جاسم الديحاني ©؛°¨غرامي مشارك¨°؛©

السلام عليكم
بعد انقطاع وطول غيبه وسيطرة تويتر على الساحه
نعود الى مكان المشاعر
لقد فقدنا روح القصيد .، وهنا موطن الروح

بسيطه الى ابعد الحدود .. لقلوبكم



مشاعري كانت من انسان لانسان
مابسط من احساس الغلا في فوادي

واضح .، ولا احب التصنع على شان
ماكسب بشر تجهل حلاي بعنادي

ماقول انا عندي مخالب وجنحان
و لا اقول اني محقق مرادي

انسان عادي اشبه فلان وفلان
واللي وصل حق القمر شخص عادي

خسرت من قبل اخسرك انت .. خلان
هذي نتايج هقوتي واجتهادي

لو الغلا والكره في يد الامكان
كرهت كل ذكرى مكان ابلادي

ماشفت احد يبادل الجرح بحسان
الا انا يوم الاماني ضمادي

وش قال متعب حق حبيبه مع ان كان
يهيم في طاريه في كل وادي

بكره ليا طال العمر .. والعمر فان
( بنشوف من يصعب عليه البعادي )

فارقتني وادري قبل نفترق حان
افراقنا يوم المشاعر تنادي

من يومها وانا اردد بالالحان
تدرين وادري بنفترق حق عبادي

يكفيني ان لي داخل القلب مسكان
ولا لونت بيض النوايا سوادي

حتى الشعور اللي غلاني غلايان
على كثر ماهزني كنت هادي

غالي وتبقى لو يجي عقبك انسان
اول وآخر من سكن في فوادي


تمت
بقلمي

قلم ريفي ©؛°¨غرامي متألق ¨°؛©

طرح جميل..........

VIP1001 ©؛°¨غرامي نشيط¨°؛©

إنسان عادي أشبه فلان وفلان..
واللي وصل حق القمرشخص عادي..


والله أبدعت وأمتعت
صح الله لسانك

إستمتعت بما قرأت..
أتمنيت لو إنها أطول من كذا
ﻷنها أكثر من رائعه..

لك كل الود

مااااااااجد ©؛°¨غرامي مجتهد¨°؛©

صح السانك
طرح جميل

يادرب ماأصعبك ©؛°¨غرامي ماسي ¨°؛©

روووعه
صح لسانك أخوي وعلا شأنك
مبدع ماشاء الله...

الكاتبه حوراء العميري ©؛°¨غرامي متألق ¨°؛©

انسان عادي اشبه فلان وفلان
واللي وصل حق القمر شخص عادي


كلامك فاق معنى الروعــــــــــــــــــــــه بجد
الشعر معبر كثير وأيضاً جميع أبيات الشعر حلوهـ بس
هالبيتين حبيتهم كثيـــــــــــــر
في أنتظار جديدك وإبداعك
تحياتي:
Hoor AL-Omairy

؛؛همس الروح؛؛ [®]همس الحروف[®]
مستشــ¸.·* غرام *·.¸ـــاري

وعليكم السلام ورحمة الله وبركاته


اهلا وسهلا بك وحمدالله على السلامة يا جاسم


ومهما طال الغياب تظل الاقلام الجميلة لها مكان في الذاكرة


قصيدة رائعة


وعوداً حميداً


احترامي

سيف الحزن ©؛°¨غرامي ذهبي¨°؛©

تسلم يمناك عالقصيده الجميله

صح السانك وقلبك ودام نزفك العذب
ودمت بخير

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1