غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 111
قديم(ـة) 03-03-2013, 05:23 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


شوي وبينزل البارت

مع كل الآمنيات بقرأه ممتعه

.
.
.


لااله الاالله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 112
قديم(ـة) 03-03-2013, 06:01 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ





صِبّاحًكمِ-مِسًائكمِ
مِعَطٌرٌ بّذٌكرٌ الَلَهِ.


على رصيفَ الثرثرةَ : موعدُ بدون لقاءَ \ عٌطَنيِ الٌأماًنَ
.♪
.♪
.♪

♬ ♪ الثرثرةَ آلســآدسهٌ ♬ ♪



ومازال الرصيف يتنفس ..!






بنفس التوقيت ..


جلست على الكنبة بآرهاق ...صدت وعيونهآ على أختهآ ألي تقول : مسك ..يقول لك فهد لبسي عبآتك وروحي المجلس ..عمك بيسلم عليك..

عقدت حوآجبهآ بضيق ..ووقفت بكسل ...تحركت وصعدت الدرج ..دخلت غرفتهآ بهدوء ..قربت من الشمآغه ..سحبت عبآتهآ الراس ولبستهآ ...تحركت طآلعه من الغرفة وهي تعدل طرحتهآ .
نزلت تحت بنفس الهدوء ..ابتسمت وهي تشوف اولادهآ يلعبوا ..توجهت للمجلس ودخلت وهي تقول : السلام عليكم..

جلست على كنبة منفرده ...ابتسم لهآ وهو يقول : شخبآرك مسك.

ابتسمت بخجل ..تستحي منه حيييل : بخير الحمد الله وانت ..!!

تمتم بهدوء وهو يقول : الحمد الله ..<<سكت ونآظر فهد ألي ينآظرهم بهدوء ..حرك شفآيفه وهو يقول >>..يبه بغيتك بموضوع .

رفعت عيونهآ وثبتتهآ بعيونه :آمر يا عمي ..!

نزل رآسه لــ ثوآني ورفعه وهو يقول بجديه : يا بنتي انا جيتك اليوم بموضوع ...<<سكت شوي ورجع كمل كلامه بكل وضوح >> ..أنا كلمت فهد من يومين ..بس قلت له انا بنفسي رآح أقول لك .
عقدت حوآجبهآ أكثر من طريقة كلامه ..هي مو عآرفه وش يبغى منهآ وش يبغى يقول ...!!
حست بدقآت قلبهآآ تزيد وهي تسمعه يتكلم بالغاز..!!

نآظر فيهآ وكمل : الصرآحه انا خطبتك من اخوك فهد لي ولد اخوي .

فرجه صغيره بآنت بين شفآيفهآ ..كآنت تنآظره بذهول ..مو مستوعبه كلامه ..!
كيف ..يعني هو ..؟!!
بس ..هي مو مستوعبه تتزوج مره ثآنية ...!

بلعت ريقهآ وسكتت ..ما عرفت ترد عليه ..وسكوته وسكون المجلس خلها تسرح في تفآصيل حيآتهآ.

صحت من سكونهآ على صوت فهد ألي قآل لهآ : مسك روحي جيبي العيال جدهم بيسلم عليهم .

وقفت بعبث ونظرآتهآ على أخوهآ : ان شاء الله .

طلعت من المجلس بخطوآت متسآرعه ..هي مو عآرفه تركز أكثر ..!
بس ألي عآرفته أنهآ بترفض ..!!
لي أنهآ مو متخيله نفسهآ زوجة مرة ثآنيه ..؟!


.♪
.♪
.♪


صبآح السبت ..!

نزلت من الدرج وهي شـآيلة شنطتها بيدها و ملآزمها باليـد الثآنية ،
تحس بمغص ببطنهآ ،ورجفه بجسمهآ..!
اليوم عندها اختبـآر صعب حيييل ، الله يستر.. حركة عدسة عيونهآ على أختهآ مسك ..

اليوم أول دوآم لهآ بالمدرسة ...عدلت طرحتهآ وهي تقول : مسك بقول لي فهد يوصلك انتي اول وبعدين انآ.

وقفت قدآمه وهي تقول بأبتسامه : صبآح الخير .

ابتسمت مسك وهي تقول : صبآح الورد.

فجر بشقآوه : الله يعينك مسك على الطالبات .

ضحكت مسك وهي تلبس عبآتهآ الراس وتعدل قفآزاتهآ بيدهآ : الله يستر .

نآظرت فيهم وهي متوترة : اقول امشوا ..الله يعين الحين من الزحمة ..!

مدت يدهآ وسحبت شنطتهآ من فوق الطآوله وتقدمت قبلهم وهي تقول : يلآ..امشوا .

طلعوا وركبوا السيآرة ...حرك فهد الدركسون بسكوت من غير ما يقول شي ...وصل مدرسة فجر وقبل لا تنزل قال : فجر أنا بجي أخذك عناد مشغول اليوم .

هزة رآسهآ وهي تقول قبل تسكر الباب : طيب .

حرك الدركسون بنفس الهدوء ...بعد ثـوآني قال : مسك.

حركت عدسة عيونهآ وثبتتهآ عليه وهي تقول : هلا .

رفع يده وحركهآ على دقنه وعيونه تتحرك بالشارع : وش قلتي على الموضوع .

رفعت رنا رآسهآ من الملازمة ألي كانت تقرا فيهآ ونآظرت أختهآ..!
هي عآرفه بتفكير أختهآ ..وعآرفه وش قرارهآ بعد سكوتهآ أمس...!

بس المشكلة الحين بفهد ..وش راح يسوي لو درا بقرارهآ..!
مسك نزلت نظرآتهآ وفركت يدهآ وهي تقول : بفكر .
همس بحده خفيفة : ليش.؟

رفعت رآسهآ ونآظرته ..فتحت فمهآ بتتكلم بس حست العبرة خنقتهآ...زمت شفآيفهآ وسكتت ..!
وقف جنب مدرستهآ ألي بتدآوم فيهآ...رفع رآسه ونآظرهآ من المرايه وهو يقول بكل جمود : نزلي وبعدين نتكلم بالموضوع ..!

بلعت ريقها وهي تشوف ملآمحه الجآمده....هي اصلا عارفه وش يفكر فيه ..!!
بس هي لسه جروحهآ ما تشافت ...معقولة يغصبهآ ..لالا ما تتوقع فهد مو كذا ..!!

بس هو صار له فترة يعآملهآ بطريقه غير عن شخصيته الحنونة ..من يوم ما توفى زوجهآ الاول ...هو معه حق ..بس ألي صار صار ومرت عليه سنتين والحين الثالثة ...المفروض ينسى وما يعاقبهآ بجفاة ..!!؟

هي الحين محتاجته أكثر من أول ..الحين عندهآ أولاد ويبغى لهم من يوقف معهم ..!
عضت على شفآيفهآ وصرخ دآخلهآ عيت تطلع وتنطق بهآ "محتــآجتــك يــآخوي "...؟!!

.♪
.♪
.♪



تــــــــآبع..




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 113
قديم(ـة) 03-03-2013, 06:08 PM
صورة حكايه حلم الرمزية
حكايه حلم حكايه حلم غير متصل
©؛°¨غرامي جديد¨°؛©
 
الافتراضي رد: روايتي الثالثة : على رصيفَ الثرثرةَ


وووواو فيه بارت وناسه متابعه من خلف الكواليس ويعطيك العافيه خيتوووو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 114
قديم(ـة) 03-03-2013, 06:19 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ




سنـد كوعه على مسند الكنبة و صار يمسـح على شعره بعد ما فسخ الشمآغ و رمآه جنبه ...غمض عيونه بتعب ..يحس بهم وشعور كريه..

ليش امه تبغى تورطه مع مره ثآنية ...!
يكفيه ألي عنده ...يكفي همهآ وبرودهآ ألي صار عاده عنده ..!!

زفر بضيق ...رفع يده وفتح أول ازرار الثوب ...جدته مصره على زواجه وعمه معهآ ..؟!
هو ما شكى لي احد ...ما يبغى يتورط بوحده ثآنيه ممكن تصير نسخه من الاولى ..!؟
يكفى ألي عنده صآرت ثقل عليه ..ما يدري هل بيتحمل اكثر ولا بينفجر ..؟!!

تقدمت منه بخطوآت ونظرآتهآ عليه ..جلست على كنبة منفرده قبآله ... رفعت حآجب وهي تقول : وش فيك ...ان شاء الله .!

ابتسم دآخله بسخرية وهو يسمع صوتهآ ... سفههآ وما رد عليهآ ..!!

كشرت من طريقة تسفيهه لهآ ... حطت رجل على الثانية وهي تقول : جاسم .

فتـح عيونه هالمره و نآظرها بـ هدوء ...ليش هي كذا هو وش فيه ...ليش بارده معه ..تحسسه مو زوجهآ ..كأنه أخوهآ أو واحد من قرآيبهآ ...هو يبغى شي ثآني.
يبغى حنآنهآ وحبهآ ...يبغى اهتمامهآ له ولهفتهآ ..يبغى كل شي كــل شي يبغاه ..بس هو الحين يطلب المستحيل ..من وحده عديمة مسؤولية ... قال وهو على نفس جلسته :نعم ..!

نآظرت فيه وقالت : ابغى اروح لي هلي ..؟

ميل راسه شُوي و هو يتعدل بجلسته : خير ان شاء الله..!!

وقف يبغى يهرب منهآ ..هي ما تبغى منه شي سوى طلعات او فلوس غيره ما تبغى .
تحرك بخطوآت مبتعد عنهآ ...كل شي فيهآ صآر ينرفزه ..حركآتهآ تصرفآتهآ ...يحس نفسه ما عاد يبغى يشوفهآ ..وجودهآ بحيآته يعذبه حييييل ...!

وقفت بسرعه ...تحركت بخطوآت و قربت منه وشدته من ورا وهي تقول : جاسم وين تبغى ...!

زفر بضيق أكثر وبهمس قآل : وش تبغي بعد .

رمشت وعيونهآ تتحرك على ظهره : ولا شي ..بس وين طالع ..!

ابتسـم بسخرية و لمعت عينه بـ تعب : بشوف جدتي ..؟!

تحرك بسرعه ونزل لي الصآلة ألي تحت ...ابتسم بهدوء وقت ما عيونه طاحت على جدته وعمته اسيل ...قرب منهم وهو يقول : أخبار الحلوين ..!

ابتسمت اسيل بحب وهي تقول : تمام .!

نآظرته بتفحص ..وهي تشوف تعبه وضيقه ..هي تدري أنه مو مرتآح مع زوجته وعشان كذا حبت تدخل بحيآته ...وتزوجه وحده تهتم فيه وتسعده : يمه وش فيك ..!

جلس بكسل على أول كنبة وهو يقول : لا يمه ما فيني شي ..بس تعرفي الشغل ..!

هزت رآسهآ وهي عآرفه وش فيه ..تمتمت بصدق : الله يسعدك ياولدي ..واشوف عيالك .

ابتسم لهآ مجامله ..الحين عرف دعوتهآ ..هذي تصريح له بأنهآ لسه مصُره على زوآجه ..دعى بقلبه ان الزوآج ما يتم ..!

لف على اسيل وسولف معهآ من غير ما ينآظر جدته ..لي انه يدري بتفتح معه الموضوع ..وهو مو نآقص يكفى ألي فيه ..؟!

.♪
.♪
.♪
العصر ..!

فتحت عيونه بتعب ...حرك عدسة عيونه بالغرفة ...زفر والتعب هآلكه ..مو عآرف وش فيه ..وش سر تعبه ...رفع نفسه وسند ظهره ...رفع يده ومرر آنامله على شعره ...يبغى يعرف وش سر التعب ألي فيه ...وش الحآله الغريبة ألي تجيه ..!

نزل رجولة بكسل ..سرت قشعريرة بجسمه ...البلاط بارد والبرودة احتوته ...حرك رآسه بتجاه الباب وهو يشوفه ينفتح ويدخل منه أخوه ...نزل رآسه من غير ما يقول شي ..!

تقدم منه وهو عآقد حوآجبه ...قبل شوي كلمة صديق رويد وقاله أنه تعبآن ...قرب منه ووقف جنبه وهو يقول : رويد وش فيك ..!

رفـع راسه بـ تعب لأخوها ونآظره باستغراب: وش فيني .

تكتف ونآظره وهو يقول بجدية : انت قولي ..!

كشر بضيق وهو يقول : ما فيني شي ..؟!

جلس جنبة على السرير ..يعرف اخوه ما راح يقوله شي ...بس هو خآيف عليه حييييل : رويد يا خوي ..طمني عليك انت وش فيك ..وش تحس فيه ..!

نآظر أخوه لي فترة وقال : لا تخاف ما فيني شي ..الدكتور قال مجر ارهاق ..!
هز رآسه وقال بكل صدق : رويد يا خوك انت شايل علي ...في شي بخاطر قول لي ...ترا تصرفاتك موعاجبتني ...<<حط عيونه بعيون اخوه وكمل كلامه >>..انت لسه تفكر بالموضوع..؟

قآطعه ببتسآمه وهو يقول : مرآهقه ياخوي مراهقه ...البنت الله يوفقهآ بحياتهآ ..الموضوع ما عاد يعني لي شي ..!

زفر برآحه وقال : عاد هذاك اليوم بغيت تحرق الدنيا علينا ..تبي تعرس عليهآ ...شلون تفكر وقتهآ الله واعلم ..!

ضحك بخفه وقال : الله يعين .

وقف وبتعد عنه بعد ما تطمن عليه : يلآ الحين اتركك ..<<نآظره وبرجآ قال >>رويد اذا تحبني يا خوي انتبه لي نفسك .

هز رآسه بهدوء من غير ما يقول شي ...هو ما يدري وش فيك عشآن يقول لي أخوه ...زفر بتعب وكل همه يرتآح ..!


.♪
.♪
.♪


ابتسمت وهي تفتح البآب ...طآحت نظرآتهآ على ابوهآ ألي ينآظرهآ ...ابتسمت بتوتر وهي تقول : تفضل يبه .

دخل من غير ما يقول لهآ شي ...سكرت البآب ونآظرت تؤامهآ ألي تنآظر في أبوهآ بهدوء ...رفع حآجبه ونآظرهم وهو يقول : وين امكم ..؟

منار بلعت ريقهآ وبهمس قالت : طلعت ..!

ضيق عيونه فيهآ : وين .؟

نآظرت أختهآ لي قالت بسرعه : بيت ابو مازن ..!

جلس على الكنبة وبحده قال : وش عندهآ ..!!

ميار هزت كتفهآ من غير ما تقول شي ..مدت يدهآ ولمت كتبهآ ألي منتثرة بالأرض ...وقفت وتحركت لي غرفتهم .
قربت منه بتوتر وهي تقول : يبه تبغى شي مني ..!

نآظر فيهآ لي فترة وبعدهآ وقف ...تحرك بخطوآت وطلع من غير ما يقول شي ..؟

غمضت عيونهآ وقت ما تسكر الباب بقوة ...وهو وش فيه ..وش يبغى من أمهآ ..!
هزت رآسهآ وتحركت لي غرفتهم ..دخلت وطآحت نظرآتهآ على شوق ألي نايمه بهدوء و ميار ألي تناظر الكتاب ألي بيدهآ.

قربت من اختهآ بهدوء ..رفعت ميار رآسهآ وهي تقول : راح ..؟

هزت منار رآسهآ بنفس الهدوء وهي تقول : ايوه ..!

تحركت بانزعاج وهي تسمع همس قريب منهآ ..رفعت رآسهآ من المخده وبصوت كسول قالت : وش فيكم..!

منار ابتسمت : ما في شي ..!

ميار زمت شفآيفهآ ورجعت للكتاب ألي بيدهآ تقراء فيه من غير ما تقول شي ..,,,هي تحس أنهآ غير عنهم ..!

بالاساس ما تحب أبوهآ ولا تكن له مشآعر مثل منار ..!!
هي غير بشخصيتهآ ,,,يمكن ما تحب تبين كرههآ له .!
بس فس شي دآخلهآ رافض يتقبله ..؟!!

يمكن قسوته وجفاه السبب ...أو يمكن من كثر ما تسمع من صديقآتهآ عن مدحهم في ابوهم ...!؟
تحس نفسهآ تنفر منه ...بس كله هذا مو أكثر من الوجع ألي يقطعهآ حيييل ..؟؟!
الوجع المزروع دآخلهآ ..كل يوم يكبر أكثر وأكثر ..!!

ميلت شوق رآسهآ وشدت اللحاف لهآ ...مدت يدهآ وسحبت جوآلهآ ألي يرن ...ضيقت عيونهآ أكثر وهي تقول : ابوي ..!

رفعت ميار رآسهآ وهي تقول : وش ..؟

نآظرتهآ شوق ورجعت نظرآتهآ على جوآلهآ وهي تعدل نفسهآ : اقولك ابوي ..!!

تقدمت منار وجلست على طرف السرير وباستغراب قالت : يا ترا وش فيه ...توه طالع من عندنا ..؟ ردي وشوفي وش يبغى ..!!

ضغطت الزر الاخضر بأناملها...رفعت الجوآل لي اذنهآ وهي تقول بتوتر : هلا يبه ...<<نزلت رآسهآ بهدوء وهي تهمس >> ..طيب ...مع السلامه ..!

نآظرت ميار اختهآ وهي عاقده حوآجبهآ : وش يبغى ..؟

بعدت اللحاف عنهآ ونزلت رجولهآ ...مدت منار يدهآ ومسكتهآ من كفهآ وهي تقول : شوق وش يبغى ابوي ..!

بللت شفآيفهآ وبهمس قالت : قالي انزلي نظفي لي البيت..!؟

صرخت ميار وبقهر قالت : نعم ..! .ليكون راح تنزلي.

وقفت من غير ما ترد على اختها ...سحبت الفوطة بتروح الحمام (أكرمكم الله ).

نآظرت ميار تؤامها وقالت بعصبيه : اختك من جدهآ ..بتروح تنظف لي غاده خانوم بيتهآ ..!

زفرت منار من غير ما تقول شي ...هي تدري بأختها راح تسوي ألي يريحها ..!!
تدري ان شوق رغم انها تكتم وتنفجر مره وحده ...بس في شي دآخلهآ حنون ...فيهآ صفه مستحيل تغيرهآ ..مهما انجرحت مستحيل تشيل على احد او تحقد عليه ..عكس ميار ..؟

وقفت ميار ورمت الكتاب من يدهآ وهي تصرخ : عيشه تقصر العمر .<<طلعت من الغرفة بعصبيه وسكرت الباب وراهآ بقوة ..!

.♪
.♪
.♪


الساعة 8 بالليل ...!


وقف سيآرته بنهآية الحارة ..نزل وسكرهآ ,,,تحرك بخطوآت سريعه وهو ينآظر كل مكآن ...رغم ضيق الحارة وازدحامها بالبيوت ,,,يحس بالرآحه فيهآ ..!
ابتسم وهو يشوف الاطفال يلعبون كوره ...أصوآتهم وصرآخهم يذكره بأشياء كثيرة ...ضحك وهو يتذكر ...؟

ايآم ما كآن يهرب من المدرسة ويجي لي نفس
المكآن ...!!

كان يضيق خلقه اذا رجع قصرهم ..رغم انهم عايشين اقل منه ...لكن يحس بسعادتهم اكثر منه ...؟
تقدم لي بيت صديقه ..رفع يده ودق الباب الحديد ألي يحس انه بيطيح اذا طول بالدق اكثر...!
صد وعيونه على المارة ...هو ما يحسدهم ...بس يتمنى يكون مثلهم ..يمكن يحس السعادة والجو الاسري ألي فاقده ..؟!!

ابتسم وقت ما طلع له "عبادي ": سلام.

عبادي ابتسم : وعليكم والسلام ...اشوفك مشرفنا ..؟

رويد بمرح : ما ادري ليش احب بيتكم ..!

رفع عبادي حآجبة وقال بسخرية : الحين تحب هالبيت المكسر اكثر من القصر..!

دفعه بيده ودخل الحوش وهو يقول : اقول اسكت بس وشوف لي طريق بتعشي عندكم ..!؟
ابتسم وهو يقول : تفضل وانت ساكت .

مشى رويد بتجاه المجلس ألي يدله من كثر ما يجي هنا ...دخل بخطوآت هاديه وعيونه على المكآن ...انحى بهدوء وجلس وهو يقول : ما جاك هادي .

جلس جنبة عبادي وهو يقول : لا ماجا .

تعدل في جلسته وابتسم وهو يسولف له ..ما حسوا ألا على دخلت "علي " وهو يقول : السلام عليكم .
ابتسم عبادي ووقف يسلم : هلا والله علي .

مد علي يده وصآفح رويد ألي جالس : هلا فيك.

نآظره عبادي باستغراب وهو يقول : علي وش فيك.

جلس وبهم قال : اوففف تعبت من هذي السيارة كل يوم خربآنه ..!

عقد رويد حوآجبة وبضيق قال : ليش وش فيهآ.

نآظره علي لـ ثوآني ورجع يقول : خربت على بالطريق ..وقفت تاكسي لين بكرة وبشوف لي حل ..!
رفع يده ومررهآ على صدرة يحس بحرقة دآخله ..اطرآفه مشتعلة فيهآ نآر ... غمض عيونه بقوه و استغفر ربه ،، ما يدري وش يصير فيه ..فتح عيونه وهمس بتعب : الله يعينك.

زفر علي وهو يقول : آمييين .

وقف عبادي وابتسامة قال : بروح شوي وبرجع .

علي : خذ راحتك .

طلع عبادي بخطوآت متوآزنه تاريكهم لي حالهم ...صد علي بتجاه رويد وبحماس قال : رويد شفت سيارة سامي ألي شراهآ قبل شهرين .

هز رويد رآسه "نعم" من غير ما يقول شي ..ما يبغى احد يحس بتعبه يكفىألي يحس فيه الحين ..!!
كمل علي بنفس الحماس : راح يبيعها والله ودي اشتريها احسن من الخايسة ألي معي كل يوم خربآنه .

تكلم وهو يحآول قدر الامكان يتكلم طبيعي : طيب كلمة وشترهآ.

نآظر علي في رويد وبعدهآ صد وهو يقول : الحين انا مو قادر أصرف على نفسي عشان اشتري سيارة بذيك القيمة ...<<نآظر رويد بطرف عينه وكمل كلامه >> ..ما عادي ألي عندك ..الله يعطينا ..؟!

حس نفسه مو قآدر يتحمل أكثر ..وقف بتعب وهو يقول : أنا طالع اذا سئل عني عبادي قول له طلع .

تحرك بخطوآت سريعه للخارج وه يضغط على صدرة ..يبغى هوآ ..يبغى يتنفس..!
يحس انه مخنوق ..ونآر تأكله من دآخل ..؟!

عقد علي حوآجبه بستغراب وهو يقول : هذا وش فيه ..!

.♪
.♪
.♪


تــــــآبع..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 115
قديم(ـة) 03-03-2013, 06:27 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ




صبآح الاحد ..!

بأحد مدآرس الرياض ...!!


صآر لهآ فترة تمشى مع شلة فوز .."سماح " صديقتهآ ماخذه على خاطرهآ منهآ ...هي ما سوت شي ..؟!
كل ألي سوته انها مشت مع فوز..؟!

وش فيهآ البنت ,,, تحس بالتنآقض من كلام البنات عنهآ...!!
هي لين الحين ما شافت عليهآ شي ...؟!!
عشان تبتعد عنهآ ..!

تنهدت بتعب وهي تشوف سماح مع البنات تتكلم معهم..الســآحه كبيرة والبنآت منتشرين فيهآ ..نآظرت البنات ألي يلعبون ولي يسولفون ..الحين وقت فسحه ...وكل البنات برا الفصل ..؟

صدت على صوت فوز ألي جلست جنبهآ وبدلع قالت : فجر وش تسوي لي وحدك ..!

مدت يدهآ ورفعت خصلات من شعرهآ مرجعتهآ وراء اذنهآ : ابد ما فيني شي.

وقفت وسحبت فجر من يدهآ وبحماس قالت : تعالي عند البنات ..!!

راحت معهآ بكل هدوء ..جلست فوزوجلست جنبهآ فجر ..نآظرتهم وحده من الشلة وهي تقول : فجر تجي عندي بكرة ..!!

عقدت حوآجبهآ باستغراب ..بكرة ليش وش عندهم بوسط الاسبوع ..؟

هي ما تطلع من البيت طول الاسبوع ..ومستحيل امهآ تخليهآ تطلع ..!

ابتسمت بهدوء وهي تقول : معليش ما اقدر.

صرخت البنت بغنج وهي تقول : ليش ..؟

نآظرتهآ فجر وهي تقول : اهلي ما يرضون ..!

همست وحده من البنات بكل غرور ..وصل همسهآ لي مسامع فجر : صدق تخلف ..!

تضايقت فجر بس ما بينت ..ما ترضى احد يغلط على اهلهآ مين ما كآن ..!

غيرت فوز الموضوع وبوقاحه قالت : اقول فجر ...مين ألي فتح لي الباب يوم ما جيت عندكم البيت .
تكملت ببراءة : هذا فهد ولد عمي ..!
صرخت فوز بنفس الوقاحه : يجننن ..عاد انا من جد كنت بروح فيهآ ..!

تكملت وحده من البنات وهي تقول بغمزة لي فوز ما فهمتهآ فجر : احسن من مراد ..!
تكلمت فوز بدلع : بكثييير ..يمه لو شفتيه ..!
ردت البنت تكلم فجر : فجر بكرة جيبي صورته تكفين ..<<غمزت لهآ وهي تقول >> يمكن يعجبني واشبك معه ..؟!

عقدت حوآجبهآ بضيق من كلامهم ...هم ما يعرفون فهد ولا شخصيته ...والله لو يسمع كلامهم لا يذبحهم ,,تكلمت ببراءة وعيونهآ عليهم : بس ما معي صورة له.

تكملت وحده منهم : الحين انتي ليش عايشة عندهم ..!

انصدمت من سؤآلهآ ..ما عرفت وش ترد عليهم ..تحس بالدم تجمع بوجههآ ..وغصه خنقتهآ ..حآولت تمسك نفسهآ عشان ما يضحكوا عليهآ وقالت : عشان امي وابوي توفوا .

ردت البنت من غير مبالة وهي تقول : الله يرحمهم ..ويعني انتي عايشة مع ولد عمك واهله .

نزلت رآسهآ وفركت يدهآ وبنفس الصوت قآلت :ايه .!

تكلمت فوز وهي تقول : وعادي تجلسي مع فهد ..؟

رفعت رآسهآ باستغراب من سؤالها : ايوه ..اصلا فهد اخوي .

نآظروا بعض وقالت فوز : كيف يعني اخوك ..مو انتي تقولي ولد عمك ..!

بلعت ريقهآ وبضيق قالت : ايوه ولد عمي بس تربيت معه وصار أخوي ..!

غمزت وحده منهم بوقاحه لي فجر وهي تقول : علينا ها لكلام ..؟!
وقفت وقالت بصوت هادي : بروح الحمام (اكرمكم الله)

ابتعدت عنهم وصوت فوز وهي تتكلم وتمدح ولد عمهآ " فهد" يرن بأذنهآ ...ضايقوهآ بكلامهم ..وحركآتهم ..تحس نفسهآ ما تقدر تتأقلم معهم ..!

.♪
.♪
.♪

الساعة 8 بالليل ..!

أكرهُ تلك الحواجز الفاصلة مابيننا.....!



حركت عدسة عيونهآ بكل مكآن ..مو قآدرة تستوعب أنهآ رجعت لي نفس المكآن ألي تركته من سنتين ..؟!

تحركت بالصآلةالي كرهتهآ حييييييل ..نفس ما هو المكآن ما تغير حتى الاثآث نفسه ...؟!!
يعيد لهآ ذكرياتهآ الحزينه ..!!
هي ما تبغى هالمكآن ألي كرهته حيييل ...ما تبغى تعيش فيه ويتجدد ما ضيهآ ..ويعود الحال كما كان..!!

اووول مرة ,,,,بحيآتهآ ودهآ تشعل النار بهالمكان بضبط ...!
تبغى تمحي كل ألي صآر معه ...بروده جفاه وقسوته ...تمحي كل الحزن لا على وعسى ترتسم السعادة بطريقهآ...؟!!

دخل بخطوآت هادية بعد ما دخلوآ الخدم الشنط ,,,طآحت نظرآته عليهآ وهو يشوفهآ ,,,لسة لابسة عبايتها ...بس ثبتت خطواته مكانه لما شافها بهالحال ...!
خصلات من شعرهآ الحرير منسدلة بنعومة على جبينهآ ...شفآيفهآ تتحرك بهمس موقآدر يفهم وش تقول ...؟

لمعت عينه و حس بنبضه يتسارع بدون وعي ..لما صدت و طآحت عيونهآ بعيونه .!!
ويييين مخبيه عنه كل هالحــلآآآ ؟!!!
ليش الحيييين تكون قدآمه احلى خلق الله ...؟!!
ليش يحس بشعور غريب وانجذاب ...هي ما كانت كذآ من قبل ..؟

كآآنت بنظره وحده عادية ,,,ما كان يحس بلي يحسه الحييين ...؟!!
وش فيه ...ليكون الشوق مأثر فيه حييييييل ..!!
غمض عيونه لـ ثوآني وفتحهآ ...زفروهو يتقدم بخطوآت هادية لين صآر قبآلهآ ..نآظر ملامحهآ ألي فتنته أول ما شافهآ من بعد غياب ..!!

دقق بتفآصيلهآ أكثر ...وده يلمهآ لي صدرة ويطفى نآر شوقة ...وده يغرق في بحرهآ ويعبر لهآ وشلون تعذب بغيآبهآ عنه ..!
دق قلبهآ بتوتر من قربة ... قلبها صار يخفق برعب و هي ناوية تتركه ..بس في سؤال ودهآ تقوله ...تظآهرت

ببرود وهي تقول : ليش ما غيرت الاثاث على الاقل ..!

ضيق عيونه اكثر وسؤالهآ يرن بأذنه ..هي وش تقول ,,,ما تدري أنه فيه ريحتهآ ...بكل زاوية وبكل ركن ..ما تدري انه يعشق هالأثاث لي أن لهآ لمسة بكل مكآن ...!!

يكذب لو يقول أنه ما كان بيغيره ...بس ما قدر لي انه كآن جزء منهآ..؟
بس الحين هي عنده لو تطلب يغير الفله كلهآ غيرهآ..!!

تجاهل سؤالها وهو يقول : جوعانة ..!

غمضت عيونهآ وبعدهآ فتحتهآ ...هي تدري انه نفس ما هو ما تغير ..قالت بنفس النبرة بعد ما رمشت : لا .!

تحركت بخطوآت هادية لغرفة النوم ألي حافظه كل جزء منهآ من كثر ما تجلس فيهآ ...دخلت بنفس الخطوآت ..تقدمت لي سرير النوم وفسخت عبآيتهآ ورمتهآ علية ...!!
تحركت بخطوآت متوترة بالغرفة ..؟

غمضت عيونهآ و هي وآقفه بوسط الغرفة و آخذت شهيـق طويل ،، تبعته بـ زفير آطول و هي تحس انها احسن ..!!

اتخذت خطوه وبعدهآ صدت بتجاه السرير عاطيه الباب ظهرهآ من التوتر ..بس لازم تقول له من الحين ..هي عآرفة وش رآح تسوي بس لازم تفهمه كل شي ...لفت بتطلع له بس صدمهآ وجوده ...تنهدت بصوت مسموع وجلست على طرف السرير وهي تقول : ابغى اقول لك شي ..؟
نآظرهآ وهو يقول : امري ..!!

رفعت عيونهآ له وبكل برود تكلمت : اسمع فيصل ...أنا راح اكون لك الزوجة ألي تهتم في زوجة وبعطيك حقوقك كآملة ومآراح اقصر معك ياولد الناس...بس في شي واحد ما راح تأخذه مني ..!

عقد حوآجبة ودقآت قلبة تتسارع ..حرك شفآيفه وهو يقول : وش هو..!

رفعت يدهآ وآشرت على قلبهآ وهي تكمل كلامهآ :هذا ما راح اعطيك هو ...تدري ليش <<ابتسمت بسخرية وهي تكمل >> لي انه عآفك ..كرهك ,,وشايل عليك كثثيييير ...تدري ليش ,,لي انك اوجعته حيييل ...زرعت مكآن الحب كرهه وزرعت مكآن السعادة تعاسة ... ما راح اعطيك هو يا فيصل ..يكفى الوجع ألي اوجعته ..؟

نآظر فيهآ لـ ثوآني من غير ما يقول شي ...!!
وكـأن حد كب عليه موية بـآردة ،،
حس جسمه كله انتفض ..

شعُووور كريــه حييييــل ،، صرحت له بكل وضوح ..هي ما رآح تحرمة من حقوقة بس كآرهته وعافته ...!!
كآن مذهُوووول من طريقة كلآمهآ ، مو مصدق ,,هو يعرف أنه بيتعذب معاها بس تصريحهآ كان قوي ...!

قال بقهر وآضح .. لكن بنفس اسلوبه الهـآدي ألي حاول يتخذه من اليوم ورايح : خذي راحتك .
تحرك بخطوآت وآسعه بتجاه الحمام (أكرمكم الله)..دخل وسكر الباب وراه ..جلست على طرف السرير بتعب ..كلامهآ كان قوي ...بس هذا ألي تحسه الحين ..

تبغى تطفي النآر ألي دآخلهآ ..؟
لي انهآ للحين مآ تشـآفت من أول جرح ،
للحين مـآ نست ..
للحين قلبها يعُورهـآ,,,تحس بشعور غريب ,,وكأنهآ لسه غرقآنه بالموج ..ما تدري متى بتنقذ حآلهآ منه ..!!
بس ألي عــآرفته ومتأكده منه ,,,أنهآ ما تبغاه ما عاد يعني لهآ شي ..؟!!

.♪
.♪
.♪


بنفس التوقيت ...!

نآظرت فيه لي فترة مو عآرفة وش تقول ...كل شي حوآلهآ يخنقهآآ..!!

هي تدري انه بيضغط عليهآ ..بس ما تبغى هالشي منه ..تبغى صرآحته وصدقه ..همست بتوتر أكثر : ما ادري..!

ضيق عيونه فيهآ وهو يقول : وشلون ما تدرين ..!!

فركت يدهآ بتوتر وبصرآحه : فهد أنا ما ابغى اتزوج ..؟

نآظر فيهآ وهو عآرف أنهآ بتقول له كذآ ...عآرف أنهآ بترفض ...بس لازم يجبرهآ بطريقته ألي تكرهآ...صرخ فيهآ وهو يقول بعصبيه ,,,كلام فآجئهاآ:........



بحفِظْ الرَحمَنْ
:
:
عٌطَنيِ الٌأماًنَ



سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَات




تعديل عطني الأمان بحياتك; بتاريخ 03-03-2013 الساعة 09:06 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 116
قديم(ـة) 04-03-2013, 12:28 AM
صورة جنون احساسسي الرمزية
جنون احساسسي جنون احساسسي غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


باارت خطيير

متى موعد نزول البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 117
قديم(ـة) 04-03-2013, 03:29 PM
صورة أمــــل الرمزية
أمــــل أمــــل غير متصل
خسَرتْ أغّلَى سنِيّنْ العُمر أدَورّ بَعضِي المَفقُود
 
الافتراضي رد: روايتي الثالثة : على رصيفَ الثرثرةَ


مسائك جنائن الورد
يعطيك العافيه ثرثره هاديه

فهد
سبب كرهك لاختك مره محيرني عجزت لا الاقي له تفسير ماهو بدر منها تبقى اختك
بس كرهك لها مخليك تغصبها على الزواج عشان تبعد عنك
وجودها مره موترك ومسبب لك ضيقه
فما قدامك الا الغصب
من كلامك وانفجرك عليها بنعرف سبب الكره هذا


جاسم
بالفعل الواحد يكره الحريم بسبب زوجته فإذا كانت ماتهتم فيه ولا تحبه بيعتقد ان كل الحريم زيها وإذا كان العكس بيعتقد العكس
وهو زوجته عله وكرهت في جنس حواء
ماتدري يمكن خيره زواجك من مسك وتشوف الفرق
هي بعد مو متقبله انها تتزوج مره ثانيه بس اذا شافت تعاملك معها وطيبة قلبك راح تحبك اكثر من زوجها اللي مات

فيصل و نغم
وش متوقع تأخذك بالأحضان مثلا وتقول لك اشتقت لك
لاتنسى انك جرحتها قبل ولا داويت جروحها
فتحمل اللي بيجيبك منها
تعتقد انك اذا عاملتها بنفس معاملتها لك بتتأثر ابد ولا عندها لانها عارفه ان هذا هو طبعك
انت حتى ماكلفت نفسك تعتذر عن اللي صار معكم قبل
ولا تبين لها انك تحبها ومشتاق لها ماغير بس تثرثر لنفسك
الحين خلى ثرثرتك تنفعك

شوق
لا يكون أبوك كان جاي يبي امك تنظف لعله زوجته ولما عرف انها موب موجوده طلب منك انت صدق رجال ذا ماعنده ذرة احساس
وطبيعي اللي تحسه منار تجاهه
ماشافت منه اي حب او اهتمام

فجر
عساك عرفتي مادى تفاهة فوز وتلحقين عمرك وتتركينهم
وشلون هانت عليك صديقة عمرك تتخيلين عنها عشان شله فاسده زي فوز وصديقاتها
بس انت صغيره ومحتاجه لاحد يوجهك للصواب وللغلط

دمتي مبدعه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 118
قديم(ـة) 04-03-2013, 04:46 PM
صورة copy twins الرمزية
copy twins copy twins غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


موووقفه شكلها تحفه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 119
قديم(ـة) 04-03-2013, 07:53 PM
صورة Enas96 الرمزية
Enas96 Enas96 غير متصل
©؛°¨غرامي جديد¨°؛©
 
الافتراضي رد: روايتي الثالثة : على رصيفَ الثرثرةَ


مشكورة عالبارت يجنن
الله يعطيك العافيه *_*

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 120
قديم(ـة) 04-03-2013, 10:17 PM
البنت الوحيده البنت الوحيده غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


الله يعيطك الف عافيه ع البااارت

يسلمووووووووووا

روايتي الثالثة : على رصيفَ الثرثرةَ

الوسوم
..بقلمي , الثآلثة , الثرثرةَ , رصيفَ , روآيتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : فديت جناني إذا كان بمزاجي وعنادي/ كاملة حايستهم روايات كامله - يتم نقل الرواية هنا بعد اكتمالها 1381 13-08-2019 06:05 AM
روايتي الثالثة : أنا لامن نويت أعشق أعشقك لو تروح أميال لكن لا نويت الصد صدقني لو إنك بحضني تتعب ما تلاقيني / كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1543 06-04-2019 09:06 PM
روايتي الثالثة : أحب أعشق و أحب أخون و أحب ألعب على الحبلين , كامله متلثمهـ بشماغ أخوي روايات كامله - يتم نقل الرواية هنا بعد اكتمالها 453 07-12-2014 03:05 PM
روايتي الثالثة : شتاء لا يقتل الزهور شمس ورى الغيم أرشيف الروايات المغلقة - لعدم إكتمالها 51 22-12-2012 02:17 AM
روايتي الثالثة : و اللي يسلمكم كافي ذل و إهانة مشاعل وكلي مشاعر ارشيف غرام 1 17-03-2011 03:26 AM

الساعة الآن +3: 03:17 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1