منتديات غرام

منتديات غرام (/)
-   الحياة الزوجية - الحمل - مشاكل الزواج - خاص بالمتزوجين (https://forums.graaam.com/76/)
-   -   زوجة ضايعة (https://forums.graaam.com/539514.html)

كاديي 17-03-2013 12:22 AM

زوجة ضايعة
 
السلام عليكم ورحمة الله وبركاته اكتب لكم اخوتي واخواتي وانا تايهة واحس ان الدنيا تدور فيني ومومستوعبة واعرف ان البعض ممكن يقول دخلت علينا ع طول بمشاكلها اعذروني لكن ماعندي غير الله سبحانه وتعالى ثم انتو .. اكتشفت ان زوجي عزيزي كان مملك سنه كاملة من قريبته ولما جو وخطبو قالو انه كان خاطب بس!!!! وهو قال لي قصته ماجاب طاري انه مملك كلهم كانو يعرفون الكل من اهله الا انااا واهلي ماندري بشي وحصل الزواج بسرعه وانا الااان جدا مصدومة وماعرف افكر حتى ولا اخطي اي خطوة وانا متزوجة من خمس شهور وكنت الاحظ بعض التصرفات الغريبة منه والحين عرفت وفسرت كل شي حصل بالفترة اللي راحت لاحول ولاقوة الا بالله العلي العظيم سبحانك اللهم استغفرك واتوب اليك

الغـــامديـــه 17-03-2013 12:37 AM

رد: زوجة ضايعة
 
مملك قبل زواجكم والا بعد !

من وين جت هالسالفه ! وبموضوعك الاول تقولين احبه ويحبني وما ذكرتي هالتصرفات الغريبه

والا توها طلعت الحين !!

والله اختلط الحابل بالنابل وكل وحده جايتنا بسالفه غير الاولى

عموماً بامكانك تحلين هالمشكله مع اهلك وتناقشينهم ويناقشونك افضل من المنتدى

وبالتوفيــق ..

كاديي 17-03-2013 12:51 AM

رد: زوجة ضايعة
 
اقتباس:

المشاركة الأساسية كتبها الغـــامديـــه (المشاركة رقم 22563603)
مملك قبل زواجكم والا بعد !

من وين جت هالسالفه ! وبموضوعك الاول تقولين احبه ويحبني وما ذكرتي هالتصرفات الغريبه

والا توها طلعت الحين !!

والله اختلط الحابل بالنابل وكل وحده جايتنا بسالفه غير الاولى

عموماً بامكانك تحلين هالمشكله مع اهلك وتناقشينهم ويناقشونك افضل من المنتدى

وبالتوفيــق ..

مرحبا اختي لامملك قبل زواجنا وماقالو لنا قالو انه بس كان خاطب وفصخو الخطبة وماحصل نصيب انا بموضوعي اللي قبل ماكنت اعرف هالسالفة وايه انا احبه بس الحين انا مدري وش شعوره بالضبط بعد ماعرفت انا كتبت للمنتدى عشان لااسوي شي اتسرع عليه واندم وللحين ماني مستوعبة الموضوع انا الاشياء الغريبة اقصد ردات فعل كنت استغرب منها لكن مااهتم بس الحين احس وضح الموضوع بالنسبة بي ويسلمو ع ردك خيتو،ودي

أميرة الحكاية 17-03-2013 01:33 AM

رد: زوجة ضايعة
 
يعني وش بيدك تسوي خلاص صار اللي صار

والله يسخره لك أصبري واحتسبي

طلال مداح1 17-03-2013 01:36 AM

رد: زوجة ضايعة
 
وش التصرفات الغريبة.

موضوعك. مو واضح.

كاديي 17-03-2013 01:38 AM

رد: زوجة ضايعة
 
اميرة الحكاية تسلمين ع مرورك ربي يعين للحين مومستوعبة

كاديي 17-03-2013 01:41 AM

رد: زوجة ضايعة
 
اقتباس:

المشاركة الأساسية كتبها طلال مداح1 (المشاركة رقم 22564142)
وش التصرفات الغريبة.

موضوعك. مو واضح.

لاتلومني اخوي من الصدمة توني اعرف انه كان مملك قبل وخدعونا وماقالو لنا الحقيقة وعرفت هالشي اليوم بالصدفة الاشياء الغريبة الحين مو هي صلب الموضوع بس ماني عارفة وش اسوي اصلا للحين مصدومة تسلم ع ردك،ودي

أميرة الحكاية 17-03-2013 01:53 AM

اقتباس:

المشاركة الأساسية كتبها كاديي (المشاركة رقم 22564164)
اميرة الحكاية تسلمين ع مرورك ربي يعين للحين مومستوعبة

ياقلبي أنا مريت بهالشي بس بطريقة تذبح والحمدالله هذا أنا عايشه الرجل مو كل شيء بهالحياة خلي المركب تمشي ماتدري ؤين الخيرة وعسا ان تكرهوا شيء وهو خير لكم

كاديي 17-03-2013 02:10 AM

رد: زوجة ضايعة
 
اقتباس:

المشاركة الأساسية كتبها أميرة الحكاية (المشاركة رقم 22564300)
ياقلبي أنا مريت بهالشي بس بطريقة تذبح والحمدالله هذا أنا عايشه الرجل مو كل شيء بهالحياة خلي المركب تمشي ماتدري ؤين الخيرة وعسا ان تكرهوا شيء وهو خير لكم

قولي لي يااختي وش اسوي انا الحين في بيت اهلي من امس وبكرا راح يجي ياخذني خلصت اموري حق الدراسة وفجأة اليوم انصعق بالموضوع هذا واعرفه بالصدفة ع فكرة هم اهله وهو مايدرون اني دريت حاسة اني مخنوقة بقوة ليه خبو علينا شي زي كذا انا مو من حقي اعرف احس اني انا الغبية طول هذي الفترة مدري عن شي وكلهم يدرون وساكتين عرفت انه كان خاطب قريبته من فترة طويلة هم قايلين لنا بس خطبة مو اكثر من كذا وماصلحو واكتشف الحين انه مملك وملكتهم كانت سنة وانا اشوف انه دايم يقول انه ماينصح ويحس ان الملكة الطويلة مالها داعي اخر شي اكتشف ان اللي يقول ذا الكلام كان مملك فترة طويلة لاحول ولاقوة الا بالله تسلمين اختي على تعاطفك معي دعواتك :(

كاديي 17-03-2013 02:18 AM

رد: زوجة ضايعة
 
ماني عارفة كيف اتصرف اسوي انه عادي وامشي الموضوع والا اواجهه واقول له اني عرفت والا اسكت ومااتكلم حتى مشاعره الحين ماني واثقة منها ومدري بكرا لارجعت معه وش اسوي كيف اتصرف


الساعة الآن +3: 07:31 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1