غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 91
قديم(ـة) 18-02-2013, 01:17 PM
صورة شموع الليالي الرمزية
شموع الليالي شموع الليالي غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


بااااااااااارت رائع غلااااااااتي
تسلمي ننتظرك
دمت بود


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 92
قديم(ـة) 18-02-2013, 04:11 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


اقتباس:
المشاركة الأساسية كتبها semo _' مشاهدة المشاركة
السلاآم عليككم ورحمةة الله

يَ ههههلا والله

بآآآآآآرت جمممميل غلاآييَ سلمممت انمآلكك يآ الغلاآ ،...

نغغم فيصل/ الله يستر ايش راح يسير في البآرت الجآي ومتأكدة انها راح ترفضض وبشدةة انها ترجع لـ فيصصل وهو ككممآن يستآههل ليش كآن يعآاملها كذا ؟!


رويد / فققققدتهه في هإلبآرتت ><
هههههههههههههههههههههههههههههههههههہ ^^

مسك : للحين ما قدررت اعرفف سبب صصد فههد عنههآ +_+

جآسم / يممممكن تكووون مسككَ :(

شوق / الله يستتتر ان شآءء توضحين لنا اشيآءء لها عشآن نقدر نتوقع ><


دممتي بودد غآليتي ...!
هلا والله بسوسو الاجمل تواجدك عسولة ..
نغم وفيصل بنعرف عنهم في البارت القآدم ...رويد رآح يظهر في القآدم
بتعرفون وش فيهآ مسك وجآسم^^...شوق الله يستر عليهآ^^
منوره غلاي
ودي لك..

اقتباس:
المشاركة الأساسية كتبها البنت الوحيده مشاهدة المشاركة
الله يعطيك الف عافيه على البااارات


من جد روووووعه


يسلمووووووا
الله يعافيك ويحميك عسولة ..الاروع وجودك .ودي لك

اقتباس:
المشاركة الأساسية كتبها وردة الزيزفون مشاهدة المشاركة
صباح الخير ....بارت حلو بس احسه اقصر من البارتات الي راحت .......وللان ماتوضح لنا شي جديد .....

نغم وفيصل

اعتقد انو اخوها رجعها لفيصل بدون ماياخذ رايها والا لما كان ناداها وهو موجود عندهم وهو عارف انو لو بياخذ رايها مستحيل توافق الي خلاه يسوي هالخطوة شوفة حالها وذبولها وتغيرها طول السنتين الي راحت ورفضها للي يتقدمو لها بدون ماتعطي نفسها مجال للتفكير

لكن نغم ماراح تكون الي خابرها فيصل لازم بترجع له الوجع مو بسهولة بتريحه وتبرد قلبه خليه يحس بمقدار الوجع الي تسبب فيه


مسك وجاسم وفهد

مسك كيف خيبت ثقة فهد هل كانت متهورة وساذجة من قبل وفارس كان صديق له وهي ماكانت نعم الزوجة له وفشلت اخوها والحادث الي راح فيه كان بسببها رمت كلمة من غير ماتراعي فارس وطلع من عندها وصار له الحادث وفهد كان شاهد على هالي صار .... اجل تستحق تغير فهد عليها لانو هالشي هو الي غيرها وبينفعها في المستقبل

اما زواجها من جاسم بيكون غصب عن الاثنين مسك علشان ترضي فهد الي ممكن يحط هالزواج شرط لرضاه عنها وعلشان تثبت له ندمها بتوافق وهي مو مقتنعة

وجاسم طبعا اجبار من جدته ويمكن من شوفته للتؤم بس كيف يبني حياة جديدة وعنده علة ماهي قليلة بالمشاكل المفروض دامه مو مرتاح معاها وماعنده عيال يربطوه فيها يطلقها قبل مايتزوج علشان يضمن راحته ....طول مانورة على ذمته مستحيل بيقدر يعيش كوييس ماادري ليش متمسك فيها اعتقد الزواج مافيه مجاملات وارضاء لخواطر الغير اذا كان هذا الي مصبره وهذا الي مكبر راس نوير بس زواجه بيكون درس لها وبيختار راحته بعدين وبينهيها من حياته


فجر

شكل هالبنت بتنحرف مع اني مو شايفة كلام بنات فاسدات ممكن بسهولة يخليها تمشي ورى كلامهم هي متربية ببيت محترم وماحد مقصر عليها علشان تنزل روس اهلها بالارض اتمنى انها هي الي تقدر على الفساد وتنتصر لانها نابتة ببيئة طيبة اجل شفايدة التربية الزينة اذا من كلام تافه بتتغير

هي شايفة كيف فهد معاقب مسك على غلطة مافيها سواد وجه اجل كيف هي لو غلطت بتخسر الكل مو بس اخوها لانها بتخرب سمعة الكل وبترمي تربية سنين علشان ترضي ناس مو متربية اعتقد رضا ربها اهم من رضا الناس اتمنى ماانصدم فيها لاني مو شايفة لها اي مبرر في حال مشت ورى فوز

مثل ماهم يبغو يجروها لطريقهم كان هي جرتهم لطريق الهداية ولا طريق الفساد اسهل من طريق التوبة والرجوع الي الله اتمنى هالنقطة يكون لها دور بالرواية تعزيز نقطة الفرق بين القرب من الله كيف يكون حصانة لللانسان المؤمن مثل الي يروحو يدرسو ببلد غير مسلم كيف يضلو محافظين على دينهم لانهم قريبين من ربهم من خلال البيئة النظيفة الي تربو فيها فجر ان شاء الله تكون اسم على مسمى


ريان

الي صار قضاء وقدر رب العباد يختبره فيه خلاص كافي دافن عمره بالاحزان يشغل نفسه بالدوام وبعدين يبني حياته من جديد الحياة ماوقفت على هالنقطة والموضوع صار له فترة خلاص الزوجة الجديدة والعيال بتنسيه حزنه


رويد

ماتوضح لنا اي شي جديد عنه بس واضح الي فيه سحر من الخدامة الله ياخذهم المصيبة يدعو انهم مسلمات وهم ماعرفو الاسلام لانهم لو يعرفوه ماسوو الحرام والمصايب كلها مااعتقد معاملة رويد تستحق الدخول بالنار علشانها اتمنى ماتطول المسألة ويكون عقاب الخدامة صارم مو مجرد تسفير لبلدها هذا هم يايذبحون العيال ويطلعو عقدهم فيهم يايستخدمون السحر الله لايبارك فيهم ولا في دولهم الي تاركة لهم الحبل على الغارب

في الانتظار
هلا والله ورده مساء النور والسرور ..
نغم وفيصل ...توقعاتك عنهم يمكن تكون صح ويمكن العكس ^^ بتعرفي في البارت القآدم
مسك وجاسم وفهد ....مسك وفهد السآلفه ألي بينهم بنعرفهآ ..جاسم هل بيتزوج مسك او بترفضه
ريان بنعرف هل بيرجع مثل طبيعته ...رويد يمكن فيه سحر ليش لا الخدم كثيرة مصايبهم .
يسلموو ورده على التوقعات ...وجودك يسعدني عسولة
ودي لك..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 93
قديم(ـة) 19-02-2013, 06:34 PM
صورة وحشة الايام الرمزية
وحشة الايام وحشة الايام غير متصل
©؛°¨غرامي فعال ¨°؛©
 
الافتراضي رد: روايتي الثالثة : على رصيفَ الثرثرةَ


السلام أنا جيت »» اممممممممممممم التوقعات
اظن فيصل برجعها وهي بتقول لا شتبي بواحد يوم كانت عنده ما يبيها ويوم راحت يبيها احس يبيها بس حنين مو حب
اما ريان يا عوينتي قلبي عليه الله يرزقه بالزوجه اللي تكون الدوا للجروحه
اما اخوهم الثالث مدري وش اسمه احس له سالفه مع الخدم ويمكنه مريض

اما مسك يا حرام اخوها مو معطيها فرصة تعبر وتقول ليش سوت اللي سوته مع أني. ما ادري شن سوت
ويمكن لي تزوجت تحبه ياللي بتتزوجه وينسيها همها

اما بنت عمها الصغيرة اطن ياللي معاها بتسوي فيها شيء بتعرفها على واحد وتلعب بحسبتها

والباقي بتصير احداث واجد بتغيرهم ومنهم شواقه



واممممممممممممممممممم سوري على الازعاج فديتج
ومتابعينج لاخر فصل. :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 94
قديم(ـة) 21-02-2013, 08:49 PM
صورة Enas96 الرمزية
Enas96 Enas96 غير متصل
©؛°¨غرامي جديد¨°؛©
 
الافتراضي رد: روايتي الثالثة : على رصيفَ الثرثرةَ


الرواية مرة حماسنج
متى موعد البارتات ؟؟
*_*

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 95
قديم(ـة) 23-02-2013, 05:20 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


اقتباس:
المشاركة الأساسية كتبها anaat al r7eel مشاهدة المشاركة
السلام عليكم ورحمة الله وبركاته

انات جت .. ياللا وسعوا .. تراني غبت البارت اللي قبل ههههههههههههههه
بعدين يا عطعوطة البارت قصير جدا جدا .. بس حلو ^^
بنبدا بفجر الظاهر فوز ما بتحل عنها .. ويمكن تلعب بعقلها وتوديها فداهية .. واظن ان مسك صار لها نفس الشيء ..
وظهر كلام عليها عشان الشلة اللي كانت تعرفها <<< تراه تخمين بس مب بعيد ههههههه
فهد حرام عليه اللي يالس يسويه ><
يعني يحن عليها ولو بالنظرات .. البنت كبرت وصار عندها عيال .. يعني الين متى بيبقى حاقد عليها وكارهنها ؟
نغم اظن ان فيصل ما طلقها .. يعني احساس ما ادري كيف جاني هههههههههههههههههه
ويمكن يعني يرجعها بالغصب .. والا كيف يرضا اخوها انها تنزل وهو جالس ><
مدري بس هذا اللي احسه ^^
جاسم وحرمته الذيبة .. كرهتهاااااا بقوة .. ويا رب يتزوج عليها ويتهنى بعد عشان تموت بحسرتها .. والا تعاير اسيل المسكينة ..
يعني لو هي كانت مكانها كانت بتتحمل رجل مثل رجل اسيل ><
شوق للحظة حسيت ان ممكن شيء يصير لها وهي طالعة من المشغل بالليل .. بس الحمد لله ما صار شيء ..
بس ليش ابوها فنكش الخطبة ؟
ريان لازم ينسى اللي هو فيه ويرجع يشتغل .. ويكون حياته من جديد .. صح ما يقدر يمشي بس هذا مب سبب للبعد <<< تذكرت فهد فروايتي
^^
رويد ما في شيء جديد عن حالته وحياته .. اما فيصل فاحس ان البعد خلاه يتغير وان شاء الله نغم ترجع معه ^^

يعطيج العافية يا قلبي |~
وعليكم والسلام ورحمة الله بركاته ..
هلا والله بآنوت منوره يالغلا ..
فجر وفوز ...بوضح عنهم ..أنا بس حبيت اوضح لكم الصحبه السيئه بس لسه ما تعمقت أكثر^^
فهد ومسك شوي شوي ويبان كل شي..
جاسم وحرمته ..بنعرف عنهم ..
شوق ..طريقه حيآتهآ بتتحمل او لا ..وش بيصير معهآ .
وريان ورويد بنعرف عنهم ..
كوني بالقرب يا عسل ..
لا خلا ولا عدم .
ودي لك..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 96
قديم(ـة) 23-02-2013, 05:25 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


اقتباس:
المشاركة الأساسية كتبها شموع الليالي مشاهدة المشاركة
بااااااااااارت رائع غلااااااااتي
تسلمي ننتظرك
دمت بود
الاروع تواجدك غلاي ...الله يسلمك يا عسل .
ودي لك.


اقتباس:
المشاركة الأساسية كتبها وحشة الايام مشاهدة المشاركة
السلام أنا جيت »» اممممممممممممم التوقعات
اظن فيصل برجعها وهي بتقول لا شتبي بواحد يوم كانت عنده ما يبيها ويوم راحت يبيها احس يبيها بس حنين مو حب
اما ريان يا عوينتي قلبي عليه الله يرزقه بالزوجه اللي تكون الدوا للجروحه
اما اخوهم الثالث مدري وش اسمه احس له سالفه مع الخدم ويمكنه مريض

اما مسك يا حرام اخوها مو معطيها فرصة تعبر وتقول ليش سوت اللي سوته مع أني. ما ادري شن سوت
ويمكن لي تزوجت تحبه ياللي بتتزوجه وينسيها همها

اما بنت عمها الصغيرة اطن ياللي معاها بتسوي فيها شيء بتعرفها على واحد وتلعب بحسبتها

والباقي بتصير احداث واجد بتغيرهم ومنهم شواقه



واممممممممممممممممممم سوري على الازعاج فديتج
ومتابعينج لاخر فصل. :)
هلا وغلا وحشة الايام منورره عسولة ..
فيصل ونغم بتعرفوا في البارت ألي بينزل وش بيصير .. ريان هل بيعش حيآته مثل قبل^^
رويد يمكن فيه شي ثآني ^^ مسك وفهد شوي شوي بنعرف عنهم ..فجر ومصيرهآ من الاحدآث
راح تتوضح .. ما فيهآ أزعاج بالعكس تواجدك يسعدني
منوره ياعسل ..لا خلا ولا عدم
ودي لك
اقتباس:
المشاركة الأساسية كتبها ثابتة في زمن مشاهدة المشاركة
الرواية مرة حماسنج
متى موعد البارتات ؟؟
*_*
هلا والله منوره يا عسل ..
أنا أقول ان شاء الله كل خميس ..
ودي لك.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 97
قديم(ـة) 23-02-2013, 05:36 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


شوي وبينزل البارت

مع كل الآمنيات بقرأه ممتعه

.
.
.


لااله الاالله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 98
قديم(ـة) 23-02-2013, 06:03 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ



صْبَـاحُكُمْ / مْســائُكُمْ مُزَيَنٌ بـِ إكْليَلِ وَردٍ أحَمْرَ

سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَات



على رصيفَ الثرثرةَ : موعدُ بدون لقاءَ \ عٌطَنيِ الٌأماًنَ

.♪
.♪
.♪

♬ ♪الثرثرةَ آلخــآمسهٌ ♬ ♪




أختَنِقُ و الدُموعُ .......تَرحــلْ!


نزلت بخطوآت متكاسلة ..ما تدري وش يبي اخوهآ منهآ ...تقدمت خطوة ورا خطوة لين وصلت الصآلة ..حركة عدسة عيونهآ وهي تقول : نعم ..وش تبغى ..!!

هز راسه من غير لآ يتكلم .. ثُــوآني و قآل بعمق من غير لآ يرمش ولآ يتحرك : تعالي .

تحركت بخطوآتهآ الوآسعه لين صآرت بوسط الصآلة...صدت للجهة الثآنية من غير شعور ...سكتت وعيونهآ تتسع من الصدمة ... غمـضت عيونهآ لـ ثوآني بعدها فتحتها.. تبغى تتأكد انه حقيقه مو حلم ..!!

زآدت دقآت قلبهآ بعنف...انشلت خلايآ جسمهآ ... بعدت عيونها عنه بسرعه وهي تحس بآحسآس الموجوع .... بلعت ريقهآ بآلم وعيونهآ على أخوهآ ألي ينآظرهآ بهدوء ...همست بصوت موجوع حيييييييل : انـــت.!!

كآن ينآظرهآ بدقة متنآهية جدآ ،، و كأنه ما يبي يفوت رفة جفن لهآ...آشتآق لهآ حيييل ....يحس نفسه كآن عطشآن وارتوى ... لف بخفة ينآظر وليد ..همس بصوت هادي عكس انفعالهآ : وليد ممكن تتركنآ بحالنا.

هز راسه وهو يتمتم " ان شاء الله " ..وقف ونآظر أخته ألي تنآظره بصدمة وفيصل ألي ينآظر فيهآ..ابتعد عنهم وطلع تآركهم .

تقدم لهآ بخطوآت متوآزنه ...هي الانثى الوحيدة بحيآته ..وهو الرجل الوحيد بحيآتهآ ...وقف قدآمهآ مباشرة ...تحركة عدسة عيونه على ملامحهآ .

كل شي فيهآ مثل ماهو ..!!
كل شي فيهآ يشده أكثر وأكثر لهآآ..!!

عيونهآ وسوادهآ ...بيآضهآ وحمرت خدودهآ ..خجلهآ وملامح برآئتها ...يبي يحفظ تفآصيلهآ..يبي يعيش بقربهآ..هي الوحيده ألي حركة قلبه لهآ ..شدته أكثر لين غرق بأمواجها ..

مد يده يبي يلمس نعومة بشرتهآ..حست فيه ومن غير شعور رجعت خطوه لي وراء ..
هي ما تدري هو ليش هنآ ..!!

وش يبي منهآ مو هو طلقهآ ..طيب ليش موجود ..والاهم أخوهآ كيف يسمح له ينآظرهآ كذا ..!!
عقدت حوآجبهآ والرجفة وأضحه له : انت وش تبي .

قبض يده ألي ما قدرت توصل لي خدهآ ونزلهآ ... قلبـه مو راضي يهدى ،، آول مره يختبر ها لمشاعر العنيفة الي عصفت فيه فجأة و بدون مقدمآت ..ليش يحس الحين بقربهآ الحيآة ..وفي بعدهآ الألم ...ليش الحين..!!

حرك شفآيفه وهو يقول بجدية : ابي زوجتي ..؟؟

نآظرته بصدمة وهي تقول : زوجتك .

هز رآسه وبأصرار قال : ايه زوجتي .

بلعت ريقهآ وعيونهآ بعيونه :بس انت .

قآطعهآ وهو يقول : انا ما طلقتك ...كل ألي صار أني قلت لي وليد يقولك اني طلقت ...<<نآظرهآ بنظره غريبه وكمل كلامه >> والحين ابي زوجتي ألي ما شفتهآ من سنتين ..

تجمعت الدموع بعيونهآ وزادت رجفتهآ أكثر ..رمشت وللحين مو مستوعبه كلامه ..!!
يعني لعبوا عليهآ ..يعني اخوها وحيدهآ طعنها بظهرهآ..!!

صرخت بدآخلهآ أكثر من مرة ..ليش سوى كذا فيهآ ..ليش يرجعهآ له ويرجع يبني اوجاعهآ ..!!

اهتز فكهآ ودموعهآ نزلت وهي تقول : كـــذاب ..؟؟!

زفر بضيق وعيونه عليهآ : أنا ما أكذب وانتي تعرفيني زين أنــ...

قآطعته بصرآخ ودموعهآ تنزل : أنا ما اعرفك لا تقول تعرفيني ..طول عمرك بارد وجاف ..ثلاث سنوآت وأنا أحاول أفهمك واعرف عنك لو شي بسيط <<شهقت بـ وجع صآمت ، وجــع مؤلم هزت رآسهآ بهستيرية وكملت كلامهآ>> حرآم عليك ليش تحب عذآبي ..اتركني بحالي .

بدون شعور لقى نفسه يتوتر من ردهآ .. صوتها قُوي ،،ما قد مر معها بموقف مثل هذآ...أنفجآرهآ كأن أقوى ... غمـض عيونه لـ ثوآني بعدها فتحها.. شآف كتوفها تهتز وحس انه زيد عذآبها ،,,عذابها الي يحطمه و يشعل نيرآن مشآعره ،,,كل ما تذكر معاملته لهآ ..هو يدري أنهآ كانت تتعذب بسكوت وما تتكلم ..يحس نفسه مخنوق ... كيف جاه له قلب و خلآ دموعها تنزل في يوم من الايآم ؟!
تقدم منهآ وهو يقـآوم رغبته العنيفة انه يحضنهآآ و يمسح لها هالدموع ؟!

غمضت عيونها وهي تحس بأنفآسه على جآنب وجههآ ،،رجفت أكثر وموجة برد سرت بجسمهآ ... مسكت نفسها و هي تتأوه من قبلته على جآنب جبينها ،,,أنفاسه حرقتهآ قبل لا تحرقهآ قبلاته ..حست بالضعف يسيطر عليهآ وحصونهآ رآح تنهار بقربه الموجع ..

هي مو غبيه .. هي ما رح تخلي هالي صار يأثر عليها،

قلبها لو دق من جديد .. رح ترميه .. تذبحه ،، تحرقه ..!

اي شي ..المهم ما تخليه يطولهآ .. للحين مآ تشـآفت من أول جرح ،
للحين مـآ نست ..
للحين قلبها يعُورهـآ ويوجعها حييييل ..؟!!!

جمعت كل قوتهآ ..ودفته عنهآ ..ما تدري من فين جت لهآ هالقوه ..المهم بعد عنهآ قدام ما تستسلم له وترفع رآيتها..

نآظرهآ مذهُوووول من طريقتهآ ... مو مصدق هذي " نغم "...لـ ثواني طآل استغرآبه و تسآؤله ،، و بعـدها على طول فكر بالسبب..كيف يبغاها تستسلم له بعد ما وجع لهآ قلبهآ ببروده ..نآظرهآ بصمت لـ ثواني ..وبعدهآ ابتعد بخطوآته الوآثقة طالع من الصالة والبيت كله .

غمضت عيونهآ وهي تشهق بعد ما طلع ..عضت على شفآيفهآ بألم ...ليش رجع ليش سوا فيهآ كذا ..وش يبغى منهآ بعد ما كسر كل شي دآخلهآ .

حست بيد تلفهآ ..وصوت يهمس بحنان : ادري انك تحبيه وتتعذبي بغيابه ..لا تلوميني ابغى بس راحتك.. وراحتك بقربه .

غمضت عيونها و هي تمـد انآملها لخدها و تمسح عنه الدموع الي حستهم حرقوهآ حرق و هي تهمس : لأ .. مآ رآح أرتاح .. بالعكـ..ـس .. تعــ.ـذبت .. أكثـ..ـر بشوفته !

نآظر فيهآ بحسرة ..وهو ما سوا شي غير انه كذب عليهآ وعيشهآ بوهم الطلاق سنتين ...يبغى راحتهآ وسعادتهآ ..لف يدينه عليهآ وضمهآ لي صدره .


.♪
.♪
.♪


بنفس التوقيت ..

جلس بصمت وعيونه بعبث تتحرك يمين ويسآر ..ابتسم على حركآت اصحآبه ..نآظره واحد منهم وهو يقول : اقول رويد ما تلقى لي وظيفه عندكم بالشركة .

همس بصوت هادي : اكلم لك فيصل اخوي ..وان شاء الله يلقى لك وظيفه .

ابتسم له وهو يقول :تكفى ابغى وظيفه خله يتوسط لي بأي مكآن .

قآطعه وهو يقول : خلاص بكلمه .

نآظرهم من بعيد وصرخ : وش بينكم .؟!!

ابتسم رويد وهو يقول : شي خآص .

ابتسم لهم : اقول عبادي وش عندك تتكلم مع رويد.

رفع حآجبة وبسخرية قال : بخطب .

اتسعت عيونه وهو يقول : من جد..؟!

ضحك رويد عليهم : يمزح معك ..السالفة كلهآ يبغى اشوف له وظيفة بشركة اخوي فيصل .
سكت وحس بنفسه ينقطع ..فتح فمه وحآول يأخذ نفس ...حس ان الحاله جته ..همس بضيق دآخله " لا مو وقتهآ ..مو الحين " ..رفع يده وفتح ازرار ثوبة ...مو قآدر يحس روحه بتطلع ..

عقد حوآجبه باستغراب وهو يقول : رويد وش فيك .

رفع رآآسه لفوق وهو يحآآول يتنفس بأنتظآآم..يبي هوآ ..مو عآرف وش يصير فيه ..؟!!

فز وتقدم له وهو يقول بخوف : رويد وش فيك يا رجال..<<صد ونآظر عبادي ألي يطالعه باستغراب ..صرخ فيه وهو يقول >> قوم شغل السيارة بنأخذه المستشفى ..

وقف بعجله وهو يقول : طيب .

نآظر رويد ألي يغرس يده بشعره ويشده ...وقفه وحآول يسنده وهو مستغرب ..أول مره يشوفه بها لحالة ..

.♪
.♪
.♪


تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق




الخميس ..!

الساعة 5 العصر....!

خــآرج الريـــآض .......!!

نزل من سيآرته بهدوء ... أنفردت ملآمحه و هو يآخذ انفآس هآدية...نآظر المكآن من حولة ..ابتسم وهو يشوف جاسم يقرب له بصُوته المحبب و المرحب : يَ هلآ والله و غلآ ..!!

ابتسم أكثر وقرب منه وضمه وهو يقول : هلآ فيك ..!

ابتعد جاسم وهو يقول : وينك يارجال من زمآن عنك ..!

ضحك تمتم بـ صدق : انت عآرف الشغل مأخذ وقتي كله .. ألآ انت وش أخبآرك وأخبار عمتي والاهل..!

رد ابتسـم من جديد و هو يرد بثقل : بخير الحمد لله والاهل الحمد الله علومهم طيبه.. انت وش اخبارك ؟

حرك مفتآح السيآره بين أصآبعه وهو يقول : الحمد الله ..<<ضيق عيونه وبصوت هادي >> ألا وينه مقرن ..!

جاسم مد يده وسحبه لي جهت بيتهم وهو يقول : طلع ما أدري وين راح ..تعال معي البيت ..!
دخلوآ البيت وهم بخطوآت متوآزنه ..تقدموا ناحية المجلس ودخلوآ ...ابتسم جاسم وهو يرحب من جديد : والله منور الديرة ياجرآح .

ضحك عليه وهو يقول : منورة بأهلها..!

جلس جاسم وصآر مقآبل له ...اندمجوا بالسوآلف من غير ما يحسوا ...انتبه جاسم على صوت خآرج المجلس ينادي عليه ...ابتسم بهدوء وهو يقول :عن اذنك جراح .

ابتسم له وهو يقول بـ صوت ثآبت حيييل : خذ رآحتك .

طلع جاسم بخطوات هاديه ..سند ظهره وزفر بضيق ...حرك عدسة عيونه بتشتت بكل مكآن ..يبغى ينسى صوتهآ ألي طول عمره يرن بمسآمعه .. تمنـى من قلبه بهاللحظة لو كل شي كآن طبيعي,, كآنت الحين هي له مو لي غيرة ...كآن كل شي مثل ما يبغى ...بس غلطته ويتحمل نتيجتها ...زم شفآيفه وعقد حوآجبه ..

مو قــآدر يجلس أكثر بعد ما سمع صوتهآ ..!!
ليش الحين سمعه ..وليش مو قآدر ينسآهآ ويعيش حيآته مثل ما هي عايشتهآ ...!!

زفر بحـده وهو يطلع بكيت الزقآير من جيب ثوبه و هو يحس انه محترق من الافكآر الي بدت تعصف بمخه الحين ، سحب له وحده و ولعها وهو يحس بالنآر تولع فيييه هُووو !
صآر يسحب انفآس طوييييله من الزقآره وهو يستغفر بصوت مسموع ،,,
خلاااص .. يبي ينسـى .. لآزم ينسـى ،,هي الحين مو له ..هي لي غيره ..!!

صحى من سرحآنهٌ على صوت جاسم المصدوم : جرآح انت تدخن ..

كح كحه وبصوت هادي : أحم ..ايه من زمآن .

عقد حوآجبه وجلس قربه وهو يقول : لا ..أنا اذكر انك ما كنت تدخن ..!!

وقف وبهمس : يلآ عن اذنك بشوف مقرن رجع أولا .

هز رآسه له وهو عآرف انه ما يبغى يتكلم ...تحرك معه طالع لي بيت مقرن لد عم أبوه ..!

.♪
.♪
.♪


تـــــــــــــــابع..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 99
قديم(ـة) 23-02-2013, 06:11 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ




الريـــــآض...!

رفعت حآجبهآ باستغراب ...وقفت وتقدمت لي التلفون بخطوآت هاديه وكلهآ توتر وأسئلة ...كيف جآبت رقمهآ ...وش تبغى منهآآ....!!

رفعت سماعة التلفون لي أذنهآ وهي تقول : نعم .

وصلهآ صوتهآ وهي تقول بغنج : ايش فيك يابنت ..يعني انتي تردي على أي احد كذا "نعم " ...وقولي هلا ..<<ضحكت بدلع اكثر وكملت كلامهآ >> يمكن في احد غلطان ..يسمع الصوت ويعجب .

كشرت ملامحهآ من كلامهآ ..هي لين الحين مستغربه من وين لهآ الرقم ... عضت على شفتها و قالت بتوتر وآضح : هلا فوز .

فوز بنفس النبرة : ايوه الحين حلوين ...هلا فيك ..شخبارك..!

زمت شفآيفهآ وقالت : الحمد الله ..<<سكتت تبغى تعرف سبب اتصآلهآ>>.

فوز بدلع : آسفه فجر اخذت رقم بيتكم من ريهام ...الصراحة ودي اجي عندك ابغى كتابك الانجليزي بحل منه ..

فتحت فمها و ردت سكرته...وش تقول لهآ ..ليش دقت عليهآ هي ..!!
رفعت نظرآتهآ لي فهد ألي ينآظر التلفزيون عندهآ بنفس الصآلة ...نزلت السماعة وغطتهآ بيدهآ وهي تقول : فهد .

تنهد و قـآل بهدوء : نعم .

بلعت ريقهآ وهي تقول : في وحده من صديقاتي بتجي عندي ..تبغى كتابي ..<<ضيقت عيونهآ وكملت ببراءة >> وش أقول لهآ.

بعد عيونه عنها عشآن لآ تتوتر و قال بـ بحة : اذا بتجي البيت حياها الله.

ابعدت يدهآ عن السماعة ورفعتهآ لي أذنهآ وهي تقول : اوك حيآك الله .

سكرت السماعة بعد ما اعطتهآ عنوان البيت ...وقفت وطلعت لي فوق تبدل ملابسهآ .

دخلت غرفة رنا وشافتهآ تذاكر ..تقدمت لي سرير وجلست على طرفه وهي تقول : رنو .

رفعت رآسهآ وابعدت نظارتها الطبية : هلا .

حركة عدسة عيونهآ على الاوراق والملازم وهي تقول : صديقتي راح تجي عندي .

ابتسمت على براءة بنت عمهآ وهي تقول : طيب .

فجر بهدوء : بس انا ما احبها .

عقدت حوآجبهآ باستغراب : ليش .

هزت رآسهآ وهي تقول : ما ادري .

رنا بجديه قالت : فجر لا يكون البنت مو كويسه .

همست بصدق : والله ما اعرف عنهآ شي ..غير البنات ما يحبوا حركاتها ويقول ما ادري ايش عنها .

رنا بهدوء : اسمعي ياعمري لا تحكمي على الوحده ألا اذا شفتي عليهآ شي أوكي ..بس هذا مو معناته أنك ما تأخذي حذرك منهآ.

هزت رآسهآ ووقفت وهي تقول : اوك ..يلا بروح ألبس ملابسي .

رنا : لا تنسى اذا جت تعطيني خبر بنزل اتعرف عليهآ.

ابتعدت عنهآ طالعه من الغرفة وهي تقول : طيب .

.♪
.♪
.♪

نــفــسٌ التوقيت...!!

دخل الغرفة وسكر الباب وراه ...نآظر المكآن بنظره سريعه والهم دآخله ...تقدم لي سرير النوم وجلس عليه ..مو عآرف وش يسوى ...كل ما تذكر انفعالهآ يضيق خلقه ..هو عآرف بغلطه ..بس ما توقع نفورهآ منه لي هذي الدرجة ٌ..!!
غمض عيونه وهو يتذكر ملامحهآ...دموعهآ اليوم عذبته حيييل...!
ماتوقع أنها بتأثر فيه وتسكن الألم دآخليه ..!!

كلامهآ ..ملامحهآ وآآه يا ملامح وجهآ ألي عذبته ..حس بطعنه دآخله ..؟!!
معقولة ما حس بوجودهآ إلا بغيابهآ ..!!
طيب كيف بتكون حياته معآهآ أذا رجعت له ..!
بتكون مثل ما هي ..ولا...!!

اكيد تغيرت ..إلي شافه اليوم مو "نغم " ألي يعرفهآ لا هذي وحده ثآنية سكنت دآخلهآ ..!!
انسدح بالعرض وعيونه تعلقت بالسقف ..اليوم كآن عليه صعب ...بس مو كثر وجودهآ معه ..!

غمض عيونه ولين الحين يتخيلهآ بين يدينه ...حرك شفآيفه بهمس وهو يقول : آآه ...يا نغم ..تكفين لا تقسين يكفى غيآبك ..؟؟!
معقولة حبهآ لي درجة الجنون ..ليش كان بآرد معاهآ من اول ..!!
ليش ما عاش حيآته مثل غيرة ..!!
بس هي عرفته قيمتهآ بغيابهآ عنه ..!
عرفته الحرمآن بوقت الحآجه ..عرفته الوجع والالم ...كل شي كان غير بغيآبهآ..!؟

اجبرته على حبهآ ..هي غيييير بكل شي غيييير حتى بغيآبهآ غيييير ...جرعته الألم وسكنت دآخله ..!!
تنهد بوجع ...مو عآرف وش رآح يصير اذا رجعت له ..بس ما رآح تكون هي ..لازم يصبر دآمه يبغى وجودهآ بحيآته ..لازم يعوضهآ عن كل شي ..!!
مستحيييل يتركهآ بعد اليوم راح يكون لهآ كل شي ألا الألم ..!؟

.♪
.♪
.♪

عيونهآ تتحرك بكل مكآن والسخرية باينه عليهآ ...رفعت حآجبهآ بدهشه ...مو مصدقه ألي تشوفه :استاذه غاده ..انتي زوجة ابوي .

نآظرتهآ من فوق لي تحت وهي تقول : ايه .

رمشت ورا بعض مو مصدقه ..هذي مديرة المدرسة ألي يدرسون فيهآ خوآتها التؤم ...ابوهآ يشتغل سوآق يوصل مدرسات و"غاده " من ضمن المعلمات ألي يوصلهم ..ما توقعت أن زوجة أبوها الجديدة هي ..!!

حركة عدسة عيونهآ من عليهآ لي أبوهآ ألي يقول : نعم شوق وش عندك .

نآظرت فيه لـ ثوآني ..ودهآ ترتمي بحضنه وتحس بحنآنه بس في شي يمنعهآ منه ..قسوته وجفاه تمنعهآ أكثر ..؟!!

حركت شفآيفهآ وهي تقول : الحمد الله على يبه .

جلس على الكنبة جنب زوجته الجديدة وهو يقول : خيير وش عندك .

تنهدت وبهمس صآدق : ما ابغى شي بس شفت نور الشقه جيت اشوفك .

كشرت ملامحه وهو يقول : طيب وبعد وش عندك .

حست بالدموع بعيونهآ ..ليش يحسسهآ انه يكرهآ..ليش يتكلم معهآ كذا ..لأيش ما يلمهآ لي صدره ويطبطب عليهآآ...ليش ما يسألهآ وش فيهآ وش مضايقهآ ..وش تحب وش تكره ...أشياء كثيييره بدآخلهآ ودهآ تصير .

رمشت بهدوء ..ماتبغى دموعهآ تنزل : ولا شي عن اذنك.

ابتعدت وهي تشوفه جامد مكآنه ..ما قالهآ شي ولا تحرك ..تحسه صخر ما عنده احساس ..طلعت لي شقتهم بنفس الخطوآت الهاديه ..دخلت بهدوء ..طاحت نظراتهآ على امهآ إلي تكلم بالجوآل ..اكييد وحده من خوآتهآ المتزوجآت ...ضيقة عيونهآ أكثر وهي تشوف أمهآ تسكر الجوآل وتقول : يمه شوق ..ترآ سلطان زوج اختك حول لنا بخمسة ألف على حسابك .

همست بضيق ودموعهآ تنزل : ليش يمه..؟!!

أم شوق تقدمت منهآ وبخوف : وش فيك..!

شوق بقهر : ليش يمه انا مقصرة بشي معك عشآن تأخذي من زوج اختي .

ردت بسرعه وبصدق : لا يمه والله ما قصرتي بشي .

نآظرتهآ بألم : طيب ليش رسل بفلوس .

أم شوق بضيق تحس بنتهآ فيهآ شي : هذي من عندك اختك ..والله ما طلبت منهآ شي ..!
شهقت بألم وقهر ...رمت نفسهآ بحضن أمهآ وبكت بصوت عآلي ...تحس نفسهآ مكسوررة ...ما تدري وش فيهآ..!

او تدري بس ما تبغى تعترف لي نفسهآ أن ابوهآ هو سبب معاناتهآ..!
هو السبب ..معاملته ..قسوته ..جفاه ..وكل شي يجبرهآ على الانهيار ..؟!!

مررت يدهآ على ظهرهآ بخوف وهي تقول : يمه شوق وش فيك ..بسم الله عليك .

طلعوآ خوآتهآ على صوت بكآهآ ..تقدموآ وكل وحده تنآظر الثانية ..كتمة صوتهآ وبلعت الألم دآخلهآ ..ما تبغى خوآتهآ يتأثروا يكفى هي ..لكن هم لا ..ما رآح تسمح للضيق يحتويهم مثلهآ..؟!
رفعت يدهآ ومسحت دموعهآ ألي تحرق خدهآ ..ابعدت رآسهآ من حضن أمهآ وهي تقول : يمه ما فيني شي ..بس حبيت ادلع عليك .!!

هي عآرف بنتهآ وعآرف وش فيهآ ..بس ما حبت تسألهآ وتزيد ضيقهآ ..يكفي ألي فيهآ .ابتسمت بحزن : يا روح امك ..ادلعي وخذي راحتك.

تقدمت لهم وحده من التؤم " منار " : لا ما ارضى هذا ظلم يمه ..تحبي شوق أكثر منا .

وقفت جنبهآ تؤامها " ميار " : ايه صادقه تؤامي .

ضحكت شوق بوجع وهي تقول : ميور منور .تدروا من زوجة ابوي الجديدة .

نآظروا بعض وقالوا : لا.

ضحكت اكثر وهي تقول : مديرة مدرستكم ..غاده .!!

صرخت منار وهي تقول : لا ..من جد ..؟!!

رفعت حآجبهآ وابعدت طرحتهآ ألي حول عنقهآ وهي تقول : والله العظيم.

ضحكت ميار وهي تقول بمزح : الحين ما لقى ألا عمود الكهرباء يتزوجهآ.

نآظرتهم امهم بسكوت ..الحين عرفة سبب بكاء بنتهآ ...زفرت وهي تقول : بنت اسكتي مالك شغل فيه.
ميار بشقاوة : يمه مو مصدقة عمود الكهرباء زوجة ابوي ..بنزل اشوفهآ.

ضربتهآ منار على كتفهآ وهي تقول : يا بنت ما نصدق نفتك من خشتها بالمدرسة ابوك ملحقهآ ورانا للبيت .

ابتسمت شوق على كلام خوآتهآ ..وقفت وبتعدت عنهم تآركتهم ..دخلت غرفتهآ هي خوآتهآ ..فسخت عبآتهآ ورمت نفسهآ على سريرهآ بتعب .

.♪
.♪
.♪


الريـــآض...!

الساعة 10 بالليل ....!!

كآن يمشي بخطوآت سريعه و هو يثبت السمآعة بـ جيب اللآب كوت حقه ويعدل النظآره...نزل الدرج بنفس الخطوآت السريعة ..توجه لي الدور الثآني ..طاحت نظرآته على فهد ألي ساند ظهره على الجدآر ...شاف ملامحه مكشره ..؟!!

عيونه لآ ارآديا انتقلت للغرفة الي طآلع منها الدكتور..تقدم وهو يقول بخوف : دكتور طمني وش فيهآ..

الدكتور ابتسـم بخفة و هو يقول : لا تخاف بس ارتفع عندهآ السكر ..ياليت تنتبهوآ لهآ..؟

زم على شفايفه وهو يقول بأبتسـآمة خفيفه : مشكور دكتور .

ابتسم وهو يقول : العفو ..عن اذنك دكتور عناد .

ابتعد عنهم الدكتور ..نآظر عناد فهد وهو يقول : خلاص فهد ارجع البيت البنات لي وحدهم ..وعمتي انا بهتم فيهآ ..!

قآطعه بهزة راس خفيفه وهو يرد : لا بجلس اطمن عليهآ.

ابتسـم وهو يدفه على كتفه بخفة : امش معي المكتب ..وبعدين بترجع البيت غصب عنك..!

ابتسم له وتحركوا للمكتب ... جلس على كرسييه وهو يـقول بتعب هآد حيله : آه بس ..احس جسمي مكسر.

ضحك عليه وهو يجلس على الكرسي الي قدآم المكتب : احسن ..قلت لك من اول الطب شغله كثير..!
ابتسم له وهو يقول : اقول فهد ما ودك تتزوج .

رفع حآجبه وبسخرية : ليش تبغى تفتك مني .!

ضحك من قلبه وهو يقول : يا رجال قول .... ابغى افرح فيك .

حرك عيونه بالمكتب وهو يقول : اذا الله كتب ..!


.♪
.♪
.♪

تـــــــــــابع...




تعديل عطني الأمان بحياتك; بتاريخ 23-02-2013 الساعة 06:18 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 100
قديم(ـة) 23-02-2013, 06:49 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ



الريـــآض...!

الساعة 10 بالليل ....!!

كآن يمشي بخطوآت سريعه و هو يثبت السمآعة بـ جيب اللآب كوت حقه ويعدل النظآره...نزل الدرج بنفس الخطوآت السريعة ..توجه لي الدور الثآني ..طاحت نظرآته على فهد ألي ساند ظهره على الجدآر ...شاف ملامحه مكشره ..؟!!

عيونه لآ ارآديا انتقلت للغرفة الي طآلع منها الدكتور..تقدم وهو يقول بخوف : دكتور طمني وش فيهآ.

الدكتور ابتسـم بخفة و هو يقول : لا تخاف بس ارتفع عندهآ السكر .

زم على شفايفه وهو يقول بأبتسـآمة خفيفه : مشكور دكتور .

ابتسم وهو يقول : العفو ..عن اذنك دكتور عناد .

ابتعد عنهم الدكتور ..نآظر عناد فهد وهو يقول : خلاص فهد ارجع البيت البنات لي وحدهم ..وعمتي انا بهتم فيهآ ..!

قآطعه بهزة راس خفيفه وهو يرد : لا بجلس اطمن عليهآ.

ابتسـم وهو يدفه على كتفه بخفة : امش معي المكتب ..وبعدين بترجع البيت غصب عنك..!

ابتسم له وتحركوا للمكتب ... جلس على كرسييه وهو يـقول بتعب هآد حيله : آه بس ..احس جسمي مكسر...وانت الله يهديك خرعتني على عمتي ..!

ضحك عليه وهو يجلس على الكرسي الي قدآم المكتب : احسن ..قلت لك من اول الطب شغله كثير..!
ابتسم له وهو يقول : اقول فهد ما ودك تتزوج .

رفع حآجبه وبسخرية : ليش تبغى تفتك مني .!

ضحك من قلبه وهو يقول : يا رجال قول .... ابغى افرح فيك .

حرك عيونه بالمكتب وهو يقول : اذا الله كتب ..!

.♪
.♪
.♪

يا أَنت ..مَا يكفَيكَ وجَعيْ.....!

نآظرهآ بتأمل ..مو عآرف وش يقول لهآ ..حرك شفآيفه بصوت هادي : نغم بقولك شي ..
دق قلبهآ بجنون ..حست او فهمت عليه ..هي عآرف وش بيقول ...همست وهي تقول برجفة وآضحة : تكفى يآخوي ما أقدر.

رمش لها على خفيف و قال بـ هم : نغم هذا زوجك ..!

قآطعته وعيونهآ تلمع : بس اليوم ..

نزل الكوب من يده على الطآوله و بيده الثانية رفع طرف الشمآغ : طيب بس اليوم ..!

شـآف زفرتها المرتآحة و حس بقلبه يهـدآ شوي ... قال بعد صمت : يلآ ..أنا طالع للمسجد..
هزت راسها بـ سرعه وهي تهمس : بحفظ الرحمن ..
تحرك بخطوآت طالع وتآركهآ...رفعت يدهآ وحركتهآ جهت قلبهآ .

هي مو ناقصته ..ليش يطلع لهآ الحين..!
وش يبغى منهآ ..!!
ليش الحين بعد ما تركته بغاها ...؟؟!

بس ما رآح تسمح له يدخل قلبهآ من جديد ..!!
مآرآح تخليه يخرب حيآتهآ ..يكفى ألي جآهآ بقربه وببعده ..؟!

بكره بترجع له وبتكون له الزوجة ..لكن مو نفسهآ "نغم" ألي كسرهآ واوجع قلبهآ بجفاة ...نغم ألي نزل دموعهآ وسهرهآ الليالي ودهآ تعرف وش قصرت معه ...بترجع له "نغم " ثآنية غير عن قبل...؟!!

.♪
.♪
.♪


آلــجمعهٌ ...!

الساعة 1:23 الظهر ...!!

خرجت من آلبقآله القريبه من يبتهم ...مسكت الاكيآس بثبات ..نآظرت الشآرع يمين ويسآر ما شافت احد ...لمت عبآتهآ وتحركت بخطوآت متوآزنه لي عمآرتهم ...طآحت نظرآته على وآحد ينآظر عمآرتهم والجوآل بأذنه .

شدت على الآكياس وضيقة عيونهآ فيه ..ماشافته من قبل ..يمكن واحد من المستأجرين الجدد ...هي تعرف ابوهآ كل شهر له واحد ...دق قلبهآ من الخوف وقت ما قربت من مدخل العمآرة .

نزلت عيونهآ وتحركت بخطوآت سريعة للمدخل ..تجمدت مكآنهآ وهي تسمع همس في ظهرهآ " يا بنت"...بلعت ريقهآ وتجآهلته ...رجع كرر نفس الكلمة " يا بنت لحظه "..وقفت مكآنهآ ما تدري ليش .
قرب منهآ بخطوآت متوآزنه ..صآر واقف قبآلهآ ..نآظرهآ من فوق لي تحت كأنه يقيمهآ ..حرك شفآيفه وهو يقول بقرف : انتي ساكنه هنا ..!!

رمشت من تحت الغطا اكثر من مره مو مستوعبه حركته ..حركآته تحسسهآ وكأنهآ شي مقرف قدآمه ...عضت على شفآيفهآ وهي نآويه تنفجر فيه ..!

كشرت ملامحه بضيق ..حرك عدسة عيونه على العمآره ورجعهآ عليهآ وهو يقول : لو سمحتي انتي ساكنه هنا او لا ..!

نآظرته من فوق لي تحت وكأنهآ ترجع له الحركة ..زفرت بملل ورجعت خطوه لي وراء وهي تقول باختصار : ايه ..؟

رفع يده ورفع نظآرته الشمسية على شعره مرجع بعض الخصلات الطايحه لي وراء وهو يقول : طيب ممكن تدليني على بيت الأستاذة غادة ..؟

نآظرته لي فترة وهي تفكر ..وش يبغى من زوجة أبوهآ ..معقولة يقرب لهآآ..!
بس هذا مزيون ما يشبه لهآ ابد ..!!

اعطته ظهرهآ وتحركت لي دآخل وهي تقول : الشقه ألي بي الدور الارضي ..هذا بيت <<وبسخرية كملت >> غادة ..!

تحرك بخطوآت سريعه وتعدآهآ لي دآخل من غير ما يقول لهآ شي ..نآظرت ظهره وهو يمشي قدآمهآ ..كشرت ملامحهآ من غروره ...تأففت بضيق وطلعت لي شقتهم .

.♪
.♪
.♪


بنفس التوقيت .

جلست على الكنبة بآرهاق ...صدت وعيونهآ على أختهآ ألي تقول : مسك ..يقول لك فهد لبسي عبآتك وروحي المجلس ..عمك بيسلم عليك.

عقدت حوآجبهآ بضيق ..وقفت بكسل ...تحركت وصعدت الدرج ..دخلت غرفتهآ بهدوء ..قربت من الشمآغه ..سحبت عبآتهآ الراس ولبستهآ ...تحركت طآلعه من الغرفة وهي تعدل طرحتهآ .
نزلت تحت بنفس الهدوء ..ابتسمت وهي تشوف اولادهآ يلعبوا ..توجهت للمجلس ودخلت وهي تقول : السلام عليكم.

جلست على كنبة منفرده ...ابتسم لهآ وهو يقول : شخبآرك مسك.
ابتسمت بخجل ..تستحي منه حيييل : بخير الحمد الله وانت ..!!

تمتم بهدوء وهو يقول : الحمد الله ..<<سكت ونآظر فهد ألي ينآظرهم بهدوء ..حرك شفآيفه وهو يقول >>..يبه بغيتك بموضوع .

رفعت عيونهآ وثبتتهآ بعيونه :.......


بحفِظْ الرَحمَنْ
:
:
عٌطَنيِ الٌأماًنَ



تعديل عطني الأمان بحياتك; بتاريخ 23-02-2013 الساعة 07:00 PM.

روايتي الثالثة : على رصيفَ الثرثرةَ

الوسوم
..بقلمي , الثآلثة , الثرثرةَ , رصيفَ , روآيتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : فديت جناني إذا كان بمزاجي وعنادي/ كاملة حايستهم روايات كامله - يتم نقل الرواية هنا بعد اكتمالها 1381 13-08-2019 06:05 AM
روايتي الثالثة : أنا لامن نويت أعشق أعشقك لو تروح أميال لكن لا نويت الصد صدقني لو إنك بحضني تتعب ما تلاقيني / كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1543 06-04-2019 09:06 PM
روايتي الثالثة : أحب أعشق و أحب أخون و أحب ألعب على الحبلين , كامله متلثمهـ بشماغ أخوي روايات كامله - يتم نقل الرواية هنا بعد اكتمالها 453 07-12-2014 03:05 PM
روايتي الثالثة : شتاء لا يقتل الزهور شمس ورى الغيم أرشيف الروايات المغلقة - لعدم إكتمالها 51 22-12-2012 02:17 AM
روايتي الثالثة : و اللي يسلمكم كافي ذل و إهانة مشاعل وكلي مشاعر ارشيف غرام 1 17-03-2011 03:26 AM

الساعة الآن +3: 03:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1