غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-04-2013, 10:52 PM
صورة bristeeg الرمزية
bristeeg bristeeg غير متصل
©؛°¨غرامي مشارك¨°؛©
 
الافتراضي رواية يا روعة الضمه على صدر مشتاق / بقلم البراءه




السلام عليكم اهلا غراميّين وغرّاميات
هذي أول روايه لـــنـــا احنا " البراءهـ"
طبعا احنا ثنيتين انا وصديقتي ^^
روايتنا لازالت ببدايتها لكن قرّبنا للنهايه وحبّينا ننزلها
اللي يبي ينقلها ينقلها لكن مع أسم " البراءهـ" ^ ^
استمتعوا
معلومه " تعبنا واحنا نكتب هالروايه فـ ان شاء الله أشووف اللي يفرّحنا من ردوود "
وونتقبّل الردود كانت سلبيات او ايجابيه ^ ^
بتاريخ : 14_ 6 يوم السبت
البارت الأول
أعشق تلك اللحظه عندما تلتقي عينايّ بعيانك
وننظر لبعض دون أن تتحدث
لـ ثانيه و ثانيتين ووثالثه
ثم نضحك بأعلى أصواتنا

دون سبب!
# بقلمـي
...
في حي من احياء الأحساء الهادئه واالراقيه في احد تلك البيوت
"عبدالعزيز" واللي يكنى بـ أبو طلال !

عند طلال..
دخلت الصاله وقابلتني امي اللي قالت بخوف كأي أم
:يمة طلال لـيه عيونك حمرا ؟...شكلك مانمت عدل!
قلت:اي والله مانمت عدل من العيال سهّروني وبالغصب ناموا ولانمت عدل

وتنهدت وجلست مقابل امي بس بالكنب للمفرد بالصالة
قالت امي:الله يهديهم العيال يبي لهم قلب كان وديتهم للمربية
وهي تمد لي الفنجان وقلت: مصرّين ينامون عندي وماحبيت اكسر بخاطرهم وتنهدت
وقالت امي:وانت بعد لوتسمع الكلام وازوجك وحـدهـ عشان تهتم فيك وفي عيالك وانا عارفه ان بنات فيهم خير انت تحرّك !
مديت الفنجان وهزيته بمعنى خلاص قلت:يما رجاء قفلي الموضوع ترى اناا مليت كل يوم وفاتحه لي الموضوع وصدقيني اذا ابي اتزوج بجي اقولك بس أنا الحين شايل موضوع الزواج من راسي
وتنهدت.
وامي حست انها ضايقتني وما تكلمت
وقلت: اجل وين الاخت ندى ؟
قالت امي:توها من اشوي رايحة الجامعة
قلت: مو كأن اليوم عندهاof
قالت امي وهي تشرب فنجالها:اي عندها بس بيتجمعون البنات بالجامعة وراحت
قلت:هاذي ماتتوب كل يوم قالت جمعه!
قالت امي: خلها توسع صدرها.
قمت وانا اقول:يمة اذا صحوا العيال قولي للمربية تسبحهم وتلبسهم وتتابع اكلهم خصوصاا عبد العزيز
قالت امي: ان شاء الله. وتسلم عليك شروق
قلت:الله يسلمها يلا أنا استاذن
امي : اذنك معاك وانتبه لنفسك
أبتسمت ابتسامه وانا اوقف: ان شاء الله واذا شفتي ابوي سلمي عليه
طلعت وانا اركب سيارتي تنفّست وانا اتذكر زوجتي " يارا" وكيف ماانساها وقلبي لازال بذكراها ولاشفت عيال وكأني اشوف بانعكاسهم هـي
وقفت عند شركه وانا ادخلها بهدوئي اللي يخافه كل موظف
ودخلت مكتبي واشوي وجا سكرتيري حمد وعطااااااني البريد وطلع وظلّيت غاااارق بشغلي…


في بيت متهالك قديم في احد احياء الأحساء في الغرفة الضيقة والصغيرة
جواهر:أف كل يوم تقولين بكرة بكرة
مثايل بضيق ع حال بنت اخوي قلت:طيب وش اسوي كل ماروح لأم عبدالله تقول بكره بدفع!
قالت جواهر:طيب وش رايك اشتغل نفسك ؟
قلت: اقول اعقلي يابنت لو ابوك سمعك كان ذبحك الحمدلله حنا حالنا احسن من قبل... وبعدين انتي وش مسهرك يلا نامي
طالعت جواهر ساعتها وقالت:توو الساعة8!
قلت:معليش نامي عشان أنا بطلع 6 بكره يالله يمديني اوصلك واروح عند ام عبدالله
قالت جواهر:لية؟؟؟؟
قلت : لان عندي أشغال كثيره عند ام عبدالله تدرين لي يومين مارحت لها
تاففت جواهر
وقلت:يلا خلينا ننام رمينا حالنا بالسرير وكل منا باافكاارة.....
في بيت اهل عم طلال. ((العم بوذياب)).
أم ذياب جالسه مع زوجي اللي سأل عن ولـده وهو يقـول
ابوذياب :الا وين ذياب ؟
ام ذياب :نايم
ابوذياب :انا هالولد ماتعجبني حياته كله نوم وسهر مع الشباب ولا البر انا مدري متى بيعقل تنهد بقوة
ام ذياب:اذكر ربك وان شاء الله يستعدل بس انت اصبر عليه اشوي..
ابو ذياب:اي ماعليه يستعدل هالولد ماراح يستعدل الا لما يصير فيه شيء
ام ذياب : لا ان شاء الله مايصير له شيء وبنتك منى تبي منك فلوووس
قال:وذي كل تطلب فلوس وقام وطلع من البيت وتوجه الى دوامه..
دخلت بهالوقت منى :وش فيه ابوي ؟
ابتسمت لها وقلت : ماعليك منّه .. غريبه جالسه
ابتسمت وهي تجلس قريب منّي " ام ذياب" : طفشت من غرفتي قلت انزل اتفرّج عليكم ههه
باليوم الثاني
الوقت : الصباح..


عند مثايل !
وصّلت جواهر المدرسة مشي ودخلت وقلت لهم عن مستواها وقالو لي ان مستواها لايطاق زفت تنهدت وقلت بنفسي((( الله يهديك ياجواهر)))) وطلعت وتوجهت لبيت ام عبدالله اللي هي جارتنا ولأنها " مشلوله" اساعدها بتنظيف البيت وتغسيل الملابس والطبخ ولان ماعندها عيال غير ولدها " عبدالله "
فصخت عبايتي براحه وانا اعرف ان ولدها طالع مو موجود لان بعمل ومايرجع الا بليل واكون بهالوقت انا بالبيت ومخلّصه شغلي
سلّمت على ام عبدالله بابتسامه مافارقت شفايفي وبديت بشغلي مع الحديث المستمر مع ام عبدالله
وفاجأتني لما مدت يدها وفلوس بين يديها وتقول : هذا حق راتبك الشهر اللي قبل
قلت وانا منحرجة:يعطيك العافية ماقصرتي بس انا مو محتاجة الفلوس الحين
ام عبدالله: امس بالليل ولدي مر من عند بيتكم واخوك طلب منّه الفلوس بس…
قاطعتها وانا ابوس راسها وقلت:يعطيك العافية "واخذت الفلوس وانا عارفة ان اخوي بياخذها بس اصبر احسن لي مشيت وانا اكمل التنظيف وكويت الملابس وحطيتهم بالدولاب بشكل مرتب ثم جلست بالكنب وقدامي ام عبدالله اللي تشرب الشاي سولفت معها اشوي وبعدها استاذنت منها وطلعت ورحت لبيت اخوي القريب اللي انا عايشه فيه
وكانت الساعة9صباحا اليوم كانت أعمالي خفيفة دخلت البيت وتوجهت لسرير المشترك بيني وبين بنت اخوي وغمضت عيوني ونمت بهدوء! ~~~~~~~~~~~~~~~~~~~~~~
..
في اكبرر الشركات خصوصا مكتب المدير
كنت جالس ع مكتبي وحدي مشغول رن تلفون المكتب ورد: الو… ايوا…خله يدخل… اي…لا شكرا سكرت السماعة بعد ثواني دخل رجل
وقال : السلام عليكم رفعت راسي له
وقلت:هلا انت خالد ؟
قال:اي نعم معاك خالد ..
قلت :طيب انت راح تكون سواق لعيالي الخاص وبس بأذن الله
قال:ان شاء الله
قلت وانا ادور بالكرسي وبصوت حاد: واذا سمعت انك خاطفهم ولا مضايقهم ماتلوم الى نفسك وبيكون موتك ع ايدي وبصوت عالي فـهـمـت!
قال بصوت مرتجف: اي …ف..ف..ففهمت
وقلت :وان كنت على قد الثقه راح ازيد الراتب طبعا بيكون5000ريال واذا بزيده لك بيكون 10,000
بلع ريقه وقال :وانا قدها وقدودها
قلت :طيب الحين تقدر تطلع وتروح للاستاذ حمد عشان توقع العقد طلع وناظرت ساعتي الي بيدي
تعبت لازم اروح البيت اريح طلعت من الشركة ورحت للبيت ودخلت جناحي ونمت بدون تفكير
~~~~~~~~~~~~~~~~~~~~~~~~~~~~~~
في بيت بو طلال (((الثاني)))
الوقت العصـر
عند بو طلال " عبدالعزيز "
دخلت للبيت وانا أفتقد وجود الأشخاص اللي فيه كلّمت الخدامه اللي أستقبلتني عند الباب : وين مروان و روان ؟
خدامه بانجليزي قالت لي انهم نايمي!
أستغربت وطالعت بوقت اللي كان بدري قلت مخاطب نفسي: غريبه!
: طيب حططي الغدا على مايجلسون
طالعت بالغرفتين وانا محتار أي وحده فيهم غرفة روان لقلة وجودي بهالبيت !
فتحت اول باب وكان فيه مروان اللي جالس ويتابع شي بـ لاب توب
قام احترام لي وقال كـ ترحيب فيني : اوهه غغريبه الوالد جااي مو من عوايدك ههه
ابتسمت : أيه شفت نفسي فاضي قلت اتغدى مع عيالي ومن زمان ماشفتكم بعد
اكتفى مروان بابتسامه : خلاص بس دقايق واكون تحت
طلعت لغرفة اللي فيها روان دقيت الباب وسمعت صوتها اللثقيل: مــيري مالي خلق لك !
قلت: انا ابووك يــلا قوومي
فزّت وهي تفتح الباب وتحضنّي : الله اخخيرا شفتك 3 أسابيع واكثر ماشافتك العين
بو طلال: يالله تراني جوعان وشكل اخوك بيطوّل
روان:اوككي دقايق واكون جاهزه
بو طلال بتملل: وهالدقايق ماتخلص عندكم يلآ انا تحت انتظركم
نزلت تحت لعند الطاوله وانا انتظرهـم نزل مروان وبعدها روان واجتمعنا عالطاوله وبدينا بالاكل منها سواليف مروان وضحك روان المتواصل بفرحه وانا فقط مستمع
بالمغرب..
في جناح طلال لبست التغرة وتعطرت ونزلت لتحت وشفت تلفزيون مشتغل وانوار مسكره شغّلت الأنوار ووضحت لي الصوره وانا اشوف ندى تتابع تلفزيون
~~~~~~~~~~~~~~~~~~~~~~~~~~
كنت جالسة بالصالة بالدور الثاني وظلام وعيوني ع التلفزيون وأطالع فلم رومنسي وفجأة حسيت النور اشتغل بلعت ويقي وانا اسمعه
بصوتة الحاد:ليه مطفيه النور ..... كم مرة اقول لك لاتتابعين افلام وانوار مو مشغله يعني مايحلا الفيلم الا كذا؟؟ تتضرر عيونك
قلت:عاادي وانا مليت من الغرفة وكل ماقلت بطلع قلت ماعندنا بنات يطلعون وانت مو المسؤال فيني انا عندي ابوي ع قيد الحياة وترى درينا انك اخوي وعندك عيال بس مو كل شيء لا لا لا انا مالوم زوجتك لما ………… ((بهاالذي اللحظة ودة يمووت عورة قلبه ع الكلام ))) صج معقد
قال:وطلع لك لسان بعد اقول انثبري بغرفتك قمت وانا ااتتاأفف
وقلت:ع فكرة عزيوي ماتغدا ونحشت لغرفتي
وطلع من البيت وراح الشركة !

.. الصباح الساعه السادسة صباحا

عند خالد
انا مستانس اليوم اول دوام لي وظليت بالسيارة اناظر بيت عبدالعزيز ((الهادي)) وأقول بنفسي ماشاءالله الله يرزقهم ويرزقني واشوي وجا الاستاذ/ طلال وعياله ركبو معي وقال لي توكل وطلع بسيارتة وانا طلعت اسوووق ناظرت الاولاد اللي وراي يحليلهم يتشابهون أكيد تؤائم و3ماشاءالله تف تف عليكم الله يحفظكم
وتكلمو :عمو
قلت لهم:هلا
قالو:ودنا البقاله
توهقت أخاف يصير شي. قلت: ها اي بكرة ان شاءالله وغيرت السالفة :شنو اساميكم
قال واحد منهم:انااسمي نواف وهذا يأشر ع اخوة نايف وهذا عزيوي
وقلتً: عزيوي!!!
قال نايف:هو اسمه عبد العزيز بس احنا انسميه عزيوي. ولاتقول ليه مالك دخل سمعت
قلت بستغراب:طيب كم عمرك يانايف
قال نواف:عمرنا كلناً6لان ابوي يقول احنا تؤام
اناسكت الى ان وصلتهم لبوابه الروضة ومشيت…
جاتني منكالمه من صديقي رفعتها وقال ع طول: أنا بـ كوفــي
خالد: مسافه طريق يالحبيب واكون عندكـ
..
في الكوفي
كنت أسولف معه عن العمل وفاجاني بسؤاله وهو يقول
ريان :ها وش سويت مع عيال طلال؟
بهدوء :ابد ارتحت مع التؤام الثلاثة لكن واحد منهم اتوقع اسمه عبدالعزيز كان هادي اول مرة اشوف طفل هادي مدري شفيه بس هو يختلف عنهم هو يشبه ابوة حيل
ريان:تؤام ثلاثة !!!!!
خالد:اي وش فيك؟
ريان:الله واكبر مرة وحدة ثلاثة طيب كم أعمارهم؟
خالد:اممممممم6هذا كلامهم
ريان:اهااا وهذا شلون بربيهم ع ماظن اني سمعت زوجتة متوفية
خالد:يارجال فكنا منهم كيفهم المهم لقيت وظيفة ثانيه تمشّي ححالي هالأيام غير وظيفه أساسيه !


يوم (( الخميس))
عند مثايل
كنت نايمه وجاني صوتها الهادي وقليل من العصبيه بنبرتها !
جواهر:مثايل مثايل يالله قومي ماشبعتي نوووم خلاص يوووووة وش ذا النووم
فتحت عين وعين مغلقة:كم الساعة الحين؟
جواهر:الساعة5الفجرر قومي صلي اللي فاتك
قمت من السرير وتوجهت لدورة المياة وانا أفكّر بالمبلغ اللي عطتني اياه ام عبدالله وش اسوي فيه!
..
الساعة 5 الصباح
عند طلال جلست من النوم وقمت أخذت لي شور وتوضيت وطبعا كالعادة تاخرت على الصلاة فاظطريت اني اصلي بالبيت وصليت ثم لبست شماغي و طلعت من غرفتي
ورحت غرفة الاولاد وكانت مو مرتّبه ألقيت نظره وشفتهم جالسين عالكنبته ونواف ونايف بين ايديهم الايباد وفجاه طاحت عيوني على عزيز اللي ركض لي وبعيونه دموع حابسها
وقلت له بابتسامة:ليه البطل يبكي ؟!
مسح عزيز دموعة بكل براءة وهو يقول:عصفوري طار
طلال:ولا يهمك نروح اليوم نشتري بس لاتبكي انت رجال والرجال مايبكي طيب
عزيزهز راسة بمعنى طيب وقال: طيب ماما جات؟؟
طلال نقز قلبي وقلت :امك؟؟
عزيز:اية جدتي
حسيت بالم جرحني بكلمة((امي))اه اه اه عليك يا يارا نزلت تحت ومعاي عبد العزيز ماسك ايدي سلمت على امي ونفس الشي سلّم عليها عزيز وفتحت السيرة اللي تضايقني انا وولدي عزيز!
قالت امي:اسمع الحين انا خطبت لك بــنتــ...
قاطعتها وانا اناظر ولدي اللي بدت تتجمع الدموع بعينة
وقلت:يما رجاا سكري الموضوع كم مررة اقولك
وقالت بعصبية :مو على كيفك بتتزوج يعني بتتـــ...
قاطعتها وقلت بدون ماحس:خلاص سوووي اللي تبين ومسكت يد ولدي وقلت:يلا نروح باسكن ناخذ اسكريم لحالنا بس
استانس عزيز وقال:ايه يلا يلا

في باسكن روبنز
دخلنا انا وعزيز وطلبنا لنا واخذنا وركبنا السيارة وكلنا لانه كان في زحمة في باسكن فاضطرينا ناكل بسياره
قطع الصمت ولدي وهو يقول:بابا ماابيك تتزوج وبعدين تضربني زوجتك!!
انصدمت من تفكير طفل عمرة 6 سنوات قلت:مين اللي قالك كذا!!
عزيز قال بتوتر:وو ماتزعل ؟
هزيت راسي بالنفي.وانا آكل الأيس كريم
طالعت بعيونه وهو يتكلّم:صديقة عمتي ندى أسمها ساره وقالت انها مراح تضربني و انا ماراح اخلّيك تتزوج غيــرها لانها تحبني
الحين عرفت ليه الولد مايبيني اتزوج احد طيب يا((سوير))تبين تتزوجيني ها ولعبتي بعقل ولدي!


~~~~~~~~~~~~~
بيت ام خالد ..
كان جالس يسولف مع امه وخواتة سارة ، ولمياء
خالد:يماا دوري لي بنت مزيونة لاني قررت اتزوج
شهقت لمياء وقالت:انا بحلم ولا بعلم انت وهي تاشر عليه انت انت تتزوج لا لا ماصدق
قالت سارة بصدمة:جد
خـــالد:لا خال ليه وش شايفيني ليه ماتزوج!!
امـــه: وليه وش فيه ولدي الكل يتمناه
سارة:القرد في عين امة غزال
خالد:يابنت الذينا الحين انا قرد طيب اوريكي
لمياء : انت قلت ماتبي تتزوج اخلص اعترف مين اللي وقعت في شباك حبها
خالد:يوووووة اطلع من البيت احسن لي
لكن خواته توسّلوا له يجلس ويفهمون منّه السالفه لكن طلع

~~~~~~~~~~~~~~
بيت "سلطـان " اخو مثايــل..
عند جواهر الساعة9مساء
جالسة على الكرسي وماسكة الكتاب بس اقرا الكتاب وقالت لي عمتي :نااامي …سكرت الكتاب وانسدحت على السرير وانا أفكر غفت عيوني تدريجيا ونمت …
عـند مثايل!
قلت لبنت اخوي تنام وانا بديت اشتغل بماكينة الخياطة دخل علي اخوي وقلت:امرر اخوي
جلس اخوي على الكرسي وقال:اليوم جا واحد متقدم لك حتى يخطبك وانا ماقلت موافقتي عااد لازم اسألك بالاول …!
تفاجات مرة وبنفس الوقت مو عارفة وش اقول
:اذا كان رجال زين وانت مرتاح له خلاص بس مين اللي متقدم لي؟؟
أنتهى البارت
اتمنى عجبكم ^ ^
واذا لقيت تفاعل نزّلت البارت ثاني بكـرا



تعديل bristeeg; بتاريخ 26-04-2013 الساعة 11:09 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-04-2013, 11:16 PM
صورة تنآهيد الوله الرمزية
تنآهيد الوله تنآهيد الوله غير متصل
©؛°¨غرامي مشارك¨°؛©
 
الافتراضي رد: روايه: ياروعه الضمه على صدر مشتاق .. بقلم / البراءهـ


عندي سؤال ليش ماتكبين بصيغةة الغائب

يعني{ راح للبيت وشاف امهه / طلال : ........ }

يعني بدال رحت للبيت وشفت أمي قلت : ......... }

لأني تعوودت بكل رواياتي يتكلممون بصيغة الغائب ..!!

++

روايةة جداً جداً حمماآس وجمميلةة

أتووقع مثايل تتزوج طلال >> ويصير أكشن وكذاآ ^_^

تسلم أناآملكك برستيج + سحرني حلاهـ

أنتظر البارت الجاي بفارغ الصبر وأتمنى ماتوقفوون

أبد وتحطون لنا الاوقات إللي تنزلون فيها البارتات

++
أناآ سعيدة جداً جداً ولي الشرف اني اوول وحدةة أرد

ع روايتكك الجمميلةة وأرفع قبعتي احتراماً لكماآ >> سلكوآ لي بالله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-04-2013, 11:37 PM
صورة bristeeg الرمزية
bristeeg bristeeg غير متصل
©؛°¨غرامي مشارك¨°؛©
 
الافتراضي رد: روايه: ياروعه الضمه على صدر مشتاق .. بقلم / البراءهـ


اول شي نورتينّا وأسعدتينا بردّك
احترم رايك
لكن احنا كتبا كذا
ان شاء الله ا بالبارت الثاني نكتب بصيغه الغائب لعيوونك ^^
واتشرف انك تكونين من متابعاتي و أول وحده رديتي
ورفعتي بمعنوياتنا يسلمووو

وبالنسبة متى موعد البارتات بذكر هذا الشيء في البارت الثاني ^^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 27-04-2013, 12:02 AM
صورة hanein الرمزية
hanein hanein غير متصل
©؛°¨غرامي فعال ¨°؛©
 
الافتراضي رد: روايه: ياروعه الضمه على صدر مشتاق .. بقلم / البراءهـ


هلا bristeeg
الصراحه حبيت الروايه وتحمست معها كثير
الاسلوب
تسلسل الاحداث
الترتيب
في كل كلمه كتبتوها
كلمة ابداع قليله في حقكم
استمروو في الكتابه
ضيفيني من متابعينك من الحين
في انتظارك دائما ...


قبل ما سكر الصراحه حقدت على ساااره وش تحس به
ووو شسمه مثايل بتتزوج طلال >>متحمسه وش بيصير
بس عند سؤال :
زوجت ابو طلال الاولى تدري انه متزوج عليها؟
وووو بس
باااايو


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 27-04-2013, 12:05 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايه: ياروعه الضمه على صدر مشتاق .. بقلم / البراءهـ


صباح الخير ...... ياهلا فيك بغرام ..... موفقة بطرحك .... بداية حلوة واسلوبك جميل وطريقة سردك رائعة لكن حبوبة ياليت تستخدمي الوصف اكثر يعني كثفي وصف مكان الحدث وايضا الشخصيات واذكري اعمارهم ..

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 27-04-2013, 12:38 AM
صورة سحرني حلاه الرمزية
سحرني حلاه سحرني حلاه غير متصل
©؛°¨غرامي مشارك¨°؛©
 
الافتراضي رد: روايه: ياروعه الضمه على صدر مشتاق .. بقلم / البراءهـ


اقتباس:
المشاركة الأساسية كتبها hanein مشاهدة المشاركة
هلا bristeeg
الصراحه حبيت الروايه وتحمست معها كثير
الاسلوب
تسلسل الاحداث
الترتيب
في كل كلمه كتبتوها
كلمة ابداع قليله في حقكم
استمروو في الكتابه
ضيفيني من متابعينك من الحين
في انتظارك دائما ...


قبل ما سكر الصراحه حقدت على ساااره وش تحس به
ووو شسمه مثايل بتتزوج طلال >>متحمسه وش بيصير
بس عند سؤال :
زوجت ابو طلال الاولى تدري انه متزوج عليها؟
وووو بس
باااايو
اهليين ياقلبي نورتينا
اعتبريني bristeeg انا وياها نفس الشيء
تسلمين ياقلبي
اخجلتينا بكلامك
ايه تدري ان متزوج عليها
وخلال البارت الجاي راح توضح لكم
وسسلام
يحفظك ربي..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 27-04-2013, 12:39 AM
صورة سحرني حلاه الرمزية
سحرني حلاه سحرني حلاه غير متصل
©؛°¨غرامي مشارك¨°؛©
 
الافتراضي رد: روايه: ياروعه الضمه على صدر مشتاق .. بقلم / البراءهـ


ونتشررف بمتابعتكم لنا^_^


تعديل سحرني حلاه; بتاريخ 27-04-2013 الساعة 12:47 AM. السبب: خطاء املائي
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 27-04-2013, 12:41 AM
صورة maram93 الرمزية
maram93 maram93 غير متصل
©؛°¨غرامي فضي¨°؛©
 
الافتراضي رد: رواية ياروعة الضمه على صدر مشتاق / بقلم البراءهـ


موفقةة يَ جميلة



ܓܛܟ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 27-04-2013, 12:48 AM
صورة سحرني حلاه الرمزية
سحرني حلاه سحرني حلاه غير متصل
©؛°¨غرامي مشارك¨°؛©
 
الافتراضي رد: روايه: ياروعه الضمه على صدر مشتاق .. بقلم / البراءهـ


اقتباس:
المشاركة الأساسية كتبها وردة الزيزفون مشاهدة المشاركة
صباح الخير ...... ياهلا فيك بغرام ..... موفقة بطرحك .... بداية حلوة واسلوبك جميل وطريقة سردك رائعة لكن حبوبة ياليت تستخدمي الوصف اكثر يعني كثفي وصف مكان الحدث وايضا الشخصيات واذكري اعمارهم ..

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
ابشري ياقلبي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 27-04-2013, 02:30 PM
صورة bristeeg الرمزية
bristeeg bristeeg غير متصل
©؛°¨غرامي مشارك¨°؛©
 
الافتراضي رد: رواية ياروعة الضمه على صدر مشتاق / بقلم البراءهـ


اقتباس:
المشاركة الأساسية كتبها désespoir مشاهدة المشاركة
موفقةة يَ جميلة



ܓܛܟ


تسلمممين ^^

رواية يا روعة الضمه على صدر مشتاق / بقلم البراءه

الوسوم
مشتاق , البراءهـ , الضمه , بقلم , ياروعه , روايه:
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM

الساعة الآن +3: 07:05 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1