غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 18-04-2013, 01:21 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


اقتباس:
المشاركة الأساسية كتبها sara-07 مشاهدة المشاركة
السلام عليكم ورحمة الله وبركاته
بداااية حلوووووة كتييير حبيبتي
حبيت أسلوبك
وروايتك جذبتني مع إنه في كلمات كتيييرة ما فهمتها
بس من سياق الكلام وضحلي المعنى

بانتظلرك حبيبتي

أمممم
بالنسبة لتوقعات فصعبة
لإنه لسى ما صار شي لنتوقع
بإذن الله البارت الجاي بنقدر نتوقع
بس بصدق أعجبني أسلوبك كتييير
واصلي حبيبتي

يعطيكِ العااافية ياااااا رب

عليكم السلالام و رحمه الله و بركاته ..


تسلميين و هاللي ابيه تكون عاجببتنكم القصه لجل اكملها ..

اي كلمه ما تفهمينيها ياريت تقولين لي و انا بوضحها لج .. اممم لانه انا ما اعرف اكتب باللغه الفصحى كثير . و لهجتنا الاماراتيه يمكن ما تفهمونها كثير بس بحاول . اوصللها لكم بطررقيه سلسله و مفهومه ..



تسلمين وحياج الله ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 18-04-2013, 01:22 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


اقتباس:
المشاركة الأساسية كتبها جود الدنيا مشاهدة المشاركة
بداية موفقة

بانتظار البارت القادم


تسلميين و تقبلي مني هالورد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 18-04-2013, 07:17 PM
صورة Princess emma الرمزية
Princess emma Princess emma غير متصل
©؛°¨غرامي مشارك¨°؛©
 
الافتراضي رد: المطر لا طاح ما يرجع و انت فسرها !/ بقلمي


مساء الخير
بداية موفقة
و أتمنى تحددي مواعيد للبارت
‏ دمتي بخير

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 21-04-2013, 06:58 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


اقتباس:
المشاركة الأساسية كتبها princess emma مشاهدة المشاركة
مساء الخير
بداية موفقة
و أتمنى تحددي مواعيد للبارت
‏ دمتي بخير


تسلمين .. فديتج ما ادري بس ان شاء الله اول ما اخلص البارت الثاني راح انزله ..
ترقبوني ,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 21-04-2013, 08:48 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


السـلام عليكم ..

لحين راح انزل البارت الثاني .


اتريوني ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 21-04-2013, 09:00 AM
صورة دمعة الحزن الرمزية
دمعة الحزن دمعة الحزن غير متصل
©؛°¨غرامي فعال ¨°؛©
 
الافتراضي رد: المطر لا طاح ما يرجع و انت فسرها !/ بقلمي


بداية موفقة سلمت يداك .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 21-04-2013, 09:10 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي







البارت الثانـــــــــــي


الجزء 1!






يآ شيّن " الجرحّ " لوجآنيّ على غفلَه منْ [ الغآليّن ]


يتلْ القلبْ من بيّن الضلُوع ..و" يلويّ ذرآعيّ " ..؟

!





الساعه 9 و نص


في بيت حميد .


عليا :


نشيــت من النوم اطالع الصقف "شرات ما تسوي فاطمه اتم متامله الصقف مال ساعه عادي.. ما ادري شو تقوله ولا شو تجوف .ههه " ضحكت على هالذكرى اللي تذكرتها...


صديت صوب الدريشه .. كانت اشعت الشمس داخله الي حجرتي من الدريشه ستارتي مو وايد غامجه . يعني ما فيها عازل الشمس . اللي ينحط فالستاره .


كانت ستارتي لونها بيج فاتج ويا نقش بطيخي . حجرتي فيها للونين .. اثاثي لونه بيج صابغه ثلاث الجدران لونهم بيج و الجدار اللي حاطه فيه السرير صابغتنه باللون البطيخي فراشي لون بطيخي و عليه مخدات باللون البيج و البطيخي الاغمج من درجه الفراش . الزوليه (السجاده ) باللون البيج وطالع منها خيوط نزلت موضه قريب . حاطه صوب الدريشه على جهة اليمين كرسين و طاوله . لونهم بيج بعد و حاطه عليهم مخدتين باللون البطيخي .. ( داخل راسي هاللونين فمخليتنهم كل حياتي هههههههه )


سريري على واجه الباب و علي يسار الدريشه و على يمين فتحه حق غرفه الملابس و داخلها الحمام .


. قمت رحت صوب الكبت ظهرت ملابسي وتنقيت ( اخترت ) مخوره لونها اخضر مشيت طفيت المكيف و شغلت الليت و توجهت الي الحمام عزكم الله . تسبحت و بدلت ملابسي خليت الفوطه على راسي لين ما ينششف . يلست بالسرير و فجيت تلفوني اطالعت الساعه كانت قريب ال10 وربع قلت خلني اتصل بهالمينونه اجوفها شو سوت .


دقيت على رقمها اول مكالمه ما ردت . قلت خلني احشرها ادريبها راقده!!


دقيت لها اكثر من 10 مرات و للحين ما ردت ؟! دخلت على مسن االبلاك بيري عطيتها بنق . و بعد ما ردت . و اخرتها ويا هالبنت . رديت دقيت عليها كم مره اخر شي . ردت علي


فاطمه بصوت كله رقاد : الووو


قلت لها بدون احم ولا دستور : بل حشى كل هذا رقااد .!!


فاطمه : افففففففففف منج شو هالحشره على الصبح ..


عليا : لا والله قومي نشي تسبحي ماشي وقت نبا نرووووووووووح ملانين يلالالا ..


فاطمه : مابا برقد افف منج ما دري شو بتسوين مناك .


عليا : يعلج قوومي اقولج والله ان رديتي ترقدين ما تلومين الا نفسج . يلا نشي بس لالاه


فاطمه : افففف انزين انجبي .


سالتها : يالدبه امس متى راقدده .؟؟


فاطمه تثاوب :اففف وايد متفيجه تسالين !! راقده قريب الثنتين ..


قلت لها بسرعه : نعم نعم نعم ... وشو موعنج لين هالحزه


حسيتها تنرفزت : عليووه انجبي " سكرت بويهي "


رديت و دقيت لها مره ثانيه بس جي غياض


هههه الهبله سكرت بويهي رجعت اددق لقيته مغلق . والله خايسه هالبنت ما تستحي .


فريت تلفوني سرت صوب التسريحه طلعت السشوار و حطيته بالكهرباء و شغلته نشفت شعري شويه بعدين اخذت السحايه ( المشط ) و مشطت شعري و حطيت لي شبره خليت شعري شرات ذيــل حصان اخذت شيلتي ( وقايه صلاه ) و نزلت تحت



دخلت الصاله ما لقيت حد لا امي ولا ابويه وينهم . صديت صوب الصاله الثانيه مالقيتهم ... جفت فوق الطاوله اللي فالصاله حاطين دلتين و عندالها صحن فيه تمر . فجيت اول دله كان فيها قهوه و الدله الثانيه اكيد حليب . رحت المطبخ و يبت لي كوبي المفضل كوبي من هرمز لونه اخضر و الكتابه عليه باللون الذهبي . خالي حمدان يابه لي يوم كان مسافر لندن . و احيده ياب لي الاخضر و لفطوم اللون الابيض و كتابه عليه باللون الذهبي . رجعت لصاله و صبيت لي الحليب و اخذت ثلاث تمرات حطيتهم بالكلينكس . يلست على الكرسي . كان الحليب حار نزلت الكوب على الطاوله و رحت صوب التللفزيون وشغلته . التلفزيون معلق باليدار و تحت فيه مكتبه صغيره خشبيه و حاطين عليها الرسيفر و شويه اكسسوارات باللون الفضي . رجعت يلست على الكرسي و اخذت الرموت و جلبت القنوات . كانوا حاطين برنامج خطوه بابوظبي اعاده مال امس تميت اتابعه كانت الحلقه عن الزواج . حبيت البرنامج وايد كل مره يحطون قضيه . و هالدكتور وايد يشجع الناس .. يعطي الواحد ايجابيه . تعلمت منه كثير .


جفت روز يايه من الباب الصاله الخارجي .سالتها : روز وين ماماه منى ؟


روز : في بيت مدام ام اهمد ( احمد )


سالتي : عليا يريد ريوق ؟.؟


ابتسمت لها : لا ما بي شكرا .



كملت طريجها رايحه فوق ترتب .



تذكرت بانه اليوم بي خالي حمدان سرت حجرتي و اخذت تلفوني كنت امشي صوب الدريشه مال حجرتي احب اتامل الشارع هههههه . . و اجوف الرايح و الراد مجابل بيتنا بيت عمي بو احمد .. تحتدريشه حجرتي الحوش مالنا . و بعده الباب الرئيسي و جدامه شارع مال رايح و راد و بعده بيت عمي ابو احمد يعني مسافه ما احد يقدر يجوفني او اي شي . فجيت الستاره . و فجيت الدريشه انقي الجو . مسكت التفون و دقيت على رقم خالي حمدان ما رد علي . شوي ياني مسج كاتب فيه


"هلا علايه فديتج انا فالدوام ما بنزل هالاسبوع .. قولي لامي منى باني ما برجع . فديت حبيبت خالها اللي داقه تسال "


خالي مدان ينادي اخته منى بامي .. لانه اهي ربته ..


رديت طرشت له " فديتك خالي بنشتاق لك .. اليوم بنروح راس الخيمه .. و ان شاء الله ترجع بالسلامه ."


خالي عنده زام فالعين . يعني بعده ما تخرج . ينزلونه كل خميس و جمعه و مرات ما ينزلونه و مرات يخلونه عندنا مال اسبوعين يعني كل مره شي .



المهم يكون بخير و هذا اهم شي .


يلست على الكرسي اللي عندال الدريشه و فكرت متى بنكلم فطوم عن الزواج و شو بيكون ردت فعلها . ادريبها ما تحب هالفكره و دوم ضرابه وياها . افتح لها الموضوع لاكن بطريقه غير مباشره . و فطوم تحترم خالي وايد . على طاريها هكيه تتصل فيني


رفعت تلفوني و رديت عليها : الوه شو تبين ؟


ضحكت : هههههههههههه اونج عليوه زعلانه ؟


مديت بوزي : هي زعلانه ولا تكلميني !!


رفعت صوتها : لالالالالالالالا دخيلج لا تزعلين


ضحكت عليها : وانا اقدر زعل منج المهم شو بلاج ؟


قالت لي : اتزهبي بنروح على ساعه 1 بنصلي و بنروح


قلت لها: انزين اميه بعدها عندكم ؟


فاطمه : لا توها مروحه .


عليا : انزين بسسكر عنج بروح لها .


فاطمه : اوكي


و عدلت شيلتها و نزلت تحت


منى توها حادره من باب الصاله . ركضت عليا صوبها و باسه راس منى قالت لها : اماااااااااايه وينج ادورج ؟! ابا اقولج اني احبج وايد ."حضنتها "


منى ضحكت عليها : هههههههه خبله انتي . "سالت عليا " خلصتي اغراضح ؟


ردت عليا : هي اميه .


منى : خلاص قولي ل روز تنزل الاغراض .


ركبت الدري عليا : اوكي اميه .


..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 21-04-2013, 09:11 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


عليا :


دخلت حجرتي .زهبت اخر لمساتي السحريه و رحت ناديت البشكاره و عطيتها الشنطه نزلتها تحت . رحت صوب التسريحه . و اخذت الماسكرا و حطيت لي . و حطيت قلوس فاتح لونه بني و شويه بلشر وردي . عيل اروح ويهي مصفر ههههه .. بيخافون


جفت الساعه بتلفوني 1 الا ربع .


لبست عباتي و شليت شنطتي و نزلت تحت لقيت امي لابسه عباتها . و يالسه بالكرسي اللي فالصاله . سالتها : امييه وين ابويه ؟!


منى : الحين بي .


قلت لها: اها اوكي


رفعت تلفوني و تميت اتعبث فيه و اقرا البرودكاست . وو اجوف اخر الاخبار .


مليت جان انزل التلفون .


ياني اتصال " توام روحك "


رديت عليها : الوو .


فاطمه صوتها فيه نبره غريبه : هلا عليوه ؟


قلت لها : اهلين شفيج ؟


فاطممه بهدوء و كانه حد عندالها . : يلالا اظهري برع الحين بنتحرك ويا احمد نترياج صوب الباب


قلت لها : اوكي بس ما بتتريونهم شو ؟؟!


قالت : لا بنحرك الحين ابوي شوي يتاخر و احمد وراه شغله براك .


قلت لها : اوكي فطوم الحين ظاهره



وقفت امي سالتني : وين ؟


قلت لها : الحين بيحركون قالت لي اظهر برع احمد يترياني


قالت : جي بيظهر الحين . المهم اتحملوا من نفسكم ؟


عدلت شيلتي و مشيت صوب الباب


. تغشيت قبل لا اظهر من باب الدروازه


فتحت باب الدروازه و ظهرت لقيت سيارته احمد النيسان الابيض يتريا


تجدمت و يت افتح الباب اللي ورا اللي يكون عندال السايق المعيون !


فتحوا الدريشه لقيت البشكاره و فوقها شهد عرفت باني لازم اروح من الباب اثاني . رحت الباب الثاني اللي ورا احمد . و اول ما دخلت سكرت الباب يلست حطيت شنطتي الصغيره تحت ريولي و سلمت :


السلام عليكم و رحمه .


ردوا عليه بهدوء : و عليكم السلام



كانوا بالسياره . احمد يسوق و عنداله فاطمه و ورا البشكاره وفوقها شهد وبعدين سالم و عنداله موزه وبعدين انا


و ورا بالدبه الاغراض ,


صدييت صوب موزه و سالم لقيتهم يلعبون بالايباد . و الشغاله تاكل شهد . جبس . و جفت فطوم صاده الصوب الدريشه جنها مضايجه . ما حبيت اكلمها الحين يوم بنوصل بكلمها . و بعرف شو بلاها . احس الجو متوتر . رفعت شنطتي و ظهرت نظارتي الشمسيه . و لبستها . نزلت الشنطه اخذت تلفوني و طرشت لفاطمه مسج :شو فيج ؟


جفتها صدت صوبي . و ابتسمت و ردت جافت تلفونها و كتبت لي " ما شي .بس تعبانه ابا ارقد "


حسيتها تجذب علي .


صديت صوب ادريشه على اليسار . كنت مطنشه و سرحانه


واسمع سوالف موزه و سالم و ضحك شهد و الاغاني اللي حاطنها احمد . كان حاط امارات اف ام . و مطول شوي .


استحي اسولف وياهم و احمد موجود


. من قبل ثلاث سنين من اول ما تزوج شيخه استوا بينا مستحى . فما كنت اكلمه ولا اي شي بس بينا سلام قبل كنت دوم وياهم و سوالف عادي .. لاني كبرت هههههه اول ما تزوج كان عمري 16 تقريبا


"صديت وجفت جدامي اطالعت المنظره اللي جدام جفته من طرف كان لابس نظاره شمسيه لونها بني . و لابس غتره لونها حمره و ابيض مسوي حمدانيه و كندورته بيضه صديت عنه و لفيت صوب الدريشه على الطرف اليسار , اللي يلس ورا يجوف اللي يالس جدام من طرف الباب يعني المهم انا كنت اوايج هههه . كان ماسك السكان بالايد اليسار و حاط ساعه لونها ابيض . احسه من مسكته بكسر السكان صديت و طالعت الشارع كنا صوب الشهامه . عرفتها من اللوحه اللي مكتوب عليها.. " تذكرت .كانت شيخه تغار مني و هالشي كان ملحوظ . لانها مو جميله ذاك الجمال . و احمد احلى منها بوايد و لاني كنت دوم انام عند فاطمه . و يوم انام كنت عادي اسولف ويا احمد بس استوت مشاكل ذيكك الفتره وكانت تتحرا بيني و بين احمد شي فكانت تغار انا كنت اتجنب اي شي يخرب علاقتهم . و استوت علاقتي فيه و في حرمته متوتره اتذكر مره يتني و قالت لي . كلام يجرح . فابتعدت بدون لا يحسون و يوم كانوا ينشدون ليش ما امر دوم و من هالكلام . كنت اقول لفاطمه باني كبرت خلاص و ما اقدر ارقد في بيتكم و من هالكلام وانا بهالذكرى يتني ضربه على ريولي . تالمت صوت واطي قلت : ايييي " صديت صوب اليمين "


لقيت شهد بحظن موزه و كانت تضرب ريولي ضحكت عليها و مسكتها من خدودي اوني اقرصها . تمت تضحك شلييتها من حظن موزه و حطيتها بحظني قلت لها : وين بنروح ؟


قالت لي : بنلوح لاس الخيمتنا ( بنروح راس الخيمه )


ضحكت عليها قلدتها : ههههههه هي مالتنا بعد شو..


حطت ايدها صوب عيوني تمسك رموشي قلت لها بصوت واطي همست صوب اذنها : ايي يعور شهوده حلام لا تمسكين رموشي .


تمت تضحك و قالت : هلوه لموشج ( حلوه رموشج )


يت و حطيت ايدي صوب عيونها غمضتها سيده هههه خافت لا اضرب عيونها . و قلت لها : حتى انتي وايد حلوه ما شاء الله


وقف احمد صوب الشيشه و عبا بترول . تجدم صوب الواحه . سال : تبون شي ؟!


موزه قالت : هي ابا بيبسي و جبس .


و سالم : ابا فيتامين سي


و شهد نقزت و راحت صوب ابوها و يلست بحطنه : باباه ابا انزل وياك


قال لها : لا ما بتنزلين


قالت بعناد : مابا ابا انزل


بدت اونها تصيح طنشها و عطاها فاطمه قال لها بصوت واطي : شو تبين و اسالي هاللي ورا شو تبا

كنت كنت اراقب اللي يستوي قرب منها و قال شي بس ما سمعته لانه كان صوت خفيف

حسيتها ارتبكت صدت صوبي سالتني : عليوه شو تبين ؟!


ابتسممت وقلت لها بصوت ينسمع : ما با شي شكرا


شل بوكه و نزل


شهد بدت تصيح قلت لفاطمه : اعطيني اياها


و يت صوبي


حظنتني وتمت تصيح صوت عالي قلت لها : البنات الحلوات ما يصييحون و البنات المو حلوات يصيحون


حسيتها انقهرت من لاكمي ههههه و جان تسكت ضميتها


حطت راسها على صدري ضلت ساكته شوي و نشت و حطت ايدها فوق صدري و قالت : يدق اهنيه ( اشرت قريب من قلبي )


ضحكت عليها : حتى انتي يدق جوفي ( مسكت ايدها و قرربت صوب قلبها ) و قلت لها تحسين يدق صح شهوده


ردت : هيه حلوو حتى باباه يددق



ضحكت عليها : كل حد يدق هذا القلب ههههه


قالت : قلب شو يعني ؟


قلت بخاطري شو افهمها ضحكت : يوم بتكبرين بتعرفين شو يعني ههههههههه


جربت مني تساسرني : انا ما احب باباه


قلت لها : حرام ليش ما تحبينه اهو طيب


قالت : ليش ما ينزلني ابا اريد اشتري هلاوه


قلت لها : حبيبتي لو نزلتي بتخلصين الشيشه ههههه


ضحكت حسيتها ما فهمت شو قلت لها بس مسكتها من خدها و قلت لها : الحلاوه مو حلوه


قالت: لا هلوه و ابا اريد وايد هلويات


دخل احمد و حط الاغراض صوب فاطمه و قال لها :وزعي .لهم !


تحرك بس كان يسوق شوي شوي


نشت شهد من حضني و راحت بالمكان اللي بين الكرسين الجدام


قال احمد شلوها: عن تطيح انا الحين بسوق


يت الشغاله بتشلها جان اقول لها : انا بشلها خليها


شليتها و حطيتها بحظني



قال لموزه و سالم : ما يبت لكم لا بيبسي ولا فيامين سي يبت عصاير كل هذا يكسر عضامكم


وزعت فاطمه الاكل . و عطت كل واحد منهم شي مالهم و جربت مني عصير برتغال تعررف اني احب برتغال قلت لها : مابا


قالت : عليوه اخذي ,


اشرت لها بمابا


شهد قالت لفاطمه : وين مالي ؟


ضحكت فاطمه شلت الجيس و قربته صوبي قالت : كل هذا حقج جفتي ابوج ما يبا يزعلج ههههه


اخذ الجيس و حطيته بحظني و قلت لها : وايد حلاوه جفتي ههههههه


تمت تضحك و طلعت لها كندر البيضه و فتحت لها و عطيتها و اكلتها جان تقولي : انتي ما عندج اخذي و عطتني اللي كانت تاكلها و قربتها من حلجي


قلت لها :مابا


قالت : لا لا اكلي


علشان خاطرها اكلت



صديت صوب فاطمه اسمعها تسولف ويا احمد و شلين السياره سوالف بس كان جنه جدال ؟. و موزه و سالم على الايباد يالسين يتبارون ههههه



لفت انتباهي حسيت حد يطالعني و صديت صوبها جفتها طالع احمد و تطالعني سويت عمري مو منتبه لها و يالسه اكل شهد سمعتها تقول : احمد بطل هالسالفه اميه ما بتوافق هالشي مستحيل ّ!


صديت صوبها جفت ويها تلخبط تتحراني سمعت كلامها وطت صوته وكملت كلامها له . ما سمعت شو دار من بينهم


طنشت قلت اخو و اخته بينهم سالفه شدخلني انا .


المهم ضليت العب ويا شهد حسيت احمد تنرفز بدا يسرع و يجاوز السيارات مسكت شهد خفت من سواقته


صديت خايفه بصرخة فاطمه تقول لاحمد : احمدددددد انتبه



توقعاتكم !!!!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 21-04-2013, 01:43 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


يسلموووووو على الباررررررت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 22-04-2013, 09:08 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


اقتباس:
المشاركة الأساسية كتبها جود الدنيا مشاهدة المشاركة
يسلموووووو على الباررررررت


اللـه يســــــــــلمج ..

منوره .


المطر لا طاح ما يرجع و إنت فسرها ! / بقلمي

الوسوم
المطر , يرجع , فسرها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عاشقة المطر / بقلمي Jojei أرشيف الروايات المغلقة - لعدم إكتمالها 7 27-12-2012 08:59 PM
روايه همس المطر بدر الليالي ارشيف غرام 2 28-04-2011 08:52 PM
همس المطر بدر الليالي قصص - قصيرة 1 28-04-2011 08:24 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
موضوع عن المطر بنـ الهوامير ـت خواطر - نثر - عذب الكلام 18 26-05-2009 07:09 PM

الساعة الآن +3: 06:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1