السلام عليكم ورحمة الله وبركاته

كيفكم

يمكن غريب الموضوع شوي بس

بدون مقدمات ابغى اتعلم كيف اطبخ ابغى اشياء بسيط

لان انا عزوبي وماعندي وقت اصحى الصباح وانا طالع للدوام اخذ من اي كوفي شوب شئ سريع

واطلع للدوام وارجع متاخر واناام للمغرب واطلع اشتري شئ سريع يعني روتين في روتين

وانا مليت من اكل الوجبات السريعة فااابغى شئ سهل وسريع

السسسسلام عليكم


اخوي اول شي لازم تعرفه انك تعرف شلون تسوي
الاشياء الاساسية البسيطة

مثل البيض والاكل الخفيف

في أكلة اعرفها سهلة وتقدر تحطها بالثلاجة وتآكلها ثاني يوم
الي هي عيش ابيض ومرق تونا لذيذة ^^



بعطيك المقادير ^^



1-عيش تنقعه بالماي وتنظفة عدل بعدين تحط بالقدر ماي وملح وحط دهن شوية
لاتكثر وخلة يفوح بعدين حط العيش علية بس تأكد انه الماي مايكون واجد يعني كمية الماي بالعيش مناسبة وماراح يطول العيش عشر دقائق ربع ساعه بالكثير ويجهز


2- نجي عند ألتونا تقطع الطماط مكعبات وبصل وثوم وتحمسهم على نار هادية
بعدين تحط علية ماي شوية بس لايحترق البصل وحط بهاراتك بس لاتكثر عشان
يطلع طعمهم حلو بعدين حط علبة تونا مع الحمسة وخل المرقة تصير خاثرة يعني لاتكثر من الماي فيها وآخر شي حط فلفل حار علوب وليمون اسود مع المرق



وبالهنا والشفا ^^


اتمنى انك تفهم على وصفي :)

مشكورة بس

وش هو العيش معليش ههههههههههه

بس مااعرف

العيش ياطويل العمر يعني الرز حنا بالكويت نقول عنه العيش ^^

اهاه الرز قولي من اول كذا جااء في بالي

الخبز خخخخخخخخخ مشكورة

مو غريب الموضوع
شوفني بنت ولا اطبخ مثلك
جالسة اكل كيك يمامة بالبرتقال خخخخخ

أن شاء الله تكون شيف ونجي نأكل من سلسلة مطاعمك العالمية خخخخخ

[COLOR="black"]عندي طبخه مره مره مره حلوه وسهله تصلح تكون فطور أو عشاء

المقادير : بصله مقطعه شرائح (( دائريه مو بالطول))
طماطم مقطع شرائح
فلفل أخضر مقطع شرائح مثل البصل والطماطم
أربع أو خمس بيضات مضاف لها شوية ملح وفلفل أسود

الطريقه: وضع البصل في صينيه ويحمس ثم يضاف عليه الفلفل ويقلب حتى يذبل

ثم الطماط ويقلب بعد [/بعدين يوضع البيض عليه تتركه من غير تحريك حتى

يستوي من تحت مثل الكيك تقريباً ثم تشعل عين الفرن العلويه وتوضع الصينيه في الفرن ثم يحمر البيض من الأعلى لين يستوي ويقدم مع الخبز والحليب أو الشاي وبألف عافيه عليك.....COLOR]

من جد مشكورررررررين

بااذن الله راح اسويها

طيب ابغى شئ حلوووو

هههههه

وعليكم السلام

فيه طريقة مره سهله وحلوة للبيتزا

وعلي طريقتي

المقادير

توست

طماطم

بصل

بهارات

ملح

فلفل اسود

جبنة موزريلا

الطريقة

تقطع التوست على اي شكل تحبه

تقطع البصل وتحط له زيت وتحمره سوي لحد

مايذبل وتحط عليه طماطم وملح والبهارات والفلفل

وتخليها لحد مايذبل بس مو مره

وتحطه على التوست وتحط الجبنة عليه

وتدخله الفرن لحد ماتذوب الجبنة وبالهناء عليك ^^

ي هلا
اول مرة اشوف ولد يبي يتعلم طبخ
بصراحة خطوه جيده لك
بس انت وش تحب تأكل او تشرب هيك يعني
و ان شاء الله نساعدك
مع أني في وادي والطبخ في وادي