سعد العوجان ليل النديم


روحي ولا يلْحقْك مني ملامة .. ومدّي المسافة بين عيني وعينك

ياسعْك إلى رحتي طريق السلامة .. وماني إلى من رحتي أنشدْك وينك ؟

أنا الذي يابنت حلمه أمامه .. للوقت وقتك لا ولا الحين حينك

عايشت ليلي في قساه وظلامه .. وماعاد يفْرق عندي زينك وشينك

الحزن في عمري طويلٍ مقامه .. خلّي سنيني لي وعيشي سنينك

وش لي بحبك لا نقص عن تمامه ؟ .. حتى إيش لو مافيه بنتٍ بزينك

حبي وحبك مات ماتم عامه .. والبعد أصبح حل بيني وبينك

شدّي رحالك لا عتب لا ملامه .. لاتشوفي عيني لا ولاشوف عينك

أنا
سعد العوجان
أو
ليل النديم



[/QUOTE][/COLOR][/CENTER]

تريـاق ماخابت قلـــوب اودعــت الباري |"امانيها~

؛







صح لسانك ياسعد وصح قلبك النابض شعر
نص مشبع ب إبداع شاعر متمكن
لا تحرمنا جديدك المميز
تحيتي


ابوسيف38 ©؛°¨غرامي مشارك¨°؛©

صح لسانك واعتلا شانك
اخوي سعد العوجان شاعر مميز ومبدع صاحب طرح رائع ومعاني جميلة جدا .
ولكن اسمح لي بمجرد راي شخصي وكمتذوق لاحظت ان العجز في البيت الرابع والاخير كانها ثقلت علي في القرائة شوي ... ولا ادري السبب سؤ قرائتي او تحتاج لمراجعة .

يادرب ماأصعبك ©؛°¨غرامي ماسي ¨°؛©

وش لي بحبك لا نقص عن تمامه ..حتى إيش لو مافيه بنتٍ بزينك
حبي وحبك مات ماتم عامه .. والبعد أصبح حل بيني وبينك
شدّي رحالك لا عتب لا ملامه .. لاتشوفي عيني لا ولاشوف عينك
ماشاء الله عليك أخوي سعد
بجد شاعر رائع ..
نص فيه من الجمال الشيء الكثير..
صح لساانك ...



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1