اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 02-02-2013, 10:23 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



[ البـارت الخـامـس ]


أبتــدت دموعي تطيح .. رديت عليه و انا اصيح ..
غيداء : مدري و شلون بـ اعيش حياتي بـ دونك ..
في هذه اللحظة دخل الدكتور .. رديت مرتبــكــة ..
غيداء : اكلمك بعدين ..
سديته بسرعة .. وقفت و انا منزلة راسي .. رد بـ هدوء ..

الدكتور : لـ الحينه ما سرتي بيتكم ..؟!

بـ خوف : هاااه .. بس لـ لـ لـ لان ...

نزلت راسي .. ضااعت كل الكلمات كل أملي ما أشوفه واقف عند الباب .. ارتجف جسمي من تلاقت نضراتنا .. لأول مرة أحس بـ رجفة في جسمي شرات هذه ..

طلع من الغرفة .. بسرعة .. شلت التلفون و خليته في شنطتيه .. خليتها ع كتفي و طلعت .. طلعت من المستشفى و قلبي يضرب بـ شكل غير طبيعي ..

فجيت باب البيت بسرعة .. دخلت و بسرعة لـ حجرتيه شرات المينونة ..

عقيت شنطتي .. و رميت روحي ع السرير و انا انافخ ..

طق طق

من غير نفس : منو ؟؟

امي : غيد شو فيج ؟

وقفت .. مسحت دموعي و فتحت الباب .. أبتسـمت لـ أمي أخفي ألمي ..

امي : شبلاج ياية جيه تركضين ..؟؟؟

حركت راسي : لا سلامتج و لا شي .. بس بس " أدور حجة " هيه .. شفت كلب بيت جيرانا و خفت منه ..

امي : انزين .. نزلي تغدي ..

غيداء : الحينه .. ابدل ثيابي و انزل ..

طالعتني جنها شاكة في كلامي .. بعدها همست ..

امي : ننتظرج ..

صكيت الباب و تسندت عليه .. أخذت نفس .. بدلت ثيابي و رفعت شعري .. طالعت ويهي .. تأملته .. آآه يا مشعل يا ليتك تشوف الهالات السودة الي تراكمت تحت عيوني ..

غمضت جفن عيوني بسرعة .. أتدارك انهيار نهر من الدموع ..

نزلت بسرعة .. يلست ع الطاولة .. و انضار أمي .. أبويه و غلا كلها عليّ .. رغم كل الالم الا اني كنت يوعاانة .. أكلت وايد .. أكثر من كل وقت ..

كملت و ركبت حجرتيه ..

مر أسبـوع .. شغل عـادي .. قد ما كنت متحمسة .. انا الحينه متمللة و متضايجة من شي أسمه شغل و دوام .. صوت مشعل ما سمعته .. ما لي خاطر اسمع صوته لأني بدون شك بـ انفجر اصيح ..

طلعنا هذا اليوم بيت يدتيه .. دخلت البيت الي اتذكره قبل سنتين .. مشعل ينتظرني عند الباب .. يبتسم من يشوفني .. و ارد له الابتسامة .. ادخل .. اسلم ع عميه .. اختيه سمية الي كانت مخطوبة لـ شهاب .. علامات الحب ع ويوهن .. يدتيه .. و الكل ..

بس هذه المرة كل شي غير .. البيت موحش جنه قبر ..

يدتيه و عمتي " 35 سنة " يالسين لـ ارواحهن فـ البيت .. حبيت راس يدتيه و سلمت ع عمتيه الي لـ الحينه ما ياها نصيبها ..

تكلمنا في اشياء وايد .. كنت اتمنى تيينا اخبار عن قوم عميه " ابو شهاب " بس الكل يراعي شعور امي و ابويه ..

خلصت الزيارة .. كـ أي زيارة عائلية .. أمي حاضنة يدتيه .. الي تصير لها أخت امها و ام ريلها .. اما انا كنت اتهرب من شي اسمه " دمـوع "

احتجاجات اختيه غلا الي كانت تبا تروح الكورنيش ويا ربيعاتها لـ الحينه مستمرة ..

دخلت البيت و الشمس حسيتها حرقت ويهي .. دخلت حجرتيه ..

صكيت الباب و قفلته .. يلست ع طرف سريري و انا اطالع روحي في المنضرة .. أفكر بـ الي بـ أسويه لو ما تزوجت مشعل .. آآآآآآآآآآه ..

يا ليت شهاب ما ياا في الوجود علشان ما يسوي الي سواه .. دمر بـ الي سواه علاقة كانت تربط بين عايلتنا و عايلة عمي .. اشتقت لـ اليوم الي نتجمع فيه .. وياا يدتيه ..

قطع علي كل هذا تلفوني ..

وقفت و أخذته " مشعل " شلته و رديت بـ كل تعب ..

غيداء : الو ..

مشعل : غيد .. انا لازم اشوفج ..

استغرب من طلبه ..

غيداء : تشوفني ؟؟!

مشعل : ايه اشوفج ..

يودت قلبي و قلت ..

غيداء : ليش ؟؟ شو صاير ؟!

مشعل : ما اروم اقول لج في التلفون " رد جنه خايف احد يسمعه " بسرعة غيد ..

غيداء : طيب .. وين ؟؟

مشعل : وين يناسبج ؟

غيداء : مدري ..

مشعل : كورنيش الملك فيصل ..

غيداء : اوكيه .. نص ساعة و اكون عندك ..

مشعل : انتظرج .. باي ..

غيداء : باي !

سديته .. و قلبي يضــرب .. شلون أقنع امي الحينه .. خليته في شنطتي .. لبست شيلتي .. نزلت و رحت لـ المطبخ ..

من شافتني امي .. توقعت سؤالها ..

امي : ع ويــن ؟!

غيداء : بـ اروح عند البحر ..

امي : ليش ؟

غيداء : احس روحي مخنوقة .. اباا ارفه ع روحي شوي ..

استغربت موافقتها .. بس ما ترددت لأني ركبت سيارتي و مشيت ..

مدري أفرح لو أصيح .. خايفة بس هم مترددة .. شو صاير ؟؟

ما اروم اصدق .. عقب سنتين ما شفت فيها مشعل .. سمعت صوته .. انفاسه .. و شلون صار شكله الحينه .. كبر و صار ريال .. لو بعده ذاك المراهق الي عرفته من بطلت عيوني ..

شلون الحينه يتخيل شكلي .. يتخلني ذيك البنت .. مرهفة الحس ..

بركنت سيارتي في باركات الكرنيش ..

نزلت من السيارة .. رغم اني مترددة .. الي اسويه الحين خطا .. لو شافني حد و قال لـ ابويه .. شو بـ تصير صورتي جدامه .. اروح اقابل ولد عمي .. العم الي ولده دمر اختيه سمية .. العم بـ الاسم .. آآه .. خايفة ..

طالعت في المكان .. وينه .. و شلون اعرفه الحينه ..

طلعت تلفوني .. طلعت رقمه .. بس قبل ما اتصل .. سمعت صوت رجولي من ورايه ..

" غــيــداء "

اهتزت كل شعرة فيني .. لما سمعت اسمي ع لسانه .. فريت له .. وقفت جامدة لما شفته ..!!

" نهاية البارت الخامس "

ادري ان البارت قصيـر !

بس انا نزلت لكُـم بارت يوم الاربعاء ..

و يوم الاحد ما يكفيكُــم بارتين جريبين من بعض ..



لي لقاء وياكُــم الاحـد الياي ! !





آخر من قام بالتعديل اسطوره !; بتاريخ 02-02-2013 الساعة 10:43 AM. السبب: تكبير الخط في جميع البارتات ^^
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 02-02-2013, 10:44 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



.
.
.

انتهينا واعتبرني حلم عابر في حياتك
انتهينا وانتهى شخصآكان منك وفيك

انتهينا ياحبيبي وانتهى حبي لصفاتك
انتهينا وكان قلبي ياضنيني في يديك

اعتبرني حلم عابر وانتهى بلحظة وفاتك
اعتبرني شخص مايرغب بأنه يلتقيك

ايه عرفتك ماتبيني ياعيوني في حياتك
ايه تمتع ياحبيبي اصلي كنت اشفق عليك

/
/

قراءة مُمتعة مع البارت السادس
!!!

.
.

.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 02-02-2013, 10:46 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



.
.
.

[البــارت الســادس ]

طالعت في المكان .. وينه .. وشلون اعرفه الحينه ..
طلعت تلفوني .. قبل ما اتصل له.. سمعت صوت رجولي من ورايه ..

" غــيــداء "

اهتزت كل شعرة فيني .. لما سمعت اسمي ع لسانه .. فريت له .. وقفت جامدة لما شفته ..!!




قلت بـ انهـزام ..




غيداء : مشعل ..




أخذ نفس و طالعني جنه موب مصدق..




مشعل : كبرتي غيد .. " سكتشوي " وايــد ..




تأملــته مُدة .. بعدين قلت ..




غيداء : و انت بعد ..




اشر ع كرسي في زواية الكورنيش ..




مشعل : حياج ..




مشيت لما تأكدت انه مشى جدامي ..آآه .. كُبرت يا مشعل .. صار ريال .. آخر مرة شفته .. " مُــراهــق "موب ريال .. بس كل هذا في صوب .. و وسامته في صوب ثاني .. استغفر الله .. شو انااقول .. صج احبه .. و يحبني .. بس ما توصل اني اوصف شكله و ما بينا شي رسمي ..




يلست ع الطاولة .. يلس قبالي ..




قلت بـ توتـر ..




غيداء : شو صاير ؟




طالعني يتأمل ويهي مدة .. نزلتراسي .. نضراته عذبتني و خوفتني زياادة ..




مشعل : غيد ..




همست : نعم !




مشعل : هدي اعصابج ..




طالعته متوترة لـ درجة اني بـاموت .. بلعت ريجي ..




غيداء : دخيلك مشعل شو صاير ؟




مشعل : ما بـ اقول لج .. قبل ماتهدين ..




أخذت نفس .. حاولت امتلك اعصابي..




مشعل : سمعيني غيد و حطي كلاميبالج ..




خوفني زيادة .. بس حاولت اني ماابين خوفي جدامه ..




حركت راسي بـ هيه ..




تكلم بـ هدوء : غيداء .. انا قلتلج قبل اني رمست ابويه و امي اني اباج .. بس رفضوا ..




" سكت شوي "




مشعل : رديت رمستهم من يديد ..




بـ نفاذ صبر : شو قالوا ؟




مشعل : قلت لج خلي اعصابج هادية..




رديت جني بـ اصيح : مشعل لا تلعببـ اعصابي ..




مشعل : انا يبتج هني علشاناتفاهم وياج صح ..




غيداء : ...... " نزلت راسي"




مشعل : قال لي ابويه انه اذايبيني آخذج بس خيرني بينج و بين ....




غيداء : بين شو ؟؟




مشعل : بينج و بينهم ..




انصدمت .. نزلت راسي ع الطاولة.. و اطلقت لـ دموعي الحريـة انها تندثر ع الطاولة بـ ألم ..




كمل كلامه ..




مشعل : و هذا الي يبتج علشانه ..




حسيت صوت صياحي بدى يرتفع ..لأني موب مصدقة الي يالس يقوله جدامي ..




رد علي بـ حنية ..




مشعل : غيد .. لا تصيحين ..




رفعت راسي و حطيت عيوني بـ عيونه..




غيداء : انت شو أخترت ..




طالع البحر ..




مشعل : مدري شو أختار .. محتار!!




طالعت البحر .. ارتطام الموج بـقوة .. جنه ينفض غضبه .. يا ليتني موجة اروم انفض حزني و غضبي ع حجر البحر .. بـألم .. حسرة و دمووع .. بس آآه .. غير المتوقع صار .. لما شفت اختيه غلا .. وياهابنتين يمكن ربيعاتها .. وقفت ..




وقف مشعل ..




مشعل : حبيبتي شو فيج ؟




أشرت ع غلا و شفتي ترجف ..




غيداء : اختيه غـ غـلا ..




طالعها مصدوم ..




مشعل : هذه غلا ..




شلت شنطتي و مسحت دموعي ..




غيداء : انا لازم اروح الحينه ..




قبل ما امشي .. زخ ايدي و طالعنيبـ كل حُب ..




همـس لي : تأكدي ثنينا لـ بعض يا" بـ اصرار " غيداء ..




أبتـسـمت .. رغم الدموع الا انيابتسمت .. رديت الابتسامة الي انرسمت في شفته .. تمنيت في هذه اللحظة ارتمي فليحضنه .. انثر دموع مكبوتة في صدري .. بس بسرعة شلت ايدي و رحت السيارة ..




وصلت البيت و اان احاول اني اخفيدموعي .. بس ما رمت من شفت أمي .. انهرت ع الأرض و صحت .. أنيت شرات ما كنت ياهل.. آآه .. مدري ليش احط روحي مكان اختيه سمية .. لما يتنا ذيك الليلة .. تصيحمهيودة الخاطر .. لما انهارت ع الارض بين صرخة أمي و لمعان البرق في السما ..




حضنتني أمي بـ خوف ..




تمسكت فيها .. بـ قــــــوة ..دفنت راسي في حضنها ..




فتحت عيوني .. طالعت المكان بـهدوء .. حجرتيه هادية .. غير الضوى المتسلل من الدريشة .. فريت ويهي الجهة الثانية.. لما فتحت امي الستارة ..




يلست عدالي ع السرير .. خلت يدهاع يبهتي ..




امي : شو الي سوى فيج جيه ..؟




غيداء : ....... " ماشي رد"




امي : غيد .. ترى حالج موب عايبنيه..




صخيت ما عندي شي أقوله ..




وقفت أمي ..




امي : اخليج ترتاحين ..




همست : يمه ..




امي : آمري بنيتي ..




غيداء : باجر شو ؟؟




امي : الخميس ..




فريت ويهي الجهة الثانية .. يعنيإجازة ! عصيت ع راسي و نمت ..




مر يوم الخميس و انا حابسة روحيفي حجرتيه ..




ما عندي شي غير اني انثر كلأوراق ذكرياتي الحلوة ويا مشعل .. معقولة !!




معقولة كل هـ الاوراق بـ تتقطعفي دقايق .. كل هذا بـ سبب شهاب .. آآآآه .. شقد أكرهك يا شهاب .. خاطري افضفض ..ما عندي غيركم .. ساعدوني .. خلوني اطلع كل شي فيني ..




شهاب ولد عميه " سالم" تزوج سُميـة .. اختيه كانت عندها شركة صغيرونة .. بـ فلوس أبويه كبرت هـالشركة .. غير فلوس اختيه سمية الباجية .. انا مدري شو صار .. غير ان سُمية اختيهردت لنا يوم كان بارد و يطيح فيه مطر ..




وقفنا ويا صفعة الباب .. و شكلاختيه الي كانت الدموع و قطرات المطر مغطية كل تفاصيل ويهها .. كل الي عرفناه انشهاب .. اخذ كل فلوسها .. و سافر .. و لـ يومنا هذا ما ندري وينه .. اختيه ما كانتهامتها الفلوس .. الي يابها لـ الغيبوبة .. " شهاب " حُبها الكبير له ..هو الي خلاها تصير في هـ الحالة .. غيبوبتها استمرت تقريباً سنة .. عقبها ما سمعناصوت سمية .. و رابط الصلة الي يربط بيننا و بين قوم عمي تهدم في لحظة انهيار منأبـويه .. لما طردهم من بيتنا و حملهم مسؤولية كل الي استوى في سمية اختيه ..




مر الجُمـعة مثل الخميس ماشي شييديد .. نمت الليل و صداع كبير في راسي .. حتى اني واصلت لـ الصبح و انا ادور فيدوامة افكاري .. نشيت ع اذان الفير ..




صليت .. يلست شوي و سرت شغلي ..يومين ما كلمت مشعل .. في البداية يتصل .. بس الحينه حتى اتصالاته خفت .. نزلت منالسيارة و افكار وايد في راسي .. عكس كل مرة ما سرت غرفتنا .. سرت غرفة الدكتور ..و في ايدي " ورقة استقالة "




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 02-02-2013, 10:51 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



ما اضن عقلي يقدر يجمع حزني ودوامي في وقت واحد .. طقيت الباب .. ياني صوته الجاسي ..

الدكتور فيصل :تفـضـل ..

فتحت الباب وهمست ..

غيداء : السلام عليكم ..

الدكتور : وعليكم السلام..أهلاً غيد تفضلي ..

وقفت عند طاولتهو عطيته الورقة.. قراها و طالعني مصدوم ..

الدكتور فيصل :إستقـالة ..

نزلت راسي ..

الدكتور فيصل :ليش .. في شي مضايقج في الدوام ..

أستغربت أسلوبه وياي ..

غيداء : لا ..

الدكتور فيصل :ما اشوف سبب مقنع يستدعي تودرين الشغل علشانه ..

غيداء : ضروف عائلية ..

عص ع الورقة ..

الدكتور فيصل :تضنيني أقـدر افرط فيج ..

فجيت عيني وطالعته .. شوقصده..

الدكتور فيصل :قصدي كـ ممرضة..

اخذت نفس :.....

في البداية مارضى يوقعها رغم اني استغربت كل هذا اسلوبه الخشن مدري حسيته تحول لـ أسلوبثاني .. موبجنهالدكتور فيصل الي جدامي .. " انسان مُستثنى نهائياً "

وقع الورقة ومدها لي ..

الدكتور فيصل :رغم اني موب موافق ..

أخذتها من عنده بسرعة .. بس قبل ما اطلع ..

الدكتور فيصل :غـيـداء ..

غيداء !!! ..متعودة م.غيد..موب غيداء بـ الاسم .. فريت له و الربكة باينه ع ويهي ..

غيداء : نعم دكتور ..

رد جنه يتهرب ..

الدكتور فيصل :ماشي ..تقدرين تروحين ..

طلعت من الغرفة.. كنت بـاطلع من المستشفى .. تذكرت نوف .. سرت غرفتنا .. طقيت الباب و دخلت ..

غيداء : السلام عليكم ..

الكل : و عليكم السلام ..

أبتسمت نوف لي..

نوف : شلونج غيد؟

غيداء : بخير ..انتي شلونج ؟؟

نوف : تمام ..

شلت جاكيتي ..طالعتها ودمعة متعلقة في عيوني ..

غيداء : انا سايرة تامريني عشي..



آخر من قام بالتعديل اسطوره !; بتاريخ 02-02-2013 الساعة 10:57 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 02-02-2013, 11:01 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



وقفت مستغربة ..

نوف : وين !!؟

غيداء : انا ـاستقلت نوف ..

تقربت مني ..جنها موب مصدقة ..

نوف : أستقلـتـي!

غيداء : أيه ..

حضنتني .. ضليت أصيح مُـدة..طلعت من المستشفى .. و رديت البيت ..

فتحت الباب ..امي من شافتني وقفت ..

امي : غيد !!راجعة من الحينه..

نزلت راسي ..

تقربت مني .. وطالعتني بـحيرة..

امي : غيد انتي مريضة ..

حركت لها راسيبـ لا ..

امي : عيل شوفيج ؟؟

غيداء : انا استقلت من شغلي ..

شهقت ..

امي : استقلتي!! ليش ؟؟

قلت لها بـ ألم..

غيداء : تعبانـة..

يودتني و يلستني عدالها عالكرسي..

امي : بنيتي انا امج .. قوليلي شو فيج ع الاقل ..

خليت راسي عكتفها .. غمضت عيوني.. و سمحت لـ دمعة متعلقة في عيني انها تطيح ..

امي : غيد ..حبيبتي شو فيج ؟؟

غيداء : تعبانة من هـ الدنيا ..

امي : تعبانة من الدنيا !!!!!

" سكتت شوي"

امي : يمه الدنيا ما تسوى الي تسوينه في روحج .. روحي ارتاحي الحينه ..

وقفت .. و سرتحجرتيه .. من وصل راسي لـ المخدة نمت .. يلست ع اذان الضهر .. صليت و يلست شوي ويااسمية ..تونيداخلي حجرتيه .. صوت تلفوني .. توقعته " مشعل "

بس خاب ضني لماشفت رقم نوف..شلته ..

غيداء : أهلاًنوف ..

نوف : اهلين ..شلونج غيد ؟

غيداء : بخير ..انتي شلونج ؟؟

نوف : الحمدلله.. الا غيد المستشفى بدونج ما يسوى ..

تنهــدت : .....

نوف : افاا وليش هـ التنهيدة..شو فيج غيد ؟؟ مريضة ؟؟

غيداء : لا ..بس تعبانة شوي ؟؟

نوف : زين ..جان اخذتي اجازة موب استقالة مرة وحدة ..

غيداء: شو اسوي بعد .. نوف ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 02-02-2013, 11:03 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



نوف : آمري ..

غيداء : ما يامرعليج عدو ..تعالي بيتنا ..

نوف ِ: بيتكم !!

غيداء : ايه خاطري اشوفج ..

نوف : تامرين ..متى ؟

غيداء : اليوم..

نوف : اليوم !!همممم .. اوكيه.. متى اييج ..

غيداء : الحينه..

نوف : الحينه!!!!!! لا ما اقدرالحينه .. شرايج عقب المغرب ..

غيداء : اوكيه..

نوف : الحين اخليج .. باي ..

همست : باي ..

صكيته و تنهدت.. طلعت برى لما سمعت صوت ابويه ..

نزلت و حبيته عراسه ..

غيداء : شلون كيبة ..

ابويه : بخير ..ما سرتي الدوام اليوم ..؟؟

نزلت راسي ..

ابويه : ايه قالت لي أمج ..أبويه غيد شو فيج ..؟

غيداء : ماشييبه .. ما كنت مرتاحة في الشغل ..

ابويه : عراحتـج ..

يلست وياه ..غلا شوي و يات من مدرستها تغدينا بسرعة مر الوقت صليت المغرب .. و يلستأنطر نوف ..

يلس أبويه عدالي..

ابويه : تنطرين احد ..

ابتسمت : ايه رفيجتي ..

قلب قنوات التلفزيون .. اقضي مللي سرت المطبخ .. قلت لـ الطباخ يسوي حلويات لـ نوف ..

غلا : غــــيـــد.. رفيجتج عندالباب ..

همست : قولي لهاتدخل ..

تكتفت : ليش خدامتج انا ..

غيداء : اففففف..


سرت لـ الباب ..فاجئتني بـبوكيه ورد .. شهقت من شفته ..





ابتسمت : مفاجئة.. صح ؟؟





ضحكت عليـها ..اخذت الخدامةالبوكيه و ودته المطبخ .. سرت لـ ابويه ..





غيداء : يبه هذهرفيجتي نوف ..





نوف : شلونك ابوغسان ؟؟





ابتســم : بخير.. انتي شلونج ..





طالعتني و قالت..





نوف : بخير ..





يلست وياها شوي.. حاولت وياهاتتعشى ويانا بس ما رضت .. تحججت بـ يدتها .. المهم انا من التعب ..خليت راسي عالمخدة .. و طــرت في عالم النيام ..





نشيت الصبح عصوت منبه تلفوني ..سديته .. نشيت .. توضأت و صليت .. يلست متمللة ع حافة سريري ..قلبت تلفوني فيايدي .. أتصل لـ مشعل لو لا ..





حضنت التلفون ..آآآآآآآه ..حسيت بـ هزة في صدري و رنة تلفوني .. رقص قلبي لما قريت اسم "مشعل "





شلته بسرعة ..





غيداء : الو ..





مشعل : صباحالخير ..





ابتسمت : صباحالنور ..





مشعل : شلونجغيداء ؟؟





غيداء : هو يكونلي لون عقب كلالي يصير ..





مشعل : انا عنديلج خبر بـ يطيرجمن الفرح ..





ابتسمت : انابعد " غيرتنبرة صوتي " بس حزين ..





مشعل : طيب انتيأول قولي ..





غيداء : لا انت..





مشعل : همممممممم.. حبيبتي ..





قلت بـ لهفة :شو !





مشعل : أبويهوافق نتزوج ..





" نهايـة البارت السادس "





.





.





.



آخر من قام بالتعديل اسطوره !; بتاريخ 02-02-2013 الساعة 11:10 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 10-02-2013, 11:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



.
.
.


لازِلتُ في القدِم أسير
يكفيــك نظـرات ابتسام
يكفيني أن تبقي بخير
لقد غدوتُ بصيصَ نور
شمعه تُقاوِم كي تُنير
وربما صرْتُ سراب
لستُ معيناً أو غدير
أنا في الحقيقة سحابةً
بيضاء تسبحُ في الأثير
تجهلُ أينَ مصيرها
حارت وطال بها المسير
لا تسْأليني ما الذي
يجعل أمري بالعسير
هي الحياة تقوُدُنا
طوعاً و كرْهاً للمصير

قراءة مُمتعة مع البارت السابع
!!!

.
.
.



آخر من قام بالتعديل اسطوره !; بتاريخ 10-02-2013 الساعة 12:05 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 10-02-2013, 11:38 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف



.
.
.

[ البارت السـابع ]

رقص قلبي لما قريت اسم " مشعل "

شلته بسرعة ..

غيداء : الو..
مشعل : صباح الخير ..
ابتسمت : صباح النور ..
مشعل : شلونج غيداء ؟؟
غيداء : هو يكون لي لون عقب كل الي يصير..
مشعل : انا عندي لج خبر بـ يطيرج من الفرح ..
ابتسمت : انا بعد " غيرت نبرة صوتي " بس حزين..
مشعل : طيب انتي أولقولي ..
غيداء : لا انت ..
مشعل : همممممممم .. حبيبتي ..
قلت بـ لهفة : شو !
مشعل : أبويه وافق نتزوج ..

مسحت دمعة تلألأت في عيوني ..

غيداء : .....
مشعل : ألوو غيد .. حبيبتي ..
قلت فرحانة : موب مصدقة .. أخيراًبـ نصير لـ بعض ..
مشعل : ههههه .. و انا أكثر .. طيب شو الخبر الي عندج ..
طنشت سؤاله : شلون أقنعته ..
مشعل : قلت له بـ انتحر اذا ما خطبتوني لها .. خصوصاً عقب ما شفتج و انتي " بـ كل حُب " حـرمـة..
توردت بـ خجل: .....
مشعل : شو الخبر الي عندج ؟
غيداء : انا استقلت من شغلي ..
مشعل : من شغلج ؟ ليش ؟؟
غيداء : مدري .. احس روحي موب مرتاحة..
مشعل : و انا الي اقولبـ اتزوج ممرضة ..
برطمت : أونـــك !
مشعل : هههههههههههههههههه.. أحبـــج ..
غيداء : و انا بعد ..
مشعل : بس ..
غيداء : أوووه مشعل ..
مشعل : هههه .. بس شي مشكلة ..
بـ خوف : شو ؟
مشعل : ابوج ؟؟
غيداء : شو فيه أبويه ..
مشعل : تتوقعينه يوافق ..؟؟
غيداء : انا الي بـ اتزوج لو هو ؟؟
مشعل : غيد .. فكري بـ عقلج ..
غيداء : ......

صخيت لأني حسيت بـ كلامه .. و شلون أبويه بـ يقتنع انه يعيد التجربة .. نفضت هذه الافكار .. و شلون يعيدها.. هذيك شهاب و سمية .. و الحينه انا و مشعل .. بـاحباط تنهدت ..

مشعل : انا اخليج الحينه .. مع السلامة حبيبتي ..
غيداء : مع السلامة ..

سداه .. رميت روحي ع السرير بـ فرح و انا احضن التلفون في صدري .. و أخيراً .. كل شي انحل الا مشكلة وحدة.. " أبويه " منو الي بـ يقنعه .. ؟؟

نزلت و انا اغـني ع الدري .. شافتنـي غيد الي كانت ناثـرة أغـراضـها و كتبـها و تكتب فيهن ..رفعت راسها و طالعتني ..

غلا : بلاج .. فرحانة ؟

رميت روحي ع الكنبة .. غمضت عيني و ضميت يدي ويا بعض ..

غيداء : فــرحـانة !!

مرت الايام .. مشعل يقول ان ابوه مسافر دُبي .. أسبوعين و راد .. و هو يحاول يأمن المهر .. ما تصدقونشقد فرحانة ..

مر تقريباً 10 أيام .. نشيت نص الليل متروعة .. وقفت وركضت برى حجرتيه .. المطر يطيح بـ قوةع الارض .. نزلت الصالة و الظلام يحوط فيها ..

انتفضت لما انفتح الباب .. دخلت نوف .. طالعتها مصدومة ..بس الي منعني اني أصرخ .. أبويهالي كان واقف ورايه .. شكله يخرع ..

نشيت بسرعة .. صرخت .. حضنت اللحاف و صحت ..

انتشر النور في حجرتيه .. تغطيت بسرعة بـ اللحاف..

صدر حنون ضماني بـ قوة لـ صدره .. طالعتها كانت امي..

امي : شو فيج بنيتي..
انتفضــت : و و ويــن أبويه ؟؟
امي : أبوج راقد .. " هزتني " شو فيج ؟

هزيت راسي ..

غيداء : مدري .. مدري ..
امي : تحلمين .. !



آخر من قام بالتعديل اسطوره !; بتاريخ 10-02-2013 الساعة 12:07 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 10-02-2013, 11:39 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف


حركت راسي بـ ايه ..

خلتني و طلعت .. تميت ناشة لـ الصبح .. صليت الفجر .. ضليت يالسة أتأمـل برى لين يات 9 .. طلعتمن حجرتيه .. دخلت المطبخ .. كان الريوق زاهب .. صار لي مدة مااتريقت .. يلست قبال الطاولة .. و أكلت جني سنة ما اكلت شي..

قمت و غسلت ايدي .. يلست مقابلة التلفزيون .. صليت الضهر.. يات غلا تغدينا .. ما عدى أبويه الي سافر 3 أيام .. عنده شغل برى البحرين ..

ربعت حجرتيه عقب الغدى .. أتصلت ع مشعل..

مشعل : مرحبا ملايين ..
غيداء : هلا مشعل .. بشر شو سويت ؟
مشعل : ماشي .. انطر ابويه يرد من الامارات ..
غيداء : هممممم .. انا هم ابويه مسافر..
مشعل : مسافر !!!
غيداء : ايه .. بس ما بـ يطول .. 3 ايام و هو راجع..
مشعل : ايه .. ع بالي بـ يطول ..
غيداء : مشعل .. ما تصدق شقد فرحانة..
مشعل : هههههههههههههههه.. و انا اكثر حياتي .. اوكيه .. حبيبتي الحينه اخليج ..
برطمت : وين ؟؟ و بعدينانا المتصلة لو انت ..
مشعل : ههههههههههههههه .. فديتج غيد.. انا الحينه في دوامي .. خليني اخلص شغلي و ادق عليجنسولف عسب لـ بكرة ..
ابتسمت : اوكيه .. باي..
مشعل : اهتمي فـي روحج ..
غيداء : لا توصي حريص ..
مشعل : مع السلامة ..
غيداء : الله يسلمك ..

طافت عليّ 3 الايام شرات الـ 3 سنوات .. و انا انطر ابويه يرد علشان أبشر مشعل..

في اليوم الثالث .. طلعت حديقة البيت .. ضليت امشي فيها .. استانست لما راقبت قطرات المطر وهي تطيح فوقي .. دخلت داخل .. ما اباااتبلل ..

امي : هااه شو بلاج ياية ركض ؟؟

ابتسمت و انا انفض شعري ..

غيداء : خفت المطر يغرقني ..

نقزت غلا ع الكنبة .. فتحت الستارة و هي تناقز في مكانها..

غلا : يمـــــه .. يطيحمطر .. " سكتت شوي " أبووويه يااا ..

ابتسمت ابتسامة عريضة .. ابتسامة انرسمت بـ دفى ع شفتي .. عفدت ع حجرتيه .. صكيت الباب .. قفلته ودقيت ع مشعل .. ياني صوته جنه نايم..

مشعل : الووووووو ..
غيداء : مـــــــشـــعل..
مشعل : هاااه هاااه .. غيد شو تبين داقة نص الليل "تثاوب "
غيداء : نص الليل !!!!! تونا 8 ..
مشعل : زين شو تبين ..؟؟
غيداء : أبويه رد منالامارات ..
مشعل : طيب طيب .. يلا خليني ارقد ..
غيداء : مــشــعــل..
مشعل : غييييييد .. اباا ارقد توني راد من الدوام..
فريت بوزي : خلاص .. باي..

سديته .. خليته ع السرير .. ما عليه .. مشعل ما يدري شو يقول لما يصير راقد .. انتفضت لما سمعت صرخة أختيهغلا ..

نزلت بسرعة .. اول ما طاحت عليه نضري .. كان أبويه .. و نوف واقفة .. امي كانت طايحة ع الارضو غلا تحاول تخليها تنش .. وقف قلبي .. تقربت منهم..

غيداء : شو صاير يبه ؟؟

أبتسم و طالع نوف ..

ابويه : ما بـ تسلمين ع نوف ..
طنشت سؤاله : شو فيها امي ..؟؟؟

اخذ نفس و قال لي ..

ابويه : انا تزوجت نــوف !

بـ حركة لا ارادية طالعت نوف بـ احتقار .. نزلت لـ مستوىأمي .. يودت ايدها .. عصيت عليها .. ويلست أصييييييييح شرات ما ياهل خذو لعبته ..

غيداء : يُـــــــــمه ..ردي علي يمه .. " خليت راسي ع حضنها " يمه لا تروحين و تخلينا..

ابويه شالها و وداها .. ضلينا انا و غلا حاضنين بعض .. ونوف واقفة تطالعنا..

نوف : غيداء انا .....

قاطعتها ..

غيداء : جـــــــب .. لاتتكلمين فاااهمة ..

خليت غلا و ركضت حجرتيه .. صكيت الباب و قفلته .. عقيت روحي ع السرير و حضنت المخدة .. ضليتاصيح .. و اصيح ..

طق
طق

حقرت و زيدت من صياحي ..

غلا و صوتها رايح ..

غلا : غيد .. غيد ..



آخر من قام بالتعديل اسطوره !; بتاريخ 10-02-2013 الساعة 12:08 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 10-02-2013, 11:41 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف


وقفت .. مسحت دموعي .. فتحت الباب .. من شفت اختيه غلا .. حضنتها بـ قوة لـ صدري ..

غلا : غيد .. ابويه رجع ..
غيداء : شو فيها امي؟؟؟؟
غلا : وداها بيت يدتيه ..
غيداء : يدتيه !!!!!!! " صرخت عليها و انا اصيح " و حنا .. وين نرووح ..

أنهرت ع الارض ..

غيداء : ويين نروووح..
ابويه : في بيتكم يا بنيتي .. في بيتكم..

طنشته و سحبت غلا لـ حجرةاختيه سمية .. دخلنا و صكينا الباب ..
غلا حضنت سمية و ضلت تصيح و هي تهوجس بـ كلمات موب مفهومة ..

طالعتني سمية جنها تسألني شو صاير ..؟؟؟

يلست عدالها .. خليت راسي ع كتفها ..

غيداء : أبويه " شهقت و انا اصيح " ابويه تزوج !!

مرت 10 أيــام .. و انا ما اشوف ابويه .. حتى ما اتكلم معاه .. البيت موحش بدون امي .. آآآآآه وينجيا يمه .. تتصل تتطمن علينا بين الفترة و الثانية .. صوتهاكان تعبان .. الله يعينج يا يمه .. الله يعينج ..

طلع ابويه اليوم لـ الدوام .. رغم انه اجازة .. يلست اناو غلا نطالع التلفزيون .. نقضي وقتنا..

يت نوف لنا متخصرة ..

نوف : أشوف صارت لكن عين بعد ابوكن ..

طنشناها و لا جنها موجودة .. راحت لـ التلفزيون و بندته ..

نوف : مرة ثانية اذا اكلمكن طالعوني فاهمين..

وقفت غلا و صرخت عليها..

غلا : موب جنج مصختيها ..

وقفت و يودت غلا من ذراعها ..

غيداء : سكتي غلا ..

سحبتها و ركبنا حجرتيه .. قفلت الباب..

غلا : موب رايمة اصبر اكثر ع هذه ..
اخذت نفس : انا السبب .. منو قال لي ادخلها بيتنا .. منو ؟؟

يلست غلا ع السرير بـ يأس ..

غلا : آآآه متى تنقضيهـ الايام و ترد أمي لنا ..

يلست عدالها ..

غيداء : ما أتوقعها تردعقب الي سواه أبويه ..
غلا : ابااا أعرف ليش تزوج .. أمي مقصرة وياه بـ شي ..
غيداء : ع رمسته .. يباا ولد ..
صرخت : و حنا موب كافينه ..

خليت أيدي ع بوزها ..

غيداء : أصصصصصص .. تبين تفضحينا انتي..
غلا : .....

طول الوقت كنت يالسة وياها في حجرتيه .. قفلت تلفوني.. أخاف يتصل مشعل و انفضح جدام غلا .. ما تمنيت في يومأشوف أعمدة حياتنا مهدمة .. أمي في صوبطالبة الطلاق و أبويه في صوب ويا زوجته .. مني زوجته .. رفيجتي العزيزة..

يا ربي منين يت لنا كل هـ المصائب .. أوقات احسها عقابلي .. أوني خنت ثقة أهلي وكلمت ولد عمي في التلفون .. بس كل هذا قدر الله .. و أبويه بـ يدفع الثمن .. و ثمن غااالـــي ..

نزلت يوم ع صوت جنه صوت أمي .. وقفت عند نهاية الدري .. وقفت وراي غلا .. نراقب أمي الي كانتدموعها تطيح ..

نوف واقفة عند العمود ..و أبويه مواجه امي ..

تصرخ عليه و هي تصيح : طلقني .. تسمع طلقني ..
ابويه : اطلقج !!!! و بناتج ..

طالعتنا و ردت طالعت ابويه ..

امي : بناتي باخذهن معاي ..
ابويه : بناتج هم بناتي .. فاهمة !!

حسيت الموقف أشتـد .. فـ وقفت شرات الصنم..

امي : بناتك !!! عيل تخون عشرة 30 سنة .. و تاخذ " تأشر ع نوف " زوجة بـ عمر بناتك..
أبويه : نورة .. لا تخليني اعصب..
صرخت عليه : بـ تعصب .. عصب .. بس طلقني .. طلقني ياجابر .. طلقني ..
ابويه : تبين تتطلقين هاااه .. طيب .. " أخذ نفس"

ركضت له اتداركالموقف .. يودته من ذراعه .. صحت اترجااه ..

غيداء : لا لا .. يبه لا تتسرع ..

طالعني جنه متقزز مني ..
ابويه : امج هي الي تباا تتطلق موب انا .. " طالع امي و صرخ " انتي طالق يا نورة .. طــالق..
سمعت صرخــة أختيـه غلا ..الي هـزتـني .. خليت أبويه .. و رحت لـ أمي .. الي كانت واقفة شرات الجبل ما انهزت .. الا الدمعة الي تلألأت في عينها .. حضنتها .. انهارتامي ع الارض .. تصيح بـ صوتمفجوع ..
خليت كف ايدي ع دموعها الحااارة ..



آخر من قام بالتعديل اسطوره !; بتاريخ 10-02-2013 الساعة 12:09 PM.
الرد باقتباس
إضافة رد
الإشارات المرجعية

رواية حروف حبك دموعي / الكاتبة : لحن الخريف ، كاملة

الوسوم
الخريف , الكاتبة , دموعي , حروف , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 01:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1