غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-05-2013, 07:30 PM
صورة 7looma الرمزية
7looma 7looma غير متصل
©؛°¨غرامي جديد¨°؛©
 
B10 روايتي الاولى: رحلة عمري


السلام عليكم ورحمة الله وبركاته
أرحب بالكل وبكل من يحب يقرا قصص رومانسية روايتي عبارة عن رواية رومانسية من العيار الثقيل ممكن تكون الأفكار فيها جرأة ومجازفة بس اعتبرها مجازفة حلوة لفكر جديد لكتابة جديدة ماراح أطيل عليكم الرواية من وحي الخيال وأنا اكتب كنت اشوف الشخصيات كأني اتابع مسلسل وابيكم تحسون بهالشي من خلال نقلي للرواية .

يالله اتمنى لكم قراءة ممتعة واتقبل النقد البناء مو الهدام عشان نتقدم ونتطور في الكتابة


في حي الوفاق من أحياء منطقة أغادير في المغرب بيت " أم كريم " اللي معروفه بين جيرانها بطيبتها وباحترامها واحترام أولادها


( أحلام ) البنت الكبيرة اللي معروفه بجمالها الطاغي الملفت وبجمال أخلاقها عمرها 20 سنة شعرها أسود غجري المتناسق مع لون بشرتها الذهبية عيونها وساع عسلية تغطيها رموش كثيفة جمالها ساحر.. كانوا يتقدمون لها كثار رغم صغر سنها إلا انها ترفض لأن ما تبي تخلي أمها بروحها خاصة بعد وفاة عمها ( زوج أمها ) اللي ما قصر معاها وكان مربيها مثل بنته ما كملت دراستها وفضلت تساعد أخوها بالشغل وقت يكون اهو بالمدرسة تستلم بداله .


( كريم ) يحب دراسته وايد عمره 18 رغم صغر سنة إلا ان كان ذكي جدا تعلم من أبوه وايد شغلات أولها الكرم يعني اسم على مسمى ثاني شي يحب يعتمد على نفسه مسك شغل ابوه لآن ام كريم بعد ما توفى زوجها كانت حريصة على هالمكان تحبه كثير تحسه من ريحة المرحوم ونفس الشي أولاده وبدا يدير ( كافيه نت ) عبارة عن كافيه رغم إن ما كان كبير إلا أن ب ديكوره اللي رغم بساطته إلا كان يضفى جمال للمكان كان الديكور عبارة عن غربي مغربي ألوانه جميلة فيه كاونتر صغير حق المشروبات وكورنر للعب البلياردو وكذلك كمبيوترات للانتنرت للزباين وكان يوفق بين دراسته والشغل بالكافيه أما بالنسبة حق معاملته لخواته كان يخاف عليهم ومجنن إلهام اخته الصغيرة يغار عليها بس مع هذا إلا أن خواته يحبونه ويحترمونه .


( إلهام ) الأخت الصغيرة اللي مطلع عينها كريم ويغار عليها وايد صج إن لسانها طويل رغم صغر سنها عمرها 15 إلا ان شخصيتها وايد قوية وملسونه وتحب تساعد أمها كثير بالمطبخ تحب تسوي الشغلات اللي تحسسها أنها كبيرة مو صغيرة .


بس كلهم يحبون أحلام ويحترمونها وايد من حب أبوهم لها فما كانوا يحسون أبدا أن أحلام من أبو ثاني وبينهم غيره بالعكس كانت المحبة تملي البيت من تربية هالأم اللي صبرت من بعد وفاة زوجها بتربية هالأولاد



تعديل 7looma; بتاريخ 20-05-2013 الساعة 08:26 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-05-2013, 07:40 PM
صورة 7looma الرمزية
7looma 7looma غير متصل
©؛°¨غرامي جديد¨°؛©
 
الافتراضي رد: روايتي الاولى: رحلة عمري! ... روايه كويتيه




(((( رحلة عمر ))))


الفصل الأول
على صوت آذان الفجر كانت أم كريم كعادتها قاعدة راحت غرفة كريم لقته نايم بين هالكتب اللي بكل مكان أخذت ترتبهم له وتدعي له من قلبها أن الله يوفقه بامتحاناته ويحفظه لها لآن مالها غيره
- (كريم حبيبي فيق باش تمشي للجامع تصلي )
الترجمة : كريم حبيبي قوم يالله صلاة عشان تروح المسجد
- كريم بصوت نايم : (امي صافي دابا نوض )
الترجمة : يمه الحين الحين أقوم .
-( يلاه حبيبي ماتخليش الشيطان يغلبك ياربي يوفقك ويخليك نوض باش نفيق خواتاتك )
الترجمة : يالله يا حبيبي لا تخلي الشيطان يغلبك عسى الله يوفقك ويخليك قوم عشان أقعد خواتك
- كريم قام يفرك عيونه : (صافي فقت فقت )
الترجمة : يالله قعدت قعدت
دخلت غرفة أحلام لقت التلفزيون شغال كعادتها ما تحب تنام والتلفزيون مطفي وكلها هدوم على الأرض وأم كريم تتحلطم وهي تجمع الملابس من على الأرض : يا ربي على هالبنت مادري متى تخلي عادتها . كانت أحلام تحب اللبس وايد أنيقة في اختياراتها رغم بساطتها إلا أن جمال جسمها يحلي أي شي تلبسه ولازم قبل ما تنام تقعد تجرب بهالملابس تسوي عرض أزياء قدام المرايا لما تتعب وتحط راسها وتنام ، شافتها أمها شلون كانت حاضنه المخدة ونايمة بعمق شعرها مغطي على ويهها كانت مثل الملاك واهي تشوفها أمها تذكر فيها أيام شبابها لأنها تشبهه وايد قربت منها وباستها .
- (حبيبه احلام نوضي تصلي )
الترجمة : حبيبتي أحلام قومي الصلاة
احلام هزت راسها بكسل ضحكت الأم على حركتها
- ( فوقاش نفرح بيك فدارك ياربي ترزقها بالراجل اللي يبغيها ويخاف عليها )
الترجمة : متى افرح فيج ببيت زوجج ومدت إيدها وبدت تدعي يالله ترزقها بزوج يحبها ويخاف عليها .
احلام حطت ايدها على حلج أمها باصابعها الناعمه همست لها بكل نعومة
- (ماغاديش نخلي الغاليه )
الترجمة : ماراح أخلي الغالية
وطبعت بوسه على خد امها بقوه اللي أمها قالت
- (وجعتيني )
الترجمة : عورتيني
قامت الأم وطلت على الهام طبعا الهام لو تقعدها من الحين لي بكرا ما راح تقوم لأن نومها ثقيل .


الصبح كعادتهم اجتمعوا على الفطور ( الريوق )
احلام : (ماما علاش مانمشيوش نخيمو ملينا خلينا نبدلو شويه نمشيو البحر بحال العام لي داز كان واعر)
الترجمة : يمه ليش ما انروح انصيف والله ملينا خنغير شوي ودي انروح البحر مثل العام كان وناسه واستانسنا وايد
كريم : (اه والله اماما بما ان غدا اخر نهار الامتحانات محتاجين نبدلو الجو وحتى انتي اكيد مليتي من الجلسه ف الدار )
الترجمة
: اي والله يمه بما ان بكرا اخر يوم اختبار نحتاج والله منها انتي بعد اكيد مليتي من قعده البيت
الأم : (لا بالعكس مانملش وانا بين حبابي وجيراني )
الترجمة : لا بالعكس بين احبابي وجيراني ما بمل
الهام : (شنو خذينا من هاد الجيران خلينا نبدلو الجو ولا نمشيو عند عمامي لآسفي )
الترجمة : شنو ماخذين من هالجيران بين أحبابي وجيراني خلينا يمه انغيير ولا خنروح حق عمامي بأسفي ( منطقة ثانيه تبعد عن أغادير )
الأم تضايقت من اقتراح الهام
كريم عصب وبنبرة حادة : (مليون مره قلت ليك ماتجبديش هاد الموضوع واللي مابغاناش مانبغيوهش فين كانو فاش مات خوهم علاش ماتفكروهش من قبل ماشافوهش حتى فاش كان مريض ولا سولو فينهما دابا؟ولا غير فاش حسابليهم عندنا الفلوس زارونا ماشي حب فينا وانتي باغيا تلصقي عليهم بسيف والله ما كاتحشمي )
الترجمة : مليون مره اقولج لا تجيبين هالسيرة واللي ما يبينا ما نبيه وينهم وقت مات أخوهم وين قبل ما اذكروه حتى ما شافوا وقت ما كان مريض ولا سألوا وينهم الحين ؟؟ما ذكرونا . وقت حسبوا أن عندنا فلوس زارونا مره ولا موغلا فينا بتعرضين ويهج لهم والله انج ما تستحين
الأم ظلت ساكتة وراح تفكيرها لأيام لا يمكن تنساها وقت عرفت أنها مو مرغوب فيها بين أهله خاصة وقت دروا أن عندها بنت وأهو للحين ولد ما تزوج وكان يبيها يحبها بجنون عاند أهله اللي قاطعوه بسبتها حتى بأيام مرضه بأيامه الأخيرة ما اذكروه ولا زاروه رغم أنها تحاول أكثر من مره أنها تواصلهم ببعض إلا أن كانوا يكرهونها كره العمى ويكرهون عيالها .
الهام شافت أمها حست بتأنيب الضمير : ( انا ماقصدت والو غير كان اقتراح وصافي )
الترجمة : انا ما قصدت شي والله بس كنت .. كنت اقترح مو أكثر
الأم ابتسمت وبتلطف الجو قالت لهم : (صافي موافقه نمشيو نخيمو غدا نرتب كلشي ونمشيو نبدلو الجو ونفرحو)
الترجمة: خلاص أنا موافقة نروح نصيف بكره نرتب كل شي ونروح وبنغير جو وبنستانس احضنوها أولادها لأن عمرها ما قصرت عليهم بشي .
أحلام ركضت لغرفتها أخذت موبايلها واتصلت على بنت جيرانهم صديقتها تحبها وايد رغم انها استغلالية وايد تحب تتسلف من أحلام وأحلام تعودت على طبعها خاصة أنها تكشخ على حسابها ويالت ترجع اغراضها لا يتصدرون على طول يعني سلف دائم ههههههه
- الو بسمه كيدايره لاباس عليك
الترجمة : الو بسمة شلونج شخبارج؟
- الحمدلله وانتي كيدايره ؟
الترجمة : الحمد الله .. أنتي شخبارج ؟
- لاباس الحمدلله خليني نقولك غدا غاديين نخيمو وغادي تجي معانا متقوليش ليا شي عذر
الترجمة : الحمد الله خليني اقولج بكرا بنروح المصييف بتيين معانا ومابي اي عذر .
- بصح الله,, ولكن نخاف ماما ماتبغيش
الترجمة : صج وناسه!! بس اخاف امي ما ترضى
- ماشي شغلي هدري معاها ومنها تجي تنوس ماما
الترجمة : مو شغلي كلميها منها تجي عشان امي تستانس
- واخا دابا نهدر معاها ونرجع نتاصل بيك
الترجمة : خلاص بكلمها وبرجع اتصل عليج
بعد ما سكرت منها طلعت جنطة كبيرة وفتحت الكبت وحطت ايدها على خصرها بدت تفكر وتختار شنو بتاخذ وشنو ما تبي تاخذ .


(بيت أم بسمة )
( أم بسمة ) تشتغل خياطه معروفة بالحي ولها زباين وايد واجتماعية أما زوجها ( ابو بسمة ) متقاعد معتمد على ام بسمه اعتماد كلي شخصيته ضعيفه بالنسبة لشخصيتها عندهم أربع بنات الكبيرة (سلوى ) متزوجة وعندها ولد وبنت وساكنه قريب منهم وتزورهم من وقت لي وقت
( بسمة ) اكبر من أحلام بخمس سنين تشتغل مصوره بأحد المجلات السياحية ومرات كانت تحب تاخذ أحلام وتصور فيها يتخبلون قدام الكاميرا كان جمال بسمة عادي شعرها أحمر كيرلي فيها نمش خفيف بشرتها بيضة أما ( داليا وغادة ) خواتها التوأم 17 سنة صديقات إلهام ويحبونها .
بسمة : ماما يالاه هدرت معايا احلام وقالتلي غاديين يميشو يخيمو وبغاونا نمشيو معاهم
الترجمة : يمه توها اتصلت علي احلام تقولي انهم بيروحون المصييف ويبونا انروح معاهم
ام بسمة واهي تشتغل بمكينه الخياطة : مانظنش عندي فساتين خاصني نعطيهم لمولاتهم ف وقتهم ونظنش تمشيو معاهم اعتذري ليهم
الترجمة :ما اتوقع عندي فساتين لازم اسلمهم بوقتهم ما اتوقع نقدر انروح اعتذري منهم .
بسمة : ميمتي مامليتيش من المكينه ملينا من صوتها بغيت نمشي معاهم والله بغيت نبدل الجو بحال العام اللي داز عفاك على قبلي ماترديهاش فوجهي
الترجمة : يمه ما مليتي من المكينه ملينا حتى من صوتها ابي اروح جد ابي نستانس معاهم مثل العام يالله بليز عشاني لا تردينا .
ام بسمة : المكينه وصاتها هي اللي كايوكلونا ايوا شنو نقول لام رشيد كساويها ماساليتهمش
الترجمة : هالمكينه وصوتها اهي اللي توكلنا طيب شبقول حق أم رشيد فساتينها ما خلصتهم .
بسمة بتسكتها : هدري معاها قوليلها الى مامزروباش عليهم والى بغيتيني نقنعها نقنعها
الترجمة : اتصلي عليها قوليلها اذا مو مستعجله عليهم واذا تبيني اقنعها اقنعها
ام بسمة : صافي دابا نهدر معاها .
الترجمة : طيب انا بكلمها خلاص
باست أمها وخبرت داليا وغادة وطارو من الفرح انهم اخيرا بيروحون يغيرون لأن الأجواء بالمصييف أجواء ثانية .




في أحد أرقى فنادق أغادير السياحية المطلة على البحر
في غرفة 2013 تحديدا طق الباب طقات قوية مزعجة اللي صاحب الغرفة عصب خصوصا أن كان يغطي ويهه بالمخدة يبي يمنع هالازعاج لأن لو قام راح يرتكب جريمة بس الصوت مستمر قام بخطوات سريعه واهو متحلف من اللي يطق الباب .. فتح الباب ولا شخص يعرفه زين
- فراس : ناصر للحين نايم من متى واحنا واصلين يالله يبه خلنا ننزل ودخل واهو خايف من نظره صاحبه له اللي عارف لو ما دخل بيرتكب فيه جريمة .
- ناصر تعوذ من الشيطان : وقال في احد يطق الباب جذي !!!!
- ضحك فراس : اعرف اطبل !!؟؟
- ناصر : هاهاها بايخ
- فراس : ادري بس والله ما يينا من الكويت عشان اقضيها نوم يالله ينطرنا تحت مشاري اتوقع حتى ( تريق ) وخلانا
- ناصر : طيب طيب الحين اخذ شاور وانزل اسبقني انت
- فراس : واذا رجعت تنام شسوي
- ناصر بعصبية : بتنزل ولا شلون
- فراس : طيب طيب من أولها هالمزاج الخايس الشرهه على اللي يسافر معاك وفتح الباب بسرعة وانحاش
ضحك ناصر على صاحبه ودخل ياخذ شاور
(ناصر) من عايلة مرموقة بالكويت على رغم من حدة طبعة وعصبيته ألا أن كان طيب وحنون على أهله وربعه عمره 32 اللي ما يعرفه ما يعطيه هالعمر يعطيه اصغر لوسامته جسمه رياضي لون بشرته حنطاويه ملامحه حادة لحيته خفيفه ابتسامته جذابة دايما الانطباع الأول اللي ينوخذ عنه مغرور لكن اللي يعرفه ينأسر بشخصيته القوية وحكمته وذكائه اهو اكبر أخوانه ابوه يعتمد عليه اعتماد كلي بالمسائل الصعبة يلجأ حقه بنفس الوقت مستقل بذاته له مشروعه الخاص بالعقار وناجح فيه أما أخوه( حمد ) يعتمد على أبوه اعتماد كلي سابقا بس بسبب ناصر خلاه يحس بالمسئولية واقنعة يشتغل مع ابوه لان ابوه يحتاج أحد من عياله يشتغل معاه ويساعده ومنها يبي حمد يحس بالمسئولية وكانت نظرته بمحلها . ( ريم ) اخت ناصر ودلوعته يحبها وايد عمرها 20 سنة واهي دلوعة البيت .
طلع ناصر من الحمام والفوطه على خصرة بجسمة المبلول ببروز تقاسيم عضلاته بشكل انيق يتماشى مع طولة مبين عليه واهو يختار ذوقه رفيع مرتب ملابسه على ثلاث تقسيمات ملابس الخاصة للبحر وملابس سبورت جينزات وتيشرتات وملابس رسمية قرر يلبس تيشرت ابيض وجينز ازرق ونزل حق ربعه اللي حتى ما انتظروه خاصة فارس اللي قعد ياكل
- مشاري : اخيرا قعدت !!
ناصر ولا كأن سمع شي وطلب من الويتر: بليز .. قهوة
- مشاري : ليش تأخرت علينا
- ناصر : ما تأخرت شفيكم محسسيني اني بالدوام مو يايين اجازه خلوني اشبع نوم ما نمت
- فارس واهو ياكل : مافي وقت للنوم نبي نستانس بكل دقيقة انا حبيت الجو صراحة المكان اهني خيال واللي فيها خيال واهو طبعا يتغزل بالبنات .
ناصر عطاه نظره : أقول خلص الأكل اللي بحلجك وتكلم
ضحك مشاري : زين وين تبونا نروح شنو برنامجكم؟
ناصر : ما أدري أنت القايد اختار واحنا معاك بعد ابتلشت فيكم ههههههه
رن موبايل ناصر ولا أمه كانت تتصل نسى أن أمس أول ما وصل ما اتصل عليها جاوب على موبايله سمع أمه : ليش ما طمنتني عليك انك وصلت ولا تحبون تخلوني أحاتيكم .
- ناصر يمه ماكو شي تحاتينه هذا انا وصلت يطولي عمرج وين رايح يعني اول مره اسافر الله يخليج لي مو اول مره .
- ام ناصر : لا أنت عودتني تكلمني أول ما توصل ولما ما دقيت ما قدرت حتى أنام .. طمني يا قلبي أنت .
- ناصر : طيب حاضر حقج علي يالغالية بس امس نمت على طول
فارس كان يأشر لناصر عشان يسلم على أمه كمل ناصر: يمه فارس يسلم عليج
- ام ناصر: الله يسلمك ويسلمه عاد أمس أمه عندي ( فارس وناصر مو بس ربع حتى أهلهم من عمر مع بعض من عمر رابين مع بعض ) زين بوصيك على اغراض
- ناصر : اوكي من عيوني بس دزيلي مسج وانا حاضر منها عشان ما انسى
طلعوا ثلاثتهم وتوجهوا حق سوق أغادير يعتبر سوق شعبي والقايد مالهم مشاري لأن مشاري زاير المغرب من قبل لكن ناصر وفارس أول مره يروحون لها .


طق جرس باب بيت أم كريم وفتحت ولا أم بسمة تحاول تستعجلهم سلموا على بعض ودخلت أم بسمة وكانها صاحبة البيت من كثر ما كانوا قراب من بعض أم بسمة مليانة تحب تحط مكياج على رغم من انها كبيرة اكبر من ام كريم تحب تتشبب عكس ام كريم كانت جميلة رغم ان الحزن كبرها بس للحين جمالها موجود رغم انها كبيرة .
أم بسمة : جمعنا كلشي والبنات صدعوني بغاو يمشيو مافيهمش الصبر راهم يديو الحوايج للطوموبيل
الترجمة : جهزنا كل شي كلوا قلبي هالبنات يبون يروحون مافيهم صبر قاعدين يحطون الاغراض بالسيارة
ضحكت ام كريم : حرام والله حنا الي مشغولين عليهم خليهم يفرحو شويا وحنا ماكانفرحو غير لفرحهم يا ام بسمه
الترجمة : حرام والله احنا اللي مشغولين عنهم خليهم يفرحون احنا ما نفرح الا بفرحهم يا ام بسمة


أم بسمة : اه والله الى عندك الحق .. ساليتي كلشي ولا نجي نعاونك
الترجمة : اي والله معاج حق .. خلصتي كل شي ولا تبيني اساعدج ؟!؟!؟!
أم كريم : (اه حبيبه ديالي احلام دارت كلشي ماكاتغليني ندير والوماكاتخليني )
الترجمة : أي جهزت لي أحلام حبيبتي سوت كل شي تعرفينها ما ترضى أسوي شي .
أحلام متعلقة بأمها وايد تشوف فيها أمها وأبوها وصديقتها تحاول على كثر ما تقدر ما تخلي أمها تحتاج لشي فضلت ما تكمل دراستها عشان تريح أمها وبرايها أن جاء الوقت اللي ترتاح فيه لآنها تعبت عليهم وايد رغم طيبة أحلام وحنانها إلا أنها تصير شرسة إذا فكر أحد يتعرض حق عايلتها وبالذات أمها .
أم بسمة : الله يحفظها ,,, بسمه حجزت كلشي و شافت لينا واحد الاوتيل على البحر وثمنو زوين ف الخدمه عطاوها تخفيض عليه وغادي نتشاركو فيه
الترجمة : الله يحميها .. بسمة حجزت كل شي ورتبت لنا الفندق على البحر وسعره حلو شغلها عطوها خصم ممتاز بنتشارك بالسعر ( لأن تعرف طبع أم كريم ما تحب أحد يدفع لها ) .
أم كريم : مزيان اهم حاجه هي يفرحوا الدراري .
الترجمة : ممتاز أهم شي يستانسون هالأولاد .

طلعت أحلام من غرفتها كانت لابسه بنطلون ثريكوارتر ابيض وتيشرت زهري يعكس جمال بشرتها ورافعه شعرها كانت مرتبة وحاطه حمره ورديه ناعمة وكحل بسيط يبرز جمال لون عيونها .

أحلام : ماما انا ساليت صافي
الترجمة : ماما انا جاهزه وخلصت
أم كريم : واخا آماما كريم سبقكم تحت نزلي لعندو يالله انا دابا غادي نزل
الترجمة : اوكي يا ماما كريم سبقكم تحت نزليله يالله انا الحين انزل
أحلام : واخا يلاه غادي نتسناوكم لتحت
الترجمة : طيب يالله ناطرينكم تحت .
نزلت أحلام وظلت ام كريم وام بسمة استغربت ام بسمة حست أن أم كريم فيها شي ومو على بعضها .
أم بسمة : مالكي ام كريم اشنو واقع؟
أم كريم التفتت تبي تتاكد ان الكل نزل وقالت : آه
الترجمة : اي
أم بسمة : هدري خلعتيني اشنو كاين؟
الترجمة : قولي خرعتيني شفيج ؟



- شنو الشي اللي مخلي أم كريم مو على بعضها !؟!؟
- هل راح يأثر اللي بتقوله على عيالها ؟!؟!
راح انعرفه إن شاء الله في الفصل الثاني



تعديل 7looma; بتاريخ 20-05-2013 الساعة 08:17 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-05-2013, 08:32 PM
صورة اسيره مشعل الرمزية
اسيره مشعل اسيره مشعل غير متصل
©؛°¨غرامي مشارك¨°؛©
 
الافتراضي رد: روايتي الاولى: رحلة عمري! ... روايه كويتيه


ررررررررررررررررروووووووووعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-05-2013, 08:40 PM
صورة 7looma الرمزية
7looma 7looma غير متصل
©؛°¨غرامي جديد¨°؛©
 
الافتراضي رد: روايتي الاولى: رحلة عمري! ... روايه كويتيه


مشكوره اختي اسيره مشعل
اتمنى الاقي ردود تشجيعيه عشان اقدر اكمل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-05-2013, 08:44 PM
صورة 7looma الرمزية
7looma 7looma غير متصل
©؛°¨غرامي جديد¨°؛©
 
الافتراضي رد: روايتي الاولى: رحلة عمري! ... روايه كويتيه


الفصل الثاني
أم كريم : التفتت تبي تتاكد ان الكل نزل وقالت : أي ..
>اه
أم بسمة : قولي خرعتيني شفيج ؟
>هدري اشنو كاين؟
أم كريم : معاذ قاعد يبعثلي رسايل يهددني يبي ياخذ من عيالي الكافيه
>معاذ كايصيفط ليا مساجات كايهددني بغا ياخد لولادي الكافي
( معاذ ) أكبر أخوان (يوسف) زوج أم كريم طماع ويحب الفلوس عنده حلاق والحين حاب ياخذ من هالمسكينة الكافية لأن ما عندها أحد .. معاذ متزوج وزوجته طماعة مثله
عيالهم (هيثم) الكبير34 سنة عايش بفرنسا و( زياد) عمره 27 سنة يساعد أبوه .
أم بسمة : ياكل .. ما كفاهم والله عينهم قوية شنو هالبشر!! .. قلتي حق عيالج؟
>ماكفاهمش والله ما كيحشمو شنو هاد البشر ... قلتي لولادك ؟
أم كريم : لا مابي اضيق خلقهم أصلا أنا مو قاعد أرد على تهديداته اللي يبي يسويه يسويه عندي الأوراق وكل شي ماله حق بولا شي هذا حق عيالي .
>لا مابغيتش نقلقهم اصلا انا ماكنجاوبوش على تهديدات ديالو اللي بغى يديرو يديرو عندي لوراق وكلشي ماعندو حتى حق ف شي حاجه هذا حق ولادي
أم بسمة : اكيد انتي لا تضيقين نفسج وامشي الحين نروح ونستانس واللي ما يطوله بيده يوصله بريوله .
>اكيد انتي ماتقلقيش ويالاه دابا نمشيو نفرحوا واللي ماوصلو بيديه يوصلو برجليه
صوت كاميرا ناصر كانت تلتقط أجمل الصورلأجمل الأماكن في أغادير وكان منبهر بجمال المكان وقاعد يصور كل شي لأنها هوايه من هواياته أما فارس كان مبهور بجمال بناتهم اللي فعلا يتميزون بجمال عربي أصيل كان المكان فيه خليجين وفيه أجانب بحكم أن المنطقة سياحية أما مشاري كانت عنده علاقات ومعارف بحكم أن يعرف المكان عدل
فارس : مشاري وين المطعم اللي قلت عنه يالله يوعان ماصار ترى !!!!
مشاري : اقول استح على ويهك ما بقى شي كاهو قدام شوي
ناصر : شلون أكلهم حلو ؟
مشاري : عجيب !! الحين بندش وبتشكرني يا عزيزي
فارس : شكلي بروح له ركض ( يسوي نفسه يركض )
( فارس ) يتمتع بشخصية مرحة ما يهمه أحد أسمر طويل عيونه سود كبار وشعره أجعد خفيف خشمه دقيق عنده قفل ( سكسوكه ) طيب وايد واجتماعي عكس ناصر اللي مو اجتماعي ويشتغل في أحد البنوك بالكويت أما ( مشاري ) ابيض ضخم مليان طويل مقرع لحيه خفيفه اهو القايد ومتعود حتى بحكم شغله كونه عسكري الثلاث شباب مو متزوجين يعني سفره شباب هههه
وصلوا حق مطعم يتميز بالأكل البحري على الطريقة المغربية المكان وايد حلو يطل على البحر القعده فيه مريحه للنظر وعلى أنغام موج البحر طلب لهم مشاري أفضل أصناف الأكل اللي يتميز ويشتهر فيه هالمطعم .
مشاري بدا يتودد حق اللي كانت تاخذ الطلب منهم وعرفت أنهم خليجين ورحبت فيهم بس عينها كانت على ناصر اللي ما كان معاهم كان سرحان وتذكر وهو يشوف البحر
ناصر : شفيج تبجين !؟! نوف ردي علي !!
نوف وهي تبكي بحرقة : ناصر سامحني بليز سامحني
ناصر : شصاير !! شفيج لا تخرعيني قوليلي ؟!؟ أسامحج على شنو !!
نوف : سامحني .. جمعت نفسها وكملت تقدم لي واحد ووافقت عليه ما قدرت ارفض وقت سألني أبوي ما قدرت اقوله لا.. سامحني الله يخليك سامحني ..
ضاقت عيون ناصر وحس مو مصدق اللي سمعه أمس كان كل شي أوكي !! رد بصوت مبحوح : ليش ما قلتيلي !! ان تقدم لج واحد ؟!؟ ليش خبيتي ؟!؟!
نوف تبكي : ما كنت قادرة أقول أنا .. أنا والله .. والله أحبك أحبك ناصر .
سكر الخط كان آخر اتصال يجمع بين ناصر ونوف وكره شي اسمه حب حس أن مغفل (مقصه ) وبنظره أن البنات كلهم مثل نوف مالهم آمان اللي قدرت أنها تخون حب استمر سنتين ركب سيارته وشرار يطلع من عيونه كان مسرع و مو عارف وين يروح .. ونوف تتصل تحاول أكثر من مره وقف سيارته على البحر نزل وصفق باب السيارة بقوة عمره ما عصب ولا كره نفسه كثر هاللحظة تذكر شكل موج البحر وعيونه كلها حزن
فارس حس فيه لأن يعرفه زين : ناصر المسا بنروح حفلة ويا ويلك أن قلت لا
ناصر : لا .. روحوا انتو انا بقعد بالفندق
بدا يوصل الأكل وفارس كل ما حطوا طبق ما يخلي هالتعليقات : يا سلام .. الله .. حركات بطريقة كأن أول مرة يشوف أكل
مشاري : صج يوعان ههههههه
ناصر وفارس : هههههههههههههه
وقفت سيارتين أجرة ( تاكسي ) اللي كانوا راكبين فيها أم كريم وعايلتها وأم بسمة وعايلتها طبعا الفندق أربع نجوم حلو بسيط طلع على بسمة بسعر خيالي بحكم الخصم اللي حصلت عليه من شغلها والسعادة ماليه عليهم حطوا أغراضهم بغرفهم بالنسبة حق أم كريم وكريم بغرفة أحلام والهام بغرفة أم بسمة وزوجها بغرفة وبسمة وداليا وغادة بغرفة بس باتفاقية بينهم وبطلعت الروح بعد موافقة الملسونة الهام صارت بسمة وأحلام بغرفة والهام وداليا وغادة بغرفة .تبادلوا يعني ههههه
أحلام طلت على أمها رتبت أغراض أمها وأغراض أخوها كريم وبعدها راحت لغرفتها عشان ترتب أغراضها أما الهام فالفرحة اهي وداليا وغادة مو سايعتهم ما يبون حتى يدخلون الغرفة على طول يبون يطلعون لولا ما كريم قاعد لهم على الوحدة وقالهم : نطلع مع بعض كلنا .
نزلوا كلهم عشان يتغدون طلبت لهم بسمة بعد ما أخذت راي الكل وطلعوا بعدها يشوفون الجو تمشوا بالسوق وأم كريم وام بسمة لما قرروا يرجعون يقعدون بالفندق ويخلون عيالهم يستانسون وصت كريم على ألهام وداليا وغادة أما بسمة وأحلام كانوا مستانسين على المكان وقعدوا بأحد الكافيهات
مشاري : في هالكوفي أيس كريم طيب شرايكم !
ناصر : لا أنا ما ابي .. قاطعه فارس ..
فارس : أنا أبي أبي ناصر عطني كامرتك
ناصر : شتبي فيها !
فارس : باكلها تصدق عطني بصور شوي
مشاري دخل الكوفي يطلب لهم واهما وقفوا برا ينطرونه أخذ الكاميرا وصور البنتين اللي كانوا قاعدين خاصة اللي كانت تبتسم له .
ناصر : شتسوي يالحيوان .. جم مره اقولك عن الخبال زين
فارس : هههههههه يبه مو لك الصورة حقي انا ابيها اطالبك بهالصورة
ناصر راح مسحها وشاف البنتين بنظره احتقار واهما يأشرون له يسلمون عليه .
ناصر يتحلطم : قلة حيا .. واهو معصب عطى ظهره بيمشي اصطدم ما شاف اللي كانت حاملة الايس كريم بيدها وكانت تصرخ و اهي تنظف نفسها : عمي ما تشوف وين عيونك
>العمى ماكاتشوفش فين عينيك
ناصر فهم كلامها شوي : اذا أنا ما اشوف انتي بعد ما تشوفين
ارفعت عيونها تبي تكمل تبي تبرد قلبها على هالوقح أول ما شافته نربط لسانها ما شافت عينها مثل هالعيون اللي كانوا معصبين وحادين بنفس الوقت .
أحلام : بسمة !! شصاير وكانت تضحك على شكل بسمة اللي كلها ايس كريم
>بسمه اشنو واقع
بسمة كانت متنحة باللي مشى وخلاها مو مصدقه وقالت حق أحلام : الله ما يكمل حقير حقير بس اينن
>حتى حد مامكمول كايحمق بالزين ولكن حقير
أحلام : لا اكيد ينيتي .. شاللي سوى فيج جذي
>واقيلا حماقيتي ,,, شكون اللي دارلك هاكا
بسمة واهي تنظف نفسها قالت لها اللي صار : جميل جميل بس مو مغربي خليجي
>غزال غزال ولكن ماشي مغربي خليجي
أحلام بعصبية : سكتي الله يعافيج لو أنا كنت معاج جان وقفته عند حده قليل الأدب وانتي بعد تحرين شكو ما تكلمتي وين لسانج
>سكتي عفاك لو كان كنت معاك كون وقفتو عند حدو قليل التربيه وانتي كاتعصبي علاش ماهدرتيش فين لسانك
بسمة : ما قدرت اتكلم ليش رحتي وخليتيني
>ماقدرتش نهدر علاش فين مشيتي وخليتيني
أحلام : يعني ما أروح الحمام ! ههههههه
>يعني حتى حد مايمشي للتواليت
بسمة : جد وين لساني لو شفته مرة ثانية بسبه ببرد قلبي وابيج تسبينه معاي
>في لساني كون شفتو مره اخرى غادي نسبه ونبرد قلبي وبغيتك حتى انتي تسبيه معايا
احلام : ههههههههههههه خلاص أوكي هذا إذا شفتيه مره ثانية ههههه
>ههههههههههههههههه صافي واخا الى شتيه مره اخرى هههه
ناصر واهي يغسل ايده ويهه و يكلم فارس اللي قاعد بغرفته ويتحلطم وفارس يضحك عليه فارس : والله ما ادري انت ليش تسوي بنفسك جذي يعني ترا احنا مسافرين نستانس لا تنكد على نفسك
ناصر : ما سويت شي مستانس شفيني هذا انا شاق حلجي بتطلع الوناسة من خشمي
فارس : ههههه اليوم مت عليك من الضحك دمرت البنت ولا فكرت حتى تعتذر طيب جان قلت لي اشتريلها ايس كريم على الاقل .
ناصر : والله شسوي اذا اهي عميه ما تشوف
فارس : انت الغلطان انت اللي دشيت فيها
ناصر : اي كله منك عصبتني وخليتني اطيحها ههههههه
فارس وناصر : هههههههههههههههه
أم بسمة : شفيج !! شفيه قميصج كله ايس كريم
>مالكي,, مال حوايجك كلهم ايس كريم
بسمة : طحت قولي طيب حمد الله على السلامة
>طحت واقولي الحمدلله على سلامتك
أحلام : هههههههههههههه طاحت بس تأثير الطيحة بمخها
>ههههههههههههههه طاحت ولكن التأثير الطيحه على عقلها
بسمة اطق احلام عشان تسكت : انتي سكتي
>سكتي انتي
ام بسمة : يالله ريحوا باجر بنروح كلنا البحر اللي فرحوا أحلام وبسمة
>يلاه رتاحو غدا نمشيو كلنا للبحر
دخلت غيرت ملابسها بسمة ولبست بجاما واهي مو راضية تسكت واهي تحاول توصف حق أحلام شكل ناصر لدرجة أحلام بدون اهتمام : بروح أطل على ماما بشوفها إذا تبي شي
>غادي نمشي نطل على ماما نشوفها واش باغيا شي حاجه
أول ما دخلت أحلام على أمها احضنتها وباستها وقالت لها : مشكورة صج كنا نحتاج نغير
>شكرا بزاف كنا محتاجين نبدلو الجو
ام كريم : اهم شي انتوا تستانسون
>اهم حاجه هي تفرحوا
طق الباب فتحت أحلام : ولا الهام تتحلطم : ماما شوفي كريم ترا فشلني مع غادة وداليا مو مخلينا كل شوي يهاوشني قدامهم مابي قوليلة ترا احنا رايحين نستانس
>ماما شوفي كريم حشمني قدام غاده وداليا مامخليناش ف راحتنا كل شويه يغوت عليا قدامهم قوليله حنا جايين نبدلو الجو ونفرحو
أم كريم : من الحين تتهاوشون وينه كريم الحين
>من دابا بديتو بالصداع فين هو دابا
الهام : تحت قاعد باللوبي
>لتحت جالس ف اللوبي
أم كريم : باجر بنروح البحر كلنا وبقوله ما يضايقج
>غدا نمشيو البحر كلنا ونقوليه ما يقلقكش
الهام باست امها بقوة :اي كان من الأول .
>اه ديريها من الاول.
أول ما دخلت أحلام غرفتها عشان تنام لقت بسمة تغني مع التلفزيون أغنية في يوم وليلة لوردة قامت بسمة ومسكت احلام : تدرين شنو أتمنى أتمنى نشوفه مرة ثانية
>عرفتي كنتمنى نشوفو مره اخرى
أحلام : انتي للحين ؟
>مانسيتيش؟
بسمة : لالا جد ابي اقول اللي ما قلته اللي حرني اني ما قلت شي
>لالا والله بغيت نقوليه اللي ماقلتوش اللي عصبني بقيت ساكته
طفت الليت أحلام عشان ينامون وقالت : زين نامي نامي
>صافي نعسي نعسي
مشاري كان سهران مع اللي كانت بالمطعم اللي يتودد لها وسهرانين سهرة اخر انبساط وطلب منها في نهاية السهرة انها تروح معاه الفندق ووافقت ..
قام ناصر الصبح بعد ما اخذ شاور لبس برمودا أسود وتشيرت سماوي طلع يتمشى بعد ما حاول بفارس اللي قاله أن يبي ينام أما مشاري بعد ما كسر التيلفون عليه ما رد وأكيد ماراح يرد لآن غرقان بالنوم فقرر أن يطلع بروحه يتمشى على البحر كان الجو خيالي شمس بس فيه نسايم هوى كان الجو اكثر من رائع
أما أم كريم صحت بعد ما سمعت موبايلها يرن ولا رضى أن يسكت لما شافت الرقم ارتبكت وقالت بقلبها بكل وقاحة يدق ما كانت تبي كريم يسمع وكانت تبي توقفه عند حده فقررت أخيرا أنها ترد وتحط حد لهالموضوع .
أم كريم : نعم
معاذ : اخيرا رديتي يا أم أحلام ( ما كان يحب يناديها باسم كنيتها بولدها كريم كأن مو معترف أن عند اخوه عيال منها )
>اخيرا جاوبتي أ أم احلام
أم كريم : أنا أم أحلام وأم كريم يا معاذ قولي شنو بغيت ؟
معاذ بنبرة مستفزة : والله يا أم أحلام انتي تعرفين شنو ابي احنا لنا حق وبناخذه
>والله ام احلام انتي عارفه شنو بغيت حنا عندنا حقنا وبغينا ناخدوه
ام كريم تحاول تخفض صوتها رغم استفزاز معاذ لها بس عشان ما تصحي كريم لان ما تبي يحس بشي : مالك أي حق واللي تبي تسويه سوه هذا حق عيالي ورجاء لا عاد تتصل لان اتصالك مو مرغوب فيه .
>ماعندك حق واللي بغيت ديرو ديرو هدا حق ولادي وعفاك مابقيتيش تاصل بيا لاحقاش اتصالك مامرغوبش فيه
وسكرت الخط اللي خلى معاذ يعصب وقاطعه صوت زوجته
سلوى : سكرته صح!؟!؟ .. قلت لك استخدم الاسلوب الثاني فكرتي انا احسن
>طفات عليك ياك؟؟ ,, قلت ليك خدم الاسلوب الثاني الفكره ديالي حسن
معاذ : شكلها بتحدنا نستخدم فكرتج لانها مو سهلة مثل ما توقعت
>واقيلا غادي تخليني نخدم معاها الفكره ديالك حيت باينه فيها ماساهلاش
سلوى : صدقني بس فكرتي لو صارت بتشكرني عليها .
>تيقني الفكره ديالي الى نجحت غادي تشكرني عليها
شنو خطة سلوى ومعاذ وشنو اللي ناوين عليه ؟!



تعديل 7looma; بتاريخ 20-05-2013 الساعة 08:52 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-05-2013, 08:52 PM
db33b db33b غير متصل
©؛°¨غرامي جديد¨°؛©
 
الافتراضي رد: روايتي الاولى: رحلة عمري! ... روايه كويتيه


اندمجت

مافي تعليق اكثر من ان اسلوبج مميز
( متابع )


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 20-05-2013, 09:36 PM
صورة اهوي الرمزية
اهوي اهوي غير متصل
©؛°¨غرامي فعال ¨°؛©
 
الافتراضي رد: روايتي الاولى: رحلة عمري! ... روايه كويتيه


وآآآآآآآآآآآصلي روايتك مرره حلووه
وموفقة حبيبتي :$
بنتظآرك :$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-05-2013, 12:18 AM
صورة 7looma الرمزية
7looma 7looma غير متصل
©؛°¨غرامي جديد¨°؛©
 
الافتراضي رد: روايتي الاولى: رحلة عمري! ... روايه كويتيه


مشكورين على ردودكم حبايبي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-05-2013, 02:06 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الاولى: رحلة عمري


صباح الخير ..... ياهلا فيك بغرام ... موفقة بطرحك ... اسلوبك حلوة وبدايتك جميلة بس عندي ملاحظة انك تكتبي بلهجتين وهالشي يشتت القارئ بما انك قلتي الرواية كويتية خليك على هاللهجة افضل كشكل للرواية وتشجع احسن بدل التشتت الي يصير من كثرة السطور والبحث عن اللهجة المفهومة ..

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-05-2013, 07:34 AM
صورة سمو الأميرهہ { خفوقهہ } الرمزية
سمو الأميرهہ { خفوقهہ } سمو الأميرهہ { خفوقهہ } غير متصل
©؛°¨غرامي مشارك¨°؛©
 
11302798240 رد: روايتي الاولى: رحلة عمري


واااااااااااو روووووووعهـ

ماشاء الله تسلميييييييييين

وااااصلي حيآآآآآتي روااايتگ مررررره

جميلهـ


يالله ننتظرگ على أحر من

الجمر



روايتي الاولى: رحلة عمري

الوسوم
الاولى: , رحمة , روايتي , روايه , عمري! , كويتيه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6846 09-02-2020 10:31 PM
روايتي الاولى براءه الحب الدنيا بدوني مشكله أرشيف الروايات المغلقة - لعدم إكتمالها 2 15-01-2013 01:54 AM
روايتي الاولى : عيشتني على خدعه ماسة القلوب أرشيف الروايات المغلقة - لعدم إكتمالها 47 15-07-2012 01:18 PM
روايتي الاولى مروم العنزي أرشيف الروايات المغلقة - لعدم إكتمالها 3 16-05-2012 02:01 PM
أخذ قلبي وخلاني اسيرة احزاني روايتي الاولى ملح الح ـــياة أرشيف الروايات المغلقة - لعدم إكتمالها 37 06-11-2009 12:56 AM

الساعة الآن +3: 10:04 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1