غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-04-2013, 01:43 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
11302798202 المطر لا طاح ما يرجع و إنت فسرها ! / بقلمي


السلام عليــــــكم و رحمـــــه الله و بركاته

شحالكم؟؟ غرامين ؟؟



مدخــــل .::

بكره احب اللي يداري شعوري واليا ذكرتك قلت :لا عادها ايام !







انا نزلت قصه قبل كم شهر اسمها :. تدري راحتي بقربك .

. بس ما كملتها .. و ما لقيت اي تشجيع ..


و اليوم انزل ثاني قصصي و المقربه لي ..:



المطر لا طاح ما يرجع و انت فسرها !




و ان شاء الله تنال على اعجابكم !
. و اتمنى التفاعل .!
. و الردود الطيبه .. !

و اي استفسار ياليت تقولولي .!!!!
و ياريت تساعدوني و ما اكون مقصر بحق القصه .!!! .


انا لي فكره و راح اطرحها بالقصه ..>>للحين ما كملتها يالسه اكتب البارتات . .

يمكن يكون سردي مو حلو . او مو مفهوم ياليت تبلغوني .. علشان اعدلها ..


و اذا عجبتكم ياليت تكونوا ويايه بالصوره و نكملها و يا بعض ..

اتمنى اللي حاب ينشر قصتي كتابته اسمي جنبها .. و مشكورين ..


اختكم
علمتني الوفاء !



مخرج :


لآشئ يوجع آكثر من فقدآن مَيت وَلآشئ يؤلم آكثر من خذلآن حيّ









  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-04-2013, 02:02 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !


شربت اّمنـ البحر يا ( بو ظبي ) لين ارتوى المحبوب



............ مـا غير اكتب علىرمل الشواطي (حالتي حاله)





في العاصمه ابوظبي :


.. يوم الثلاثا .الساعه8:30



عليا :


دخلت سالتها : اميه . وين خاليه حمدان ما اجوفه اليوم



خالتي منى : حمدان راح الدوام .عنده زام يومين .. يمكن يرد يوم الخميس


وشوي ويدخل ريل خالتي منى . **حميد ** انا تعدلت و تحجبت .


حميد: السلام عليكم و رحمه الله و بركاته


انا وخالتي ردينا عليه . : و عليكم السلامه والرحمه .( اذا ما ردينا بهالطريقه السلام الطويل يقول لنا ., انا داش على يهود )


قمت بروح حجرتي : عيل انا استاذن بروح اراجع اللي درسته باجر عليه امتحان ادعوووولي* رحت بست خالتي فوق راسها *


خالتي منى : الله يوفقج . و اجوغج عرووس قريب


انا استحيت و مشيت عنها


.



بكلمكم عن نفسي انا عليـــا عمري 19 سنه . مواصفاتي طولي 153 ^^ قصيره ادري **. ضعيفه كل ما تجوفني خالتي تقولي^^ كلي و كلي مليت وانا اكل و شرات الضعف ما يتغير ^^ انا لاني بيضه بياض مصريات على قولتهم . بس بشرتي لونها حلوه يعني نص بالنص لما اخجل احمر ولما احر احمر . عيوني كبار شويه احلى ما فيني حواجبي مرسومات على قولت ربيعاتي . و بارزه جمال عيووني عندي غمازه على خدي اليمين . شعري بني غامج طويل لين نص ظهري . مواصفاتي الخارجيه . اما الداخليه فبنتعرفونها بقرايه القصه . ما بمدح نفسي وايد . .. احب خالتي منى اكثر شي و خالي حمدان احسه الاخو و الابو و الصديق و الحبيب وكل شي بالنسبه لي . اما ابويه حميد . هذا غير عن كل حد . يفهمني من كلامي . ما يخلي عليه قاصر . محسسيني جني بنته . عايشه مع خالتي منى و ريلها حميد .. ويانا خالي حمدان .




امي منى عمرها 40 سنه طيبه بمعنى الكلمه .و حميد عمره 49سنه الله يطول بعمره . ما في مثله اثنين . لو ارمس عنه ما بخلص ,. ابوي حميد مريض فيه العقم الله ما رزقهم بعيال عالجوا كثير لاكن الله ما رزقهم والحمد لله . هذي كلمتهم دوم الحمد لله على كل حال . والله رزقنا بنت نفسج .


و امي واببوي ماتوا بحادث وانا عمري 3 سنين .. امي كانت اسمها مهره و ابوي كان اسمه ..راشد .


كنت دوم اسال خالتي امي كيف شكلها كانت تقول . انها تشبها وايد لانهم توام .. و انا اشبها بس شي بسيط لاني انا اشبه ابوي وايد .


ما بحكي وايد عن اعمامي . لاني مو دوم وياهم .. اذكر اول 10 سنين كانوا رافضين اني اعيش و يا ابويه حميد لاكنه وقف بويهم اهو و امي منى . لانه عمومتي واحد كان يشرب اسمه جاسم و زوجته مو زينه لهناك . و الثاني مو فالامارات اسمه عمر كان بذيك الايام يدرس برع الامارات . و ما كان له يد بحياتي . يعني ما تدخل بهالسوالف .. و كان كل شي ودي من بينهم . والحمد لله ربوني احسن تربيه .


خالي حمدان عمره 22 سنه انسان ما في اطيب عنه


موصفاته , طوله 179 .. خالي انا اعده اجمل رجل بالعالم ههه ليش لانه حلوو . ما شاء الله عليه خشمه طويل سيف ما شاء الله . عيونه كبار .. اسمراني شويه من الشمس . و الدوام . احلى شي لما يسوي لحيته . شاد حيله بشغله لخاطر عيونها .



ابوي حميد عنده اخو اسمه زايد :عمره 55 و زوجته اسمها هند عمرها 49 سنه


عندهم من العيال :


البجر احمد: و عمره 28 سنه مواصفاته . طويل طوله يقارب 182 جسمه حلو رياضي و عضلاته بارزه . يعني ريال مهتم بعمره .. من جم لجم و رياضه و سوالف ششباب . ( هالانسان سالفته سالفه . حرمته اسمها شيخه توفت قبل سنتين بحادث هي و اخوها علي .. و عنده منها بنوته صغيره اسمها شهد عمرها 3 سنوات عايشه ويا ابوها . اهل حرمته ما شلوا شهد لانه هالناس نفسي نفسي يالله يالله يربون عيالهم .)


.ساره : عمرها 22 سنه مزوجه من واحد من معارفهم . اسمه محمد .. يشتغل بشركه مدير ,, والحين حامل . بشهر السابع



فااطمه: عمرها 19 سنه وهي كبري . تخرجنا من الثانويه و دخلنا كليه التقنيه .. بالاخص توام روحي .. مواصقاتها طولها 160 عائله كلها طول ^^ بخصوصي قصيره ^^ ولا بخطبها لخالي حمداان لانه يبها بس يتريا الفرصه ^^ على قولته بيكون نفسه و بيخطبها وهالموضوع سر بيني و بينه فطوم ما تعرف عن شي ^^ .... اممم سوالف حب من طرف واحد ههههه خالي حمدان اللي يحبها .. و اهي اعرف انها تكن له مششاعر لاكن كل شي بسكات ..



. موزه : عمرها 15 سنه صف ثالث اعدادي ,


. سالم :عمرها 10 سنوات صف رابع




هذيلا الشخصيات الرئسيه اما البقيه فشخصيات ثانويه



وان شاء الله تعجبكم الروايه ..



نبدا بالجزء الاول :



على الساعه 11


عليا خلصت من الدراسه جان تروح و تطيح بسريرها تمت تفكر بيوم الخميس يوم بيروحون راس الخيمه اهم ويا عيال عمها ابو احمد .


وتفكر شو بتسوي بالامتحان باجر من التفكير ما حست بروحها و نامت




الصبح يوم الاربعاء



السااعه 6 ونص الصباحا


نشيت على صوت المنبه اللي كنت حاطتنه بتلفوني تغسلت وصليت صلاه الفجر و لبست و تعدلت للكليه .^^ لبست بنطلون جنز و قميص وردي ولبست عبايته مسكره .. منقشه باللنقش اسود لانها عمليه ما احب اللي مزخرف وايد. واللي فيهن الوان و حاله و لبست نعال ^^ عزكم الله ^^ وردي .. و شليت شنطتي القوتجي .. و تمكيجت جحال خفيف . و مسكره . و حطيت بلشر و قلوس وردي فاتح .. ** انا من النوع الي ما احب المكياج الاوفر ,, مسكت تلفوني .. و


طرشت على البلاك بيري لفطوم :


** فطووم يلا خلصي مابا اترياج ساعه تحت .. **


فاطمه ..


** انزين **



دشت علي خالتي منى .


منى : عليا يلا خلصي الدريول يترياج تحت لا تتحيرين..( تتاخرين )


عليا : ان شاء الله اميه باقي لي شوي و بنزل


** ضبطت عمري اخر المسات و رسلت بوسه على الهواء هههه **




نزلت تحت شربت الكوفي مالي و ظهرت للسسياره



عليا :


وقفنا صوب بيت قوم بو احمد . بيت ابوي حميد وبيت عمي بو احمد مجابل بعض يعني يفرق بينهم شارع وقفنا قريب الدروازه مال بيتهم عسب نتريا فاطمه تظهر لانه انا واهي نروح رباعه .


شوي و يظهر احمد لابس دريس . لانه يشتغل فالشرطه برتبت ملازم ولابس نظاره شمسيه . شكله حلوو ما شاء الله لما يكون لابسنها يملك احمد جاذبيه اذا جفتي عيونه ناعسه و رموشه الكثيفه تخلي الواحد يسرح فيها بس هالمره ماجفتها زين لانه لابس نظاره شمسيه .. اهو طويل و جسمه رياضي .. وبشرته لا ابيض و لا اسمر مثل خالي حمدان مسمرين من الشمس ., اعتبره مثـل اخوي الكبير .. صد صوب السياره اشرر للدريول يحرك السياره لانه الدريول واقف ورا سيارته تحرك الدريول . شويه تظهر وراه شغاله ماسكه بنته شهوده تصيح . باسها و تم يلاعبها شويه اهي تمت تضحك * انا اراقبهم من الدريشه ** و خلاا الشغاله توديها داخل ..


.. وشوي و تحرك للطريج الدوام ,,



. في مكان اخر صوب حجره فاطمه ..


: فاطمه فاطمه


فاطمه ؟: لبيه اميه


ام احمد : هكيه عليا تترياج تحت يلا لا تتاخرين توه شغاله احمد تقول برع الدريول


فاطمه : ان شاء الله الحين نازله


و تجوف تلفونها : ** توام روحي ** يتصل بك


فاطمه : الووو


عليا : يلالالالالا انزلي ,


فاطمه تتاافف : افففففف انزين الحين نازله


عليا : لا تتاففين ع الصبح بتنكدين علي ** و تسكر ع ويهي **


5 دقايق و تدش فطوم السياره و تحركوا صوب الكليه



في الكليه الساعه 8 :15 //



دشوا الكلاس فاطمه وعليا بنفس الكلاس,,


فطوم : هاااااااااي



البنات : هايات


عليا : السلام عليكم .


البنات : و عليكم السلام و رحمه الله و بركاته * يقلدون الصوت ايام المدارس **


عليا يلست بالكرسي ,, و حطت شنطتها القوجي تحت ,,


اما فاطمه حطت شنطتها البربري فوق الطاوله تغايض البنات ههه


ريم تستوي ربيعتهن . تبا تغايض بنت فالكلاس اسمها غايه صدت صوب فاطمه و غمزت لها : فطوم فرحانه بشنطتج حتى انا شنطتي ديور ** رفعت شنطتها و تحطها صوب شنطت فاطمه **


uيلستهم بالكليه على شكل حرف U


فاطمه واهي رافعه حاجبها : هي هي اغيااض هه شرات ما البنات يسون .. هاللي مب جايفات خير .* غمزت لريم * تعرفينهم اكيد ههه .


فطوم و ريموه يقصدون وحده بالكلاس دومها تتخقق عليهن بالماركات اللي تلبسها ..


غايه تجوف صوبهم فاهمه لهم دوم هالمعاير ههه : امممم شكلكن تقصدوني


عليا غمزت لفطوم و ريموه : لا حشى عليهن ما قالن شي ,, ولا تسوين مشاكل ..


غايه راعيه مشاعل اهي يعني عادي تضاارب و تسوي مشكله ف عليا كانت تهدي من بينهن .. دوم .. مره على الشنط و مره على البس و مره كل يوم شي هاهاهي


عليا واهي تقرص فطوم عسب تسكت .** تهمس باذن فطوم ** : اسكتي دخيلج ما نبا مشاكل و حطي شنطتج تحت و خلي ريموه تصخ


فطوم سوت اللي قالت عليه عليا و قالت لريموه و شوي و يدش الاستاذ و يعدلن شيلهن.. الا بعض البنات اللي مو متحجبات يعني صوب اهلهن شي وراهم شي ثاني ** عافان الله **



فطوم تصد صوب عليا : الله يعين ما درست عدل ..


عليا : محد قالج امس اقولج ادرسي اونج سايره تلعبين وياا اليهال هههههه


ما بكتب باللغه الانجليزيه بكتبها بالفصحى .


الاستاذ صد صوبهم : لا تتحدثن . الان سنبدا الامتحان



وبدوا الامتحان ..



في بيت ام احمد ** هند **


: ميري ., يبي شهد . وروحي حطي الريوق مدام منى الحين بتي


ميري : اوكي ماما


ام احمد شلت شهد . و بدلت بجامتها ..


شهد ؟: ماما يقولون بنلوح راث الخيمه ثح ( ماما يقولون بنروح راس الخيمه )


ام احمد : هي ماما . و بنخلي ابوج يودينا الالعاب


شهد : يا ثلالام , خالوه عليا بتروح معانا صح


ام احمد واهي تبتسم : هي بتروح معانا ,,, كلهم بيون ويانا


شهد : وااااااااااو , بنلوح كلنا و بابا بيلوح


ام احمد : بابا بيودينا


شهد : انذين انا الهين بلبث و بحلي ميري تحط اغلاضي ( انزين انا الحين بلبس و بخلي ميري تحط اغراضي )


ام احمد : لا اول بتلبسين بعدين بتتتريقين و بعدين بنروح نحط اغراض انزين ماما



شهد و اهي تبوس خد يدتها : انزين ماماه


ام احمد لبستها .. و تتري منى لين ماا تمر صوبها .


شوي و منى حادره و الشغاله شاله الصحن مسويه خبز رقاق


منى : السلام عليكم و رحمه الله و بركاته


ام احمد : و عليج السلام حياج اقربي


منى يت تسلم ع ام احمد توايها ( يعني تبوسها ) و جان تنزل حق شهد و تبوسها : شحالها الحلوه ؟


شهد مستحيه : بخير انا ..


منى : شحالج يا اختيه ؟


ام احمد ": بخير ما نشكي باس و من صوبج ؟


منى : مديم حالج يا رب . انا الحمد لله بخير و عافيه ..



شهد تجوف يدتها : ماماه يالله نروح نحط ثيااب


ام احمد ** هند **: صبري شو قلنا اول ناكل بعدين ولا ما شي روحه


شهد : انزين


منى مو فاهمه شي : شو السالفه ؟


ام احمد : ما شي اقولها اول بناكل بعدين بنحط ثيااب ,, ترا باجر بنروح راس الخيمه .


منى : هي صح حميد قال لي .. بو احمد بيروح ولا ؟


ام احمد : هي سياره احمد و بو احمد ,,


منى : زين والله حتى حميد بيروح شو رايج نروح بسيارتين . بدل ثلاث سيارات احمد يشل العيال و بو احمد و حميد وانا وانتي وشغلات لانه حميد تعبان شويه ..


ام احمد : زين والله بقول لبو احمد . عيل وينه حمدان ؟


منى : حمدان عليه زام يمكن ينزلونه الخميس .


ام احمد: خير ان شاء الله


دخلن البشكارات يابوا باقي الريوق .


فرشوا السفره وحطوا بيض و طمام . و دنقوا , و الحليب و القهوه . و الجبن و الجام و خير الله كثير .


يلسوا و اكلوا و خلصوا .


شهد ماسكت الحليب الا تبا تشرب


هند تمسك ايد شهد : شهوده حبيبتي لا تمسكين الحليب حار بيحرق ايدج


شهد : ابا هليب بلددي لي ( ابا حليب بردي لي )


تاخذ االحليب ماله و تحطه بكاس ثاني و تبرد لها . و جان تعطيها الكاس .


خلصوا اكل و يسلوا يسولفون . استاذنت منى بتروح البيت تشرف على الغدى





دشت منى على المطبخ .


منى : روز قصي بصل و فصين ثوم وخليهم انا بسوي الغدا


روز : اوكي ماما


سوت اللي قالت لها منى ..



الساعه 10 ونص بالكليه


مشيت وككانت عندالي فاطمه وريم .. ريم تتفلسف على فاطمه عن الامتحان و شو حلت و من هالكلام وفاطمه منصدمه من الاجوبه احسها مو حاله عدل ههههه قلت لهم وانا شوي ارفع صوتي : بسكم خلالاص فكونا امتحنا و افتكينا شو بعد حسستوني ايام المدرسه كل وحده تقول شو سوت بالامتحان ..


فاطمه تصد صوبي و فاجه عينها : ام قلبين اسكتي داحه الكتاب دح .


رديت عليها : بسم الله عليه الله يحفظني مالج خص اتصلج اقولج ادرسي ما تبين هذا جزا اللي ما يدرس تستاهلين .


ريم تضحك علينا وزين ما دعمت بالبنت نبهتها : ريموه انتهي


ريم تاسف من البنت و اهي مستحيه ههه و تضحك بصوت واطي يوم ابتعدنا عن البنت نقعت ضحك ههههههههههههه


قلت لها ": انجبي فضحتينا صوتج واصل لين نهايه الكليه ابوظبي كلها بتسمعج .


ريم واهي توقف و تمشي و ميته ضحك :ههههه اقولج هاي دووم يا ادعم فيها يا تدعم فيني ههههههه


و اجوف فاطمه تكفخها و يضحكن قالت فاطمه : شكلكم تحبون بعض هههههه


ريم تجوفها بطرف عينها : وعع يخسي احبها شو قالولج انا انتي تحبين اي بنت هههههههه نسيتي ايام المدرسه هاهاي اللي كان اسمها حصه ولا اذكرج


فاطمه : جب جب عااد *قرصتها من جتفها *قلتيها ايام المدرسه هههه وانتي شو ذككرج هههه


جفت ريم تفرك ايدها ههه شكل القرصه عورتها ..


انا فطست عليها حسيتها استحت قلت بغير الموضوع : يلا بنروح نااكل لنا شي . *سالتهم * وين بتروحون الكانتين ولا الميلس ؟؟




^^بالكليه مالتنا في مكان فيه استر بوكس و صابويه و توتي فروتي . هالمكان نسميه* الميلس *,, !!


و الكانتين . اهو الكفاتيريا فيه اكل مثل بوفيه **




ردت ريم : انا خاطري بكرواسون و كوفي لاتيه من استاربوكس


صديت صوب فاطمه و سالتها : وانتي شو تبين ؟


فاطمه اجوفها تفكر ضحكت عليها ادريبها تحب الاكل ردت عليه : ابا من صابويه سندويجه


فجيت عيوني قلت لها : على الصبح تاكلين حرام عليج هههه خليه شي حق الغداء


تمت تطلع لسانها تغايضني : كيفي كيفي باكل سندويجتين لو تبين غياض فيج يالضعيفه


قلت لها و انا ادقها على جتفها : احم احم كله لحم ايدج ههههههه الله يعينه اللي بياخذج


^^على فكره تراه فاطمه مو متينه وايد يعني شويه مال 55 وزنها بس احسها امتن عني ههههه دوم ضرابه وياها على الوجبه **


اتفقنا نروح الميلس . و كل وحده راحت تخذ لها اكل انا اشتريت لي عصير برتغال من استاربكوس احب مالهم يكون طازج . و يلست مالي خاطر اكل شي


يلسنا على الكراسي برع الجو حلو في بدايه3 بعده البرد يلسنا و اكلنا و تمينا نسولف لين قريب 11 و نص لانه بيبدي كلاسنا هالوقت تحركنا صوب الكلاس



تعديل › علمتــني الوفــاء !; بتاريخ 16-04-2013 الساعة 02:25 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-04-2013, 02:03 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !







في بيت ابو احمد :



بوصف لكم بيت بو احمد


عباره عن ثلاث طوابق


الطابق الاول فيه صاله كبيره حوالي تظم 3 انواع اثاث . ( من كبرها ) كانوا حاطين اثاث باللون البيج و الذهبي و مدخلين عليها مخدات باللون العنابي . و اكسسوارات حاطين و حركات و صابغين لون الصاله بالبيج الفاتح . ذوق فطوم .. على ارتفاع .. مفتوح غرفه طغام . يعني كراسي وحركات و شي غرفتين حق الظيوف و بينهم حمام مثل قسم صغير


فالطابق الثاني , صاله صغيره بين الغرفه . و حجره ابو احمد و ام احمد و حجره لفاطمه و حجره لموزه و حجره لسالم و كل حجره لها حمامها الخاص و قسم لاحمد حجرتين و صاله و حمام . بالصاله مسوين لهم مطبخ تحضيري مفتوح ف بعض و الطابق الثالث السطح .


فالحوش المطبخ كبير وله حمام صغير ,


و غرفته الخدم وحمامها . و شي غرفه صغيره للدريول بابها خارج البيت . و مسوين قسم للميلس . ميلس كبيرر حق الريايل و حمام و مغاسل و الدرايش كبار مطله على الحوش واي حلو الميلس , الميلس كانت الوانه الذهبي و الاخضر العشبي . و مدخلين البني الخشبي فيه . و حاطين اكسسوارات رراقيه .



الحوش مالهم مسوين فيه حشيش و مزينينه و مسوين قعده كراسي و طاولات و يعني شي حلو و حاطين مريحانه و زحليقه حق اللعب


,,


دشت ام احمد حجره شهد اللي فقسم احمد . جافت الكبت معفوس و شهد تبطل الملابس و تعقها بالارض


ام احمد : شهد يا امي شو تسوين؟ خلي الشغاله تسوي لج لا تخربين الحين ابوج بي و بيهزبنا


شهد مطنشه و تلعب


ام احمد عصبت و يت صوبها مسكتها و قالت لها: صدقيني ما بتين ويانا تراه بنخليج اهنيه روحج فالبيت خلي الشغاله تسوي يلالا انزلي تحت


بوزت شهد و شلتها ام احمد و نزلتها تحت



على الساعه 3 في بيت منى


توني دخلت البيت و احس اني تعبانه حيل لقيت امي منى طايحه على الكنبه ( الكرسي ) بالصاله تقربت منها وسلمت عليها : شحالج اميه ؟


منى عدلت يلستها : بخير فديتج يالله اقول للبشكاره تحط لج الغدى ؟


قعدت افكر اكل ولا اروح ارقد تعبانه : امممممممممم مادري فيني نوم .


حسيت اميه عصبت جان تقول : لا والله وانا داشه المطبخ و اطبخ و اخر شي ما تدرين


رحت صوبها و بست ايدها وقلت لها: فديت هاالايد اللي طبخت لي والله لاكل و لاخلص الاكل كله


ابتسمت و ازقرت الشغاله تحط لي انا صعدت ابدل فريت العبايه و بدلت لبست مخوره لونها ازرق و بني ( احب هاللونين ) و حطيت شيله البيت ( شيله صلاه ) على راسي و نزلت تحت


لقيت كل شي محطوط و يلست واكلت كانت مسويه لي مجبوس دياي . طعمه لذيذ . واحبه لما تسويه من ايدها


خلصت اكل واستاذنت ورحت فوق انام لي ساعتين لانه بنش و بحط لي ملابس لباجر الروحه لراس الخيمه


بوصف لكم بيتنا ( بيت ابويه حميد )


الطابق الاول له صالتين الاولى مسوينها ابيض و بنفسجي فاتح و فضي . و الثانيه مسوينها باللون الازرق و البني .


شي غرفه حق الظيوف و حمامها . و بعدها مطبخ تحضيري صغير .


الطابق الثاني شي صاله و قسم لامي وابوي مسوينها حجره كبير مفتوح عليها صاله صغيره و حمامها


و اناقسمي حجرتي شوي كبيره و حمام و غرفه ملابس صوب الحمام ..^ مرتبين لي ^


شي حجرتين حجره لخالي حمدان و الثانيه فاضيه قالوا يوم بيعرس حمدان بيضمونهم لبعض و بيسون له قسم يعني بيعدلون و بيرتبون له مستقبلا .


الحوش مالنا كبير مسوين قعده و فيه ملاحق حق المطبخ و غرفه الخدامه



الساعه 6 المغرب ,,



قمت من رقادي كسلانه . باجر الخميس اجازه بناخذها انا و فطوم نرتاح من الامتحانات . اسبوع كامل كله امتحانات ف ببنغيب عن الكليه يوم الخميس . قمت و تغسلت . و بدلت و نشيت احظر لي ملابس جهزت شنطتي و حطيت ثيابي و كل اللي احتاجه بالشنطه ساعتين و انا اعابل بالاغراض . و الا اهم يومين و بنروحهم لاكن انشل ثياب عن شهرين ههههه


سمعت تلفوني يرن ^ توام روحي ^ فاطمه


رديت : الوه


قالت : يا مرحبا الساع


قلت لها : شو بلاج داقه ؟؟


فاطمه: زهبتي اغراضج ؟


قلت : اووه اووه فطوم تسال اذا زهبت ولا لا * رديت على سوالفها * هيه الحين يالسه ازهب وانتي ؟


فاطمه : مو متفيجه ..


عصبت عليها : لا والله قومي سوي اغراضج ما نبا نتاخر علشان خاطر عيونج ..


فاطمه تضحك : انزين مزهبه استهبل عليج .. وايد متحمسه هههههه !!


قلت : و زهبتوا شنطه شهد ولا ؟


فاطمه تضحك : قبلج من يوم الصبح مزهبينها ههههه


قلت وانا ابتسم : فديتها .


فاطمه : اقولج بنروح بسيارتين تراه !!


سالتها : ليش ؟


فاطمه : اميه تقول عموه منى قالت لها نروح بسيارتين لانه تعب على عميه حميد يسوق ..


قلت بحزن : فديته ابويه اجوفه هاليومين تعبان


فاطمه : ما عليه شر .. يلا بنزل تحت انا .. بسكر عنج



سكرت عن فطوم التلفون و رحت انسدحت افكر , مسكت تلفوني العب فيه جفت الساعه قريب 9 فريت التلفون عني . و ياني التفكير ,بامي و ابوي اللي توفوا نزلت مني دمعه على كوني يتميه و على فقد امي و حنانها . قمت و مسحت دموعي و لبست شيلتي و نزلت تحت ادور على الامان



دخلت الصاله لقيت امي يالسه بالكرسي و عندالها ابويه حميد . سلمت عليهم و ردوا عليه . اجوف عيونهم و اهم يطالعوني تجربت كنت محتاجه احس بحنانها و ضمها لي احبها


يلست صوبها و نزلت و يلست بالارض و حطيت راسي صوب اركبها . و سكرت عيوني حسيت الايد اللي تنحط على راسي و تمسح بها .,


قلت لها وانا ابوس ريولها : احبج يا امي


رفعت راسي اجوفها


جفتها صدت صوب ابويه حميد و ابتسمت واهو رد لها الابتسامه


قالت لي : وانا اكثر فديتج غناتي


حسيت برجفته بصوتها قلت لها : ماماتي بلالالالاج * وقفت و يلست يننبها بست جتفها *


ردت علي : عليا فديت روحج يا بنتي بلاج خوفتيني عليج


رديت : ما بلاني شي بس اشتقت لج و ابا ابوسج


حظنتني باستني بخدي قالت : فديت بنتي الدلوعه *صدت صوب ابويه حميد * جفت هالدلوعه كله تخوفني عليها تسوي هالحركات جنه فيها شي


ضحك ابويه : ههههههههه عليا فديتج والله خفت انا دخلتي و انسدحتي صوبها قلت بلاها هالبنيه ..


صديت عليه : ابويه ادلع عليكم ابا اجوف غلاتي هههه


قال لي وهو ياشر صوب قلبه : غلاج اهنيه .


قلت بخاطري هذا ابويه هي ابويه و هاي امي و انا مو يتيمه . ما انكر انه ابوي و امي عير . لاكن الغلا للي يربي و يتعب بالتربيه .. و انا الحمد لله اتصدق لابوي و امي و الله يرحمهم يارب ^ دخلت عليهم وانا كنت ضايججه و حزينه


ما بيخلوني و بيروحون يحبوني اكثر من كل شي . فقدت امي و ابوي والله بدل لي ام و اب اجمل من ما يكون الله يطيل بعمرهم !


صديت صوب ابويه قلت له : ابويه شو تحس فيه سمعت انك مريض ؟


قال لي : ما فيني شي فديتج اذا انتي و منى بخير و عافيه انا اكون بخير .. بس تعب بسيط و بيزول باذن الله


رحت و بست راسه قلت : جعل التعب فيني ولا فيك يالغالي ..


رد علي بسرعه : بسم الله عليج عليوه شو هالكلام ..


ضحكت على طريقه كلامه و رديت و بست راسه مره ثانيه .


هذا ابويه انا تعودت ابوس راسه لاكن اتحجب عنه . لجل الشرع و الدين . تعلمت وانا صغيره ابوس راسه و مرات ايده .


صديت صوب امي قلت لها : زهبتوا الاغراض ولا ؟


قالت لي : هي زهبت . ترانا بنروح ويا ابو احمد . ؟


قلت لها: ان شاء الله بس اي وقت ؟!


قالت : اللي اعرفه يمكن يكون على الساعه 12 .. سمعت بانه احمد بيستاذن من الدوام و بنروح جميع . تعرفين ابوج ما يقدر يسوق . و ما بيخلون الدريول يروح راس الخيمه . ماله مكان . لين ما نسوي له حجره .


قلت لها: ان شاء الله خير


صديت صوب ابويه سالته : اخذت دواك ؟


ابتسم و قال : هي الحمد لله * حط ايده على جتف امي منى * دام عندي منى اكيد ما بيككون فيه قصور


اول مره اجوف امي تستحي


ضحك و قلت خلني اغير السالفه بتمم مستحيه اميه :يلا بنتعشى يوعانه .



قالت اميه : الحين بزقر الشغاله تحط الاكل .


وقفت وقلت : انا بحطه و بيبه .


رحت المطبخ و حطيت العشى . و زهبت الحليب . لازم اعدل راسي بالحليب . و رحت و فرشت المفرش مال الاكل . و يلسسنا و تعشينا ..


كانت مسويه الخدامه فطاير . و شوربه و سويت بيض . وانا قصيت طماط و خيار و حطيت الجبن . و يبت السندويج . و الداقوس . عشى خفيف . الحمد لله


..


خلصنا اكل . شليت الاكل و رديته المطبخ . يلسنا سولفنا لين قريب 10 و نص . استاذنت و روحت حجرتي . و طحت بفراشي و تجلبت لين ما نمت ...



توقعاتكم للبارت الجاي ؟؟









  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-04-2013, 11:49 PM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !


اتمنى منكم الرد !!!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-04-2013, 12:37 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: المطر لا طاح ما يرجع و انت فسرها !


صباح الخير .... ياهلا فيك مرة ثانية بغرام ...... موفقة بطرحك ..... بداية حلوة بس لحد الان مافي احداث تجذب يعني بارت هادئ بس اسلوبك حلو بالرغم انك مخلية عليا هي الي تتكلم عن باقي الشخصيات لو تخلي السرد والوصف لمكان الحدث على حسب كل مشهد يكون افضل يعني لما تنتقلي من مكان لمكان بيني مكانه والتوقيت وبعدين حاولي توصفي لنا المكان بدون تعقيدات بشكل مختصر يعني

لاتستعجلي على الردود اذا حطيتي احداث مشوقة راح تلاقي تفاعل ان شاء الله دائما الروايات الجديدة تكون الردود قليلة فيها

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-04-2013, 01:04 AM
صورة هذيان الروح** الرمزية
هذيان الروح** هذيان الروح** غير متصل
©؛°¨غرامي متألق ¨°؛©
 
الافتراضي رد: المطر لا طاح ما يرجع و انت فسرها !/ بقلمي


الله الله
جميلة المقدمه جدا رغم هدوئها
اوافق وردة بالرأي
انتظرج بشوق

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 17-04-2013, 01:48 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !


اقتباس:
المشاركة الأساسية كتبها وردة الزيزفون مشاهدة المشاركة
صباح الخير .... ياهلا فيك مرة ثانية بغرام ...... موفقة بطرحك ..... بداية حلوة بس لحد الان مافي احداث تجذب يعني بارت هادئ بس اسلوبك حلو بالرغم انك مخلية عليا هي الي تتكلم عن باقي الشخصيات لو تخلي السرد والوصف لمكان الحدث على حسب كل مشهد يكون افضل يعني لما تنتقلي من مكان لمكان بيني مكانه والتوقيت وبعدين حاولي توصفي لنا المكان بدون تعقيدات بشكل مختصر يعني

لاتستعجلي على الردود اذا حطيتي احداث مشوقة راح تلاقي تفاعل ان شاء الله دائما الروايات الجديدة تكون الردود قليلة فيها

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا




ان شاء الله ..


اممممممممم لانه عليا اهي البطله .


ان شاء الله راح يعجبكم ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 17-04-2013, 01:49 AM
صورة › علمتــني الوفــاء ! الرمزية
› علمتــني الوفــاء ! › علمتــني الوفــاء ! غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


اقتباس:
المشاركة الأساسية كتبها نبضها نادر... مشاهدة المشاركة
الله الله
جميلة المقدمه جدا رغم هدوئها
اوافق وردة بالرأي
انتظرج بشوق



تسلمين انتي الاجمل ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-04-2013, 12:06 PM
صورة عبق السحاب! الرمزية
عبق السحاب! عبق السحاب! غير متصل
©؛°¨غرامي ذهبي¨°؛©
 
الافتراضي رد: المطر لا طاح ما يرجع و انت فسرها !/ بقلمي





السلام عليكم ورحمة الله وبركاته
بداااية حلوووووة كتييير حبيبتي
حبيت أسلوبك
وروايتك جذبتني مع إنه في كلمات كتيييرة ما فهمتها
بس من سياق الكلام وضحلي المعنى

بانتظلرك حبيبتي

أمممم
بالنسبة لتوقعات فصعبة
لإنه لسى ما صار شي لنتوقع
بإذن الله البارت الجاي بنقدر نتوقع
بس بصدق أعجبني أسلوبك كتييير
واصلي حبيبتي

يعطيكِ العااافية ياااااا رب






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-04-2013, 12:56 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: المطر لا طاح ما يرجع و انت فسرها !/ بقلمي


بداية موفقة

بانتظار البارت القادم

المطر لا طاح ما يرجع و إنت فسرها ! / بقلمي

الوسوم
المطر , يرجع , فسرها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عاشقة المطر / بقلمي Jojei أرشيف الروايات المغلقة - لعدم إكتمالها 7 27-12-2012 08:59 PM
روايه همس المطر بدر الليالي ارشيف غرام 2 28-04-2011 08:52 PM
همس المطر بدر الليالي قصص - قصيرة 1 28-04-2011 08:24 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
موضوع عن المطر بنـ الهوامير ـت خواطر - نثر - عذب الكلام 18 26-05-2009 07:09 PM

الساعة الآن +3: 03:03 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1