غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 01-02-2013, 01:04 AM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


اقتباس:
المشاركة الأساسية كتبها جود الدنيا مشاهدة المشاركة
رووواية روووعة

أنتظرررر التكملة

متابعه بصمت

يسلمووووو الاياااااادي
حبيبتي الله يسلمج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 01-02-2013, 11:13 AM
صورة فتاة شرقية الرمزية
فتاة شرقية فتاة شرقية غير متصل
©؛°¨غرامي فعال ¨°؛©
 
الافتراضي رد: سلمان & آمنة


سوري بس آنا علي امتحانات عشان جذي مااقدرت ادخل

والبـارت حــلو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 02-02-2013, 12:01 AM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


اقتباس:
المشاركة الأساسية كتبها جود الدنيا مشاهدة المشاركة
رووواية روووعة

أنتظرررر التكملة

متابعه بصمت

يسلمووووو الاياااااادي
حياج الله متابعتي الصامته

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 02-02-2013, 12:03 AM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


اقتباس:
المشاركة الأساسية كتبها قمر جنها مشاهدة المشاركة
حبيبتي الله يسلمج
حبيبتي انتي تسلمييين ،،، اشكر متابعتج غاليتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 02-02-2013, 12:05 AM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


اقتباس:
المشاركة الأساسية كتبها بنت آل صباح مشاهدة المشاركة
سوري بس آنا علي امتحانات عشان جذي مااقدرت ادخل

والبـارت حــلو
حبيبتي انتي ،،، تسلميييين ،،، اشكر ج على متابعتج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 03-02-2013, 10:58 PM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


الجزء التاسع


(بعد مضي شهر و 10 أيام , التقى سلمان و بدر بإحدى في إحدى الكافيهات)...

سلمان: مرحبا..

بدر: مرحبا بك..شلونك؟(و غمز بعينيه)و شلون الحب اللي متملك قلبك؟(و ابتسم).

سلمان: والله الحب اللي متملك قلبي تملك كللي والله(ضحك) وايد مرتاح لها , عجيبه على جميع الاصعده , شفاافه ما تشيل بقلبها شي , و ازيدك من الشعر بيت امي و ندو يموتون عليها , لي عزمت ابيها , ما اتعطل , خو ندو تعزمها بيتنا ف اوكي الوضع.

بدر: ايي , عايش بربيع (و ضحك).

سلمان: لا مو لي هالدرجه..

(بدر يضحك و يقاطعه قائلا): امبلا امبلا تتدعس و تناديها و هالحركات.

(سلمان يضحك): لا عاد مو لي هالدرجه , ابتسامات بس , عبالك ترضى هي!!

بدر: لا والله..

سلمان: يا معود ابتسم لها تنزل راسها , بعدين تبتسم , عسل , امي ميته عليها , قاعده تنقز لي عليها..

بدر: والله فله , عز الطلب,,
سلمان: اي والله , وانت شصار عليك؟؟

بدر: انا , سلمانو(ضحك).

(ابتسم سلمان قائلا): شفيك تضحك؟

(بدر يضحك): تذكر بنت خالتي قاعدة تدور لي على مره مع امي؟

سلمان: ايه.
بدر: قلت حق امي تخطب لي اياها.

(دهش سلمان و ضحك بشده قائلا): والله العظيم؟؟!!!

(سلمان مستلقيا بغرفته و يتصل بآمنة)...

سلمان: الو...

آمنه: الو هلا , لحظه شوي , جسوم ليالي..

(سمع سلمان صوت الصغير يجيبها): نعم..
آمنه: جم مره اتكلم؟ جم مره اقول لكم المكان تنظفونه وراكم؟

جاسم: مو انا هذي ليالي..

آمنه: سمعوا انت وياها , نظفوا المكان و رتبوه عدل تسمعوون؟ ولا تعرفون شسوي انا(ثم تابعت المكالمه) الو , سوري..

(ضحك سلمان و قال): شسوي انا!! شتسوين يعني؟؟

آمنه: شدراني! عبالك ادري مادري..(ضحكت)

(سلمان يتابع الضحك): ايا النصابه , بس شعليج يخافون منج اهم شي , انا اخرب اليهال يكسرون خاطري..

آمنه: حتى انا يقطعون قلبي , بس شسوي لازم , عشان يسمعون الكلام لازم ينزفون عالخفيف , بعد شوي راح ايون لي يتباهون , احنا صرنا شطار عشان سووا اللي قلت لهم(ضحكت).
سلمان: صج خرااب انج تسكتين عنهم , زين وين بتروحين اليوم؟

آمنه: بروح المطبعه اطل طله ، بعدين بروح بيت خالتي ادرس بنتها عندها امتحان باجر..

سلمان: عيل معطلج انا..

آمنه: ايي تخيل..

سلمان: شرايج تاخذيني معاج ندرسها؟ ولهان عليج يا الظالمه .. ليش ما تخليني اشوفج انتي!!

(غضبت آمنه قائله): سلمان يا الكلكشي.. تبيني اشوفك بعد؟ مراهقين احنا!!

سلمان: اي والله , حمدو و زهره احنا؟؟(ضحك).

(ضحكت آمنه و قالت): يا الساحر.. الطنازه عندك بالمخباا.

سلمان: شرايج انت؟ بيتنا كله شباب , ما مهنتنا الا واحد يتطنز عالثاني..
آمنه: سلمان!! صديقي الرسام شلوونه؟ اياني و اياك تتطنز عليه..

سلمان: لا , عبادي احبه انا , كافي انه رسام مثلج , تعالي عزمتج ندى عالعشا ببيتنا ؟ مناديه رفيجاتها..

آمنه: كله يسوي روحه ما يدري ، يعني ما تدري انها محاجيتني.

(سلمان يضحك): امبلا , انزين يا النحيسه ليش ما تبين تيين .

آمنه: عشان اخو رفيجتي راح يكون هناك و يتبوسم لي , و انا استحي..

سلمان: اخو رفيجتج(صرخ قائلا)عسل يا ناس , يا بختي , يا بخت اخو رفيجتج..

آمنه: سلمان !! بس عاد يالله برووووح.


(بعد مضي الوقت , صار حب آمنه لسلمان و تعلقها بوجوده في حياتها يزداد يوما بعد يوم).
(جوال آمنه يدق)....

آمنه: الوووو ...

زهره: ها أمون شلوونج؟ شصار عليج؟؟

آمنه: كلمت سلمان , و خلص لي السالفه بسرعه(و صارت تبكي).

زهره: لحظه ,, انتي ببيتكم؟

آمنه: ايي.

زهره: بدارج قاعده؟

آمنه: ايي بداري.

زهره: الحين ايي.

(آمنه تجلس في غرفتها و تمسح دموعها , دخلت زهره الغرفه).

زهره: لما الولد خلص لج السالفه ليش تبجين؟؟؟!!

آمنه: زهوور انا خاايفه , قاعد اتعلق فيه , قاعده احتاج له اكثر , و كل مره اقول لنفسي مابي اطلب منه شي , الاقي روحي ماكو فايده , اتصل فيه اول ما اتضايق , و هو طبيعته اللي بس يبي يشيل عني.

(زهره مبتسمه): ويييه , يا بخت المره يا سلمان.

آمنه: مو هذي المشكله , قال لي اذا اتفقنا من غير ما تقولين لي راح اتقدم لج خلال 3 شهور , يا خوفي ما اعجبه , و يشوف له مره على قولتج.

زهره: و لو اموون انتي مو واقفه عليه ماشالله عليج , مزيوونه و محبووبه و خطاابج واايد..

آمنه: زهووووور , انا احبه حسي , منقلب حالي (سكتت قليلا) الله يستر.

(دق جرس جوال آمنه)...

آمنه: الوو.

سلمان: هلا يا الغاليه ,, شفيج؟

(آمنه تبكي دون اصدار صوت)...

سلمان: شفيج متضايقه آمنه , خلاص خلصت لج السالفه لا تحاتين..

(فقالت آمنه كلمه صادقه نابعه من قلبها): تدري , والله سلمان , انا من صرت معاك و انا ما احاتي شي , من مات ابووي عمري ما حسيت بالامان الا لما عرفتك ..

(شعر سلمان بالسعاده كأي يشعر باحتياج امرأه اليه , كان ذلك بمثابة حلم يتحقق , و صار يقوول في قلبه): اكيد ,,, لا يهمج شي انا اعطيج عيوووني ,,

سلمان: آمنه اكيد لا تشيلين هم , ولا تبجين , ترى حرقتيني , يالله حبيبتي عشان خاطري سكتي , انا الحين وصلت لبدوور احاجيج بعد شوي , و الا قيج سكتي.

آمنه: اووكي..

سلمان: اوكي حبيبتي.
(دخل سلمان المحل قائلا): مرحبااا , اخيرا ييت المحل !! المحل ولهاان عليك..(و ابتسم)..

بدر: لا والله (ضحك) يا الكلكشي يا النصاب عبالك انا آمنه..

سلمان: انزين جب..

بدر: والله الشغل ماشي على قدم و ساق على قولتك.

سلمان: ايي والله الحمدلله , بس لايعه جبدي يا اخي.

بدر: افاا , ليييش؟؟

سلمان: ما تدري ليش يعني؟؟

بدر: اووووه ,, شصاار عليها بنت الحلال هذي اللي مو راضيه تفج , لي الحين تدقدق؟؟

سلمان: اي والله بلشت روحي فيهاا , خلاص بجحتها ,, انا ما قصرت معاهاا , و كنت صريح من البدايه ان اذا ما تصلحين لي نهد بعض بالمعرووف..

(في صباح يوم السبت , كانت آمنة نائمه , دق جرس جوالها ليوقظها , ففتحت عينها لترى من المتصل ثم اغمضتها قائله): شنوو هالرقم(فلم تجب , عادت وغفت , دق جرس جوالها مره اخرى , كان ذات الرقم الذي طلبها للتو فأجابت): الووو ..

(كان المتصل فتااة): الوو السلااام...

آمنه: و عليكم السلاام..

الفتاة: منو معااي؟؟

(عقدت آمنه حاجبيها استغرابا و قاالت): عفواا اختي , انتي المتصله , منو تبين؟؟

(تلعثمت الفتااة و قاالت): ها , لا , انا قصدي لقيت رقمج بتلفوون اخووي , بشووف منو انتي؟؟

(سكتت آمنه لبرهه تفكر , ظهر على وجهها الاسى قائله): اممم ,, منو اخووج؟؟ شسمه؟؟

الفتاة: اسمه سلمان ,, تعرفينه؟؟

(صاار قلب آمنه يسرع بالخفقاان , و فاضت عيناها بالدموع , الا انها كتمت ما تشعر به و قاالت): اييي , الاخ سلماان...

(توترت الفتاة قائلة): اتعرفينه؟؟

(شعرت آمنه بالأسى لأنها تعلم ان هذه ليست صديقتها ندى , لأن ندى الأخت الوحيده لسلماان , فمن هذه الفتاة , فأجابتها): هو زبوون يطبع اجياس محله عندي , انا صاحبة المطبعه , اي شي تامرين فيه اختي طباعه تصوير بطاقات افرااح تفضلي عندي..

الفتااة: اييي.

آمنه: بس اختي منو حضرتج؟ انا بصراحه مستغربه لان صديقتي اخت سلماان الوحيده , انا اعرفها عدل , و اهي اللي طرشت لي سلماان يتعامل معااي..

(ارتبكت الفتاة و اغلقت الخط ، فنظرت آمنه لجوالها و انزلته بسرعه , اتصلت الفتاة مره اخرى)...

آمنه: هلا اختي..

الفتاااة: انا آسفه اني جذبت عليج , بس تكفين لا تقولين حق سلمان ولا حتى اخته , عفيه الله يخليج...

آمنه: ان شالله ,, ولا قلتي لي منو انتي؟؟

الفتااة: لا ,, انا و سلمان نحب بعض , و خفت لما لقيت رقمج بتلفونه دااق عليه واايد , ما توقعت انه شغل يشتغل معاج , لاني احبه فأغار عليه , فاهمتني انتي صح , الله يخليج لا تييبين له سيره راح يزفني..

(قالت آمنه مختنقة بدموعها , كانت الدموع تنهمر من عينيها دون ان تصدر صوتا للبكااء): لا حبيبتي لا تحاتين.

الفتاة: مشكوره حياتي , هو مواعدني بعد 3 شهور يتقدم لي , و اذا يبتي سيره يمكن يغير رايه..

آمنه: لا خلاص..

الفتاة: مشكوره حبيبتي ,, مشكوره واايد...

(اغلقت آمنه الخط و صارت تبكي بحرقه , كان قلبها يخفق لدرجة انها اصبحت تشعر بالغثيان و احمر وجهها كأنها مصاابه بحمه شدييده)....



يتبع....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 04-02-2013, 10:43 AM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


الجزء العاشر الاخير


. (استلقت على سريرها نائمة على جنبها , وكان شعرها البني الفاتح الطويل منسدلا على يدها , كانت تحاول النوم ثانية لتهرب مما سمعت , الا انها لم تستطع , و ظلت تبكي بحرقه)....


(في ذات اليوم ,, عند التاسعه صباحا , نزل سلماان لغرفة المعيشه بعد استيقاظه من النوم , وجد والدته , فانحنى و قبل رأسها).
ام براك: ها يمه حبيبي , قعدت...
سلماان: ايي والله راحت علي نومه...
ام براك: يالله يمه تعال تريق...
سلمان: لا يماا , بطلع شوي و ارجع اتريق بعدين..(نظر لوالدته و دعاها)آآ يمااا..
ام براك: هلا يمه..
سلمان: انا ودي تخطبين لي آمنه رفيجة ندوو , شرايج؟

(استبشرت ام براك متفاجأه و ابتسمت سعيده باختيار سلمان و قالت): وي وي وي وي وي , هذي الساعه المباركه , خوش بنيه , يا زين ما نقيت , و لو انت مو قايل ابيها جان انا قلت لك اخذها , خوش بنيه يا حلووها..
سلمان: صج يماا(مبتسما) بس عطينا فجه ام براك لين اقول لج , مو تقعين تقولين حق الاكو و الماكو , زين ام براك.
ام براك: لا يمه ما اقول لاحد , اخاف تحوشك عين لا تذكر الله ولا تصلي على نبيه , لا تحاتي يمه.


(عند التاسعه و النصف , طلب سلمان رقم آمنه)...
(رأت آمنه جوالها فتجاهلته و كانت تبكي عندما رأت بأن سلمان هو المتصل و صارت تحدث نفسها): كليت جذب منك لي الطقااق.
(اتصل سلمان و تجاهلته ثانية , فعندما اتصل للمره الثاالثه صارت تنظر للجوال و تفكر , الا انها لم تستطع ان تتجاهله , و دفعتها مشاعرها اتجاهه لتجيبه)..
(أخذت آمنه نفسا عميقا قبل ان تجيبه , لكي لا يشعر بانها تبكي , اجابته و صارت تحدثه بكبريااء)..
آمنه: الوو.
سلمان: يسعدلي هالصباح.. يسعد صباح جووريتي..
آمنه: هلا سلماان..
(سلماان يتساءل): انتي نايمه(ثم سكت و استمع لنفسها) لا مو نايمه ! صوتج / انتي باجيه!!
آمنه: لا ما فيني شي سلمان , نايمه.
(قال سلمان متوترا): ان شاء الله , الحمدلله اشوه.

(تنفست آمنه ثانية , عندما سمعها عاد و قال): بلا باجيه , لا مو باجيه و بس , و قاعده تبجين!!! شفيج آمنه , شفيج حبووبتي؟!! شاللي مضايقج؟

(عادت آمنه تبكي بحرقه و انين فما استطاعت كتم بكاءها)...

(توتر سلمان و صار يرتعش لبكاءها , و قال): يه يه يه , شفيج أمونه ؟(لم تجبه) انزين لا تقولين لي الحين , لما تيين قولي لي , انا ناطرج عند البحر اللي يم الولاده.
(ردت آمنه بحزم): لا سلمان ما اقدر..
سلمان: لا لا لا تقولين ؟! عليج الله ابي اشوفج , ابيج ضرووري..

(تنفست آمنه و قالت بحزم ايضا): اوكي..

(قامت آمنه بكبرياء , و ارتدت عباءتها الاسلاميه , ثم وضعت حجابها على رأسها و اخذت جوالها ووضعته بحقيبتها , حملت الحقيبه مغادرة غرفتها)..

(وصلت آمنه لسلمان , فرأته قد وصل اولا , و كان متوترا الى حد ان رجليه ترتعشان).
(رفعت آمنه حاجبيها و قالت بحزم): شفيك متعسر؟
(وقف سلمان عندما سمع صوتها و صار قلبه يدق , التفت اليها ووقف أمامها قائلا): شي بديهي بتوتر و اتعسر , انت مو حاسه بروحج شلوون قاعده تبجين(وضع يده على رأسه)فقدت تركيزي..
(آمنه تحدق بسلماان غيظا , و كأنها ترى اشد الناس زيفا امامها قائلة): سلماان...
(ذهل سلمان من اسلوبها الشديد و اجاب): هلا...
آمنه: انا بس ياايه عشان اشوفك اخر مره , قلت اسلم عليك , يعني حتى لو ندى تعزمني ببيتكم او شي ما راح ايي.
(اختلطت افكار سلمان قائلا): سوري مو فاهم , عشان ضغطت عليج ابي اشوفج ولا متضايقه من ندى ما تبين تيين؟
آمنه: قصدي ان خلاص , انا شايفه ان احنا ما نصلح لبعض.

(احمر وجه سلمان و صار قلبه يدق و نبضاته تتسارع , ففاضت عيناه الجميله بالدموع , حيث ان نفسه تصارعه بقوه , فصار يفكر): اييه , الله قاعد يوريني شنو يعني احب وحده من اقصى قلبي , و الحين بتهدني , طاير قلبي بس ما اقدر اضغط عليها , وعدتها , عطيتها كلمه...

آمنه: اوكي سلمان؟ اعتقد انك معطيني كلمه انك تهدني بالمعرووف , وانك متغير للاحسن فما راح ترد بكلمتك صح؟

(تنهد سلمان قائلا بصوت خافت مختنقا بدموعه): اي اكيد كلمة ريال , بس يمكن سكت لاني(نظر بعينيها و اخذ نفسا عميقا) مستانس منج حيل , طاير فيج , لدرجة ان ما كملت المده و معزم اتقدم لج رسمي و اشوف ردج , بس(و ابتسم والألم يعتصر قلبه) ياني جواابج قبل لا اطلب ايدج (نظر اليها و عيناه تكاد تذرف الدمع) خلاص , انا وعدي قائم , اوو بس , متمني ان(سكت)...

(آمنه تنظر لسلمان , و ترى في عينيه صدقا باستغراب , فقالت بحزم): متمني شنو؟؟

سلمان: لا (و انزل رأسه) بس , مره قلتي لي و انا علقت روحي بهالكلمه مثل الاطفال(رفع رأسه)قلتي ان عمرج ما حسيتي بالامان من بعد وفاة ابوج الله يرحمه الا معاي , بس في شي خلاج غيرتي رايج , همن اتمنى عالعموم اني مو مضايقج او مقصر معاج , و انج مو شايله علي , و تذكريني بالخير , ولا (ابتسم و دمعت عيناه) اييب ورد..

(آمنه تنظر لسلمان , فجأه ارتمت بين ذراعيه على صدره و عادت تبكي مجددا بحرقه و أنين).

(عندما ارتمت بين ذراعيه احتضنها و دموعه تجري على خديه بغزاره قائلا): آمنه عليج الله لا تتضايقين مني , بس يمكن ما راح اقدر افضفض لأحد , الا لج انتي.

(ابتعدت عن صدره تبكي وقالت): انا متمنيه اشووف المووت , ولا احس باللي حاسته الحين (نظرت آمنه له بعتاب) ليش سلمان؟ انت تعرف / و قايلة لك ان مالي تجارب ولا اتحمل تجربه جذي , اصريت انك تتعرف علي , و اخر شي,, اعرف / و مو منك!! من برره انك تخووني !! انك تعرف وحده ثانيه!!

(ذهل سلمان قائلا): انا اخوونج ؟!

(غضبت آمنه قائله): سلمان!! خلاص عاد قول الصج ماله داعي تجذب , البنيه اللي داقه كانت تتطقس بس تبي تتطمن ان مالك علاقه فيني , على اي حال انا ما خربت عليك ما قلت لها اني اعرفك , كافي علاقتك فيني اختربت , ما حبيت اخرب علاقتك فيها بعد.

(سكت سلمان ثم نظر في عينيها قائلا): خلاص , خلصتي كل الي بتقولينه؟؟

آمنه: مهما اقول لك , و مهما اعدد شنو اللي فيني الحين , ما راح تتصور , الظاهر لما قلت لي انك متزوج و مطلق بره الكويت / تبي تغطي اللي قاعد تسويه بالكويت.

(مسك سلمان وجهها و ظل ينظر بعينيها واثقا مما سيقول , و قال بهدووء): آمنه !!سمعيني! ميخالف تسمعيني؟

آمنه: شنو تبي تقول؟ طايح فيني جذب / الكلام اللي قلت لي اياه [ان مدة 3 شهور و اتقدم لج اذا تصلحين لي] نفس الحجي اللي قلته حق البنيه , هالكلام طلع علج بحلجك ينقال حق اي بنيه...

(قاطعها سلمان منفعلا): يبه هذي اعرفها من زمان قبل لا توقفين حتى حق ندونه , و صح , انا قلت لها نفس الكلام ان اذا تصلحين لي , او نصلح لبعض اتقدم لج , لكن آمنه صدقيني , ما تنفع ما اقدر , عقلها صغير , و الصراحه صج اني ما حبيت اضايقها بالحجي اقول لها عقلج صغير , لكن قلت لها قبل لا الاقيج ان ما نصلح لبعض و هديتها , و انا اعرفج دقت علي من رقم غريب قالت بس ابيك تحاجي رفيجك البنجرجي يسوي سيارة عمتي، وبس الحقوني هي و عمتها دليتهم القراج، بس والله.

آمنه: اي ومنين لها رقمي؟

سلمان: اشدراني عنها، اظاهر لما نزلت احاجي رفيجي اوصيه عليهم راحت طلت بالتلفون , لاني كنت مخليه بسيارتي و نازل , بعدين صدقيني حبيبتي انا اتضايق من تصرفاتها و انبهها ماكو فايده , عكسج , انتي تتصرفين نفس ما ابي من غير ما اقول لج , فتصرفاتج مريحتني من غير ما اقول , صدقيني ما بيني و بينها شي.
آمنه: خل افرض ان كلامك صح , ليش نطرتني ادري منها , ليش مو انت قلت لي , حرقتني ذبحتني قهر..

(ما كان من سلمان الا احترامه لوعده لها ، فلم يجبها)...

آمنه: بس سلمان , ما عندي شي بعد اقول لك اياه(و وقفت مستعده للرحيل).

(تنفس سلمان بعمق و ودعها قائلا): ان شالله , مادري شقول لج , مو قصدي اجرحج بس صج حيل غلطان ما قلت لج سالفتها , ناسيها اصلا مو ببالي (اختنق بدموعه ثانية) يمكن انا اللي متمني قبل لا اجرحج (قام ليقف امامها) عالعموم اخذي مهلتج , و انتي راح تعرفين اني شاريج ولا ماخذها لعب , راح تعرفين اذا كلامي صج ولا لأ.

(لم تجبه , تركته يتخبط بمشاعره وحيدا و رحلت , اخذ سلمان يمشي على الشاطئ / يناظر الأمواج و يداعب الرمال برجليه و يبكي)..

(وصلت آمنه الى المنزل , دخلت بخمول و القت التحيه عندما رأت والدتها و خالتها ام زهره تجلسان و يحضران بعض اللفائف لرمضان)...

(ابتسمت آمنه قائله): السلااام , شلوونج خالتي؟(و قبلتها على رأسها).

ام زهره: هلا امونه هلا بالمزيونه , شلونج حبيبتي (نظرت لها بتعجب) شفيج يمه ويهج منصفق ، عاد انتي عروس ، روحي تحممي ، في ناس بيونج قبل المغرب ...



آمنه: زينه الحمدلله , ما فيني شي حر برره(بدلت الموضوع) ها قاعدين تلفون؟
ناس ؟ اوكي ....

ام آمنه: ايي والله يمه ما باقي شي على رموضان , لازم نجهز شغلنا.

آمنه: ايي صج ما باقي شي..خالتي وين زهور؟ ليش ما يات؟

ام زهره: بلا ياايه , بس صعدت دارج مقتلقه تبي تتحمم و تبدل / و انتي بعد / خلج جاهزه ، فرفشي لنا هالويه الحلو..
آمنه: صج! خل اصعد لها عيل.

(في غرفة آمنه , كانت زهره تنشف شعرها بمنشفه , دخلت آمنه و القت التحيه)..
آمنه: هااااي..

زهره: هااايااات شلوونج(نظرت لآمنه بتمعن فعقدت حاجبيها استغرابا) شفيج؟ ويهج
منقلب.

(بكت آمنه قائله): زهووور , سلمااان جذب علي , قاعد يقص علي..(و حضنتها).

زهره: من صجج!!! ليش!!!

(روت آمنه لزهره ما حدث و زهره تسمعها باهتمام)...

(اما سلمان , فهو لا يزال يجلس على الشاطئ , وجهه محمرا من حراارة الشمس و البكاء و يداعب الرمال بعصا صغيره , رما العصا و صار يطلب الفتاة التي حدثت آمنه)...

الفتاة: الوو.

(سلمان بحزم): الو.. فرح تعالي لي البحر , عند واجهة مستشفى الولاده...

فرح: هلا حبيبي , عمرك طوييل , انت هناااك؟؟ كنت توني بدق عليك بقول لك شهالغيبه؟

سلماان: اي هني , تعالي الحين..

فرح: واااي اخيرا راح اشوووفك , يالله يايه يايه...

(عاد سلمان يداعب رمال الشاطئ بالعصا بيد و يضع اليد الاخرى على خده)..
(وصلت فرح قائله): هاااي حبيبي..

(قال سلمان منفعلا): هاي.

فرح: شلوونك؟؟

سلماان: فرح ابي اعرف!! انا من عرفتج لين هديتج اذيتج بتصرف؟ مو بتصرف بعد , بكلمه حتى بكلمه؟

فرح: لا...

سلمان: ليش تأذيني عيل ؟ هديتج بالمعرووف ليش انتي نيتج سيئه؟؟

فرح: اناا؟!!

(سلماان غاضبا جدا): ليش ماخذه رقم البنيه الي احبها و ابيها , و اتصلتي عليها بارده مبرده و خربتي علي , خليتيها تعتقد اني اخونها اجذب عليها , و انا طالعه عيووني.

فرح: سلماان , يعني انت من صجك ما تبيني؟؟

(ثارسلماان و صرخ قائلا): فرح!!! ما تستوعبين انتي!!!! انا ما حبيت اجرحج بالكلاام , و اقول لج عقلج صغير و موو مال مسؤوليه , و لسانج طوييل متمرده , و اكتفيت اني اقول لج ما نصلح لبعض من غير تجريح , بالمعرووف حاجيتج , نفس اتفاقنا من اول شي , اتفقت معاج و انتي رضيتي صح ولا لأ..

(خافت فرح من صرخة سلماان و صارت تبكي قائله): بلا صح , انا عقلي صغير سلمان؟

(لم يزل سلماان غاضبا): شفتي!! زعلتي ,, انا ما حبيت ازعلج وقتها ,, كافي عليج تصرفج الي من غير تفكير و تصرفها هي ,, كافي تعرفين ليش ابيها و ما ابيج ,, انتي تطفلتي و خربتي علي ,, و هي رقعت عشان لا تخرب علي , الله يسامحج شلعتي قلبي ,, انا قلت حتى لو ما تبيني ابيها تذكرني بالخير , و انتي ,, ما قصرتي الصراحه..

فرح: سلماان لا تزعل مو قصدي.

(نهض سلمان ليرحل و قال): ادري مو قصدج ادري , روحي عن ويهي فرح ،، لا معروف ولا عمات عين الله يسامحج.

(تذمرت قائله): اوووووه لوعت جبدي ,, مادري منو هي عاد.


(في غرفة آمنه)....

زهره: أموووون ,, مستحيل ان هو صج يحب البنت هذي ,, اذا بالضبط كلامها و كلامه بالصيغه اللي قلتيهاا..

آمنه: شلون يعني؟

زهره: مادري أحسها متذبذبه , بس جذي اتخربط , بعدين أمون لو أهو ما يبيج على زواج , ماله مصلحه يتم يكلمج وانتي مو قاعدة تروحين تواعدينه , وبعدين هوصح كلامه , هو من البداية بين لج ان ما راح اختار مره الا بهالطريقه ما فيها شي اذا هو عارفها قبلج بنفس الطريقه , اهم شي انه كان هادها لما اعرفج على شان جذي ما أهتم انه يقول لج (وسكتت لبرهه , ثم اكملت) وبعدين ما ادري احس انه متعلق فيج من صجه مو جذاب , خصوصا لمن قال لج موقف انج ما تحسين بالامان الا معاه , ترى يحبون جذي , يمكن انتي ما قلتي هالكلمه بينج تيبين راسه , بس هما صج يرتاحون , اذا حس انج محتاجته يرتاح , يصير هو محتاج لج أكثر.


(مضى الوقت , نظرت آمنه للساعه فوجدتها الخامسه و النصف عصرا)...

(قالت آمنه لزهره متضجره): زهوور ,, مخنووقه خنطلع..

زهره: وين بتروحين؟؟

آمنه: اي مكان اغير جو..

زهره: مو خالتي قالت لج في ناس يايين يشوفونج؟؟

آمنه: نطلع ,, خو يأذن المغرب متأخر بيون ورا المغرب.

زهره: لو حتى طلعتي , قلبج منقطع عليه أمونه , هو يبيج و انتي حاسه و تعاندين روحج..

آمنه: ميخالف ,عفيه يالله قومي خنبدل.

زهره: عاد فشله صوت خالي هني.

آمنه: صج؟ مو معقوله امي مناديته لي الحين ماكو شي!
زهره: ايه والله صج , قاعده اسمع صوته , عادي يمكن يروح اصلا اذا تو الناس ما صار شي , مو معقوله يقعد مع حريم!

آمنه: انزين قومي نبدل , يمكن يروح على ما نخلص.

(قامت الفتاتين وغيرتا ثيابهما).....

(وعندما انتهتا)....

زهره: خالي ماله حس ,الظاهر راح.

آمنه: ايه الظاهر , اشوه الحمدالله.

(نزلتا الى الطابق السفلي , فلم يجدان احد في غرفة المعيشه , استعدتا للرحيل , واذا بجرس هاتف المنزل يدق).

(اجابت آمنه الهاتف): الو ,هلا ,هلا مرت خالي ,زينه الحمدالله , خالي موهني ,خالي قاعد بالاستقبال !؟ انزين خلاص عطيني دقيقه اخذله النقال.

(سارت آمنه الى الاستقبال ,وفتحت الباب قائله): خالي (تفاجأت آمنه عندما وجدت سلمان و اهله يجلسون مع اهلها) امم خالي تلفون , السلام عليكم.

خال آمنه: لاا ، تعالي امونه ، تعالي يبه (تقدم لامنه و قبل رأسها و اخذ الهاتف) الووو...

(اخذت ام براك تطلق الهلاهل , فابتسمت آمنه وانزلت رأسها , حين ادركت انهم قادمون ليطلبوا يدها لسلمان).

ام براك: هلا يمه هلا حبيبتي.

(تقدمت آمنه سلمت على والدة سلمان وقبلت رأسها , ثم سلمت على ندى).

آمنه: شلونك بوعادل؟

براك: اهلا يبه , هلا بعروسنا.

(اخذت ندى يد آمنه واجلستها بينها ووالدتها و غمزت لها قائله): شلونج؟!

آمنه: زينه (قالت بصوت منخفض) يا الساحره لا تتطالعيني جذي.

(نظر اليها سلمان والقى التحيه قائلا): شلونج آمنه.

(كانت آمنه تنزل رأسها خجله , فرفعت رأسها ونظرت اليه , حينما كان مستمر في النظر اليها , اصبحت عيناهما تتحدثان سويا وكأن كل شخص منهما يعد الاخر بسعاده ابديه وبيت هني , واجابته):زينه الحمدالله....


النهايه....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 04-02-2013, 12:12 PM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


بنااااااات
املي اني قدرت اخليكم تستمتعووون بروايتي
سامحوني عالقصوور
و ان شالله الاقيكم بقصه رومانسيه يديده

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 04-02-2013, 12:13 PM
قمر جنها قمر جنها غير متصل
©؛°¨غرامي مشارك¨°؛©
 
الافتراضي رد: سلمان & آمنة


بنااااااات
املي اني قدرت اخليكم تستمتعووون بروايتي
سامحوني عالقصوور
و ان شالله الاقيكم بقصه رومانسيه يديده

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 05-02-2013, 01:10 AM
صورة فتاة شرقية الرمزية
فتاة شرقية فتاة شرقية غير متصل
©؛°¨غرامي فعال ¨°؛©
 
الافتراضي رد: سلمان & آمنة


روعة بسسس حيل قصيرة الرواية لو مطولتها بسس

عالعموم يعطيج العافية , واذا عندج رواية يديدة دزيلي اياها اذا ماعليج كلافة

الرد باقتباس
إضافة رد

سلمان & أمنة/بقلمي ؛كاملة

الوسوم
الاستهتار , التوبة , الحب , الكفاح , بدوي , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
المشكلة مو فيني .. المشكلة في قلب حبك و عفته / بقلمي keeemooo أرشيف الروايات المغلقة - لعدم إكتمالها 135 04-04-2012 08:39 AM
رواية ربي كتب تكوني أحلى صدفة بحياتي / بقلمي الوان احياة أرشيف الروايات المغلقة - لعدم إكتمالها 13 28-07-2010 10:52 PM
في بيتي امرأة مـ ع ـاً لنضي الكون الحياة الزوجية - الحمل - مشاكل الزواج - خاص بالمتزوجين 46 27-06-2010 07:37 AM
الملحمة التاريخية سلمان الفارسي و لغز كاهن عمورية / حصرياً lawrasyom أرشيف الروايات المغلقة - لعدم إكتمالها 1 05-09-2009 11:35 PM
سلمان الفارسي .. الباحث عن الحقيقة لمسة حنان sweet girls مواضيع إسلامية - فقه - عقيدة 9 10-12-2008 12:01 AM

الساعة الآن +3: 05:45 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1