غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 07-02-2013, 08:20 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة \ على رصيفَ الثرثرةَ


اقتباس:
المشاركة الأساسية كتبها أوجاع قلبي مشاهدة المشاركة
*

السلام عليكم ... تسلمين على البارت ...


فيصل ونغم ...

يمكن هي زوجته ... و برجعتهم لـ الرياض ... ترجع لـ ذمته عشان كذا وليد يبغي منها السماح و هي ما تبغي فيصل ... عشان كذا بيجبرها عليه ...

فهد و مسك ...

فهد إن شاء الله الحادث ما ياثر عليه ... و بتتحسن علاقته مع مسك ...


جاسم و نوره ...

يا برودها أبد ما تصلح له ... ليه ما يطلقها ويريح عمره منها !! ...

مقرن و ساره ...

طلع متزوج !! ... و عنده بنت و ولد ...
هل بـ طلاق أسيل راح تتغير حياتهم الهاديه و تنقلب !! ... بسبب حبه لـ أسيل ...

دمتي بخير ...
وعليكم والسلام الله يسلمك ياعسل.
نغم وفيصل بنعرف عنهم يمكن مثل ما قلتي .مسك وفهد يمكن الحآدث مو قوي
حياة جاسم لين متى بتستمر باالبرود هذا ..هل بتتغير نوره ...ليش تتغير حيآتهم عشان اسيل
يمكن ما يحب اسيل .
منوره يالغلا ..
ودي لك.

اقتباس:
المشاركة الأساسية كتبها (قلب مشاعر) مشاهدة المشاركة
مشكووووووووووره على البارات


الله يعطيكـ الف عاااافيه
العفو يالغلا ..الله يعافيك .منوره
ودي لك.

اقتباس:
المشاركة الأساسية كتبها jana al-juneidi مشاهدة المشاركة
وليد ونغم ليش يزوجهآ غصب عنهآآ ..بنعرف وش بيصير في البارتات القآدمه
ودي لك.



[size="5"

ازن هي متجوزة وخالصة وبرجعها لجوزها غصب عنها هههههههههههههه مالي هل فترة حابة العنف ، و يا ريت تعطيني اسماء روايتك الي قبل ... حابة اقرائهم
وليد ونغم وحيآتهم ..وش سالفة وليد واصراره على رجوعهم ..
ههههههههههه هي متزوجه ايه .لالا لاتحبي العنف
رواياتي شياطين الحب ..ودي احطب لك اضلوعي
منوره ياعسل.
ودي لك.

اقتباس:
المشاركة الأساسية كتبها semo _' مشاهدة المشاركة
ليوم ففي بآرتت او متى موعد البآرتآت ؟!
هلا سوسو البارت اذا ما كان الاربعاء راح ينزل الخميس


اقتباس:
المشاركة الأساسية كتبها حـلـم الأمـل مشاهدة المشاركة
يعطيـك العـآفيـة يالغلـآ ..بـآرت جميـل ..
بـآنتظـآرك للبـآرت الجـآي
الله يعافيك حلم الأمل ..الاجمل تواجدك
كوني بالقرب.
ودي لك [/SIZE]


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 07-02-2013, 10:42 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة \ على رصيفَ الثرثرةَ


شوي وبينزل البارت

مع كل الآمنيات بقرأه ممتعه

.

لااله الاالله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 07-02-2013, 11:24 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة \ على رصيفَ الثرثرةَ




صَبَآحْكُم / مَسَآءَكُم
نَقَـآءْ (وَ) مَحبَّه


على رصيفَ الثرثرةَ : موعدُ بدون لقاءَ \ عٌطَنيِ الٌأماًنَ

.♪
.♪
.♪

♬ ♪ الثرثرةَ آلثآلثة ♬ ♪

الرياض..


نفس التوقيت ..

حرك عدسة عيونه بالغرفة ألي جمعت بينهم ...لين الحين يحس بوجودهآ ...طول عمرهآ كانت له وراح تظل له ...صح خسرهآ بسبب بروده وغروره ألي ضيعهآ منه ...لكن الحين مستحيل يفرط فيهآ أذا رجعت له ..
غيآبهآ عذبه ..حييييل..!!
صحى من سرحآنه على صوت جوآلة ألي كسر وحدة سكونه بها لليل...رفعه واتسعت عيونه ودقآت قلبه تزدآد...اخذ نفس وضغط الزر الاخضر وبصوت يحآول يكون هادي : ألو.
بصوت هادي : هلا فيصل شخبارك.

فيصل : هلا فيك .تمام الحمد الله وانت .

بنفس النبرة : الحمد الله ..حبيت اقول لك في أي وقت
تبغا تمر علينا.

فيصل: اوكي .

سكت شوي ورجع قال : تمام ..يلا ما راح اطول عليك مع السلامه .

فيصل : مع السلامه .

.♪
.♪
.♪

الساعة 4 العصر .

دخلت عليهم وهي مبتسمة ..تقدمت لي أخوهآ بهدوء لين صارت قبآلة ...مدت يدهآ ألي فيهآ الملازمة : عناد خذ ...تقول لك رنا ترجم لهآ صفحه خمسة وسته.

رفع يده وسحب الملازمة وحطهآ على الارض : ان شاء الله.

تحركت طالعه من المجلس وهي تسمع فهد يقول بيبرود : الله يعينك يا حضرة الدكتور.

رفع كأسة الشاي وقربهآ من شفايفه وهو يقول : اسكت انت اخر من يتكلم ...أجل في واحد مثلك احول ما يعرف يسوق عدمت سيارة الرجال .

صد عنه وهو يقول : لا تمسكها على .. قدر الله وما شاء فعل ..والحمد الله عدت على خير .
تمتم عناد : الحمد الله.

نآظر في مرة عمه لي فترة ..وده يقول لهآ بس خايف تزعل ..بس لازم يستقر ويكون عنده بيت .مرر كفه على وجهآ وهو يقول : أقول خالتي.

نآظرته أم فهد : هلا يمه.

عدل جلسته وقال بهدوء : بغيت اقولك .<<سكت مو عآرف كيف يفتح معاها الموضوع ..حركت شفآيفه وكمل كلامة بنفس النبرة >> ودي أخذ اختي ونستأجر لنا شقة على بال ما يخلص بيت أبوي ..انتي تدري ان الحريق ما خلى فية شي ..والحين انا جالس ارممه بس يبغى وقت.
نآظرته بنظرآت متفاجئة: عناد وش هالكلام ..ليش انت جالس بالشارع ولا في بيت غريب.
قآطعهآ باحترام : لا والله يا لغالية ..أنا في بيت ..بس تدري البنات كبروا وأنا لي كم شهر من جيت من أمريكا احسهم مو مأخذين راحتهم ...وبعدين فجر كبرت ماشاء الله عمرهآ 15 وما يصير تجلس ..<<سكت وقت ما طاحت نظرآته على فهد ألي ينآظره بسخرية >>
فهد رفـع حآجب و ميل راسه بـ طيف ابتسـآمة سآخره : البنت لهآ معنا 10 سنوات ..ألا ان كنت ما توثق فيني.

نآظرتهم ام فهد وبصرامه : اسمع يا عناد اذا ودك تطلع تسكن في شقة لي وحدك ما راح أقول لك لا ..لكن فجر ما تطلع من بيتي إلا لي بيت زوجهآ ..<<وقفت وتحركت طالعة من المجلس >>
حط سبآبته و الأبهـآم على جفونه وهو يضغط عليهم بقوة ،، يحس انها زعلت ..إلا اكيد زعلت ..هو معاه حق يبغى يستقر مع اخته ..بس مرة عمه ما راح ترضي ..يدري وواثق انهآ تحبها وتخاف عليهآ كأنها بنتها ..ليش ما تخاف عليهآ وهي ربتها من كان عمرهآ خمس سنوات ..وهو كل ألي جلسة في بيت عمه بعد وفاة اهله ثلاث سنوات خلص فيها الثانوي وبعدها سافر الخارج يدرس طب ...حرك عدسة عيونه على ولد عمه
كان بيقول كلام يزعل فهد,,
بس حمد الله ان مرة عمه قآطعته ..مرر لسآنه على شفايفة و قال بعد صمت قصير: فهد لا تزعل مني يا خوي .

آخذ نفس هادي و قال: ما راح ازعل منك ..<<مد يده وسحب غترة وعقاله ..وقف وكمل كلامة >> يلا انا طالع الاستراحة .

هز رآسه : الله معك وانتبه لي نفسك.

تحرك طالع بعد ما لبس نعاله وهو يقول : ان شاء الله .

نزل نظراته على الملازمة وتذكر كلام أخته ..رفعهآ على فخذه وفتحهآ..لقى قلم الرصاص على نفس الصفحة ..سحبه وبدا يترجم لهآ الكلمات ألي محدده عليهآ .

.♪
.♪
.♪

نفس التوقيت ..بمكآن ثاني .

دخلت شآآيله صينيه القهوة والشآآي بهدوء .. بخطوآآت حيل هآديه ..نزلت صينيه على الطاولة بشكلهآ المربع والابتسامة مرسومة على شفآيفهآ : والله منورة يا سعاد .

ابتسمت لهآ بحب : تسلمي ياعمري ..تصدقين ما صدقت عبد العزيز اخوي يقول ..سلمت على وليد ..من الصبح كنت بجي بس وش أسوي مسكتني الوالدة ..تقول الناس تعبانين توهم رادين من السفر.

لآ أرآديـآ بدت ترجع خصلات شعرها المبعثرة ورآ أذونها وهي تقول : الله يحيك في أي وقت ..كنت بتصل عليك تجي تساعديني ..بس الحمد الله القلوب عند بعضها .

ضحكت سعاد وبمزح : ايه مو حب في وجهي بدوقي علي .

ضربتها على كتفها : اية مو حب في وجهك .<<مدت يدهآ وسحبت ترمس القهوة وصبت في الفنجان وناولتها >> خذي .

اخذت الفنجآن منهآ بهدوء : تسلمي ..<<نآظرتهآ لي ثواني تبغى تقول لهآ بس مستحية ...حركت شفآيفها وهي تقول >> .أقول نغم .

نآظرتهآ نغم : هلا .

سعاد بصرآحه : انتي صار لك سنتين مطلقة صح .

نغم ردت بوجع مدفون دآخلهآ : اية .

عدلت جلستها وهي تقول : الصرآحه في موضوع كأن بقوله لك وقت ما كنتي في باريس بس أجلته فترة ..والحين انتي رجعتي .

عقدت حوآجبهآ : سعاد قولي وش عندك.

قالت وهي تآخذ نفس : عبد العزيز اخوي وده يتقدم لك.

رمشة عينهآ رمشة سريعه عبرت على رجفـة خفيفة مرت فيهآ ...مو عآرف وش تقول ..هي صح انصدمت بس حست نفسهآ تايهه ..همست بصوت تحآول يكون طبيعي : والله متفاجئة..مو عارفة وش أقول .

سعاد : نغم خذي راحتك بالتفكير ..ما راح أخلية يتقدم لك رسمي لين تعطيني خبر ..ومن الحين أقولك قرارك مهما كان ما راح يخرب علاقتنا في .

هزت راسها وهي تقول : اكيد ..بس ليش أنا... عبد العزيز ما تزوج من قبل .

سعاد : ويعني واذا مطلقه يعني فيك عيب .

بلعت ريقهـآ بتوتر .. شهالموضوع الي طلع لهآ الحين ..سكتت مو عآرفه تتكلم ؟؟
معقولة تتزوج للمرة الثآنية ..؟؟


تـــــــــــــابع.




تعديل عطني الأمان بحياتك; بتاريخ 07-02-2013 الساعة 11:40 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 07-02-2013, 11:31 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة \ على رصيفَ الثرثرةَ




خارج الرياض ..

الساعة 8 بالليل..

أصابعه تتحرك على حبآت السبحة بهدوء ظاهري عكس النيرآن ألي دآخله ...ثبت نظرآته الباردة على سيف ...عارف ان سيف ما راح يستسلم لين ترجع له اسيل ...صد لي أبو سيف مبارك ألي يقول : أبو سالم.

ابو سالم اخو أسيل : نعم يا مبارك.

رفع يده وحك دقنه وهو يقول : والله ما أدري وش اقول .

رفع حاجبة ابو سالم : وش عندك يابو سيف.

مبارك : سيف وده يرجع حرمته .

هز راسه برفض قـآطع و هو يقآطعه ..متجنب نظرآت أعمامه : جيتكم على العين والراس ..بس ألي سواه ولدك في بنتنا ما يسويه يهودي.

مبارك بأحراج : يا ولدي أي زوجين تحصل بينهم مشآكل .

ابتسـم بسخريه عنيفه و بصوت بآرد قال: انت قلت مشآكل ..<<لف على سيف وخزه وكمل كلامة >> بس ولدك ما خلى فيهآ مشاكل .

ابو سالم نآظر ولد أخوه ورجع تكمل : جيتك عزيزة علينا يا مبارك ..لكن بقول لك اما إمساك بمعروف أو تسريح بإحسان ..

مبارك :يابو سالم الولد متمسك بحرمته .

جاسم بأحترآم و بصوته البآرد نفسه قال : اسمع ياعم ..عمتي تبغا طلاقهآ ما تبغى ولدكم .

سيف ضيق عيونه وهو يقول : ابغا اشوفهآ.

ابو فارس : اسمح لي ما تقدر تشوفهآ.

وقف جاسم وقال بنفس الاحترام ونظرآته على أعمامه والموجودين : تفضلوا العشا .

وكأن بكلامه ينهي النقآش ..هو عارف ان عمته ما راح تغير رايهآ وهو أول واحد ,,ماله دآعي مطولين السآلفة ...ابتسم لما حس بيد على كتفه نآظر عمه أبو فارس بحب : هلا يبه .

ابو فارس : والله انك رجال ينشد فيه الظهر .

جاسم : تسلم يبه .

ابو فارس بحزن : والله أني اشوف فارس فيك.

نزل رآسه بحزن على ذكرى ولد عمه وأخوه بالرضاعة : الله يرحمه.

ابو فارس يغير الموضوع : متى بيرجع تركي من الجنوب.

جاسم بهدوء : أن شاء الله بعد أسبوعين .

أبوفارس : الله يستر عليه ويحفظه .

جاسم : آمين .

.♪
.♪
.♪

نفس التوقيت ..

الرياض.

ماعآد فيهآ تتحمل ألي قاعد يصير ...تقدمت من أمهآ ألي جالسة تنآظر التلفزيون ...رمت شنطتهآ على الكنبة ألي قبآلهآ: يمه ..انا تعبت لين متى بتحمل ها ليصير.

نآظرت فيهآ بحسرة : يمه شوق وش تبغيني اسوي .

فتحت أزرار عبآتهآ وهي تقول : يمه كلميه ..حرام علية ألي يسويه لي هالدرجة يحب الفلوس وما يخاف علينا .

نزلت رآسهآ بتعب : شوق أنا تعبت من أبوك كل يوم على ذا الحآل.

رفعت وجههآ فوق و دموعهآ مغرقته.. تعبت من أبوهآ وحركاته ..تبعت من أنهآ تتحمل المسؤولية ..تحس نفسهآ على وشك الانهيار .

وقفت وتقدمت منهآ ..جلست قربهآ بهدوء ..حال بنتهآ معذبهآ بس وش تسوي هي مرة كبيرة في السن وياالله تشيل حالها...مدت يدهآ حول بنتهآ وضمتهآ لي صدرهآ بحنان : يمه خلاص لا تضيقي خلقك.

ارتجفت شفآيفهآ ..ما عاد قادرة تتحكم بدموعهآ ..تمسكت بقميص أمهآ وشهقآتهآ بدت تزداد : يمه والله تعبت .

نزلت دموعهآ على حال بنتهآ ..مسحت على شعرهآ وهي تقول : وش فيك يمه تكلمي لا تكتمي .
شهقت بألم : يمه الناس كلهآ تتكلم فينا ..اليوم وانا بالمشغل ألي أشتغل فيه ..جت سوسن بنت جيرانا وصآرت تتكلم مع صديقتهآ بصوت عالي ..<< شهقت شهقه ورى الثانية, قوست شفايفها وهي تحس بالظلم وش تقول لي أمهآ .>>

أم شوق عقدة حوآجبهآ ..تدري ببنتها قويه وما يخليهآ تنهار كذا ألا أذا كان كلام قوي : شوق وش قالت سوسن.

رفعت يدهآ ومسحت دموعهآ ألي تنزل : تقول بيت أبو مالك مأ جرين من شباب عزاب ..كل يوم أشوف واحد شكل طالع ..استغفر الله أحس أنهم.

ما قدرت تكمل وش تقول ..الناس تتكلم بشرفهم ...الناس ما رحمتهم .. كل يوم ومطلعين عنهم شي ..والسبب أبوهآ ألي يحب الفلوس أكثر منهم ..هي ما تدري الفلوس ألي يحصلهآ وين يوديهآ... هو يعاقبهم عشان ما حصل ولد ولا يعاقب نفسه .

تنهدت أم شوق بحزن على حال بناتهآ ..هي زوجت ثنتين هاجر ولمار كل وحده مستقره بمنطقه مع زوجهآ..ما بقى لهآ ألا شوق والتؤم ...ما في يدهآ شي تسوية ..وكلام الناس ما يرحم .

رفعت رآسهآ ألي كان على صدر أمهآ بضيق ..تدري أن بكلامهآ ضيقت خلق أمهآ بس وش تسوي ..مالها صديقات ولا قرايب كلهم بعيدين ..نآظرت بأمهآ وهي تقول : يمه الناس معهم حق وهم يشوفوا رجال طالعين داخلين للبيت ..بيتنا دورين الدور الارضي كامل كله لي زوجته الجديد..والثاني شقه أحنا فيهآ والثانية فيهآ غرفتين نفس الحال عزاب ..والله أني استحي لو بغيت أروح الشغل وأنا نازلة الدرج أو طالعه اصادف واحد منهم ...وكل ما أقول له ليش تأجر من عزاب أجر من عائله ..يقول العزاب وقت ما تبغاهم تقدر تطلعهم بسرعه لكن العائلة تأخذ وقت ...يمه والله صرت أخاف وما أنام مرتاحة ..<<امتلت عيونهآ دموع وهي تكمل كلامهآ>> أخاف حد منهم يتهجم علينا ..أخاف على خواتي الصبآح وهم طالعين للمدرسة ..أخاف عليك انتي وقت ما تبقي لي وحدك ...ودي اعرف ليش ما يخاف علينا ..يعني حنا محنا بناته .

رتبت على كتفهآ بحنان : قومي يمه ..بدلي ملابسك ونامي ..الله يهدي أبوك .

هزت رآسهآ بهدوء ..تحركت بخطوآت صوب غرفتهم هي وخوآتها التؤم : يـآرب استر علينا و ابعـد عنآ عيآل الحرآم.

.♪
.♪
.♪

الساعة 11 بالليل

دخل بخطوآت هادية ...يحس راسه بينفجر من الصدآع ألي ماسكة ...عقد حوآجبة بضيق وقت ما طاحت نظرآته على أخوانة فيصل وريان ...رفع يده لي صدره ..حركهآ بخفه لا على وعسى يخف ضيقه .

فيصل بحده : أنت وينك فيه .

انكمشت ملامح وجهه والضيق باين عليه : برا مع الشباب.

فيصل بنفس النبرة : رح نام بكرة ابغاك بالشركة .

هز راسه وهو يتمتم " ان شاء الله " ..تحرك بخطوآت وصد عنهم ....لين الحين يده على صدره ...بدا تنفسه يعلى...أحمر وجهه بـدى يفرك صدره بقوة ..مو عارف وش يصير فيه... فتح فمه يبغى هوا يدخل رئته ...رفع يدينه وغرسهم بشعره وشد علية بقوة .....حآول يأخذ نفس بس ما في وكأن الاكسجين انقطع ...طاح من طوله وهو يشاهق ... و كـأنه بيمُوووووت ..!
ريان بصدمه صرخ : رويد.

فز فيصل وركض صوبه ..جلس قربه وهو يقول: رويد وش فيك.

مد يده وشد على قميص فيصل ..يحآول يتنفس ...شهق بقوة ..حس بروحه رجعت.. زفر بتعب ..مو عآرف وش فيه هذي المرة الثالثة ألي تصير له ..حرك عيونه على أخوه ودموعه تنزل ..همس بصوت مخنوق : ما في شي.

فيصل بحده : وش ما فيك .

قآطعه بتعب هو يسند نفسه : فيصل يرحم أهلك اتركني.

فيصل بخوف على حآل أخوه : رويد انت تعبان.

عدل نفسه ووقف بأرهاق : لا مو تعبان .

حرك عدسة عيونه بعبث علية : طيب روح ارتاح .

تحرك خطوتين .. بعدهآ وقف و نآظر بعيون اخوه وهو يقول بـ نبره طبيعيه قد ما يقدر ..يدري بأخوة ما راح يتركه بحآله : فيصل لا تخاف .<<ابتعد عنهم وصعد الدرج وهو يقول >>.. تصبحوا على خير.
هز راسه بعدم اقتنـآع وهو مو مصدق كلآمه ...نآظر فيه لين ما اختفى من قدآم عيونه ..رجع مكآنه وهو يقول : ها لولد ما أدري وش فيه .

ريان بهدوء : فيصل لا تضغط عليه ..رويد بعده بزر حآول تخفف من حدتك معه.

مرر يده على شعره وهو يقول : انا ما اضغط علية ..بس تصرفاته تنرفزني .

ريان نآظر أخوه ..يدري بحنية فيصل وخوفه عليهم : ادري بس اتركه لين يجي من نفسه ..تدري برويد و حركاته بس مرده لك ..<<ابتسم بحزن وكمل كلامه >> يحبك أكثر من أبوي ألي ما نشوفه ألا بين فترة وفترة ..يعتبرك مصدر الحنان له ..لو مو هذيك السالفة كان مثل ما هو شفآف ويبان عليه كل شي.

زفر بتعب : اتركك من رويد ..انت بكرة عندك موعد بالمستشفى على تسع أنا راح أخذك.

ريان : لا تتعب نفسك ..أروح مع السايق .

فيصل بحزم : خلاص قلت بروح معك .

ريان هز رآسه : مثل ما تبغى .

جاء بيتكلم بس قآطعه صوت : السلام عليكم .

لف وضيق عيونه وهو يقول : وعليكم والسلام.

همس له ريان بسخرية : الحين اخوك تأمره يرجع بدري وامك ما تدخل البيت ألا 12 .

نآظره لي فترة وصد عنه : عادي متعودين .

نآظرت فيهم ..توهآ راده البيت كانت بأحد الاستقبالات لي وحده من صديقاتها ...عدلت جلابيتها بلونهآ السكري والبني وهي تقول : ابوكم اتصل.

فيصل بهدوء : ايه .

هزة رآسهآ ونآظرت فيهم لي فترة قبل ما تتحرك بخطوآت وهي تقول : تصبحوا على خير.

حرك ريان كرسيه وهو يقول : فيصل انا بروح الملحق.

سكت ما رد عليه ..سند ظهره بتعب ...رفع يده وفرك جبينه ..سرح وهو يفكر فيهآ.. لين الحين يسئل نفسة ليش كان يقسى عليهآ.

ليش تعذب في بعدهآ..!!
رغم أنهآ كانت بحيآته شي عادي ,,
معقولة تعود على وجودهآ..وبروده هو سبب من اسباب بعدهآ..معقولة كانت بحيآته شي كبير ..!!
وبعدهآ صحاه من غفوته ..!

تـــــــــــــــــابع.




تعديل عطني الأمان بحياتك; بتاريخ 08-02-2013 الساعة 02:34 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 07-02-2013, 11:38 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: روايتي الثالثة \ على رصيفَ الثرثرةَ




الساعة 7 الصبآح .

نآظرت شكلهآ بالمرآية لي فترة ..اليوم أصرت على مسك تجدل شعرهآ ..رفعت يدهآ وعدلت غرتهآ على جنب ببنسه صغيرة ..ابتسمت ولفت وهي تقول : مشكورة مسك .

مسك بحنآن : العفو عمري ..بس تصدقي شكلك كيوت وطفولي .

هزت رآسهآ وتحركت لي شنطتهآ تدخل الكتب فيهآ: استاذه حنان حق التوحيد دوم تنصحني ما أفتح شعري ..أكثر من مره تقولي يا بنتي ما شاء الله شعرك حلو وطويل وعيون الناس ما ترحم.

وقفت وتحركت صوب الباب وهي تقول :وهي صآدقه..<<لفت ونآظرت فيهآ وكملت كلامهآ>>. اجهزي بسرعة عشان تلحقي على الفطور وتفطري زين .

هزت رآسهآ وعيونه على الكتاب ألي بيدهآ: أوكي .

خرجت وقابلت رنا ..ابتسمت : صبآح الخير.

رنا بنعومة : صبآح النور.

نزلوا سوا لي تحت ..دخلوا المطبخ ..تحركت رنا بخطوآت : مسك تكفين صبي لي قهوة .

هزة رآسهآ تدري بأختها تحب القهوة من الصبآح : ان شاء الله .

سحبت كرسي وجلست علية : تصدقي علي اختبار الساعة ثمان .

قرب منهآ وجلست قبآلهآ ..مدت يدهآ وسحبت ترمس القهوة : الله يوفقك .

رنا: أمين ..<<سكتت شوي ورجعت عقدة حوآجبهآ كأنهآ تذكرت شي>> ..مسك متى راح تبدي دوآم .

مدت الكوب لي أختهآ وهي تقول : يوم السبت ..الله يعين صار لي ثلاث سنوآت متخرجه من الجامعه ..<<ابتسمت وكملت كلامهآ>> اتخيل شكلي وأنا اشرح لي الطالبات .

ضحكت رنا : من جد شكلك غلط .

ابتسمت وهي تقول : ضحكوني معكم .

رنا حركت حوآجبهآ وهي تقول : فجر تخيلي شكل مسك وهي تشرح رياضيات لي الطالبات .

تقدمت منهم وسحبت لهآ خبز : الله يعينهآ على البنات والله بيرفعوا ضغطك..<<ميلت شفآيفهآ وبدلع كملت كلامهآ>> عاد البنات ما يكرهوا ألا مادة الرياضيات .

مسك بهدوء : الله يستر .

جالهم صوت فهد من الصآله : فجر عناد برا ينتظرك .

وقفت وهي تقول : طيب الحين بطلع .

وقفت رنا : أنا بلحق فهد عشان يوديني الجامعة بدري .

مسك : الله معاكم .

طلعوآ وتركوها لي وحدهآ..رفعت كاست الشاي وقربتهآ لي شفآيفهآ وهي تفكر ..
بحيآتهآ واطفآلهآ ...غمضت عيونهآ بألم ..لين الحين تشوفه قبآلهآ..لين الحين تتذكر آخر جملة قآلهآ " مسك يا عمري الله يطول بعمري واسعدك " ...عضت على شفآيفهآ والغصة خنقتهآ..ما درا انهآ أخر جملة راح تكون له ..الموت خطفه منهآ بغمضة عين ...فتحت عيونهآ وهي تدعي له بالرحمة ...على قد ما تحسرت على إلي صار ..ألا أنهآ صار لهآ ذكرى حلوه ..تشوفه بملامح أطفالهآ الي صار عمرهم سنتين .

زفرت وعيونهآ تحمل كثير من الالم : الله يرحمك .

.♪
.♪
.♪

الساعة 1 الظهر

خارج الرياض ..

رفع يده ورجع طرف غترته لي ورا كتفه ..ضيق عيونه ورفع رآسه لي السماء ...الجوا غيوم ويمكن بأي لحظه ينزل المطر ...مد يده وسكر باب سيآرته ...تحرك بخطوآت دخل لي الحوش وسكر الباب ورآه ... تحرك نآحية باب المدخل بنفس الخطوآت ..ارتفع حاجبة وهو يسمع أصوات ..عقد حوآجبه لما وصلت له تمتمات قدر يفهم منهآ أو توضح له الموضوع ...هز رآسه بضيق ودخل .. وقفت خطوآته بعد ما بدت تتثـآقل وعيونه لآ ارآديـآ تنتقل بينهم ..ضيق عيونه أكثر وبحده : وش فيكم .

نآظرت فيه بملل ورجعت نظرآتهآ على اسيل وهي تقول : لو سمحت جاسم ..انت لما قلت لي بتسكن عند جدتك ما قلت شي ..<<ميلت وقفته وبسخريه كملت كلامهآ >> بس ما قلت لي ان عمتك راح ترجع مطلقه.

صرخ بحده : نوره احترمي نفسك لا يصير لك شي ما يعجبك.

تأففت بضيق : أوفف عيشه تقصر العمر ..<<تحركت مبتعدة عنهم بخطوآت سريعة ..>>
حآول يمسك أعصآبه لا يلحق عليهآ... غمض عيونه بقوه و استغفر ربه...مو عآرف يتصرف معآهآ ومع حركآتهآ ألي ترفع ضغطه ..وكم مره يحآول يمسك أعصابه عشان ما يغلط عليهآ...فتح عيونه ونآظر اسيل ألي سرحآنه ...يدري أن زوجته جرحتهآ ومتأكد ... طلع هوآ قوي من فمه ...تقدم منهآ بملل ..جلس بقربهآ ...يبغى يتكلم معهآ ...رفع يده ومررهآ على دقنه وهو يقول : اسيل .

ارتجفت شفآيفهآ و حست بعصره بدآخلهآ وهي تقول : مو وقت الكلام الحين .
وقفت على طول صعدت لـ غرفتها و هي تجر خطوآتها جر.

نزل نظرآته للأرض... هُو طول عمره عايش بهالبرود اصلا .. لكنه يحسه ها لمره غير..!
سمع صوت جدته وهي تقول : جاسم .

رفع نظرآته عليهآ ..وقف وتقدم لهآ..لف يده على اكتفهآ وضمهآ له وهو يبوس رآسهآ : هلا يمه .

عقدته حوآجبهآ بضيق على حال ولد ولدهآ ...قربوا من الكنبة وجلسوآ عليهآ : يمه جاسم بغيتك بموضوع .

رفع يده وسحب غترته ورماها جنبة : هلا يمه أمري .

نآظرت فيه وهي تقول : يمه حالك مو عآجبني ..احسك مو مرتاح مع بنت هالناس...اسمع ياولد حسين انا بخطب لك.

قآطعه وبصوت هادي : يمه تكفين ..لا تورطيني مرة ثانية يكفي ألي عندي.

نآظرت فيه وبحده : أنا بخطب لك ارملة فارس ولد عمك.

رفـع حوآجبه بذهُول .. فرجة صغيره بآنت بين شفاهه وهو يرمش بـصدمة غير متُوقعة بتآتـاً :......


بحفِظْ الرَحمَنْ
:
:
عٌطَنيِ الٌأماًنَ




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 08-02-2013, 02:05 AM
plm plm غير متصل
©؛°¨غرامي متألق ¨°؛©
 
الافتراضي رد: روايتي الثالثة \ على رصيفَ الثرثرةَ


السلاآم عليككم ورحمةة الله

يَ ههههلا والله

ابدآآآآع وبهالبارت وضحت اشياءء كثيرة

نغغم فيصل/ هي طليقة فيصل اكيد تزوجها وكان يعاملها بقسوة ودايم يصد عنها واللحينة شكله بيرجعلها او حس بقيمة وجودها

رويد / يَ قلبي وش صارله يمكن عنده الربوا او شكله عنده مشكلة صآرت بالماضي من كلام اخوه ريان “ .لو مو هذيك السالفة كان مثل ما هو شفآف ويبان عليه كل شئ “ الله يستر

مسك : زعلت منك الصراحة اللحين من المواد اللي يا كثرها ما اخترتي الا ريآآآآآآآآآضضضيآآآآآآتت وعععع يا كرهي لها ولـ ابلتها ,, المهم زوجج مسك ميت طيب فهد ليش زعلان عليها !!!!

جآسم اسيل نورة /احححسن شئ لـ اسيل انها انفكت منه غثيث ،، ونورة اححسن خليهه يتزوج عليهآ هالمغرورةة


شوق / يَ قلبي تحححزن مرةة وابوها ههذا وججع حرام عليه اللي يسويه فيها ><


دممتي بودد غآليتي ...!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 08-02-2013, 03:23 PM
صورة jana... الرمزية
jana... jana... غير متصل
©؛°¨غرامي مشارك¨°؛©
 
الافتراضي رد: روايتي الثالثة \ على رصيفَ الثرثرةَ




صدقيني صدقيني مرت فارس هي مسك .... هاده ازى انا مش مخربطة ????
ورويد شكله بيتعاطا مخدرات .. ولا شو هل حالات الي بتصيبوا
وفيصل بيستهل دامه ما كان يعامل نغم منيح وببرود ... لا والله بيطلعلك ترجعلك مرة تانية .. والله بتكون هبلة
فهد جفص متى راح يتغير


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 08-02-2013, 04:22 PM
سومآ الشريف سومآ الشريف غير متصل
©؛°¨غرامي مشارك¨°؛©
 
الافتراضي رد: روايتي الثالثة \ على رصيفَ الثرثرةَ


أهلآ وسسهلآ..()

نغم وفيصل:فيصل كان متزوج نغم بس ماكان يعاملها كويس وتركوا بعض..

مسك:كانت زوجة فارس وراح يتزوجها جاسم

رويد:اممم عنده مرض بس ماني عارفته..*

مممكن تححدديلنا موعد البارتات..؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 08-02-2013, 05:34 PM
صورة Anaat Al R7eel الرمزية
Anaat Al R7eel Anaat Al R7eel غير متصل
©؛°¨غرامي مجتهد¨°؛©
 
الافتراضي رد: روايتي الثالثة \ على رصيفَ الثرثرةَ


السلام عليكم ورحمة الله وبركاته

البارت حلو وفيها واايد اشياء بانت وفي اشياء قدرنا نربطها ببعض ^^
الحين ذي شوق من وين طلعت هي وامها وابوها الطماع ..
يا مال الحالة مب خايف ع بناته يسكن يمهن عزابيه .. استغفر الله العظيم ..
نغم وعبد العزيز وفيصل .. معقولة تتزوج عبد العزيز عشان تقهر فيصل .. تصير ليش لا ههههههه
فهد وعناد حلو الكلام اللي صار بينهم .. بس مع هذا مب حلوة ان فجر تبقى معهم .. وخاصة انها كبيرة والمفروض تتغطى عنه من الحين ..
كلام عناد عين العقل .. ولازم يستقرون لحالهم دام انه قادر ع هالشيء ..
مسك يعني زوجها متوفي .. معقولة يكون فارس .. وام جاسم تريد تخطبها له ؟
بنشوف وبنعرف من عطعوطة هههههههههه
رويد اظن اللي فيه سحر .. وحده من الشغالات سوتها فيه وسحرته .. الله يعينه بس ..
والضيقة تكبر كل ما راح صوب حجرته .. يعني السحر موجود بالبيت ويمكن فحجرته بعد <<< خلاص قررت انه سحر هههههههههه
امهم احسها عايش فحالها ولا همها عيالها حتى ابوهم نفس الشيء ..
مساكين هالثلاثة كسروا خاطر ><

ونترياج مع الثرثرة الرابعة
تحياتي |~



تعديل Anaat Al R7eel; بتاريخ 08-02-2013 الساعة 06:19 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 08-02-2013, 06:17 PM
سومآ الشريف سومآ الشريف غير متصل
©؛°¨غرامي مشارك¨°؛©
 
الافتراضي رد: روايتي الثالثة \ على رصيفَ الثرثرةَ


ايهه صحح كيف راحت عن بالي

اكيد وحده من الشغالات مسسويه لرويد سححر


روايتي الثالثة : على رصيفَ الثرثرةَ

الوسوم
..بقلمي , الثآلثة , الثرثرةَ , رصيفَ , روآيتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثة : فديت جناني إذا كان بمزاجي وعنادي/ كاملة حايستهم روايات كامله - يتم نقل الرواية هنا بعد اكتمالها 1381 13-08-2019 06:05 AM
روايتي الثالثة : أنا لامن نويت أعشق أعشقك لو تروح أميال لكن لا نويت الصد صدقني لو إنك بحضني تتعب ما تلاقيني / كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1543 06-04-2019 09:06 PM
روايتي الثالثة : أحب أعشق و أحب أخون و أحب ألعب على الحبلين , كامله متلثمهـ بشماغ أخوي روايات كامله - يتم نقل الرواية هنا بعد اكتمالها 453 07-12-2014 03:05 PM
روايتي الثالثة : شتاء لا يقتل الزهور شمس ورى الغيم أرشيف الروايات المغلقة - لعدم إكتمالها 51 22-12-2012 02:17 AM
روايتي الثالثة : و اللي يسلمكم كافي ذل و إهانة مشاعل وكلي مشاعر ارشيف غرام 1 17-03-2011 03:26 AM

الساعة الآن +3: 02:51 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1