البارت الرابع
يرن التلفون في البيت الثاني ترررن ترررن تررن تررن ردوا على التلفون...
بوناصر:الو السلام عليكم
...:وعليكم السلام هلا خالد
بوناصر:عفوا من معاي
....:خالد انا..... ماعرفتني؟؟
بوناصر: انتي؟؟
....:اي انا فوزيه يا خالد
بوناصر: وشنو الي ذكرج فينا عقب كل هل السنين يا فوزيه
فوزيه:وشلون انساكم ياخوي انا ماطلعت من عندكم مني ومن نفسي انا طلعت من عندكم مطروده ومظلومه
بوناصر: بس الي اعرفه والي خبرنا فيه المرحوم انج شردتي من البيت مع عبدالرحمن
فوزيه: ياخوي ماني بغبيه عشان اترك اهلي عشان ريال ....ابوي طردني عقب ماعرف ان انا وعبدالرحمن نحب بعض طردني وقالكم اني شارده واكاني يا اخوي عرفت طريجكم ورديت وطالبه السموحه منكم"وبدت تصيح"
بوناصر: لا اختي يا اختي لا تصيحين و مو انتي الي تطلبين السموحه انتي ماغلطتي وابوي رحمه الله عليه ظلمنه وفرقج عنا
فوزيه بين دموعها : ياخوي والله اشتقت لكم شخبارك وشخبار احمد وجمال
بوناصر: شرايج بدال ما اقول لج اخبارهم تين باجر بيتي وتجوفينهم وتتصفى النفوس
فوزيه: والله على امرك اخوي بس عطني العنوان
بوناصر : في الرفاع فيلا...... طريق ...... مجمع......
فوزيه : مشكور ماقصرت ياخوي
بوناصر: ولو ماسويت شي
فوزيه : يلا مع السلامه يا اخوي
بوناصر : الله يسلمج
........................
وبعد المكالمه الكل في الصاله منبهرين ومنصدمين بوناصر يوم جاف الوضع ماحب يطولها ويتناقش
بوناصر : ام ناصر باجر الاهل بيتيمعون عندنا واختي فوزيه بتيي
الكل على وجوهم علامه تعجبات واسأله بس طلعت ابوهم السريعه طفشت كل الي في بالهم وصعدوا غرفهم وككل واحد يفكر من تكون فوزيه؟؟ ووين كانت طول هل السنين؟؟
......
في غرفه ليان....
نوره:ليانو تتوقعين من هاي فوزيه
ليان : علمي علمج والله مادري بس على كلام ابوي انها عمتنا .. بس انا الي مستغربه منه شلون عمتنا وطول هل السنين ماندري عنها
نوره: والله مايندره يالله "وقالت بالمصري واهي حاطه يدها على خصرها وتهز روحها"هدو الخبر اليوم بفلوس بكره بكون ببلاش ياختي"
ليان ضحكت على خبال نوره: نوروا لا باسالج صج بنت عمي عادل غلا مخطوبه حق فصيل
نوره: لا بس اهي كله تقول جي كونه جميل وكل البنات خققه عليه
ليان ارتاحت: اها يلا ذلفي دارج بارقد
نوره حذفت عليها المخده: مالت عليج زين لج انا منوره دارج وطلعت عنها
.....
في بيت بوفيصل
عبير: يمه باجر بنروح بيت عمي خالد لا
ام فيصل: اي
عبير: يمه قولي حق ميري عيل تسوي باجر سويت خاطري في جيز كيك
ام فيصل : ان شاء الله
....
في بيت بوعادل
حلا: غلوي باجر بتروحين ويانا
غلا واهي تبرد اظافرها: وين؟؟
حلا: بيت عمي خالد بيتيمعون هناك
غلا: وفصولي بكون هناك
حلا: اتوقع
غلا: اكيد بروح بس شنو البس
حلا : قومي خلنا نجوف ثياب
غلا: قومي
.................
و اليوم الثاني وفي بيت بو ناصر بالتحديد....
الاهل كلهم متجمعين و السوالف و الضحك ماخذه كل الجو في البيت
ام ناصر في المطبخ :ميري لجمي كوماري سانتي يلا حطو الغذا
الكل: جين مدام
حطوا الغدا وتغدوا .. وقعدوا يشربون شاي عند الريايل سوالف الشركات والنسوان سوالف الجمعيات النسائيه وعند الصبيان كانوا يتشاورون بيطلعون يلعبون كره والبنات ماتم بنيه ما حشوا فيها....
والي وقف هاي السوالف وصعق الكل وعم الصمت المكان رنه الجرس ودخلت فوزيه وعيالها ..
"ثواني نتعرف على عايله فوزيه"
فوزيه : اخت بوناصر وبوفيصل وبوعادل اهي اصغر من بوناصر واكبر من بوفيصل ماخذه من شبهه ابوها وايد خشمها سله سيف سمره وعيونها وساع سمينه شوي وايد حنونه وطيبه
محمد: ولد فوزيه الكبير و تعتبره رفيجها اهو الي شايل البيت من عقب وفاه ابوه عمره 22 كبر ناصر وفيصل وسيم ويشبه امه وايد بس ضعيف
دانه : عمرها 20 شبهه ابوها الوحيد ه من اخوانها طلعت تشابهه بيضه جسمها منحوت شعرها لين رقبتها ناعم
هيفاء "رفيجه ليان والي بتنصدم انها بنت عمتها": كبر ليان سنه اولى ثانوي مغروره شوي تتصررف وكأنها وحده كبيره موجميله وايد سمره وعيونها متوسطه شعرها ناعم لين كتفها مقطع تحب تغير شكلها من فتره لين ثانيه
عبدالرحمن: صف السادس يشابه محمد اخوه واهو المدلع عنده مايرد له طلب...
نرد حق صمت العايله....
بوناصر و بوفيصل وبوعادل قربوا منها : حياج يافوزيه
فوزيه و الدمعه في عيونها: الله يحيكم يا اخواني
ضموها وبدت تبجي
فوزيه: وشلون بتقبلوني عيالكم
بوناصر ابتعد: الي فات مات وراح يتقبلون وغصب عنهم وماراح يعرفون موضوع الماضي
وجلسوا وعرفوها على عيالهم وزوجاتهم وعرفوهم عليها ...
نوره: عميمه وين كنتي كل هل السنين وليش تونا ندري ان لنا عمه
فوزيه بتتكلم قاطعها بوناصر: نوره اسئله مانبي عمتكم جدامكم والكلام حق الكل عمتكم تحطونها على راسكم ولا ابي اسئله وفضوليات
الكل : ان شاء الله
وتموا طول اليوم سوالف والكل يتعرف على الثاني وبعدها تعشوا وكل واحد راح بيته...
في حجره نوره ليان وساره قاعدين وياها
نوره: الا اقول ليانوا هاي هيفاء بنت عمتي من وين تعرفينها
ليان : كانت وياي في الابتدائي
ساره : الا على طاري عمتي ترها حليوه وايد
الـ2: اي
وتموا سوالف وكل وحده راحت غرفتها ونامت ...
اليوم الثاني في بيت بوناصر على الفطور الكل متيمعين
ليان : يبه
بوناصر: امري يبه
ليان : مايامر عليك عدو بس نبي نروح المزرعه كلنا وعمتي وعيالها بعد...
بوناصر : ان شاء الله اخبر عمانج وباجر نروح
ليان مشكور يبه
وبعد الغدا وكانوا متفقين اليمعه تكون في بيت بو فيصل
كانوا البنات في غرفه عبير
كانوا يسالفوا ويتضحكون دمعت عيونهم من كثر الضحك
ليان واهي تضحك : باروح اشرب ماي وبايي
الكل : يبي لنا وياج
ليان: بل ماسوى علي
نزلت وقالت حق ميري تودي ماي فوق واهي تشرب طلعت الصاله وراحت ورى عمتها غمضت عيونها
ليان: عمتي الحلوه شخبارها
فوزيه: بخير من انتي
ليان: افا ضنيت تعرفيني من صوتي
شالت يدها وسوت روحها مبوزه قامت وراضتها وتمت شوي وقامت
ليان: دندون وهيوف يلا قوموا ويانا فوق شمقعدكم هني
قاموا ودلتهم الغرفه وراحوا قبلها
ويوم يات تركب الدري سمعت ام فيصل
ام فيصل : ميري ميري
ميري: يس مدام
ام فيصل :سويتي شوربه حق فيصل
ميري: يس مدام
ام فيصل : اخذيها مع بندول وديهم له الدار فوق
ميري : جين مدام
ام ناصر : شفيه فيصل حق البندول
ام فيصل: مصخن شوي
ام ناصر : ماعليه شر
ام فيصل : الشر ماييج
خذت ميري الصنيه ويات بتركب يوم وصلت الصاله الي فوق خذت ليان منها الصينيه وقالت لها تروح .. خذت ليان الصنيه ودشت غرفة فيصل بما انها مو متحجبه للحين فعادي ماتتغطه عنه دخلت وجافت الغرفه بارده مجمده وظلام فتحت النور وجافت السرير خاللي جدمت وحطت الصنيه على الطاوله صكرت المكيف الا فيصل طالع من الحمام "اكرمكم الله" وكان متروش ويبين عليه التعب استحت يوم جافته بس بشورت ماكان لابس فانيله نزلت راسها
ليان : هاي الشوربه خالتي طرشتها لك اشربها واكل البندول عشان تخف الحراره
فيصل واهو يجوفها: من عيوني
ليان: استأذن
قربت بتفتح الباب..ماحست الا بيد تسحبها والا اهي جريبه من صدره العاري وكانت خايفه
فيصل بهمس: ملاك "باس شفتها " وقال احبج
استحت خافت قلبها يرقع .. دفته ع خفيف وطلعت من الغرفه دخلت على البنات ولونها مخطوف ..
نوره: ليانوا شفيج
ليان :مافيني شي كنت باطيح
نوره : وعليه وبدت تضحك
ليان حذفت عليها المخده مايضحك زين
نوره: لا بتلكو
وتموا يتسيخفون ويضحكون لين الـ 12 والكل راح بيته يتجهزون حق المزرعه
...............
في بيت بوناصر بعد ماوصلوا البيت ليان دخلت وراحت دارها
بدلت بسرعه و انسدحت بتنام وتمت تفكر في فيصل وفيصل يفكر فيها لين ماناموا..
....................
في الشاليه بعد الغذاء ووقت العصر بالذات الكل موجود الريايل في الميلس والنسوان ف الصاله البنات في وحده من الحجر والصبيان يلعبون كره الا فيصل بما انه مريض شوي ..
تسحبت من عند البنات ونادت في فيصل
غلا: فيصل فيصل فيصل
فيصل انتبهه لها: هلا
غلا : تعال شوي
فيصل"قام وراح لها":امري
غلا: مايامر عليك عدو بس انت تعرف تركب خيل لا
فيصل :اي
غلا: ودي تعلمني
فيصل : متى تبين
غلا: احين اذا فاضي
فيصل: ماعندي شي يلا
راحوا حق الاسطبلات وطلعوا خيل وتوها بتركب ساعدها وطيحت روحها ويودها طالعته في عيونه واهي في يده وهمست له: احبك فيصل
فيصل"بعد عنها : استحي شنو هل الحجي
ومشى عنها .....
ووقت المغرب وعلى الباربكيو البنات كانوا ملزمين اهم الي يشوون و يوزعون ساره و حلا وحنان ودانه يشون و نوره وغلا يحطونه في الصحون و عبير وليان يوزعون ليان واهي توزع وصلت حق فيصل نزلت راسها يوم تذكرت ذاك الموقف فيصل واهو ياخذ الصحن قال بصوت مو مسموع للكل
فيصل : ملاك وربي ملاك
ليان استحت ومشت عنه وقضوا اليوم كله في المزرعه وردوا الصبح وكل واحد على غرفته ونام ....
انتهى البارت,,
ردودكم..
Mesho AL3amrii
رد: ناظرت في عيونك ونستني عذابي.. كيف لي من دونك اكتب كتابي 
النمط المتتابع
