غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 231
قديم(ـة) 10-05-2013, 11:01 PM
صورة جنون احساسسي الرمزية
جنون احساسسي جنون احساسسي غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


جااررري الانتظااااااااار

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 232
قديم(ـة) 10-05-2013, 11:04 PM
صورة jana... الرمزية
jana... jana... غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


اوك بانتظارك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 233
قديم(ـة) 11-05-2013, 01:24 AM
صورة جنون احساسسي الرمزية
جنون احساسسي جنون احساسسي غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


شكلو اليوم ماكوو باررررت ��������

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 234
قديم(ـة) 14-05-2013, 11:52 AM
Female not know impossibl Female not know impossibl غير متصل
©؛°¨غرامي جديد¨°؛©
 
الافتراضي رد: روايتي الثالثة : على رصيفَ الثرثرةَ


سلام قرأت روايتك شياطين الحب وخلصت وانا ماودي انها تخلص كانت بجد رائعة عشت مع ابطالها لحظة بلحظة استمرررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررري أنت كاتبة من الكاتبات القليل اللي يستحقوا المتابعة
ودي لك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 235
قديم(ـة) 16-05-2013, 11:39 AM
قلب مربع قلب مربع غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


وين الباررت :(

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 236
قديم(ـة) 16-05-2013, 07:44 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


سلآم عليكم ياحلويين أول شي اعتذر بشده عن نزول البآرت ...الصرآحه صآرت لي ضروف
والحمد الله الحيين كل شي تمام .
وثآني شي شكر بحجم السمآء لي كل الموجودين ..ولي من خلف الكوآليس ياليت اشوف توقعآتكم هنا .
وثالث شي دعوآتكم لي أختباري الآحد ..ان شاء الله
بعد الآختبارات رآح احدد لكم موعد نزول لي البارتات ..ورآح اكمل لكم الروآيه بإذن الله .

والحيين يا حلوووين بينزل البآرت وياليت أشوفك ردودكم ..ومن خلف الكوالييس ياليت
أشوف الردود ^^

مع كل الآمنيات بقرأه ممتعه



.
.
.




لااله الاالله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 237
قديم(ـة) 16-05-2013, 08:10 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ


صبآحـكَم .. / مسـآءكمَ
نسمات عارمة بالحب والصفاء .

على رصيفَ الثرثرةَ : موعدُ بدون لقاءَ \ عٌطَنيِ الٌأماًنَ
.♪
.♪
.♪

♬ ♪ الثرثرةَ 13 ♬ ♪


اجرحيني ثم روحي ما دام الحب راح
لا انتي اول من جرحني ولا آخر من يروح
شفت حبك مثل دمع جرح جفني وساح
ان مسحته وان تركته جروح في جروح
في زمن خاين زمانه.. ذخرتك لي سلاح
من عرفت اشتاقلك ما عرفت الا الوضوح
احسب ان الحلم يا بنت في وصلك مباح
واحسب ان الحب روحين مخلوقه بروح
لا خسرتي عاشقك لا تحسبينه نجاح
جيت اعزي فيك قلبي وجا قلبي ينوح
لو بكيتيني وفا.. ماتداوين الجراح
كل شي مات فيني بعد موت الطموح
آه يا ظلمى الجفا.. ماورى ليلك صباح
ما يبل الريق برق التجافي لو يلوح
في مهب الريح..يامعاكس امواج الرياح
الزمن ماهو زمانك ..تبوح اوماتبوح

لي الشآعر ..الامير سعد ال سعود

الفجر ....!

أمآنه. . آن / قسَسى
" طبعِي" . . عليك وحسيت منه بآلضيق !
.............تحَحملني :



زفر بحـده وهو يطلع بكيت السجآير من جيب ثوبه و هو يحس انه محترق من الافكآر الي بدت تعصف بمخه الحين ، سحب له وحده و ولعها من ولآعة وهو يحس بالنآر تولع فيييه هُووو !
شلووون سلم نفسه لهآآ ,,
شلوون قرب صوبهآآ ؛؛

كل اللي صآر قبل ساعتين صآر يتخيله ..هو كآن غآرق في بحرهآ ..وهي جرحته حيييييل ؟ّ!
صآر يسحب انفآس طوييييله من السجآره وهو يستغفر بصوت مسموع ،

خلاااص .. يبي ينسـى .. لآزم ينسـى ،
بس شلوووون ؟!

رمى السجآره من يده على الآرض ودآس عليهآ ..آصلآ ما بقى منهآ اللي الرمآد مثلهَ هوُ الحييين ,,
دخل يدينَه بجيب ثوُبه وهو يسمع اذآن الفجر ..استغفر بصوت هآمس وهو يحس بألم ينهش جسمه ,,
الحيين ماله اللي يصلي ويريحه نفسه من التفكير,,

زفر وهو يتوجهَ صوُب المسجدَ ..ما يبغى يرجع البيت ويختنق .
بيصلي وبعدهآ رآح يرجع .

.♪

فركت يدينهآ بتوترَ وهي تبلع ريقهآ ..شلووون فلت لسآنهآ كذآ .
ليييش نآدته ..هي ما تبغى تشوف الحسرة بوجهه ,,

حست آنهآ جرحته حيييييلَ,,
بس والله مو ذنبهآ ؟!

من غييير شعور قالت !!
نآظرت الغرفة بتشتت وهي تفكر وش بتقول له ,,
رفعت يدهآ ورجعت شعرهآ لي ورآ أذنهآ ؛؛

من وقت ما تركهآ بصدمتهآ من نفسهآ ما تحركت من مكآنهآ ...هي ما تبغى تجرحه كذا ..بس هالشي صآر غصب عنهآ ,,
غمضت عيونهآ وهي تسمع صوت الآذان ..صعب آحساس الذنب والآصعب تشوف الحسرة بعيونه ,,
جآهآ من غير شعور وآحتوآهآ..وهي ما تنكر انهآ انجذبت له وغرقت معه من غير شعور ,,

فتحت عيونهآ ونآظرت السرير لـ ثوآني ..من وقت مآطلع وهي جآلسه بنفس المكآن الي فز منه وكأنه مقروص ...بنفس المكآن اللي احتوآهآ هو فيه ...بنفس المكآن اللي زرع رجفه دآخلهآ وآحساس جديد.

استغفرت وهي تميل لي خآرج السرير وتسحب روبهآ بخفه ..لبسته وتوجهت للحمآم ..أخذت شور وبعدهآ توضأت تبغى تصلي وتريح أعصابهآ المشدودة .

انهت صلآتهآ وجلست على سجآدتهآ تقرا لهآ قرآن ...سكرت مصحفهآ وهي تنآظر حوآلهآ ما تدري كم مر عليهآ من الوقت وهي تقرآ .

وقفت بخفه ونزلت جلآلهآ ورجعت مصحفهآ مكآنه ..انحنت وسحبت السجآده وهي تفكر بالسآعة .
صفطة السجآده ورجعتهآ مكآنهآ قربت من السرير وجلست على طرفه ..مدت يدهآ وسحبت جوآلهآ .
نآظرت ساعة الجوآل وهي تشفهآ 6 الصبح ,,

معقوووولة؟!
يكون لسه برآ ..من وقت ما طلع ليين الحين صآر له 5 سآعآت .

زفرت بضيق وهي تقَلبَ الجوآل اللي بيدهآ ..رفعت عيونهآ بلهفه وهي تشوفه يدخل بهدوء ويسكر الباب .
تعلقت عيونه بعيونهآ وصد ..تمنى انهآ تكون نآيمه ولآ يشوفهآ .
وقفت وعيونهآ على شكله ..بآين عليه التعب ؟!

همست بصوت خآفت وهي تقول : جآسم.

قآل من غير لآ ينآظرها وهو وده تختفي الحييين من قدآمه : مسك الله يرحم اهلك انا تعبان ابغى انام.

عضت على شفآيفهآ وهي تحس بالعبرة ..ما توقعت انه بيتأثر كذآ .
هو صح معه حق ..بس !!

أخذت نفس وهي تهمس بصوت مخنوق : آنا آسفه .

زفر بضيق وهو يقول : يصير خير.

تركهآ مكآنهآ ودخل الحمام (اكرمكم الله ) ..نآظرته ليين اختفى من قدآمهآ ..هي تدري انهآ غلطت وقت ما ذكرت آسم فآرس ...بس مو ذنبهآ .!!

هي شآفت فآرس فيه ...آصلآ يشبه ويأخذ منه لمحآت,,
تحس ان فآرس قدآمهآ مو جآسم ,,

كل شي صآر بينهم رجعهآ لي سنتين وار ؛؛
هي ما تنكر انها بدت تحس بمشآعر اتجاه جاسم ,,

بس في شي يجبرهآ تتجآهل هالمشآعر ؟؟
صورت فآرس وآحسآسهآ بوجوده ُ قربهآ يخليهآ تنفر من جاسم ..
هي حبت فآرس لي درجة الجنون ,,

آول رجآل يدخل حيآتهآ ويزينهآ بوجوده ,,
يكفى اللهفه والحب والولة اللي كانت تشوفهآ بعيونه !!
عكس برود جآسم لهآ,,

هو كآن غير ..كآن رجل عآشق لهآ ,,
بس جآسم قطعة جلييد بالنسبه لهآ,,

زفرت وهي تحس بدموعهآ تتجمع بعيونهآ ..من يوم ما خذت جاسم وهي تقآرنه بفآرس ..وصآرت كفت فآرس هي المحتله قلبهآ,,
فآرس كآن غييييير ورآح يظل غيييير عن جآسم ؟؟
سحبت اللحآف ونسدحت وهي تأخذ نفسه ومآهي اللي دقآيق ورآحت بالنوم .

طلع من الحمام (اكرمكم الله ) يحس ان المويه طفى شوي من الحرقه اللي دآخله .
اليييوم بذات حس بحرقه دآخلله ,,

وده يعرف وش ذكرهآ فيه ..لا ونطقت اسمه وهي بحضنه ,
رمى المنشفه من يده وهو ينآظرهآ ماهي اللي ثوآني وابتسم بسخرية على نفسه ..هو وش يقول جالس يكذب على نفسه ,,

هي متى نسته عشآن تتذكره ,,
هو محفور بقلبهآ ويمكن رآح يظل بقلبهآ !!

.♪
.♪
.♪

مرر يده علي صدره مو قآدر يتحمل يحس المكآن يخنقه أكثر ..هو يحس بالحآله هذي تجي له بس الحيين زآدت ...ورآسه بينفجر من الصدآع .

وقف بهدوء وهو ينآظر المكآن ..ما يبغى يجلس فيه عآد ..كل شي صآر يخنقة ..من غرفته اللي دآخل الفله لي الملحق اللي هو جآلس فيه الحييين ؟؟

طلع من الغرفة لي الصآلة صآدف ريان جآلس على كرسيه بهدوء ويقرآ جريده وقبآله فنجآن القهوة .
هذآ أخوه اللي ما تركه من وقت ما طآح عليهم .

رغم انه ما يمشي لكن يحآول يسآعده بقد ما يقدر .
فتح فمه يأخذ هوآ ..يحس تنفسه ضآق.

تحرك بخطوآت سريعه طآلع يبغى يخرج برآ هالقصر ما يبغى المكآن اللي هو فيه .
سمع صوت ريان خلفه يقول بأستغراب : رويد وين تبغى .

صد وبان لي ريان وجهه المرهق والتعب بآين عليه ..همس بصوت متضآيق : ابغى اطلع ما ابغى اجلس هنا .

نزل الجريده من يده على الطآوله الزجاجية وحرك كرسيه له وهو يقول بأستغراب اكثر : وين تبغى .

مرر يده على شعره وهو يشد عليه : تكفى ريان ما ابغى اجلس هنا ..ابغى اطلع .

من غييير ما يقول شي خرج جوآله وأرسل رسآله لي فيصل ..طلع مع أخوه وهو يتذكر كلآم الشيخ وهو يقولة ..شي طبيعي اذا صار أخوه مو طآيق المكآن ..الولد شكله محسود على النعمه اللي هو فيهآ .

زفر وهو متضآيق على حآل أخوه ..كييييف النآس تفكيرهآ ,,
ويعني اكيييد بيكون في فرق بين كل شخص .

في الغني والفقير ومتوسط الحآل ,,
وكل وآحد يرضي بالي كتبه الله له ويحمد الله على نعمته,,

مو يطآلع في نعمة غيييرة .
هذي هي نفوس بعض البشر ما تكتفي بالي عندهآ .

.♪
.♪
.♪

السآعة 2 الظهر .

".... يَ أنتْ ...! يَ أوَّلْ العُمِـرْ "

نزل من سيآرته برزته وهيبته ..رفع يده ونزل نظآرته السودآء ودخلهآ بجيب الثوب اللي فوق ..عقد حوآجبة وهو يسمع صوت رسالة على جوآلة .

دخل يده بجيب ثوبه وطلع الجوآل فتحه وقرآ (احنا مو بالبيت اذا تبغى تجي عندنا دق على جوآلي )
رفع حآجبه باستغراب ..ويين طلعوآ أخوآنه ,,

هز رآسه وطآحت نظرآته على اللي نا زلة من الدرج بهدوآء ..صآر لهآ أيآم تتجنب تتكلم معه .
قرب منهآ وهو يقول : السلآم عليكم .

حركت شفآيفهآ بهمس وهي متجآهلآه في الظآهر ودآخله ميته علييه : وعليكم والسلآم .

ضيق عيونه وهو ينآظرهآ هي لآزم تعرف السآلفه .
مد يده وسحبهآ بسرعه لي صدره ولف يده على خصرهآ وهو ينآظر بعيونهآ المصدومه من حركته ..همس بصوت خافت وهو يقول : تعالي بتكلم معك .

من غير ما يسمع صوتهآ سحبهآ لي الصآله الدآخليه ..جلس وجلسهآ جنبه ..تكلم بهدوء : تبغى تعرفي من فاتن .

رفعت حآجبهآ وهي تحس بالقهر من نطقه للآسم ..تكلمت من غير مبلآه وهي تقول: ما تهمني !

نزل وجهه شوي لي مستوآ وجههآ وهو يهمس بنفس الصوت : ما تهمك .

تحس بحرآره بجسمهآ ..قلبهآ صآر يدق بقوه ..بلعت ريقهآ وعيونهآ بعيونه : ايه ؟

ميل رآسه شوي ومالت غترته وهو يهمس بنفس الطريقه اللي تذوبهآ : اكيد .

نآظرته لـ فترة وبعدهآ صدت ..هي ما تبغى كذآ ..ما تبغى تذوووب بقربه .
يكفي انه عذبهآ بصده أووول والحييين يزيد بعذآبه وهي تشوف طريقة المختلفة بتعآملة معآهآ .

مد يده ولف وجههآ له وهو يتكلم:يا بنت الناس ترآك تعذبيني ؟؟

تــعــذبــهُ!!
الحيييين هي صآرت تعذبهُ,,

وهو أووول وش كآن يسوي فيهآ,,
مو كآآآن عذآبهآ ؟؟

نآظرته ودموعهآ بعيونهآ وهي تقول بغصه : أنا اعذبك يا فيصل ..تبي تعرف وش هو العذآب اللي لييين الحيين مغروس بقلبي ..تذكر قبل سنتين وش صآر .

عض علي شفآيفه وهومقهورر منهآ ,,
مو وقته الحيين تفتح صفحآت تسكرت ,,

هو لييين الحيييييين مقهورر من نفسسه حييييل؟؟
رص على اسنانه وهو يقول : نغم مو هذا موضوعنا .

هزت رآسهآ " لآ " وهي تكمل : وش هو موضوعنا قصدك فاتن ..عرفت كل شي امك امس دقت علي وقالت لي كل شي ..مو هي اللي تبغى تخطبهآ لي ريان اخوك ..صح ...بس اذا قصدك العذآب فأنا ذقت منك الويل يا فيصل ؟؟

مرر لسآنه على شفته يمنع الكلآم المزعج يفلت منه .. و بعد ما استغفر رد بهدوء : نغم مو وقت هالكلآم ؟؟

عقدت حوآجبها بضيق ..وهي ترد : دآمه مو وقته لآ عآد تتكلم عن العذآب .

أخذت نفس وسكتت هي تدري أنه ندم ..وشلوووون ما يدم وهو كآن جزء منه ,,
بس لييش سآكت لييش ما يتكلم ,,

يقول لهآ كل اللي بقلبه ..يطمنهآ !!
هُو رفع طرف شمآغه وعيونه تنآظر الفرآغ اللي قبآله ..وده يسألهآ لييش ترجع له المآضي ..هو صح ما نسى بس يحآول ينسى ,,

وده يعضهآ عن العذآب اللي شافته معاه ,,
بس هي شكلهآ ليين الحيين شآيله بقلبهآ عليه ,,
تحبه ايييه بس ما نست وش سوآ فيهآ ؛؛

صد ونآظرهآ شكلهآ دآخله بتفكير عميقُ ..ميل جسمه شوي و حضن رآسها لـ صدره وهو يهمس : آسف على كل شي .

بعدها عنه و صار ماسك كتوفها وهو ينآظر بعيونها ويهمس بصوت هادي :ترآ أنا ليين الحيين اتعذب بسبب اللي صآر ..هو ما كان ولدك بس.. حتى ولدي .!

قآطعته على طول وهي تحس بوجعه من نبرة صوته : شي وصآر.. الحمد الله على كل حآل.

ابتسـم لها ابتسآمة خفيفه و باس بين عيونها و هو يقول: الحمد الله وان شاء الله راح تحملي وتملي لي البيت عيال ...والحيين يلآ روحي جهزي لي الغداء حدي جوعان .

قربت منه وباست خشمه وهي تهمس : قوم بدل ملآبسك .

.♪
.♪
.♪


تـــــآبع.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 238
قديم(ـة) 16-05-2013, 08:19 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة : على رصيفَ الثرثرةَ




تحرك بخطوآت سريعه صوب سيآرته وهو يفكر بصديق عمره ...صآر له فوق الشهر عنه ..آخر مره يوم صدهم وطلع ؛؛

فتح باب السياره وبيركب بس جآه صوت خلفه : عبآدي على ويين .

صد ونآظره بنظره سريعه وبعدهآ ركب وهو يقول : بروح ازور رويد تبغى معي .

ميل وقفته شوي وهو يقول : يا رجال لآ روح انت ..تبغاني اتحسر وانا اشوف هالقصر اللي ساكن فيه .
ضيق عيونه وقآل بحزم : قول ما شاء الله .

كشرت ملآمح وجهه وهو يقول بسخرية : لييش بحسده .

هز رآسه وهو يستغفر دآخله ..ما يدري وش فييه "علي " يحس انه يحسد رويد على كل شي .
بعض المرآت يشك ان علي السبب في تعب رويد ,,

هو ما يدري وش فيه بالآساس ..بس سالفة الشيخ اكييد يا سحر او عيين او حسد ,,
نآظر علي وهو يقول : طيب ابعد شوي .

تقدم منه وفتح باب الرآكب وهو يقول : وصلني على طريقك عند بقآلة أبو احمد.. معاذ راح يجي يأخذني .

سكر بابه اللي كان مفتوح وشغل السيآره وهو يهمس : ان شاء الله .

نآظر فيه علي وبعدهآ ميل جسمه لي قدآم شوي وصآر يحوس بالأشرطة وهو يقول : سلم لي على رويد وقول له نبغى هالمره سفره شي .

رفع حآجبه ومال فمه بابتسامه سخرية ..هذا هو علي ما يعرف رويد الآ وقت المصلحه ..آصلآ سفرآتهم وطلعاتهم من دبي لي البحرين والكويت وباريس وآخر سفره لبنان كلهآ على حساب رويد .
وقف السيارة جنب البقآلة وقال : يلآ انزل .

فتح الباب وهو يقول : لآ تنسى مر على استراحة عادل.
زفر وهو يقول : يصير خير .

نزل وسكر الباب ..حرك عبآدي بسرعه وهو يتسأل دآخله عن الشباب رويد صآر له فوق الشهرين واكثر ما جاهم وهم ما سؤلو عنه !!

اخذ نفسه ورفع جوآله بيتصل على ريان هو يبعد تفكيره عن شلتهم والحيين تفكيرة بس على رويد .
اليييوم رآح يعرف رويد وش فيه .

آصلآ هو شآك بس بيتكلم مع ريان .
وان شاء الله يصير خيييير ؛؛

.♪
.♪
.♪

الخمييس ...!


الساعة 8 المساء ....!!


عضت على شفآيفهآ وهي تفكر بالي صآر العصر ..هي خلآص وآفقت على ولد خآلهآ اللي ما تعرفه ..بس في شي بقلبهآ يعورهآ ..؟؟
هي ما تبغى تبعد عن هنآ ,,

ما تبغى تروح بعيد عنهم ,,
هم أهلهآ وكل حيآتهآ ,,

تعودت على رنا مسك وآمهآ اللي ربتهآ وما قصرت معهآ ؛؛
وتعودت بالخصوص على فهد !!
فَـــــهــــد؟؟

هالآسم دآيم يربكهآ وخصوصآ بعد خطوبتهآ ,,
ما تدري وش تحس كل مشافهته ,,
كان وهي صغيرة معها غييييير !!

لكن الحييين تحس في حاجز كبير بينهم ؟؟
هي ما عآدت هذيك الصغيرة ولآ هو هذآك الحنون ؛؛

رفعت رآسهآ على دخول مسك اللي زآرتهم اليوم وباين الضيق والحزن عليهآ ..هي ما تدري وش فيهآ بس متأكده ان مسك لسه ليين الحيين تعآني من فرآق حبيبهآ!!

نآظرتهآ مسك وجلست قربهآ وهي تقول بحنان : فجوره حيآتي ..زوجة خآلك توهآ سكرت حددوآ موعد الملكه يوم الآربعآء الجآي.

شهقت وتوسعت عيونهآ وهي تقول بصدمه : وش الآربعاء ...لآلآلآلآ .!!

ابتسمت مسك وهي كمل : والله هذآ كلآم خآلك و امي حآولت مع مرت خآلك بس تقول الولد ما عنده أجآزه ألآ الآربعآء الجآي .

بلعت ريقهآ وهي تحآول تستوعب ..شلون الآربعآء ..هي توهآ تفكر في حيآتهآ ؟!!
وهم بسرعه يحددوآ كل شي؟؟
بس هي يبي لهآ وقت ,,

هي الحييين ما تعرف زوجة خآلهآ ..حتى مو متذكرتهآ بصغرهآ ,,
وخآلهآ اللي هو أخو آمهآ تتذكر بس ملآمحه ..حتى ما تذكر متى قآبلته ,,
بس كل هذآ مو هآمهآ ..الحيين اللي هآمهآ ,,

شلووون تملك بسرعه واكيد العرس بيكون يابعد شهر او بالكثير ثلآث شهور ,,
لمت مسك يدينهآ حول فجر وضمتهآ لي صدرهآ ..اليين الحيين مومستوعبه هذي الطفله بتتزوج ..لآ وبتبعد عنهم .

مسحت على شعرهآ وهي تقول بهدوء : فجر انتي حسيتي برآحه وقت الاستخآرة .

عضت على شفآيفهآ وهي تحس بخنقة ..وش تقول لهآ ..هي حست برآحه بس في شي دآخلهآ يخنقهآ ..ودهآ ترجع ترفض وتجلس في بيت عمهآ ..هي آصلآ ما تدري وشلوون وآفقت .
همست بصوت مخنوق : ايه .

مررت يدهآ على شعرهآ وهي تقول : طيب وش فيك .

ابتعدت عنهآ ونآظرت عيونهآ وهي تتكلم بعبرة : مسك ما ابغى اترككم ..ابغى اجلس بالرياض .

ابتسمت وهي تقول : يا عمري هذا حآل الدنيا ..وبعدين انتي وين بتروجي بيت خآلك اكيد رآح يحبونك .

صدت عنهآ وهي تقول بصوت هآمس : بس هنا غيير ..هنا انتوا وهناك نآس ما اعرفهم .

سكتت وهي تأخذ نفس وش تقول لهآ ..آصلآ هي بنفسهآ تحس انهآ مو مرتآحه لي هالزوآج بكبرة .
بنت عمهآ صغيرة ومو قد مسؤولية ,,

وزوجة خآلهآ باين من طريقة كلآمهآ مو شي ؟؟
استغفرت دآخلهآ هي ما تبغى تتكلم على أحد بس مقهورة في نفس الوقت ..

الكل وآفق وهي ما عليهآ إلآ تسكت ابرك لهآ ,,
زفرت بهم وهي تتذكر جآسم صآر له آسبوع ما ينام عندهآ من يوم اللي صآر ,,

مآ رآح تكذب على نفسهآ وتقول عآدي ,,
تحس في شي دآخلهآ أشتآق له ,,

تحس كل فترة في شي يشدهآ له ما تدري وش ,,
صآر لهآ شهر ونص عنده وتوهآ تفتح عيونهآ علية ؛؛

ما حبته لي ان قلبهآ سآكنته هذيك الروح اللي فآرقتهآ !!
بس صآر جزء من حيآتهآ رغم بروده ؟!

حطت يدهآ على خصرهآ وميلت وقفتهآ وهي تشوفهم دآخليين بتفكير عمييق ..صرخت بصوت عآلي وهي تقول بسخريه : وش فيكم يا حظي ..ليكون تفكرون بحبايب القلب .

حمرت فجر من الخجل وهي تقول بصوت عآلي : سخيفة .

ضحكت وهي ترجع شعرهآ لي ورآ وتقول : مقبولة يا العروس ..والحيين يلآ امي تبغاكم .

وقفت مسك وهي تعدل جلآبيتهآ الحمرآء وتقول : أولآدي وينهم .

عطتهم ظهرهآ وهي تقول : تحت عند آخوآلهم .

طلعت رنا ولحقتهآ مسك ..نآظرت في الغرفة لـ فترة وبعدهآ لحقت البنات وهي تطرد الآفكآر من رآسهآ .

.♪
.♪
.♪


غسلت يدهآ وهي تفكر في خوآتهآ ..الآختبارات باقي لهآ شهر ..وهم حآلتهم مو تمآم ,,
يكفي غآده اللي مشغلتهم خدآمات ..حطي هذي هنا جيبي هذي هناك ..نظفوآ ..أطبخوآ ..وكل الشغل عليهآ,,
مآ رآح تضيع مستقبلهم عشآن خآطرهآ ..صآر لهم اسبوع عندهآ ما شفقت عليهم .

زفرت وهي تسكر الموية ..الحيين لآزم تأخذ صنية الكاسات وترمس الشآي ..مو غآده كل يوم فآتحه بيتهآ لي صديقآتهآ المدرسآت من الساعه 9 بالليل لي 12 .

ودهآ تسألهم هم ما عندهم بيت وعيآل ..كل يوم قآطين وجههم ..لآ وعلى هذآ كله ودهآ تعرف ما يتعبوآ من الفرآره كل يوم في بيت ؟!!

أخذت نفس وعدلت بلوزتهآ بشكل سريع ..آصلآ ما يهمهآ راي احد ..هي تدري أنهآ مي حلووة ..هذآ اللي تحسه .

عدلت خصلآت من شعرهآ وثبتتهآ لي ورآ عشان ما تأذيهآ ..أخذت الصينيه وطلعت متوجه من المطبخ لي غرفت الآستقبآل .

دخلت بهدوء وهي تسمع سوآليفهم المزعجه بالنسبه لهآ ...المشكله ان سوآليفهم تكون على رآس وحده فيهم غآيبه عنهم وكلهآ حش فيهآ ,,
مآفي مدح كلهآ ذم ,,

صبت الشآي ووزعت بسرعة عليهم ..نآظرت غآده اللي تقول : الصرآحه يا نوال بنت ما شاء الله عليهآ شكلي بخطب عندك .

ضحكت نوآل وهي تقول : ومن وين لك ولد لآ يكون حآمل .

ابتسمت غآده بغرور وهي تقول : ايه عندي بس مو حآمل ...عندي ولد من زوجي الآول ما شاء الله عليه.

تكلمت نوآل بكبر وهي تقول : يلآ استعجلي وأخطبي عاد بنتي ميس ما شاء الله عليهآ كل فترة وجآهآ وآحد يخطبهآ وهي ترفض .

تكلمت وحده من المدرسآت : الصرآحه بنتك مزيونة يا نوال وياحظ من كانت نصيبه .

صدت عنهم وتحركت طآلعه بس رجعت لفت على صوت غاده : شوق تعالي خذي هذا .

نآظرت الآرض مكآن ما غاده تأشر على منديل ..ابتسمت دآخلهآ تحس نفسهآ خدآمه مو بنت زوجهآ صدت وهي تقول بيبرود : خذيه انتي .

توجهت لي الغرفة وهي تزفر بتعب ..فتحت الباب ودخلت طآحت نظرآتهآ على خوآتهآ يذاكرون عندهم السبت اختبار .

جلست على طرف السرير وهي تأخذ نفس ..كلهآ سآعه وعقدت حوآجبهآ وهي تشوف غاده تدخل بعصبيه وهي تقول : اسمعي انتي وخوآتك ترآكم في بيتي أي شي أقوله يتنفذ فآهمين والحين قوموآ نظفوآ المجلس .

وقفت ميآر وهي تقول بسخريه : انتي قلتيهآ بلسآنك بيتك روحي نظفي لي نفسك حنا مو خدم عندك .

صرخت بعصبيه اكثر وهي تقول بتهديد : اسمعي يابنت ترآك لسه ما عرفتيني .

قربت منهآ ميار وهي تنآظرهآ ببرود : ليش وش بتسوي .

مدت شوق يدهآ وسحبت أختهآ ورآهآ وهي تحآول تتمآلك اعصآبهآ ما تبغى مشآكل على هالليل : خلآص غاده .

قآطعهم صوت حآد وهو يقول : وش فيكم آصوآتكم وآصله برآ .

لفت غآده ونآظرت وهي تقول بسخرية : رب بنآتك يا ابو البنات وبعدين تكلم .

طلعت وتركتهم مع أبوهم ..هم مو عآرفين وش فيهآ عليهم .
آصلآ ما يحبوآ يقربوآ صوبهآ ,,

وهي على كل شي تبغى مشآكل ,,
وجودهم مضآيقهآ ؛؛

تقدم لهم وهو يقول بتساؤل : وش فيكم .

تأففت ميآر وهي تقول : ما في شي بس زوجتك تبغى مشآكل .

عقد حوآجبه وهو يقول بحده أكثر : ميار تأدبي .

قالت بتذمر وهي تطلع هوآ من فمهآ بأنزعآج : اكيد مو عآجبك كلآمي مي هي زوجتك .

مآحست الآ كف قوي نزل على خدهآ ..تجمعت الدموع بعيونهآ وهي تنآظر فيه بكل كره ..قربت منهآ شوق وسحبتهآ لهآ وهي تقول : يبه ليش !!

رفع سبابته وهو يقول بعصبيه : اسمعي يا تتأدبي ولآ قسم بالله ما تلومي إلآ نفسك .

طلع من عندهم وضرب البآب بقوة ..شهقت ودموعهآ نزلت على خدهآ إللي تحس بنغزآت فيه من قوت الكف .

ضمتهآ شوق وهي تهمس : خلآص حبيبتي .

قربت منآر اللي كانت سآكته من اول وهي تنآظر أختهآ وتحس بقهر دآخلهآ على تصرف أبوهآ ,,

.♪
.♪
.♪


كيف تنساك نفسي وانت والله نفسي
كل مابعد يناديني حبيبي غلاك
انتظرتك بعمري يا بعد كل امسي
انتظرتك وقلبي ينتظرني معاك
عاشقك مايسمى بعد فرقاك منسي
من كثر ماتمنى يلتقي بك لقاك
انت حلم المشاعر واعذب حروف همسي
قبل تكتبك عيني شفت قلبي قراك
والله اني احبك واصدق الحس حسي
والرضا في عيوني ياحبيبي رضاك
لو غرست التجافي بجني دموع غرسي
كل فرقا تلاشت عند فرقا هواك
اقطع الشك واطلق لو تكرمت حبسي
ما اهتنيت بوصالك خايف من جفاك
يا حبيب الليالي لو لياليك تقسي
ما ذكرتك ولكن .. خافقي ما نساك


بنفس التوقيت ..!!


نآظرهم بطفش وعيونه عليهم كل وآحد منهم يفكر بشي ..مقرن أخوه بالمشروع اللي حط كل فلوسه فيه ..و جاسم ما يدري وش فيه صآر له أسبوع متغير ,,

يحس ان فيه شي بس ما يدري وش ..دآيم هالولد مهموم حتى بزوآجه الثآني قال بيرتآح بس شكله ليين الحين ما لقى الرآحه ,,

أخذ نفس وهو يفكر في اللي شآغله باله سنين وسنين ..الحيين يحس آنهآ قريبه منه ,,
آصلآ ما بينهم شي ..كلهآ كم خطوة ويكون دآخل عندهآ ..بس في شي دآخله يحس آنهآ رآح ترفضه ,,

هو يفكر بعدتهآ بآقي لهآ أسبوعين وتخلص العده ..يبغى يخطبهآ على طول ,,
يكفيه سنين الحرمآن اللي عآشهآ ؛؛

خلآص يبغى قربهآ ,,
يبغى يستقر معهآ ..صآر له سنين ينتظر وجودهآ بحيآته,,

وآح ينتظره العمر كله ؛؛
هي له وهو لهآ من يوم مآحبهآ !!

نآظر أخوه اللي قام وهو يقول بهدوء : يلآ تصبحوآ على خير .

رد عليه : وانت من اهله .

عدل جلسته وهو يقول : جاسم .

صد نآظره وهو يقول : هلآ.

ابتسمت عيونه ذيك الابتسآمة الجذآبة وبسخرية لطيفة قال : يا الحبيب الحيين خلك معي شوي .
جاسم رفع حآجب و قال بـهدوء : معك قول .

نآظر فيه لـ ثوآني وبعدهآ قال : ودي تكلم اسيل عني .

عقد حوآجبه وهو يقول :بس اسيل باقي ما كملت العده .

اخذ نفس وهو يقول بجديه : ادري باقي لهآ اسبوعين .

ابتسم بهدوء وهو يقول : ان شاء الله تكون لك .

هز رآسه وهو يتمتم " ان شآء الله " يكفي أول مره رآحت من يده .
و يخسرها لـ من ؟
لـ ســيـــف ؟!
اللي ما يستآهل ظفرهآ ,,

هالشي كآن بالنسبة له مثل الخنجر الي طعنه ..كآن ميت جسد من غييير روح ,,
ما كآن يده شي ..سيف خطبهآ وهي وآفقت وهو في الآسآس ما كآن موجود ..حس بنهيآر وقتهآ ..بس سكت عشآن سعآدتهآ ,,

يكذب لو يقول أنه تمنى لهآ الشر ..لآ والله تمنى لهآ كل خير وسعآده ,,
مآكآن همه نفسه قد ما همته سعآدتهآ,,
بس هي ما كآنت سعيده كآنت تعيسه وهو يحسب آنهآ سعيده ,,

خمس سنوآت عآش على خيآلهآ أنهآ بتكون بيوم من الآيآم له ..بس كآن يتحسر وهو يشوف قدآمه سيف ,,

والحيين خلآص مآرآح يتركهآ ,,
بتكون له ويكون لهآ ,,
حتى لو بالغصب ؛؛

لأنه ما يحتمل فكرة انها تكون لـ غيره !!!!!!
كل شي عنده ولآ يخسرهآ مره ثآنية ,,

.♪
.♪
.♪


بعَـــدْ مروُر أسبُووعْ !!!


اليوم رآح تكون ملكتهآ على ولد خآلهآ ..صآرت هاديه تحس بشي قآبض قلبهآ من العصر ,,
آصلآ الملكه مجرد كتب كتآب... حتـى من غير أي حضور.. . لأنهم نآويين انه العرس بيكون قريب و مآلها دآعي الملكة ..!!

هذآ كله كلآم زوجة خآلهآ اللي ما حضرت لآهي ولآ بناتهآ ..كل اللي حضر خآلهآ اللي سلمت عليه الظهر وولده سالم اللي هو خطيبيهآ ,,

وقفت وهي تقول لي رنا اللي آجبرتهآ تزين حآلهآ شوي ..عشآن بتقآبل خطيبهآ .
حركت شفآيفهآ وهي تقول بهمس :رنا وين فهد .

نزلت فرشة الآستشوآر من يدهآ على التسريحه وهي تقول من غير ما تنآظرهآ : تحت بمجلس الرجآل .

تحركت بخطوآت هآديه ونزلت لي تحت وهي تبغى تتكلم معه بشي .. نآظرت الباب الفآصل بينهم ..عقدت حوآجبهآ وهي تسمع صوت فهد ..مدت يدهآعلى مقبض البآب وفتحته على خفيف .

تدري انه رآح يعصب عليهآ ,,
بس هي تبغى تقولة شي ,,
حتى لو عصب عآدي ,,

فرجة صغيره بآنت بين شفايفهآ وهي ترمش بـصدمة غير متُوقعة بتآتـاً اللي سمعته ..كتمت شهقتهآ وصرخه دآخلهآ نوت تطلع :.....................



بحفِظْ الرَحمَنْ
:
:
عٌطَنيِ الٌأماًنَ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 239
قديم(ـة) 17-05-2013, 09:54 PM
صورة Enas96 الرمزية
Enas96 Enas96 غير متصل
©؛°¨غرامي جديد¨°؛©
 
الافتراضي رد: روايتي الثالثة : على رصيفَ الثرثرةَ


سلمت أناملك المبدعة
الله يعطيك العافية
البارت مرة رهيب
بانتظارك في البارت الجاي
*_*

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 240
قديم(ـة) 18-05-2013, 07:58 PM
قلب مربع قلب مربع غير متصل
©؛°¨غرامي مشارك¨°؛©
 
الافتراضي رد: روايتي الثالثة : على رصيفَ الثرثرةَ


خطييير
علي حسبي الله عليه الحسود
فجر عسسئ مايكون فهد اللي بيزوجها
مسك وجاسم بدايتكم صعبه
فيصل ونغم الله يحسن حالكم :$

بانتظار البارت الجاي

روايتي الثالثة : على رصيفَ الثرثرةَ

الوسوم
..بقلمي , الثآلثة , الثرثرةَ , رصيفَ , روآيتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : فديت جناني إذا كان بمزاجي وعنادي/ كاملة حايستهم روايات كامله - يتم نقل الرواية هنا بعد اكتمالها 1381 13-08-2019 06:05 AM
روايتي الثالثة : أنا لامن نويت أعشق أعشقك لو تروح أميال لكن لا نويت الصد صدقني لو إنك بحضني تتعب ما تلاقيني / كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1543 06-04-2019 09:06 PM
روايتي الثالثة : أحب أعشق و أحب أخون و أحب ألعب على الحبلين , كامله متلثمهـ بشماغ أخوي روايات كامله - يتم نقل الرواية هنا بعد اكتمالها 453 07-12-2014 03:05 PM
روايتي الثالثة : شتاء لا يقتل الزهور شمس ورى الغيم أرشيف الروايات المغلقة - لعدم إكتمالها 51 22-12-2012 02:17 AM
روايتي الثالثة : و اللي يسلمكم كافي ذل و إهانة مشاعل وكلي مشاعر ارشيف غرام 1 17-03-2011 03:26 AM

الساعة الآن +3: 03:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1