي منصدمه ) : اممم ليش بطي و مهآري مب سآيريين ويآنآ ؟
ام بطي ( بإبتسآمه ) : لا حآرب بيسير ويآنآ ..
طرفه انحبطت حست انه الونآسه اللي كآنت اتخطط الهآ كلهآ رآحت .. قآلت في خآطرهآامممم بس حآرب عمره مآ سآر و لآ رد ويآنآ كله .. بطي قبل لآ يعرس و من عرس قآمو هوو مهآري اييون ويآنآ .. يآ ربيييييييه و انآ اللي قلت بفتك من حآرب كم يووم ..احباااااااااط و ربي احباااط .. !
حآرب كآن يرآقب طرفه .. يبآآ ايعرف ردة فعلهآآآ اوول مآ اتعرف .. انه هو الليبيسير ويآآهم مب بطي .. و مثل مآ اتوقع مليووون علآمة استفهآآآم على ويههـآ .. وسكتت مآ علقت بأي حرف .. كآن فيه جمووود كبير من صوبهآ اول مآ سمعت اسمه .. !
ام بطي : يالله غنآتي طرفه .. نحن مروحيين .. ( و اتحط ايدهآ على جتفهآ ) : طرفه.. في شو اتفكرييين ؟
طرفه : مآشي فديتج .. اممم مامآ و بآبآ بتوله علييهم ..
ام بطي : يعني مآ تبيني انااا ؟
طرفه : هههههه فديتج قلبج انااا .. اتغآرييين بعد ..
ام بطي : لازم لي فييج مثل مآلهم فييج ..
طرفه : اكيييد اكيييد .. ممآ لآ شك فيه ..
ام بطي : اتحسب بعد
طرفه : هههههههه يالله فديتج مآ نبآ نتحير ..
كآن حآرب يرآقب طرفه و يسأل نفسه .. اممم فيه امل انج اتسآمحيني ؟
امآ طرفه فـ كآنت مرتبكه و قلبهآ ايدق بطريجه مب طبيعيه .. بس كآنت اتخبي هالشيبالضحك مع ام بطي ..
اخيراً .. حط حآرب الشنط و الاغرآض فالدبه .. و ركب و يلست ام بطي حذآله و طرفهورآآ .. و حركوو السيآآره ..
شوي و الا يرن تيلفون ام بطي .. و كآن رقم غريييب .. ردت على طووول ..

ام بطي : السلام علييكم ..
غايه : و علييكم السلام و الرحمه .. هلا و غلا بالغاليه ..
ام بطي ( و هييه مستانسه ) : اهليين .. شحالج فديتج ؟! و شحاله سعيد ؟؟
غايه : الحمدلله نحن بخير ونعمه .. شحالج انتي .. و شحالهم اخواني و مهره و طرفه وخاليه و حرمته ؟
ام بطي : كلهم بخير و يسرج حالهم ..
غايه : عسااهم دوووم يا ربي .. اقوول فديتج سعيد يبا يسلم علييج ..
ام بطي : يالله برمسه ..
سعيد : مرحبا الساع عموه
ام بطي : مرحب بآجي .. شحالك ابويييه ؟
سعيد : بخير الحمدلله .. شحالج انتي عموه .. ؟
ام بطي : الحمدلله كلهم بخير و سهاله .. هآآ شو غايه ويااك ..
سعيد : غايه حرمه و النعم فيهااا .. امرره ما عليهاا رمسه .. و اسميني الا حظيظيوم خذتهاا ..
ام بطي ( و دموعها بدن ينزلن ) : هالله الله فيها يا سعيد .. تراهاا غويه نظرالعيون
سعيد : افاا علييج بس .. غايه فـ عيوني ..
ام بطي : عيونك سالمه ياا رب ..
سعيد : ربي يسلمج يالغاليه ..
ام بطي : يالله عيل ما بطول علييكم .. و طمنونا .. لا تقطعون .. و اتحملو بعماركم..
سعيد: ان ساااء الله .. انتي تآمريين امر .. و انتي بعد عموه .. سلمي سلمي .. علىعميه بو محمد و بطي و حارب .. و باجي الاهل ..
ام بطي : ربي يسلمك من كل شر و ضر .. يالله حيااك ..
سعيد : الله يحييج .. فداعت الله
ام بطي : فداعت الرحمن ..
و وطت ام بطي التيلفون .. و بدن دموعهاا ينزلن من كثر شوقهاا لبنتهاا الوحيده ..
طرفه ( و هي اتحط ايدهاا على جتف عمتهآ بموآسآه ) : هذي غايه .. صح ؟!
ام بطي : هييه .. و الله انه البيت مستاحش عليه بدون غويه فديتهاا ..
طرفه : فديتج لا تصيحيين خلاص ما بقى شي و بترد غويه البلاد ..
ام بطي : هييه ادريبهاا فديتها .. لكني اتولهت عليهآ واايد .. اول مره اتغيب عنيهالكثر
طرفه : هييه الله يهنيهاا في حياتهاا و يوفجها .. و يكون الها سعيد ولد الحلالاللي يقدرها و يصونها
ام بطي : آآآآمين .. ربي يسمع منج ..
طرفه : يالله امسحي دموعج .. و رآويني الابتسامه الحلووه
ام بطي ( بإبتسامه ) : لا خلاني ربيه منج ..
طرفه : آآمين .. و لا منج ..

كآن حآرب يرآقب بصمت انسجآآم امـه مع طرفه .. بدووون مبآلغه كآنو جنهم ام و بنتهآآ.. الحب بينهم متبآدل .. الخووف .. الاهتمآآآم .. كل شي .. يفهمون على بعض ..يقدرون يخففون عن بعض ..

ام بطي : سلمت علييكم وآآيد و سعيد بعد
طرفه + حآرب : ربي يسلمهم من الشر .. ( رمسو في نفس الوقت و رفع حآرب رآسه على طولو شآف طرفه فالمنظره و هي شآفته .. نزلت رآسهآ و ردت تتسند و هي تحآول تتجآهله امآحآرب فـ تم كل شويه يرفع عينه يطآلعهآآ
على امل انه تطيح عينهآ في عينه .. )



+! الساعه 7 و نص المسآ .. فالمستشفى +!



{ يا خوي يا عزوتي يا ضحكتيو بكاي .. يا من على فزعتي يمينه في يمناي

من لي سواك اللي على جتافه ارتشي .. لي ضامني الوقت و خان فيني الدهر !!

انته العضيد اللي اشد فيه الظهر .. يا خــوي }





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 24-01-2013, 02:15 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7



بو عمر يالس فـ غرفة الانتظار ..يتفكر .. و يتذكر .. كيف انه كان غافل الايام اللي طافن عن حق اخوه عليه في إنهيوصله .. و اتذكر لما كان بو هزاع ينصحه بانه يبتعد عن يو يمعه لانه ريال مصلحجي وما تهمه الا نفسه لكنه ما كان يسويله سالفه ابــد .. و اللحينه مستانس انه الامورردت مثل اول .. صح انه عقب فتره طويله من الخصام .. بس بعد ما عليه .. المهماللحينه انهم ردوو عايله وحده .. يحبون بعض و يخافون على بعض و هنه رن موبايل بوعمــر .. و كانت ام عمر متصله .. تتطمن على بو هزآع
بو عمر : السلام عليكم
ام عمر : و عليكم السلام ..
بو عمر : شحالج الغاليه ؟
ام عمر : و الله بخير و نعمه .. انته شحالك ؟ و شوه صحة بو هزاع اللحينه ؟
بو عمر : و الله انا بخير .. و بو هزاع للحينه حآلته مستقره ..
ام عمر : الحمدلله .. و الله يقومه بالسلامه ..
بو عمر : الله يسلمج .. هااه شمامي وصلت و الا بعدهاا ؟؟
ام عمر : هييه نعم وصلت ..
بو عمر : انا قلت حق هزاع يسير البيت يرتاح .. و عقب محاايل و شده رضى انه يسير والا امبونه ما يبا
ام عمر : هييه حليله .. ابوه كل اللي بقى له فهالدنيا ..
بو عمر : الله يقومه بالسلامه ان شااء الله .. بس من اليوم و ساير هزاع بعد ولديهو حاله من حال عياليه ..
ام عمر : ربي يطول بعماركم و يخليكم لعيالكم .. انزيين بشور عليك بشور
بو عمر : آمري يالغاليه
ام عمر : ما يآمر عليك ظالم .. بس انا اشوف انه حراام هزاع يتم روحه فالبيت هالجمنيوم اللي بيقضيهن ابوه فالمستشفى .. بيستاحش روحه فالبيت
بو عمر ( و هو مستانس ) : جنج فقلبي .. نفس اللي كنت افكر فيه ..
ام عمر( بتغلي ) : لييش ؟؟ انا وين ؟؟ اذا مب في قلبك ؟؟
بو عمر : ههههه .. انتي فعقلي و فبالي .. و فخيالي و احلامي .. و فكل مكان اشوفه واطيح عليه عيوني ..انتي بعد تكونيين فيه .. هااه بعدج تسالين وين انتي ههههه
ام عمر : لااا .. لا خليت منك انا اعرف قدريه عندك و لو ما رمست
بو عمر : فديت ام عيالي انا
ام عمر : تفدتك العافيه يا ربي .. انزيين انا اللحينه بسير اشوفهم شو سوو حق العشى..
بو عمر : خلاص برايج ..
ام عمر : و لا تنسى تقول حق هزاع انه عشاه عندنا اليوم
بو عمر : ان شااء الله ..
ام عمر : فمان الله
بو عمر : فمان الرحمن



+! فهالوقـــــــــت +!


توه .. هزاع واصل صوب عمه ..
هزاع : السلام عليكم ..
بو عمر : و عليكم السلام و الرحمه
هزاع : هااه عميه بشر شوه قالك الدكتور
بو عمر ( و هو مستانس ) : ابوك فتح عينه .. الحمدالله نش بالسلامه
هزاع ( و هو يحضن عمـه ) : لك الحمد و لك الشكر يا ربي .. يعني ما يحتاي نسفر برععشان نطمن عليه اكثر ؟؟؟
بو عمر : و الله يا ولدييه قال ما يحتاي انسفره خاري .. و قال بعد انه لازم يتجنباي ضغوطات مره ثانيه .. و لازم
يقطع التدخين
هزاع : هييه يعني حالته في تحسن ؟؟
بو عمر : هيه الحمدالله الدكتور اكد لي انه اتعدى مرحلة الخطر .. و بعديين اهم شيو انا عمك انه ما عليه شر ..
و الحمدلله .. هااي نعمه
هزاع ( و هو يبتسم لعمه ) : الحمدلله رب العالمين
بو عمر : خلاص عيل انته اليوم عشاك في بيت عمك ويانا .. بغيتك بعد اتم عندناهالجمن يوم اللي ابوك فيهن فالمستشفى ما اييوز اتم روحك و هلك موجوديين
هزاع ( و هو منزل راسه ) : اسمحلي يالغالي ما اقدر
بو عمر : افاا .. اترد عمك ؟؟
هزاع : ما عااش من ايردك يا الغالي ..امممم لكن ..
بو عمر ( و هو عاقد حياته ) : لكن .. شو يا ولدي ؟؟
هزاع : يا عميه انته عندك بنتيين .. و صدجني لو انا ييت ما بيآخذن راحتهن في بيتهن.. عشان جذه اسمحلي .. انا هب قصدي اردك .. بس لو ييت ما برتاح و لا بنات عميهبيرتاحن ( و ابتسم لعمه )
بو عمر : دامك ما تبا ما بغصبك .. بس عيل خلاص .. اكلك ويلستك عندنا .. أدريبكبتستاحش روحك
هزاع ( و هو يبتسم لـ عمه ) : ان شااء الله .. ( و يكمل هزاع ) : أبا أشوف ابويــه
بو عمر : هاذووه الدكتور خلنـا نرمسه
هزاع : دكتور ابـااا اشووف ابويــه ممكن ؟؟؟
الدكتور : ايواا ممكن بس .. ما تتكلموش معااه .. لاحسن الكلام بيتعبوه و هو لازميرتاح
هزاع : ان شااء الله ..
سار هزاع صوب ابوه و تم عمه يتريااه خاري .. و اول ما دش سلم و حب ابوه على راسه..
هزاع ( و هو متألم لطيحة ابوه ) : سلامتك يالغالي .. سلامتك يعله فيني و لا فيك..ربي يعطيك طولت العمر و الصحه و العافيه ..
بو هزاع ( بصوت واطي و متواني ) : لا تقول جذه .. ربي يحفظ لك شبابك ..
هزاع ( و نزلت دمعه من عينه طاحت على خد ابوه ) : بخبرك عن سالفه بتفرحك واايد ..
بوهزاع ( و هو يأشر له بعينه بمعنى شوه )
هزاع ( و هو يلتفت صوب الباب ) : اقرب ..
بو عمـر ( و هو يبتسم ) : قرب منك الخيير .. ابتسم بو هزاع ابتسامه خفيفه و لكنالفرحه كانت باديه على ويهه ..
بو عمر ( و هو يسير صوبه ) : خطاك السوو .. و ماجوور يا خوويـه .. و ان شااء اللهمن اليوم و ساير ما بيفرقنا عن بعض غير امر الواحد الاحــد .. ( و حط ايده على ايداخوه ) و بدون ما يحس هزاع نزلن دموعه .. و هو متأثر بالشي اللي صار بين ابوه وعمه ..و حمد ربه انه رد يمعهم من يد و يديد .. و دعى ربه انه يدييم عليهم المحبه وما يفرقهم ...بعد ربع ساعه قضوهاا هزاع و بو عمر ويا بو هزاع .. و استانسوو ..ظهرو عنه عسب ما يتعبونه ..


+! في ممر المستشفى +!

بو عمر : خلاص عيل .. اللحينه انته روح البيت ..
هزاع : و انته ؟
بو عمر : انا بتم هنه شويــه
هزاع : يا عميــه ما شي فايده انك اتم .. بالباجر الوالد بيصحى .. اللحينه هوهراقد
بو عمر : ما عليه انا بتم هنه .. و عقب .. بلحقك ..
هزاع : ان شــاء الله .. تآمرني بشي قبل لا اروح يالغالي ؟
بو عمر : ما يآمر عليك ظالم ..
هزاع : فمان الله ..
بو عمر : فمان الرحمــن ..


+! السآعه 9 في رآس الخيمه +!

كآنو وآصليين من فتره .. خذو شقه من الشقق الفندقيه .. عبآره عن حجرتييين وحمآميين .. صآله و مطبخ .. طرفه و ام بطي في حجره .. و حآرب في حجره ..
حآرب من اول مآ وصلو سبح و قآلهم انه بيرقد شويه و دخل .. و ام بطي بعد سبحت وانسدحت ترتآح شويه .. و طرفه بعد سبحت و يلست فالحجره .. تقرى شويييه كملت نص سآعهو عقب ظهرت .. و الا تشوف البلكون مبطله .. يوم وآيجت شآفت حآرب .. مآ انتبه عليهآكآن عآطنهآ ظهره و يرمس فالتيلفون ..
حآرب : اللهم صبرج يآ رووح .. عنوود لآ تنرفزيني .. توني نآش من الرقآد و مآليمزآج على شي ..
عنود : ...................................
حآرب : شقآيل مآ تبيني اعصب .. و انتي كل شويه اتقوليلي اتحبني ؟
عنود : ...................................
حآرب ( قطع عليهآ و هو بدى يفقد اعصآبه ) : عنوود عنوود سمعي انا خبرتج قبل ..انتي الوحيده بين البنات اللي عرفتهن قلت انج اني مستحيل احب عقب لميا .. شوفي انآما اريدج تتعلقيين فيني .. ترى كل رمسه حلوه اتقولينها لي اتحز فـ خاطريه .. لانياعرف انج صادقه و انا ما اريد اخدعج .. انا ما اقدر احبج و لا اتيوزج .. اتفهمي ولا تضغطيين علييه اكثر عن جذه ..


{ كآنالخطآ في عآلمك شي عآدي ..
مآني من اللي لآ جرحته ضحكلك }



اوول مآ سمعت طرفه رمسته رووحت المطبخ و هي تصيح .. قآلت في خآطرهآ بقهر .. انآاللي هي بنت خآله يبآ يذلنيه و هآييج اللي مآ تقربله و لا هي من لحمه و دمه .. يحزفخآطره الكلآم اللي اتقوله ايااه و انآ يوم عرف عنيه جلب علييه
في هاللحظه حدر حآرب .. على طول التفتت طرفه صوب الاجيآس و هي تحآول انهآ ادآريدموعهآ .. امآ حآرب فمن شآفهآ حآول يفتح معآهآ اي مجآل للكلآم ..
حآرب : اممم طرفه شو تسويين ؟
طرفه اطآلعته بنظره و يت بتروح عنه .. مسك ايدهآ على طول
حآرب : انتي شو فييج ؟
طرفه( و هي معصبه ) : فجني .. مآ يخصك فييه .. و لآ ترمسنييه .. تسمع ؟؟
حآرب : ايخصنيه .. يالله ارمسي بلآلآج ؟؟
طرفه : مآ بقولك شو فييه .. و فجني
حآرب ( و هو يحط عينه في عينهآ ) : بعدج زعلآنه ؟
طرفه ( على طول طرت الهآ مكآلمته الاخيره ) : حآرب .. مب جنه هآي سآلفه جديمه ومنتهيه و بعديين انآ زعلت و الا رضيت هذآ شي مب مهم ..
حآرب : و انتي منو تكونيين عشآن اتقرريين عني لو مهم و الا مب مهم
طرفه : انا اعرفك اكثر من اللازم .. فـ مآ يحتآي حد يقول لي .. بعديين غيرر اسلوبكمعآيه لا ترمسنيه جذه .. و الا شوف منو بيرد علييك ..
حآرب : بعـــد !!
طرفه ( و هي تصد عنه ) : لا تحآصرنيه وآآيد بهالسآلفه ( و بإبتسآمة حسره ) : انااعرف انك مسوي هالسالفه كلهاا اتلاحقني و تراضيني .. مب عشاني انا .. عسب امايهشرينه .. لكن اتطمن انا ما بقولها شي
حارب ( باستغراب ) : طرفه !!
طرفه : نعم ؟
حارب : الهدرجه انا طايح من عينج ..؟؟
طرفه ( بصوت مخنوق ) : انته منو تكون عشآن اتطيح من عيني ؟
حارب ( و هو يوقف جدامها ) : انآ منو اكون !!
و هنه رن موبايله ..
طرفه : سير رمسهاا شعنه واقف .. شوه تتريا ؟؟
حارب : اتغاريين ؟؟
طرفه ( بلا مبالاه ) : لااا ابـد .. ما اغار على شخص ما يهمني .. و لا يعنيلي شي.. ( و تكمل ) : يآ بني آدم فجني ..
حآرب ( و هو يفجهآ ) : بس ترى الكلآلآم مآ خلص ليين هنه ..
طنشته طرفه و روحت و هي تفكر .. اتخآف تضعف و تسامحه من كثر ما يحن عليها .. و لوسامحته هيه متأكده انه ما بيحس بحجم الغلط اللي غلطه عليها .. و هييه تبااه ايحسسبانه الشي اللي سواه في حقهاا غلط ..
و قالت فخاطرهاا : يآ ربيييه صبرنيه لآ تخلي قلبيه يليين .. انا اريد انساه ..حارب انسان جاسي مب شآيف حد فالدنيآ غير لميآآ و اللحينه عنود و قبل خوآلي و اللهاعلم منو بعد !



CUT

to becontinued>>>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 24-01-2013, 02:20 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7




( 9 )



+! السآعه 10 فـ بيت بو عمر +!


شمآمي يآلسه فـ حجرتهآ .. و اترمس فواغي اللي مآ كآنت ويآهآ 100% لانهآ اتفكر في احمد .. اللي صآرهذآ اسلوبه ويآهآ من يصير شييبتعد و عقب يرجع و العكس .. يحسسهآ انهآ لعبه .. فإيده
شمآمي ( و الفرحه مبينه فـ صوتهآ ) : مستآنسه .. طرشت حقجوجو و توته مسجآت .. انه ابويييه و عميهترآضو و الحمدلله عميه سآلم اتعدى مرحلة الخطر .. الحمدلله الحمدلله ..
( و تكمل و هي تتنهد ) : انا اسعد انسآنه فالدنيآ .. كنت عآيشه على امل هاللحظه .. و الله في كل فرض و اولمآ افتح عيني و قبل مآ اغفى و انآ ادعي .. و دووم كنت اقول حقهزآع الله بيلطف ابنآ .. علينآ بس بالدعآء الصآدق
فوآغي ( و هي فرحآنه لـ فرح اربيعتهآ ) : فدييت روحج والله .. اخيراً بنفرح ابكم
شمآمي : هههه هيه و الله .. اممم بس تدرييين شآله همتوته ..
فوآغي : عشآن حآرب ؟
شمآمي : هيييه .. كل مآ تبتعد عنه خطوه يجرب عليهآ خطوآت..
فوآغي : ليش اتقوليين جذه ؟
شمآمي : قبل شويه رمستنيه طرفه و هي تصييح.. اممم حآرب مب مخلنهآ فـ حآلهآ
فوآغي : ياا ربيييييه منه .. و الحل ؟
شمآمي : اممم مآ ادري والله .. علميه علمج ..
فوآغي : شمآمي انآ اعرفهآ طرفه لو سوآبهآ مآ سوآبهآ مآ بتخبر عمتهآ عليه و لآ بتقول لابوهآعنه ..
شمآمي : الله يهديهآ بس لآزم ترمس .. بيتمآدى اكثر و اكثر ..
فوآغي : امممم شو رآيج يوم اترد ان شآء الله بالسلآمه .. انرمسهآ انآ و انتي و جوجو انهلازم تتصرف .. امممم يمكن نقدر نقنعهآ..
شمآمي : انآ مآ عنديه مآنع .. رمسي جوجو .. و خيير انشآء الله ..
فوآغي ( بإنفعآل ) : شموووه .. احمدآني ع الخط الثآني..
شمآمي : ههههه مآ بغى .. يالله بسكر عنج .. رمسيه ..
فوآغي : اوكيييه .. ( سكرت عنهآ و على طول ردت عليييه و هي نآويه تحط حد لكل شي )



{ بعتك بلآش و بيع مثلك طيبي .. و الله مآ اعود لك لو صآرمآ صآر
لآني نصيب(ن) لك و لا انته بنصيبي .. مآ عآد لك فـ القلب حب(ن) و مقدآر}




فوآغي : انته وينك ؟
احمد : و الله انآ اللي المفروض اسألج..
فوآغي : هههههههه
احمد : لييش تضحكيين ؟
فوآغي : لانك ضحكتني .. كنت ادقلك من مساعه الصبح .. و لآ وقفت الا جريب العصر..
احمد : انتي اتعرفيين طبعييه .. يوم اتضآيج مآ احب ارمس
فوآغي : اهـآ
احمد : شو اهااا ؟
فوآغي( ببرود ) : مآشي
احمد : انتي بلآج اليوووم ؟
فوآغي : مآ فييه شي ..
احمد : اكييد ؟
فوآغي : على اسآس يهمك وآيد ..؟
احمد : ..........
فوآغي : احمد انته كنت زعلآن عشآن سآلفة الصوره .. ؟
احمد : انتي لييش مآ عندج ثقه فيييه ؟
فوآغي : يعني الموضوع موضوع ثقه بس ؟
احمد : كل مآ ارمسج .. في شي قلتيلي لآ ..
فوآغي : و انآ لآزم اعطيك صورييه و اطلع ويآك عشآن ايكونعندي ثقه فييك ؟
احمد : لو تحبيني صدج .. بتسوين اي شي ابااه..
فوآغي ( و الضيج مبين فـ صوتهآ ) : تعبت و انآ اقولك حآضر و لبييه .. ( و بدت تصيح ) : فوآغي طرشيصورج .. حآضر / فوآغي ابآ اشوفج .. ان شآءالله .. / فوآغي سوي جذه .. مثل مآ تبآ / فوآغي لآ تسويين جذه .. انته تآمر / فوآغي لو تحبيني ردي اللي يخطبونج .. منعيـوني ..
و آخرتهـآ ؟؟ شـو كسبت ؟؟ انته مآ تبآ تتيوزني انآ اعـرف.. تبآ تتسلى بي ..
احمد ( و هو منصدم بأسلوبهآ ) : انتي منو تآرس رآسجبهالخرآبيط ..
فوآغي : محـد .. ( وتكمل بعد دقآيق ) : احمـد انآ تعبت من كل شي ..
احمد : و المطلوب ؟
فوآغي : خلنآ نفترق ..
احمد : بس انآ احبج و ابآج ..
فوآغي ( و هي تصيح ) : ردحميد خطبنيه .. و بوآفق .. خلآص امسح رقمي و انسآني
احمد ( بتحدي ) : و لو مآ نسيتج.. شو بتسويين ؟
فوآغي : انا اللي بنسآك ( سكرت في ويهه و فرت التيلفون على الشبريه )


اتذكرت فوآغي كيف كآن احمد اول مآ عرفهآ .. و كيف استوى بعد مآ حبته .. مستهتر بعوآطفهآ مآ يهمهشي .. فكرت ( و قآلت فـ خآطرهآ ) : كم اتحملت منهالانسآن .. صدقن البنآت يوم قآلن هو يلعب عليه و انآ الخسرآنه آخر شي .. انآ اللي بتروح سمعتيه لو حد درى عني .. هليمآ يستآهلون اني ابيعهم عشآن وآحد مآ يسووى..
ادري بتعب وآيد فـ البدآيه .. بس .. ها اللي كآن لازميستوي من زمآن!


+! انرد لـ بيت .. بو عمر +!



كآنت شمآمي .. تتمشى برآ .. واتفكــر .. في كل اللي صار اليوم .. كآن كل شي مثل الحلم .. معقوله انه الهم الوحيد اللي كانت شالتنه .. انزاح و ماعاد له وجود .. اللحينه بس تتمنى و تدعي ربها .. انهم يطمنون علىعمهآ سآلم اكثر و يشوفونه بينهم و تكتمل فرحتهم .. و سرحتبافكارها صوب حبهاا الوحيــد .. هزاع .. كان عندها احســاس قوي انه اخيرن.. الحظ بيبتسـم لهم .. فـ هالوقت وقف هزآع موتره براا ..قحم و مشى صوب بآب الصآله .. لمح شمآ و كآنتمنزله رآسهآ و اتفكر .. يآهآ من ورآهآآ بدون مآ تحس علييه .. و همس الهآ ..

{ لما تقولي احبك التفتبذهول .. و من فرحتي فيك تخنق صوتيالعبره
لا غبت احس الدقايق فالغياب اطول .. و تشب في غيبتك وسطالحشا جمره
كل البشر حبهم قطرة غلا و ميول .. حبك بحر وش تجي عندالبحر قطره
ما ابالغ انقلت و ان بالغت انا المسؤول انا اصدق احساس فالدنيا على فكره}



هزآع ( بهمس ) : أحبـــــــــــج
شمامي ( فآجه عيونهآ و حاطه ايدهاا على صدرها ) : بسم الله الرحمن الرحيم
هزاع : ههههههه زغتي هااه ؟؟
شمامي : هية روعتنيه .. ( وبدلع ) : حرام عليك
هزآع : فديتها اللي تقول حرام عليك
( شمامي .. استحت و نزلت راسهآ )
هزاع ( و هو ينزل الهآ تحت ) : في شو كنتي اتفكرين ؟
شمآمي : في عميه
هزاع ( و هو يحط ايده على ايدهآ بموآسآه ) : لآ تحآتيين مآ علييه شر ان شآء الله
( و يشل ايده ) : خلآص فديتج انسي الزعل و الضيج .. الحمدلله على كثر مآ صبرنآ الله عوضنآ خير
شمآمي ( بإبتسآمه ) : هييهو الله ..
هزآع : تدريين ؟ عمييه قآل لي ايي ايلس عندكم ليين يرخصون ابوييه بالسلآمه..
شمآمي : و طبعاً اممم انته رفضت ؟؟
هزآع : ههههه شو درآج..
شمآمي ( و هي تغمز له ) : اعرف حبيبي في شو يفكر
هزآع : لآ خلييت منجانآ ..
شمآمي : آمييين .. امم هزآع
هزاع ( و هو يطالعهاا ) : عيــونه و روحـه .. آآمررري فديتج ..
شمآمي : مآ يآمر عليك عدوو فديتك .. خلنآ ندخل قبل لا ايي حد ..
هزآع : ان شآآء الله ..
مشووو هم الاثنينه صوب الصآله .. و دخلوو كآنت سآره يآلسه بروحهآ و تدرس..
ساره ( بإبتسآمه ) : Oh .. NO .. هزاع هنه .. ما اصدج ..
هزاع : هههه هلا و الله بـ ساره ..
ساره :اهليين .. شحآلك؟
هزاع : بخير ربي يسلمج .. انتي شحالج ؟ و شوه مسويه فالثانويه ؟
ساره : الحمدلله يسرك حالي .. و عن الدرآسه شو بقولككراف X كراف
هزاع ( بابتسامه ) : ههههه الله يعينج و يوفقج..
ساره : آآآمين .. هاااه اشووف الحبايب مجتمعيين ..
شمامي : سارووه يوزي ..
هزاع : ههههههه ..
ساره : اونهااا استحت .. مب طاايح عليج الدور
هزاع : هههههه
شمامي : و انته بستضحك .. دآفع عني عالاقل
هزاع : ساروه تراج بتنضربين .. يوزي عن حرمتييه
ساره ( و هي تغمز له ) : ايواااا ايواااا .. حرمتك علىطول جذه .. مين أأدك يا عم
شمامي + هزاع : هههههههه
سآره : بتم وآقف ؟.. ايلس البيت بيتك..
هزآع : مآ تقصريينالغآليه .. بس يآي اسلم على عموه و اروح ..
سآره ( و هي تهز حيآتهآ ) : ياا ريااااال قول غير هالرمسه .. هآ و انا جاكتنكم انته و شموهيايين من برا رباعه ..
هزآع : ههههههه و يعني ؟
سآره : يعني خطفت ع حبيبة القلب .. و عقب ييتنآ نحن مسآكيين
هزآع ( و هو اييلس ) : هاا و هآي يلسه سيري ازقري عموه..
سآره : شمآ سيري ازقري امايه .. مآ سمعتي الحبيب الغآليشو قآل
شمآمي ( و هي تسير ) : انزييين..
سآره : يالله نزل عليهآ الادب يوم انته يييت..
هزآع : ههههه يوزي عنهآآآ .. بتبوز اللحينه..
سآره : ان شآء الله ارباب ..
دشت ام عمر فهالوقت و كآنت ويآهآ شمآمي..
ام عمر : يا حيالله من يآنآ .. شحآلك ابوييه ؟
هزآع ( و هو ينش و يحب رآسه ) : الله يحييج .. الحمدللهاتسرج احوآلي ( و يكمل بإبتسآمه ) :عموه انتي شحآلج ؟
ام عمر : بخير وسهاله ..( يلست و يلس هزآع حذآلهآ )
هزاع : و الله ولهت علييج و على هالبييت .. ( و يتنهدبرآحه ) : يالله احس انه ردتلي الروح
ام عمر ( بابتسامه ) : حتى نحن .. انته تدري انك ما هنت و لا بتهون عليه لانك ولدييه..
و معزتك من معزة عمر .. مآ بينكم فرق
هزاع ( بإبتسامه ) : تسلميين يالغاليــه..
ام عمر : ربي يسلمك من الشر .. ( و تلتفت صوب ساره ) : ساره ..
ساره : عونج امايه ..
ام عمر : عانج الرحمن .. سيري زقري اخوج .. قوليله هزاع هنه
ساره ( و هييه تنش ) : ان شااء الله..



+! فحجــرة .. عـمـر +!



كان عمر يالس على شبريته و يراجــع على اللي خذوه اليوم .. و لا اراديــاً سرحت به افكاره صوب طرفه.. معنه مقرر انه ينسااهااا .. لانه البنيه تعتبره شراتاخوهـا و بس .. وقف عمر و هو يحاول انه يطرد ذكريآتهآ من باله ..و يقنع نفسه بأنه ماله امل وياهآ .. و احسن له ينتبه لدراستهعسب يفرح امه و ابوه بالنسبــه الطيبه ..
اتفاجأ بصوت الباب هو يندق .. حس جنه حد وقضه من سرحآنه ..
عمر : اتفضلي
ساره ( و هيه تفتح الباب ) : يزييد فضلك .. عموور اماايه اتقولك انزل تحت ..
عمر : ليش بعد .. يآلس ادرس ترآني
ساره : عشآآن ولد عميه هزاع .. عندنا..
عمر ( و هو مستانس ) : احلفي ؟!
ساره : و الله
عمر : خلاص .. انتي سيري .. و انا شويه و بلحقج
ساره : اوكيي .. بس لاتتحير ..
عمر : ان شااء الله .. ( نش عمر من مكانه .. وطى كتابه على الطاوله .. بدل ثيابه و نزل تحت على طول .. وهوه طاير من الفرحه لانه ولد عمه الوحيد عندهم)
.. اول ما نزل .. سار صوب هزاع .. اتوايهو..
عمر : مرحبا ملايين و لايسدن .. حي من لفانا فذمتيا
هزاع : الله يحييك يالغالي
عمر : شخبآآرك ؟
هزاع : و الله بخيــر و نعمه .. انته شحــالك ؟
عمر : الحمدلله يسرك الحال ..
هزاع : و علووم الدراسه ؟؟
عمر : و الله تماام ..
هزاع : الله يوفجكم .. نتريامنك انته و ساره النسب الطيبه اللي ترفع الراس
ام عمر : ان شااء الله ..ربي يسمع منك يا ولديه
و يلسووو يسولفون طشونه .. و عقب .. حطو العشى و اتعشو ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 24-01-2013, 02:21 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! الصبح .. فبيت بو مروان +!

{ حيآتي و موتي فـ ذيكالخدود و رمشه و عينه تسآوي بلآد
انآ له محب (ن) ادآري العهودو حبه حبيبي يزيد ازديآد }



العايله كلها متيمعه .. و يسولفون مثل كل يوم .. بس مروان ما كان على بعضه اليوم ..وااايد يسرح ويفكــر ..
ام مروان : مروان ..
مروان : عونج ..
ام مروان : عانك الرحمن .. بلاك مب ويانا من كم يوم هذي حالتك ..
مروان : لا ما فيني شي .. ( و ابتسم الها)
بو مروان : ليكوون اتحب .. و لا قلت النا..
مروان : هههههههه
بو مروان : ما عليج يا آمنهدامنه ضحك عيل يحب .. ابوك خبره فهالسوالف
( و يكمل و هو يغمز له ) : خبرنا متى تبانا نخطبها لك و نحن حاضرين
مروان ( لا ارادياً ) : وديه و الله من اليوم ...
بو مروان ( و هو يصد صوب ام مروان ) : لحقي يا آمنه ولدجيحب ..
ميثاني : هههههههه ابويه خلاص خويه استحى وااايد احرجته ..فديته خجول
بو مروان : ظاهرعلييه .. اييه ذكرني بايام شبابي .. يوم كنت احب امـكم
الكل : ههههههههههههه
مروان : امم انا بصراحه .. عنديه سالفه .. مآ كنت ابآاستعيل بس انتو شجعتوني
بو مروان + ام مروان : اتفضل ..
مروان : يزيد فضلكم .. اممم انا قررت اني اتيوز ..
ام مروان : هذي الساعه المباركه يا ولدييه
بو مروان : و نعم القرارو الله .. اناا من زمان اباك اتكمل نص دينك ..
ميثاني : و جاان استانس .. و اخيرن مروان بيخطب و بيعرس .. و الله وناسه..
مروان ( بإبتسامه ) : انزيين ما سألتوني منوه هييه البنت ..
كلهم بصوت واحد : منوه البنت ؟؟
مروان : طرفه بنت خالبطي
ام مروآن : بس يمكن اتكون مخطوبه .. و الا محيره.. ؟
مروآن : لآ تشلون هم .. هههه تمييت متحرقص ليين مآاتخبرت مهره .. و قآلت لي لااا..
ام مروان : دآم جذه عيل .. خلآص نتوكل على الله .. لانهآو نعم البنت .. ادب و اخلاق ..
ميثاني : هيه و الله و النعم فيهاا من بنيه .. اناوااايد احبها و اعزهااا الصراحه
مروان : و الوالد شوه رايه ؟؟
بو مروان ( بإبتسآمه ) : انا اللي اعرفه عن عايلتهم كل خير .. ابوهآآ ريآل معروف و كل حد يعزه .. مثلمآ قآلت امك بنتوكل على الله وبنخطبلك البنيه .. و الله يجدم اللي فيه الخير ..
مروان ( و هو متشقق ) : ان شااء الله .. يآآ رب اتوآفقعليه
ميثآني ( و هي تحضنه ): انآ متأكده انهآ بتوآفق علييك .. ويين بتلقى وآحد يبآهآ هالكثر..
ابتسم الهآ مروآن .. و هو يحس بعمره مستااانس .. لانههله بيخطبون له طرفه صح انه ما كملفتره طويله من انعيب فيها .. لكنه انجذب الها بطريجه فظيعه .. يحس انهاا مخلوقه له .. و انه سعادته ما بتكون الا ويااهاا .. و بقربهاا و يمهاا كآنتفكيره كله محصوور في انها اتوافق عليــه .. و ما ترفضــه.. !




+! العصر .. فبيت المرحوم سهيل بن بطي+!

بطي يآلس فالحجره بروحه و قآبض الفون فإيده و متردد .. كآنت مهره تحت .. و هو يفكر
فـ طرفه .. شو مسويه ويآ حآرب اللحينه .. مأذنهآ ؟ يضآيجهآ ؟ سآكت عنهآ ؟
خآف انه حآرب يكون متمآدي ويآها و الا غآثنهآ .. طلع رقمهآ و قرر انه يدقلهآآ ..
رن تيلفونهآآ .. بعد الرنه الـخآمسه .. ردت ..
طرفه : مرحبـآ
بطي : مرحبتين .. شحآلج ؟
طرفه : طيبه .. انتهشحآلك ؟
بطي : الحمدلله .. اماايه صوبج ؟
طرفه : لآ و الله يآلسه فالصآله ويآ حآرب .. بنش اوديلهآ التيلفون..
بطي : اممم لالا ..
طرفه ( بإستغرآب ) : عسى مآ شر .. مهاري فيها شي ؟ باباو مآمآ شي بلآهم ؟
بطي : الصرآحه لآ بس كنت ابآ ارمسج انتي..
طرفه ( بإبتسآمه ) : آمرني
بطي : مآ يآمر عليج عدو .. طرفه انتي شو بينج و بين حآرب؟
طرفه ( و هي تفتح عيونهاا من اثر الصدمه و ترمس بإرتباك ) : حـ .. حار .. حارب .. مآشي
بطي ( بغى يجس النبضعندهآ ) : انتي تعرفيين فـ داخلج انه هوه السبب الأساسي في الحآدث اللي صآر لج
طرفه : لا حارب ما يخصه فالسالفه ..
بطي : متأكده ؟!
طرفه ( و دموعهافعينها لانها اتذكرت كل اللي صار الها ويا حارب ) : هييه انته ليش مب مصدجني..
بطي : لاني اعرف انج ما تقوليين الصدج .. انا ادريبه انهمضايجنج
طرفه : لا ما ضايجني..
بطي : الا ضايجج و نص .. شايفنكم بعيني هاذييج المرهفالحديقه .. و انتو تتواقعون
طرفه : لا هذاك اليوم انا كنت غلطانه و اتمادييت وااايدو طولت لساني .. عسب جذه عصبحارب عليه و ..
بطي ( و هو يقطع عليها ) : جذابه .. ليش تتستريين على غلطه ؟؟ ليش اتدافعين عنه ؟؟ و هو ما يستاهل كل هذا منج!!
طرفه : انا ما ادافع عن حد .. و لو غلط عليه صدجني كنتبقولك ..
بطي : بعد جذابه .. لانيواجهته بلي شفته .. و ما نكر ..
طرفه ( بإستغراب ) : حارب اعترفلك !!
بطي : و الله هوه ما نكر شي ..
طرفه : ......................................
بطي : ها شو بعدج مصره .. على انه ما ضايقج
طرفه : بطي الله يخلييك .. مابآ امايه شرينه تدري عن شي ..و انته لا ترمس حارب عن السالفه خلاص كلشي انتهى ..
بطي : بس ..
طرفه ( و هييه تقطع عليه رمسته ) : لا بس و لا شي .. انا ما ارييد امايه تدري
بطي : بس حارب جذه بيتمادى .. خويه و اعرفه
طرفه : ما علييه بيي يوم و بيمل .. بس اهم شي امايه ما تدري بالسالفه لانهاا لو عرفت بتتضايج واايد..
و بتستوي حسآسيآت بينهآ و بين ولدهآ .. يعني لا انته ترضآهآ .. و لا انا ابا هالشي يصير..
بطي ( و طرفه كاسره خاطره ) : و الله انه ما يستاهل هالطيبه كلها ..
طرفه : بطي رد عليه.. توعدني انك ما تخبر امايه عن شي ..؟
بطي ( بتنهيده طويله ) : اوعـــدج
طرفه ( بإبتسامه ) : تسلــم
بطي : ربي يسلمج .. ربي يعلم بمعزتج فـ قلبي و اشكثراغليج و اعتبرج ختيه الصغيرونه .. وما احب حد يجرحج و الا يضرج بشي .. حتى لو كان خويه ولداميييه و ابوييييه .. عسب جذه ما اريده يتمادى معاج ..
طرفه : لا تشل هم ان شااء الله ما بيصيير الا كل خيير ..
بطي : اتــمنــى ! .. اممم خلآص اسمحيلي.. بسكر انآ اللحينه ..
طرفه ( بإبتسامه ) : اوكيه .. سلم لي على مهاري واايد ..و تسلم على اهتمامك يا اغلى
اخو فالدنيا ..
بطي ( بإبتسامه ) : ربي يسلمج
( سكرت طرفه و دخلت مهره كآنت يايبتله كيك و كوفي .. وطتهعلى الطآوله .. ( و يلست صوب بطي) ..


{ وسط روض القلب و مروجهيالغلآ لج دآخله وآحه
من جميع الورد ممزوجه و بحلآة الطيب فوآحه
ادخلي به و شوفي دروجه صورتج به غطت السآحه
صورتج و البحر و الموجـه جنه قلبي شآطي الرآحه}




بطي ( و هو يحب ايدها ) : فديتج .. شعنه متعبه عمرج .. انا جمن مره اقولج ارتآحي و لا اتعبيين روحج..
مهره ( بابتسامه ) : هالدلع كله لي و الا لعيالك
بطي : لأمهم فديتهاا .. اللي ما يسوونهااا
مهره : يالله كل هالحب لي انا
بطي ( و هو يطالعها و يمسح على ويهها ) : انتي شوه رايج؟؟
مهره : هههههه انا ماليراي
بطي ( و هو يتقرب منهآ ) : عيل انا بقولج .. لاني احب امهم و اموت فيهااا و لا غيرها سكن هذآ ( و يأشرعلى قلبه ) .. عشآن جذه هالحب و زوود الهآآ .. و لو اعيشفهآلدنيا 100 مره مآبآ حبيبه غيرج ..
مهره : يا ويل حالي .. لا لا ما اروم ..
بطي : هههههههه
مهره ردت علييه بإبتسآمه ..
بطي ( بتنهيده ) : اممممهآري عنديه سالفه و اريدج تعاونيني فيها
مهره : انا حاضره و عيوني لك
بطي : يعلهن سالمات .. شوفي اممم حارب واايد يتمادى فـتصرفاته ويا طرفه و هالشي مب مريحني .. وانا حاس انه هذا هو السبب الأساسي اللي خلا طرفه مآ تييبيتنآ شرآت اول .. معني يوم اتخبرها تتعلث بالدراسه و المذآكره .. و ما ادري شوه و انا مب مصدج الصراحه ..
مهره : انزيين و انته خبريتهاا بإحساسك ؟؟
بطي : خبريتهااا..
مهره : انزيين ؟؟
بطي : برت حارب من كل شي .. و قالت انه مب هو السبب
مهره : انزيين و انته ليش مجذبنها .. و شوه اللي يخلييكتشك بـ حارب هالكثر ؟!
بطي : لاني هاذييج المره ريته ويااهااا فالحديقه.......................................... ( و خبر بطيمهاري عن السالفه كلها و عن الليشافه .. و انه رمس حارب و ما نكر .. و انه اتصل
لـ طرفه توه و واجههآ و كآنت تتهرب ..)
مهره ( بإستغراب ) : و شعنه حارب يسوي بها جذه ؟
بطي : هذا ما عاد يفرقبين اللي يرمسهن و هله .. اخترب حاله و دمر .. بس اللي محيرني شعنه تتستر عليه ؟؟
مهره : الله يهديه بس .. يمكن ما تبا اتضايج عموه
بطي : ظنج ؟
مهره ( بحيره ) : عيل شوه ؟
بطي : انا خايف من شي اكبــر
مهره : شي اكبر !! مثل شوه ؟
بطي : خايف انه طرفه اتكون تحب حارب .. و الله انهابتتعذب .. و بعديين هييه حساسه و اقل شييجرحهآ و هو ما يفكر يوم يتعامل ويا اي حد
مهره : انزيين و شوهالحل .. و شقايل تباني اعاونك
بطي : ابااج اتكونيين قريبه منها يعني بمعنى اصح .. ما اريدها اتحس انه غويه عرست و خلاص ما عندها حد تشتكيله فهالبيت .. اريدج تتقربيين منها و تعرفيين اللي فخاطرهاو تحاوليين تساعدينها بأنج اتميزيين الها الصح من الغلطلاني اخاف عليهآ واايد .. احسبهاا دووم بروحهآ و انتي يا مهرهادرى بعيشتهاا كيف
مهره : بس جيه ! تآمر امر .. و انته و اهلك فـ عيوني
بطي : فديت عيونج انا



+! المغرب .. فـ رآس الخيمه +!

{ ازفر قليل و اكثرالوقت آشهق ..
و لـ كل قلب انسآن قدرهو طآقه }


طرفه فـ الحجره اتفكر فالرمسه اللي صارت بينها و بين بطي .. و قلبهاا معورنهاا على نفسهاا لانهاللحينه ما كرهت حارب .. ودهاا تنزع قلبهاا من ضلوعها و تعيشبدووون قلب و احساس دام انها خطت و حبت واحد اناني و مغرور.. و تنهدت و هييه تسند راسها عالشبريه و تقول : حساافهيا حارب حسافه ..
فهاللحظه حست بعمرها مكسوره .. وحيده .. حزينه .. و نزلتمنهاا دمعه ما عرفت شوه سببها ..بس حست بضيج و حزن .. و رغبه في انها اتصيح .. و تفرغ شي من الهم اللي فـ داخلهاا ..

فالصوب الثآني ..

ام بطي يآلسه .. تتطآلع التلفزيون ويآ حآرب و يسولفون ..
حآرب : تبون تطلعون مكآن .. ؟
ام بطي : مآ ادريبهآ طرفه فديتهآ جآن بتظهر انآ بعد بظهر .. و لو مآ تبآ بيلس ويآهآ
حآرب : احلفن انتن بس .. بتحبسنعمآركن .. !
ام بطي : اسكت عني .. و الله اني ابغي افرح هالبنيه .. بس مب عارفه شقآيل..
حآرب : لييش الشيخه مب عآيبتنهآ الظهره ؟
ام بطي : حرووب اسكت عني .. مآ اتعرف اتسوي شي غير انكتتطنز
حآرب : انزيين انتي خبريني .. شو مستوي ؟
ام بطي : مآ ادري مسآعه يوم دخلت طرفه عنديه جنهآ صآيحه .. قلتلهآ تعآلي ايلسي ويآنآ
انآ و حآرب فالصآله .. قآلتلي ابآ انسدح احس جسمي بعده يعورني .. بس انا مآ احس جذه .. أحس انهفيه شي فخآطرهآ
حآرب : لييش اتفكرين جذه؟ يمكن مآ فيهآ شي
ام بطي : حآرب طرفه انا اللي مربتنهآ و احسبهآ متى تستآنس و متى تتكدر
فهالوقت طرشلهآ حآرب مسج كتبلهآ فيه .. ( اماايه بآلهآ مشغول علييج )
ردت طرفه ( ممكن مآ تتدخل فيه ؟ )
رد طرشلهآ ( اتعرفيين كل مره ابا ارمسج مآ ودي يستوي جذه بس انتي اللي تستفزيني)
طرفه ( ودك و الا مآ ودك مآ تفرق معآيه وآيد )
حآرب ( خلينآ نتفآهم لو لآخر مره .. عطيني فرصه)
طرفه ( و لا نص فرصه ..قلتلك مآبآ يآ خي خلني فـ حآليه .. تعبآنه و ابآ ارتآح لا اطرش شي)
حآرب ( اسلوبج الباايخ هااا هو اللي يستفزني)
طرفه ( دآمني استفزآزيه ليش مضيع وقتك معايه ؟ )
حآرب ( لانج اتهميني )
طرفه ( و انته مآ اتهمني )
حآرب ( امبلا اهمج .. و تحبيني .. )
طرفه ( اففففففف .. كنت !! )
حآرب ( لا بعدج)
طرفه ( ههههه بسك غرور الله يخلييك )
حآرب ( مب غرور ها الصدج )
طرفه (على فكره .. ترى حبك .. " زجآج " طآح وتكسر )
تم حآرب يطآلع تيلفونه .. وآيد استفزه المسج .. هو ايحس انه يبآ يرآضيهآ و هي مآ تعطيه فرصه والتصرفااات اللي يتصرفهآ من بعد ضرآبتهمالاولى .. رد على استفزآزآتهآ له ..
( هالشي من وجهة نظرهبس ! )
فرت طرفه الموبآيل فالحجره و سآرت الصآله تيلس ويآهم .. قدر لامهآ شرينه ..
اوول مآ دخلت .. زقرتهآ عمتهآآ عشآن تيلس صوبهآآ..
ام بطي ( و هي تفتحلهاايديهآ ) : تعآلي فديتج .. ( و بدت تتحسس ويههآ ) : بعدج تعبآنه..
طرفه ( و هي تحط رآسهآ على جتف عمتهآ ) : لا الحمدللهاحسن اللحينه ..
ام بطي ( بإبتسآمه) : حآرب يبآ يودينآ نتعشى برع .. تبينآ نظهر و الا ..
طرفه ( و هي اترد لـعمتهآ الابتسآمه ) : اكييد بنظهر .. نحن يآيين نستآنس ( و اطآلعت حآرب بتحدي و كملت ) : مآ بنخلي شي يخرب علينآ
فهالوقت رن موبآيل ام بطي .. و كآنت اربيعة ام بطي .. ام حمد متصله .. نشت و ردت عليهآعلى طول .. اتمشت ليين الحجره .. فهالوقت طرفهركزت نظرها عالتيلفزيون .. و فـ دآخلهآ خآيفه من اي ردة فعل لـ حآرب بس هالمره حآرب تم سآكت .. و لآ سووى شي .. شلبعمره و رووح دآخل .. و على طوول اتنهدت طرررفه براااااااحه ..اول مره من استوت السآلفه ايشوفهآ بروحهآآ و لآ يتعرض الهآآ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 24-01-2013, 02:26 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! الصبح .. فبيت بو مروان +!

{ حيآتي و موتي فـ ذيك الخدود و رمشه و عينه تسآوي بلآد
انآ له محب (ن) ادآري العهود و حبه حبيبي يزيد ازديآد }



العايله كلها متيمعه .. و يسولفون مثل كل يوم .. بس مروان ما كان على بعضه اليوم ..وااايد يسرح و يفكــر ..
ام مروان : مروان ..
مروان : عونج ..
ام مروان : عانك الرحمن .. بلاك مب ويانا من كم يوم هذي حالتك ..
مروان : لا ما فيني شي .. ( و ابتسم الها )
بو مروان : ليكوون اتحب .. و لا قلت النا ..
مروان : هههههههه
بو مروان : ما عليج يا آمنه دامنه ضحك عيل يحب .. ابوك خبره فهالسوالف
( و يكمل و هو يغمز له ) : خبرنا متى تبانا نخطبها لك و نحن حاضرين
مروان ( لا ارادياً ) : وديه و الله من اليوم ...
بو مروان ( و هو يصد صوب ام مروان ) : لحقي يا آمنه ولدج يحب ..
ميثاني : هههههههه ابويه خلاص خويه استحى وااايد احرجته .. فديته خجول
بو مروان : ظاهر علييه .. اييه ذكرني بايام شبابي .. يوم كنت احب امـكم
الكل : ههههههههههههه
مروان : امم انا بصراحه .. عنديه سالفه .. مآ كنت ابآ استعيل بس انتو شجعتوني
بو مروان + ام مروان : اتفضل ..
مروان : يزيد فضلكم .. اممم انا قررت اني اتيوز ..
ام مروان : هذي الساعه المباركه يا ولدييه
بو مروان : و نعم القرار و الله .. اناا من زمان اباك اتكمل نص دينك ..
ميثاني : و جاان استانس .. و اخيرن مروان بيخطب و بيعرس .. و الله وناسه ..
مروان ( بإبتسامه ) : انزيين ما سألتوني منوه هييه البنت ..
كلهم بصوت واحد : منوه البنت ؟؟
مروان : طرفه بنت خال بطي
ام مروآن : بس يمكن اتكون مخطوبه .. و الا محيره .. ؟
مروآن : لآ تشلون هم .. هههه تمييت متحرقص ليين مآ اتخبرت مهره .. و قآلت لي لااا ..
ام مروان : دآم جذه عيل .. خلآص نتوكل على الله .. لانهآ و نعم البنت .. ادب و اخلاق ..
ميثاني : هيه و الله و النعم فيهاا من بنيه .. انا وااايد احبها و اعزهااا الصراحه
مروان : و الوالد شوه رايه ؟؟
بو مروان ( بإبتسآمه ) : انا اللي اعرفه عن عايلتهم كل خير .. ابوهآآ ريآل معروف و كل حد يعزه .. مثل مآ قآلت امك بنتوكل على الله و بنخطبلك البنيه .. و الله يجدم اللي فيه الخير ..
مروان ( و هو متشقق ) : ان شااء الله .. يآآ رب اتوآفق عليه
ميثآني ( و هي تحضنه ) : انآ متأكده انهآ بتوآفق علييك .. ويين بتلقى وآحد يبآهآ هالكثر ..
ابتسم الهآ مروآن .. و هو يحس بعمره مستااانس .. لانه هله بيخطبون له طرفه صح انه ما كمل فتره طويله من انعيب فيها .. لكنه انجذب الها بطريجه فظيعه .. يحس انهاا مخلوقه له .. و انه سعادته ما بتكون الا ويااهاا .. و بقربهاا و يمهاا كآن تفكيره كله محصوور في انها اتوافق عليــه .. و ما ترفضــه .. !




+! العصر .. فبيت المرحوم سهيل بن بطي +!

بطي يآلس فالحجره بروحه و قآبض الفون فإيده و متردد .. كآنت مهره تحت .. و هو يفكر
فـ طرفه .. شو مسويه ويآ حآرب اللحينه .. مأذنهآ ؟ يضآيجهآ ؟ سآكت عنهآ ؟
خآف انه حآرب يكون متمآدي ويآها و الا غآثنهآ .. طلع رقمهآ و قرر انه يدقلهآآ ..
رن تيلفونهآآ .. بعد الرنه الـخآمسه .. ردت ..
طرفه : مرحبـآ
بطي : مرحبتين .. شحآلج ؟
طرفه : طيبه .. انته شحآلك ؟
بطي : الحمدلله .. اماايه صوبج ؟
طرفه : لآ و الله يآلسه فالصآله ويآ حآرب .. بنش اوديلهآ التيلفون ..
بطي : اممم لالا ..
طرفه ( بإستغرآب ) : عسى مآ شر .. مهاري فيها شي ؟ بابا و مآمآ شي بلآهم ؟
بطي : الصرآحه لآ بس كنت ابآ ارمسج انتي ..
طرفه ( بإبتسآمه ) : آمرني
بطي : مآ يآمر عليج عدو .. طرفه انتي شو بينج و بين حآرب ؟
طرفه ( و هي تفتح عيونهاا من اثر الصدمه و ترمس بإرتباك ) : حـ .. حار .. حارب .. مآشي
بطي ( بغى يجس النبض عندهآ ) : انتي تعرفيين فـ داخلج انه هوه السبب الأساسي في الحآدث اللي صآر لج
طرفه : لا حارب ما يخصه فالسالفه ..
بطي : متأكده ؟!
طرفه ( و دموعها فعينها لانها اتذكرت كل اللي صار الها ويا حارب ) : هييه انته ليش مب مصدجني ..
بطي : لاني اعرف انج ما تقوليين الصدج .. انا ادريبه انه مضايجنج
طرفه : لا ما ضايجني ..
بطي : الا ضايجج و نص .. شايفنكم بعيني هاذييج المره فالحديقه .. و انتو تتواقعون
طرفه : لا هذاك اليوم انا كنت غلطانه و اتمادييت وااايد و طولت لساني .. عسب جذه عصب حارب عليه و ..
بطي ( و هو يقطع عليها ) : جذابه .. ليش تتستريين على غلطه ؟؟ ليش اتدافعين عنه ؟؟ و هو ما يستاهل كل هذا منج !!
طرفه : انا ما ادافع عن حد .. و لو غلط عليه صدجني كنت بقولك ..
بطي : بعد جذابه .. لاني واجهته بلي شفته .. و ما نكر ..
طرفه ( بإستغراب ) : حارب اعترفلك !!
بطي : و الله هوه ما نكر شي ..
طرفه : ......................................
بطي : ها شو بعدج مصره .. على انه ما ضايقج
طرفه : بطي الله يخلييك .. مابآ امايه شرينه تدري عن شي .. و انته لا ترمس حارب عن السالفه خلاص كل شي انتهى ..
بطي : بس ..
طرفه ( و هييه تقطع عليه رمسته ) : لا بس و لا شي .. انا ما ارييد امايه تدري
بطي : بس حارب جذه بيتمادى .. خويه و اعرفه
طرفه : ما علييه بيي يوم و بيمل .. بس اهم شي امايه ما تدري بالسالفه لانهاا لو عرفت بتتضايج واايد ..
و بتستوي حسآسيآت بينهآ و بين ولدهآ .. يعني لا انته ترضآهآ .. و لا انا ابا هالشي يصير ..
بطي ( و طرفه كاسره خاطره ) : و الله انه ما يستاهل هالطيبه كلها ..
طرفه : بطي رد عليه.. توعدني انك ما تخبر امايه عن شي ..؟
بطي ( بتنهيده طويله ) : اوعـــدج
طرفه ( بإبتسامه ) : تسلــم
بطي : ربي يسلمج .. ربي يعلم بمعزتج فـ قلبي و اشكثر اغليج و اعتبرج ختيه الصغيرونه .. و ما احب حد يجرحج و الا يضرج بشي .. حتى لو كان خويه ولد اميييه و ابوييييه .. عسب جذه ما اريده يتمادى معاج ..
طرفه : لا تشل هم ان شااء الله ما بيصيير الا كل خيير ..
بطي : اتــمنــى ! .. اممم خلآص اسمحيلي .. بسكر انآ اللحينه ..
طرفه ( بإبتسامه ) : اوكيه .. سلم لي على مهاري واايد .. و تسلم على اهتمامك يا اغلى
اخو فالدنيا ..
بطي ( بإبتسامه ) : ربي يسلمج
( سكرت طرفه و دخلت مهره كآنت يايبتله كيك و كوفي .. وطته على الطآوله .. ( و يلست صوب بطي ) ..


{ وسط روض القلب و مروجه يالغلآ لج دآخله وآحه
من جميع الورد ممزوجه و بحلآة الطيب فوآحه
ادخلي به و شوفي دروجه صورتج به غطت السآحه
صورتج و البحر و الموجـه جنه قلبي شآطي الرآحه }




بطي ( و هو يحب ايدها ) : فديتج .. شعنه متعبه عمرج .. انا جمن مره اقولج ارتآحي و لا اتعبيين روحج ..
مهره ( بابتسامه ) : هالدلع كله لي و الا لعيالك
بطي : لأمهم فديتهاا .. اللي ما يسوونهااا
مهره : يالله كل هالحب لي انا
بطي ( و هو يطالعها و يمسح على ويهها ) : انتي شوه رايج ؟؟
مهره : هههههه انا مالي راي
بطي ( و هو يتقرب منهآ ) : عيل انا بقولج .. لاني احب امهم و اموت فيهااا و لا غيرها سكن هذآ ( و يأشر على قلبه ) .. عشآن جذه هالحب و زوود الهآآ .. و لو اعيش فهآلدنيا 100 مره مآبآ حبيبه غيرج ..
مهره : يا ويل حالي .. لا لا ما اروم ..
بطي : هههههههه
مهره ردت علييه بإبتسآمه ..
بطي ( بتنهيده ) : اممم مهآري عنديه سالفه و اريدج تعاونيني فيها
مهره : انا حاضره و عيوني لك
بطي : يعلهن سالمات .. شوفي اممم حارب واايد يتمادى فـ تصرفاته ويا طرفه و هالشي مب مريحني .. و انا حاس انه هذا هو السبب الأساسي اللي خلا طرفه مآ تيي بيتنآ شرآت اول .. معني يوم اتخبرها تتعلث بالدراسه و المذآكره .. و ما ادري شوه و انا مب مصدج الصراحه ..
مهره : انزيين و انته خبريتهاا بإحساسك ؟؟
بطي : خبريتهااا ..
مهره : انزيين ؟؟
بطي : برت حارب من كل شي .. و قالت انه مب هو السبب
مهره : انزيين و انته ليش مجذبنها .. و شوه اللي يخلييك تشك بـ حارب هالكثر ؟!
بطي : لاني هاذييج المره ريته ويااهااا فالحديقه .......................................... ( و خبر بطي مهاري عن السالفه كلها و عن اللي شافه .. و انه رمس حارب و ما نكر .. و انه اتصل
لـ طرفه توه و واجههآ و كآنت تتهرب ..)
مهره ( بإستغراب ) : و شعنه حارب يسوي بها جذه ؟
بطي : هذا ما عاد يفرق بين اللي يرمسهن و هله .. اخترب حاله و دمر .. بس اللي محيرني شعنه تتستر عليه ؟؟
مهره : الله يهديه بس .. يمكن ما تبا اتضايج عموه
بطي : ظنج ؟
مهره ( بحيره ) : عيل شوه ؟
بطي : انا خايف من شي اكبــر
مهره : شي اكبر !! مثل شوه ؟
بطي : خايف انه طرفه اتكون تحب حارب .. و الله انها بتتعذب .. و بعديين هييه حساسه و اقل شي يجرحهآ و هو ما يفكر يوم يتعامل ويا اي حد
مهره : انزيين و شوه الحل .. و شقايل تباني اعاونك
بطي : ابااج اتكونيين قريبه منها يعني بمعنى اصح .. ما اريدها اتحس انه غويه عرست و خلاص ما عندها حد تشتكي له فهالبيت .. اريدج تتقربيين منها و تعرفيين اللي فخاطرها و تحاوليين تساعدينها بأنج اتميزيين الها الصح من الغلط لاني اخاف عليهآ واايد .. احسبهاا دووم بروحهآ و انتي يا مهره ادرى بعيشتهاا كيف
مهره : بس جيه ! تآمر امر .. و انته و اهلك فـ عيوني
بطي : فديت عيونج انا



+! المغرب .. فـ رآس الخيمه +!

{ ازفر قليل و اكثر الوقت آشهق ..
و لـ كل قلب انسآن قدره و طآقه }


طرفه فـ الحجره اتفكر فالرمسه اللي صارت بينها و بين بطي .. و قلبهاا معورنهاا على نفسهاا لانها للحينه ما كرهت حارب .. ودهاا تنزع قلبهاا من ضلوعها و تعيش بدووون قلب و احساس دام انها خطت و حبت واحد اناني و مغرور .. و تنهدت و هييه تسند راسها عالشبريه و تقول : حساافه يا حارب حسافه ..
فهاللحظه حست بعمرها مكسوره .. وحيده .. حزينه .. و نزلت منهاا دمعه ما عرفت شوه سببها .. بس حست بضيج و حزن .. و رغبه في انها اتصيح .. و تفرغ شي من الهم اللي فـ داخلهاا ..

فالصوب الثآني ..

ام بطي يآلسه .. تتطآلع التلفزيون ويآ حآرب و يسولفون ..
حآرب : تبون تطلعون مكآن .. ؟
ام بطي : مآ ادريبهآ طرفه فديتهآ جآن بتظهر انآ بعد بظهر .. و لو مآ تبآ بيلس ويآهآ
حآرب : احلفن انتن بس .. بتحبسن عمآركن .. !
ام بطي : اسكت عني .. و الله اني ابغي افرح هالبنيه .. بس مب عارفه شقآيل ..
حآرب : لييش الشيخه مب عآيبتنهآ الظهره ؟
ام بطي : حرووب اسكت عني .. مآ اتعرف اتسوي شي غير انك تتطنز
حآرب : انزيين انتي خبريني .. شو مستوي ؟
ام بطي : مآ ادري مسآعه يوم دخلت طرفه عنديه جنهآ صآيحه .. قلتلهآ تعآلي ايلسي ويآنآ
انآ و حآرب فالصآله .. قآلتلي ابآ انسدح احس جسمي بعده يعورني .. بس انا مآ احس جذه .. أحس انه فيه شي فخآطرهآ
حآرب : لييش اتفكرين جذه ؟ يمكن مآ فيهآ شي
ام بطي : حآرب طرفه انا اللي مربتنهآ و احسبهآ متى تستآنس و متى تتكدر
فهالوقت طرشلهآ حآرب مسج كتبلهآ فيه .. ( اماايه بآلهآ مشغول علييج )
ردت طرفه ( ممكن مآ تتدخل فيه ؟ )
رد طرشلهآ ( اتعرفيين كل مره ابا ارمسج مآ ودي يستوي جذه بس انتي اللي تستفزيني )
طرفه ( ودك و الا مآ ودك مآ تفرق معآيه وآيد )
حآرب ( خلينآ نتفآهم لو لآخر مره .. عطيني فرصه )
طرفه ( و لا نص فرصه .. قلتلك مآبآ يآ خي خلني فـ حآليه .. تعبآنه و ابآ ارتآح لا اطرش شي )
حآرب ( اسلوبج الباايخ هااا هو اللي يستفزني )
طرفه ( دآمني استفزآزيه ليش مضيع وقتك معايه ؟ )
حآرب ( لانج اتهميني )
طرفه ( و انته مآ اتهمني )
حآرب ( امبلا اهمج .. و تحبيني .. )
طرفه ( اففففففف .. كنت !! )
حآرب ( لا بعدج )
طرفه ( ههههه بسك غرور الله يخلييك )
حآرب ( مب غرور ها الصدج )
طرفه (على فكره .. ترى حبك .. " زجآج " طآح و تكسر )
تم حآرب يطآلع تيلفونه .. وآيد استفزه المسج .. هو ايحس انه يبآ يرآضيهآ و هي مآ تعطيه فرصه و التصرفااات اللي يتصرفهآ من بعد ضرآبتهم الاولى .. رد على استفزآزآتهآ له ..
( هالشي من وجهة نظره بس ! )
فرت طرفه الموبآيل فالحجره و سآرت الصآله تيلس ويآهم .. قدر لامهآ شرينه ..
اوول مآ دخلت .. زقرتهآ عمتهآآ عشآن تيلس صوبهآآ ..
ام بطي ( و هي تفتحلها ايديهآ ) : تعآلي فديتج .. ( و بدت تتحسس ويههآ ) : بعدج تعبآنه ..
طرفه ( و هي تحط رآسهآ على جتف عمتهآ ) : لا الحمدلله احسن اللحينه ..
ام بطي ( بإبتسآمه ) : حآرب يبآ يودينآ نتعشى برع .. تبينآ نظهر و الا ..
طرفه ( و هي اترد لـ عمتهآ الابتسآمه ) : اكييد بنظهر .. نحن يآيين نستآنس ( و اطآلعت حآرب بتحدي و كملت ) : مآ بنخلي شي يخرب علينآ
فهالوقت رن موبآيل ام بطي .. و كآنت اربيعة ام بطي .. ام حمد متصله .. نشت و ردت عليهآ على طول .. اتمشت ليين الحجره .. فهالوقت طرفه ركزت نظرها عالتيلفزيون .. و فـ دآخلهآ خآيفه من اي ردة فعل لـ حآرب بس هالمره حآرب تم سآكت .. و لآ سووى شي .. شل بعمره و رووح دآخل .. و على طوول اتنهدت طرررفه براااااااحه .. اول مره من استوت السآلفه ايشوفهآ بروحهآآ و لآ يتعرض الهآآ ..


{ يا طرفه اسرتيني بألحانج ولعتيني

شوقني صوت الرآزم فوق جروحي زدتيني

قلبي ذايب امبونه من ليعاته و شجونه

يلعي فرقى مضنونه ليتج ما ذكرتيني

فن الحب و منحاته تتلف روحي وناته

و تهيجني شلاته .. من وجدي تهمل عيني

عذبني حب فوادي ما يآخذني بالجادي

يا طرفه حالي غادي مالي حد يبآكيني

يبكي قلبي مضنونه بو حيات المقرونه

تعجبني نظرة لونه و المنطوق يسليني

مآ يسلي قلبي عنه خذني و اتعبني فنه ..

جرحي و اعوآقي منه ليت الخل يدآويني

تحييني نظرة شوقي خلي و هو مع ذوقي

و من شوفه تحيا عروقي و افرح يوم يلاقيني

لجلج قلبي بفنوني ايب و اير لحوني

و يالعذال خلوني مابا حد يحاكيني

لو يحكيلي مظنوني كان اعواقي بتهوني

و يا طرفه لا تلوموني بما يآني يكفيني }



دش حارب الحجره و هو يفكر في آخر مسج طرشتله ايااه طرفه .. كل شويه يفتح التيلفون و يقرآآه .. كآن يحسه .. مثل الطعنه فـ قلبه .. وآآيد كآن يعوره انه طرفه اتقول له .. " انته مآ تهمني .. انآ مآ احبك .. انسآني .. اعتبرني ميته " و غيره من هالكلآم .. كآن قبل ايحسهآ معصبه منه عشآن جذه تتعآمل ويآه بهالاسلووب .. بس كل مآ اييهآ تبتعد عنه و ترفض تعطيه فرصه .. صآرت مآ اطيجه .. ايحسهآ مآ تتقبله .. تشمئز منه لانه من بنت لييين بنت ..
حس حآرب انه مغتبن .. عمره مآكآن جذه .. حتى لميآ اللي كآن متخيل انه يموت فيهآ .. بعد مآ شآفهآ خآينتنه .. ودرهآآ مآ رمسهآآ و لآ رد علآقته ويآآهآآ معنه كآن يحس انه يموت كل يووم بدونهآآ .. بس عزت علييه كرآمته .. امآ مع طرفه ايحس عنده استعدااد يلحقهآ العمر كله .. بس اتقول له .. مسموح ! .. حس انه هو مب هوو .. فيه شي غيررر .. انسدح و غمض .. و على طول نزلت من عينه دمعه .. كيف كآن و كيف استوى .. قال فخآطره : يالله كيف انجلبت حيآتي عشآن وحده بس .. و ليتهآ تستآهل .. عقدت بعمريه .. و وقفت نفسي لين قبل سنتين و نص .. حتى بنت خآلي غلطت عليهآ بدون سبب .. ياااااااااااالله .. اشكثر انآ تآفه !
تم سآآكت 10 دقآيق و هو يتذكر كل شي .. كيف اتغيرت دنيآه .. او كيف هو غيرها للأسوء ..
حس بحرقه فـ صدره و هو يعترف لنفسه .. انا احب طرفه .. بس كيف بتسآمحني اللحينه ؟ كيف برد اكسبهآآ انا ضيعيتهآ من ايديه ( و يدق ايده بقوو على الطآوله ) ..
فهالوقت نشت ام بطي و وياها طرفه .. فجت ام بطي البآب على حآرب و هي زآيغه على ولدهآآآ
ام بطي ( و هي مفججه عيونهآ ) : بلآك شو استوى علييك .؟ شو انكسر ؟
حآرب ( و هو يعطيهآ ظهره ) : مآشي .. امم مآ انتبهت على الزجآآج ..
ام بطي ( و هي تقبض ايده ) : اشووف شو استوى عليهآ ايديك .. ميروحه ..
طرفه ( و هي مرتبكه ) : اناا .. انآ عنديه شنطة اسعآفآت اوليه صغيرونه .. بييبها بنطهر اليرح و بنلف له ايديه ..
ام بطي : سيري فديتج .. يبيهآآآ ..
سآرت طرفه تيبهآ له و هي اتفكر شو استوى علييه حآرب .. نش و هو سآكت و عقب ..
( كملت فـ خآطرهآ ) : عووذ بالله من الشيطآن .. شو استوى علييه !




{ ضميني يآ كل الحنآن و اخذيني لاية مكآن ..
نسيني مآضينآ اللي رآح مآ عآد ابي ذكرى الجرآح }



يآبتهآ طرفه .. على طوول مد الهآ حآرب ايده .. قبضت ايده و هي تتطآلع الفرق بين ايدهآ و ايده .. كآنت ايده وااايد عوده بالنسبه الهآ .. حست بدفى و هيه تيودهآآ .. ( قآلت فخآطرهآ ) : يآ ليتك يآ حآرب مآ سوييت كل اللي سويته .. انتبهت على عمرهآ .. و كرهت ضعفهآ .. ظهرت المطهر .. و طهرت له اليرح .. و عقب حطت له .. الشآش .. هو يطآلعهآ
كآن يحس بأنفآسهآ على ايده و هي تلفهآآ .. من كآنت ترفع طرفه عيونهآ هو ينزل عيونه .. كآن مستحي .. منهآ على كل اللي صآآر .. على انه جرحهآ .. على انه لعب بمشآعرهآآ .. على انه احتقرهاا .. على انه استصغرهآآ .. دووم كآن يشوفهآ يآهل مستحيل يحبهآآ .. حتى يوم عرف انهآ تحبه .. استبعد انه يوم من الايآآم يبآدلهآ هالحب .. فهاللحظه كآن وده بس يضم طرفه لصدره و يقولهآ .. انآ احبج ..
ام بطي : اتحمل بعمرك يا ابويييه .. انا مب نآقصه توقف لي قلبيه ..
طرفه : بسم الله على قلبج ..
ام بطي : الله يهدييك و يصلح شآآنك ..
طرفه ( بإبتسآمه ) : لآ تحآتيين .. جمن يوم بس و بيطيب اليرح .. لا تزعلين عمرج ..
ردت ام بطي الابتسآمه .. لطرفه و هي بالهآ مشغول لييش ولدهآ سووى جذه .. لانهآ حست انه مب مجرد حآدثه بدون قصد !



+! الصبح في احلى مدن ايطاليا .. المدينه الخالده " رومـآ " +!


كان سعيد مستأجر شقه له و لـ غناته غويه عسب يقضون فيهاا احلى ايام عمرهم ..
غايه ما نشت بعدهااا راقده و سعيد توه ظاهر من الحمام عقب ما سبح و اتنشط .. سار يلس على طرف الشبريه .. عسب يوعييها ..
سعيد ( بصوت هادي ) : غايه .. غويه .. غناتي نشي ..
غايه ( و هييه توها تتحرك ) : صباح الخيــر ..
سعيد ( بابتسامه ) : صباح النور و السرور .. شحالهاا حبيبتي اليوم ؟!
غايه ( و هييه تتطالعه بكل حب ) : دامني صبحت بويهك شي اكيد اني بخير
سعيد ( و هو يحبهآ على خدهآ ) : فديت روحج انا
ابتسمت له غايه و نزلت رآسهآ ..
سعيد ( و هو يرفع ويهها بايده ) : يالله غناتي .. نشي تزهبي .. بنسير نتريق بعد شوي
غايه : من عيوني ..
سعيد : يعلهن سالمات ..
غايه : ربي يسلمك .. ( و نشت غويه عسب تسبح و تتجهز .. و نش سعيد بعد عسب يخلص عمره بعد )

+! بعد ساعه و نص +!

سعيد كان يالس فالصاله و يترياهـا تظهر .. دقايق بس .. و ظهرت له و هييه فـ كامل اناقتهاا و من شافها وقف و هو مبحلق فيها ..
غايه ( و هييه مستحيه ) : بلاك ؟ جنك اول مره اتشوفني
سعيد ( و هو يقرب منهاا ) : لا و انتي الصادقه .. الا تحلويين زوود يوم عن يوم
غايه ( بابتسامه ) : يالله خلنا نسير ..
سعيد : يالله غناتي ..
ظهرو هم الاثنينه من الشقـــه .. و لقــو جــدامهم .. شوفير .. و موتــر ..
كان سعيــد موصي شركة تأجير سيارات على موتــر و لقاه خاري يوم ظهــر .. ركبو ويـــــااه .. كانو يبون يروحون يتريقون اول شي و عقب يتحوطون فالاماكن السياحييه ... و يتشرون من الاسواق ..اول شي اختارو الهم كوفي شوب و اتريقوو و هم مستانسيين بالجو الكلاسيـكي و بكل لحظه تجمعهم هم الاثنينه .. و ايطاليــا طبعاً دولــه شاعــريه و جوهــا رومانسي يساعــد على الاسترخاااء .. و صفاء الذهن و الراحــه .. كل هالاشيـا سـاعدت انهم يكونون في قمـة وناستهم

... عقب ما خلصو الريوق ...


{ ما تلقى فالدنيا مثلي و لا .. راح القى فالدنيا مثلك غلا
اهواك و ما اقدر بعدك اعيش .. فالعشق سمٌ و الحبُ بلا
من كثر ما قلبك طيب حنون .. اشعر باني يا اجمل عيون
في قربك اكونُ او لا اكــــون .. يعنـــي يا انته و الا فـلا
تسلملي دايم يالحب الكبير .. يا حبي الاول يا حبي الاخير
عرشك فؤادي و انته الامير .. يا من هواكم فالقلب اعتلى }



غايه سرحانه فـ سعيد و تتطالعه و هو يشرب الكوفي ..سعيد كان شكله يجنن .. ابيضاني عيونه وساع و سود .. و شعره اسود و طويل شوي .. لحيته قفل و هب كامله .. رموشه مظالييل .. و ابتسامته حلوه .. طووله اوكييي وهب متين وايد صح انه مواصفاته حلوه بس مب هذا هوه الشي اللي جذب غويه صوبــه .. بالعكس سعيد يملك قلب طيب و حلو احلى من شكله الخارجي و من اول ما ملج عليهاا و هو ما رد الها طلب .. كان دووم يسووي الها اللي تباه و اللي خاطرهاا فيه .. لانه يحبهاا و يغليهاا ويشوفهاا بالدنيا كلهاا ..و هييه بعد كانت تحبه بدرجه جنونيه لانه هوه اول من علمها الحب و كيف اتحب وهو اول من امتلك قلبها و تفكيرهااا و اول من سلب منها احاسيسهااا الطاهره اللي ما كانت لحد قبله ..
سعيد ( و هو توه يرفع راسه ) : بشوه تفكر حبيبي ؟
غايه ( لا شعورياً ) : فيـــــك
سعيد ( بابتسامه ) : وااااافــــديت اللي تفكــر فييــــــه ..
غايه : فديتك انا .. امم سعيد
سعيد ( بصوت كله شاعريه و رومانسيه ) : لبا لج سعيد ..
غايه : خلاص خلنا نش .. بسنا يلسه ..
سعيد : انتي تآمرين امر .. يالله اللحينه بدفع الحساب و بنسير .. ( ابتسمت له غايه .. )
زقر النادل .. عقب ما خلصو و ظهرو من الكوفي شوب ..
سعيد : هااه غناتي وين تبين اتسيريين اللحينه ؟؟
غايه : امممم .. خاطريه اسير .. رومان فورام .. و نافورة تريفي
سعيد ( بإبتسآمه ) : تم الســاع ..
و ردو ركبــو الموتـــر .. و هم يسولفون .. و خبــر سعيد الشوفيـر وين يوديهم ..و حرك على طــول .. كان من حسن حظهم انه الشوفيــر يعرف 4 لغات و من بينهن اللغه الانجليزيه فما كانو يواجهون اي صعوبه في انهم يخبــرونه وين يبغون يسيرون .. و طبعن طول الطريج كانت اتمر عليهم مناظر فظييعه و حلووه .. و هم كانو يسولفون و يعلقون على هذي المناظر ..
سعيد ( و هو يبتسم الها بخبث ) : هااه شوه رايج في ايطاليا ..
غايه : لا و الله غاويه الا اتجنـــن ..
سعيد ( و هو يبا يطفر ابهاا ) : تتذكريين ..
غايه : شووه ؟؟
سعيد : يوم قلت لج بنسير شهر العسل ايطاليا و انتي كنتي تبين بريطانيا ..
غايه : هههههه .. لا حول بدينا بالمعاير ..
سعيد ( و هو يغمز الها ) : لا و الله و حياتج مب معاير .. لكني بغيتج اتحسين بالجووو الرومانسي هنه
غايه ( بابتسامه ) : و ربي حااسـه ..
سعيد تم يطالعهـا
غايه : شو فخاطرك فديتك ؟
سعيد ( و هو يقبض ايدهااا و يحبهآ على خدهآ ) : اتخبلييين ..
غايه ( و هييه تسحب ايدهاا بمستحى ) : عيب عليك .. نحن فالشارع كل الناس ايشوفونا
سعيد ( و هو يلز حذالهاا ) : حرمتيه و كيفي .. و بعديين هذييلا اوروبيين عاادي عندهم
غايه : هههههه الله يهدييك بس ..
سعيد ( و هو متشقق ) : آآآآآمين

+! و بعــد فتره +!
وصلو صوب رومان فورام .. و قحمو من الموتر .. تمت غايه قابضه ايده و يتمشون حذال بعض و هم مستانسيين بالمناظر اللي يشوفونهاا في هذا المجمع الاثري .. اللي يعطي لمحه حلووه و مشوقه عن مدينة روما القديمه .. و هالمكان كان مركز حافل بالانشطه على ايام الامبراطوريه الرومانيه .. و عقبهاا على طول سارو صوب نافورة تريفي ..
سعيد : هااه مستانسه حياتي ..
غايه ( و هييه لاصقه فـ جتفه ) : طول ما انا وياك اكييد بكون مستانسه ..
سعيد ( و هو يهمسلهآ فأذنهآ ) : احبـج
غايه : و أنآ امووووت فيك
سعيد : فديت روحج .. تدرين ؟؟
غايه ( بابتسامه ) : لاا انته خبرني ..
سعيد : تشوفيين هالنافوره ؟؟
غايه : هييه ..
سعيد ( و هو يتقرب وياهاا من النافوره ) : يقوولج اذا فريتي عمله معدنيه في هالماي لازم فيوم من الايام بتردين لـ روما .. ( و يبتسم ) : طبعن هاي مقولاتهم هم
غايه : لا منوه يشوف هالجمال كله و ما ايرد الهاا .. تدري انا مسافرتلهاا مره ويا بطاي و حرمته مهاري .. بس ما سيرنا على كل مكان .. يعني سرنا اماكن معينه و بس ..
سعيد ( و هو يحط ايده ورا جتفهاا و يتمشى ) : افاا عليج انا براويج ايطاليا عدل .. بخليج اتعافينهااا من زوود ما بييبج الهاا ..
غايه : هههه انا ما اعاف المكان اللي انته فييه ..
سعيد ( و هو يرمس بصوت عآلي ) : احبهآآآآآآآآآآآآآآآآآآآآآآآآآآآآآ يآ نآآآس
غايه : هههههههه .. بسك خباال كل حد يطآلع
سعيد : كييفي متخبل على حرمتيه
غايه : هههههه حبيبي خلنآ انسير السوق قبل لا يسكــر ..
سعيد : ان شاء الله .. انتي تآمرين امر يآ عيون حبيبج
غايه : ما يآمر عليك ظالم ..( و ردو يتمشون لين الموتر )

و اول ما ركبو قال سعيد حق الشوفير يودييهم شارع فيا فينيتو .. لانه فيه احلى و ارقى المتاجر و محلات الملابس .. سارو هناك .. و طبعن ما خلوو شي فخاطرهم ما اشتروه .. و لا خلو حد من الاهل ما اشترو له صوغــه .. و جذه مرت على غايه و سعيد ايام شهر العسل .. يتسيحون في مدن ايطاليا .. روما .. ميلانو .. فينيسيا .. و غيرهن .. اللي كل وحده فيهن كانت احلى من الثانيه ..و زارو بعد المعالم السيــاحيه .... مدينة الفاتيكان .. الكوليسيوم .. تله بالاثين .. و زارو الحدايق و الاسواق بعد .. و حاولو يسيرون على اكبر عدد من الاماكن فهالايام اللي قضوهاا في ايطاليا .. و تمنو غايه و سعيد انهااا ما تنقضي .. لانه كل واحد فيهم يحس انه فرحته ويا الثآني فرحو من قبل .. لكن هالفرحه الها طعم خاص .. ما جد حسووه قبل ! ..




CUT

to be continued >>>


الرد باقتباس
إضافة رد

إذا أنت ميتن فيني تراني حين عشانك / الكاتبة : Rmad alroo7 ، كاملة

الوسوم
أحبو , alroo7 , الكاتبة , ترآني , rmad , عشانك , فيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الورطة / الكاتبة : عروسة السماء ، كاملة أنين الورد روايات كامله - يتم نقل الرواية هنا بعد اكتمالها 69 31-07-2016 03:39 AM
إنت ما تدري إنك صرت لي نبض و دم / الكاتبة : BRoNZ GiRL ، كاملة عسل مخلوط شقاوة روايات كامله - يتم نقل الرواية هنا بعد اكتمالها 34 23-10-2014 10:51 PM
عودتني كل يوم أسمع أنا صوتك / الكاتبة : عذاري العين , كاملة رهينة الاحساس روايات كامله - يتم نقل الرواية هنا بعد اكتمالها 62 07-08-2012 02:20 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
إنتفض قلبي بغزال منصوري ( يصعب فتح الموضوع ) حبيبة دمعه مخنوووقه ارشيف غرام 16 08-05-2009 03:25 AM

الساعة الآن +3: 01:10 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1