Yasoo jasy ice ©؛°¨غرامي فعال ¨°؛©



السلام عليكم كيفك ايش اخباركم ...

لي فترة طويلة ما دخلت المنتدى ولا نزلت اي شي
بسبب ظروف عندي .. ادري ما حد فقدني ههههههه

المهم بدخل بالموضوع بسرعة اخاف اتصفق

المهم انا بصرحة كنت مرررررة مو جاية ببالي فرشاة الجسم الجافة او body brushing

بصراحة وبدون مبالغة هي سحر انا ما كنت اعرف اي شي عنها لكن لما عرفت وقرات

اكتشفت اني مثل الاطرش بالزفة

مدري فين عقلي كان

المهم عشان لا تقولو جالسة تهذر على راسنا ومدري ايش بدخل بالموضوع على طوووووووول



هي المعروف عنها انها تكسر السيلولايت

اول شي خلني اعرفكم ايش هوا السيلولايت ::
وتعاني من هذه المشكلة حوالي 90 % من النساء، وبعض الرجال. وقد خلق تسليط الضوء على هذا النوع الطبيعي من دهون الجسم رعبا واسعا الإنتشار عام 1973: وزعمت حينها نيكول رونسارد، مالكة صالون تجميل في مدينة نيويورك المتخصصة في الجلد والعناية بالجسم، في كتابها: "تلك الكتل، والانتفاخات، التي لم تستطيع أن تَفقدها من قبل"، بأن السيلوليت هو نوع خاص من الدهون التي تحولت بطريقة خاطئة، وتجمعت من السموم التي اخفق الجسم في التخلص منها.
ومنذ ذلك الحين، بدأت المنتجات التي تعد بالتخلص من السيلوليت بغزو الاسواق، وخلال السنوات الثلاثة والثلاثين الماضية انتشرت العديد من الوسائل التي تعد بنتائج مذهلة من الليفة، الى اسفنجة الياف الصبار، والمراهم، والغسول، والكريمات، والجل (المصمم لإذابة الشحوم الزائدة)، والملحقات المكونة من الاملاح المعدنية، والفيتامينات، والاعشاب، ووسائل الاستحمام، والمناشف الضاغطة، والفراشي، وتمتد القائمة الطويلة من الوسائل المحتملة. فالكل اراد ان يكتشف طريقة للقضاء على السيلوليت، والكل اراد ان يجرب جميع الطرق.

بعض هذه الوسائل كان قادرا على التخلص من 5 الى 15 انش من الدهن في جلسة علاج لساعة واحدة. ولكن مجموعة الجلسات الكاملة يمكن ان تكلف ثروة طائلة، بالاضافة الى تكرار العلاج لاحقا

اوكك الحين اتوقع انكم عرفتو معاي ايش هوا السيلولايت .. نروح للبودي بريشنق


البودي برشنق هو انك تمسحي على جسمك بـ فرشة جسم لكن بدون مويا او بدون كريم
ضروري يكون جلدك جاف.. عشان كذا اسمو
Dry Brushing

غالبا البودي برشنق يسوه في السبا ..
عشان يعطي جسمك مظهر جميل و "slim"
بس عادة يكون غالي .. و البودي برشنق عشان تبان نتايجو صح
لازم يكون يوميا و لو مو قادره يوميا على الأقل على الأقل 4 أيام في الأسبوع
ايش حيوديكي 4 أيام كل اسبوع لـ سبا عشان تسوي التريتمنت هذا و طبعا يكون بالمبلغ الفولاني
غير انو اصلا مو كل السباز عندهم


فوائد البودي بريشنق ..::

أول شي الـ دراي برشنق راح يحرك الدوره الدمويه في جسمك
راح يعطيكي طاقه و انتعاش .. طبعا في طريقه معينه للبودي برشنق راح أذكرها تحت إن شاء الله
زي ما قلنا يحرك الدوره الدمويه و بالتالي شوفي كمية الفوايد اللي جسمك حيحصل عليها

يخلصك من الجلد الميت بإستمرار .. فـ جلدك دايما حيكون صحي و نظيف

لو كان عندك سولولايت هذا أحسن حل لك
لان أصلا اللي اقنعني فيه تجارب الناس اللي كان عندهم سولولايت و اتخلصو منها
بما انك جالسه تحركيه على جسمك و هو جاف راح يحرك الدم و راح يكسر الخلايا الدهنيه حقت السولولايت
فـ تتفتت و تتخلصي منها إن شاء الله

مع الوقت لما تتعودي عليها و تصيري تسويها بـ إستمرار .. الحركه اللي تسويها فيها
راح تخلي الدهون تتوزع بدل ما تكون في مكان واحد .. يعني جسمك حيستفيد من الدهون المفيده
و الدهون الغير مفيده تتخلصي منها بالمشي و المويا و الرياضه البسيطه

تشجع خلايا الجلد على انها تجدد دايما .. فـ ما يكون في بهتان في جلدك

بشرتك حتكون smooth smooth smooth
حيكون كأنك جالسه ترطبيها 24 ساعه .. حيكون في Glow و مظهر صحي على بشرة جسمك

يحفز الجسم على إفراز الدهون الطبيعيه للبشره .. فـ بشرتك ما حتكون دهنيه و لا جافه
حتكون معتدله طبيعيه

يعوّد جسمك على مكافحة الدهون و السولولايت ..

و إنتي شوفي كمية الفوايد اللي حتحصليها فقط من "تحرك الدوره الدمويه" بـ شكل منتظم




طريقة استخدامها .. بصراحة انا قرات كثير ودورت كثييير على الطرق الصحيحة واللي يستخدمها الاجانب والامريكان لان الاغلب يكونو عندهم خبرة اوسع منا >> مو دايما تراا

المهم توصلت لطرق بذكر افضلها ...


لازم تكون كل حركاتك باتجاه القلب ..في ناس قالو لازم تكون حركات دائرية لكن انا اشوف انها تكون حركات طولية افضل تبدأي من

باطن القدم ..

وتروحي للقدم من فوق ..بحركات طولية او دائرية زي ما تحبي ..

وتنتقلي للساق .. لو تحبي من قدام اول او من قدام وورا مع بعض عادي ترا ..

بعدها للافخاذ نفس الشي لو تحبي من قدام وورا مع بعض ..

بعدها للقدم الثانية ..

والساق ..

والافخذ ...

وتروحي لمنطقة الارداف ..

منطقة الخصر للي عندهم مشاكل من الافضل يكون التكثيف عليها اكبر لأن معظم البنات والنساء تكمن مشاكلهم في هذي المنطقة ومنطقة الخصر ...


بعدها البطن والجوانب البطن اما حركات دائرية او طولية والخصر نفس الشي ..

بعدها الايدين .. نفس الشي لكن الايدين تكون كاملة يعني تسوي من قدام ومن ورا بنفس الوقت ..



الايد الثانية بعدها الاكتاف .. وتكون باتجاه القلب ( ركزوا باتجاه القلب )

بعدها الرجلين من تحت الجهه الخلفية .. ( للي ما سوت رجولها الا من قدام )

والافخاذ من ورا ...


الارداف تكون حركة دائرية ..

الخصر من الخلف يكون بحركة دائرية او جانبية حول محيط خصرك ..

اما الظهر تكون بحركة طولية لحد الرقبة ..

والاكتاف من الخلف بحركة عرضية ...

الحين نروح لمنطقة الصدر .. من تحت الصدر تكون بحركة عرضية اما الباقي تكون بحركة نحو الصدر نفسه ( مو عارفة اشرح معلش )


اتمنى يكون الشرح انفهم ..

لو كنتي اول مره تسويها حتلاحظي انو و انتي تفرشي جسمك جلدك حيدغدغك
و ممكن يقرصك شويا .. و هذا طبيعي بما انو لسا جلدك ما تعود
لكن الكل يقول انو بعد ما يتعود عليها الجسم حيكون عادي

ابدأيها تدريجيا .. يومين كل اسبوع بعدين 3 ايام بعدين 4 ايام ألين تسويها كل يوم
يفضل يكون في الصباح .. و طبعا لو كنتي حتاخذي شاور يفضل يكون قبل الشاور
و بعد الشاور حطي كريماتك و كل شي ..

ضروري ضروري يكون جلدك جاف .. لا تسويها مع اي مرطب او اي كريم
و بدون أي مويا

النتايج مع المداومه حتبان أكيد
جلدك راح يكون ناعم و سموث .. و شكل جسمك حيكون احلى و ارتب
و بدون دهون زايده .. لان حركة الدم تحرقلك الدهون أول بأول

نظفي الفرشه مره كل اسبوع بالمويا و الصابون
بعد ما يتعود جسمك على البودي برشنق ابدأي سويها كل يوم
ضروري تكون الحركه للأعلى بإتجاه القلب
لا تفرشي جسمك بخشونه .. خليها تكون حركات ناعمه و خفيفه


هذا الشي إن شاء الله راح اداوم عليه و ابدأ اسويه و أخليه شي أساسي من روتيني اليومي

على فكره الفرشه .. أنا كنت اليوم في مجمع العرب و سألت في بوتس ما لقيت
ممكن اسأل في بودي شوب .. و لو لقيتها طبعا حأقولكم =)

تقدري تسوي سيرتش عن شكل الفرشه و تفهمي أكثر
كمان لو ما فهمتي طريقتي سوي سيرتش في اليوتيوب اكتبي
Body Dry Brushing

معليش ما حطيت الفيديو بس لان الحريم اغلبهم لابسين بكينيز P=
عموما اتوقع الكلام مفهوم الا لو كنتي محتاجه تشوفي كيف يسووها

إن شاء الله أفدتكم و تكون معلومات مفيده =)
من جد شي رائع و ما حبيت أخليه لـ نفسي






انفاس الصبح ©؛°¨غرامي مشارك¨°؛©

يسلموووووووووووووووووووووو

راقيه..! ©؛°¨غرامي مشارك¨°؛©

مشكوره حياتي عالطرح الرائع
صرااحه اول مره اسمعع فيهها ومن كلامك ععرفت انها شي روعه

مجنون جعلان عضو موقوف من الإداره

تسلمي الايادي

الله يعطيج الصحه والعافيه

بااانتظار جديدك بكل حترامي

~أنيقة فكر! ©؛°¨غرامي ماسي ¨°؛©

وعليكم السلام ورحمة الله وبركاتة


يعطيك العافيه ع الطرح المفيد

منوره القسم
بأنتظار جديدك

تحيتي


ليمون بلدي ©؛°¨غرامي جديد¨°؛©

معلومات استفدنا منها
يسلموووووووووو


الأنين* ©؛°¨غرامي مجتهد¨°؛©

يعطييكك العاافيههْْ~

غلا ال عبدالرحمن ©؛°¨غرامي متألق ¨°؛©

ثااااانككس يارووووحي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1