منتديات غرام روايات غرام أرشيف الروايات المغلقة - لعدم إكتمالها روايتي الأولى:من شفتها تعلق قلبي فيها وحبيتها
ل الروح قلم ©؛°¨غرامي مشارك¨°؛©

بسم الله الرحمن الرحيم كيفكم أعضاء منتدى غرام اليوم راح انشر روايتي الأولى : من شفتها تعلق قلبي فيها وحبيتها هي الروايه شخصياتها حقيقيه بس زحفت شوي للخيال
مواعيد البارت:السبت- الاثنين- الأربعاء:انا ما أحلل أي احد ينشر روايتي بدون اسمي فرجاءً الّي يبي ينقلها يكتب اسمي روايتي رومنسيه وأتمنى أنها تعجبكم وأي رأي انا اتقبله برحابة صدر وشكراً
البارت (1)
الشخصيات:
نوره:بثالث متوسط شعرها لين كتوفها اسود قصيره بس مو مره عيونها مكحله لون بشرتها بيضا على سمار يعني لا بيضا ولا سمرا
اشواق:بثالث متوسط المفروض أولى ثانوي بس متأخرة سنه طويله طولها165سم بيضا مره شعرها لآخر ظهرها
الجوهره:شعرها زي نوره قصيره وسمرا
وجدان:شعرها لنص ظهرها طويله طولها170سم لون بشرتها حنطي
هذولي البنات شله دايم مع بعض
الساعه5صحت وجدان عشان تروح للمدرسه أخذت لها شور ولبست المريول ومشطت شعرها ونزلت تحت لقت أختها امل بثره بس مو كثير ترفع الضغط جلست تستنى الباص ولمّا صارت الساعه6جاء الباص لبست عبايتها وطلعت وامل ورآها وكان فيه الجوهره لأن الجوهره بنفس باص وجدان جلسنا يسولفون عن حبيب الجوهره عبد الرحمن هي تحبه وهو كمان يحبها.
وجدان:الجوهره ترى والله ما يجوز والله حرام الّي تسوينه
الجوهره:طيب عارفه ان هذا الشيء حرام بس والله ما اقدر اتركه خلاص حبيته وما اقدر استغني عنه
وجدان:ولو ما يجوز أصلاً صوت المرأه عوره
الجوهره:بس والله أموت اذا ما كلمته
وجدان:خلاص سكري على السالفه تقفل أخلاقي منها.وجلسوا يسولفون وبعدين نزلوا للمدرسه وجدان:نوره جايه اليوم ولاّ لأ؟؟
الجوهره:ايه كلمتها تقول بتجي عشان اختبار الرياضيات
وجدان:ايه صح كيف نسيت خلّينا ندخل المصلى عشان نراجع على رواق برّا إزعاج . راحوا المصلى شوي جت نوره:سلااااااام بنات أخباركم
وجدان:بخير وانتي؟؟؟
نوره:زفت مو فأهمها شيء من الرياضيات
الجوهره:غريبه بالعادة احنّا الّي مو فاهمين
نوره:عارفه بس انا ما كنت حاظره الدر س
وجدان:اجلسي وخلّي الجوهره تفهمك.وجلست نوره وبدت الجوهره تفهمها وبعدها جت اشواق وبس جلست دق الجرس اشواق:ياربّي بس جلست دق الجرس
نوره:قومي قومي ترى الاختبار ألخصه الأولى يعني ما يمديك تراجعين
اشواق:اي والله يلا قوموا.نوره واشواق والجوهره بفصل واحد امّا وجدان بفصل ثاني بس عندها صاحبات بالفصل وهم:
هند1:طويله عيونها واسعات شعرها زي نوره بس ناعم
هند2:تجلس جنب وجدان شعرها طويل وطولها متوسط قدامها غاده:شعرها قصير وهي كمان قصيره وجنبها مشاعل:بويه بس ستايل يعني مو مثل البويات.جلست وجدان تراجع الرياضيات ولفت عليها غاده:وجدان فهميني هذي المسأله مو فاهمتها
وجدان:حتّى انا اسألي هند2يمكن تعرفها وراحت غاده عشان تفهمها هند بعدها جت مشاعل لأنها دايماً تتأخر مشاعل:غاده الله يوفقك فهميني
غاده:طيب اجلسي.بعدها اختبروا البنات ومرت الحصه الثانيه والثالث ودق الجرس وطلعوا البنات للفسحه وجدان راحت قدام فصل نوره شوي وطلعوا البنات وراحوا للمصلى جلسوا يسولفون وجت المعلمه:السلام عليكم
البنات:وعليكم السلام
المعلمه:تبون محاضره ولاّ لأ؟؟
البنات:على راحتك
المعلمه:طيب خلّوا وجيهكم قبالي.لفوا البنات وكانت المحاظره عن الامر بالمعروف والنهي عن المنكر دق الجرس ومرت الحصص الحصه السابعه كانت فراغ وجدان:ياخي طفش
غاده:من جد
هند2:ايش رايكم كل وحده تغني؟
مشاعل:اي والله خنّا نسمع شيء انا بروح انادي هند
وجدان:مين بتدأ؟؟
مشاعل تأشر على هند1:انتِ
هند1:انا!!طيب بس بغني كوري
غاده:غني اي شيء ان شاء الله هندي.وبدت تغني وكان صوتها ناعم وبعدها غنت مشاعل كان صوتها غليظ بس حلو ودق الجرس وراحوا البنات للزّاويه هذا مكانهم دايماً نوره تحط الطرحه على راسها:يلا بنات باي
البنات:باي وبعدها راحت اشواق والجوهره و وجدان في الباص كان في شله دايم يتأخرون الجوهره:ياربي لازم يتأخرون انا تعبانه ابي اروح البيت ودخلوا الشله فيّ: جاف الجو مره حر
شهد:وبقوه
شذى:ما قلت لكم
العنود:ايش؟؟؟
شذى:لمّا ينزلون بعض الناس(تقصد وجدان والجوهره)
وجدان:لا عادي قولي اصلاً انا مومهتمه لكلامك
شذى:وانتي ليش قاطه اذنك تسمعين ايش اقول
وجدان:ماشاء الله صوتك مرّا واطي
شذى:اصلاً صوتي واطي بس انتي الّي قاطه اذنك
العنود:الحين وش يسكتك يا شذى
شهد:من جد وطالعت وجدان:طنشيها لا تردين مو ناقصنا نكد وبعدها سكتوا نعرفكم على الشله فيّ:شعرها اشقر وبيضا طويله زي اشواق شذى:شعرها طويل وطولها متوسط شهد:شعرها لآخر ظهرها وطولها زي نوره العنود:شعرها لين اكتافها وقصيره نزلت وجدان للبيت وراحت غرفتها تدرس وبعدين نزلت تتفرج علىtvالساعه 5جاء ابوها محمد همره41يشتغل بشركه كبيره من الساعه 8الى الساعه5وجلسوا يتغدون عائلة وجدان عبد الله:يدرس ثالث جامعه ادارة اعمال فاتن:اولى جامعه تدرس علم نفس امل سبق ذكرها اسماء:ام وجدان عمرها35 فاطمه زوجة ابوها عمرها28 وعندها بنتين شادن3سنوات داليا5سنوات تغدوا وجلسوا يسولفون للساعه11وبعدها راحوا ناموا اليوم الثاني نفس الروتين ما صار ششيء جديد يوم الاربعاء
أدري البارت قصير بس بكره ان شاء الله راح انزل بارت طوييييل
آرائكم تسعدني وأي انتقاد انا اتقبله برحابة صدر

Black ! ©؛°¨غرامي مشارك¨°؛©

يآهلالآ بآآلحلوة :$


فدييتس =$

ننتظرر ونشوف بكرا لان الروااية مو وااضحة ؟ هي روومنسية ولا ععن الصداقة ولا مضحكة

بس بااين من العنوان رومنسية

:)) فديتس ويلالا نتتظرتس باتسرر ♥

ل الروح قلم ©؛°¨غرامي مشارك¨°؛©

لا هي روايه رومنسيه وشكراً على ردك الحلو��

وردة الزيزفون
✿ إدارة الإقسام ✿

صباح الخير .......ياهلا فيك بغرام .......موفقة بطرحك .... حبوبة البارت جدا قصير اغلبه تعريف مافيه اي حدث يجذب القارئ حاولي تنزلي بارت فيه احداث ويكون طويل .......كبري الخط وباعدي بين السطور طريقتك جدا متعبة في القرأة

الجوهرة مو على اساس انها بالمتوسط اي حب الي تتكلم عنه وهي بهالعمر ...... وين اهلها عنها المفروض يراقبو تصرفاتها ومايتركوها على كيفها وحدة تعترف انو الي تسويه حرام وتصر عليه بكذا الذنب يتضاعف عليها



القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

ل الروح قلم ©؛°¨غرامي مشارك¨°؛©

المشاركة الأساسية كتبها وردة الزيزفون اقتباس :
صباح الخير .......ياهلا فيك بغرام .......موفقة بطرحك .... حبوبة البارت جدا قصير اغلبه تعريف مافيه اي حدث يجذب القارئ حاولي تنزلي بارت فيه احداث ويكون طويل .......كبري الخط وباعدي بين السطور طريقتك جدا متعبة في القرأة

الجوهرة مو على اساس انها بالمتوسط اي حب الي تتكلم عنه وهي بهالعمر ...... وين اهلها عنها المفروض يراقبو تصرفاتها ومايتركوها على كيفها وحدة تعترف انو الي تسويه حرام وتصر عليه بكذا الذنب يتضاعف عليها



القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
ان شاء الله راح اتبع هذي القوانين اما الجوهره فهي في الحقيقه تحب واهلها راح نتعرف عليهم لابارت الجاي
منوره حبيبتي

ل الروح قلم ©؛°¨غرامي مشارك¨°؛©

يوم الاربعاء كانوا البنات جالسين يسولفون بالساحه اشواق:بنات ايش رايكم اليوم تجون عندي؟؟

نوره:لا حبيتي آخر مره تجمعنا عندك تعالوا عندي

الجوهره:لا انتي ولا هي نروح المول نتمشى ايش رايكم

وجدان:خلّونا من المول ايش تبون اجيب لكم من القصف؟؟

نوره:انا ابي عصير تفاح وفطيرة جبنه

اشواق:ابي فلوتات وحليب فراوله

الجوهره:ابي عصير برتقال

وجدان:خلاص ما تبون شيء ترى ماراح ارجع اجيب شيء

نوره:خلاص مانبي شيء روحي.راحت وجدان تشتري وكان المقصف فاضي غير باقي الايام اشترت كل شيء يبونه البنات وهي راجعه لعندهم صدمت بشهد(البنت الّي في الباص)وطاح الاكل شهد:وجع ان شاء الله ما تشوفين بلى يبليك

وجدان:آسفه ما انتبهت لك.ونزلت لمستوى الارض تلم الاكل ونزلت شهد عشان تلم معاها وجدان:شكراً ما ابي مساعده وراحت عند البنات اشواق:وجدان ليش الفلوتات متكسر

وجدان:صدمت بشهد وطاح

الجوهره:مين شهد

نوره:ليكون شهد ال..........

وجدان بعصبيه:ايه ما غيرها

اشواق:طيب ليش الحين انتي معصبه

وجدان:دعت علي

نوره:طيب ايش هي الدعوه؟؟

وجدان:قالت وجع ان شاء الله ماتشوفين بلى يبليك

نوره:استغفر الله البنت هذي على ايش شايفه حاله ما ادري

وجدان:بس استغربت من شيء

البنات:اييييش

وجدان:نزلت تلم معاي الاكل

الجوهره:لا الدنيا اختربت شهد ال.......تمزل تلم الاكل معاك

وجدان:فكينا منها قوموا نتمشى.راحوا البنات يتمشون عند شلة شهد فيّ:من جدك بتقولين لها وبعد بتعتذرين كمان

شهد:ايه انا ابي اكون صاحبتها واعتذر لها ما فيها شيء

شذى:وش صار بالدنيا شهد تعتذر

شهد:ياالله منكم(وطالعت العنود)العنود معليش تنادين وجدان

العنود:طيب.وراحت تنادي وجدان شافتهم من بعيد العنود:وجدان ممكن شوي

نوره:وليش ان شاء الله

العنود انا ما كلمتك(وناظرت وجدان)بس شوي ماراح آخذ من وقتك

وجدان:طيب.راحت وجدان مع العنود وكانوا البنات جلسين شهد:اجلسي ليش واقفه

وجدان:لا شكراً قولي الّي عندك

شهد:اممم انا آسفه على الّي صار قبل شوي

وجدان:بس هذا الّي عندك

شهد:لا ابي نكون اصحاب انا وانتي والبنات

وجدان استغربت:طيب اشوف البنات وارد لكِ

شهد ابتسمت:ok.رجعت وجدان عند البنات وقالت لهم كل شيء نوره:والله ما ادري احس ماله داعي

وجدان:انا اقول زي كذا

اشواق:طيب خلّونا نصادقهم محنا خاسرين شيء

الجوهره:طيب اذا صادقناهم وما ارتحنا لهم

اشواق:نتركهم.وافقوا البنات على صداقة شهد وشلتها ودق الجرس وانتهت الفسحه بفصل وجدان كانت سرحانه تفكر بصداقة شهد تحس انها بنت مو كويسه جت مشاعل ضربت طاولة غاده وغاده كانت حاطه راسها على الطاوله فزت:مشاعل وعمى ان شاء الله

مشاعل:هههههههههه عليك شكل تحفه

غاده:ايه اضحكي هذا الّي فالحه فيه والله ان سويتيها مره ثانيه ياويلك سامعه

مشاعل:خلاص ما راح اسويها مره ثانيه بس اسكتي.مرة الحصص ودق جرس الطلعه نوره:وجدان بتقولين لها

وجدان:ايوه اصلاً هي راح تجي عندي

الجوهره:حسافه

اشواق:ليش؟؟

الجوهره:اخوي بيجي ياخذني

اشواق:طيب

نوره:يا دلخ يعني ما راح تقدر تشوف شهد وش بتسوي

اشواق:هههه احسن

الجوهره:مالت عليك(ناظرت نوره و وجدان)يلا باي

البنات:باي.جلسوا يسولفون وبعدها راحت نوره واشواق بعدها بقت وجدان لحالها جت عندها العنود:ممكن اجلس

وجدان:ايه اجلسي

العنود مرتبكه:وجدان الله يخليك لا تصادقين شهد

وجدان مستغربه:ليش؟؟!!

العنود:ما اقدر اقول لك (وقامت تبي تروح بس وجدان جلستها)وجدان:ليش ما اصادقها

العنود دمعو عيونها:والله ما اقدر اقول لك.وراحت وظلّت وجدان تفكر بالسبب الّي يخلّي العنود تمنعها من صداقة شهد جاء الباص لبست وجدان عبايتها وركبت بالباص كانوا شلة شهد جالسين ماعدا شهد كانت واقفه شهد بلهفه:ها ايش قالوا صاحباتك؟؟

وجدان طالعت العنود:وافقوا.وما حسّت الّا وشهد ضامتها وتقول:شكراً شكراً شكراً

وجدان مستغربه كل هذا عشان وافقنا على صداقتها جد غريبه هالبنت جلست وجدان وجا شهد جلست جنبها شهد:وجدان عندك جوال؟؟

وجدان:ايوه

شهد:ابي رقمك

وجدان:طيب اكتبي.……٠٥٠

شهد:شكراً

وجدان:تبين شيء ثاني

شهد:ايه ابي اسولف معاك

وجدان:لا

شهد:ليش؟؟!!

وجدان:خلاص هذا بيتي

شهد:آها يلا باي

وجدان:باي.نزلت للبيت طلعت فوق لقت ٥مكالمات من جوالها ٣من الجوهره وحده من نوره وحده من اشواق دقت على الجوهره:الو

الجوهره:بدري

وجدان:من عمرك

الجوهره:وين بنروح اليوم؟؟

وجدان:ما ادري بس شوفي البنات وردي لي

الجوهره:نوره تشتغل مع امها واشواق نايمه اكيد

وجدان:آها خلاص

الجوهره:يلا وجدان امي تناديني باي

وجدان:باي.نزلت الجوهره لعند امها:نعم ماما تبين شيء

نجلاء:ايه روحي نادي اخوك خالد للغدى

الجوهره:ان شاء الله.راحت فتحت باب الغرفه على اخوها:خالد تقول ام.سكتت لما شافت اخوها جالس على السرير ويبكي قربت شوي وانتبه لها مسح دموعه:نعم وش تبي امي؟؟

الجوهره:تبيك تنزل تتغدى

خالد:قولي لها ما ابيه انا بطلع

الجوهره:طيب.جت تبي تطلع بس خالد ناداها:تعالي شوي ابي اكلمك

الجوهره خافت بس جت عنده وجلست على السرير خالد:قد حبيتي احد؟

الجوهره انصدمت من سؤاله وقالت بتردد:لا ما قد حبيت

خالد رجع لنوبة البكاء والجوهره خافت عليه اول مره يبكي زي كذا هدى شوي وقال:انا بقول لك كل شيء بش خلّيه بيني وبينك

الجوهره:طيب قول اسمعك

خالد:انا احب وحده اسمها العنود وكنت اكلمها وطلعت كم مره معاها بس ما سوينا شيء بعدين بعد كم شهر تقول لازم ننفصل وكانت تبكي يعني هي مو راضيه انّي اتركها الله يخليك انا ما اقدر اعيش بدونها

الجوهره حزنت على اخوها وجت بتواسيه بس دخلت اختها رهف:انتوا هيي متنا من الجوع انزلوا خلصوني.نزلوا تغدوا نعرفكم على عائلة الجوهره نجلاء:ام الجوهره عمرها٣٤ رهف:تدرس لغات وترجمه ثاني جامعه خالد:ثالث ثاناوي مره جميل شعره اسود سبايكي ولون بشرته برونزي اما ابوها سعود متوفي بحادث سياره وكان معاه اخوها نواف وتوفى بعد في بيت نوره الساعه٤نوره دقت على البنات واتقفوا يروحون للمملكه الساعه٧نزلت وهي لابسه عبايتها وليد:وين ان شاء الله؟؟
مروى:وانت وش دخلك روحي نوره ولا يهمك
نوره طالعت اخوها بنصر وراحت وليد:يمه ليش خلّيتيها تروح

مروى:يا سلام انت تسرح وتمرح واختك منطقه بالبيت

جنى:ماما وين نوره ابي اروح معاها

مروى:خلاص الحين وليد يوديك

وليد:لالالالالا انا مشغول الحين.راحت جنى عنده وناظرته نظرة ترجي:خلاص روحي البسي

جنى:يس يس.وراحت

وليد:الله يهديك يمه الحين وش يفكني

مروى:ليش هذي اختك ولازم تدلعها

جت جنى:يالله وليد لا نتأخو

وليد:طيب امشي.عائلة نوره مروى:طيبه مره واي شيء اولادها يبونه تلبيه وليد:ثالث ثاناوي وسيم مره مو راعي بنات يكره البنات كره مو طبيعي وما يخق عند اي بنت جنى:آخر العنقود وكل طلباتها مستجابه

ل الروح قلم ©؛°¨غرامي مشارك¨°؛©

اما ابو نوره نايف 24 ساعه برى البيت لانه يشتغل في شركه كبيره وما يرجع الاّ متأخر نرجع ركبت نوره مع السواق وراحت لأشواق وبعدها للبنات نزلوا للسوق وداروا السوق كله اشواق:خلاص بنات تعبت

:ان شاء الله فيني ولا فيك.لفو البنات لقوا شلة من 4 شباب

وجدان:آمين

رائد:وااو لسانك طويل

علي:انا ما كلمتك انا كلمت القمر هذي(وأشر على اشواق)

اشواق:جعلك تصدم بهمر ان شاء الله

فيصل:هي حدك عاد

فراس:هذا الّي ناقص بنات شوارع ويردون

نوره:ما عيال شوارع غيركم

الجوهره:ظف وجهك انت وياه ولاّ يصير شيء عمركم ما شفتوه

رائد:وش بتسوين بتدقين على حبيب القلب

الشباب:هههههههههههههه

اشواق:امشوا بنات ما عليكم.راحوا البنات جلسوا بكوفي.نتعرف على الشباب رائد:بثالث ثاناوي جميل مره ومعضل علي:نفس مواصفات رائد بس شعره طويل لنص رقبته فراس:جذاب لا تصفه الكلمات بس الّي يشوفه يقول عمره35 فيصل:نفس الشباب بس مره ابيض.عند البنات نوره:قلتي لها

وجدان:ايوه

اشواق:الجوهره وش فيك ساكته

الجوهره:لا بس قلقانه على خالد

نوره:ليش وش فيه.قالت الجوهره للبنات كل شيء

وجدان:عشان كيذا قالت العنود لا تصادقين شهد

اشواق:ايش وش تقولين انتي

وجدان:اليوم بالطلعه جت العنود وقالت لي لا تصادقين شهد

نوره:طيب ليش؟؟؟

وجدان:يمكن ماسكه شيء عليها وعلى خالد

الجوهره:طيب يمكن مو العنود هاذي يمكن وحده ثانيه

وجدان:خلاص اليوم بكلم شهد عشان تعطيني رقم العنود واتأكد

اشواق:خلاص دقّي عليها الحين

وجدان:طيب.دقت على شهد:الو

شهد:نعم

وجدان:هلا كيفك

شهد:مين

وجدان:انا وجدان

شهد:اهلين وجدان كيفك

وجدان:انا الحمد لله وانتي اخبارك؟؟

شهد:الحمد لله

وجدان:اممم شهد معليش ترسلين لي رقم العنود وشذى وفيّ؟؟

شهد:من عيوني يلا مع السلامه

وجدان:مع السلامه.

نوره:ها وش قالت؟؟

وجدان:الحين ترس(قاطعتهم نغمة الرساله من وجدان)خلاص ارسلتهم

نوره:دقّي على العنود بسرعه.دقّت وجدان على العنود:الو السلام عليكم

العنود:وعليكم السلام مين معي

وجدان:انا وجدان

العنود بين انها كانت تبكي:هلا وجدان كيفك

وجدان:الحمد لله وانتي كيفك

العنود(والله ماني بخير):الحمد الله تمام

وجدان:معليش تجين عندي

العنود مستغربه:اجي وين؟؟

وجدان:للسوق

العنود:طيب اشوف اهلي وارد لك

وجدان:ان شاء الله(وقفلت)

اشواق:ها ايش قالت؟؟

وجدان:بتشوف اهلها وترد.جلسوا البنات يسولفون وبعدها دقت العنود وقالت ان اهلها وافقوا وجت العنود وجلسوا يسولفون معهااشواق:عندك اخوان؟؟

العنود:ايوه بدر

نوره:وبنات؟؟

العنود:بس وحده اسمها هدى

وجدان:طيب اخوك كم عمره؟؟

العنود:يدرس ثالث ثاناوي

الجوهره:وهدى

العنود:3 سنين

وجدان:آها طيب العنود بصراحه احنا نبيك تقولين لنا كل شيء طيب

العنود استغربت:اقول كل شيء عن ايش

وجدان:انتي تحبين واحد اسمها خالد سعود ال...........

العنود انصدمت كيف عرفوا قالت وهي مرتبكه:لا ما اعرف احد بهذا الاسم

الجوهره ناظرتها بشك:اكييييد

العنود ارتبكت من نظرات الجوهره:قلت لك لا ما اعرف

الجوهره:شوفي هو خالد اخوي وقال لي كل شيء وانك مو راضيه على هذا الفراق احنا بس نبي السبب الّي يخليك تتركين خالد حرام عليك تدرين انه بكى قدامي؟؟

العنود بصدمه:بكى؟؟؟؟

الجوهره:ايوه بكى العنود الله يخليك قولي ايش السبب الّي يخليك تتركين خالد

العنود اخذت نفس وقالت وهي تبكي:انا بقول كل شيء بس لا يطلع لأحد حتى شذى وشهد وفيّ

البنات:وعد ما يطلع

العنود:انا وخالد نحب بعض من كم شهر وراح يصير لنا سنه بس شهد تحبه و(وبكت بحرقه)البنات استنوها لمّا تهدىكملت:صورتني انا وياه لما كنّا بكوفي وهددتني بالصور لو ماتركته بتعطي الصور اخوي او ابوي وبعدها بروح ملح يعني راح اموت راح اموت.وجلست تبكي هدوها البنات وبعدها قالت بترجع للبيت راحت العنود وبقوا البنات نوره:خلاص وجدان اتركيها

وجدان:مستحيل لازم ارجعها لخالد

الجوهره:يا سلام وانا تقولين لي اتركي عبد الرحمن

وجدان:انتي غير صور العنود مع شهد وبعدين انا ما راح اعطيها الصور الاّ لما توعدني انها ماتكلم خالد

نوره:زين تسوين

اشواق:يا الله بنات تأخر الوقت خلونا نروح طلعوا البنات الساعه11وكل وحده رجعت على بيتها وجدان طلعت فوق ورمت عبايتها ولبست البيجاما وجلست على الاب توب تكمل كتابة روايتها ودق جوالها
وجدان:الو

شهد:اهلين

وجدان:هلا فيك

شهد:طيب حابه نطلع انا وانتي والبنات

وجدان:متى
شهد:بكره الساعه8

وجدان:طيب اقول للبنات وارد لك

شهد:يالله باي
وجدان باي بعدها وجدان حفظت رقم شهد وجت تبي تنام بس دق جوالها مره ثانيه وجدان:الو
صوت باكي من ولد:وجدان الله يخليك ساعديني

وجدان:مين انت

خالد:انا خالد اخو الجوهره
وجدان:خلاص انا راح اساعدك وكل شيء يوصل لك من الجوهره ولا تنسى انا مو محرم لك لذلك اقول ل الجوهره وتقولك

خالد:ان شاء الله انا آسف اني دقيت عليك

وجدان:لا عادي.قفلت منه ودقت على الجوهره ردت وصوتها كله نوم:الو
وجدان بعصبية:انتي كيف تعطين رقمي لأخوك ها

الجوهره:ها أي رقم

وجدان:لاتسوين نفسك ما تعرفين

الجوهره:والله هو زن فوق راسي عشان اعطيه رقمك

وجدان: طيب كان كلمني من جوالك

الجوهره:يقول انه مايبي احد يعرف سكتت شوي بعدين
قالت:وجدان والله آسفه ما كان قصدي
وجدان:لا خلاص سامحتك

الجوهره:لبى قلبك

وجدان:تسلمي

الجوهره:وجدان شهد مادقت عليك

وجدان:الى تقول بكره نطلع انا وانت البنات كلهم

الجوهره:الله 8 بنات رايحين للسوق وش بيقولون الناس

وجدان:عادي انتي شوفي نوره واشواق وردي لي عشان اقول لشهد

الجوهره:طيب انا بنام تصبحين على خير

وجدان:وانتي بخير . جلست وجدان تفكر كيف راح توقف شهد عند حدها تعبت من التفكير ونامت اليوم الثاني في بيت نوره في الصاله على طاولة الاكل مروى:اقول يابو وليد
نايف:سمي

مروى: سم الله عدوك اقول وش رايك نسوي حفلة تخرج نوره و وليد مع بعض

وليد ونوره: لالالالالا مستحيل حفلتي معاها=معاه

نايف:ليش ان شاء الله الاستراحه كبيره ونقسمها بينكم وماحد يروح للثاني
وليد:بس يايبه احنا اولاد واهم بنات يعني مايصلح

مروى: ندري انه مايصلح بس مثل ما قال ابوك الاستراحه كبيره ونقسمها
نوره:بس

قاطعتهامروى:لا بس ولا شيء

وليد:بس يمه شباب وبنات وانتي عارفه الشيطان بعده ما مات

نايف:يعني ما نت واثق باصحابك
وليد:لا يبه واثق بس ياليت كل واحد بيوم يعني الاربعاء نوره وانا الخميس

نايف:خلاص مثل ما قلت يا وليد
نوره:يمه ترى بعزم كل صديقاتي

مروى:على راحتك يابنتي اهم شيء نعرفهم
نوره:ايه نعرفهم

جنى:وانا بتعزميني

نوره:ههههههههههههه وشلون اعزمك وانتي اختي
جنى:والله ما ادري

نوره:خلاص بعزمك بس ترى ما في احد قد عمرك

جنى:لا خلاص بطلت
في بيت اشواق بغرفتها تكلم:طيب اشوف امي وابوي وارد لك

الجوهره:طيب انا بقفل باي
اشواق:باي راحت الجوهره عند اخوها خالد دقت الباب خالد:مين

الجوهره:انا
خالد:يا لله حبيبتي انا بقفل

العنود:ليش بدري

خالد:عارف انو بدري بس الجوهره تدق الباب ازعجتني

العنود:طيب باي(للمعلومه:خالد درى عن كل شي ءورجع يكلم العنود)
خالد:باي ادخلي

الجوهره:مين كنت تكلم
خالد:العنود

الجوهره:طيب ايش بتسون

خالد:ما ادري استنى وجدان ترد لي

الجوهره:انت تدري بغيت اخسر اعز صديقاتي عشانك

خالد:وليش انا وش سويت

الجوهره:ابد ماسويت شيء اخذت رقم وجدان مني وبالغصب ولا كلمتها ولا على بالك

خالد:يعني وش بصير بعدين هي قالت انها تقول لك شيء وانتي توصلين لي

الجوهره:ايه احسن عشان اسوي فيك نذاله وما اوصلك ولا خبر

خالد:لا الله يخليكي انا ابي العنود

الجوهره:انزين ابغاك توديني السوق

خالد:ليش

الجوهره:ابغى اشتري فستان لحفلة نوره
خالد:الحين بتسوون حفله وانتو لسى ما اختبرتوا

الجوهره:الاختبارات بعداسبوعين يعني لازم اروح اشتري لي شيء قبل الاختبارات لان امي ماراح تخليني اطلع

خالد:طيب المغرب اوديك

الجوهره:تدري انك اليوم راح تستانس

خالد:وليش ان شاء الله

الجوهره:لأن العنود بتجي معانا

خالد بفرحه:جد والله اجل لازم اكشخ لها

الجوهره:طيب بس هم بيروحون بعد العشاء

خالد:خلاص راح اوديك العشاءسكت شوي وبعدين:انتي وش دراك ان العنود بتجي

الجوهره:أي صح ماقلت لك وقالت له كل السالفه

خالد:يعني الحين صرتوا أصحاب مع النذله شهد

الجوهره:ايه وحنا نبي نرجعك انت والعنود لبعض

خالد:طيب الحين اطلعي برا خليني انام والساعه (7)صحيني عشان اتجهز

الجوهره:طيب كل ذا عشان العنود وع


خالد رمى عليها المخده:وع عليك.وطلعت من الغرفه راحت تدق على نوره واشواق وقالت لهم عشان يروحون السوق و وافقوا الساعه (7)راحت الجوهره تصحي خالد:خالد خالد ياالله قوم
خالد:الجوهره يرحم امك خليني انام

الجوهره:طيب على راحتك انا بقول ل العنود تجي تمرني

خالد قام:والله ياويلك خلاص الحين انا اوديك

الجوهره:هههههههههه .وطلعت وتجهزت وصارت الساعه (7)وطلعت هي وخالد ومروا البنات ووصلو السوق وصاروا يتمشون بعدين قالوا نبي نجلس بكوفي شهد:اقول الجوهره
الجوهره:هلا
شهد تطالعها بخبث:انتي تحبين احد؟؟

الجوهره ارتبكت من نظراتها بس ما بينت:لا ليش تسألين

شهد:لا ابد ولا شيء بس اتعرف على صحباتي الجدد

نوره:بنات قوموا نتمشى

اشواق:انا بقعد ماراح اقوم

نوره:براحتك يلا بنات الّى تبي تتمشى تجي.راحوا البنات وظلت اشواق و فيّ:اقول اشواق ليش ما رحتي تتمشين مع البنات؟؟
اشواق:ولا شيء بس تعبت وانا اتمشى
سكتوا شوي وبعدين قالت
فيّ:انا بروح دورة المياه*مكرمين*
اشواق:طيب وراحت فيّ في نفس السوق عند الشباب
فراس:هههههههههههههههههههههههههههههههههههههه من جدك قال ايش قال احبها ههههههههههههه

علي:جد ما تنعطى وجه ايه احبها واموت فيها

فيصل:تستهبل صح؟؟

علي:لا ما استهبل البنت من شفتها وانا خلاص قلبي معلق فيها

فيصل:طيب يمكن مرتبطه

علي:ما اتوقع بس حتى لو كانت مرتبطه بس تشوفني راح تترك الّي مرتبطه فيه وتخق عليّ

فراس:روح موت يالواثق قال ايش بتخق علي

فيصل:خذها نصيحه وانا خويك لا تحبها ولا تتعلق فيها يمكن تطلع مرتبطه وتقعد تندم على حبك وعشقك لها

فراس يستهبل:والله عم تحكي جواهر يافيصل

فيصل ضربه على رقبته خفيف:انت متى تترك حركاتك هاا

فراس:ليش وش فيها حركاتي؟

علي:لا ابد مافيها شيء

فراس:اقول انت اسكت يالعاشق
فيصل:القعده معاكم تقصر العمراروح لرائد احسن من مقابل وجيهكم.وراح عند رائد جلس لقاه سرحان وجالس على كرسي لحاله وعلى الطاوله مفتاح سيارته وكوب الكوفي جلس فيصل بس رائد ما حس عليه صار فيصل يناديه:رائد رائد

رائد:هاا
فيصل:وش فيك؟؟

رائد:لا لا ما فيني شيء بس سرحت شوي
فيصل:تدري انو علي حب بنت

رائد:جد مين
فيصل:تتذكر البنات إلّي شفناهم امس؟؟

رائد:ايه
فيصل:حب وحده منهم

رائد عصب:ومين سمح له يحب وحده منهم

فيصل استغرب من عصبية رائد:وانا وش دراني روح واسأله
رائد قام:اصلاً انا رايح له.راح عند فراس وعلي لقى فراس ميت من الضحك وعلي متنرفز من فراس ويناظره نظرة اشمئزاز فراس:تدري وش هي الاخبار يا رائد؟؟علي يحب هههههههههههههههههههههههه

رائد:هههه اقول علي مين البنت الي حبيتها؟؟
علي:والله ما أعرف عنها شيء

رائد:طيب اسمحلي اتدخل

علي:تفضل

رائد:انت حمار ولاّ ايش

علي:لا انا انسان احب وانحب

رائد:طيب تعرف اسمها؟؟

علي:لا

رائد:كم عمرها؟؟

علي:لا

رائد:تحبك؟؟

علي:ما ادري

رائد:طيب مرتبطه بأحد؟؟

علي:ياخي تراك ابثرتني انت واسئلتك وانا وش دراني ما اعرف شيء عنها اللهم انها بيضا مره وبس

فراس:يعني لو تبي تروح تخطبها بتسأل اهلها ابي بنتكم البيضا مره هههههههههه
رائد يطالع فراس:اقول خلك على جنب ماهو فاهم شيء ويتفلسف

فراس:انت وش فهمك ب فلسفة الحب هاا؟؟

رائد:اقول قوم علي نتمشى ونتفاهم
علي:يلا قوم.وراحوا يتمشون عند فيّ
الشخص المجهول:ياعمري يا حياتي والله ما أقدر
فيّ:يا الله لمتى بتخبي عن أهلك امك مسكينه تبكي عليك وانت ولا هامك هامك شيء

الشخص المجهول:فيّ انتي جايه عشان تشوفيني ولا عشان تنكدين عليّ ؟؟

فيّ:لا والله مو بقصدي بس
قاطعها:عارف انو مو بقصدك بس يرضيك انّي اقول لأهلي كل شيء وبعدين لو دروا أحمد وفايز وحمد وش بصير فيني ها تكلمي اذا امي متعذبه عشاني انا متعذب اكثر منها ومنك ومن كل الناس انتي ما تحسين بالنار الّي جوايّ افهميني لو تركت ابها وجيت هنا للرياض صدقيني والله ما راح يحصل لي خير ماراح يصل لي خير
فيّ حست نفسها غلطانه وحبت تخفف عنه:خلاص كل مشكله ولها حل
الشخص المجهول:إلّى مشكلتي مشكلتي مالها حل ما تفهمين مشكلتي مالها حل
فيّ:طيب متى ترجع لأبها؟؟

الشخص المجهول بضيق:بكره
فيّ:طيب لاتسوق بسرعه

الشخص المجهول:ان شاء الله. وبعدها تنهد تنهيده قويه
فيّ:تبي تشوف أهلك؟؟
الشخص المجهول:لا مالي وجه أحط عيني بعين أمي ولا أخوي ولا خواتي

فيّ:طيب على راحتك تعال نتمشى

الشخص المجهول:لالا اخاف احد يشوفني من اهلي
فيّ:طيب على راحتك.(ملاحظه:فيّ كانت جالسه بسيارة الشخص المجهول)وجلسوا يسولفون عند البنات شذى:أقول نوره عندك بيبي؟
نوره:لا عندي جالكسي

شذى:وانتي وجدان؟

وجدان: آيفون
شذى:الجوهره؟

الجوهره:بيبي وأشواق جالكسي

شهد:يعني في شلتنا 2 آيفون و4 بيبي 2 جالكسي

نوره:طيب مين عنده بيبي ومين عنده آيفون ومين عنده جالكسي؟؟

العنود: شذى وفيّ واشواق بيبي وانا وانتي جالكسي وجدان وشهد آيفون
جلسوا يتمشون وقاطعهم جوال العنود:الو

خالد:هلا والله حياتي كيفك
العنود:ايه يمه ان شاء الله

خالد:العنود حبيبتي انا خالد مو امك

العنود:انا مع البنات
خالد:فهم ان شهد فيه:طيب اطلعي ابي اشوفك

العنود:لا بدري ما ابي ارجع البيت

خالد:العنود ترى والله الحين انزل وآخذك
العنود:طيب خلاص الحين بطلع

شهد:مين؟
العنود:امي تقول السواق عند الباب

الجوهره حست انو اخوها الّي جا مو السواق:طيب خلاص روحي
العنود:يلا باي

البنات: باي عند رائد وعلي

رائد:ياخي يمكن اعجاب

علي:انا متأكد اني احبها مو بأعجاب

رائد:على راحتك مشوا شوي علي شهق:هئ

رائداخترع:بسم الله وش فيك

علي يأشر على مكان:شوفها جالسه هناك عند العنود وخالد
خالد:ياعمري اشتقت لك
العنود:بالله اشتقت لي قبل شوي مكلمتك

خالد:ايه ادري بس انا اشتقت اني اشوفك

العنود:طيب ليش ناديتني؟؟

خالد:مفاجأه. وحرك السيارة

العنود خافت:خالد الله يخليك نزلني
خالد استغرب من خوفها:ليش

العنود تبكي:خالد الله يخليك نزلني

خالد عرف ليش خافت:والله ما راح المسك

العنود:خالد الله يخليك انا جالسه اترجاك

خالد عصب:يعني انتي ما توثقين فيني قلت لك ما راح المسك بس الشرهه مو عليك عليّ انا الي حبيتك. وقف السياره على جانب الطريق وحط راسه على الدركسون وتنهد
العنود:خالد والله ما

خالد قاطعها:العنود انزلي

العنود:بس
خالد:قلت لك انزلي ما تفهمين

العنود:خالد لا تفهمني
خالد قاطعها معصب:اقول لك انزلي ما تسمعين

العنود خافت منه بس تشجعت:اسمعني لو أي بنت كانت مكاني كان سوت نفس الشيء احنا بنات نخاف كثير بس انتم ما تفهمون ما تحسون بالرعب الي يجينا
خالد رفع راسه وجلس يناظرها وطول وهو يناظرها العنود طفشت لا يتكلم ولا شيء فتحت باب السياره تبي تنزل بس خالد مسكها:لأ لا تنزلين

العنود:ليش؟؟
خالد:العنود انا آسف والله ما كان قصدي ارعبك والله انا احبك واموت فيه سامحيني الله يخليك.العنود استغربت منه اول مره يعتذر لها لأن دايم يتهاوشون بس بلأخير هي تعتذر مع انو خالد الغلطان العنود مستغربه سكرت الباب وحطت يدها على التكايه
خالد:تبين تسمعين شيء
العنود:ايه حط أي شيء.جا خالد بيفتح التكايه عشان ياخذ شريط وصارت يده فوق يد العنود وهو ما سمح لنفسه يضيع هالفرصه وظل حاط يده على يد العنود اما العنود كانت مره منحرجه وكل ما جت تبي تسحب يدها يرجع يشد عليها عشان ما تترك يده العنود منحرجه:خالد ممكن تشيل يدك عورتني
خالد ناظر بوجهها كان مره احمر من الخجل:ليش مضايقتك يدي؟؟
العنود بهمس:ايوه

خالد كان عارف انها تستحي وحب يحرجها زياده شال يدها وباسها بعدين تركها العنود مره انحرجت من حركته وبسرعه شالت يدها ونزلت راسها تلعب بأصابعها خالد:هههههههه كل هذا خجل ترى عادي تعودي من اليوم راح يصير زي كذا

العنود معصبه ومنحرجه:خالد اقسم بالله اذا ما وديتني للبيت ما يصير لك خير
خالد:طيب خلاص راح اوديك للبيت

العنود:ناس ما تفهم الى بالعين الحمرا

خالد قرص خدها:ويالبى الي عندهم عين حمرا

العنود انحرجت مره وضربته على كتفه بقوه خالد عورته ضربتها:يا عليك مو بنت انتي جون سينا

العنود:تستاهل ولو عدتها مره ثانيه بتجيك اقوى
خالد:هههههه طيب خلاص انزلي هذا هو بيتكم

العنود:راح انزل.نزلت وتذكرت شيء جت تبي تقول لخالد بس لقته راح دخلت البيت وبسرعه غرفتها ودقت على خالد:ما أسرع ما اشتقتي لي
العنود:عليك ثقه

خالد:طيب ليش دقيتي؟؟

العنود:لا بس كنت بسألك عن المفاجأه

خالد:بالعقل اسمها مفاجأه يعني مو لازم تعرفين

العنود بترجي:خلوود الله يخليك

خالد:مصالح اقول يلا انا بقفل عشان باخذ الجوهره واوديها البيت
العنود:طيب بس دق عليّ

خالد:ان شاء الله. وقفل منها.
اذا شفت اي تفاعل راح اكمل الروايه امّا اذا مافيه ما راح انزل اي بارت آرائكم وتوقعاتكم تسعدني

maram93 ©؛°¨غرامي فضي¨°؛©

موفقه ي حلوه



ܓܛܟ


ل الروح قلم ©؛°¨غرامي مشارك¨°؛©

المشاركة الأساسية كتبها désespoir اقتباس :
موفقه ي حلوه



ܓܛܟ
مشكوره حبيبتي^^
منوره

ل الروح قلم ©؛°¨غرامي مشارك¨°؛©


البارت راح ينزل اليوم الساعه(7)

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1