غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-02-2013, 03:42 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
01302797271 ألو / مرحبا


بسم الله الرحمن الرحيم



الحمد لله على سلامتي رجعت لكم من جديد
مع إني كنت ساحب بسبب تصرفات بعض (المستشرفات) وللأمانه هم كم مشرفه


لكني بريت بقسمي بعدم المشاركه وكفرت عنه يوم عرفت إن بعضهن تركن الإشراف
وهذا أفضل لهم وقسم الألعاب ينتظر



طيب ندخل في صلب الموضوع الأساسي ..


أمانه برقابكم هذي المكالمات فقط للمخطوبين والمتزوجين ..
يعني لا أحد يتميلح لا أفقع وجهه ..



ولاني طولت عليكم بالمقدمه راح أختصر هنا وهذي المكالمه بين أيديكم ..

مع تمنياتي لكم بالإستمتاع ..





(( 1 ))

الو ..

أنت :- صباح الخير ياعطر الورود وريحة الريحان ..
صباح الشوق يانفحة زهور التل والوادي .. وحشتيني كثر حسنكِ ياروح العاشق الولهان ..
وحشني همسكِ الدافي ونبرة صوتكِ الهادي .. سراب الوصل ..
عذبني لصوتكِ حيل أنا عطشان .. وحشتيني .. وحشتيني .. ياعطر الورد والكادي ..
وصباحي إنتِ يابعد عمر ملغليك ..

خطيبتك :- هلا وغلا حبيبي ..
وصح لسانك وصباحي إنت .. وحشتني .. وطمني عنك حبيبي .. وش أخبارك ؟


إنت :- وربك يادلوعتي دامك بخير أنا بخير ولله الحمد ..
وحتى إذا كنت أعاني شوي من قسوة الوقت أللي تجبرني بالغصب أبعد عنكِ ..
وعن لذة حبكِ ولذة صوتكِ ولذة لهفتي في الرد على إتصالكِ ..
إلا إني أصبّرّ نفسي بذكر ربي سبحانه ثم بحبكِ يابعد عمر مغليكِ أللي سرقني حتى من نفسي ..

خطيبتك :- الله لايحرمني منك حبيبي والله يعوضنا خير والله يهونها عليك وعليه ..

أنت :- تدرين عاد يادلوعتي ..
لو إنكِ تنأكلي كان كليتكِ من زمان وإرتحت .. أقلها أضمن وجودكِ داخل عروقي ودمي ..

خطيبتك :- أفا تاكلني ..
وبعدين من وين لك أنا وأصلن لو أكلتني راح تلاقيني في قلبك وفي عيونك ..


أنت :- بجد معكِ حق لو إني كليتكِ من وين لي وحده في حسنكِ وصدقكِ ..
خلاص ماراح أكلكِ في وجبه وحده .. راح أقسمكِ على أيام عمرنا مع بعض إن شاء الله ..
والله يطول في أيام عمرنا على طاعته .. ويوم تقولي راح أكون في قلبك وعيونك بعد ماتاكلني ..
تراكِ ساكنه قلبي وهو قصركِ أما عيوني ماراح أخليكِ تطلعي فيها ..
لأني ما أبي أحد غيري يشوفكِ ..
ولو أصريتي وجيتي في عيوني راح أعطيني بقس وأطرحكِ @_^

خطيبتك :- ههههههه مو بكيفك حبيبي أنت مُلكي بعد الله تعالى وأنا حره أسوي فيك أللي أبي ..

أنت :- حالي بدونكِ بين ضايق وطفشان ..
وأحيان أهذري وأزعج أللي على النت؟ وينكِ كفاني منكِ لوعه وحرمان ؟
مشتاق أضمكِ حيل مشتاق يابنت ؟ ..

خطيبتك :- لحظة صمت ..

أنت :- لبى الحياء لاصار ممزوج بـ دلالكِ .. يابعد عمر مغليكِ ..
وصدقيني ياروحي من يوم ملكنا على بعض ولله الحمد وأنا تايه في دنيا جمالكِ ..
وإذا كنت سهران صدقيني ما أسهر إلا مع طيفكِ ..
وأجلس أفكر في كل شي راح أقدمه لكِ يوم تكوني في أحضاني بعد الزواج إن شاء الله ..
أفكر .. يوم أرد البيت وتكوني نايمه ومافيه طبخ وأنا جوعنا بالحيل ..
تدرين وش راح أسوي يادلوعتي ..

خطيبتك :- أول شي مشكور حبيبي على كلامك الحلو ممممم وش راح تسوي حبيبي ..

أنت :- أنا ماقلت كلام حلو ..
الحلا هذا كله من عسلكِ .. وأنا بس جالس أداري ورودكِ من النحل ..
والورده هذي تنتظرلمس يديك ..
صافي عسلك وعطرك أللي جذبها .. حبيبتي يدي بها رض يفديك ..
لسعة نحل حلاة عسلكِ سببها ..

خطيبتك :- حبيبي شوفك تخجلني ..

أنت :- قد قلتها من قبل .. يالبيهكِ ..
طيب يادلوعتي ماتبي تعرفي وش راح أسوي لا لقيتكِ نايمه وماسويتي أكل وأنا جوعان ..

خطيبتك :- إلا أبغى أعرف وش راح تسوي ..

أنت :- راح اجي عندكِ بكل هدوء وبدون ماتحسي فيني وأضربك كف ههههههههه

خطيبتك :- هههههههههه لا والله ..

أنت :- يالله لاتحرمني من هالضحكه أللي تسعدني ..
وربك أمزح معك .. صحيح إني راح أكون متضايق .. لكن مو عشان الأكل ..
راح أتضايق لأني متلهف وعطشان أضمكِ ..
وفي نفس الوقت ماراح أصحيكِ لأني أعشق راحتكِ ياراحتي ..
وصحيح إني شوي أعرف أطبخ .. لكن بحكم حبي لكِ راح أطوي تعبي لجل عيونكِ الحلوه ..
وأدخل المطبخ .. وأجهز لكِ أحلى أكل .. ما أعرف وش راح أسوي بالضبط ..
يمكن أكون شوي متضايق لأني ماضميتكِ .. وهم بعد لأن أكلي راح يكون من ريقك العذب ..
وبعد ماسوي الأكل راح أتحمم وألبس وأحط لكِ من عطري أللي تحبينه ..
وأجي عندكِ بشويش وأجلس أبوسكِ بدون ما أتكلم إللين تصحين يادلوعتي ..
وبعدها راح أضمكِ .. وأبوسكِ .. وأجيب الأكل وأجلسكِ وإنتِ تقولي بقوم أغسل وجهي ..
وأنا أقولكِ لا لأني أغار من الماء أللي يضمكِ ..
وتبتسمي وتقولي حبيبي علشان خاطري .. وأقوم وأشيلكِ وأغسل وجهكِ الحلو ..
وبعدين أجلسكِ في حضني ..
وأجلس أأكلكِ .. وإنتِ تقولي ليش ماتاكل حبيبي ..
وأقولكِ أنا عصفوركِ ياماما .. يعني لابد تأكليني من فمكِ وأجلس أسوي كذا صوصو صوصو ..

خطيبتك :- ههههههههههههه ياويل حالي منك ويالبى عصفوري ياناس .. ياويلي من حبك ..
والله لايحرمني منك ولامن طيبة ورقة قلبك يا أغلى الناس ..


أنت :- ولايحرمني منكِ يادلوعة أغلى الناس .. وأللحين حبيبتي جري على حضني ..
لجل ترتاحي وأنا بقفل مع إني ماشبعت منكِ ولأن عندي شوية شغل .. وديري بالكِ ع حالكِ ..
وأحبكِ هي بدايتنا ونهايتناوعسى الله لايفرقنا ..
ومع السلامه يا أنا ..

خطيبتك :- ولا أنا شبعت لكن تامر أمر ياروحي .. والله يحفظك لي .. ودير بالك ع حالك حبيبي ..
وأحبك هي بدايتنا ونهايتنا وعسى الله لا يفرقنا ..
مع السلامه يا أنا .





هذيان قلمي
مهنا الزايدي العتيبي




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-02-2013, 05:09 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
Upload5fb52218db صباح الخير ..


’,
حبيبتي
’,
( أكتب غزل مالي ومال السياسه ) !؟
( ماهو شعر/ كلام هذره وإسقاط ) !؟
( وأمزج فرافيش وخيال وناسه ) !!؟
لجل أبسطكِ لاصرت ضايق ومشطاط ؟

هذياني
مهنا العتيبي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-02-2013, 07:43 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
Upload80df0fa5d4 بسم الله .. وصلى الله على سيدنا محمد وعلى آله وصحبه ومن تبعهم بإحسان إلى يوم الدين ..


.

(( 2 ))


الو ..

إنتي :- سلام عليكم وصباح الخير حبيبي ..

خطيبكِ :- عليكم السلام وصبحكِ الله بالنور والسرور ياغلا حبيبكِ ..

إنتي :- طمني عنك .. إن شاء الله مرتاح ..
لأن راحتي في طاعة الله تعالى ثم في راحتك أللي أشريها بعمري ..


خطيبكِ :- صدقيني يا أنا ..
طول ماأنتي بخير وصحه وسلامه فتأكدي إني بخير وصحه وسلامه إن شاء الله ..
وتأكدي إنكِ سعادتي .. يعني يوم تبتسمي تنور الدنيا بعيوني ..

إنتي :- الله لايحرمني منك .. بس إتصلت لجل أتطمن عليك ياروحي .. وبقوم أصلح فطور

خطيبكِ :- يالبى .. ولا منكِ يارب ..
لكن حبيبتي أنا بجد بديت أخاف عليكِ ومدري وش أسوي ..

إنتي :- من أيش حبيبي .. عسى ماشر ..

خطيبكِ :-
بديت أخاف عليك ..
من الخبز والشاي لاتشوفكِ على السفره وتاكلكِ ههههههههه ..

إنتي :- هههههههههههه خوفتني ..

خطيبكِ :- الله لايحرمني هالضحكه الحلوه ..
وماعاش من يخوفكِ .. على العموم يا أنا ما أطول عليكِ لكن بجد يابخت الخبز وفطوركِ ..
ياهي راح تتلذذ بلمس يدينكِ ..
وراح تذوب في فمكِ من لذة ريقكِ .. يعني ياروحي ..
إنتي الإنسانه الوحيده أللي مايحتاج تمضغ الأكل هههههههههههههه ..

إنتي :- ههههههههه ياويل حالي منك ..

خطيبكِ :- دوم هالضحكه يارب ..
وقريب إن شاء الله يا أنا راح تفطري عندي وأنا أفطر عليكِ *_^

إنتي :- إن شاء الله وإعتني في نفسك دخيلك حبيبي ..

خطيبكِ :-
أفا يا أنا .. من دون ماتوصي وربك .. وإنتي بعد ..
لا أوصيكِ وناكل قد الدنيا .. يادلوعتي وبعدها جري على حضني وتسوي ناني مفهوم ..

إنتي :- مفهوم ياقمر .. الله يجمعنا قريب ..
ومع السلامه حبيبي وأحبك هي بدايتنا ونهايتنا وعسى الله لايفرقنا ..


خطيبكِ :- آمين يارب .. ومع السلامه ..
يا غناتي .. وأحبكِ هي بدايتنا ونهايتنا وعسى الله لايفرقنا ..



هذياني
مهنا الزايدي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-02-2013, 08:05 PM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
Upload5fb52218db مساء السعاده !! @_@


’,
أمممممم
’,

ليتني ..
أقدر أجيكِ .. يامجنني عليكِ ..
وتحتويني وأحتويكِ ..
حب وأحضان وغلا .. بعضني والله يبيكِ ..
وبعضني يثقل يجيكِ ..
تهت في هذي وذيك .. بين إيه ..
وبين لا ..


هذياني
مهنا العتيبي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-02-2013, 10:47 PM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
11302798240 شسمه .. ^_^


.


(( 3 ))

الو ..


أنت :- مساء الورد ياعطره ..
ومسائي نبرة صوتكِ الدافي يابعد عمر مغليكِ ..

خطيبتك :- مسائي أنت ..

أنت :-
حي الله حبيبتي .. حي الله البنت أللي جننتني ..
حي الله الدلوعه أللي ماقد رفضت لها طلب ومستعد أفديها بعمري ..

خطيبتك :- هلابك حبيبي ..

أنت :- أفا وش فيها القمر حقتي زعلانه ..

خطيبتك :- مو زعلانه ..

أنت :- حبيبتي خير .. عسى ماشر ياروحي وش أللي مضايقكِ ..

خطيبتك :- ولا شي ..

أنت :- مدري وش أقولكِ ياروحي لأني بجد أضيع يوم أشوفكِ كذا ..
وماعاد أعرف أجمع كلامي ..
قولي ياروحي وش أللي مضايقكِ .. أنا ضايقتكِ في شي أو زعلتكِ ..

خطيبتك :- إيه زعلتني ..

أنت :- يالبى دلوعتي .. أللحين أضربني كف ..
وأعاقبني لأني زعلت أجمل وأوفئ بنت بالدنيا كلها .. طخ عليه ^_^
شفتيني وأنا أضربني عشانكِ ..

خطيبتك :- لا والله ..

أنت :- ههههههههه ياويل حالي من هالبسكوته ..
ترى أكلكِ يابنت .. لحظه .. هميّ .. شفتي كليتكِ .. يمي يم .. يالذيذه ..

خطيبتك :- لحظة صمت ..

أنت :- يالله حبيبتي قولي في أيش ضايقتكِ ..
وأنا مستعد أراضيكِ .. وأوعدكِ راح أسوي كل شي إن شاء الله ..
لجل ترضي .. لأني عطشان أسمع ضحكتكِ الحلوه ..

خطيبتك :- أنا زعلانه .. لأنك تشارك في منتدى كله بنات ..

أنت :- هههههههههههههههههه

خطيبتك :- تضحك .. إيه زعلني أكثر ..

أنت :- ياروحي يادنيتي ياحياتي ..
أنا ضحكت يوم تقولي إن المنتدى أللي أنا أشارك فيه كله بنات ..
لكن صدقيني يا أنا هذا المنتدى .. بالذات .. 90 % كلهم شباب .. ومافيه ولا بنت ..
والبقيه كلهن عجايز .. وتعرفيني ياروحي ..
القصد يوم أرد على عجوزه بالمنتدى .. لجل أخذ أجرها وتدعيلي ..
ههههههههههههههه ..

خطيبتك :- ياسلام وش قالولك عني ..

أنت :- وربك ماحد يقدر يقول شي عنكِ ..
لأنكِ حقتي أنا لوحدي وأنا أقول كل شي عنكِ .. وأقول إنكِ .. دلوعتي وحلوتي ..
ونونويتي وبسكوتتي وخطيبتي أللي أدعي ربي مايحرمني منها ..
وبعدين .. ياأنا ..
بالعقل .. معي أحلى وألطف وأرق بنت .. وأناظر غيرها ..
أفا .. ياروحي بجد أفا ..

خطيبتك :- لاتقول أفا ..

أنت :- لحظة صمت << بجد الدنيا دواره ههههههههههههه

خطيبتك :- حبيبي يالله عاد ..

أنت :- إنتي دايم كذا معي ..
وأنا ياما شفت عليكِ أغلاط .. لكن أحاول ما أدقق فيها لجل ماأخسركِ ..

خطيبتك :- وش أغلاطه ياروحي وربي حقك علي << تنتفض من الخوف ^_^

أنت :- أنا أقولكِ وش أغلاطه ..
أللحين يوم تتحممي والماء يضم جسمكِ .. أو يوم تتنشفي والمنشفه تضم جسمكِ ..
أو يوم تلبسي وملابسكِ تضم جسمكِ ..
ومخدتكِ وكوبكِ وجوالكِ ..
وأشياء كثير .. أنا أبي أعرف بأي حق تشاركني فيكِ ..

خطيبتك :- هههههههههههه حبيبي ..

أنت :- صحيح إني مبسوط بضحكتكِ .. لكن بجد ياروحي ..
هالجمادات جالسه تكحل وتنبسط ..
وأنا جالس أترجى أبوكِ وأخوانكِ لجل أزوركِ .. وأبوكِ يقولي بعد الزواج ..
وش بعد الزواج ..
وش يصبرني .. على بعدكِ .. كل هالفتره ..
لكن هين أللين تجين عندي إن شاء الله .. وتشوفي إذا ماسجنتكِ ..
وماحد غيري يزوركِ ..
وأصير أنا مويتكِ وأكلكِ ولبسكِ وكوبكِ وكل شي ..

خطيبتك :- الله لا يحرمني منك ..

أنت :- ولا منكِ يا أنا ..
وبجد مبسوط كثير إن قدرت أراضي أجمل دلوعه ..
وأللحين جاء دوركِ تراضيني ..

خطيبتك :- هههههههههههههه

أنت :- يالبى ..
وربك تكفيني ضحكتكِ الحلوه لجل أرضى وأنسى كل شي ..
وأللحين ياروحي .. أنا أستأذنكِ ..
ولي طلب صغير .. مهما صار مني لاتزعلي علي .. لأني بعض الأوقات ..
أفقد شعوري وأشطح من زود حبكِ ياغناتي ..
والشي الأهم ..
إن الدنيا تضيق بعيوني يوم تزعلي او تتضايقي ..
يعني ياروحي ..
طول مأنتي مبسوطه وسعيده أنا راح اكون مبسوط وسعيد ..
أحبكِ ..

خطيبك :- تأمر أمر ياقمر وبجد أنا مبسوطه بقربك ياروحي ..
ومع إني ماشبعت منك ..
لكن دير بالك ع حالك .. ياروحي ..


أنت :- أبشري ياأغلى البشر في دنيتي ..
وأهتمي في نفسكِ كثير ..
ومع السلامه .. وأحبكِ هي بدايتنا ونهايتنا وعسى الله لايفرقنا ..

خطيبتك :- مع السلامه حبيبي ..
وأحبك .. هي بدايتنا ونهايتنا وعسى الله لايفرقنا ..



هذياني
مهنا الزايدي



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-02-2013, 12:48 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
11302798240 آهــ ..


’,
حبيبتي
’,
المدينه موحشه من دون صوتكِ !؟!
والشوارع مظلمه دون إتصالكِ !!؟!
ف الشتاء والبرد آهٍ حظ كوتكِ !؟!!
والقماش أللي حضن أقصى خصالكِ

هذياني
مهنا العتيبي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 12-02-2013, 05:08 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
Upload046c227bf6 ... إتصال سريع .. وصباحكم خير وسرور .. ^_^


.


(( 4 ))


الو ..

أنت :- وينكِ تأخرتي .. على الناس ياشمس ..
يالله أشرقي لبى صباحكِ وخيره .. يالله ياروحي أشرقي مانبي أمس ..
خلي التغلي ياسمو الأميره ..
صباحكِ أنا يا أميرتي الغاليه .. يالله ياروحي ..
ماعاد باقي شي على أذآن الفجر .. يالله نقوم لجل نتوضى ونتجهز للصلاه ..
وأنا أعرف إنكِ شوي مرهقه لكن نتحمل ياروحي أنا ..
وبعد الصلاه إن شاء الله .. راح نسوي ..
ألو حلو مثلكِ وقد الدنيا ..

خطيبتك :- تسلم حبيبي ..
وأبشر من عيوني .. أللحين أقوم إن شاء الله ..


أنت :- يالبى ..
بحة الصوت أللي تذبح .. ياويلي حالي .. ياأنا ..

خطيبتك :- بوسني ..

أنت :- أمووووووح على شفاتكِ التوت ..
وأللحين حبيبتي بقفل ..
وديري بالكِ ع حالكِ ومع السلامه ..
وأحبكِ .. هي بداتينا ونهايتنا .. وعسى الله لايفرقنا ..

خطيبتك :- ياويلي عليك .. وأنت بعد حبيبي ..
ومع السلامه .. وأحبك هي بدايتنا ونهايتنا وعسى الله لايفرقنا ..



هذياني
مهنا العتيبي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 12-02-2013, 10:13 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
Upload5fb52218db صباحكم .. بيض بالتونه .. ^_^


’,
مسج ع الطاير لخطيبتك
’,
(( حبيبتي تفطر مربى وقشطه )) !؟
( لبى الدلال أللي محدش يطوله ) !؟
( وأنا فطوري صحت للزول حطه ) !
مع خبز يابس حطلي صحن فوله !؟

هذياني
مهنا الزايدي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-02-2013, 01:13 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
Uploade953e3d522 .. وش رايك عزيزي الخاطب تطبق هذي الفكره وتشوف النتيجه وش راح تكون ..


’,

’,


عزيزي الخاطب تعال نشطح شوي ..
ونخليك تعلب دور الإنسان الوافي المعذب والمهجول في حب خطيبته ..


طيب ..


لو نفترض أللحين الساعه ثلاث الفجر ..
فـ الأكيد إن خطيبتك متلطمه بمنشفتها وشخيرها وأصل أخر البيت ..

وأنت ياعزيزي الخاطب توك صاحي من النوم وفايق وطفشان وماتدري وش تسوي ..
أنا أقولك وش تسوي طال عمرك ..


أول شي لابد تبين لخطيبتك إنك معذب ومتهجول في حبها ..
وإنك ياطويل العمر لك يومين مانمت والأكيد إنك بكاش من أمس نايم وتوك صاحي ..

المهم ..

أبيك تخلي روميو يصير نمله جنبك من زود العشق والجنان أللي في راسك ..

ولابد تنجح في رسم صورة جنان عشقك الخيالي في مخ خطيبتك المسكينه


أول شي لجل تضمن إنها صحت من نومها ..
حتى تقراء المسج أللي راح ترسله لها .. ولابد إنك تجهز المسج في رساله نصيه ..

لأن الواتس يمكن مايكون فيه شبكه وتروح عليك ياعزيزي العاشق ..

وبعد ماتجهز المسج على طول إتصل عليها وأول ماترد عليك ..
أقفل الخط للجل تتأكد إنها صحت من شخيرها وعلى طول أرسل لها هذا المسج :-


(( شبعتي نوم ياللي كنت أظنك للهموم علاج ))
شبعتي نوم يابختك / أنا ماغمضت لي عين
في إحدى أيامنا قلتي : ( أصير لضيقتك أمواج )
وازيح الحزن من شطك وكل شي(ن) أشوفه شين
ولكن خانة أيامكِ وعود الفرحه والإبهاج
وصارت نسبة الأحزان تفوق الميه بالميتين
( وكلمة مستحيل ) أحزن لسانكِ قالها يا العاج
ولكن ( مستحيله كلمةٍ ) صاير لحا وجهين
يعني لو نفارق بعض عادي مابها إحراج
(( دوله أمس بالسودان وصار اليوم دولتين ))
خلاص أستسمحك نامي أنا آسف على الإزعاج
وخليني مواصل ما أعرف النوم لي يومين
وعسى ربي يزيل الهم ويرزق قلبي الإفراج
وأتوب وأهتدي وأنسى ( غرامك والحسن والزين )


وبعد ماتقراء هذا المسج فـ الأكيد والشي المتعارف عليه ..
إن خطيبتك راح تهذري وغير مستوعبه شي .. وراح تحرق جوالك بـ إتصالاتها ..

ومع مرور الوقت حتى تصحصح من شخيرها ..
راح تستوعب إنك تحبها بجنون ومن زود هذا الحب لك يومين مانمت ..

بجد وأنا كاتب الكلام هذا تأثرت وحزنت على حالك أيها الخاطب المسكين

ههههههههههههههههههههههه


وبعدها راح تواصل حرق جوالك وهي حزينه ..
وأنت جالس رجل على رجل وتتابع قناة سبيس تون وتضحك ومستانس ..



وإياني وإياك ترد عليها أقل شي يوم كامل يعني 24 ساعه ..


وبعدها رد وأنت ضاغط على حلقك شوي لجل تبين لها إنك منتهي من هذا الحب ..
وإن لك ثلاث أيام مانمت لأنك جالس تفكر فيها ..



ههههههههه وبعدها عيش ياملك وهي جالسه تترجى وتراضي فيك ..





هذياني
مهنا الزايدي ^_^




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 13-02-2013, 02:12 AM
صورة إحسـاس شاعر الرمزية
إحسـاس شاعر إحسـاس شاعر غير متصل
©؛°¨غرامي فعال ¨°؛©
 
الافتراضي رد: ألو / مرحبا


’,

يارب يضل الموضوع في قسم الزوجيه ومايصير عليه شي ..


https://forums.graaam.com/535337.html


’,


الرد باقتباس
إضافة رد

ألو / مرحبا

الوسوم
مرحبا , حبيبتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مرحبا أطياف المحبة الترحيب بالأعضاء الجدد 61 17-08-2009 02:25 AM
ممكن ترحيب فيني ولا اطلع؟؟؟؟ الامير تيمور الترحيب بالأعضاء الجدد 18 19-04-2007 08:21 PM
مرحبا روح الصمت الترحيب بالأعضاء الجدد 19 11-04-2007 10:51 AM
,,,.. صبـــاح ــكم بنفســـــج ..,,, .. كلي حلا .. الترحيب بالأعضاء الجدد 17 11-04-2007 10:49 AM
زارتكم فأحبت ضيافتكم ودياركم عاشقة سيبويه الترحيب بالأعضاء الجدد 17 11-04-2007 10:45 AM

الساعة الآن +3: 07:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1