غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 25-01-2013, 09:59 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! السآعه 3 الفير .. فبيت المرحوم سآلم بن غيث +!

{ مآ لعب في حسبتي .. غيرك و ربي
لين وصلني غرآمك للهبآل }


شمسه يآلسه فالصالـه تدرس .. لانها ملت من الحجره و تبا اتغير جـو .. تمت يالسه .. و تدرس .. و تفكـيرهـا يوديها صوب عمـر .. صار الهـا فتره .. اتحبه و كاتمـه هالشي فـ خاطرهـا .. بس تدعي ربهـا انه ايحس فيهـا .. و ايحبها لو ربع المحبه اللي تحبه اياهـا .. كانت اتفكـر .. بس كييف بيصير هالشي .. و هو اصلن ما يدري عنهـا .. و لا يفتكر فيهـا و يوم ايشوفها و الا تخطف عليه .. ما تلفت انتباهه .. و لا يلتفت الهـا .. كيف ممكن ايميل الهـا !
بس كآنت عندهآ قناعه و ايمـان قوي بالله .. انها دامهـا صبرت بتنـال خير ان شـاء الله .. املهآ بربهآ كبييير اتذكرت رمسة سآره و قآلت في خآطرهآ : مستحييل ارخص نفسي بهالطريجه و اخليهآ اتخبره و الا حتى تلمح له مب حلوووه ..
" قطع عليها حبل افكـارها اخوهـا ناصر "
ناصر : فديت السرحانيين انـا ..
شمسه : امممم من متى و انته هنه .. ؟
ناصر : اممم من فتره .. و انا موجود هنـه .. بس فيه ناس مب حاسيين فينـا ..
شمسه : ههههه .. حركاات ..
ناصر : في شو تفكرين !!
شمسه ( و برد سريع ) : الامتحانات ..
ناصر : ربيه يوفقـج .. و ينولج النسبه اللي تتمنينهـا ..
شمسه : آميين يا رب .. ( و على طول غيرت السآلفه ) : الا انته شو تسوي وآعي ليين اللحينه
نآصر ( و هو يغمض عيونه و يتنهد ) : يقوول ميحد .. الشوق غلآب
شمسه : هههههه يعني ؟
ناصر : امممممم .. ( و بعد تردد ) : الا ميثـا شخبارهـا ..
شمسه : ايوااا .. ايوااا .. مب يالس ويايه عشان سواد عيوني .. تبا تتخبر عن زوجة المستقبل
ناصر : هههه فديت روحج انـا .. انتي مكانج هني .. ( و يأشر على قلبـه ) : سهمج دوم مرتفع
ما ينـزل ..
شمسه : يا وييل حالي هآ اللي بيخقنيه فـ عمريه .. ( و تحضنه ) : الله لا يحرمني منك
ناصر : آمين و لآ يحرمني منج
شمسه : يالله عآد مآ خبريتنيه شو تسوي وآعي ليين اللحينه .. اممم يوعآن ؟ تباني احطلك شي ؟ ..
ناصر : الصرآحه كنت اطآلع movie و افكر في رآعية الصوت الغآوي .. ميثآ
شمسه : هههههه هييه قول جذه ..
نآصر : متى بس متى ؟
شمسه : اتحسسني انك تحبهآ
نآصر : في شي اهم من الحب .. عقبه ايي الحب و هالشي انا احسه صوبهآ
شمسه : اممم و شو هو هالشي ؟
نآصر : القبول .. احس انج من رمستيني عنهآ و انآ متحمس اني ارتبط فيهآ امم مرتآح للسآلفه وآيد
شمسه : اممم هييه فآهمه عليك .. ( و تبتسم ) : مآشي شي يفرح خآطريه اكثر من انك تآخذ ميثآ هي و سآره اعتبرهن خوآت مب اربيعآت بصدق وآآآآيد وآآآيد اغليهن ( و تحط ايدهآ على بطنهآ ) : اممم مآ يعت .. انآ من كثر مآ درست احس اني يعت و انته ؟
نآصر : me 2 .. سويلنا سندويجآت توست ويآ عصير ..
شمسه : ان شآء الله
ناصر ( و هو يطالعهـا بحنان ) : يا حيه .. يا حيه .. يا حيه .. اللي بتكونيين من نصيبه ..
شمسه ( و هي مستحيه ) : اممم لييش !
ناصر : لانج بتحطينه فـ عيونج .. و لو دار الدنيـا بكبرها ما بيلقى حد يداريه كثرج ..
شمسه ( بابتسامه ) : ههههه ان شآء الله اكون فـ عينه مثل مآ انته شآيفنيه
نآصر : ههههه ان شآء الله .. يالله انآ بعد بسآعدج ..
شمسه ( و الونآسه مبينه في صوتهآ ) : حيآآآآك
" و روحو صوب المطبخ الدآخلي "

+! السآعه 4 الفير .. فبيت بو محمد +!

{ نعم تصنعت الفرح بس ملييت .. مآ اريد تبقى فرحتي دآيم تصنع
مآ اريد تبقى فرحتي دآيم تصنع ..
ملييت احبك .. ملييت اسلوبك اللي به تحآكيني .. تعبت احملك بدمي في شرآييني
و اليوم ابي ادور مع غيرك الرآحه بي من النآس من يشفي قلبي و جرآحه }


حآرب ( و هو يلصقهآ فاليدآر و ويهه بويههآ ) : لييش تتعمدييين اتعذبيني ؟
طرفه ( و هي تتلفت و تحآول تبعد ويههآ عنه ) : حآرب خوز عني .. اللي بيني و بينك من
زمآن منتهي
حآرب ( و هو يرص على زنودهآ بالقو ) : مآ اتحسيين انتي ؟
طرفه ( و هي تغمض عيونهآ و تحآول تتفجج منه ) : آآي يعور .. خوز ايدك عني
حآرب ( و هو يودرهآ ) : انا اتعذب كلل يوم عشآنج اموت و احيآ و انا اشوفج تعآمليني جذه و انتي
و لآ هآمنج
( و يقرب ويهه لـ ويهآ لدرجة صآرت اتحس بأنفآسه ) : كيف خليتج اتذليني هالكثر ؟ ( بعصبيه ) كيف حبيتج اصلا ؟
طرفه ( بصوت مرتجف ) : انته اللي ذليتنيه يوم عرفت اني احبك .. و اللحينه تسأل يآي
تسألني ليش
حآرب ( يبتسم بإستهزآء ) : انسي .. خلآص انسي
طرفه ( و دموعهآ بدت تنزل ) : مآ اقدر انسى .. تهيني و تبآنيه انسى
حآرب : انآ احبج و انتي اتحبيني حرآم كل وآحد فينآ يعيش في صوب
طرفه : خلآص حآرب انسى الله يخلييك اطلع من حيآتيه .. اترجآك
حآرب : لآ تطلبين مني المستحيل ..
طرفه ( و بدت تتعآطف معآه ) : خآطريه اصدقك بس مآ اقدر
حآرب : انسي كل شي و خلينآ نعيش بآجي حيآتنآ مع بعض ..
طرفه ( و هي تتطآلعه بتأمل ) : حآرب انآ احبك بس اخآف انك اتخوني و الا اتودرني
حآرب ( و هو يمسح على ويههآ ) : حتى انآ احبج و مستحيل اخونج انتي عندي بالدنيآ كلهآ
طرفه ( و هي تحضنه بقو ) : ليتني اتم طول العمر في حضنك مآبآ شي بعد .. ( و تمت حآضنتنه و يوم نشت
عنه اتبدل ويه حآرب بـويه مروآن )

.
.

طرفه ( و هي تنش مفزوعه و ايدهآ على صدرهآ ) : عوذ بالله من الشيطآن الرجيم .. ( و تتلفت و هي تتنفس بشكل سريع ) : بسم الله الرحمن الرحيم .. ( بدت تستوعب ) : كآن حلم .. حتى في نومي طآلعلي تمت منسدحه اتفكر فالحلم حآرب و مروآن .. و مروآن و حآرب .. كآنت محتآره وآآيد نشت عن شبريتهآ و سآرت صوب البآب اللي يوصل للبلكونه .. كآن فيه ممر صغير .. مشت فيه و يلست على الارض بلكونة حجرتهآ كآنو مسكرينهآ و مخلينهآ مخزن لاغرآضهآ .. فتحت البوكس اللي فيه دفآترهآ الجديمه ايآم مآ كآنت اتحب حآرب .. حطت ايدهآ على الدفتر تبآ تفتحه .. بس مآ قدرت حست انه فيه شي يمنعهآ .. قلبهآ معورنهآ على عمرهآ .. و اتذكرت عنود اللي هي متعآطفه ويآه وآيد و اللي كآنت سبب من الاسبآب اللي ردت حآرب عشآنهآ .. قآلت في خآطرهآ : حسآفه يآ حآرب .. حسآآفه ( و على طول نزلت منهآ دمعه مآ عرفت شو سببهآ بالضبط .. بس دآخلياً اتحس عمرهآ متلخبطه .. و بغت اتطلع شي من اللي فـ قلبهآ حست عمرهآ بردت شويه من يلسة الارض .. تآحت الدفتر على الارض بلامبآلاه .. و مشت صوب حجرتهآ بخطوآت سريعه .. سكرت البآب اللي يوصل للبلكونه و اتسآندت علييه و جنهآ تبآ تسكر هالبآب من حيآتهآ .. و لآ ترد تفتحه !


+! الساعه 9 و نص الصبح ... فـ بيت المرحوم سالم بن غيث +!

ام سالم يالسه فالصاله .. و تتصوخ الاخبار فالرادو مثل عادتها كل يوم الصبح .. و تتريا أحفآدهآ اينشون .. و عقب 10 دقايق حدر عليها ناصر ..
ناصر : صبحج الله بالخير يالغاليه
ام سالم : صبحك الله بالنور و السرور فديتك ..
ناصر ( و هو يحبها على راسها ) : شوه اصبحتي اليوم ..
ام سالم : حبك ربك .. الحمدلله رب العآلميين
ناصر ( بإبتسامه ) : الحمدلله ..
ام سالم : عيل شميس وينها ؟؟
ناصر : بعدها راقده ..
ام سالم ( بإستغراب ) : شعنه ؟؟ شميس هب من طبايعها ترقد لين هالوقت .. لتكون ميهوده و الا شي يعورهآ ؟
ناصر ( بإبتسامه ) : لا و الله ما فيها شي .. بس كآنت سهرآنه تدرس لين الفير .. و عقب يلسنآ نسولف لين الصلآه
ام سالم ( بإطمئنان ) : هييه زيين ربي يوفجهآ .. و انته ابويييه تدري انه امتحاناتها مآ بآجي عليهن شي لآ تشغلونهآ انته و جوآهر ..
نآصر : انتي تآمرين يالغآليه .. ( و يتلفت ) : اممم الا جوآهر وينهآ ؟
ام سآلم : نشت اتريقت ويآيه .. و عطتني دوآ الضغط .. و عقب اترخصت قآلت بتسير المكتبه تييبلهآ اغرآض و بترد تدرس ..
ناصر : هييييه زييين ..
ام سالم : نآصر .. سير شوف اختك شوفهآ جآن بتتريق .. لآزم اتنش عشآن ترقد فليل من وقت
ناصر : ان شااء الله ..
" نش سار فوق عند شمسه .. يوم وصل حجرتها دق الباب بس ما ردت.. رد دق مره ثانيه "
شمسه ( بصوت متواني ) : منـو ؟
ناصر ( و هو يدش ) : احلى صباح على شيخة البنآت
شمسه ( بإبتسامه ) : صبحك الله بالنور و السرور ..
ناصر ( و هو يفتح الستاره ) : يالله فديتج نشي ..
شمسه ( و هيه تتثاوب ) : بعدني ما شبعت ارقاد ..
ناصر ( و هو يمسح على شعرها ) : يدوه تبآج تتريقيين و ترقدين من وقت اليوم .. اممم لآ تخربطين رقآدج مب دوم اتوآصلين بتتعبين جذه .. مرآت وآصلي و مرآت نشي ادرسي الصبح
شمسه : اوكييه ..
ناصر : تسلم لي المطيعه ..
" ابتسمت له شمسه .. و ظهر عنها نزل اييلس ويا يدته .. لين ما تنقفض شمسه .. و عقب بيتريقون ارباعه "
صوب بيتهم كآنت جوآهر توهآ رآده من المكتبه .. كآنت توهآ بتلف صوب بيتهم .. و في نفس الوقت ايدهآ على المسجل .. تبآ اتبدل الـ CD و الا تتفآجأ بـ موتر ظآهرلهآ مآ عرفت من وييين .. و ضربت بريييك على طول ..
رد ظهرهآ بقو .. و عورتهآ الضربه "
جوآهر ( و هي مفججه عيونهآ ) : حسبي الله علييه من ويين طلعلي هذآ ..
الريآل ( نزل الجآمه ) : بنيه ؟؟ انآ قلت بعد محد يسوق هالسوآقه التعبآنه غيركن ..
جوآهر فخآطرهآ تنزل اتكفخه و اتسبه بس يودت عمرهآ و حركت .. صوب البيت و هي تتحرطم
نزلت و في ايدهآ اجيآس المكتبه .. مشت لين الصآله و يلست و هي تنآفخ
ام سآلم : اشيآآآج ؟؟ شعنه اتنآفخيين .. ؟؟
جوآهر : وآحد غبي بغى يدعمنيه .. و لآ بعد السبآل قآل انه سوآقتيه تعبآنه لاني بنيه
شمسه + نآصر : ههههههه ..
جوآهر ( و هي حآيسه ثمهآ ) : مآ فيه شي يضحك عن السخآفه
ام سآلم : انزيين من فريجنآ هالريآل ؟
جوآهر : ما ادريبه و الله من اي لقعه .. اول مره اشوفه .. قآهرررررررنيييه
ام سآلم : خليه عنج
جوآهر : لو مب عيب اني اتلآسن ويآه جآن عرفت شقآيل أأدبه ( و نشت ) يالله انا بسير فوق
ادرس عندي امتحآن بآجر ..
ام سآلم : ربييه يوفقج ..


+! السآعه 10 .. فالمستشفى +!

غآيه عند الدكتوره .. من بعد مآ ظهرت نتيجة التحليل .. امآ مهره و طرفه فـ يآلسآت يترين برآ و يسولفن
طرفه : اممم مآ ادري ليش احس اني متحمسه ..
مهره : و انآ بعد احسبهآ حآمل اممم عندي احسآس
طرفه : ان شآء الله يآ رب ..
" سكتو لـ دقآيق و عقب "
طرفه : شخبآرهآ ميثآني ويآ الامتحآنآت .. ؟
مهره ( و هي تحرك ايديهآ ) : و الله تعبآنه ويآ الدرآسه
طرفه : الله يوفجهآ
مهره : آميييين ..
" ظهرت غآيه من دآخل و عيونهن مآ نزلت عنهآ .. غآيه بغت اطفربهن تمت صآخه "
مهره + طرفه ( في نفس الوقت ) : بشررري !!
غآيه ( و الونآسه وآضحه في صوتهآ ) : حآمل ..
طرفه ( و هي تلوي عليهآ ) : مبروووووك
مهره ( بإبتسآمه عريضه ) : مبرووووك فديتج .. تستآهلييين
غآيه : هههههه الله يبآرك فيكن
طرفه : بتسيرون تتريقون ؟ ..
غآيه : هيييه
مهره : انآ بعد مآ عنديه مآنع
طرفه : ويين تبون عندكم مكآن فبالكم ؟
مهره : لآ و الله اللي يريحج
غآيه : و انآ بعد مآ فيه شي فبآلي
طرفه : اممم خلونآ عيل انسير Radisson Sas
غآيه + مهره ( بإبتسآمه ) : اتوكلنآ .. " و ظهرو من المستشفى "

<~ to be continued

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 25-01-2013, 10:00 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


( 15 )

السآعه 11 الصبح .. في بيت بو عمر +!


سآره و عمر عندهم اجازه بسبب امتحانات الثانويه العامه .. نآشين قبل نص سآعه و يالسين يتريقون و يسولفون .. عن الدراسه ..
ساره : في شوه ناوي تبتدي ؟؟
عمر : افكر ابتدي بالتآريخ او علم النفس .. و انتي ؟
ساره : انا اول يوم حاطه فيزياء ..
عمر ( بإبتسامه ) : حلووو .. الله يوفجنا و انييب حق اميييه و ابوييه النسب اللي يتمنونها ..
ساره : آآميييين .. اممم تدري انه شموه و هزآع بيملجون عقب امتحآنآتنآ هههههه اخيراً بيتحقق حلمهم
عمر : الله يوفجهم .. بس صدق شموه ان ظهرت من البيت بيتم مكانها خالي .. مآ عنديه حد العوزه
سآره : و انا مآ بتفتقدني لو ... ( و اشرتله على صبعهآ مكآن الدبله )
عمر : خييير الغآليه ؟؟ لو شوه ؟؟ .. بجلبج ترآنيه .. فكري في درآستج ابركلج
سآره ( و هي تظهر له لسآنهآ ) : بلاه ويهيي اخير عن ويهك ..
عمر : هههههه ودج انتي انه ويهج يكون شرآت ويهي بس ما الله عطآج
سآره : وييييييييه مآلت مآ ادري منوه عاده .. جورج كلوني في زمآنه
عمر ( و هو يطآلعها بنظره ) : اكلي و انتي صآخه ..
ساره : لآ تتطآلعنيه جذه .. انا مآ افكر اعرس قبل لا احصل شهادة الهندسه
عمر : خيييييبه .. بتيلسيين على جبودنا لين ذاك الوقت ؟؟
ساره : اتخيييييييييييييييييييبك .. هيه بيلس فـ بيت عبدالله ابويه علني ما خلا منه .. مب في بيتك انته ..
عمر : هذا انتن يالبنات ردودكن زآهبه ..
ساره : و هذا انتو يالشباب اتعايرون على كل وقت ..
عمر : هههههههه .. " و ينش " : الحمدلله انا شبعت .. ازقر ماتيلدا و الا انتي بتزقرينها ..؟
ساره : لا مآتيلدا و لا غيرها .. بشاكيرنا ثنتيناهن .. في بيت اليران ..
عمر : و ليييش ؟
سآره : اليوم عندهم عزيمة غدى .. و خبرو امايه عاد امك ما شااء الله عليها ما تقصر .. طرشتهن هن الثنتيين ..
و سآرن هي و شموه بعد
عمر : هيييه .. زين زين ..
ساره : خلاص .. انا بعد شبعت بنش اغسل الصحون
عمر : اوكييه .. اممم بس
" رن موبآيلهآ و بعد ما شافت الرقم .. أشرت بإيديها لـ عمر عشان ما يرمس .. و ردت على اربيعتها "
ساره : هلا شمآسي
شمسه : .....................
ساره : بخير الحمدلله .. انتي شحالج ؟
شمسه : .......................
ساره : ملزمتج .. اممم لآ و الله !! .. انزيين .. اتخبري ميثاني يمكن اتكون خذتها عنج
شمسه : ........................
ساره : امم عيل مآ ادري .. بس دوريهآ عدل يمكن موجوده عندج بس مآ لآحظتيهآ
شمسه : ..........................
سآره : اوكييه
شمسه : .......................
سآره : فمآن الكريم " و سكرن عن بعض .. "
عمر : اممم بلآهآ اربيعتج ؟
ساره : مضيعه ملزمتها و تتخبرنا عنها ..
عمر : هيييه ..
سآره : خلصت و الا بعدك ؟
عمر : هيه الحمدلله شبعت ..
سآره ( و هي تنش ) : يالله سآعدنيه بنودي الصحون المطبخ ..
عمر : انزييين .. بس خلي العصير بعدنيه مآ شربت
سآره : اوكييه
" سآرو حطو الصحون فالمطبخ غسلتهن سآره و عمر وآقف يسولف ويآه .. عقب 10 دقآيق خلصو و ردو دآخل عمر يلس فالصآله يدرس .. و هي سآرت فوق تييب كتبهآ عشآن تنزل تذآكر .. عقب 5 دقايق .. نزلت ساره من فوق و في إيدها ملزمة اربيعتها ".
ساره : عمووور بارك لي حصليتها ..
عمر : ههههه مبروووك ..
ساره : الله يبارك فيك .. يالله اللحينه بتصل الها بخليها تآخذها ..
عمر ( بصوت واطي ) : عااد انتي تبين سبب عشان تتصلين و تهذربين
ساره ( و هي تخزه ) : حشييت شو قلت ؟؟
عمر : لا اقوول ما شااء الله عليكن مجتهدات
ساره : هيه طالعين عليك .. و اللحينه ممكن تسكت برمس البنيه ..
عمر : رمسي عن يكون حد قابضنج و انا ما ادري ..
سآره : هيهيهي دمك ثجيييل
عمر : محد طلب رآآآيج ..
سآره ( و هي ادق الرقم ) : افففففففف .. " شويه و ردت عليهآ شمسه .. "
سآره : مرحبآآ
شمسه : ..........................
سآره : هههههه ظهرت عنديه انآ مآ انتبهت و الله
شمسه : .........................
سآره : انزييين و متى بتخطفين تآخذينهآ .. ؟
شمسه : ..........................
سآره : اوكيييه .. اتريآج
شمسه : ....................
سآره : هيه صح .. خبرتنيه ميثآني من بآجر بنتيمع في بيتكم عشآن الاستآذ ..
شمسه : .....................
سآره : امممم اذآ انتي مآ بتآخذين رآحتج ويآ الاستآذ و تبين مدرسه حرمه انآ مآ عنديه مآنع
شمسه : ........................
سآره : اوكيييه خلآص تم ..
شمسه : ..................
سآره : بآي فديتج
" يلس عمر يدرس و يشرب عصير و نفس الشي سآره بعد .. فجأه طرت على بآلهآ فكره ابتسمت بخبث .. و اطآلعت عمر بس هو مآ لآحظهآ .. نشت و دقت العصير متعمده بإيديهآ و انجب عليهآ "
عمر : هههههههه الدفآشه يبآلهآ حد
سآره : لآ تتفلسف مآ انتبهت .. و بعديين جآن فييني دفآشه اكييد ورثتهآ منك
عمر : هههههههه هييه صح صح ..سيري بدلي
سآره ( بلوآته ) : يا ربيييه شسوي اللحينه لازم اعطي البنيه ملزمتها .. و ما اييوز اظهر الها جذه .. لازم اتسبح
عمر : انزيين سيري بسرعه اتسبحي عالسريع و ردي عطيهآ
سآره : هو عآدي انآ بسير اتسبح .. بس اخآف انهآ تييي و انآ بعدني مآ خلصت و اتم تتريآ
عمر : انزين قوليلهآ اترد وقت ثآني تآخذهآ
سآره : مآ عندهآ حد اييبهآ هي خبرتنيه
عمر : و المطلوب ؟؟؟
" سآره تمت سآكته و تتطآلعه بنظره "
عمر ( فهم قصدها ) : لا حبيبتي لآ تحآولييين مآ اريـد ..
ساره ( و هي تحآول تكسر خآطره ) : حراام علييك عمور ما اييوز البنيه توصل لين هنه و اتم تتريا .. لو البشاكير هنه جان طرشيتهن .. بس ما فيه حد غيري و غيرك ..
عمر : ..............
ساره : انزييين شوف انا بسير اسبح و اذا خلصت قبل بسير الها .. و ان ما خلصت الله يخلييك سير الها و عطها ملزمتها انته ما بتسوي شي بس بتعطيها و بترد .. فديتك لا اتفشلني فـ البنيه لو شموه هنه جان ما قلت لك ..
عمر : لا تيلسين لي لو فلانه هنه و لو علانه هنه
سآره : سييير مب مآ تسييير و اتفشلنيه ..
عمر : خلاص .. بس بس كسرتي خاطريه لا تصيحيين .. بظهر الهـا ..
ساره : خلاص هذييه الملزمه ( و تأشر عليها ) .. و انا بسير اسبح ..
عمر : نعيماً
ساره : الله ينعم عليك " روحت فوق و هي متشققه لانه كل شي بيستوي مثل مآ بغته .. كآنت تبآ عمر يلآحظ شمسه بأي طريجه .. معورنهآ قلبهآ على اربيعتهآ و هي اتحب عمر من طرف وآحد ..
يلس عمر يدرس .. عقب ربع سآعه سمع موبآيل خته يرن .. اطآلع الشآشه شآف اسم شمسه .. اطآلع الدري كآن متأمل انه خته تنزل .. تم وآقف خمس دقآيق .. شآفهآ اترد تتصل .. شل الملزمه و ظهر برآ .. اتمشى لين بآب الحوي و هنآك شآفهآ وآقفه ..

{ بشبع عيوني من عيونك .. شوف قدر المستطآع ..
عل و عسآهآ تكتفي بالشوف من لذآتهآ }


عمر ( و هو يطآلعهآ بتمعن ) : السلآم عليكم
شمسه ( و هييه منزله راسها ) : و عليكم السلآم
شمسه ( بإستغرآب ) : اممم عيل وينهآ سآره ؟
عمر ( بإبتسآمه ) : هي مآ تروم تظهر اللحينه .. اممم بتخبرج خلآف لييش ( و يظهر الملزمه من ورآه ) : قآلت لي اوصلج هآي
شمسه ( و هي تآخذهآ ) : تسلم
عمر : الله يسلمج ..
" تمـو وآقفين يطآلعون بعض .. عمر جنه يشوفهآ اول مره .. شمسه مب فآهمه نظرآته و مستغربه انه يطآلعهآ جذه بس كل مآ كآنت تبآ اتنزل عينهآ مآ تقدر اتحس تبآ تشبع عيونهآ منه .. و عمر عيونه كلهآ استفهآم .. و سؤال وآحد بس على بآله ( معقـوله انتي اتحبيني .. معقوله طول هالفتره انآ مآ حسيت و لا انتبهت ..
امآ فوق فـ كآنت سآره ترآقبهم .. كآن مشهد صآمت بالنسبه الهآ بس .. ارتآحت وآيد من هالخطوه
مآ كآن في نيتهآ شي غير اتخلي اخوهآ ايشوف شمسه .. يمكن ايحس فيهآ .. صح الامل ضعيف بس يمكن !!
امآ تحت ..
شمسه ( انتبهت على عمرهآ ) : اممم اترخص انا اللحينه
عمر : اوكيه مرخوصه ..

{ مليييت و انا ادعيك مع عبد المجيد .. تعبت من ترديد
و اهتم فيني .. و اهتم فيني }


" روحت شمسه و هي مستآنسه انهآ شآفته .. اتحس حبه يكبر في قلبهآ يوم عن يوم .. بس متى يحس فيهآ هذآ هو الشي اللي كآن شآغل بآلهآ .. تمت تتفدآه و تتفدى حسه .. اتمنت ايي اليوم اللي يحس فيه فيهآ .. يلتفت الهآ يهتم فيهآ و يحبهآ شرآت مآ هي تحبه ..


+! السآعه 12 الظهر .. في بيت المرحوم سهيل بن بطي +!

طرفه و غآيه و مهره توهن رآدت من برآآ .. دخلن الصآله و مآ شآفو حد .. سآرو صوب حجرة ام بطي
شآفوهآ يآلسه هنآك تتطآلع التيلفزيون ..
طرفه ( و هي تربع صوبهآ و تحضنهآ ) : نحن ردينآآ
ام بطي : هلا هلا ( و تتطآلع السآعه ) : اممم مب جنكم طولتو انشغل بآلي عليكم قلتو بنتريق و بنرد ؟
طرفه : سآمحينآ مآمآتيه .. بس حنينآ عليج و قلنآلج تعآلي بس انتي مآ رضيتي
مهره ( و هي تيلس ) : هيه و الله عموه استآنسنآ و غيرنآ جو .. جآن زيين لو انتي ويآنآ
ام بطي ( بإبتسآمه ) : مره ثآنيه فديتج .. ان شآء الله اني برد اظهر ويآكم
طرفه ( و هي تصد صوب غآيه ) : غآيه ايلسي ليش وآقفه ..
غآيه ( و هي توهآ تتنبه ) : هيه ان شآء الله .. امييه سعيد مآ رد ؟
ام بطي : كآن يآلس ويآيه و عقب ظهر .. و قال بيرجع قريب ..
غآيه : هييه .. ( و تبتسم لامهآ ) : امييه عنديه لج خبر ..
ام بطي : اممم شو ؟
غآيه : خبر حلووو
مهره : ههههه تسويلج تشويق ..
طرفه : هههههه انا بخرب عليها اللحينه ..
مهره : هههه
غآيه : يالله جآنج اتروميييين ..
طرفه ( و هي تبتسم ابتسآمه خبيثه ) : امااااااايه تراااااااا غويه ...
غآيه ( و هي تقطع عليهآ ) : حآآآآمل
طرفه + مهره : هههههههه
ام بطي ( و الفرحه مبينه فـ صوتهآ ) : حآآآمل ( و تسير صوب غآيه و تحضنهآ ) : مبروووك عليج و على سعيد
غآيه : الله يبآرك فيج فديتج ..
ام بطي ( و هي مستآنسه ) : الحمدلله انه الله رزقج ..
غآيه : اميييه وآآيد وآآيد مستآنسه
ام بطي ( تبتسم ) : عسآهآ دوووم هالفرحه ..
غآيه : آميييين ..

" كآنت غآيه طآيره من الفرحه .. تتريآ متى سعيد يرد من برآ عشآن تبشره .. و ام بطي مستآنسه وااايد بس في نفس الوقت كآنت جآيستنهآ غصه من حآرب .. فكرت اترد اترمسه .. قآلت في خآطرهآ : بشوف على شو بترسى يآ حآرب و شو بتختآر .. انك اتعرس و الا تخسر امك ؟


+! السآعه 1 الظهر .. في مكتب عبيد بن سيف +!

{ ملعون جد الغلآ مآ يحترم اوضآعي
يشدني لك و انآ في قمة اشغآلي }


عبيد كآن يشتغل على اللابتوب .. و طرت على بآله فوآغي حس مآله خآطر يكمل .. حفظ الشغل كله و نش يتمشى فالمكتب .. و باله مشغول بـ فوآغي و موقفه معآهآ و كيف سحبت ايديهآ امس .. قآل في خآطره : بسوي كل اللي اقدر عليييه بس مآ اشوفج ضآيجه .. حرآم احمد من صوب و فجر و فطيم من صوب ثآني .. ( و قبض موبآيله شآفهآ حآطه الـ display name
.. نًٍـ ع ـمًٍ تَِصنَِـ ع ـَِتَ آلَِفِرحَِ .. بَـ]ـسَ مَِلييًَِتَ ..
طرشلهآ عبيد برودكاست [ مسآ الجوري .. شحآلج ؟ ]
ردت [ مسآ النور و السرور .. الحمدلله طيبه .. امممم انته شحآلك ؟ ]
رد [ الحمدلله طيب .. بس انتي متأكده انج بخير ؟ ]
ردت [ هيه الحمدلله D; .. اممم ليش ؟ ]
رد [ شوفي انتي شو كآتبه ؟ ]
ردت [ هههه هيه امس كنت متضآيجه شويه اممم بغيره خلآف ان شآء الله ]
رد [ زيييين و الله .. غيريه يعطي انطبآع انج مب طآيقه حد ]
ردت [ ههههه اوكيه .. امم سآمحني اللحينه بروح امييه تبآني ]
رد [ اوكيك .. سلمي عليهم ]
ردت [ يبلغ .. تشآوز ;Pp ]
رد [ بآآي (F) ]
" وطى الموبآيل على صوب و هو يفكر فيهآ .. ايحس فيه شي يخليه يبآ ايشوفهآ كل يووم .. كلل شي فيهآ يعيبه كل شي بدون استثنآء .. ابتسم وهو يتذكر الشآمه اللي لمحهآ في ويههآ امس آخر خدهآ .. كآن يحس انهآ عآطتنهآ جآذبيه فظيعه .. ( دقآيق ) و طرت على بآله الميموري .. اتذكر انه شلهآ ويآه اليوم الصبح و هو يفكر انه يشوف شو هالصور اللي خلت حميد يترآجع .. عن التفكير فيهآ كـ زوجه .. حط الميموري فآلفلآش .. و فتح عالصور .. انصدم من اللي شآفه .. صور بنآآآت وآآآآيد .. حذفهن كلهن و ( و هو يبتسم و يقول في خآطره ) : اتحررتو من احمدوه العله .. و نسخ صور فوآغي دآخل لابتوبه .. حس انه فيه فضول يكتشف ادق تفآصيل ويههآ و ينسخه في مخه .. ملآمحهآ كيوووت و شكلهآ نعوومي .. رد فكر في ردة فعل حميد .. قآل في خآطره : ( بس هآلصور بالشيله و العبآه .. كآن المفروض يتفآهم ويآهآ عالغلط اللي سوته .. مب يسير و يعطي اذنه لاي حد يرمس .. ( فكر لثوآني و قآل ) : اممم مآ اقدر الومه بعد الله و اعلم شو حطو في رآسه و شو قالو له .. شكله هالاحمد شري .. مآ بلعته ابددن " كسر الميموري .. و حط قطعهآ فـ ظرف صغير .. و حطآه في مخبآه .. "


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 25-01-2013, 10:01 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! السآعه 2 الظهر .. في بيت المرحوم سهيل بن بطي +!

{ لأن عيوني العطشى عيونك بس ترويهآ
اتوه بعآلمك .. حتى يضيع اقصآي قبل ادنآي }


غآآيه يآلسه فالحجره .. و مبوزه على سعيد لانه اتحير لين رد من برآ ..
سعيد : غيونتي حيآتي انتي .. و الله آسف آخر مره اتحير ..
غآيه ( و هي مبوزه ) : مآبآآ و لآ برضى ..
سعيد : هآذووه انتي طلعتي عني من الصبح و لآ قلت انآ شي
غآيه : مآ يخصه .. يالله خبرنيه ليش كنت متحير هالكثر .. ؟
سعيد ( و هو يتقرب منهآ ) : فديتهآ اللي تحآتيني ..
غآيه ( و هي توقف ) : لآ تتهرب لو مآ تبآ مب مجبور اتقول ..
سعيد ( و هو ايودهآ من ايديهآ ) : وين بتروحين عني ؟
غآيه : ..................
سعيد : و الله كنت مع ربعي فديت روحج ( نش و حبهآ على يبهتهآ ) : يالله غنآتي خبرينيه .. مسآعه طرشتيلي مسج قلتيلي بقولك شي
غآيه ( بتغلي ) : امممممم مآ اعرف و الله اقولك .. و الا مآ اقولك
سعيد ( بفضول ) : اممم شو تقولين لي ؟
غآيه ( بإبتسآمه ) : اقولك انك عقب جمن شهر بتصير ابو
سعيد ( بونآسه و صدمه ) : يعني انتي ..
غآيه ( بدلع ) : هيه انآ حآمل
سعيد ( و هو يحضنهآ بقوو ) : فديييييت روحج انآ .. لآآ خلآلآ و لآ عدم
غآيه ( و هي تدخل اصآبعهآ في شعره و تهمس له ) : مبرووك عليييك
سعيد ( و هو متشقق ) : و علييج انتي بعد ..
غآيه ( و هي تشل تيلفونهآ ) : يالله خلنآ انبشر عمي و عموه ..
سعيد : اوكييي ( اتصلو بـ أم سعيد و على طول ردت )
غآيه : السلآلآم علييج عمووه
ام سعيد : و عليييكم السلآم و الرحمه .. شخبآرج امييه غآيه ؟
غآيه : الحمدلله بنعمه .. انتي شحآلج يآلغآليه .. و ابوييه عبدالله شخبآره ؟
ام سعيد : الحمدلله كلنآ بنعمه ..
سعيد ( و هو يآخذ عنهآ السمآعه ) : شكلكم بتقضونها الا سلآمآت ..
ام سعيد + غآيه : هههههههه
سعيد : اميييه حرمتيه فديتهآ بتييبلكم حفيد جريب ان شآء الله ..
ام سعيد ( بفرحه ) : صدق و الا تسولف ؟
سعيد : هههههه لآ و الله صدق
ام سعيد : ترآنآ ضآرييين على مقالبك ..
سعيد ( و هو شآق الحلج ) : لآ هالمره صدق
ام سعيد : مبروووك فديتك .. اممم عطني غويه ببآركلهآ
غآيه : هلا فديتج
ام سعيد : مبرووك علييج .. الله يجعله ذرية خيير ..
غآيه ( بفرحه ) : آميين يآ رب و الله يبارك في عمرج و حيآتج .. اممم عموه وين عمي عيل ..
ام سعيد : رآقد ..
غآيه : هيه حليله .. نحن يآينكم اليوم ان شآء الله .. نص سآعه و الا سآعه بالكثير و بنظهر
ام سعيد ( بفرح ) : حيآكم الله .. نتريآآكم
غآيه : الله يحيييج ..
ام سعيد : ربي يحفظكم
غآيه : و يحفظكم ان شآء الله
" كآنت ام سعيد مستانسه وآآيد لانه غويه حـامل .. هي و بو سعيد حبوهآ واايد و دشت قلبهم
و ما يرضوون انهـا تزعل او تتضايج .. حتى لو كان ولدهم السبب .. امآ هي و سعيد فـ كآنت الدنيآ مب شآلتنهم من كثر الفرح "


+! السآعه 2 و نص الظهر .. في مطعم البوم +!

طرفه .. امهآ و ابوهآ .. يالسين يتغدون .. بثلاثتهم .. و يسولفون ..
طرفه : هااه ما عندكم شغل اليوم ؟
ام محمد : فيه بس قلت بريح طشونه .. و بعد بظهر ويآج نتشرى للملجه
بو محمد : فييه بس حارب مب مقصر شال الشغل عني ..
طرفه ( و هييه حايسه بوزها .. ما عيبهاا طاري حارب ) : هيه .. مآمآ وين بنسوي الفستآن ؟
ام محمد : امممم مآ اعرف انتي قوليلي وين المكآن اللي يعيبج و بنسوي عنده
طرفه : اوكيه ..
بو محمد : اممم بالي مشغول الصراحه ..
ام محمد : شعنه ؟؟ رب ما شر !!
بو محمد : حارب .. ما داوم اليوم ..
ام محمد : هييه .. انزيين يمكن ميهود و الا شي .. اتصلت له ؟؟ اطمنت عليه ؟؟
بو محمد : هييه اتصلت له .. و قال لي انه تعبان شويه ..
ام محمد : هييه حليله .. الله يعافيه ..
بو محمد : تدرين انا خايف عليه .. اخاف فيه شي و الا شياته بس ما يقول .. لانه مب متعود يتغيب عن الدوام اممم انآ اصلاً عندي إحسآس انه غيابه عن الدوام اليوم مب طبيعي
ام محمد : لا ان شااء الله ما فيه الا العافيه ..
طرفه ( بعد تردد ) : امس بآرك لي بالخطوبه
بو محمد : هييه فديتـه .. ما يقصر ..
" ابتسمت طرفه لابوها .. اللي ما كان يعرف اي شي عن قسوة حارب وياها "
بو محمد : اليوم اذا الله رآد برد خبر على بو مروآن .. شو رآيكم انه الملجه اتكون عقب الامتحآنآت
ام محمد : زييين و الله .. و بعد عشآن خته الصغيرونه حليلهآ ثآنويه عآمه ..
بو محمد ( و هو يلتفت صوب طرفه ) : و انتي فديتج شو تقولين ؟
طرفه : الرآي الكم انآ مآ عنديه مآنع في اي شي تقررونه ( و نشت ) : تبون ويآيه سويييت ؟
بو محمد : انآ ابآآ ..
طرفه : مآمآ و انتي ؟
ام محمد : لآ فديتج شبعت ..
طرفه : اوكي .. " روحت تييبلهآ هي و ابوهآ سوييت "
بو محمد : اليآزيه هزرج البنيه موافقه عن اقتناع .. و الا ؟
ام محمد : و الله انا ما قلت الها شي ابدن .. و انته ما ضغطت عليها .. و شرينه تدريبهآ مستحيل اتأثر عليهآ في هالسوآلف اهم شي عندهآ رآحة طرفه ..
بو محمد ( بإبتسآمه ممزوجه بصدمه ) : مب مصدق .. طررفه بنتنآ كبرت و بتظهر من عندنآ .. معنه هآ اكثر شي حآز في خآطريه .. انهآ بتظهر من البيت بس في نفس الوقت فرحآن اني بشوفهآ بالفستآن الابيض ..
ام محمد ( و هي اتحط ايدهآ على ايده بموآسآه ) : هذي سنة الحيآه يآ خليفه .. بس الف حمد و الف شكر انآ عشنآ لين هالوقت .. و بنشوفهآ عروس و بنفرح ابهآ ان شآء الله ..
" ابتسمو الها ام محمد و بو محمد .. اللي كانو مستانسين لبنتهـم "

.
.

![ بعد مرور اسبوع ]!

+! السآعه 3 جريييب العصر .. في بيت حمدآن بن سيف +!

حمدآن يآلس ويآ حرمته فطيم في بيتهم .. و بنتهم حمده يآلسه ويآهم بس لاهيه بالتلوييين
فآطمه : قلتلك من البدآيه مآله دآعي نظهر من بيت عميه الله يرحمه البيت عود و يشلنآ كلنآ بس انته اللي مآ رضيت
حمدآن : يعني اللحينه هذآ هو يزآيه اني بغيت اعتمد على نفسي ..
فآطمه : 100 مره قالكم عبيد انه مآ بيبيع البيت لانه آخر شي بقالكم من ريحة عميه و حرمته الله يرحمهم
حمدآن : و المطلوب ؟
فآطمه : خلنآ انودر بلآوي الاجآر و انرد بيتكم
حمدآن : بس ..
فآطمه : حمدآن اسمعني فديتك .. انته تبآ تستوي انسآن مديون ؟
حمدآن : ...................
فآطمه : خذ بنصيحتي .. و هنآك حتى احسن لـ بنتنآ بتكون ويآ الصغآريه .. بنرتآح اكثر و بترتآح اكثر
حمدآن : بس انآ طلعت و احس مب حلوه ارد جذه مره وحده ..
فآطمه : لا تتحسس لانك تدري انه لا فهد و لا عبيد بيقولون شي ..
حمدآن : اممم و الاجآر شو اسويبه .. مآ عنديه المبلغ كآمل !
فآطمه : اممم اتخبر عبيد جآن يقدر يسآعدك .. و بس بعد مآ بنتم هنه بنرد بيتكم
حمدآن : اوكيه ( و قبض الموبآيل يتصل لـ عبيد .. و رد عليه على طول .. جآن يحطه سبيكر )
عبيد : مرحبآ و سهلآ
حمدآن : مرحبتين .. شحآلك عبيد ؟
عبيد : الحمدلله طيب .. انته شخبآرك ؟
حمدآن : الحمدلله زييين
عبيد : شو الشغل ويآك و شخبآرهم فطيم و دندش ؟
حمدآن : كل شي تمآآم ( سكتو لدقآيق ...... و بعدين )
عبيد : اممم حمدآن فيك شي ؟
حمدآن ( بتردد ) : لآ اممم
عبيد : حمدآن شعنه ادس عني ارمس شو فيك ؟
حمدآن : تدري اجآر البيت و ....
عبيد ( و هو يقطع عليه ) : ههههه ويآ ويهك اللحينه استوآلك سآعه مب رآيم ترمس بس عشآن جذه صدق مآ عندك سآلفه .. قول لي خلآف كم محتآي و ان شآء الله اني بعطيك ..
حمدآن : مآ تقصر و الله .. امم فيه شي ثآني بعد
عبيد : آمررر عيوني مآ تغلى عليك
حمدآن : مآ يآمر عليك عدو .. و يعل عوينآتك سآلمآت اممم انآ و فطيم نوينآ انودر هالبيت و بنرد بيتنآ
عبيد ( و هو يتنهد ) : مآ بغييت و الله .. انزين حيآك الله البيت بيتك و قسمك لييين اللحينه شرآت مآ هو .. انته اتعرف اني استآنس يوم انكون كلنآ ويآ بعض ..
حمدآن ( و الفرحه وآضحه في صوته ) : ان شآء الله اني برد جريب ..
عبيد : و غيره فيه عندك شي انآ مآ ادري عنه ؟
حمدآن : لآ و الله ابدد
عبيد ( بإبتسآمه ) : يوم تحتآي شي و الا تبآ شي لا تتردد و انآ موجود ترآنآ اخوآن و لا تستوي رسمي
حمدآن : ههههه ان شآء الله
عبيد : اليوم بتظهر ؟
حمدآن : لا و الله الا بيت عميه رآشد
عبيد : زييين مآ شآء الله
حمدآن : تعآل ويآنآ ..
عبيد : لآ مب حلوه .. امسآت كنت مآر على عميه
حمدآن : انآ و فهد و فطيم و فجر و الصغآريه بنسير .. تعآل انته بعد
عبيد : مآبآ اثجل عليهم ..
فآطمه : و الله لو يسمعك ابوييه اتقول هالرمسه بيعصب عليك
عبيد : هههههههه
فآطمه : تعآآل ويآنآآ .. ترآك اخونآ و ابوييه ابوك .. الا اذا انته كنت عآدنآ غيرر
عبيد : خلاص ان شآء الله ..
حمدآن : ههههه يعني لازم يهددونك
عبيد : ههههه مب جذه .. بس مآ احب افرض نفسي انتو غيرر متعودين اتسيرون
حمدآن : خلآص انته بعد اتعود من اليوم و سآير .. الريآل عمنآ و عمك ..
عبيد : اوكييه هههه
حمدآن : خلآص عيل الغآلي مآ بطول عليك .. و مشكور على كل شي .. ربي لآ يحرمني منك
عبيد : آمييييين و لا منك
حمدآن : في حفظ الله
عبيد : في حفظ البآري
" استآنسو حمدآن و فطيم انه مشكلتهم الحمدلله انحلت .. امآ عبيد فـ كآن بعد مستآنس و طبعاً هآ اسبآبه غير عنهم سببه الاول انه سآعد اخوه .. و السبب الثآني انه بيشوف فوآغي .. ايحس بفرحه دآخليه يوم يشوفهآ .. يمكن هآي بدآية حب ! "


+! السآعه 4 العصر .. في بيت المرحوم سهيل بن بطي +!

بطي توه راد من المسيد .. و سار حجرته فوق .. شاف مهره يالسه و شكلها تعبانه و لونها مخطوف ..
بطي ( و هو يربع صوبها ) : بلاج فديتج ؟
مهره ( بصوت متواني ) : مآ ادري احس بويع ( و تتنفس بصعوبه )
بطي ( و هو مرتبش ) : يالله بنسير المستشفى ..
مهره : لآ بيروح اكيد
بطي : مب على كيفج .. يالله حبيبتي نشي بوديج .. انا احسبج تعبانه حتى لونج مخطوف .. يمكن بتربين
مهره : ................
بطي : يالله حبيبتي
مهره : ان شااء الله ..
بطي ( و هو اييب الها عباتها و يلبسهآ ايآهآ ) : ثوآني بربع اخبر اميه تتجهز بسرعه عسب اتسير ويانا
مهره : انزيين
" نزل بطي بسرعه صوب امه و خبرها تتجهز لانه بيودي مهره المستشفى .. دقايق و نزل بطي من فوق و هو شآل مهره .. و ظهرت ام بطي من حجرتهآ و ودآهن بطي المستشفى و هو يحاتي حرمته و غناة فواده .. مهاري "


+! السآعه 5 العصر .. في بيت المرحوم سآلم بن غيث +!

كآنت جوآهر يآلسه ويآ ختهآ شمآسي فالصآله و ويآهم يدتهم .. و نآصر كآن طآلع
جوآهر ( و هي تتطآلع البسبوسه اللي ميلسه فالصآله و البيتي فور ) : يدوه اظن عيب يعني اللي يستوي
ام سآلم : و شو هو اللي مستوي ؟
جوآهر : خله انسير انسلم على يرآنآ اليدآد .. شو بيقولون عنآ ..
ام سآلم : تبين اتسيرين سيري .. بس لا اطولييين .. ترآهم نآس يدآد و لا انعرفهم زيين بس قومي بالوآجب و ردي
جوآهر : ان شآء الله .. ( و تلتفت صوب شمسه ) : تعآلي ويآيه
شمسه : لا امييه انآ استحي
جوآهر : طع فيسج ( و تقلدهآ ) : انا استحي .. ع اسآس المستحى مقطع عمره ..
شمسه : انتي تبين اتسيرين سيري ..
جوآهر : بتيين ويآيه و الا ؟
شمسه : يآ ربييه مب لازم انآ .. خذي ويآج وحده من الشغآلآت
جوآهر : ماباااااااااااااااااااااااااااااااا
شمسه : يعني انا اللي ابآآ
جوآهر ( و هي تتطآلع شمسه بخبث و تهز حيآتهآ ) : يدوه اتحيدينه هذآك المغني .. اللي اسمه عمر اظني
شمسه : انزيين بسير ..
جوآهر ( بصوت وآطي ) : هههه oh my god على طول يآبت مفعولها السآلفه ..
شمسه : سمعتج عن السخآفه
ام سآلم : منو تطرين ؟
جوآهر : ههههه سخآفه فـ عينج .. يدوه فديتج انآ كنت اتحسب اسم اللي يغني عمر كنت عقب ذكرت انه وآحد ثآني
ام سآلم : بتروحين شمسه ؟
شمسه ( و هي تنش ) : يدوه بنوصل عندهم دقآيق و بنرد ان شآء الله .. ادريبهآ لو مآ نشيت بتحشر الدنيآ
جوآهر ( و هي متشققه ) : زيين انج عرفتي .. ( و تكمل ) : عيييب ندخل و ايدينآ فآضيه .. يدوه لازم نوديلهم شي
شمسه : شو بتودين ؟
جوآهر : بسبوسه و بيتي فور .. اليوم انتي مسوتنه و طعمه خبااال بس هآآآ ..
شمسه : شو هآ ؟
جوآهر : لو سألو منو مسونه بقول انا و انتي سكتي ..
شمسه : بس
جوآهر : و اسكتي
شمسه : انزييين ..
" ظهرن سآرن صوب المطبخ قآلن حق الشغآله اترتبلهن البيتي فور في صحن و البسبوسه في صحن ثآني بطريجه حلوه و منسقه .. خذت دقآيق و هي ترتبه و عقب شلن الصحون .. و مشن صوب بآب الحوي .. و هنآك شآفو وحده من بنآت يرآنهم برآ .. كآنت وآقفه من دآخل البيت .. البنت تمت تتطآلعهم و تبتسم "
جوآهر ( و هي تهمس بصوت وآطي لـ شمسه ) : ابتسمت طآحت عنآ الخطوه الاولى .. اللحينه علينآ نحن الخطوه الثآنيه ..
شمسه ( بإستغرآب ) : شو بتسوين يعني ؟
جوآهر : انتي رآقبيني بس .. ( و مشت صوب بيت يرآنهم اللي كآنو مجآبلين بيتهم بالضبط و شمسه تمشي ورآهآ على طول و هي سآكته .. كملت جوآهر بإبتسآمه رزينه ) : السلآم عليييكم
البنت : و عليكم السلآم و الرحمه ..
جوآهر : شحآلج ؟
البنت ( بإبتسآمه ) : تمآم الحمدلله .. انتن شخبآركن ؟
جوآهر + شمسه ( و هن يردن عليهآ الابتسآمه ) : الحمدلله طيبين .. ( و كملت جوآهر بروحهآ ) : نحن يرآنكم
( و تأشر على بيتهم ) : و هذآ هو بيتنآ المجآبل .. يدوه مطرشتنآ انسلم عليكم .. تدرين هي حرمه عوده .. و كآن ودهآ تيييكم بس اليوم هي مب صآحيه
البنت : تسلمووون و الله من ذوقكم .. مآ تقصرون .. ( و تمد ايدهآ ) : انآ اسمي شهد
جوآهر ( و هي تمد ايدهآ ) : و انآ جوآهر .. ( و مدت شمسه ايدهآ ) : و انآ شمسه ..
شهد ( بإبتسآمه ) : حيآآكن الله ليش وآقفين برآآ
جوآهر : لا مآ بنثجل عليكم يآييين بس نسلم من عند البآب و بنروح
" شمسه تقول في خآطرهآ .. يآ ربيييه شقآيل ختيه لوتيييه "
شهد : شو تثجلون مآ تثجلون .. لو امييه تدري بتزعل انكم مآ دخلتووو .. يالله حيآكم ..
جوآهر : الله يحيييج .. بس مآ بنطول تدرين بعد يدوه هنآك ..
شهد : ههههه انتن ادخلن عقب يصير خير
جوآهر : ان شآء الله ( و ادق شمسه و تصآصرهآ ) : انطقي عن يتحسبونج بلمآآ بعد
شمسه : انتي قآيمه بالوآجب و زوود
جوآهر : بس لاااه .. جآن تميتي مبوزه جذه اكييد مآ بيكون لج اجر ..
شمسه : ههههه لا تفهميني انج مسويه جذه حق الاجر بس ؟
جوآهر : استغفر الله مآ برمس هنه ..
" وصلو الصآله وطو الصحون و يلسو عالغنفآآآت "
شمسه : اسمحولنآ عآد مب من قدركم هالاشيآ اللي يآيبينهآ بس
شهد ( و هي تقطع عليهآ ) : افاا عليكم بس ييتكم هآي تكفي ..
" و دخلت ام مآيد عليهم و هي مبتسمه .. "
ام مآيد ( و هي اتوآيهن ) : حيالله البنيآت .. مرحبآ و الله نورتو البيت
شمسه : مرحب بآجي ..
جوآهر : منور بوجودج خآلوه ..
ام مآيد : مآ شآء الله بيتكم البيت اللي مجآبلنآ صح ؟
جوآهر ( تبتسم برقه ) : هيه
ام مآيد : يوم اكون ظآهره لـ دوآميه مرآت اشوفكن .. اممم وين تدرسن ؟
جوآهر : انآ في جآمعة الشآرجه ..
شمسه : و انا بعدني فالسكول ..
ام مآيد : موفجآآآت ان شآء الله .. اممم مآ عرفت اسآميكن
شهد : امييه اللي عاليمين جوآهر و اللي عاليسآر شمسه
ام مآيد : عآشت الاسآمي ..
شمسه + جوآهر : عآشت ايآمج خآلوه ..
ام مآيد : وآآآيد استآنست بـ هالزيآره الحلوه .. نبآ انشوفكن عندنآ دوم ..
شمسه : ان شآء الله ..
جوآهر : امم صح يدوه اتسلم عليكم وآيد ..
ام مآيد : الله يسلمهآ .. ردو السلآم عليهآ .. اممم ان شآء الله بييكم جريب و بسلم عليهآ بروحيه
.. الوآلد و الوآلده شخبآرهم ؟
شمسه على طول اطآلعت جوآهر .. امآ جوآهر فـ ردت بتمآسك و ابتسآمه فيهآ الم : امييه و ابوييه متوفين من 8 سنوآت بـ حآدث ..
ام مآيد ( بتأثر ) : الله يرحمهم برحمته .. سآمحوني جآن ضآيجيتكم
جوآهر : لا و الله ابدد .. امر الله ..
شهد : و النعم بالله ..
ام مآيد ( و هي توقف ) : خذو رآحتكم البيت بيتكم .. انآ بسير اخلص لي جمن شغيله .. ( روحت و هي تبتسم الهم )
شهد : شمسه علمي و الا ادبي ؟
شمسه : علمي ..
شهد : حلووو مآ شآء الله .. و انتي جوآهر شو تخصصج فالجآمعه ؟
جوآهر : هندسه ..
شهد : الله يوفقج حلوو تخصصج ..
شمسه : اممم و انتي شهد .. تشتغليين و الا تدرسين ؟
شهد : ههههه شكلي شو يعطي ؟
شمسه + جوآهر ( بصوت وآحد ) : تدرسين ..
شهد : هههه ليش يعني ؟
شمسه : شكلج من عيال الطعش شرآتنآ
شهد : لا لا ويين انا 23
شمسه : العمر كله ..
جوآهر : ما شااء الله .. اتبينين اصغر
" و هنه دخل اخوهآ الصغير خآلد و هو يزقرهآآ "
خآلد : شهد تعآلي العبي ويآيه ..
شهد : اتعرفني مآ احب العب playstation
خآلد : يآ ربيييه انآ ملان يعني شو اسوي ؟
شهد : و انا شو درآني .. يالله سير ابآ ايلس ويآ البنيآت
" روح خآلد و دخلت عليهم الاخت الصغيره .. و سلمت على طول "
عهد : السلآم عليييكم ..
جوآهر + شمسه : و عليكم السلآم .. شحآلج ؟
عهد : الحمدلله تمآم .. انتو شخبآركم ؟
شمسه : طيبه
جوآهر : كل شي تمآم
عهد ( و هي تيلس ) : بنآت يرآنآ صح ؟
شهد : ههههه صح
عهد ( و هي تتطآلع شمسه و جوآهر ) : و الله اني كنت احن عليهآ اقولهآ خلينآ نتعرف عليهن اتقول لي يمكن
مآ يبن
جوآهر : ههههه بالعكس و الله من زمآن انا و ختيه شمسه نبآ نييكم بس مترددين لـ نفس السبب
الكل : هههههههه
شهد : اعرفج .. هآي جوآهر .. و الثآنيه شمسه
عهد : عآشت الاسآمي و الله
شمسه + جوآهر : عآشت ايآمج
جوآهر : اسآميكن حلوه ..
شهد : ههههه يحلي ايآمج .. هآيييلا امييه و ابوييه يحبون ينسقون .. سمونآ انآ و ختيه شهد و عهد و الشبآب مآيد و خآلد
شمسه : ههههه حلووو و الله ..
" و ابتدن البنآت يسولفن عن كلل شي .. دوآمآتهن اسلوب حيآتهن شو يحبن و شو يكرهن .. و خذن ارقآم بعض " .. و بعد سآعه ..
شمسه : خلآص عيل اسمحولنآ .. لازم انرد البيت ..
عهد : يالسييين
شهد : بعدنآ مآ شبعنآ منكم
جوآهر : هههه نحن اللحينه نتريآكم اتردون الزيآره ..
عهد : اكيييد .. اكيييد
شهد : ههههه .. و انتو بعد حيآآكم الله في اي وقت البيت بيتكم ..
شمسه ( و هي تنش ) : الله يحيييج فديتج
" جوآهر و هي اتنش ويآ اختهآ .. بس حست بعمرهآ مب قآدره تتوآزن من عوآر ظهرهآ ثبتتهآ شهد لانهآ كآنت حذآلهآ .. و سآلتهآ "
شهد : امم شو فيج جوآهر ؟
جوآهر : امسآت و انآ وآصله صوب بيتنآ .. شفت وآحد غبي مآ ادري من ويين ظهرلي .. بغى يدعمنيه و يوم ضربت بريك رد ظهري بالقووو و اتعورت شويه .. بس عآدي مآ فيه شي ..
عهد : بس لازم اتسيرين اتسوين اشعه عشآن تتطمنين ..
جوآهر : لا و الله عآدي .. مآ فييني شي .. ( و تغمزلهم ) : شميس بتهمزني و كل شي بيكون تمام
شمسه : لا و الله !
كلهم : ههههههههه
جوآهر : انآ مآشي قهرني غير يوم نزل الجآمه و ذم سوآقتييه .. قآل لي ( و تقلده ) : بنيه ؟ انآ قلت بعد محد يسوق هالسوآقه التعبآنه غيركن .. كآن فخآطريه اسطعه على عينه
شهد : هههه انزييين و شو سويتي .. سكتي عنه ؟
شمسه : هههه ردت البيت تنآفخ ضحكتنآ انآ و خويه نصور عليهآ
عهد : هههه مآ عندج سآلفه جآن نزلتي الجآمه و عطيتيه من الزيييين
جوآهر : صدمني .. من كثر مآ صدمني مآ قدرت ارد بس ..
شمسه ( و هي تتطآلع سآعتهآ ) : سآمحونآ طولنآ وآآآيد .. يدوه بتحآتي اللحينه
جوآهر : هييه و الله .. يالله فديتكن فمآن الله
شهد + عهد : فمآن الرحمن ..
عهد : شهد يت ويآكن لين دآخل انآ بوصلكن ..
جوآهر : لا و الله تستريحين .. هآذوه البيت الا فرت حصآه
عهد : بس ..
جوآهر : ماشي بين الخوات بس ..
عهد : هههه ان شآء الله
" روحن جوآهر و شمسه يتمشن .. صوب البآب اللي يوصل للـ Garage لانه اقرب على بيتهم و يوم اتقربو لمحت جوآهر الموتر حست انهآ اتعرفه .. و يوم نزل الجآمه قآلت بإستغرآب : انته !!!!!!
الريآل ( و هو منصدم ) : انتي !!!
جوآهر ( و الصدمه مبينه على ويههآ ) : شو تسوي هنه ؟
الريآل : هآ بيتنآ ( و يكمل بإستغرآب ) : انتي اللي شو تسوين هنه ؟
جوآهر ( وردت اتنآفخ ) : اففف مآ كنت ادري انك من هل هالبيت .. ( و تلتفت صوب ختهآ ) : شميس يالله .. ( مشت طشونه و ردت التفتت عليه ) : على فكره سوآقتيه احسن عن سوآقتك .. ( و تتطآلعه بتحدي ) : انته اللي سوآقتك تعبآنه .. ( و روحت على طول )
" تم مآيد موقف سيآرته و هو يضحك عليهآآآ .. التفت و تم يرآقبهآ بعيونه .. و عرف انهم يرآنهم فالبيت المجآبل .. دخل سيآرته .. و نزل صوب البيت "
امآ فالصوب الثآني .. فـ كآنت شمسه تتحرطم على جوآهر
شمسه : ليش رمستييه جذه .. يوم مآ كنتي اتعرفين انه ولد يرآنآ مآ قلتيله جذه .. و يوم دريتي انه فالبيت اللي مجابل بيتنآ امررره .. رمستيه جذه
جوآهر ( و هي تتطآلعهآ من طرف عينهآ ) : آآآه يآ قلبي مآ تفهمين انتي .. ؟ طبعا مآ بتفهمين لانج مآ تسوقييين .. وآآيد يعيبج يعني يوم ريال يذم فـ سوآقتج .. هذآك اليوم كنت مصدومه بس اللحينه خذت حقي من عيونه ..
شمسه : و خوآته .. لو خبرهن ؟
جوآهر : انا مابروح مآ بجابل هالنحس .. يقهر
شمسه : هههههه
جوآهر : لا تضحكين ..
شمسه : هههه ان شآء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 25-01-2013, 10:03 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+: عايلة حمد بن أحمد +:

حمد ( بو مآيد ) 46 سنه ... متيوز من لطيفه ( أم مايد ) 44 سنه
و عندهم من العيآل :
مآيد ( 26 سنه ) .. متخرج من تقنية الشآرجه و يدآوم في جوآزآت الشآرجه .. كآن مآلج بس ما الله كتب له نصيب ..
شهد ( 23 سنه ) بعد مآ خلصت ثنويه على طول اتيوزت و مآ كملت درآستهآ فالجآمعه .. بس اطلقت من ريلهآ من سنتين تقريباً .. فآتحتلهآ محل لـ تغليف الهدآيآ اتمآرس فيه هوآيتهآ و تشغل وقت فرآغهآ
عهد ( 19 سنه ) تدرس في جآمعة زآيد اعلآم ..
خآلد ( 15 سنه ) بعده في السكول صف اول ثنوي

== نبذه عن العايله ==
بو مآيد شخصيه مثآليه و نآجحه في وجهة نظر اغلب النآس انسآن حآزم مآ يحب حد يرآدده عصبي نوعاً مآ يحب انه رآيه و بس اللي يمشي فالبيت .. محآمي معروف فالبلآد .. حرمته ام مآيد شخصيه بآرده ..على نيآتهآ تحآول تتفهم عيآلهآ و توآسيهم على اي شي يوآجههم في حيآتهم .. ادآوم في وزآرة الشؤون الاجتمآعيه .. اكبر عيآلهم مآيد شخصيه متمرده .. مآ يسكت عن حقه و لآ يحب اي حد يفرض عليه الاشيآ اللي لآزم يسويهآ .. بعده شهد انسآنه حسآسه .. صآرت كتومه من نآحية امورهآ الشخصيه من بعد طلآقهآ و هالموضوع أثر فيهآ وآيد بس يآلسه تحآول انهآ تتغلب عليه .. عهد .. مسولفجيه ربشه ..عآيشه حيآتهآ و مآخذه الحيآه esay .. امآ آخر العنقود خآلد انطوآئي مآ يظهر وآيد من البيت .. اكثر وآحد ينفذ الأوآمر المفروضه من ابوه بدون نقآش



+! السآعه 6 و نص المغرب .. فالمستشفى +!

كلهم كانو مستانسيين .. و الدنيا مب شالتنهم من الفرحه .. عااد هذا اول حفيد للعايلتين .. امآ مهره و بطي فـ كآنت عيونهم تتنآجى من بعيد مهره فرحتهآ مآ تنوصف .. متلهفه انهآ تعيش هالإحسآس الحلو .. إحسآس الأمومه .. و بطي طآير من الفرحه .. وده يتم ويآهآ بروحهم و يحضنهآآ من خآطره .. و يقول الهآ مبروك علينآ استوآلنا 9 شهور و نحن نتريآ هاللحظه .. في هالوقت دخلو ميثآ و مروآن .. سلمو ع الحآضرين و يلسو و كان محد موجود غير بطي .. و ام مروان .. ام بطي .. ام محمد .. تمو يسولفون حوالي نص ساعه و عقب ..

مهره ( بإبتسآمه ) : عموه سيري ارتاحي .. و انتي بعد امايه .. ردو تعالو بعديين .. تعبتو اليوم واايد
ام بطي : عن هالرمسه .. اذا ما اتعب حق بنتيه عيل حق منوه اتعب ..
مهره : فديت روحج .. بس لا اتعبن عماركن وايد .. بطي هنه .. و مروان و ميثاني بعد .. خلاص انتن سيرن ارتاحن ام مروان : اخاافج تحتايين شي و الا شياته
مهره : لا و الله .. الكل عنديه هنه .. لا تستهميين عليه لا خلييت منج ( و تكمل ) : امييه لا تعبين عمرج وآآيد ترآ مب زيين لج عشآن ضغطج .. و انتي بعد عموه مب زييينه لج اليلسه هالكثر .. ظهرج بيعورج عقب
" و تمت مهره تقنعهن حوالي 10 دقايق لين ما وافقن لانها اتعرف انه امها و عمتها هب مال تعب و يلسه لفتره طويله و مصولب .. و سارن ويا ام محمد "
بطي : فديتج حآولي انج ترقدين
مهره : لا مآ برقد اللحينه .. خآلتيه ام محمد قآلت لي .. طرفه بتي عقب شويه ..
بطي : اوكي اللي يريحج ..
مهره ( و هي اتحط ايدهآ على ايديه و تبتسم له ) : لآ تشل هم منسدحه ترآنيه ..
" امآ مروان فـ من سمع اسم طرفه انتفض قلبه و حس انه الدنيا مب شالتنه من الفرحه و طبعاً ميثاني ما اتفوت هاللحظه .. تمت عاقه عينها عليه .. و تتبسم له .. و هو فهم قصدها .. "
مهره ( و هييه تلتفت على مروان و ميثا ) : شحالكم .. و شخباركم بعد ؟
مروان : الحمدلله بخييير .. و نعمه ..
ميثا : و الله تمام .. تدرين اني كنت غرقآنه فـ الدرآسه .. ورآ بآجر امتحآنآتنآ ..
مهره : مرن الاياام بسرعه
بطي : عقبال النتايج الحلوه ..
ميثآ : آمييين ياا رب.. بعدني مآ شفت حفيدنآ الاول فديته .. ( بغرور ) : اكيد يشبه خالته ..
بطي : هههههه هيه اتصدقين .. الخالق الناطق انتي
ميثا : آآي نووو .. تراني من اللحينه اقولكم .. البنيات هن اللي بيلحقنه .. لانه شبه احلى وحده فالعايله
الكل : هههههههه
" رن تيلفون مروآن .. و اترخص منهم .. ظهر برآآآ يتمشى .. كآن ابوه المتصل و رد علييه "
مروآن : السلآم عليكم
بو مروآن : و عليكم السلآم و الرحمه .. اقولك ..
مروآن ( بتردد ) : خبرنيه ابوييه
بو مروآن : عندي لك اخبآر تضآآيج
مروآن : امممم انزين خبرنيه
بو مروآن ( و هو ايلعوزه ) : هد اعصابك اول
مروآن : ابوييييه انا قلبيه بيوقف و انته اتلعوزنيييه ..
بو مروآن : ههههه انزين عيل .. بقولك انه طرفه وآفقت عليك
مروآن : كييييف و متى .. اممم ابوييه لا تتمصخر ويايه صدق وآفقت ؟؟؟
بو مروآن : هههه هيه و الله اليوم بو محمد رمسني و خبرني انهم موآفقين
مروآن ( و هو متشقق ) : معقوله !! هههه مآ صدق و الله !!
بو مروآن ( و هو مستآنس لونآسة ولده ) : لآ صدق لانه هذآ هو الصدق
مروان ( بفرحه ) : الله يبشرك بالخير ..
بو مروآن : مستآآنس ؟
مروان ( بحمآآس ) : وآآآآآآيد .. اصلاً كلمة مستآنس مآ توصف فرحتيه ( و يكمل ) : اتحقق اكثر شي تمنيته شقآيل مآ بفرح .. اممم مآ رمستو في سآلفة الملجه
بو مروآن : رمسنآ .. عقب الامتحآنآت ان شآء الله ..
مروان : مآ ايييوز قبل ؟
بو مروآن : اثقل يا ولد
مروآن : ههههههه ان شآء الله ..
بو مروآن : قلت ببشرك بس .. هآذييه امك وصلت البيت ..
مروآن : و انته ابوييه مآ بتي ؟
بو مروآن : انا كنت هنآك من اول مآ ودى بطي اختك المستشفى .. روحت عنهآ عقب مآ اطمنت عليها و على الصغيرون .. بس يوم يوو الحريم روحت
مروآن : هييه .. خلآص عيل برآيك .. فمآن الله
بو مروآن : فمآن الرحمن ..

{ اغرب من الشوق في قصة غرآمي
يتلفني الشوق .. حتى و انت قدآمي }


" سكر مروآن و هو طآير من الفرحه حس انه هالدنيآ بكبرهآ مآ توسع فرحته .. كآن مستآنس من خآطره .. لانه صبر وآآآيد .. اتريااا هاللحظه و ايده على قلبه كآن خآيف في اي لحظه انه طرفه ترفضه .. و اتقول لا .. و كآنت بالنسبه له كلمة [ لا ] نهاية امل .. و [ هيه ] بدآية امل .. و على طول قآل في خآطره : ( الحمدلله اني ببدى احقق هالأمل اللي عشت عليه من يوم مآ شفتهآ فالمستشفى ) .. رد بخطوآت سريعه شويه يبآ يرد لـ غرفة مهره .. يوم وصل جريب البآب .. دعم وحده .. اول مآ رفع عينه .. شآفهآ بنظره عمرهآ مآ بتنسآهآ .. كآنت نظرة لهفه .. نظرة العآشق المرتآح لانه حبيبته رآضتبه .. كآن فيه معآني وآآآيد لـ نظرته بس طرفه مآ قدرت تفسرهن كلهن .. تمت تتطآلعه و هي رآفعه رآسهآ فوق .. لانه كآن طوييل وآآآيد بالنسبه الهآ .. نزلت رآسه بمستحى .. و اتحركت تبآ اتسير يمين و اتحرك هو بعد في نفس الوقت .. اتحركو هم الاثنينه يسآر .. وقف مروآن فـ مكآنه .. و اتحركت هي صوب غرفة مهره .. و دقت البآب "
مهره : ادخلي فديتج ..
طرفه ( و هي توآيه ميثآ و توآيههآ ) : فدييتهآآآ انآ المآمآ اليديده ..
" في هالوقت دخل مروآن "
مهره : ههههه فديت روحج انااا ..
طرفه ( و تلتفت صوب بطي ) : شخبآآرهم بعض النآآس ؟
بطي : هههه تمااام التمآم
طرفه : مبروووك عليكم النونو .. و يتربى في عزكم ان شااء الله ..
مهره + بطي : الله يبارك فيج .. و فعمرج و حياتج ..
طرفه ( و هي توطي البآتشي ) : ونآسه .. و اخيراً عندنآ بيبي فالعايله .. يا ربييه شقآيل مستآنسه
بطي ( بإبتسآمه ) : عسى هالونآسه دوم يا ربييه
مهره : طرفه شعنه مكلفه على عمرج ؟
طرفه : خلي عنج لا كلافه و لا شي .. مآ يحتآي ارمس عن غلاتكم انتي و بطي عنديه
مهره : لا خليت منج
طرفه : مهآري .. هههه فآتج مسآعه غويه ميته من القهر
مهره : هههه ليش ؟
طرفه : لانهآ مب ويآنآ هنه ..
مهره : ههههههه هيه حليلها .. هي بعد الله يسهللها امورها يا رب
طرفه : آمييين
" امآ مروآن فـ كآن مستآنس حده لانه طرفه جدآمه .. مآ شل عيونه عنهآ طول الوقت يرآقبهآآ يبآ يترس عيونه من شوفهآ .. و يقول فخآطره : حرآآآم عليكم خله نملج اللحينه الا عقب الامتحآنآت يعني .. انآ شو يصبرنيه .. !!
وجه نظرآته لـ طرفه و كمل في خآطره : خطوآآآت و ايآآآم تبعدني عنج يآ غلآ القلب .. و بعدهآ بتكونيين حليلتي ..
طرفه : اممم ابا اسير اطآلع البيبي .. عآدي ؟
مهره : هييه عآآدي ..
ميثآ : و انا بعد بسير ويآج ..
طرفه ( بإبتسآمه ) : يالله .. انا من دخلت و خاطريه اطالعه .. بس و الله فروولي راسيه هنه .. لين ما حصلت هالغرفه
بطي : خلاص مروان بيسير ويااكن .. عسب يرمسهم .. و يخلونكن اتشوفنه ..
طرفه ( باستهبآل ) : امممم .. نعتبرهاا طرده ؟؟
بطي : ههههههه .. لو سمحتو و اتكرمتو ابا ارمس حرمتيه بروحنآآ زيين جذه
طرفه : قول جذه من اول ..
ميثا : تدرين .. تعجبيني .. لانج لو انتي ما قلتي هالرمسه .. كنت انا بقولها ..
طرفه : ههههههههه..
" و ظهرن هن الثنتين .. و مروان ويااهن .. اللي كان ساكت طول الوقت .. و ما رمس طرفه كآنت مستغربه من سكتته لانه مآ كآن يكثر رمسه .. من زوود مآ يفكر في ايآمه اليآيه .. و كيف بتكون حيآته ويآهآ "
امآ في غرفة مهره .. فـ كان بطي يالس على الكرسي اللي حذالها و قابض ايدها و يطالعها .. بكل حب مهره كآنت منسدحه .. و عينهآ على ويه بطي اتحس بعمرهآ يوم عن يوم اتحبه اكثر من اليوم لي قبله دعت في خآطرهآ .. انه الله لا يفرقهم و لا يبعدهم عن بعض لاي سبب من الاسبآب لانهآ مآ تطيق تعيش بدونه "

{ تعآلي بسمه فوق الشفآيف
و اغلى حرف ينطق به لسآني }


مهره : مستانس !!!
بطي : لاااا ..
مهره ( و هيه متفاجئه ) : لييييش ؟؟
بطي ( و هو يحط ايده على ايدهآ ) : لاني كنت ابا بنت .. بس هااي كتبت الله ..
مهره ( بإبتسامه مصطنعه ) : هيه
بطي : ما عليه المره اليايه بتكون بنت
مهره ( و هييه تسحب ايدها ) : ان شااء الله ..
بطي : هههههههههههههههههههه
مهره : اشبلاك ؟
بطي : من صدقج انتي .. تسأليني اذا مستانس .. انا طااااااااااااااير من الفرحـه ..
مهره : لآ تجآملنيه .. توك اتقول تبا بنت ..
بطي : هههههه .. اتمصخر .. من قبل قلتلج دامج انتي ام عيالي ما يفرق عنديه اذا كانو بنات و الا اولاد .. كله واحد يسد انه .. مهرة قلبيه .. امهم ( رفع خصلآت شعرهآ بإيده و قرب ثمه لـ اذنهآ و همس الهآ ) : احبـج ..
مهره ( و هي تمشي اصآبعهآ على ويهه ) : اموووت فيك
بطي ( و هو يحبهآ على يبهتهآ و خدهآ ) : فدييييييت نصخج


+! السآعه 8 و نص المسآ .. في بيت بو مبآرك +!

كآنت عنود يآلسه ويآ اربيعتهآ آمنه و تسولف الهآ عن حآرب .. امآ عليآ فـ كآنت سآيره ويآ بو مبآرك بيت هلهآ
آمنه : ههههه بس و الله كآن عرض قوي .. شقآيل سويتيهآ ؟
عنود : و اسوي اكثر بعد .. بس هآي بنت خآله طلعت على قد عقلهآ هههه
آمنه : ليييش ؟ بالعكس كآنت قد رمستهآ معآج
عنود : صح بس مآيآهآ الفضول تسأله .. و بعدين لو انآ بدآلهآ كنت بنت خآله جآن مآ خليته حق اي وحده غريبه .. بس سهلت المهمه عليه ..
آمنه : هههههه ..
عنود : تدرين فكه بعد .. بتعرس خبرنيه انهآ انخطبت .. يعني مرتآحه انهآ مآ بتكون ويآنآ في نفس البيت ..
آمنه : لييش هم في نفس الفيلآ ؟
عنود : لا بيتين .. بس الحوي وآحد
آمنه : هيييه ..
عنود : الا تعآلي انتي شو سويتي ويآ حسن ؟
آمنه : طآبتنه .. حآشر الدنيآ بتيوزج و بتيوزج .. و انآ مآبآه
عنود : هههه و على شو نآويه عيل ؟
آمنه : مآشي و الله قلتله خلنآ فريندز عيبك اوكيه مآ عيبك برآيك
عنود : و اقتنع ؟
آمنه : حآرق فوني من زود مآ يتصل .. بس انآ مطنشتنه ..
عنود : يآ حيج .. و الله .. مب شرآت هآ اللي عنديه ..
آمنه : اللي عندج ( و تحيس ثمهآ ) : يآ حيج يومنج انتي الوحيده اللي بعدج اترمسينه .. تدرين انآ و عوآش و هدآوه حآولنآ قبلج بس هو لعآآآب و مآ يسوي سآلفه .. انتي الوحيده امبينآ اللي عطآهآ ويه ..
عنود : هههههه السآلفه مب جذه .. لانه متأكد اني مآ ارمس حد غيره و لا اعرف غيره ..
آمنه : ههههه مآ غلطنآ يوم اخترنآج له ..
عنود ( و هي تغمزلهآ ) : اكيييد .. و بعدييين لآ تنسين اشكثر عآنييت ويآهآ فالبدآيه .. لين مآ دز لي ويه ..
آمنه : هيه و الله صدقج .. صح تعآلي عليآ حرمة ابوج مآ تدرين شقآيل عرفتيه ؟
عنود ( برد سريع ) : لالالا .. مآ خبريتهآ
آمنه : مآشي ثقه ؟
عنود : اممم هي زينه و مآ فيهآ شي .. بس انآ مآ ارتآح اقولهآ كللل شي .. بتحس اني العب .. اممم هي تتحسبني اللحينه اموت فيه من جذه اسوي كل هآلاشيآ
آمنه : امم انتي مآ حبيتيه ؟
عنود ( بتفكير ) : امممم يعيبني .. دآش مزآجي .. بس مب اني ميته عليه
آمنه : اممم مآ تخآفين .. انج تربطين حيآتج بوآحد مآ يحبج ؟
عنود : اذآ اني قدرت اقنعه انه يتيوزني .. معنآته اقدر اخليه يحبنيه
آمنه : و طرفه ؟؟
عنود : مااا تباااه ما تحبه اصلاً
آمنه : مآ اطري جذه .. اقصد انه يحبهآ
عنود : و كآن يحب لميآآ .. شو يعني مآ نسآهآ ؟ ترآآه نسآهآ و مرده بينسى طرفه
آمنه : امممم مآ اعرف شو اقولج ..
عنود : هههه لا تقولين شي .. اتريي بس خله حآرب يرد عليه في سآلفة العرس .. و بجس هدآوه
آمنه : خليهآ عنج لاه
عنود : لا تحيدين يوم كآنت تعآيرنيه .. اوونه هآ لو تموتييين مآ بترومين تيبيين رآسه ..
آمنه : هييه احيد
عنود ( بغرور ) : جآن خذت حآرب هي اول المعآزيم
آمنه : ههههه بتنقهر .. حبته من خآطرهآ
عنود : هيه صح صح .. حبته و دآيره ع غيره .. دخيلج هآي مآ تحب الا عمرهآ
آمنه : وييين مآ اتحب الا عمرهآ .. و هي تتمنى لو مسج فآضي من حآرب
عنود : و لا تحلم .. هو غير رقمه و لو مآ تمسكنت عليه جآن حتى انا مآ حصلته
" و رن تيلفون آمنه .. و كآنت الدريوليه مآره عليهآ "
آمنه ( و هي توقف ) : يالله فديتج بروح انآ مآ فيييه على حشرة هليه ..
عنود ( و هي توقف ويآهآ ) : اموون عآآد .. ايلسي مآ شبعت منج
آمنه : مره ثآنيه ان شآء الله .. اللحينه لازم ارد
عنود : اوكيي .. تيك كييير
آمنه : يو تووو .. و خبرينيه شو بيستوي على سآلفتج ويآ حآرب
عنود : تمآآم ..
" مشن هن الثنتين لييين بآب الصآله و في ظهرتهن دخل مبآرك اخو عنود و على طول روحت آمنه امآ عنود فـ تمت وآقفه ويآآه "
مبآرك ( و هو يرآقب آمنه بـ عيونه ) : شو هالاشكآل !!
عنود ( و هي تدخل الصآله ) : بلآلآهآ بعد ؟
مبآرك ( يدخل ورآهآ ) : هآ منظر وحده محترمه .. عنبو عرس متنقل مب آدميه
عنود : لو سمحت لآ ترمس عن اربيعآتيه جذه ..
مبآرك : و رآفعه رآسج بعد و انتي اتقولين اربيعآتيه .. مالت عليج و عليهن .. وين ابويييه ؟؟
عنود : ظآهر ويآ حرمته ..
مبآرك ( بإستهزآء ) : هههه حلووو و الله .. الله يسعدهم
عنود ( بمغآيض ) : آميييين
مبآرك ( بدون نفس ) : اندوج عطي ابوج هالاورآق هو طآلبنهن مني ..
عنود ( و هي تآخذهن ) : اوكيييه ..
مبآرك : شكلهآ عليآ دآيره بآلهآ عليج وآيد .. يوم الا هآي اربيعتج
عنود : و بلاهااا البنت ؟؟
مبآرك ( و هو يظهر ) : يقولج .. و اختر قرينك و اصطفيه تفآخراً ان القرين الى المقآرن ينسب .. و البآقي عندج ( و روح عنهآ على طول )




B.R.B

<<


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 25-01-2013, 10:04 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


![ تكملة الجزء الـ 15 ]!

+! السآعه 9 و نص المسآ .. في بيت بو حآمد +!

كلهم يآلسين فالصآله و مستآنسيين بهاللمه الحلوه .. عبيد كآن يسولف مرآت و عينه على فوآغي مرآت و هالشي بدى يزعجهآ .. اتلآحظ من صوبه شوية اهتمآم .. بس تتجآهل لانهآ اتحس انه مآ فيه شي يجمعهم غير صلة الدم .. امآ فجر فـ مآ شلت عينهآ عن فوآغي و جنهآ كآنت تبآ اتحسسهآ بالذنب حتى ريلهآ فهد لاحظ و فوآغي مطنشه
فآطمه ( و هي تتطآلع عبيد ) : اتخييل ابوييه انا و حمدآن قلنآ حق عبيد تعآل ويآنآ هنه قآل لا انآ امسآت مآر على عميه
فهد : هههههه عبيد طبعه جذه مآ يحب يثجل على حد
بو حآمد : افااا بس افااا هآ بيت ابوكم .. يعني حد يستحي لو دخل بيت ابوه كل يوم ؟
عبيد : اممم و الله مب جذه .. بس امس انا طآلع عنكم و ..
ام حآمد ( و هي تقطع عليه ) : البيت بيتك تعآل متى مآ تبآ و لآ ابآك اتعيدهآ هالرمسه
عبيد ( و هو منحرج ) : ان شآء الله
رآشد ( و هو يسير صوب فجر ) : مآمآ ابآ اسير العب براا ع الدحليقه [ الزحليقه ]
فجر : لا مآشي اللحينه بعد حمدونه و منآيه بيلحقونك
رآشد ( و هو مبوز ) : ابااا اسير
فوآغي ( و هو كآسر خآطرهآ ) : مآ عليه انآ بظهر ويآهم عن خآطرهم ..
فجر : اوكيه .. بس حطي بآلج عليهم
فوآغي : اوكي ( و ظهرت و عيون عبيد ترآقبهآ .. )
حمدآن : اممم انآ قررت ارد البيت ..
بو حآمد : زيييين مآ سوييت و الله
فهد : و الله اني دوم اقول حق عبيد مآ ادري ليش حمدآن ظهر عنآ احسن يوم كنآ بثلآثتنآ ويآ بعض ..
ام حآمد : هيه مآشي احسن من انه الاخو يعيش مع اخوه و يربون عيآلكم ويآ بعض
فجر : صح كلآمج اميييه .. يالله ان شآء الله مآ تطلعون عقبهآ
فآطمه : ههههه هالمره انآ مب مخلتنه ..
بو حآمد ( التفت صوب عبيد اللي سكت مره وحده ) : عبيد شي بلآك ؟
عبيد ( بإبتسآمه ) : لآ ابدد
ام حآمد : خلونآ انش نتعشى ..
عبيد : انآ بسير اغسل ايديه .. ( و روح برآ طول )
فجر : و انآ بطآلع فوآغي و الصغآريه
ام حآمد : خلونآ عيل انسير الصآله العوده ( و سآرو .. امآ فهد فـ وقف ويآ فجر ايرمسهآ )
امآ فالصوب الثآني فـ من بعد .. مآ غسل عبيد ايده سآر صوب فوآغي اللي كآنت عآطتنه ظهرهآ و مب حآسه بوجوده كآنت بس وآقفه و ترآقب اليهآل و هم يلعبون ..
عبيد : اممم فوآغي ..
فوآغي ( و هي اتحط ايدهآ على صدرهآ ) : هههه بسم الله الرحمن الرحيم .. زيغيتني
عبيد : هههه شكلج شي و انتي زآيغه
فوآغي ( و هي حآيسه بوزهآ ) : تتطنز عليه ؟
عبيد : ههههه ما عاش من يطنز عليج .. امم كنت ابا اخبرج انهم بيحطون الـ ..
" و هنه سمعو حمده تصآرخ .. طآحت من على الزحليقه .. و اتعورت شويه من صوب ريولهآ و تمت اتصيح ربعت فوآغي صوبهآ و شلتهآ و عبيد سآر ويآهآ بعد .. وصلت فجر ويآ فهد في هالوقت بعد ..
فجر ( و هي تآخذ حمده عنهآ ) : بس بس ماما بس .. ( و تلتفت صوب فوآغي و ترمس بلهجه حآده ) : شو بلآهآ ؟
فوآغي ( بإرتبآك من وجود فهد و عبيد ) : كآنت تلعب مع الصغآريه .. و طآحت
فجر : و حضرتج ويين كنتي ؟؟
فهد ( و هو يشل حمده عنهآ و يحآول يهديهآ ) : فجر خلآص مآ استوى شي .. تعورت شويه بس
فجر : لا خلنيه .. ( و تفآتن ) : ابا اعرف كيف طآحت البنت بدون مآ هي تنتبه الهآ
فوآغي ( و هي منزله رآسهآ ) : و الله انه عيني عليهم .. مآ خزت عنهم
عبيد ( و هو يقطع عليهآ ) : كله مني انا .. يوم ييت اخبرهآ عن العشى صدت اترمسنيه
فجر ( و هي تتطآلعهآ بنظره ) : يومنج انتي مب قد انج تيودينهم لآ تتبرعين و تقولين انآ بيودهم و الا بظهرهم
" وقفت فوآغي تمت تنقل نظرها بين فهد و عبيد .. نزلت رآسهآ و على طول ربعت ورآ فـ الحوي "
فجر ( و هي تأشر للصغآريه ) : يالله رشود و حآمد و منآيه تعآلو عشى
فهد : حرآآم عليييج اللي سويتييه كسرتي بخآطرهآ
فجر : فوآغي ختيه و انآ اعرفهآ .. بزيآآآ
فهد : بزيآآآ ؟؟؟ و هي تشل عيآلج و تحطهم انتي و فطيم تآمرون عليهآ و عآقين عيآلكم عليهآ و هي مآ اتقول لاا
فجر : مب عيب لو سآعدتنآ
فهد : اكيد مب عيب .. اللي انتي تسوينه هو العيب .. ( و روح عنهآ و هو متنرفز )
فجر : يالله تعآلو تعشو .. عبيد يالله اقرب عشآن تتعشى
عبيد ( بإبتسآمه بآهته ) : مآ عليه انتو كلوو انآ مآ اشتهي و الله .. اتذكرت شي .. فالسيآره بيييبه و بلحقكم عقب شويه ( روحت و لحقوهآ الصغآريه )
" تم عبيد وآقف فـ مكآنه ايفكر كيف فجر عآملت فوآغي جذه و جدآمهم هو و فهد .. اكيد البنت انحرجت منهم اكيد انيرحت من هالاسلوب و على طول قآل فخآطره : فوآغي .. ( و اتلفت حوآليه يدورهآ بعيونه .. اتمشى فـ الحوش من ورآ لمحهآ فالحديقه .. قرب صوبهآ و قلبه يتقطع عليهآ .. و يلس حذآلهآ "

{ اشوف بنظرته لآ نآظرتني ..
حنآنه و عطفه و صآفي ودآده }


فوآغي ( و هي تمسح دموعهآ و تبتسم ) : عبيد .. امم ليش مآ تبآ تتعشى ؟
عبيد ( بحنآن ) : ليش اتصيحين ؟
فوآغي ( و هي تنزل رآسهآ ) : مآ اصيح
عبيد ( و هو يحآول يهون عليهآ ) : فجر كآنت معصبه و الا هي مآ تقصد
" فوآغي لا ارآدياً نزلن دموعهآ و بدت اتصيح "
عبيد ( و هو متأثر ) : فوآغي الله يخلييج لآ تصيحيين ..
فوآغي : .........................
عبيد : خبريني صآرحيني شو في خآطرج ؟
فوآغي ( و هي تصد الصوب الثآني ) : مآشي
عبيد : لآ شي ( و صآرت بحة صوته كلهآ حنآن ) : يالله خبرينيه .. مب زيين اتم الغصه في قلبج
فوآغي ( و هي تتنهد ) : انآ ادري اني غلطت .. بس كآنت تقدر اترمسني بيني و بينهآ مب لآزم اتعآملني جذه جدآمكم انته و فهد ( و اترد اتصيح ) : مآلهآ دآعي الإهآنآت
عبيد : يوم روحتي .. فهد رمسهآ و بتهدى اكيد و بتيي اترمسج خلآف
فوآغي ( بصوت مهزوز ) : مآ بتيي .. تسوي اكثر من جذه .. و لآ تيي ..
عبيد : انزيين اعذريهآ .. و لآ تحرقين اعصآبج .. انتو خوآت و بآجر بتردون ترمسون و لآ جنه شي مستوي
فوآغي : انته كنت وآقف و شفتني .. اني مب متعمده اهمل الصغآريه هالشي استوى و انآ مب منتبهه و الله مآ كنت ادري ..
عبيد كآن خآطره يلوي عليهآ بس قبض عمره .. و همس الهآ : اهدي .. لآ تتضآيجييين مآفيه شي فالدنيآ يسوى زعلج و ضيجج .. يالله مشيهن هالدموع
فوآغي ( في لحظة ضعف ) : عبيد انآ وآآآيد متضآيجه ( في خآطرهآ اتصآرحه بسآلفة انسحآب حميد و علآقتهآ بـ احمد .. و الضغوطآت اللي تعيشهآ من خوآتهآ بسبب هآلسآلفتين .. بس اترآجعت في آخر لحظه )
عبيد : ليش ؟؟ ( و يبتسم الهآ بحنآن ) : الله يبعد عنج الضيج ان شآء الله .. اممم من شو ؟
فوآغي ( و هي تنتبه على عمرهآ و توقف ) : خلآص .. مآآشي لآ تشغل بآلك
عبيد : فوآغي .. شو استوى ..؟؟
فوآغي ( و هي تعطيه ظهرهآ ) : مآشي ..
" عبيد وقف جدآمهآ و تم سآكت و يطآلعهآ بس .. نزلت رآسهآ "
عبيد ( و هو ينزل الهآ تحت ) : ليش منزله رآسج ؟
" فوآغي تمت دموعهآ تنزل و هي سآكته .. عبيد عوره قلبه عليهآ .. و مسح دموعهآ بأصآبعه "
فوآغي ( و هي ترجع على ورآ و تبتسم ابتسآمة مجآمله ) : اممم اكيد يحآتونك سير اتعشى ..
عبيد : كيف اسير و انتي ؟
فوآغي : لآ تشل همي .. انآ بخير ..
عبيد ( بتعآطف ) : شكلج مآ يقول جذه ..
فوآغي : لآزم تآكل ..
عبيد : انآ مب يوعآن ..
فوآغي : امممم ابآ اتم بروحيه
عبيد : بس ..
فوآغي ( بنظره فيهآ ترجي ) : الله يخليك ..
عبيد ( بإبتسآمه ) : اوكي برآيج .. بس لآ تضآيجيين بعمرج ادريبج اقوى من جذه ..

{ يآ مجتمع يفرض علينآ سيآجه
مآ عآد فينآ انسآن قآدر على الحب ..
الدين حآجه .. و التقآليد حآجه
عذراً يآ اربآب الوصآيه .. لنآ رب }


" ابتسمت له فوآغي و روح هو دآخل .. كآن شآل همهآ و متعآطف ويآهآ وآيد .. امآ هي فـ تمت برآ .. قآلت في خآطرهآ : اكره هالاسلوب اللي يرمسني فيه عبيد و اكره اهتمآمه .. احسه من يتقرب مني اكون ضعيفه ..
( و تتنهد ) : كيف كنت بخبره بموضوع احمد .. مآ بيفهمني .. و بطيح من عينه .. حتى لو اتغيرت و هآ كآن فالمآضي .. المجتمع هو هو .. و النآس هم هم .. ربنآ يغفر النآ .. و النآس يتمون يحآكمونآ لين آخر يوم في عمرنآ .. و الدليل خوآتييه !


+! السآعه 10 فليل .. في بيت بو مآيد +!

" العآيله كلهآ متيمعه عالعشآ .. طبعاً السكوت كآن مآلي اليلسه كـ بدآيه .. و الكل يآكل .. الا مآيد .. كآن يآكل مره و يفكر مرآت .. لآحظه ابوه و تم سآكت عنه .. امآ البنآت فـ ابتدن يرمسن "

عهد : و الله زييين انآ اشترينآ هالبيت .. اتعرفنآ اليوم على بنآت اليرآن و الله انهن طيبآت
شهد ( بحمآس ) : هيه حبيتهن وآيد ..
بو مآيد ( بإبتسآمه لـ بنآته ) : زييين و الله سويتولكم اربيعآت .. ( و يلتفت صوب مآيد ) : مآآيد
مآيد : لبيـه
بو مآيد : اشبلآك من يلسنآ عالعشى و ليين اللحينه و انته سآكت ..
مآيد ( بإستهزآء ) : اريحكم من صوتيه شويه ..
بو مآيد : شو قصدك ؟؟
مآيد ( و هو ينش عن العشى ) : الحمدلله شبعت ..
ام مآيد ( و هي تأشر لـ بو مآيد بـ عيونهآ ) : حمد انآ بسيرله .. ( و نشت )
" سآرت تتمشى برآ شآفته يتمشى في الحوي .. و يدوخ جقآره .. اتجدمت صوبه بدون مآ يحس .. حطت ايدهآ على جتفه .. و انتبه الهآ في هاللحظه "
مآيد ( بإبتسآمه ) : امآيه ..
ام مآيد : ليش متضآيج .. ؟
مآيد ( بتهرب ) : مب متضآيج ..
ام مآيد : امبلا متضآيج .. و الا انه شي شآغل بآلك ..
مآيد : سمعتي ابويييه مسآعه على الغدى شو قآل .. عن سآلفة العرس ..
ام مآيد ( و هي تتنهد ) : لآ تشل هم انآ برمسه ..
مآيد : انآ تعبت من كثر مآ يتحكم فيني .. قبل قآل خذ هالبنت هي بنت اربيعيه .. و دفعت مهر شو كثره .. و كله من عنديه انا هو مآ سآعدنيه في شي و قآل انته ريال اعتمد ع نفسك و اعتمدت .. و آخر شي انآ تفكيري في صوب و هي تفكيرهآ في صوب .. ( و يكمل بإنفعآل ) : بنت تآفهه لابعد درجه .. ( و طفى الجقآره )
ام مآيد : بس انته مب مفكر انك تتيوز .. ؟
مآيد : اللحينه مآ افكر .. قبل ابويييه فرض عليه و قآل اتيوز و عقب قآل خذ بنت علي بن ابرآهيم .. هو اربيعي و ريآل معروف .. ههههه هآ و هو اربيعه طلب مهر شو كثره .. و الا بعد حزة اللي قلنآ بننفصل .. مآ ردو و لا ريآل السبلآن
ام مآيد ( و هي تمسح على جتفه بموآسآه ) : يا اميييه .. خلهم عنك .. ربك مآ بيضيع لك حقك ..
مآيد : رجاءً .. رجآء حآر يعني .. قولي لابوييه يشلني من رآسه لاني مآ بتيوز على شوره لو اتم بدون عرس طول عمريه .. قرصه وحده اتعور و اتكفي ( ولع جقآره ثآنيه )
ام مآيد ( و هي تسحب الجقآره من ايده و تفرهآ على الارض ) : بسك ميود .. لعوزت عمرك اقطعهآ هالوصآخه ( و روحت عنه و هي متضيجه منه )
" تم مآيد وآقف و يفكر في كل شي .. صآر له قبل .. و يفكر في بآجر كيف بيكون ( اتنهد و قآل ) : على الله .. ربنآ و حده اعلم نحن حيييين و الا ميتيين بآجر .. ( و دخل ) سآر فوق .. شآف خوآته يآلسآت فالصآله و سآر يلس ويآهن
مآيد : عيل وينوه الزعيم ؟
شهد : هههههه
عهد : في مكتبه .. لين تبتدي مبآرآة اليوفي ..
مآيد : يعكر لي مزآجي .. و عقب جنه العيد عنده .. يكيف و يطآلع مبآريآت
شهد : خف عليييه .. هذآ ابوك ..
مآيد : ان شآء الله .. يدوه ..
عهد : شهوود طرشت مسجآت حق جوآهر و شمآسي ..
مآيد : بنآت اليرآن اليدآد ؟
شهد : هيييه
مآيد : العوده امبينهن ملسونه
شهد : و انته شو عرفك ابهآ ؟
عهد : لآ تحكم على النآس بس الا جذه ..
مآيد : امسآت و انا ظآهر من البيت شفتهآ و كآنت بتدعمني
عهد + شهد : ههههههههههههههههههه يعني انته الـ ... ( و تمن يطآلعن بعض و ردن يضحكن )
مآيد ( و هو عآقد حيآته ) : انآ شو ؟؟
عهد : لا لا مآشي .. اممم بس حرآم عليك البنت طيوبه وآآيد و دمهآ خفيف ..
مآيد : صح صح .. طيوبه .. الا ملسونه هي صآكه الدعنه و لسآنهآآآ اشطوله
شهد : ههههه حرآم عليك .. نحن حبينآهآ هي و اختهآ حتى امييه مدحتهن ..
عهد : بعدين حرآم عليك البنت ظهرهآ يعورهآ بسبة هالسآلفه و انته تتطنز ..
مآيد : يوم هي مب قد السوآقه ليش شآده حيلهآ و تسوق ..
شهد : قلتلك لا ترمس عن البنت حليلهآ ..
مآيد : عنبو توكم تعرفونهآ و تحآيزون عنهآ هالكثر ..
شهد : هييه .. اندمجنآ ويآهم
مآيد : شآفتنيه و هي ظآهره و عرفتنيه .. امم ما اظن انهآ تيي بعد
شهد + عهد ( بصدمه ) : ليييييييش ؟؟
مآيد : مآ اعرف حسيت جذه .. استغربت يوم شآفتنيه و قآلت انا مآ كنت اعرف انك من هل هالبيت ..
عهد ( و هي تتطآلع شهد ) : خلينآ انسيرلهم بآجر ..
شهد : هي قآلت عندهآ امتحآنآت ..
عهد : خلاص بنتصل
شهد : اوكيييك ..
" استغرب مآيد من اندمآج خوآته السريع ويآ بنآت يرآنهم .. و انهم مآ يرضون عليهم .. بس استآنس بالخص من شهد لانهآ مآ ترتآح لاي حد .. و لآ صآرت تضحك لاي سبب من بعد طلآقهآ .. بس اليوم يشوفهآ متحمسه .. يمكن لانهم انتقلو فريج ثآني صآرت نفسيتهآ مرتآحه اكثر من بعد المشآكل اللي وآجهتهآ مع ريلهآ "


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 25-01-2013, 10:04 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! السآعه 11 و نص فليل .. في بيت بو سعيد +!

بو سعيد : وينوه سعيد مآ رد لييين اللحينه
غآيه : يقول سآير عند ربعه ..
ام سعيد : لآ تعطينه ويه ان سهر .. ازعلي عليه ..
غآيه : هههههه
ام سعيد : و الله صدق .. الريآل جآن كثر سهر مآ ينعطى ويه
بو سعيد : عمتج تعطيج دروس .. من اللي كآنت تطبقهن علييه قبل
ام سعيد : هييه انتو الريآآيل مآ اتوون الا جذه .. لازم الوحده اترص عليكم ..
بو سعيد : هههه انزين و بعدين ؟
ام سعيد ( و هي تتطآلع السآعه ) : عبدالله بسك خلآص سير ارقد .. ورآك نشه من الفير بآجر
بو سعيد : انزين بنش ..
غآيه : عموه حتى انتي شكلج تعبآنه سيري ارتآحي
ام سعيد : لآ بيلس ويآج لين يوصل سعيد
غآيه : لا لا فديتج لا تشلين هم .. ادريبج تعبآنه ..
ام سعيد : برآيه مب مشكله ..
غآيه : لا مآ ارضآهآ لج ..
ام سعيد : عيل شو بتسوين انتي ؟
غآيه ( بإبتسآمه ) : بسير الحجره ..
ام سعيد : خلآص عيل تصبحين على خير ..
غآيه : و انتي من هل الخير فديتج .. ( و تلتفت صوب عمهآ ) : تصبح على خير عمي ..
بو سعيد : و انتي من هل الخير امييه ..
" روحو عمهآ و عمتهآ حجرتهآ .. و سآرت هي فوق صوب حجرتهآ .. و ضغطهآ مرتفع من سعيد حست بعمرهآ مصدعه .. تمت يالسه و اتفرفر في هالقنوات .. و تتريا سعيد .. ملت من التيلفزيون .. و تمت اتجلب في المجلات "
( بعد سآعه )
رن موبايلها و كان ريلها سعيد المتصل .. و ما ردت عليه .. عشان يستعيل و يرد بسرعه .. تمت اتفكر في حارب و في شكله اول مآ عرف بانه طرفه وآفقت على مروآن .. و دش عليها سعيد في هالوقت "

{ هو الوحيد اللي ملك قلبي و خـذآه }

سعيد : انتي واعيه !! عيل ليش ما رديتي ع التيلفون ..؟
غايه : عشان اترد البيت بسرعه ..
سعيد ( و هو اييلس حذالها ) : فديتها اللي تحآتيني
غآيه ( و هي اتلز عنه ) : وين كنت ؟
سعيد : عند ربعي
غآيه : اهآ .. اوكيه عيل تصبح على خير ( و نشت )
سعيد ( و هو ينش ويآهآ ) : غويه بلآج فديتج متغيره ؟
غآيه : سعيد .. انآ خبرتك قبل مآ احب الريآل اللي يسهر ..
سعيد : ربعيه حنو عليه ..
غآيه : ربعك هآذييلا لازم يعرفون انه عندك وحده تتريآك فالبيت ..
سعيد : ان شآء الله .. و الله آخر مره اتحير .. مره ثآنيه السآعه 11 بكون فالبيت
غآيه ( و هي عآقده حيآته ) : يكون احسن ..
سعيد ( و هو يحضنهآ من صوب جتفهآ و يبحبهآ امبين حيآتهآ ) : لا تعقدينهن .. تستوين وحده ثآنيه
غآيه : .......................
سعيد : يالله عآد حيآتي لآ اتمييين مبوزه .. ابتسمي ..
غآيه : ليش انته ايهمك لو انا مبوزه و الا اضحك ؟
سعيد ( و هو يوقف من ورآهآ و يهمس في اذنهآ ) : احبج ..
غآيه : .....................
سعيد : اقولج احبج ..
غآيه ( بتغلي ) : مآ برضى .. بترقد اليوم و انا زعلانه عليك
سعيد ( و هو يضم ايده على رقبتهآ برومآنسيه و يحط عينه فـ عينهآ ) : اترومييين ؟
غآيه : ههههه لا ..
سعيد : اتعشيتي ؟
غآيه : لا ..
سعيد : لييش ؟
غآيه ( و هي تحط ايدهآ على رقبته ) : اتريآآك .. قول بعد انك متعشي عشآن ازغدك
سعيد : ههههه لا و الله .. بعدني مآ اتعشيت
غآيه : عيل شعنه تقول .. ليش ؟
سعيد : كنت ابآ اسمعج اتقولين .. كنت اتريآك حبيبي
غآيه ( و هي توقف على طرف اصآبع ريولهآ و تحط ايدهآ على جتفه عشآن توصل لأذنه .. و تهمس ) : كنت اتريآآك حبيبي ..
سعيد : يا ويلي يا ويلي يا ويلي شو هالرمسه يا بنت .. بموت ترآنيه
غآيه : ههههههه .. يالله بحطلك العشآ .. اقصد السحور ( و تظهر لسآنهآ بمصخره )
سعيد ( و هو ايود ايديهآ ) : مآبآ عشى خلآص .. اباج انتـي .. احس عمريه متوله عليج واايد واايد واايد
غايه : فديت روحك .. انزين انا تراني بعد مب متعشيه ..
سعيد : اوكي .. بنسير نتعشى و عقب بنحلي و عقب بنطآلع فلم
غايه ( و هي تقطع عليه ) : مآشي افلام .. سيده بنرقد .. لانه ورآنآ صلآة الفير
سعيد ( بابتسامه ) : ان شـاء الله ..
" نزلو تحت صوب المطبخ الدآخلي كآنت غآيه مجهزه كل شي في طبقآت تتريآه ايي بس و اتحطلهم العشى .. يلسو يآكلون و هم مستآنسين بالحب اللي يكبر امبينهم .. "


+! السآعه 9 الصبح .. في بيت المرحوم سيف بن سند +!

" عبيد ظهر لدوآمه و خذ في طريجه .. حمده و رآشد وصلهم لمدرستهم .. امآ فجر فـ كآنت يآلسه توعي ريلهآ
عشآن ايروح الدوآم .. "
فجر : يالله فهد نش بسك رقآد .. انته خذت استئذآن سآعتين بس ..
فهد ( و هو يفج عيونه ) : انزيين انزيين بنش ..
فجر : يالله ليين مآ تتسبح بخبر الشغآله اتزهب الريوق .. ( و يت بتظهر )
فهد : قبل لآ تروحين .. تعآلي بقولج شي
فجر : اممم شو تبآ اتقول
فهد : انتي لين متى بتمين جذه ؟
فجر : شو تقصد ؟
فهد : اللي سويتييه بأختج امس حرآم عليييج مب زيييين تعآملونهآ جذه انتي و فطيم ..
فجر : انا اعرف شو يآلسه اسوي
فهد ( بإستهزآء ) : هيييه اتعرفين وآآآيد ..
فجر : فهد انا خبرتك 100 مره .. لا تتدخل في هالموآضيع .. انآ مآ اقولك شي عن علاقتك ويآ اخوانك so
فهد ( و هو ينش ) : so !!!
فجر : so لا تتدخل لاني اعرف فوآغي اكثر عنك .. هالبنت وآيد بزيااا و السبب امييه و ابوييه
فهد : و انتي اونج بتربينهآ .. انتي ربي عيآلج اول .. بدآل مب عآقتنهم عليهآ مسكينه تسوي كل شي لعيآلكم و بعدهآ مب عآيبتنكم ..
فجر : فهد .. دخييلك
فهد : امس فشلتيهآ جدآمنآ انا و عبيد .. و لآ ردت عليج بـ حرف .. انا اقولج من اللحينه لو تكررت جدآمي مثل هالموآقف مآ تلومين الا نفسج ..
فجر : اشوفك مستوي محآمي دفآع عنهآ
فهد : كلمة الحق تنقآل .. و انا مآ احب حد يفشل حد و الا يحرج حد جدآمي
فجر ( بلا مبآلآه ) : بسير اقولهم يزهبون لك الريوق
فهد ( و هو يسير صوب الحمآم ) : مشكوره مآبآ اتسمم شي .. عدلي اسلوبج و هآ بيكون اكبر معروف تسوينه فينآ كلنآ ( و روح عنهآ على طول )

+! السآعه 10 و نص الصبح .. في كآفتيريا الجآمعه +!

" البنآت خلصن امتحآنآتهن ويآلسآت ويآ بعض .. يسولفن .. قبل لآ ترد كل وحده بيتهآ "
شمآ : عنديه الكن خبر حلوو .. ميودتنه من جمن يوم اتريااا بس متى نتلآقى فيس 2 فيس .. و اخبركن
طرفه : اممم و انا بعد عنديه الكن خبر ..
فوآغي : يالله انزيين فرحونآ معآكم ..
جوآهر : انتن ليين اللحينه سآكتآت ..
طرفه : خله شمآ تبتدي .. و انآ عقبهآ على طول
شمآ : well .. اممم
جوآهر : يالله ارمسي
شمآ : انآ و هزآع .. بنملج عقب الإمتحآنآت
جوآهر + طرفه + فوآغي ( بصوت وآحد ) : و اخيــراً هههههه مبروووك .. ( و سآرو صوبهآ يحضنونهآ )
شمآ ( بإبتسآمه خجوله ) : الله يبآرك فيكن ..
فوآغي : اللحينه دورج توته .. شو تبين اتقولييين ؟
طرفه : و انآ بعد بملج عقب الامتحآنآت ..
فوآغي : هههه مبروووك حيآآآتي ..
جوآهر : congratulations sweet heart
شمآ : مبرووك فديتج .. وآآيه ونآآآسه " و نشت هي و من بعدهآ جوآهر و فوآغي و حضنو طرفه و هم مستآنسيين وآيد .. امآ طرفه فـ كآنت تبتسم في ويههم بس في خآطرهآ محتآره إذآ بترتآح و الا لا .. "
جوآهر ( بإبتسآمه عريضه ) : الله يبآرك فيكن فديتكن ..
شمآ : بس تعآلي طرفه .. متى بتكون ملجتج ..
طرفه : عقب الامتحآنآت بيومين .. ان شآء الله .. و انتي ؟
شمآ : حلو .. و انا عقبهآ بيوم ..
جوآهر : يبآلنآ شي بهالمنآسبه
فوآغي : شي مثل شو ؟
جوآهر : حفل توديع العزوبيه ..
شمآ : ههههه من صدقج ..
جوآهر : yup
فوآغي : انآ بعد احس حلووه الفكره انآ نتيمع قبل لا تملجن ..
جوآهر ( بترجي ) : oh come on guys .. we Just want to enjoy our time
شمآ ( بحمآس ) : انآ موآفقه
طرفه : بقييت انآ يعني .. هههه اوكيه موآفقه
جوآهر : fine .. بنتيمع في بيتنآ .. تمآآم ؟
كلهن بصوت وآحد : هههه تمام التمآم ..
جوآهر ( و هي متشققه ) : محد اييني مبوز .. ههه اباكن كلكن متشققآت هاليوم النآ نحن الاربع و بس
شمآ : اوكيه ..
فوآغي : ان شآء الله
طرفه : هههه مآ اوعدج
جوآهر ( و هي تفجج عيونهآ ) : شو !!
طرفه : هههه اوعدج .. ( و توقف ) : يالله عيل حبيبآتي .. لآزم .. اروح امآآيه شرينه تتريآني وآعدتنهآ اني اوديهآ عند مهآري المستشفى .. و انآ بعد بروح اطالع اخت ريلي
فوآغي : ههههههه فيه تطور و الله
جوآهر ( و هي تغمزلهآ ) : good one .. هييك بدي إيآآكي يا تؤبريني .. عيشي وآقعج من اللحينه
شمآ : هههههه
فوآغي : شو رآيج انسير انسلم على مهآري ويآج ؟
طرفه : جآآآن زيييين و الله .. بتستآنس وآآآيد .. اممم عآدي بتوون ؟
فوآغي : اوكيه انا بس بخبر امآيه و ابوييه قبل و بيي اكيد مآ بيقولون شي
جوآهر : مي 2 .. مآ بيقولون شي ..
شمآ : و انا بعد بدقلهم اخبرهم .. و عآدي اكيد
جوآهر : بس مرريينا على بآتشي اول .. انآ مآ ادآني ادخل و ايديه فآضيه
شمآ + فوآغي : نحن بعد بنآخذ ..
طرفه : ههههه ان شآء الله .. يالله تعآلن كلنآ بنظهر في موتريه .. و عقب بنرد هنه ..
كلهن : اوكيييه .. ( و ظهرن ويآهآ )


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 25-01-2013, 10:05 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! السآعه 11 الصبح .. في بيت المرحوم سآلم بن غيث +!

" البنآت يآلسآت يرآجعن على اللي درسهن ايآه الاستآذ .. و مرتبكآت عشآن الامتحآنآت مآ بقى عليهن شي .. بآلهن مشغول و خآيفآت .. "
ميثآ ( و هي تغلق موبآيلهآ و تفره صوبهآ بلا مبالاه ) : ذبحتني .. ايمآن من كثر مآ تتصل ..
شمسه : ههههه كح كح وينهآ هآي من زمآن مآ سمعنآ عنهآ
ميثآ : ذبحتني و الله من زوود مآ ادق .. بس انا اتجآهلهآ وآيد ..
شمسه : شو تبآ عآده هالكثر ؟
ميثآ : مآشي سوآلف الا سخآفه .. بتين النآدي .؟ بتسيرين المول ؟ بس مآشي شغل ترآه
سآره : و انتي ليش سكرتي تيلفونج اللحينه ؟
ميثآ : مللت بي ..
سآره : هههه انزيين حطي رنة greetune .. ان الهآتف المتحرك الذي طلبته مغلق ..
ميثآ : و مآ بتدري انه مفتوح ؟
سآره : لو تموت .. الا اذآ طرشت مسج ..
ميثآ : اممم هي ادق اكثر شي .. ع قولتهآ .. صوتج ايخبلل وآيد يعيبني
" تمت شمسه سآكته و تتذكر رمسة اخوهآ عن صوت ميثآ .. و ضحكت في خآطرهآ "
ميثآ : اوكيييه .. بحطهآ .. بس انتي منو مخبرنج عنهآ .؟
سآره : عمور يحطهآ دووم .. يوم يبآ يفتك من ربعه
ميثآ : ههههههه
شمسه : دآم عمر يحطهآ .. انآ بعد ابااهاا
ميثآ : استريحي بتوصلج الدله ..
سآره : سمعت اسم عمور و انتفض قلبهآ
شمسه : ههههه خلاص مابا شي
سآره : لا تتغلييين .. ميثآني عقب مآ تخلصين عطيهآ رقم الرنه و خله اتركبهآ على رقمهآ
سآره : اوكيك


+! السآعه 11 و نص الصبح .. في بيت المرحوم سهيل بن بطي +!

" توه حآرب رآد من برآآ .. يآي البيت يآخذ اورآق للشغل .. و بيروح .. دخل و شآف امه متلبسه و شكلهآ بتظهر مكآن و على طول .. حبهآ على رآسهآ و يلس حذآلهآ "
ام بطي ( بدون نفس ) : شو سوييت على السآلفه اللي قلتلك عنهآ ؟
حآرب : امييه .. يا امييه .. انا في شو مضآيجنج شعنه تبيين تيوزيني ؟
ام بطي : لاني ابا اطمن عليك قبل مآ اموت الا اذآ مآ تفرق معآك لو رضيتني و الا لا
حآرب : لا تفاوليين على عمرج .. و انتي تدرين انه يهمني رضآآج .. وآآيد بعد مب شويه ..
ام بطي ( و هي تقطع عليه ) : عيل خلاص لا تنآقشني بعد ..
حآرب : امييه انآ
ام بطي ( و هي توقف ) : خبرنيه انا في شو قصرت معآكم .. عشآن يوم اطلب منك طلب تسوي كل هآ ..
عمريه .. وقتيه .. و صحتيه مآ بخلت ابهآ عليكم .. كل شي بغيتوه عطيتكم ايآه و كل شي اتمنيتوه سويته الكم .. و آخر شي شوف حضرتك شو تسوي ..
حآرب ( و هو يحس بانه مضغوط ) : ان شآآء الله بسوي لي تبينه ..
ام بطي : شو رآيك بـ ميثآ اخت مهره ؟
حآرب ( بغصه ) : كم عمرهآ ؟
ام بطي : 17 اظني .. بتخلص هالسنه ثنويه
حآرب : لالا بعدهآ صغيرونه ..
ام بطي : عيل منو تبآ ؟
حآرب : اممم فيه وحده عرفيتهآ من الشغل ..
ام بطي : منو بنته ؟
حآرب : بنت ريآل معروف يشتغل في مجآلنآ انآ و خآلي ..
ام بطي : من وين عرفيتهآ ؟
حآرب : امم من .. من .. شفتهآ مره في مكتب ابوهآ
ام بطي : هييه .. انزين خلآص .. مب مشكله .. اللحينه خلني اسير البس عبآتيه بتكون طرفه على وصول اللحينه
حآرب : وين بتسيرين ؟
ام بطي : المستشفى .. عند مهره و سهيل ..
حآرب : اوكيه .. انآ بعد بشل الاورآق و بظهر ..
ام بطي : هيه .. ( و روحت عنه صوب حجرتهآ )
" كآن حآرب وآقف و عآطي البآب ظهره .. على طول اتصل لـ عنود .. و ردت عليه "
حآرب : مرحبآ
عنود : مرحبتين هلا حبيبي
حآرب : شحآلج ؟
عنود : الحمدلله تمآم .. انته شحآلك ؟
حآرب : غريببه من يومين مآلج حس ..
عنود : كنت ابآك اتفكر فالسآلفه على رآحتك ..
حآرب : فكرت
عنود : و شو شفت ؟
" في هالوقت وصلت طرفه .. و كآنت تبآ تزقر عمتهآ .. عشآن يروحون المستشفى بس اتفآجئت بوجود حآرب فالصآله في مثل هالوقت .. هو كآن عآطي البآب ظهره و لا التفت .. امآ هي فـ تمت وآقفه يوم سمعت رمسته "
حآرب : شفت شي وآحد
عنود : ..............................
حآرب : اللي هو لو الف الدنيآ بكبرهآ مآ بلقى وحده اتحبنيه كثرج ..
عنود : ..............................
حآرب : يعني بعدج مآ فهمتي .؟
عنود : ............................
حآرب : عنود .. رمسي حرمة ابوج .. و هي بتخبر ابوج بأسلوبهآ
عنود : ........................

{ انآ عموماً مآشيه .. ويآ جروحي الكآفيه ..
خل تآخذك بالعآفيه .. مسكينه مآ حبت وفي }


" حست طرفه بنغزه في قلبهآ .. على طول قآلت في خآطرهآ .. محد ايحبه كثرهآ .. الله يهنيكم في بعض عيل ..
و طلع صح يعني انك وآعدنهآ بالزوآج .. البنت مآ جذبت .. و كنت انآ مشككه فيهآ مآ صدق متى مآ عطيته ويه .. سآر نقز عند عنود .. البديل دوم جآهز عندك يآ حآرب .. الحمدلله اني وآفقت على مروآن بدآل مآ ابتلش في هالخآآين اللي مآ عرف يحب ابدد .. انته مآ استآهليتني و لا عمرك بتستآهلني .. و سآرت تمشي .. و يلست في موترهآ .. و استغربن اربيعآتهآ انه عمتهآ مب ويآهآ "
جوآهر : طرفه .. وينهآ خالوه شرينه ؟
فوآغي : بلاه ويهج طروف .. ليش لونج مخطوف ؟
شمآ : طرفه شي ايعورج ؟
طرفه ( بإبتسآمه متمآسكه ) : لا لا .. شفت حآرب فالصآله .. و مآ بغيت ادخل اللحينه بدقلهآ ( و قبضت موبآيلهآ و على طول دقت لـ عمتهآ .. و ردت )
طرفه : مرحباا اماايه ..
ام بطي : ...................
طرفه : يالله انااا برآ اتريآآآج ..
ام بطي : .................
طرفه : اوكيه فديتج .. بآي ( و سكرت على طول )
" في هالوقت طلع حآرب و في ايده اورآق .. و استغرب يوم لمح موتر طرفه .. بس مشى صوب موتره ..
و حرك و ظهر "
جوآهر : منو هالمزيون بعد ؟؟ حآرب و الا بطي ؟
طرفه : حآرب ؟
فوآغي : وآيد يتشآبهون .. اممم مآ اعرف افرق امبينهم ..
طرفه : حآرب امتن عن بطي شويه ..
شمآ : بس مب جنه ضعفآن ..؟
طرفه : هيييه ..
فوآغي : احلى عليه الضعف
جوآهر : و الله حرآآآم ضيعتي قآلب الكيك هذآ من ايديج
طرفه : هههههه لا تضحكيني لانه مآلي خآطر اضحك ..
جوآهر : و ليش ان شآء الله .. مآ تبين تضحكين ..!! بس و الله انه سم .. ما شااء الله عليه قمـآري
شمآ : ههههه عيب عليج يا ام عيون زآيغه
فوآغي : مآ ادري متى بيييج ولد الحلال اللي يتيوزج و يصآبيج عااده نحن شبعنآ من لقآفتج ..
جوآهر : ههههه و الله امه دآعتله اللي بيآخذ .. الشيخه جوآهر بنت سآلم ..
فوآغي : ههههه هيه صح ..
جوآهر : شو قصدج ؟؟
شمآ : مآ تقصد شي بسكن منآقر .. هذييه خآلوه شرينه بتيي اسكتن ..
جوآهر : بقولهآ اللحينه مآ في خآطرج اتيوزين حآرب .. ترآنيه موجوده
فوآغي : لا اله الا الله ..
جوآهر : خلاص خلاص اسولف ما فينا طروف تزعل علينآ
طرفه : كآن ودي اقولج حلال علييج .. بس الطيور طآرت بأرزآقهآ
كلهن بصوت وآحد : شقآآآيل ؟؟
طرفه : هذييه امايه قربت خلاص بعديين بشرحلكن ..

{ ربِ إنزعهُ من صدري و طهرني من غوآيةَ عشقي
و بِـمآء النسيآن اغسلني .. و كمآ انغرس انزعهُ مني }


" و سكتن .. وصلت ام بطي و سلمت على البنيآت و استآنست وآآيد انهم يوو ويآ طرفه .. و حركو على طول
و طرفه طول الوقت اتفكر في حآرب .. كآنت تعتبره نذل و انه مثل مآ اتوقعت يوم قآلهآ احبج .. كآن يلعب عليهآ ..
و رمسة عنود كلهآ صدق .. و الا شو يجبره يخطبهآ .. قآلت في خآطرهآ يآ رب انك اتبدل حب حآرب بـ حب مروآن .. يآ رب تشله من قلبي .. !! "


to be continued


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 25-01-2013, 10:09 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


( 16 )

+! السآعه 12 الضحى .. في بيت بو مبآرك +!

عنود يآلسه تتريآ عليآ اترد من برآ عشآن اتبشرهآ انه حآرب بيخطبهآ مآ تبآ شي يخرب فرحتهآ .. و بترمس عليآ انهآ تقنع ابوهآ .. دقت حق اربيعتهآ آمنه و مآ ردت .. على طول طرآلهآ اطرشلهآ مسج .. كتبتهآ فيه .. ( كلهآ و كم شهر .. و بكون حرمة حآرب بن سهيل .. قوولي مبرووك ) .. ما كملت 10 دقآيق من طرشت المسج و الا آمنه متصله ..
عنود : يالسبآله .. لازم اخبرج شو في خآطريه عشآن اتردين
آمنه : ههههه لا و الله مب جذه .. بس المدير كآن يسوي جوله فالاقسآم .. تدرين و الله من فتحت المسج و انا متحرقصه ابااه يظهر عشآن اتصلج و اتخبرج شقآيل استوت السآلفه ؟..
عنود : ههههه شو رآيج فيني يبت رآسه و الا لا ؟
آمنه : اممم يبتيه ..
عنود : جنج مب مقتنعه اتريي جمن شهر بس و بيحبنيه .. و بتقولين عنود قآلت ..
آمنه ( بإستفزآز ) : بنتريآ ليش لآ .. انزييين على شو نآويه اللحينه ؟
عنود : بخبر علايه احسن اممم هي اتعرف شقآيل تقنع ابويييه .. لازم في اقرب وقت نعرس .. ماباااه يغير رايه ..
آمنه : هيييه زين تسوييين ..
[ في هالوقت دشت عليآ .. رآده من برآ .. و شآله في ايدهآ اجيآس ]
عنود : خلاص امون فديتج .. برمسج خلآف .. بيلس ويا علايه اللحينه
آمنه : اوكيه .. خبرينيه كل يديد يصير معآج ..
عنود : من عيووني ..
آمنه : يعلهن سآلمآت .. بآي
عنود : بااي [ و على طول التفتت صوب عليآ ]
عليآ ( بإبتسآمه ) : ليش سكرتي عنهآ ؟ عآدي و الله خذي رآحتج
عنود : خلج من هالسآلفه اللحينه .. ايلسي بخبرج شي واايد مهم ..
عليآ ( و هي تيلس ) : اممم شو ؟
عنود ( و هي تحضنهآ ) : و اخيـرن اتحقق اللي فبالي ..
عليا : خيير شوه استـوى .. فرحينا وياج ..
عنود : حـارب ..
عليـا : بلاه ؟؟
عنود : خطبني ..
عليـا ( بإبتسامه ) : مبــروك حبيبتي .. تستاهليين ..
عنود : عاد الباقي علييج .. انتي اقنعي ابويييه .. و حددو الهم يوم .. لانهم بييون يخطبون رسمي ..
عليا : ان شـاء الله .. ما طلبتي .. بس ما خبرتيني كيف اقتنع ؟
عنود ( و هي عآقده حيآتهآ ) : شو قصدج ؟
عليآ : اممم مآشي بس اقصد انه كآن متردد
عنود ( بغرور ) : هو اصلن لو لف الدنيا بكبرهآ ما بيلقي وحده تحبه و تموت فيه شراتيه ..
عليآ : هههه في هآي صدقتي .. خلاص .. مآ يصير خآطرج الا طيب خله يرد ابوج بالسلامه و لج عليه ارمسه عن هالسآلفه .. و اقنعه
عنود ( بإبتسآمه خبيثه ) : مآ تقصرين .. لا حرمني ربيه منج ..
عليآ : آمييين و لآ منج



+! السآعه 1 الظهر .. فالمستشفى +!

البنآت يآلسآت ويا مهره .. ام مروآن و ام بطي .. و مستآنسين
جوآهر : وآآيه على هالولد .. ربيه يحفظه عسووول ..
فوآغي : هيه .. مآ شآء الله عليه ..
شمآ : خلآص عيل نبآه حق بنتيه .. لآ تقولون عقب اني مآ حيرته لـ بنتيه
طرفه : هههههه .. اتريي فالطآبور ليين ايي الدور حق بنتج .. حبيب خالته .. ما تم حد الا و بغااه .. محجوز من اللحينه ..
جوآهر : عيل بنتيه بدش المنآفسه.. ربكم .. ربمآ يقع الاختيآر عليهآ هههه
شمآ : لا و الله .. بنتج خله ادور على حد غير .. جذه بتضعفين فرصة بنتيه
جوآهر : ههههه طآعو الانانيه ..
الكل : ههههههه
مهره : فديتكم و الله فرحتونيه وآآيد بييتكم .. مآ قصرتن ابد .. بس عآده شعنه مكلفآت على عمآركن ؟
فوآغي : انتي تستآهلين كل خير و الله ..
جوآهر : ده مش من إيمتك و اللهي
مهره : هههه يا ويلي انااا .. مآ تقصرن و الله
طرفه ( و هي تتطآلع سآعتهآ ) : اسمحولنآ لازم انروح اللحينه .. بوصلهن الجآمعه و برد البيت .. اممم امايه مآ بتيين ؟
ام بطي : لا .. بيلس ويآ مهره ..
مهره ( و هي تلتفت على امهآ ) : اميييه سيري ارتآحي .. و لا تحآتيني عموه بتم ويآيه ..
ام بطي : هيه آمنه .. ارتآحي اللحينه .. و ردي عقب طلي عليهآ
ام مروآن : ان شآء الله .. انآ قآيله حق مروآن يخطف عليه خلآف
طرفه : اممم انآ بوصلج فديتج ..
ام مروآن : لا مآ بكلف عليج ..
طرفه : لا تقولين هالرمسه افآ عليج .. بوصلج بعيوني ..
ام بطي ( بإبتسآمه ) : سيري ويآ طرفه .. هي مآ بتقصر ..
ام مروآن : لا خليت منهآ طرفه .. صدق يآ حظ مروآن فيهـآ
[ على طول استحت طرفه من يآبو طآري مروآن و ابتسمن اربيعآتهآ و صدن يطآلعنهآ .. و جوآهر تهز حيآتهآ بـ مغآيض ]
مهره : هههه طرفوووه بس بس خلاص .. ويهج لبق
جوآهر ( و هي متشققه ) : اونهآ خجوله ..
طرفه ( بإبتسآمه ) : يالله خلونآ انروح ..
[ وقفن كلهن اتريو ام مروآن لين تظهر و خلآف كلهن ظهرن ورآهآ ]
ام بطي : صح .. بنخطب حق حآرب جريب
مهره ( بإستغرآب ) : اممم اعرف العروس انآ ؟
ام بطي ( بإستهزآء ) : لا انتي و لا انا انعرفهآ .. ايقول انه يعرفهآ من الشغل ..
[ مهره سيده فكرت انهآ وحده ايعرفهآ حآرب .. بس ما اعترف .. لامه بهالشي ]
ام بطي : اممم مهره .. شي بلآج ؟
مهره ( بإبتسآمه ) : لا فديتج .. بس اممم احسج مب مقتنعه
ام بطي : اجذب علييج لو اقولج مقتنعه .. انا لو مآ حنيت عليه جآن مآ فكر حتى يتيوز .. بس خبرته لو مآ فرحيتني بعرسك انسى انه لك ام ..
مهره : عموه يمكن جذه ضغطتي عليه ..
ام بطي ( و هي اتحط ايدهآ على ايد مهره بحنآن ) : مهره فديتج انتي اتعرفينه حآرب .. مآ يتخلى على هوآه .. و الا مآ بيعرس ابدن
مهره ( و هي تحآول اتخفف عن عمتهآ ) : يالله ما عليه كل تأخيره و فيهآ خيره .. ان شآء الله يتكون البنت زينه و بيستآنسون ويآ بعض ..
ام بطي ( و الحزن مبين في صوتهآ ) : ان شآء الله ..


+! السآعه 1 و نص .. صوب بيت بو مروآن +!

ام مروآن : مشكوره يا امييه مآ قصرتي ..
طرفه : افاا عليج و الله ..
ام مروآن : اقربووو ..
طرفه : قرب منج الخير فديتج .. ان شآء الله مره ثآنيه .. اللحينه لازم ارد البنآت الجآمعه ..
ام مروآن : خلاص برآيكم .. سلمي على امج و ابوج وااايد و اتحملي بالدرب ..
طرفه ( بإبتسآمه ) : ان شآء الله
ام مروآن : زييين شفنآكن بنيآت .. استآنسنآ بييتكم ..
شمآ + جوآهر + فوآغي : تسلمييين خآلوه ..
[ نزلت ام مروآن و هي حآسه بـ فرحه .. لانهآ مرتآحه حق طرفه وآيد و اتحس انه اختيآر ولدهآ صحيح 100% .. عكس ام بطي .. اللي كآن إحسآسهآ ضد اختيآر ولدهآ ! ]
طرفه ( و هي تلتفت ورآ ) : يالله وحده فيكن تتجدم ..
جوآهر ( بسرعه ) : اكيد انآ لأني ...
فوآغي + شمآ + طرفه ( قطعو عليهآ ) : لانج زعيمة الشله
جوآهر : ههههه زين و الله حآفظآت الدرس ( و نزلت .. يلست جدآم حذآل طرفه )
شمآ : اممم طرفه شو شفتي دآخل و رديتي بسرعه .. ؟
طرفه : شفت حآرب
[ رن موبآيل فوآغي .. و كآنت امهآ المتصله .. اشرت لاربيعآتهآ بإيدهآ و ردت على طول ]
فوآغي : السلآم عليكم و الرحمه ..
ام حآمد : ...........................
فوآغي : الحمدلله تمآم .. اممم لا مآ بتأخر ظهرنآ عن مهره و برد البيت
ام حآمد : ...........................
فوآغي : ان شآء الله يبلغ .. اممم مآ ادري و الله ..
ام حآمد : ...........................
فوآغي : اممم لحظه .. بنآت اميييه اتقول اقربو اتغدو عندنآ ..
جوآهر : فديتهآ خآلوه .. شو مسوتلنآ .. ؟
شمآ : اييه جوجو استحي على ويهج ..
طرفه : ههههههههه
جوآهر : العلاقه cool امبيني و امبين خالوه منى .. تبيني اثبتلج ؟ ( و تمد ايدهآ لـ فوآغي ) : فوآغي عطيني فونج
فوآغي : هههه اندوووج ..
جوآهر ( و هي اتحط سبيكر ) : هلا و غلا و الله بالغوآلي ..
ام حآمد ( بإبتسآمه ) : اهلييين و سهلييين .. شخبآرج ؟
جوآهر : ترتوب .. انتي شخبآرج خآلوه ؟
ام حآمد : الحمدلله طيبه .. انا زعلانه عليج ..
جوآهر : افاا بس افااا ليش .؟
ام حآمد : اول تسألين عني .. تخطفين تسلمين بس اللحينه ناستني .. امرره ما تقولين بتخبر عن خالوه و الا بسلم عليهآ ..
جوآهر : صح كلامج انا غلطآنه .. اسمحيلي بس درآسة الهندسه ما خلت فينآ انا و فوفي حيل ..
ام حآمد : الله يوفقكم .. انتو بس شدو حيلكم ..
جوآهر : ان شآء الله ..
ام حآمد : و يدتج شخبآرهآ ؟
جوآهر : يدوووه الحمدلله بخير .. اتسرج اخبآرهآ
ام حآمد : عسآهآ دوم يا رب ..
جوآهر : آميييين ..
ام حآمد : بتووون انتي و البنآت تتغدون عندنآ ؟
جوآهر : هييه بني كلنآ ..
شمآ : بس ..
طرفه ( و هي تضربهآ على جتفهآ ) : لا تثقلين على الحرمه
جوآهر ( و هي متشققه ) : مآ علييج منهن خآلوه .. رمستيه انا بس اللي تمشي .. بيبهن و بيي
ام حآمد : ههههه زيين اتسوييين قوليلهن طرفه و شمآمي .. اذآ مآ يوو بزعل عليهن .. من زمآن مآ شفنآهم ..
جوآهر : و لآ يهمج .. كلله عآده و لآ زعلج
ام حآمد : ههههه .. خلاص عيل نتريآكم ..
جوآهر : اوكيييه .. شويه و بنكون عندكم ان شآء الله
ام حآمد : الله يحفظج فديتج ..
جوآهر : و يحفظج يالغآليه .. ( و ردت الفون على فوآغي )
فوآغي ( بحمآس ) : اللــــــــــــه .. بتتغدون عندنآ اليوم .. ونآسه
جوآهر : يالله اتصلو خبرو اهلكم انآ بنتغدى عند فوفي ..
شمآ : الاخت جوآهر قررت .. كل شي ..
جوآهر : طبعاً .. يالله خلونآ انسير نستآنس
طرفه : صح و الله خلونآ نستآنس و ننسى كل شي ..
فوآغي : و انا بعد عندي شي ابآ اشآوركن فيه ..
شمآ : خلاص عيل برمس امييه اللحينه بس اول ودينآ صوب الجآمعه عشآن اظهر من عند فوآغي على طول صوب البيت
طرفه : ان شآء الله

+! السآعه 2 و نص .. في بيت المرحوم سهيل بن بطي +!

حآرب و بطي يآلسين يتغدون بروحهم .. امهم ويآ مهره فالمستشفى ..
حآرب : متى بيرخصون مهره ؟
بطي : ورآ بآجر ان شآء الله .. ( بإبتسآمه ) : يالله عقبآل مآ نفرحبك و اتصير ابو ..
حآرب ( بضيج ) : اممم .. عرفت امييه شو سووت ؟
بطي : شو سوت ؟
حآرب : الا تبآنيه اتيوز ..
بطي ( و هو عآقد حيآته ) : و انته مآ تبآ ؟
حآرب : اصلاً مآ عطتنيه فرصه .. قآلت اذآ مآ اتيوزت انسى انه لك ام ..
بطي : انزيين جآن اترييتهآ لين تهدى و عقب رديت اترمسهآ ..
حآرب : رآفضه كل شي .. مب عآطتني فرصه .. و اليوم اللي عقبه ردت هي فتحت السآلفه
بطي ( و هو عآقد حيآته ) : غرييبه .. يعني شو طلع هالفكره في رآسهآ مره ثآنيه ؟
حآرب : اتقول فرحت بـ عيآلي كلهم .. بطي و غويه و اللحينه .. ( سكت لثوآني .. و رجع يكمل ) : و اللحينه .. طرفه و انته بس اللي مآ عرست ..
بطي : انزييين .. امييه حآطه عينهآ على حد ؟
حآرب : لآ ..
بطي : اهاا .. و انته شو قررت ..
حآرب ( بإبتسآمه مبين فيها الاستسلام ) : بسويلهآ اللي في خآطرهآ ..
بطي ( و هو حآس بضيج اخوه ) : الله يوفجك و ان شآء الله تلقى في حرمتك كل اللي تتمنآه ..
حآرب ( بنفآذ صبر ) : بطي انا احب طرفه و مستحيل احب غيرهآ
بطي : حآرب طرفه بتعرس اللحينه انسآهآ .. فكر كيف اتحب حرمتك
حآرب ( و هو يوقف ) : طرفه بتظهر من هالبيت بس مآ بتظهر من قلبي .. انآ بحآول ابتعد عنهآ بس إذآ اميه مفكره اني بترسلهآ هالبيت عيآل .. فهالشي مستحيل
بطي : شو قصدك ؟
حآرب : انا احب طرفه و بس .. و مستحيل المس وحده غيرهآ ..
بطي ( و هو منصدم ) : مآشي وحده بتعرف انه في قلبك وحده ثآنيه .. و بتعآملهآ جنهآ قطعة اثآث فالبيت و بترضى ..
دخيلك لو ما تبا تتيوز لا تسود ويوهنآ جدآم العرب
حآرب : فيه .. كل حد في هالدنيآ مستعد يجدم تنآزلآت صدقني ..
بطي : حآرب .. لآ تظلم نفسك و تظلم بنآت النآس ويآك
حآرب : انآ مآ بظلم حد .. مآ انكر اني غلطت فاللي سويته لـ طرفه بس ندمت و رجعت اتعذر منهآ و في كل مره كآنت اتردنيه .. مآ عطتني حتى فرصه .. و الله اني احبهآ و كنت ابآ اثبتلهآ اني مآ كنت ارآضيهآ عشآن مآ تخبر امييه .. لاني ما اقدر اعيش بدونهآ كنت اسوي جذه .. بس هي ظلمتني ..
بطي : خلاص اللي صآر صآر .. حآول تبني حيآتك صح ويآ اللي بتآخذهآ و انسى طرفه ..
حآرب : اوعدك انسآهآ ..( و اشر على عمره ) : يوم بيكون هالجسم تحت الترآب .. [ و روح ]
بطي : الله يهديك يآ حآرب .. و الله ما اعرف شو الحل بين هالاثنينه .. هو بدى و غلط و هي رآفضه تسآمحه و اصلاً خلاص مسحته من حيآتهآ !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 25-01-2013, 10:10 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


+! السآعه 3 و نص .. في بيت بو حآمد +!

جوآهر : يالله كل وحده اتخبرنآ اللي في خآطرهآ .. ( و تتطآلعهن ) : منو اللي بتبتدي ..
فوآغي : خله طرفه تبتدي ..
طرفه ( بإبتسآمه ) : لآفديتج .. انتي ابتدي عآدي ..
جوآهر : بييلسن يتعآزمن اللحينه .. سمعو كل شي يضآيج قوولوه هنه .. فالعزيمه اللي بنسويها في بيتنآ بس بنستآنس ..
طرفه : ههههه حاضر عموه ..
شمآ : تدرون كيف .. جوآهر انتي ابتدي قوولي شو يديدج عقبج انآ .. و عقبنآ توته و عقب فوآغي .. حسب ترتيب اسآمينآ بدآل مآ تتعآزمون ..
جوآهر ( بإبتسآمه عريضه ) : هواااا دااا ..
فوآغي : يالله ارمسي .. و اختصري
جوآهر : عن النذآله ..
فوآغي : هههههه ان شااء الله ..
جوآهر : يوونآ يرآن يدآد سكنو فالبيت اللي مجآبلنآ على طول .. اممم الام اوكيه و البنآت عسل .. و دشو قلبيه حسيت بنستوي اربيعآت وآآآيد مع الوقت .. بس العقده فـ اخوهم ..
طرفه : اممم ليش شو فيه اخوهم ؟
شمآ : عآيبنج ؟
جوآهر : ewwww .. عآده قلو الرياييل عشآن يعيبني هذآ .. بس بغينآ ندآعم هذآك اليوم و غلط عليه و رديتها له يوم سرنآ نسلم على هله .. اممم احس مآلي عين اسير بيتهم بس في نفس الوقت مابا اخسر خوآته .. وااايد اترتحتلهن
و لأمهن بعد ..
شمآ : امم لا تقطعينهم انزييين ..
طرفه : اتجآهليه هو و اتعآملي مع اللي يهمونج بس ..
جوآهر : يعني عآدي .. اسير و ارد عليهم عقب مآ رمست اخوهم جذه ؟
فوآغي : هو اللي بدى .. و انتي خذتي حقج و بس .. لو رد قال شي طنشيه و خبري خوآته و هن بيأدبنه
جوآهر : ههههه صح كلامج .. اممم اللحينه شموه خبرينآ شو النيوو عندج ؟
شمآ : مآشي و الله غير الملجه .. احس الوقت مآ يكفي لـ شي ..
طرفه : ههههه نفس الحآله و الله .. بس مآ عليج بيمر كل شي على خير ان شآء الله ..
شمآ : انآ مآ عندي شي يديد .. كل شي اتعرفونه .. خلونآ ننتقل لـ طرفه اللحينه ..
طرفه : اممم مآ بتصدقون لو اقولكم ..
كلهن ( بصوت وآحد ) : شو استوى ؟
طرفه : حآرب بيخطب
جوآهر : شو هالنذآله ؟
شمآ : يعني مآ يآزله العرس الا يوم انتي بتعرسين ؟
فوآغي : اممم يمكن يحآول ينسى و يعيش حيآته
طرفه ( بصوت مغتبن ) : اتخيلو سمعته ايقولهآ .. لو لو الف الدنيآ بكبرهآ مآ بلقى وحده اتحبنيه كثرج
جوآهر ( و هي تشهق ) : طع هذآ .. وآيد مصدق ويهه
شمآ : أحسه يبآ يلفتج و السلآم
فوآغي ( بعد تفكير ) : اممم طرفه انتي ليش رفضتي تسآمحينه ؟
طرفه : كل يوم ايحسسني اني مب غلطآنه فـ القرآر اللي اتخذته .. فوآغي اتخيلي يتعآمل بمغآيض .. شو اللي يجبره يتيوز في هالفتره بالذآت .. جنه يبآ يرد عليه ..
جوآهر ( و هي اتحط ايدهآ على جتف طرفه ) : لآ تعطينه اكبر من حجمه هو الخسرآن و انتي الكسبآنه ..
طرفه : بس لو شفتوه شقآيل ايرمسهآ .. و الله مآ يستحي قبل فتره بس قآيللي انا بخطبج و احبج ..
شمآ : طرفه حيآتي .. انتي سويتي الصح
طرفه ( بإبتسآمه ) : صح .. و انا مب ندمآنه .. الحمدلله يوم سمعته بإذني عشآن اعيش عمريه كله احتقره
و الله انه مآ يستآهل الحب اللي عطيته ايآه انسآن حقييير .. مآ يعرف يحب .. حيآته كلهآ لعب ..
( و بإبتسآمه كلهآ الم ) : خلونآ منه .. انآ بملج جريب و لازم اكون مستآنسه .. ( و على طول اتبدلت ملامحهآ للفرح عشآن مآ اتنكد على اربيعآتهآ ) : يالله فوفي دورج خبرينآ شو اليديد ؟
فوآغي : اممم موضوعي يخوف .. اممم مب انه يخوف يخوف بمعنى الكلمه .. بس اخآف انصدم عقب
طرفه : فيه شي مستوي في سآلفة احمدوه ؟
فوآغي : هييييييه صح هاا نسيته اتصدقون .. مآ قآم ايطرش شي .. بالمره
شمآ : غريبه !
جوآهر : ما اعرف ايبب و الا يببت ابركهآ من مسآعه .. الله يباعد امبينج و امبينه ..
فوآغي : آميييين .. امم اتحيدون ولد عميه اللي خبريتكم عنه .. اللي درس فـ امريكآ
شمآ : هيييه هيه ذكرته
طرفه : اممم احيده ..
جوآهر : هيه انا بعد تذكرته ..
فوآغي : هالفتره ايي بيتنآ اكثر عن اول و حآمد وآيد متعلق فيه .. فـ يوم اسير بيتهم بعد قآم اييلس ويآنآ مرآت عكس اوول يالله .. يالله نتلاقى امم اي وقت اضيج فيه القآه جدآمي وآيد يهتم فيني بطريجه اتخوفنيه ..
جوآهر ( و هي تتطآلعهآ بنظره ) : فوآغيووه ليكووون ؟؟
فوآغي ( و هي تبلع ريجهآ ) : اممم .. انا احس اني اضعف جدآمه .. حنون بطريجه اتوترنيه ..
شمآ : اممم انزين عآدي هو ولد عمج .. حتى لو صآر امبينكم حب
فوآغي : لا مااباا احبه بنصدم اكيد .. لو عرف اني كنت احب احمد .. بيرد و بيقول مابااهاا ..
طرفه : استهدي بالله و العني الشيطآن منو بيخبره عن احمد .. اذآ هالسبآل مآ يدق اللحينه
فوآغي : بس ما اقدر أأمن .. مابا ابني آمآل او اسمحله يدش حيآتي .. اعرف اني بنجرح اكثر من اول
طرفه : لا تتشآئمين اتفآئلي ..
فوآغي : متفآئله بس مابا ارتبط في هالفتره .. و لا اسمح لـ قلبيه انه يدق لـ حد .. لاني انا الخسرآنه ..
شمآ : فوفي فديتج .. لا تحكمين على الامور و انتي بعدج مآ عرفتي طبع الطرف الثآني عدل
فوآغي : اممم كيف يعني
شمآ ( بإبتسآمه ) : يعني انتي اتقولين انج بس في هالفتره بديتي تتعآملين معآه .. فـ مآ اتعرفين طبعه عدل
فوآغي : ماشي واحد بيرضى بالشي اللي صآر ..
جوآهر : فوآغي ..
فوآغي ( و هي تقطع عليهآ ) : مآ عليييج اعرف ارتب اموري ( و تغمزلهآ )
جوآهر : all the best hun
[ ردت عليهآ فوآغي بإبتسآمه .. و تفكيرهآ كله صوب عبيد ]



+! السآعه 5 العصر .. في بيت بو هزآع +!

بو هزاع يالس فـ حجرته و مظهر البوم الصور اللي يجمعه ويا حرمته ظبيه .. كآن يتذكر آخر كلمآتهآ له .. حط بآلك على هزآع .. و لآ تقصر عليه بشي ) .. اتذكر موقفهم فالمستشفى و هو ميود ايديهآ يوآسيهآ انهآ بتعيش و بتكمل ويآه .. لانه كلمآتهآ حسسته انه وقت الفرآق حآن .. بينه و بينهآ ..
هزآع ( و هو يفتح البآب ) : ابويييه ليش يآلس فالحجره هالكثر ؟ مفتقدنك انا اليوم ..
بو هزآع : يالله اللحينه بظهر و بيلس ويآك ..
هزآع : ( و هو يقرب اكثر ) : تتطآلع صور امييه الله يرحمهآ
بو هزآع ( بإبتسآمه ) : هيييه ..
هزاع : اممم ما خبريتنيه .. انا منو اشبه فيكم انته و الا امايه ؟
بو هزاع : لا انته واايد تشبهها الله يرحمها كل ما اشوفك اتذكرها .. نفس العيون الوساع .. و نفس الابتسامه .. شوه اقولك .. ملامحك وااايد تآخذ من المرحومه ..
هزاع ( بمزاح لانه لاحظ انه فصوت ابوه نبرة حزن و هو يرمس ) : احم احم .. و انا اقول من وين يايب هالجمال كله ..
بو هزاع : ههههههه .. شو قصدك ابوك مب مزيون يا ولد ؟
هزآع : فدييييت خشمه انااا هالابو .. عسآني ما خلا و لا عدم .. انته الزين كله
بو هزآع : ههههه ياللوتي ..
هزآع : ههههه يا خي و الله احبك
بو هزآع ( بإبتسآمه دآفيه ) : يحبك ربك ان شآء الله ..
هزاع : اممم ابوييه في خاطريه انسير العزبه ..
بو هزاع : ان شااء الله بنسير .. ما يصير خاطرك الا طيب ..
هزاع : و .. امممم .. نبا عميه و عياله ايسيرون ويانــا ..
بو هزاع : ههههههه عياله هاه ياللوتي .. قصدك شميم !
هزاع ( و هو متشقق ) : و هذا هو المطلوب ..
بو هزاع : و تقولها في ويهي بعد
هزآع : انا انسآن صريح .. اقولها جدآمك و لا اقولها ورآك .. ( و يعطي ابوه موبايله ) : يالله ابويييه اتصل شوف عميه ..
بو هزآع : انزييين يمكن النآس مشغولييين في شي ..
هزاع : انته رمس عميييه اول و عقب يصير خير .. انا متأكد انه بيوآفق
بو هزآع : ان شآء الله [ و قبض موبايله يدق لاخوه ]



+! السآعه 7 المغرب .. في شوآرع دبي +!

مروآن يتمشى بموتره و هو طآير من الفرحه لانه مآ بقى شي على ملجته .. سآعه تطرآله طرفه و شكلهآ بعد الحآدث .. و سآعه تطرآله يوم شآفهآ فالمستشفى امسآت .. يحس كل الموضوع حلم .. ( قآل فخآطره ) : لو بس اتعرفين يا طرفه اشكثر اتريآ اليوم اللي بتكونين فيه .. حرمتيه .. حليلتي و محد يشآركني فيج .. كثر مآ صبرت الفتره اللي طآفت احس اني متخبل و مآ فيييه اصبر .. وآيد وآيد احبهآ .. عسآني احيآ و اشوفج بقربيه و لا يفرقني عنج الا الموت ..




+! السآعه 8 المسآ .. في العزبه +!

بعد ما صلت شمامي سارت تتمشى فالعزبه و هييه اتفكر في كل شي صآر اليوم .. سآلفة جوآهر ويآ ولد يرآنهم خلتهآ تبتسم لانهآ اتحس انه جوآهر طآيشه اكثر وحده تلقآئيه بينهن كل شي في خآطرهآ اتقوله و خلآف ترجع و تتلوم .. امآ فوآغي بسبب مآضيهآ مب قآدره تتهنى في مستقبلهآ اتحسهآ حآكمه على كل علاقه بالفشل .. لانه حميد اتخلى عنهآ بعد مآ عرف باللي بينهآ و بين احمد .. و طرفه فـ غآمضتنهآ فعآيل حآرب فيهآ اتحسهآ مآ تستآهل الجروح اللي يسببلهآ ايآه ودها انها تلاقي راحتها ويا مروان .. و تبدى حياه يديده كلها حب و راحة بال .. و يظهر من دنياها واحد اسمه حارب .. لانه هو السبب الاول و الاساسي فـ ضيجها ..
حست لـ لحظه انهآ مآ تقدر تصبر عن اي وحده فيهن كآنت اتفكر فيهن وحده وحده .. و تحآتيهن و كأنه هم كل وحده فيهن همهآ .. لقت عمرهآ بطريجه تلقآئيه اطرش مسج .. كتبت فيه .. [ احبج واااايد .. بدونج حيآتي (N) .. الله لا يحرمني منج و انتم اربيعآآت طول العمر يآ رب ] و على طول forward لـ جوآهر / طرفه / فوآغي .. دقيقه و جآن اترد عليهآ جوآهر .. [ حلووو و الله .. اشكر فنج مع حبيب القلب و اطرشيلي مسج .. احبج يالوفيه ههههه ]
ضحكت شمآ و هي تقرى مسج جوآهر ..
وصلهآ بعده مسج من طرفه .. [ آميييين يا رب و يربون عيآلنآ مع بعض ان شآء الله .. أحبج دووم (kkkk) ]
بعدهم بفتره بسيطه طرشت فوآغي مسج [ لآ خليييت منهآ الرومنسيه .. و انا اموت فيج فرندتيييه الغآليه ]
على طول ارتسمت ابتسآمه عريضه على شفآيف شمآ .. و تمت كل اللحينه تقرى المسجآت و هي مستآنسه بأنهآ اتيمعت ويآ اربيعآتهآ اليوم و كل وحده ظهرت اللي في خآطرهآ ..
هزآع ( و هو يحط ايده على عيونهآ ) : ممكن اكلمج ؟
شمآ : ههههه ممكن ..
هزاع ( يوقف جدامها ) : في شوه تفكرييين ؟؟
شمامي ( بإبتسامه ) : هزاع !!
هزاع ( و هو يرد عليها الابتسامه ) : هييه هزاع .. و كنت واقف وراج من متى بس انتي ما حسيتيبي .. ما ادري شوه اللي شاغل بالـج هالكثر
شمامي : السموحه و الله .. بس كنت افكر فـ اربيعآتيه
هزاع : امممم .. رب ما شر ..
شمامي ( احتارت شوه اتقووله ) : ما من شر .. بس اتيمعنآ اليوم و استآنسنآ .. و احس وآيد مرتآحه ..
هزاع : فديتهآ المرتآحه .. عسى هالرآحه دوم ..
شمامي ( بإبتسامه ) : آمييين يآ ربيه ويآآك
هزاع : انزيين ما طمنتيني عنج .. شخبارج .. و شوه علوومج ؟؟
شمامي : الحمـدلله تمـام ..
هزاع ( و الوناسه مبينه فـ صوته ) : ايقولووون .. انه مآ بقى شي على الملجه .. ( و يهز حيآته ) : كلهآ ايآم و ليآلي و احضن كفوفك يآ غآلي
شمامي : هههههه .. واايد مستعيل الريال ..
هزاع ( و هو يتقرب منها ) : الا قوولي اموووت و آخذج ..
شمامي ( بمستحى ) : يالله راح الكثير و ما بقى الا القليل ..
هزاع ( و هو يتنهد ) : الله يصبرني لين ذاك اليوم
شمامي : هالكثر تتمنى اليوم اللي بيجمعنا ..
هزاع : و الله من خاطر خاطريه ودي اتكونيين ويايه .. اصحى على صوتج و انام على صورتج ..
شمآمي : لا خلييت منك ..


+! السآعه 10 فليل .. في بيت المرحوم سيف بن سند +!

عبيد يآلس ويآ اخوآنه فهد و حمدآن .. يتآبعون قنآة الجزيره الريآضيه .. بس مآ كآن ويآهم 100% .. لانه بآله مشغول
بـ فوآغي .. ايحس برغبه انه يشوفهآ كل يووم .. وااايد يتوله عليهآ و تطرآله حتى و هي تشتغل ..
عبيد ( بإندفآع ) : اممم افكر اتيوز
فهد : هآي السآعه المبآركه ..
حمدآن ( بإبتسآمه ) : احسن شي بتسويه .. بس منو سعيدة الحظ ؟
عبيد : اممم بنت عمنآ .. فوآغي .. [ فهالوقت يوو فطيم و فجر بعد مآ رقدو الصغآريه ]
حمدآن : امممم بس ظنك بتوآفق البنت .. ؟
عبيد : اممم و الله مآ ادري .. انآ قلت قبل لآ ارمس عميه برمسهآ و بشوف شو تقول .. لو وآفقت بنتوكل على الله و بنرمس عميه .. و لو .. مآ تبآ الله يوفجهآ و يسعدهآ ..
فجر : و ليش مآ تبآك ؟ انته ولد عمهآ و مآ فيك اي عيب
فآطمه : صح .. مآ بتحصل احسن من ولد عمهآ .. بعديين ابوييه يعزك وآيد
عبيد : عميه على عيني و رآسي .. بس مآبآهآ اتحس انهآ اتيوزتني عشآن خآطر حد .. اباهااا اتكون مقتنعه ..
فآطمه : اللي يريحك نحن خبرنآك رآينآ .. و اكيد انه الرآي الاول و الاخير لك انته ..
[ تمو الاخوآن يرمسون عن السآلفه و الخوآت سآكتآت مآ يقولن شي .. عقب فتره تمت فجر تتطآلع فآطمه .. و عقب
اترخصن و سآرن دآخل ]
فجر : يآ ربيييه ليش يرمسهآ اول .. اخآف تعفس الدنيآ فوآغي
فآطمه : بس ما اظن اترده ..
فجر : اتوقعي اي شي من اختج .. انا اباااها تآخذ عبيد .. صدقيني انه احسنلهآ و اكثر وآحد بيفهم عليهآ
فآطمه : بس مآ فييه عيب اصلاً عشآن اترده .. تدرين شقآيل خلينآ انرمسهآ قبل لا يشوفهآ عبيد و بنحآول نقنعهآ فيه ..
فجر ( و هي مستآنسه ) : يبتيهآ .. خلينآ انرمسهآ
[ قبضت فآطمه موبآيلهآ .. تتصل لـ فوآغي و على طول ردت عليهآ .. و خذت فجر السمآعه تسمع المكآلمه ويآهم ]
فوآغي : هلا فطآمي ..
فآطمه : اهلين .. شخبآرج ؟
فوآغي : الحمدلله طيبه .. انتي شحآلج و فجور شخبآرهآ ؟
فآطمه : كلنآ بخير و نعمه
فوآغي : اتعرفييين متولهه على الصغآريه وآيد ..
فآطمه : يوم متولهه عليهم شعنه مآ تيين اتشوفينهم
فوآغي : هههه و الله اني مشغوله بالامتحآنآت .. بس اتعرفين غلاتهم عنديه ..
فآطمه : انزين عيل بآجر عندج امتحآن ؟
فوآغي : لا اجآزه .. ييبو الصغآريه عندنآ
فآطمه : تعآلي هنه .. انا و فجر و ريايلنآ بنظهر .. ايلسي ويا الصغآريه .. و ادرسي برآحتج
فوآغي : اممم و ..
فآطمه : اممم شو فيج ؟
فوآغي : عبيد .. بيكون فالبيت ؟
فآطمه : اممم ما ادريبه و الله بس حتى لو هنه بيشتغل .. ليش ؟
فوآغي ( بإرتبآك ) : لا مآشي بس اسئل .. اممم انزين ان شآء الله بييي ..
فآطمه : زييين .. بيفرحون اليهآل واايد
فوآغي : فديتهم انآ .. خلاص فطآمي انا بسكر اللحينه بسير ادرس شويه .. سلمي على فجور و عليهم كلهم ..
فآطمه : يبلغ .. انتي بعد سلمي على امييه و ابوييه .. و تصبحين على خير ..
فوآغي : و انتي من هل الخير .. فمآن الله
فآطمه : فمآن الكريم .. [ و سكرت عنهآ ]
فجر : اممم احس فيه شي بينهآ و بين عبيد
فآطمه : لا مآ اظن .. حليلهآ غمضتني .. احسهآ وآيد اتغيرت من عقب سآلفة احمد
فجر : يمكن .. اممم بس شو تفسرين سؤالهآ عن عبيد لو موجود و الا لا
فآطمه : يمكن مآ تآخذ رآحتهآ و هو هنه
فجر : و يمكن مآ تبآ اتشوفه ..
فآطمه : و ليش ؟
فجر : ما اعرف بس يمكن تبآ تتجنبه ..
فآطمه : لا تحطين في ذمتج فجور ..
فجر : انا احس انه مهتم فيهآ .. لاحظته يوم كنآ في بيت ابوييه وآيد يطآلعهآ
فآطمه : بس لو مهتم فيهآ ليش بتتهرب منه او بتتجنبه ؟
فجر : اممم يمكن بعدهآ اتحب احمدوه
فآطمه : مستحيل بعد كل اللي سوااه
فجر : اختج كتومـه كيف بنعرف اللي في خآطرهآ ؟
فآطمه : لازم نقنعهآ بـ عبيد .. و الله انه طيب .. عمره مآ قصر ويآنآ
فجر : بس اختج عنيده
فآطمه : بنحآول انرمسهآ بالطيب ..
فجر : و لو مآ يآب نتيجه ؟
فآطمه : عيل فوآغي الشد مآ اييب فآيده معآهآ و بتعآند اكثر
فجر : اممم بآجر يوم بتيي بنرمسهآ عن السآلفه ..
فآطمه ( بإبتسآمه ) : تم



+! السآعه 11 و نص فليل .. في بيت بو مبآرك +!

بو مبآرك يآلس ويآ عليآ فالحجره و يطآلعون التيلفزيون .. اتقربت منه عليآ و ردت تفتح معآه موضوع بنته عنود
عليـا : هااه شو قلت يآ ضآعن ؟
بو مبآرك : في شو ؟
عليآ ( و هي تتطآلعه بنظره ) : وحآلك نسيت ..
بو مبارك : قلت انه البنت بعدهآ صغيره .. انتي تدريبهآ عنود يآهل و انآ مضرنهآ على الدلع ..
عليـا ( و هي اتنش عنـه ) : لا مـا اعرف ..
بو مبارك ( و هو ينش وياهـا ) : فديتج انتي تعرفين انه ما يرضيني انج تزعلين ..
عليا ( بدلع ) : عيل .. انا يايه ارمسك و اتردني .. !! هذووه انا متيوزتنك من 5 سنوات .. و يوم خطبتني كان عمري 20 .. و لكن حياتنـا من احسن ما يكون .. يعني انا كنت اصغر من عنود يوم اتيوزت ..
بو مبـارك : ......................
عليا ( و هيه حاسه انهآ بدت تأثر عليه ) : هااه شو قلت ؟
بو مبارك : هالريال من ويـن عرف عن عنود و هو مب من قومنـا !!
عليـا : خبرتك ترآ هي اربيعة خته ..
بو مبآرك : هو ولد حيآة سهيل بن بطي .. ؟
عليآ : هييه ..
بو مبآرك : الله يرحمه كآن ريآل طيب .. بس انآ و خآله خليفه مآ نتقآبس وآيد ..
عليآ : ضآعن لا تدخلون البنت امبينكم ..
بو مبآرك : مآ قلت اني بدخلهآ .. بعدييين انتي تعآلي وآيدييين اييون حق عنود مآ حنيتي هالكثر اشمعنى على هذآ
عليآ : احسه ينآسبهآ .. و البنت متقبله ..
بو مبآرك انتي تعرفين اني مآ اغصب عيآلي على شي .. لو هي موآفقه انآ بعد موآفق برمس اخوهآ و بنسئل عن الريآل
عليآ : مبآرك مآ اظنه بيقول لا .. انا اقول لو نحدد الهم يوم و ايييون ..
بو مبآرك : يصير خير ..
عليآ : تبآ شي من المطبخ ..
بو مبآرك : ييبيلي مآي بس
عليآ : من عيوني ..
بو مبآرك ( بإبتسآمه ) : سالمآت
عليآ : ربي يسلمك [ و نشت على طول سآرت صوب عنود عشآن اتبشرهآ ]

b.r.b


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 25-01-2013, 10:11 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: اذا انت ميتن فيني ترآني حين عشانك الكاتبة / Rmad alroo7


تكملة الجزء الـ ( 16 )

+! السآعه 12 فليل .. في بيت بو سعيد +!

غآيه يآلسه .. و سعيد منسدح على الغنفه و حآط رآسه في حضن غآيه و هي تلعب في شعره ..
غآيه : سعييد
سعيد : فديتهاااا اللي اتقول سعييد .. اموووت فيهآ
غآيه ( بإبتسآمه ) : حبيبي بآجر اذآ الله رآد .. بنسير عند مهره بنسلم عليهآ ..
سعيد : من عيوووني يآ عيووني ..
غآيه : عموه بتيي ويآنآ .. بس عميه مشغول مآ بيقدر
سعيد : اوكيه تمآم
غآيه : سعوديه حيآتي ادري انه تعب عليك انآ بنسير و بنرد في نفس اليوم بس لازم انسير نسلم ..
سعيد ( هو ينش ) : لآ تقولين جذه فديتج .. الا هو يوم وآحد بعدين انآ بعد ابآ اشوف بطي و اباركله ..
غآيه : رآحتك اتهمني ..
سعيد : انتي بس رآحتيه .. يوم تكونين ويآيه اتأكدي اني بكون مرتآح
غآيه ( و هي تحبه على خده ) : فديت روووحك ..
سعيد ( بإبتسآمه ) : تفدآج .. بكبريه حلآلج و افدآج ..
غآيه : لآ خليييت منك يآ رب .. حيآتي خلنآ نرقد .. عشآن ترتآح بآجر ورآك دوآم و درب سيره و رده
سعيد : ان شآء الله ..
[ نش سعيد و نشت غآيه ويآه .. و على طول شلهآ ]
غآيه : ههههه نزلني ..
سعيد ( و هو يهمس فـ أذنهآ ) : لا ترمسين .. اسمعي بس ..
غآيه ( و هي تحط رآسهآ صوب صدره ) : اممم .. شو ؟
سعيد ( بهمس ) : آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج آحبج أحبج أحبج أحبج أحبج
[ تم يقولهآ احبج .. ليين مآ وصلو الحجره .. ]
غآيه ( و هي تتطآلع ويهه و تمسح على لحيته بـ حنآن ) : تدري اني لو اموت و ارد احيآ 2000 مره مآ بختآر غيرك و لآ بحب غيرك ..
سعيد : لآ تفآولييين على عمرج فديتج .. دنيآيه حلووه لانج فيهآ ( و يغني بإستهبآل ) : هالدنيآ حلوه بشوف عيونج الحلوه .. يآ من غديت بحيآتي كل مآ فيهآ .. إن غآبو النآس عني قلت انآ فدوه .. الا انت لا تغيب عن عيني و تجفيهآ
غآيه : ههههههههه
سعيد : ههههه تضحكين على صوتيه .. جآمليني عالاقل
غآيه : لآ تقول جذه .. فديته هالصوت انااا .. سعوديه نزلنيه انا ثجيله ..
سعيد : عسللل على قلبيه
غآيه : حيآتي انته .. نزلني
سعيد ( بإبتسآمه ) : ان شآء الله ..
غآيه : يالله لازم ترقد و ترتآح ..
سعيد : حآآضرر انتي تآمرين و انآ عليه التنفيذ ..
[ ردت عليه غآيه بإبتسآمه .. رقدت غآيه و هي مستآنسه بحيآتهآ مع سعيد و هله وآيد اتحس عمرهآ متفآهمه ويآهم و اتحبهم وآآآيد ]


+! السآعه 2 فليل .. في بيت بو محمد +!

طرفه يآلسه فالحوي .. بروحهآ و حآطه قطوتهآ على حضنهآ .. حآسه بضيج .. اتحس انهآ محتآيه اتروح البحر بس في مثل هالوقت مستحيل تظهر .. فـ يلست فالحوي اتشم هوآ نظيف .. و اتغير نفسيتهآ بدآل مآ تحكر عمرهآ فالحجره ..
يلست تمسح على قطوتهآ و اترمسهآ ..
طرفه : شفتي سوسي مآ خآب ظني فيه قآل لي احبج عشآن يلعب بمشآعري .. يبآ يأثر فيني بأي طريجه .. و يوم مآ يآبت هالكلمه نتيجه ويآيه .. فكر يغآيضني .. و يبآ يخطب عنود برآيه الله يهنيه .. ويآهآ و البنت تستآهل لانه كآن وآعدنهآ ( و تتنهد بصوت مسموع ) : قبل كنت اقول منو اصدق هو و الا عنود .. بس اللحينه متأكده انه عنود هي الصآدقه .. لو مآ كآن وآعدنهآ جآن مآشي قوه تجبره انه يتيوزهآ ..
سمعت صوت سيآره و على طول صدت .. كآن موتر حآرب .. حآولت تتمآسك و ردت التفتت صوب قطوتهآ بلامبالاه .. و لا كأنهآ شآفت شي .. تمت سآكته .. نزل حآرب من موتره و سكره .. سمعت صوت خطوآته جريبه .. كآن حآرب في خآطره يسألهآ لو فيهآ شي و ليش وآعيه ليين اللحينه .. بس يود عمره .. و مشى بعيد .. في هالفتره سمعت طرفه صوت خطوآته تبتعد بس مآ التفتت كآن كبريآئهآ يمنعهآ .. لين مآ حست انه صوت الخطوآت اختفى .. بدت دموعهآ تنزل هي نفسهآ مآ تدري ليش .. تمت فمكآنهآ يآلسه و اتفكر .. بصمت !

+! الساعه 7 و نص الصبح .. في بيت بو مروان +!

كلهم يالسيين يتريقون .. الا ميثاني .. هب قادره اتسووي شي .. لانها اتحاتي الامتحان .. و تدعي فخااطرهااا انه ايكون سهل عليها عسب تقدر تييب نسبه ..
ام مروان : ميثااا فديتج مب زيين اتسويين بعمرج جذه .. اتريقي .. عشان اتروميين اتركزيين ( و تصد على بو مروان ) : رمسها يا عبدالله ما اييوز جذه ..
بو مروان : ميثااني .. اتريقي فديتج كله مجابله الكتب و لا تآكلين الا على الطآير .. شوفي عمري شقايل استويتي .. لا تذبحيين عمرج عشان الدراسه .. ادرسي باللي تقدرين عليه و وكلي امرج لله .. و ان شااء الله بتيبيين النسبه اللي تتمنينهآ
ميثا : بس يا بويه انا ما اشتهي ..
بو مروان ( بإبتسامه ) : لو اتحبيين ابوج .. بتتريقيين ..
ميثا ( و بدت تآكل ) : و هآي يبآلهآ رمسه اكيد أحبك
[ ابتسمت له ام مروان .. ابتسآمة رضآ ]
بو مروان ( و هو يغمز حق مروان ) : هآه بعض النآس مآ يرمسون ..
مروآن : افكر فالملجه .. ابغي اغمض عيني و افتحهآ و اشوف طرفه عنديه .. مآ فييه صبر
بو مروآن : هههههه ان شآء الله بتآخذهآ و بتستآنس ويآهآ بعد
ام مروآن : آميييين يآ رب ..
ميثا : مروان يالله بنسيير .. ما فيني اتأخر ..
مروان : هههههه توه الناس ..
ميثا : اي توه الناس .. خلنا انسيير يالله ابا اشووف شميس و ساروه قبل ما ادش اللجنه
مروان : هيييه هنه العوق .. ( و يصد على امه و ابوه ) : من رخصتكم ...
بو مروان : مرخوصيين ..
مروان + ميثا : شي فالخاطر ؟؟
بو مروان : شدي حيلج .. و هالله هالله بعماركم ..
ام مروان : ركزي يا ميثا مب اتحليين اي كلام .. و يوم اترديين البيت اتسويين النا مناحه .. تراج دووم مستعيله .. و انته يا مروان اتحمل بعمرك .. و شوي شوي يوم بتسوق ..
ميثا : يا الله .. لازم هالتوصيات كل يوم
مروان : هههههههههه
ام مروان : مب يايزلج ؟؟
ميثا : و انا ارووم اقول لا .. ( و تصد على مروان ) : يالله توكلنا على الله .. [ .. و روحو على طوول .. ]


+! الساعه 9 الصبح .. في بيت المرحوم سهيل بن بطي +!

طرفه يآلسه تتريق ويآ عمتهآ و ابوهآ ..
ام بطي : خليفه بنخطب لـ حآرب
بو محمد : ما شآآء الله .. زيييين .. بيآخذ بنت منو ؟
ام بطي : ضآعن بن سعيد
بو محمد ( و بين الضيج على ويهه ) : ضآعن !
ام بطي : هييه .. لييش يا خويييه الريآل فيه شي ؟
بو محمد ( مآ كآن يحب يتعآمل معآه ) : لا لا .. حيآة سهيل كآن يعرفه ..
ام بطي : هيييه زيين .. عآد قلت بشوف اليآزيه و بنسير نخطبهآ له .. انآ مآ صدقت متى رضى يعرس و اقتنع
بو محمد : هييه و الله .. اخيراً بنفرح به .. يالله ربج ايجدم اللي فيه الخير ..
ام بطي : آمييييين .. ( و تصد صوب طرفه ) : طرفه اميييه ليش سآكته ؟ شي يعورج ؟
طرفه : لآ فديتج بس افكر فالملجه .. ابااج تظهرين ويآيه عقب شويه بنخطف على اربيعتيه و بنسير نتشرى اشيآ نآقصتنآ .. هي بعد امهآ ادآوم و مآ بتقدر تطلع ويآهآ اللحينه
ام بطي : بس جذه ؟ من عيوني اليمنى قبل اليسرى ..
طرفه ( بإبتسآمه ) : سآلمآت يآ رب ..
بو محمد : يالله عيل اسمحوليه بسير الشركه .. عندنآ اجتمآع عقب نص سآعه ..
ام محمد : الله يوفجك و يسمحلك دربك ..
طرفه ( و هي تحبه على خده ) : مووفج بابااتييه ..
بو محمد ( بإبتسآمه ) : آمييين .. فمآن الله
ام بطي + طرفه : فمآن الرحمن ..

+! الساعه 10 و نص الصبح .. في صحآرى +!

جوآهر فكرت اتسير لـ شهد .. اتزورهآ في محلهآ .. و تعزمهآ على شي يشربونه و يسولفون ..
يوم وصلت صوب المحل .. دشت و على ودرت شهد اللي في ايدهآ و سآرت صوبهآ ..
شهد : هلا و غلا .. باللي مآ قآمو اييونآ البيت
جوآهر : ههههه اهلييين .. شخبآرج ؟
شهد : الحمدلله تمآآم .. انتي شحآلج ؟
جوآهر : تمآم التمآم .. ما شااء الله حلوو المحل
شهد : عيونج الاحلى حيآتي ..
جوآهر : يحلي دنيآج .. يالله انآ يآيه آخذج سآعه بنيلس فالمكآن اللي تختآرينه .. بنآكل و بنسولف
شهد : تم .. بس ثوآني بخبرهم اني بظهر ..
[ دقآيق .. و ردت شهد و في ايدهآ شنطتهآ و ظهرن على طول .. اختآرن يآكلن فالمطعم الايطآلي .. الفيــرنو ]
شهد ( و هي تيلس ) : زيين سويتي يوم ييتي .. كنت متملله
جوآهر ( و هي متشققه ) : افااا عليج .. انا سيدة الموآقف الصعبه
شهد : هههههه اكيد .. امم اسمحلينآ على الرمسه اللي قآلهآ مآيد
جوآهر ( و هي متلومه ) : اممم انتو بعد اسمحوليه .. يوم رمست عنه جذه مآ كنت ادري انه اخوكم ..
شهد : ههههه لا عآدي .. ترآ مآيد لسآنه طوييل شويه .. بس ترآ قلبه وآيد طيب مآ يقصد كل شي يقوله
جوآهر ( بإبتسآمة رضآ ) : لآ عآدي حصل خييير .. يالله عآده اطلبي اللي خآطرج فيه ..
شهد ( و هي تيود المنيو ) : ان شآآء الله ..
جوآهر : شخبآرهآ خالوه و عهد شحآلهآ ؟
شهد : و الله كلهم تمآآم .. سمعي ترآ عهد موصتني لو مآ ييتي بيتنآ بتزعل عليج ..
جوآهر : ليش عآده ؟
شهد : قآلت قوليلهآ خله اطب ميووود و اتييي مآ عليهآ منه
جوآهر : ههههه لآ تشل هم بييي ..
شهد : يوم بنظهر من هنه .. تعآلي ويآيه البيت .. ترآنيه الا ملانه ..
جوآهر : اممم انتي مخلصه جآمعه صح ؟
شهد ( و على طول اتغيرت ملامحهآ ) : اممم لا
جوآهر : اسمحيلي لو ادخلت ..
شهد : لا افااا عليج و الله .. بس انآ خلصت ثنويه و عرست على طول ..
جوآهر : امممم
شهد : تمينآ مع بعض 3 سنوآت و جمن شهر و خلاف تطلقنآ
جوآهر : شهد فديتج مب مجبوره ترمسين في خصوصيآتج
شهد : لآ عآدي انآ مرتآحتلج ..
جوآهر : بس انتي و الله و نعم الاخلاق و هلج نآس طيبين بغض النظر عن مآيد
شهد : ههههههه الله يآخذ ابليسج
جوآهر : هييه جذه اضحكي .. مع جوجو مآشي مجآل للزعل
شهد : ههههههه اكيد ..
جوآهر : يالله اطلبيلج شي خله نآكل .. انا بدييت ايووع
شهد : ان شآء الله

+! الساعه 11 الصبح .. فآلمدرسه +!

شمسه يآلسه ويآ ميثآ و سآره .. و يسولفن من بعد الامتحآن ..
سآره : الامتحآن كآن حلووو
شمسه : صح ..
ميثآ : مب الهدرجه .. انآ خبصت شويه ..
شمسه : هههه انتي لازم اتسويلج دقه في كل امتحآن
ميثآ : صدق عآده .. ؟
شمسه : هييه و الله ..
ميثآ : يآ ربييه لآ توترون اعصآبيه و ترمسون عن الامتحآنآت انسووو ..
سآره : لو انتي اللي مسويه زيين جآن مآ سكتي
ميثآ : هههه من حقي ..
شمسه : صح اتذكرت
ميثآ : اممم شو اتذكرتي .؟
شمسه : نآصر خويه موصني اوصلج اعتذآره يوم ييتي بيتنآ و دش الحجره .. مآ كآن يدري انج هنآك
هو قآيلي من فتره بس العتب على الذآكره انا اللي نسيت اقولج ..
ميثآ ( و خدودهآ احمرن و بدت تلعب في قصتهآ ) : امم و شو قآلج بعد ؟
سآره ( و هي تهز حيآتهآ ) : و انتي ليش مستحيه ما شاء الله
شمسه : ههههههههههه
ميثآ : ساروه عن النذآله
شمسه : بس مآ قآل شي بعد ..
ميثآ ( برقه و دلع ) : قوليله عاادي مآ صآر الا الخير
شمسه : هههههه بقوله .. ( و تتنهد ) : مآ يندرى عمر شو سووى في امتحانه
ميثا : ههههههه كل ( ن ) يغني على ليلاه ..
ساره : طااعوو نحن وييين .. و هااي ويين .. ما عليج منه .. عمور قدها و قدود
شمسه : الله ينجحه ..
ميثا + ساره : هههههههههههه
شمسه : و الله بزعل منكن .. عسى ما قلت حرف الا ضحكتن .. سخيفاات ( و سارت بعيد عنهن شويه .. و لحقوهاا على طول )
ميثا ( و هي تبوسها على خدها ) : فديييت شمآسي اناا .. محد يسواهااا ..
ساره : لا تزعلييين فديتج نحن نسوولف وياااج ..
شمسه : خلآص سآمحتكن
كلهن : ههههههه
ميثآ ( و هي تتطآلع موبآيلهآ ) : هذآ مروآن وصل .. ياللي اسمحوليه برووح .. احبكن وااااايد بااااي ( و طرشتلهن بوسه فالهوآ )
شمسه + سآره ( بحركه ودآعيه ) : بايااات ميمي ..


الرد باقتباس
إضافة رد

إذا أنت ميتن فيني تراني حين عشانك / الكاتبة : Rmad alroo7 ، كاملة

الوسوم
أحبو , alroo7 , الكاتبة , ترآني , rmad , عشانك , فيني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الورطة / الكاتبة : عروسة السماء ، كاملة أنين الورد روايات كامله - يتم نقل الرواية هنا بعد اكتمالها 69 31-07-2016 03:39 AM
إنت ما تدري إنك صرت لي نبض و دم / الكاتبة : BRoNZ GiRL ، كاملة عسل مخلوط شقاوة روايات كامله - يتم نقل الرواية هنا بعد اكتمالها 34 23-10-2014 10:51 PM
عودتني كل يوم أسمع أنا صوتك / الكاتبة : عذاري العين , كاملة رهينة الاحساس روايات كامله - يتم نقل الرواية هنا بعد اكتمالها 62 07-08-2012 02:20 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
إنتفض قلبي بغزال منصوري ( يصعب فتح الموضوع ) حبيبة دمعه مخنوووقه ارشيف غرام 16 08-05-2009 03:25 AM

الساعة الآن +3: 08:40 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1