غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 141
قديم(ـة) 19-03-2013, 10:29 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


شوي وبينزل البارت

مع كل الآمنيات بقرأه ممتعه



.
.
.




لااله الاالله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 142
قديم(ـة) 19-03-2013, 10:39 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ





صبآحكم / مساؤكم
نسمآت من الإيمآن تتخلل أروآحكم الطيبة



على رصيفَ الثرثرةَ : موعدُ بدون لقاءَ \ عٌطَنيِ الٌأماًنَ
.♪
.♪
.♪

♬ ♪ الثرثرةَ آلــثــآمنــهٌ ♬ ♪


.♪
.♪
.♪

لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليــق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...

للرآئع :بدر بن عبد المحسن ..



الاربعاء ....!


نافخت بحدة وهي تتحرك بسرعة لـ ناحية المرايا ...نآظرت شكلهآ لي فترة ...!!
هي مو عآرف وش تسوى تحس نفسهآ دآخله أختبار ..هذا وهي رافضه الزواج بكبرة ...!!
رفعت يدهآ وثبتتهآ على صدرهآ تهدي دقات قلبهآ المتوآصله ...!!!

هي خلاص رضت بالوآقع ..اليوم راح يتحدد مصيرهآ .. غمضت عيونها وهي تبي تنهي هالموضوع ..تبي تصرخ بصوت عآلي وتقول " ما ابغى هالزواج " لكنها ما قدرت ,,,, فتحت عيونها و هي تعدل ملابسها المتكونة من قميص رصاصي بخطوط أحمر وتنورة قصيره للركبة رصاصي اغمق ...؟
نآظرت شكلهآ لـ ثوآني ..تحس بضيق هي مو متعوده تبالغ في شكلهآ ...بس "رنا " اصرت عليهآ تلبس الطقم ألي طلعته لهآ ...!!

دققت أكثر في تفآصيل وجههآ وشكلهآ .. وهي تشوف نفسها لأخر مرة ؛ بدون وعي لمعت عينها بحماس وهي تشوف شكلها الجذاب ..!
اوووول مرة .. بحياتها كلها تتزيين عشآن يشوفهآ الطرف الاخر بزينتهآ ...؟!!

هي ما تحب المبالغه في اللبس ولا المكياج ..هي تحب النعومة ...تحب الطبيعة أكثر من مستحضرات التجميل ...!!
سمعت صوت باب غرفتهآ ينفتح ..صدت وطآحت نظرآتهآ على رنا ألي تقول : مسك شكلك يجنن ..!
ابتسمت لهآ بحزن وهي تقول : صدق ..!

قربت منهآ وهي مبهورة بأختهآ ..تدري ان أختهآ حلوة بس ما تحب تظهر جمالهآ ..تكتفي بالقليل ما تحب تبالغ اكثر ...مدت يدهآ ورجعت بعض خصلات شعر أختهآ لي ورا وهي تغمز : اموت بالأحمر ..!
دفتهآ بخفه وهي تقول : ابعدي بس ..؟

ابتسمت رنا بحزن على حآل أختهآ ..رغم أنهآ عارف موافقتهآ غصب عنهآ ..بس ما تدري ليش تحس أن هذا احسن شي ...لين متى "مسك" راح تعيش نفسهآ بالظلام وترفض النور ...؟!!

يكفيهآ سنين التعب والحزن ...لازم تشوف مستقبلهآ وحيآتهآ ..يمكن "جاسم " يكون مصدر السعاده لهآ ..!!
ضربت على جبهتها وهي تقول : اوفف منك نسيتيني ..امي تقول يلآ الناس لهم فترة تحت يبغوا يشوفوك ..!

ردت بسرعه من دوون شعور : الحيين إلي يسمعك يقول ما يعرفوني ..!
سكتت فأجئه ؟! .. رجف قلبها و هي تحط يدها على صدرها ، يممممه لااء ..
يعني الحين هي بتصير لهم للمرة الثآنية ...يعني هـــي...لالالا !!

ما تبغى هالشي ..خلاص ما تبغى ..هــي ..؟!!

تحس نفسهآ بموقف صعب ...هم يعرفوا بكل إلي صآر ..مو ولدهم إلي كانت متزوجته قبل ...؟
بلعت ريقهآ وعيونهآ تتحرك على ملامح رنآ ومن غير شعور قالت : رنـ ـ ـآ أنــ ـ ـآ مـ ـ ـاقـ ـ در ..!

رفعت رنا يدهآ ومسكت يد مسك وشدتهآ وهي تمشي وتسحب مسك وراهآ وهي تقول : مسك بلآ جنان ..!!

حآولت تسحب يدهآ بس رنا شدت عليهآ وسحبتهآ معهآ لي تحت ..ما حست على نفسهآ ألا وهي بين نفس الاشخآص إلي قابلتهم بنفس الطريقه من سنتين واكثر ..!!

سمعت صوت جدته وأم فارس إلي تقول بكل حب : ما شاء الله ما شاء الله ...الله يحفظك يا بنتي ..!!

رفـعت عيونها لهم وهي ترتجـف من الدآخل ،،
كل خليه بجسـمها صآرت ترتعـش ،

تقدمت لهم بخطوآت هادية سلمت عليهم ...وتحركت بنفس الخطوآت وجلست على كنبة منفردة ..رفعت عيونهآ على اسيل إلي قالت : شخبارك مسك.

ابتسمت بهدوء وهي ترد : الحمد الله وانتي ..

اسيل بصت هادي : الحمدالله .

هزة رآسهآ وسكتت ...تحس مكآنهآ غلط بينهم ..هي ما عاد تبغى هالزواج ..خلاص ما تبغى ..!!
هي تبغى تنسى ألي صآر ...!!

ما تدري ليش بوجودهم تتذكر كل شي ..؟؟
صحت من سرحآنهآ على صوت أم فارس ألي تقول بحنان : وين أولاد الغالي ..!!

سكتت مسك وعيونهآ على ملامح ام فارس ..هذا الانسانه هي أكثر وحده فرحة بحملها ..هي إلي قالت لهم كل شي..؟؟
ملامحهآ تذكرهآ بفارس ؟؟

كل شي فيهآ يذكرهآ فيه ..كلامهآ وحنانهآ تفآصيل وجههآ ..كل شي فيهآ يذكرهآ فيه !!
هو غاب عنهآ بس لين الحين صورته محفوره بقلبهآ !!!

زفرت وهي تقول بحزن : عند جدهم بالمجلس ..؟

تمتمت ام فارس بحب : الله يحفظهم ويحميهم .

ابتسمت بحنان : آمييين..

.♪
.♪
.♪


بنفس التوقيت ...!


نآظرت أختهآ بقهر ..تحس نفسهآ مقهورة ..لين الحيين مو مستوعبه ..!!
زوجهآ بيعرس عليهآآ ؟؟

ليش يعرس عليهآآ...اصلا وين بيلقى مثل جمالهآ..!!
الكل يمدح جمآلهآ..بس إلي حآرقهآ أكثر ؟!!

مييين هذي الحقيرة إلي بتأخذ زوجهآ ؟؟!
كل تفكيرهآ بالبنت إلي بيأخذهآ...هو ما قال لهآ مييين كل إلي قاله أنه بيخطب وبيتزوج ...!!

صرخت فيهآ أختهآ وهي تقول : نورة اجلسي تراك صدعتي راسي ..!

زمت على شفايفها بقهر و تحركت بخطوات عصبية ناحية الكنبة : نعم ..وش عندك بعد.!

تأففت بضيق وهي تقول : ما عندي شي ..بس فكري بعقل ياغبية .

نآظرتهآ وبكل قهر قالت : وش تبغيني اسوي ...كل إلي كنتي تقولي لي عنه اسويه ...نورة لا تعطية وجهه لا يلصق فيك ...نورة ما عليك منه المهم نفسك ...نورة لا تحملي جسمك يخرب ..نورة ونورة,,,وفي الاخير شوفي وش صآر بعد نصايحك الزينة ..هذاك هو بيخطب ويعرس وانا أموت بحسرتي ..!!

رمت المجلة إلي كانت بيدهآ على الطآولة الزجاجية وهي تقول : اسكتي بس ...لو ما كان عاجبك الكلام ما كان نفذتيه ...مو انتي تقولي ..أنك مرتآحه وهو بعيد عنك ,,,كل شي موفرة لك وعاطيك ...والحييين لما جاء بيعرس عرفتي قيمته ..؟

صرخت فيهآ بعصبية وهي ترص على اسنانهآ : مو هذي نصايحك يالعانس ...ولا ..لا ..!!
جرحتهآ الكلمة حييييل ...هي ما تنكر أنهآ عانس ولين الحييين ما جاء نصيبهآ..؟؟

هي حلوة بس ليش لين الحيييين ما جاء نصيبهآ...؟!
كل سنه تمر من عمرهآ تحس بالنقص ...الحييين بيسك عمرهآ 35 وهي عآنس ..!!

وقفت و عقدت حواجبها بعصبية : عانس يا نورة انا تتريقي علي وتقولي علي عانس ...الحين يا ست نورة الحقي على زوجك هذا أذا نآظر فيك بعد ما تجي الجديدة وتأخذ مكآنك ...هذا أذا لك مكآن بقلبة يا لحقودة ...!

وقفت نورة وبكل خوف قربت منهآ وهي تقول : سلمى اسفه ما كان قصدي ...بس أحس أني مقهورة ..وانتي راعي مشآعري شوي .

نآظرت فيهآ سلمى بسخرية وهي تقول : وش تبغيني اسوي لك .

نورة بتوتر : شوري علي وش اسوي .

نآظرت فيهآ لـ ثوآني وبعدهآ جلست وهي ترفع رجل على الثآنية : اسمعي دآمه خطب ما راح تغيري شي ...بس كوني له إلي يبي .

نورة بكبريآء : لالا ..وش تبغية يقول ..لما خطبت وبعرس ..

قآطعتهآ وهي تقول : يا غبية ...انتي وش فيك ما تفكري ...اتركي عنك الغرور والكبر الحين ..وفكري بلآ غباء ...الحين بتجيك بنت ابليس وتأخذه منك .!

نآظرت فيهآ وهي تقول بتفكير : يعني ارجعه لي .!

هزة رآسهآ لهآ "بنعم " من غير ما تقول شي ..وهي تفكر في حآل أختهآ إلي تقدر تلعب عليهآ بسرعة ...!!
تدري ان اختهآ مغرورة ومتكبرة ..واي شي تبغاه يصير ؟؟

بس مو هي إلي رآح تسكت لهآ ..عن شي !! لين الحيين شآيله عليهآ بقلبهآ ؟
ولين الحييين ما راح تنسى إلي سوته لهآ من زمآن ...لين الحين تحس بالكره اتجاهها...؟!!

تبغى تنتقم منهآ ...وتذوقهآ نفس الكأس بس بطريقة ثآنية...!!
ضحكت دآخلهآ وهي تفكر ..لين الحين ما شفتي شي يا نورة ..!؟؟


.♪
.♪
.♪


الساعة 10 بالليل ...!!


جلس على جنب و هو يستند على الخدايات بارتياح ...اليوم كآن طويل عليه ...الحييين يبغي بس الرآحه ...وده ينآم بعمق ..!!

من غير ما يزعجه أحد ,,, بس ,,,لحظه تذكر شي ...!!
من غير شعور نقل نظره لي جوآلة ... الي حاطه على الصامت ...ليش لين الحين عنده شعور انهآ تحس فيه ..؟؟

هز رآسه بسخرية من تفكيرة الغبي !؟
هي من متى مهتمه فيه اصلآ...!!

حتى يوم قآل لهآ انه بيخطب حس بالصدمه بملامحهآ بس تكلمت معه ببرود من غير ما تناقشه ..وكل إلي قالته جمله وحده " ابغى بيت اهلي ".
من امس يفكر في أنسانه هو ما يعني لهآ شي ...؟؟!

سمع صوت دق الباب ...عدل جلسته وهو يقول : تفضل .؟

طلت برآسهآ وهي تقول : ممكن ..!

ابتسم لهآ بتعب وهو يقول : اكيد ممكن ..؟

دخلت بهدوء وعيونهآ على ملامحه ...التعب باين عليه والارهآق ...اليوم بس حست أن قرار زواجة من الثآنية قرآر سليم ..!!

جلست قربه وبمرح قالت : وش اخبارك ..!

نآظر فيهآ وهو داري وش قصدهآ : تمام.

غمزة له بشقآوة : طيب وكيف شكلهآ عجبتك.

تنهد بضيق وهو يتذكر اصرار عمه عشان ينظرهآ...هو اصلا ما فكر في النظر ولا حتى بموعد الملكه ..!!
عمه ابو فارس هو إلي اتفق معهم على كل شي ..؟!

تنهد بضيق وهو يتذكر ملامحهآ الجميلة ...هو ما ينكر أنهآ حلوة ...حتى نورة حلوة ..؟!!
بس لييين الحييين مو متقبلهآ ...اليوم تذكر فآرس..؟

شآف فآرس فيهآ...فآرس إلي كان يعشقهآ بجنون ..شافه فيهآ...مو مستوعب أنه بيأخذ زوجة وحبيبة أخوه ....هو ما يبغهآ ,,,,والله ما يبغهآ ,,,,بس هم مصرييين عليهآآ.!!

ليييش هي مو غيييييرهآ..!!
ليييش حبيبة اخوه وولد عمه ؟؟

همس بصوت هادي : عادية ..!!

نآظرت فيه بصدمة وهي تقول : جاسم من جد تتكلم ...والله البنت حلوة إلا تجننن..؟

ابتسم من دون نفس هو يقول : طيب نورة حلوة ..!!

نآظرت بعيونه هي تفكر بجملة ...ليكون قصده ..!!
لالالالا ...يممممه ..؟؟

مدت يدهآ مسكت كفه وهي تقول بجدية : جاسم وش فيك ..أنا حاسة فيك شي..!

نآظرهآ لـ ثوآني وصده عنهآ وهو يقول : ليييش هي مو غييرهآ ...ليش زوجة فآرس..؟

شدت على كفه وهو تقآطعه : وذا زوجة فآرس ...ترا فارس مات ..صآر له سنتين وعليهآ ...جاسم لا تظلم البنت ..!!

عقـد حوآجبه و صار يزفر بحرآره ...هو مآرآح يظلمهآ ..بس ما يبغهآ..؟!!
يدري وعنده آحسآس أنهآ لين الحين تحب ..إلا تموت على فآرس...!!
هو مو نآقص ...يكفى إلي عنده ..؟؟

اصلا هو ما يبغى الزوآآج بكبره ..لا يبغهآ هي ولا غيرهآآ ...نورة كرهته بالحريم ..؟
وقفت بعد ما حست بسرحآنه ..هو ما رد عليهآ ..بس مستحيييل جاسم يظلم احد ...ولد أخوهآ وتعرفه !!

قالت بهمس خافت : تصبح على خير..

هز رآسه لهآ من غير ما يقول شي ...وهي تحركت طآلعه من عنده وتآركته بتفكيرة ..!!



تــــــــــآبع..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 143
قديم(ـة) 19-03-2013, 10:46 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ





اليوم الثآني ...العصر...!!


نآظرت جوآلهآ وهي خآيفه ...؟!!
عضت على شفتهآ السفلية وهي متردده ..!!

طيب اذا دقت وش تقول لهم ؟؟
تحس نفسهآ بموقف صعب ...بس لازم تتصرف !!

ما رآح تسمح لي أحد يذل أمهآ ,,,حتى لو كان أبوهآ ..؟؟
نآظرت في الرقم إلي حفظته من كثر ما تعيده بس ما قدرت تضغط الاخضر..؟!!

اخذت نفس عميق وضغطت على الاخضر ...لازم تكون شوي جريئة ..!؟؟
انتظرت ثوآني وما جاهآ الرد ...ابعدت الجوآل عن أذنهآ ونآظرت فيه ..حركت اصبعهآ ورجعت دقت ..بس نفس الحآل ماحد شاله ..؟!

رمت الجوآل بعيد عنهآ بعصبيه وهي تفكر ..ما عندهآ إلا هالرقم لي خالهآ الكبير ...اما الباقي ما تعرف عنهم شي...لا ارقامهم ولا اشكالهم ..!

وقفت وطلعت بخطوآت سريعه لي برآ تساعد أمهآ بالبيت ...من غير ما تنتبه لي جوآلهآ ..!!
دخلت بنفس الخطوآت للمطبخ ...ابتسمت وعيونهآ على امهآ : اشم ريحه حلوه ..!

ابتسمت لهآ وهي تنحني وتفتح الفرن ..سحبت صحن الكيك وطلعته وهي تقول : الحين وش تشوفي..!
ضحكت وهي تقول بطفلة : الله هذا الكيك إلي احبة .؟
حطت قالب الكيك على الطاولة وهي تضحك : ايه هذا هو .

تقدمت شوق شوي لي دآخل وسندت حآلهآ على الدولاب وهي تقول : يمه .
رفعت رآسهآ نآظرتهآ ورجعت تكمل شغلهآ وهي تقول : هلا يمه ..

زمت شفآيفهآ شوي وبعدهآ قالت : ممممم..انتي عندك رقم ثاني لي خالي يوسف ولا مشاري..!
رفعت رآسهآ وهي عاقده حوآجبهآ : ليش وش تبغي فيهم ..!

تقدمت لهآ وهي تقول : لالا ما ابغى شي ..بس اسأل ..!
نآظرتهآ بجدية وهي تقول : شوق مو ملاحظه انك تتكلمي عن اخوالك كثير ها لأيام ..!

نآظرت بصحن الكيك وهي تقول : عادي وش فيهآ..مو هم أخوالي بس اسأل عنهم ..!
نزلت السكين من يدهآ وهي تقول : ايه اخوالك ما قلنا شي ...بس اذا حد يسأل منهم ..<<اخذت نفس وهي تكمل >> يمه كل واحد مشغل بحياته واولاده ...أخوالك صار لي منهم سنين ..ولا احد سأل عن اخته هي عايشة ولا ميته ..!!

نآظرت من غير ما تتكلم ...ليييش بتتصل فيهم وهم ما يسألوا عنهم ..!!

وش تبغى فيهم دامهم ما يسألوا عن أختهم الوحيده..بس؟!!

وش تسوي تبغى تطلع من سجن أبوهآ وذله ...؟

دخلوا التؤم وهم لا بسين عباياتهم ..صرخت ميار وعيونهآ على الكيك : الله .

دفتهآ منار على خفيف وهي تقول لي شوق : شوق تتوقعي مين شفنا بالدرج ..!

رفعت حآجبهآ وهي تقول : مييين.؟

سحبت قطعه من الكيك وقربتهآ من فمهآ وهي تقول : واحد مزيون طالع من شقة غاده ..وباين عليه معصب..؟

حطت ميار يدهآ على خصرهآ وهي تقول : وانتي ليش تنآظري بالرجال .!

ضيقت عيونهآ منار وهي تقول : انا ما نآظرت فيه ..بس كان بيصدم فيني شكله مرره معصب..

ما عاد تسمع هم وش يقولوا ..!!
كل إلي تفكر فيه ..هذاااك الشخص ...ولد غاده ..؟!!

ش فيه وليييش معصب ...يمممه ليكون ابوي طلق أمي !
هي تذكر كلامهم ..وغاده تقول ان ابوهآ بيطلق أمهآ ..بس !!

هزة رآسهآ بضيق تبعد التفكير عنهآ ...سمعت صوت الباب وشكل أحد يدق ..نآظرت أمهآ والبنات إلي مشغولين بالكيك ..ابتعدت عنهم وتحركت طالعه للباب ..!

مدت يدهآ على الكالون وهي تقول : ميين.؟

جاها صوت أبوهآ وهو يقول : افتحي يابنت ..!

ابتسمت بسخرية ..هذا وهو بيته ما عنده مفتآح له ..الله يعين بس ..!

فتحت الباب ونآظرته وهو يقول من غير ما يعطيهآ فرصه تتكلم : البسي عبايتك بودي غاده السوق ..ابيك معهآ ..!

رفعت حآجبهآ وهي تنآظره ..وش يحسبهآ خدامة غاده خاآآنم ..!!
كل ما يبغى شي يجيهآ ...ودهآ تصرخ بوجهه وتقول له بصوت عالي ..لآلآ.. بس مهما كان هذا أبوهآ ..!

نزلت رآسهآ وهي تأخذ نفس : ان شاء الله يبه.

رفع يده وهو يقول : لا تتأخرين منتظرك بالسيارة .

سكرت الباب وهي تحآول تتمالك أعصابهآ ..هو وش يحسبهم ..مو عادهم بناته ..!!
لي هالدرجة عادي عنده يذلهم ..لا اسلوب ولا حنان ولا فلوس ولا شي ..ولاشي ,,,يطلع منه ..!

السالفة عنده كلهآ أوامر ..خذي ,تعالي, روحي , وبعديييين لييين متى هالحآل ..!؟
تذكرت خوآتهآ ..تزوجوا وفتكوا من حنته ما بقى إلا هي والتؤم ..الله يصبرهم .

.♪
.♪
.♪


أتنَفسُكَ قُرباً رُغمَ ...."الصَمتْ"


رفع معصمه ونآظر ساعته ...الحيين 7 .!!
وهو ما يدري عنهآ ..من وقت ما طلع الصبح..؟!
زفر بتعب ..الييوم مرره انشغل ...؟

وتوه الحييين دآخل البيت ..نآظر المكآن بنظره سريعه الهدوء محتله ...!!
تحرك بخطوآت سريعه طالع لي فوق ..عيونه تدورهآ بكل مكآن ...فتح جناحه ودخل ..نآظر الصالة لي فترة ...مالهآآ حس.؟!

عقد حوآجبة وتقدم لي غرفة النوم ...فتح الباب ودخل .!
سرت بجسمة قشعريرة من برودة المكآآن..؟

حرك عدسة عيونه بالغرفة ...المكآن مظلم إلا من نور الابجورة الخفييف ..؟؟

طآحت نظرآته علي جسمهآ الصغير .. تقرب منهآ بهدوء ...اسره شكلهآ وهي متكوره على نفسهآ وضامه اللحاف ..!
قرب منهآ أكثر وجلس على طرف السرير ...رفع يده وسحب شماغه وعقاله والطاقية ...رماهم على الجهه الثانية ...!!

نآظر ملامحهآ ...التعب بايين عليهآ.؟
تأملاها لي فترة ...عيونه مثبته عليهآ..!!
يحس بانجذاب ناحيتهآ ..؟!!

من غير شعور قرب منهآ بهدوء..!!
ثبت طرف خشمه على ارنبة انفها وهو يتنفس ببطئ .. غمض عيونه وهو ينعــم بإستنشاق أنفاسها للمرة الاولى !

هو ما يبغى شي ...بس يبغى يحس بقربهآ ..!!
يبغاهآ قريبه منه حيييييييل ؟!!

يحس بأنفاسها ووجودهآ بحيآته ...ليين الحيين مو مستوعب وجدهآ عنده وكأنهآ حلم..!!
هو مو قآهره أكثر ..إلآ صدهآ ..صدهآ يعذبه ويجرحه حيييل ..حيييل يجرحه ..؟!!

هي لو تفهمه بس ..تفهم وش يبغى منهآ ..!!
نزل رآسه بخفه ودفنه برقبتهآ وهو يشمهآ ...ريحتهآ ..تذووبه وتجذبه أكثر لهآ ..!

بعد عنها شوي و ثبت خشمه على خدهآ وهو يتنفس ببطئ ،، ما يهمه لو صحت .. ولو هو عارف أنه هالشي من المستحيلات ،،
بس يدري لو صحت.. بتصده وتعذب قلبه أكثر..؟!

احلى ما فيها نومهآ الثقيل ،
بـآس خدهآ و شمهّـآ بـ إحتيآج ،
هي ما تدري ان قربهآ الحياة له ...الحين يحس تعبه كله رآح ...وده بس يلمهآ أكثر لي صدره ويرتآح ..!!

ابتعد بهدوء وعيونه على ملامحهآ ...مد يده وابعد خصلات من شعرهآ ورجعهآ لي وراء ...؟؟
شكلهآ متعمقة بالنوم ...مو حآسه فيه اصلا ...!!

مـد سبآبته و مسح على خدهآ بخفة و إبتسـآمة زآدت لمآ لآحظ تكشيرتها ،
ما تحركت !! ابتسم أكثر وهو يهمس : نغم ..يلآ قومي ..نغم.

تحركت بانزعاج وصدت عنه :هممممم.

حركآتهآ تجذبه ..كأنه اووول مره يشوفهآ ..!!
احسآآس غريب يتملكه بوجودهآ ..؟

مسح على خدهآ وهو يقول: نغم .

فتحت عيونهآ وهي عاقده حوآجبهآ ...طآحت نظرآتهآ عليه ..!!

هو لييش قريب منهآ كذا ..!؟

استوعبت قربه وسحبت نفسهآ عنه بسرعه وهي تعدل جلستهآ ..!

نآظر فيهآ وهو مقهور منهآ ...ليش تحب بعده ..لييش تحب تقهره ...هي ما تدري ان بعدهآ عذابه ..؟
تكلم هو يحآول يهدي نفسه : وليد اخوك اتصل علي ..ليش ما تردي عليه..؟

وليـــد ..أخوهآ ,
ليين الحيين زعلانه منه ...ليييش كذب ,,
عليهآ وخدعهآآ...؟!

مشتآقه له وودهآ تشوفه بس مقهوررة منه حيييييل..؟
ما ردت عليه ...نزلت رجولهآ بهدوء وهي تعدل نفسهآ..وقفت وتحركت بخطوآت هادية للحمام (اكرمكم الله)

هز رآسة بقل حيلة منهآ.. شكل في اسلوب جديد رآح تتخذه !
وقف ويده على ازرار ثوبة ...فتح الازرار وفسخ الثوب .ورماه على السرير من غير اهتمام ,

توجه لي غرفة التبديل سحب له بنطلون قطني اسود وبلوزة بيضاء برسوم اسود ...بدل ملابسه وطلع لي مكتبة..؟

طلعت من الحمام (اكرمكم الله ) وعيونهآ تتحرك بالغرفة ...زفرة برآحه وهي ما تشوفه ..!

تحركت بخطوآت صوب التسريحة عدلت شعرهآ ورشة شوي من عطرهآ المفضل.!؟

سحبت جوآلهآ وتحركت طآلعه من الغرفة بهدوء...!!

ارتسم الحزن على ملامحهآ وهي تشوف مكالمات ورسالتين من أخوهآ ..؟

هي تدري انه الحيين ضايق خلقه ..؟!
ما تقدر على فرآقه ...بس هو خدعهآ وكذب عليهآ؟!!

ليش يوقف بصف فيصل ضدهآ...؟
ليش يرجع يسلمهآ لي فيصل مرة ثآنيه ..!!

شدت على جوآلهآ وخلقهآ ضايق ..تحركت بخطوآت صوب المطبخ بس في شي وقفهآ ..!!
صدت ببط وعيونهآ على المكتب ..هي سمعت الشي صح ولا ..!!

تقربت من الباب بهدوء ...صوته كان وآصل لهآ...شكله معصب ...بس لحظه ...!
الكلآم إلي يقوله ...هو فعلا يعنينه ..؟!

فتـحت فمها بـ صدمة من إلي يقوله ..!
رفعت يدهآ و حطتهآ على قلبها و هي تضغط عليه بدون وعي ..؟؟!

لآ...يآفيصل..لآ..!
يكفي إلي جاء منك أول ...!!

لآ تسوي بـ قلبي كذا .. هووو مو نـآقص ؟!!
عضت على شفآيفهآ ودموعهآ تنزل ..ودهآ تدخل عنده وتصرخ فيه ..ودهآ تذبحه ..ودهآ ...؟!

بس كيـــف ؟!
هو ...لييه يسوي كذآآ !
ليييه مُصر يجرحهآ ،، لآ و يذب ملح على الجرح بعد ؟!

رفعت يدهآ وضغطت بأناملهآ على شفآيفهآ بعدم استيعاب
..ما تبغاه يسمع صوت شهقآتهآ ...!!

ما تبغاه يحس بوجودهآ ..يكفى انهآ عرفة هو وش يبغى ... وش نآوي يسوي بعد .؟
مر بمخيلتهآ مشهد ..اربكهآ ودمرهآ أكثر..؟!!

لااااء ،، ما تقـدر .. و الله ما تقدر تتخيل !
يعني يـــصيـــر ؟!

يمممممممة ،، الشعوور يوووجع ،، يـوووجع حيييييل !!
بعــد الي سمعته .. كرهته ، اييييه كرهتتته .. اصلااا هي تكرررهه ؟

.♪
.♪
.♪


تـــــــآبع..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 144
قديم(ـة) 19-03-2013, 11:17 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ






الساعة 10....!!

جالس على السرير و ينآظر التلفزيون الشغـآل،،
اصلا هو مو مع التلفزيون ...لآلآلآ ..هو هنآك...!!

عند امه ..آيه آمه ...وده يعرف وش بيصير فيهآ لا عرفة هو وش نآوي عليه ...؟
صح أنه تسرع ..بطريقة مجنونه ,,وتهور!؟

اصلا وهو نفسه موقآدر يستوعب وقتهآ وش جآه وخلآه يسوي كذا ,,
بس إلي يعرفه أن أمه ...حييييل قهرته ..قهرته حيييل ؟!

نآظر الجوآل إلي مرمي جنبة ...زفر بضيق وهو يشوف المتصل ,,
مد يده وهو يضغط الاخضر ويرفع لي أذنه : نعم.

جآه صوتهآ وهي تقول بقهر : مشعل وينك ..أبوي يسأل وراك.

أبــــوه ...توه تذكر أبوه ,,,هو كيف سوآ كذآ.
وش بـــيــــقــول لي أبوه ,,

مد يده الثانية وغرسهآ بين خصلات شعره وهو يشد عليه ,,ويقول كأنه ينهي النقاش: بكره العصر بكون موجود.

سكر من غير ما يعطيهآ فرصة ترد ,,
كآن التوتر وآصل حده عنـده ،،

وقف وهو متضآيق حييل ..وين يروح بهالليل ,
اصلا ما يعرف أحد هنا ..هو جا بس عشآن أمه ...؟!

وبسبب تهوره الزآيد بيرجع وهو متوتر ..كيف بيقول لي أبوه الموضوع ..؟
يــعنــي يخليه بالـــــسر,,
بس كـــيـــــف ,,,

أكيد أمه بتوصل لي أبوه الخبر أذا عرفت !
فعلآ حط نفسه بموقف صعب ..بس..!!

مــــســتــحــيـل يخبي عن أبوه شي ؟!

.♪
.♪
.♪

بنفس التوقيت ....!!


نآظره لـ فترة ...يحس أنه متغير ..اصلآ باين عليه ,,
بس وش فــيــــه ,,
وش إلي قلب حـــآله كذا ,

تكلم بهدوء وهو يقول : رويد .

حرك عدسة عيونه صوبه وهو يقول : هلآ.!

ضيق عيونه أكثر وهو يقول : وش فيك ..صآر لك فترة متغير ..احس انك تعبان ..؟

عدل جلسته من غير ما ينآظر أخوه : لا مافيني شي ..بس شوي أرهآق.

تكلم بجديه : من وش ..اصلآ انت ما تسوي شي ..حتى الجآمعه ما عاد تدآوم فيهآ..طول اليوم بغرفتك ..<<عقد حوآجبه وهو يقول بخوف >>..رويد قولي يا خوي وريحني .

فـتح فمه و رد سكره بتعب .. محـــد يقدر يحس بالي يحســه ،،
محـــد ،،

حرك كرسيه المتحرك وتقدم منه ...هو حآس ان فيه شي ..!
بس وده يعرف ..اصلآ وآضح عليه أن فيه شي.؟

أخذ نفس ورجع يقول : رويد ..وش رايك بكرة نروح المستشفى نسوى تحآليل..؟

لمعت عينه بسخرية و هو يتنهـد ..تحآليل..؟

أكثر من مره سوهآ..بس مآفيه شي..!!
هو نفسه مآيدري وش فيه ..من يوم مآطلع عند صديقه وحس بالضيق ..مآعآد رآح له..؟!

جوآله مآسكت من كثر ما يتصلون عليه ,,
بس هو ما يبغى يرد عليهم ..ما يبغى,,,
هي الحآله تجيه اذا كآن قربهم ..وبذآت ..!

زفر بضيق وهو يقول : ريان تكفى ..ما ابغى لا مستشفى ولا غيرة أنا ما فيني شي..؟

ريان بأصرار وحده : انت ما تشوف حالتك...اسمع كلمة وحده وما غيرهآ ..بكره بطلع معك المستشفى تسوي فحوصات .

هز رآسه من غير ما يقول شي ..اصلا وش يقول ..ريآن بيعرف ان ما فيه شي ,
سمع صوت أمه إلي تقول : اشوفكم متجمعين .

ابتسم ريان وهو يقول : هلا يمه .

قربت منهم بخطوآت هادية ,, فســخت طرحتها و عبايتها و ظهرت بالجلآبية الرآقية و الغآليية الي لآبستها و الي معطيتها هيييبة و جآذبية ,,!!

ابتسم رويد بسخرية وهو يقول : يمه كنتي بأي عرس.

جلست على الكنبة وهي تقول : كنت بجمعة مع الحريم ..<<نآظرت رويد وهي تكمل >> تصدق في وحده حدهآ مزيونة ..بنت محمد علي الـ..... تعرفونهم,,,ودي اخطبهآ لك .

وقف وهو يقول : لا مشكورة ..ما ابغى اعرس .

صد عنهم وتحرك بخطوآت سريعه صاعد فوق ..ميلت شفآيفهآ وهي تقول : وش فيه اخوك .

نآظرهآ ريان وهو يقول بضيق : ما فيه شي .

عقدت حوآجبهآ وهي تقول : ابوك يقول بكره بيجي .

تكلم بعد ما خذا له انفاس : ايه زين .

اصلآ ما عنده شي يقوله ..؟
لآ أبوه ولآ أمه مهتمين فيهم ...كل وأحد عآيش حيآته ..وهم الضحية بينهم ..؟!

وقفت وهي تقول : تصبح على خير.

همس بخفه : وانتي من اهله .

ابتعدت عنه وتركته يصآرع أفكآره ..!!

.♪
.♪
.♪


اليوم الثآني العصر..!


رفعت راسهـآ لما حست بالي دخلت عليهم ، على طول عيونها صآرت بعيون أمها و هي ترمش بـ ضعف ،،
تقدمت لهآ بهدوء وهي تقول : مسك يمه وش فيك جآلسه ..قومي أخوك ينتظركم .

حركت عدسة عيونهآ بعيد عن أمهآ ..وكلهآ هموم..!!
ملكتهآ بعد أسبوعين ..ورآح تروح معه بيته ..؟؟

يعني بعد اسبوعين بتكون بمكآن ثآني ..بعيد عن بيتهم وحيآتهم ,,
بتكون عنده ,,عــنـــد جــــاســـم,,

وش رآح يصير معهآ ,,
وكيف بتكون حيآتهــآ هنآك ,

ياترآ زوجته بتكون موجودة ,,,بتكون معهآ بنفس المكآن,
زفرت بتعب ..خلآص تعبت ..من كثر التفكير,

مـآ تدري ،، اصلاا ما تدري وش تفكر فيييه !!
التعب ذبحهاا ،،
و راسها من كثر التفكييير صــدّع ،،

تبغى تنسى ,,بس لوشوي ,,تنسى حيآتهآ الجآيه ,,ومآضيهآ,
هي ما غلطت بس ,,لآزم تتحمل نتآيج هالغلطه !!

نآظرت رنا إلي دخلت وورآهآ فجر : مسك يلآ عشآن يمدي نشوف لك فستان ..؟

تنفست ببطئ و هي تنقل عيونها لأمها وترجعهآ عليهم : ان شاء الله .

وقفت وبهدوء تحركت للشمآعه ..سحبت عبآتهآ والطرح ,,رفعت رآسهآ لي رنا وهي تزرر عبآتهآ : رنا وش رايك تروحوا انتوا ..ترآ ذوقك حلو ..أنا مو شرط اروح .!

دخلت البوك حقهآ بشنطتهآ وهي تقول بمرح : امشي بس ..بعدين بنأخذ أغراض لك ..لا تنسي انك عروس لزوم ندلعك .

ميلت شفآيفهآ بضيق من هالطآري ؟!
هي ما تبغى العرس ولا العريس ,,

هي اذا بغت ,,تبغى هذاك الغايب والحآضر دآخلهآ,,
تكتفى فيه عنهم كلهم ,

هو كان كل شي لهآ ..واليين الحين تحس بوجوده وبقربه كل ما شافت أولادهآ ..؟
حركت عيونهآ بالغرفة وهي تشوف رنآ الوحيده في,,

جلست على طرف السرير والعبرة خآنقتهآ,,
اصلآ في شي خآنقهآ من الصبآح ,,,

في شي دآخلهآ وده يطلع ,,تحس بالضيق !!
تجمعت الدموع بعيونهآ ومن غير شعور شهقت بصوت عآلي ..؟

صدت وهي عآقده حوآجبهآ..تقدمت منهآ بقلل وخوف وهي تقول : مسك بسم الله عليك وش فيك.!!

حطت يدها على قلبها و هي تضغط عليه بدون وعي : قلبي .. يوجعـ..ـنـ..ـي . !!

جلست قربهآ وهي تقرآعليهآ ,,
وش فيهآ ,,توهآ ما فيهآ شي ,,,
بس ليش تبكي ,,

مسحت على شعرهآ وبهدوء قالت : مسك ياعمري ..وش فيك.

زمت شفآيفهآ ودموعهآ تنزل ,,,وش فيهآ ,,لييش تسألها وش فيهآ وهي تدري,,
هي أكثر وحده عآشت معهآ معاناتها ,,

هي أكثر وحده صبرتهآ وحآولت تخفف عنهآ..!!
والحييين تسأل وش فيهآ,
تحس بدآخلهآ تنآقض ..صرآع ..كل الوجع فيهآآ ؟!

تبـي تتكلم .. والله تحس إنها بتختننننق ،،
لو مآ تكلمت الحين رح تنفـجر .. رح تنفـجر !!

همست بصوت مخنوق وهي تقول : رنا انا ما ابغاه ...ما ابغى الزوآج بكبره ..ليش محد فيكم يفهمني ..أنا ما اقدر اكون لي احد بعد فارس ..<<شهقت بصوت عآلي >>أنا ابغى فآرس ..ما ابغى غيرة .

ضمتهآ لي صدرهآ وهي تلف يدهآ حولهآ ...تحآول تهديهآ وتخفف عنهآ : مسك يا قلبي هذا المكتوب ..وبعدين انتي لسه بنت وحلوه ..يعني بتعيشي طول عمرك كذا ..لازم تشوفي حيآتك .

سكتت شوي وهي تفكر ..وش تقول لهآ عشان تخفف عنهآ,,
اصلآ موق آدره تتكلم تحس نفسهآ رآح تبكي ..على حآل أختهآ,,,

عضت شفآيفهآ وهي تأخذ نفس ,,رجعت تكمل : مسك الدنيا ما وقفت على فآرس ..ترا فارس مات الله يرحمه ..المفروض تدعي له وتحآولي تنسيه ..الحيين فكري بحيآتك الجديدة ..فكري كيف تسعدي نفسك واولادك ..فكري بولد الناس إلي بتعيشي معه ,

سحبت نفسهآ بهدوء من صدر أختهآ..رفعت عيونهآ وهي تقول : بس أنا ما ابغاه .

قآطعتهآ وهي تقول بجديه : مسك حرآم عليك إلي تسويه بنفسك ..حآولي تنسي أو تتناسي ..والحيين يلآ قومي فهد بيعصب علينا .

هزت رآسهآ لهآ وهي تفكر بكلام أختهآ ..يمكن أختهآ معهآ حق ..بس في شي دآخلهآ مو مقتنع ..!

.♪
.♪
.♪


نآظرت دلاب الملآبس بعد ما رتبته بنظره سريعه ,,
سحبت لهآ بجآمه ودهآ تأخذ شور وتنآم ,,,

تحس نفسهآ تعبآنه وجسمهآ مكسر..من الفرفره بالسوق مع زوجة أبوهآ...!؟
كشرت ملامحهآ وهي تتذكر كل إلي صآر,,

شكل "غآدة" لآعبه بعقل أبوهآ...اليوم بذآت أنصدمت ..
أبوهآ أنسان ثآني مع زوجة ..تصرفآته غير ..هي تقول هو ينفذ ,,

هزت رآسهآ بسخرية ,,,على آخر زمن تجي وحده وتلحس مخه ,,لآ وهو مبسوط وينفذ كل إلي تقولة .
همست بصوت خفيف وعيونهآ على الملآبس : اشك أنه مسحور .

ضحكت بخفه دآخلهآ ,,على قد مآ أنهآ متضآيقه ..لكن إلي شآفته اليوم مو يضآيقهآ إلا يضحكهآ ..؟؟
أبوهآ يتصرف بمرآهقه ,,؟

سكرت باب الدولآب بعد ما خذت لهآ بجآمه قطن وهي تقول : دنـــيـــآ..!

ضيقت عيونهآ وهي تشوف ميآر تبكي وتصرخ : شوق لحقي ..؟

طآحت من يدهآ البجآمه وبخوف قآلت :.......


بحفِظْ الرَحمَنْ
:
:
عٌطَنيِ الٌأماًنَ




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 145
قديم(ـة) 19-03-2013, 11:18 PM
البنت الوحيده البنت الوحيده غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


الله يعطيك الف عافيه على البارت


من جد روووووعه

يسلموااا في انتظار البارت الجاي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 146
قديم(ـة) 19-03-2013, 11:40 PM
صورة Anaat Al R7eel الرمزية
Anaat Al R7eel Anaat Al R7eel غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


السلام عليكم ورحمة الله وبركاته

في احداث واسرار جديدة طلعت .. شو الشيء اللي سمعته نغم ورجعها لاشياء كانت .. معقولة فيصل من اصحاب زواج المسيار ؟
ههههههههههههه .. ادري شطحت بتفكيري .. بس مب بعيد ان هالشيء كان واحد من الاسباب اللي كرهته عشانهن ..

مشعل والسر .. حاسه ان ابو شوق زوجه شوق من ورى تدابير امه ..
عندي احساس يقول هالشيء .. والا ليش خايف ابوه يدري ..

سالفة مسك وحبها لفارس ذكرتيني برواية ضمني .. ونجد وحبها لمحمد اللي مب قادرة تنساه خخخخخخخخ
بس اتخيل كيف بتكون حياتها .. ومثل ما قلت نورة بتبدا تفكر فيه .. بس شو الشيء اللي سوته لسلمى وحابة تنتقم منها بسببه ..
يعني كل اللي كانت تسويه بتحريض من سلمى اختها .. الله يستر شكلها ناوية ادمر زواجها ><

رويد حالته صعبه بقوة وللحين اقول انه مسحور ..
بس السحر وين ؟ وهل بيعرفون بهالشيء او لا ؟

هذا اللي عندي .. ما اعرف اذا نسيت حد ><
ونترياج يا قلبي ..
هيه صح .. ربي يعطيج العافية ويوفقج فدراستج
^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 147
قديم(ـة) 20-03-2013, 07:13 AM
صورة جنون احساسسي الرمزية
جنون احساسسي جنون احساسسي غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


باررررت يجننننننن

بانتظارررر الباررت الجديد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 148
قديم(ـة) 20-03-2013, 04:45 PM
صورة jana... الرمزية
jana... jana... غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


ليش هيك يا ربي ...
انا عندي نقص في b12 بشكل كبير ... اتخيلي اليوم في المحاضرة من الفضاوى تزكرت انو انت بطلتي تنزلي بارتات جداد ...
طلعت هبلة على الاخر ... وانت بتنزلي وانا ولا على بالي
بس بدي انظر الى الجانب المشرق من الموضوع .. هلا صار في اكتر من بارات اقرائهم واستمتع فيهم ...
وبدي اطلب طلب صغير جدا
ابقي ابعتلي ملحوظة انو البارت الجديد وصل ... لووووووو سمحتي
الي رد اخر بعد ما اقراء انتظريني ....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 149
قديم(ـة) 20-03-2013, 10:15 PM
صورة Enas96 الرمزية
Enas96 Enas96 غير متصل
©؛°¨غرامي جديد¨°؛©
 
الافتراضي رد: روايتي الثالثة : على رصيفَ الثرثرةَ


بارت روعة
سلمت أناملك المبدعة
*_*

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 150
قديم(ـة) 21-03-2013, 12:32 AM
plm plm غير متصل
©؛°¨غرامي متألق ¨°؛©
 
الافتراضي رد: روايتي الثالثة : على رصيفَ الثرثرةَ


السلاآم عليككم ورحمةة الله

يعطيكك العآفيةة '

مسك اتوقع راحح تلاقي هجوم من نورة اللي توها تحس ان عندها زوج بس اتوقع ان راح تلاقي صد شوي من جاسم لانه راح يتذكر فارس كل ما قرب منها ><

ششوقق اتوقع ان ولدد غآدةة راحح يكون لهه دور في حيآةة شوقق كثيرر واتوقع المقطع الاخخير ابوها راح يقلها خبر بس مدري ايش هوا ><


نغم الله يستر من فيصل وش سمعت نغم يوم راححت جهت مكتبه ><

رويد يممكن سححر ؟؟ ما ادري بس احسه يا سحر يا عين وحدة لانه سوا فحوصات وطلع كل شىءء سليم اكيد الموضوع في خدامة ساحرته حيرانة كثير بموضوعه ><


سلمى اتوقع سالفة اختها فيها شباب وسالفة الانتقام اكيد فيها سبب كـــــبـــــيــــر زززي خخخآلد ورههف *_^ <للحين ما نسيته > هههههههههههههههههههه ..



دممتي بودد غآليتي ...!

روايتي الثالثة : على رصيفَ الثرثرةَ

الوسوم
..بقلمي , الثآلثة , الثرثرةَ , رصيفَ , روآيتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : فديت جناني إذا كان بمزاجي وعنادي/ كاملة حايستهم روايات كامله - يتم نقل الرواية هنا بعد اكتمالها 1381 13-08-2019 06:05 AM
روايتي الثالثة : أنا لامن نويت أعشق أعشقك لو تروح أميال لكن لا نويت الصد صدقني لو إنك بحضني تتعب ما تلاقيني / كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1543 06-04-2019 09:06 PM
روايتي الثالثة : أحب أعشق و أحب أخون و أحب ألعب على الحبلين , كامله متلثمهـ بشماغ أخوي روايات كامله - يتم نقل الرواية هنا بعد اكتمالها 453 07-12-2014 03:05 PM
روايتي الثالثة : شتاء لا يقتل الزهور شمس ورى الغيم أرشيف الروايات المغلقة - لعدم إكتمالها 51 22-12-2012 02:17 AM
روايتي الثالثة : و اللي يسلمكم كافي ذل و إهانة مشاعل وكلي مشاعر ارشيف غرام 1 17-03-2011 03:26 AM

الساعة الآن +3: 03:41 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1