اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 15-02-2013, 01:06 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف


[ البـارت السادس عشـر و الأخيـر ]

شفته يدخـل غرفة العنايـة المـركـزة , كنت ابا أدخـل الغرفـة بس يودوني الممرضات حسيت روحيه منهـارة ف يلست اتعـفر بين اياديهن و ابجي ,

غيـداء : خلــــوني أدخــل .. ابا أشوفها دخيـــلــكن ..

سـكت لما طلـع أبـويه يصيـح !! لاول مـرة أشـوفه لـ هذه الدرجـة منـهار ..

ابـويـه : نـــــــــــوف مــــــاتـــــــت يـــا نــورة ماتــــــت

تمنيت لو أني ما أسمع الي يالس يقوله , رجعت على ورى لما حسيت ضهري لصق على صـدر مشعل , تمنيت لو أروم اتحرك او حتى أنطق بـ كلمة وحدة , طالعت اميه و ابويه و أهلي الي كل واحد يداري دمعته , ما حسيت لروحيه الا و انا طايحة بين ايد مشعـل ..

فتحت عيني كنت اتمنى ان الي صار كله كابوس بس خاب توقعي لما شفت عيون مشعل الحزينة , ربت على يدي و قال ..

مشـعل : عظم الله اجرج الغالية

غمضت عيوني و رجعت راسي على المخدة تنفـست بصعوبة كبيـرة جني أهون علي هـول المصيبة .. فتحت نص عيني و علقت انضاري بعيون مشعل حسيته متوتر .. قلت بجمود شديد ..

غيداء : صاير شي ثاني ما قلتـه لي ؟
مشـعل : اممممممم مدري بس ما توقعت ردة فعلج هذه ؟

غمضت عيني مرة ثانية و قلت ..

غيداء : دموعي موب مساعدتني .. مشعل ابا اطلع من المستشفى ..
مشعل : ان شاء الله بتطلعين بس خلني اشوف الدكتور بالاول

ما نطقت , ظليت ســاكــتة .. مدري شــوه فيــني ؟ الكل نلــقاه الحــينه يبــجي علــى فراق نوف الا انا ؟ رغم اني اكثر انسانة من عائلتنا جريـبة لـ لنوف بس احساســـي هالمرة مدري شوه اسميه ؟ موب مصدقة و الله ان احساسي و دموعي ماتوا بـ مــوت نوف ؟

... : لا لا ما شاء الله حالتها الحينه وايد احسن

فجيت عيني و طالعت الدكتور و الممرضة و مشعل الي ابتسم لي .. حتى ابتسامتي ماتت لانيه ما عرفت و شلون ابتسم ؟

الدكتـور : هااه يا غيداء تبين تظهرين من هنيه ؟

حركت له راسي بـ هيه .. شفته يطلع ورقـة و يكتب فيها و اهوا يقـول ..

الدكتـور : الحينه بـ أكتب لج ورقة ظهور بس خلي بالج زين من أكلج و من الفيتامينات الي بكتبها عسب تاخذينها من الصيدلية ..
قلت مستـغربة : ما يحتاي دكتور انا الحمدلله الحينه احسن ..
الدكتـور ابتسم : لا لا الحينه الوضع متغير انتيه عندج مسؤولية صحتج و صحة الي في بطنج ..

نشيت من ع السرير و طالعت مشعل و عقبها الدكتور موب مصدقة .. هالكلام هز شي كبيير في داخلي خلى دموعي تطيح .. قلت لهم ..

غيداء : شوووه حامل ؟ انا ما اباه هالياهل ما اباه .. ما ابا اموت شرات نوف ..

تجرب مشعل مني و ضماني لصدره يمتص عصبيتي ..

مشعل : حبيبي شوه هالرمسة ؟ هذا ولدج و الي كاتبه ربج بـ يستوي ..
قلت و آنه اصيح : حرام علييييك مشعل تباني امووت ..
مشعل : شوه تموتين ؟ غيداء شوه ماهوب انتيه دكتورة نفسية ما يحتاي نوديج نعالجج في المكان الي كنتي تعالجين فيه الناس ؟
غيداء : انا ما تهمني هالرمسة الي الحينه انته تقولها ؟ " صرخت عليهم و انا ارفس بريولي شرات اليهال " شيلوه هالياهل انا ما ابااه .. تفهمووني ما اباه ..

حسيت بس بـ وخزة في ذراعي و هوى جسمي على ذراع مشعل ..

سمعت صوت تلفون في الغرفـة بس ما رمت افتح عيني .. حسيت بـ شي على صدري فـ مديت يدي و خللتها في شعرها !! منوه هاي ؟ فجيت عيني شويه و طالعت غلا الي كانت نايمة علي .. رجع التلفون يرن مديت يدي و سحبته .. كان تلفون غلا .. شلته و قلت بصوت تعبان ..

غيداء : هلا يمه ..
اميه : غيداء حبيبي متى نشيتي .. " و يلست تصيح "
تنهـدت : توني الحينه ناشة ..
أميـه : شحالج بنيتي ؟
غيـداء : الحمدلله يا اميه .. الحمدلله على كل حـال ..
أميه تنهـدت : وينها اختج عطيني اياها ؟
غيداء " طالعت غلا " : الحينه اهيا راقـدة شكلها تعبانة ..
أميه ردت تصيح : يا بنيتي و منوه ماهوب تعبان في هالدنيا الكل يشكي حاله ..
غيداء " تذكرت ابويه " : شحاله ابويه ؟
اميه : اييه يا غيد الله يرحم حاله ابوج يعيش في بحر الندم .. ماتت نوف و خلتنا ..
غيداء " يلست أصيح ويه اميه " : امييه قولي لهم يطلعون الياهل الي في بطني انا ما ابا امــوت و احيركم شرات نـوف ..
اميه : استغفر الله .. شوه خبلة انتيه ؟ اكيد ينيتي ..
غيداء : يمه الله يخليج قولي لهم اني ما اباه هالياهل اذا انا رحت عنه منوه بيربيه ؟
اميه حرجت : شووه انتيه بتخبليني زيادة شكلج ؟ اقول لهم شوه ؟ ولد بنتي طلعوه من بطنـها و فروه في الزبالة ؟ استغفر الله " ردت تصيح " الله يرحمج يا نوف لو انتيه هنيه كنتي عقلتي هالمينونة ..
غيداء : ........ " كنت أصيـح "
اميـه : خلي اختج غلا تنش من نومها الدريول ياي لها في الطريق .. في حفظ الله بنيتي و خلي بالج ع الي في بطنج و على ريلج ..
غيداء " مشيت دموعي " : مع السلامة اميه ..

سديته من عندها و خليت تلفون غلا على الطاولة الي صوبي .. طالعتها .. خليت يدي على راسها و يلست اهزها بهدوء ..

غيداء : غلا نشي .. الدريول بـ ايي لج الحينه ..
غلا : اممممممممممم نوف بليز بس خمس دقايق خليني ارقد ..

نزلت راسي و شلت يدي عن راسها .. طاحت دموعي الحارة على خـدي آآآه يا غلا الله يعينج على فراقهـا .. رديت احاول اخليها تنش .. غلا نشت كانت عيونها تدور على نوف في المكان بس خاب املها و نزلت راسها ..

غلا : سوري غيد ظنيتج نــوف ..
تنـهدت : الله يرحمـها و يغمد روحها الينة ان شاء الله .. يلا حبيبي غلا الدريول يترياج برع ..
غلا بصوت حزين : أول مرة تقولين لي حبيبي !!!؟ ما كانت غير نوف الي تقول لي هالكلمة ..

ضميتها لـ صدري و يلست أصيح , تباعدت عنها لما سمعت صوت الباب , غلا شالت شيلتها و لفتها على راسها , دخل مشعل و نزل راسه ..

مشعل : السلام عليكم ..
ردينا عليه : و عليكم السلام و الرحمة
مشعل " طالع غلا الي كانت تلبس عباتها " : عظم الله اجرج غلا ..
غلا صاحت بـ هدوء : اجرنا و أجرك ان شاء الله ..
مشعل : تبين أوصلج ؟
غلا هزت راسها : لا مشكور .. الدريول يترياني برع ..

خذت شنطتها و تلفونها .. طالعتني و دموعها على خدها تجربت مني .. مدت يدها و قــالت ..

غلا : مع السلامة غيد ..

سحبتها لصدري و يلست أصيح جني أفرغ ألم فراق نـوف .. نشت غلا عنيه و اهيا تمسح دموعها .. بس ماشي دموعها ما وقفت .. شفتها تتراجع في خطواتها لما طلعت من الغرفة .. مشعل قال و اهوا يتقرب منيه ..

مشعل : انا كلمت الدكتور يطلعج تحت مسؤولتي انج ما تأذين روحج و لا الجنين ..
غيـداء : بس انا ما اباه هالجنين ..
مشـعل صرخ علي : ماهوب ع كيفـج الجنين مثل ما هو ولدج هذا ولدي ..
صرخت عليه بـ مثل مستوى صوته : آنه الي بـ أموت و آنه الي بـ أتعب في حمله ماهوب انته !!!!!
مشـعل " يكتم عصبيته " : ما لج حق تكتمين روح فاهمة و الله لا ؟ و اذا الله كاتب لج بـ عمر محد بـ يوقف في طريجه لا انه " و اهوا يأشر على بطني " و لا هالجنين ..

طالعت الدريشة و عيوني مليانة دموع ..

غيداء : خلاص سَـو الي تباه ادري تباني أموت من جيه انته تقول هالرمسة ..

مشعل تجرب مني و يلس ع السرير يمّي ..

مشعل : حبيبي لا تظنين اني ابا الياهل و انتيه ما اباج .. بالعكس انا لو يحطونج في كف و الدنيا كلها في كف اختارج انتيه ..

طالـعته شويه و رديت فريت ويهي الجهة الثانية ..

عقب ساعة كملنا اجرائـات الخروج و حنا نمشي في ممرات المستشفى جنيه لمحت منار بنت فيصل مشيت شويه عقبها سمعت صوتها ..

منار : خالووووه ..

لفيت لها شفتها تركض ياية صوبي .. حضنتها في صدري و قلت لها ..

غيداء : منورة حبيبي شوه تسوين هنيه ؟
منار بـ براءة : البابا مريض ييت آنه و الماما له هنيه

طالعت مشعل و رديت طالعـتها ..

غيداء : وين الماما ؟
منار : هناك يالسة تصيح ..

نشيت عن الأرض و طالعت مشعل الي أبتسم لي .. حملتها و رحت المكان الي تأشر عليه شفت ياسمين الي مسندة راسها ع اليدار و تصيـح ..

غيـداء : ياسمين ؟

ياسمين طالعتني بعيونها المحمرة و طاحت في حضني تبجي ..

ياسمين : فيصل تعبان وايد فوق مرضه الذنب يلاحقه الله يابج قولوا له انكم تسامحونه .. خله يموت مرتاح ..

طالعت مشـعل و رديت طالعتها .. خليت يدي على راسها و قلت ..

غيداء : ليش اهوا شوه فيه ؟
ياسمين تمش دموعها : سرطان في الرئة و انتشر لـ كامل جسمه .. انا قلت له من البداية يروح يتعاجل بس ما طاع ..

طالعت الغرفة الي واقفين عدالها و رديت طالعت مشعل الي قال لي ..

مشعل : المسامح كريم يا غيداء و اذا الريال تاب حنا ما لنا يد نوقف في طريجه ..

تجرب مني و يود يدي .. فتحت لنا ياسمين باب الغرفة و دخلـت .. دخت وراها و انا عيوني كلها ع السرير .. رجعت على ورى لما شفت شكل فيصل !! طالعت مشعل الي نزل راسه ..

ياسمين : فيصل حبيبي .. غيداء و مشعل هنيه ..
فيصل : لا تقولين جيه تواسيني .. مستحيل الي اذيتهم كل هالاذية يسامحوني بـ طرفة عين ..
غيداء : لا حنا هنيه يا فيصل .. حنا مسامحينك ع كل شي ..
فيصل موب مصدق : غيداء !!!
مشـعل : الله يسـامحك فيصل .. الدنيا تدور و تدور و ترجع على صاحبها ..
فيصل حسيته مهموم : يا ليت الزمن يرجع على ورى يا مشعل و أصلح كل شي هدمته .. بس خلاص المرض هد حيلي و مافيني حيل حتى اقوم ع ريولي ..
ابـويه : انتـه بـ الي سويته هدمت اركان عائلتنا و الحينه يا دورك تاخذ يزاك ..

الكل التفـت لـ أبويه الي كان واقف عند الباب ..

فيصل : يابر !! سامحني يابر الله يخليك سامحني ..
ابويه تنهـد : منوه انا علشان ما اسامحك ؟ الله يسامحك و انا مسامحك ..

فيصل غمض عيــنـه مرتاح .. قال بهدوء ..

فيصل : الحمدلله .. باجي بس نوف ؟ وينها يا يابر ييبها هنيه خلها تقول انها سامحتني .. انا ما بـ أرتاح الا اذا سمعت هالكلمة منها ..
أبويه نزل راسه : البـقى في راسـك .. نوف عطتك عمرها ..
فيصل نش بصعوبة : شووه تقول ؟ وشلون تموت بدون ما تسامحنيه ؟
ياسمين تصيـح : أستغفر ربك فيصل .. الاعمار بـ يد الله ..
فيصل غمض عينه : اشهد ان لا الله الا الله و ان محمداً رسول الله ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 15-02-2013, 01:12 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف


رجعت على ورى لما سمعته يتشـهد .. شفت ابويه اليطلع برع ينادي الدكتور وياسمين الي انهارت على الارض .. طاحت دموعي على خدي ..مشعل الي تدارك الموقف وسحبني برى الغرفة ..ضماني لـ صدره واهوا يقــول ..
مشعل : الله يرحمـه
المهم ان الكل سامحـه ..
تنهـدت بـ ألم : الله يرحمه ..
طالعني بـ هدوء و
حنا نمشي طالعين من المستشفى شفت ياسمين الي كانتحاضنة منار و تصـيح بـ شكل رهييب .. باعدت ويهي عنها و مشينا ..

"
يكـفي يا زمن يكفي
تعذبنا !!! "

لفـحت ويهي خيوط الشمس فـ رفـعته وطالعت السما .. الله يرحمكم و يرحم كل المسلمين و المسلـمات
..
عقب اربعة ايام .. كملنا العزا وكسرنا فاتحةنوف الي خلت وراها بنتين .. كنت بـ أطلع من بيت أبويه لانه مشعليترياني برع رجعت
الصالة لما سمعت صوت وحدة من بناتنوف تبجي .. كانت ريم مزيغتهن .. رحت صوبها وباعدتها .. شلتالياهلة عرفت انها غدير من لون ثيابها .. حاولت أسكتها بس كانت تصيحمدري شوه فيها ..يلست غصون هم تصيح .. ف تورطت ماعرفت شوه أسوي فيهن .. سمعت صوتاميه الي يلست يمي ع الكرسي وتنهَدَت ..
همست : ظهروا ؟
اميـه : هيهتوهن ظاهرات .. ما اتوقـع حد ايي الحينه الشمس بدتتغيب ..
عطيتها غدير و
انا اخذت غصون وقفت و انا احاول اسكتها ..
اميه : تعالي ماهوب جيه يسكتونها
.. توها ياهل .. ابا اعرف اذا ربيتي شوه بـ تسوين في ولدج ؟
عطيتها الياهلةما شاء الله مسرع ما سكتها .. نشيت من على الكرسيو انا اقول لها ..
غيداء
: يلا عيل اميه مشعليترياني برع ..
اميه تصيح : بتروحين و بتودريني ..بـأظل
لحاليه في هالبيت محد يونسني .. قبل نوف كانتتداري وحدتي بس الحينه منوه يا حسرةمنوه ؟
"
حبيت راسها " : لاتحاتين امايـه ابويه هنيه و هذلين البنات عندجغلا هذه هنيه و حناكل يوم بـ نيي لج ..
اميه : شوه تيون تعب عليكم منالمنامةلين هنيه ؟
غيداء : ماشي تعب يا الغالية جدامراحتج .. الا هي بس ساعة بالكثيـر ..
اميه هزت راسها : الله يحفـظـجبنيـتي ..
طلعت عنها .. عند الباب
تلاقيت ويه شهاب الي كان ياي لـ بنته ..
همست : شحالك شهاب ؟
شهاب التفتلي : غيداء ؟الحمدلله يسرج حالي و من صوبج ؟
غيداء : الحمدلله .. اسمح لي الشيخمشعل يترياني ..
شهاب : فمان الله ..
مشيــت عنه و انا رايحة صوب سيارة
مشعل الي من شافني نزل لي .. حسيت من تجربت منهدار راسي .. كنت بـ أطيح ع الأرض بسمشعل بسرعة يودني ..
مشعل : حبيبي شوه فيج ؟
غيداء : مـ مـاشي بس شويهتعبانـة ..
وقفني على ريولي و ساعدني اركبالسيـارة .. حـرك السيارة بس غيرطريجه عن طريج المنامة .. طالعته مستغربة ..
غيداء : وين بنروح ؟
مشـعل : ماشي ..
طالعت الجهـة الثانيـة و راقبتالطريج .. هاجمت ذاكرتي أحداث وايداستوت في هالطريج .. عند هذا العمود اذكر صادنيالحادث .. و هالطريج الي ياخذني لـ
المستشفى .. عدلت يلستي لما تجربنامن البحر ..
غيداء : ليش ما قلت لي ان
بنروح البحر ؟!
مشعل فتح زرار كندورته و سند راسهعلى الكرسي .. و قال ..
مشعل : أحس روحيه مخـنوق ..
"
يودت يـده " : يا ليتفيني و لا فيك ياالغالي ..
مشعل " طالعني و أبتسم ":الله يخليج لي ..

فتح الباب بـ ينزل
فـ نزلت وياه .. مشيت لـ الحجارة الي هناك و وقفتقبال وحدة منهن اراقب غــروب قرصالشمس الي تخلج بـ خجل في البحر يعكس صورة تفتحالنفس .. حسيت بـ ذراع مشعل اليضماني فيها من ورى.. سندت راسي علىصـدره و انا أستمتع بالهوى الي يـداعب تفاصيلويهي .. نـزلتدموعـي على خدي فـ صار لونه شرات لون البحر .. مشعل مد يده بـ يمسحدموعي و اهوايقـول ..
مشـعل : ليش الدموع الحينه ياالغالية ؟
يـودتيده و حبيتها..ضميتها بـ جف يدي و خليتها على خـدي ..
همست بـشوق
: حـروف حبـك دمـوعـي..
مشـعل : عيل خليها على طول تسري على خدج و خدي
..
رفعت راسي و طالعته .. أبتسمت لـه ورد لي الأبتسامة .. رفعناعيونا و طالعنا غـروب الشمس و غـروب
" شمس " الحـزن منحياتنا للابد ..

|||||||||||||||||||||||||

بــعــد خــمــس ســنـــوات

شـهـد : ماما تعرفين انا شوه قلت لـنوف بنت خالتيه سمية؟ قلت لها شوه شوه اممممممم " خلت يدها في بوزها اونهاتفـكر " امممم هيه صح قلتلها الله يسامحج ..
ضميتـها من ورى و انا أبوسها في خدها ..
غيداء : يا بعد روح امجانتيه و الله .. شطورة حلوتي .. شـطــورة ..
شهد لصـقت فينيو اهيا تقـول بـ دلـع و تطلع غمازاتها ..
شـهد : انا وايد احبج ماما ..
حبيتــها على جبيـنها : فدييييييتروحج شهودة و انا بعد احبج وااايد ..
تـجرب مشـعل صوبنا و في يدهالاسكريم.. شهد خلتني و راحت صوبه تركض واهيا تـقـول ..
شـهد : انــا أحـــــــبكوايــــــــدبــــــــابــــــــا
مشـعل : هههههههههههههههههههه اوونجعاد مصلحجية
..
شهدطالعتني و قالتببراءة : ماما يعني شوه ملحجية ؟
مشـعل : ههههههههههههههههههههههههملحجية هااه ؟؟ " نزل لمستواها " يعني الحلوة .. " طالعني " موب جيه حبيبي ؟ " غمز لي بعيونه
"
غيداء : ههههههههههههههههههه هيه صح ..
شـهد " طلعت غمازاتها ":عيل البابا و الماما ملحجيين ..
غيداء + مشعل : هههههههههههههههههههههههههههههه
شهد : انزين بابا الاسكريم بـ يذوب
..
تجرب مشعل يمي و يلـس صوبي .. أبتسملي عقبها طالع شهد ..
مشـعل : الاسكريم ماهوبلج.. هذا لـ الماما ..
شـهد " تخصرت " : لا والله !!!!
غيداء : هههههههههههههههههه مشعلحبيبي عطها الاسكريم بتذبحنا هذه .. وثانياً الحينه برد وانا يكفيني الحمل وايد متعبني ..
شهد : ماما متى بـ ايياخويه ؟
مشـعل : اذا صكيتي بوزج هذا
!!!
شـهد : ويييييييييييييييييييييهالبابا وايد يتدخل بيني و بين الماما ..
مشـعل رفع حواجبـه : اونــــــــــجعااااد .. انا اتدخل بينج و بين امج .. بـ أقصلسانج في يوم اناا ..
مشعلمداه لها و اهيا ماصدقت و طارت عليه .. يات و يلست في وسطنا ..
مشعل : تونيياي من بيت أبويه .. اتفقوا ملجة غلا و نور فيشرات اليوم ..
أبتــسمت : هيه جيهوايد أحـسـن ..
مشـعل جنه تذكر شي .. دخل يده داخلجيسه و طلع منها علبةحمرة .. فتحها و طلع منها قلادة ما خلاني اشوفها علقها علىرقبة شهد و قال لي ..
مشعل : صكيها ..
رفعت حواجبي و أبتسمت موب فاهمة شوهيسوي .. صكيت السلسلة و شهد تطالعنـا بـ عيونها البريئة ..
مشـعل : شوفي التعليقة اليفيها ..
مديت يدي و رفعت التعليقـة .. ضميتهافي جفي , طالعت مشـعل و همستبـ حب ..
غيـداء : أحلى جملـة .. " غمضتعيني " حروف حبك دموعي ..
مشـعليكرر الجملة : حـروفحبـك دمـوعي ..
شـهد جنها السالفة عيبتها .. وقفــتفيوسطنا .. قالت و غمازاتها محلية ابتسامتها ..
شـهـد : حــــروفحبـــــك دمـــوعـــي
النـــهــــايـــــــة
أختتم قصتي بأسمىعبارات الشكر لـ الي ساندني في كل جزء من اجزاءالقصة .. كل الشكر لـ كل الي قرى سطوري .. و أتمنى من كل قلبي تحوز قصة "غيداء " و " مشعل " مساحة من قلوبكم ..
و انتـظروني مـن يديد في " و انطفأت الشــمُــوع "

لـحن الخـريف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 15-02-2013, 01:50 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية حروف حبك دموعي الكاتبة : لحن الخريف




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 22-02-2013, 03:46 AM
صورة روح لكويت الرمزية
روح لكويت روح لكويت غير متصل
©؛°¨غرامي فعال ¨°؛©
 
الافتراضي رد: رواية :حروف حبك دموعي / الكاتبة : لحن الخريف ؛كاملة


يسلمووووووووووو رووووووووعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 05-06-2013, 07:34 PM
صورة ساره اليماني الرمزية
ساره اليماني ساره اليماني غير متصل
©؛°¨غرامي جديد¨°؛©
 
الافتراضي رد: رواية حروف حبك دموعي / الكاتبة : لحن الخريف ، كاملة


الرواية حلوة وايد بس من الهجه اماراتية مو بحرينيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 27-07-2017, 06:21 AM
صورة عاشقة ياسمين الرمزية
عاشقة ياسمين عاشقة ياسمين غير متصل
©؛°¨غرامي فعال ¨°؛©
 
الافتراضي رد: رواية حروف حبك دموعي / الكاتبة : لحن الخريف ، كاملة


رائعه جدا شكرا حبيبتي ووفقك الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 29-07-2017, 12:27 AM
ملكة الليل شوش ملكة الليل شوش غير متصل
©؛°¨غرامي جديد¨°؛©
 
الافتراضي رد: رواية حروف حبك دموعي / الكاتبة : لحن الخريف ، كاملة


أقصدد كيف انزل روايتي ف المنتدى؟!

الرد باقتباس
إضافة رد
الإشارات المرجعية

رواية حروف حبك دموعي / الكاتبة : لحن الخريف ، كاملة

الوسوم
الخريف , الكاتبة , دموعي , حروف , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 04:31 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1