منتديات غرام

منتديات غرام (/)
-   مطبخ حواء - أكلات - معجنات - حلويات (https://forums.graaam.com/93/)
-   -   اطباق لذيذه منوعه (https://forums.graaam.com/534581.html)

ح ـلم 07-02-2013 11:10 AM

اطباق لذيذه منوعه
 
https://up.graaam.com/img/ded9689703b...aec19ecbb9.png

ح ـلم 07-02-2013 11:12 AM

رد: اطباق لذيذه منوعه
 
https://up.graaam.com/img/6255be50930...8781f3c140.png
https://up.graaam.com/img/28f3a376774...c32245f6bd.png

المقآاديـر :
دجاجة كاملة مقطعة 8 قطع
كوبين رز بسمتي
الخضار:</B> (2 طماط شرايح، بصلتين كبيرة مقطعة شرايح، ½ كوب بقدونس مفروم، ¼ كوب كزبرة مفرومة، بصل أخضر مفروم، شبنت مجفف،
فلفل أخضر حار مفروم، جزرتين مبشورة، حبتين بطاطس كبيرة مقشرة ومسلوقة نص، ملعقتين كبيرة زنجبيل طازج مفروم، 5 فصوص ثوم مفرومة، عصير ليمونة)
البهارات:</B> (توابل برياني هندية، كركم، كمون، بهارات حليم ماسالا "تلقينها مع البهارات الهندية"، ماجي وملح)
ملعقة كبيرة معجون طماط
علبة زبادي + كوب لبن
نص باكيت زبدة + زيت
صبغة الزعفران + ماي ورد

الطّريقـة :
نظفي الدجاجة واغسليها بماي وخل، تبليها بس ببهارات البرياني وشوية عصير ليمون وخليها ع جنب لين تقطعين الخضار ..
ذوبي الزبدة مع الزيت وحمري فيها البصل لين يذبل بدون مايتغير لونه، وبعدين ضيفي الطماط، الجزر، البصل الأخضر، الفلفل الحار وحركيه لين يذبل الطماط ..
حطي الثوم والزنجبيل والشبنت والكزبرة والبقدونس وعصير الليمونة ومعجون الطماط ..
اخلطي الزبادي واللبن بالخلاط لين يتجانس "عشان مايتكتل بعدين" وضيفيه ع الخضار واخلطي معاه كل البهارات ..
ضيفي الدجاجة واذا حسيتيه ناشف زيدي شوي لبن لين تتغطى الدجاجة، وخليه ع الفرن لين تنضج الدجاجة ..
آخر شي ضيفي البطاطس "لأنه تقريبا مستوي يعني مايحتاج وقت" ..
الحين اغسلي الرز وعقب اسلقيه بماي مع ملح وزيت وماجي ..
واذا استوى شيليه من الماي وخليه يتصفى ..
في جدر (قدر) حطي شوية زيت وبعدين نص كمية الرز، وفوقها الدجاج وبعدين النص الثاني من الرز ..
وآخر شي اخلطي صبغة الزعفران مع شوية ماي ورد وصبيه ع الرز من فوق وخليه ع نار هادية لين ينشف ويستوي ..


و بـ العافية ..https://up.graaam.com/img/52991d7ff65...1170a0f14c.gif

ح ـلم 07-02-2013 11:14 AM

رد: اطباق لذيذه منوعه
 
https://up.graaam.com/img/e4c6c0ae3e0...01ba4bb9bb.png

https://up.graaam.com/img/f5eb62b152c...59d0cf521a.png

المقآديـر:
6 حبات كوسا مفرغة
1 ونص كوب رز مصري مغسول
حبتين طماط مفرومة، بصلتين مفرومة
3 فصوص ثوم مفرومة، بقدونس مفروم، شبنت مفروم
3 م.ك دبس رمان، 1 م.ك صلصة صويا، نص علبة معجون طماط، ½ كوب عصير ليمون، زيت زيتون
ماجي، ملح وبهارات "كمون، كركم، قرفة، كاري، كزبرة، فلفل أسود"
الصلصة:</B>
4 حبات طماط كبيرة + علبة معجون طماط + فصين ثوم + ¼ كوب زيت زيتون + كوب ماي + كوب عصير ليمون
مكعب ماجي + ملح + كركم وكمون

الطّريقـة:
حمري البصل مع شوي زيت لين يذبل، وبعدين ضيفي الثوم والطماط والبقدونس والشبنت ..
ضيفي كل المقادير "ماعدا الرز" واخلطيها زين ..
ضيفي الرز واخلطيه معاهم دقيقتين وارفعيه عن الفرن ..
الصلصة: اخلطي الطماط، المعجون، الثوم، زيت الزيتون، الماي، الليمون بالخلاط
بعدين حطيهم ع الفرن لين تغلي وضيفي الماجي والملح والبهارات وارفعيها ..
في جدر (قدر) صبي شوي صلصة وبعدين حطي الكوسا وبعدين باقي الصلصة وزيدي ماي لين تتغطى الكوسا ..
وحاولي ماتخلينها تنشف وقت الطبخ، يعني كل 10 دقايق شوفيها واذا نشفت زيدي ماي لين تستوي ..


و بـ العآفية ..https://up.graaam.com/img/52991d7ff65...1170a0f14c.gif

ح ـلم 07-02-2013 11:23 AM

رد: اطباق لذيذه منوعه
 
https://up.graaam.com/img/bda8f5ee663...4a0c652274.png
https://up.graaam.com/img/2f8682cd8d2...64eb2f0c57.png

المقآديـر:
كوبين مكرونه
1 صدر دجاج مقطع شرايح رفيعة (فيليه) ومتبل بـ:
"عصير ليمونة، ملعقة كبيرة صلصة صويا، ملعقتين كبيرة خل بالسميك، بزار دجاج، كركم، كاري، ملح وفلفل أسود"
بصلة مفرومة + فصين ثوم مفروم + طماطة مفرومة + شبنت مفروم + فلفل أخضر حار مقطع صغاار
1 قشطة + علبة جبنة شيدر صفرا صغيرة مبشورة + نص كوب جبنة موزاريلا مبشورة

الطّريقـة:
اسلقي المكرونة مع مكعب ماجي + ملح + زيت ..
حمري البصل مع شوية زيت، وبعدين ضيفي الطماط، الثوم، الفلفل الحار، والشبنت ..
حطي الدجاج "مع الصلصة اللي منقعته فيه" على البصل وضيفي القشطة ..
وكل شوي زيدي ماي لين يستوي الدجاج ..
بعد ماينضج الدجاج حطي المكرونة + الجبن وحركيه شوي لين يذوب الجبن بعدين قدميه ..

و بـ العآفية ..https://up.graaam.com/img/52991d7ff65...1170a0f14c.gif

ح ـلم 07-02-2013 11:24 AM

رد: اطباق لذيذه منوعه
 
https://up.graaam.com/img/36b1ad8aadc...3d27e25777.png
https://up.graaam.com/img/b48a18bf0ef...233137513c.png

المقآديـر:
العجينة:</B>
كوبين طحين، ملعقتين كبيرة حليب بودرة، ملعقة كبيرة خميرة
3 ملاعق كبيرة ماي، علبة زبادي، ¼ كوب زيت
ملعقة كبيرة سكر + ملعقة صغيرة ملح
الحشوة:</B>
صدر دجاج مسلوق مع ماجي وملح ومفتت
بصلة مفرومة + فصين ثوم مفرومة + بقدونس مفروم + عصير ليمونة حاامضة
ملح، فلفل أسود، كركم، كمون، بزار دجاج
الصلصة:</B>
ربع كوب جبن سايل + رشة أوريغانو + شوي حليب سايل
- حليب سايل + سمسم

الطريقة:
اخلطي مقادير العجينة مع بعض "لازم تكون كلها بحرارة الغرفة" وغطيها وخليها تتخمر ..
جهزي الحشوة: حمري البصل والثوم بعدين الدجاج وباقي المقادير ..
الصلصة: بالمايكروويف أو ع الفرن اخلطي الجبن مع الحليب والأوريغانو لين يغلي بعدين ارفعيه ..
بعد ما تتخمر العجينة، خذي شوي واحشيها وكوريها وصفيها بصينية مدهونة ومرشوشة طحين، لين تخلصين الكمية كلها ..
بعدين ادهني العجين بشوي حليب سايل ورشي سمسم "تقدرين تحطين بيض بدل الحليب بس انا ما أحبه تصير زفرة" ..
دخليها الفرن من تحت وبعدين من فوق تحمر، وقبل التقديم زينيها بالصلصة ..


و بـ العآفيـة ..
https://up.graaam.com/img/52991d7ff65...1170a0f14c.gif

ح ـلم 07-02-2013 11:28 AM

رد: اطباق لذيذه منوعه
 
https://up.graaam.com/img/01c3905a397...d8bae7a9f2.png
https://up.graaam.com/img/60bc3d63e33...6cc6ba0d14.png

المقآديـر:
حبة باذنجان كبيرة مقطعة شرايح
عصير ليمونة خضرا
ملعقتين زبدة
ماجي
ملح
الصلصة:</B>
طماطة كبيرة + معجون طماط + عصير ليمونتين خضرا + بقدونس + فص ثوم

الطّريقــة:
املحي الباذنجان واقليه بزيت غزير، عقب ارفعيه على ورق مطبخ واعصري عليه الليمونة وخليه فيها ..
جهزي الصلصة، اخلطي كل المقادير بالخلاط، ذوبي زبدة وذوبي فيها الماجي وبعدين صبي الصلصة وخليها تغلي ..
ارفعي الباذنجان من الليمون وحطيه بصحن التقديم وزينيه بشوي من الصلصة ..
والباقي من الصلصة خليها بصحن ثاني ..


و بـ العآفيــة ..https://up.graaam.com/img/52991d7ff65...1170a0f14c.gif

ح ـلم 07-02-2013 11:30 AM

رد: اطباق لذيذه منوعه
 
https://up.graaam.com/img/cd50230c8a2...0c776b0d2a.png
https://up.graaam.com/img/2164dd9e6ed...4f23dbdc79.png

المقادير والطريقة:
20 حبة سبرنق رول
"سويتها بحشوتين"
1. حشوة البيتزا: صلصة بيتزا جاهزة + أوريغانو + "زيتون أسود، فلفل أخضر بارد، طماطة، مشروم كلها مقطعة صغااار" + جبنة موزاريلا
خلطتهم مع بعض وحشيت فيهم 10 حبات سبرنق رول ..
2. حشوة البيض المسلوق: بيضتين مسلوقة ومقطعة صغييير + بصل أخضر مفروم، جبنة شيدر مبشورة + جبنة موزاريلا + 3 ملاعق كبيرة مايونيز + ملعقتين شطة + ملح وفلفل أسود
خلطتهم مع بعض وحشيت فيهم الـ10 حبات الباقية ..


و بـ العآفيــة ..https://up.graaam.com/img/52991d7ff65...1170a0f14c.gif

ح ـلم 07-02-2013 11:35 AM

رد: اطباق لذيذه منوعه
 
https://up.graaam.com/img/47c32ad23d4...83a37c1cc2.png
https://up.graaam.com/img/d270221676e...e3107f7cf4.png

المقآديـر والطّريقــة:
"الكمية ع حسب انتي اشكثر تبين"
2 خس كبير مقطع + علبة ذرة صغيرة + علبة حمص حب + بصلة حمرا "حطيها ع الفرن مع عصير ليمونة وسماق لين تذبل" ..

التوست: خذي حبتين توست وقطعيها أي شكل تبين وتبليها زيت زيتون وزعتر ودخليها الفرن لين تتحمر..

الصلصة: علبة زبادي + صوص رانش + ملعقتين كبيرة طحينة + ملعقتين زعتر + ملح وعصير ليمون ..

اخلطي الخضار كلها مع بعض مع نص كمية الصلصة ..
زينيها بالتوست وبعدين حطي شوي صلصة ورشي سماق ..


و بـ العآفيــة ..https://up.graaam.com/img/52991d7ff65...1170a0f14c.gif

ح ـلم 07-02-2013 11:46 AM

رد: اطباق لذيذه منوعه
 
https://up.graaam.com/img/b8c6376c878...fd1eb198aa.png
https://up.graaam.com/img/36631a78bc8...f01d5789e6.png

المقآديــر:
كوبين طحين
نص كوب لوز مفروم ناااعم
3 بيضات
¾ كوب زبدة بحرارة الغرفة
1 ونص كوب سكر
1 ملعقة كبيرة بيكنق باودر
كوب حليب سايل
1 ملعقة صغيرة ملح
فانيلا
للتزيين: سكر بودرة

الطّريقــة:
اخلطي السكر مع الزبدة وبعدين ضيفي البيض والفانيلا واخلطيها 3 دقايق ..
انخلي الطحين والبيكنق باودر وحطيه ع البيض ..
ضيفي اللوز + السكر + الملح + الحليب ..
حطيها بصينية فرن مدهونة ومرشوشة طحين ودخليها الفرن من تحت وبعدين من فوق لين تستوي ..
اذا طلعتيها رشي عليها سكر بودرة ..


و بـ العآفيــة ..https://up.graaam.com/img/52991d7ff65...1170a0f14c.gif

ح ـلم 07-02-2013 11:56 AM

رد: اطباق لذيذه منوعه
 
https://up.graaam.com/img/5238349bfac...c129541791.png
https://up.graaam.com/img/d9118768741...dfc9fe64db.png

المقآديــر:
- طريقة كيكة فانيلا اللي انتي معتمدتهآ ..
الآيس كريم:
4 آيس كريم فانيلا صغير
ظرفين دريم ويب
علبة قشطة باردة
¼ كوب حليب بارد
شوي سكر

الطّريقــة:
جهّزي الكيكة بطريقتج، ودخليها الفرن لين تستوي ..
اخلطي كل مقادير الآيس كريم مع بعض ودخليها الفريزر ..
بعد ماتخلص الكيكة وتبردينها قصيها من النص وادهنيها بشوي من الآيس كريم وسكريها ..
حطي باقي الآيس كريم من فوق وزينيها مثل ماتحبين "أنا ذوبت جلكسي وزينتها فيه وكنت مسوية بسكوت طريقته مثل الغريبة وحطيته فوق" ..


و بـ العآفيــة ..https://up.graaam.com/img/52991d7ff65...1170a0f14c.gif


الساعة الآن +3: 06:34 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1