غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-05-2013, 10:42 PM
صورة meshoal3amrii97 الرمزية
meshoal3amrii97 meshoal3amrii97 غير متصل
©؛°¨غرامي مشارك¨°؛©
 
Upload004d4df318 ناظرت في عيونك ونستني عذابي كيف لي من دونك أكتب كتابي/بقلمي


سلالام شخباركم هاي روايتي الاولى وكتبتها من عقب تردد وحيره واتمنى القى ردود تشجعني اكملها ....









Mesho AL3amrii


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-05-2013, 10:48 PM
صورة meshoal3amrii97 الرمزية
meshoal3amrii97 meshoal3amrii97 غير متصل
©؛°¨غرامي مشارك¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


البارت الاول:

كانت العايله جالسه بعد الغدا والي يتقهوه ويشرب جاي ولولا صوت التلفزيون لا كان الهدوء يعم المكان .. قطع حاله الصمت...
صوت الوالد : ناصر يا ولدي اليوم عندي اجتماع العصر وابيك تروح بدالي تجوف البضاعه الي في الشحن ..
ناصر وبكل برود: ان شاء الله
وقام بوناصر يريح قبل لا يروح الشركه .. وقام الكل عقبه وكل واحد دش غرفته وسكر عليه..
ناخذ بريك نتعرف على العايله:
بوناصر: خالد كبير اخوانه ومدير عام شركاتهم وكلمته مسموعه وماتنزل الارض..
ام ناصر :لبنى مرت بوناصر وبنت عمه خذاها على حب طفوله وانهدم مع السنين ..
ناصر: اكبر اخوانه طويل و مو سمين ولا نحيف خشمه سله سيف عيونه وسيعه ودايم هادي ومايحب يحتك في اخوانه وايد..
ساره: اكبر البنات بس مو احلاهم تدرس في الجامعه سنه اولى سمينه بس مو وايد عيونها صغار سود وخشمها عريض شعرها طويل لين نص ظهرها كيرلي فيها شوي غرور...
نوره: اتيي عقب ساره سنه اولى ثانوي مربوشه جميله طلعت على ابوها خشمها سله سيف وعيونها وساع عسليه شعرها لين نهايه ظهرها ناعم وكيرلي وملامحها جميله فيها غمازه جهه اليمين محفوره عدل ..
جاسم: اخر العنقود في الروضه جميل كوبي بست من اخته نوره لان يوم امه حامل كانت نوره 24 ساعه مجابلتها هههههه ..
بسس ماخلصوا بيت بوناصر؟؟
ام ليان: ندى طليقه بوناصرالي اهي مرته الثانيه اصلها لبنانيه تزوجها بوناصر وكانت عنده ساره صغيره .. وطلقها عشان يوم هددته ام ناصر انها بتشتكي عليه وبتجرجره في المحاكم..
ليان : اختهم من ابو الي امها ندى كبر نوره جميله خذت من جمال امها وابوها خشمها منحوت سله سيف وعيونها زرقه وسيعه ورموشها كثيفه مونحيفه جسمها مخصر شعرها لين فوق ركبها غليض وبني فاتح مربوشه واهي الي كانت مسويه جو ويا نوره في بيتهم قبل ما ينفصلون امها وابوها..
وليد: اخو ليان في ثاني متوسط مايشابه امه ابد كله بوناصر يعني نقدر نقول انه كوبي بست من اخوه ناصر..

في غرفة ساره قاعده تدرس وراها امتحان باجر فاينل وحدها متوتره وشوي وتصيح .. دشت عليها نو ره
نوره:ساااااااااااااااارووووو
ساره: ووجع شتبين نورو مو فاضيه لج بروحه الي فيني كافيني
نوره: عندي لج خبر بمليون ينسيج لي الي فيج
ساره: شفيج تحجي
نوره : جم تدفعين
ساره: جب عاد عن السخافه وتحجي
نوره: اممم لحظه بشاور عقلي يوافق او لا
ساره بعصبيه حذفت عليها المخده: تحجي يا حماره
نوره: ليااان اختي بااجر بترد البحرين بتقعد عندنا على طول اهي ووليدو السبال
ساره: خبصتينا عبالي عندج سالفه.. وليش مستانسه هل الكثر .. وتدرين ان امي بتنقهر لا درت
نوره: ياغبيه اصلن امي اهي الي قالت لي واهي الي حنت على ابوي عشان ايبهم يعيشون عندنا بما ان امهم احين عرست طاحت عنها الحضانه واهم اختارونا لان امهم ماتقعد وياهم ولا لها بارض لهم
ساره: حلفي
نوره :والله
ساره : انزين يلا انجلعي وراي فاينل ابي ادرس
نوره "كمت عليها" : مالت عليج مايسوى علينا داشه جامعه البحرين
ساره:نووروه ويعه طلعييييييي
الا ناصر ياي ...
ناصر : شعليه هل الويه عورتو راسي
نوره: نطق فرعون واخيرا
ساره: نوروه جب اخوج العود
نوره: وانا الصاجه لو مانتكلم وياه ماسمعنا حسه
ناصر : نوروه وبعدين
نوره: نصور تدري عندي لك خبر بمليون بردك نصور الاولي الهيلقي
ناصر: نصور بعينج وبعدين شنوه يلقي احترمي روحج
نوره: نطت يمه ولمته وقالت لها له ليانوو بترد البحرين وبتكمل حياتها اهني
ناصر : من الوناسه رعصها وقال لها تدرين لو تجذبين شنو باسوي فيج
نوره: والله ما اجذب وروح اسأل ابوي
وقبل لايتحرك سمعوا ابوهم يناديهم تيمعوا كلهم في الصاله..
بوناصر: سمعوا ياعيال باجر ان شاء الله ليان اختكم ووليد اخوكم بيون البحرين مابي تفرقون بين بعض انتوا اخوان وراح يعيشون معاكم طول عمرهم ان شاء الله وهاي رغبتهم ورغبت امكم ..:"والتفت على ام ناصر" : وانتي يا ام ناصر مابيج تفرقين بينهم وبين عيالج ... وخبري الخدم يجهزون غرف لهم ..
نوره:يبه ابي ليان تنام معاي في الغرفه..
بوناصر : الغرف شكثرهم في الفله ليش تضيقون على روحكم
نوره: عيل عطوها الغرفه الي يمي
بوناصر : تفاهمي مع امج على هذا الموضوع .. وانا احين رايح اخبر عمانكم وباجر بنسوي عزيمه على سلامتهم ...
الكل: ان شاء الله
وراحو الكل على غرفهم ... وكل واحد يفكر بشي .. والفكره الاساسيه عندهم "فرحتهم بردت اخوانهم وحتى لو كانوا من ابوهم بس طول عمرهم ماحسسهم ابوهم انهم غير عن بعض....

في مجلس العايله ..
بوناصر: ياخوان بغيت ابشركم باجر انتوا واهلكم معزومين على حفله عوده عيالي ليان ووليد بالسلامه..
بوفيصل وبو عادل: ان شاء الله يا اخوي يوصلون لك بالسلامه ..

نعرفكم على عايله بو فيصل وبو عادل...

بوفيصل: احمد الاخو الثاني واهو مع اخوانه من اكبر تجار السوق سمين بس ملامحه جميله ..
ام فيصل: دانه مرت بو فيصل تزوجوا خطبه اهل وحياتهم مرتاحين منها مو طويله ولا قصيره فيها شويه متن بس حلوه وجمالها رباني....
فيصل: الولد الكبير واهو وناصر قد بعض عمره 22 يدرس ويا ناصر في جامعه البحرين ادراه اعمال سنه ثالثه واهم ويا بعض جنهم توأم ما يخشون شي عن بعض..
حنان: تدرس سنه ثانيه جامعه طب جراحه .. ضعيفه وملامحها حلوه سمره شوي مو غامجه وايد..قانونها في حياتها دراستها اولى من كل شي ..من صغرها من المتفوقات..
عبير: كبر ليان و نوره واهم ويا بعض الثلاثي المرح في العايله اذا تجمعوا تصير المقالب والخبال
عبدالله: صف السادس اسمر وملامحه حاده الي يجوفه مايقول انه صغير شاطر ومتفوق في دراسته يطمح يكون محامي ...

بوعادل: جماال الاخو الصغير متزوج من بنت عمه اخت ام ناصر"فاطمه" وكان زواجهم اجباري بس مع الايام تقبلوا بعض...
ام عادل:هيا مرت بوعادل كوبي بست من اختها ام ناصر بس يختلفون في الاطباع لان ام عادل فيها غرور ورثته حق بناتها..
حلا: عمرها 20 تدرس في الارلنديه مغروره وموجميله وايد بس فيها ملامح بسيطه
غلا: تدرس ثاني ثانوي طويله وجسمها مخصر بيضه وجمالها طبيعي بس مو احلى من ليان ابد خشمها محندب وعيونها وساع...
عادل: يدرس في اولى متوسط يحب الهياته ومايقر في البيت كله يتفرر في السكيك مع ربعه على الموتر سيكل مو جميل ملامحه عاديه..
سالم: اخر العنقود توه ثاني ابتدائي كوبي بست من اخته غلا..


"نرجع"
سمعت صوت تلفون البيت راحت ركيض ونطت على الكنب وشالت الفون
...:الوو
نوره: عبيروو ياحماره وينج عن تلفونج صار لي ساعه اتصل لج
عبير : ووجع الاوادم تسلم مو تصارخ
نوره: انزين ياحماره سمعي عندي لج خبر بمليون
عبير : شنو قولي
نوره:اول شنو لي
عبير : تحجي يا سباله لعبتي في اعصابي
نوره: لياانو بترجع البحرين وبتستقر هني خلاص
عبير: حلفي
نوره: والله .. وباجر عزيمت رجعتهم بالسلامه
عبير: وناااسه يلا ذلفي خلني اروح انشر الخبر واجوف شنو البس باجر..
نوره : اوكي باي
عبير: باي

صكت الفون وركيض حجرتها جافت شنو تلبس ورتبت اغراضها ونامت...

اليوم الثاني.. اليوم الي الكل كان ينتظره ..والساعه ثلاث العصر بالتحديد رن تلفون فيصل...
فيصل "بصوت نايم" : اللوو
بو فيصل: للحين نايم يا الهيس الاربد
فيصل"فز":لايبه توني صاحي
بوفيصل:قوم بدل وروح المطار حق عيال عمك ليان ووليد يبهم وودهم بيت عمك .. لان انا وعمانك وولد عمك ناص عندنا اجتماع مع اكبر الشركات
فيصل: ان شاء الله يبه
بوفيصل: لارد وصوت السماعه كالعاده طوط طوط"هههاي"
قام فيصل ودخل الحمام اكرمكم الله وبدل ملابسه وراح المطار ... دش المطار جاف اثنين يتمشون وشكلهم ضايعين شك ان اهم عيال عمه بما ان اهم من زمان ماجافو بعض ... قرب صوبهم وناده..
فيصل: وليد وليداان
التفت وليد: انا
فيصل: انت وليد خالد ال...
وليد : اي نعم
فيصل: انا فيصل ولد عمك احمد تذكرني
وليد: ايي ياهلا في ولد العم "ضمو بعض"
فيصل : تتكلم بحريني
وليد نص عمري في البحرين كلها سنتين في لبنان
فيصل "يكلم ليان" : ليان شخبارج
ليان"بخجل": الحمدلله تمام انت شلونك
فيصل: بخير ... يلا مشينا البيت
ليان ووليد يلا ....
وفي السياره طول الطريج وليد وفيصل سوالف عن الذكريات وشو صار في غيابهم... لين ماوصلو البيت..
نزل فيصل وبطل الباب لليان وقال لهم :جدموا وانا بانادي الخدم ينزلون الشنط..
ال2: اوكي
مشوا ناحيه الباب خايفين من ردت فعل خوانهم...
واول مابطلوا الباب.. مايجوفون الا ذيك الطايره وتنط على ليان وتضمها وتبكي ..
نوره: اشتقت لك يا حيوانه
ليان: انتي اكثر ياحياتي لاتبكين انا باتم معاك خلاص
نوره" قامت من حضنها":وعد
ليان: وعدين
وسلمت على وليد ولقوا كل الحب وترحيب عند اخوانهم وعيال عمانهم...
ركبت نوره ويا ليان عشان ليان تبي تريح من تعب السفر.. دلتها عن مكان غرفتها ودخلت ليان خذ ت شور ولبست بجامه خفيفه ونامت من التعب بدون ماتحس...

اما وليد راح مع ناصر راواه غرفته دخل وخذ شور لبس ثوب وغتره ونزل تحت حق الرجال...

عند البنات نوره وعبير قاعدين ينطرون ليان تقعد ..
عبير: نورو قومي خلنا نجوف ليانو للحين ماقعدت
نوره: قومي
راحوا لها بطلوا الليتات وسكروا المكيف وتموا يصارخون :لياااااننننوووووو قووووومي بسسج رقاااد قووومي
ليان"والنوم في عيونها": افف ابغى انام
عبير ونوره: بس يادبه اشتقنا لج
ليان: ثواني واقوم"وردت نامت"
قاموا عبير ونوره ويحاولون يشيلونها ويطيحون واهي تطييح عليهم طقتهم ودشت الحمام وانتو بكرامه ... خذت شور وبدلت ملابسها لبست جينز اسود وبلوزه تفاحيه عليها تخطيط بالذهبي ورفعت شعرها وطلعت الا اهم مقعدين ....
ليان : انتو للحين اهني
عبير: لا جنه احنا برع واشباحنا اهني
ليان : سخيف
نوره: افاع بيرو طلعتي سخيف وانا عبالي طول هل المده انج مليقه
ليان ماقدرت تمسك روحها وضحكت على خبالهم اشتاقت لهم وايد وراحت ضمتهم ونزلو تحت ... تموا كلهم سوالف وضحك لين 12 فليل قالوا بيمشون راحت ليان ويا نوره يترجون عمهم بو فيصل ان يخلي عبير تنام عندهم بما ان اهم في عطله الصيف...وبعد محاولات رضى وشرط ان المغرب يمر عليها فيصل وياخذها وترد وياه قالت له ان شاء الله ...
وراح الكل وناموا كل الي في البيت الا نوره وليان وعبير تموا طول اليل مجابلين الافلام و بوب كورن واجباس وكوافي لين الفير صلو الفير وناموا....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-05-2013, 11:38 PM
صورة meshoal3amrii97 الرمزية
meshoal3amrii97 meshoal3amrii97 غير متصل
©؛°¨غرامي مشارك¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


البارت الثاني





اليوم الثاني ... بعد تعب من ساره قام وليان ونوره وعبير والتعب والنوم باين عليهم الي قامت وتكرفس ريلها وتطيح والي دعمت في الطوفه والي تبي تدخل الحمام وانتو بكرامه نامت عند بابه ... كانت حالتهم مأسا وساره قاعده وتضحك عليهم وعقب نص ساعه عقب ماصححوا نزلو تحت حق الغدا .. وجافوهم توهم بيتغدون..
نوره : ليش ماتنطرون احد
ناصر : والله بطونا ماتنطر حضرت جنابج تتفضلين وتقصين شريط الاكل
نوره:نصور كل لقمه كلتها وانا محد ماراح تحدر
ليان: شفيكم هدو تر كله اكل
ساره: ويه يا ليان هاذا اهم كله هواش توم وجيري مكبرين
ناصر: ليانو لاتسوين فيها حليوه تر امي ماتطق
ليان "ضحكت":الا وينهي امي "الكل انصدم"
ام ناصر:اكاني هني يمه
راحت لها ليان وباستها على راسها وردت حق طاوله الطعام ..
ليان : الا وين وليدو
ناصر : خامد فوق
عبير: ليشم اقعدته
ناصر :تعبان كسر خاطري
ليان: ماعليكم احين بشم الاكل وبينزل"وتاشر بيدها انها تعد لين الخمسه"
الا وليد نازل ركيض خلصتوا عني الغدا ماتنطرون انتوا
الكل:هههههههههه
ناصر"واهو يضحك":والله يبتيها ليانو
ليان : اعجبك
وبدوا ياكلون: وعقب ماخلصوا تمو يسالفون ويتفقون على طلعه حق اليل .. شوي ولا داخل العصر..
ام ناصر تنادي ليان: لياان ليان
ليان: نعم يمه
ام ناصر: يمه رفيجتج عند الباب
ليان :من
ام ناصر :ما ادري والله يابنيتي روحي جوفيها
ليان: ان شاء الله
طلعت ليان ونست تلبس شيلتها بطلت باب الحديقه جافت هيفاء رفيجتها من الابتدائي يات لها ركيض يوم درت انها وصلت البحرين..
ليان: هيوووف "وضمتها"
هيفاء بين دموعها : ياحماره اشتقت لج وايد
ليان انتي اكثر
ودخلت وياها الحديقه وجلسو على الجلسه الي في الحديقه ونادت الخدامه عشان تيب لهم عصير ... وتمو يسالفون والوقت يمر.. الا الجرس يدق ...
ليان: ثواني باجوف الباب وراده
هيفاء : اخذي راحتج حياتي
راحت ليان وفتحت الباب وجافت فيصل ومن جافها فيصل راح عالم ثاني بشكلها بالجينز والبلوزه وشعرها الي يطيره الهوا كان شكلها روعه ...
فيصل "بالغلط":ملاك
ليان: شنو!!
فيصل" استوعب حق روحه": اقول لج عبير جاهزه
ليان: ثواني اناديها لك
فيصل : اخذي الوقت كله
راحت ونست تسكر الباب .. وكانت عيون فيصل عليها لين مادشت البيت ... خبرت عبير ان فيصل برع وعبير طلعت وياها ... سلمت عليها وراحت ... ردت حق هيفاء وتجوف نوره قاعد وياها وطاقينها سوالف وضحك على خبال نوره...رن تلفون هيفاء
هيفاء:الللووو
...:يلا مدام انا في برع
هيفاء: اوكي
...سكرته..
هيفاء :يلا بنات القعده وياكم ماتنمل بس مضطره اروح اجوفكم على خير
ليان ونوره : عيديها عاد
هيفاء : ان شاء الله
وسلموعليها ووصلوها للباب .. وركبوا عقبها فوق ..يجهزون حالهم حق طلعتهم ويا عيال وبنات عمامهم ...
في بيت بويوسف..

بويوسف: قلت لا يعني لا غير ولد عمج مالج
مروه : يبه بس انا ما ابيه
بويوسف : شي راجع لج جهزي حالج الاسبوع الياي ملجتج
مروه: يبه حرام عليك كفايه ماعندي ام توقف وياي في عرسي بتحرمني من ولد خالتي الي من الصغر انا وياه حق بعض..
طراااااااااااااااااااااااااااااااااخ على خد مروه سدحها ف الارض
بويوسف: والله وطلع حسج يامروو وقمتي تراددين
مروه بين دموعها : اكرهك والله لا انتحر لازوجتني اياه
وصعدت غرفتها تبكي بحرقه من معامله ابوها لها...

نرد للبنات .. جهزوا حالهم وناصر كان ينتظرهم في السياره ركبوا وراحوا للستي كانوا متفقين يتيمعون صوب السينما...
ووصلو هناك قاعدين يفكرون اي فلم يدشون كلهم يبون مصري ال اليان وفيصل يبون اجنبي وفي النهايه دشوا الكل مصري وليان وفيصل دخلوا رعب اجنبي اكشن....
في الفلم المصري الامور مستتبه والضحك جو الكل .. اما في الاجنبي وعند ليان وفيصل بالتحديد كانوا مندمجين ومره وحده يطلع شبح يخرع ف الفلم مع صوت يرعب ومن خوف ليان ماحست بعمرها واهي راميه راسها على سدر فيصل وضامته من الخوف يوم استوعبت حق روحها ابتعدت وويها احمر من الخجل .. ضحك فيصل على شكله .. ومرر يده داخل شعره الناعم الاسود بحركه خققتها عليه... خلصو الافلام وتعشوا وراحوا البيت وتمت ليان مستحيه من فيصل لين ماوصلو البيت...وارتاحت يوم الكل رد بيتهم وماتم فيصل كانت خايفه يفهم حركتها غلط ..
وعند فيصل وصل البيت سيده على غرفته رمى روحه على السرير ومرر يده داخل شعره وضحك واهو يقول ليكون حبيتها يافيصلو ."قال في خاطره ويني وين الحب مجرد اعجاب اعرف روحي عدل".. ضحك يوم تذكر شكلها خذ له شور وانسدح ونام ..

"والي ماكانو يعرفونه ثنيناهم ان عيونهم مع بعض غمضت وفي نفس الوقت ناموا"







توقعاتكم عشان اكمل الرووايه البارت جاهز بس انتظر الردود؟؟

Mesho AL3amrii


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-05-2013, 12:34 AM
غمووض انثى~ غمووض انثى~ غير متصل
©؛°¨غرامي ماسي ¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


ســــــلامووو
I can not afford it ...
البــــــاارت جنــــااان...
نستناك ع/احر الجمر واتمنى يكوووون طوييل موفقة حيااتوو
تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-05-2013, 12:42 AM
صورة meshoal3amrii97 الرمزية
meshoal3amrii97 meshoal3amrii97 غير متصل
©؛°¨غرامي مشارك¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


يشرفني تكونين اول رد على روايتي وانتي الجنان وان شاء الله البارت راح ينزل اليوم الفير او بعد باجر وان شاء الله راح يكون طويل....

وثنكس ع المرور .."اتمنى تكونين من متابعين الروايه لين الاخير"


احترامي:Mesho AL3amrii


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-05-2013, 02:32 AM
صورة meshoal3amrii97 الرمزية
meshoal3amrii97 meshoal3amrii97 غير متصل
©؛°¨غرامي مشارك¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


البارت الثالث




يوم الاثنين الصبح نوره وليان قاعدين من الساعه تسعه نزلوا تحت .. كانوا ابوهم وامهم قاعدين يفطرون تقدموا يمهم وباسوهم على راسهم وصبحوا عليهم وقعدوا على الطاوله...
ام ناصر: نوره ليان شعندكم قاعدين من وقت العاده ماتقعدون الا على ريحه الغدا
نوره: ماكوا امس نمنه من وقت وشبعنه نوم
ام ناصر:اها زين ان شاء الله كل يوم
نوره "ضحكت" :مااعتقد
وقطع حديثهم صوت بو ناصر يكلم ليان
بوناصر: ليان يبه اوراقج مال الدراسه وينهم
ليان : عندي فوق مالي ومال وليد
بوناصر: يبه بس عقب ماتخلصين فطورج قومي يبيهم لي عشان اقدمهم لكم حق السنه اليايه
ليان : حاضر يبه
نوره: يبه ممكن طلب
بوناصر : امري يبه
نوره: يبه نبي نروح الشاليه الكبير
بوناصر: بس هذا طلبج
نوره:اي وطلب ليان بعد
بوناصر: ام ناصر
ام ناصر :سم
بوناصر :سم الله عدوج .. جهزو روحكم بكره الغدا ف الشاليه وراح نبقى هناك اسبوع وانا راح اخبر اخواني
ام ناصر:تامر امر
ليان ونوره قاموا وباسوا راس ابوهم وشكروه وراحوا يجهزون ثيابهم واغراضهم للشاليه ... وطلع بو ناصر للشركه..

ام ناصر تطالع التلفزيون رن تلفون البيت... تررن تررن تررن تررن
قامت ام ناصر ترد ...
ام ناصر :الوو
..:اهلين
ام ناصر : هلا من معاي
...:هذا بيت خالد ال...
ام ناصر :اي نعم امري اختي اخدمج بشيء
....: بغيت خالد
ام ناصر: والله بوناصر مو موجود احين
....: لين رد البيت خليه يكلمني على هذا الرقم ضروري
ام ناصر: خير ان شاء الله.. مع السلامه
...:مع السلامه

...............

عند البنات ....
ليان:نووورووو جفتي حنه الاظافر مالتي الكحليه
نوره: جنها في حجرتي
ليان: وشتسوي عندج بديتي بالنهب
نوره: موجنج امس ناهبه بلوزتي البرتقاليه
ليان: بس بلا معاير
نوره لاتبتدين
دخلت سااره بصرااخها
ساره:نووووروو لياااانووو
نوره وليان : شفيج
ساره : من فيكم خذت بلوزتي التركواز المخططه
نوره وليان "ماتو من الضحك عليها"
ساره : هي انتو انا اتكلم من صجي طلعوها بسرعه
نوره وليان واهم يضحكون دزوها صوب المنظره وجافت البلوزه عليها واهم ميتين عليها من الضحك ...
حبست ضحكتها وقالت لهم:جب وطلعت بسرعه
نوره وليان عقب ماخلصوا سكرتهم من الضحك ..
ليان:نورو شرايج نروح اليوم الستي ونتشره ثياب عن الملل
نوره : اوكي بس من بودينا
ليان :نقول حق نصور
نوره: يلا
وراحوا حجره ناصر وسوو له طيران على الباب لين مابطله ..
نوره:ساعه على ماتبطل
ناصر: كنت ارقص على طقكم
نوره: لا والله
ناصر : اي
قاطعتهم ليان: بس لاتنسونا لييش ياين بهواشكم
ناصر : شتبون
نوره : نصور بتطلع
ناصر :اي باروح ويا فصيل الستي بندور
ليان: نبيك تودينا الستي نشتري ثياب
ناصر: اوكي بس لاتتاخرون لكم ربع ساعه
ال2: اوكي وركضو يبدلون
جهزوا عمرهم ونطروه في الصاله نزل وقال لهم يلا وراحوا وراه مروا على فيصل وخلوا عبير اتيي وياهم وراحوا من محل لين محل ماطلعوا من الستي الا واهم شايلين مليون جيس ..
ناصر وفيصل : آآآآآآآآآ كل هل الثياب متى بتلبسونهم
نوره :شيلو عنا بلا تحلطم
وشالوا عنهم الاغراض وركبوا السياره ونزلوا عبير وفيصل البيت وراحوا البيت رتبوا نص الاغراض وخلوا النص الثاني .. ومن التعب حتى عشى ماتعشوا سيده ناموا.....

فليل في بيت بويوسف وبالتحديد الساعه 12...
ميري: بابا بابا هدا مروه في تيح على ارض انا مايعرف شو فيه هو
بويوسف: شفيها
وراح لها ركيض جافها طايحه على الارض ويمها علبه ادويه فاضيه خذاها وودها المستشفى وسوو لها غسيل معده وكانت تحت تاثير المخدر طول الليل ....

اوو صح ما عرفناكم على بويوسف
بويوسف: محمد اهو تاجر كبير واغلب اعماله مع شركات عايله بوناصر توفت مرته و ولده من 4 سنين في حادث وما بقى له الا بنته مروه
مروه : بنت جميله ضعيفه ملامحها ناعمه بشرتها حنطاويه شعرها قصير لين رقبتها صابغته بني ...

..................
اليوم الثاني الكل متحمس لروحه الشاليه من زمان ماراحوا وتيمعوا فيه ...
في بيت بوناصر ....
نوره :ليانوا يلا اخرتينا
ليان : اكاني نازله
وطلعوا وراحوا الشاليه ويوم وصلوا ساعدوا بعض في تنزيل الاغراض وترتيبهم ... تذكرت ليان انها نست فونها ف البيت طلعت بسرعه وراحت حق ناصر....
ليان:نصووور قووم ودني البيت نسيت فوني
ناصر : مولازم
ليان :عاد
ناصر: بعدين تعبان احين
ليان : اففففففف واهي طالعه
فيصل دش وفي ويهه ليان طالعه تتحلطم ...
فيصل : نصور شفيها اختك تحاجي روحها
ناصر : تبيني اوديها تروح تاخذ فونها نسته وانا تعبان
فيصل: اوديها عنك انا اوردي نازل الديره بايب اغراض الباربكيو
ناصر : والله تسوي خير بس حط بالك عليها
فيصل:توصيني على بنت عمي نادها اقول انطرها ف السياره
ناصر :ماطلع من يزاك ياخوي
ومشه فيصل ينطر ليان في السياره .. وناصر خبر ليان وليان ترددت ف البدايه بس مضطره شتسوي ورضت ... راحت السياره وركبت وره سلمت ورد عليها فيصل وقال لها
فيصل:ليش قاعده وره ليكون سايق انا
ليان : موعن
فيصل "قاطعها":تعالي جدام لاتمين على مذله نصور
ليان : بايي جدام خلاص
فيصل : اي هلون
وحرك فيصل ونص الطريج تقريبا كان الهدوء يعم المكان لين ماشغل فيصل الــ اف ام واغنيه
احبك حب يامجنون لكن ما اقدر احكي لك
احبك يابعد هل الكون روحي ماتبي غيرك
فيصل مايدري ليش حس بشعور غريب داخله وجنه يقول له صارخ وقول الاغنيه اهداء لج .. بس ماكان متأكد من مشاعره خايف تكون نزوه وتعدي ...
وصلو البيت ونزلت بسرعه ونزل وراها بما ان مافي احد بالبيت واهي امانه عنده نطرها يم الدرج راحت ركيض خذت الفون واهي نازله تزحلقت بدفتها وطاحت على الدري جرب منها فيصل
فيصل: ليااان لللليااااان لللللللياااااااااان
واهو يطقطق على ويها ونص جسمها في حضنه خذها بسرعه مثل المينون مسرع السياره ووصل المستشفى اتصل على اهله وخبرهم بالي صار نص ساعه والاهل كلهم في المستشفى فيصل ما انتبه حق ثوبه المتروس من دمها .. طلع لهم الدكتور وطمنهم ان شوي رضوض واغماء وان بحطونها تحت الملاحظه 24 ....ونوره جن جنونها من الصياح خافت تفقدها وهل المره للابد بس الله ستر ....

وفيصل حالته حاله يلوم روحه في الثانيه مليون مره ان اهو السبب لو كان منتبه لها وكانت دموعه بتنزل بس سيطرعليها ...وارتاح يوم طمنه الدكتور ...
....
عقب يومين من الحادثه الي صارت كانت عايله بوناصر كلها متيمعه في الصاله سووالف وضحك ... تذكرت ام ناصر المره الي اتصلت قبل جم يوم..
ام ناصر: الا اقول بوناصر
بوناصر: امري
ام ناصر: مايامر عليك عدو ولا ظالم من جم يوم اتصلت وحده على البيت وقالت تبي تكلمك ضروري عطتني رقمها وتوني متذكره..
بوناصر: من هاي
ام ناصر : والله مادري مارضت تقول اسمها
بوناصر: وين الرقم
ام ناصر "عطته الورقه":سم
بوناصر: سم الله عدوج
واتصل على الرقم وعم الهدوء في الصاله ...
يرن التلفون في البيت الثاني ترررن ترررن تررن تررن ردوا على التلفون...
بوناصر:الو السلام عليكم
...:وعليكم السلام هلا خالد
بوناصر:عفوا من معاي
....:خالد انا..... ماعرفتني؟؟
بوناصر: انتي؟؟
............................................




توقعاتكم وردودكم من تتوقعون المره المجهوله؟؟
Mesho AL3amrii


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-05-2013, 07:28 PM
صورة meshoal3amrii97 الرمزية
meshoal3amrii97 meshoal3amrii97 غير متصل
©؛°¨غرامي مشارك¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


تبون البارت الرابع او لا؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-05-2013, 08:22 PM
صورة بيكا | * الرمزية
بيكا | * بيكا | * غير متصل
©؛°¨غرامي فعال ¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


رووووووووووووووعـ‌هه البــآرت يسلموو …
يب نبغـــى بــآرتت ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-05-2013, 03:16 AM
غمووض انثى~ غمووض انثى~ غير متصل
©؛°¨غرامي ماسي ¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


الله الله الله البارت جميل اكتيــررر..

اسلوبك رائع بشكل لا يوصف ..


غموضك يجذب بشكل كبير للبارتات ..

بصرحه ابداع تسلم يدك على هذا البارت ..

ننتضرك في المزيد من ابداعك ..
ودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-05-2013, 09:57 AM
صورة دَمُوع الرمزية
دَمُوع دَمُوع غير متصل
©؛°¨غرامي جديد¨°؛©
 
الافتراضي رد: ناظرت في عيونك ونستني عذابي.. كيف لي من دونك اكتب كتابي


بـداية جميلة . . موفقة بإذن الله

الرد باقتباس
إضافة رد

ناظرت في عيونك ونستني عذابي كيف لي من دونك أكتب كتابي/بقلمي

الوسوم
اكتب , دونك , عذابي.. , عيونك , واغرب , ونستني , كتابي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مدرسة المشاغبين السبع ! / الكاتبة : وردة حمراء , كاملة فراشة الوداع روايات كامله - يتم نقل الرواية هنا بعد اكتمالها 708 27-10-2013 12:16 AM
حياة الروح WhItE HoRsE أرشيف الروايات المغلقة - لعدم إكتمالها 1120 15-10-2008 02:15 PM
وش تقووول للي في بالك الحين / جــزء جديــد ^_^ بنوته عسوله العاب - مسابقات 2163 03-10-2007 05:07 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
عنايتك بعيونك أفضل تمارين لتحسين جمال عيونك aaaابن الغرامaaa عالم حواء - العناية بالبشرة - اسرار البنات 15 07-06-2007 10:51 PM

الساعة الآن +3: 01:17 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1