احســ تائه ــاس ©؛°¨غرامي نشيط¨°؛©

اعزائي بعد غيااب طال عن قلعة الابداع وعن هذا السرح الشامخ (( منتدى غرام ))
احببت ان اتواصل معكم من جديد بمتواضعة كانت وليدت هذه اللحظه اتمنى ان تروق لكم
واعتذر عن قصورها فاقبلوها كما هي

من مده انطر سحاب الوصل يمطرني  
  عل السحايب تمر بروح ترويها
ما غير جمر الجفا بالبعد يحرقني  
  يسكن جفون تهله يوم يطريها
يا بسمة من ثغرها حيل تسعدني  
  منحوت في وسط عيني طيف مغليها
يازين حكيه وابياته تغازلني  
  ويازين ضحكاتها يوم تداريها
احب شعره وادري نصها مني  
  لكن احس بدافها يوم تحكيها
اعشق دلعها واعشق صدها عني  
  يوم اني اخطب رضاها من تغليها
مغروره حتى بخاطاها جت تعاتبني  
  واقدم العذر ليت العذر يرضيها
تمر وتشوفيني لكن تجاهلني  
  تبيني اتبع خطاها ثم اناديها
كأنها صدفة مرت وتسألني  
  عن حالي الي غدت لعبه بايديها
تغض طرف الخجل يومن تبادلني  
  الشوق بالشوق واحداقي تراعيها
يكفي غايبك ترى للموت ياخذني  
  واشلون تحيا عيوني دون غاليها


بقلمي

المتأمل

عهود منسية ©؛°¨غرامي ذهبي¨°؛©

صح لسانك شاعرنا المبدع ،، ولا هنت ...

طبعا شهادتنا فيك مجرووحه ...

وأنت شاعر غني عن المديح والاطراء ،،

وكما تعودنا منك الابداع والروووعه دووما ،،،

قصيدة مجملها يفيض بالاحساس الرفيع ،،

مفردة منتقاه سلسله عذبه أجدت في صياغتها ما شاء الله عليك ،،

يعجبني دائما في شعرك الحبكه الرائعه والاتقان في استرسال الأحداث ....

يبين التمكن في عد الشعر والقصيد ،،،

سامح قصور ردي ،،

وأتمنى لك التوفيق دائما ،،،

تقديري ،،،


عهود

يادرب ماأصعبك ©؛°¨غرامي ماسي ¨°؛©

روووووووووعه
صح لسانك وعلا شأنك
نترقب جديدك...

هـمـسـة عـنـا ©؛°¨غرامي ذهبي¨°؛©

الأخ الشاعر المبدع دوماً وأبداً ... ][احســ تائه ــاس ][


مساءك عقد الجمان .. مساءك ريح الأفنان .. مساءك معطر بذكر الرحمن

صح لسانك بليوون .. ولا يسدووون

بيض الله وجهك ولاهنت .. ع الإبداع الراقي

ابيات رائعه قد سطرتها بدقه وروعه اتقان

جميل حقا ما وجدته هنا

بإنتظار بوحك الراقي والمميز

تمنياتي لك بقضاء أسعد الأوقات في طاعة الرحمن

شاعرة معشوقها ©؛°¨غرامي جديد¨°؛©


.. .. .. .. .. ..
يالعاشق الهايم ابحكي ليك واسمعني
معشوقتك لا جرحها الهم داويها
الغايب الي من رحل اقفيت انا كني
طفلة رحل عنها عزيزاً كان يحميها
لا تشبهه بالغياب ي جعلك تبشرني
برجوعها لك دام القلب هاويــها


.. .. .. .. ..

الله الله عليك وصح لسانك ابدعت والله
تقبلنــي / Ꮥ͢Ꮵ⍺➌ℜᎿ Ꮇ➌Ꮥ͢ᏥᎧ❡Ᏺ⍺❗

~00 ©؛°¨غرامي فعال ¨°؛©

احب شعره وادري نصها مني
لكن احس بدافها يوم تحكيها
اعشق دلعها واعشق صدها عني
يوم اني اخطب رضاها من تغليها


راقت لي

asoool love ©؛°¨غرامي مشارك¨°؛©

فعلا رااااااااااااائع

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1